#غلطتي
بقلم سحر سمير و فاطمة قسم الله
-٢١-
اوضة مفرشة اربعة سراير حديد مرتبة واحدة في السرير القاعدة فيه والباقيات مغطيات ب ملاية مخيطة..
الارض تراب احمر بس ماسك زي الداقنو دق ناعم مرشوش.. السقف خشب وشبابيك حديد باللبني قديمات
كل شي قديم حتي ريحة الاوضة قديمة..
فجأة سمعت..
ايوووووووي يووووووي يووووووووي..
نهي قامت مخلوعة من السرير القاعدة فيه..
طلعت في السرير حاولت تفتح الشباب قلبها مقبوض كانت خايفة من ال في بالا..
جاها صوت وهي بترجف تفتح الشباك..
خلاص عقدو..
منو؟ راسها لا اراديا براه اتلفت علي جهة الصوت وهي كلها بتتنفض..
امي..
جرت عليها ووقعت في حضنها بتبكي،، حست امها جامدة باردة دموعها جارية بس حستها مغلوب علي امرها يائسة..
قبل تتكلم معاها دخل عمها الفاضل وبعدو عوض..
نادا مرتو ب صوت عالي
تعالو جهزوها.. قال ليها
فوزية * بصوت متجهم وقوي* وعي بتك وكلميا وانتي عارفة كان سوت شي ما بحصل خير..
ورزع الباب ب عصايتو (نطيت)... وطلع
*نهي: في شنو يا امي؟
ما كان هاميني عقدو علي ولا لا بقدر الخوف والهلع الجواي وتفكيري في هتون والحاصل عليها شنو.. تفكيري في الزلة الانحن فيها والقرارات النزلت علينا غصب اكتر من ظلم كدا في..
_فوزية: ممكن تطلعو عايزة اتكلم مع بتي شوية؟
ردت ليها مرة عمي:
_حكم يخواتي وغازة يدها في نصها لابسة ليها جلباب هزاز مشروط ب جمبة مرا كلها كوم لحم ظاهر عليها مستقوية ب عمي..
طلعت بس كدا والله ما قدرت امسك نفسي
هم يضحك
*امي عايني ليها بتمشي كيف واتفقعت ضحك
امي زاتا اتفقعت ضحك معاي ل ثانية اتمنيت نرجع زي ما كنا لما نضحك بالطريقة دي..
فجأة فكرنا لل النحن فيه تممم سكتنا من تاني..
_امي: يانهي الفاس وقع في الراس وعمك الفاضل عقد ليك علي #موهوب ولدو
نفضت يدي من امي وبي قسوة رميت ليها الكلام بدون ما احن عليها..
*عايزين تدفنوني انا كمان بالحيا.. زنبي شنو انا يا امي وريني زنبي شنو عشان ابوي يرميني الرمية دي..
انا قلت كلامي ولو فاكريني ح ارضي بيه تبقو بتحلمو وانتو الخسرانيين ولو ما قادرين تقيفو قدام عمي الفاضل دا ل شي في نفسكم انا ال حا اقيف قدامو..
وكرررب دفرت الباب طالعة..
فوزية قامت وراها بخلعة
نهي لا نهي...
انتي ماعارفة شي
.......

عسكري سعاااد(بصوت قوي )
سوقي المتهمة
جرتني من يدي بقوة وانا موجوعة اصلا جسمي كلو بنهش فيني..
دخلتني السجن الانفرادي تاني وبعد قفلت الباب قالت لي
سعاد: سجمك احسن تعترفي قبل يختوك في راسهم الجماعة ديل صعبيين شديد بالذات الكفكفت ليك يديها وضربتك دي عادي يلفقو ليك بلوة...
ختي عقلك في راسك تعرفي خلاصك..
مشت..
سعاد سعاد اقيفي بس ناديتا بس ما عبرتني
خوفتني زيادة وانا في يدي شنو واحدة لا عندها سند لا ضهر ممكن اندفن هنا واموت ماف زول بسأل عني..
اذا اهلي نسوني ال حا يتزكرني منو(بتبكي)
صلاح....
جاها الاسم دا علي بالا..
المشغلاكي منو قلت ليك؟
قشيت دموعي واتصلحته في قعدتي.. بفكر في التحقيق..
منو صلاح ومنو المرا،، انتي بقيتي ضعيفة كدا مالك يا هتون..هتون العمرها ما كانت بتستسلم بالسهولة دي وتخلي الما يسوا يستقوي عليها..
انا لازم اصل ل بداية الخيط وانقذ نفسي بنفسي..
دا العلمنا ليه ابوي وامي..
بكت شديد لما اتزكرتهم..
قررت خلاص ترضي بالامر الواقع عشان تقدر تساعد نفسها..

*من جانب خفي تاني*
الووو انا....
عايز اقول ليك البت الاسمها هتون دي قصتها شنو بالضبط،،في الملف مكتوب تهم غريبة ماااا واقعة لي في راسي..
ما معقول بت زي دي تتورط مع صلاح دا والمرا المكتوبة... وبعدين الوش بتاعها دا جديد اول مرة يلاقيني..
ابوها دكتور جامعي محمد احمد تاج السر ابودومة وامها استاذة..عملت تحرياتي كويس الاسرة دي اسرة محترمة وسجلها نضيف جدا.. وحتي البت ما عندها سوابق قبل كدا...
ف معليش عايز اطلب طلب منك سيادتك ممكن....
~ ~

اقيف هنا..
الصوت جا قوي 💪
ما خفت ولا اترددته
*نهي: عمي الفاضل انا بتكلم معاك اتلفت علي ولا انا مرا برضو ما عندي كلمة زي نسوانك واي مرا في الحلة..

الساعة اتلفت علي ودقه عصايتو في الارض بعصبية..
الفاضل: وليك لسان تتكلمي يابت محمد ابودومة
ابوي جا جاري طالع وجراني
ابوي:معليش يا اخوي البت صغيرة لسه بتتكلم ساي
الفاضل: بناتنا القدرا بي اولادهم مشو.. انتي ما وصيتيا يا نهي...* حدر في امي شديد*
امي:وصيتا يا حاج الفاضل وصيتا..
الفاضل:محمد عندي كلام معاك..
....
جريت يدي من امي وكوركت ب اعلا صوت عندي انا ما محمد ابوي ولا فوزية امي عشان انت تتحكم فيني..ولو كنت فاكر ولدك العقدت لي عليه دا ح يمشيني تبقي وهمان يا عمي انا نهي محمد تاج السر ابودومة كلمتي بتمشي علي روحي بس🔥..
ياااااااا محمد ورفع العكاز علي..
........
(صرخته بطول حسي ورفعت يدي غطيت بيها وشي).
.
.

مع #حبي 😉..

فاطمة قسم الله_ سحر سمير

#غلطتي
بقلم سحر سمير و فاطمة قسم الله
-٢٢-

الباب فتح حسيت بالنور،، فتحت عيوني ياالله لاني نمته ما مافي موضوع غير النوم..
جاني صوت السجانة
_يلا افراج من الانفرادي قومي علي شغلك..
*شغل شنو وانا تعبانة كدا ما فيني حيل الله يرضي عليك..
_برا دلع معاك مافيك اي حاجة وانتي لا اول واحدة ولا اخر واحدة.. يلا يلا اتحركي..

جرتني وراها زي الكلب..
مشيت معاهت وبديت اشتغل..البنات كتر خيرهم ساعدوني وحتي الاكل غصبوني اكلو قعدو معاي ونسوني وضحكوني عشان ينسوني الانا فيه..
البنات البقولو عليهم انهم خريجات سجون وتافهات وصايعات ومامحترمات وفلتانات طلعو احن علي من اهلي...
_ جات السجانة
هتون ابودومة اجهزي عندك تحقيق...
*في شنو تاااااني انا تعبته والله تعبته خلاص وما بقي فيني حيل للنهزرة والملطشة يودو فيني يمين شمال ماف زول حاسي بي ياالله اخدني وريحني..ليي ما اخدت امانتك يارب اخدني..(بتشهق بالبكي)
حسيت ب يد في كتفي
_معليش يابتي اصلا وقوع البلا كلووو بجي مع بعض..
اتلفته اشوف دي منو..
*بس يا خالتي دا كتيير علي شديد غلبني خلاص استحمل وانا مرمية الرمية دي لا رفيق لا ونيس لا عدل كل شي بقع في راسي وكل يوم موضوع جديد..
_اها عايني حواليك شوفيهم الام البي ولدا والبت الاصغر منك والمتزوجة واطلقت والقبضوها ب دين والمظلومة الغشوها ناس الدنيا وقصص مسجونات توجع القلب..
بس رضو بأمر الله وعايشين حياتهم مبسوطات وعارفين طال الزمن او قصر طالعين طالعين..
*همم طالعين..وانا كان طلعته امشي وين؟!(تبكي)
_ما تشيلي هم نهائي كل حاجة بي وقتها..
ارتحت من كلام المرا دي شديد وطبطبتها لي..
قمته وعندي امل اني ح اقدر اطلع قريب وكل شي ح يتصلح...
جابوني التحقيق تاااني ونفس القصة كوراك وضرب واهانات مصريين يثبتو التهمة فيني بالغصب..

_سعادتك شكلا البت دي ما بتجي بالدرب واصلها كدا كدا منتهية...
نحولا للقاضي تاني و.....
قبل تتم كلامها قاطعها صوت السجانة
*معليش للمقاطعة سيادتك بس وهمست ليها ف اضانها..
_تمام سوقيها.

مسكتني من يدي وانا ما فاهمة حاجة في شنو والحاصل شنو وليي اتحول تاني للقاضي عملت شنو تاني وهسي موديني وين ستين سؤال في راسي...

(حلة الحموراب الايام دي لاقيين ليهم موضوع بقي لبانة يلوكو فيها في كل خشم)
(في البيت الاجرو ابوي وقعدنا فيه )
وقتها نهي كانت بتتشهد خلاص ح تموت
يابا
رفعت راسها لقتو ولد وقف قداما
يابا المرة دي انا البأدبا بعد كدا ووقت رفعت صوتا عليك الله الخلقني اخليها تسف التراب وتقع تحت رجلك تبوسا ليك..
طاااااخ جاها كف لما رببب وقعت في الارض..

طبعا ب الكواريك والكلام الحلة دي فارت في دقيقة والشمار ما بنتظر النجاض..
رجال ونسوان دخلو البيت يتفرجو..
_ العن الشيطان ياحاج الفاضل استهدو بالله.. ارح ارح علي الديوان كل شي وليه حل..
عمي الفاضل جرا يدو وبي صوت عالي كل الناس دي رجفت وصنت تمممم
(فوزية سوقي البت جهزيها والليلة دي القطنة تتجدع ورا الباب والموضوع يتم )
وعلي طلاق تلاتة ما يتم لا انت اخوي لا بعرفك يا محمد وكلامي القلتو ليك يومتا مافي شيتن بمسح العار الا الدم وابقي قدرو...
ارح يا عوض اخر الزمن مرا ترفع حسها علي...
......
ساقو نهي بتبكي باعلا صوت وتكورك
ياابوي حرام عليك انا بتك من لحمك ودمك تسوي فيني كدا..كان ما جينا من الخرطوم الكان حا يحصل شنو علي الاقل ما كنا انزلينا كدا..
ابوي ابوي رد لي..
امي جرتني ونهرتني شديد ومسكتني من يدي
*امي: نهي اسمعي هنا اووووعك اووووعك اسمع حسك بتبكي تاني وقدامي علي جوه عندي معاك كلام..
~~
قشت دموعها ودخلو الاوضة
امي: خلاص الحصل حصل وانتي بقيت مرتو واسمعي هنا بالكضب بالعديل سمعتي عمك قال شنو..
نهي:كان اموت ياامي #موهوب دا ما حايقرب مني
امي:ماف شي بي يدنا نسوي شنو(اتلفتت مني وقعدت تبكي)
نهي:امي امي بتبكي كدا في شنو قلبي ما مطمن انا نهائي عمي دا قال ليكم شنو خلاكم تسكتو وترضو بالطريقة دي...
امي:عمك قال وقت ما عرفنا نستر هتون مابنتظر فضيحة تانية تكسر الضهر وكان ما وافقنا ح....
نهي:شنو يا امي قولي عمي قال شنو؟
امي:ح يغسل فضيحتنا ب دم هتون..(تبكي)
نهي:كيف يعني ما فهمت(بخلعة)
امي:حا يضبح هتون يا نهي حا يقتلا(وتبكي)..
نهي:شنووو
سكتت ومن جواها ما عندك حل يا نهي لو اتماديتي وختيتي راسك ب راس عمك ما حا تصلي لحاجة فكري يا نهي وطاوعيهم لما تصلي لمقصدك تاني لكل حدث حديث..
رفعت راسا بي ثقة وفتحت خشمها..
انا موافقة يا امي
جهزيني...
.......

طلعوني العربية وتاااني رجعوني القسم
طق طق طق تلاتة نقرات علي الباب
_ادخل
تمام سيادتك المتهمة
_خلينا واقفل الباب خليك برا..
هتون محمد احمد تاج السر ابودومة
*كنت مدنقرة راسي تحت بس ما نطقت بأي حرف..
جسمي اتنفض لما حسيت ب يد بترفع راسي..
_عايني لي
*زحيت وانا خايفة ومن جواي ستين احتمال واحتمال اولها ح يسوي فيني شنو؟
..........
انتهي التحقيق التاني رجعت السجن منهارة شديد ببكي مقهورة...
لقيت حضن خالتي ال

قبيل امان رقدت عليه افتش عن لحظة راحة كان القاها....

~~~
كررن كرررن كرررن رسالة واتنين وتلاتة جات ل سكينة..
قامت اتنفضت من السرير فتحت تلفونا بتقرا
كيف يعني الله يلعنك يا مؤمن دايما مجرجرني وبسببك ح ننتهي...
مسكت التلفون وضربت ليه لقتو مقفول..
لبست سريع وطلعت تشوفو وين...
......
~~~~
قول ليهم خلاص جهزت يجو..
لبسوني توب حرير احمر خفيف مشغول بالدهبي وشبشب عالي بالدهبي...
امي مكيجتني مكياج خفيف وسرحت لي شعري فكتو نازل...
عمي الفاضل وعوض كلهم جو وابوي واقف بعيد
طلعوني ل جنازتي...
كورك فيهم بصوت عالي زغردن يا نسوان مالنا في جنازة الا مرت عمي كانت بتحدر لي واظن نفسها تخنقني وتنتهي مني ما رضيانة ل ولدا يعرس العرسة دي لا حنة لا حفلة بس الكلام عند الكبير...
الزغاريد زادت
ايوووووي يووووي يوووووي
ابشر ياعريس ابشر ابشر
العريس جا..
ما عايزة اعاين ليه جواي حقد وكره عجيب بقيت مدنقرة بس في الارض..
يدو مسكت يدي قوووي اتوجعته حاولت افكها بالغصب ماقدرت كان ماسكها بقوة كأنو بعاقب فيني عشان اختي..
طلعنا من حوش بيتنا الجديد جابوني ناس جدي و دخلونا اوضة كنت ببكي مقهورة من البحصل لي..
رقدت في السرير وانا ببكي مغمضة..
حسيتو حسيت بيه قعد جمبي..
قلت ليه اعمل العايزو بس ما تفكر اني اديك ب رضاي..
ولو كنت فاكر انك حا تمسكني من يدي البتوجعني زي عمك تبقي غلطان وابقي ما ولدتني امي فوزية..
جاني صوتو..
_نهي انا اسف علي الكف الضربتك ليه..
فتحت عيوني وقمت نطيت من سريري بخلعة
*انت
_ايوة انا موهوب راجلك
خلاص عيوني بقن شرار كرهتو قبيل ووقت عرفتو دا عريسي كرهتو زيادة ما بقيت طايقاه..
فجأة كو كو صوت الباب ضرب بقوة..
جا صوت مرا #موهوب بشر.. ابوك منتظر
عيوني جات في عيونو ماف حل...
استسلمت ليه
صرخته صرخت الم علي هتون..
..
..
و
" في لحظة سكون و تفكير عميق ، نهى كانت بتتكلم بينها وبين نفسهااا !!! "
موهوب ... موهوب ...
امممم طيب يا عمي ! انت تأمر و انحنا ننفذ
عشان تعرف ان كلامي م كان كلام انفعال يا عمي الفاضل ، وقت المسكنة خلاااص ....بح ، انتهي !!
و مالو ...
ركوب الراس حالياً م حل ، مضطرة استسلم على الاقل اسي ..
و مرحب بيك يا موهوب في حياتي ، مرحب بيك شدييييييد يا ود عمي الفاضل هه..
....

مع #حبي 😉..

فاطمة قسم الله_ سحر سمير

#غلطتي
بقلم سحر سمير و فاطمة قسم الله
-27-
#غلطتي27

جا موهوب داخل شايل اغراض البيت ، وداها المطبخ و جا وقف عاين للجبنة ، قال ممكن اقعد ؟؟
ميادة قالت ليهو : ي سلااااام ومديك احلا فنجان كمان ، رد بي ابتسامة هاديه جداً و قعد و ما رفع عينو فيني - برنامجنا انا وموهوب بينوم من قبل العشاء بصحى قبل الفجر و يطلع و تاني م بيجي الا المغارب .. ما بيحصل بينا اي كلام ...
بقت ميادة تتونس معاه و بتقوليهو وهي فرحانه ان نهى حتعلمني الكتابه .. و كان بس بيرد بي كلمة او يبتسم : بالنسبه ل موهوب و العرفتو من ميادة عن #موهوب انه : ( شخصيتو قوية جداً وهو اليد اليمين ل ابوه الفاضل وفي نفس الوقت طيبان وزي ما نهي اتغصبت علي العرس هو كان مغصوب ).
و بعد سكوت ، الشي الما اتوقعتو انه تااااني فجاة :
ميادة سألتني من هتون ، قالت لي هتون حلوة زيك كدا ؟ اتخيلو رد ليها موهوب ، و قاليها ، بنات ابو دومة كلهم زي قمر ١٤ ما عندنا بنات شينات و ضحك ....
انا كنت مصدومة !! هما عادي متقبلين سيرة هتون !! يعني ما زي ناس امي وابوي و اعمامي و الناس دي كلهااا ، م قدرت اسكت عن سؤالي : قلت ليهم : انتو ما كارهين هتون ؟؟
ميادة : في النهايه لحمنا ودمنا ي اختي احنا بنسمع سمع و ما عارفين الحقيقه وين .. وانا المرة الفاتت والله يا نهي ما قصدت اضايقكك ب سؤالي بس التعبير غلبني كنت عايزة اتقرب منك وافتح معاك موضوع واكسر الحاجز البينا وكمان كنت شايفة الوجع ف عيونك..
موهوب : ......... م رد ! خت فنجانو وقام !
بعاين في ميادة اللي م اتوقعت انها تكون بالعقليه دي ، صحي ما كل اُمي جاهل و ما كل متعلم ، مُتعلم !!

اما انا -
فجأة الجرجرة وقفت و التحريات الكانت ورا بعض وقفت بس م كنت متوسمة خير ابداً ..
اكتشفت ان الوضع مفروض عل والسجن لا بد منه ف احسن اتعود ، لحد ما اصل لـ صلاح دا ..
طلعنا الحوش بعد نضفنا و قعدنا ، اخدت لي رُكن براي ، و كنت بحاول اربط الاحداث ، و قلت اكيد صلاح دا تبع سكينه !! طيب كل دا عشان مؤمن سكينه عملت كدا و بقيت بفكر ..
لحد ما جاتني وحدة من المساجين ما بعرفا بس بشوفا ، قالت لي اها يا ش.. و فجأةبقت تتلفظ علي بي امي و ابوي ، و اني وقفت من جرجرة التحريات و اني عرضت جسمي رشيتهم بيه و سكتهم ..
كل دا وانا قاعده بسمع فيها وانا قاعدة على رجولي ..وقفت ليها قصادها ، قلت ليها #حارقك شنو انتي !!! عاينت ليها من فوق لتحت (عين حقارة) قلت ليها واضح ان جسمك ما قدر المقام وفكيت الضحكة .....
بس هي كمان بي دورها ما سكتت ، و رزعتني كف !!
قلت ليها انتي قدر الكف دا !!
و شمرت اكمامي و دفرتها بي رجلي في بطنها لمن وقعت هناك ، و بي صرااااخ قلت ليهاااا قوووومي قومي ( و الما واقف يتفرج منو ) !!
قالت لي يابت ال..... قلت ليها قووومي انا ما بستغل ضعف زول ، طول م انتي واقعه كدا انا الاقوى انتي بديتي دا ابقى قدروررو و بقيت بكورك كفاااااايه كفايه كفايه ظلم و طيبه ، لحد متين !!!
الواضح انكم بتستغلو ضعف غيركم ، البسكت ليكم دا بتطلعو ليهو فوق راسي ، و لكن يمين بالله من الليله .. من الليله دي ما ابقى بت #ابو_دومةو الكلام دا يوصلك ويتعداكيو و يتعدى اي وحدة في السجن دا !!!!
انحنا هنا كل وحدة عندها مدة ، احترمو نفسكم و خلونا نقضيها بسلام ( وديك في الواطة ماسكة بطنها و بتتململ ) ...
ردت وحدة قالت م تكون حامل !!؟ قلت ليها حق الحرام م بيدوم !!!!
نزلت اكمامي و رجعت طرحتي في اكتافي و رجعت شعري كعكة و رجعت قعدت في ركني و خليت الناس لسه ملمومة ......
جو العسكريات بتكلمو والحصل شنو و كلام زي دا و الغريبه مافي وحدة من العساكر قربت علي ولا قالت لي حاجة !!!!!

*في*جانب*مجهول*

*السلام عليكم
_وعليكم السلام ..
*صلاح انت !!! صح ؟
_اكيد اذا انت اتصلت علي و قلت عايزني في موضوع اكيد ، لخص بس عشان م عندي وقت
*ولا انا عندي وقت !!! تشرب شنو ؟
_سبقتك اطلب انت !!
*شوف يا صلاح ! الموضوع حساس جدا و انا م داير غير انك تكون متعاون معاي ، لاني ما وصلت بالساهل !!
_امممممم خش في الموضوع !!
*شوف الصورة دي كويس (صورة هتون) !!!
_ دي منو ؟؟؟ ( وفعلا ملامح التعجب كانت في شكلو )
*متاكد ما بتعرفها ؟
-لا ابدا اول مرة اشوفها والله العظيم
*يبقى شكي في محلو وكنت واثق ان في حاجة غلط شوف يا استاذ صلاح .........

#غلطتي
بقلم سحر سمير و فاطمة قسم الله
-٢٩-

في جوفك مُضغة لن تستطيعي التحكّم فيها، لكن إن حصل واقتحم الحب الصّادق قلبك استودعيه ربك، سيأتيكِ به أينما كان ..🍂

......~~
وقرب علي نهي القاعدة في السرير!! ومد يدو.... ب
ال تزاكر..
#موهوب(دموعها من دون تحس نزلو )
_لالا من يوم الليلة ما داير اشوف الدموع دي تاني لو عارف كدا ما كنت وريتك ليهم..
*هههه لا دي دموع فرح..كنت فقدت الامل لما امس نهرتني وقفلت الموضوع واديتني ضهرك نمته..
_هتون زي ما هي اختك هي اختي كمان من لحمي ودمي وانا مستحيل ابني سعادتي علي تعاستك يا نهي ختي دا في بالك..
ويلا ما عايز رغي كتير قومي جهزي شنطتنا ورانا مشوار طووويل..
قامت سريع نطت من السرير وهي بتضحك وهو براقبها ب طرف عينو...

وهو كذلك...

(في السجن)
كنت بره شغالة وبعد خلصت العلي جيت راجعة شايفة النسوان متلميات وصوت بكي.. دا صوت خالتي
جدعت المقشاشة وجيت جارية
مخلوعة
خالتي خالتي كدي زحو لي في شنو؟
من شافتني قلدتني عليها ( هي يا هتون ) اااا ااااا قعدت تبكي زيادة بوظت اعصابي واتفتحت انا زاتي بالبكي..
ياخالتي في شنو مالك بتبكي كدا الله يرضي عليك قولي لي مالك بتبكي بحرقة كدا اول مرة اشوفك بالمنظر دا...
_اختي اختي يا هتون ماتت اختي مااااتت صغيرة وجاهلة ما شافت للدنيا شي ماتت قبال اشوفا واشبع منها (وبتقش دموعها بالطرحة وعيونا وارمة ومحمرات)
*دي الحكيتي لي عليها
_اي ياها زاتا لا عندها سند لا عندها ضهر غيري فاتت وخلت الدنيا دي(وتبكي)
*وانتي القال ليك الخبر دا منو؟
_هسي مديرة السجن بلغها واحد جيرانا كتر خيرو جا لحدي هنا..
حضنتها علي وقعدت ابكي معاها عسي ولعل اخفف عنها شوية..
........

_شوف يا استاذ صلاح........
(دا فلان الفلاني اسمو الضابط ممدوح الاستلم القضية)
(رفع راسو مركز معاه شديد)
بالواضح كدا بدخل ليك في الموضوع طوالي انت خاتنك في بالهم وحاليا قالبين عليك الدنيا وكلها مسألة وقت وح تتكمش..
نفض يدو من كباية الشاي..
*فوضي هي الحكاية علي مزاجهم ولا ماف زول غيري يقبضوه ويتبلو علي بالتهم..لا يا استاذ انا المرة دي في السليم وفي حالي ما عامل اي شي...
_ها هههه قلت كدا طيب ايه رايك شايف البت الوريتك ليها دي حصل ليها...(كذا وكذا) وحاليا مفتوح ملف طويل عريض بالبونط مكتوب اسمك اسمك يا صلاح.. ما غيرك وكل الادلة ضدك..
*قلت ليك انا البت دي ما بعرفا واول مرة اشوفا وعن اذنك انا ما فاضي ليك..
قبل يقوم ترررن ترررن تلفونو ضرب..
*الووو.... اي
......
ورب قعد في محلو....
..............

في اثناء ماحاضنة خالتي في نفس الوقت عقلي كان مشغول لما راسي بوجعني..
زياراتو لي كترت !!
حتي المسجونات بقن يلاحظن وكترت الكلام ح يجيب لي الهوا..خالتي زاتا بقت تلمح لي بس ما عايزة ترمي الكلام عديل...
طيب هو لي ما عايزني اعرف عنو اكتر؟ حتي اسمو ما عاوزني اعرفو هدفو شنو؟
فعلا زول غريب جدا..
علي اي اساس ساي كدا يحاول يساعدني من دون سابق معرفة حتي.. همم قال شنو اسمي هو اللفتو..
يكون بحبني؟!!
سجمي بحبك علي شنو يا هتون بس في زول عاقل وزيو هو بالذات يحب لي واحدة زيي مكموشة في قضية زي دي اذا اهلي اتبرو مني هو وحتي لو هو قبلان بي اهلو مستحيل يرضو....
و قطع تفكيري صوت السجانة وهي بتقول لي #اتحركي
#هتون عندك زيارة
قمت من خالتي
*معليش ياخالتي هسي بجيك
_جرتني من يدي شايفة زياراتك كترت ما يكون ال بتكلمو بي صاح ياهتون...
*جريت يدها مني وقلت ليها #خالتي انتي عارفاني كويس ومشيت...
....
دخلت غرفة الزيارة و انا مدنقرة راسي ..
و م عاينت الجاني منو لاني متأكدة منو ، قلت ليهو اها دي اخر زيارة اقابلك فيها كان ما قلت لي اسمك ..
بس الصوت الجاني ، م كان صوتو !!!
صوت من سمعتو بقيت برجف ... رفعت راسي و كانت المفاجأة .....
#نهي
نهي ياالله نهي ما كنت قايلاك ح تجيني انا اا انا حتي م ما اتوقعت دي انتي..(بكورك ب فرحة)
#هتون اختي حبيبتي(كانت بتعاين لي بخلعة بترجف)
بقينا نبكي واقفات بنعاين ل بعض بنتأمل في ملامحنا زي تقول بنحاول نكتشفها من اول وجديد..
ب لهفة وفرح جينا نحضن بعض ونروي عطش شوقنا..
بس..
الشرطية ب نهرة ل هتون
_ممنوع تلمسي الزائر واشرت علي اقعد..
شفت نهي مغلوب علي امرها لما شافتني بتنهزر كيف حاولت اغير الموضوع بسرعة..
فجأة انتبهت ل حد واقف..قلبي اتقبض ب نهرة
#نهي الراجل المعاك دا منو..
ما جاوبتني نزلت راسا وبقت تقش في دموعها الجارية دي..
جاني صوتو القرب علينا
_انا موهوب ودعمك
قعد جمبها وخت يدو علي كتفها..
وراجل نهي..
*دا كلووو كان بحصل قدامي وانا مهلوعة راسي شاطب البحصل شنو..
كلمتو التانية دي قصمت ضهري وخلتني احس ب زنب نهي ال ح يلازمني طول عمري اني سبب ال هي في حاليا..
شنووو؟؟
رفعت راسها ب يدي
نهي عايني لي هنا الحصل شنو؟
_الحصل كتيييير يا هتون من يوم....
عاينت ل موهوب اول كأنها بتستنجد بيه وبتقول ليه احكي انت انا ما قادرة....

مع #حبي 😉..

فاطمة قسم الله_ سحر سمير

#غلطتي
بقلم سحر سمير و فاطمة قسم الله
-٤٢-

طلعت -و كنت بتأمل في الشوارع حقت الخرطوم دي قدر شنو السجن دا حاجة متوحشه ، بتدرك قيمة الشوارع المكسرة دي و النفس والهواء والشمس يا الله .. يبعد الشر و ينتصر الخير دايم وكل انسان يعيش حياة هاديه و سعيدة يارب ..
المهم وصلت الكافتيريا المتفقين نتلاقى فيها .. مع وصلتي كانو هما وصلووو ...
اتحاضنا انا ونهي و سلمت على موهوب ، و كانت في وحدة معاهم حضنتني برضو و قالت لي كنت عارفه انك جميله يا هتون لكن ما اتوقعته للدرجة دي ههه ، قلت ليها خجلتيني يا اسمك و غطيت عيوني بي يدي ههه ، قالت لي انا ميادة بت عمك ياخ ما عرفتيني ههه، قلت ليها اعرفك كيف بس وانتي حلوة كدا ...واستمرت الونسه لساعات لحد ما قررت امشي بيتنا القديم مع نهى و اشيل ملابسي و حاجاتي حتى كتبي و دفاتري ..
و فعلا موهوب كالعادة ما قصر ..
يعني مهما حكيت ليكم عن الغُصح الخنقتني ما حتتخيلو قدر شنو انا اتوجعت البيت دا صحا جواي زكريات كعبه شديد ، في كل ركن كنت بشوف امي واقفه و قاعده وبتصلي ، م قدرت اتحمل .. طلعت برا الشارع ركبت في العربيه و انتظرتهم ،م حبيت اتكلم في الموضوع ، بس رجعوني لحد قريب بيت خاله نعمة و كنت صابحه على قرار ..

في جانب نهى -بعد وصلو
نهى :م مم موووهوب دا شنوخبط الباب ياخ (قبل وشو وقالي اسف و طلع )- لمن غيرت ناديتو ،قالي اسف وهو متوتر كداا .. مشى رقد ، رقد في اتجاهي .. قلت ليهو دا شنو !!
م رد علي ، قلت م مشكله انوم في حتتو !! لقيتو مشى على حتتو ، اجي حتتي يقوم يجي ، في النهايه بقىفي النص و مصدر لي اضان الطرشاء .. قلت ليهو وبعدين !!!
قالي مالك ي زولة ؟ قلت ليهو مالي انا ولاانن قاعد تدردق في السرير ، قالي خلاص زحيت ليكي ، تعالي .. و على هذا الاساس جيت ارقد لقيت نفسي جواا حضنو 🙊...
موهوب !!!! دا شنوووو ، انت جنيت ، زح كدا
قالي انا اصلا م ماسكك ، قلت ليهو خلاص م تقرب كدا .. ياخ م تعاين لي كداااا ، و هو كان في لحظه سكون كل العالمو مقبل علي و بعاين لي ..
قالي ليه ما اعاين ؟
حاولت زحيت عيوني منو. ، قام مسك راسي و رجع عيوني قصادو ، قالي جاوبيني ليه ؟؟
كل العملتو شديد الغطاء على و بقيت تحت الغطاء و زحيت منو و قبلت منو عديل ...
قعد يضحك .... قالي تصبحي على خييييير ، لبدتا بس بغم ما قلتهااا لمن نمته ..

تاني يوم ...
صحيت بدري ، و نفذت الفي راسي
تاني رجعت قرية ابو حليمة بي نفس الامل ، اتحصرت رغبتي في المسامحه بس ،بقيت م دايرة حاجة غير المسامحة و كان بيحصل نفس الموقف كنت بنطرد ... مرة و اتنين و تلاته و اربعه
ما يأست ابداً ...
خالتو نعمة قالت لي :
_ما يأستي انتي كل يومين ماخدة المشوار ذا يا هتون يا بتي ؟
*اسوي شنو ياخالتي لكن اقنع مثلاً ؟ انا ما عارفه ازعل منهم ولا ازعل من نفسي انا بس كان نفسي يسمعوني لو مرة وحدة ما دايرة حاجة تاني والله ، عايزة بس المسامحة و كان مادايرني خلاص بقعد معاكي هنا (و قعدت ابكي) - الولد بقى يبكي ، جريت عليهو بقيت حاضناهوو و ببكي ، ما عارفه اسكتو و لا اسكت نفسي ..

(في جانب بيت جدي)
ياها نفس الشجرة و قعدة الجبنه و ريحه البخور ،وكان البيت فيهو بهجة و زغاريت و سعادة ، بي زواج ميادة الاتحدد من ود العمدة الفي قرية ابو حليمة ، يعني قصة حب و يمكن ميادة اول وحدة تكون محظوظة و ما تتزوج واحد من الاهل .. بس الما كنت عاملو حسابو هو : قرار #موهوب
نهى : انت جنيت صح !!
موهوب (مربع يديهو) : اي جنيت عايني ما تحاولي انا قررت خلاص و كلمت اعمامي ، انتي مالك معترضه في شنووو !!
نهى : انحنا لينا كم اسي كيف يعني !!؟ و بعدين انت ناسي الموضوع داك !!!!!(حق القطنه) معقول تجيهم بعد دا تقوليهم عايز اعمل عرس !!
موهوب : دي القرووووووش عايز اشوفك بالزفاف ، عايزك عروستي ، عايزك مرتي ياخ ،عايز اعمل عرس يا نهى قرية الحميراب و قرية الفولاح و قريةابو حليمة ترررن رن بي عرسنا داااا .. يلاااا ي نهي هاااا
وافقت ما كان ينفع ارفض ..
وقعدوني في الدخان مع ميادة .. كل حاجة كانت بتتعمل لينا سوااا ، كنت محتاجة هتون اختي جمبي ، رغم وجود امي الباهت لكن ف النهايه معاي
...
هتوووون ، حوصتي بي ماشه جايه اقعدي في حتة وحدة ، خلااااص بس تكلمي نخى تدبر ليكي مبيته لمن تصبح تجي على هنا ..
*فرحانوووو فرحانه يا خالتي كنت حاسه بتلذنب تجاه نهى لكن حمدلله ربنا رزقا ب انسان زي موهوب ، وريني وريني وريني اللبس ياتو فيهم ؟؟
(كنت بختار في فستاني وكأنه مرحب بي في العرس دا ..)... م نمت الليل من فرحتي بي نهى !
لمن جا اليوم الموعود و الكوافير حقها هي و ميادة كان ف الخرطوم ، يعني سهلو علي كتير ، ع الاقل لقيت فرصه اقيف مع اختي شويه ..
ومشت الترتيبات زي م اتخيلتها و نهى طلعت ماشاءالله تبارك الله و ميادة بالجد كانو حلوين شديد .. لمن جات العربات وكانت زفه طويله شديد لحد القرية ..و كنت راكبه معاهم في العربيه .. وكل م نقرب بحس اني عايزة انزل واجري وان دت م مكاني .. م عا

#غلطتي
بقلمسحر سمير و فاطمة قسم الله
-٤٥-
-(بتبكي) والله ياخالتي لو ما معزتك عندي والله والله انا كنت خليت ممدوح دا زمان بعد البسوي لي فيه دا.. واخر كلام لي معاي كان واضح انو ما عايزني بعد قفلني بالطريقة دي... ياخالتي هسي منو البترضي تنتظر الزمن دا كلو.. هسي كان ولدي قدامي بمش.. وصحي القدري ب اولادهم بقو هسي..
*معليش بس انتي اتلحلحي شوية يا#فاتن
-اكتر من كدا اتلحلح كيف والله اهتمام مهتمية بي صباحي ومساي بسأل عنو.. واي شي بخصو بتزكرو بس مين يشوف هو ولا شغال بي.. انا حاسة انو ما بحبني يا خالتو وفي واحدة تانية شاغلاه. كان مجبور الاكلمني واحسن ازح بكرامتي..
*انتي غبيانة يابت هو ممدوح قايل ح يلقي زيكم بت ناس واصل وفصل مربية وسمحة ومحترمة.. بس هو عارفاه انتي ضغط شغلو،، انا زاتي ما عارفاه متمسك بيه لشنو شلتو وختيتو يغترب حلف قال عاجبو..
انتي ما تشيلي هم بكرا بتعدل والله ما يمشي منك شبر..
-هههههه طمنتيني يا خالتو الله يطمنك.. الله يسمع منك
*يلا هسي اضربي لي يجي يسوقك من بيتكم لاني عندي شغلة كدا.. وما تخلي الا يطلعك اول تمشو مكان حلو تستمتعو وتتصالحو انتي فاهمة..
(انتهت المكالمة علي كدا)

# من جانب ممدوح #

-فجأة تلفونو ضرب عاين ليه وعملو صامت...
اووف ل بتين ح تنتظرا تجيك ما هدا منتظر طول عمرك ولا صدفة لاقتك.. انت بيدك يا ممدوح قوم اعمل ليك خطوة كفاية خوف
قام فتح دولابو اخيرا وطلع تلفون #نهي(تتزكرو لما اتقبضت هتون كان معاها هو من يوم استلم القضية شالو معاه واخر مرة بعد طلعت نسي اديه ليها او عمل متناسي وشالو في البيت معاه)
فتحو وبقي بعاين في اسم #هتون
وبدون تردد....
مسك تلفونو وكتب الرقم
جاري الاتصال....
.....................
تررررررن
#موهوب وبقت رافعة تلفونا تعاين ليه
قام من حتتو مالك في شنو؟ منو البتصل؟
-دا رقم غريب بتصل ارد؟
*لا اقيفي جيبي انا برد.. الووو
-خلاص افتح الاسبيكر
-السلام عليكم انا ممدوح،، الضابط ممدوح دا تلفون هتون؟
*وعليكم السلام اهلا وسهلا ممدوح انا موهوب راجل اختها.. انت جبت الرقم دا من وين؟
-والله انا للحظة كنت قايلو اتسرق التلفون لما جاني صوتك افتكرت الحا ترد هتون.. عندنا بياناتا انت نسيت..
..
*العفوو والله بس في شي يعني؟
*معليش انا اسف للازعاج بس بسأل عن هتون هي قاعدة معاكم ولا وين؟
-خير ان شاءالله ،، زي ما عارف هتون جات هنا لكن ما قدرت تقعد في القرية ف مشت ل خالتها الخرطوم قاعدة معاها،، في حاجة؟
*لا كل خير بس انا كنت عايز هتون في موضوع شي ضروري كدا ولازم الاقيها .. ف لو ممكن اخد رقمها يعني؟
-والله يا ممدوح انت ود ناس وود بلد ورقما دا انا ما بقدر اديك ليه وهسي لو ما بعرفك ووقفتك معانا وانت زول ود اصل انا كنت لفيتا معاك وما مررتها ليك.. و انا ممكن اصلك لحدي عندك لو في شي مهم كدا..
*اوك تمام اسف علي الازعاج مرة تانية مع السلامة..
-مرحب يا اخوي مع السلامة.
* انتهت المكالمة *
نهي سمعت المكالمة كلها وما عجبها كلام موهوب نهايي وقلبت خلقتها وقعدت اتلفتت بالجمبة..
-اها خير قلبتي خلقتك مالك؟
*خيير بس ماف داعي لكلامك المسيخ معاه فيها شنو يعني لو اديناه رقمها ..ممدوح دا بالذات انا شايفاه محترم جدا ما زول فارغة وبتاع..
-نهي اوعي اسمعك تاني تشكري راجل غيري والتاني ابوك (لحظتها فرحت من جواها موهوب بغير)
عايزاني اقول ليه سمعا وطاعة، وادي رقم هتون طوالي كدا
*وفيها شنو دا تعقد منك بس ما اكتر.
-احسن تصلحي كلامك يا نهي كل شي ولا عرضي انا ما برضي فيه.. وراجل ما عندنا بيه علاقة ما بخلي يتكلم مع اختي او يلاقيها وانا قاعد فهمتي كلامي دا.
وقومي جهزي لي جلابية نضيفة انا طالع..
قامت زعلانة ووجعها، كلام موهوب ليها لما دموعها جرو وهي بتقش في وشها جات تمشي من قدامو فجأة حست روحها دايخة وبطنها قالبة دايرة تستفرغ
-جراها عليه بسم الله نهي مالك
غطتت وشها ب يدها وبعدتو عنها
زحاها بالغصب
- عايني لي هنا نهي انتي جادة بتبكي
ما ردت ليه
-الله ياخدني في اليوم الخليت دموعك تنزل عشان سبب تافه زي دا..
*اوعك تقول كدا ما اسمعك تاني بتدعي علي روحك انا بدونك ولا شي..
-نهي انا بحبك...
نهي اتفاجأت بالكلمة دي اول مرة موهوب ينطقها بالطريقة دي كلها لهفة وحنية وخوف في عيونو عليها..
ضحكت بعد كانت زعلانة.. اتأكدت من جواها انها بتحب موهوب شديد وانو هو ليها وبس ما لغيرا...
بعد رضاها طلع استحمي وهي ما ضيعت ثانية جرت مسكت تلفونها وفي رسالة كتبت رقم وجنبو اسم هتون ورسلتو في تلفونها القديم وسريع مسحت الرسالة وكل شي...
(من جواها معليش يا موهوب بس هتون روحها في ممدوح لي هسي ومستحيل تنساه هسي الفرصة جاتا لحدي عندها ما ح اخليها تضيع من حقها تتبسط كفاية )
....................
*ممدوح قفل ب جاي متضايق دخل تلفون فاتن تاني ب جاي.. فجاة باب غرفتو فتح
-رد دا منو الما عايز ترد لي دا (في الوقت داك امو كانت بتسمع في الكلام كلوو ب

ما هو في الاخر انا بتكم من لحمكم ودمكم..
ولا زي ما قلتي المكتوب علي الجبين لازم تشوفو العين..
منو القال يا ابوي لي بتتلفت مني.. ما انا البت البتزل ابوها بحاجة عارفاها حصلت من زمن..
دا مجرد مثل بس يا امي ما عندو اساس من الصحة..
يعني لو ح نخلي الامور تاخد مجراها كدا معناها عمرنا ما ح نعمل شي صالح في حياتنا دي،، معناها عمرنا ما ح نصلح الغلط انت سكته ليي ولا عشان انا هتون الكعبة دي فتحت المسكوت عنو الداسيه جواك من سنين يا حاج محمد احمد ابودومة...
قبل اتم كلامي جاني كف قوي علي وشي..
#هتووووون
#موهوب....
ممدوح مسكو انت جنيت ولا شنو؟
امي بتبكي وابوي غلبو ينطق حرف بعد كلامي..
(ما هو انا كان لازم اتكلم غلطانة ولا صاح كان لازم احرك مشاعرهم الماتت وخلتهم يسكتو عشان مجتمعهم وكلام الناس ، هنا ما كنت قليلة الادب بس انا تعبته واشتقت ل اسرتي وعايزة ارجعها زي اول واحسن)
نهي فتحت الباب وواقفة تبكي وتعاين ل موهوب وردت فعلو القاسية...
-موهوب دفر ممدوح انت بأي حق تتدخل بينا الجابك هنا شنو من الاساس يازول..
*بتدخل بصفتي راجل هتون ومن دربي دا انا وهتون علي المأزون قلت شنو يا عمي؟
للحظة حصل سكوت عجيب والممرضات جو ينبهونا نسكت او نطلع...
ماف حد اتكلم...

.........................

*من جانب ضمير صحي*
ياربي وينك يا هتون تكوني بتمني بس الاقيك واعتزر ليك كان بفيد الاعتزار والاسف...
الفترة العديتا في السجن دي اتأكدت اني بحبك وحبك شكلو ح يبقي وسم في قلبي..
صدقيني لحظة شيطان والله لحظة شيطان ما اكتر..
الله يجازي الكان السبب ..
ح تتقبليني ح ترضي نرجع زي اول ونفتح صفحة جديدة..
انا لازم اسافر واكون روحي لازم اتغير عشان لما ارجع ارجع وانا قادر اشرفك واشرف نفسي قدام المجتمع واكسر عين اي زول احاول يتكلم كلمة...
مستحيل اقدر اسامح نفسي علي دمار حياتك بوعدك ح اصلح كل شي بس بتمناك تكوني بخير لحدي ما القاك..

...................

*طالما ماف حد داير يتكلم معناها السكوت علامة الرضا يلا يا هتون...
جراها من يدها شديد ومشو...
طلعو بره جرت يدها..
-ممدوح انت جنيت ولا شنو قالو بالطريقة دي؟
*عايزاني اسوي شنو مثلا اسكت وانا شايفهم كلهم عليك بنهشو فيك ماف زول راضي يسمعك.. حتي موهوب....
-انا بالطريقة دي ما بعرس لازم ابوي وامي يرضو ويسمعوني غصبا عنهم.. انت امشي وانا راجعة جوه اتخيل لي نهي محتاجاني اكتر وكلو حسابو جايي...
ومشت من قدامو..
-هتون
-هتون
......
..
..
مع #حبي 😉..

فاطمة قسم الله_ سحر سمير

#غلطتي
(الجزء الثاني )
بقلم سحر سمير و فاطمة قسم الله
-٧٠-
*اها اظن دا بكفيك..
-يا نعمة عليك الله هسي مليون شنو البتسوي لي حاجة والله دي تكمل علبتين سجار.. هوي يا نعمة حركاتك دي بعرفا من زمااااان من زمن راجل اختك ميمونة..
*صلاااح قالتا لي بي نهرة.. عارفاك تلف وتدور جبت سيرة الموضوع دا لي سبب الزكرك لي شنو هسي بتهددني بي ولا شنو؟
(الله يسامحك يا سوسن ما بتعرفي تلمي كلمة في خشمك.. )
-كتر خيرا النورت بصيرتي،، ما تخلينا نروق الجو هسي البيت فاضي ورايق ولعي لي شيشة بمزاج كدا و...
*صلاح قوم وامشي من هنا انت عارف شهاب كان جا ما بريدك..
-هو اتقبلك انتي امو ما اتقبل راجل خالتو.. شوفي هنا البيت دا عندي فيه زي زيكم.. ولا بقول لي هتون انتي منو وقصة خيانتك لي ميمونة مع راجلا عبدالرازق ولا نسيتي الحصل كلو.. والله هتون تعرف ساي انك ام شهاب براها دي مصيبة..
فجأة اترجفت وجرت واطي وخافت من لسان صلاح..
*انت عايز شنو يا صلاح هسي ونقفل السيرة دي..
-عايز تدفعي لي اكتر وعايزك..
*سمح الندي الولد لي جارتي تمسكو وبجي عليك اترزع جوه انتظرني..
-طق طق صفق بي يديه يا سلاااام...
............
قبل ابوها يتم ليها الحصل
جاهم#موهوب يجري وبتكلم بنادي بصوت عالي
عمي عمي هتون حمدالله علي السلامة #نهي ولدت بالسلامة ..
انا وابوي قمنا بخلعة موهوب.. ابوي سريع مشي قدامي وانا جارة التوب علي خايفة يقع ....
وصلنا ولقيناهم كلهم واقفين منتظرين
امي جات طالعة تاني.. ماشاءالحمدلله بس نهي تعبت تعب الموت يا محمد.. موهوب اضرب البلد خليهم اضبحو كرامة ويوزعوها هسي
*الله يا عمتي دا كلام والله من طلعتي وطمنتيني ضربته وانا جاري انادي عمي وهتون...
(كلهم ضحكو عليه.. )
هتون:هسي نهي كيف يا امي اخدت وقت كتير عديل ولدت قيصري ولا طبيعي؟
فوزية: طبيعي الحمدلله لكن يا موهوب عندك مرا وووب علي جرسة جرسة شديد ههههه
موهوب:الحمدلله هسي بعدين كان قلنا ليها كدا تنكرو حطب ...
(ضحكو كلهم مع بعض)
#شهاب ياولدي اخد مرتك وامشو بعد دا..
*ابوي انت بتقول في شنو امشي وما اشوف نهي والله ما برتاح كدا زاتي..
-العفو يا عمي بس النطمن علي نهي اول وكل شي ملحوق تاني..
#هتون ما داير زيادة كلام كتير امشي مع راجلك واختك هدا نحن كلنا حواليها كويسة.. سوقا يا شهاب وكلها كم يوم وبتجي تطمني عليها وتشبعي منها..
فوزية:كلام ابوك صاح تعالي انا دايراك شوية..
فوزية جرت هتون ل هناك شوية واتكلمت معاها ...
بعدها هتون جات واستأذنو منهم وطلعو..
(من جواها حاساك يا ابوي ما صدقته فرزعتني ما داير تتم لي الباقي وتريحني)
*براحة براحة يا هتون ماسكها من يدها قوي وخايفها تقع..
-شهاب فكني ما بقع عاين الناس دي كلها بتتفرج علينا..
*مالنا ومالهم.. خليني اضرب ل خالتو نعمة تمشي اي مرا ما ناقصين شمارات وبعدين تخلي حاجاتك جاهزات لانو حا نطلع طوالي..
-شنو شنو نطلع طوالي وين مع ربشتا وكلاما دا الشبط عفص طرف التوب وقربت تقع جاتا يدو ومسكتا قووي وبصوت هادي #حبي براحة حا تقعي..
عاينت لي #شهاب جوووه عيونو..
خلينا نمشي...

√√||√√

*قوم قوم يا راجل شهاب اتصل جايين سريع لملم عواليقك ديل واطلع واوعك تجي تاني هنا..
من سكات صلاح لبس هدومو وطلع بإستعجال..
ونعمة لبست ولبست توبا ومشت تجيب يزن..

...........
في العربية ساكتين ...
هتون قعدت تضحك
*مالك جنيتي فجأة بتضحكي براك..
-بتزكر في روحنا والحصل لينا الحمدلله عقدنا اول..
*شهاب عجبتو اخر كلمة وابتسم من سكات.. انتي ما شفتي موهوب ههههههههه... ياخ الزول دا نطه الكرسي عديل وصل كيف ما عارفو..
-وااااي (بقت تضحك بصوت عالي زيادة لما دموعها جرت) وااااي ما تزكرني غايتو طلع خواف خواف موووت..
*هي لكن اختك بعد كوراكا وصريخها دا انا زاتي اتلبشت حالتي ما بعرفها.. انتي بعدين حا تسوي كدا برضو..
-خجلت وسكتت لا اكيد انا ما خوافة زي نهي..
*ضحك نشوف ل بعدين هههههه..
سكتو تاني ما اتكلمو الا بعد وصلو ودخلو...
*جيتو اها اختك كيف ضربت ليك قلبي دا انقطع ما رديتي..
-معليش يا خالتي شكلو صامت هو زاتو وينو ما عارفة بالخلعة اظن خليتو جوه.. خلاص انا هلكانة خلوني اخد لي حمام واغير الشي دا تعبني اصلح بي جاي وبي جاي قطع نفسي وجيعانة وينو يزن يا خالتي..
*من قبيل العب هسي نومتو.. خلاص المسافة دي اجهز ليكم شي تاكلوه تعبتو الليلة...
-اتعشي؟
*عشيتو واي شي ما تشيلي همو ادخلي غيري..

هتون دخلت جوه ونعمة جرت شهاب تعال دايراك..

√√|||√√√

*محمد ساق موهوب بالجمبة
*نحن حا نمشي البيت هسي قدامهم ..انا امس كلمت الغفير ومرتو القاعدين فيه اننا جايين الليلة.. بقعدو الفترة دي في المظلة الورا الزقاق لحدي ما يلقو ليهم بيت..
وزاتي دايرك في موضوع كدا
-خير يا عمي موضوع شنو؟
*موضوع قعادك معانا هنا البدينا فيه المرة الفاتت..
-عمي انا قلت ليك رايي ولسه ما سمعت من نهي..
*كان نهي قالت نفس كلامي؟!!
قبل ارد قاطعهم صوت مازن #نهي طلعو

#غلطتي
(الجزء الثاني )
بقلم سحر سمير و فاطمة قسم الله
-٧١-

*هتون هتون كان انتهيتي ارح الاكل جاهز
-جاية دقيقة بس باقي هدوم يزن بدخل فيهم..
جاها صوت #شهاب
- هدوم يزن لي شنو؟
خلت ال في يدها وجاتو طالعة
*حا نسوقو معانا..
-لا يزن حا يقعد مع خالتي لما نرجع..
*لا يا شهاب انا ما بقدر اخلي يزن وراي لا بطمن لا برتاح وهو بعيد مني..
ردت نعمة:
-اجي يابتي شكيتك انتي ماشة شهر عسل قبلك في الخرطوم دي تسوقي كيفن عاد لكن..
*كلميها يا خالتي.. يزن البجي شنو قاعد في الشارع ولا مع زول غريب؟ كلها اسبوع بنمشي ونجي..
-صرت وشها ودخلت يد في يد وعاينت لي خالتو نعمة سمح بس كلمتك من هسي كل يوم حا نجي اشوفو..
*حاااضر يلا ارح ناكل انا ميت من الجوع ما اكلته الليلة..
-كر علي يا ولدي تعبته الليلة ومسحت بيدها علي كتفو..
هتون عاينت لي ردت فعل نعمة وتاني لعنت الشيطان..

عدت تلاتة ساعات ما زال الليل طفلا يحبو

* قولي بسم الله براحة براحة اي اي اسندي راسها من هنا بس شايفاها بترضع براها.. ماشاءالله ماشاءالله
-لالا ما تزحي يدك يا امي حا تقع..
*اجي البوقعا شنو يا نهي امسكيها عليك ضميها اي كدا .. سجم موهوب غايتو حا تعزبيه وقعدت تضحك
كرررب الباب فتح ابوها وموهوب جو داخلين
نهي اتخلعت وعاين ونطقت اسم #موهوب دنقرت راسها خجلت من ابوها ما عرفت تسوي شنو..ابوها طلع و هو لحقو..
شوية وكانت حا تبكي
-واااي يا امي اودي وشي وين من ابوي تاني بعد شافني بالمنظر دا..
*استغفر الله حا تجننيني انتي والله ابوك الخجلتي منو هسي دا كنتي بترقدي جمبو قريبات دي لاصقة فيه.. وكان بحممك وبلبسك وبدخلك الحمام.. مشششمم..
.....
محمد :البنات كبرو يا موهوب ..شوف نهي خجلت مني كيف بتزكر هسي كانت صغيرة شايلا في يدي وراكبة في ضهري سبحان الله الزمن دا بجري كيف..
موهوب :ههههه اي يا عمي هو في شي ببقي علي حالو..
............

(وجع الحب لا بينفع معاه دكتور ولا دواء)
نسمة كانت بتبكي
تلقاك هسي مبسوط معاها..ياربي بتعملو في شنو؟!!
انا دي المفروض تكون معاك ما هي ما بتستحقك.. الحب الجواي ما اظن تقدر تديك ليه لو حتي حبتك..
بس معليش ان شاءالله تقدر تسعدك ...
.............
#ممدوح عملت لينا وجع عيون ماشي جاي
( زي ام العروس وقعدو اضحكو كلهم عليه.. )
*(ب نرفزة وعصبية) ماف داعي للهظار الما في محلو دا..
-اها طيب نسوي ليك شنو ما انت ما داير تتكلم مالك؟
*اوووف ودخل الغرفة تاني جوه اااخ يا هتون ااااخ خيبتي ظني فيك للدرجة دي ليي اصلو ما اتوقعتك كدا بس لا انا ما حا اسكت واخليك تتهني وتعيشي في حياتك يوم سمح ...كنتي بتستغفليني؟!!
في نفس اللحظة جواه كان في غيرة ووجع شديد وهو في بالو ان هتون حاليا مع شهاب ح تكون في غرفة مقفولة عليهم براهم....
.............

(في شقة مفروشة) :~

اجر شقة مفروشة خاصة بالعرسان فيها غرفتين ب حماماتهم وصالة ومطبخ... من جوه مضروبة بهية بيضا نضيفة.. راقية، هادية...
جوه غرفة النوم سرير دبل كبير مفروش عليه مفرش شاموه احمر عليه كم جداعة بلون ابيض.. وبجمباتو كمودينات عليهم اتنين ابجورة .. سرير اوف وايت ودولاب ضلفتين ب سحاب طول الضلفة قزاز... وتوليت ..كنبة فاتحة لونها احمر عليها جداعة مستطيلة..
علي الارض فرشة نااااعمة بنفسجي داخل عليها احمر وابيض ودهبي.. وشاشة تلفزيون كبيرة علي الحيطة..
والستاير بالبنفسجي والزيق دهبي...
كل شي كان مرتب وحلووو وريحة الغرفة معطرة وجميلة...
كان في خوف وقلق وتوتر... قاعدين جمب بعض شوية في فرقة بينهم ...جا صوت شهاب
*هتون انتي جيعانة؟
-ل لا لالا الحمدلله
*طيب مسخنة حاسي الجو مسخن مش؟
-يعني شوية.. انا عطشانة عايز تشرب؟ ما ادتو فرصة يرد.. كويس انك جبت موية صافية معاك وطلعت طوالي بإستعجال..
اخدت نفس بعد طلعت حست روحها جوه الغرفة بخنقة غريبة..
يارب اليوم دا يمر علي خير مالك متوترة كدا يا هتون في شنو بس..
قعدت في كراسي الجلوس طلعت شبطها وختت يدها في راسها ودنقرت تحت..
*هتون ما قلتي عطشانة؟
-ااا اي اي قايمة...
*خليك بجيب ليك موية..
دخل شوية ورجع
قومي ندخل جوه ما عايزة تاخدي ليك حمام وتغيري؟
-اااا اي كويس بس بعد شوية ..
*انا ح اخلي ليك الحمام الجوه بدخل بتاع الغرفة التانية خلاها ومشي قبلها.. الغرفتين كانو مقابلات بعض وفي ممر لافي صغير حتي الهول، والمطبخ تاني..
بعد شوية سمعت صوت الباب عمل كروو
شكلو دخل الغرفة التانية يا هتون قومي احسن تنجزي قبل اطلع..
دخلت سريع استحمت سرعة سرعة ولبست بجامة ورفعت شعرها شكل كعكة ورقدت علي السرير اتلفتت علي الجمبة...
(عدت ساعة زمن )
-هتون هتون انتي نمتي؟
ما قدرت تنوم ولا قدرت تكذب قامت قعدت..
*لا صاحية عاوز شي خلينا ننوم؟ ومدنقرة راسها
حست بيه بعاين ليها
-انتي لي لابسة بجامة... ننوم هسي؟؟!!

√√||√√

موهوب وعمو جو داخلين الغرفة...
نهي:عمي عليك الله سوق امي دي البيت ترتاح من جات من قبيل تعبانة.. هنا ازعاج ما

بتق

#غلطتي
(الجزء الثاني )
بقلم سحر سمير و فاطمة قسم الله
-٧٧-
(يوم جديد 🕊)

قاعدين في برندة المطبخ وفوزية خاتة صينية استيل كبيرة عليها لحمة بتقطع فيها وبتفرز فيها كيمان كيمان وبتربطها في الاكياس.. وجمبها بامية و بطاطس واسود
*هههههههه بتضحك ومرة تقطع وتاني تعاين ل محمد والله الصفحة دي احسن تبروزا بعد كدا من كترت ما قريتا يا راجل كفاك خلاص بحتها حتة حتة ...
-والله يا فوزية الحقيقة فرحتا براها ولما يتردا ليك اعتبارك دي كمان قصة تانية.. منو الكان بصدق ان الامور كلها تتحسن كدا..
* يا محمد رحمة ربنا لما تنزل بتجبر كسر القلوب.. والفات والحصل يبقي حكاية نضحك عليها تاني سبحان الله..
صحي انت وهتون اتكلمتو في شنو مدام ما كانت بتحكي ليك الحصل؟!!
-صححت ليها المغلوط السمعتو
*عليك الله يا محمد لز لي تربيزة البلاستيك دي.. البركة الحمدلله الصدقتك وضحكت..
-اضحكي اتزكرتي العملتي انتي وقتها دي نهاية البباري كلام النسوان (وقعد اضحك معاها ) الونسة معاك يا فوزية ما بتخلص خلاص انا النقوم البس عشان الحق امشي اعزم الجماعة كلهم وشال الجريدة في يدو ودخل بيها...
*اجي عاد كنت منتظرني اسوي شنو والله ميمونة كانت طيبانة بس ظروف الحياة بهدلتا كان ظاهر عليها لكن المسامح كريم .. سمح انا ختيت ليك الجلابية والسروال في السرير ما تقلب لي الدولاب بعد رتبتو...
-والله انتي الطيبة وعلي نياتك...

(في غرفة نهي )
ماسكة تلفونا وموهوب جمبها بتقلب يمين وشمال.. وبتهم نايمة في السرير..
*موهوب صدعت بي مالك غالبك ترقد عديل في شنو؟
-قام قعد اووووف نهي انا عايز اسالك؟
*اها خييير قول!!!
-انتي حا تستقري هنا؟
*ايوة ما زادت علي كدا..
-طيب وانا يا نهي وضعي في الحتة دي شنو؟
*والله افتكر انك ما غريب ودا بيت عمك يعني بيتك ما تخليك حساس اكتر من اللازم يا موهوب.. وابوي قال ليك لو ما مرتاح.. ممكن نبني غرفة فوق حل مؤقت..
-اتضايق واتصلح في قعدتو.. افهم من كدا انو عمي هو الاثر عليك بالكلام ولا دا قولك انتي؟
*ابوي ما عندو دخل وانا قبل كلامو دا لو بتتزكر اخر كلام بينا وطلعت الحميراب ليهم.. يعني انا المقررة مسبقا.. عليك الله ما سألت نفسك من جيت هنا ان بالي رايق ونفسيا مرتاحة...
-قام علي حيلو بس انا ما مرتاح يا نهي!!! وفي الاول والاخر المرا بتمشي محل راجلا...
*لا منو القال دا كلام فاضي.. اي زوجين مفترض يصلو لحل يرضي الطرفين... وانا رضيت وقعدت معاك في ابوحليمة ورضيتك ابقي انت هسي جا دورك تجرب اختياري انا كمان...
-وشغلي هناك؟ تقدري تقولي لي انا حا اعمل هنا شنو وانا زول قاري لحدي الثانوي بس.. اصرف عليكم من وين ولا حا اقعد عاطل وممحن انتظر راجل يصرف علي...
*لا انا ما قلت كدا بس عندي فكرة اذا بترضي بيها...
-قولي النشوف اخرك يا ست نهي...
*ما تستهتر نهي دي عندها عقل يوزن بلد.. انت مش عندك بقر وحواشات حقاتك براك؟
-اي اها...
*خلاص حاليا بيع منهم واعمل بيهم مشروع هنا بقالة.. او محل ملابس.. او الكترونيات كدا... يعني لا حا تقعد عاطل ولا شي.. ولو ما كفو هدا دهبي الحمدلله ما قصرت معاي نصرفو نتصرف بي لحدي ما الامور تتعدل..
-ما عارف الموضوع عايز قعدة في الاخر وامكن ما ينجح..
*انت حر واظن ما بغلبك.. بس انا كلمتك زمان ما كنت عاملة حساب شي لكن هسي في هدف قدامي ال هو بتي..
-قصدك شنو؟
*قصدي انت فاهمو كويس.. انا عايزة اوفر ليها احسن مستقبل والناس بقت تمشي لقدام ما بترجع ل ورا.. والعفو ما قصدي اقلل من حلتكم لا كلنا من الريف وديل اهلنا وناسنا الطيبين الحنان بس كمان انا من حقي اطلع لقدام واعيش واوفر حياة افضل لي ولي الطفلة دي...
مشت شالتا من سريرا وقبل تطلع..
#موهوب فكر في كلامي دا كويس وبلاش حماقة الله ما ادانا العقل دا من فراغ...
.................

(في غرفتهم )
ويزن راقد في وسطهم
*#شهاب انا ماشة بيت ناس امي السماية بكرا ولازم اجهز وانضف وستين حاجة اعملا...
-اعملي البريحك انا طالع..
*في شنو انت هسي قلبت خلقتك؟ دا كلو عشان قلت ماشة ناس امي وبعدين في شي تاني خلاص كفاية قعاد هنا حقو نرجع الليلة..
-حاضر يا هتون حااضر في شي تاني؟ لاني طالع...
*لا..
-اوك منتظرك بره اطلعي سريع
وطلع منها...
قومت ولبست يزن وختت هدوم في شنطة اليد.. ولبست عبايتها وطلعت..
ركبو العربية..
*وديني ل خالتو نعمة اخت يزن عندها..
مسافة الشارع وصلو ونزلت فتحت الباب ودخلت..
كانت قاعدة بره معاها الرضية بشربو ف قهوة وبرمو في الودع من شافت يزن..
-اهلا اهلا جرا عليها شالتو..
سلمت عليهم وكلمتها انها ماشة ناس امها..
-شهاب وينو مالو ما دخل..
*منتظرني بره قلت ليك انا ماشة طوالي بس جيت اخلي يزن معاك وصحي الليلة جايين نحن بس بعد اخلص بنجي المساء..
-اجيي تجو وين انتو الاسبوع ما تميتو زي الناس؟!!!
*خلاص قدر القعدناه يلا سلام...
.......
-اها جاك كلامي يا نعمة قلت ليك جيت اهلا ديل ما من مصلحتك نهائي..
*والله يا الرضية

#غلطتي
(الجزء الثاني )
بقلم سحر سمير و فاطمة قسم الله
-٨١-
انا بقيت ساكته و مخلوعه في الحصل دا شريط و جروهو قدام عيني للحظة !!
مازن : عليتي صوتك و قلتي فارغ بما فيهو الكفايه لا عملتي احترام لوجود ابوي ولا وجود رجال ولا ان ديل اكبر منك مهما كان الراجل والكبير ليه احترامو ، و ان ديل اعمامك مهما كان رجال و ضيوف في بيتنا ! الكلام دا صح منك ؟ م فكرتي في ابوي ؟
نهى : (بتبكي) مازن انا تعبت منهم و صوت بتي قطع قلبي و لمن شفت الموس في يد المرة ما اتحملتا كفايه الظلم الاتظلمناهو كلنا كمان جايين يكملو الباقي في الشافعه دي يا مازن ، انت عشان م شفت المنظر والله قلبي وجعني شديد و ما عارفه انا عملت كدا كيف ....
مازن جا عليها .. مي قامت وقفت جمبي ..
قعد جمبها ، شال منها البت و حضنهم الاتنين و باس راسها .. قاليها :
احياًنا في حاجات بنكون مظلومين فيها و لينا حق انه يقولو لينا معليش ، بس اقل حماقه مننا و تصرفنا في الموقف دا تحديداً اذا كان بأنفعال او فيه غلط حتى لو صغير لا يُزكر ، بيضيع حقك و حتبقى الغلطة غلطتك ، و بالزبط دا الحصل معاكي يا نهى .. عشان كدا لسه الوقت ما فات و بتقدري تصلحي غلطك دا على الاقل تجاه ابوي و امي و .... (مي كانت بتعاين و بتسمع كلام مازن ، خلق جواها توازن ما عادي ...)
كمل كلامو (و عاين لي قال لي ) : امشي يا .. هتون جيبي توب ولا طرحه ل نهي !!!
بصراحه كنت مبسوطة شديد من ان ديل اخواني واحد يغلط والتاني يصلح وهكذا ، حسيت ب امان ان انا لي #سند ...
مشيت جبت ليها التوب ، و لبستو ، ومازن شايل #منة ..
بعد طلعو ، قلت ل مي :
*معليش اتعرفتي على اسرتي في وضع كدا الحمدلله ..
_لالا بالعكس انا مبسوطة والله وكل بيت ليهو اجواء متوترة ، وبصراحه بعد فهمت الحصل دا لو انا في محلها كان عملت اكتر من كدااا والله !!
*حتى انا بس الحمدلله ان شاءالله كل حاجة تتحل و تتصلح ..
#المهم ...
نهى مشت اعتذرت لابوي اللي كان اعمامي قاعدين جمبو ، و من بعدها امي ، و بصراحه م كان في زول زعلان منها من الحاضرين ، لان كان معاها حق و اي ام في محلها كان اتحمقت لكن كل زول و ليه مرحله .. الكل رضا .. ما عدا موهوب اللي حس بالاهانة و اضافة لذلك امه اللي كانت بتمليه !!! بس استحملو الوضع لحد ما السماية تمت على خير ، و قررو يمشو للقرية في سواد الليل دا !!
و كان في جانب #موهوب !!
موهوب :رجلك كيف يا امي فيها الم. ؟
امه : هئ المي بيهمك في شنو يا ود بطني !؟ ابشرك المي في قلبي الانكسر و كرامتي الاتهانات ! اهاا مبسوط !!
موهوب : ..... م رد
امه : هه طبعاً ما حتقدر ترد زي لمن مرتك هرشتك قدام الرجال و ختت هيبتك في الارض و سكتتك و سكت ليها و قبلت انها تهيني !!
عرفت تربية المدينة بتسوى شنو ؟
ردت ضرتها المسكينه ديك : وانتي بي ياتو حق تقرري تطهري البت من غير علم امها ؟ اذا قدرت حملت بيها و اتحملت الخطورة على حياتها طول مدة ال9 شهور حتكون ما قادرة تطهر بتها اللي عمرها 6يوم ولا سبعة ؟؟؟ اي نعم عاداتنا من قمنا ، لكن كمان ما بالسرقه ولا بالدس ! ويشهد الله (بتعاين للفاضل) ما شفت شينة لا من البت لا من امهااا !
ام موهوب : انتي بالذات ما تدخلي اصلك عايزة تعانديني في اي حاجة و كيته لي !!
و اسمع يا موهوب ، ان ما طلقتها لا انا امك لا تجي تكوس رضاي !!!
الفاضل : دا كلام شنو يا مرة ! بتحرضي لخراب بيت ؟
قالت ليهو دا العندي !!!

في عز الجوطة -
انا كنت كل ما القى فرصه اقعد فيها بيني و بين نفسي كنت بستغلها ، نفسيتي تعبانة شديد من بعد العرفتو وعلى العلي التنشنة الحصلت !!
#مي ..هتون .. انا بمشي بعد دا الزمن فات و القعده معاكم سمحه شديذ والله ..
قلت ليها بدري يا مي عليكي الله اقعدي و بيتي زاتو ياخ ..
ضحكت وقالت لي و امي !! هههه
قلت ليها من جات فيها امك سكته تب يا زوله ههههه ، دقيقه اشوف ليكي مازن !!
قالت لي : لالا ما تتعبيهو ساي ، بشوف ممدوح !!
طوالي سكته ..
اتصلت عليهو .. رد ليها ب انه عنده موضوع و تستناهو ...

(في جانب ممدوح)
ابوي : لا حول ولا قوة الا بالله ... بالله يا ولدي شوف الدنيا دي دوارة كيف !! ياخ الشافع داك ياهو شهاب الوااااحد دا !!
ممدوح : اي والله يا عمي زي ما وريتك !! و دا سبب اتصال هتون كان كل همها تشيل من على عاتقك امانتك !!
ابوي : سبحان الله و شكرااا ليك يا ولدي كدا دي المرة التانيه تقيف معانا وتساعدنا الله يريح قلبك يارب ...
ممدوح : تسلم يا عمي ، يلا ما نستغنى لكن اختي منتظراني اوصلها البيت !!
ابوي : اتفضل اتفضل و ان شاءالله المرة الجاية تجيب اسرتك والوالده و تجو تتغدو معانا ، عظيم الشرف يا ولدي والله ..
ممدوح : (اتزكر امه ونظرتها ل هتون ) ان شاءالله ، ان شاءالله. ...

#شهاب _
واقف في نهاية الشارع بعيد عن الصيوان ...
*يا نسمة ما كل ما اجي احكي ليكي حاجة ترجعي تزكريني بي خيار زواجي من هتون وانك الصح و انا الغلط !!!
_طيب روق عشان ما تدخل في حالة انحنا ما قدرها اسي ...
*(كان مر

اني جواي اسئلة كتييرة محتاجة ل اجابة.. وماف زول غير شهاب بفش لي قلبي...

تلفونا ضرب دا شهاب شكلو في الباب...
*الووو طيب دقيقة...
جات فتحت الباب ودخل معاها..
-ابوي: الله جابك ياولدي انا عايزك في موضوع هتون سوي لينا شاي في المسافة دي ادخل الصالون وبجيك هسي..
عاين لي بعيونو زي البسألني في شنو الدايرني ابوك فيه..
قلبت ليه كتافي ومشيت علي جهة المطبخ...
..................
كررب الباب فتح
فاتن جات داخلة سلمت وطلعت بالسلم فوق علي شقتها طوالي...
ممدوح قام طلع وراها
*مي: هسي في داعي يا امي تملي علي مرتو انتي مش عارفه طريقتو كيف معاها الله يستر بس..
-خلي عشان تفتح عينا من تصرفاتا الجديدة دي
*امي انتي في شنو مالك فجأة قلبتي علي فاتن..
-حا يكون شنو يعني مافي اي حاجة كل الحاصل ما عاجباني طلعاتا البقت كتيرة دي...

(ام ممدوح عرفت حاجة ولا شنو؟! )
................

بعد شهاب نزلو في نهاية الشارع التاني من بيت ناس هتون وهددو لو شافو حايم بجاي ما حا يحصل لي خير..
صلاح ما ضيع وقتو نهائي خاصة بعد طلع خسران من كل الجهات وما استفاد شي من العملو...
ركب اقرب رقشة جابتو ل نعمة...
لقي الباب متاكا ساي دفرو ودخل...
نعمة كانت قاعدة بره في الراكوبة منتظرة شهاب وبتحاول تتصل بي تعرف حاجة...
من شافتو قامت علي حيلا
*انت الجابك هنا شنو ياراجل ما كفاية العملتو وبتهددني انك حا تمش ل هتون وتفضحني ليها كان ما زودت ليك القروش وقعدت هنا...
-هههههه ضحك بصوت عالي اقيفي هسي عشان ما تكوركي ساي انا جاييك في مصلحة عشان تعرفي قلبي عليك علي العموم شهاب بح انسيه اجر لي هتون بيت وبكرا تفتشي لي ما تلقي سمعتو وهو بقول ليها كدا...
ولدك زاتووو قرف منك اخرتا ما بتلقي غيري..
*انت ياراجل جنيت اطلع من هنا قوامك داير تجيب لي مصيبة كفاية البدا يطلع عننا كلام في الفريق..
-حا تلفي وتلفي يا نعمة غيري ما بتلقي وسوقك بدون هتون وشهاب بقيف كلمتك... البت طلعت اشطر منك وعرفت تجيب راسو..
جرتو من جلابيتو ل نهاية باب الحوش
اسمع هنا ما اشوفك تجي بجاي ما ناقصة مشاكل وبلاغ فيني... دفرتو وقفلت الباب...
...................

ايووووووي يووووووي يووووي
ميادة جات طالعة مخلوعة تشوف الزغاريد ال في بيتهم دي شنو
*امي مالك بتزغري في شنو؟
-خلاص الجماعة وافقو ما عندهم اي مانع باقي الرجال بس يتممو العقد..
*الجماعة منو انا ما فاهمة؟
-كنت في فريق ورا وكلمت ميامن وامها وخطبتها ل موهوب وقالت هي رايدا ومن يومها منتظراه...
ميادة ختت يدها في خشمها وبإنفعال
*يمة دا شنو العملتي دا كيف تسوي حاجة زي دي انتي بتتصرفي براك انتي من راسك؟؟!
#ميادة
اتلفتت علي صوت موهوب وقالت ليه
#موهوب تعال احسم الفارغة البتعمل فيها امك دي من ورانا...
*امي ما عملت فارغة انا الطلبت منها تمش تعمل كدا وبالكتير يوم وبعرس...

..
..

مع #حبي 😉..

فاطمة قسم الله_ سحر سمير

#غلطتي
(الجزء الثاني)
بقلم سحر سمير و فاطمة قسم الله
-٨٩-
اما #نسمة اللي ما كانت قادرة تقتنع ان شهاب ما كان قاصد اللي فهمتو و هو ما قدر يقنعها و اكتفى ب انو يلبس و يطلع ..
كل اللي عملو ، اتصل على هتون من غير مقدمات ولا يلام و لا كلام ، انا جاي البيت الجديد خليكي هناك !!
بصراحه كنت مستغربه في شهاب و كلامو المختصر و لا هو اصلا كان كدا و انا اللي ما جايبه ليهو خبر !!
و انا بجهز عشان اطلع ل شهاب ، سمعت ان موهوب جا و قاعد مع ابوي في الصالون ..
اخدت مسافه حتى طلعت من الغرفه .. و انا طالعه لقيت نهى واقفه جمب مدخل الصالون و بتعاين في حتة وحدة وبتها جوا بتبكي م جايبه ليها خبر !!
جيت جمبها ، قلت ليها : نهى !!! نهى !!!!! نهى هيبي يا بت في شنو !! فجاة صوت ابوي كان الجواب لكل تساؤلاتي ! وكان بكورك في موهوب بكلام ما قدرت استنتج منو حاجة ، و بقيت واقفه في مدخل الصالون لا قادرة اقيف جمب نهى ولا قادرة ادخل و انا بين الاتنين !! فجأة جاني صوت نهى قالت لي #موهوب_عرس و دمعتا نزلت !!
انا اتصدمتا ما اتخيلتا ، قلت ليها قلتي شنو !! انتي فاهمه غلط ! اكيد ، و مع دخلتي الصالون سمعت ابوي بقوليهو انا بتي م بجيبو فيها ضُرة!!
رجعت ل نهي اللي كانت تقريباً دخلت الصالون وبقت في نص ابوي وموهوب .. دايرة امسكا و احضنا ، لزتني منها ، قالت لي انا ما مكسورة عشان تحضنيني و تطبطبي علي و تواسيني يا هتون ، عاينت ل موهوب ، قالت ليهو : و الله يا موهوب والله في سماهو ما تكسرني انت و ما تبكيني انت ، ما انا البجيبو فوق راسي ضرة ! و اقولها ليك كلمة يا موهوب ، راجل تمشي مرة دا زاتو ما بينفع معاي ، كل الحصل بينا عشان قسمة الشافعه دي تجي !!
و الكلام بعد حيكون كلام #ابوي
كلامي معاك انتهى و م عندك بت ، تجيني في يوم من الايام تقول لي اشوفهااا بقطع رجلك لـ دربي !!
و مشت دخلت !!!
موهوب : انا سكته احتراماً ليك يا عمي و الا كان ضربتهاا لان دي المرة التانيه نهى تعلى صوتها علي !!
محمد : ورقة بتي تصلني قبل وصولك #الحميراب ، و قبل اداهو ضهرو !!!

انا بقيت واقفه !! ولقيت امي كمان كانت واقفه و مسكنا بعض و ما عارفين البحصل معانا دا شنو ما لاقين السكينة في حياتنا لحظة وحدة كل ما نقول ارتحنا ، ترجع تجوط تاني والحمدلله !!
#قاطعنا : صوت تلفوني ! رديت ..
_ انا مش قلت ليكي اجي القاكي في البيت !!
*مرة الغفير ف البيت حتفتح ليك ! بتكورك مالك ؟
_كلامي واضح يا هتون و مكلمك انا قبل اتحرك من محلي !!
*حصلت ظروف اخرتني و براحه لو سمحته !
_.....*قفل فيني الخط !!!
كنت حاسه ان اسلوب شهاب غريب ومتغير ، بس كنت خاته ليهو عذر بيني و بين نفسي انه ماري بي مرحلة صدمة بخصوص موضوع #ميمونه !!
م كان في يدي في حاجة اسويها غير اني اطلع في الهدوء الحاصل في بيتنا دا ، للحظة حسيت اني ضعيفه و ما لي دور في حياة اختي اللي قبل اليوم دعمتني و ساعدتني و م بنكر موهوب كمان بس كمان اكيد ما حأنحاز لي صفو !!
المهم سقت يزن و طلعنا .. دقايق مشي ، وصلت البيت .. لقيت في دفار عديل مليان عفش راقي قدر ما وصفت ليكم ما حتصدقو ، وقفت بالطرف كدا بعاين ، لقيت في عاملات اظن هو جايبهم مع مرة الغفير زولتنا .. جاني و شكلو كدا كان م طبيعي ، قلت ليهو ازيك وانا مبتسمة مديت ليهو يدي !
سلم لي بطرف يدو و قبل مني !
قلت ليهو : في حاجة حاصله ! بصراحه افتكرت ان الحصل زمان و ميمونه دا حيقربنا من بعض و ..*قاطعني بي نهرة !! قالي ما تجيبي لي سيرة زفت مااااضي يا هتون !
سكته لمن لاحظت ان مرة الغفير شبه انها حضرت الموقف دا !!
سبحان الله انا الما بتحمل حاجة زي دي بقيت ساكته احتراما لظروفو و لي حالتو ..
قلت ليهو : ممكن نطلع نتغدا الليله كلنا !
قالي : مافاضي !
م حبيت ازعجوو ، وقفت تحت شجرة في الحوش ، و تاني رجعت ليهو ، قلت ليهو طيب في موضوع مهم بخصوص يزن ممكن نتكلم فيهو ؟
قالي : يزن !! قلت ليهو ايوة ! (و لاحظت انه عاين ليهو شديد كداا ) !
قلت ليهو يزن نطقو اتاخر شديد ، عمرو ٧ونص ولحد اسي م بيتكلم ، و اضافه لذلك المدرسه فاتتو بفكر لو نفتش لمدرسة كويسه يمكن لمن يلقى الشفع بتكلم و ظروفو تتحسن !
قالي : انتي مصدقه نفسك انك امه ؟
*!!!!!!!! كيف الكلام دا !!
#تلفوني دخل في النص بأتصال من #مازن .. وشهاب مان مراقب شاشة تلفوني ، لمن شاف اسم مازن سكت !!
*ها مازن ..
_انا برا انتي وين اجي عليكي !
*في حاجة حصلت ل نهى ولا في شي ؟
_لالا ابوي حكى لي الحصل و لمن مشيت عشان اتكلم معاها لقيتا حاضنة بتها ونايمة !
*حمدلله ، طيب في شنو ؟
_انا لقيت ديكور للمحل و ناس الصيانة كلموني لازم نمشي عليهم لانه م حياخدو زمن يومين بالكتير والمحل حيبقى جاهز و كمان عشان نقعد نختار البضاعه اون لاين عشان تترسل بعد يومين ..
*مازن !! ما قادر اصدق ! الناس في شنوو والحسانيه في شنو ؟ انت م شايف وضع اختك مستعجل على شنو ؟
_عشان اختي انا مستعجل ! انا م داير اديها وقت تقعد فيها بينها و بين نفسها

#غلطتي
(الجزء الثاني )
بقلم سحر سمير و فاطمة قسم الله
-٩٧-
طق طق باب الغرفة دقه وبعد شوية فتح
لقاها قاعدة في السرير وبالجهة التانية بتو...
قرب عليها ودنقر شكلو وملامحو اتغيرت نهائي بدا يلمس فيها في اصابعها الصغيرة في وشها بطنها..
فجأة فرت خشمها زي بتضحك..
هو ضحك معاها...
نهي كانت مراقباه وكلمة ما قالتا... انتبه ل روحو واتلفت ليها
*معليش لما شفتها نسيت اي شي هه
-ما مشكلة..
*نهى انا ما جاي ابرر ليك الحصل وانا بعترف ان العملتو غلط.. بس زول عايز يرضي امو ويفش قلبها وانتِ عارفة امي كيف شفتيها بعينك.. ما تبقو علي انتو الاتنين يا نهى ماف واحدة رضيانة ترخي شوية...
(حكى ليها الموضوع كلو وموقف امه... )
انا مستعد اعمل اي شي عشانكم وهسي جيتك وعشمان تتراجعي عن الفي بالك.. جيت واشتريت البقالة وحا اعمل بإقتراحك القلتي لي.. انا فكرت فيك وفي بتنا ومستقبلا..
فجأة لقتو نزل من السرير قدامها ومسك يديها قوي..
نهى انا عاوز امشي لقدام اطور نفسي حا تخليني اغرق ولا حا تساعديني وتقيفي معاي وجمبي..
لسه من جواها كانت ماسكة موقفة ومقررة تنهي كل البينهم بس الخلاها تحن دموعو اول مرة تشوف موهوب ببكي قدامها...
لما نزل على كرعيها ما قدر يتحكم في نفسو ما حست بي روحها الا وهي بتمسح على شعرو وجسمو وبتنزل معاه تحت وبتدخل جواه..
(نحن كدا مهما قلنا وقررنا قلوبنا دي رهيييفة )
-مشتاقة لحضنك ما عايز تفتحو لي..
لمدة خمسة دقايق كان بعبر جدا عن حبهم لبعض...
قعدو في السرير وشال بتو وجا جمبها وهي كانت مشوشة برضو عاينت ليه..
-بس انا انانية فيك وقبل كدا قلتها ليك ما برضي ضرة فيني يا موهوب!!!
*زي ما جابتا امي بترجعا هي ميامن عمرها ما كانت شبهي وانا البت العينا قوية وجريئة ما بريدا ولا حا تقعد في زمتي اطمني من الناحية دي..
-قصدك شنو بس دي بقت مرتك وانا ما ببقي سبب في طلاق من دون ما هي تعمل شي..
*البت ما مؤدبة يا نهي بس انا خليتا هسي علي زمتي شوية تأدب امي اول.. امي دي دايرة واحدة مستقوية زي ميامن دي توريها الصاح شنو حتى راسا يجي اسأليني انا منها.. وبراها حا تجيني تقول لي تطلقا ما بتنفع معاي..
-ههههههه امك دي الله يديها العافية بس غريبة جدا..
*شوفيها يا نهي حلوة كيف عايني يديها صغار وناعمات اححححح ياخ ريحتها حلوة..
-انت حا تقعد تشم فيها كدا ولا شنو ههههه
*مشتاق ليكم انا شديد وجرا نهى عليه وحشتيني ما تقومي تغيري ب حاجة حلوة كدا.. وعض ليها شفايفو بغمزة..
خجلت وضربتو
-ياود بطل قلة ادب داير تاكل وشي قدام ناس بيتنا يقولو حملته قبل اتم شهرين زي الناس جنيت انت..
*جراها تاني قوي ودخل يدو علي وسطها وقرب منها..
هي داخت واحساس الحب كلو في اللحظة دي اتدفق..
همس ليها قرييب
*بحبك بحبك
ايوووووي يووووووي يوووووووي قطعت عليهم اللحظات صوت زغرودة فرح طالعة بمزاج..
*في شنو؟
نهى طلعت وموهوب خته الطفلة وطلع وراها..
مازن زاتو جا وبصوت واحد
في شنو الزغاريد يا امي؟!!
فوزية ومحمد كانو واقفين جمب بعض وظاهر عليهم مبسوطين..
فوزية:الف حمد وشكر لله رب العالمين
محمد اتصلو بي هسي ناس جامعة البيان وشالو استاذ معاهم ومن بكرا قالو لي ينزل شغل...
نهى ومازن جرو على ابوهم وحضنوه
الف مبروووك ياابوي الف مبروووك..
فوزية:هيي ما تميت ليكم الاخبار
اتلفتو عليها تاني في شنو تاني؟
وانا زاتي مدرسة النهضة اتصلو بي وقبلوني استاذة معاهم....
خلو ابوهم وحضنو امهم..
في لحظة فرح وسكينة كانت ما عادية ساعتها..
فوزية عاينت ل موهوب بضحكة كدا
والله انت كراعك باردة وقدم خير ياولدي..
كدي زول يجري يتصل بهتون يديها الخبر السمح دا تجي البيت..
وانا قايمة اسوي ليكم هسي لقيمات ومهلبية رز كرامة لله تودوها الجامع..
وقبل يمشو جاهم صوت نهى
و#انا في فرحة تالته يا امي وابوي..
انتبهو عليها..
وقفت جمب #موهوب نحن اتصافينا كمان الحمدلله وموهوب حا يشتغل هنا ويكون معانا وفترة صغيرة مسافة يجهز حالو حا نرحل بيت برانا..
و#انا مازن دا ما ولدكم!!!
نهى :عرفنا نحن انت مالك كمان امممم..
- قدمت في جامعة وشالوني خلاص...
ايوووووووي يووووووي يوووووووي فوزية فكت زغروته تاني ومشت على نهي حضنتا عليها ودمعتا في عيونا الله يسعدكم و يهنيكم يااولادي اي كدا الحمدلله ربنا هدا سركم الليل والنهار انا وابوك دا ندعي ليكم...
*خلاص النمشي اتصل بهتون هسي بتجي جارية بتحب اللمات والحاجات دي ههههههه وكمان بالمرة تساعدك..
-ههههههه ربنا يديها ود الحلال هي والله انا ما برتاح الا هتون دي اشوفا مع زول بستاهلا..
*ان شاءالله يا امي قسمتا ما بتفوتا..
مازن مشى قدامهم انا لي الله ماف زول عبرني نهائي اي بس بناتك ديل المهمات بكرا مازن دا تفتشي لي ما تلقيه تاني..
-اجي شوفي الود يا نهى هههههه
*خلي ياامي حاسي نفسو كبر وكدا ..
قال ليها ب يدو انتي اصبري لي بوريك لي... ضحك ومشي خلاهم يضحكو
....
.....................

تلفونا ضرب لقتو ممدوح
*عاوز شنو