#Herpes #zoster (አልማዝ-ባለጭራ)

በግማሽ የሰውነት ክፍል ላይ በድንገት የሚወጣ ሽፍታ ሲሆን ብዙዉን ጊዜ ሽፍታው መስመር ይዞ ውሀ ቋጥሮ በጣም ህመም ያለው ነው፡፡ በየትኛዉም የሰዉነት ክፍል ላይ ሊወጣ ይችላል አብዛኛውን ጊዜ ግን
👉በጀርባበማጅራት
👉በደረት ወይም
👉በፊት ላይ ሊወጣ ይችላል፡፡
በአገራችን በተለምዶ #አልማዝ #ባለጭራ እየተባለ ይጠራል::
👉 #የአልማዝ #ባለጭራ #በሽታ #ዋና #መንስኤ ጉድፍን የሚያስከትለው ቫሪሴላ ዞስተር ቫይረስ (Varicella Zoster Virus) ነው ህመሙ ምንም እንኳን ለህልፈተ ህይወት ባይዳርግም ከፍተኛ ስቃይ/ህመም ሊያመጣ ይችላል፡፡
#የህመሙ #ምልክቶች
ብዙዉን ጊዜ በአንዱ የሰዉነት ክፍል በኩል/በቀኝ ወይም በግራ በኩል/ የሚታይ ነዉ፡፡
👉የማቃጠል
👉ማሳከክ
👉የመደንዘዝ
👉መጠቅጠቅ ህመም
👉የጡንቻ ህመም (ድካም)
👉ህመሙ ከተከሰተ ከጢቂት ቀናት በኃላ በቫይረሱ የተጠቃዉ አካባቢ ቀይ ሽፍታ መከሰት/መጀመር
👉ትኩሳት
👉የራስ ምታት የመሳሰሉት ናቸው
#ተጋላጭነትን #የሚጨምሩ #ነገሮች
👉ከዚህ በፊት ጉድፍ የነበረባቸውን ሰዎች
👉የተወሰኑ የህመም አይነቶች እንደ #ካንሰር #ኤች #አይቪ #ስኳርና ሌሎች የሰዉነትን የበሽታ መከላከል አቅም የሚቀንሱ ህመሞች ካሉ
👉እድሜ ከ50 ዓመትና ከዚያ በላይ ሲሆን
#ህክምናዉ
👉ወደ ቆዳና አባለዘር ሐኪም መሄድ
👉ሕክምናው ከሐኪም ጋር በመነጋገር የሚካሄድ ሲሆን የተለያዩ አማራጮች ያሉት ነው፤የአልማዝ ባለጭራ (ኸርፐስ) በቫይረስ አማካኝነት የሚከሰት እንደመሆኑ ጨርሶ ከሰዉነት ዉስጥ የሚያስወጣ መድሃኒት የለም ቢሆንም አንዳንድ ሁኔታውን ለማቅለል የሚታዘዙ የፀረ ቫይረስ መድኃኒቶች አሉ ፡፡ በአፍም ሆነ በቅባት መልክ የሚወሰዱ መድኃኒቶች ቁስሉ ወዲያው እንደጀመረ ቶሎ መወሰድ አለባቸው፤ በፍጥነት ለማገገም ይረዳሉ፡፡
በተጨማሪም - ህመምና ሽፍታ በአይን ዙሪያ ከወጣ ይህ አይነት እንፌክሽን ካልታከመ የማይመለስ ጉዳት በአይን ላይ ሊያመጣ ይችላል፡፡

#መልካም #ጤና

#ኪንታሮት - (Hemorrhoids)

#ኪንታሮት በፊንጢጣ ውስጥ እና በታችኛው ትልቁ አንጀት አካባቢ በህብረት
የሚገኙ የደም መልስ የደም ቧንቧዎች/ ስሮች ሲያብጡና ሲቆጡ የሚፈጠር
እብጠት ነው።
---
ለዚህ እብጠት(ኪንታሮት) መፈጠር መንስኤ ከሚሆኑት ውስጥ:-
👉ሠገራን በምናስወግድበት ወቅት አብዝተን ወይም ለረጅም ግዜ ማማጥ።
👉 ለረጅም ግዜ የቆየ ሳል።
👉ከመጠን በላይ የሆነ ውፍረት።
👉 ለረጅም ግዜ የቆየ የሆድ ድርቀት ወይም ተቅማጥ።
👉 እንዲሁም ሌሎች ሆድ ውስጥ ያለ ግፊት እንዲጨምር የሚያድርጉ ፣
(ለምሳሌ ለሆድ እብጠት የሚጋልጡ የጉበት በሽታዎች)።
👉በተጨማሪ በእርግዝና ግዜና እድሜያቸው ከ40 አመት በላይ የሆኑ ጎልማሶች ለይ በስፋት ይታያል።
#የኪንታሮት #ምልክቶችና #ሊያስከትላቸው #የሚችላቸው #ተዛማጅ #ችግሮች:-
👉 በፊንጣጣ ላይና ከፊንጢጣ ውስጥ የሚታይ እብጠት።
ኪንታሮት የውጪ/ውጫዊ ኪንታሮት (External Hemorrhoid)
እና የውስጥ ውስጣዊ ኪንታሮት(Internal Hemorrhoid) በመባል በሁለት ይከፈላል ። #የውስጥ#ውስጣዊ
👉የሚባለው ኪንታሮት(Internal Hemorrhoid) አራት ደረጃዎች ያሉት ሆኖ፣
የመጀመሪያ ደረጃ የሚባለው ላይ እብጠቱ ወደ ውጪ ወጥቶ አይታይም።
እንዲሁም ሁለተኛ ደረጃ ላይም ሰገራ በሚወገድበት ወቅት ላይ ብቻ ነው
እብጠቱ ሊታይ የሚችለው።
👉 ሰገራ በምናስወገድበት ሰዓት ህመም መሰማት፣ ማሳከክ ወይ አለመመቸት።
👉ህመም ሳይኖር በሰገራ ላይ ወይንም በምናፀዳበት ወረቀት ላይ ደም መኖር።
👉አንዳንዴ ደግሞ ያለቁጥጥራችን የሰገራ መውጣት።
👉አልፎ አልፎ ደግሞ በደንብ ሊደማ ስለሚችል ወይም ቀስ በቀስ የሚደማው
ደም ለደም ማነስ ሊያጋልጠን ይችላል።
👉አንዳንዴ እብጠቱ በመታጠፍ ወይም እብጠቱ ውስጥ ያሉ ደም ስሮች በረጋ
ደም በመዘጋት ከፍተኛ ህመም ሊሰማን ይችላል። ይህኔ ፈጥነን በአቅራቢያችን
ሚገኝ ሆስፒታል መሄድ ይኖርብናል።
---
---
#ከታች #የተዘረዘሩትን #ዘዴዎች #በመጠቀም #የኪንታሮት #ህመም #ስሜት #እና #መጠኑ
#እንዲቀንስ #ማድረግ #ይቻላል:-
👉ለብ ባለ ውሃ ውስጥ ሁለት/ሶስት ማንኪያ ጨው በመጨመር ከ15-20 ደቂቃ
በቀን ሁለት/ሶስት ግዜ በመቀመጫ/በፊንጣጣ መዘፍዘፍ።
👉 የሎሚ ጭማቂ መቀባት።
👉 በፋይበር የበለፀጉ አትክልትና ፍራፍሬዎችን መመገብ።
👉እብጠቱ ላይ በረዶን መያዝ ፣ በቀን ብዙ ግዜ እንደዚያ ማድረግ እብጠቱ
እንዲቀንስ ያደርጋል።
👉በቂ ውሃ መጠጣት።
👉ሰገራ በመጣ ግዜ ማስገወድ። አብዝተን አለማማጥ።
👉እንዲሁም ሀኪም ቤት በመሄድ የሚሰጠውን ምክርና የህክምና አገልግሎት በአግባቡ መከታተል።

#መልካም #ጤና

#መንጋጋ #ቆልፍ ወይም #ቲታነስ

የመንጋጋ ቆልፍ ወይም የቲታነስ በሽታ የሚመጣው
👉በአፈር
👉በአቧራ ብናኝ
👉በፍግና
👉በብረት ዝገቶች ላይ ከሚገኙ ቆሻሻዎች
ውስጥ ከሚኖር ክሎስትሪዲየም ቲታኒ(Clostridium tetani)
ከተባለ ባክቴሪያ ነው፡፡ ይህ ባክቴሪያ ከሌሎች
ባክቴሪያዎች በተለየ መልኩ ከሰው ልጅ ውጪ መኖሪያ አለው።ባክቴሪያው ለረጅም ጊዜ በአፈር በከብቶች አዛባ ውስጥ የመኖር ባህሪይ አለው። ይህ በሽታ የሚያጠቃው የነርቭ ስርዓትን ሲሆን ሲጠና የጡንቻ አካላት ከፍቃዳችን ውጪ
እንዲግተረተሩ ያደርጋል፡፡ ይህ ሁኔታ የሚጀምረው ከመንጋጋ ሲሆን #መንጋጋ #ቆልፍ የሚለው ስያሜም የመጣው ከዚሁ ነው፤
በመንጋጋችን አካባቢ ያለው ጡንቻችን በሽታው ሲጀምረን ዝግትግት የማለት ባህሪይ አለው። በመቀጠልም ወደሌላው
የሰውነታችን ክፍል ይስፋፋል ከሰውነት መግተርተር ውጪ
👉ላብ
👉ራስምታት
👉ማንኛውንም ነገር ለመዋጥ መቸገር
👉ከፍተኛ የደም ግፊትና የልብ ምት የሚታዩ ምልክቶች ናቸው ምልክቶች
መታየት የሚጀምሩት በባክቴሪያው ከተለከፍን ከ3-21 ቀን ባለው ጊዜ ውስጥ ሊሆን ይችላል፡፡

#በሽታው #እንዴት #ይይዘናል ?

ይህ ባክቴሪያ ወደ ሰውነታችን የሚገባበት መንገድ በቁስሎች አማካኝነት ባክቴሪያውን የተሸከሙ የቆሸሹ
👉ስንጥሮች
👉ምስማሮች
👉 የተለያዩ ብረቶች
👉መርፌዎችና ሌሎች ቁሶች
ሲወጉን ሊሆን ይችላል እነኝህ ባክቴሪያዎች በጡንቻ ስርዓት ላይ ጣልቃ የሚገባ መርዝ ይለቃሉ ወይም ያመርታሉ በሽታው ከሰው ወደ ሰው የሚተላለፍ አይደለም፡፡
#ሕክምናው #ምንድነው ?
ዋነኛ ሕክምናው የቲታነስ መድኀን( tetanus toxoid) ክትባት ሲሆን በመርፌ የሚሰጥ ነው፤ የክትባቱ ብርታት እስከ አስር አመት ሊቆይ የሚችል ነው እንዲሁም በባክቴሪያው ተለክፈናል
የሚል ጥርጣሬ ሲኖር የቲታነስ ኢሚዩኖግሎቡሊን(tetanus
antibodies or tetanus antitoxin) በመርፌ መልክ ሊሰጥ ይችላል ይህ ሕክምና የሚሰጠው የሕክምና ባለሙያን በማማከር መሆን አለበት በሽታው ስር ከሰደደ ለሕክምና አስቸጋሪና ውስብስብ ነው ሕክምናውን በጊዜ ካላገኘም ገዳይ ነው፡፡
#ማስጠንቀቂያ ❗️
ይህ ባክቴሪያ ህይወት በሌለው ነገር ውስጥ ሕይወት አልባ ሆኖ በመጠለል ወደ ሰውነት ሲገባ ደግሞ ህይወት ስለሚዘራ
ለማጥፋት ከባድ ነው በየትም ቦታ የመኖር ባህሪም ስላለውም በጣም አስቸጋሪ ነው በመሆኑም አንድ ሰው በመንጋጋ ቆልፍ
በሽታ ከተያዘ በኋላ የማዳን እድሉ አስቸጋሪ ስለሚሆን ዋናው ስራ መከላከልን መሰረት ያደረገ መሆን አለበት ለመከላከልም ህፃናት ከአንድ ዓመት በታች እያሉ ሙሉ ለሙሉ ማስከተብ
ተጋላጭ በሆኑ አካባቢዎች የሚኖሩ ሰዎች ቀድመው ቢከተቡ እንዲሁም ነብሰጡሮች ንፅህናውን በጠበቀ መልኩ በሆስፒታል
ቢወልዱ የሚመከር ነው ክትባቱን መውሰድ ከስጋት ያድናል
👉 ማንኛውንም በቁስ መወጋት የተፈጠረን ቁስለት በተለይ በስራ ላይ በቆሸሹ ቁሶች የሚያጋጥሙንን እንደቀላል ማየት
በኋላ ሕይወትን ሊያሳጣ ስለሚችል ተገቢውን ትኩረት ሰጥቶ ወደ ሕክምና በፍጥነት መሄድ ያስፈልጋል።

#መልካም #ጤና

#የትርፍ #አንጀት #ሕመም (APPENDICITIS)

#የትርፍ #አንጀት ሕመም የምንለው የህመም ዓይነት የሚከሰተው ከትልቁ አንጀት ቀጣይ በሆነው እና 6 ሴ.ሜ ርዝመት ባለው የአንጀት ክፍል ነው፡፡
እስካሁን ድረስ የትርፍ አንጀት ጥቅም በእርግጠኝነት ያልታወቀ ሲሆን ያለ ትርፍ አንጀት ጤናማ ኑሮንም መምራት እንደሚቻል የሚታወቅ ነው፡፡
#የትርፍ #አንጀት ሕመም በአፋጣኝ ሕክምና ማግኘት ያለበት ሲሆን ሕክምና ካልተደረገለት ግን በሰውነት ውስጥ ይፈነዳና ኢንፌክሽን አምጪ ተዋስያንን በሆድ ዕቃ ውስጥ የከፋ
ኢንፌክሽን እንዲፈጥሩ ያደርጋል፡፡

አንዳንድ ጊዜ መግል የያዘ ኢንፌክሽን ከሌላው የሰውንት ክፍል ራሱን ለይቶ ስለሚቆይ በጣም አጣዳፊ ባይሆንም እንኳን
በእርግጠኝነት ለመለየት ግን ቀዶ ጥገና አስፈላጊ ስለሆነ ሁሉም የትርፍ አንጀት ሕመሞች የቀዶ ጥገና ሕክምና ያስፈልጋቸዋል፡፡

#የትርፍ #አንጀት #ሕመም #በምን ይከሰታል ?

የትርፍ አንጀት ሕመም የሚመጣው በትርፍ አንጀትና በትልቁ አንጀት መካከል የሚገኘው አንገት ሲዘጋ ነው
👉ይህ በሠገራ
👉በቁስ አካል ወይንም
👉 በካንሰር አልያም በኢንፌክሽን
ምክንያት ሊዘጋ ይችላል፡፡
#የትርፍ #አንጀት #ሕመም #ምልክቶች
👉ከእምብርት አካባቢ ጀምሮ ወደ ታችኛው የቀኝ የሆድ ክፍል የሚወርድ የህመም ስሜት
👉የምግብ ፍላጎት ማጣት
👉ማቅለሽለሽና ማስመለስ ከሆድ ሕመሙ በመቀጠል ይከሰታል
👉 ትኩሳት
👉አየር ለማስወጣት መቸገር
👍 ለመንቀሳቀስ መቸገር
ከላይ የተጠቀሱትን ዓይነት የህመም ስሜት ከተሰማዎ በአፋጣኝ ወደ ሕክምና ቦታ መሄድ ተገቢ ነው ይህም የሚሆነው በአፋጣኝ ሕመሙ ታውቆ ሕክምና ሊደረግ ስለሚገባው ነው
ምንም ዓይነት ምግብ ወይንም መጠጥ ወይንም ሕመም ለማስታገስ የሚወሰዱ የቤት ውስጥ መድኃኒቶች እንዳይወሰዱ ይመከራል ይህም ያበጠው ትርፍ አንጀት እንዳይፈነዳ
ያደርጋል።
#የትርፍ #አንጀት #ሕመም #ምርመራዎች
#በምልክቶች #ብቻ #የትርፍ #አንጀት #ሕመምን #በእርግጠኝነት
#ለማወቅ #ስለሚያስቸግር #ሌሎች #በመሳሪያ #የታገዙ #ምርመራዎች #ማድረግ #ተገቢ #ነው፡፡
👉የሆድ አልትራሰውንድ
👉የደም እና የሽንት ምርመራዎች የመሳሰሉት ናቸዉ፡፡
#የትርፍ አንጀት #ሕክምና #ምንድን #ነው?
👉በቀዶ ጥገና የትርፍ አንጀቱን ቆርጦ ማውጣት ይህም በህክምናዉ (Appendectomy) የምንለዉ ዋነኛው ሕክምና
ሲሆን መግል የያዘ ትርፍ አንጅት መጀመሪያ መግሉን በማስወገድ አልያም ፀረባክቴሪያ መድኃኒቶችን በመጠቀም
የቀዶ ጥገና ጊዜው የሚራዘምበት ሁኔታ ሊኖር ይችላል ቀዶ ጥገናው ከተደረገ በ12 ሰዓት ውስጥ እቅስቃሴ መጀመር የሚቻል ሲሆን፣
👉የማይቆም ማስመለስ
👉ከፍተኛ የሆድ ሕመም
👉ራስ ማዞር
👉ደም የቀላቀለ ማስመለስና ሽንት ከጋጠምዎ
👉 በስፌቱ ላይ ሕመም እና መቅላት ካመጣ
👉ትኩሳት እና መግል ከቁስሉ የወጣ ከሆነ በአፋጣኝ ወደ ሐኪምዎ በመሄድ እንዲያማክሩ ይመከራል፡፡
የትርፍ አንጀት እንዳይመጣ ለመከላከል የማይቻል ቢሆንም፣
ጥናቶች እንደሚሳዩት ከሆነ ግን በፋይበር የበለፀጉ ምግቦችን
(ፍራፍሬዎችና አትክልት) የሚመገቡ ሰዎች ላይ የመከሰት ዕድሉ እንደሚቀንስ ይነገራል።

#መልካም #ጤና

#ፕሮጄሪያ (Progeria)

በሌላ ስሙ (HGPS) በመባል የሚታወቀው የአንድን ልጅ ሰውነት በፍጥነት እንዲያረጅ የሚያደርገው የዘር ውርስ ነው አብዛኛዎቹ ይሄ በሽታ ያለባቸው ህፃናት ከ 13 ዓመት በላይ በህይወት መቆየት አይችሉም በሽታው ሁለቱም ፆታዎች እና ሁሉንም ዘር እኩል ያጠቃል በዓለም ዙሪያ ከ4 ሚልዮን ሕፃናት ውስጥ አንድ ሰው በዚህ በሽታ ይጠቃል

በሰዉ አፈጣጠር ወቅት በአንድ ትክክለኛ ሴል ውስጥ አንድ ስህተት ያልተለመደ ፕሮቲን እንዲፈጥር ያደርገዋል ሴሎቹም Progerin ተብሎ የሚጠራውን ይህን ፕሮቲን ሲጠቀሙ, በቀላሉ ይበሰብሳሉ. የፕሮጀርያ ሕጻናት በሚኖሩባቸው በርካታ ሴሎች ውስጥ progerin ከእድሚያቸዉ ፈጥነዉ በአስቸኳይ እንዲያድጉ ያደርጋቸዋል

#ምልክቶቹ
አብዛኞቹ ልጆች በሚወለዱበት ወቅት ጤናማ ይመስላሉ ነገር ግን በመጀመሪያ ዓመታቸዉ ውስጥ የበሽታ ምልክት ማሳየት ይጀምራሉ. Progeria ያለባቸው ሕፃናት እድገታቸዉ በጣም ዉስን ነው እንዲሁም ክብደት አይጨምሩም

#የአካል #አቀማመጣቸውም #የሚከተሉትን #ይመስላል
👉ትልቅ ጭንቅላት
👉ትልልቅ ዓይኖች
👉ትንሽ ዝቅተኛ አገጭ
👉ከጫፉ ቀጠን ያለ ቀጭን አፍንጫ
👉ትላልቅ ጆሮዎች
👉የሰዉነታቸው ደም ስሮች በግልፅ ይታያሉ
👉ያልተለመደ የጥርስ አበቃቀል
👉በሚናገሩበት ወቅት ቀጭንና ከፍተኛ ድምፅ ያወጣሉ
👉ሰውነትታቸዉ የቅባት እና የጡንቻ ማጣት ይኖራቸዋል
👉የፀጉር መርገፍ, የዐይን ሽፈሽፍት እና ቅንድብን ጨምሮ
ከ progeria ጋር የሚኖሩ ህፃናት ቶሎ ነው የሚያረጁት ከ 50 አመት በላይ ሊይዙን ይችላሉ በሚባሉ በሽታዎች ይያዛሉ እንደ #የአጥንት መሳሳት #የደም ስሮች በሽታ #የልብ በሽታ
#የኩላሊት በሽታን ጨምሮ በተለያዩ በሽታዎች ይጠቃሉ የ Progeria ህመም ያለባቸው ልጆች ብዙውን ጊዜ በልብ ድካም ወይም በኩላሊት በሽታ ይሞታሉ
በዚህ በሽታ የተጠቁ ልጆችን የማሰብ ችሎታ ወይም የአእምሮ እድገታቸዉ አይጎዳም ችግሩ ያለበት ልጅ ከሌሎች ልጆች ይልቅ በቸለያዩ በሽታዎች የመያዝ ዕድሉ ከፍተኛ ነው.

#Progeria #ምርመራ

የበሽታው ምልክቶቹ በደንብ የሚታዩ ስለሆነ በተለመደው የክትትል ወቅት የልጅዎ የህፃናት ሐኪም ሊያያቸው ይችላል.

በ Progeria ህመም የተያዙ የሚመስሉ ልጆችን የተለያዩ ለውጦችን ከተመለከቱ ከርስዎ ከሀፃናት ሀኪም ጋር መነጋገር የተለያዩ አካላዊ ምርመራ ይደረግላቸዋል, የእይታ ብቃታቸዉ የልብ ምታቸውንና የደም ግፊትን ይለኩእና የልጅዎን ቁመት እና ክብደት እኩዮቹ ተመሳሳይ ዕድሜ ጋር ያወዳድራሉ ከዚያ በኋላ የሕፃናት ሐኪምዎ አሳሳቢ ከሆነ በደም ምርመራ አማካኝነት የምርመራውን ትክክለኛነት የሚያረጋግጡ የሕክምና ባለሙያዎችን ሊያናግር ይችላል.

#ሕክምናዎች

አሁን ባለንበት ግዜ ለ Progeria በሽታ መድኃኒት አልተገኘለትም, ነገር ግን ተመራማሪዎች አንዱን
ለየካንሰር ህመም መድሐኒት የሆነውን በመጠቀምFTI (farnesyltransferase inhibitors), የተጎዱ ሕዋሶችን ሊያስተካክሉ ይችላሉ. #መድሃኒቶች ብዙውን ጊዜ የበሽታውን ምልክቶች ሊያዘገዩ ይችላሉ.
#መድሃኒት የልጅዎ ሀኪም መድሃኒቶች ሊያዝዙ ይችላሉ ዝቅተኛ የኮሌስትሮል መጠን እንዲኖር ወይም የደም መፍሰስን ለመከላከል አነስተኛ መጠን ያለዉ በየቀኑ
#አስፕሪን የልብ ሕመምን ለመከላከል ይረዳል. #የእድገት ሆርሞኖች ይሰጣሉ ቁመት እና ክብደት ለመገንባት ይረዳሉ
#የሰውነት እንቅስቃሴ (ቴራፒ) ህመም ለልጅዎ ጠንካራና የማይተጣጠፍ መገጣጠምያ እንዳይኖረዉ ይረዳዋል
#ቀዶ #ጥገና የአንዳንድ ልጆችን የልብ ሕመምን ለማዘግየት ለመቀነስ የልብ ቀዶ ጥገና ይደረግላቸዋል
#በቤት #ውስጥ #የምናደርግላቸዉ በProgeria በሽታ የተያዙ ልጆች የሰዉነታቸዉ የዉሀ መጠን በጣም ስለሚቀንስ ስለሆነም ብዙ #ውሃ #መጠጣት አለባቸው.
#ምግቦችን በሰአቱ እንዲበሉ ማበረታታት
ልጅዎ ንቁ ሆኖ እንዲንቀሳቀስ ማበረታታት

#መልካም #ጤና

#ቫሪኮስ #ቬይንስ (Varicose veins)

#ቫሪኮስ #ቬይንስ የምንለው የህመም ዓይነት በማንኛውም የሰውነት ክፍላችን ቬይኖች (የደም መልስ) ቱቦዎች ሊከሰት የሚችል ቢሆንም በአብዛኛው የሚያጠቃውና የተለመደው በእግር ላይ የሚከሰተው ነው ይህም የሚሆነው ብዙ መቆምና በሰውነታችን ቬይንስ (የደም መልስ) ቱቦዎች ላይ ግፊት ስለሚፈጥር ነው

#ለቫሪኮስ #ቬይንስ #የሚያጋልጡ #ሁኔታዎች

👉ዕድሜ ፡-ዕድሜ መጨመር ለህመሙ ያጋልጣል
👉ፆታ፡- በሴቶች ላይ በአብዛኛው ይከሰታል ይህም የሚሆነው በሰውነታቸው ላይ ከሚከሰቱ ሆርሞን ለውጦች እና በእርግዝና ጊዜ ነው፡፡
👉በዘር፡- ጥናቶች እንደሚያሳዩት ከሆነ አንድ የቤተሰብ አባል ተጠቂ ከሆነ ለሌላው የቤተሰብ አባል የመያዝ ዕድሉን ይጨምራል፡፡
👉ከልክ ያለፈ ውፍረት፡- የሰውነት ክብደት መጨመር በቬኖች የደም መመለስ ሥራ ላይ ጫናን ይፈጥራል፡፡
👉ለብዙ ሰዓታት መቆም ወይንም መቀመጥ፡- ደም ከእግራችን ወደ ልብ የሚመላለስበትን ሁኔታ በማዛባት ለብዙ ሰዓታት መቆምም ሆነ መቀመጥ ለቫሪኮስ ቬን ሕመም ተጋላጭ ያደርገል

#የቫሪኮስ #ቬይንስ #ህመም #ምልክቶች

በሽታው ብዙ ጊዜ ከፍተኛ ህመም ያለው ምልክት ባያሳይም ከዚህ በታች የተዘረዘሩት ምልክቶች ሊከሰቱ ይችላሉ
ጥቁር ወይንጠጅ ወይንም ሰማያዊ ቀለም ያለው 👉የደምስር እብጠት በእግራችን ላይ መኖር
ጠመዝማዛ የሆኑና የአበጡ የደም ስሮች በእግሮ ላይ መታየት
👉እግሮን የመክበድና ህመም ስሜት መሰማት
በታችኛው የእግር ክፍሎ የማቃጠል፣ የመጨምደድና የመርገብገብ ስሜት መሰማት
ለረጅም ሰዓታት ሲቆሙም ሆነ ሲቀመጡ የሚብስ የህመም ስሜት የማሳከክ ስሜት

#የቫሪኮስ #ቬይንስ #የመከላከያ #መንገዶች

👉ሙሉ በሙሉ በሽታውን የምንቆጣጠርበት መንገድ ባይኖርም የደም ዝውውሮን ወይም የጡንቻ ጥንካሬን መጨመር ለበሽታው ያለውን ተጋላጭነት መቀነስ ይችላሉ

ከዚህ በታች የተዘረዘሩትን ማድረግ በሽታንውን ለመከላከል ይረዱናል

👉የአካል ብቃት እንቅስቃሴ
👉ክብደቶን መቆጣጠር
👉ጨው የበዛበት ምግብን መቀነስ
👉ከፍታ ያለው ጫማ አለማዘውተር
👉በእረፍት ወቅት ወይም ሲተኙ እግሮን በትራስ ከፍ ማድረግ
👉አቋቋምዎንና አቀማመጥዎን መለዋወጥ
ቫሪኮስ ቬይንስ ከፍተኛ ጉዳትን በአብዛኛው ባያስከትልም ከታች የሚጠቀሱትን ችግሮች ግን አልፎ አልፎም ቢሆን ሊያስከትል ይችላል

#ቁስለት እጅግ በጣም የሕመም ስሜት ያለው የእግር ቁስለት ከአበጠው የደም ስር አጠገብ በሚገኝ ቆዳ ላይ ሊከሰት ይችላል፡፡
በቆዳ ላይ የቀለም ለውጥ ከተከሰተ ወደ ሐኪም በመሄድ መመርመር ያስፈልጋል፡፡
#የደም #መርጋት አንዳንድ ጊዜ ከውስጥ የሚገኙ የደም መልስ ቱቦዎች ሊያብጡ ይችላሉ፡በዚህን ጊዜ የተጎዳው እግር ዕብጠትን ያሳያል፡፡
ድንገተኛ የሆነ እግር ማበጥ ከተከሰተ በአፋጣኝ ወደ ሕክምና መሄድ ተገቢ ነው

#መልካም #ጤና

#የጥርስ #መቦርቦር

#የጥርስ #መቦርቦር የሚከሰተው በአፋችን ውስጥ የሚገኙ ጀርሞች (ባክቴሪያ) ጥርሳችንን የሚያበሰብሱ አሲዶችን በሚያመነጩበት ጊዜ ነው ይህም በጥርሳችን ላይ የተቦረቦሩ ቀዳዳዎችን እንዲፈጠሩ ያደርጋል የተቦረቦሩ ጥርሶች ህመም ከማስከተል ባለፈ ለኢንፌክሽን ያጋልጣሉ።

#የጥርስ #መቦርቦር #እንዴት #ይከሰታል?

👉በጥርስ ላይ ተለጥፈው የሚቀሩ ምግቦች ካልተፀዱ ይከማቹና የባክቴሪያዎች መራቢያ እና ምግብ ይሆናሉ #ባክቴሪያዎች በሚመገቡ ጊዜ ከውስጣቸው አሲድን ይረጫሉ፣ ይህም ጥርሳችን እንዲቦረቦርና እንዲበሰብስ ያደርጋል

#ለጥርስ #መቦርቦር #የሚያጋልጡ #ሁኔታዎች

👉ጥርስን በሚገባና በመደበኛ ሁኔታ አለማፅዳት
👉ጣፋጭነት የበዛባቸው ምግቦች ማዘውተር
👉የፍሎራይድ እጥረት መኖር
👉የስኳር ህመም ተጠቂ መሆን
👉በህመም ወይንም በተለያዩ መድሀኒቶች ምክንያት የአፍ ድርቀት ሲኖር
👉ሲጋራን ማጤስ ናቸው

#የጥርስ #መቦርቦር #የሚያስከትላቸው #ምልክቶች

👉የጥርስ ህመም ስሜት
👉 በተጎዳው ጥርስ አካባቢ የድድ ማበጥ
👉 መጥፎ የሆነ የአፍ ጠረን መኖር
👉በጥርስ ላይ ነጭ ግራጫ ቡኒ ወይንም ጥቁር ቀለማት የያዙ የተቦረቦሩ ቦታዎች መኖር ናቸው

#የጥርስ #መቦርቦርን #እንዴት #መከላከል #ይቻላል ?

👉ጥርስዎን በቀን ውስጥ ቢያንስ ሁለት ጊዜ (ከቁርስ በኃላ እና ከመተኛትዎ በፊት) የፍሎራይድ ኬሚካል ባለው የጥርስ ሳሙና መታጠብ
👉በማንኛው ግዜ ምግብ ከተመገቡ በኃላ አፍዎን በንፁህ ውሀ በሚገባ መጉመጥመጥ
👉ከእንቅልፍ በፊት ጥርስዎን ከታጠቡ በኃላ ምንም አይነት ምግብ አለመመገብ
👉ጣፋጭ የበዛባቸው ምግቦችን ከምግብ ፕሮግራም ውስጥ ማስወገድ
👉 ልጆች ለጥርስ መቦርቦር ተጋላጭነታቸው ከፍተኛ ስለሆነ ሁሌም ስለ ጥርስ ፅዳት አጠባበቅ ማስተማር
👉 የጥርስ ሀኪምዎ ጋር በዓመት አንድ ጊዜ በመሄድ ጥርስዎን በባለሞያ ማሳጠብና ማስመርመር

#ማሳስቢያ❗️❗️

የጥርስ ህመም ሲሰማዎ ጊዜ ሳይሰጡ ወደ ሀኪም መሄድን አይዘንጉ ምክንያቱም የህመም ስሜቱ ከጥቂት ጊዜ በኃላ በራሱ ሊጠፋ ቢችልም የጥርስ መቦርቦር ግን ያለ ህመም ሊቀጥል ይችላል። በአፋጣኝ ህክምና ካልተደረገ ጥርስዎን እስከማጣት ሊያደርስዎ ይችላል

መረጃዉ ከተመቸዎት ይቺን 👍 አይንፈጉን

#መልካም #ጤና

#ግሩም #የሆነ #የምላስ #ንድፍ ! 👅

ይሄ የተሰነጣጠቀ ምላስ ነው ይህም በጣም ብዙ ትናንሽ ስንጥቆች ወይም ተለቅ ያሉ ጉድጓዶች በላይኛዉ ምላስ አካል ላይ ይታያል. እነዚህ ጥቃቅን ስንጥቅ ነገሮች በመጠን ጥቂት ወየም ብዙ ሊሆኑ ይችላሉ. በአብዛኛው ጊዜ በአንድ ምላስ መካከል ተለቅ ያለ ስንጥቅ ይኖራል

የተሰነጣጠቀ ምላስ ከአለም ህዝብ መሀከል ከ 2 እስከ 5 በመቶ የሚሆነውን ሰዉ ያጠቃል.ስንጥቁ በአይን በሚታይበት ወቅት ህመም ያለዉ ቢመስልም ምንም ህመም አይሰማውም ባንዳንድ ወቅት ግን
▪️የብርቱካን ጭማቂ
▪️ቅመም የበዛባቸው ምግቦች ወዘተ ስንጠቀም ማቃጠል ስሜት ሊኖረው ይችላል

#የተሰነጣጠቀ# ምላስ መንስኤው አይታወቅም, ብዙውን ጊዜ በጥርስ ምርመራ ወቅት እንደ ድንገት ሊታይ ይችላል

የተሰነጣጠቀ ምላስ ምንም ጉዳት የሌላቸውና በክፍተቱ ምክንያትም የህመም ምልክቶች አይታዩበትም ምንም አይነት ህክምናም አያስፈልገዉም እንደዚህ አይነት ምላስ ያላቸዉ ሰዎች አንዳንድ ማድረግ የሚገባቸው ጥንቃቄዎች አሉ እነዚህም
▪️ የአፍ ንፅህናን በሚገባ መጠበቅ እነዚህም
የላይኛዉን የምላስ አካልን በሚገባ ማፅዳት ምክንያቱም በክፍተቶቹ መሀል የሚቀሩትን ምግብ ትራፊዎች ማስወገድ ይኖርብናል እነዚህ እዛ በሚቆዩበት ወቅት ለመጥፎ የአፍ ጠረን ምክንያት ይሆናሉ

መረጃዉ ከተመቸዎ 👍አይንፈጉን

#መልካም #ጤና

አብዛኛዉ ጊዜዉን የሚያሳልፈዉ ፀጉር ማስተካከያ ቤት ዉስጥ ነዉ።
💇‍♂️ #ሀይፐርትሩኮሲስ (Hypertrichosis)
ይሄ የመጠርያ ስሙ ነው የአንድ ሰዉ ፀጉር ከተለመደዉ በላይ ማለትም ከእድሜም፣ ከፆታም
እንዲሁም ከግለሰቡ የዘር ማንነት ዉጪ የሆነ የፀጉር እድገት ነዉ።
#ሀይፐርትሩኮሲስ #በምን #ይከሰታል
👉ምክንያቱ በምን እንደሚከሰት አይታወቅም ከዉልደት ጀምሮ የሚከሰተዉ ችግር ከዘረመል መታወክ ጋር እንደሚያያዝ ይታመናል በዚህም ምክንያት የፀጉር እድገት ከተለመደዉ በላይ ይሆናል
#ህክምናዉ
👉ዋናው ህክምና የበዛዉን ፀጉር ማንሳት ነዉ
የተለያዩ የፀጉር ማንሻ ዘዴዎች አሉ ነገር ግን የፀጉር እድገቱ ስለማያቆም ቶሎ ቶሎና መደጋጋም አለበት
👉ደጋግሞ መላጨት
👉Chemical epilation፦ ኬሚካል በመጠቀም ፀጉርን ህመም ሳይሰማ ከሰዉነት ላይ ማንሳት
👉Electrolysis and thermolysis.እያንዳዷን የፀጉር መብቀያ ቀዳዳ በኤሌክትሪክ ንዝረት ፀጉሩን የማጥፋት ህክምና
👉Waxing፦ሰም በመጠቀም ፀጉርን ማስወገድ
👉በቅርቡ ደሞ ጨረር በመጠቀም ፀጉርን ማስወገድ ተችሏል
ከላይ የምናየው ሰዉ በዚሁ hypertrichosis የተጠቃ ሰው ነዉ።

እስቲ መረጃዉ ከተመቾት 100 👍 አድርሱልን

#መልካም #ጤና

#ለእርግዝና #የሚረዱ #ጥሩ #የግብረ #ሥጋ #ግንኙነት #ልምዶች

እርግዝና እንዲፈጠር #ወሲብ ከማዝናናት በላይ መሆን አለበት የማርገዝን አጋጣሚ ከፍ ለማድረግ በአልጋ ላይ ሁሉንም ነገር ማድረግ ያስፈልጋል።

እርግዝናን ለመፍጠር ምንም ዓይነት ዘዴ አልተገኘም. ሆኖም ግን በተወሰነ የግኑኝነት ተደጋጋሚነት በመጨመርና ግኑኝነት ላይ ጥቂት ለውጦችን በማድረግ እርግዝና የመከሰት እድልን ሊያሳድጉ ይችላሉ

👉 #ስፐርም (የወንድ የዘር ፍሬ)
እርግዝናን በሚያስቡበት ወቅት ሰው ሰራሽ ማለስለሻዎችን መጠቀም በፍጹም አይመከርም የዚህም ምክንያት ለወንድ የዘር ፈሳሽ ጎጂ ስለሆነ ነው፡፡ አንዳንድ ሴቶች የጥሬ ዕንቁላል ነጭ ክፍሉን እንደ ማለስለሻ ይጠቀሙበታል በዚህ አጋጣሚ እንቁላሉ የተበላሸ ከሆነ ኢንፌክሽን ሊከሰት ይችላል፡፡ የምህጸን በር ፈሳሽ ንፍጥን ለመጨመር ውሃ በብዛት መጠጣት
👉 #አቅጣጫ (ፖዚሽን)!
በግብረ ስጋ ግንኙነት ጊዜ ወንድ ከላይ ሆኖ በሚያደርግበት ወቅት ለማህፀን በር ቅርብ ከመሆኑ አንፃር በጣም ተመራጭ አቅጣጫ ነው፡፡ በመሬት ስበት አማካይነት ሴቶች ከላይ የሚሆኑበት የግብረ ስጋ ግንኙነት አቅጣጫ በጣም ጎጂና ተመራጭ ያልሆነ ነው፡፡
👉 #በጀርባ #መንጋለል (መተኛት)!
አንዳንድ ሴቶች እንደሚሰጡት አስተያየት ከግኑኝነት በኋላ በዳሌያቸው ስር ትራስ አስገብቶ አልጋ ላይ በጀርባ ተኝቶ እግርን ልክ ብስክሌት እንደሚነዱ ከፍ በማድረግ ቢይንስ ለ 20 ደቂቃ መቆየት ጠቃሚ ነው ይላሉ፡፡ ሌሎች ሴቶች ደግሞ ቢያደርጉም ባያደርጉም ለውጥ እንደሌለው ይናገራሉ ምርጫው የእርስዎ ነው ዋናው ቁምነገር ግን ለ 20 ደቂቃ በጀርባዎ ተጋድመው የሚቆዩ ከሆነ ሊወጣ ወይም ሊወገድ የሚችለው ጤናማ ያልሆነ ስፐርምና የሴመን ፈሳሽ ነው፡፡ ጤናማ የስፐርም (የወንድ የዘር ፈሳሽ) ወደ ሴት ሃፍረተ ስጋ ውስጥ ከተረጨ በኋላ ወዲያው ወደ ማህጸን ይጓዛል ስለዚህ ከሴት ሃፍረተ ስጋ መርዛማ አካባቢ ይርቃል፡፡
👉 #የጡንቻዎች #ጥንካሬ
የሴት ሃፍረተ ስጋ ጡንቻዎችን ከመጨመር ባሻገር ኬግልስ የሚባለው ስፖርታዊ እንቅስቃሴ ከግብረ ስጋ ግንኙነት በኋላ በሴት ሃፍረተ ስጋ ውስጥ የቀረውን የወንድ የዘር ፍሬ ወደ ውስጥ ለማስገባት መሥራት ጠቃሚ ነው፡፡
(ኬግልስ) ማለት የሴትዋ ብልት አካባቢ ያሉትን ጡንቻዎች ስፖርት ማሰራት ነዉ ማለትም ሴቷ በራሷ ከግኑኝነት በኋላ ያዝ ለቀቅ እያደረገች ለ 5 ደቂቃ መስራት ነዉ ታዲያ በዚህ ጊዜ ሽንትዎን መሽናት የለቦትም፡፡

#መልካም #ጤና

ከተመቾ👍

#በወር #አበባ #ጊዜ #የሚከሰት #ሕመም

ሴቶች የወር አበባ በሚያዩበት ጊዜ የሕመም ስሜት ሊከሰትባቸው ይችላል፡፡ አብዛኛዎቹ ሴቶች ከወር አበባ መምጣት ጋር ተያይዞ የሆድ ቁርጠት ሕመም ይኖራቸዋል፡፡
የሕመሙ መጠን ከሰው ሰው የሚለያይ ሲሆን አንዳንዴም የእለት ኑሮን እስከማቃወስ ይደርሳል፡፡

#በወር #አበባ #ጊዜ #የሕመም #ስሜት #እንዲሰማ #ተጋላጭነትን #የሚጨምሩ #ሁኔታዎች

👉ዕድሜ ከ30 ዓመት በላይ
👉ጊዜውን ጠብቆ የማይመጣ ከሆነ
👉ልጅ ያልወለዱ ከሆነ
👉በወር አበባ ጊዜ ከፍተኛ ሕመም የሚሰማው የቤተሰብ አባል ካለዎት
👉ሲጋራ የሚያጨሱ ከሆነ ናቸዉ፡፡
በወር አበባ ጊዜ የሚከሰቱ የሕመም ምልክቶች?
👉የሆድ ቁርጠት
👉የማያቋርጥ ከዕምብርት በታች ያለ የሕመም ስሜት
👉ወደ ጀርባ ወደምጥ የሚሄድ ዓይነት ስሜት
ከዚህ በተጨማሪ አንዳንድ ሴቶች
👉 የማቅለሽለሽ
👉ተቅማጥ
👉የራስ ምታት
👉ማዞር የመሳሰሉት ሊኖራቸው ይችላል፡፡

#በወር #አበባ #ጊዜ #የሚከሰትን #ሕመም #ለማስታገስ

👉የሞቀ ውኃ ያለበትን የውኃ መያዣ ላስቲክ
በሆድዎ አካባቢ ማስቀመጥ የሚሰማዎን ሕመም ያስታግሳል
👉የአልኮል መጠጦችንና ሲጋራ ማጨስን መስወገድ
👉ጭንቀትን በተቻለ መጠን መቀነስ
👉 ለሕመም ማስታገሻነት የሚጠቅሙ መድኃኒቶችንም መጠቀም ናቸው፡፡
የህመም ስሜቱ የበዛና በማስታገሻዎች ሊታገስ ካልቻለ ወደ ህክምና መሄዱ ተመራጭ ነው

#መልካም #ጤና

#ቃር (Heartburn)

#ቃር የምንለው ወይንም በህክምና አጠራሩ ሀርትበርን (Heartburn) በመባል የሚታወቀው የህመም አይነት ሲሆን አብዛኞችን የሚያጠቃ እና እጅግ የተለመደም ችግር ነው።
በደረት አካባቢ የማቃጠል ስሜት መሰማት በአብዛኛው ከምግብ በኃላ እና እንቅልፍ ስንተኛ የሚብስ ነው። ይህም የሚከሰተው የጨጓራ ውስጥ አሲድ ወደ ላይኛው የምግብ አስተላላፊ ቱቦ ሲገባ ነው።

#ለቃር #ተጋላጭነትን #የሚጨምሩ #ሁኔታዎች

👉ቅመም የበዛባቸው ምግቦችን መመገብ
👉ሽንኩርት
👉ሲትረስ ያላቸው ምግቦች
👉ቅባት የበዛባቸውን ምግቦች
👉ቸኮሌት
👉የአልኮል መጠጦችን መውሰድ
👉ካፊን ያላቸውን መጠጦች መውሰድ
👉ከጥጋብ በላይ መመገብ
👉ከመጠን ያለፈ ውፍረት
👉ነፍሰጡርነት ናቸው።

#ምልክቶች

👉ደረት አካባቢ የማቃጠል ስሜት በተለይ ምግብ ከተመገብን በኋላ እንዲሁም ምሽት ላይ
👉በጀርባ በምንቸኛበት ወቅት የማቃጠል ስሜቱ መጨመር
👉አፋችን ላይ የመምረር ስሜት።

#ሃኪምዎን #ማማከር #የሚገባው #መቼ #ነው

#ቃር በአብዛኛው አመጋገብን በማስተካከል እና ቀስቃሽ ሁኔታዎችን በማስወገድ የሚድን ሲሆን ከፍተኛ የሆነ የደረት ማቃጠል፣ ውጋት፣መጨምደድ ስሜት እና ወደ ትከሻ የሚሰራጭ የህመም ስሜት ከትንፋሽ ማጠር ጋር ከተከሰተ በአፋጣኝ ሃኪም ማማከር ተገቢ ነው ምክንያቱም የድንገተኛ ልብ ህመም ምልክት ሊሆን ስለሚችል ነው።
#ከዚህ #በተጨማሪ
👉 በሳምንት ውስጥ ከሁለት ጊዜ በላይ የሚያቅርዎ ከሆነ
👉 ለመዋጥ የሚችገሩ ከሆነ
👉 ማቅለሽለሽና ማስመለስ ካልዎት
👉 የምግብ ፍላጎት በማጣት ወይንም ለመመገብ በመቸገር ምክንያት የሰውነት ክብደትዎ ከቀነሰ ሃኪምዎን ማማከር ይኖርብዎታል።

#ቃርን #ለማስታገስ #መደረግ #ያለባቸው #የአኗኗር #ዘይቤ #ለውጦች

👉የሰውነት ክብደትዎን ማስተካከል
👉ቃርን የሚይያስነሱ ምግቦችን አለመመገብ
👉የአልኮል መጠጦችን አለመውሰድ
👉ሲጋራን አለማጤስ
👉በመኝታ ጊዜ ጭንቅላትዎን ከፍ ባለ ትራስ ላይ ማሳረፍ ናቸው።

መረጃዉ ጠቃሚ ሆኖ ካገኙት ይቺን👍 አይንፈጉን

#ጤና #ይስጥልኝ

#ግላውኮማ(Glaucoma)

#ግላውኮማ የምንለው የአይን ህመም በአይናችን ነርቭ ላይ ችግር የሚያስከትል ሲሆን በአይናችን ውስጥ የሚገኘው ግፊት መጨመር ምክንያት የሚከሰት ነው። የዚህ ግፊት መጨመር በአይናችን የምናያቸውን ምስሎች ወደ አንጎል የሚውስደውን የአይናችንን ነርቭ ይጎዳል ይህም በቀጣይነት ቋሚ ለሆነ የአይን ብርሃንን እጦት ይዳርጋል።

#የግላኮማ #ዓይነቶች #ምንድ #ናቸው?

🔘ሁለት ዋነኛ ዓይነቶች አሉ

👉Open-angle glaucoma በጣም የተለመደ ዓይነት ነው በዓይናችን ውስጥ ያለውን የውኃ ማስተላለፊያ አካል trabecular meshwork ተብሎ የሚጠራዉ ጤናማ ይመስላል, ግን ፈሳሹ እንደ ልብ አይንቀሳቀስም
👉Angle-closure glaucoma. በምዕራቡ ዓለም በእስያ እንጂ በስፋት የተለመደ አይደለም በአይንዎ መካከል ያለው ፍሰት በጣም ጠባብ ስለሚሆን ዓይንዎ በትክክል አይሰራም. ይህ በአይኑ ውስጥ ድንገተኛ መጨናነቅ ሊያስከትል ይችላል. በተጨማሪም በአይንዎ ውስጥ ያለውን ሌንስ ጭጋግ መሰል ነገር ያለብሰዋል

👉ግላውኮማ በሚጀምርበት ጊዜ የሚያሳየው ቀዳሚ ምልክት ወይንም የህመም ስሜት ስለሌለ ማንኛውም ሰው መደበኛ የሆነ የአይን ህክምና ማድረግ አስፈላጊ ነው ይህም አይናችን ለከፋ ጉዳት ከመጋለጡ በፊት ህክምና እንድናደርግለት ይረዳናል። ከ40 አመት እድሜ በላይ ያሉ ሰዎች በአመት አንድ ጊዜ ወደ ሃኪም በመሄድ ምርመራን ማድረግ አለባቸው።

#የአይናችን #ውስጥ #ግፊት #ለምን #ይጨምራል?

🔘ግላውኮማ የሚከሰተው በአይናችን ውስጥ የሚገኘው ግፊት ሲጨምር ነው ያልን ሲሆን ይህደግሞ
👉በኢንፌክሽን
👉በአይን በቀዶ ጥገና ምክንያት በፊተኛው የአይናችን ውስጥ የሚገኘው ፈሳሽ በጤናማ ሁኔታ መንሸራሸር ሲያዳግተው ነው።
ግላውኮማ በአብዛኛው ሁለቱንም አይነቶች የሚያጠቃ ሲሁን የህመሙ ክብደት ግን ሊለያይ ይችላል።
#በግላውኮማ #የሚጠቁ #እነማን #ናቸው?

👉ከአርባ አመት እድሜ በላይ የሆኑ
👉በግላውኮማ የተጠቃ ቤተሰብ ያላቸው
👉የስኳር ህመምተኞች
👉የአይን ጉዳት የደረሰባቸው ሰዎች

#የግላውኮማ #ህመም #ምልክቶች #ምንድን #ናቸው?

🔘በአብዛኛው ግላውኮማ በቅድሚያ የህመም ምልክት ላያሳይ ቢችልም ከጊዜ በሗላ ግን የመጀመሪያ ምልክት የሚሆነው
በጥግ በኩል የሚጀምር የአይን ብርሃን ችግር ነው።
#ከምልክቶቹ #ውስጥ
👉ድንገተኛ የሆነ የአይን ህመም
👉ከፍተኛ የራስ ምታት
👉የአይን ብዥታ
👉ጥርት ያለ እይታ አለመኖር
👉የአይን መቅላት
👉የአይን ብርሃን ማጣት
👉የአይን እይታ ጥበት ናቸው
እነዚህ ሁኔታዎች ሲያጋጥምዎ በአፋጣኝ ወደ አይን ሀኪም መሄድ ይጠበቅቦታል።

#ግላውኮማን #መከላከል #ይቻላል?

🔘ግላውኮማ እንዳይከሰት መከላከል የማንችል ሲሆን ነገር ግን በቶሎ የህመሙ መኖር ከታወቀ ለመቆጣጠርና እንዳይባባስ ማድረግ ከፍተኛ ጠቀሜታ አለው።
በግላውኮማ ምክንያት የተከሰተ የአይን ብርሃን ጉዳት ተመልሶ ሊስተካከል የማይችል ሲሆን የነበረው ጉዳት እየተባባሰ እንዳይሄድ ግን የአይን ግፊት መጠኑን መቀነስ ይቻላል። ህክምናቸውን በሚገባ የሚከታተሉ ታካሚዎች የአይን ብርሃናቸውን ማዳን ይችላሉ።

#መልካም #ጤና

#የጥፍር #ፈንገስ #ኢንፌክሽን

#የጥፍር #ፈንገስ #ኢንፌክሽን የምንለው በፈንገስ ምክንያት የሚከሰት ህማምን ሲሆን ከአንድ በላይ ጥፍሮችንም ሊያጠቃ ይችላል።
የጥፍር ፈንገስ ጥፍራችን እንዲወፍርና የህመም ስሜት እንዲሰማን ያደርጋል። የጥፍር ፈንገስ ኢንፌክሽኑ በጣቶችዎ መካከል ሊዛመትም ይችላል።

#የጥፍር #ፈንገስ #ምልክቶች #ምንድን #ናቸው

👉የጥፍር መወፈር
👉የጥፍር ቀለም ወደ ቢጫነት መለወጥ
👉የጥፍር ቅርጽ መለወጥ
👉መጥፎ ጠረን ማምጣት ናቸው።
የጥፍር ፈንገስ በአብዛኛው በእግር ጥፍሮች ላይ የሚከሰት ሲሆን አልፎ አልፎ በእጅ ጣት ጥፍሮች ላይም ይከሰታል።

#ለጥፍር #ፈንገስ #ተጋላጭነትን #የሚጨምሩ #ሁኔታዎች #ምንድን #ናቸው?

👉 እድሜ መጨመር
👉ከፍተኛ ላቦት መኖር
👉በባዶ እግር ውሀ ዋና ቦታ፣ በጂም እና የገላ መታጠቢያ ቦታዎች መራመድ
👉ስኳር ወይም በሽታ የመከላከል አቅምን የሚያዳካሙ ህመሞች መኖር ናችው።

#የጥፍር #ፈንገስ #እንዴት #መከላከል #ይቻላል

👉እጅዎን እና እግርዎን በሚገባ መታጠብ እና ማድረቅ
👉በፈንገስ ያልተበከለ የጥፍር መቁረጫን መጠቀም ወይንም በሚገባ አጽድተን መጠቀም
👉ላቦትን የሚመጡ ካልሲዎችን መጠቀም
👉በየትኛውም ቦታ ጫማ ተጫምተው መንቀሳቀስ
👉የአየር ዝውውርን የሚፈቅዱ ጫማዎችን መጠቀም
👉ጥፍርዎን ለማስዋብ የሚጠቀሟቸው እቃዎች በሚገባ የጸዱ መሆናቸው ማረጋገጥ
👉የጥፍር ማስዋቢያ እቃዎችን ከሌሎች ሰዎች ጋር አለመጋራት ናቸው።

#ህክምናው

👉የጥፍር ፈንገስን ለመከላከል ዋናውና ቀላሉ መንገድ ጥፍሮቻችንን አጭርና ንፁህ አድርጎ መያዝ ነዉ በበሽታዉ ከተጠቃን በኋላ ግን በሀኪም ትዛዝ የሚሰጡ መድሀኒቶች አሉ ከነዚህም ውስጥም
በአፍ የሚወሰዱ የፈንገስ መድሀኒቶች
በቅባት መልክ የተዘጋጁ መድሀኒቶች ናቸው

#ሀኪምዎን #ማማከር #የሚገባው #መቼ #ነው

የጥፍር ፈንግስ ኢንፌክሽን በከፍተኛ ሁኔታ ከአንድ ጥፍር ወደ ሌላው ሊዛመት ስለሚችልና ተገቢው ጥንቃቄ ካልተወሰደ ደግሞ ሌሎች የቤተሰብ አባሎችንም ሊያጠቃ ስለሚችል ወደሀኪም በመሄድ ተገቢውን መድሀኒት በታዘዘው መሰረት በሚገባ በመጠቀም እንዲለቅ ማድረግ ይቻላል።

ጠቃሚ መረጃ ነውና ለወዳጆችዎ ያከፍሉ አብሮነታችሁን በዚ 👍 አሳዩን


#መልካም #ጤና

#ስትሮክ (Stroke)

#ስትሮክ በመባል የሚታወቀው የህመም አይነት በመላው ዓለም እንዲሁም በሀገራችን እጅግ እየተበራከተ የሚገኝ እና ከፍተኛ ትኩረት ሊሰጠው የሚገባ የህመም አይነት ነው፡፡
ስትሮክ ሊከሰትባቸው የሚችሉባቸው መንገዶች ሁለት ናቸው እነዚህም

👉በጭንቅላት ውስ በሚከሰት የደደም መፍሰስ
👉ወደ ጭንቅላት ሊደርስ የሚገባው የደም ፍሰት መቀነስ ወይም መቋረጥ ናቸዉ
ስትሮክ ከተከሰተ በኋላ በአፈጣኝ ወደ ህክምና መውሰድ እና ህክምናውን ወዲያውኑ መውሰድ የታማሚውን ሊደርስበት የሚችለውን የጉዳት ክብደት መቀነስ እና የማገገም ሁኔታውን ሊፋጥን ይችላል፡፡
#ለበሽታው #ሚያጋልጡ #ሁኔታዎች
👉እድሜ፦በእድሜ በገፋን ቁጥር በስትሮክ የመጠቃት እድላችን ይጨምራል
👉ጾታ፦ስትሮክ በአብዛኛው በወንዶች ላይ እንደሚከሰት ጥናቶች ያመለክታሉ
በዘር ሊተላለፍ እንደሚችልም ጥናቶች ያመለክታሉ
👉የደም ግፊት መጨመር
👉የኮሌስትሮል መጠን መጨመር
👉ሲጋራ ማጤስ
👉በስኳር ህመም መያዝ
👉የሰውነት ክብደት መጨመር
👉ከዚህ ቀደም በስትሮክ መጠቃት
#የስትሮክ #ህመም #ምልክቶች
ስትሮክ በተከሰተ በጥቂት ደቂቃዎች ውስጥ የአንጎል ህዋሶች መሞት ይጀምራሉ ይህም የሚከተሉትን አይነት ምልክቶች ያስከትላል
👉ለመራመድ መቸገር ወይም ሚዛን አለመጠበቅ
👉ለመነጋገር መቸገር
👉የሰውነት ክፍል (እጅ ወይንም እግር) ያለመታዘዝ
👉የአይን ብዥታ
👉ድንገተኛ የሆነ ከፍተኛ የራስ ምታት
👉ግራ የመጋባት ስሜት
ከላይ የተጠቀሱትን ምልክቶች በአቅራቢያው በሚገኘው ሰው ከተመለከቱ አፋጣኝ እርዳታ እንዲያገኝ ማድረግ ተገቢ ነው።
#ስትሮክን #የመከላከያ #መንገዶች
የመጀመሪያ እና ቀዳሚው የመከላከያ መንገድ ስለበሽታው ምንነት እና ስለሚያስከትለው ጉዳት ማወቅ ነው፡፡
ስትሮክን የመከላከያ መንገዶች ከእለት ተእለት የአኗኗር ሁኔታችን ጋር የተያያዘ ነው፡፡
👉የደም ግፊት መጠናችንን ማወቅ እና የደም ግፊታችን ከፍተኛ ከሆነም በሚገባ ለመቆጣጠር መሞከር፡፡ የደም ግፊት መድሃኒት የምንወስድም ከሆነ በትክክል እና ያለማቋረጥ መውሰድ፡፡
👉 የስኳር ህመም ተጠቂ ከሆኑ የስኳር መጠኖን መቆጣጠር
👉 ጭንቀትን ማስወገድ
👉ሲጋራ አለማጤስ
👉 የአልኮል መጠናቸው ከፍተኛ የሆኑ መጠጦችን አለመውሰድ
👉የምንጠቀመውን የጨው መጠን መቀነስ
👉ቅባት የበዛባቸውን ምግቦች ያለማዘውተር
👉በቀን ለ 30 ደቂቃ ያህል የአካል ብቃት እንቅስቃሴ ወይም የእግር መንገድ መሄድ
👉 የሰውነት ክብደትን መቀነስ ናቸዉ።
መረጃዉ ከተመቾት ላይክ 👍 ማረጎን አይርሱ

#መልካም #ጤና

#የጉበት #ስብ (Fatty liver)

የጉበት ስብ የምንለው በጉበት ውስጥ የሚገኘው የስብ መጠን ከ 5-10 በመቶ የሚሆነውን የጉበት ክፍል ከያዘ ነው።
#ጉበታችን ከሰውነታችን ክፍል ውስጥ ሁለተኛ ትልቁ አካል ሲሆን የምንመገበውንም የምንጠጣውን አና ማንኛውንም ለሰውነት ጠቃሚ ያልሆነ ነገሮችን ከደማችን ውስጥ ያጣራል። #የጉበት ይህን የማከናወን ስራ በጉበት ስብ መብዛት ሊዛባ ይችላል።
የጉበት ስብ ይህ ነው የሚባል የራሱ የሆነ ምልክት ላያሳይ ይችላል።

#የጉበት #ስብን #የሚያስከትሉ #ሁኔታዎች #ምንድን #ናቸው?

👉በአብዛኛው የጉበት ስብ የሚከሰተው አብዝተው የአልኮል መጠጥ በሚያዘውትሩ ሰዎች ላይ ነው እስካሁንም ድረስ የአልኮል መጠጥ በማይወስዱ ሰዎች ላይ የሚከሰት የጉበት ስብ ምክንያቱ በውል ግልጽ አይደለም

#አራት #አይነት #የጉበት #ስብ #አይነቶች #ይገኛሉ እነዚህም

#በአልኮል #መጠጥ #ምክንያት #የሚመጣ
👉ይህ የጉበት ስብ ከአልኮል መጠጥ ጋር ተያይዞ የሚመጣ በሽታ የመጀመሪያ ምልክት ተደረጎ የወሰዳል።
ከፍተኛ የአልኮል መጠጥ መጠቀም ጉበት ላይ ጉዳትን ያስከትላል ይህም ጉበት ስብን እንዲከማች ያደርገዋል የአልኮል መጠጥን በማቆም የጉበት ስብ እንዲወገድ ማድረግ ይቻላል።
#ያለ #አልኮል #መጠጥ #የሚከሰት #የጉበት #ስብ
👉ይህ 10% በሚሆኑ ሰዎች ላይ የሚታይ ሲሆን ጉበታችን በጤናማ ሁኔታ ስብን ማቅልውጥ ሲያቅተው በሚከማች ስብ ምክንያት ነው
#ያለአልኮል #መጠጥ #የሚከሰት Steatohepatitis
👉የስብ መጠንን በከፍተኛ ሁኔታ በመጨመር ምክንያት ጉበት እንዲያብጥ የሚያደርግ ነው። ይህ ህመም የጉበትን ስራ በእጅጉ ሊያውክ ይችላል። ከዚህ ጋር በተያያዘ የሚከሰቱ ምልክቶች
👉 የምግብ ፍላጎት ማጣት
👉ማቅለሽለሽ
👉 ማስመለስ
👉የሆድ ህመም ስሜት
👉የሰውነት ቢጫ መሆን ናቸው።
#በእርግዝና #ጊዜ #የሚከሰት #የጉበት #ስብ
👉ይህ ህይወትን አደጋ ላይ የሚጥል አይነት የጉበት ስብ ሲሆን ምልክቱ በሶስተኛው የእርግዝና ክፍለ ጊዜ ማለትም ከ6-9ወራት ባለዉ ጊዜ የሚከሰት ነው
👉የሚያቋርጥ ማቅለሽለሽ እና ማስመለስ
👉በቀኝ የሆድ ክፍል አከባቢ የህመም ስሜት
👉የሰውነት ቢጫ መሆን
👉የድካም ስሜት ናቸው ።
#ለጉበት #ስብ #ተጋላጭነትን #የሚጨምሩ #ሁኔታዎች #ምንድን #ናቸው?
👉ከልክ ያለፈ ውፍረት
👉የስኳር ህመም
👉የአልኮል መጠጥ አብዝቶ መጠጣት
👉እርግዝና
👉ከፍተኛ የስብ መጠን በደም ውስጥ መኖር
👉የስኳር ህመም
👉ፈጣን የሆነ የክብደት መቀነስ
👉የመድሃኒቶች የጎንዮሽ ጉዳቶች
👉ከፍተኛ የትራይግላይሴራይድ መጠን ናቸው።
#የጉበት #ስብ #እንዴት #ይታከማል?
👉ይህ ነው የሚባል የህክምና መድሀኒትም ሆነ ቀዶ ጥገና የሌለው የጉበት ስብ የአኗኗር ዘይቤን ማስተካከል እንደሚኖርብዎ በሀኪምዎ ይነገሮታል እነዚህም
👉የአልኮል መጠጥ አለማዘውተር
👉የኮሌስቴሮል መጠንን መቆጣጠር
👉ክብደትዎን መቀነስ
👉የስኳር መጠንዎን መቆጣጠር ናቸው።

እንደተለመደው መረጃዉ ከተመቾት ላይክ 👍 ማረጎን አይርሱ

#መልካም #ጤና

አፍንጫዎን👃ለማስዋብ የተጠቀሙትን ጌጥ ለማዉጣት ሲሞክሩ ጥንቃቄ ማድረግ አለቦት
እንደ ፊታችን አፍንጫችን በደም ስሮች የተሞላ አካል ነዉ እናም ከላይ እንደምትመለከቱት አጭር ቪድዮ ሊገጥመን ይችላል እናም #ጠንቀቅ እርስዎ ወይም ሌላ ሰው እንዲህ አይነት ችግር ሲገጥመው የሚደማውን ቦታ በንፁህ ጨርቅ በመያዝ ህክምና ወደሚያገኙት ጤና ተቐም መሄድ አስፈላጊ ነው።

#መልካም #ጤና

#የአፍ #መድረቅ ( Xerostomia)

#የአፍ #መድረቅ #ችግሮች #ምክንያቶችና #መፍትሄዎቻችው

#የአፍ መድረቅ ችግር የሚከሰተው በአፋችን ውስጥ የሚገኙ ምራቅ አመንጪ እጢዎች (salivary glands) ምራቅን በበቂ ሁኔታ ማመንጨት ሳይችሉ ሲቀሩ የሚከሰት ነው።
ምራቃችን በ አፋችን ውስጥ በባክቴሪያ ምክንያት የሚከሰት የጥርስ መቦርቦር እንዳይፋጠር የሚራዳ ሁኔታን ያመቻቻል። ከዚህም በተጨማሪ ምግብን አላምጦ የመዋጥ ሂደትን እንድናደርግና ለምግብ መፈጨት ሂደት የሚያስፋልጉ ኤንዛየምስ የማመንጨት ተግባርን ያከናውናል።
የምራቅ መመንጨት በሚቀንስ ጊዜ የ አፍ መድረቅ ይከሰትና ጤናችንን ሊያቃውስ ይችላል።

#የአፍ #መድረቅ #ምልክቶች #ምንድን ናቸው?

👉አፋችን ውስጥ የማጣበቅ ስሜት ሲሰማን
👉መጥፎ የአፍ ጠረን
👉ለማላመጥ ፣ ለመዋጥ እና ለመናገር መቸገር
👉የጉሮሮ መሻከር ወይንም ቁስለት
👉የምግብ ጣዕም ማጣት ናቸው።

#የአፍ #መድረቅ #የሚያስከትሉ #ሁኔታዎች #ምንድን #ናቸው?

👉የአፍ መድረቅ የሚመጣው ምራቅ አመንጪ እጢዎች በሚፈለገው መጠን ምራቅን ማመንጨት ሲያቆሙ ነው ለዚህም ምክንያት ሊሆኑ የሚችሉ ሁኔታዎችን እናያለን።
👉 መድሃኒቶች
አብዛኛዎቹ መድሀኒቶች የአፍ መድረቅ የጎንየሽ ጉዳታቸው እንደሆነ ጥናቶች ያሳያሉ። ለምሳሌ ለደም ግፊት፣ለመደበት፣ጭንቀት እና አንዳንድ የአለርጂ መድሀኒቶች ይጠቀሳሉ።
👉እድሜ
እድሜአችን በጨመረ ቁጥር የተለያዩ አካላዊ ለውጦችን ተከትሎ የ አፍ መድረቅም የመከሰት እድሉ ከፍተኛ ነው።
👉የነርቭ ጉዳት
በጭንቅላት እና አንገት አካባቢ የሚገኙ ነርቮች በሚጎዱ ጊዜ የአፍ መድረቅ በተያያዥነት ሊመጣ ይችላል።
👉ሲጋራ ማጨስ፣ የአልኮል መጠጥ አብዝቶ መውሰድና ሌሎች አደንዛዥ እፆችን መጠቀም የአፍ መድረቅን ያስከትላል።
👉ኬሞቴራፒ እና ራዲዮቴራፒ
ካንሰርን ለማከም የሚሰጡ ህክምናዎች የ አፍ መድረቅን ለጊዜያዊ ወይንም በቋሚነት ሊያስከትሉ ይችላል።
👉ሌሎች የጤና ችግሮች ለምሳሌ እንደ ኤች አይ ቪ፣የስኳር ህመም፣ስትሮክ፣የፈንገስ ኢንፌክሽን የመሳስሉ ህመሞች ለአፍ መድረቅ ችግር መንስኤ ሊሆኑ ይችላሉ።
👉ማንኮራፋትና አፍን ከፍቶ መተንፈስ ሌሎች መንስኤ ሊሆኑ የሚችሉ ምክንያቶች ናቸው።

#ከአፍ #መድረቅ #ጋር #በተያያዘ #የሚመጡ #ሌሎች #ችግሮች #ምንድን #ናቸው?

👉የጥርስ መቦርቦር እና የድድ ህመም
👉የከንፈር ቁስለት
👉የፈንገስ ኢንፌክሽን
👉የከንፈር መሰነጣጠቅ
👉የክብደት መጠን መቀነስ ናቸው።
አንድ ሰው የአፍ መድረቅ ሲያጋጥመው ወደ ሀኪም በመሄድ ምርመራ ማድረግ ይኖርበታል። ከዛም እንዳስፈላጊነቱ መድሀኒት እንዲውስዱ ይደረጋል።

#የአፍ #መድረቅ #እንዲቀንስልን #በቤት #ውስጥ #ልንጠቀማቸው #የምንችላቸው #ነገሮች #ምንድን #ናቸው?

👉ውሀን ይጎንጩ
ውሀን መጎንጨት የዘወትር ልማር ማድረግ፣ ምግብ በሚመገቡ ጊዜ ለማላመጥ እና ለመዋጥ እንዳይችሉ በውሃ ማወራረድ።
👉በአፍንጫዎ ብቻ ይተንፍሱ
የማንኮራፋት ችግር ካለብዎና ሌሊት አፍዎን ገጥመው መተኛት ካልቻሉ ለማንኮራፋቱ ሀኪምን ያማክሩ።
👉ከስኳር ነጻ የሆኑ ማስቲካ ወይንም ከረሜላ መጠቀም
👉ከንፈርዎን ቫዝሊን ወይንም የከንፈር ቅባት በመቀባት ያለስለሱ።

እንደተለመደዉ መረጃዉ ከተመቾት ላይክ 👍 ማረጎን አይርሱ

#መልካም #ጤና

#ከልክ #ያለፈ #ላብ (hyperhidrosis,)

ከልክ ያለፈ ላብ ከስፖርት እንቅስቃሴና ከሙቀት ውጭ የሆነ የላብ መብዛት ነው ከእጅ፣ከእግር፣ከብብት እና ፊት አካባቢ በመመንጨት ሙሉ ሰውነትን በላብ እንዲዘፈቅ ያደርጋል።
በዚህ ችግር የሚጠቁ ሰዎች መጠነኛ የሚባል የእለት ተእለት እንቅስቃሴ ለማድረግ እስኪቸገሩ ድረስ በከባድ ላብ ይዘፈቃሉ። ከዚያም ባለፈ ለማህበራዊ ችግሮችና በሰው ፊት ለመሳቀቅ እና መሸማቀቅ ይዳርጋቸዋል።

#መፍትሄዎች

👉ሰውነትዎን በየቀኑ መታጠብ
👉ሰውነትዎን ከታጠቡ በኃላ በሚገባ ማድረቅ
👉እግርዎ አየር እንዲያገኝ ማድረግ ፣ ጥጥነት ወይም ሱፍነት ያለዉ ካልሲ መጠቀም

#ከፍተኛ #ላብ #ሊያስከትሉ #የሚችሉ

👉የስኳር ህመም
👉የእንቅርት ህሙም
👉ዝቅተኛ የስኳር መጠን
👉የልብ ችግር

#ሀኪምዎን #ማማከር #የሚገባዎት #መቼ #ነዉ

👉የላብ መጠኑ እጅግ በዝቶ የእለት ከእለት እንቅስቃሴዎ ላይ ችግር ካስከተለ
👉ከበፊቱ በተለየ ሁኔታ የሚያልቦት ከሆነ
👉ያለምክንያት ማታ በላብ የሚዘፈቁ ከሆነ ናቸው።

#መልካም #ጤና

#እጃችንን_የመታጠብ_ጥቅም_እና_አስፈላጊነት

👉እጃችንን በሚገባ መታጠብ ራሳችንን ከተለያዩ በሽታ አምጪ ተህዋስያን እንደንከላከል እና ለሌሎችም ሰዎች እንዳናስተላለፍ ይረዳል፡፡
እጃችን ንፁህ ቢመስልም እንኳን በዓይናችን ልናያቸው የማንችለውን ዓይነት ጥቃቅን በሽታ አምጪ ተህዋስያንን ሊይዝ ይችላል፡፡

#እጃችንን_የመታጠብ_ጥቅሞች

👉ከተቅማጥ አምጪ ተህዋስያንና ከሌሎች አንጅት ውስጥ በሚከሰቱ ኢንፌክሽኖችን የመያዝ እድላችንን ይቀንሳል፡፡
በዓለማችን ከ5 ዓመት እድሜ በታች ያሉ ሕፃናት ሞት ምክንያት የሆነውን ተቅማጥ ሕመም እጅን በሚገባ በመታጠብ መከላከል ይቻላል፡፡
👉ዓይናችንን በምንነካበት ጊዜ ለተለያዩ ባክቴሪያዎች እና ቫይረሶች ስለምንጋለጥ ዓይናችን #ማሳከክ #መቅላት #ብርሃን #ለማየት መቸገር እና ያልተለመድ ፈሳሽ ሊኖረው ይችላል፡፡ ስለዚህ እጃችንን መታጠብ በኢንፌክሽን ከመያዝ ይከላከልልናል፡፡
👉በመተንፈሻ አካል ኢንፌክሽን የመያዝ ዕድልን ይቀንሳል፡፡ እጅ መታጠብን የሚያዘወትሩ ከሆነ እራስዎን ከጉንፋን እና ከተለያየ የመተንፈሻ አካል ኢንፌክሽን መከላከል ይችላሉ፡፡

#እጅዎን_መቼ_መታጠብ_እንደሚገባዎ ያውቃሉ?

👉 ምግብ ከማብሰልዎ ወይንም ከማዘጋጀትዎ በፊት
👉ምግብ ከመመገብዎ በፊት
👉ሕመምተኛ ከማስታመምዎ በፊት እና በኋላ
👉ማንኛውንም ዓይነት ቁስል ካፀዱ በኋላ
👉መፀዳጃ ቤት ከተጠቀሙ በኋላ
👉የልጅዎን ዳይፐር (የሽንት ጨርቅ) ከቀየሩ ወይንም መፀዳጃ ቤት የተጠቀመ ልጅዎን ካፀዱ በኋላ
👉ካሳነጠስዎ፣ካሳልዎት እና አፍንጫዎን ካፀዱ በኋላ
👉የቤት ውስጥ እንስሳትን ከነኩ፣ከመገቡ ወይን ካፀዱ በኋላ
👉ቆሻሻን ከቤትዎ ወይንም ከማንኛውንም ቦታ ካስወገዱ በኋላ
እጅን መታጠብ በጣም ቀላል የሚመስል ድርጊት ቢሆንም አብዛኞቻችን ግን በትክክለኛው ሁኔታ አንተገብረውም፡፡

#እጅዎን_እንዴት_ይታጠባሉ ?

👉በመጀመሪያ እጅዎ ላይ የሚገኝ ማንኛውንም ጌጣጌጥ ያውልቁ
👉እጅዎን በንፁህ ውሃያርጥቡ
👉ሳሙና እጅዎን በሚገባ ይቀቡ
👉በፊትና ጀርባ እንዲሁም በጣቶችዎ መሃል እና የጥፍርዎን ዉስጥ በደንብ አድርገው ይሹት
👉በንፁህ ውሃ እጅዎን ያለቅልቁ
👉በንፁህ ፎጣ ወይንም ጨርቅ እጅዎን ያድርቁ
👉ውኃውን ለመዝጋት እጅዎን ያደረቁበትን ፎጣ ይጠቀሙ
👉እጅዎ የሚደርቅብዎት ከሆነ ማለስለሻ ቅባት ይጠቀሙ

መረጃዉ ከተመቾት 👍 መጫኖን አይርሱ

#መልካም #ጤና