#የፍቅር_ሰመመን
፡
፡
#ክፍል_ሰላሳ_አምስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

...ኪም ቾይ ላና ግሬይ ከዶክተር ሮበርትስ ቢሮ ስትወጣ እንዳየቻት ኮምፒውተሯ ላይ እየተየበች እንደሆነ ማስመሰል ጀመረች።

በካሊፎርኒያ ዩኒቨርሲቲ በኒሮ ሳይንስ ዲግሪዋን የያዘችው ኪም ቾይ የኒኪ ረዳት ሆና የትሬይን ቦታ ተክታ በመሥራት ላይ ትገኛለች፡፡ ኪም በጣም ጎበዝ እና ቆንጆ ናት፡፡ ለስላሳ የእስያ ቆዳ፣ ጎላ ጎላ ያሉ ዓይኖች እና ጥቁር ሀር የመሰለ ፀጉር አላት፡፡

ወግ አጥባቂ በሆነ የቻይና ቤተሰብ ውስጥ ስላደገችም የቀድሞ ታዋቂ
የቴሌቪዥን ተዋናይዋን ስታያት በጣም ነው የደነገጠችው።

“ሚሲስ ግሬይ ሌላ የቀጠሮ ጊዜ ልያዝልሽ?” ብላም ኪም ልቧ በጣም
እየመታባት ጠየቀቻት፡፡ ከዚህ በፊት ከታዋቂ ሰው ጋር በአካል ተገናኝታ
ስለማታውቅ ነበር ልቧ መምታቱ። ይኼ የትርፍ ጊዜ ስራዋ ብዙ ታዋቂ
ሰዎችን በአካል እንድታይ አድርጓታል፡፡ በዚያ ላይ ደግሞ ላይብረሪ ውስጥ
ከመንቀዋለል እዚህ መዋሏ በጣም ደስ የሚል ነገር ነው የሚፈጥርላት።

ላና ዞር ብላ ከዴስኩ ጀርባ የምትገኘውን ቀጭን ቆንጆ የእስያ ደም ያላትን ልጅም ስትመለከት ኃይለኛ ቅናት ጉሮሮዋን አነቃት፡፡ የራሷ የዶክተሯ አልበቃ ብሏት በየሳምንቱ ዶክተሯን ስታገኛት በእሷ ሕይወት እና ቁንጅና ማስቀናቷ አልበቃ አላት እና አሁን ደግሞ በጣም ቆንጆ ወጣትን ለቢሮዋ ቀጠረች።

'ይህን ነገር አውቃ ነው የምታደርገው?' ብላ ላና እያሰበች 'ለራሴ ያለኝን
ግምት ልታንኮታኩተው ትፈልጋለች ፤ ስለዚህም ይህንን የወደቀውን ለራሴ
ያለኝን ግምት ለማስተካከል ብዬ ወደ እሷ ስመላለስ እንግዲህ እሷ 300
ዶላሯን ላጥ ታደርጋለች ማለት ነው፡፡ ማን ይታመናል በዚህ ጊዜ ዶክተሯ ይህን አታደርግም አይባልም፡፡

ላናም ወደ ኪም ዴስክ ቀረበች እና ጎንበስ ብላ በተቆጣ ድምፅ “እኔ ሌላ ቀጠሮ መያዝ ብፈልግ እነግርሽ አልነበር እንዴ?” ብላ ጠየቀቻት፡፡

ኪምም በላና ምላሽ በጣም ደንግጣ ግራ ተጋባች፡፡ “ምናልባት የሐኪሟ ደምበኞች ሳይናገሩኝ ማናገር አይጠበቅብኝ ይሆን? ብላም አሰበች እኛ
“ይቅርታ ሚስስ ግሬይ እኔ ያሰብኩት...” አለቻት፡፡

ላናም በጣም ተናድዳ ወደ ዴስኩ ሄደችና ኪም ላይ አይኗን አጉረጥርጣ
“እኔ ቀጠሮ ስፈልግ እጠይቅሻለሁ። እንዲያውም ከዚህ በኋላ እዚህ አልመጣም” ብላት እየተቆናጠረች በሩን በሀይል ዘግታ ከእንግዳ መቀበያው
ክፍል ወጣች፡፡

የበሩን በሀይል መዘጋትን የሰማችው ኒኪም ከቢሮዋ ወጥታ የእንግዳ
መቀበያ ክፍሉ ውስጥ ስትገባ ረዳቷ ኪም ቾይን አይኗ እምባ አቅርሮ ተመለከተቻት፡፡

“ይቅርታ ዶክተር እኔ ላናን ሳላበሳጫት አልቀርም። ግን እኮ ቀጠሮ ልያዝልሽ ነው እንጂ ሌላ ምንም ነገር አላልኳትም፡፡”

“አይዞሽ እሷ ሁሌም እንደዚህ ናት” ብላ ኒኪ አፅናናቻት።

“ግን እኮ ሁለተኛ እዚህ አልመጣም ብላለች። ይቅርታ ሥራሽን አበላሽሁብሽ መሰለኝ” ብላ ኪም ቾይ ማልቀስ ጀመረች፡፡

“ኧረ አታልቅሺ፡፡ ታያለሽ በሚቀጥለው ሳምንት እራሷ ትመጣለች። አሁን ተረጋጊ፡ ሌላው ደግሞ ካርተር በርክሌይ እንደመጣ አስገቢው” አለቻት፡፡

ኒኪ ወደ ቢሮዋ ተመልሳ ወንበር ላይ ቁጭ ካለች በኋላ ባሏ በሕይወት
እያለ ያለማመዳትን የትንፋሽ ልምምድ ማድረግ ጀመረች።

አየር በኃይል ወደ ውስጥ ሳቢ የሚለው የባሏ ድምፅ በውስጧ ይሰማታል፡፡ ከዚያም ወረቀቶችሽን እየነጠልሽ እንደምታስቀምጪ ሁሉ
ሃሳቦችሽንም አንድ በአንድ በየተራ እየነጠልሽ አስቀምጪያቸው።

አየር በኃይል ወደ ውስጥ ሳበች እና የመጀመሪያውን ሃሳቧን ማሰብ ጀመረች ላናን ላግዛት አልቻልኩም፡፡ እሷ ሁሌም ወጣት ሴቶችን ባየች ቁጥር ንዴቷ እየጨመረ ነው የሚመጣው፡፡ ምናልባት ወደ ሌላ ቴራፒስት ልልካት ይገባል፡፡ ቴራፒስት ብቻ ሳይሆን ሳይካትሪስትም ሳያስፈልጋት አይቀርም፡፡ ግን እንዴት ልልካት እችላለሁ?'

ለሁለተኛ ጊዜ አየር በጣም ወደ ውስጥ ሳበች እና ስለእሷ ማሰብ ጀመረች፡፡ እኔ ጥሩ ቴራፒስትም ጥሩ ሚስትም አይደለሁም፡፡ ምክንያቱም ጥሩ ሚስት ብሆን ኖሮ ለባሌ አርግዤለት ልጅ እወልድለት ነበር፡፡ እሱም ሌላ ሰው ጋር ባልሄደ ነበር፡፡' ብላ አሰበች፡፡ በመቀጠልም “አሁን ስለራሴ
ሳይሆን ስለታካሚዎቼ ነው ማሰብ የሚገባኝ እያለች ሃሳቧን ልትጀምር
ስትል ቢሮዋ ግርግዳ ላይ ያለው የተረኛ ታካሚውን መምጣት የሚገልጸው
መብራት ብልጭ ድርግም ሲል ካርተር እንደመጣ አወቀች፡፡ ከወንበሯ
ተነስታም የቢሮዋን በር ከፈተች::

ኮሪደሩ ላይ ካርተር አንድ እግሩ በጀሶ ታስሮ እና በአንደኛው ወንበር መደገፊያም ላይም ሁለት ክራንቾቹን አስቀምጧል፡፡ የቢሮውን መከፈት እንዳየም በፍጥነት ሁለቱን ክራንቾቹን በግራና በቀኝ በኩል እየተደገፈ ወደ ቢሮው ውስጥ ገባ፡፡ ኒኪ በሩን ዘግታ ካርተር ወንበር ላይ ከተቀመጠ በኋላ ምን ሆነህ ነው?” ብላ አስባለት ጠየቀችው፡፡

ፊቱ ላይ ላቡ ችፍ ብሎ ጠብታዎች ግንባሩ ላይ ሠርቷል፡፡ ጥርሱም
እየተንቀጫቀጨ ነው።

“በጥይት መተውኝ ነው!” አላት እና በፍርሃት ዓይን ያያት ጀመር፡፡

“በእግዚአብሔር ስም ማን ነው የመታህ? መቼ ነው ይኼ ነገር የተከሰተው?”

“ምናልባት አላማርኳቸው ይሆናል፡፡ ግን እነዚያ ሁሌም ስነግርሽ የነበሩት የሜክሲኮ ወሮበሎች ናቸው፡፡ ከዚህ ቀደም ቤቴ ገብተው የማስፈራሪያ ነገር መኝታ ቤቴ ውስጥ አስቀምጠው ነበር፡፡”

“ይህንን ደግሞ ፖሊሶች ጋር አመልክቼ ነበር፡፡ እነርሱ ግን እኔ ፈጥሬ የተናገርኩት ይመስል አላመኑኝም” አላት፡፡

ኒኪ ይህንን ስትሰማ ደነገጠች፡፡ ምክንያቱም እሷ ቤትም የሆነ ሰው
ከመኝታ ቤቷ ውስጥ የሚገኘውን የእሷና የባሏን የሠርግ ፎቶ እንደተወሰደባት ለፖሊሶች ብትነግርም እነርሱ ግን ችላ ያሉትን ነገር አስታወሰች፡፡

“እነርሱ እንደዚህ ቢያስቡም አያገባኝም፡፡ እናታቸውን... እኔ እውነታውን በደንብ ነው የማውቀው፡፡ በጥይት የተመታሁት ባለፈው ቅዳሜ ከክለብ ስወጣ ሌሊት ላይ ነው፡፡ በግምት ከሌሊቱ 7፡30 ላይ፡፡ ምናልባትም ይከታተሉን ስለነበር ያለሁበትን ቦታ አውቀውታል፡፡ እኔ ከክለቡ ወጥቼ መኪናዬን ፓርክ ያደረገው ሰው መኪናዬን እስኪያመጣልኝ ድረስ
እየጠበቅሁት ነበር፡፡ ይኼኔም አንድ መኪና ከአጠገቤ ቆመ እና ሁለት ሰዎች
ወጡ፡፡ አንደኛው ቅልጥሜ ላይ በጥይት ከመታኝ በኋላ መኪና ውስጥ
ገብተው መሬት ላይ ጥለውኝ ሄዱ፡፡”
ካርተር የደረሰበትን ነገር በፍጥነት ተናግሮ ከጨረሰ በኋላ አሁንም
የደረሰበትን ነገር እያስታወሰ ጥርሱን ሲያንቀጫቅጭ ኒኪ ተመለከተችው፡፡

“በጥይት ሲመቱህ በአካባቢው ላይ ማንም አልነበረም?” ብላ ጠየቀችው፡፡
ካርተርም ጭንቅላቱን በአሉታ ወዝውዞ “ማንም አልነበረም ብቻዬን ነበርኩኝ፡ መኪናዬን ያቆመው ልጅም መኪናዬን ካቆመበት ቦታ ሊያመጣ ሄዶ ነበር፡፡ እሱ መኪናዬን ይዞ በመጣ ጊዜ እኔ መሬት ላይ ወድቄ ደሜን እያዘራሁ ከመሆኔም በላይ ራሴንም በመሳት ላይ ነበርኩኝ”

“መልካም” አለች ኒኪ፡፡ እንደሰው የነገራትን ነገር ማመን ይኖርባታል።
ምክንያቱም እሷን ለማሳመን ብሎ እግሩን በጀሶ እንደማያጅል ይገባታል፡፡
ምናልባት እንኳን የነገራት ነገር ውሽት ቢሆን እንኳን የራሱን ቅልጥም
በሽጉጥ መትቶ ሊሆን ይችላል፡፡ ግን ይህንን ለምን ያደርጋል? አትኩሮት
ፍለጋ ነው? ካርተር ደግሞ በዚህ መልኩ በሽታው ብሶበታል ብላ ኒኪ አታምንም፡፡ ምክንያቱም የባንክ ሥራውን በአግባቡ እየሰራ መሆኑን ታውቃለች

ስለሜክሲካኖቹ የወሮበሎች ቡድን በየጊዜው የሚያወራትን ነገር
ተጨባጭነት ባለው ምክንያት ሳያረጋግጥላት በጥይት ቅልጥሙን መቱት የሚለውን

#የፍቅር_ሰመመን
፡
፡
#ክፍል_ሰላሳ_ስድስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


“ተቀመጪ እባክሽን” አላት ወፍራሙ የግል መርማሪ ዴሪክ ዊሊያምስ
በአንድ እጁ የእንኳን ደህና መጣሽን አቀባበል፣ በሌላኛውም እጁ ደግሞ
እንድትቀመጥ እየጋበዛት፡፡ ቆዳ ወንበሩ ላይ ያሉትን ወረቀቶችም ጠርጎ አነሳላት።

“የዛሬው ውሎሽ እንዴት ነበር ዶክተር ሮበርትስ?” ብሎ ደስ በሚል ስሜት ጠየቃት። ቅድም በስልክ ካወራት በኋላ ጥሩ ስሜት ውስጥ ነው የሚገኘው።

“በእርግጥ ውሎዬ አድካሚ ነበር” ብላ ኒኪ እውነቱን ነግራው ጣቶቿን ሞዠቀች። “በእውነቱ ሁለቱን ታካሚዎቼን እንደማላድናቸው ዛሬ ላይ ለማወቅ ችያለሁ።” ብላ መለስችለት፡፡ ለምን እንደሆነ ባይገባትም ከዴሪክ ዊሊያምስ የሆነ ነገሩ የደህንነት ስሜት እንዲሰማት ያደርጋታል፡፡ ማለትም ሌሎች እሷን ለማማለል የሚፈልጉ ሰዎች ከሚያደርጉት እንክብካቤ በተለየ መልኩ ቅልል ይላታል፡፡

“ሁለት ብቻ? ዕድለኛ ሰው ነሽ ባክሽ፡፡” ብሎ ወደ ጉዳያቸው ከመግባታቸው በፊት ዴስኩን ነፃ አደረገ፡፡ “ባይገርምሽ ሁሉም ደምበኞቼ ከብዙ ጊዜ አስቀድመው ነው ነገሮች የተዘበራረቀባቸው። አንቺን ሳይጨምር
ማለቴ ነው እንግዲህ።” ብሎ ከቀለደ በኋላ ፈገግ ሲል ኒኪም ፈገግ አለች፡፡

“እሺ ያገኘኸው አዲስ ነገር ምንድነው?” ኒኪ በጉጉት ተሞልታ “ስለ ባሌ ውሽማ ቢሆን ደግሞ ደስ ይለኛል” አለችው።

“ስለ እሷ አይደለም፡፡ ይቅርታ” ብሎ ሲመልስላት በጉጉት ተሞልቶ
የነበረው የኒኪ ፊት ዳመነ፡፡

“አሁን ገና አይደለም እንዴ ምርመራውን የጀመርነው? እመኚኝ የጣውንትሽን ጉዳይ በቅርቡ እንቋጨዋለን። ዛሬ ላንቺ የምነግርሽ ነገር” ብሎ በኩራት ተሞልቶ ከተመለከታት በኋላ “በእውነት እንደ ጅማሬ በጣም ቆንጆ የሆነ ነገር ነው ብዬ አስባለሁ።” አላት፡፡

“እሺ እስቲ አስገርመኝ” አለችው ኒኪ የሚነግራትን ነገር ለማወቅ ጓጉታ፡፡

ዴሪክ ዊሊያምስ ጉሮሮውን አጥርቶ “አንቺ የሰጠሺኝን ነገሮችን በደንብ
አድርጌ ካነበብኩኝ በኋላ ጉዳዩን ከትሬይ ሬይሞንድ ለመጀመር ውሳኔ ላይ
ደረስኩኝ”

በዚሁ መሰረት ወደ ዌስትሞንት ሄዶ ምርመራውን ለመጀመር ሲል መርማሪ ፖሊስ ጆንሰንን እንዳገኘው፣ ጆንስን በዚያ ዘረኛ አመለካከቱን በሚያሳይ ሁኔታ የሬይሞንድን ቤተሰቦችም ሆነ በዙሪያቸው የሚገኙ የአደንዛዥ
ዕፅ አዘዋዋሪዎችን በጣም ተጭኖ
መረጃ እንዲነግሩት የጠየቃቸው መሆኑን እና ይሁን እንጂ ምንም ዓይነት መረጃ ሳያገኝ እንደሄደ፣ ይሄ ደግሞ ለእሱ ጥሩ ዕድልን እንዳመቻቸለት ካስረዳት በኋላ
ሲቪል መስሎ በመቅረብ መረጃዎችን እንዲሰጡት ሲጠይቃቸው ዕፅ
አዘዋዋሪዎቹ ልባቸውን ከፍተው መረጃዎቹን ወደሱ እንዳፈሰሱለት
ተረከላት፡፡ ኒኪ የዊሊያምስን ትረካ በጥሞና እያዳመጠችው ነበር፡፡ ዊሊያምስ ትረካውን አቋረጠና

“ትሬይ አደንዛዥ ዕፅ መጠቀሙን ያቆመው ባለቤትሽን አግኝቶ ከታከመ
በኋላ ነበር። ማለቴ ሁለት ዓመት አልፎታል አይደል?” ሲል ጠየቃት፡፡”

“አዎ ልክ ነህ። በዶውግ እገዛ የተነሳ ነው ዕፁን መጠቀሙን ያቆመው::”
ብላ መለሰችለት፡፡

“ልክ ብለሻል” ብሎ ዊሊያምስ በመቀጠልም “ግን ነገሮች እንደዚህ በቀላሉ የሚተው አይደሉም። መጠቀም ከማቆሙ በፊት ትሬይ በተለይ የ ሄሮይን
አደንዛዥ ዕፅን ያዘዋውር ነበር፡፡ በመጨረሻ ላይ ግን አዲስ የዲስሞርፊን
አይነት አደንዛዥ ዕፅን ማዘዋወር ጀመረ። ዕፁ በተጠቃሚዎቹ ላይ አደገኛ
አካላዊ እና አዕምሮአዊ ችግርን የሚያደርስ ነው። ተጠቃሚዎቹ ክሮክዲልዐብለው ነው የሚጠሩት” አላት፡፡

“ይህንን አደንዛዥ ዕፅ አውቀዋለሁ፡፡ የዶውግ ጓደኛ የሆነው ሀዶን ዶፎ
ወደ እነርሱ ክሊኒክ ለመታከም የሚመጡት ተጠቃሚዎች የሚወስዱት
ይህንን ዕፅ እንደሆነ እና አደንዛዥ ዕፁንም ሩሲያውያን እንደሚያመርቱት
ጭምር አጫውቶኛል።” አለችው ኒኪ፡፡
“ልክ ነሽ” አለና ኒኪ ስለ አደንዛዥ ዕፁ በማወቋ ትንሽ ተገረመ፡፡ “ትሬይ ለአንድ የሜክሲኮ አደንዛዥ ዕፅ አዘዋዋሪ ነበር ይሠራ የነበረው። የአደንዛዥ ዕፁንም ገበያ ከሩሲያኖቹ ጋር እየተፎካከረ እንዲቀጥል አድርጎላቸው ነበር።
እነዚህ አብሯቸው ይሰራ የነበሩት ሰዎች አዲስ ህይወት መጀመሪያ ስለሚባል ነገር መስማት አይፈልጉም፡፡ እንዲያውም እሱ ሥራውንዐእንዲያቋርጥ በፍፁም የሚፈልጉ ሰዎች አይደሉም::”ፀ

“ግን እኮ እሱ እነዚህን ነገሮች ትቶ አዲስ ህይወት ጀምሯል እኮ!”ብላ ኒኪ ሙግቷን ቀጠለች እና “ዶውግ ከሱስ እንዲፈወስ ካደረገው በኋላ ትሬይ በሙሉ ተለውጧል። እኔም ቢሮዬ ውስጥ ሥራ ሰጠሁት።ትሬይ በየቀኑ ሰዓቱን አክብሮ በመገኘት ሥራውን በብቃት ሲወጣም ነበር”

“ይህ ቀን ቀን አንቺ ቢሮ ውስጥ ሲሰራ የነበረው ሥራው ነው፡፡” አላት፡፡እና ዊልያምስ በመቀጠልም “ባለቤትሽ የአደንዛዥ ዕፅ ሱሰኛን ከሱሱ በደንብ
አድርጎ እንዲላቀቅ የሚያደርግ ትልቅ ባለሙያ እንደሆነ አምናለሁ፡፡ ነገር
ግን የናርኮቲክ ቢዝነሱን አስመልክቶ ብዙ የሚያውቅ አይመስለኝም፤ ሌላኛው
ትሬይን ቀጥሮ የሚያሰራው ሜክሲኳዊ የአደንዛዥ ዕፅ አዘዋዋሪ አለቃው
ስም ካርሎስ ዲ ላ ሮዛ ይባላል” አላት እና ኒኪን ቀጥ ብሎ እየተመለከተ

ስሙን ስትሰማ ፊቷ ላይ ለውጥ እንዳመጣ ለማጣራት ቢሞክርም ፊትዋ
ላይ የተለየ ነገር ማንበብ አልቻለም። ምክንያቱም ትሬይ ከጀርባ ሆኖ
አደንዛዥ ዕፅ ያዘዋውር ነበር የሚለው ሃሳብ በጣም አስደንግጧት ነበር፡፡

እና ይሄ ያልከው ሰው ነው ትሬይን የገደለው? ወይም ያስገደለው ብለህ
ታስባለህ?”

“ይህንን እንኳ በእርግጠኝነት ልመልስልሽ ያስቸግረኛል ግን ሊሆን የማይችልበት ምክንያት የለም ብዬ እገምታለሁ፡፡ በተለይ ደግሞ አንቺ እንደነገርሽኝ ከሆነ ትሬይ ይህንን ስራውን ለማቆም ሙከራ ካደረገ ሊያስገድሉት ይችላል እላለሁ፡፡ ዴላ ሮዛ ዌስት ሞንት ውስጥ በጣም ትልቅ አሳ ሊሆን ይችላል” ብሎ ዊልያምስ ገለፃውን በመቀጠልም “ነገር ግን በአለም ዙሪያ ከሚገኙ ታላላቅ አደንዛዥ እጽ አምራቾች እና አዘዋዋሪዎች አንጻር ሲታይ እሱ ትንሽዬ የጥብስ አሳ ነው፡፡”

“የ ዴ ላ ሮዛ አለቃ እጅግ በጣም አደገኛ ሰው ነው፡፡ እዚህ ላይ ነው እንግዲህ ነገሩ ገራሚ ነገር የሚታይበት፡፡” አላት፡፡
“የዚህ እጅግ በጣም አደገኛ አለቃ ስም ማን ይባላል?” ብላ ኒኪ ጠየቀች፡፡

“ዶክተር ሮበርትስ ብታምኚኝም ባታምኚኝም ይህንን ሰው በሆነ መልኩ
የምታውቂው ሰው ነው፡፡ ሉዊስ ዶሚኒኩ ሮድሪጌዝ ይባላል።” ኒኪም ግንባርዋን ቋጥራ ስሙን የት እንደምታውቀው እያሰበች ቆየች።

“አኔ ቤታማን የምትባለው የአንቺ ታካሚ የዚህ ሰው ሚስት ናት” ካላት በኋላ ዊልያሚስ ላፕቶፑን አዙሮ የጎግል ኢሜጅ ላይ ያገኘውን የአንድ መልከ መልካም ዳር ዳሩ ላይ ሽበት ጣል ጣል ያደረገበት ጥቁር ሉጫ ጸጉር እና ጠንቃቃ አይኖች ያሉትን የላቲን ተወላጅ ፎቶ አሳያት፡፡
ኒኪም ግራ እንደተጋባች “ሚስተር ዊልያምስ የተሳሳትክ ይመስለኛል
ወይንም ደግሞ እንድትሳሳት ሆነሃል የአኔ ባለቤት እኮ የሪል እስቴቶችን
ገንብቶ የሚሸጥ የቢዝነስ ሰው ነው፡፡” አለችው፡፡

“ዴሪክ ብለሽ ጥሪኝ እባክሽን” ብሎ አስታወሳት እና በመቀጠልም “ምንም
ነገር አልተሳሳትኩም ሉዊስ ሮድሪጌዝ አኔ ቤታማንን ያገባት የዛሬ ስምንት አመት ኮስታሪካ ውስጥ ቀለል ባለ ሰርግ ነው ካላመንሽኝ የምስክር ወረቀታቸውን ኮፒ ላሳይሽ እችላለሁ እኔ ይህ ጉዳይ የሳበኝ ከዚህ በፊት ከሉዊስ ሮድሪጌዝ ጋር የሚገናኝ ስራ ሰርቼ ስለነበር ነው ጉዳዩም አንዲት ሜክሲኮ ውስጥ የጠፋች ወጣት ሴትን አስመልክቶ ነው፡፡ በይፋ ባይሆንም ሁሉም ሰዎች ወጣቷ ልጅ በሰው እንደተገደለች

#የፍቅር_ሰመመን
፡
፡
#ክፍል_ሰላሳ_ሰባት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

ድርጅት የእገታ ማስለቀቂያውን የገንዘብ ክፍያ ከታጋች ቤተሰብ ተቀብለው እና ድርሻቸውን ቆርጠው ለአጋቾች እንደሚሰጡ ነው፡፡ ይሄ ደግሞ አንደኛው የቢዝነስ አካሄድ ነው፡፡ ሌላኛው ነገር ደግሞ ራሳቸው የወሮበላ ቡድኖቹ አብረዋቸው የሚሰሩ ሰዎቻቸውን ወደ አሜሪካ ከገቡ በኋላ በአደንዛዥ ዕፅ አዘዋዋሪዎች ላይ የምስክርነት ቃላቸውን ሰጥተው ጥበቃ ከሚደረግላቸው ሰዎች መዝገብ ውስጥ እንዲገቡ ታስደርግላቸዋለች፡፡ ይሄ ደግሞ የሚያሳየው እሷን የሚያግዝ የመንግስት አካል ከውስጥ እንዳላት ነው።

“ከፖሊሶች ውስጥ ማለት ነው?” ብላ ኒኪ ጠየቀች፡፡ ዊሊያምስም ትንሽ ፈገግ አለና “አትገረሚ፡፡ ኤል.ኤ.ፒ.ዲ ከባድ ልብስ ሲሰቀልበት እንደሚረግብ አሮጌ የልብስ መስቀያ ሆኗል፡፡ ሌላው ደግሞ የጠፉ ልጆችን በህገወጥ መንገድ ከሚያዘዋውሩ ሰዎች እጅ ውስጥ እንደሚገቡ ነው፤ እነዚህ በአየር
መንገዱ የተጠለፉ ህፃናት እና ወጣት ሴቶችም ለሩሲያ የወሲብ ንግድ
አስማሪ የወርበሎች ቡድን ይሸጣሉ የሚል መረጃ አለኝ፡፡ ይህንንም
ላረጋግጥልሽ አልችልም ግን ያው ውስጥ ለውስጥ የሚወራ ነገር ነው፡፡” ኒኪም አይኗን ገርጥጣ “እና ቻርሎቴ ክላንሲ...?” ዊሊያምም ራሱን በአሉታ
ነቅንቆ “አይመስለኝም፤ የወሲብ ንግድ የሚሰሩ ሰዎችን በህገ ወጥ መንገድ
በየሀገሩ የሚያዘዋውሩ ቢዝነሶች አነስተኛ ገቢ ነው ያላቸው፡፡ ቤተሰቦቻቸው
አጥብቀው የማይፈልጓቸውን ህፃናት ወንዶችና ሴቶችን ነው በዚህ ሥራ ላይ
የሚያሰማሩት፡፡ ስለዚህ አንዲት የ18 ዓመት ዕድሜ ሴትን በዚህ ቢዝነስ
ውስጥ ማሰራታቸው ይጎዳቸዋል እንጂ አይጠቅማቸውም፡፡ ብቻ በአንድም
ሆነ በሌላ መልኩ ይህ የቫላንቲና ቡድን ድርጅት ከፊት ለፊቱ የጠፉ ሰዎችን
የሚያፈላልግ መስሎ ከጀርባ ግን የሚፈልጉትን ሥራ ይሰራሉ። በቫላንቲና
ባደን የበጎ አድራጎት ድርጅት ውስጥም ሌሎች የበጎ አድራጎት ድርጅቶች
ከሚያገኙት (ከሚያስጭኑት) ገንዘብ እጅግ በጣም የላቀ ገንዘብን ያስገባል።”
አላት፡፡

ኒኪ በዝምታ ውስጥ ሆና ዊሊያምስ በወሬ ሰማሁ ያላትን ጓደኛዋ ግሬንቸን እና ገና በወጣትነቷ እህቷን ያጣችውን ቫላንቲና ባደንን ከዚህ ቡድን ጋር ማጣመር አቃታት፡፡ እርግጥ ነው ሁሉም በዙሪያዋ የሚገኙ ሰዎች በመንፈስና በምግባር ጥንካሬ እየለሰለሱ መሆናቸውን እያየች ቢሆንም ዊሊያምን ተሳስተሃል ለማለት ተቸገረች፡፡

“በማንኛውም መልኩ” ብሎ ዊልያምስ በመሀከላቸው ያለውን ዝምታ ሰበረ እና “ሚስ ባደን እዚህ ነገር ተግባር ላይ እንድትገኝ የሚያደርገው የምትገኘው ዋነኛው ስው ሉዊስ ሮድሪጌዝ ነው፡፡ ባለፉት ሁለት ዓመታት ደግሞ ትኩረቱን ከኮኬይን ላይ አንስቶ ክሮክ ላይ አድርጓል። በዚህም
የኤል.ኤን የዕፅ ገበያን ከሩሲያኖቹ ለመንጠቅ አጥብቀው እየሰሩ ይገኛሉ።
እዚህ ከተማ ውስጥ በጣም ብዙ ሰዎች አሉት። በቃ እነርሱ ልክ እንደ ወረርሽኝ ሁሉም ቦታ ላይ ይገኛሉ።” አላት፡፡

ዊልያምስ እነርሱ እንደ ወረርሽኝ ሁሉም ቦታ ላይ ይገኛሉ ብሎ የተናገረውን ነገር ስትሰማ ካርተርን አስታወሰች፡፡ ምክንያቱም ቀን ላይ ካርተር ይገድሉኛል ብሎ ስለሚፈራቸው ሜክሲካውያን ሲነግራት የገለፀላት በዚሁ መንገድ ነበር። ስለዚህ የካርተርን ሀሳብ ማመን ይኖርብኝ ይሆን?”

“ሌላ ግንኙነት። ሌላ የጭለማ ውስጥ የሸረሪት ድር”

ከዚህ የጥልፍልፎሽ ሀሳብ ውስጥ በጠራ አዕምሮ ማሰብ ፈልጋም “እሺ ሉዊስ ያደንዥ ዕፅ ቢዝነስ ውስጥ አለበት እንበል። ግን አኔ ስለዚህ ነገር
ታውቃለች?” ብላ ዊልያምስን ጠየቀችው፡፡

“ሉዊስ የአደንዛዥ ዕፅ ቢዝነስ እንደሚሰራ እርግጠኛ ነኝ፡፡ ይህቺ ሚስቱ ይሄን ሁሉ ገንዘብ ከየት እንደሚያመጣው ትወቅ አትወቅ ግን እርግጠኛ አይደለሁም። አንቺ ስለእሷ ከነገርሺኝ ነገር በመነሳት ግን እሷ ይህንን ነገር የምታውቅ አይመስለኝም:: ምክንያቱም ሮድሪጌዝ ሁለት ስብእና ያለው ሰው ነው፡፡ ቢዝነሱን ከግላዊ ኑሮው ለይቶ ማስኬድ ይችላል።”

ይህንንማ ለአኔ መንገር አለብኝ ብላ አሰበች በውስጧ፡፡ ኒኪ የእሷ ባል
ማን እንደሆነ የማወቅ መብት አላት። እያንዳንዷ ሚስት ይህ መብት ሊኖራት ይገባል። እየተዋሸች መኖር የለባትም። ብላ አሰበች፡፡

“እሺ ይህንን የእሱን ሥራ ፖሊሶች ያውቁታል ብለኸኛል? እዚህ
የኤል.ኤ. ፖሊስ እና የኤፍ.ቢ.አይ ሰዎችም ስለ ጉዳዩ ያውቃሉ?”

“በደንብ ነዋ” ብሎ ዊሊያምስ ፈገግ አለ እና ባይገርምሽ የኤሌ.ኤ.ፒ.ዲ የፀረ አደንዛዥ ዕፅ የምርመራ ቡድን ስለ ዴላ ሮዛ እና ስለ ሮድሪጌዝ ክምር ዶሴዎች ሁሉ ሳይኖራቸው ይቀራል ብለሽ ነው?”

“ይሄ ንፁህ የተባለው ክሮክ ከየት እንደሚመጣ በደንብ ያውቁታል።
ምናልባትም ሩሲያውያን ይህንን ሥራ ከሚሰሩት ሜክሲካውያን እንዲሰሩት
ፈልገውም ይሆናል ዝም የሚሉት፡፡ አልያም ደግሞ አንድ ትልቅ የፖሊስ
አለቃ ከእያንዳንዱ የአደንዛዥ ዕፁ ሽያጭ ላይ የሚቆረጥለት ነገር አለ ማለት
ነው።”
ኒክም የሰማችውን ነገር ለጥቂት ሰኮንዶች ያህል ስታመነዥክ ቆየች እና
“አንተ የምትለው ፖሊሶቹ እዚህ ድርድር ውስጥ አሉበት ነው? ማለቴ ልክ
የጠፉ ሰዎችን አፈላላጊ የበጎ አድራጎት ድርጅቱ እንደሚያደርገው ማለት
ነው?”

“አዎን እንደዚያ ነው ብዬ አምናለሁ” አላት እና ዊሊያምስ በመቀጠልም ፖሊሶቹ እናም ሌሎች የህብረተሰብ ክፍሎች እዚህ የአደንዛዥ ዕፅ ሽያጭ ላይ ይኖሩበታል፡፡ ሮድሪጌዝ ደግሞ ልክ ሜክሲኮ ውስጥ ሲያደርግ የነበረውን
ነገር እዚህም በማድረግ ላይ ይገኛል። ወንዶችን ማፍራት፣ በእጅ መሄድን
ያውቅበታል። በዚያ ላይ ደግሞ በአደንዛዥ ዕፅ ለተጎዱ የህብረተሰብ ክፍሎች እና ለድሆችም የልገሳ እጁን በስፋት በመዘርጋት ላይ ይገኛል።”

ሃሳቡን እየተናገረ እያለ ኒኪ በትኩረት ስትከታተለው ስላየ ከተጣላችኝም
ይለይለት አለና “የሜክሲኮ አደንዛዥ ዕፅ አምራቾች ከትሬይ እና ከሊዛ ፍላንገን ግድያዎች በስተጀርባ እንደሚገኝ አልጠራጠርም፡፡ ከዚህ በላይ ደግሞ
ምናልባትም በባለቤትሽም ግድያ ላይ እጃቸው ሊኖርበት ስለሚችል ለዚህም
ራስሽን አዘጋጂ” አላት፡፡

ኒኪ ይህን ስትሰማ አይኗ በራ። ምናልባት የባለቤትሽ ግድያ ውስጥ የሊዊስ እጃቸው ሊኖርበት ይችላል ማለቱን አልወደደችለትም፡፡ ምክንያቱም
ከባሏ እና ከውሽማው ግድያ ጋር በተያያዘ የእሷ ታካሚ የሆነችው ከአኔ
ባለቤት ሉዊስ ሮድሪጌዝ ጋር እንዲገናኝ አትፈልግም፡፡ ይህ እንዴት ሊሆን
ይችላል? ብላ አሰበች፡፡

“ለማንኛውም ማጠቃለያ ይህንን ይመስላል” ብሎ ባወራት ነገር የረካው
ዊሊያምስ ወደ ኋላ ወንበሩ ላይ እየተለጠጠ “በሚቀጥለው ምን ላይ አተኩሬ ሥራዬን እንድሠራ ትፈልጊያለሽ?” ብሎ ጠየቃት፡፡ ኒኪ ዝም ብላ ስታየው
ዊሊያምስ ነገሩን ማብራራት ጀመረ “በዚህ ሳምንት ትኩረቴን ትሬድ ላይ
አድርጌ ነው ምርመራዬን ላካሂድ የፈለግኩት።” አላት እና ዊሊያምስ
በመቀጠልም ከነገ ጀምሮ ሊና ፍላንገን ላይ ትኩረቴን ለማድረግ አስቤያለሁ፡፡ ማለትም ስለ በፊቱ የአደንዛዥ ዕፅ አጠቃቀሟ ምናልባትም ከሆነ ትልቅ የዕፅ አዘዋዋሪ ጋር ስላላት ግንኙነት ወይም ደግሞ ከዊሊ ቡድን ጋር ስላላት ግንኙነት ምናልባትም ደግሞ እኔ ካሰብኩት በላይ የዊሊ እና ቫለንቲና ቡድን እዚህ የአደንዛዥ ዕፅ ቢዝነስ ውስጥ ሊኖሩበት ይችሉ ይሆናል፡፡ አሊያም ደግሞ ፖሊሶች የአንቺ የቀድሞ ታካሚ ከሆነው ብራንዶን ግሮልሽ ላይ አትኩሮታቸውን አድርገው በመንቀሳቀስ ላይ እንዳሉ
በማወቅ ላይ አትኩሮቴን ማድረግ እፈልጋለሁ። ደግሞም መርማሪ ፖሊስ
ጆንሰን ይሄ ዘረኛ እጁ እዚህ ነገር ውስጥ በሙስና

#የፍቅር_ሰመመን
፡
፡
#ክፍል_ሰላሳ_ስምንት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


ኒኪ ከዊሊያምስ ቢሮ ወጥታ ጥቂት መቶ ሜትሮችን መኪናዋን ካሽከረከረች በኋላ ከኋላዋ ብልጭ ብልጭ የሚል የመኪና መብራትን የሚያሳያት መኪና እንዳለ ለማየት ቻለች፡፡ ያው የሎስ አንጀለስ መንገድ የተጨናነቀ ስለሆነ ምናልባትም የቀደመችው ሹፌር ንዴቱን ለማሳየት
በመብራት እየሰደባት እንደሆነ በመገመት ላይ እያለች ግን የፖሊስ ሳይረን
ድምጽ ስለሰማች መኪናዋን ጥግ አስይዛ ከመንገዱ ዳር በንዴት አቆመች እና
መስታወቱን ዝቅ አድርጋ “ፖሊስ ምን ያጠፋሁት ነገር አለ... እንዴ! አንተ
ነህ እንዴ?” አለችው በመስኮቱ ስር ቀና ብላ ከመኪናዋ በር አጠገብ የቆመውን መርማሪ ፖሊስ ጉድማንን ስትመለከት፡፡ የጉድማን ቆንጆ ፊትም በፈገግታ እንደ በራ “ከዴሪክ ዊሊያምስ ቢሮ ወጥተሽ መንገድ ከጀመርሽ ጀምሮ እንድታይኝ ያላደረግኩት ጥረት አልነበረም፡፡”

ኒኪም በስጨት ብላ “ስለ ዊሊያም ደግሞ እንዴት አወቅክ? ስትከታተለኝ
ነበር እንዴ?” ብላ ጠየቀች “አትበሳጪ” ብሏት ጉድማን በማስከተልም “ስራዬ
እኮ ነው፡፡ ማለቴ አንዱ የስራ እድል ነው፡፡ በዚያ ላይ ደግሞ አንቺ እራስሽን
አላማ ያደረጉ የግድያዎች ሙከራዎች የተደረጉብሽ ሰው ስለሆንሽ እንደ
አንድ መርማሪ አንቺን መከታተሌ ክፋት የለውም እላለሁ።” አላትና በሰማያዊ አይኖቹ ሰርስሮ ሲመለከታት አፈረችና “ይቅርታ” ብላ ተንተባተበች፡፡ “በመቀጠልም ልወነጅልህ ፈልጌ አይደለም፡፡ አንተ ስራህን እየሰራህ እንደሆነ አውቃለሁ፡፡ ግን በድንገት ስላገኘሁህ ተገርሜ ነው።”

“አሁን ወዴት እየሄድሽ ነው?”
“ወደ ቤት”
“እራት በልተሻል?”
የሚለው ጥያቄው ትንሽ የነፃነት ስሜት ሰጣትና እስከ አሁን አልበላሁም” ብላ መለሰችለት፡፡

“መልካም ተከተይኝ” ብሎ ጉድማን የእሷን ሀሳብ ሳይጠይቅ በመወሰን
“የሆነ የግሪኮች ምግብ ቤት ከዚህ በትንሽ ርቀት ላይ ይገኛል፡፡ የምትወጂው ይመስለኛል፡፡ በዚያ ላይ እናወራለን” ሲላት ኒኪ አብራው ለመሄድ ስታመነታ በማየቱ “ስለ አዲሱ ወዳጅሽ ስለ ሚ/ር ዊሊያምስ እናወራለን፡፡ ስለ እሱም ልታውቂያቸው የሚገቡ አንዳንድ ነገሮች አሉ፡፡” አላት፡፡

ከአስር ደቂቃ በኋላ ከግሪኮቹ ሬስቶራንት ውስጥ ከጉድማን ፊት ለፊት ዘና ብላ ተቀምጣ ራሷን አገኘችው፡፡ የጉድማን የሸሚዙ የላይኞቹ ሁለት ቁልፎች ተከፍተዋል፡፡ እጅጌውን ስለጠቀለለው ጡንቻማ እጁ ይታያል፡፡ቆዳው ለስላሳ እና ልጥፍ ያለ ነው፡፡ ፈገግ ሲል ደግሞ ነጫጭ ጥርሶቹ በግልፅ ይታያሉ፡፡ እርግጥ ነው ጉድማን ምንም አይነት እሷን የማማለል ድርጊቶችን በግልፅ ባያሳይም ባለፈው ማታ አብረው እየጠጡ በነበሩበት ሰዓት ላይ ለጥቂት ነው አብራው ከማደር የተረፈችው፡፡

“እስቲ ሀሳብሽን ሰብስቢ” አላት እና ጉድማን ውሃ እና አፒታይዘር
ለአስተናጋጁ አዝዞ ከጨረሰ በኋላም “አንዲት ሴት ላይ የራሴን ተፅዕኖ
በማድረግ ልወነጅል አልፈልግም” አላት የውስጧን ሀሳብ ያነበበ ይመስላል፡፡

ይህንን ሲላት የወሲብ ውጥረት በመሀከላቸው ተፈጠረ፡፡ ነገር ግን
ይህንን ስሜቷን ሆነ ብላ ችላ አለችው፡፡ ህይወቷ በፍቅር የተነሳ ተዘበራርቆባታል፡፡ በዚያ ላይ ደግሞ ውስጧ ያለው የፍቅር ስሜት ሦስት አራተኛው ጉልበቷ ከእኔ ቤታ ማን ጋር ይገኛል፡፡ ከዚህም በላይ ደግሞ የባሏን ሀዘን አልጨረሰችም፡፡ እናም ለወሲብ ዝግጁ አይደለችም፡፡

“እሺ ስለዴሪክ ዊሊያምስ ምንድነው ማወቅ ያሉብኝ ነገሮች?” ብላ
ጠየቀችው፡፡

“እሱ የሴራ ፅንስ ሀሳቦችን እና ሁሌም የራሱን ካርድ ይዞ የሚጫወት ሰው ከመሆኑ በተጨማሪ ማለትሽ ነው?” ጉድማን ጠየቃት፡፡
“ዊሊያምስ ጥሩ ሰው ነው ደስ ብሎኛል” አለችው ኒኪ፡፡
“ብለሽ ነው?” ብሎ ጉድ ማን በቀልድ ስሜት ውስጥ በመሆን
“ለምን?” ብሎ ጠየቃት፡፡
“እውነተኛ ሰው ነው...”
“እውነተኛ ሰው ነው ...” ብሎ ጉድማን የእሷን ቃል ደገመው እና በቃሉ
እየተደመመ “መልካም ይሄን እንግዲህ እኔ በዚህ መልኩ ነው የማስቀምጠው፡፡ የእኛ ዲፓርትመንት በሚገለፅበት መልኩ
በእርግጥ እውነተኛ ያስመስለዋል፡፡”

“ለምን ይመስልሀል ግን?” ብላ ኒኪ ጠየቀችው፡፡ ዴሪክ ስለ ኤል.ኤ.ፒ.ዲ
መጥፎ ነገሮችን ሊያወራ የቻለበትን ምክንያት ከጉድማን ለማወቅ ፈለገች::

ጉድማን አንዴ ከመጠጡ ተጎነጨና “እሱ እኛ ሙሰኞች፣ ሰነፎች እና ደደቦች እንደሆንን አድርጎ ሊነግርሽ ይችላል፡፡” አላት እና “እውነቱ ግን ሌላ ነው፡፡ የራሱ መራር መሆን ነው እንደዚህ እንዲያስብ ያደረገው:: ወጣት እያለ የፖሊስ ሀይሉን ለመቀላቀል ማመልከቻ አስገብቶ ነበር፤ ለዚያውም ለብዙ ጊዜ፡፡ ግን ሊቀጥሩት ፍቃደኛ አልነበሩም።”

“በምን ምክንያት?” ብላ ኒኪ ጠየቀችው እና “ንገሪኝ ካልከኝ እሱ ለምርመራ ሥራ የተፈጠረ ሰው ነው” አለችው፡፡

“ስለ እሱ እንኳን የማውቀው ጉዳይ የለም፡፡ ግን ምናልባት መጥፎ ባህሪ
ስላለው? በጣም ችኩል እና በስሜት የሚገፋፋ ስለሆነም ይሆናል? ብቻ
ባጠቃላይ ዴሪክ ዊሊያምስ ለቡድን ሥራ የሚሆን ሰው አይደለም፡፡ ነገሮችን
ሁሉ ከራሱ ጋር የሚያያዝ ሰው ነው፡፡ ስለሆነም ብዙውን ጊዜ ለዲፓርትመንቱ የጭቃ እሾህ ሆኖ ነው የቆየው፡፡ ባይገርምሽ የፀረ አደንዛዥ ዕፅ
ቡድን ቢሮ ውስጥ ፎቶው ቦርድ ላይ በስፒል ተሰቅሏል፡፡ምክንያቱም በጣም ብዙ ጉዳዮቻቸው ውስጥ ጣልቃ እየገባ እነርሱ መርምረው ነገሮችን እንዳይደርሱባቸው ሲያደርግ የነበረ ሰው ነው” አላት፡፡

ኒኪ ግራ ተጋብታለች:: ጉድማን ጥሩ ግልፅ ሰው መሆኑ ብታምንም
ዴሪክ ዊሊያምስ ጨለምተኛ እና የተጣመመ አመለካከት ያለው ሰው ነው
እያለ ነው የሚነግራት፡፡ ይህ ደግሞ እሷ ስለዊሊያምስ ከምታውቀው በጣም
የተለየ ነው የሆነባት፡፡

“እሱን በዚህ መልኩ መፈረጁ ምቾት ላይሰጥሽ ይችላል። ስለ እኛ ዲፓርትመንት የነገረሽ ነገሮች በሙሉ የጥላቻ እና የቂም በቀል ናቸው፡፡ ግን
አንድ ነገር ልንገርሽ እሱ ገንዘብን በተመለከተ ደምሽን ነው የሚመጥሽ፡፡
ይሄ የአንቺ ጉዳይ እንደሆነ አውቃለሁ፡፡ ግን እስኪ እስከአሁን ስንት ነው
ያስከፈለሽ?” ብሎ ጉድማን ጠየቃት፡፡

ኒኪ ለዴሪክ የከፈለችውን በግማሹ አሳንሳ ለጉድማን ብትነግረውም
በጣም ብዙ እየከፈለችው እንደሆነ ነገራት፡፡

“ይሄውልሽ ቆንጆ ጉዳዩ ያንቺ ቢሆንም ሰውዬው እስስት አይነት ነገር ስለሆነ ለእሱ የምትነግሪያቸው ነግሮች ላይ ጥንቃቂ አድርጊ፡፡” አላት እና
በኒኪ ውስጥ ትንሽም ቢሆን ዴሪክ ዊሊያምስን ለመጠራጠር የሚያስችል
የጥርጣሬ ዘርን በመዝራቱ ደስ እያለው የሚያወሩትን ርዕስ ቀየረ፡፡ “ይልቅ
አንድ ነገር ልጠይቅሽ ፈልጌ ነበር” አላት፡፡
“እሺ” አለችው፡፡

“ብራንዶ ግሮልሽ” ብሎ ስሙን ሞቅ አድርጎ ጠራና “አውቃለሁ እሱን
አክመሽ እንደማታውቂ ነግረሽናል፡፡ ግን እሱ በጣም የሄሮይን ዕፅ ተጠቃሚ
ስለሆነ ምናልባት ለህክምና የባለቤትሽ ክሊኒክ መጥቶ ሊሆን አይችልም
ብለሽ ታስቢያለሽ?”

“መጥቶ ታክሞ ሊሆን ይችላል፡፡ ምክንያቱም ዶውግ እና ዶፎ እንደርሱ
አይነት ችግር ውስጥ የሚገኙ በጣም ብዙ ሰዎችን ሲያክሙ ነበር፡፡” ብላ መለሰችለት ኒኪ።

ግን ስለ ታካሚዎቻቸው ማንነት መረጃዎችን ያስቀምጣሉ አይደል?"

የአንዳንዶቹን አዎን” ብላ ኒኪ ትንሽ አመነታች እና በመቀጠልም የእነርሱ አሠራር ከእኔ ይለያል፡፡ እዚያ ለህክምና የሚመጡ ሰዎች ቤት አልባ ሰዎች፣ ምንም አይነት የመታወቂያ ወረቀት የሌላቸው ሰዎች፣ ምንም አይነት የኑሮ ዋስትና እና ጡረታ የሌላቸው ሰዎች ናቸው፡፡ ስለዚህ አንድ ሰው ከእነዚህ አይነት ሰዎች ውስጥ ማግኘት ከገለባ ውስጥ

#የፍቅር_ሰመመን
፡
፡
#ክፍል_ሰላሳ_ዘጠኝ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


.....በመጨረሻም የሚፈልገውን ጥል እንዳሰበው አገኘው፡፡ ኬስሌ ጀምስ፡፡
ይህ ኬስሊ ጀምስ የተባለ ወጣት ዋት መንደር ውስጥ የተወለደ የወረደ
ህይወት ያለው ሴት አቃጣሪና በትርፍ ጊዜውም የአደንዛዥ ዕፅ አዘዋዋሪ
ሲሆን አውቆ የተሳሳተ መረጃ ሰጠውና የመጀመሪያውን ትልቁን የወንጀል
ምርመራ ጉዳዩን አሳጣው፡፡ ከፍርድ ቤት ከወጣ በኋላ ጄሪ በቀጥታ ጄምስን
ፍለጋ ጄምስ ወደሚገኝበት ቤት አመራ፡፡ ጄምስንም መኪናው ውስጥ አገኘው፡፡ ከመኪናው ጎትቶ አውርዶት ሰው ሁሉ እያየው እስኪበቃው ድረስ ቀጠቀጠው፡፡ ልጁ ለሶስት ሳምንት ያህል በፅኑ ህሙማን ክፍል ከቆየ በኋላ እንደምንም ብሎ ህይወቱ ተረፈ::፡ ነገር ግን ዕድሜውን በሙሉ በተሽከርካሪ
ወንበር ላይ እንደሚያሳልፍ እንዲሁም ደግሞ መሰረታዊ የሆኑ የተፈጥሮ
ግዴታዎቹን እንኳን ለመወጣት የግድ አጋዥ የሚያስፈልገው ሰው ሆነ::

ጄሪ በሰው መግደል የሙከራ ወንጀል ተከስሶ ፍርድ ቤት ቀረበ፡፡ ሁሉም
በፍርድ ቤቱ የሚገኙ ወንዶች ጄሪ በስራው ላይ እያለ ጄምስን ሊይዘው ሲል
ስለተቃወመውና እንደዚሁም ደግሞ መሳሪያ ሊመዝበት ስለነበረ ጄሪ ራሱን
ለመከላከል ሲል ያደረገው ነገር ነው ብለው መሰከሩለት፡፡ ነገር ግን የኬስሊ
ጄምስ እናት ፍርድ ቤት ቀርባ እየተንሰቀሰቀች እና እየጮኸች እህቶቹም ያኔ በፖሊስ እስኪሞት ድረስ የተደበደበው የመጨረሻ ዝቃጭ ወንድማቸውን
የወደፊቱን ብሩህ ህይወቱን እንደተነጠቀበት አድርገው አራገቡት፡፡

ሚክ ጆንስን የፍርድ ሂደቱን በየቀኑ ሲከታተል ነበር፡፡ ችሎቱን በማስኬድ ላይ የምትገኘውን ሊብራል (ነፃ አሳቢ፣ ለዘብተኛ) ጨጓራ የምትልጠው ሴት ዳኛ የጄምስ ቤተሰብ የሚናገረውን እያንዳንዱን ቃላት በውስጧ ስትይዝ እየታዘባት ነበር፡፡ በተለይ ደግሞ የጄምስ ቤተሰቦች ስለዚህ የማይረባ ልጃቸው የሌለውን የውሽት ነገሮች እያወሩ የጄሪን ጥሩ ሥም እንዲጨቀይ ስላደረጉ በንዴት ጨጓራው ይላጥ ነበር፡፡ ግን ምንም ማድረግ አይችልምና ዝም አለ፡፡ ጄሪ የግድ የዳኛውን ልብ የሚያሳዝን ታሪክ መፍጠር ያስፈልገዋል፡፡

የመጀመሪያው በሚስቱ ሞት የተነሳ ከፍተኛ ሀዘን ደርሶበት ስለነበር
የአዕምሮ አለመረጋጋት ስለደረሰበት ነው የሚል የመከላከያ ሀሳብን አቅርቦ
ጠበቃው ተከራከረለት፡፡ በመቀጠል ትንሿ ልጁን ጁሊን አቅርቦ ጁሊ እንዴት
አባቷን እንደምትወድ እና እናቷ ከሞተች ጀምሮ ቤተሰቡ በጣም እንደተጎዳ
ጭምር ተናገረች፡፡ የጄሪ የቀድሞ የትቤት እና የእግር ኳስ ክለቡ ጓደኞቹም
ለጄሪ መሰከሩለት፡፡ ምን ይሄ ብቻ የአካባቢው ፖስተርም ፍርድ ቤት ቀርቦ
ስለ ጄሪ መልካም ባህሪ እና ሃይማኖተኝነት ጭምር የምስክርነት ቃሉን
ሰጠ፡፡
ነገር ግን ይህቺ ሸርሙጣ ኒኪ ሮበርትስ የተባለችው ሴት የምስክርነት ሳጥን ውስጥ ገብታ የምስክርነት ቃሏን ስትሰጥ የጄሪ የመከራ ህይወት ተጀመረ፡፡ ዶክተር ሮበርትስ ከፍተኛ ሀዘን በሀዘንተኛው ላይ ስለሚያሳድረው የስነ ልቦና ችግር የባለሙያ ምስክር ሆና ነበር የቀረበችው፡፡ ከፍተኛ የሆነ ሀዘን ላይ ያለ ሰው ጄሪ ያደረገውን ነገር ያደርጋል? ከፍተኛ ሀዘን
ልንቆጣጠረው የማንችለውን የአመፃ ስሜትን በሰዎች ላይ ያሳድራል? ጄሪ
ከቫክ በጣም ከፍተኛ ሀዘን ውጥ ስለነበረ ሀዘኑም አዕምሮውን ኬስሊ ላይ
ጥቃት ሲሰራም በትክክለኛ አዕምሮው አልነበረም? የሚሉ የባለሙያ መልስ
የሚያስፈልጋቸው ጥያቄዎች ለዶክተር ሮበርትስ ቀርቦላት ነበር፡፡ እሷ ግን
መልሶቹን ስትመልስ

“አያደርግም፡፡”

“አያሳድርም፡፡”

“እንደዚህ የሚባል ነገር የለም፡፡”

የሚሉ መልሶችን ሰጠች

ዶክተር ሮበርትስ በሰጠችው ሙያዊ ምስክርነት ውስጥ አንድም የጄሪን
ነገር ያካተተ ሚዛናዊ አስተያየት አላከለችም፡፡ በእሷ ሙያዊ አስተያየት
ደግሞ ጄሪ ምንም አይነት የአዕምሮ ችግር እንደሌለበት አስረዳች፡፡
ጥቃቱንም ሲፈፅም በድንገት ሳይሆን አቅዶበት ነው አለች፡፡ ምናልባትም ጄሪ
ባለው የዘረኝነት እና የራስ ወዳድነት ምክንያት ጥቃቱን ሲፈፅም ከሀዘን
ይልቅ የሀይለኝነት ስሜቱን ለማንፀባረቅ ስላሰበ ነው ብላ ሁሉ ነገሩን በጄሪ
ላይ ደፈደፈችበት፡፡ ሚክ ጆንሰን ይህቺ ቀጭን ዶክተር ተብዬ ባለሙያ ስለ
ጄሪም ሆነ በሥራ ላይ ስላሉ ፖሊሶች ምን ያህል አደጋን ከእንደነዚህ ኬስሊ
ጄምስን ከመሳሰሉ ሰዎች እንደሚቀበሉ አታውቅም እና እርር እያለ የእሷን
ምስክርነት ቁጭ ብሎ ሰማት፡፡

በመጨረሻም ጄሪ ኮቫክ ከፍተኛ ወንጀለኛ ሆኖ ተገኘና ይህቺ ለዘብተኛ
ዳኛ የሃያ አምስት ዓመት የእስር ፍርድን ፈረደችበት፡፡ ለሁለት ጊዜ ያህል
ይግባኝ ቢልም በእነዚህ ሁለቱ የይግባኝ ጊዜዎችም ይህቺ የተረገመች ኒኪ
ሮበርትስ የተባለች ሴት በፍቃደኝነት እየቀረበች ከጄሪ በተቃራኒ ሆና
ምስክርነቷን ሰጠች፡፡ በቃ እንዲሁ እንደቀልድ በኒኪ ሮበርትስ የተነሳ ሚክ
ጆንስን ጓደኛው ጄሪ ኮቫክ ቀሪ ዕድሜውን በእስር ቤት እንዲያሳልፍ
አስፈረደችበት፡፡
ወደ ድሮ ጓደኛው ዞሮ ፈገግ እያለም ለራሱ እንኳ የማይሰማውን በጎነትን ጓደኛው እንዳያጣ አስቦለት ሦስተኛውን ይግባኝ እንዳመለከተለት ነገረው፡፡

“ጥሩ ነገር የምናገኝ ይመስልሃል?” ብሎ ጄሪ ጠየቀው፡፡

“ይመስለኛል” ግን የአሁኑ ይግባኛችን ጊዜ ሊወስድ ይችላል፡፡
ለሚቀጥሉት ስድስት ሳምንታትም ከፍርድ ቤት ምንም አይነት ምላሽ ላናገኝ እንችላለን” አለው ሚክ፡፡

“አታስብ እስር ቤት ውጥ ስትሆን እኮ የሚኖርህ ብቸኛ ነገር ጊዜ ብቻ
ነው። ይልቅ አንተ በመርማሪነት ስለያዝነው ጉዳይ ንገረኝ እስቲ? በጩቤ
ተወግተው ነው ሰዎቹ የተገደሉት ብለኸኝ ነበር አይደል?” ብሎ ጄሪ
ጠየቀው፡፡

“አዎን” ብሎ ጆንሰን ትንሽ ተንተባተበና “በጥሩ ሁኔታ እየሄደ ይመስለኛል፡፡ ትንሽ መፍጠን ባንችልም ወደ መቋጫው እየቀረብን ሳይሆን አይቀርም”

ዶክተር ኒኪ ሮበርትስ ከዚህ የዞምቢ ግድያ ጋር ስላላት ግንኙነት ላጄሪ
ሊነግረው አልፈለገም ወይም ደግሞ ስለ ዝርዝር ነገሩ ሊያጫውተው ፈቃደኛ
አልሆነም፡፡ ሚክ ጆንሰን ኒኪ በባሏ የመኪና አደጋ ግድያ ላይ እጂ እንዳለበት
ሙሉ በሙሉ ያምናል፡፡ ያህንን ማረጋገጥ ግን ይጠበቅበታል፡፡ ከተሳካለት
በመረጃ አስደግፎ እሷን ፍርድ ቤት ያስቀርብና በጄሪ ላይ የሰጠችው
የምስክርነት ቃል ተቀባይነት እንዳያገኝ በማድረግ ጄሪን ያስለቅቀዋል፡፡
ወይም ደግሞ እሱ ላይ መስክራ ቀሪ ዕድሜውን በእስር ቤት እንዲያሳልፍ
ያስፈረደችበት ሴት፣ ልክ እንደ እሱ እስር ቤት ቀሪ እድሜዋን እንድታሳልፍ
ሲያደርግ ያሳውቀዋል፡፡ አሁን ግን ይህንን ሀሳቡን ላጄሪ ቢነግረው ያልሆነ
ተስፋ ያድርበትና ምናልባት ጉዳዩ እንዳስበው ባይሳካለት ይጎዳል ብሎ
በማስብ ሳይነግረው ቀረ፡፡

በቀረው የጥየቃ ሰዓታቸው ሁለቱ ሰዎች ብዙ ሳያወሩ ቁጭ ብለው ቆዩ፡፡ ሚክ በሚቀጥለው ወር መጥቶ እንደሚጠይቀው እና ጁሊ ልጁንም
አብራው እንድትሄድ እንደሚጠይቃት ቃል ገብቶለት ተሰናብቶት ወጣ፡፡ ሚክ
ጆንሰን ምንም እንኳን ልጅ ባይኖረውም የጓደኛው ብቸኛ ልጁ ጁሊ ኮቫክ
በአባቷ እንደዚህ መሆን ምንኛ እንደሚጎዳት ይገባዋል፡፡ በእርግጥም በድጋሜ ኒኪ ሮበርትስ ከጄሪ የነጠቀችው ሌላኛው ነገር ደግሞ ሴት ልጁን ነው፡፡።
ጁሊ አባቷ ጄሪ ኮቫክ ላይ የሃያ አምስት ዓመት የእስር ፍርድ ሲፈረድበት የ13 ዓመት ልጅ ነበረች፡፡ በዚህ ምክንያት በመካከላቸው ሊኖር የሚገባው የአባት እና የልጅ ግንኙነት ተበጠሰና ለመራራቅ በቁ፡፡

ያቺ ሸርሙጣ ዶክተር ጄሪ ኮቫክን ሁሉ ነገሩን ነው ያሳጣችው፡፡

ጆንሰን ወደ ሎስአንጀለስ እየተመለሰ እያለ መሀል ላይ

#የፍቅር_ሰመመን
፡
፡
#ክፍል_አርባ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


...ዴሪክ ዊሊያምስ የዚህ ሳምንቱን አንጆሊኖ መፅሄት እያገላበጠ ከሆደን
ደፎ የቤቬርሊ ሂልስ የግል ክሊኒኩ እንግዳ መቀበያ ቢሮ ውስጥ ቁጭ
ብሏል፡፡ ቀና እያለም ግርግዳው ላይ ያለውን ሰዓት ይመለከታል። የእንግዳ
መቀበያው ዶክተር ሆደን ዶፎ ታካሚዎችን በጣም እንደሚያስከፍላቸው
ዊሊያምስ ግምቱን አስቀመጠ፡፡

ስለ ዶፎ ያደገረው ምርምር እንደሚያሳየው ከሆነ ሀዶን ዶፎ ብዙውን
ጊዜውን የሚያሳልፈው ድሃ እና ሱሰኛ የሆኑ ሰዎችን በማከም እንደሆነ
ነው፡፡ እርግጥ ነው የቤቨርሊ ሂልስ ቢሮው እና ፓልሳይድ ሪቬራ ውስጥ
የሚገኘው የተንደላቀቀ ቪላው እንዲሁም ደግሞ የድምፅ አልባ የፊልም
ስብስቦቹ ቢሮው ውስጥ የተለቀቀውን የክላሲካል ሙዚቃ የሚያሰማው
የስቴት ኦፍ አርት ስፒከሮቹ በሙሉ የዶክተሩን ሀብት ያሳብቃሉ፡፡

“ሚ/ር ዊሊያምስ” ብላ ጠራችው ጠይም ቆንጆ የዶፎን ፀሐፊ ወደ ቢሮው እየገባችና እጇን ዘርግታም “አሁን
ዶክተር ዶፎን ልታገኘው ትችላለህ” አለችው፡፡

ዊሊያምስ ከተቀመጠበት የጣሊያን ሌዘር ወንበር ላይ ወንበሩን እያንጫጫ ተነስቶ የዶፎን ቢሮ ከፍቶ ገባ፡፡
“ሚ/ር ዊሊያምስ ሀሎ! ምን ልርዳህ?” አለው ዶፎ ሞቅ ባለ ድምፅ፡፡
ሸሚዙን ጠቅልሎ ከተቀመጠበት ዴስክ በመነሳትም እጁን ለሰላምታ ዘረጋለት
እና ከተጨባበጡ በኋላ ቁጭ አሉ፡፡

ወዲያውኑም “ስለዶውግ ሮበርትስ ልታወራኝ ነው የፈለግከው አይደል?”

“አዎን ልክ ነህ፡፡” አለው እና ዊሊያምስ በመቀጠልም ባለቤቱ ደስ የማይል ማስፈራሪያ ስለደረሰባት ነው እኔን እንደግል መርማሪዋ የቀጠረችኝ፡፡ ምናልባት ይኼንን ማስፈራሪያ የላከላት ሰው ከሞተው ባሏ ጋር ግንኙነት ይኖረው ይሆን ብዬ ስላሰብኩኝ ነው ወደ አንተ የመጣሁት፡፡”

ኒኪን የሆነ ስው አስፈራርቷታል ነው የምትለኝ?” ብሎ ዶፎን ፊቱን አጠቆረ እና በመቀጠልም “ይህንን ነገር አልነገረችኝም፡፡ ግን ላንተ ልትነግርህ
ይገባ ነበር እንዴ? ማለቴ ያን ያህል ትቀራረባላችሁ ማለቴ እኔ " ብሎ
ሀዶን ራሱን ገደበ እና በመቀጠልም “ለፖሊሶች ጉዳዩን አሳውቃለች?” ብሎ
ጠየቀ።

ዊሊያምም እያንጓጠጠ ሳቀ እና “ፖሊሶች አውቀውታል ግን የዶ/ር
ሮበርትስ ደህንነት ለእነርሱ ቅድሚያ የሚሰጡት ነገራቸው አይደለም፡፡
ለዚያም ነው እሷ እኔን የቀጠረችኝ” አለው እና ካርዱን አውጥቶ ለሀዶን
ሰጠው እና “ለዚያና ለሌሎችም ጉዳዮች” አለው፡፡

ሀዶንም የዊሊያምስን ካርድ እያየ ቆየና “ሌላኛውስ ምክንያቶቿ?” ብሎ
ጠየቀው።

ዊሊያምስ ጉሮሮውን አጥርቶ “ዶውግ ሮበርትስ ሲሞት መኪናው ውስጥ
ከጎኑ ውሽማው ነበረች?” ብሎ ጠየቀው፡፡

“ኦ! እና” ሀዶን ኮስተር አለ፡፡

“እና ነገሩ እውነት ነው ማለት ነው?”

“አዎን እውነት ነው፡፡ እና እሱን ጉዳይ እንድትመረምርላት ነው አንተን
የቀጠረችህ?”

እሱ አንደኛው ነው፡፡ እሷ እንደነገረችኝ ከሆነ ስለ ዶውግ ውሽማ ያወቀችው የአደጋው ዕለት እንደሆነ ነው፡፡ ይህ ያስገርምሃል?”

ሀዶንም አጉረምርሞ አገጩን ከዳበሰ በኋላ “አያስገርመኝም”

“ግን አንተ ስለውሽማዋ ታውቅ ነበር?” ብሎ ዊሊያምስ ኮስተር አለ፡፡
“እና ማለቴ አንተና እሱ ጓደኛሞች እና አብራችሁ ስለምትሠሩ ስለጉዳዩ
አስቀድመህ ታውቃለህ?” አለው፡፡

“አዎን የቅርብ ጓደኛማቾች ነበርን” አለው እና የቅድሙ ሞቅ ያለው ሰላምታው ውስጥ ያለውን የመተባበር ስሜት አውጥቶ እየተናደደም “ኒኪ
ይህንን ጉዳይ ለራሷ ብላ ብትተወው ደስ ይለኝ ነበር፡፡ በእግዚአብሔር
ዶውግም ሌንካም ሞተዋል አይደል?”

“ለኒኪ ሌንካን አግኝተሃት እንደማታውቅ ነው የነገርካት አይደል?” ብሎ ዊሊያምስ እንደቀልድ ጥያቄውን አቀረበ፡፡

“አዎን ልክ ነው አግኝቻት አላውቅም” ብሎ ሀዶን መለሰ፡፡

ዊሊያምስ “ህምም ይህ ደግሞ ግራ የሚያጋባ ነገር ነው” ብሎ ትንሽ ካሰበ በኋላም ስልኩን አወጣና ለዶፎ አሳልፎ እየሰጠው “ምክንያቱም ይኼ
ፎቶ የሦስታችሁ ነው፡፡ የተነሳችሁትም የዛሬ ሁለት ዓመት በሱስ ለተጎዱ
ሰዎች ማከሚያ ክሊኒክ በተጠራው የገቢ ማሰባሰቢያ ፕሮግራም ላይ ነው።
ይመስለኛል ያንን ምሽት አታስታውሰውም” ብሎ ጠየቀው፡፡

ሀዶንም በዝምታ ቆይቶ ስልኩን ለዊሊያምስ ከመመለሱ በፊት ዶውግ
አቅፎ የያዛትን ረዥም ሴት ሲመለከት ቆየ፡፡

“አልረሳሁትም፡፡ እኔ ብዙ ፈንድ ሬይዚንጎችን አውቃለሁ፡፡ እሷ ቢጫ
ፀጉር ያላት ሴት ናት አይደለም?” ብሎ ሀዶን ጠየቀ፡፡

“አዎን ልክ ነህ፡፡ ሌላ አንድ ነገር ላስታውስህ መሰለኝ፡፡ አንተው ራስህ
ነህ እዚህ ፕሮግራም ላይ የጋበዝካት፤ የዚያን ዕለትም መሰለኝ ከእሱ ጋር
ያስተዋወቅካት” አለው፡፡

ሀዶንም ፈገግ አለ እና “ዋው የቤት ሥራህን በደንብ ነው የሠራኸው
ሚ/ር ዊሊያምስ፡፡ ኒኪ ትክክለኛ ሰው ነው ለጉዳይዋ የመረጠችው።”

ዊሊያምስ መንጋጋው አካባቢ ጡንቻው እየተወጣጠረበት የሚገኘው ሀዶን ዶፎን እያየ በውስጡ ይኼ ቀለል ያለ ሰው ይመስላል

“ግን ጓደኞቿን እና ባሏን በትክክል አስባበት የመረጠች አይመስለኝም”
አለ ዊሊያምስ የአጸፋ ፈገግታን እየሰጠው፡፡

“እንደዚያ እንኳን አይመስለኝም፡፡ ዶውግ እና ኒኪ ምርጥ የትዳር ሕይወት ነበራቸው፡፡ እኔ ደግሞ የዶውግ የቅርብ ጓደኛ ነኝ እና የእሱን ምስጢር መጠበቅ አለብኝ፡፡ በተለይ ደግሞ አሁን ላይ ሞቶ እያለ ምስጢሩን ማውጣቴ ጥሩ አይመስለኝም፡፡ በሕይወታችን
ሁላችንም ስህተቶችን እንሠራለን፡፡ ሚ/ር ዊሊያምስ ዶውግ በሚስቱ ላይ በሠራው ሥራ ምናልባት ተገቢውን ቅጣት አግኝቷል እና ለምን አትተወውም?”

“እሺ እሱስ የሥራውን አግኝቷል። አንተስ ሚ/ር ዶፎ?” ብሎ ዊልያምስ
ጠየቀው፡፡

ሀዶንም ዓይኑን አጥብቦ እያየው “ምን ለማለት ፈልገህ ነው?”
ዊልያም ወንበሩ ላይ ተለጥጦ “እኔ እንደዚህ አስባለሁ፡፡ አንተ በዶውግ
ሮበርትስ ጓደኛዬ ነው በምትለው ሰው በጣም ትቀናለህ፡፡ እሱ በሁሉም
ነገሮች ሲያሸንፍህና ሲበልጥህ ነበር፡፡ በሕክምና ፈተናዎች ከፍተኛ ውጤት
ሲያመጣ ነበር፡፡ ጥሩና የተከበረ የህክምና ኢንስቲትዩት ውስጥ ነው
ኢንተርንሺፕ ሆኖ ሲሠራ የነበረው፡፡ አሁን አንተ የምትሠራበትን የበጎ አድራጎት ክሊኒክን የጀመረው እሱ ነው፡፡ አንተ ሁሌም ከእሱ ተከታይ ነህ፡፡
አብራችሁ በነበራችሁበት ጊዜ ላይ ሁሌም እሱ በእያንዳንዱ ነገር እየቀደመህ
ነበር።” አለው፡፡

ሀዶንም በሰማው ነገር በጣም ከሳቀ በኋላ “አታስቀኝ ወንድሜ! እንዴ
ይኼ እኮ የበጎ አድራጎት ጉዳይ ነው እንጂ ውድድር አልነበረም

“በጣም ቆንጆ ሴት አገባ፡፡ አንተ ደግሞ ይህቺን ሴት ሁሌም ስትፈልጋት
የነበረች ሴት ናት፡፡ ቅድም እንዳልከኝም ትዳራቸው ጥሩ እና ለረዥም
ዓመት የቆየ ነበር፡፡ ያንተ ትዳር ግን የፈረሰው በዓመት ውስጥ ነው፡፡
አይደል?” ብሎ ዊሊያምስ ጠየቀው፡፡

“በአስራ ስምንት ወራት ውስጥ ነው” ብሎ ሀዶን ጥርሱን ነክሶም እና
የፈታት ሚስቱ ክሪስቲ” ሰው በተሰበሰበበት ቦታ ላይ እንዴት አዋርዳው
እንደማትፈልገው የነገረችውን ነገር አስታወሰ።

“ዶውግ ግን በጣም የጠላኸው ደግሞ በሴዳርስ የአደንዛዥ እፅ ማገገሚያ
ክሊኒክ ውስጥ ከፍተኛውን እና አንተ የምትፈልገውን ቦታ ስለያዘብህ ነበር።
ሁለታችሁም ለቦታው አመልክታችሁ ነበር፡፡ ሥራው ለአንተ እንደሚገባ
እርግጠኛ ነበርክ አይደል? ነገር ግን ይህ ያንተው ምርጥ እና በሰዎች ፊት
ሞገስ ያለው ጓደኛህ ሥራውን ከአንተ ነጠቀህ..”

“ሚ/ር ዊሊያምስ ቀጥል ባክህ፡፡ እኔ የልቦለድ ታሪኮችን እወዳለሁ።
እናም ይህ የከመርከው ትረካ እንዴት እንደሚያልቅ ለማወቅ

#የፍቅር_ሰመመን
፡
፡
#ክፍል_አርባ_አንድ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

...“እየተወዛገብኩኝ ነው መሰለኝ” አለች አኔ ቤታማን፡፡

አኔ ቤታማን ኒኪን እያየች እና በጭንቀት የታችኛውን ከንፈሯን እየነከሰች የኒክ ቢሮ ውስጥ ቁጭ ብላለች፡፡ ያኔ የኮንስርት አዳራሹ ልብስ መልበሻ ክፍል ውስጥ ከተጣሉ በኋላ ለመጀመሪያ ጊዜ ነው ሁለቱ የተገናኙት፡፡ ስለዚህ ነገራቸው ሳይበላሽ በሰላም ማውራት ይፈልጋሉ፡፡

“ስለባሌ ማለቴ የቀድሞ ባሌ” ብላ አስተካከለችው እና “በቃ ምንም
ዓይነት ድምዳሜ ላይ ሳትደርሺ ስለእሱ የምነግርሽን ነገር እንደትሰሚኝ
እፈልጋለሁ፡፡”

“እሺ” አለች ኒኪ የእሷን እና የአኔን ፍርሃት ለማሸነፍ ራሷን እያዘጋጀች፡፡ አኔ የቀድሞ ባሌ' ብላ ማውራቷ ትንሽ ተስፋ ሰጥቷታል።ማለትም አኔ ባሏን ልትፈታው መንገድ እንደጀመረች ስለሚያሳያት ጥሩ
ስሜትን ሰጥቷታል፡፡ የአኔን ጉዳይ እንዴት መያዝ እንዳለባት ኒኪ ውሳኔ ላይ አልደረሰችም፡፡ ዊሊያምስ ስለ አኔ ባል የነገራትን ነገር ለአኔ ትንገራት? ባሏ እሷ እንደምታስበው ዓይነት ሰው እንዳልሆነ ታስጠንቅቃት? በመሃከላቸው ያለው ቅርበትን ደግሞ ይህንን እርግጠኛ ያልሆነችበትን ነገር ነግራ ልታበላሽው አትፈልግም፡፡ ስለዚህ ኒኪ ጊዜው አሁን አይደለም ብላ ዝምታን መረጠች፡፡

“እሺ ስለ እሱ ምንድነው የምትወዛገቢው?”

አኔ በረዥሙ አየር ሳበችና “እሱ እዚህ ሎስ አንጀለስ ውስጥ ነው የሚገኘው” ይኼ ለእሷ ምን ያህል ያሰጋታል? ፖሊሶቹ እና ዴሬክ ዊሊያምስስ እዚህ እንደሚገኝ ያውቃሉ?

“ዝም በይ ብላ ለራሷ ተናገረች እና “አኔ ራሷ ትናገር እና ወደ እኔ ትምጣ አለች በውስጧ፡፡
እሉ እዚህ የመጣሁት ለቢዝነስ ነው ቢለኝም እኔ ግን አላመንኩትም።
በተቃራኒው እሱ እዚህ የመጣው አኔን አሳምኖ ወደ ቤቱ ለመመለስ
እንደሆነ ነው የሚሰማኝ፡፡”

ጠባኝ አለቻት ኒኪ የተሰማትን የድንጋጤ ስሜት ሳታሳይ እሺ የት ነው ያገኘሽው?”

እኔ እኮ ፈልጌ አይደለም ያገኘሁት” ብላ አኔ ተኮሳተረችና “ከኋላዬ ተደብቆ መጥቶ ነው ያገኘኝ ላዚያውም እዚሁ የአንቺ ቢሮ ከሚገኝበት ሕንፃ ውጪ ነው፡፡ ያኔ ወደ አንቺ ለቴራፒ እየመጣሁ እያለሁ በነበረበት ቀን ላይ ነው ያገኘኝ፡፡”

ኒኪ ይህንን ስትሰማ ኒኪ እላይዋ ላይ ያሉት ፀጉሮች በፍርሃት ተነስተው
ቆሙ። ሮድሪጌዝ እዚህ ቅርቤ ነበር? ቢሮዬ ድረስ መጥቶ ነበር? ይኼ
በእውነት ነገር ፍለጋ ይመስላል።' ብላ አሰበች፡፡

“ያኔ ቀጠሮዬን ስሰርዝ ያልነገርኩሽ...” ብላ አኔ በጭንቀት ጣቶቿን እያቆላለፈች ስታሻቸው ቆየች እና “አንቺ ለእሱ ምን ዓይነት ነገር እንዳለሽ አውቃለሁ። ይህንን ነገርሽን ደግሞ ላባብስብሽ አልፈለግኩም፡፡ በእኛ መካከል ያለውን ነገር እንዳያበላሽ እፈልጋለሁ፡፡”

ኒኪም እጇን ልካ የአኔን እጅ ያዘች እና “እንደዚህ እንድታስቢ ስላደረግኩሽ ይቅርታ፡፡ አኔ ሁሌም አብሬሽ ነኝ፤ ይህንን ደግሞ ታውቂያለሽ አይደል?”

“አውቃለሁ”

“ስለ እሱ ብዙ ነገር ማወቅ እፈልጋለሁ” አለቻት ኒኪ አኔ ግልጽ ሆና ለመናገር በጥሩ ስሜት ላይ እንዳለች ስላየች፡፡

አኔም በኒኪ ጥያቄ ተገርማ “በእውነት ስለእሱ ምን ምን መስማት ትፈልጊያለሽ?”
ኒኪም ፈገግ ብላ “ማንኛውንም ነገር፡፡ ሙሉ ስሙን እንኳን ነግረሺኝ
አታውቂም፡፡”

“ስሙ ሉዊስ ሮድሪጌዝ ይባላል” አኔ መለሰች፡፡

“ታዲያ ለምንድነው የእሱን ስም ስታገቢው ያልወሰድሽው?”

“ይህንን አስቤበት አላውቅም” አለችና ሳቀች፡፡ በመሃከላቸው ያለው
ነገርም በጥሩ ሁኔታ እየተካሄደ እንዳለ ገምታ ደስ አላት እና እኔ የመድረክ
ላይ ሥራዎቼን ስሠራ ቤታማን በሚለው ተከታይ ስሜ ስለሆነ ይህንን
መቀየር ስላልፈለግኩኝ ነው” አለቻት፡፡
“መልካም፡፡ ሥራው የሪል ስቴት ነው ብለሽኝ ነበር አይደል?”
አኔም “አዎን” አለቻት፡፡
“እሱ ብቻ ነው ሥራው?” ብላ ኒኪ ቀለል አድርጋ ጠየቀቻት፡፡
እኔ እስከማውቀው ድረስ አዎ፡፡ ለዚያም ነው እሱ ለቢዝነስ ብዬ ነው
እዚህ የመጣሁት ያለኝን ነገር ያላመንኩት፡፡ ሁሉም የሪል ስቴት ሥራው
ሜክሲኮ ሲቲ ውስጥ ነው የሚገኙት፡፡ ታዲያ እኔን ለማግኘት ካልሆነ
ለምንድነው እዚህ የሚመጣው?” አለቻት፡፡
በየዋህነትና በንዴት መልሱን የመለሰችበት መንገድን የተመለከተችው
ኒኪ በእርግጥም ዊሊያምስ እንዳለው አኔ ባሏ ሉዊስ ሮድሪጌዝ የሚሠራውን
የአደንዛዥ ዕፅ ሥራን እንደማታውቅ ተረዳች፡፡

“ለማንኛውም እዚህ የአንቺ ቢሮ ሕንፃ ስር ያገኘኝ ጊዜ በጣም ነበር የደነገጥኩት፡፡ ጉልበተኛ ሆኖብኝ ነበር፡፡ ስለዚህም በድጋሚ እንዳገኘው ድርቅ ብሎ ጠየቀኝ፡፡ ሉዊስ በጣም ጠንካራ እና የፈለገውን ነገር እስኪያገኝ ድረስ
እስከጥግ ድረስ የሚታገል ሰው እንደሆነ አውቃለሁ፡፡ በቃ የፈለገውን ነገር
እስካላገኘ ድረስ የሚያቆም ሰው አይደለም፡፡”

“እሱ አንቺን ይፈልግሻል?” አለቻት ኒኪ፡፡

አኔም ድምጽዋን ወደ ሹክሹክታ ለውጣ “አዎን ይፈልገኛል”

ኒኪም ለሃያ ሰከንዶች ያህል ዝም ብላ ቆየች እና “እሺ አንቺስ? አኔ አንቺስ ምንድነው የምትፈልጊው?” ብላ ጠየቀቻት፡፡

“እኔ ነፃ መሆን ነው የምፈልገው” አኔ እንደዚህ ፍርጥም ብላ ትናገራለች
ብላ በማትጠብቀው ድምፅ ከመለሰችላት በኋላም “ግማሹ ልቤ ሁሌም ይወድደዋል ይኼንን አልክድም፡፡ ግን የራሴን ኑሮ መኖር እፈልጋለሁ።
ጀርባዬን በጥርጣሬ ቀን ከሌሊት እየተገላመጥኩኝ ማየት አልፈልግም፡፡”

“ከእሱ ጋር ለመለያየት ዝግጁ ነሽ?” ብላ ኒኪ ፈገግ ብላ ስትጠይቃት ሰውነቷ ደስታ እየወረረው ነበር፡፡ አኔ ነፃ ሆና እንድትኖር ትፈልጋለች።

እሷም ራሷ ነፃ መሆን ትፈልጋለች፡፡ አዎን ዴሬክ ዊሊያምስ፣ ነፍሰ ገዳዩን ካገኘ በኋላ፣ ስለ ዶውግ ውሽማ ማንነት ካሳወቃት በኋላ ደግሞ እሷም ነፃ
ሆና መኖር ትጀምራለች፡፡


poc camas
“አዎን ዝግጁ ነኝ፡፡ ያንንም ነበር ልነግርሽ የፈለግኩት፡፡ ግን እኔ
እንዲሄድ አስገድጄው ሳይሆን እራሱ አምኖበት እንዲሄድ ነው፡፡ በቃ እህል
ነው የምፈልገው፡፡ ይህንን ግን ማድረግ የሚቻለው እኔና እሱ ጓደኛሞች
ውሃትን እንዳበቃ እና አብረን መኖር እንደማንችል ራሱ አውቆ እንዲተወኝ
ለመሆን ከተስማማን ብቻ ነው::”
“ገባኝ” አለች ኒኪ ይህችን ጠንካራዋን አኔን እያየች፡፡
“ይህንን ነበር ልጠይቅሽ የፈለግኩት” ብላ የኒኪን እርዳታ በሚሻ መልክ
እያየቻትም “ከእሱ ጋር ነገ ማታ በፎር ሲዝን ሆቴል የአደንዛዥ ዕፅ ሱስን
ማስቆም' በሚል ርዕስ በተዘጋጀው የበጎ አድራጎት ፕሮግራም ላይ እንድገኝ
ስትጋብዘኝ መሄድ ያለብኝ ይመስለኛል።”
ኒኪ ይህንን ነገር ከአኔ ከሰማች በኋላ ውስጧን ሀዘን ተሰማት፡፡
ምክንያቱም በየዓመቱ ከሟች ባሏ ዶውግ ጋር በዚህ ፕሮግራም ላይ ይሳተፉ
ነበር።
ር
“እና ከበፊት ባልሽ ጋር የፍቅር ቀጠሮ አለሻ?” ብላ ኒኪ ጠየቀቻት፡፡
“የፍቅር ቀጠሮማ አይደለም።”
“እና እንደሱ ካልሆነ ለምን ትሄጃለሽ?”
“በመሀከላችን ያለውን ነገር በጓደኝነት ልንቀይረው ስለፈለግኩኝ ነው።
ማለቴ ጓደኛሞች መሆናችንን ላሳየው፣ ያልተጣላንና አንዳችን ላንዳችን ቅርስ
እንደሆንን ነገር ግን በፍቅረኛነት መቀጠል እንደማንችል ላሳየው ስለፈለግኩኝ
ነው።” አለቻት፡፡
አኔ የምታወራው ነገር ሚዛን የሚደፋ ነገር ነው፡፡ ነገር ግን በኒኪ
አእምሮ ወስጥ የሆነ መጥፎ ነገር ሊፈጠር የሚችል ዓይነት ስሜት
ስለተሰማት ምቾት አልሰጣትም፡፡
“የበጎ አድራጎት ድርጅቶችን መደገፍ እኔና ሉዊስን የመንፈስ እርካታ
የሚሰጠን ነገር ነው፡፡ ባይገርምሽ እሱ ሜክሲኮ ውስጥ በአደንዛዥ ዕፅ
በሚደርሱ ጉዳቶች በጣም ይጨነቃል፡፡ ታስታውሺ ከሆነ

#የፍቅር_ሰመመን
፡
፡
#ክፍል_አርባ_ሁለት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

....ቤቨርሊ ሂል ውስጥ የሚገኘው የፎር ሲዝን ሆቴል የመሰብሰቢያ አዳራሽ
በሁለት የተከፈለ ነው፡፡ የአዳራሹ አንደኛው ጥግ ላይ ትልቅ የሚያምር
መድረክ አለው፡፡ የአዳራሹ ኮርኒስ መሀል ላይ ደግሞ በጣም ትልቅ እና
ጥልፍልፍ መብራት ተንጠልጥሏል፡፡ ከመደነሻው ወለሎች በላይ እና
የመደነሻውን ወለሎች ከበው የተዘጋጁት የእራት ጠረጴዛዎች በአበቦች እና
በተለያዩ ውድ መጠጦች አሸብርቀው ይታያሉ፡፡ መብራቱ የአዳራሹን
ወርቃማና ሰማያዊ ምንጣፍ ፏ አድርጎ ያሳያል፡፡

የዛሬው የበጎ አድራጎት ፕሮግራም ገቢን የሚያሰባስበው መሪ ቃል ደግሞ የአደንዛዥ ዕፅ ሱስን ማቆም' የሚል ነው፡፡ አዳራሹ ውስጥ በሥርዓቱ የተቀመጡት ረዣዥም እና ዓይን የሚስቡ አበባዎች ብቻ ወደ አንድ መቶ ሺ ዶላሮች ያወጣሉ፡፡ በየጠረጴዛዎቹ ላይ የሚገኙት ብርማ የሻማ መቅረዞችም ሲያበሩ ጠረጴዛው ላይ የተነጠፈውን ነጭ የጠረጴዛ ልብስ እና በሥርዓቱ ጠረጴዛው ላይ የተቀመጡትን ውብ ቅርጽ ያላቸውን
ብርጭቆዎች ውበት ልዩ አድርጎታል፡፡ አስራ ስምንት የሙዚቃ ተጫዋቾችም
መድረኩ ላይ ለስለስ ያሉ የኦርኬስትራ ሙዚቃዎችን እየተጫወቱ ውድ
ውድ የእራት ልብሶች ለብሰው ወደ አዳራሹ የሚገቡ የምሽቱን እንግዶች
ያጅባሉ።
ሁሉም አዳራሹ ውስጥ የሚገኙት ዝግጅቶች በውድ ዋጋ
መሰናዳታቸውን የሚመለከት ሰው፣ ዝግጅቱ ለድሆች እና ተስፋ ያጡ
ሱሰኞችን ለመርዳት መሆኑን ሲያስብ ይህ ሁሉ ገንዘብ በቀጥታ ለእነዚህ
ሰዎች ቢደርስ አይሻልም ነበር ወይ? የሚለውን ጥያቄ ሊጠይቅ ይችል
ይሆናል፡፡ ነገር ግን ኒኪ እነዚህ በውድ ገንዘብ አዳራሹን ማዘጋጀት ለምን
እንደሚጠቅሙ ከበፊት ልምዷ ግንዛቤን ወስዳ ስለነበር ትረዳዋለች፡፡ አዎን
“ገንዘብ ለመሰብሰብ ገንዘብ ማውጣት የሎስ አንጀለስ ከተማ ነዋሪዎች
መገለጫ እንደሆነ ስለምታውቅ በዚህ ቅሬታም ሆነ ጥያቄ ልታነሳ አትችልም፡፡ ምክንያቱም ፕሮግራሙ ላይ ለመታደም የአንድ ሰው የመግቢያ ቲኬት ከአንድ ሺ ዶላር በላይ እንደሚያወጣ፣ ጠረጴዛዎቹ ላይ ደግሞ ለመታደም ወደ ሃያ ሺ ዶላር እንደሚከፈልበት ስለምታውቅ አዳራሹ በዚህ መልኩ የመዋቡ ሚስጥር ይገባታል፡፡ በተጨማሪም በሚደረገው ጨረታም ከሰባት ዲጂት በላይ ገቢ እንደሚሰበሰብ ስለሚገባት
የፕሮግራሙ ምሽት ውጤታማ ሆኖ እንደሚጠናቀቅ አትጠራጠርም፡፡

"ኒኪ ውዴ! እንኳን ደህና መጣሽ!” ብሎ ሀዶን ዶፎ ግራ እና ቀኝ ጉንጫን ሳማት።

ሀዶን የአርማኒ ቶክሲዶ ሙሉ ልብስ እና ፈዛዛ ሰማያዊ ከራቫት አድርጎ አምሮበታል። ወደ እሱ ጠረጴዛም ክንዷን ከክንዱ አቆላልፎ እየወሰዳት
“በእውነት በመምጣትሽ ደስ ነው ያለኝ፡፡ በዚያ ላይ ደግሞ ንግግር እንዳደርግ
ስለተጋበዝኩኝ ፍርሃት ፍርሃት ብሎኛል እና ብርታት ትሰጪኛለሽ፡፡ ንግግር
የማድረጉ ነገር ደግሞ የዶውግ እንጂ የእኔ ችሎታ አይደለም” አላት፡፡

“አይዞህ ትወጣዋለህ አትጨነቅ፡፡ ደግሞም ንግግር እንድታደርግ
ስለጋበዙህ ክብር ሊሰማህ ይገባል፡፡” አለችው ኒኪ፡፡

“ልክ ብለሻል ይኼን ነገር ደግሞ ልቀበለው ግድ ነው፡፡ የአደንዛዥ ዕፅ
ሱስን ማቆም የዚህ ዓመት ትልቁ ገቢን የምናሰባስብበት ፕሮግራም ነው”
አላት ሀዶን፡፡

በእሷ ትከሻ አሻግሮ አዳራሹ ውስጥ የሚገቡትን ታዳሚዎች እየተመለከተም “እኔ እንጃ ምናልባት ዶውግ በሕይወት ቢኖር ይህንን ነገር ላይቀበለው ይችል ይሆናል። ግን እነዚህ በአዳራሹ ውስጥ የሚገኙት እንግዶቻችን በጣም ብዙ ሊረዱን የሚችሉበት ገንዘብ አላቸው፡፡ በዚያ ላይ ደግሞ ቬኒስ ላይ ለከፈትነው አዲሱ የበጎ አድራጎት ክሊኒካችን ገንዘብ
ያስፈልገናል።” አላት፡፡

ኒኪም ክንዱን ነክታ “ይህንን ልታብራራልኝ አይገባም፡፡” አለችው፡፡ ሀዶንም ከአጠገቡ ያለችውን ቀይ ከጀርባው እስከ ወገቧ ድረስ ክፍት የሆነው ረዥም የእራት ቀሚሷን፣ ጀርባዋ ላይ የተዘናፈለው ጸጉሯን እና ጆሮዋ ላይ ባደረገችው ተንጠልጣይ የአልማዝ የጆሮ ጌጥ ምክንያት የሚያበራው ፊቷን
እያየ አሁን ከሀዘኗ የተላቀቀች እና አዲስ ሕይወት ለመጀመር የተዘጋጀች
መስለኝ ብሎ በውስጡ አሰበ፡፡

እሷም ውስጡን እንዳነበበች ሁሉ “ዶውግ አሁን በህይወት የለም፡፡ስለዚህ ከዚህ በኋላ የምታደርገው ነገር ሁሉ ያንተ ውሳኔ ነው፡፡ በዚያ ላይ ደግሞ ዶውግ ፍጹም አይደለም፤ የእሱ ውሳኔዎች ሁሉ ትክክል ናቸው ማለት አይቻልም”

“እውነት ብለሻል” ብሎ “አንቺም ዶውግን መምረጥሽ ትክክል አልነበረም”
ብሎም ለእሷ ያለውን መውደድ ሊገልጽላት እያሰበ እያለ ከአዳራሹ መግቢያ ላይ የእሷ መርማሪ የሆነውን ዴሬክ ዊሊያምስ ወደ ውስጥ ሲገባ
ተመለከተው፡፡ምን ሊሠራ መጣ ደግሞ? አለ በሃሳቡ፡፡

ሀዶን መርማሪዋ ቢሮ ድረስ መጥቶ እንዳወራው ሊነግራት አስቦ ነበር።
ነገር ግን ነገሩ ከእሷ ይምጣ ብሎ ትቶታል፡፡ ምናልባትም ዊሊያምስ እሱን
እንዳገኘ ለኒኪ ከነገራት ሀዶን የሞተው ባሏን ነፍስ እረፍት እንድትሰጠው፣
ስለ ሌንካም ለማወቅ የምታደርገውን ነገር እንድትተው ሊሞግታት ወስኗል፡፡

ኒኪ የሀዶንን ዓይን ተከትላ ወደ አዳራሹ መግቢያ አይኗን ስትልክ ዴሪክ
ዊሊያምስን አየችው እና ግንባሯን ቋጠረች፡፡ ዊሊያምስ ዝግጅቱ ላይ
እንደሚገኝ አልነገራትም፡፡ ምናልባትም ደግሞ እሷ እዚህ ዝግጅት ላይ
እንደምትመጣ አያውቅም፡፡ደግሞ ሉዊስ ሮድሪጌዝን ለማየት (ለማግኘት)
አስባ ነው በመጨረሻው ሰዓት ላይ ከእንግዶች የስም ዝርዝር ውስጥ
ልትካተት የቻለችው፡፡ ምናልባት ዴሬክ ሮድሪጌዝን ለማግኘት አስባ ይሆን
እዚህ የተገኘችው? መቼስ የእሷ የቅድሚያ ፍላጎቷን ስለሌንካ ማወቅ
መሆኑን ነግራዋለች እና ይህንን እንደማይረሳው ተስፋ አላት፡፡

በኋላ ላይ ጠረጴዛችን ላይ አገኝሻለሁ” ብሏት ሀዶን እሷን ትቶ ሌሎች
አዳራሹ ውስጥ ወደተጋበዙት እና የክብር እንግዶች እያመራ ሰላምታም
ይሰጣቸው ጀመር፡፡ ኒኪ ዊሊያምስን ለማግኘት ስትንቀሳቀስ ከአዳራሹ
መጨረሻ ቦታ ላይ አኔ ከአደንዛዥ ዕፅ ሱስን ማቆም የሚለው ፕሮግራም
ከመሰረተው ሰው ጋር በጥልቀት ስታወራ ተመለከተቻት እና ወደ እሷ አመራች።

አኔ ወሬዋን እስክትጨርስ ቆማ ጠበቀቻት እና ወሬዋን ስትጨርስ ወደ አኔ ቀርባ “ሃይ ሰላም ነው” አለቻት፡፡

ሚኪ!” አኔ ትንሽ ብስጭት ብላ በጥያቄ ተመለከተቻት፡፡ አኔ አጠር ያለ ጥቁር የሀር ቀሚስ ለብሳለች፡፡ ከወትሮው በተለየ መልክ ወጣትነቷ ጎልቶ ወጥቷል፡፡ ነጭ ፊቷም ትንሽ ውጥረት ይታይበታል፡፡

“እዚህ ደግሞ ምን ትሠሪያለሽ?” ብላ አኔ ጠየቀቻት፡፡

ኒኪ የአኔን የንዴት ስሜት ስትመለከት “ባክሽ ባለቀ ሰዓት የዶውግ የሥራ ባልደረባው ዶፎን ዶፎ ጠረጴዛውን እንድጋራው ጋብዞኝ ነው:: አለቻት፡፡

“ኦ” አለችና እና አኔ ከቁጣ ስሜቷ መለስ አለች፡፡ “እና በጣም ጥሩ ነዋ!"
አለቻት፡፡

“ደህና ነሽ አንቺ ግን? የሆነ ነገር ረብሾሻል አይደል?” አኔም በረዥም
ተንፍሳ “ሉዊስ አይመጣም” ብላ ፊቷ ላይ ትንሽ የመበሳጨት ነገር እየታየባትም “የሆነ ያልጠበቀው ነገር ስለተከሰተ መምጣት አልቻለም፡፡” አለቻት፡፡

ይህንን ከአኔ የሰማችው ኒኪም ቅር አላት፡፡ ቅሬታዋን ግን ፊቷ ላይ
አላሳየቻትም፡፡ ከአኔ ባል ጋር ፊት ለፊት ቢገናኙ ምን እንደሚሰማት
እርግጠኛ ባትሆንም ባላመምጣቱ ግን የተታለለች ዓይነት ስሜት ተሰማት፡፡

“ኦው አዝናለሁ፡፡ የዛሬን ምሽት አንቺ እንዴት እንደፈለግሽው ይገባኛል፡፡”

አኔ በጭንቀት ውስጥ ሆና በእጂ ጸጉሯን እየነካካች “ኡፍ እኔ አላውቅም የእሱን አለመምጣት ከሰማሁ በኋላ የእፎይታ ስሜት ይሁን ወይንም ደግሞ የብሽቀት ስሜት

#የፍቅር_ሰመመን
፡
፡
#ክፍል_አርባ_ሶስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

....“ልክ ነህ” ጉድማን ፈገግ ካለ በኋላ እኛ በሁለት የሰዎች ግድያዎች ላይ
ምርመራችንን የምናደርግ ፖሊሶች ስለሆንን አሁንም ስራችንን በመስራት
ላይ እንገኛለን፡፡ አንተ ልትሰራው ፈልገህ አለቆቻችን ሊቀጥሩህ ያልቻሉትን
የምትቋምጥለትን ስራ የምንሰራ... ስንት ጊዜ ነበር በፖሊስነት አመልክተህ
ያልተሳካልህ? አታስታውስ አንተ ደግሞ... ምን ነበር ቃሉ?” ብሎ ጉድ ማን ጣቶቹን እያጮኸ ቆየና አዎን ድንኳን ሰባሪ ነህ እርግጠኛ ነኝ የተጋበዝክበትን ደብዳቤ ወይም ካርድ ልታሳየኝ አትችልም” አለው፡፡

ዊልያምስ ከንፈሩን ነክሶ ቢችል በቦክስ ጥርሱን ቢያረግፈው እና የሚሞጣሞጥበትን አፉን ደም በደም ቢያደርገው ደስ ባለው፡፡ ዊልያምስም
“ውጪ እንውጣ እና የማሳይህ ነገር አለኝ ልጁ” አለው፡፡

ጉድማንም ቅንድቡን በግርምት እያነሳ “እየቀለድክ ባልሆነ?” አለው፡፡
ይመስልሃል?” ብሎ ዊልያምስ በብሽቀት ከመለሰላት በኋላ “ከኒኪ ጋር ያለህ
ነገር እንዴት እየሄደልህ ነው? እስከአሁን እንዳልተኛችህ ነው የነገረችኝ ይሄ
ደግሞ ያማል አይደል? ከፍለሃት ካልሆነ በስተቀር አንተ ለመጨረሻ ጊዜ
ከሴት ጋር የተኛኸው መቼ ነበር?” ጉድ ማን እያሾፈ “እኔ እንዳንተ አይደለሁም ስለዚህ በአእምሮዬ ነው የማስበው” አለው፡፡ ዊልያምስ “እኔ ከኒኪ ጋር ወሲብ አልፈልግም፡፡ እኔ እሷን ልረዳት እየሞከርኩ ነው፡፡ለዚያም መሰለኝ እኔን አምና ለአንተ እና ለዚያ አጋስስ አጋርህ በህልምዋም ቢሆን እንኳ ልታካፍላችሁ የማትፈልገውን ሚስጥሮቿን ለኔ የምትነግረኝ” አለው፡፡ በጆንሰን አቅጣጫ በአፍንጫው እየጠቆመው በነገር ሲወጋው የጉድ ማን ፊት በንዴት ሲቀላ ተመለከተና የደስታ ስሜት ተሰማው፡፡ ጉድ ማን በቁጣ እንዳበጠ ዊልያምስን “ሳልጠፈንግህ በፊት ከዚህ ጉዳይ ውጣ!” አለና አንባረቀበት፡፡

ዊልያምስም “ለምንድን ነው የምታስረኝ?” ብሎ ጠየቀውና ለወደፊቱ
ሌሎች ከጉድ ማን ጋር የሚጠብቁት ጸቦች እንዳሉ ሲገባው የአሁኑን ጸብ
መተው እንዳለበት ራሱን አሳምኖ “ሌላ ጊዜ አገኝሃለሁ” አለው፡፡

እኔ ነኝ ቀድሜ የማገኝህ” ብሎ ጉድማን መለሰለት፡፡ ዊልያምስ ኮቱን አንስቶ እየተንጀባረረ ከአዳራሹ ወጣ፡፡ ዊልያምስ ከአዳራሽ እንደወጣም የአኔ ቤታማን ቫዮሊን የመጀመሪያው ሶሎ ሙዚቃ መሰማት ጀመረ፡፡

ወንበሯ ላይ ደገፍ ብላ የነበረችው ኒኪም አኔ ቫዬሊኗን ለስለስ አድርጋ ቁጭ ብላ እና አይኗን ጨፍና ቫዬሊን መምቻዋን ወደ ኋላ እና ወደ ፊት መጫወት ስትጀምር አዳራሹ ጸጥ አለ፡፡ አኔ መድረኩ ላይ አንድ ወንበር ላይ እየሰበቀች መጫወቷን ቀጠለች፡፡ ሙዚቃው የታላቁ እንግሊዛዊ ሙዚቃ አዘጋጁ የቫውጋን ዊልያምስ ሲሆን ይህንን ሙዚቃ ደግሞ ባለቤትዋ ዶውግ በጣም የሚወደው ሙዚቃ ነበር፡፡ ይህንን ሙዚቃ ለቁጥር ለሚያታክት
ጊዜያት ያህል እሁድ እሁድ የቁርሳቸውን ፓን ኬክ እየሰሩ በመኪና ረጅም
ጉዞን ሲጓዙ እና የጫጉላ ጊዜያቸውን ከአልጋቸው ሳይወጡ ፍቅር እየሰሩ
በሚያሳልፉባቸው ጊዜያቶች ሁሉ አብረው ያዳምጡት ነበር፡፡

በድንገት የናፍቆት እና የሃዘን ስሜት የሞላው ሰውነቷን ወረራት::በሚያሳፍር ሁኔታም ድምጽ አውጥታ
እየተንቀሳቀሰችና እየተርገፈገፈች ጠረጴዛው ላይ ክንዷን ዘርግታ ጭንቅላቷን አንተራሰችበት::

“ሰላም አይደለሽም ውዴ?” ብሎ አጠገቧ የሚገኘው ኒሮሳይንቲስት
የሚንቀጠቀጠው እጁን ትከሻዋ ላይ አኑሮ “ ውጪ ወጥተሽ ትንሽ አየር
ትወስጂ?” አላት፡፡

ኒኪም ራሷን በአሉታ በመነቅነቅ ምንም እንደማትፈልግና ጉዳይዋ በእምባ የተሸፈነ እንደሆነ አሳወቀችው፡፡ በቅርብ ወራቶች ውስጥ በዙሪያዋ ባሉ ሰዎች ላይ በደረሱት አሰቃቂ ነገሮች የተነሳ የዶውግን ሃዘን ዘንግታው ነበር፡፡ አሁን ግን ዕድሜ ለአኔ ምርጥ የቫዩሊን ሙዚቃ! ውስጧ ታምቆ የነበረው የሃዘን ስሜት ቁልፍ ተከፈተ፡፡ አሁን ወደ ኋላ መመለስ የለም፡፡ እየተንዠቀዠቀ የሚፈስሰው እምባዋን ማቆም አትችልም፡፡ የሚርገፈገፍ ትከሻዋንና መላው ሰውነቷን በስልቱ እያስኬደች ለሁለት የሚሰነጥቃትን ሃዘን እና መከፋትን እንዲሁ እንደ ቀልድ ማቆም አትችልም፡፡

“ፕሮፌሰር ጀምሰን አትቸገር” የሚለው የሀዶን ዶፎ ጥልቀትና ስሜታዊ
ድምፅ በጆሮዋ ያንቃጭልባታል “እኔ እረጋጋለሁ” ሲል ይሰማታል፡፡

ኒኪ የሀዶንን እርዳታም ቢሆን አትፈልግም ነበር፤ ነገር ግን እምቢታዋን
እንደ ፕሮፌሰሩ ሳይቀበል ቀርቶ ክንዷን ይዞ አነሳትና እያለቀሰች ለእሳት
አደጋ መውጫ በተዘጋጀው በር በኩል ይዟት ከአዳራሹ ወጣ፡፡ ከአዳራሹ
ጀርባ በሚገኝ መናፈሻ ውስጥም ይዟት ገባ፡፡ እናም በትንሹ ከሚንፎለፎል
ፏፏቴ አጠገብ ከሚገኝ ድንጋይ ላይ ቁጭ ብላ የአይኗ ሜክአፕ እስከሚበላሽ
ድረስ አምርራ ታለቅስ ጀመር፡፡ ሳጓ እና የትከሻዋ መርገፍገፍ እየቀነሰ መጣ
እና በመጨረሻ ላይ “እፎይ” ብላ ፀጥ አለች፡፡

“ምን ሆነሽ ነው?” ብሎ ሀዶን አጠገቧ እየተቀመጠ ጠየቃት። ፀጉሯን
ከፊቷ ላይ አንስቶ ከኪሱ የራሱን መሃረብ አውጥቶ አቀበላት፡፡
እኔ እንጃ ብላ ኒኪ መሃረቡን ተቀብላ ፊቷንና አፍንጫዋን ካፀዳች በኋላ
“ሙዚቃው መሰለኝ በቃ ስለ ዶውግ እንዳስብ አደረገኝ፡፡ በጣም ከፋኝ ሀዶን

ዶውግ እኮ ላይመለስ ነው የሄደው፡፡ ይህንን ደግሞ ልቋቋመው አልቻልኩም”
አለችው::

ሀዶንም በክንዱ እቅፍ አደረጋት እና ወደ ራሱ እያስጠጋት “ምስኪን የኔ ቆንጆ” አላት፡፡

በጣም የደከማት ኒኪም ደረቱ ላይ ልጥፍ አለች፡፡ ታላቅ ወንድም ባይኖራትም ሀዶንን የምታየው እንደዚያ ነው፡፡

ሀዶንም በጆሮዋ “አንቺ እኮ ለእሱ አትገቢውም ኒኪ፡፡ በእውነት እሱ
ላንቺ የሚገባ ሰው አልነበረም” ብሎ ማንሾካሾክ ጀመረ፡፡ ድምፁ ምቾት
የሚሰጥ ስለነበረ እና ጭንቅላቷም ይዞርባት ስለነበረ የተናገረውን ነገር
በደንብ አልተረዳችውም፡፡

ነገር ግን ቀሚሷን ወደ ላይ ሰብስቦ እጁን ከጭኖቿ መሀል ለመክተት በሚያቃጥሉት ስግብግብ ጣቶቹ ወደ ላይ መሰርሰር ሲጀምር ባነነች፡፡

“ሀዶን” ብላ ልትገፋው ብትሞክርም ጥብቅ አድርጎ ስለያዛት አልቻለችም፡፡ “ምን እያደረግክ ነው አንተ?” “ከአመታት በፊት ማድረግ የሚገባኝን ነገር ነዋ” ብሎ እያጉረመረመ በስሜት ባበደ ድምፅም እያቃተተ አትታገይኝ ኒኪ ይህን ነገር ትፈልጊዋለሽ፡፡ ሁለታችንም እንፈልገዋለን፡፡ከበፊት ጀምሮ በጣም ነበር የማፈቅርሽ...”

“ሀዶን አይሆንም ተው” ብላ በድንጋጤ በረዶ ሆነችበት። ሀዶንም ወደ ፊት ቀርቦ ከንፈሯን በከንፈሩ ግጥም አድርጎ እየተስገበገበ ይስማት ጀመር፡፡”
“አይሆንም” ብላ እየታገለችውም እንዳለ “እዚህ ችግር አለ!” የሚለው
የመርማሪ ፖሊስ ጉድማን ድምፅ ጨለማውን ሲስነጥቀው ሀዶን ዶፎ ዘልሎ ከላይዋ ላይ ተነሳ፡፡ ኒኪም ቀና ብላ ጉድማንን በእፎይታ ስሜት
ተመለከተችው:: ያኔ ከጥቁሩ ላንድክሩዘር መኪና ያዳናትን የቀዩ ስፖርት መኪና አሽክርካሪን ስታገኝ የተሰማት አይነት የእፎይታ ስሜት ነበር አሁንም
የተሰማት፡፡

“ሁሉም ነገር ሰላም ነው” ብላ ኒኪ ፀጉሯን እና ቀሚሷን እያስተካከለች
ተነሳች፡፡ በሀዶን ድንገተኛ ድርጊት ከተሰማት ድንጋጤ ውስጥ ሳትወጣም
ሀዶንን አየችው፡፡ እኔ እንደምፈልገው ያምናል ማለት ነው? እንደዚያ ነው
ኣይደል ያለኝ? ይህንን ነገር ትፈልጊዋለሽ ሁለታችንም እንፈልገዋለን ነው አይደል፡፡ እንዴ ሀሳቡ እራሱ ይዘገንናል እኮ! ሀዶን የዶውግ የልብ ጓደኛ የነበረ ሰው ነው እኮ ነው ኦ!' እያለች በውስጧ አሰበች፡፡
በሌላ መልኩ ደግሞ ሀዶን ኒኪን የእውነት ይወዳት ከነበረ በዶውግ የተካደ እና የተታለለ ስለ

#የፍቅር_ሰመመን
፡
፡
#ክፍል_አርባ_አራት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

....ኬቨን ቮስ በሴዳይ ሳናይ ሆስፒታል ውስጥ በሚገኘው የሆስፒታሉ ካፌ
ውስጥ ቁጭ ብሎ የፕላስቲክ ጠረጴዛውን በጣቱ እየቆረቆረ ነው::

የግል መርማሪው ደውሎ ቀጠሮ ያስያዘው ከጠዋቱ 12 ሰዓት ላይ ነው::
አሁን 12:10 ይላል፡፡ 12:11 ሲል ደግሞ ኬቨን ቀጠሮው የውሸት መሰለው::
ምክንያቱም የሆነ ሰው ስለ ዶክተር ዶውግ ሮበርትስ እና ስለ ውሽማው
የምታውቀውን ነገር ከነገርከኝ በመቶዎች የሚቆጠሩ ዶላሮችን እሰጥሃለሁ
ብሎት ነው እዚህ የቀጠረው። እርግጥ ነው ኬቨን ስለ እነርሱ ብዙ የሚናገረው ነገር የለም። አብዛኞቹ ነገሮች ወንድ እና ሴት ነርሶች ሲያወሯቸው የነበሩ የሐሜት ወሬዎች ናቸው። ኬቨን ቮስ ዕዳ ስላለበት
ክሬዲት ካርዱ እና ሌሎች ነገሮችም ሁሉ ባዶ ስለሆኑበትና የግድ ብሩ
ስለሚያስፈልገው ነበር ሰውዬውን ለማግኘት የተስማማው። በዚያ ላይ ደግሞ የወንድ ጓደኛው ኢንዞ በነርስነቱ ከሚከፈለው በላይ በጣም ብዙ ብሩን ግጦትባዶና ስላደረገው ነበር።

“ኤቨን?” አለው አንድ ወፍራም ሰው ወደ ካፍቴሪያው ተንደርድሮ እየገባ እና ኬቨን ወደ ተቀመጠበት ቦታ እየመጣ፡፡ አጠገቡ ደርሶም ላባማ እጆቹን ለሰላምታ እየዘረጋ ራሱን አስተዋወቀው:: ደግነቱ ቦታው ጭር ያለ ስለሆነ ኬቨን ደስ አለው::

ነርሱ ዙሪያውን ከቃኘ በኋላ እጁን ጨብጦ እንዲቀመጥ በአይኑ ጋበዘው።

“እዚህ ካፌ ምንድነው ጥሩ ምግባቸው?” ዊሊያም ከጠየቀ በኋላ “ማታ ቆይቼ ነበር እና ጥሩ ቁርስ እፈልጋለሁ::”
ኬቨን የዊሊያምስን ከብብቱ ሥር ያለውን ሸሚዝ ቅፍፍ እያለው አይን አይኑን እየተመለከተ “ብቻዬን ልታገኘኝ ነበር የፈለግከው።” አለው በሹክሹክታ፡፡

“አዎን ደግሞም እኮ እዚህ ማንም የለም::” ብሎ ዊሊያምስ ገለፈጠ እና
ሁለት የብሉ ቤሪ ዳቦ እና አንድ ትልቅ ላቴ አዝዞ ወደ ኬቨን በመመለስ
"እዚህ ስለ እኛ ደንታ ያለው ሰው የለም እመነኝ፡፡ ደግሞም እኮ እያወራን
ያለነው ስለ ድሮ ጓደኛዬ ስለሆነ ህገወጥ የሆነ ነገር አይደለም::”

እሺ” ብሎ ነርሱ የግዱን ፈገግ አለ እና ይሄ ዊሊያምስ የእውነት የዶ/ር
ሮበርትስ ጓደኛ ይሆን? ብሎ አሰበ።
ለማንኛውም ገንዘቡ የግድ ስለሚያስፈልገው የግድ ያወራዋል።

“ያን ያህል በጣም የቅርብ ጓደኛማቾች አይደለንም” ብሎ የመጣለትን ቁርስ አንድ ጊዜ አብዝቶ ጎርሶም የሆነ ጊዜ ላይ አብረን እንሰራ ነበር።እወደውም ነበር። ብዙ ሰዎች ይወዱታል” አለው፡፡

“እሺ ማን ነበር የማይወደው የነበረው?” ብሎ ዊሊያምስ ቡናውን በረዥሙ ድምፅ እያሰማ ፉት አለው።

“ምን ማለትህ ነው አልገባኝም?”
“ብዙ ሰዎች ይወዱት ነበር ብለኸኛል። ብዙ ማለት ደግሞ ሁሉም ማለት አይደለም። ስለዚህ እሱን የማይወድ ሰው ነበር?”

ኬቨን ፊቱን አጥቁሮ “በቃ ፀባዩ ተቀየረ ከሆነች ሴት ጋር ግንኙነትም ጀመረ። ሩሲያዊ ናት:: ከዚያ በኋላ ሁሉ ነገሩ ተቀየረ”

“ተቀየረ ስትል?” ብሎ ዊሊያምስ ጠየቀው ምግቡ ላይ አቀርቅሮ፡፡

የሩሲያኖች ሥም ነው ያላት። ሥሟ አሁን ተረሳኝ። ሞስኮ ነበር ትኖር የነበረው። ግን ሁሉ ነገሯ አሜሪካዊ ነበር ይመስል የነበረው:: ስታወራ ደግሞ እንግሊዝኛ ዘዬዋ የአሜሪካውያን ነበር፡፡ ብቻ ዶክተር ሮበርትስ በእሷ መተት የተሰራበት ይመስል ነበር። ደግሞ እኮ ያን ያህል
ቆንጆ አልነበረችም:: የሆነች የአለምን ሸክም የተሸከመች ነበር የምትመስለው።
እንዲያውም በወጣትነቷ የሚጠብሳት ወንድ ሁሉ ያለ አይመስለኝም፡፡ በጣም
ረዥም ናት” ብሎ በማስከተልም “ከዚያ በዘለለ ግን ከሚስቱ ጋር ስትነፃፀር
እዚህ ግቢ የሚባል የሴት ውበት ያላት አልነበረችም” አለው፡፡

ዊሊያምም በኬቨን ሀሳብ መስማማቱን ራሱን ነቀነቀ፤ በተለይ ደግሞ ደብዛዛ የሌንካ ጎርዴቪችን ፎቶዎች ሲመለከት ሌንካ ከኒኪ በዕድሜ ማነሷ
ብቻ ይበልጥ ወጣት እንድትመስል ያደርጋታል፡፡ ከዚያ በተረፈ
የፈለገቻቸውን ውድ ውድ ልብሶችን
ምንም እንኳን ብትለብስም
የማያምርባት ሴት እንደሆነች ለመረዳት ችሏል።
።
ዊሊያምስ ስለ እሷ የኋላ ህይወት ለማወቅ ያልቆፈረው ድንጋይ
ባይኖርም እንዳሰበው ስለ እሷ ማወቅ አልቻለም። ይሄው ከአከራይዋ ጀምሮ
እሷን አስመልክቶ ጥያቄን ቢጠይቅም ስለ ቤተሰቧ ስለ ስራዋ፣ ስለ ስራ
ቅጥሯ ወይንም ደግሞ ስለ ትምህርት ደረጃዋ አንድም አይነት መረጃና
ለማግኘት አልቻለም፡፡

ሀዶን ዶፎ ኒው ዮርክ ውስጥ በሚገኝ የአደንዛዥ ዕፅ አስወጋጅ የግብረ
ሰናይ ድርጅት ውስጥ ነው የምትሰራው ቢለውም እዚያ ቦታ ላይ ይሰሩ
የነበሩ ሰዎችን ባወራቸው ጊዜ ስለ እሷ አንድም ነገር እንደማያውቁ
ነግረውት ነበር። ብቻ ሴትየዋ የሆነች መንፈስ ናት እንዴ? ብሎ እስከማሰብ
ደርሷል።

“አግኝተሃት ታውቅ ነበር?” “ለተወሰኑ ጊዜያት ያህል አዎ፡፡” ነርሱም ራሱን በአዎንታ ወዝውዞ “ብዙ ጊዜ ወደ ሆስፒታል ትመጣ ነበር፡፡ እዚህ
ካፌ ውስጥም ነበር ብዙውን ጊዜ ምሳቸውን ይበሉ የነበሩት። ይሄ ደግሞ
ያልተለመደ ነገር ነው:: ምክንያቱም የፍቅር ግንኙነታቸው በይፋ ነበር፡፡
ለሆስፒታሉ ሠራተኛ በሙሉ ነበር በግልፅ ያሳዩ የነበረው።” ይሄ ደግሞ
ብዙውን ጊዜ ዶክተር ዶፎ እና ዶክተር ሮበርትስ ያጣላቸው ነበር። “አዎን
በእሷ በሌንካ ምክንያት እንደሚጨቃጨቁ እርግጠኛ ነኝ። አሁን ሥሟ መጣልኝ ሌንካ ነው ሥሟ” አለው ኬቨን ስሟን በማግኘቱ ደስ እያለው፡፡

“ዶውግ ሮበርትስ እና ሌንካ እንዴት ነበር የተገናኙት?”

ኬቨን ለጥቂት ጊዜ ሲያስበው ቆየና “ኒውዮርክ ላይ ይመስለኛል። የሆነ
የበጎ አድራጎት የገቢ ማሰባሰቢያ ፕሮግራም ላይ። ዶክተር ሮበርትስ የሆነ
በነፃ አገልግሎት የሚስጥ ክሊኒክ...” ብሎ

“እሱን አውቃለሁ” አለው እና ካቋረጠው በኋላ “ስራዋ ምን እንደነበር
ታውቅ ነበር?”

“እሱን አላውቅም” ብሎ ኬቨን መቶዎቹ ዶላሮች በዚህ ምክንያት የሚያመልጠው ይመስል እየተጨነቀም “ግን እሷ በጣም ሀብታም ነበረች። ምናልባት ይሄ ይሆናል ያቀራረባቸው:: ግን አየህ ፕላቲንየም እና አልማዝ ያለባቸውን የእጅ ሰዓቶች ነበር የምታደርገው፡፡ አዎን ቶፓርድ!” አለው እና
በመቀጠልም “ማለቴ ሰዓቶቿ ቢያንስ ከአሥራ አምስት ሺ እስከ ሃያ ሺ
ዶላር የሚያወጡ ናቸው። ሁሌም ሄርሜስ ቦርሳዎችን ነው ይዛ የማያት።የሆነ ጊዜ ላይ ደግሞ እጅግ በጣም ውድ የሆነ ጃኬት አድርጋ መምጣቷን አስታውሳለሁ። ምክንያቱም ዶክተር ሮበርትስ ይህንን ለብሳ በመምጣቷ ተቆጥቷት ስለነበር ነው።”

“ምን ብሎ ነው የተቆጣት?”

“ማምለጥ ብትፈልጊም ሆነ ባትፈልጊ ይህንን ልብስ ለብሰሽ አትምጪ!”
ብሎ በጣም ተናድዶ ነበር የተናገራት::

እሺ እሷስ ምን መለሰችለት?” ብሎ ዊሊያምስ ጠየቀው፡፡ የተለየ ነገር
የሚገኝበት መስሎት እየጓጓ።

አለቀሰች” ብሎ ኬቨን ከመለሰለት በኋላም “ግን ያው እንደ ሁልጊዜውም
ወድያው ተረጋጋች”

“ከእሷ ሌላ ውሽማዎች ነበሩት?”

ኬቨን ራሱን በአሉታ ነቅንቆ “ከሌንካ ጋር ግንኙነት ከመጀመሩ በፊት
እንደምትፈልገው በጣም የምትፈልገው አይመስለኝም፡፡ ገባህ አይደል?”
ሁሌም ከሚስቱ ጋር ነበር፡፡ ግን አየህ ሚስቱም ዶክተር ስለሆነች ሩሲያዊቷ
ዊሊያምም እንደገባው ለማሳወቅ ራሱን በአዎንታ ወዘወዘለትና የማስታወሻ ደብተሩ ላይ ነገሮችን መፃፍ ጀመረ::

ከሆኑ አደገኛ ሰዎች ጋርም ግንኙነት እንዳላት ሰምቼ ነበር?” ብሎ ኬቨን ድምፁን ቀነሰና “ማለቴ በጣም ሀይለኛ ከሆኑ ሰዎች ጋር”

“ምን አይነት ሰዎች?” ብሎ ዊሊያምስ ጠየቀው፡፡

“አላውቅም” አለ እና ኬቨን በመቀጠልም “ዶውግ ሮበርትስ እነዚህን

#የፍቅር_ሰመመን
፡
፡
#ክፍል_አርባ_አምስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

....ቲናን አይኗን በፍርሃት ጎልጉላ እያየችው “ሚ/ር ዊሊያምስ እኔ ህይወቴን እፈልገዋለሁ። እንደ ድሮ ነፃ ሆኜ መኖር እፈልጋለሁ።” አለችው፡፡

አድሬኒ እንደነገረችው ከንቲባው ሴትየዋን በወሲብ የሚተነኩስበት አቋም የላትም። ባይሆን ቆንጆ እና ብልህ አዕምሮ እንዳላት ታስታውቃለች፡፡

“ብዙ ጊዜ ከቦታ ቦታ ቤት እየቀየርሽ ትዘዋወሪያለሽ?” ብሎ ጠየቃት፡፡
መልሷን ቢያውቀውም “አዎን። ምክንያቱም አንድ ቦታ ላይ ለብዙ ጊዜያት
መቆየት ለደህንነቴ ያሰጋኛል።” አለችው።

“ይሄ ደግሞ በጣም ወጪ ያበዛብሻል።” አላት እና በቀጥታ “ደንበኛዬ አንቺ ለምትሰጪኝ መረጃዎች በሙሉ ልትከፍልሽ ፈቃደኛ ናት” አላት፡፡

ቲና በእጇ ሀሳቡን አጣጣለችበት እና በመቀጠልም “አመሰግናለሁ ዴሪክ፡፡
ግን እውነቱን ስለተናገርኩ ብቻ ክፍያ መቀበሌ ምቾት አይሰጠኝም። አንተ
ጥሩ ሰው ትመስላለህ፡፡ ደምበኛህም ታማኝ ሳትሆን አትቀርም”
“ልክ ነሽ” አላት፡፡
“አንተ እንዳልከው እኛን አንድ አይነት ሰዎች የሚያስፈራሩን ከሆነ ከማን ጋር እየታገላችሁ እንደሆነ ጠንቅቃችሁ የምታውቁ አልመሰለኝም” አለችው፡፡

“ከሩሲያኖቹ ጋር ነው” አላት፡፡

ቲና ሥማቸውን እንኳን ገና ስትሰማ አይኗ በድንጋጤ ፈጠጠ፡፡

“አዎን” አላት በሹክሹክታ ድምፅ “ስለዚህ ደምበኛህን ከአካባቢው ዞር እንድትል ምከራት” ዊሊያም ስለ ኒኪ አሰበ እና ፈገግ ብሎ

“ይሄንን ያንቺን ምክር የምትቀበለው አይመስለኝም። እሷ በጣም ግትር
ሰው ናት” ብሎ መለሰላት፡፡

ይሄ እኮ ጨዋታ አይደለም” ብላ ቲና እየተቆጣች “ሰዎች እየሞቱ ነው፡፡
እኔ ያናገርኩት የኤልኤታይምስ ጋዜጣ ሪፖርተር እንኳን ሞቷል

”ዊሊያምስ ማስታወሻውን መውሰድ ጀመረ፡፡

“እነርሱ በልብ በሽታ ነው የሞተው ይላሉ:: ግን ገና የ33 ዓመት ወጣት
እና እንደ ፈረስ ጠንካራ ነበር።”

“ቲና አሁንም ሰዎች እየተገደሉ ነው” አላት እና ዊሊያምስ በመቀጠልም
“እኔም እዚህ የተገኘሁት በዚህ ምክንያት ነው” አላት፡፡

በመቀጠልም ስለ ሊዛ ፍላንገንን እና ትሬይ ሬይሞንድ ግድያ ሟቾቹ
ከኒኪ ሮበርትስ እና ከባሏ ዶውግ ጋር ስላላቸው ግንኙነት ሮበርትስ ስላለው
ከአደንዛዥ ዕፅ ጋር ስለሚገናኝ የበጎ አድራጎት ሥራዎቹ እና በሎስ አንጀለስ
ላይ የበላይነቱን ለመያዝ ሩስያኖቹ እና ሜክሲካኖቹ ስለሚያደርጉት ግብግብ
ጭምር ነገራት፡፡

“ዶውግ ሮበርትስ ባለፈው ዓመት ነው በአደጋ ህይወቱን ያጣው:: ከጎኑ
ደግሞ ለከንቲባ ፋንቴስን መኪና ከሚሰጡት ሩስያውያን ጋር ግንኙነት ያላት
ሴት ነበረች። እሷም በአደጋው ሞታለች” አላት፡፡

ቲናም እጇን አንስታ “ሙስና ነው ያልከው? አድሬኒ ናት ይህንን የነገረችህ? በእግዚአብሔር ሥም ይህቺ ልጅ በቅርቡ ትገደላለች እመነኝ:: ደግሞ የሚገርመው ነገር እኮ እሷ ስለጉዳዩ ምንም የምታውቀው ነገር ያለመኖሩ ነው::” አለችው፡፡

“ልክ ብለሻል እኔም እንደ አንቺ ነው የማስበው” አላት ዊሊያምስ፡፡

“በመጀመሪያ ደረጃ እኔ ፋንቴስ በግሉ ጉቦ ይቀበላል አይደለም ያልኩት።
ግን ማዘጋጃ ቤቱ ለእሱ ባወጣለት የባንክ አካውንት በኩል የተለያየ አይነት
ገንዘቦች ይገቡለታል ነው ያልኩት። የማወራህ ስለ ትልቅ ክፍያዎች ሲሆን
ክፍያውን ደግሞ የሚፈፅሙት ሩሲያዎኖቹ ናቸው”

ዊሊያምስም ማስታወሻ ደብተር ላይ እየፃፈ “ምን ያህል? እና ደግሞ
የትኞቹ ሩሲያኖች?”

“መጠኖቹ በየጊዜው ይለያያሉ።” አለች እና ቲና በመቀጠልም

“አምስት መቶ ሺ ዶላር መቶ አምሳ ሺ ዶላር እና አንድ ጊዜ ደግሞ አንድ ሚሊዩን ዶላር፡፡ ብቻ በየአራት እና በየስድስት ሳምንቱ የተለያዩ ቼኮች
ይመጣሉ፡፡ ለማንኛውም ባጠቃላይ ወደ ሦስት ሚሊዩን ዶላር ይሆናል።”

“እሺ ክፍያውን የሚፈፅሙትን የሩሲያኖችን ሥም ታውቂዋለሽ?”
አላት፡፡

“አላውቅም” ብላ ወደ ወለሉ
ተመለከተች:: ዊሊያምስ ቲና በጣም
እንደፈራች ተመልክቶም

“እነርሱን የምትገልጪበት አካላዊ ሁኔታቸው? በአካልስ አግኝተሻቸው
ታውቂያለሽ?” ብሎ ጠየቃት። ቲናም ራሷን በአሉታ በሀይል ካወዛወዘች
በኋላ ከንፈሯን ነክሳ “ይቅርታ ይህንን ልነግርህ አልችልም” አለችው፡፡
የስልክ ጥሪዎችን ቢያንስ ተቀብለሽ ታውቂያለሽ? ወንዶች ናቸው ሴቶች?
ሁለት ናቸው ወይንስ ሃያ?”

“አይገባህም እኮ...”

ሌንካ ጎርደቪስኪ የምትባል ሴት ታውቂያለሽ?” ብሎ አይፎን ስልኩን
አወጣና የጎርዴቪስኪን ፎቶ አሳያት። የቲና አይን ላይ ሌንካን እንዳስታወሰች
የሚያሳብቅ ዕይታን ዊሊያምስ ተመለከተ።

“ዴ.ሪክ ስለዚህ ነገር መናገር አልችልም። እስከ አሁንም በጣም ብዙ ነገር
ነው የተናገርኩት”

“ቢያንስ የአንድ ካምፓኒ ሥምን ንገሪኝ፤ ያላወቅኩትን እንቆቅልሽ የምፈታበትን አንድ ነገርን እንኳን ንገሪኝ” ሲላት ጊዜ አናቷን በሀይል ወዝውዛ ይገድሉኛል!” አለችው፡፡

ዊሊያምም ለጥቂት ጊዜ ያህል አፍጥጦ ሲያያት ቆየና በቀስታ “ምናልባት ይገድሉሽ ይሆናል። ምናልባት ሁለታችንንም ይገድሉን ይሆናል፤ ግን አንቺ የያዝሺው ሚስጥር እንደወጣ በማሰብ ሌሎች ሰዎች እየተገደሉ ቢሆንስ? ይህንን ግድያቸውን የሚያስቆመው ደግሞ አንቺ
የያዝሺውን ሚስጥር ይፋ በማውጣት ነው። ይህንን ነገር አምነሽ አይደል
እንዴ ለሮቢን ሳንፎርድ ስልክ የደወልሺው?”

“አዎን” አለች እና ቲና ታፋዋ ላይ ያስቀመጠችው እጇ ይንቀጠቀጥባት
ጀመር፡፡ “በጣም እንደፈራሽ አውቃለሁ። እኔም እኮ በጣም ፈርቻለሁ፤ ቲና
ግን ይሄንን እኛ ካልተናገርን ማን ይናገራል እሺ?”

ዴሪክ ዊሊያምስ ከጎኑ በተቀመጠችው ሴትዮ ውስጥ የሚካሄደውን የሀሳቦች ፍልሚያን አሰበ። ቲና ድሬይተን በጣም ደፋር ሴት ነች። ይህንን ደግሞ አንድ ጊዜ ለማረጋገጥ ችሏል። ግን ሁሉም ሰው የድፍረት ገደብ አለው።
“እሺ” አለች እና በመጨረሻም “እነግርሃለሁ። ግን ከዚህ በኋላ እኔን ዳግመኛ በፍፁም ለማግኘት እንዳትሞክር፡፡ በፍፁም! ለማንኛውም ምክንያት ቢሆን።

ዊሊያምም ወንበሩ ላይ ተመልሶ ቁጭ አለ እና


“ይሄው ቃሌን እሰጥሻለሁ” ብሏት እስክሪብቶውን አወጣ፡፡
።።።።።።።።።።።።።።።።።።።።።።።።።።።።
ኒኪ እና ግሬቸን ገና የሁለተኛ ደረጃ ተማሪዎች እያሉ ይሄዱበት ወደ
ነበረው የኮሪያውያን ፍልውሃ ውስጥ ራቁታቸውን ሆነው ሰውነታቸውን
እያደሱ ነው። ግሬቸን የወረዱ ጡቶቿን ከኒኪ ብርትኳን ከሚያካክሉ ጡቶች
ጋር፣ ሽንትርትር ያለውንና ዘልዘል ያለ ሆዷን ደግሞ ልጥፍ ካለው የኒኪ
ጡቶች ጋር አነፃፀረች፡፡ ጡቶቿ ሦስት ልጆችን ያጠባ እና ሆዷም ሦስት
ልጆችን የተሸከመ በመሆኑ የተነሳ እንደዚህ እንደሆነ አሰበች እና ተፅናናች::

ኒኪ ውሃው ውስጥ ሙሉ በሙሉ ሰምጣ ከወጣች በኋላ የሴት ወሬያቸውን ጀመረች “ባለፈው የነበረው የእራት ግብዣ ላይ ሀዶን አስገድዶ ሳመኝ፤ ከበፊት ጀምሮም እወድሻለሁ አለኝ” አለች ኒኪ ላግሬቸን፡፡

ግሬቸንም “እኮ የኛ ሀዶን ነው?” ብላ ተገርማ ጠየቀቻት፡፡

“አዎን፣ ግን ጥሩ ስሜት አልተሰማኝም። ምክንያቱም እሱ እኮ ለዶውግ
ልክ እንደ ወንድሙ ነበር፡፡

“አአ ልክ እንደ ኦሪት ዘመን ነዋ? ማለትም አንዲት ሴት ቧሏ ከሞተ ወንድምዬው እንደሚጠቀልላት አይነት ነገር መሆኑ ነዋ” ብላ ግሬቸን አሾፈችባት፡፡

ኒኪም በግሬቸን ሹፈት ትንሽ ተከፍታ ዝም አለች። ግሬቸን ይሄ የኒኪ ጥቁር ደመና እስኪያልፍ ድረስ ዝም ብላት ውሃው ውስጥ ብቅ ጥልቅ ስትል ቆየች፡፡

ከጥቂት ጊዜ በኋላም ኒኪ “ይሄውልሽ ግሬች እኔ ችግር ሳይኖርብኝ
አይቀርም፡፡ ምንም አይነት የወሲብ ፍላጎት እንኳን የለኝም”

#የፍቅር_ሰመመን
፡
፡
#ክፍል_አርባ_ስድስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

...ከኮሪያውያን የፍል ውሃ ቦታ ወጡ እና ወደ ሱሺ ባራቸው አመሩ፡፡
ሱሺ ባር ውስጥም ተቀምጠው እየበሉ እያሉ ግሬቸን “ይህንን ቀጠርኩት
ያልሺውን የግል መርማሪሽን ከየት ነው ያገኘሽው?” ብላ ኒኪን ጠየቀቻት፡፡

ኒኪም “ከጎግል ላይ ነው:: ስለ እሱም በደንብ አድርጌ ካነበብኩኝ በኋላ
ነው የቀጠርኩት፡፡ ይልቅ ከ 10 ዓመት በፊት ለማን ተቀጥሮ ይሰራ እንደነበር እስቲ ገምቺ?”

ግሬቸንም በኒኪ ጥያቄ ከት ብላ ከሳቀች በኋላ “እኔ ይሄንን እንዴት ላውቅ እችላለሁ፡፡ በይ ንገሪኝ እስቲ”
“ለክላንሲ ቤተሰቦች ነበር። ባለፈው ምሳ ስንበላ እንዲያውም አንቺ ነሽ የነገርሺኝ፡፡ ሜክሲኮ ውስጥ ጠፋች ምናምን ብለሽ፡፡ ትዝ አለሽ?”

“አዎ ቻርሎቴ ክላንሲ። አባቷ የእሳት አደጋ ሠራተኛ ነው::”

“ልክ ነሽ ተከር ክላንሲ ይባላል፡፡ ባይገርምሽ እሷ የእኔ ታካሚ ከሆነች
አንዲት ሴት ባል ጓደኛ ጋር ግንኙነት ነበራት። የክላንሲ ወዳጅ ባንከር ሲሆን
የሚሰራው ደግሞ ሮድሪጌዝ ከሚባል የአደንዛዥ ዕፅ አምራች ባለቤት ጋር
ነው:: የአደንዛዥ ዕፁንም እዚህ ሎስ አንጀለስ ውስጥ እየሸጠ ነው ብሎ ነው
ዴሪክ ዊሊያምስ የሚባለው መርማሪዬ የነገረኝ” አለቻት ኒኪ፡፡

ግሬቸንም ጓደኛዋ በዚህ መልኩ ነግሮችን እያገናኘች ማሰቧን እና መርማሪዋ የነገራትን ሁሉ አምና በመቀበሏ እየተገረመች እያየቻት

“እሺ ከዚያስ የክላንሲን ቤተሰብ ጉዳይ ይዞ የነበረው መርማሪሽ በመጨረሻ ላይ ምን ሆነ?” ብላ ኒኪን ጠየቀቻት፡፡

“አባረሩት”
“ለምን?”
“ምክንያቱም ቻርሎቴ ከባለትዳር ጋር ግንኙነት ነበራት ብሎ ስለነገራቸው ነው፡፡ በነገራችን ላይ ቻርሎቴ ጨዋ አልነበረችም። እሷ ሜክሲኮ ላይ የሰው ትዳር ለማፍረስ ስትንቀዥቀዥ የነበረች ሴት በመሆኗ የእጇን ነው ያገኘችው። ስለዚህ አላዝንላትም” አለች ኒኪ ትንሽ ምሬት ባዘለ ድምፅ፡፡

ግሬችንም ቀና ብላ በቅሬታ እያየቻት ኒኪ ከመቼ ጀምሮ ነው ደግሞ በሰዎች ሞት ደስተኛ መሆን የጀመርሺው? መቼስ አንዲት ሴት ከባለትዳር ጋር የፍቅር ግንኙነት ስላደረገች ትሙት ብለሽ አትፈርጂም?” ብላ ጠየቀቻት፡፡
“ለምን ብዬ ነው የማልፈርደው?” ብላ በቁጣ በሚንቀለቀል አይኗ አየቻት
እንደቀልድ ስታይ አዳም ሲያቀብጣት የነበረች አንዲት ሸርሙጣ ሴት እና” የሆነ ማታ ላይ የአዳምን አይ ፓድ ስትከፍቺ እና ፎቶዎችን የራቁት ፎቶን ብታይስ ምን ይሰማሻል?”

“በእርግጥ ነገሩ ያሳቅቃል፡፡ ግንንንን...”
እሺ ልጅቷ እርጉዝ ብትሆንስ?” ብላ ኒኪ ልክ ሰይጣን እንደያዘው ሰው
ጮክ ብላ መለፍለፍ ስትጀምር ቤቱ ውስጥ ያሉ ሰዎች ዞር ዞር እያሉ ወደ
እነርሱ መመልከት ጀመሩ። “እሺ አንቺ ለባለፉት አምስት ዓመታት ያህል
ውጤት አልባ እና በጣም የሚያሳምም መውለድ የሚያስችልሽን ህክምና
እያደረግሽ እያለ ባልሽ ከጀርባሽ ሌላ ሴትን እያወጣ ቢያስርግዛትስ?” ብላ ኒኪ
አይኗ በእምባ ተሞላ፡፡ “የሆነ ማታ ላይ የባልሽ አይፖድ ላይ እርጉዝ ሆዷን
የሚያሳይ የራቁት ፎቶን በኢ ሜይል ብትልክልሽስ? በቃ ህይወትሽ በሰከንድ
ውስጥ ግልብጥብጡ ቢወጣስ!?” አለቻት።

ግሬቸን በሰማችው ነገር በጣም ደንግጣ እና ሆዷ ታውኮ ሀሞቷ ሊወጣ እየታገላት ፍጥጥ ብላ ኒኪን አየቻት እና

“ሌንካ እርጉዝ ነበረች?”
ኒኪም መልስ ሳትመልስላት ዝም ብላ አይኗን አፍጥጣ ግሬቸንን ተመለከተች፡፡

ግሬቸንም “ግን እኮ ለሁላችንም የነገርሺን ከአደጋው በፊት ስለ እሷ ስምተሽ እንደማታውቂ ነበር።”

ኒኪ ራሷን ነቅንቃ ከድንዛዜዋ ወጣች እና ዝምታዋን ቀጠለች፡፡

“በኢየሱስ ሥም! ግን አንቺ ፎቶዎችን አይተሽ ነበር ስለ እሷም ታውቂ
ነበር ኒኪ?” ብላ ግሬቸን በፍርሃት ተንቀጠቀጠች፡፡

ምናልባት በአደጋው ውስጥ ኒኪ እጇ ይኖርበት ይሆን እንዴ? ብላ
ግሬቸን አሰበች፡፡

ተነስታ ለመሄድም እያመነታች እጇን ቦርሳዋ ላይ አስቀመጠች፡፡ ይህንን
ግሬቸንን ሁኔታ ያየችው ኒኪም ዶውግን አፈቅረዋለሁ። እሱ ላይ አንዳችም ክፋ ነገር አላደርግም:: እሱ ግን በጣም ነው ልቤን የሰበረው” ብላ አዘነች፡፡

“ግን ታውቂ ነበር?”

ኒኪ ራሷን በአወንታ ነቀነቀች፡፡

“ፎቶዎችንም አይተሻል? ሌንካ እርጉዝ ነበረች?”
“አዎ” አለቻት እና “
ከመሞቱ ከወር በፊት ነው ፎቶዎቹን ያየሁት::”ካለቻት በኋላ ማልቀስ ጀመረች፡፡

ግሬቸንም ወንበሯን አስጠግታ አቀፈቻትና “ለምን አልነገርሺኝም ያን ጊዜ የኔ ቆንጆ?”
“እንዴ ይሄ እኮ የሚያሳፍር ነገር ነው እንዴት ይነገራል?”
“እና ዶውግን ዝም አልሺው?”

“አውቃለሁ ዶውግን ከቤቴ ላባርረው እችል ነበር፡፡ ግን በቃ ትዳሩን ብሎ
ይመለሳል ብዬ ዝም አልኩኝ። ምንም ነገር እንዳላየሁ ሆኜ አሳለፍኩኝ::
ታውቂ አይደል ግሬች ዶውግ እኮ ዓለሜ ነው።”

“እንዴ የተረገዘው ልጅስ?”
“አላውቅም! ነገሩ እኮ ለእኔ አዲስ ነገር ነበር። ሁሉ ነገር እኮ በጣም ነበር ግራ ያጋባኝ የነበረው። እናም በመጨረሻ ምንም ሳላወራው ሞተብኝ።
በጣም ዘግይቼ ነበር።” ብላ ኒኪ ስቅስቅ ብላ አለቀሰች።

ኒኪ አልቅሳ ከወጣላት በኋላ ለአንድ ሰዓት ያህል ሲያወሩ ቆዩ።
ግሬቸንም ለኒኪ ለምን ወደ ኒውዮርክ ሄደሽ አዲስ ህይወት አትጀምሪም?
ብላ ሀሳብ አቀረበችላት፣ እና ኒኪም እንደምታስብበት ነግራት ተለያዩ።

ኒኪ ለዓመት ያህል ውስጧን ሲያኝከው የነበረውን የሌንካን የእርግዝና
ጉዳይ ለግሬቸን ስላወራች ትንሽ ቀለል ብሏታል። መኪናዋን እያሽከረከረች
ወደ ቤቷ እየሄደች እያለችም ዴሪክ ዊሊያምስ ደወለላት።

መኪናዋን መንገድ ዳር ከሚገኝ የጃካራንዳ ዛፍ ስር አቆመች እና ስልኩን
ስፒከር ላይ አድርጋ ማውራት ጀመረች::
“ሄሎ ዴሪክ ባለፈው ለእኔ አስበህ መልዕክት ስለላክልኝ አመሰግናለሁ።
እቤት ከገባሁ በኋላ እንዳልደውልልህ...”

ኒኪ የግድ በቶሎ ዛሬ ማታ መገናኘት ይኖርብናል” አላት። ለመጀመሪያ
ጊዜ ድምፁ ውስጥ ፍርሃት እና አለመረጋጋትን ያስተዋለችው ኒኪም ምን
ሆኖ ነው እንደዚህ የፈራው? ለእኔ ነው ወይስ ለራሱ ነው የፈራው?' ብላ

“ምነው ችግር አለ እንዴ?” ብላ ጠየቀችው።

በሩሲያውያን እና በሮድሪጌዝ መካከል የሚደረገው የአደንዛዥ ዕፅ ጦርነት ቀላል አይደለም። ነገሩ እስከ ከተማው ማዘጋጃ ቤት ድረስ ይዘልቃል። መሉው የሎስ አንጀለስ ከተማ በዚህ የአደንዛዥ ዕፅ ቀለበት ውሰጥ ነው የሚገኘው።” አላት እና ስሜቱ የተረበሽ እና የፈራ መሆኑ
እየታወቀበትም ባንኮችና እና የበጎ አድራጊ ተቋማት ሁሉ የዚህን አደንዛዥ ዕፅ ገንዘብ በህግ ወጥ መንገድ ስለሚያዘዋውሩ ሁሉም የድርሻቸውን ያገኛሉ። አላት።

ኒኪም የዊሊያምስ አለመረጋጋት እና መፍራት ትንሽ አሳስቧት “እሺ ተረጋጋ። ከግድያው ጋር የሚገናኝ ነገር አግኝተሃል? ማለትም ግድያው ከእኔ ጋር ይገናኛል ?

“ምናልባት አዎን” ብሎ ሲመልስላት ኒኪ እርግጠኛ ለመሆን ብላ

“ስማቸውን ልትነግረኝ ትችላለህ?”

“አሁን በስልክ ልነግርሽ አልችልም።” ብሎ ዊሊያምስ በመቀጠልም “የሆነ ስወር ያለ ቦታ ከተገናኘን በኋላ ነው የምነግርሽ” አላት እና የሚገናኙበትን ሆቴል ተስማሙ::

“ስለ ሌንካስ ያገኘኸው ነገር አለ?” ብላ ኒኪ ጠየቀችው።

“አዎ አለ፤ የእሷም ነገር ከዚህ ጉዳይ ጋር ይያያዛል፡፡ እሱንም ስንገናኝ አወራሻለሁ።”

“በስልክ ልትነግረኝ አትችልም?” ብላ ኒኪ ተለማመጠችው፡፡ ስለ ጣውንቷ ለማወቅ ዓመት ፈጅቶባታል፤ እና ከዚህ በኋላ ለደቂቃ እንኳን መጠበቅ ስቃይ ነው የሚሆንባት

“አልችልም፡፡ አሁን ቤት ሄጄ ልብሶቼን በሻንጣ ማዘጋጀት አለብኝ

#የፍቅር_ሰመመን
፡
፡
#ክፍል_አርባ_ሰባት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


....አኔ ቤታማን እምባዋ እና የሚዘንበው ዝናብ መንገዱን እየጋረደባት መኪናዋን በደንብ እንዳታሽከረክር እያደረጋት ነው:: ግንቦት ላይ ሎስ አንጀለስ ውስጥ አይዘንብም ነበር፡፡ ግን የእሷን ስሜት ለማጀብ በሚመስል መልኩ ሰማዩም አብሯት እዬዬ እያለ ነው። አሁን እሷ ሰው ነው የሚያስፈልጋት። ውስጧ በጣም ሀዘን እና ተስፋ መቁረጥ እንደተሞላባት
ነው:: ስለዚህም ኒኪ ታስፈልጋታለች። ኒኪ የምትሰጣት አድናቆትን እና
ይቅርታን ለምዳዋለች። ልክ ሉዊስ ባሏ ያደርግላት የነበረውን ነገር ነው ኒኪ
የምታደርግላት እና ወደ ኒኪ መሄድ ይኖርባታል።

ዛሬ ማታ ነው እንግዲህ ለኒኪ ስትነግራት የነበረውን፣ ሉዊስ አይተወኝም የምትለው ነገር የተገላቢጦሽ መሆኑ የታወቃት። ባለፈው ማታ ሉዊስ ከፕሮግራሙ ላይ ሲቀር ነበር ከእሱ ጋር ያላት ግንኙነትን ማብቃት እንዳለበት ውሳኔ ላይ መድረስ የሚኖርባት።

አኔ የኒኪ ቤት ስትደርስ ዝናቡ ሀይሉን ቢቀንስም የመኪናው ጣራ ላይ
የሚያርፈው የዝናቡ ድምፅ ግን ይሰማታል። ከመኪናዋ ወርዳ የኒኪን ግቢ
ስትመለከት መኪናዋን ግቢ ውስጥ ስላገኘችው ኒኪ ቤት እንዳለች ለማወቅ
ቻለች:: ዝናቡ የእንጨት በሩን ስላረጠበው ነው መሰል በቀላሉ ቀጫጭን ጣቶቿን አሾልካ በሩን ከፈተችና ወደ ውስጥ ገባች፡፡

የኒኪ ቤት ሙሉ በሙሉ በጭለማ ተውጧል። ስለዚህም ኒኪ ተኝታ
ሊሆን ይችላል ብላ አስባ እንዳትረብሻት ብላ ልትመለስ ስትል ውስጧ እዚህ
ድረስ መጥተሻል እና ኒኪን ሳታገኚያት መመለስ የለብሽም አላት፡፡

በሩን ልታንኳኳ ስትል ግን ሀይለኛ የለቅሶ ድምፅ ሰማች፡፡ ድምፁ የሚመጣው ከጓሮ በኩል ስለሆነም አኔ እንዳትወድቅ ተጠንቅቃ በአጥሩ እና በቤቱ መሀል ባለው ክፍት ቦታ ወደ ጓሮ አመራች::

አየቻት፡፡ ወደ ኒኪ እየቀረበች ስትሄድም ኒኪ አይኗን ጨፍና እና ትንሽ
ጓሮው ጋር ስትደርስም ኒኪ ከአንድ ጃካራንዳ ዛፍ ሥር ተንበርክካ አየቻት። ወደ ኒኪ እየቀረበች ስትሄድም ኒኪ አይኗን ጨፍና እና ትንሽ ሽጉጥ ከጉሮሮዋ በኩል ወደ ላይ እንደ ደቀነች ተመለከተች እና በጣም ደነገጠች፡፡

ኒኪ እኔ ነኝ አኔ ነኝ!” ብላ ከዝናቡ ድምፅ በላይ በመጮህ ወደ ኒኪ እየሮጠች ሄደች፡፡ ኒኪም ድምፁን ሰምታ አይኗን ስትገልጥ አኔን በዝናቡ በስብሳ አጠገቧ ቆማ አየቻት፡፡

ለጥቂት ሰከንዶች ያህል ሁለቱ ዝም ብለው ሲተያዩ ከቆዩ በኋላም ኒኪ
ነይ ወደ ውስጥ ግቢ እና በዝናብ የበሰበሰውን ልብስሽን ቀይሪ” ብላት ይዛት ወደ ቤቱ ውስጥ ገባች፡፡

ከሰላሳ ደቂቃ በኋላ ኒኪ ብርድ ልብስ ለብሳ ሶፋ ላይ እንደ ህፃን ለጥ ብላለች፡፡ ዶውግ እና እሷ ልጅ ነበር ይፈልጉ የነበሩት። በመሆኑም ለመውለድ ያስችላት የነበረው ህክምና ሳይሳካለት ሲቀር ያለመውለድን እንደ ትልቅ ሀዘን ነበር የቆጠረችው፡፡ ግን በተደጋጋሚ ከደረሱባት ሀዘኖች በኋላ ትልቅ ሀዘን ምን ማለት እንደሆነ ገባት።

ምናልባት አኔ ባትመጣ ኖሮ ቃታውን ስቤ ራሴን አጠፋ ነበር? ብላ ራሷን ጠየቀች፡፡ ምናልባትም አኔ በእግዚአብሔር የተላከች መልአኳ ሆና ህይወቷን ታድጋዋለች፡፡

“ምናልባት አኔን የላከልኝ ከሞት ባሻገር የሚገኘው ዶውግ ባሌ ይሆን?'
የሚለው ሀሳብ ደግሞ ጥሩ ስሜትን ስለሰጣት ደስ አላት::

ዛሬ መሞት አትፈልግም። በፍፁም! ከዚህ በኋላ ብዙ የምታከናውናቸው ነገሮች ስላሏት ቢያንስ እነዚህን ነገሮች ካከናወነች በኋላ ምናልባት ሞቷን
ትፈልግ ይሆናል፡፡ አሁን ግን ቢያንስ ዴሪክ ያገኘውን እውነት እስክታውቅ ድረስ በህይወት መቆየት አለባት፡፡

ከኒኪ ቤት በትንሽ ርቀት ላይ ከቆመው መኪና ውስጥ የሚገኝ አንድ ሰው በጎግል መነጽሩ ወደ ኒኪ መኖሪያ ቤት ሲመለከት ቆየና መነፅሩን አውርዶ የመኪናው ዳሽ ቦርድ ላይ አስቀመጠው።

“በቅርቡ ሁሉ ነገር ይስተካከላል” ብሎም ለራሱ አጉረመረመ፡፡
።።።።።።።።።።።።።።።።።።።።።።።።።።።።
ጉድማን ከዳየርስ ሆቴል የጎጆ ቤት ማረፊያ ቁጭ ብሎ እያሰበ ይገኛል።
ወደዚህ የመጡት በዴሪክ ዊሊያምስ ሞት ግድያ ላይ የፎሬንሲክ ምርመራ
የሚያደርጉ ባለሙያዎችን ውጤት ለማወቅ ነው:: ባልደረባው ጉድማን ከሃያ
ደቂቃ በፊት የጠጣው ቡና ስላልተስማማው ለሦስተኛ ጊዜ ሽንት ቤት ገብቶ እያማጠ ነው:: ሌሊት 11 ሰዓት ላይ ኒኪ የላከችለትን ኢ ሜይል ስልኩን ከፍቶ በድጋሚ ማንበብ ጀመረ::

“ሌሊቱን በሙሉ ሳስብበት ነው ያደርኩት። አሁን ዴሪክ ዊሊያምስ በህይወት የለም። ይህንን ነገር ላንተ መንገር ሳይኖርብኝ አይቀርም፡፡ብራንዶን ግሮልሽ ትላንትና ማታ በጣም በከፍተኛ ፍርሃት እና ጭንቀት ውስጥ ሆኖ ደውሎልኝ ነበር። ስለ ግሮልሽ ዋሽቻለሁ፡፡ አዎን ብራንዶን
ግሮልሽን ከዚህ በፊት አውቀው ነበር፡፡ እሱ ከዚህ ግድያ ጋር ይያዝ አይያዝ
የማውቀው ነገር የለም” የሚል መልዕክቷ ይቀጥልና

“ምናልባት ዊሊያምስ ትክክል ከሆነና እሱ በሚገልፀው የአደንዛዥ ዕፅ
ቀለበት ውስጥ ፖሊሶች የሚገኙበት ከሆነ ጆንሰን እዚህ ነገር ውስጥ
እንደሚገኝበት አልጠራጠርም። ለምን ብትለኝ፣ እሱ የቀድሞ የፀረ አደንዛዥ
ዕፅ የፖሊስ ቡድን አባል ነበር፡፡ በዚያ ላይ ሲነየር ነው። ይህ የግድያ ወንጀል ምርመራ እንዲሰጠውም የጠየቀው እራሱ ነው:: የወንጀል ምርመራውንም ሆን ብሎ እያበላሽ እና ውንጀላውንም ወደ እኔ እያቀረበ ምርመራውን እርባና ቢስ እያደረገው ነው።”

እያለ ይቀጥላል። እርግጥ ነው በተለይ ከዊሊያምስ ሞት በኋላ የኒኪ የጭፍን ፍራቻ እና ግምት ቢጨምር አይፈረድባትም:: ስለ ጆንሰን ጉድማን
ምንም ሊያደርግ አይችልም፡፡ ምክንያቱም አብሮት የሚሰራ ባልደረባው ነው።

“ሎው ከጆንሰን ጋር እየሰራህ እስከሆነ ድረስ አደጋ ውስጥ ነህ፤ እና ራስህን ጠብቅ:: እንድትጎዳ አልፈልግም። እኔም ብሆን አደጋ ውስጥ ስላለሁ ላልተወሰነ ጊዜ ከማንኛውም የግንኙነት መስመር ውጪ ነኝ።

ኒኪ ሮበርትስ”

ይላል የላከችለት ኢ ሜይል፡፡

ለምን ያህል ጊዜ ከግንኙነት መስመር ውጪ እንደምትሆን ያለማወቁ
ጉድማንን አሳስቦታል፡፡ ኢ ሜይሏ ከደረሰው እና ካነበበው በኋላ ሁለት ጊዜ
ደውሎላታል፡፡ ኢ ሜይልም ልኮላታል ግን ስልኳ ዝግ ነበር፡፡ ጆንሰን ከመፀዳጃ ቤት ተመልሶ ቦርጫም ሆዱን እያሻሸ “ቡናው ውስጥ ምንድነው የጨመሩበት? መፀዳጃ ቤት ውስጥ እኮ ተቀምጬ ልክ በምጥ ልጅ እየወለድኩኝ ያህል ነበር የተሰማኝ” አለ፡፡
ጉድማንም አፍንጫውን እያራገበ “ምነው በጣም አብራራኸውሳ? አሁን ወደ ፎሬንሲክ መርማሪዎቹ አንሄድም?” አለው፡፡

“አንተ ዝግጁ ከሆንክ ምን ገዶኝ፡፡ መቼስ ፎሬንሲኮቹ አንድ ነገር ሳያገኙ አይቀሩም፡፡ ምክንያቱም ዊሊያምስ ቢያንስ ግማሽ የሎስ አንጀለስ ህዝብ
ጠላቱ ነው። እኔም ልገድለው ትንሽ ነበር የቀረኝ።” አለውና ተነስቶ ሲወጣ
ጉድማንም ተከተለው።

ከሎስ አንጀለስ ሃምሳ ማይል ርቀት ላይ በርሃው ውስጥ የሚገኘው የሲኞራ ማርቼስ የገጠር ሆቴል ቀለል ተደርጎ ነው የተሰራው፡፡ ምንም እንኳን ሆቴሉ በርሃ ላይ ቢሰራም የየክፍሎቹ ኮርኒስ ላይ ካለው ፋን በስተቀር ሌላ ኤየር ኮንዲሽነር አልተገጠመለትም፡፡ ያም ሆኖ የሆቴሉ ነጭ ግድግዳ እና በዙሪያው የተተከሉት የዘንባባ ዛፎች ሁሉንም የእንግዳ ማረፊያ
ክፍሎች ቀዘቅዝ ያደርጓቸዋል።

ኒኪ ወደዚህ የእንግዳ ማረፊያ የመጣችው ዊሊያምስ ከሎስ አንጀለስ ርቃ የማትታወቅበት ቦታ እንድትደበቅ ስለነገራት እና ለማረፍም ጭምር ነው::
የእንግዳ ማረፊያውን ያሳያት ዶውግ ነው። የተጋቡበትን አንደኛ ዓመት
ሲያከብሩ ነው እዚህ ይዟት የመጣው ትዝ ይላታል ቦታው

#የፍቅር_ሰመመን
፡
፡
#ክፍል_አርባ_ስምንት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

...ኒኪ ጠዋት ላይ ከእንቅልፏ ስትነቃ ሙሉ በሙሉ የእረፍት ስሜት ነው የተሰማት:: ምናልባትም ከብዙ ቀናት በኋላ ያልተቋረጠ እንቅልፍ ስለተኛች
ሊሆን ይችላል እንደዚህ አይነት ስሜት ሊሰማት የቻለው። ትላንትና የተሰማት ሀዘን እና ንዴትም በእንቅልፍ ወጥቶላታል፡፡ ትላንትና ማታ ሰውነቷን ያስመታችው ፀሐይ አፍንጫዋን እና ትከሻዋን በደንብ አድርጎ ስለጠበሰው ቀይ ሆኗል፡፡ ስለዚህም የሎዕ ጄል ተቀብታ ለጥቂት ጊዜ ያህል ቆየች እና ገላዋን ታጠበች ቁርሷንም እንቁላል ፍርፍር ከተጠበሰ ፍራፍሬ ጋር በልታ በላዩ ላይ ሁለት ኩባያ ጠንካራውን የኢጣሊያን ቡና ጠጣችበት።

ዛሬ ማታ አኔን ማግኘት አትፈራም፡፡ አኔን ካገኘቻት እና ስለ ሉዊስ አገኘሁት ያለችውን መረጃንም ከአኔ ከተቀበለች በኋላ አኔን በደንብ መክራት እንድትረጋጋ ካደረገቻት በኋላ መረጃውን ለሉው አሳልፋ ትሰጣለች፡፡ ከዚያም ነገሮች እስኪረጋጉ ድረስ ወደ ፓልም ስፕሪንግ፣ ወደ አሪዞና ወይንም ደግሞ ወደ ሆታሆ አምርታ ተደብቃ መቆየት ትችላለች፡፡
ወደ እንግዳ መቀበያው አምርታ “ሲኞራ ማርቼስ አሁን ወጥቼ በጣም አምሽቼ ነው የምመለሰው እና ምናልባት የግቢው በር ቁልፍ ያስፈልግ። ይሆን?”

“አያስፈልግሽም ዶክተር በክፍልሽ ቊልፍ የግቢውን በር መክፈት ትቺያለሽ፡፡ ይልቅ እራት ፍሪጅ ውስጥ ላስቀምጥልሽ?”

“ፍራፍሬ ብቻ ይቀመጥልኝ” ብላቸው ወደ መኪና ማቆሚያው ሥፍራ አመራች። መኪናዋንም አስነስታ ከግቢው መውጣቷን የተመለከቱት ሲኞራ
ማርቼስ የስልኩን እጀታ አንስተው የሆነ ቁጥር ላይ ደወሉና “አሁን ከዚህ
ተነስታለች” ብለው ስልኩን ዘጉ።

ኒኪ መኪናዋን እያሽከረከረች ፓልም ስፕሪንግ ደረሰች እና የክፍያ መንገዱ ውስጥ ከመግባቷ በፊት ነዳጅ ለመቅዳት ነዳጅ ማደያ ቆመች:: ወደ ቦርሳዋም እጇን ሰድዳ የገንዝብ ዋሌቷን ልታወጣ ስትል እጇ የዊሊያምስን ኤንቨሎፕ ነካ። ኤንቨሎፕን ቀደደችውና ውስጡ ያለውን ወረቀት አንድ በአንድ አወጣች።

መሪዋ ላዩ ተደፍታ ሰውነቷ የሚርገፈግፈውን ሴት ያየው የነዳጅ
ማደያው አስተናጋጅ ወደ እሷ ቀረበ እና “ችግር አለ የኔ እመቤት?” ብሎ
ጠየቃት፡፡ ኒኪም ቀና ብላ ስታየው በአንድ ጊዜ እያለቀሰች እና እየሳቀች መሆኗን
አየና ትንሽ ቀለል አለው:: በእጇ ላይ የያዘቸውንም ወረቀት እያሳየችው
“ደረሰኝ (ቢል) እኮ ነው አይገርምም?” ብላ ከት ብላ ሳቀች እና “አይገርምም
እሱ ከሞት መንደር የላከልኝ የመጨረሻው መልዕክት የሚያዚያ እና
የግንቦት ወር ክፍያ መጠየቂያ ቢሉን ነው” ብላ ከት ብላ መሳቋን ቀጠለች።

የነዳጅ ማደያው ሰራተኛ ሴትዮዋ ቢሉን እያሳየችው እንደ ዕብድ የሳቀችበት ምክንያት አልገባውም፡፡ እዚህ ፓልም ስፕሪንግ ውስጥ እንደ እሷ ያሉ ዕብዶችን እያስተናገደ በሚያገኘው ዶላር ዕዳውን የሚከፍለው በሚመጡለት ቢሎች ነውና ቢል ይሄንን ያህል ሊያስቅ አይችልም ብሎ በኒኪ ተበሳጨባት፡፡

ጉድማን ቢሮው ቁጭ ብሎ በዴሪክ ዊሊያምስ ላይ የቀረበውን የፎሬንሲክ
ሪፖርት ደግሞ እያነበበ ነው:: ሪፖርቱ እንደሚገልፀው ከሆነ በሟቹ ላይ
ምንም አይነት አሻራም ሆነ የገዳይ ዲ.ኤን.ኤ ሊገኝ አልቻለም:: የተመታበት
ጥይትም ቢሆን አብዛኛው የሎስ አንጀለስ ህብረተሰብ በሚይዘው የሽጉጥ ጥይት ነው:: ነገር ግን ሽጉጡ ላይ የተገጠመው ሳይለንሰር በጣም ልዩ እና በፍፁም ድምፅ እንዳያሰማ የሚጠቅም በመሆኑ፣ እንዲሁም ደግሞ እነዚህን ልዩ ሳይለንሰር የሚሸጡት የጦር መሳሪያ መደብሮች የሚሽጡለትን ሰው አድራሻ እና ማንነት መዝግበው ስለሚሸጡ፣ ይህንን ሊያጣራ ጆንሰን በከተማው ውስጥ የሚገኙ መደብሮች ውስጥ እየዞረ ይገኛል፡፡

ጉድማን የዴሪክን ገዳይ እንደዚህ በቀላሉ እንደማያገኙት እርግጠኛ ነው።
አሁን እያሳሰበው ያለው ነገር የኒኪ ሮበርትስ ጉዳይ ነው፡፡ ምክንያቱም እሷ
የገባችበትን አደጋ አታውቅም። የእሷ ከተማውን ለቆ መውጣትን ለጆንሰን
አላሳወቀውም። ይሄ ደግሞ ሌላ ችግር ነው የሚፈጥርበት። ምንም እንኳን እሷ በዊሊያምስ ግድያ ውስጥ ባትሳተፍም የግል መርማሪዋ በተገደለ ማግስት ሎስ አንጀለስን ለቅቃ መጥፋቷ ጥሩ ነገር እንዳልሆነ በደንብ ይገባዋል።

በዚህ ሀሳብ ውስጥ እያለም ላቲሻ ሀል የምትባለው የጣቢያው መልዕክት
አቀባይ አንድ የተከፈተ ኤንቨሎፕ አምጥታ ሰጠችው::ጉድማንም የኢንቬሎፑን መከፈት ተመልክቶ “ኢንቨሎፕን አንቺ ነሽ
እንዴ የከፈትሺው!?” ብሎ በቁጣ ጠየቃት፡፡

“ኧረ በፍፁም” ብላ እሷም ኮስተር ብላ መለሰችለት፡፡

“እና ቅድም ከሁለት ሰዓት በፊት ፖስታ በሚከፋፈልበት ጊዜ ለምን
አልሰጠሺኝም?”

“ምክንያቱም መፀዳጃ ቤት በነበርኩበት ጊዜ ነው የሆነ ሰው መጥቶ ዴስኩ ላይ ያስቀመጠው:: ኤንቨሎፕ ላይም ለሎው ጉድማን የሚል ፅሁፍ ስለተፃፈበትም ነው ላንተ ይዤልህ የመጣሁት” አለችው፡፡
ጉድማን ከኤንቬሎፑ ውስጥ ያለውን ወረቀት ሲያወጣው ዴሪክ ዊሊያምስ ለኒኪ የላከው የሚያዚያ/ግንቦት ወር የክፍያ መጠየቂያ ደረሰኝ እና
ከደረሰኙ ላይ የተቀደደ እና ኒኪ የፃፈችበት ወረቀትን አገኘ። ከደረሰኙ ጀርባ ላይ 777 የሚል ፅሁፍ ተፅፎበታል፡፡ ከደረሰኙ በተቆረጠው ወረቀት ላይ ደግሞ “ይሄን መልዕክት እንደምታገኝው ተስፋ አለኝ፡፡ ነገሩ ከእኔ ይልቅ ለአንተ አስፈላጊ ነው። ሉው
ሁሌም ራስህን ጠብቅ፡ እኔን በፍፁም
እንዳትከተለኝ፡፡ እርግጠኛ ነኝ ጆንሰን እዚህ ነገር ውስጥ እስከ አፍንጫው
ነው የተዘፈቀበት ኒሮ

የሚለውን መልዕክት እንዳነበበወደ መስኮቱ በፍጥነት አመራና ወደታች ወደ ታች ወደ መኪና ማቆሚያው ተመለከተ፡፡
መንገዱ ግራና ቀኝ ላይ።
ከሚራመዱት ሰዎች ውስጥ ኒኪን በአይኑ ቢፈልጋት ሊያገኛት አልቻለም።
ኒኪ ለጥቂት ከእጁ ስላመለጠችውም በጣም ተናደደ፡፡

ወዳ ላቲሻ ዞሮም “ጆንሰን ጋ ደውይለት:”
“ደውዬ ምን ልበለው?” አለችው ላቲሻ ግራ ተጋብታ፡፡

“በአስቸኳይ ወደ ቢሮ እንዲመጣ ንገሪው።” አላት፡፡
።።።።።።።።።።።።።።።።።።።።።።።።።።።።
ኒኪ ለአኔ የሰጠቻት አድራሻ በሳን ጁሊያን መንገድ ላይ የሚገኝ የድሮ መጋዘን የነበረ ህንፃ ነው። ህንፃው በአንድ ማተሚያ ቤት እና በአንድ የሴቶች ልብስ ስፌት ፋብሪካ መሀከል የሚገኝ ድብቅ ህንፃ ነው::

በእነዚህ ምንም በሌለባቸው ህንፃዎች ውስጥ በፊት ላይ ቤት አልባ
ሰዎች ይኖሩባቸው ነበር፡፡ አሁን ላይ ግን የከተማው ከንቲባ ለቤት አልባ ሰዎች ማደሪያ ስላዘጋጁላቸው አብዛኛዎቹ እዚህ አካባቢ የሚገኙ ህንፃዎች ባዷቸውን ነው የሚያድሩት።

ኒኪ መኪናዋን በቅርብ ርቀት ከሚገኙት ብሎኮች አጠገብ አቁማ ወደ ቀጠረቻት ህንፃ ስታመራ ለአኔ ይበልጥ መጨነቅ ጀመረች። ኒኪ ጭር ባለ ቦታ አኔ ላግኝሽ እና ላውራሽ ማለቷ በተለይ ደግሞ ይሄንን ቦታ መምረጧ ልታካፍላት ያሰበችው ሚስጥር ከፍተኛ ከመሆኑም በላይ አብረውም እንዳይታዩ በመፈለጓ የተነሳ ነው ብላ አሰበች፡፡ “ይሄ የመገናኛ ቦታ ሳይሆን የመደበቂያ ቦታ ነው። ግን ከማን ነው የምትደበቀው?”

የመጀመሪያ ግምቷ ሉዊስ ነው ሊጎዳት ያስበው የሚል ነበር። ግን ከዚህ
ሁሉ ጊዜ በኋላ ለምንድነው ሉዊስ አኔ ላይ ጉዳት የሚያደርሰው? ምናልባት
ሉዊስ ቀናተኛ እና ሁሉንም ነገሮቿን መቆጣጠር የሚወድ ሰው ስለሆነ
ሊሆን ይችላል፡፡ ስለዚህ ሊያስፈራራት እና ተመልሳ ወደ ቤቷ እንድትሄድ
ማድረግ ነው የሚችለው እንጂ አንድም ቀን እጁን አንስቶባት አያውቅም።
ምክንያቱም በጣም ነው የሚወዳት

ትናንት አኔን በስልክ ስታወራት ከድምጿ ውስጥ ከፍተኛ ፍራቻ እና ተስፋ መቁረጥን

#የፍቅር_ሰመመን
፡
፡
#ክፍል_አርባ_ዘጠኝ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

....ከኮቱ ውስጥም ሽጉጥ መዝዞ በአይኗ መሀል ላይ ደቀነባት።

...ሚክ ጆንሰን ፖሊሷ ላቲሻ ሆልን ልክ እንደ ቆሻሻ እየተመለከታት

“ጉድማን በቶሎ ይፈልግሃል ብለሺኝ ነበር የመጣሁት” አላት፡፡

“አዎን መርማሪ ፖሊስ ጉድማን እንደዚያ ብለሽ ነው ደውይለት ያለኝ ጌታዬ” ብላ መለሰችለት።

ላቲሻ ከጉድማን ይልቅ ጆንሰን በጣም ንዴተኛ እንደሆነ ስለምታውቅ በጣም
ተጠንቅቃ በትህትና ነበር መልስ የምትሰጠው።ሁሉምዐየዲፓርትመንቱ ሰራተኞች ከሚክ ጆንሰን ጋር ፊት ለፊት መጋፈጥ እንደሚያዋርድ ያውቃሉ። በተለይ ደግሞ የሚጋፈጠው ሰው አይሪሽ ካቶሊክ ነጭ እና ወንድ ከሆነ ጉዱ ነው የሚፈላው፡፡

“እና የታለ እሱ?” ብሎ ጆንሰን ጥርሱን ነክሶ ጠየቃት፡፡

“አላውቅም ጌታዬ!”

“አታውቂም?!” ብሎ ጆንሰን በሹፈት መልክ ድምፁን ቀንሶ ጠየቃት::ክፍሉ ውስጥ ከሚገኘው ሶፋ ወንበር ላይም ሰምጦ ከተቀመጠ በኋላ አይኑን
በመጨፈን ንዴቱን ተቆጣጠረ። ለእሷ አስቦ ሳይሆን ሀይሉን መቆጠብ
ስላለበት ነው ንዴቱን ያላሳያት። አሁን ነገሮች በጣም አደገኛ ሆነዋል።
ስለዚህ አሁን ማወቅ ያለበት ጉድማን የት እንደሚገኝ ብቻ ነው።

ሁለቱ መርማሪ ፖሊሶች እየተወሻሹ እስከ አሁን ድረስ ዘልቀዋል። ዛሬ ላይ ደግሞ ጆንሰን የሽጉጥ ድምፅ አፋኝ የሚሸጡ ሰዎችን ሲያፈላልግ እንዳልዋለ ሁሉ ጉድማንም የመተግበሪያ አፕሊኬሽን ፈቃዱ የማን እንደሆነ ሲመረምር እንደዋለ ያውቃል። ጆንሰን የካርተር በርክሌን ባንክ ወደ ሆነው በርክሌይ ሀሞንድ ሩድ ባንክ ሄዶ ለምርመራ የሚፈልገውን ፋይል ኮፒ ሲያስደርግ በነበረበት ጊዜ ነበር በአስቸኳይ እንደሚፈለግ ይህቺ ደነዝ ሴት
ደውላ የነገረችው፡፡

ዛሬ በርክሌይ ቢሮ ውስጥ ሆኖ ነበር ጉድማን እየዋሸው ሁለቱንም ባሳወራቸው የማይገባው ዓለም ውስጥ አብሮት እንደሚሰራ የገባው። እርግጥ
ነው ገና ይሄንን ጉዳይ አብረው ምርመራ ማድረግ ከጀመሩበት ጊዜ ጀምሮ
ደመ ነፍሱ ጉድማንን እንደማያምነው ሲነግረው ነበር።

“መርማሪ ፖሊስ ጉድማን እዚህ አንተን እየጠበቀ ባለበት ጊዜ ላይ ነበር
ስልክ የተደወለለት::” አለች እና ላቲሻ በመቀጠልም “የደወለለትን ሰው ማንነት ባላውቅም ስልኩን ካወራ በኋላ ልክ ከሲኦል ተመንጥቆ እንደወጣ የሌሊት ወፍ በፍጥነት ነበር ከዚህ ቢሮ የወጣው። ፊቱ ላይ የሚታየው ነገርን ሳልጨምር ማለት ነው”

የጆንስን አዕምሮ የተለያዩ ነገሮችን እያሰበ ሆዱን ፍርሃት ፍርሀት አለው።

ላቲሻን ከእሱ እና ጉድማን የጋራ ቢሮ አስወጣት እና በሩን ዘግቶ የጉድማን ወንበር ላይ ቁጭ አለ።

አሁን ነገሩ እየከረረ ነው ፤ ነገር ግን ተስፋ መቁረጥ አይኖርበትም፡፡

አስብ!”

የጉድማን ዴስክ ሁሌም ጥርት ያለ እና የተደራጀ ነው። የዶክተር ሮበርትስ አድራሻ ከጀርባው የተፃፈበት ኤንቨሎፕ እና የጉድማን ስልክ ዴስኩ ላይ ይገኛሉ። ይሄ ደግሞ ጉድማን በጣም በከፍተኛ ተስፋ መቁረጥ ውስጥ በመሆኑ የተነሳ ነው እንጂ ጉድማን ስልኩን ረስቶ መቼም እንደማይሄድ ያውቀዋል። ጆንሰን ኤንቨሎፕን አንስቶ የዊሊያምስን ደረሰኝ እና ከጀርባው የተፃፈውን የኒኪን እጅ ፅሁፍ ማስታወሻውን በጥንቃቄ ሲመለከት ቆየ።
በተለይ ደግሞ የእሱን ስም ከኤንቨሎፕ ላይ ሲያነብ ልቡን አፈነው። ጆንሰን
እዚህ ነገር ውስጥ እስከ አንገቱ ነው ያለበት! የማትረባ ሴት! አንገት ድረስ
መጥለቅ ምን ማለት እንደሆነ ሊያሳያት ነበር።

ኤንቨሎፕን ኪሱ ውስጥ ከተተ እና የጉድማንን ስልክ አንስቶ ከበፊት
ጀምሮ ሸምድዶ የያዘውን የስልኩን ኮድ ቁጥር ፃፈ እና ከፈተው።የመልዕክት ሳጥኑን እና የደወላቸውን ቁጥሮች በጣቱ ወደ ታች ሲያደርግ ቆይቶ በመጨረሻ ላይ የሚፈልገውን ነገር አገኘ።

ወደ ራሱ ስልክም ከጉድማን ስልክ ላይ ያለውን መረጃ አዘዋወረ እና የተላከ መልዕክት የሚለው ቦታ ላይ ገብቶም መረጃውን አጠፋ:: ሰዓቱን ሲመለከትም ልቡ በፍርሃት መደለቅ ጀመረች፡፡ 12:20 ይላል! ይሄ እንዴት ሊሆን ቻለ? ምናልባት ዘግይቶ ቢሆንስ?

ሽጉጡን እና ተጨማሪ የሽጉጡ ካርታዎች ቀልሃቸው ሙሉ መሆኑን አረጋግጦም በሩን ከፍቶ እየሮጠ ወጣ፡፡

አሁን ይህንን የተረገመ ምርመራ ለአንዴ እና ለመጨረሻ ጊዜ መጨረስ ይኖርበታል።

ኒኪ አይኗን ጨፍና ህይወቷን የሚያሳጣትን ጥይት ድምፅ እየጠበቀች
ነው። የዊሊን ሬሳ ስታይ የተሰማት ከፍተኛ ፍርሃት በንኖ ጠፋ እና በተስፋ መቁረጥ ተተካ፡፡ በተለይ ደግሞ ለማወቅ የምትፈልጋቸውን ነገሮች ሳታውቅ
መሞቷን ስታስብ ድንዛዜ ተቆጣጠራት፡፡

የምትጠብቀው የጥይት ድምፅን መስማት አልቻለችም። አይኗን
ስትገልፅም የሮድሪጌዝ አይኖች ላይ ጭካኔን እና መገረምን ተመለከተች፡፡

“ምን ያስቸኩልሻል ዶክተር ሮበርትስ፡፡ ወደ ፈጣሪሽ ከመሄድሽ በፊት ማውራት አትፈልጊም እንዴ?” አላት፡፡

“ዊሊ ባደንን አንተ ነህ የገደልከው?” ብላ በእርጋታ ጠየቀችው። እርግጥ ነው ሊገድላት ነው። ግን ከመሞቷ በፊት መልሶችን መስማት ትፈልጋላች፡፡

“ታዲያስ?” ብሎ ምስጋና የሚሰጣት ይመስል አጎነበሰ፡፡

“ለምን?

“ለምን አልገድለውም?” ብሎ ሳቀባት እና “እንዴ ያደረግኩትን ሥራ እንዳልወደድሽው እያየሁ እንዳይሆን ብቻ! የሆነ አጭበርባሪ አሳማ ነገር እኮ
ነው።”

“ለምን?”

“ተስገበገበአ!” አላት እና በመቀጠልም “አብረን በምንሰራው ቢዝነስ ውስጥ
ሜክሲኮ ውስጥ ከተስማማነው ውጪ ብዙ ገንዘብ ከእኔ ላይ መውሰድ
ጀመረ። ሜክሲኮ እያለን ጠንቃቃ ነበር፡፡ እዚህ ሎስ አንጀለስ ከመጣ በኋላ
ግን ራሱን አይነኬ አድርጎ መቁጠር ጀመረ፡፡” አላት እና ወደ ዊሊ ሬሳ ዞሮ
“ይህ ሀሳቡ ደግሞ የማይረባ እና ስህተት እንደሆነ ላሳየው ፈለግኩኝ። ማንም ሰው ከእኔ ጋር ጠላትነት ውስጥ ከገባ የትም ቢገባ ፈልጌ አገኘዋለሁ::” ካላት በኋላ በጣም በሚያስፈራ ሁኔታ አፍጥጦ ሲያያት ኒኪ ወዲያውኑ ተኩሶ የሚገድላት መስላት:: “እሺ ሌላ ጥያቄ አለሽ?” አላት፡፡

“እኔን ምንድነው ያደረግካት?”

ሮድሪጌዝም በጥያቄዋ ተገርሞ አያት እና
“እኔን እሷ እንዲደረግባት ከምትፈልጋቸው ነገሮች ውጪ ምንም ነገር አላደረኳትም” አለ እና ፈገግ ብሎም
“ሚስቴ ሰዎች እንዲጫኗት ትፈልጋለች። ዶክተር ሮበርትስ አንቺ ይሄ የሚስቴ ነገር ለምን እንዳልገባሽ አላውቅም። አሁንም ቢሆን ይሄ ነገር አይገባሽም። ምክንያቱም አኔን ከእኔ በላይ አታውቂያትም።”

“በጣም እንደምትፈራህ አውቃለሁ” አለችው እና ኒኪ በመቀጠልም
አንተ ሸሽታ ወደ እዚህ የመጣችው አንተ አስረሃት የምትኖረው ኑሮ ከአቅሟ በላይ ስለሆነባት ነው” ስትለው ፈገግታው ጨለመ::

አንቺ ስለ እሷ ስትከራከሪላት ሳይ በጣም ይገርመኛል፡፡ እንዴ! ወደዚህ
ልታስገድልሽ እንደሆነ እያወቅሽ መሆኑ ደግሞ የባሰ አስደምሞኛል።” አላት፡፡

“ምክንያቱም ስላስገደድካት ነው! የዊሊ ባድንን ግድያ አስገድደህ እንድታየው እንዳደረካት ሁሉ ማለት ነው።” አለችው፡፡
ሊዊስም ራሱን በአሉታ ነቅንቆ “ዶክተር ሮበርትስ ነገሩ እስካሁን አልገባሽም ማለት ነው? እሷ ይህንን ነገር የምታደርግልኝ እኮ በጣም
ስለምትወደኝ ነው። ላንቺ ምንም አይነት ስሜት ቢኖራትም በመጨረሻ ላይ
አኔ እኔን ለመከላከል ስትል ማንኛውንም ነገር ታደርግልኛለች። ምንም እንኳን በመካከላችን ያለውን ፍቅር ልታጠፊ ያላደረግሽው ነገር ባይኖርም
አኔ ልቧ አሁንም ከእኔ ጋር ነው።”

“ውሸት!” ብላ ኒኪ ከመለሰችለት በኋላ ግን ደውላ ወደዚህ እንዳስመጣቻትና እንዲሁም ደግሞ በዊሊ ባደን ግድያ ላይ ስለነበራት ድርሻ ምን ይሆን? ብላ

#የፍቅር_ሰመመን
፡
፡
#ክፍል_ሃምሳ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


....“ትሬይን ያስገደልከው አንተ ነህ አይደል?”

ብላ ኒኪ መሳሪያውን በድጋሚ አንስቶ ሊተኩስባት በተዘጋጀው ሉዊስ
ላይ አፍጥጣ እየተመለከተች ጠየቀችው።

ስለ አኔ ካወራት በኋላ ቅናቱ በጣም ስለጨመረበት እና ስለተናደደ እሷን
ቶሎ ገድሎ ለመገላገል ፈልጓል። የኒኪ ብቸኛ ተስፋ ደግሞ እሱ ወሬውን
እንዳያቋርጥ በማድረግ ለትንሽ ደቂቃም ቢሆን በህይወት መቆየት እንድትችል ማድረግ ነው። መቆየት ደጉ ይባል አይደል?

መሳሪያውን ወደ ታች አውርዶ ሉዊስ አይኑን እያንከባለለ ከተመለከታት በኋላ

እሱ በጣም ደደብ ልጅ ነው። ቢፈልግ ኖሮ በህይወት መቆየት ይችል ነበር። እያንዳንዱን ዕድል ሰጥተነው ነበር፡፡”

“ምን ማለትህ ነው “እያንዳንዱን ዕድል ስትል? የምን እድል? ገንዘብ ተበድሮህ ነበር እንዴ?” አለችው የዴሪክ ዊሊያምስ ትሬይ ዌስትመንት ውስጥ በዕፅ አዘዋዋሪነት ይሰራ ነበር ያላትን ነገርን እና እንዲሁም ደግሞ የዊሊ ባደን አፍ ውስጥ የተጎስጎሱትን ገንዘቦች አስታውሳ

“ትንሽ ብር ነበረበት ግን ለዚያ ብዬ አልነበረም ያስወገድኩት” አላት፡፡

“እና ለምንድን ነው ታዲያ? አዲስ ህይወት በመጀመሩ ተናደህ ነው?
ከሱስ በመፅዳቱ እና ከወሮበላ ቡድኖች ጋር መሥራት ስላቆመ ነው?”
ሉዊስም ፈገግ ካለ በኋላ “ዶክተር ሮበርትስ እኔ ስለ ትሬይ ሬይሞንድ
ህይወት ያን ያህል የሚያገባኝ ከመሰለሽ ተሳስተሻል፡፡ እኔ የቢዝነስ ሰው ነኝ፡፡
ትሬይ ደግሞ የእኔ ድርጅት ቤተሰብ አይደለም፡፡ እሱ የዕፅ ተጠቃሚ ነው።
ማለቴ ገዢ ነው፡፡ ገዢ ሲሄድ ደግሞ ሌላ ገዢ ይመጣል።” ኒኪም ኮስተር
ብላ እያየችው “ትሬይ በጣም ተሰቃይቶ ነው እንዲሞት የተደረገው። ምን
ቢበድልህ ነው ይህንን ያስደረግከው?”
ሮድሪጌዝ በስልቹነት ስሜት ሲያዛጋ ስታየው ከውስጧ ሀይለኛ ንዴት
እና ጥላቻ እየተግተለተለ ሲወጣ ይሰማታል፡፡ በውስጧም አኔ እንዴት ነው
ይህንን አውሬ ሰው አፍቅራው ልታገባው የቻለችው?' ብላ አሰበች።

“ሬይ ሬይሞንድ ጋ እኔ የምፈልገው አንድ ነገር ነበር።” አላት እና ሉዊስ በመቀጠልም “ለዚያም ልዋጭ ጥሩ ዋጋን አቅርቤለት ነበር፡፡ እሱ ግን
እምቢ ብሎ ደረቀ፡፡ ይሄ ደግሞ ለሞት የሚያበቃው ስህተቱ ነው።”

“ሬይ ጋ ያለ አንተ የምትፈልገው ነገር ምንድን ነበር?” ብላ ኒኪ ጠየቀችው በኋላ ወዲያውኑ አይኗ በእምባ ተሞላ። በጣም ብዙ አሰቃቂ ነገሮች በዙሪያዋ ተከስቶባት ስለነበር የትሬይን ሞት እና በእሱ ሞት ምክንያት የተሰማትን ግብር እና ሀዘን ከእሷ ገፍታ አስወግዳው ነበር። አሁን ግን ሞት ደጃፍ ላይ ስለቆመች ነው መሰል ሀዘኑ እና ሽብሩ ሁለመናዋን
ተቆጣጠሩት፡፡ “አንተ በመቶ ሚሊዮኖች የሚቆጠር ዶላር አለህ፡፡ ትሬይ ግን
ምንም የለውም! በጣም ውድ የሚባለው ዕቃው እኮ ዶውግ የገዛለት የመንገድ ላይ መንሸራተቻው (ስኬት ቦርዱ) ብቻ ነበር” አለችው በምሬት፡፡
“መረጃ ነበረው:: ማለትም አንቺ በቢሮሽ ውስጥ ሚስቴን ቴራፒ ስታደርጊ እሷን አስመልክቶ የምትወስጂውን የማስታወሻ ፅሁፍ እንዲሰጠኝ በትህትና ጠይቄው ነበር፡፡ እምቢ አለ ገደልኩት” አላት፡፡

“ግን እኮ እሱ ምንም አያውቅም” ብላ አየር ሳበች እና

“የእኔ እና የእሷን ምልልስን አስመልክቶ እኮ ማስታወሻ አልይዝም ነበር”
አለችው።

“ውሸታም!” ብሎ ጮኸባት እና “አንቺ ማስታወሻ ትይዢ ነበር::
የማስታወሻዎችሽ ኮፒዎች ደግሞ ፖሊሶቹ ጋር እንዳሉ አውቃለሁ።” አላት::

“በእውነት ከእሷ ጋር የቴራፒ ህክምናዬን ሳደርግ ማስታወሻ አልይዝም
ነበር” ሉዊስም ግር ብሎት “ለምን?” አላት፡፡

“ምክንያቱም እሷ አትፈልግም ነበር፡፡ ግን መያዝ ነበረብኝ” አለችው እና ኒኪ ፀፀት ተሰማት፡፡ በመቀጠልም “ትሬይን እኮ ስትጠይቀው የነበረው እኮ ሊያገኘው የማይችለውን መረጃ ነበር፡፡ ማንም
ሰው ሊያገኘው አይችልምም፡፡ ምክንያቱም መረጃው እዚህ ውስጥ ነው የሚገኘው” ብላ በጣቷ ጭንቅላቷን እየተመተመች ነገረችው። ሉዊስ ለአፍታ ያህል ዝም ብሎ የሰማውን ነገር ሲያዳምጥ ከቆየና በጣም ከት ብሎ ከሳቀ በኋላ

“ይገርማል አስቂኞቹ የስህተት ሰማዕቶች እስከ አሁን ድረስ አላለቁም!” ብሎ በሳቁ ብዛት የፈሰሰውን እምባውን በአይኑ ላይ በአይበሉባው ከጠረገ በኋላ “ዶክተር ሮበርትስ ይህንን ነገር ስላሳወቅሽኝ በጣም ነው የማመሰግነው፡፡ የሚደነቅ ነገር ነው ባክሽ፡፡ ለማንኛውም የምትገደይበትን እውነተኛ ምክንያት አውቀሽ መሞትሽ መልካም ነው::” አላት እና ለሦስተኛ ጊዜ መሳሪያውን ፊቷ ላይ ሲደቅን ኒኪ ጊዜዋ እንዳበቃ ገባት፡፡

“እንግዲህ ሁሉም ቲያትሮች በመጨረሻ ላይ የሆነ ጥሩ መዝጊያዐይኖራቸዋል፡፡ ደህና ሁኚ ዶክተር ሮበርት”

“ነፍስህ በገሃነም ይቃጠል!” ብላ ጮኸችበት ኒኪ፡፡

ከዚያም አንድ ጆሮ የሚያደነቁር ፍንዳታ ተሰማ እና ሁሉም ነገር ጨለማ ሆነ፡፡
።።።።።።።።።።።።።።።።።።።።።።።።።።
በመጀመሪያ ጭለማው ተቆጣጠራት፡፡
ከዚያም ሁሉ ነገር ፀጥ አለ፡፡
ምንም አይነት ትንፋሽ፤ ምንም አይነት እንቅስቃሴ የለም፡፡ በቃ ሁሉም
ነገር ፀጥ ብሏል፡፡

ሰላም ብቻ::

እና ሞት እንደዚህ ነው ማለት ነው?'
ጨለማው እንዳለ ቢሆንም የልብ ምቷ ለራሷ ይሰማታል፡፡ ልክ ከረዥም
እንቅልፍ እንደሚነቃ እንስሳ ሁሉ እየተንጠራራች ነቃች፡፡ ስትነቃ ግን
ህመሙ ተሰማት፤ ያውም በደንብ ስል እና በጣም እሳት ሆኖ።

እግሬን' ብላ እጇን ወደ ታች ስትሰድ ሙቁ የሚያጣብቅ ደሟ ተቀበላት። ስለሆነም ጨለማው ራሷን በመሳቷ ሳይሆን የአዳራሹ መብራት በመጥፋቱ ምክንያት የመጣ እንደሆነ ገባት፡፡ ምንም እንኳን ኒኪ በእግዚአብሔር ባታምንም የሆነ ተዓምር መብራቱን እንዳጠፋላትና ሉዊስም በዚህ ግራ ተጋብቶ ተሳስቶ እግሯን እንደመታት ግልፅ ሆነላት። ምን ያህል ደም እንደፈሰሳት እያሰበችም እጇን ወደ ቁስሉ ስትልክ አመማት እና ቀጭን
ነው ድምፅ አወጣች፡፡

ድምፅ ማውጣቷ ስህተት ነበር፡፡ ይሄኔም ሉዊስ ድምፁን ወደሰማበት አቅጣጫ የእውር ድንብሩን ሲንቀሳቀስ ሰማች፡፡ ወዲያውኑ ግን ወለሉ ላይ
ስለወደቀ በስፓኒሽ ሲራገም ሰማች። ተጎድቶ ይሆን? በፍፁም፡፡ ምክንያቱም
መናገር ሲጀምር ድምፁ ጥርት ያለ ነበር። ድምፁ ውስጥ ህመምም ሆነ
ንዴት አይሰማም፡፡
“አንቺ ሸርሙጣ! ሰምቼሻለሁ”
ዝም ብላ ቆየች፡፡ በጣም ቀርቧታል፡፡ ምናልባትም አጠገቧ ሊደርስ አንድ
እርምጃ ብቻ ይሆናል የሚቀረው፡፡
“እየመጣሁልሽ ነው!”
።።።።።።።።።።።።።።።።።።።።።።።።።።።።
የጨለመው በጥልቅ እና በፍጥነት ነበር፡፡

ምድር ቤት የሚገኘው ዋናውን ፊዩዝ ያጠፋው ሉዊስን እና ፎቁ ውስጥ
ሊገኙ የሚችሉ የሉዊስ ሰዎችን ለማደናበር አስቦ ነው:: ይህን በማድረጉም ትንሽ የመዘጋጂያ ጊዜ ይኖረዋል፡፡ ጨለማው ሲውጠው ግን ጉድማን መብራቱን በማጥፋቱ ተፀፀተ።

ምድር ቤት ውስጥ አንገቱን አቀርቅሮ በጉልበቱ ተንበርክኮ ነው፡፡ በዚህ ላይ ደግሞ ጭለማው እና የምድር ቤቱ እምክ እምክ መሽተት ልክ የሬሳ ሳጥን ውስጥ ያለ መሰለው፡፡ ምንም አይነት ብርሃን የለም፧ ስለዚህ ማምለጥ አይችልም፡፡ ልቡ በጣም መምታት ጀመረ። ስለዚህም ቶሎ ቶሎ አየር በማስወጣት እና በማስገባት ራሱን እንደምንም ብሎ ለማረጋጋት ቻለ::

“አሁን አስብ' ብሎ ለራሱ ተናገረ፡፡

የሱሪ ኪሱ ውስጥ ስልኩን መፈለግ ጀመረ ሁሉንም ኪሶች ሲፈትሻቸው ስልኩን ሊያገኝ አልቻለም፡፡ ቢሮ ትቶት እንደመጣ ገመተ በመቀጠልም የመኪናው ቁልፍ ላይ ማግላይት
እንዳለው አስታወሰ እና ከኪሱ አውጥቶ አበራው፡፡ ምድር ቤቱ ጣራ ላይ

#የፍቅር_ሰመመን
፡
፡
#ክፍል_ሃምሳ_አንድ
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

...የብረቱን መሰላል ይዞ ወደ ላይ መውጣት ጀመረ፡፡

ሉዊስ ሮድሪጌዝ የኮሪደሩ መብራቶች በሙሉ ሲበሩ አይኑን ሽጉጥ በያዘበት እጁ ከለለ፡፡ ከታች ስሙ ሲጠራ ሰምቷል። የእነርሱን ጉዳይ የኒኪን ጉዲይ ከጨረሰ በኋላ ያስኬደዋል። አሁን ግን ኒኪን መግደል አለበት፡፡ እሷን የመግደሉ ሀሳብ በጣም አስደስቶታል። ከተቀመጠበት ተነስቶ ቆለጡ ላይ የሚሰማውን ህመም ችላ ብሎ ለእሳት አደጋ መውጫ ወደ ተሠራው የብረት ደረጃ አመራ።

እየመጣሁልሽ ነው አላት በዜማ ድምፅ እና ወደ ላይ ደረጃውን መውጣት ጀመረ። “የት ነው ያለሺው ነይ ወደ እዚህ!” እያለ ደረጃው ላይ የተንጠባጠበውን ጥቁር ደም እየተመለከተም ከደረጃው ጫፍ ላይ ከሚገኘው በር ላከ ደረሰ።

ሙሉ በሙሉ የበሩት የህንፃው መብራቶች ኒኪን ከእንቅልፏ አነቋት፡፡
ግን ተመልሳ ለዘላለም እንድታንቀላፋ ትደረጋለች፡፡ አዎን ልክ ዊሊ ባደንን
እንደገደለው እሷንም ያለችበት ቦታ ድረስ መጥቶ ሉዊስ ሮድሪጌዝ ይገድላታል። በቃ ከዚያ በኋላ ከባሏ ዶውግ ጋር ትገናኝ እና መልስ ላልተገኘላቸው ጥያቄዎቿ እራሱ መልስ ይሰጣታል። እውነታውንም
ታውቃለች ማለት ነው፡፡

“በጣም ነው የደከመኝ

ወደ ታች አይኗን ልካ በጥይት የተመታው እግሯን ተመለከተች፡፡ እንደ ቅድሙ ሀይለኛ ህመም አይሰማትም፡፡ ከዚያ ይልቅ ግን ቀዝቃዛ ውቅያኖስ
ውስጥ እንዳለች ሁሉ እግሯን በጣም ደንዝዟታል።

ከላይ በኩል ያለው የእሳት አደጋ መውጫ በር ተከፈተ እና የሮድሪጌዝን
ጭካኔ የተሞላበት የሹፈት ጥሪን ማዳመጥ ጀመረች።

“ዶክተርዬ የት ነሽ? እየመጣሁልሽ ነው እኮ” ይላታል፡፡

ፍርሃቷ ተመልሶ መጣባት፡፡ ከህመሟ የሚበልጠው ጥልቅ የመኖር ጉጉትም ውስጧን ተናነቃት፡፡ ስለሆነም ወደ ኋላ ወደ ጓዳው ግድግዳ እየተንፏቀቀች ተጠጋች እና ኮንክሪቱ ጋ ስትደርስ ተደግፋው ቁጭ አለች። ከተቀመጠችበት ቦታ ሆና በመጀመሪያ ጥቁሩን እና በደንብ ተደርጎ የተወለወለውን ጫማውን ተመለከተች፡፡ በመቀጠል ደግሞ እግሩን እና ሱሪውን፡ ከንፈሯም በፍርሃት የሆነ የልመና ድምፅ ሲያወጣ ይታወቃታል።

ይሄው አገኘሁሽ የኔ ውድ” አላት አጠገቧ እንደ ጅብራ ተገትሮ እንደቆመ፡፡ ሽጉጡን አዘቅዝቆ ይዞታል፡፡ ቀና ብለሽ ተመልከቺኝ” አላት፡፡ ኒኪም እንዳጎነበሰች ራሷን በአሉታ ነቀነቀች፡፡

ቀና ብለሽ እይኝ አንቺ ሸርሙጣ!” ብሎ ሲጮህባት ግን ኒኪ የግዷን ቀና
ብላ አየችው።

አቤት አይኖቹ! ውስጣቸው ያለው ጭካኔ ይታይባቸው ኖሮ እንዴት ያምሩ ነበር፡፡ ግን እነዚያ ቡናማ ውብ አይኖቹ ውስጥ የሚታዩት ጭካኔ ምህረት አልባነት እና ጥላቻ ስለሆነ ውበቱን አደብዝዞታል፡፡

ሽጉጡን ቀስ ብሎ ወደ እሷ ጭንቅላት አስጠግቶ በስስ ከንፈሮቹ ፈገግ
እያለ ተመለከታት።

“ሮድሪጌዝ መሳሪያህን ጣል ፖሊስ ነኝ
እንዳትተኩስባት!” የሚለው የጉድማን ድምፅ እንደ ህልም ሆኖ ይሰማት ጀመር፡፡
ሉዊስም ቢሆን ልክ እሷ የተሰማት አይነት ስሜት ነበር የተሰማው::
የሽጉጡን አፈሙዝ ግምባሯ ላይ ለጠፈው።

“ከኋላህ ነኝ ሉዊስ እንዳትተኩስባት” አለው፡፡

ኒኪም ጉድማን መሰላሉን ወርዶ ከሉዊስ ጀርባ ላይ ሽጉጡን እንዳነጣጠረ ተመለከተች፡፡ የደንብ ልብሱን ባይለብስም ሁሉ ነገሩ ግን በራስ
መተማመኑን እና ስልጣን ያለው መሆኑን ያሳያሉ። ግጥም ያለ መንጋጋው
እና ትዕዛዝ የሚሰጥበት ድምፁ ደግሞ ለዚያ ማሳያ ናቸው።

'የእኔ ህይወት ሊታደግልኝ ነው እዚህ ድረስ የመጣው! እና ጥልቅ የሆነ እፎይታ ሰውነቷን ወረራት።

ሮድሪጌዝም መሳሪያውን ወለሉ ላይ ጣላ እና ወደ ጉድማን ዞረ፡፡

ዘና ብሎ ጉድማንን ልክ በፊት እንደሚያውቀው ሰውም ያናግረው
ጀመር፡፡ “ፖሊስዬ አየህ አልገደልኳትም፡፡ ስለዚህ ለእሷ ያለህን ፍቅር ማሳየት ችለሃል” አለው እና ትንሽ ስቆ
“እሺ ከዚህ ቀጥሎስ ልታስረኝ ነው?” ብሎ ሁለቱን ክንዶቹን ወደ
ጉድማን ዘረጋ፡፡

ይሄ ሰውዬማ ዕብድ ነገር ነው፡፡ ብላ ኒኪ አሰበች። በቃ መጥፎ ብቻ ሳይሆን ዕብድ የአእዕምሮ ሆስፒታል ውስጥ ገብቶ ህክምና መከታተል የሚገባው ሰው ነው አለች በውስጧ፡፡

ጉድማንን ቀና ብላ እየተመለከተች በእስረኛው እጅ ላይ የእጅ ሰንሰለት
(ካቴና) ከማስገባቱ በፊት ለእስረኛው ስለመብቱ የሚናገረው ነገር ካለ ብላ
ጠበቀች፡፡ አዎን ሮድሪጌዝ ታስሮ ከአጠገቧ እስካልሄደ ድረስ ፍፁም ሰላም
አይሰማትም። መሳሪያ ባይዝ እንኳ በባዶ እጁ እንደሚጨርሳት..

ድው' የሚለው ብቸኛ የጥይት ድምፅ ተሰማት።
የሮድሪጌዝን ጭንቅላት አፈነዳው። የጭንቅላቱ የተበታተኑ አጥንቶች
እና አንጎሉም በብረት መሰላሉ ላይ፣ በኒኪ ልብስ ላይ፣ በኒኪ ፊት ላይ እና
እጆች ላይ ከደም ጋር ተቀላቅለው ተበታተኑ።

በዝግታ የጉድማንን ሬሳ ተሻግሮ ኒኪ ወደምትገኝበት ግድግዳ ተጠጋ እና
ለስላሳ እጁን ደም የነካውን ጉንጫ ላይ አሳረፈ።

“ልታስረው አልፈለግክም!”

“አዎን አልፈለግኩም!” ብሎ መለሰላት፡፡

ይሄኔም ኒኪ በሀይል መንቀጥቀጥ ጀመረች። በመቀጠልም በጣም
እየተንሰቀሰቀች አልቅሳ ተረጋጋች
“አመሰግናለሁ!” አለችው እና በሁለቱ እጆቿ አንገቱን አቅፋ ልጥፍ አለችበት።

ለጥቂት ጊዜ ያህል አቅፋው ከቆየች እና የደህንነት ስሜት ከተሰማት በኋላ ከእቅፉ ተላቅቃ ግድግዳውን ተደገፈች። እግሯ ሙሉ በሙሉ ደንዝዟል። ወደ ሆስፒታል በቶሎ መሄድ ይኖርባታል፡፡

“ህይወቴን ስላተረፍክልኝ እጅግ በጣም አመሰግናለሁ።” አለች እና በአይኗ አይኑን ፈለገችው፡፡

እሱም አይኑን መልሶ አይኗን ሲያያት ግን ለሰከንዶች ያህል ኒኪ ግራ ተጋባች:: አይኑ ውስጥ ቅድም ሮድሪጌዝ ሊገድላት ሲል ያየችውን ነገር ተመለከተች። ሰይጣንን፡፡

“በጣም የምትገርሚ ደደብ ሴት ነሽ” አላት እና ሽጉጡን ጭንቅላቷ ላይ
ደገነባት፡፡

ከዚያም ከፍተኛ ፍንዳታ ተሰማ እና ሁሉም ነገር ፀጥ አለ፡፡
።።።።።።።።።።።።።።።።።።።።።።።።።።።።
ፊዮና ማክ ማን በጉድ ሰማርቲያን ሆስፒታል ውስጥ የምትሰራውን ስራ ትወደዋለች ፊዮና ነርስነትን እንደ ሥራ ሳይሆን እንደ የእጅ ሙያ ነው የምትቆጥረው፡፡ ማለትም ሌሎችን ለማገልገል በፈጣሪ ጥሪ እንደተደረገለት የቤተክርስቲያን አገልጋይ ነው የምታየው። “ጥሪያችንን ተከትለን በምንሥራው ሥራ አይደል እንዴ ገቢያችንን የምናገኘው?” እያለች እናቷ ጆኒ ትቀልድባታለች፡፡

እንደ ዕድል ሆኖ ደግሞ ሆስፒታሉ የሚከፍላት ክፍያ በጣም ጥሩ ነው።
በየቀኑ በጣም ጥሩ ሀኪሞች እና ነርሶች ጋር ነው የምትሰራው። በዚያ ላይ
ደግሞ የምታክማቸው ሰዎች የተለያዩ መሆናቸው ያዝናናታል። አንድ
አንዶቹ በጣም ህመም መቋቋም የሚችሉ ሰዎች ሲሆኑ፣ ሌሎች ደግሞ
ደጎች እና ሰዎችን አክባሪ ናቸው። አለ አይደል ለተደረገላቸው አገልግሎት
ምስጋናን የሚያቀርቡ ናቸው፡፡ በእርግጥ ሌሎችም አይነት ሰዎች አሉ::
የሚያመናጭቁ ሱሰኞች፣ በሽታቸው በጣም የሚያስቃያቸው ሰዎች ወይንም
ደግሞ ቁስላቸው እና በሽታቸው ሊታከምላቸው የማይችሉ ሰዎችም
ይገጥሟታል፡፡

ፊዮና የክፍሉን መጋረጃ ገልጣ ፀሐይ እንዲገባ ካደረገች በኋላ ዞር ብላ
አልጋው ላይ የተኛችውን ታካሚ ተመለከተቻት፡፡ እግሯ ላይ በጥይት
ተመታ እና ብዙ ደም ከፈሰሳት በኋላ ነው ወደዚህ ሆስፒታል ሌሊቱን ይዘዋት የመጡት፡፡ በጥሩ ሁኔታ የቀዶ ጥገና ከተደረገላቸውም በኋላ ቢሆን
አንድ አንድ በሽተኞች በጣም ሊጎዱ ወይንም ደግሞ ልባቸው ላይ ጉዳት
ሊደርስባቸው ይችላል፡፡ ወይንም ደግሞ ለሰዓታት፣ ለቀናት ወይም ደግሞ
ሳምንታት ያህል በደረሰባቸው አደጋ ሊሰቃዩ አዕምሮአቸው ሊረበሽ ይችላል

#የፍቅር_ሰመመን
፡
፡
#ክፍል_ሃምሳ_ሁለት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


....“አንተ?...” አለች፡፡

ኒኪ አይኗን አጥብባ የምትጠላውን መርማሪ ፖሊስ ፊትን መመልከት
ጀመረች፡፡ ይህ መርማሪ ፖሊስ ያለፉት ጥቂት ሳምንታት ህይወቷን የማይቻል እና አስቸጋሪ አድርጎባታል። “እዚህ ደግሞ ምን ትሰራለህ?” ብላ ጠየቀችው፡፡

“አንቺ እስክትነቂ ድረስ እየጠበቅኩሽ ነበር” አላት እና አሁንም ፊቱ በደስታg እንዳበራ አፍጥጣ በቁጣ የምታየውን ነገሩን ችላ ብሎ “እግርሽ በቅርቡ ሰላም እንደሚሆን ሰማሁ:: በእውነት ደስ የሚል ነገር ነው ዶክ፡፡ ደግሞም ሁሌም የሚያምሩ እግሮችሽን ይዘሽ ትቆያለሽ” አላት፡፡

ኒኪም በቁጣ አይን እያየችው “ይሄ ሰው ከዘረኝነቱ እና ከተሳዳቢነቱ በተጨማሪ ለሴት የሚባሉና የማይባሉ ነገሮችን ያውቃል ብላ አሰበች።

“አንቺ ሁሌም ደስ የምትይ ቆንጆ ሴት ነሽ፡፡ በዚህ ላይ ደግሞ አንድ አንዴ እንኳን ትንሽ ፈገግ በይበት እስቲ” አላት እና ጆንሰን በመቀጠልም “ማለቴ ድሌን በደንብ እንዳጣጥመው ብታደርጊኝ ደስ ይለኛል፡፡ መቼስ ህይወትሽን ያተረፍኩልሽ እኔ አይደለሁ?”

“ምን ማለትህ ነው ባክህ?” ብላ ኒኪ ከተኛችበት ቀና ብላ በጀርባዋ ትራሷን ተደገፈች። ስለተንቀሳቀሰችም ነው መሰል
የእግሯ ህመም ስለተሰማት ፊቷን ጭፍግግ አድርጋ እያየችው ቆየች፡፡ ደመነፍሷ እሱን ከክፍሏ ውስጥ ምን እንደተከሰተ እንድትጠይቅ አደረጋት፡፡
“አንተ እንዴት ነው የተከሰተው?” ብላ ጠየቀችው፡፡

ጆንሰንም ልክ እንደ እሷ ቀና ብሎ አያት እና “እውነትሽን ነው ምንም ነገር አታስታውሺም?” ብሎ መለሰላት፡፡

ኒኪም “በእርግጥ አንዳንድ ነገሮችን አስታውሳለሁ” ብላ ግራ እየተጋባች
ኮስተር አለች እና “እዚያ ቦታ የሄድኩት አኔ በርሃው ላይ እያለሁ ደውላ በጣም እንደተጨነቀች እና ልታገኘኝ እንደምትፈልግ ከነገረችኝ በኋላ ነው።
ቦታው ላይ ስደርስም ዊሊ ባደን ልክ እንደ ቄራ ሥጋ ተሰቅሎ ነው ያገኘሁት።” ብላ ሁኔታውን ስላስታወሰች ፊቷ ኩምትር አለባት።

“እሺ ሌላስ?” ብሎ ጆንሰን ጠየቃት፡፡
“ሁለት ሰዎች መጡና አኔን ወሰዷት። ባሏ ሉዊስ ሮድሪጌዝ እዚያው ነበር። ደብድቧት በግድ ለእኔ እንድትደውልልኝ ያስደረገውም እሱ ነው።”

“አንቺን ብሆን ለእሷ አንድም እምባ አላባክንም ነበር፡፡” አላት እና ጆንሰን
“ብትመታም ባትመታም አንቺ እዛ ስትመጪ ባሏ ምን ሊያደርግሽ
እንደሚችል ታውቅ ነበር እና ልትደውልልሽ ባልተገባ ነበር።”

“ሉዊስ ሁለት ጊዜ በጥይት ሊገድለኝ ነበር” ብላ ኒኪ በስጨት አለች እና
ከዚህም በተጨማሪ ሁሉንም ያደረጋቸውን እና ያስደረጋቸውን ነገሮች
ካርተር በርክሌይን ነገረኝ፡፡ ማለትም ቻርሎቴ እንዲመለከት እንዳደረገ፡፡ ዊሊ ባደን ስላጭበረበረው እንደገደለው እና አኔም እሱን ሲገድል ቪዲዩ እንድትቀርፅ ማድረጉን፣ ብራንዶንን ቅጥር ነፍሰ ገዳይ
አድርጎ ሊያስገድለኝ እንደነበረ እና በስህተት ሊዛ ፍላንገንን እንደገደላት፣
ትሬይ ስለ እኔ መረጃ አልሰጥም ያለ መስሉት እንደገደለው ከነገረኝ በኋላ
ሊገድለኝ ሲል የመጋዘኑ መብራት ጠፋ፡፡ ለዚያም መሰለኝ እግሬን በጥይት የመታኝ። ጭለማው ውስጥ በነበርንበት ጊዜ ቆለጡን መትቼው እንዳመለጥኩኝ ጭምር አስታውሳለሁ።”

ጆንሰን ራሱን በአዎንታ እየነቀነቀ ትክክል መሆኗን ገለፀላት፡፡ ይሄኔም ፊዮና በመሀል ገብታ “ዶክተር ሮበርትስ ራስሽን ለማረጋጋት ሞክሪ ሰውነትሽ ብዙ ደም ስለፈሰሰው እና በተደረገልሽ ቀዶ ጥገና ሁሉ ስላደከመሽ ብዙ...” ብላ ሳትጨርሰው

ኒኪ በእጇ ደህና ነኝ የሚል ምልክት አሳየቻት እና ለጆንሰን ማውራቷን
ቀጠለች።

“እናም መብራቱ በድጋሚ ሲበራ... የእሳት አደጋ መውጫ ደረጃ ላይ
ነበርኩኝ” ብላ ጆንሰንን ስታየው
“ልክ ነሽ” ብሎ አረጋገጠላት።
“ሮድሪጌዝ ሊጨርስኝ ሲል ነው ጉድማን የተከሰተው:: እሱ ነው ህይወቴን ያዳነው” ብላ ጆንሰንን ተመለከተችው እና “ሮድሪጌዝን በጥይት አናቱን አፈንድቶ ገደለው” ብላ ነገረችው፡፡

ጆንስንም “መልካም ከዚያ በኋላስ?” ብሎ ጠየቃት፡፡ ኒኪም ፊቷ ገረጣና መንቀጥቀጥ ጀመረች። አዎን የጉድማን ፊት እሷ ላይ የማላገጡን ሁኔታ
እና አረመኔ አይኑን አስታወሰችና “ከዚያ በኋላ.. ምንም ነገር አላስታውስም።” አለችው፡፡ “እኔ ግን የምታስታውሺ ይመስለኛል።” ብሎ ጆንሰን በመቀጠልም
“ጉድማን ሊገድልሽ ነበር” አላት፡፡

“አልነበረም” አለች ኒኪ ጭንቅላቷን ግራ እና ቀኝ እየወዘወዘች፡፡ “እንደርሱ ሊያደርግ አልነበረም፡፡ ደግሞም አያደርግም፤ እንዴ እኔ እና እሱ
እኮ ጓደኛሞች ነበርን።”

“ማለት ልክ ከብራንዶን ግሮልሽ ጋር ጓደኛ እንደሆናችሁ ሁሉ ማለትሽ ነው?” ብሎ የንዴት ሳቅ ሳቀባትና “ሉው ጉድማን ውሸታም እና አጭበርባሪ ነበር። እኔ በመሀል ገብቼ ባልገላግለው ኖሮ ጭንቅላትሽን ልክ እንደ ሮድሪጌዝ ጭንቅላት ይበትንልሽ ነበር።”

“በፍፁም!” ብላ ተወራጨችና “ይሄ በፍፁም እውነት ሊሆን አይችልም!”
አለችው::

“እውነት ነው እንጂ” አላት እና ጆንሰን ብስጭት ብሎ

“ጉድማን ሮድሪጌዝ እየከፈለው ለሁለት ዓመታት ያህል ወይንም ከዚያ በላይ ተቀጥሮ ሲሰራለት ነበር። ደሀ ሆኖ እንዳደገ ነግሮሻል አይደል? ሁሉን
ነገር ማጣት ማለት ምን ማለት እንደሆነ ያወቀው ገና በልጅነቱ ነበር። በቃ
ከዚያን ጊዜ ጀምሮ የህይወቴ ዋስትና ሊሆን የሚገባው ነገር ቢኖር ገንዘብነው ብሎ ማስብ ጀመረ፡፡ ሮድሪጌዝ በአጭር ጊዜ ውስጥ ጥቂት ሚሊዮን ዶላሮችን ሲሰጠውም በሁለቱ ስግብግብ እጆቹ ተቀበለው፡፡

በዚህም ዴሪክ ዊሊያምስን እና አንቺን ጭምር እስከመግደል ደረጃ ደረሰ”

“እየዋሸሽኝ ነው!” አለችው ኒኪ፡፡

ይሄኔም ነርሷ ማክማኑስ ጣልቃ ገብታ “እባክህን ውጣልን!” ብላ መርማሪ ፖሊስ ጆንሰን ላይ እያፈጠጠችበት፡፡ “እዚህ ክፍል ከመግባትህ በፊት ተነጋግረን ነበር አይደል? ሰውነቷ ስለተጎዳ ማረፍ አለባት። እሷን እንደዚህ እንደምታበሳጫት አስቀድሜ ባውቅ ኖሮ እንድታገኝህ አላደርግም ነበር።” አለችው፡፡

ጆንሰንም በጣም ተናድዶ ከተቀመጠበት ወንበር ላይ ፍንጥር ብሎ ከተነሳ በኋላ “እኔ ደግሞ እሷ ሁሉን ነገር ካወቀች በኋላ እንኳን እንደዚህ የማታምን ደረቅ መሆኗን ባውቅ ኖሮ የሥራ ባልደረባዬ እና አጋሬ ጉድማን እንዲገድላት ብተወው ጥሩ ነበር!” አላት፡፡

ነርሷ ልታወራ ስትል ጆንሰን በንዴት አቋረጣት እና

“ለማንኛውም የነገርኩሽን ነገሮች የማታምኚኝ ከሆነ ቴሌቪዥኑን ከፍተሽ
ዜናዎችን ማየት ትችያለሽ፡፡ መልካም ዕድል ዶክተር ሮበርትስ” ብሏት በንዴት እየተመናጨቀ ኒኪ ከተኛችበት ክፍል ወጣ፡፡

“በጣም ይቅርታ” እያለች ፊዮና በጣም ተጨንቃ ዶክተር ሮበርትስን ይቅርታ ጠየቀቻት:: ምክንያቱም ዶክተር ራይሌ እሷ ፈቅዳ ፖሊሱ ወደ እዚህ ክፍል ገብቶ ኒኪን ማበሳጨቱን ቢያውቅ ምን ሊፈጠር እንደሚችል ትገምታለች፡፡ “ ውጪ እኮ ሳወራው በጣም ትሁት ሰው ነበር፡፡ በእውነት እንደዚህ የሚያበሳጭሽ ሰው መሆኑን ባውቅ ኖሮ አላስገባውም ነበር”
አለቻት፡፡

ኒኪም “ምንም አይደል” አለቻት እና ጆንስን የነገራትን እያንዳንዱን ነገር
በአዕምሮዋ ማብሰልሰል ጀመረች፡፡ በእርግጥም ደግሞ ጉድማን ሊገድላት
እንደነበር ታስታውሳለች፡፡ የሆነ ሰው ምናልባትም ጆንሰን ነው ህይወቷን
ሊያድንላት የሚችለው፡፡ አሁን ሉዊስ ሮድሪጌዝም ሆነ ጉድማን በህይወት
የሉም። ስለሆነም ሌሎች የምታውቃቸው ሁለት ሰዎች በተጨማሪ ህይወታቸውን ሊያጡ ችለዋል ማለት ነው፡፡ ከዶውግ ሌንካ ሊዛ ትሬይ እና ዊሊያምስ ላይ ሁለቱ ሰዎች ጉድማን እና ሮድሪጌዝ

#የፍቅር_ሰመመን
፡
፡
#ክፍል_ሃምሳ_ሦስት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

ከሁለት ወራት በኋላ

...በቤቨርሊ ሪል ስቴት ውስጥ ከሚገኘው የግሬቸን እና አዳም አድለር ቤት
ውስጥ ኒኪ ለሁለት ወራት አብራቸው ቆይታለች፡፡ ቤታቸው ብዙ የእንግዳ
ክፍሎች አሉት። ቤቱ በጥይት ከደረሰባት ቁስል ለማገገም የሚመች ነው።ደልቀቅ ያለ እና በደስታ የተሞላ ቤት ነው። ልጆች የሚሯሯጡበት፣ በሳቅ እና በአብሮነት የሚኖርበት ቤት ስለሆነ ቀለል ብሏታል። ምክንያቱም የኒኪን የማያቋርጡ ሀሳቦች ወደ ሌላ ቀለል ወዳሉ አቅጣጫዎች ማስቀየስ የሚችል ቤት ነው።

“በህይወት አለሽ እኮ ኒክ” እያለች ግሬቸን ሁልጊዜ ኒኪን ታበረታታለች፡፡

“ከሞት ተርፈሻል እኮ፤ ለዚህ ደግሞ የሆነ ምክንያት ሊኖረው ይችላል።”

“አልተረፍኩም ባይሆን ህይወቴን አንድ ሰው አትርፎልኛል። ያውም በአንድ ዘረኛ በወንድነቱ የሚመካ እና ሴቶችን በሚንቅ ሰው እና በጣም አታላይ በሆነ..” ብላ መርማሪ ፖሊስ ሚክ ጆንሰንን የምትገልፅበት ቃላት አጣች። ኒኪ ስለ ጆንሰን ስታስብ በጣም ትናደዳለች። ንዴቷ በቀጥታ በእሱ ላይ ሳይሆን በራሷ ላይ ነው:: ምክንያቱም እሱን በተሳሳተ መንገድ ነው ያሰበችው፡፡ ሌሎችንም ሰዎች ደግሞ ባልተገባ መንገድ ነበር በበጎ መልኩ ስታስብላቸው የነበረው:: ይሄንን ያለፈ ጊዜ ስህተቷን ስታስብ ነው እንግዲህ ሀይለኛ ንዴት የሚይዛት።

“እሱን እኔ አላውቅም” ብላት ግሬቸን በመቀጠልም

እጨነቃለሁ። ኒኪ ለወደፊት ህይወትሽ ምን አስበሻል? እኛ እንወድሻለን እና
ለእኔ ግን ህይወትሽን ያተረፈልኝ ጥሩ ሰው ነው:: ስለ አንቺ ህይወት
የፈለግሽውን ጊዜ ያህል እዚህ ከእኛ ጋር ብትኖሪ ደስተኛ ነን። ነገር ግን ዕድሜ ዘመንሽን ሙሉ እዚህ ወንበር ላይ ተቀምጠሽ ጋዜጣ እያነበብሽ ብቻ
እንድትኖሪ አንፈልግም”
በግሬቸን ምክር መሰረት ሎስ አንጀለስ ውስጥ የምትሠራበትን የቴራፒ
ፍቃዷን መልሳለች፡፡ የሴንቸሪ ሲቲ ቢሮዋን የኪራይ ውልንም አቋርጣለች።
በተጨማሪም ደግሞ ቤንትውድ ውስጥ የሚገኘውን የእሷን እና የሟች ባሏን
ዶውግ ቤት ለሽያጭ አቅርባለች፡፡
የሆነ ጠዋት ላይ ግሬቸን ለልጆቿ ምግ እየቋጠረችላቸው አጠገቧ ለምትገኘው ኒኪ ይህንን አለቻት ኒኪ አንቺ ሀብታም፣ ቆንጆ፣ ጤነኛ እኛ የተማርሽ እኮ ነሽ፤ በዚያ ላይ ደግሞ ወጣት ነሽ ብላ ጉሮሮዋን አጥርታ ኒውዩርክ ሄዳ እንደ አዲስ ኑሮዋን እንድትጀምር እንደ ሁልግዜውም ሁሉ ሙግቷን ጀመረች፡፡

“ወጣት አይደለሁም” አለች ኒኪ፡፡

“መቼስ ከዚህ በኋላ ዕድሜ ዘመንሽን
ሙሉ ብቻሽን መኖር አትፈልጊም?” አለቻት።

አልፈልግም ብለሽ ነው?' ብላ ኒኪ ለራሷ አሰበችና የክርስትና ልጇ ሉቃስ ብስክሌቱን በግቢያቸው በሚገኝ ሣር ላይ በደንብ ሲያሽከረክር አይታው ፈገግ አለች። ዞር ብሎም ሲያያት አውራ ጣቷን ከፍ አድርጋ አድናቆቷን ገልፃለት ወደ ጋዜጣ ንባቧ ተመለሰች፡፡

ዛሬ ሀዶን ዶፍ ለመጀመሪያ ጊዜ ችሎት ላይ ይቀርባል፡፡ አቃቤ ህጉ፣ ዶፎ የሉዊስ ሮድሪጌዝን የኮርዲል ዕፅ ትርፍ 90 ከመቶውን ለበጎ አድራጎት
ክሊኒካቸው እንደተሰጠ በማስመሰል ገንዘቡን ለሮድሪጌዝ ሲያስተላልፍ
ቆይቷል በሚል ክሱን ያቀርብበታል። በዚህም ልክ እንደ ባይደኖቹ ሁሉ ብዙ
ሚሊዮን ዶላሮችን ማግኘት እንደቻለ ያትታል። ዊሊ ደግሞ ይህንን የአደንዛዥ ዕፅ ገንዘብ በተለያዩ የበጎ አድራጎት ድርጅት በሽያጭ ማዕከሎቹ እና በሚወደው የእግር ኳስ ክለቡ (Ram) ሥር በህገወጥ መንገድ ሲያስተላልፍ ቆይቷል። ሚስቱ ቫለንቲና ደግሞ ከአደንዛዥ ዕፅ አምራች ከበርቴዎች ጋር ከአሥርት አመታት በላይ አብራቸው ስትሰራ ቆይታለች።የጠፉ ሰዎች አፈላላጊ በጎ አድራጎት ድርጅቷም በህገወጥ የወሲብ ንግድ እና ሰዎችን በህገወጥ በማዘዋወር የተጨማለቀ ገንዘብ ስታገኝ እንደነበረ ከጋዜጣው ላይ ለማንበብ ቻለች::

ከዚህም በላይ ደግሞ ቫለንቲና ባደን አዕምሮዋ ትክክል ያልሆነች ሴት
እንደሆነች ጭምር ጋዜጣው ከዘገበ በኋላ ምናልባትም በእህቷ መሰወርም
እጇ ሊኖርበት እንደሚችል ጋዜጣው ያስቀምጣል። ለቤተሰቦቿ ቅርብ የሆኑ
የበፊት ዘመዶቿ እንደተናገሩት ከሆነ ደግሞ ቫለንቲና በጣም በቁንጅና
በምትበልጣት መንትያ እህቷ ማሪያ ላይ በጣም ትቀና እንደነበር ነው።የቫለንቲና ችሎት ምናልባትም በቅርብ ወራት ላይጀመር ይችላል፡፡ ከዊሊ
ግድያ በኋላ እክስናርድ ውስጥ በሚገኘው የሳይካትሪስት ሆስፒታል ገብታ ህክምናዋን በመከታተል ላይ ትገኛለች፡፡
ዊሊያም ትክክል ነበር ማለት ነው እያለች ኒኪ ሀዘን ውስጥ ሆና ማሰብ ጀመረች። እና ከሉዊስ ሮድሪጌዝ ጋር ስላላት ግንኙነት እንዲሁም ደግሞ በከተማው ስላለው የሙስና ሁኔታ አስቀድሞ ያወቀው ዊሊያምስ ቢሆንም ሚዲያው ግን ለኤፍ.ቢ.አይ ነበር ዕውቅናውን የሰጠው፡፡ ቻርሎቴ ክላንሲም ብትሆን በይፋ በሰው መገደሏን ያሳወቀው ኤፍ.ቢ.አይ ነበር፡፡

ምስኪን ዊሊያምስ” ብላ ኒኪ አሰበች እና “እንዴት ግን በህይወትም ሳለህ እና ሞተህም ቢሆን ዕውቅናን ሊነፍጉህ ቻሉ?”

በየጊዜው የኤል.ኤ.ፒ.ዲ ሪፖርተሮች በጉዳዩ ዙሪያ ጥልቅ ድረስ ገብተው
ዜና ስለሚሰሩበት በእያንዳንዱ የከተማዋ ጋዜጦች ብቻ ሳይሆኑ እያንዳንዱ
የቴሌቭዥን ጣቢያዎችን የአዕምሮ ሀኪሞችንና ሌሎችንም በዚህ ጉዳይ ላይ
የጠለቀ አስተያየት የሚሰጡ ሰዎችን ቃለ መጠየቅ እያደረጉ ላለፉት ሁለት
ወራት የከተማውን እና መላውን የሀገሪቱን ህዝብ በሙሉ ከሐሜት እና ከቢዝነስ ዜናዎች ውጪ ትኩረቱን በዚህ ላይ እንዲያደርግ አድርጎት ነበር፡፡
ዛሬ ላይ ደግሞ ሀዶን ችሎት ላይ ቀርቦ ሲወጣ በቴሌቪዥን ስታየው ፊቱ
ላይ የሚታየው ነገር ዕድሜው በ10 ዓመት የጨመረ ስላስመሰለው ኒኪ
አዘነችለት። እርግጥ ነው እሱ እሷን እና ዶውግን አታሏቸዋል። እነርሱንም
ብቻ ሳይሆን እውነተኛ ለጋሶችን እንዲሁም ደግሞ በየጊዜው በውድ ዋጋ
በአደንዛዥ ዕፅ ጉዳት የተነሳ አንጎላቸው ቀዶ ጥገና የሚሰራላቸውን ሰዎች
ጭምር ነው ያታለለው፡፡

ሮድሪጌዝ ከሚቆርጥለት በሚሊዮኖች የሚቆጠሩ ዶላሮች የሚመጣጠን
ገንዘብ ከእነዚህ ታካሚዎቹ ሲያገኝ ነው የኖረው:: ምን ይሄ ብቻ እነዚህ
በየመንገዱ ላይ ክሮክዲል የሚጠቀሙ ደሀ ታካሚዎቹን የሚያክምበት
ክሊኒኩ ከዚህ በኋላ በሰዎች ዘንድ አመኔታን እንዲያጣ በማድረጉ እነዚህ
ገንዘብ የሌላቸው በአደንዛዥ ዕፅ የተጎዱ ሰዎች የት ሄደው ሊታከሙ ይችላሉ? እነዚህ ሁሉ ነገሮች እውነታ ቢሆኑም በእውነታዎች ላይ ተመስርተን ብቻ ለሰዎች ያሉንን የበፊት ስሜቶቻችንን ልናስወግዳቸው አንችልም። ይህም ስለሆነ ዶውግ ባሏ በላይዋ ላይ ከሌላ ሴት ጋር ሄዶባት እና ያቺን ሌንካ የተባለች ሴትን ማስረገዙን አውቃም እንኳን ቢሆን አሁንም ትወደዋለች፡፡ ጉድማን ባልጠበቀችው እና ይሆናል ብላ ባልገመተችው አንፃር ተገኝቶ መጥፎ ፖሊስ መሆኑን እንዲሁም ደግሞ ለእሷ ያስብላት የነበረውን ዊሊያምስን መግደሉን እያወቀችም ቢሆን አሁንም ለእሱ ጥሩ ነገር አላት።ሀዶንም ቢሆን የባሏን ውሽማ ማንነት እያወቀ ቢዋሻትም እንዲሁም ደግሞ አሁን ላይ ያወቀቻቸውን ዘግናኝ ወንጀሎችን ከዕፅ አምራች ከበርቴዎች ጋር መሥራቱን አውቃ እንኳን ለእሱ ያላት ስሜት ሙሉ በሙሉ አልጎሽም።

በጠዋት ላይ በዚህ አይነት ስሜት ውስጥ በነበረችበት ሁኔታ ላይ ነበር እንግዲህ ጓደኛዋ ግሬቸን አዳም ዛሬ ቀኑን ሙሉ ቀረፃ ላይ ነው፤ ስለዚህ ልጆቹን ይዤ ወደ
አንቲንግዶን ቦታኒካል ጋርደን ይዤያቸው ለመሄድ አስቤያለሁ። መቼስ ሦስቱን ልጆቼን ብቻዬን አልችላቸውም እና አብረሽኝ ትሄጂያለሽ?” ያለቻት::

ኒኪም “እኔ እንኳን እቤት ብቆይ እና እረፍት ባደርግ

#የፍቅር_ሰመመን
፡
፡
#ክፍል_ሃምሳ_አራት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው


...“ያ ጥቁር ልጅ እኮ የማይረባ የአደንዛዥ ዕፅ አዘዋዋሪ እና ነፍሰ ገዳይ ነበር።ስሙ ኤስሊ ጄምስ ይባላል” ብሎ አፉን እየመረረው ስሙን ከተናገረ በኋላ በመቀጠል “ ጄሪ ግን በጣም ድንቅ እና ጨዋ መርማሪ ፖሊስ ነበር። ምን ይሄ ብቻ ምርጥ ባል እና አባትም ነበር፡፡ ሚስቱ ስትሞት ግን በጣም ስሜት ውስጥ ሆኖ ነበር። አንቺ ግን በእሱ ላይ መሰከርሽበት ጤነኛ ነው ብለሽ ለዳኛዋ ነገርሻት። ያቺ ሸርሙጣ ዳኛም ሃያ ዓመት ፈረደችበት። ይሄዐደግሞ እሱን ሙሉ በሙሉ ነበር ያጠፋው።” አላት፡፡

ኒኪም በጆንስን ፊት ላይ የሚታየውን ንዴት እና የፀፀት ስሜት አስተዋለችና ይህ ሰው በእርግጥም ፍርድ ተዛብቷል ብሎ ያስባል ማለት ነው? ብላ አሰበች እና በመቀጠልም “አስታውሳለሁ በጣም አሳዛኝ ነገር ነበር” አለችው፡፡

“ሊያሳዝንሽ አይገባም ዶክተር ምክንያቱም አንቺ ነበርሽ ጩቤ አቀባይዋ”

ኒኪም አይኑን እያየችው “ሀዘኑ ለሁለቱም ነበር ማለቴ ነው፡፡ ማለትም ለጓደኛህ፣ እንዲሁም ለተደበደበው ልጅ ቤተሰብም ጭምር”

“እውነትሽን ባልሆነ ብቻ?” አላት ጆንሰን፡፡

ኒኪም ኮስተር ብላ “አዎን እውነቴን ነው ምክንያቱም እኔ ከማንም በላይ የሀዘን ስሜት ይገባኛል፡፡ በሀዘን ምክንያት ግን አንድን ሰው እስከሞት ድረስ የሚያደርስ ድብደባን አልፈፅምም፡፡ ይሄ የሀዘኔታ ስሜት አይደለም” አለችው፡፡

ጆንሰንም ፍጥጥ ብሎ አያት እና “አንዴ ኬስሊ እኮ ሰው አይደለም። ምን ኬስሊ ብቻ ዕፅ አዘዋዋሪዎቹ ጎረቤቶቹ እና ጓደኞቹም ጭምር ቆሻሻ የሰው መጨረሻዎች ናቸው! እነርሱ እኮ የህብረተሰቡን ኑሮ እና የእኛን ህግ
የማስከበር ሥራዎችን ሁሉ ገደል የሚከቱ ጭራቆች ናቸው።”

ኒኪ በሀሳቧ በቃ ከዚህ ሰው ጋር ምንም የምንግባባ አይመስለኝም። እሱ እኔ የማሳየውን መንገድ አይቀበልም፡፡ እኔ ደግሞ የእሱን መንገድ በፍፁም
መቀበል የምችል ሰው አይደለሁም እያለች በውስጧ ስታስብ ቆየች እና “እሺ
ለምንድነው ስለ ጄሪ ኮቫክ የጠየቅከኝ?” አለችው፡፡

“ህይወትሽን አትርፌልሻለሁ አይደል? ለዚህ ለዋልኩልሽ ውለታ አንቺም
ውላታ እንድትደውይልኝ እፈልጋለሁ”
“የምችለው ከሆነ ምን ችግር አለው ንገረኝ?” አለችው፡፡

ጆንሰንም ትኩር ብሎ እያያት ነገሩን እንዴት አድርጎ ሲያቀርብላት ሊያሳምናት እንደሚችል ሲያስብ ቆይቶ “ጄሪ ከወር በኋላ ይግባኙን ያቀርባል! እናም አንቺ ይግባኝ ችሎቱ ላይ ቀርበሽ ለእሱ እንድትመሰክሪለት እፈልጋለሁ።” አላት፡፡

ኒኪም ኮስተር ብላ “ችሎቱ ላይ መገኘት እችላለሁ ግን ለእሱ ልመሰከርለት አልችልም፡፡ አሁንም የበፊት አቋሜን ልቀይር አልችልም፡፡ ጄሪ ልጁን በሚደበድብበት ጊዜ ፍፁም ጤነኛ ነበር።” አለችው፡፡

ጆንስንም ራሱን በሀዘኔታ እየነቀነቀ “በቃ ለእናንተ ሁሉ ነገር ጥቁር እና ነጭ ነው አይደል? የእኛ የፖሊሶች ሥራ ምን እንደሆነ ታውቂያለሽ? ማለቴ እናንተ በሰላም ወጥታችሁ እንድትገቡ በየቀኑ በሎስ አንጀለስ ጎዳናዎች ላይ ከእነዚህ ቆሻሻዎች ጋር የምናደርገው የዕለት ተዕለት ግብግባችን ይገባሻል? አየሽ ለእኛ ህይወት ግራጫ ናት።” አላት በጣም በስሜት ተሞልቶ፡፡

“ይቅርታ አዝናለሁ፤ ይህንን ላደርግልህ አልችልም” አለችው፡፡

“ህምም" አለና ጆንስን ትንሽ ቅሬታን እያሳየ “ይህንን እንደምትይኝ ጠብቄ ነበር። እንደርሱ ከሆነ እንግዲህ እኔም የ ኤፍ ቢ.አይ እርጉዟ ውሽማ የሚል ርዕስ የያዘውን የባልሽን ውሽማ ፋይል ላሳይሽ አልችም ማለት ነው” አላት እና አስተናጋጁን ጠርቶ 20 ዶላር ጠረጴዛ ላይ ካስቀመጠ በኋላ ጥሏት ወደ ካፌው በር መራመድ ጀመረ

ኒኪም “ቆይ አንዴ!” አለችው፡፡
ጆንሰን ግን ዝም ብሎ መራመዱን ቀጠለ፡፡

“እንዴ መርማሪ ጆንሰን እባክህን አንዴ!” ብላ ጮሃ ለመነችው።

እሱም ቆም አለና ወደ እሷ ዞሮ ፈገግ እያለ “እንዴ ምን ተፈጠረ? እሺ አሁን ህይወት ግራጫ መስላ ታየችሽ ደግሞ?” አላት በሹፈት ድምፅ፡፡

አሁን አግኝቷታል፡፡ መናደድ ወይም መሳቅ ይኑርባት አይኑርባት ግራ ገብቷታል፡፡ መሳቅን መረጠች እና ትንሽ ከሳቀች በኋላም

“እሺ የይግባኝ ችሎቱ ላይ እመጣና እመሰክራለሁ።”

“ጓደኛዬን ሙሉ በሙሉ ነፃ በሚያደርገው መልኩ ነው ምስክርነትሽን ለእሱ የምትሰጪው?” ብሎ ጆንሰን ጠየቃት፡፡
ሁሉም ነገር ዋጋ አለው፡፡ ምንም ነገር ደግሞ ማድረግ አትችልም። የጣውንቷን ሌንካ ጎርዴቪስኪ ማንነትን እና እንዴትስ ከባሏ ዶውግ ጋር እንደተዋወቀች፣ ለምንስ ብሎ ባሏ ዶውግ ከእሷ ምንም ሳያጣ ከሌንካ ጋር ሊተኛ የቻለበትን ምክንያት ለማወቅ ነፍሷንም ቢሆን ከመሸጥ ወደ ኋላ የማትመለሰው ኒኪ በጆንሰን ሀሳብ ተስማማች፡፡
እሱ በሌንካ ጎርዶቪስኪ ዙሪያ ኤፍ.ቢ.አይ ያጠናቀረውን ፋይል ሰጣት፡፡
ሌላ ፓን ኬክ አዝዞ እየበላ እያለ ኒኪ በአስር ደቂቃ ውስጥ ፋይሉን አንብባ ጨረሰች።

ቀና ብላ እያየችውም “ይሄ እኮ እኔ ማወቅ የምፈልጋቸውን ነገሮች ሁሉ አይነግረኝም አለችው።

“እንዴ ብዙ ነገር አለው እንጂ” አላት እና አፉን በናፕኪን ከጠረገ በኋላም “ሌንካ ለፊድሪጌዝ መጄመሪያውን የክሮክ ንጥረ ነገር ከሞስኮ የዕጭ ከበርቴ ነው ሰርቃ ያመጣችለት፡፡ የዛሬ አምስት ዓመትም በአንድ ፒተር በርግ ውስጥ በሚገኝ የአደንዛዥ ዕፅ አምራች ላይ መስክራ ስለ ነበር በፌድራሉ ፍርድ ቤት የምስክርነት ከለላ ተሰጣት እና ስሟን ለውጣ አሜሪካ
ውስጥ ገባች። ለዚያ ነው ያንቺ ዊሊያምስ ስለእሷ ማወቅ ያልቻለው። ስሟን ከመለወጧ በፊት ትጠራ የነበረው ናታሊያ ድሮቭስኪ በሚል ሥም ነበር።”
አላት፡፡

“እኔ ስለ ሥሟ ግድ የለኝም፡፡ እኔ ማወቅ የምፈልገው ከባሌ ጋር ስለነበራት ግንኙነት ነው::” ብላ በብስጭት ጠየቀችው፡፡

“ነገሩ እኮ ይገናኛል” አላትና ቀጠለ “ሌንካ ሮድሪጌዝን ከሩሲያ የአደንዛዥ ዕፅ አምራች እና አከፋፋዮች ጋር አስተዋወቀችው። ሎስ አንጀለስ ውስጥ
በዚህ የአደንዛዥ ዕፅ ዙሪያ የሚሰሩ ሰዎችን ታውቅም ስለነበር ቀላል ነገር
ሆኖላት ነበር፡፡ በሁለቱም በኩል ሆኖ መጫወት በጣም አደገኛ ነው።
ሩሲያኖቹ ቢዝነሳቸውን የሚያበላሽ ማንኛውንም ነገር አይወዱም።

“እና ሩሲያውያኖች ናቸው የባሌን መኪና አበላሽተው ሌንካን አብራው እንድትሞት ያደረጉት? ባሌም ከእሷ ጋር ስለነበረ ብቻ ነበር የሞተው እያልከኝ ነው?” ብላ እያፈጠጠች ጠየቀችው፡፡

“ያው ፋይሉን እንዳነበብሺው ነው ነገሩ እንግዲህ፡፡ ምናልባትም ባልሽ ከእሷ ጋር ስለነበረ ብቻ ይሆናል ለመሞት የበቃው። እኔ ግን አደጋውን ያደረሱት ሩሲያኖች ሳይሆኑ ሮድሪጌዝ ነው ብዬ አስባለሁ፡፡” አላት፡፡

“እንዴ ሌንካ ለሮድሪጌዝ የምትሰራለት ከሆነ ለምን ይ...?” ብላ ኒኪ
ተናግራ ሳትጨርስ ጆንሰን አቋረጣት እና
“በቃ የአገልግሎት ጊዜዋ ስላበቃ እና ሮድሪጌዝም ክሮኩን በበቂ ሁኔታ
ማምረት ስለቻለ ነው:: ልክ ዊሉ ባደንን እንዳደረገው ማለት ነው እንግዲህ
ነገሩ፡፡ እሱን እንዴት እንዳስወገደው አይተሻል አይደል?”

ብሎ ሲነግራት ትውስታው መጣባት እና ዝግንን አላት፡፡

“ሮድሪጌዝ በምዕራብ ዳርቻ ያለውን የክሮክ ገበያ ሙሉ በሙሉ ተቆጣጥሮታል።” አላት እና ጆንሰን በመቀጠልም ጉድማን ደግሞ
የሩሲያውያኑን የክሮክ ቢዝነስ ጥርግ አድርጎ ከዚህ ከተማ ስላስወጣለት
ማንንም ክሮክ አቅራቢ አይፈልግም፡፡ ሜክሲኮ ሲቲ ውስጥ ኮኬይን
የሚያመርትበት የራሱ ትልቅ ላብራቶሪ አለው። በነገራችን ላይ ቻርሎቴ ክላንሲ ለመገደል የበቃችው ይህንን ላብራቶሪ ስላወቀች ነው፡፡ በመሆኑም ይህንን ላብራቶሪ ሙሉ በሙሉ ወደ