#غلطتي
بقلم سحر سمير و فاطمة قسم الله
-٢٩-

في جوفك مُضغة لن تستطيعي التحكّم فيها، لكن إن حصل واقتحم الحب الصّادق قلبك استودعيه ربك، سيأتيكِ به أينما كان ..🍂

......~~
وقرب علي نهي القاعدة في السرير!! ومد يدو.... ب
ال تزاكر..
#موهوب(دموعها من دون تحس نزلو )
_لالا من يوم الليلة ما داير اشوف الدموع دي تاني لو عارف كدا ما كنت وريتك ليهم..
*هههه لا دي دموع فرح..كنت فقدت الامل لما امس نهرتني وقفلت الموضوع واديتني ضهرك نمته..
_هتون زي ما هي اختك هي اختي كمان من لحمي ودمي وانا مستحيل ابني سعادتي علي تعاستك يا نهي ختي دا في بالك..
ويلا ما عايز رغي كتير قومي جهزي شنطتنا ورانا مشوار طووويل..
قامت سريع نطت من السرير وهي بتضحك وهو براقبها ب طرف عينو...

وهو كذلك...

(في السجن)
كنت بره شغالة وبعد خلصت العلي جيت راجعة شايفة النسوان متلميات وصوت بكي.. دا صوت خالتي
جدعت المقشاشة وجيت جارية
مخلوعة
خالتي خالتي كدي زحو لي في شنو؟
من شافتني قلدتني عليها ( هي يا هتون ) اااا ااااا قعدت تبكي زيادة بوظت اعصابي واتفتحت انا زاتي بالبكي..
ياخالتي في شنو مالك بتبكي كدا الله يرضي عليك قولي لي مالك بتبكي بحرقة كدا اول مرة اشوفك بالمنظر دا...
_اختي اختي يا هتون ماتت اختي مااااتت صغيرة وجاهلة ما شافت للدنيا شي ماتت قبال اشوفا واشبع منها (وبتقش دموعها بالطرحة وعيونا وارمة ومحمرات)
*دي الحكيتي لي عليها
_اي ياها زاتا لا عندها سند لا عندها ضهر غيري فاتت وخلت الدنيا دي(وتبكي)
*وانتي القال ليك الخبر دا منو؟
_هسي مديرة السجن بلغها واحد جيرانا كتر خيرو جا لحدي هنا..
حضنتها علي وقعدت ابكي معاها عسي ولعل اخفف عنها شوية..
........

_شوف يا استاذ صلاح........
(دا فلان الفلاني اسمو الضابط ممدوح الاستلم القضية)
(رفع راسو مركز معاه شديد)
بالواضح كدا بدخل ليك في الموضوع طوالي انت خاتنك في بالهم وحاليا قالبين عليك الدنيا وكلها مسألة وقت وح تتكمش..
نفض يدو من كباية الشاي..
*فوضي هي الحكاية علي مزاجهم ولا ماف زول غيري يقبضوه ويتبلو علي بالتهم..لا يا استاذ انا المرة دي في السليم وفي حالي ما عامل اي شي...
_ها هههه قلت كدا طيب ايه رايك شايف البت الوريتك ليها دي حصل ليها...(كذا وكذا) وحاليا مفتوح ملف طويل عريض بالبونط مكتوب اسمك اسمك يا صلاح.. ما غيرك وكل الادلة ضدك..
*قلت ليك انا البت دي ما بعرفا واول مرة اشوفا وعن اذنك انا ما فاضي ليك..
قبل يقوم ترررن ترررن تلفونو ضرب..
*الووو.... اي
......
ورب قعد في محلو....
..............

في اثناء ماحاضنة خالتي في نفس الوقت عقلي كان مشغول لما راسي بوجعني..
زياراتو لي كترت !!
حتي المسجونات بقن يلاحظن وكترت الكلام ح يجيب لي الهوا..خالتي زاتا بقت تلمح لي بس ما عايزة ترمي الكلام عديل...
طيب هو لي ما عايزني اعرف عنو اكتر؟ حتي اسمو ما عاوزني اعرفو هدفو شنو؟
فعلا زول غريب جدا..
علي اي اساس ساي كدا يحاول يساعدني من دون سابق معرفة حتي.. همم قال شنو اسمي هو اللفتو..
يكون بحبني؟!!
سجمي بحبك علي شنو يا هتون بس في زول عاقل وزيو هو بالذات يحب لي واحدة زيي مكموشة في قضية زي دي اذا اهلي اتبرو مني هو وحتي لو هو قبلان بي اهلو مستحيل يرضو....
و قطع تفكيري صوت السجانة وهي بتقول لي #اتحركي
#هتون عندك زيارة
قمت من خالتي
*معليش ياخالتي هسي بجيك
_جرتني من يدي شايفة زياراتك كترت ما يكون ال بتكلمو بي صاح ياهتون...
*جريت يدها مني وقلت ليها #خالتي انتي عارفاني كويس ومشيت...
....
دخلت غرفة الزيارة و انا مدنقرة راسي ..
و م عاينت الجاني منو لاني متأكدة منو ، قلت ليهو اها دي اخر زيارة اقابلك فيها كان ما قلت لي اسمك ..
بس الصوت الجاني ، م كان صوتو !!!
صوت من سمعتو بقيت برجف ... رفعت راسي و كانت المفاجأة .....
#نهي
نهي ياالله نهي ما كنت قايلاك ح تجيني انا اا انا حتي م ما اتوقعت دي انتي..(بكورك ب فرحة)
#هتون اختي حبيبتي(كانت بتعاين لي بخلعة بترجف)
بقينا نبكي واقفات بنعاين ل بعض بنتأمل في ملامحنا زي تقول بنحاول نكتشفها من اول وجديد..
ب لهفة وفرح جينا نحضن بعض ونروي عطش شوقنا..
بس..
الشرطية ب نهرة ل هتون
_ممنوع تلمسي الزائر واشرت علي اقعد..
شفت نهي مغلوب علي امرها لما شافتني بتنهزر كيف حاولت اغير الموضوع بسرعة..
فجأة انتبهت ل حد واقف..قلبي اتقبض ب نهرة
#نهي الراجل المعاك دا منو..
ما جاوبتني نزلت راسا وبقت تقش في دموعها الجارية دي..
جاني صوتو القرب علينا
_انا موهوب ودعمك
قعد جمبها وخت يدو علي كتفها..
وراجل نهي..
*دا كلووو كان بحصل قدامي وانا مهلوعة راسي شاطب البحصل شنو..
كلمتو التانية دي قصمت ضهري وخلتني احس ب زنب نهي ال ح يلازمني طول عمري اني سبب ال هي في حاليا..
شنووو؟؟
رفعت راسها ب يدي
نهي عايني لي هنا الحصل شنو؟
_الحصل كتيييير يا هتون من يوم....
عاينت ل موهوب اول كأنها بتستنجد بيه وبتقول ليه احكي انت انا ما قادرة....

مع #حبي 😉..

فاطمة قسم الله_ سحر سمير

#غلطتي
بقلم سحر سمير و فاطمة قسم الله
-٣٨-
جيبوه...
مؤمن مؤمن انتو سايقنو وين؟؟
امو ماسكاه واختو ماسكاه بقوة وبحاولو يجروه
والسكاليب والبكي والصراخ..
المستشفي كلها طلعت تتفرج حتي العيان والعندو عملية بي الدكاترة والممرضين..

وهو بين صدمة وصدمة ما قادر يستوعب الحاصل.. جارنو قدامهم وهو ساكت...
سمع صرخة اختو اتلفت عليها شاف امو قعدت في الارض وبتلطم علي روحها والناس حواليها بعاينو وبضربو يد بيد وبستغفرو وقتها بس حسه انو كسرة عين الاهل حارة حاااارة شديد لما تشوفهم بالمنظر دا...
.............

خالفة كراع علي كراع ما خلاص بقيت الكل في الكل انا وبعملو لي حساب بالذات بعد اخر شكلة لي..اي واحدة بتقرب علي ح تتدقا دق العيش في الفندق،،
عارفين كدا مسبقا...
السجن مع انو كان تطهير لي من العملتو بس كمان علمني كتير ما علمني الصالح بقدر الطالح..
مع قعدتي دي كنت بتفرج علي حاجة كانت باسطاني شديد كان قعدت عمري كلو ما اظني اشوف احلا من كدا..
وكتر خير #سعاد قصتي ليها مع #سكينة خلتا توريها نجوم الليل واخدت لي حقي وزيادة..
_عيدي عيدي انتي ما حصل نضفتي ولا شنو..
*لا انا شهادة عربية..
ب كلمتها دي الواقفات كلهم فكو الضحكة بصوت عالي واولهم انا..
_شهادة عربية دي عند امك هناك(رد السجانة ليها)
قال شهادة عربية قال...
سكينة باركة علي ركبتها وشغالة تمسح وكل شوية تمسك ضهرا..والسجانة نازلة فيها نهزرة وكواريك..
قمت من محلي وجيت ماشة ب جمبها وكروو دفرت الجردل كشحتو ليها..
الساعة جدعت بشكير المسح وقامت علي..
_احسن ليك تختيني يا هتون وزي ما كشحتي تمسحي انتي..
*ضحكته ها انا الليلة اووف يا حلوة كتر خيرك جيتي في وقتك نرتاح شوية يلا يلا شوفي شغلك..
وجاية علي تضربني وحالتي كفكفت يدي مستعدة كان ما صوت الشرطية جا نهرتنا..
#هتون عايزنك ف مكتب المديرة يلا قدامي..
_وانتي بمشي وبجي ما القي اي وسخة ولا ح تعيديه وقدامك شغل كتير واي وسخ في الزنزانات دي كلها تمشي تطلعي،، اشوف قلة ادبك دي ل وين..
والانفرادي الليلة محمدك...
*عاينت ليها بطرف عيني وهمسته براحة ..تستاهلي
مع كلمتي ليها دي جنت علي الاخر شكلها وبدت تكورك..
لا يعني لا هتون الكشحتو تمسحو..
#سعاد ب كوراك
انتي شكلك راسك قوي ومحتاجة تربية كان ما نسيتك لبن امك..
ونادت علي كم شرطية تانية..
خلي الجردل والبشكير واقيفي..
مشت عليها وكلبشتها من يديها ورجولها وجرتها للانفرادي..
المسجونات بقن يضحكن عليها وانا ما فوته الفرصة دي..
دخلوني علي مكتب المديرة..
_المديرة: اها مستعدة..
*علي شنو؟
_بكرا اخر يوم وح تطلعي حمدالله علي السلامة..
مع اني كنت عارفة من المرة الفاتت بعد الحكم وبرائتي من شبكة الدعارة والخمر وكلام ممدوح لي بس كنت منتظرة اللحظة دي يجوني ويقولو لي خلاص افراج..
ما عرفت اضحك ولا ابكي اكورك اصرخ اقع في حضنها ولا ابوس رجليها..
بس وشي كان بوضح كل حاجة وقتها....
..............

_دا كلام شنو يا نهي البتقولي فيه دا بس وبعدين دا ما وقتو هسي،، ما وقتو نهائي..
*لا وقتو يا موهوب وكان ما اتكلمنا هسي ووضحنا كل شي ما ح نتكلم تاني
_عايزة تقولي شنو يا نهي سامعك
*ب صوت ثابت شديد وبتعيدا لي تاني
زي ما لت ليك انت لازم تعقد علي بت شيخ الحلة الكنت عايزها..
وقف وبقي بعاين لي
_نهي الله كم؟
لا اله الا الله لو فتحتي الموضوع دا تاني ما بحصل خير انتي فاهمة..
*لا ح افتحو وانا مصرة علي كلامي القلتو دا..
_خير يا نهي مش انتي عايزة كدا جدا طلباتك اوامر تاني في شي؟
بكلامو دا نهي اتصدمت افتكرتو ما حا يوافقها ما ردت عليه بس قعدت تبكي وبسرعة دخلت جوه وخلت لي المكان...
..........

رجعته وانا بضحك وبتبسم براي الضحكة للضروس كييف واخير بعد طول انتظار وصبر اخيرا حريتي ح اطلع..
من دخلته كوركت ليهم..
قووولو لي مبروووووك انا افراااااج يلا سخنو الجردل..
ايوووووي يوووووي يوووووي واحدة عزتني ب زغرودة طويلة والصفقة حضرانة..
ربطته الطرحة سريع وبدينا حفلة الطلوع...
..............

(خالتو نعمة)

من جات بيت اختها الاتوفت(سوسن) النسوان ما وقفن منها كل واحدة جات تعمل الواجب..
الواجب بس؟
ابدا هو في حاجة بتتدسا الايام دي..
كل واحدة بتدخل عليها بتحكي ليها الحصل..
الحصل شنو؟
تتزكرو الليلة الاتقبض فيها صلاح وسكينة في بيت؟
ما صلاح هو راجل سوسن الماتت اخت خالتو نعمة ..
دا الخلا نعمة تتوتر لما هتون زكرت الاسم قدامها..
والمرا هي خالتو نعمة..
( بس للأسف لي يا هتون ما ركزتي كويس وعملتي ب كلام ممدوح الطلبو منك)..
................

_نهي انتي زعلتي مني؟
*بتقش في دموعها لا ابدا وانا ازعل لشنو وكدا كدا اصلا الراجل محللات ليه اربعة وانا زي ما شايفة كان ابوك ولا اعمامك ماشاءالله عامرين بالنسوان..في الاخر الولد شبه ابوه..
_ضحك شديد وقبل يتكلم
*كل زول بهمو وانت بتضحك
_بضحك علي برائتك يا نهي..قعد جمبها ولفتها علي ومسك يديها عايني لي في عيوني واسمعيني..
*رفعت راسها بتعاين ليه بخجل ودنقرت

لدرب عديل..
فعلا مشيت ومشيت هداك عيني للأسم ظاهر جيت علي عديييل سلمت عليه وسألتو وصف لي كتر خيرو..
وصلت البيت وقفت وشلت حجر وطق طق طق دقيتو كم مرة بعد مسااافة حتي الباب فتح..
#خالتو نعمة وقعت علي حضنها طوالي واتفقعت بالبكي معاها..
_حمدالله علي السلامة يا هتون ادخلي ادخلي من الهجيرة دي..
دخلتني اوضة وحكيت ليها كل الحصل معاي حتة حتة..
وااااا واااا واااا
*صوت الطفل الببكي دا شنو؟
_خلاص صحي شكلو جيعان ما دا ود بتي سوسن الماتت يا هتون ياني انا المسكتو بعدا عندو منو غيري.. ..
دخلت جابتو وجات قمت شلتو منها..
*واااي ماشاءالله حلاتي ياناس حلاتي انتي ننو قميلة والله ننو قميلة "بتلاعب في بي يدها وبتهز فيه"
واعسلي يا حبيبي صغنوني انتي والله حلوووة انت والله سكر انتي ..بقت تلاعب فيه وقعدت بيه مبسوطة تضحك ساي معاه..

وخالتو نعمة ما نزلت عينا من هتون...
من جواها بس ياها دي ما غيرا....
#هتون
*اي يا خالتي
_ انا بمشي لجارتي اناديها كتر خيرا بترضعو ما قصرت والله وبجي هسي ما بتأخر عليك..
دايراك زاتي في موضوع كدي...
.................

بعد فترة وصلو الحلة ونهي كررب كرب بتدفر في الباب تنزل وما قادرة من الرجفة الفيها بالا مشغول مع هتون...
_نهي براحة براحة..
دخلنا بسرعة لقينا ميادة قاعدة بره رفعت لينا يديها بمعني ما عارفة شي..
دخلنا جوه..قبال نفتح خشمنا جا صوت ابوي..
*موهوب سوق مرتك وامشي بيتك..
كلمة واحدة طلعت منو شديدة من سكات جراني وانا بعاين ل امي وهي تبكي وانا ابكي...
عصرني عليه شديد وهمس لي معليش هسي ما وقتو يا نهي بترجع بعدين...
..
..

مع #حبي 😉..

فاطمة قسم الله_ سحر سمير

.... ~~

الحلقة الجاية:
كش كش كششش ورب رمت الودع اجييي عااد عندكم العرس
ايوووووي يووووووي يوووووووي يوووووي..
الفرح شنو😉

#غلطتي
بقلم سحر سمير و فاطمة قسم الله
-٤١-
نهى بتقول :
ابوي مالو يا موهوب ...
نهى اسكتي قلت ليكي دا ما وقتو .. (يا ميادة تعالي)
يارب يارب ..
طلعنا من البيت ، رجعنا للعربيه ، حتى ميادة ركبت معانا و مسكينه على بكاي بقت تبكي !!
من دون من نتناقش لقيت موهوب داير بالعربية في الشوارع الرئيسيه ، لدرجة بقى ينزل قزاز العربيه و يسألهم من هتون و يوصف ليهم .. لحد ما ربنا ختاه في طريق الولد القبيل وصف لـ هتون و جابها قريب باب بيتنا ..
مجرد ما موهوب سألو قاليهو ااي انا وصلتها و تاني شفتها دي البتبكي كدا و جاريه وركبت من الدخلاية حقت الشارع داك البص حق الخرتوم اظن لي ..
موهوب قاليهو متأكد !! الولد قاليهو افوووو ..
جا ركب العربيه و بقينا مقابلين بعض ما عارفين نسوي شنو !!
موهوب : مرة عمي (امي) ،عندها اهل في الخرطوم ؟ او في زول في بالك ممكن تكون مشت ليهو ؟؟
بقيت ساكته حاسه الدنيا وقفت م رديت عليهو ... و ميادة خاته يدها بتطبطب على كتفي من وراي ...
كل القلتو لي موهوب " رجعني البيت "

(اما مؤمن)_

لقا نفسو بين اربعه حيطان للمرة التانيه ، بس المرة دي ما منها مفر .. في اليوم الاول حاول الضابط الاقل رتبة كمن ممدوح انه يحقق معاه ما كان بيتكلم مؤمن و مسهي و سرحان و عيونو واقعه ، حاولو معاهو بشتى الطُرق ما كانت في استجابه منو ، الحاجة الوحيدة اللي كان حيتعرض ليها الضرب لكن امتنعو لان حالتو ما كانت مُبشرة بالخير ..
لمن جا اليوم التاني -
عشان يتم التحقيق معاهو ، لقوهو واقع مُغيب للوعي ،و كان بدورهم انهم ينقلو للمستشفى الخاص بالسجن و كان انهيار عصبي !!!

اما انا -
طلعت عبايتي و جبت المقشاشه ، كنت الحوش
و بقيت برش فيهو ،، جات حالتي نعمة داخله و شايله الولد .. مشيت عليها ، قلت ليها نام ؟ اديني ليهو ارقدو جواا ، قالت لي اااي براحه ما يصحى منك .. وكملت كلامها !!
انتي ليه كاسرة ضهرك في الحوش داا .. قلت ليها (وانا برقد الولد ) ، عادي عشان يبرد علينا ..
قالت لي تعالي اقعدي عايزاكي .. قلت ليها صحي قلتي لي عايزاني في موضوع !!
سكتت والعيون رقرقن ..
_اتخيلي بعد رجعت من السجن لقيت سيد البيت باع البيت ل زول تاني و اسي داير يطلعني ..
*يا ساتر ، ليه طيب عادي يخليكي قاعده و يكمل الايجار !!
_قال دايرو يسكن فيهو ، المهم انا حمدت ربنا جيتيني قبل ارحل ..
*مامشكلة يا خالتي نعمة من بكرة بنشوف بيت تاني قريب من هنا ..
_لالالالا(قالتا بأنفعال و اندفاع) ما دايرة المنطقه دي تاني ،كلها مشاكل زاتو كويس جات منو ، سوسن اختي الله يرحما كانت بتنق فيني عشان ارحل وانا كنت مابية .. وبعدين انا لقيت بيت خلاص ..
*هههههه والله يا خالتي نعمة الله يديكي العافيه بس ،خلاص طوالي نرحل ، متين لكن ؟
_من بكرة دي !!
*و الولد !
_الولد مالو ؟
*الرضاعه قصدي ، بعد نرحل و جارتك كانت ماخدة الاجر !
_بتتسهل ان شاءالله ، تعالي اديكي غيار
*بري ياخالتي عراريقك ديل ولابنفعو معاي ، تمشي معاي السوق بس اشتري لي كم غيار ..
_طيب
*ممكن تلفونك ؟
_ممكن لكن عندي ربيكا بي شريحتا جوا اديك ليها تستخدميها لمن تدبري امورك ؟
*تكوني ماقصرتي معاي ... اديني ليها ..
......

نهى قاعدة في نص السرير وساندة يديها وراسها على ركبا ، و م خلت دمعه في عيونها ، لمن بقت تقوليهو انا مصدعة يا موهوب ...مصدعه
كل القدر يعملو ليها ، انه يرقدا و يتلي ليها قران لعل رعسى ربنا يجعل فيهو الشفاء ..
بعد غمضت و شبه استسلمت للنوم ، قامت ناطة بي رنة تلفون #هتون اللي معاها ..
موهوب مسك التلفون بحيث انه ما يزعجا ، قالت ليهو مكتوب منو ؟ قاليها شايف رقم ..
قالت ليهو رد ان شاءالله خير .. و فعلا رد ، و قال الو ..
*الوووو
موهوب : !!!!!!! ااااا هه ه ه هتون !! انتي هتون صح
(نهى خطفت منو التلفون)
نهى: هتون حبيبتي ..الوووو
هتون: شنو يا اختي مالك ؟ كنتي بتبكي ولا شنو ؟
نهى :انتي وين يا هتون تعبت وانا بفتش فيكي
هتون: روقي روقي انا كويسه حمدلله
نهى : انتي وين ؟
هتون : انا عند احلا خالة ف الدنيا اتطمني ، بس كنت عايزة انطمن على امي خليتا منهارة شديد ..
نهى :(م حبت تقلق هتون) كويسه حمدلله انا في بيت جدي اسي ، يعني انتي كويسه ؟
هتون : اتطمني - موهوب كيف ؟
نهى :خلي موهوب اسي دا رقمك ؟
هتون: ااي مؤقت لكن ح اتواصل بيهو فترة معاكي سجلي عادي ... ااا نهى اااااه انا اسفه ... !
نهى : اسفه على شنو ؟
هتون:في المحكمة شفت موهوب سايقك من يدك عرفت انه خجل من عملتي وانا بعترف بـ #غلطتي و اتوقعت يمنعك من زيارتي تاني ...
نهى : انتي هبله ، يا بت ، ياااخ اسكتي بس انتي مافاهمه حاجة ...المهم لازم اشوفك
هتون : طيب بس م بكرة ، بكرة مشغوله ..
نهى :خلاص بعدو ...
و قفلنا و كنا مبسوطين و مرتاحين ... وقاطع تفكيري ، صوت ولد سوسن وهو بيبكي جمبي ، و كالعادة مع رفعة يدي ليهو بيسكت سبحان الله ..

جينا اليوم التاني ، لمن صحيت لقيت البيت مقلوب و خالتو نعمة بدات رحول وانا م جايبه خبر ، قمت

#غلطتي
بقلمسحر سمير و فاطمة قسم الله
-٤٥-
-(بتبكي) والله ياخالتي لو ما معزتك عندي والله والله انا كنت خليت ممدوح دا زمان بعد البسوي لي فيه دا.. واخر كلام لي معاي كان واضح انو ما عايزني بعد قفلني بالطريقة دي... ياخالتي هسي منو البترضي تنتظر الزمن دا كلو.. هسي كان ولدي قدامي بمش.. وصحي القدري ب اولادهم بقو هسي..
*معليش بس انتي اتلحلحي شوية يا#فاتن
-اكتر من كدا اتلحلح كيف والله اهتمام مهتمية بي صباحي ومساي بسأل عنو.. واي شي بخصو بتزكرو بس مين يشوف هو ولا شغال بي.. انا حاسة انو ما بحبني يا خالتو وفي واحدة تانية شاغلاه. كان مجبور الاكلمني واحسن ازح بكرامتي..
*انتي غبيانة يابت هو ممدوح قايل ح يلقي زيكم بت ناس واصل وفصل مربية وسمحة ومحترمة.. بس هو عارفاه انتي ضغط شغلو،، انا زاتي ما عارفاه متمسك بيه لشنو شلتو وختيتو يغترب حلف قال عاجبو..
انتي ما تشيلي هم بكرا بتعدل والله ما يمشي منك شبر..
-هههههه طمنتيني يا خالتو الله يطمنك.. الله يسمع منك
*يلا هسي اضربي لي يجي يسوقك من بيتكم لاني عندي شغلة كدا.. وما تخلي الا يطلعك اول تمشو مكان حلو تستمتعو وتتصالحو انتي فاهمة..
(انتهت المكالمة علي كدا)

# من جانب ممدوح #

-فجأة تلفونو ضرب عاين ليه وعملو صامت...
اووف ل بتين ح تنتظرا تجيك ما هدا منتظر طول عمرك ولا صدفة لاقتك.. انت بيدك يا ممدوح قوم اعمل ليك خطوة كفاية خوف
قام فتح دولابو اخيرا وطلع تلفون #نهي(تتزكرو لما اتقبضت هتون كان معاها هو من يوم استلم القضية شالو معاه واخر مرة بعد طلعت نسي اديه ليها او عمل متناسي وشالو في البيت معاه)
فتحو وبقي بعاين في اسم #هتون
وبدون تردد....
مسك تلفونو وكتب الرقم
جاري الاتصال....
.....................
تررررررن
#موهوب وبقت رافعة تلفونا تعاين ليه
قام من حتتو مالك في شنو؟ منو البتصل؟
-دا رقم غريب بتصل ارد؟
*لا اقيفي جيبي انا برد.. الووو
-خلاص افتح الاسبيكر
-السلام عليكم انا ممدوح،، الضابط ممدوح دا تلفون هتون؟
*وعليكم السلام اهلا وسهلا ممدوح انا موهوب راجل اختها.. انت جبت الرقم دا من وين؟
-والله انا للحظة كنت قايلو اتسرق التلفون لما جاني صوتك افتكرت الحا ترد هتون.. عندنا بياناتا انت نسيت..
..
*العفوو والله بس في شي يعني؟
*معليش انا اسف للازعاج بس بسأل عن هتون هي قاعدة معاكم ولا وين؟
-خير ان شاءالله ،، زي ما عارف هتون جات هنا لكن ما قدرت تقعد في القرية ف مشت ل خالتها الخرطوم قاعدة معاها،، في حاجة؟
*لا كل خير بس انا كنت عايز هتون في موضوع شي ضروري كدا ولازم الاقيها .. ف لو ممكن اخد رقمها يعني؟
-والله يا ممدوح انت ود ناس وود بلد ورقما دا انا ما بقدر اديك ليه وهسي لو ما بعرفك ووقفتك معانا وانت زول ود اصل انا كنت لفيتا معاك وما مررتها ليك.. و انا ممكن اصلك لحدي عندك لو في شي مهم كدا..
*اوك تمام اسف علي الازعاج مرة تانية مع السلامة..
-مرحب يا اخوي مع السلامة.
* انتهت المكالمة *
نهي سمعت المكالمة كلها وما عجبها كلام موهوب نهايي وقلبت خلقتها وقعدت اتلفتت بالجمبة..
-اها خير قلبتي خلقتك مالك؟
*خيير بس ماف داعي لكلامك المسيخ معاه فيها شنو يعني لو اديناه رقمها ..ممدوح دا بالذات انا شايفاه محترم جدا ما زول فارغة وبتاع..
-نهي اوعي اسمعك تاني تشكري راجل غيري والتاني ابوك (لحظتها فرحت من جواها موهوب بغير)
عايزاني اقول ليه سمعا وطاعة، وادي رقم هتون طوالي كدا
*وفيها شنو دا تعقد منك بس ما اكتر.
-احسن تصلحي كلامك يا نهي كل شي ولا عرضي انا ما برضي فيه.. وراجل ما عندنا بيه علاقة ما بخلي يتكلم مع اختي او يلاقيها وانا قاعد فهمتي كلامي دا.
وقومي جهزي لي جلابية نضيفة انا طالع..
قامت زعلانة ووجعها، كلام موهوب ليها لما دموعها جرو وهي بتقش في وشها جات تمشي من قدامو فجأة حست روحها دايخة وبطنها قالبة دايرة تستفرغ
-جراها عليه بسم الله نهي مالك
غطتت وشها ب يدها وبعدتو عنها
زحاها بالغصب
- عايني لي هنا نهي انتي جادة بتبكي
ما ردت ليه
-الله ياخدني في اليوم الخليت دموعك تنزل عشان سبب تافه زي دا..
*اوعك تقول كدا ما اسمعك تاني بتدعي علي روحك انا بدونك ولا شي..
-نهي انا بحبك...
نهي اتفاجأت بالكلمة دي اول مرة موهوب ينطقها بالطريقة دي كلها لهفة وحنية وخوف في عيونو عليها..
ضحكت بعد كانت زعلانة.. اتأكدت من جواها انها بتحب موهوب شديد وانو هو ليها وبس ما لغيرا...
بعد رضاها طلع استحمي وهي ما ضيعت ثانية جرت مسكت تلفونها وفي رسالة كتبت رقم وجنبو اسم هتون ورسلتو في تلفونها القديم وسريع مسحت الرسالة وكل شي...
(من جواها معليش يا موهوب بس هتون روحها في ممدوح لي هسي ومستحيل تنساه هسي الفرصة جاتا لحدي عندها ما ح اخليها تضيع من حقها تتبسط كفاية )
....................
*ممدوح قفل ب جاي متضايق دخل تلفون فاتن تاني ب جاي.. فجاة باب غرفتو فتح
-رد دا منو الما عايز ترد لي دا (في الوقت داك امو كانت بتسمع في الكلام كلوو ب

#غلطتي
بقلم سحر سمير و فاطمة قسم الله
-٤٨-

هتووون ...اقيفي ، اقيفي ..
(عارفين انحنا لمن نتعلق او نحب انسان ، ابسط الحاجات البتشبهو بتلفت انتباهنا ، عشان كداا اسم #هتون وهو طالع من شهاب كان كافي انه يلفت انتباه طرف تالت !!)
شهاب بقى برا المحل ، مسك يد يزن جراه من هتون و شالو منها !!
قاليها : اقيفي !
هتون وقفت و كانت بتعاين على المحل !! و شهاب بتكلم معاها ، قاليها : ردة فعلك غريبه صراحة يا هتون يعني عادي لو ما عجبوك هو ما الزامي انك تختاري من عنده ، دي هنا كلها محلات !!
هتووون !!!! هتون !!
(ما بترد و مسهمة في المحل !!)
قطع تفكيرها بحركة بي يدو قصاد عيونها !!

( كان في جانب قريب شديد منهم )
ممدوح !
حبيبي ... هيييي الووووو شنووو ! بتكلم معاك انا ، سرحت وين !!
قاليها : انتظري هنا دقيقه برجع ليكي ...خلاها و طلع من المحل ..!

شهاب : هتون ! في شنوو !!
يزن ، بيمد يدينو لي هتون عشان تشيلوو
شهاب : دقيقة اجيب ليك عصير خلي ماما انا شايلاك ، قالي ادخلي المحل دا بحصلك بس اجيب عصير ل يزن ، ما تقيفي كدا !!
قلت ليهو : اديني ليهو
قالي لا ما تشغلي بالك حا احيب ليهو عصير ولا حاجة و بنحصلك ،، قلت ليهو تمام .. و اتحركنا شهاب ساق يزن و مشى و انا اتوجهته على محل تاني ،، مع ختت يدي للباب حسيت بي يد بتخبطني من كتفي (عشان اقيف)
فعلاً وقفتا و صارة وشي انه منو اليتجرأ و يمد يدو ، مع لفتتي كداا لقيتو ممدوح !!
اتصدمتا من انو حصلني !! مش عشان م متوقعاه ، لقيتو بفتح لي باب القزاز حق المحل ، قالي ادخلي ادخلي ..
انا م كنت فاهمه حاجة، بس دخلتاا وانا مستغربه ، دخل معاي و قفل الباب !!
بقيت واقفه متنحه ما قلت ليها حاجة ، قام مد لي يدو !!
*....!!!!
_جيبي تلفونك ..
*لشنو ؟
_هتون!! لو سمحتي !!
طلعتو من الشنطة و اديتو ليهو ، و في اتنين في المحل بقو يعاينو لينا !!
الفهمتو انه كتب رقمو في تلفوني و عمل مسكول من تلفوني ل تلفونو !! و اداني ليهو وطلع !
وانا واقفه لسه بنفس خلعتي و ما مجمعه ولا فاهمه شي !! لمن لاحظت للراجل و والولد اللي في المحل واقفين بعاينو لي !!
خجلتا .. قلت ليهو ممكن اشوف تشكيلة الدبل اللي عندك !!

(في جانب ممدوح)
*يلااا
_مشيت وين و خليتني يا ممدوح ؟
*ما شغلتك !! اظن اخدتي وقتك .. و عاين للراجل صاحب المحل ، قاليهو الحساب كم !!!
قاليهو : لسه ما اختارت عشان احدد ليك الحساب
*كل دااا ! بتساهبلي انتي ! شايفاني فاضي ليكي انا اليوم كلو نقضى في محل واحد !!
_ممدوح !! ليه بتكلمني كدا !
*شوفي يا بت الناس انا كلامي واضح !! انا م عندب زمن اضيعو في الفارغه ، واقفين لينا كم في المحل دا و سايبك نص ساعه و برضو ما خلصتي !! انا ماشي !!
_انت ليه بتعاملني كدا ! اذا ما عايز تشتري لي جايبني ليه !!
*جايبك حسب اوامر امي ! لو سمحتي اذا عايزة تشيلي ، شيلي و خلينا نمشي م عايزة تشيلي خلينا نمشي مافاضي للامور دي !!!! وطلع برا المحل ..
وجات حصلتو !!
_ممدوح !!!
*عاين ليها !!
_طلقني !

(في جانب نهى)

موهوب : اهااا الليله كيف !
نهى : حمدلله (بي زعلة)
موهوب : انتي لسه زعلانه مني ؟ معقول بعد عشرتنا دي ي نهى تقيفي في كلامي واقعد اوضح ليكي قصدي و ما قصدي !!
و يا نهى الله دا شافو ولا عرفو بالعقل ؟؟
نهى: عرفو بالعقل ..!
_ي نهى مجتمعنا حارررر ما بيقبل بالغلط ابداً انا لمن اتكلمت عن هتون والحصل ، ما اتكلمت حسب نظرتي انا ! اتكلمت بنظرة المجتمع و الناس ، و في النهايه انا كل همي القاها ماسكة بيت و في امن و امان ، و هتون بعد دا ما بقت صغيرة ، و محجوب دا زول عارفنوو، عشان لو لا قدر الله عمل الشينه ، بقدر اكربو من اضنيهو و بنعرف دربو و قبل يغلط حيعمل لينا الف حساب ... فهمتي يا حياتي ؟
*فهمتك - رغم اني مقتنعه بي كلامك دا كلو و عارفه كل حاجة بس انا ما بقبل في هتون يا موهوب خلاص غلطت ..غلطت ..شنو يعني نهاية الدنيا !!
المهم ياموهوب ، بما انك جبت سيرة هتون انا عندي ليك موضوع ...!

اما انا _
*مادايرة ،اااااا خليها بكرة انا فجأة صدعته و ما قتدرة اختار حاجة !
_سلامتك، هتون !معليش اسألك سوال ؟

#استككانةة🐣...

فاطمة قسم الله_ سحر سمير

يتبع ....

#غلطتي
[الجزء التاني]
بقلم سحر سمير و فاطمة قسم الله
-٥٨-
(في جانب ممدوح)

امو بتصحي فيهو .. و مي طالعه من غرفتا بتصبح على امها ..
امه : ممدوووح ! مدوووح
ااخوكي دا عايز يجنني اتخيلي بس شوفي نايم وين !
ممدووووووح ، قوم كمل نومك جوااا ..
ممدوح : (بيزح المسند من وشو و بفتح عيونو ) اصبحنا واصبح الملك لله ، مالك بتكوركي يا امي !
امي : نايم في الكنبه كدا و بتسألني مالي ! قووم قووم قوم خش غرفتك ... فاتن وين !!
ممدوح : استغفرالله العظيم يارب .. (قام قعد على حيلو و قال : ) مي ، شربتي القهوة ؟
مي :كنت حأسوي شاي لكن قوم نفطر بعداك بسوي ليك القهوة..
ممدوح : عايني ..ولا اقوليكي خلاص اعملي ..
امه : مشششششيم (وتلوي في خشمها ) بالله دي حالة دي !!!
قام من غير ما يرد .. فتح باب غرفتهم هو وفاتن، لقاها قاعدة في نص السرير و ضامة نفسها عليها .. عاين ليها ومشى فتح الدولاب ..
قالت ليهو : للدرجة دي بقيت قرفان مني و ما طايقني ! كان ارحم الايام الفاتت على الاقل بتقدر تعاين في وشي !!
*اسمعي يا با الناس ، اذا بالمواقف الحصلت دي ملها ما فهمتي اني معرسك بسبب امي وانك ما رغبتي ، اعرفي اسي ! و حاجة مهمة واعتبريها تحذير ليكي ،، الحصل امبارح في الليل دا ما يتكرر تاني ! فاهمه !! م تفتكري لمن تعملي لي جو سهرة و تلبسي زي المالابسة دا ممكن يقربنا من بعض ، فاتن ! انا ما غشيت عليكي ولا وهمتك ولاقلت ليك بحبك واتغيرتة عليكي ، لا من اول لحظة وانا كنت معاكي واضح وانتي وافقتي ودخلتي بي تحدي بينك وبين نفسك ، والحاجة دي مريحة ضميري شديد .. يا بت الناس انا ما بدس ولا حأدس حاجة ، انا ما حبيت ولا حأحب غير #هتون ! الاولى والاخيرة ، في حضورها و في غيابها هي جواي ، والحاجة دي ما بيدي ولا بيدك ولا بتقدري تغيريها ، الحب #قسمة ، عشان كدا مهما حاولتي تأذي الانسانه دي معنوياً دا ما حيفيد بشي غير اني اتعلق بيها اكتر و ابعد عنك ألف ، الف ، الف مرة ، فا ما تحاولي تكوني انسانة بغيضة و ارضي بي قسمتك .
شال حاجاتو و طلع منها !!!

وصلت السوق -
مشيت محل اسمو #حواس .. دا متخصص في العطور الغربية والشرقيه و ...الخ من زيوت ومسك وخامات من النوع دا .. اخدت عندو نص ساعه ، شلت حاجاتي .. و مريت على كم محل شلت لبستين لي يزن.. و طلعته .. و انا بخت حاجاتي في الركشة تلفوني ضرب .. ركبت و ختيت حاجاتي و رديت .. مكالمة كانت بسيطة جداً و مختصرة ، وقفلت و جواي ١٠٠ سوال بخصوص المكالمة دي ، و غيرت وجهتي ، من ما كنت ماشه على البيت ، مشيت على جنينة الحوش لو بتتزكروها ..
ساعه بالتمام و الكمان انا كنت واصله .. و لقيت #فااتن منتطراني !

(في جانب شهاب )

بيفتح الباب ...و قاليهو #انت !
*داير شنو و الجابك هنا شنو ؟
_داير الولد من غير اي مشاكل ولا كلام كتير ..
*الو جنيت عارف لو جنيت ! الولد دا بالذات انت خطر عليهو ، ومستحيل اصلا هتون توافق تفرط فيهو والله تقتلك وتقعد !
_شهاب ، انسى الفات ، ممكن !!!

و لقيت #فاتن منتظراني

كنت بعاين في فاتن ، كانت مختلفة 360درجة من فاتن اللي جاتني من يوم مع ام ممدوح !
وش شاحب و كئيب و انسانه مكسورة ! لدرجة غلبني اسألها و كنت منضبطه في كلامي و كنت هادية شديد .. كل العملتو قعدته في المقعد حق الحديقه اللي كانت قامتو من الاسمنت والطوب ..ختيت اكياسي جمبي ..
فجاة لقيت نزلت في النجيله بركت على ركبتينها قريبه لي و بقت تبكيو تترجى فيني .. بتقول لي :
هتون ارجوكي ، ممدوح بيسمع منك ، لو سمحتى خليهو لي والله الطلاق حار و انا لسه صغيرك و مستقبلي وحياتي حتدمر ،ابعدي من سكتو خليهو لي ارجوكي .. هتون انا عارفه انتي كمان بتحبيهو بس الاولوية لي انا .. ساعديني ما تخلي بيتي يخرب ..
(انا انسانة جربت الوجع وعارفه يعني شنو تكون موجوع و قليل حيلة ، الله اداني قدرك افرز بين الحقيقه و التمثيل و الزولة دي كانت صادقه في كلامها ، و ختيت نفسي في محلها للحظة ! هل كنت حأتحمل اشوف راجلي بيحب وحدة تانيه ؟؟ بغض النظر عن مقومات الزواج دا كانت شنو !!؟؟)

زحيت يدها من قدامي ، و وقفت على حيلي ،، قلت ليها : انتهيتي ؟
_قالت لي !!!!!!!!!! ايوة !
*قلت ليها : تمام ...و دنقرت شلت اكياسي ما زدت على تمام دي حرف ، ومشيت ..
_بقت تنادي فيني بي صوت مبحوح .. هتوووون ...هتووون ....
م رديت عليها و ركبت اقرب عربية و مشيت ....

#اتصلت على شهاب ... اللي كان تلفونو بيديني انتظار ..مرة في مرة ، حتى قلت بيني و بين نفسي ما كلف نفسو انه يتصل بي ..

(و كان في جانب شهاب -بيتكلم في تلفون اللي كان بسببو بيديني انتظار )
_كل المدة دي كنت مختفي وين ؟
*ما تسأليني عن حاجة ، كل البعرفو انا محتاج ليكي شديد لانك الوحيدة العارفه انا حاصل علي شنو !
_طيب تعال لي بليل الساعه8:00
*حاضر...

#استكانةة👗...

سحر سمير _فاطمة قسم الله ..

يتبع ...

#غلطتي
(الجزء الثاني )
بقلم سحر سمير و فاطمة قسم الله
-٦٠-
* !! انا حابة اعترف ليك بي حاجة !
قالي : قصدك انك بتحبيني صح ، قوليها !!
قلت ليهو : ما تصعبا علي اكتر من كدا ، انا كل الجمعني بيك السجن وكنت مبسوطة من دعمك لي و جات فترة اعجبت بيك جدا بس ما وصلت مرحلة الحب معاك ! و بتمنى تتراجع عن فكرة الزواج دي لان انا في #شهاب في حياتي ، و بحبو جدا !!

-(ههههه ضحك) دا مقلب عاوزة تعملي فيني مش لكن شوفي غيرها ما علي يا حلوة..
*لا يا ممدوح بالعكس انا جادة في كل كلمة قلتها وطلعت مني ليك..
حسيتو اتصدم فيني ما اتوقع القلتو ليه لانو قعد اعاين لي ما نزل عينو مني.. وقتها كسرت عيني ما عايزة اضعف قدامو..
لا ذاد لا نقص علي الكلام بعدها خصوصا انا ما حاولت اضحك ولا ادي فرصة في كلامي اني ما جادة..
بعصبية كورك لي #مي من بعيد
-تعالي خلي التلفون دا خلينا نمشي..
(جات ولقتهم صاريين الاتنين)
مي:مالكم في شنو؟
- ماف شي بس ظاهر عليها انها مقررة ومنتهية.. وعينو ما نزلا منها.. لو كانت عاملة لي حساب ما بتجيب سيرة ولد تاني قدامي بالطريقة دي...
مي: كيف كيف انا ما فاهمة حاجة نهائي هتون ارفعي راسك دا خليك احسن منو قولي لي حاجة انتو ح تسكتو كدا بس ،،الفهمتو من ممدوح ان بينكم حب عميق ح تنهوه بعنادكم ومطاعناتكم انتو الاتنين...
*لو سمحتي يا مي البينا كان مجرد اعجاب ما اكتر.. ولازم ينتهي انا ما بقدر ابني حياتي علي تعاسة زول..
- تعاسة زول؟؟ وانتي البتعملي فيه هسيي دا شنو؟
مي خلينا نمشي ولما تهدا منتظر اتصالك توضحي لي.. قومي اوصلك..
*لا انا منتظرة حد..
-هتون (صرج اسنانو بغيظ) ما تجيبي اخري قلت ليك قومي ارح
*قلت ليك منتظرة #شهاب
-اوك يلا يا مي..
(مي رفعت كتافيها لتصرفهم الغريب دا ومشت قدام اخوها من سكات).
اوووف شلت نفس طويل وقشيت يدي الكانت عرقانة بس في الاخر اتشجعت اخيرا رغم الوجع الجواي ..احسن لينا اي زول عندو شبيه ... وانا ما بشبهك..
ظاهر انو كلام امي صاح المكتوب علي الجبين لازم تشوفو العين..
شالت تلفونا وقامت
........

طق جدع ليها التلفون..
*افتحي الاستديو ح تلقي كل الصور اطفال اطفال ااااه يا #نسمة انا ح اجن وقام علي حيلو بقي ماشي وجايي..
انا ما عاوز ابدا من نقطة البداية تاني..
-انت وقفت العلاجات مش وانقطعت عني فجأة ليي يا #شهاب ممكن اعرف اجابة؟
*كل شي كان ضدي غصبا عني صدقيني انا هسي محتاج ليك شديد ارجوك ..
-طيب اهدا شوية هسي حاليا انت لازم تبعد بأي طريقة عن اي طفل يكون معاك براك وح اكتب ليك الادوية مرة تانية ولازم تستمر ل مصلحتك..
*بس في حاجة انا خايف منها
-شنو؟
*انا ح اتزوج وهي عندها طفل خته يديه في راسو..
-(ضغطت علي القلم شديد لما غطايتو وقعت)
بتين زواجك يعني ما كنت عارفاك انك بتحب بس علي العموم انا ما بنصح بي دا..
رفع راسو عاين ليها بإستغراب لقي تعابير وشها متغيرة من فرح ل ضيق..
*انا بحبها وحاسي انها ح تكون علاج لي..
-لا انت ما بتحبها انت عاوز تتقرب ليها عشان الطفل بس..
*لا انا بحبها انتي ما عارفة شي عنها عشان تحكمي علي.. انتي كيف تقولي كدا انا بحب #هتون
-اسمها هتون.. طيب انا لازم الاقيها اول.. #شهاب انت خطر علي الطفل دا وشهوتك حاليا هي البتوديك اتجاه هتون دا ما حب ليها.. انت داير تصل لي هو لانو ماف طفل تاني متاح لاشباع رغبتك حواليك غيرو..
طق طق ضرب علي الحيطة شديد...
*ياالله انا جيتك عشان تدعميني وكنت بتعالج عندك من زمان هسي مالك قلبتي علي فجأة ما عايزة تصدقيني لشنو.. مستحيل اقرب منو انتي عارفة دا ود منو؟؟؟
- بغض النظر عن كل شي.. عاين لي هنا المسألة ما بالطريقة دي ..انت ذات نفسك قلت انك ما بتشوفهم مجرد اطفال بس بتتخيلهم قدامك بشهوة.. والحصل ليك زمان من انسان مريض #بيدوفيليا من الدرجة الاولي خلاك تعرف امور جنسية في عمر ما مفروض تعرفا فيه..
*بعصبية ما كان ظاهر عليه ملامحو، اسلوب كلامو، عامل فيها تقي يا نسمة وهو جواه شيطان رجيم بنهش اي طفل اقع في طريقو..
-بالضبط لانو مريض انسااان مريييض بحب الاطفال لدرجة ما طبيعية.. عشان كدا انت لازم تبعد عن الام وطفلها ديل..
*لا انا ما بقدر عرسنا باقي ليه كلها كم يوم..
-ابقي الطفل لازم ما يكون معاها ما اعيش معاكم لو بتقدر تلقي طريقة تبعدو..
*مستحيل هتون تتخلا عنو دا روحها..
-شهاب انت هتون بتعرف بالفيك دا؟
رفع راسو عاين ليها بخوف وعدم ثقة
*لالا لا لو عرفت مستحيل توافق تعرسني..
انا تعبان لازم امشي ..
-شهاب
اتلفت عليها
-خليك اليوم هنا لو حابي لمصلحتك...
استسلم ليها لانو مجبور واعصابو، محتاجة لحد يداويها ويراعيها.. حد ح يعتني بيها كويس جدا اكتر من اي زول..
ال هي #نسمة كما الاسم هي في الشكل
آنسة رقيقة راقية متعلمة جدا طبيبة نفسية شكلها لأول وهلة مريح للنفس..

~||~~

تلفون هتون ضرب كذا مرة في الاخر شالتو عملتو صامت وجدعتو من جمبها.. وواصلت في البتعمل فيه
كانت خاته حاجات الريحة كلها

لباب ورزعو قوي وطلع...
...............
-ايوووووي يوووووي يوووووي فرحت ليك يا شهاب يا ولدي وقامت حضنتو عليها قوي وقعدت تبكي..
الحمدلله انها وافقت ماف زول حا يفهمك غير هتون من يوم شفتها في السجن بالي جا عليك وقلت بس هي دي..
(ارتبك للحظة وبعد منها)
*غريبة اول مرة تقولي لي ياولدي الليلة الخلاك تنطقيها شنو.. طول عمرك معتبراني غريب وبتعامليني علي الاساس دا ..في حياتك ما حسستيني اني #ولدك وانتي #امي يا #خالتي..
(قعدت تبكي )
-لزوم الكلام دا هسي شنو يا #شهاب عايز تفتح القديم مالك ما اتفقنا نعيشو كدا وانت رضيت الجدا شنو؟
*الجدا اني في عمري ما ارتحت،، طول عمري ضايع وحاسي اني يتيم لا عارف ام لا عارف ابو.. تقدري تقولي لي ابوي منو ولا منو؟؟
اولها جدعتيني عند اختك علي اساس اني ولدا
وراجلا.. راجلا يا ام.. ولا اقول ليك يا خالتي ..
راجلا العيان الوسخ ..
-انا ما جدعتك
*جدعتيني ،،ماف كلمة حا تمسح الالم الجواي (وطق طق ضرب علي صدرو) طول عمري حا اتزكر #التحرش والعار الحا يلازمني طول حياتي.. طول عمري انا بتوجع وبقاوم البقي فيني.. وجاية هسي تقولي لي لزوم فتح القديم شنو؟
وبعد ما الفاس وقع في الراس رجعتي سقتيني بالدس واختفيتي بي...
#ميمونة الطعنتيها وخنتيها وكشفت لعبتك دي اريتا لو كانت عايشة عشان تعزبك لي اليوم و....
-هس هس اووووعك تذيد ولا كلمة تاني....
غطت وشها ب توبها وقعدت تبكي..
*انا ماشي وطلع من دربو...
-دا جزاتي العايزة احميك يا شهاب.. اريتني لو مته وما سمعت كلامك السم دا.. افتكرت الزمن ينسيك بس كل يوم بذيدك قساوة علي... ان شاءالله دواك تكون #هتون واشوفك مبسوط قبل اموت..
.................
..
..
مع #حبي 😉..

فاطمة قسم الله_ سحر سمير

#غلطتي
(الجزء الثاني)
بقلم سحر سمير و فاطمة قسم الله
-٦٢-
*نهي نهي خلاص الله يرضي عليك وقفي البكي دا ما كويس عشانك ولا علي الفي بطنك..
-انتي ما شفتي كلامو ربط مصيرنا كيف.. كل ما اقول يبطل الحماقة دي لا هو زايد زايد ماف شي حا يدمر حياتنا غيرا.. الحماقة الخلت ابوي دمرنا كلنا في ثانية.. لا بشوف لا بسمع.. الله دا ادانا العقل لشنو قولي لي يا هتون. (بتبكي)
-نهي الله يرضي عليك اسكتي قطعتي قلبي خلاص
*كل ما اقول موهوب بحبني،، يجي موقف اثبت لي العكس انا تعبته يا هتون تعبته وكرهت العيشة هنا.. كفاية مستحملة امو والوضع الما راكب لي في راسي لحدي هسي.. قلت حبو حا ينسيني واخليني اتنازل ورضيت بقدري خلاص..
*نهي اسمعي هنا رفعت ليها راسا اوووعك اشوفك منهارة كدا جني وجن تكون اختي ضعيفة بالطريقة دي عشان حب.. ما مرتاحة تجبري اريحك اوعك تسكتي وتتنازلي... هو ما رضي يتنازل ،، تتنازلي عن سعادتك انتي لي؟
-هتون بس انا بحبو؟
*الحب اذا كان بسبب التعاسة يبقي بلاش منو...
................
(من جانب فتنة)
*شنو البت الداير يعرسها محجوب هي الصع... بت ابودومة الفضحت اهلا.. الود دا جنا.. الكضاب ياود يا حسن حسن تجري هسي وتنادي ابوك..
اجي اتصرف مع ولدو العايز يوطي راسنا قدام ناس الحلة وجايب بت صايعة قليلة ادب ابوها ما قدر عليها عايز هو يقدر عليها..
-المهم انا وريتك سمعت ب اضاني البياكلا الدود دي وهسي هي قاعدة مع اختا وموهوب طلع يكلم محجوب يستعجل العقد قومي قوامك يا مرا احسمي الفارغة دي... قبال تبقي فيك اسأليني انا وجعتي ومغستي ونار قلبي لي هسي ما بردت البت ممغساني مغسة مندفسة في الاوضة ماساكاه وقاعدة لا بتهش لا بتنش ولا بتقعد معانا...
*النلبس توبي ارح ارحكي قومي عليها المطلوقة ما لقت زول المها دايرة تقش وسخها في ولدي انا..
مسافة الشارع..
(في بيت ابو دومة بدت الكواريك والفضايح من جمب باب الحوش.. والما سمع اسمع ويتفرج)
صاحبة الفتنة مرة ابو موهوب زحت هناااااك مبسوووطة تضحك وخلت الامور تاخد مجراها ....
*يا صايعة يا ضايعة يا هاملة يا ما عندك ولي.. عدم الولي مشكلة صحي انتي تلقي الولي وين كان ابوك الانتي من صلبو طاردك..
-نهي صوت الكوراك والنبز دا سامعاه في شنو؟
نزلو الاتنين وفتحو الباب طلعو لقو مرا واقفة قصادهم في الحوش لابسة توب هزاز اخضر باااهت وغازة يديها في نصها وشغالة تتكلم فارغ.. هتون طلعت ليها..
-هيي انتي يا مرا ما تتلمي ما تكوني قاصدانا بكلامك الفارغ دا؟
*كان قاصدة منو يا بت ال...
-اووووعك رفعت ليها اصبعها شوفي هنا انتي مرا كبيرة وانا ما عايزة مشاكل وكلام فاضي وبعدين منو انتي اصلا هسي نحن سألناك ولا جينا عليك جاية نافشة ريشك وتنبزي بدون سبب مجنونة انتي؟
*هههههه صفقت ب يديها يختي انا ام محجوب العايزة تلفحي وتدبسي فيك..
-محجوب؟؟!!
نهي: هتون تعالي ادخلي جوه المرا دي خليها فارغة تعالي وانا حا افهمك بس..
*جرت يدها من نهي.. نهي اقيفي المرا دي مجنونة اظنها خليني افهم قاصدة منو؟
نهي:قلت ليك ادخلي ما تشتغلي بيها خليها تتكلم وتسكت انا بفهمك..
دخلو وطبلت الباب
هتون:محجوب دا قبيل جاب سيرتو راجلك وانا ببكاك ما سألتك وهسي المرا دي تاني جابت سيرتو قصتو شنو؟
نهي حكت ل هتون كل الموضوع..
(اتنفضت من محلها زعلانة)
*دا كلام شنو يا نهي انتي كيف تكوني عارفة حاجة زي دي وما تقولي لي وبعدين كيف تقررو اني اعرس واحد لا بعرفو ولا عندي فكرة عنو لمجرد انو شافني زمان في عرسك ومن قرارة نفسو قرر اني اكون مرتو طوالي..
نهي:هتون انا اتكلمت مع موهوب كتيير بس هو مصر..
هتون:مصر؟!! انتي واعية يا نهي لكلامك دا معناها انتي زاتك موافقاه علي كدا!!!
نهي :اتلفتت لا اكيد ما موافقاه بس لو جينا للجد يا هتون محجوب صاحبو وهو لو ما كويس ما كان وافق علي واكيد موهوب داير مصلحتك يعني...
هتون:نهي اسمعيني هنا لا موهوب لا انتي زول فيكم بحدد مصلحتي او الاحسن لي شنو.. انا ما صغيرة وبرااااي بعرف مصلحة روحي كويس..
انا ماشة وياريت تكلمي امي وابوي لاني خلاص تعبت ما فيني حيل اسمع فارغ زيادة...
نهي: (كوركت بصوت عالي وحازم) اقيفي قبلك من الباب دا ما بتطلعي انتي نسيتي كلام موهوب؟
اتلفتت علي نهي بهلع غريب ما مصدقة ان نهي القالت ليها كدا..
..................
رجع ليها تاني بس المرة دي منهار للٱخر..
-ابكي يا #شهاب طلع كل الجواك لو دا بريحك ..
ماف غيري عارف بمعاناتك وماف غيري بسمعك وماف غيري حد بريحك..
*#نسمة نفسي ارتاح يوم.. ل بتين ح اكون بعاني كدا جربت كل الطرق الكعبة عشان اعيش وما قدرت..
خايف شديد ..
تفتكري زواجي منها حا ينجح بعد القرف الشفتو زمان... تفتكري حا اقدر.. الحسنة الوحيدة ف حياتي هي #هتون
انا كل ما انوم بتزكر كل ليلة لما اصحي علي مو... م حاجة لينة فيني موية كتيرة دافية فيني شي مقرف مقرف يااااااخ...
قامت شغلت موسيقي مريحة وطفت اللمبة ولعت لمبة لون هادي ورايق ساعدتو يرقد علي الكن

#غلطتي
(الجزء الثاني )
بقلم سحر سمير و فاطمة قسم الله
-٦٣-
......
-عمي محمد عمي محمد الحق في شكلة في بيت ناس عمي الفاضل..
فوزية :سجمي شكلة شنو كمان الله يستر بتي نهي..
محمد: البسي توبك دا سريع يا فوزية خلينا نشوف في شنو...
موهوب : سوق امك دي يا محجوب من هنا كفانا فضايح اخر الزمن كلام نسوان بمشي علينا نحن الرجال..
ام محجوب : اي امشي كان جيت لي ولدي يمين امشي ولدي واحد البخليني اوافق علي اي بت شنو..
محجوب :امي اسكتي الله يرضي عليك كفاية كلام فارغ..
-محجوب سوق امك وارح من هنا..
اتلفت لقي ابوه بس يا ابوي...
-قلت ما عايز كلام ارح قدامي سريع وانتي حسابك في البيت اطلعو..
ديل طلعو من هنا وبعد فترة والامور هدت محمد وفوزية جو داخلين.. وقف قبلو وقال ل فوزية
محمد :انا ما بقدر ادخل انتي نسيتي اخوي لما حلف علي بقيف ليك هناك اطمني علي بتك وامرقي نرجع..
جات جارية دخلت نهي نهي وينا ما اتكلمت مع زول فيهم مشت طوالي علي بيت بتها..
موهوب قام مشي لحقا..
*امو كوركت وراه اي قوم اجري ليهن جري..
ما ردا عليها لانو عارف لو فتح باب ما ح يقفل..
دق دق دق دقت الباب نهي نهي افتحي..
-امي بسم الله مالك مخلوعة كدا في شنو؟
*انتي كويسة هتون انتي هنا؟
سلمت علي امها وحضنتها وقعدو شرحو ليها الحصل..
-الله اجازي الشافع جا هجمنا انا وابوكم جينا نجري مخلوعين..
موهوب دق الباب ودخل..
هتون وقفت طوالي انا لازم امشي الخرطوم قبال الوقت اتاخر لي يا امي ونهي حا تتكلم معاك في موضوع كدا..
يلا سلام فتكم بي عافية..
طلعت بعد عينا جات في عين موهوب زي البتلوم فيه..
ان شاءالله تكون كدا ارتحته...
..............
طلعت من بيت ابو دومة في الشارع عديل كان شافت ابوها واقف جمب الامية...
جات علي
*ابوي ازيك الموقفك في الشمس دي شنو؟
-الله غالب.. واتلفت منها
*ابوي انا عايزة ولا خلاص انا ماشة...
اتلفتت لما شافتو ما عاين ليها مشت وقبل تبعد اكتر حست في زول ماشي وراها..
...
...
#هتون
اتلفتت بسرعة لما سمعت صوت ابوها
*ابوي
-دايرك في كلام مدام امك مافي في البيت ...
*في شنو؟
-بعد نصل بتعرفي وبوضح ليك لانك لازم تسمعيني ولا طول عمرك كلامك حا يكون فيه نوع من الحدة معاي لحاجة في نفسك الله عالم ختيتي جواك عني شنو؟
*انا ما ختيت شي انتو القلتو وانا سمعت..
-هتون امشي قدامي البيت وحا اشرح ليك كل شي وتسمعي للاخر..
*لا ما ماشة يا ابوي زمان لما جيتك ابيت تسمعني ولا اديتني فرصة بس اشرح ليك تتزكر يا ابوي وانت بتقفل في وشي الباب كأني ما بتك .. هسي اشمعني انا اسمعك؟!!
اشمعني انا اديك فرصة تبرر و توضح غلطك؟؟!!
سكته كالعادة ياابوي لانو المرة دي انت المدان..
(علي مفترق طرق.. )
مشيت في نفس طريقو بس لفيت بٱخر الشارع لمكان تاني واقرب حافلة رجعت بيها الخرطوم...

√√||√√

(اصبحنا واصبح الملك لله بعد كم يوم مشت : )

قامت من الصباح الليلة يوما.. يوم عرسها من شهاب جايطة وما عارفة تلحق علي شنو ولا شنو...
تلفونها ضرب
في التلفون ..
ايوة ايصال الاستلام معاي يا خالتو نعمة ......
يعني شنو اسي ما حيسلموكي الفستان ! ما لم تجيبي الايصال!!
يا الله - طيب والعمل يا خالتو نعمة ، زمن مافي اسوي شنو ! انا زاتي ما عارفه شنو نساني ليه عندي مليون حاجة و حاجة في راسي !؟
اااي دي انا اتفقت معاها حتجيني الساعه 5
تمكيجني !!
خلاص دقيقة برجع ليكي انا بتصرف ارسلو ليك بأي طريقة ولو كان جيت براي...
جرت فرتق فرتق شالت ملايات البيت فرشت بتاعات المناسبات وفرشت الفوط..
الحمدلله الستاير ركبتهم من بالليل والحوش قشيتو ورشيتو احيي بس الحمدلله صحي اليد الواحدة ما بتصفق..
كنست ومسحت وختت الحلاوة والخبيز في الشيالات واخر شي بخرت ..
واخر نظرة بالانجاز العملتو مبسوطة....
..................

*موهوب رد علي يعني الليلة عرس هتون حا نعمل شنو؟
-العمل عمل ربنا ،،عمي وعمتي ما قالو ليك شي؟
*نهائي هسي كنت بتكلم مع امي ووديت ليها الكلام بجاي وبي جاي بتتفاداه وبتدخل في موضوع تاني..
-سمح انا طالع..
*علي وين بس؟
-محل الله اهون... وطلع
*ااخ منك يا هتون بس طوالي مستعجلة انتي كدا بدون تفكري في العواقب الحا تحصل بالبتعملي فيه دا...
........... ....
اتاكدت ان خلاص كل شي تامي وجاهز
لبست عبايتا سريع وطلعت ياالله القي رقشة سريع في اليوم المعكس من الصباح دا وشهاب تلفونو مقفول ما معروف وين ما من عوايدو يعني نهائي.. اتلفتت علي الباب تطبلو بالطبلة وما انتبهت للعربية الجاية عليها
تيييييت تييييت
نطت واتلفتت دايرة تهرج فيه...
كرررب كرررب ....ممدوح انت الجابك هنا شنو؟
-عايز اعرف السبب الخلاك تتراجعي في اخر لحظة شنو؟ ووقت ابيتي تردي علي رسايلي واتصالاتي قلت اصلك لعندك لاني جني وجن زول احاول اسفهني..
*مافي اي سبب وانا قلت ليك قبل كدا انت ما حبيتني يا ممدوح بدلالة اتزوجت وهسي في زمتك مرا.. كان اعجاب وانا عرفت عاوزة شنو ومنو في الاخر..
-يابت

#غلطتي
(الجزء التاني )
بقلم سحر سمير و فاطمة قسم الله
-٦٧-
_انا خطر على يزن ولا انت يا... بتاع دكتورة نسمة !!
*شنوووووووو(بي خلعه ) انت متابعني ولا الفهم شنو ؟؟
_والله افهم زي ما داير ، و عشان موصوع نسمة دا ما يوصل لي هتون يا عاشق يا ولهان ، ابعد عن طريقي و يزن كان داير اشيلو بقلعو قلع فاهم !!!! و مشى !!
و شهاب اتزكر كلام نسمة ليهو ..
#فلاش_باك
*طيب يا نسمة انا كمان بحبك بس ...
_بس شنو هههه انا عارفه يا شهاب ، عارفه انت بتحبني كـ دكتورة معالجة ليك اتحولت لصديقه ،شهاب ! ما سهل على وحدة انها تعبر عن حبها لي راجل بس صدقني انا ما عارفه للمشاعر الجواي تجاهك دي كيف ! لكن اتصدمت بوجود هتون دي في حياتك ! كنت فاكرة ان حياتك دي كلها لي بحكم ان مافي زول عارف سرك غيري .. و اسي انا بخيرك بين انسانه عارفه عنك كل اسرارك و متقبلاك بي مرضك ، و بين انسانه الله اعلم اذا بتحبك ولالا و الله اعلم اذا حتتقبل وجود مرضك و اضطراباتك دي ولالا ..اختار و انت ادرى بمصلحتك !!

رجع للواقع بي صوت الزغاريت والاغاني .. و بي بوسة على خده من يزن و هو ماسك في رقبتو وفرحان بي وجود شهاب وانه شايلو .. لسه شايل يزن و مشى بيهو لحد احر الشارع قعدو في المسطبه ،، و طلع تلفونو .. فتحو .. لقا مكالمات هتون القبيل كلها .. كتب ليها رسالة .. " مبروكة علي"

و في نفس المكان كانت في "عربية ممدوح"
اللي كان بيحاول يقنع نفسو ان زواج #هتون_كذبة رغم اصوات الزغاريت و الاغاني اللي كانت بترررن زي صدى الصوت فب الحلة كلهااا ..

(في جانب تاني)
*المرتب كم ؟
_مبدئياً 1500 جنيه ، الشغل فترتين ، من 8:2 و من 5:11..قلت شنو ؟؟
*موافق ..
_حابي تبدا من متين ؟
*من اسي لاني محتاج لـ مكان انوم فيهو ..
_متفقين ..

*بعد الحفلة*

_ووووي ووي يا هتون رجليني ما قادرة .. ااخ كعب رجلي نار نار بس ..
*لكن يا خالتو نعمة م قالو كدا كمان ، ما قعدتي ثانيه وحدة ، م خليتي غنيه ولا زغروته حايمة ... وووا حبيبب يزوني حبيب ماما مشتاقه ليك انا ي روحي الليله ماما قصرت منك يا روحي انا انشغلت عنك حبيبي (حاضناهو وهو نايم )..
_دا شهاب الغاااالي و...*قاطعتها ...
*خالتو نعمة !! اهل شهاب وين ؟؟
_......سكتت ..
*اممممممممم تمام ، انا حأنوم ، بكرة يومي طويل ، قمت زحيت منها و بديت اطلع في الفستان التاني البدلت بيهو الاحمر .. كنت حاسه ان قبضة قلبي دي ما ساي ابداً ، وبالي المشغول على شهاب ..
فجاة لقيت خالتو نعمة شالت توبها و طلعت من الغرفه !

تاني يوم -
صحيت متضايقه ضيق ما عادي ، قعدت استغفر ربنا كتير ، قمته قعدته على حيلي ، و بقيت بعاين في الفستان و ما كانت عندي اي رغبه اني اللبسو ولا يتعمل صيوان العرس الكانو بتكلمو عنو شهاب وخالتى نعم ..مسكت تلفوني وانا بفكر في شهاب المختفي دا ،، بس لقيت منو رسالة مكتوب فيهو "مبروكة علي" م بعرف ليه ابتسمت .. يا جماعه الزواج ما بكون كعب شديد في وجهة نظري لمن يكون على الاقل في طرف بيحب التاني ، يمكن دفرة ساي الامور بتمش ، حسب تخيلي ..
المهم : قمتا ..
لقيت الحوش ملان نساوين ، وريحة الاكل ، شكلهم ضبحو بدري .. لبست توبي و غطيت وشي وطلعت الحمام .. خلصته ورجعت الغرفه ، جاتني خالتو نعمة شايله صينيه فطور صغيرة ، و وراها يزن ، حضنتو و هي بتخت لي الصينيه .. قالت لي : شهاب امه خلتو من شافع و اتربى مع خالتو و بعداك خالتو اتوفت و ابوه اتوفى قبلها و الدنيا ربتو .. سمعت كلامها وعاينت ل يزن حسيت في تشابه بيناتهم ،، قلت ليها اسمعي انا ما حابه اللبس الزفاف دا ولا العرس ماليه داعي ، هو الغدا والموضوع انتهى كفايه امبارح انبسظتي انتي وناسك ..
بعد تعابير الخلعه اللي في وشها ، و دايرة تتكلم وتقيف لي زي كل مرة ، اترددت و قالت لي جداً ، و فعلاااا اليوم مشى على الترتيب دا لحد موعد العقد ..

اما عند شهاب :
كان بيكتب في رسالة محتواها : " اول مرة في حياتي احس اني متعلق ب أنسان و ان وجودو مهم في حياتي ، حتى وجود امي م كان بيشكل معاي فارق ، بس صدقيني انتي ختيتيني بين خيارين احلاهما مُر ،انا بحب هتون ، و حالياً ماشي عشان العقد ،باركي لينا و اتمني لي القى السعادة ، و م بيمنع اني اغامر بي حبي ، في كل الاحوال ما عندي حاجة اخسرها شكراً لكل حاجة يا نسمة "

خت التلفون في جيب الجلابية السمنية ، و لف الشال ، و رش الريحه ، و مسح على يدو في دقنوو ، و اخد نفس و بروز شفايفو بي ابتسامة هادية ، و صوت المفاتيح كان ليها دور دلالة على ان الخطوة دي غير و فاال خير ليه ..
و طلع بي رنة التلفون اللي كان من نعمة ، بمثابة الاستعجال ..
اما بي دوري انا - ختيت مكياج لنفسي ، و شحدت استشوار من وحدة من بنات الجيران ، استشورت شعري و و بقيت بدندن مع الغنية ، و ما حسيت الا بي طعم ملح بين شفايفي ، كل دمعه كانت وجعتها غير .. كل ما الوقت بيقرب كل ما بحس بي ثقل في صدري و ممدوح م غاب عن بالي لحظة .. فجاة لقيت الباب بيفتح و وحدة من صحبات خالتي نعمة بتقولي

#غلطتي
(الجزء الثاني )
بقلم سحر سمير و فاطمة قسم الله
-٧٠-
*اها اظن دا بكفيك..
-يا نعمة عليك الله هسي مليون شنو البتسوي لي حاجة والله دي تكمل علبتين سجار.. هوي يا نعمة حركاتك دي بعرفا من زمااااان من زمن راجل اختك ميمونة..
*صلاااح قالتا لي بي نهرة.. عارفاك تلف وتدور جبت سيرة الموضوع دا لي سبب الزكرك لي شنو هسي بتهددني بي ولا شنو؟
(الله يسامحك يا سوسن ما بتعرفي تلمي كلمة في خشمك.. )
-كتر خيرا النورت بصيرتي،، ما تخلينا نروق الجو هسي البيت فاضي ورايق ولعي لي شيشة بمزاج كدا و...
*صلاح قوم وامشي من هنا انت عارف شهاب كان جا ما بريدك..
-هو اتقبلك انتي امو ما اتقبل راجل خالتو.. شوفي هنا البيت دا عندي فيه زي زيكم.. ولا بقول لي هتون انتي منو وقصة خيانتك لي ميمونة مع راجلا عبدالرازق ولا نسيتي الحصل كلو.. والله هتون تعرف ساي انك ام شهاب براها دي مصيبة..
فجأة اترجفت وجرت واطي وخافت من لسان صلاح..
*انت عايز شنو يا صلاح هسي ونقفل السيرة دي..
-عايز تدفعي لي اكتر وعايزك..
*سمح الندي الولد لي جارتي تمسكو وبجي عليك اترزع جوه انتظرني..
-طق طق صفق بي يديه يا سلاااام...
............
قبل ابوها يتم ليها الحصل
جاهم#موهوب يجري وبتكلم بنادي بصوت عالي
عمي عمي هتون حمدالله علي السلامة #نهي ولدت بالسلامة ..
انا وابوي قمنا بخلعة موهوب.. ابوي سريع مشي قدامي وانا جارة التوب علي خايفة يقع ....
وصلنا ولقيناهم كلهم واقفين منتظرين
امي جات طالعة تاني.. ماشاءالحمدلله بس نهي تعبت تعب الموت يا محمد.. موهوب اضرب البلد خليهم اضبحو كرامة ويوزعوها هسي
*الله يا عمتي دا كلام والله من طلعتي وطمنتيني ضربته وانا جاري انادي عمي وهتون...
(كلهم ضحكو عليه.. )
هتون:هسي نهي كيف يا امي اخدت وقت كتير عديل ولدت قيصري ولا طبيعي؟
فوزية: طبيعي الحمدلله لكن يا موهوب عندك مرا وووب علي جرسة جرسة شديد ههههه
موهوب:الحمدلله هسي بعدين كان قلنا ليها كدا تنكرو حطب ...
(ضحكو كلهم مع بعض)
#شهاب ياولدي اخد مرتك وامشو بعد دا..
*ابوي انت بتقول في شنو امشي وما اشوف نهي والله ما برتاح كدا زاتي..
-العفو يا عمي بس النطمن علي نهي اول وكل شي ملحوق تاني..
#هتون ما داير زيادة كلام كتير امشي مع راجلك واختك هدا نحن كلنا حواليها كويسة.. سوقا يا شهاب وكلها كم يوم وبتجي تطمني عليها وتشبعي منها..
فوزية:كلام ابوك صاح تعالي انا دايراك شوية..
فوزية جرت هتون ل هناك شوية واتكلمت معاها ...
بعدها هتون جات واستأذنو منهم وطلعو..
(من جواها حاساك يا ابوي ما صدقته فرزعتني ما داير تتم لي الباقي وتريحني)
*براحة براحة يا هتون ماسكها من يدها قوي وخايفها تقع..
-شهاب فكني ما بقع عاين الناس دي كلها بتتفرج علينا..
*مالنا ومالهم.. خليني اضرب ل خالتو نعمة تمشي اي مرا ما ناقصين شمارات وبعدين تخلي حاجاتك جاهزات لانو حا نطلع طوالي..
-شنو شنو نطلع طوالي وين مع ربشتا وكلاما دا الشبط عفص طرف التوب وقربت تقع جاتا يدو ومسكتا قووي وبصوت هادي #حبي براحة حا تقعي..
عاينت لي #شهاب جوووه عيونو..
خلينا نمشي...

√√||√√

*قوم قوم يا راجل شهاب اتصل جايين سريع لملم عواليقك ديل واطلع واوعك تجي تاني هنا..
من سكات صلاح لبس هدومو وطلع بإستعجال..
ونعمة لبست ولبست توبا ومشت تجيب يزن..

...........
في العربية ساكتين ...
هتون قعدت تضحك
*مالك جنيتي فجأة بتضحكي براك..
-بتزكر في روحنا والحصل لينا الحمدلله عقدنا اول..
*شهاب عجبتو اخر كلمة وابتسم من سكات.. انتي ما شفتي موهوب ههههههههه... ياخ الزول دا نطه الكرسي عديل وصل كيف ما عارفو..
-وااااي (بقت تضحك بصوت عالي زيادة لما دموعها جرت) وااااي ما تزكرني غايتو طلع خواف خواف موووت..
*هي لكن اختك بعد كوراكا وصريخها دا انا زاتي اتلبشت حالتي ما بعرفها.. انتي بعدين حا تسوي كدا برضو..
-خجلت وسكتت لا اكيد انا ما خوافة زي نهي..
*ضحك نشوف ل بعدين هههههه..
سكتو تاني ما اتكلمو الا بعد وصلو ودخلو...
*جيتو اها اختك كيف ضربت ليك قلبي دا انقطع ما رديتي..
-معليش يا خالتي شكلو صامت هو زاتو وينو ما عارفة بالخلعة اظن خليتو جوه.. خلاص انا هلكانة خلوني اخد لي حمام واغير الشي دا تعبني اصلح بي جاي وبي جاي قطع نفسي وجيعانة وينو يزن يا خالتي..
*من قبيل العب هسي نومتو.. خلاص المسافة دي اجهز ليكم شي تاكلوه تعبتو الليلة...
-اتعشي؟
*عشيتو واي شي ما تشيلي همو ادخلي غيري..

هتون دخلت جوه ونعمة جرت شهاب تعال دايراك..

√√|||√√√

*محمد ساق موهوب بالجمبة
*نحن حا نمشي البيت هسي قدامهم ..انا امس كلمت الغفير ومرتو القاعدين فيه اننا جايين الليلة.. بقعدو الفترة دي في المظلة الورا الزقاق لحدي ما يلقو ليهم بيت..
وزاتي دايرك في موضوع كدا
-خير يا عمي موضوع شنو؟
*موضوع قعادك معانا هنا البدينا فيه المرة الفاتت..
-عمي انا قلت ليك رايي ولسه ما سمعت من نهي..
*كان نهي قالت نفس كلامي؟!!
قبل ارد قاطعهم صوت مازن #نهي طلعو

#غلطتي
(الجزء الثاني )
بقلم سحر سمير و فاطمة قسم الله
-٧٨-

محمد : اتلفتو علىّ صوتو ، و قال : انا دايرهم يسمعو من صغيرهم لي كبيررررهم ، انا الدكتور محمد ابو دومة ، ابو هتون محمد !!!
ورفع الجريدة فوق وطق طق دقاها بي يدو
وفتح اول صفحة واشر علي العنوان بي يدو...
قبل كم سنة ياالفاضل في نفس الجريدة دي اتنشر خبر كلو كذب وافتراء علي بتي والله يلعن الكان السبب....
والليلة في نفس الصفحة وبنفس العنوان الكبير هدا هدا عاين هنا يا الفاضل.. عاين هنا يا عوض.. عاينو هنا يا ناس الحلة...
#هتون محمد احمد تاج السر ابودومة بالبونط العريض براءة ....
من يوم الليلة البتكلم في الحلة دي عننا بكلام كعب حد الله بيني وبينو .. وراسي مرفوع وطول عمرو ما انحني...
وهسي دي جايي اعزمكم بكرا كلكم عندنا سماية بتي نهي امش امش ياود خلي يزيعو بمكرفون الجامع..
الفاضل تممم سكت..
عوض:اتفضل اتفضل يا محمد اخوي لي جوه..
محمد:بسم الله ودخل...
بعد شوية خششش خششش صوت مكرفون الجامع وطلع منو صوت
اهلنا في قرية ابوحليمة
يدعوكم محمد احمد تاج السر ابودومة لوجبة الافطار بمنزله بحي.... لحضور سماية ابنة بنتهم وزوجها موهوب غدا ان شاءالله والدعوة عامة ودامت الافراح وشكرا...
محمد بعد اخد قعدتو جا طالع والفاضل وعوض معاه
يلا يا جماعة في امان الله
ركب التكسي الجا بيه واتحرك..

√√••||√√••||

(في لمة حلوة)

هتون سوت شاي سادة وقعدو يتونسو ويضحكو

مازن: هتون انا عايزك تعالي؟
نهي:خييير شايفة في اسرار بينكم توسوسو طوالي في شنو؟
مازن : خليك في حالك اصلك بتاعت شمارات وقوالات ...
هتون ضحكت بصوت عالي والله في دي صدقته زمان كانت معزباني مع امي اي شي جري توصلو ليها...
ارح ارح مووووتي بغيظك...
دخلت غرفتها مع مازن
*مالك في شنو محتاج حاجة؟
-قالا بتردد لالا بس وبقي بلف وبدور في الكلام..
شهاب عامل كيف معاك.. وح تجو تسكنو معانا هنا ولا بتأجرو.. محتاجة شي..
حست بيه بلاوز في الكلام..
*مازن انت هسي جبتني هنا ودايرك وبتاع عشان تسألني كدا ما كنت عادي قدام نهي وامي فيها شنو (بتلعب بنفس طريقتو )
-خلاص ماف شي انا ماشي قالا بزعلة
*جرتو من قميصو خلاص ياود معليش في شنو هسي قلبت وش طوالي انا بهظر معاك قول عاوز شنو؟
-انا كنت عاوز اقول ليك لو تعزمي صاحبتك مي حبيت انبهك ما تنسيها...
*عاينت لي بنظرة شك واستفهام كبير..
مع انو ماف مناسبة ولا حاجة لازمة لكن حاضر بدعيها...
من قلت لي كدا الود ملامحو اتغيرت وفرح..
-والله انتي احلا اخت وطلع مبسوط..
بيني وبين نفسي لالا ما ممكن؟!!
معقول #مازن معجب ب #مي
...................

من جانب تاني في الشارع قدام بيت تحت شجرة نيم)
الوقت نص النهار والشوارع فاضية الا ...
من عمو كبير بشوش ملامحو مطمنة ماسك سبحة قاعد في كرسي قدامو تربيزة حديد عليها رادي وجمبها مختوته صينية عليها سيرمس شاي سادة وكبايتين وسكرية ومعلقة...
في طفلة جيرانهم جات جارية طالعة وامها لاحقاها بتكورك فيها لما شفاتو وقفت قدام الباب وكوركت ليه..
-يا عم عبدالرازق عليك الله عاين لي بتي دي حلفت تقعد لي جوه جننتني تبكي من قبيل دايرة تمشي الدكان وانا شغالة التلعب جمبك هنا تحت الشجرة دي مسافة انتهي بجي بسوقا..
*سمح خليها وامشي انا بعاين ليها...
بقي بتلفت في الشارع اشوف في زول ولا لا طلع عشرة جنيه من جيبو ورفعها في وشها..
تعالي اجري اجري اشيلك عشان اديك القروش دي..
بضحكة طفلة بريئة من شافتو بضحك ليها وبلولح بالقروش جات جارية عليه....
...................

(في السجن وبالضبط في مكتب ممدوح)
بتكلم في التلفون
*ايوة ايوة حسب كلامي مع دكتور محمد هو زاتو تفاصيلو ما كافية غير ان اسمها #ميمونة والمتزوجاه كان اسمو عبدالرازق...
ما هو حل من اتنين ما حا نصل لشي الا بيه هو.. جيب لي صلاح هسي من مافي..
بكون قاعد حا يختفي وين هو فيه حيل بعد دا..
لازم الزول دا معتمد علي اعرف لي شي ...
تمام مع السلامة...
مسك تلفونو تاني وجاري الاتصال.....
اها وصلتو ل حاجة؟؟
ضحك وكان باين ان الخبر الجاه بفرح...

...................
الخرطوم
مسافة الشارع
محمد وصل جا داخل البيت وكان ظاهر عليه انو مبسوط لقاهم متلميين وقدامهم الشاي
محمد:لمة في الحرم ان شاءالله
اللهم اميين جمعا يارب..
فوزية: حمدالله علي السلامة ترا جيت سريع شايفاك مبسوط ابسطنا معاك..
محمد: واقف علي طولي طلعت طوالي
هههههه لالا مفاجأة مخليها..
هتون تعالي انا دايرك شوية..
جات معاه دخلت غرفتها..
اقعدي وهو قعد في الكرسي..
*في شي ياابوي؟
-عشان ارتاح يابتي خليني اتم ليك كلامنا بتاع المرة الفاتت..
*استغربت انو ناداها براه وفاتحها في الموضوع قالت لي سامعاك ياابوي اتفضل
-بنقة امك طلعت مشيت عليها دقيت الباب
المرا جات قالت لي ادخل اشيل الولد وما انتبهت ليها انها قفلت الباب بعد دخلته...
لقيتو راقد لمستو الحمي ما كانت كتيرة كدا ف قلت ليها شكلها نزلت انا بطلع اجيب ليك

كراسي وقدامها ترابيز بلاستيك كبيييرة.. وحفاظات الموية الكبيرة مختوته..
الناس ماشاءالله بدت تجي وصواني الفطور بدت تطلع
موهوب ومازن ومعاهم شباب تانيين طالعين داخلين يكفو في الناس...
جوه البيت.. البيت مبخر ونضيف ومفرش ...صوت النسوان بتتونس وفي نفس الوقت بتتوسوس وبتقطع وبتعلق علي اي شي.. والعيون دايرة في كل ركن...
في غرفة ولادة نهي:~
لونها ابيض فيها سريرين كبار بالابيض مفرشات بملايات لبنية مشغولة وفي الوسط تربيزة كبيرة عليها فوطة بالابيض والكبدي.. في شباك نازلة منو ستارة دانتيل داخلة فيها صفقات بالدهبي... وفرشة بيضاوية في الارض لونها كبدي ب ابيض.. وستارة علي الباب نفس حقت الشباك..
في جانب من الغرفة معمول ب ورق حائط كبدي خفيف وعليه فراشات.. في كنبة وسط وعليها كم جداعة...
ومزهرية كبييرة عليها ورود مختوتة في الركن...
دولاب ابيض من تلاتة ضلف...
هتون جاية طالعة بره لاقتها ام موهوب ودايرة ليها سبب معاها..
ام موهوب:البنيه سموها منو؟
هتون: منة يا عمتو
ام موهوب:ياتو ..اسم شنو الما مفهوم لي جهة دا
هتون: اسم عصري يا عمتو حلو وراقي
ومشت منها خلتها تنقنق
طلعت بره تنادي مازن عشان اجيب مي.. بقت تأشر لي من بعيد وعينا وقعت علي شهاب وابوها قاعدين جمب بعض بتونسو..
هتون:مازن برسل ليك الموقع امشي جيب مي ومعاها رقمها في الواتس..
ما صدق خلي الفي يدو وطلع طوالي..
مسافة الشارع وصل واتصل ب رقمها
*الووو السلام عليكم مي انا مازن اخو هتون رسلتني اجيبك واقف بره منتظرك..
اثناء ما منتظرها جات عربية ووقفت وراه علي طول..
مازن انتبه ليها بالمرايا و مع فتحت مي الباب..
هو نزل وعينو جات في عين ممدوح ..
جا عليهم وسلم..
ممدوح:عينو علي مازن ...مي علي وين؟
مي:الليلة سماية نهي اخت هتون عزمتني ورسلت لي اخوها مازن..
ممدوح:اركبي في عربيتي انا بوصلك وزاتي عندي موضوع مع ابوها..
عاين لي مازن تاني انت امشي قدامي وانا وراك..
من سكات ركب العربية وكان من جواه بغلي دا منو الاتكلم معاه كدا وعلاقتو ب مي شنو؟ يكون خطيبا؟!!
نزلها وداير يبركن العربية ويدخل...
مي دخلت ب جانب النسوان وبالا مشغول ب مازن الحستو اتحرج وزعل عشان كدا كانت زعلانة...
تاني هتون جات طالعة تنادي شهاب عشان يوصل خالتو نعمة جوها ضيوف فجاة قالت ماشة
ملت ليها العمود اكل وطلعت تشوفو..
كانت لابسة فستان لون زينب مع جكت اوف وايت وفاكة شعرها عاملاه كيرلي والحنة مالية يديها في اليوم دا كانت حلوة بمعني الكلمة بقت تفتش عليه وبتتصل بتلقي رقمو مشغول ..
طلعت بره الصيوان وبتتاوق بالجمبات فجأة حست بي يد هبشتا من كتفها... اتلفتت
#هتون
#ممدوح
بعاين ليها بقوة ومن جواه كل شي بمنع فيه... مشاعر جايطة.. هي حست بنظراتو وكل حتة في جسمها بترجف...
ما اداها فرصة تتكلم جراها من يدها طوالي علي عربيتو فتح الباب ودخلها ودور مشي...
دا كلووو وشهاب واقف وشاف الحصل...
.................
*انت جنيت هسي كان شهاب ولا زول شافني يقول علي شنو انت كيف تعمل حاجة زي دي؟!!
-ممكن تسكتي شوية وتسمعيني للاخر؟..
*لا ولو سمحته رجعني بيتنا...
-شوفي يا هتون انا ح اطول بالي لانو ما وقتو انتي لازم تعرفي حاجة...
قبل اتم قاطعتو
*ياخي ما دايرة اعرف شي عارف انا بقيت بكرهك بعد كلامك الاخير لي للدرجة دي بقيت وسخة ووسخ في نظرك...
-اهااااااا وضحك... انتي فهمتيها كدا؟!!!
*انت بتضحك لي علي فكرة ماف شي مضحك نهائي وح ترجعني ولا افتح الباب انزل.....واظن وااااضحة ما محتاجة فهم..
- (هتون )قالا ليها بحدة انتي عارفة شهاب دا منو؟
الكلمة دي خلتا تسكت طوالي وعاينت لي...
-بالمناسبة كلامك الحكيتي لي داك عن ميمونة انا ما اتجاهلتو ووصلت قلت اكلمك اول قبل ابوك ...
*ابوي؟؟!!
بقت ساكتة وخايفة في نفس اللحظة تتصدم بكلام ما ياهو.... متوترة بتضغط علي يدها منتظراه ينطق..
-شهاب ولد نعمة يا هتون...
وميمونة خالتو يعني اختها ...
منططه عيوني واتلفته عليه ما مصدقة البقولو من دون احس طلعت التلفون يدي بترجف بتفتش علي رقم ابوي
جاري الاتصال....
..
محمد جاه تلفون هتون اتكلم معاها وطلع طوالي...

√√||√√

نهي طلعت الحمام تغيير هدومها خلت ام موهوب ومعاها المرا الاسمها المسك... وبتها راقدة في السرير..
(قعدت تهرج )
-كفاية سمت البت #منة دا اسم شنو هسي عايزة تتحكم في تاني علي كيفا هو.. اسم حبوبتا البتول مالو..
ارح ارح طهري البت قوامك قبل اكترو فينا كلامهم..
ابوها موافق..
............
..
...

مع #حبي 😉..

فاطمة قسم الله_ سحر سمير

(كيف س تدخلين الجنة وقد أعطيتني وعداً بأنك سوف تعودين 💛💜)

كراسي وقدامها ترابيز بلاستيك كبيييرة.. وحفاظات الموية الكبيرة مختوته..
الناس ماشاءالله بدت تجي وصواني الفطور بدت تطلع
موهوب ومازن ومعاهم شباب تانيين طالعين داخلين يكفو في الناس...
جوه البيت.. البيت مبخر ونضيف ومفرش ...صوت النسوان بتتونس وفي نفس الوقت بتتوسوس وبتقطع وبتعلق علي اي شي.. والعيون دايرة في كل ركن...
في غرفة ولادة نهي:~
لونها ابيض فيها سريرين كبار بالابيض مفرشات بملايات لبنية مشغولة وفي الوسط تربيزة كبيرة عليها فوطة بالابيض والكبدي.. في شباك نازلة منو ستارة دانتيل داخلة فيها صفقات بالدهبي... وفرشة بيضاوية في الارض لونها كبدي ب ابيض.. وستارة علي الباب نفس حقت الشباك..
في جانب من الغرفة معمول ب ورق حائط كبدي خفيف وعليه فراشات.. في كنبة وسط وعليها كم جداعة...
ومزهرية كبييرة عليها ورود مختوتة في الركن...
دولاب ابيض من تلاتة ضلف...
هتون جاية طالعة بره لاقتها ام موهوب ودايرة ليها سبب معاها..
ام موهوب:البنيه سموها منو؟
هتون: منة يا عمتو
ام موهوب:ياتو ..اسم شنو الما مفهوم لي جهة دا
هتون: اسم عصري يا عمتو حلو وراقي
ومشت منها خلتها تنقنق
طلعت بره تنادي مازن عشان اجيب مي.. بقت تأشر لي من بعيد وعينا وقعت علي شهاب وابوها قاعدين جمب بعض بتونسو..
هتون:مازن برسل ليك الموقع امشي جيب مي ومعاها رقمها في الواتس..
ما صدق خلي الفي يدو وطلع طوالي..
مسافة الشارع وصل واتصل ب رقمها
*الووو السلام عليكم مي انا مازن اخو هتون رسلتني اجيبك واقف بره منتظرك..
اثناء ما منتظرها جات عربية ووقفت وراه علي طول..
مازن انتبه ليها بالمرايا و مع فتحت مي الباب..
هو نزل وعينو جات في عين ممدوح ..
جا عليهم وسلم..
ممدوح:عينو علي مازن ...مي علي وين؟
مي:الليلة سماية نهي اخت هتون عزمتني ورسلت لي اخوها مازن..
ممدوح:اركبي في عربيتي انا بوصلك وزاتي عندي موضوع مع ابوها..
عاين لي مازن تاني انت امشي قدامي وانا وراك..
من سكات ركب العربية وكان من جواه بغلي دا منو الاتكلم معاه كدا وعلاقتو ب مي شنو؟ يكون خطيبا؟!!
نزلها وداير يبركن العربية ويدخل...
مي دخلت ب جانب النسوان وبالا مشغول ب مازن الحستو اتحرج وزعل عشان كدا كانت زعلانة...
تاني هتون جات طالعة تنادي شهاب عشان يوصل خالتو نعمة جوها ضيوف فجاة قالت ماشة
ملت ليها العمود اكل وطلعت تشوفو..
كانت لابسة فستان لون زينب مع جكت اوف وايت وفاكة شعرها عاملاه كيرلي والحنة مالية يديها في اليوم دا كانت حلوة بمعني الكلمة بقت تفتش عليه وبتتصل بتلقي رقمو مشغول ..
طلعت بره الصيوان وبتتاوق بالجمبات فجأة حست بي يد هبشتا من كتفها... اتلفتت
#هتون
#ممدوح
بعاين ليها بقوة ومن جواه كل شي بمنع فيه... مشاعر جايطة.. هي حست بنظراتو وكل حتة في جسمها بترجف...
ما اداها فرصة تتكلم جراها من يدها طوالي علي عربيتو فتح الباب ودخلها ودور مشي...
دا كلووو وشهاب واقف وشاف الحصل...
.................
*انت جنيت هسي كان شهاب ولا زول شافني يقول علي شنو انت كيف تعمل حاجة زي دي؟!!
-ممكن تسكتي شوية وتسمعيني للاخر؟..
*لا ولو سمحته رجعني بيتنا...
-شوفي يا هتون انا ح اطول بالي لانو ما وقتو انتي لازم تعرفي حاجة...
قبل اتم قاطعتو
*ياخي ما دايرة اعرف شي عارف انا بقيت بكرهك بعد كلامك الاخير لي للدرجة دي بقيت وسخة ووسخ في نظرك...
-اهااااااا وضحك... انتي فهمتيها كدا؟!!!
*انت بتضحك لي علي فكرة ماف شي مضحك نهائي وح ترجعني ولا افتح الباب انزل.....واظن وااااضحة ما محتاجة فهم..
- (هتون )قالا ليها بحدة انتي عارفة شهاب دا منو؟
الكلمة دي خلتا تسكت طوالي وعاينت لي...
-بالمناسبة كلامك الحكيتي لي داك عن ميمونة انا ما اتجاهلتو ووصلت قلت اكلمك اول قبل ابوك ...
*ابوي؟؟!!
بقت ساكتة وخايفة في نفس اللحظة تتصدم بكلام ما ياهو.... متوترة بتضغط علي يدها منتظراه ينطق..
-شهاب ولد نعمة يا هتون...
وميمونة خالتو يعني اختها ...
منططه عيوني واتلفته عليه ما مصدقة البقولو من دون احس طلعت التلفون يدي بترجف بتفتش علي رقم ابوي
جاري الاتصال....
..
محمد جاه تلفون هتون اتكلم معاها وطلع طوالي...

√√||√√

نهي طلعت الحمام تغيير هدومها خلت ام موهوب ومعاها المرا الاسمها المسك... وبتها راقدة في السرير..
(قعدت تهرج )
-كفاية سمت البت #منة دا اسم شنو هسي عايزة تتحكم في تاني علي كيفا هو.. اسم حبوبتا البتول مالو..
ارح ارح طهري البت قوامك قبل اكترو فينا كلامهم..
ابوها موافق..
............
..
...

مع #حبي 😉..

فاطمة قسم الله_ سحر سمير

(كيف س تدخلين الجنة وقد أعطيتني وعداً بأنك سوف تعودين 💛💜)

#غلطتي
(الجزء الثاني)
بقلم سحر سمير و فاطمة قسم الله
-٨٨-
فجأة سمعت صوت رسالة المسنجر بتاعها !
مسكت التلفون ، فتحت ، الرسالة ظاهرة ليها من ايقونة بيضاء (لمن يكون ما خاتي صورة اللي هي الصورة الافتراضيه للحسابات) حتى الاسم م ظاهر ، عاينت لشبكة البيانات لقيتها فاصله !!
م اشتغلت بالموضوع كتير ! و مشيت طلعت عشان اجيب يزن ، لقيت الجو هادي ! فتحت الباب لقيتو نايم في السرير الجمب نهى و نهى نايمة هي و بتها !!

عند شهاب -
#نسمة ! شهاب !! في شنووو .. ادخل ، ادخل !
فجاة من غير مقدمات حضنها ، و مسك فيها شديد و بيبكي .. م قدرت تجبرو انها تعرف حاصل معاهو شنو فا اكتفت بالطبطبة عليه ..
فجأة رفع راسو و عاين ليها ، لقا عيونها في عيونو بي نفس اللمعه اللي دايماً كانت بتقابلو بيها !
قاليها : ينفع ابيت هنا ؟ محتاج ليكي !!
نسمة : عارف يا شهاب ! يمكن كلامي الحأقولو دا ماوقتو ، لكن انت ما بتفرق عني كتير ، نفس الوحدة انا عشتها و ما زلت عايشاها يا شهاب !
اخترت ادرس الطب لانو بيشغلني عن الحياة ! قمت في دار المايقوما لا ام لا اب ، انا كنت عكس الشفع م كنت بتمنى تجي اسرة تسوقني لان الاسرة م كانت بتعني لي حاجة ! اجتهدت شديد و طلعت من الدار في عمر مبكر و اشتغلت و قريت نفسي و اخترت الطريق دا ... من اول مرة جيتيني فيها العيادة كنت شايفه انك نصي التاني ! انا عارفه اني ادخلك كراجل في نص بيتي وماف اي صلة تربطني بيك غير مهنتي هي غلط و غلط كبير ، اي م لقيت اليوعيني و يوريني الصح من الغلط .. لمن ربيت نفسي براي و ....*قاطعا بي بوسة سكتتا و خلتا مستغربه فيهو !
بس الموضوع ما انتهى على البوسة. .. و لكم ان #تتخيلو !!

في جانب ....

#مي قالت : انا ما بنكر كنت منتظرة اللحظة دي من مازن او مش منتظراها لا اصلا البينا ما اخد زمن ، بس كنت خايفه ان الجواي دا ما يكون جواهو خصوصاً ان دي او تجربه لي ! فا قلت ليهو ما حاسي انك اتسرعته ؟
مازن : لا انا ما بحسبها زي ما انتي بتحسبيها يا مي ، المشاعر عشان تتكون م محتاجة وقت ، اللهم بتلقى نفسك مقيد بي شعور اكبر منك و فوق طاقتك .. بس انا عايز اتطمن يا مي !
عندك احساس تجاهي حتى ولو بسيط ؟
مي : أيوة يا مازن بس للاسف ما بسيط .. و تصبح على خير !!
مازن : مي دقيقه ما تطلعي .... مي ، رسل ، رساله ورا التاني و كان بيظهر ليهو (صح واحد)
فا خلى ليها رساله بقول فيها : ‏وانك سبباً لأن أبتسم وأشرق بوجه الحياه كل يوم، سبباً لأن أضع الجميع على الرّف وألتفت إليك .#تصبحي_من_اهلي ..

صحيت بي حيوية و نشاط ما عادي -
فكرت كتير بيني وبين نفسي ، ان شهاب انسان كويس و انا لازم اهتم بيه و ابدا معاه مرحله بالجد جديدة نأسس فيها حياتنا ، كفايه تعب ، كفايه اللي مر بيهو شهاب و مريت بيهو انا .. من حقنا نرتاح ..
فجأة باب غرفتي فتح .. و كان #يزن
فتحت ليهو يديني حضنتو شديد و شميت ريحتو ، قلت ليهو ، رايك شنو الليله نمشي مع بابا شهاب نتغدا برا و نتفسح حبيبي ! لقيتو ضحك كدا و ابتهج .. #امي جات داخله لانو يزن م قفل الباب وراه .. قالت لي : صباح الخييييير ، جيت اشوفك اتاخرتي في النوم كدا !!
قلت ليها : بفكر بس في المشروع وكدا ، اسمعيني ي امي كنت عايزة مرة الغفير تنضف لي بيتي تكلميها لي ؟
_خلاص من دربي دا بكلمها ليك (و بتعاين في يزن)
بقت تهبشو كدا ، قالت لي ملامحو حنينه شديد الولد دا ، بس ليه ما بيتكلم لحد اسي ؟
*ما عارفه والله يا امي مع اني بلاغيهو طوالي من صغير !
_ما صغير كمان يعني مفروض كمان يكون دخل المدرسه !!
*ايوة مفروض يكون في تانيه بس بسبب رحولنا الكتير و عذم الاستقرار والمشاكل ما قدرتا لكن بعد دا خلاص بدخلو رغم انه حيدخل كبير ، طيب يا امي نوديهو دكتور للنطق المتاخر دا ولا كيف !
_ما بعرف والله يا هتون رغم انه نبيه ملاحظة ليهو ، لكن كدي خلي كم يوم كدا ، المهم قومي عشان تنجزي امورك و موهوب في الطريق نشوف كمان مشكلة نهى دي ان شاءالله تنتهي على خير مع ركوب راسها دا ...(و مشت) !
مسكت تلفوني ، اتصلت على شهاب مرة و اتنين ، مافي رد ...

(في جانب شهاب)
#نسمة !! (ماسكة راسها و قاعده بتعاين لي شهاب اللي نايم جمبها) و بتكلم نفسها ، انا كيف غلطت غلطة زي دي !! حافظت على نفسي من الدنيا طول عمري ، اسي في لحظة استسلام زي دي ضيعت كل حاجة !! عاينت لي تلفون شهاب اللي كان فيهو اتصال مني .. لمن زهجت ! مسكت التلفون عشان تعملو صامت ، فجأة شهاب صحى ، بصوت التلفون ، عينو وقعت عليها وهي ماسكة التلفون ،، قام خطفو منها ، شاف مكتوب #هتون
قاليها بي نهرة : عايزة ترد عليها مش و تخربي كل حاجة !!
نسمة : !!!!! شهاب انا كنت حأعملو صامت عشان ما ازعجك !! رووق ! انا البخليني شنو ارد عليها ؟
شهاب : اسف .. عاينو لبعض ب خجل و اتزكرو كيف كانت ليلتهم !!
مشى اتجاها و ضماها و باسها فوق راسها قاليها : كنت خسران طول المدة اللي فاتت دي ، رغم انك قدام عيوني ما كان في زول بتحملني غيرك ولا في زول سمعني غيرك و

#غلطتي
(الجزء الثاني )
بقلم سحر سمير و فاطمة قسم الله
-٩٥-

*ارفعها فوق هناك اي اي ايوة كدا...
الدبدوب الكبير دا ختو لي قدام هنا بس..
ياسلااام اخيرا المحل بدت تظهر ملامحو تفتكر حا ننجح يا مازن؟
-ننجح ونص وخمسة بس نشد حيلنا بالدعايات هي سر النجاح.. عايني انا حا امشي اجيب الطلبية التانية وبالمرة افتش بتاع توصيل...
*(مشغولة بتنضف) حاضر
-هتون ما تنسي تكلمي مي وما تنسي تعملي الصفحة..
*حاااضر ما ناسية خلاص اتخارج..
مازن طلع فات وهتون رتبت الفضل ونضفت المحل كويس.. وقعدت فتحت لابتوبها ودخلت صفحتها في الفيس...
اتزكرت اليوم داك جاتها رسالة ونست تفتحها...
دخلت الرسايل..
لقت مكتوب
السلام عليكم ورحمة الله
هتون.. حمدالله على السلامة كيفك انتِ وناس البيت والدنيا معاك...
اجي دا منو ظاهر زول بعرفني دخلت الصفحة الشخصية لقتا فاضية ماف صورة.. والصفحة فاضية ماف منشورات..
عاينت للإسم تاني مكتوب رجل استثنائي...
بري دا منو كمان اول مرة اسمع بيه بس ما يضر كدي ارد امكن بعرفو..
وعليكم السلام ورحمة الله
مرحب انت بتعرفني؟
ودخلت على اعدادات الاسم وغيرت اسم هتون ل ام يزن... وعملت الصفحة وكتبت الوصف ومسكت تلفونها قعدت تصور في الهدايا والكروت والحاجات وتنزل في الصفحة... كتبت رقم تلفون مازن مؤقتا لما يركبو خط للمحل..
الاسعار لسه ما حددوها وكتبوها في الدفتر بعد ترجع البيت يكون مازن عمل احصائية عشان يسجلو الاسعار...
كمان ختت في بالا تستفيد من امها البتعرف تشتغل بالكروشيه ممكن تسوي لينا فوط وتلبيسات مناديل وكدا تشكيلات حلوة وراقية بفتش في النت وبخليها تعملهم لينا...
جهزت القصاصات الورقية الملونة المطبوعة وبدت تلفها مرة مستطيل وتربطها بشريط هدايا ومرة تطبقها وتغلفها ب شريط.. وبتزين في برطمان مكتوب عليه السعادة،، واحد جمبو الحب،، وغيرو الي صديقتي،، و... الخ..

هتون كانت متفائلة ونشيطة وطموحة واخر انبساطه في الشغل دا والافكار لسه في راسها....
تررن تررن تررن ترررن سمعت اصوات رسايل مسكت تلفونها وفتحتها وبين رسالة ورسالة ما مصدقة البتقرا فيه دا...
مؤمن....
للحظة حست بضيق وتوتر ما عادي.. بقلبها الاتقبض برغم الفترة الطويلة دي كلها الا انو في لحظة بس بسبب اسم جاها احساس ان الحصل دا زي الكان امس...
ما حست ب روحها الا وهي بتكتب بكل طاقة ليها ويدها مع كل كلمة بترجف ما عارفة بتكتب في شنو من شدة الزعل غلط صاح المهم تكتب كلمة ورا كلمة

الله يلعنك انت
الله ياخدك الله ياخدك ياخ اااااه
ما تشوف يوم سمح في حياتك...
~~
دا ح يعوضني عن احساس اني اتدنست...؟
الابيض بقولو هو النقاء وانا فقدت فضيلتي ولا ماف داعي ازكرك بالعملتو لحقت تنسى وبالبساطة دي وبقوة عين مسمي روحك رجل استثنائي.. ولا استثنائي في شنو في الغش والخداع..
في حياتي بقيت بتهرب من اني ارد انك انك كنت زميل لي وصديق قريب وحبيب وكل شي.. بتهرب من نفسي اجيب السيرة دي بيني وبين روحي..
ملعون ملعون
انا بلعن اليوم الشفتك فيه
ابو اليوم العرفتك فيه منو؟
استغفر الله العظيم اليوم زاتو ما عندو زنب..

حست نفسها قايم بعد كل الكتابة دي ولسه قلبها ما اتفشي فيه...
جاتا رسالتو..
#هتون انا ما جايي ابرر ليك موقفي ولا جاي اقول ليك سامحيني بس طمعان تديني فرصة وتثقي فيني من جديد اعتبريه حلم مزعج وصحينا منو هسي انا اتغيرت شديد يا هتون اقسم بالله ما بقيت مؤمن الكنتي بتعرفي زمان انا هاسي جايييك اكفر غلطي واتقدم ليك بسنة الله ورسوله...
*هههههه اتخيل دا كلووو حلم....
بالبساطة دي انت جااااادي بتتكلم جاااادي
لو عملت السبعة وزمتا يا مؤمن
بس برضو ما بثق فيك تاني...
ولو سمحت اديتك اكتر من وقتك من فضلك اعمل لي بلوك زي ما كنت عامل لي الخلاك تتزكرني تاني شنو هسي ولا داير تتم البديتو زمان...
-اكيد لا بس انا سافرت وكونت نفسي وهسي جاييك بالباب عديل وغرضي شريف..
* البتخلا عن زول مرة بتخلا اتنين وتلاتة... نحن انتهينا من زمان من يوم العملتو واتخليت عني وعرضت حياتي للفضيحة انت عارف شنو عليك الله.. تقدر ترد لي كرامتي الاتبهدلت ولا الفضيحة ولا سيرتي البقت علي كل لسان.. ولا اثر الجلد ووجعو..ولا السنين الضاعت من عمري ولا مستقبلي ولاشنو، ولا شنو ولا شنو.. المنك ما تظهر قدامي تاني نهائي ولا قدام اهلي لانو ممكن يقطعوك ويرموك للكلاب لحم حي...
عاين ياود الناس انا ما عندي ليك شي وكفاية العملتو فيني ولو قلت اني بسامحك ولا بنسى العملتو فيني ابقى كضابة.. عشان كدا اختفي من قدامي اخير لي وليك...
وكلامي دا ولا شي من الغبن الجواي اتجاهك لاني كرهاناك وكرهانة سيرة اسمك...
- مؤمن كان مركز في الاسم الاتغير من هتون ل ام يزن وكل كلاما الكتبتو دا ما انتبه معاه
ممكن سؤال واوعدك اني تاني ما بظهر قدامك
انتِ اتزوجتي؟
*ايوة وعندي ولد اسمو يزن ف ياريت تخليني اكمل حياتي مع راجلي تاج راسي العرف يصوني ويعوضني.. انا بحبو ومبسوطة معاه.. وياريت تفارق دربي..

!
انا تخلعته م اتوقعت لمن البطاطسايه اتزحلقت من يدي !!
امي قالت ليهو : طواااالي يا محمد كلمو ..
ابوي بي حماس شديد اتصل على ممدوح و كلموووو !!

(في جانب سكينة)

اسمعي ... انا تعبانه دايخة و جسمي دا ما شايلني
عشان م اخرب عليكم السهرة الليلة ،، بمشي ساي لكن ما تشبكي فيني واحد تاني عليكي الله ... وبعدين انا خلاص عرفت لي واحد مغترب بس شكلو لسه ما فتح الواتس بتاعو... حا اخلي دربك دا...
فجأة رمت ليها جهاز .. قالت ليها بخلعه اعمل بيهو شنو ؟؟
قالت ليها بما انك غبية ، اتوقع انك تطلعي حامل من الراجل بتاع المرة الفاتت الدخلتي معاه...
اتخلعت سكينة لانها كانت مستبعده حاجة دي دي ،، و جرت على الحمام ...
دخلت وجات طالعه ماسكة راسهاا....
قالت ليها اهاااا ، حامل صح ؟؟
هزت ليها راسهاااا .... انا اعمل شنو اسي في المصيبه دي !!!
انسي اسي الناس منتظرننا .. خلينا نمشي لمن نرجع نفكر في حل !!
.... اتلبسو و طلعو!!

(في جانب نعمة)

بعد وقعت ..اتلمو عليها ..بقو يفوقو فيها من هنا و من هنااا...
لمن قامت ورفعت يدها قالت ليهم #بي دستوركم . يلااا ي بت سخني الدلوكة دي تعالي يا ودعه جيبي طلبات الاسياد و جهزوو الديك ...
و رجعت وقفت في النص و بقت ترقص و تنزل في الارض و تتحرك بقوة كانها ما مرة في العمر دااا ..
و جات وحدة كدت ليها القروووش وبقت توسوس ليهو و هي رافعه يدها و بتقوليها دستورررر دواااك عندي ....
و فجأة الصواريخ و السكاليب ... بمنظر البوليس وهو داخل !!!

#سكينه بتقول :
كالعادة سهرة كل يوم في نفس المكان ..
حاولت اطلع من القرف دا بس كل ما القي منفذ تاني الامور تجوط ما لقيت حل حاولت وحاولت بس الظاهر انا اصلا مصيري كدا واستسلمت..
قلت ليها خلاص بعد اخلص دوامي بكرا طوالي بجيك مش قلتي الزول دا بديني القروش كاش طوالي .. خلاص موافقة انا مستعدة اعمل اي شي بس اتخارج بأي طريقة من الحمل دا ..

(في جانب نسمة)

نسمة : عارف ! (بتشيل من الدولاب وترص في الشنطة ) انا عارفه من خلال كلامك ان هتون جميلة ، لكن ما اتوقعتها للدرجة دي هه .....!!! شهاب !! ..شهاب!!
اتلفتت ليهو ، لقتو سرحان !! قالت ليهو مالك ما بترد !!
شوف يا شهاب ،انا ملاحظة ليك منطفئ كدا من وقت اللي حصل بس ماقادرة احدد جواك انت حاسس بشنو بالضبط...
بس مبسوطة انك اتقبلتا فكرة العلاج بالطريقه دي ، هي صعبه و ممكن تسبب اكتئاب ، لكن بالارادة كل حاجة بتتم وبرا الطب متطور و يمكن في خلال 6شهوور تتعالج من #البدوفيليا !
انت مالك ما بترد علي !!
قاليها : مصدع شوية يا #هتون !!!

#استككانة🥛....
مع حبي🌼
يتبع ...

سحر سمير _فاطمة قسم الله ....

الي..
-كنتي عمياء انتي عديل عزبتني لما وصلت ليك..
ركبنا العربية ال كان سايقها مازن ومي ركبت معاه بقدام..
اتحركنا علي الصالة...
اول ما نزلنا الناس دي جات طالعة لما عرفونا جينا..
بتاع الكاميرا طلب نمشي براحة وصوت الاغنية رومانسي هادي جميييل...
حسيت اني طايرة من الفرح وقتها وانا ماشة في الفرشة الحمراء ويدي في يد ممدوح ماسكني قوي وكل شوية يجي علي ويهمس لي بكلام بس وقتها ما كنت فاهمة منو اي حاجة...
اول اغنية والتانية رقصنا مع بعض.. وطلعنا لانو قدامنا سفر.. مسافة رجعت البيت وغيرت هدومي وودعتهم..
اصعب شي يزن خلاني ابكي عديل...
عشان حا افارقو اسبوعين اول مرة.. وصيت امي وابوي عليه شديد يخلو بالهم منو..
طلعت منهم وانا ببكي تقول ما جاية تاني..
ركبنا العربية ولما اتحركنا شفت امي كشحت جك موية ورانا...
بعاين ليهم لما هديلك اختفو من قدامي...
وصلنا المطار ما كنا شايلين كتير شنطتين بس..
مسافة دخلنا جوه قلت ل ممدوح انا عطشانة مشي يجيب لي موية فجأة لمحت لمحت #سكينة اصلو ما ممكن بقيت بعاين ليها متفاجئة فيها وشايفاها بتنضف في الارض...
جا ومشينا نتم الاجراءات بتاعتنا ولما انتهينا خلاص ونحن داخلين علي البص للطيارة...
*ممدوح دقيقة بس هسي بجيك
-هتون ماشة وين
ما رديت عليه مشيت طوالي قصادها وهي كانت مدنقرة تحت بتنضف.. غمته ليها قروش في يدها وقبل امشي عينا جات في عيني خليتا واقفة ومشيت...

...................

هتون هتون جاني صوتها بغيظ بس انا كنت دخلته خلاص...
(جانب سكسكة)
كانت واقفة و شافت موهوب ماسكها وطلعو علي البص ما قدرت تستحمل المنظر جدعت القروش الادتهم ليها هتون وطلعت طوالي بعد طلعت ملابس الشغل اقرب تكسي ركبتو ومشت علي المحل الوصفتو ليها البت...
مسافة زمن ووصلت
دخلت البيت بس كان على غير العادة بنات كميه و رجال ، البيت زاتو كان في مكان غريب ، و المنظر ولا ديسكو في شارع من شوارع امريكا ..
انا شفت حاجات كتيرة في حياتي بس الجو دا كان وسخ شديد لكن كان عاجبني ، و كان كل همي كيف انزل الفي بطني دا عشان ما اكون مقيدة ...
شفت الرجال والشباب الصغار و الكبار و بما اني جميله م قدرت ابعد من اي واحد يجيني ، بس كنت ملاحظة ل ان في واحد متلثم حايم في النص و رفع تلفونو وكان لافت نظري شديد ...
بس لمن جاتني وغمزت لي علي واحد مشيت اتعرفت عليه و اداني كاش طوالي دخلت معاهو في غرفه اصلا كانو فيها اتنين عشان تشوفو كمية الوساخه ....
بس للاسف ، م عارفه اسمي اليوم دا شنو .. و داهمتنا الشرطة و ما لقيت طريقه اشرد مع الناس الشردو ، و اتمسكته بنفس المنظر الزمان ، ههه لالا دا اوسخ حقيقتاً ... و انا ممسوكة لاحظت لملابس الكان متلثم ومغطي وشو واسي فاتحو انه واحد من الشرطة و هو اللي بلغ ....
وارجع اقوليكم ان الله يمهل ولايهمل ....

...............

طلعنا الطيارة ممدوح كان ماسكني من وسطي قال لي اتمني امنية وقولي يارب وجراني عليه شديد..
دخلنا قعدت جمب الشباك ختيت راسي علي كتفو براحة شديدة و ريحة انفاسو همست ليه بحنان
#ممدوح
#بحبك
ضغط علي يدي شديد وعاين لي.. الله يديمك لي نعمة يا #هتون
#بحبك.

لله انا وقلبي وحيرتي
وضياعي واحلامي وامالي
لله فرحي وحزني والمي
وروحي وراحتي وطمأنينة قلبي
لله صبري وقوتي وضعفي وتشتتي وافكاري
لله ما وضعه في قلبي من حب وود ومعزة
لله امري كله وعليه اتكالي واتزاني
وجميع امور حياتي..
الحمدلله علي وجود #اسرتي سندي
وعلي #ممدوح اجمل هدية

#النهاية

..
..

مع حبي🌼

سحر سمير _فاطمة قسم الله ....