#بي_يدي_جبتووو10

بقيت متواصله مع محمد وكل يوم ماشه اتعلق فيهو زيااده😍وبالناحيه التانيه قعد اجهز نفسي للمدرسه لاني نازله تالته😎

اها جا يوم اني انزل المدرسه اول شي لبسته لبس المدرسه وكان ضيق فيني وحلووو الشعر طبعا اتغير عن زمان واللون ده بقي نفسيااات 😍😍
شلته تلفوني صبحته علي محمد واديت التلفون لي ايثار وانا مرقته المدرسه 😎
اول م دخلته المدرسه البنات ديل دايرات ياكلوني اكل معقول امنه الضعيفه الخدرا العصعوصه تبقي كده؟؟😇👏 معقوله امنه المبشتنه تبقي كده؟🐸؟ انا كنت جسم ولون حاجه خياليه لمن نفسي دي عجبتني وبالجد السمااااااحه اجتهاااااااد
بقيت اشوف البنات يجو يسلمو علي ويتونسو ويتحكحكو معاي حتي الاساتذه انبرشو فيني😂
ولمن اجي طالعه الاولاد ديل كلهم مقهين فيني لمن البنات بقو يغيرو لكن نهااااائي ما كلمته بت بي علاقتي مع محمد(هيييي البنات ديل صعبااات وشلابات اخير لي محااافظه عليهو كده)
بعد انتهي من المدرسه اجي خاشه البيت استحمي واشيل التلفون من ايثار اتونس مع محمد وانوم اصحي مع المغرب اغسل ملابسي واكل واكوي واجلبط كريماتي واقرا بعد انتهي اجي اتونس مع محمد
عديت سنه تالته دي كلهااا كده ومحمد صارحني بي حبو وانا كمان حبيتو شدييييد
امتحنته سنه تالته وكان محمد هو البشجعني علي القرايه وفي فتره الامتحانات اديت التلفون لي ايثار تشتغل بيهو هي
وانا ركزته في قرايتي لكن يومي بسلم علي محمد بي مكالمه عشان اطمن عليهو
امتحتنه وجيت شلته تلفوني واااصلته مع محمد تااني وكل يوم كنت بتعلق بيهو اكتررر
طلعت النتاائج وانا احرزته لي نسبه سمحه شديد وكل الناس عجبته ومحمد قال لي عندي ليك هديه بي مناسبه النجاح ده
والهديه كانت عباره عن....

#امنه_مهدي📝

#بي_يدي_جبتووو11

قال لي انو نازل السودان لمده يومين بس وعاوز يشوفني😍😍❤

انا فرحته شديييد من كلامو ده وقال ح ينزل بعد اسبوعين😷 يلا هنا بت الحكحكه والنضافه والجيها😉🏃 وكانت ايثار هي البتشجعني وكل يوم انا بتكلم معاهو ومتفقين علي اي حاجه 😎😇
وحتي ايثار ادتني ملابس كده عجيبه عشان اقابلو بيها😍😎 وطبعا كل يوم قبل انوم لازم افكر فيهو وافكر كيف ح نتقابل وكيف ح يكون شعورنا(حركات البنات ديك) 😍❤😂
ومواااصله معاهو والتواصل زاااد وبقيت مدمنه عديل كده ومنتظره بفاارغ الصبر 🙈🙈
اها جا اليوم البنزل فيهو وانا كنت مستعده ومتجهزه
متواصله معاهو لحدي م ركب الطياره وجا ❤
وصل هنا بالسلامه وطمني عليهو😘😘
طوالي فات لي اهلو سلم عليهم وحام فات للناس العندها بكيات واعراس المهم لفا لي اهلووو كلهم😔😔😔
بليل اتكلم معاي قال لي انا تعبان وفتران والليله انا تعبته عشان يوم بكره افضي ليك 😀😀(بعد بكره راجع طوالي)😢 قلته ليهو خلاص اخدته ونستي والليل كلو نتونس 😍
قفلته الخط وبقيت افكر فيهو واتخيل م قدرته انوم
صحيت من الصبااح وانا ملبوشه نضفته البيت ولبسته وجا وقت نتقابل😍😍😍❤
كلنا لي خالتي ماشين نقدم للجامعه وفعلا كنا عاوزين نقدم 😇لبسه ديك ي اللبسه والجنصصه والشعر والبوف وعامله منكير احمر مع اللون عااامل شغل😍❤👏
المهم طلعته عسل بس مرقنا انا وايثار مشينا قدمنا للجامعه بعد انتهينا هو اتصل علي قال لي انا جاي عليك❤ بس اللبشه والبشتنه بدت انا بقيت ارجف واعق لمن مسكني هبوط(حب حياتي عاوزه اقابلو لي اول مره)😵
عملته لي روج احمر مع لون الوش والكحل جل شررركه وتسريحه البوف ومرجعه الطرحه لي ورا بس واتريحته وبقينا منتظرونو 😍😘
بس اشوف ليك عربيه جات وقفت قدامنا ونزل منها ولد ماشاااءالله تبارك الله ولد يجهر من جمالو 😘😘
نزل سلم علينا وانا يدي تلج بس من الخوف لمن برجف وبعررررق من كل حته وخااايفه😵😵😵 وهو كان يعاين لي ويبتسم 🙅
ركبنا في العربيه انا ركبته قدام وايثار ورا وبقي يتونس وسألنا عملتو شنو في الجامعه وكده وانا ما قادره ارد من الخجل 😭😭
وصلنا محل قال لي انزلو نزلتا لقينا محل كده عجيييب😍 دخلنا فيهو وطلعنا الطابق الفوق قعدنا ويلا بدت الونسه وانا خجلانه مدنقره راسي م قادره ارفعو 😭وهو يتونس مره معاي ومره مع ايثار😀
طلبنا الاكل ومعاهو العصير وانا من الخجل م قادره افتح خشمي وهم يضحكو فيني😂😂
بعد اكلنا وتمينا ونستنا قمنا طلعنا وبقينا لافين مشينا علي شارع النيل وشربنا جبنه بي مزااج😇😇 وبقينل نتونس
بعد الوقت اتاخر قلته ليهو انا اتاخرته قال لي خلاص
وصلنا بالعربيه ودعتو لاني تاني م ح اشوفو لانو مسافر بكره😭😭😭 واداني كيس قال لي ده بي مناسبه انك نحجتي 😍
شلته الكيس ونزلته دخلنا البيت انا وايثار وكنا فرحانين فرح❤ فتحته الكيس لقيا فيهو ادوات مكياج كامله وعطور وعبايتين(اي حاجه كانت اتنين اتنين)ومعاهم شمبوهات ومرطبات😍😍😘😘😘❤❤❤
اتصل علي قال لي جبته لي ايثار ❤معاك انا فرحته شديد لانو ايثار اكتر واحده وقفت معاي حتي يوم الليله هي اللبستني وجيهتني😍😍😘
اتقسمنا الحاجات سوا
وبليل اتصلتا عليهو وقضينا ونسه للصباخ وفرح وقال لي بعد اصل السعوديه عندي ليك خبر حلوووو شديد😇😇

#امنه_مهدي📝

#بي_يدي_جبتووو12

بقيت منتظره متين يرجع وقاعده علي طرف اعصابي اول م ركب الطياره اتصل ودعني وانا ابكي كأنو مات لي زول😭😭
جات ايثار وبقت تضحك فيني😂 ودعتو هي زاته 😎
وهو سافر اول م وصل اتصل وطمني عليهو❤ وبقي يتونس معاي وقال لي انتي عجبتيني شديببد 😍وانا حبيتك شديد 🙈ومن اول م شفتك لقيت نفسي ما بقدر استغني عنك انا عاوز اتزوجك عديل😍😍😍🙈🙈❤
انا من سمعته كلامو بقيت ابكي من الفرح 😂ومن يضحك ويقول لي حبيبتي م تبكي 😘انا حاسي بيك انك فرحانه لكن م تبكي❤ يلا ي امونه انا ح انزل بعد 3 شهور وح اتقدم ليك لكن م عاوز خطوبه ح اعقد عليك طوالي😍😍 ونتم العرس وبعد داك انتي تتعمي قرايتك من بيتي😇😇😉
انا فرحته شدييد من كلامو ده وحسيا نفسي ملكته الدنيا كلها 😇😉معقوله حب حياتي يتقدم لي واتزوجو علي سنه الله ورسوله😎 والكلام والحكاوي البسمعه من البنات انو الاولاد بخدعوهم معقوله حظي سمح للدرجه دي بس😍😍
قفلته الخط ومشيت اتوضيت وصليت ركعات شكر لي ربنا 😍😘وجيت حكيت لي ايثار وهي فرحت لي شديد 😍وقالت لي انا مش وريتك انو جادي وبقينا نخطط انا وهي واثناء م بنتكلم هو اتصل علينا وفتحنل الاسبيكر وبقينا نتونس😂
بعد شويه شلته التلفون وبقيت اتكلم معاهو براي وقال لي انا عندي بيت في الحته الفلانيه مبني جااهز بس ناقصو الفرش والبيت جمب بيت ناس امو لكن في الفتره الاوله ح نعيش مع ناس امي لكن انا وانتي ح نجهز بيتنا من هسي ونقفلو وعند ناس امي في غرفه جااهزه لينا عشان ما نخلي امي براها لانو اخوي عمر مافيش(مغترب في دبي)
قلته ليهو خلاص
قال لي يلا بكره برسل ليك رقم المحل بتاع سيد المعرض امشي انتي واختار العفش البعجبك وصوري لي وكلمي سيد المحل وخلي هو يتواصل معاي
انا قلته ليهو كويس وكنا طااااااايره من الفرح
كلمته ايثار وتاني يوم من الصباح مشينا المعرض واخترنا العفش وصورنا وانا قلته لي ايثار رسلي ليهو لانو تلفوني مافيهو كهرباء نسيت اشحنو وهي رسلت ليهو واتفقنا علي اي حاجه
جيت راجعه واتكلمته مع محمد وقال لي زوقك حلو شديد بعد ده فضل ليك تختاري المطبخ وبرضو قال لي امشي لي بتاع المعرض ده خلي يوديك قسم المطبخ قلته ليهو كووويس تاني يوم نفس الشي مشينا واخترنا المطبخ ومحمد كان مرسل لي قروش قال لي اشتري اي اساس للبيت يعني البيت تفرشي علي زوقك انتي وانا يتابع معاك بالصور
كملته الغرفه والصاله والمطبخ وحتي الحمام اخترتو وخليت ديكور البيت لونه واحد يعني كان شغل حلووو وانا م مصدقه انو النفسي فيهو زمان اتحقق لانو كان نفسي ارفع مستواي واعيش عيشه حلوه وخصوصا مع البحبو
هناك قبلوني في الجامعه ونزلته الجامعه وانا داك ي الجنصصه واللبس والمكياج لكن م كنت بتكلم مع اولاد نهائي لانو محمد مكفيني ومالي عيني
اموري وضحت وبقت تماااام لحدي ما جاااتني الصااااعقه

#امنه_مهدي📝

#بي_يدي_جبتووو13

اتصل علي محمد وشاكلني وبقي ينهر فيني وقال لي كيف تتكلمي مع بتاع المعرض وتتونسي معاهو انتي واحده خفيفه وم بتنفعي معاي
انا بقيت مصدومه واتزكر ده ياتو معرض
بعد اتزكرته وحلفته ليهو بي الله قال لي بتاع المعرض براهو اتصل علي وكلمني انتي واحده خفيفه معناها ق الجامعه برضو بتتونسي وانا هنا مضيع مستقبلي معاك
الكلام ده اهاني شديد قلته ليهو اسمع هنا انا بعرفك لي تلاته سنه وما حصل عاينته لي ولد غيرك وانت متاكد من الحاجه دي وبتاع المعرض ده مستعده اواجهو معاك وكونك تقول علي خفيفه بعد ده جبته النهايه حقتنا(انا كنت زوله شجاااعه كلووو ولا كرامتي) وطق قفلته الخط ف وشو ومشيت الواتس والفيس والايمو وحظرتو من كل حته حتي من المكالمات وبقيت ابكي جات ايثار وحكيت ليها وهي زاته نبذتو واتصلت عليهو سمعتو فاارغ وبقت تبكي معاي(وقفت معاي وقفه شديده) وانا كل م اتزكر كلامو ابكي واتحرق لانو ظلمني وقال كلام حار شديد
الليل كلو شايله بكاء صحيت الصباح عيوني مورمه من البكاء ومشيت الجامعه ايثار قالت لي م تمشي بي حالتك دي قلته ليها انا م بخلي مستقبلي عشانو
لمن فتحته تلفوني لقيت كميه من الرسائل واعتزر لي وندم لكن انا قلبي انجرح خلاص والكلام السمعتو كرهني نفسي وندمته علي اني عرفتو
بقيت اقرا في الرسائل وهو يرسل وانا ما برد عليهو (كلوووو ولا عزت نفسي وكراامتي خط احمرررر)
اليوم رسل لي اكتر من 50 مسج وكلهم اعتزار وندم وبكاء وانا حاسه انو كرامتي اتمرمطتت لانو ما واثق فيني وانا كنت محافظه علي نفسي وهو شاكي فيني
جيت البيت لقيت هو برضو مرسل لي ايثار رسائل كتيره وبترجاها انو ترجعنا لي بعض وايثار بقت تحنس فيني وانا رااافضه الموضوع ده نهائي
عديت لي اسبوع وانا بالطريقه دي لا اكل ولا شراب الغ بسيييط حتي كريماتي وقفتها واتبشتنته وانا شكلي اختلف
قلته لي ناس خالتي انا ماشه البلد اغير جو واسلم عليهم
وطبعا كل يوم محمد برسل لي ويعتزر وانا لسه حاسه نفسي م اخدته حقي منو عاوزه يتعذب
مشيت البلد وقعدتا هناك شهر كامل وانا كل يوم ايثار بتتصل علي وتعمل الخدمه ومحمد م بوقف رسائل مني نهائي
اخدته قعدتي وعندنا عمنا معانا في البلد لكن ف قريه براهو مشيت قعدته معاهو اسبوعين وجيت وانا يووومي مع ايثار بالتلفون ومحمد م بطل يرسل لي
جيت لي ناس امي من خشيت لقيت امي متغيره وزعلانه م سألتها لانو الفيني مكفيني
قلته ليهم انا ماشه الخرطوم لانو الجامعه خلاص بعد ده
امي قالت لي م تنزلي عند خالتك تاني
قلته ليها ليه؟ قالت لي يعني انتي رضيانه بي العملتو ده؟ (م سالته امي كتير لاني قلته اكيد ده سبب تااافه) وانا كنت مشتاااقه لي ايثار وم كلمتها اني جايه عشان اعمله ليها مفاجاءه
ابوي قال لي م تشتغلي بي امك وانزلي عندك خالتك
شلته شنطتي ودعتهم وجيت للخرطوم وبالجد لقيت الصاااقعه الحقيقيه بعد خشيت بيت خالتي

#امنه_مهدي📝

#بي_يدي_جبتووو14

دقيت باب ناس خالتي وفتحت لي خالتي من شافتني اتخلعت لمن وشها اتغير انا سلمته عليها قلته احتمال اتخلعت عشان شكلي لاني اتبشتنته وبقيت اكعب من الاول لاني دخلته في نفسيات

سلمته علي خالتي ودخلته قعدته جوه خالتي جات اتونست معاي وقالت لي انا قلته تاني ما بتجينا قلته ليها لا ما تقولي كده وانا اصلا المواضيع الفارغه دي ما بشتغل بيها( كنت قايلاها هي وامي متشاكلات)

مشيت استحميت ولقيت ايثار ماف قلته معناها في الجامعه دخلته نومته صحيت بقيت افتش علي ايثار
عاينته للتلفون لقيت رساله من محمد وهو بحنسني ويترجاني عشان ارجع ليهو مسحته الرساله
لكن كنت مبسوطه عشان كنت ناويه ارجع ليهو لاني حسيتو ندم
اها بقيت اسال في خالتي وين ايثار؟
قالت لي ايثار في بورسودان
قلته ليها الوداها شنو؟
قالت لي اجي العريس والعروسه بمشو بورسودان لي؟؟
قلته ليها شنوووو عريس وعروسه؟ قالت لي اي
قلته ليها دقيقه دقيقه انا م فاهمه حاجه فهميني
قالت لي يعني ما عارفه انو ايثار اتزوجت؟ قلته ليها هي ايثار اتزوجت؟/ قالت لي اي ي بت قولي بسم الله
بس انا بقيت مخلوعه قلته ليها لي م كلمتونا قالت لي العريس مستعجل والله وعشان كده امك كانت زعلانه مني وانا اتخيلتك انتي برضو تزعلي وم تجي تنزلي عندنا
قلته ليها انا م كنت عارفه انو هي اتزوجت مع انها كانت متواصله معاي طوالي
قالت لي خليها براها تحكي ليك ظرفه
التلفون حقي اتصل عاينته للشاشه لقيتو رقم غريب رديت عليهو قال لي الووو( لقيت صوت محمد) قال لي ورب العباد انا بحبك وعاوزاك
طوالي قفلته الخط في وشو
واتصلته علي ايثار ردت علي ( الو ي عفنه ي جزمه دا شنو العملتي ده) بقت تضحك وقالت لي والله ي امونه خليها بالنيه حصلت لي ظروف قاسيه
قلته ليها ظروف شنو؟
قالت لي لمن اجي بحكي ليك انا اصلا جايه بكره وبنزل في بيتي يلا انتي من الجامعه تجيني طوالي
قلته ليها كويس وقفلته الخط
مشيت نمته تاني يوم لبسته ومشيت الجامعه بعد انتهين اتصلته علي ايثار قالت لي يلا تعالي عشان امي زاته جات وصفت لي البيت
قفلته الخط وركبته المواصلات ومشيت ليها
دقيت الباب وفتح لي محمد😭😭
انا لمن بقيت مخلووعه قلته ليهو محمد؟؟ وهو يضحك ويقول لي عاوزه تهربي مني؟ ويضحك
وانا بقيت م فاهمه حاجه (اتاري عااملين لي مفاجاءه)😂😂

#امنه_مهدي📝

#بي_يدي_جبتووو15

بقيت مخلوعه وفاتحه خشمي وهو يضحك ويقول لي ي بت م تخشي ي بت
وانا جات خالتي وقالت لي ي بت خشي وانا بس اتصدمته(خالتي بتعرف محمد من وين)

محمد مسك يدي ودخلني خشيت جوه لقيت ايثار لابسه ليها قميص قصير ورسمه وشكله شكل عروس جات جاريه علي وحضنتني وبقت تبوس فيني وتقول لي اشتقته ليك تاني ما تطولي مننا

قعدته في الكرسي وانا مصدومه لسه
ايثار قالت ي امنه ده محمد الحكيت ليك عنو سلم عليها ي محمد

محمد مدا لي يدو وانا برجف سلمته عليهو وبقو يضحكو
خالتي قالت لي ايثار هي بتعرفو؟ ايثار قالت ليها انا زمان كنتا مصدعه بيها كل يوم احكي ليها عنو فتره حبنا دي كلها هي عاشته معاها لحدي م اتزوجنا عليك الله ي امنه م تزعلي عشان م كلمتك لكن والله محمد كان في السعوديه وجا فجاءه واتقدم لي والموضوع جرا سريع م لقيت نفسي إلا انا معرسه

بس انا هنا وقعته فتحته عيوني وانا في السرير وجمبي ايثار وخالتي ومحمد

ايثار قعدت جمبي مالك ي حبيبتي في شنو؟ قلته ليها مافي حاجه

خالتي قالت ليها البت دي اتغيرت عان ضعفت واتبشتنت كيف وبقت م بتاكل
محمد قال ليها خلاص هسي بجيب ليها اكل
قلته ليهو لا م عاوزه انا ماشه البيت
ايثار بقت تحنس فيني وتقول لي اقعدي قلته ليها م بقعد

محمد قال لي خلاص بوصلك قلته ليهو لااااااا

طلعته سريع وفي الشارع ماشه معاي خالتي وتقول لي ي بت مالك طلعتي في شنو؟؟؟
قلته ليها انا تعبانه م حبيت ازعجم وهم عرسان
قالت لي خلاص ارح

وصلنا البيت وانا ماااسكه دموعي بالقوه دخلته الاوضه وم فاهمه حاجه ما قدره ابكي ولا اضحك ولا اعمل شنو كنت مصدوووومه وم فاهمه حاجه

الليل كلو عديتو مساااهره م قادره انوم وحاسه انو ده حلم مشيت كبيت لي جك مويه في وشي ولسه م صحيت دخلته الحمام استحميت وانا علي امل انو اصحا من الحلم ده

تاني بقيت مراقبه التلفون علي امل انو زول يشرح لي الحصل معاي ده
انتظرته متين الصباح ده يصبح وجريت علي خالتي قلته ليها احكي لي بالحصل مع ايثار

قالت لي والله فوتك كده ايثار صارحتنا انو عندها زول وهو جادي وزول عرس وانو مغترب في السعوديه ووضعو حلوو شديد

وابو ايثار سأل عنو ولقاهو زول مهذب وادينا الموافقه طوالي اهلو جو وجهزو حاجات العرس كلها وهو جا قبل العرس بي يومين ومنها حصل العرس كان سريع شديد حتي نحنا م عزمنا ناسنا

قلته ليها ليه ما كلمتوني قالت لي والله ايثار قالت م نكلمك عشان انتي كنتي تعبانه وما عاوزه تشغلك معاها (المهم ادتني اعزار بااايخه)

لبسته وقلته ليها خلاص انا ماشه ع الجامعه قالت لي انتي تعبانه قلته ليها لازم امشي ومرقته
مشيت لي بيت ناس ايثار لانو في علامات استفهام كتييييره في راسي

#امنه_مهدي📝

#بي_يدي_جبتووو16

دقيت الباب فتحت لي ايثار وكانت بتضحك وقالت لي كنت عاارفاك ح تجي خشي
خشيت جوه وانا مستغربه في بروده ده لانها كانت بااارده
خشيت وانا شايفه البيت الكنتا ح اسكن فيهو انا شايفه كل العفش الاخترتو انا شايفه الديكور النثقتو انا اللحظه دي كانت بالنسبه لي موووت
قعدته وقلته ليها انا عندي اسئله في راسي
قالت لي اسألي ساي
قلته ليها انتي ومحمد عرستو كيف؟
قالت لي ي امونه ي حبيبتي م تتزكري الماضي الماضي خلاص انتهي وراح خليك في يوم الليله
قلته ليها انتي عرستي محمد وعارفه انو محمد ده كان حبيبي انا
قالت لي انتي قلتيها بي خشمك كاااان حبيبك
قلته ليها هو لسه بحبني
بقت تضحك وقالت لي اصحي من اوهامك دي ي بت م تخليك بت طيره شنو حبيتو وحباني دي شنو امور المراهقه دي اها انتي حبيتي وانا عرستو عشان كده يا امونه نصيحه مني ليك فتحي عينك وما تخليك مسكينه واعرفي مصلحتك وين
(انا بس مصدوووومه)قلته ليها بس اشرحي لي الحصل
قالت لي ياخ من وريتني صورتو ي امنه في التلفون الولد ده انا عجبني وخشا مزاااجي وكنت ساكته يلا لمن جا عشان يقابلك وانا مشيت معاك انا شفتو وعجبني شدييييد ودخل لي في مزاجي وبقيت بفكر فيهو لانو عجبني وعجبني اسلوبه ولمن جينا راجعين لقيتو مرسل لي رساله لانك ي الغبيه مدياهو رقمي وهو خشا علي واتونس معاي وصارحني اني عجبتو شديد اكتر منك وانو عاوزني انا
لكن انا مفتحه ما زيك قلته ليهو لو عاوزني تتقدم لي طوالي لكن امور ونسه وحب م بتنفع معاي وهو وافق طوالي لاني عرفته احببو فيني
وبقينا متواصلين مع بعض وحبينا بعض شديد ولمن قال لي امشي اختاري العفش وانتي سقتيني معاك انا كنت عاارفه انو العفش ده حقي انا وانا التكتكته الموضوع ده وحتي لو بتتزكري انا الاخترته معظم العفش وانتي ي غبيه لمن قلتي لي رسلي العفش في رقم محمد وانا رسلتو ليه م سالتي نفسك انا جبته رقمو من وين؟
دائما كان بتونس معاي بي تلفونك وانتي م جايبه خبر
المهم انا بقيت اتكلم ليهو عنك وحتي بي موضوع بتاع المعرض انا الكلمتو وحرشتو وهو استغلاها فرصه لانو نحنا العملنا الخطه دي عشان تتشاكلو وتبعدو عن بعض وفي الفتره دي انتي تسافري لي اهلك وانا اعرس بي مزاج وبالنسبه لي انو محمد برسل ليك رسائل دي انا الكنت بطلب منو كده عشان ما تشكي فينا
انا بس بقيت متهوله وبقيت اقول ليها لي عشان شنو؟ انا عملته ليك شنو؟
قالت انتي كنتي واحده وسخانه وجربانه ومقطعه اناااا النضفتك وبقيت بت مع البنات انا الخليت الاولاد يجرو وراك بسببي انااا وانتي عجبك محمد وعاوزه تشيلي علي الجاهز ههههاااا كنتي قايله الجمال كل حاجه لا يختي الجمال ما كل حاجه العقل والذكاء هو كل حاجه شوفي انا فالحه كيف وقدرته اعرسووو وانتي مجكسه ليك كم الموووووهم ي امنه م تعيدي الماضي وم تعايني بي ورا ان شاءالله تكوني اخدتي درس واتخلصتي مع مسكنتك وطيبتك العويره دي وفتحي عينك
انا بقيت ابكي وقلته ليها والله ي ايثار ما اخلي ليك حقي
جريت طلعته برا لقيت محمد في وشو قلته ليهو اقسسم بالله لو فضل اخرررر يوم في حياااتي انا م اخليك وح انتقم منك واقطع قلبك زي م قطعته قلبي وبكرررره تشوفو ح اعمل فيكم شنو والله اطبق فيكم نظريه اخلي الناس كلها تتكلم عنها

#امنه_مهدي📝

#بي_يدي_جبتووو17

جريت الشارع وانا ببكي حالتي تحنن كل م القي لي ركن اقيف ابكي فيهو بي صوتي الناس الفي الشارع قايلين مات لي زول
انا اجعر بي كل قوتي حاسه انو قلبي ده محرووووق عاوزه اتفشا
بس بقيت ابكي لمن وقعته في الواطه وانا بصرخ والدموع دي لمن كملت من كترت البكا
بس لقيت لي مزيره غسلته وشي واتفضته وركبته المواصلات ومشيت البيت سلمته علي خالتي ودخلته الغرفه
بقيت بس ساااكته وقاعده في نص السرير اتلفت زي المجنونه ( قمه الالم والخذلان الاتعرضته ليهو قااادره علي انها تجنني)
بقيت اتلفت بي طريقه مخيفه ومره اضحك ومره ابكي واتزكر في كلام ايثار لقيت فعلا انو علاقتم كااانت واااضحه قدامي بس انا من ثقي الزايده ما ركزته
بقيت اتزكر لمن محمد يتصل علي وانا اديهو يتكلم مع ايثار بالساااعات ولمن يرسل لي هدايه برسل لي ايثار معاي
يعني العلاقه كانت واضحه شديد
بقيت اتزكر في صحبتي لي ايثار وانها كيف خذلتني وجعت قلبي واكتر شي وجعني وقهرني انهم يضحكو علي وماخدين الموضوع گ انو كاميرا خفيه ومبسوووطين انهم ضحكو علي ما عاارفين كميه الالم الوجع الانا عااايشه ولقيتم بستهترو بي مشاااعري في اللحظه دي انا خلااااص الفيني كملت
طوالي شلته المرايه حقتي وعاينته لي نفسي في المرايه لمن اتخلعته في شكلي لاني اتغيرته بقيت مجنونه رسمي
بقيت اقول انا امنه اتوجع كده؟ لي هي احسن مني في شنو؟ وحسيت عيوووني دي ح تنفجر في اقل من الثانيه انا نمته
تاني يوم جات خالتي صحتني قالت لي ايثار ومحمد برا سلمي عليهم
طلعته برا شفتهم ليك مع بعض اول م شافوني مسكو يدين بعض وبقز يتونسو نظام يغيزوني انا هناااا عيوووني دي طلعت شراااار بقت حمراااء اتحولت قلبي ده اتشقاااا نصين
هم لمن شافو منظري كده لمن خاافو لانو بالجد منظر عيوني طالع منهم شرار حق غضب انا بي جوواي كاان في بركااااان حق غضب
عاينه ليهم هم بقو يرجفو من الخوف بس دخلته الاوضه جوه وانا عيوني لسه مقلعه وشكله مخوف
شلته المرايه وعاينته لي نفسي تاني لحدي م هديت بس ناااار الانتقااام مولعه فيني لسه والبركان لسه م فشا قليلو
بس اتصلته علي عمي في السعوديه قلته ليهو انا عاوزه اقضي الاجازه معاك هناك في السعوديه وهو رحب بي قلته ليهو خلاص اتصل علي ابوي وحنسو وانا الفتره دي بجهز اوراقي وجوازي قال لي تمام
بعد شويه اتصل علي عمي وقال لي ابوك وافق وجهزي اوراقك وانا بقطع ليك التزكره قلته ليهو خلاص
قفلته الخط وانا نار الانتقام موووولعه فيني لمن بقيت ما طبيعيه من كترت الغضب ومن هناااا ح تبدا مرحله الانتقااام

#امنه_مهدي📝

#بي_يدي_جبتووو18

بس هنااا رتبته اموري وبعد اسبوع ساافرته السعوديه وصلته هناك ونزلته عند ناس عمي
يلا عمي ده طيب شديد ومرتو كمان طيبه بس اخدته لي راحه لكن كل ما اتزكر ايثار ومحمد قلبي يتوووجع بس لو م اخدته حقي يكون مهدي م جايبني وانا لمن اقووووم صععععبه وياادوب كده يا ايثار ومحمد فتحتو عليكم باب جنهم يلا استعدو للعاااصفه الحتحصل ليكم اقسم بالله اجننكم جن واخليكم تكرهو اليوم الشفتوني فيهو واوريكم الله واحد يلا استعدووو...

مرت عمي جاته خاشه وشايله ليها قروش قالت لي هاك دي عمك قال ليك دي مصاريف لو احتجتي لي حااجه قلته ليها بس😍القروش دي جااات في وقته😇
سقته مرت عمي ونزلنا مشينا السوق اشتريت كللللل كريمااااتي ومعدااات خجلتي(الشي الوحيد العملتو فيني خير ايثار انها خلتني مفتحع ووممكن تقولوا الضربه دي بقت لي درس وخلتني ابطل مسكنه)
جيت راجعه وانا معاي حاجات جلختي كلهاا كمان هي الاصليه😍 وزيوت الشعر والحبوب لفتح الشهيه😍يلا ورجعته امووونه الزمااان النفسيااات دي فوووق
عمي بطلع الصباح بجي راجع المساء ومرت عمي شغاله برضو
اها بخلوني في الشقه براي وانتو عاارفين ترطيبه السعوديه مع الحبسه الجبتها دي
اصحي من الصباح اتجلبط واجلبط شعري وابلع حبوبي ويلا اشتغل رقيص وغناااء الموووهم نفسياااات فووووق😎
يلا خشيت الفيس يلا احم احم احم احم جااا وقت العاااصفه بقيت اعمل سيرش ودخلته في صفحه محمد ومنها تنقش تنقش بقيت افتش في اصدقائو ووووررررب عيني وقعت علي صفحه عمر اخوهووو😍ايواااا دا الكلام الصااااح👏👏
طق رسلته ليهو طلب وخشيت لي بي (سلام عليكم)
زولكم تقريبا كان اون لاين تررن جان رساله لقيته منو ومعاها كمان قبل الطلب😍اممممممممممك اللييييله كتمت كتمت كتمت😵
رد لي السلام
يلا انا خشيت ليهو بي حنك اني بت خاله ايثار اللهي زوجه ومحمد وهو رحب بي وسلم علي وديك ي الونسه والاسئله وطلع زول حبوووب
يلا قلته ليهو انا قااعده في السعوديه وم حضرته العرس(حكيت ليهو اني بت متعلمه ومثقفه وتعليمي فوووووق كل شي وجيت السعوديه فتره نقاااهه وكده😎) زولكم خشااا طوالي ونسه وحكاااوي وطلع هو مغترب في دبي وشغال في شركه(هو اكبر من محمد وهو البصرف عليهم حتي عرس محمد هو السواهو يعني عمر ده الماااااليييه عمر ده البنككككك حقهم)
اممممممكككككك اللييييله ي ايثااار ومحمد وقعتو في الزول المااابرحم😈

#بي_يدي_جبتووو19

بس بقيت اتونس مع عمر واللون حقي بقي دماااار مشيت عملته لي ميج في شعري وكويتو وعززززيت نفسي وعملته لي احلي مكياااج وجيت لبسته احلي لبس عندي وبقيت اتصور واتجدع
يلا عمر طلب مني رقمي😍بسسس زولكم وقع في الشرك
طوالي رسلته ليهو الرقم وبقيت اتونس معاهو وكل مره ارفع جزو من صوري في الحاله وهو روحو اتشحتفت عشان يشوفني
وانا متجددددعه لكن ما بنزل الصور كامله يعني بقصها او بغتيها بي ايموش عشان اشحتف روحو
وعاامله فيها تقيله ما برد عليهو طوالي ومفهماهو انو راحة بالي فوووق الكل واهم حاجه دراستي وكل مره اجيب ليهو سيره الدراسه نظام البت مثقفه وكده(يلا اي راجل بحب البت المثقفه الحلوه الطموحه العندها هدف وعندها رساله)/ بس عيشتو ليكم كده وطبعا مع التقله الزول داير يموووت وراي
يلا بقينا نتكلم مكالمات😍 وارقق ليهو في صوتي وديك ي الونسه والضحك وطبعا مظهره ليهو اني بت فرفوشه وضحوكه وزوله مزاااج يعني حتي القهوه دي بي بخوره😍
واهتميت بيهو اهتمام شديييد يعني لو في خلال الونسه قال لي بكره عندي شغل (تاني يوم بتصل عليهو اصحيهو اقول ليهو قوم الشغل)وقت الوجبه بتصل عليهو اقول ليهو اكل المووووهم اهتميت بيهو شديبيد(الزول في الغربه ومحتااج لي حنينه وطبطبه) ياخ انا فتا نانسي عجرم دي هنااااك في الطبطبه والدلع😂
ومفهماهو اني حنييينه وطبعا ده بي تصرفاااتي
يلا زولكم طلب مني صوره في الاول اتعززته لكن تاني رسلته ليها اكتر صوره لي حلوه زولكم ادشدش واتكسر حته حته عجبتوووو الصوره وكسرت فيهو ضلعه❤
الزول ده بقي حارسني كده وطوالي معااي عرفته كيف اجذبو لي وبرااااحه من غير ما يحس خليتو يطلب مني الطلب الانااااا عاااوزه ومنتظره علي احرررر من الجمرررر

#امنه_مهدي📝

#بي_يدي_جبتووو20

قال لي ممكن نتقاابل😍 قلته ليهو نتقابل كيف؟ قال لي مش انتي اجازتك قربت تنتهني قلته ليهو اي قال لي خلاص انتي انزلي السودان وانا زاتي بنزل ونتقابل هناك قلته ليهو خلاص واتفقنا ننزل بعد اسبوعين
بس مشيت كلمته عمي اني نازله عشان الجامعه وكده ويلا يا الاجتهاد والسمااااحه المره دي اجتهددددتع لمن كسرته رقبتي في الجيهااا دي وكل يوم بتكلم معاهو ونتونس وضحك واخليهو يتخيل فيني غاايتو عيشتو في حلم جمممميل
جا يوم النزول هو نزل قبليني بي يوم وانا نزلته بعديهو طبعا شايله معاي ديك ي العبايات الراقيه والعطور واللبس والكشب غاايتو عمي عزاااني عزه😍
جيت نزلته عند خالتي وقعدته وهو اليوم كلووو يدق لي داير يشوفني(شفقااان) قلته ليهو انا نزلته الليله تعبانه ما بقدر خليهو لي بكره قال لي ي زوله بجيك جمب الباب قلته ليهو اصبر لي بكره غايتو بعد تحانيس حتي رضا والليل كلو يتونس معاي
تاني اتصل علي من الصباح وقال لي يلا امرقي😂
اها انا خليتو يمشي المكان العاوزين نتقابل فيهو وانا يااادوب قمته استحميت ولبسه واتمكيجه واتمكرته وسرحته ولبسته واتريحته وجيت مااارقه يا دنيا ما فيك إلا انااااا (دا كلووو وهو منتظرني علي احر من الجمر..لازم ينتظرني عشان يكون متشوف لي)
كنت لابسه لي اسكيرتي اسود ومعاهو بلوزه كبديه والطرحه كبديه مع الروج الكبدي والوش الابيض حااااجه مباااالغه والشبط كبدي ومعاهو المنكير الاسووود مع اللون حاااجه تحير وعامله بوووف والميج دا يلبش وخاته الفريم وجيت خاشه المحل
غايتو كنتا نفسياااات الصحه دي تماااام والجسم واللون اي زول شااافني شاغلني🙈
خشيت المطعم وانا كلي ثقه مشيت عليهو وانا ماشه خطوه خطوه وهو من شافني وقف علي حيلو وفتح خشمو😂 يعاين في الملاح ده مديت ليهو يدي وانا لابسه لي فيها ساعه كبديه مع المنكير واللون ده ومعاهم خاتم كده صغنوووني وظرررريف😍 اليد براها تحير
زولكم بقي يعاين لي في يديني وشوي لمن اتلخم😂 سلم علي وقال لي اتفضلي وناس المحل كلهم يعاينو لينااا
يلا احكي ليكم بيهووو جا لابس ليهوو بنطلون اسووود مع قميص كحلي وهو اخدراني ومعاهو الجزمه والقاش وديك ي الشكه والساعه والسكسوكه(احلللللي من محمد بي مراحل)والطول والقوام غايتو حلااااتو
انا يلا قلعته الفريم نزلتو برااااحه كده كنت عامله كحل وروج الكبدي وراسمه العيووون والله تحلفو تقولوا عيووون غزال بس😍الولد ده لمن بلع ريقو والعرق نزل منو من شافني😂😂
يلا بقينا نتونس ونحكي وداك ي الضحك والكلام والخجل وانا مظهره ليهو اني بت ناس ومحترمه
اخدنا قعدتنا وجينا مارقين فاتح لي باب العربيه وركبنا فيها والطريق كلو م شال عينو مني وبقينا نتونس وصلني البيت ودعني
خشيت البيت وانا متأكده انو تاني م حيخلني بعد شافني😍
وانا لسه بفكر لقيت منو مكالمه رديت عليه. وصدمني ليك

#امنه_مهدي📝

#بي_يدي_جبتووو21

قال لي والله ي امونه انتي عجبتيني شديييد وانا معجب بيك وبحبك عديل😍
يلا انا ارتبعته وقعدته في نص السرير وبلعته ريقي وقلته ليهو والله يا عمر ده ما اتفاقنا من الاول انت زول عاارفني انا بدرس وانا القرايه دي اهم حاجه في حياتي وانا كنت معتبراك صحبي بتونس وبحكي معاك لكن م اعتبرتك حبيبي خالص
وكونوا ارتبط معاك بي حب دي حاجه مستحيله لانو الحب بعيق القرايه
قال لي لا انا ما كده
قلته ليهو عاين م تشبكني انا ما كده وشنو عاين انتو يا اولاد ادم طينتكم وااااحده مثلا انا حبيتك وعملته معاك علاقه وانت شجدعتني علي قرايتي عاااوز تضمن لي انك ما ح تعاين لي بت غيري؟؟؟ ح تضمن لي انك ما ح تزعلني؟؟ ح تضمني لي انك ما ح تشغلني وتخليني ابكي وما افكر فيك؟؟؟
يا عمر انا عاارفه حركات الاولاد دي لاني بسمع بيها من ناس الجامعه ومن الفيس يعني عندي خلفيه عنكم عشان كده انا متحفظه وما عاوزه لي اي علاقه
قال لي لا والله يا امنه انا ما زيهم انتي براك شوفيني واحكمي
قلته ليهو تمام اها انا علاقه حب ما بتنفع معاي يعني نقعد نتقابل ونقعد لينا في نجيله وانا ادنقر واخجل واتهابل وانت تقطع في النجيله زي الغنمايه كده ما دايره ولا دايره اني اقابلك بالسر واكون خايفه ولا دايره احبك واتعلق بيك وفي النهايه تكون لي بت تانيه
عان يا ود الناس لو انت بالجد بتحبني ودايرني وشاااريني تعال دق الباب وقعد من ابوي واتفق معاهو حتي لو ظرفك كعب انا بقيف معاك لانك راااجل وما عاوز تلعب بي مع انو انت ظرفك بسمممح ليك تعرسني الليله قبل بكره
عاوزني انت وجااادي اتقدم لي وانا يكووون مهدي ما جايبني لو ما وقفته معاك
اها انت لو عاوزني جااادي تعال لي ابوي بالباب لو ما عاوز تجي بالباب مافي داعي انا اخسر مستقبلي معاك
قال لي كلامك كلو صاح وطالع من انسانه فاااهمه واعيه والله كلامك ده شجعني وابشرررري انا ما الراجل البلعب بي بنااات الناس والليله قبل بكره بصل ابوك..

#امنه_مهدي📝

#بي_يدي_جبتووو22

قلته ليهو اول حاجه انت كلم اهلك واتفاهم معاهم وانا ح اكلم امي وافتح ليها اضانه عشان هي تكلم ابوي ونمهد ليهز الموضوع قال لي خلاص كويس وانا الليله بكلم اهلي هم اصلا من زمان عاوزني متين اعرس عشام اخوي الاصغر مني عرس وانا كنت مؤجل الكلام ده عشان ما لاقي لي بت حلال لكن بعد لقيتك خلاص
بقينا نتونس وقفلته الخط وانا مبسووووطه
اتصلته علي امي وقلته ليها اخو راجل ايثار قال عاوزني وحكيت ليها بيهو انو قاري ومتعلم وشغلو ممتاز وضعهم حلو وهي فرحت وقلته ليها الكلام ده خلي بينا لحدي م يجي وقتو حتي انا اقول ليك كلمي ابوي قالت لي خلاص
تاني يوم اتصل علي عمر وقال لي اهلي فرحو شديييد وقالوا عاوزيم يشوفوك الليله تعالي اوديك ليهم قلته ليهو خلاص كويس
مشيت اتظبطه ولبسته احسن لبس وجيت مارقه اتصلته عليهو وقابلتو وسلم علي وقال لي ارح البيت قلته ليهو في منو في البيت قال لي بس امي واخواتي اتنين( م متزوجات) واخوي ومرتو اممممممممك كتمت
قلته ليهو ارح وانا ماشه وكلي ثقه وهم كل مره يتصلو عليهو وهو يضحك يقول لي عان ليهم شفقانين كيف😂
وصلنه البيت ودقينا الباب فتحت لي اختو وطلعت زميله معاي في الجامعه وسلمته عليها ورحبت بي خشيت جوه في الهول لقيت اختو التانيه ومعاها امو مشيت سلمته عليهم ورحبو بي شدييد وكنا بشوووشه معاهم اها عمر قال لي اعرفك علي اخوي محمد ومرتو قبلته عليهم وانا كلي ثقه وابتسامه عرررريضه كده وسلمته عليهم😂وهم صبت فيهم مطره ما قادرين يتنفسو😂
سلمته عليهم وعمر قال ليهم دي زوجتي المستقبليه ان شاءالله انا ضحكته ودنقرته راسي وقلته ليهو ان شاءالله😇
اختو قالت ليهو امونه دي بتقرا معاي ف الجامعه والله الشهاده لله بت ممتازه م عندها لعب ولا بتباري اولاد يعني بت اصووول
وانا بقيت اخجل عمر قال ليهم انا عاارفه بت تماام ومافي زيها
بقينا نتونس وطبعا محمد وايثار فااتحين خشمن بس ويعاينو لينا وانا بقيت مااكله الجو شي ونسه وضحك وقرقره وامهم دي حبتني حب وانا اتحشرته فيها تحسو اني بعرفم لي ززززمن واختو التانية بقت تتونس وقالت لي والله حبيتك وي بختنا بيك وامو قالت لي عمر لو م عرستها م عافيه ليك😂😂بقينا نضحك
عمر جاهو تلفون طلع برا وامو واخواتو مشو المطبخ يجهزو الاكل وخلوني انا ومحمد وايثار برانا
بس انا استعدلته في القعده وخلفته كراعي (قعدت القررررنصه ديك😎)وبقيت رااافعه حااجبي واعاااين لي من فوق لي تحت ومعاهم ابتسااامه خبييييثه😈

#امنه_مهدي📝

#بي_يدي_جبتووو23

بقيت بعاااين ليهم الاتنين وهم من الخووف والخلعه ما قادرين يقيفو😂منظرم كان بييييش😈
بقيت انا قاعده واعاين فيهم والبسمه للضرس الاخير ومعاها نظره كده اخبث من خبيثه😈
محمد عاوز يتكلم عملته ليهو بي يدي حركه هوووووس وقلته ليهو هووووووس ولااااااا كلمه انتو زمااان كنتو البتتكلم وانا البسمع فيك بعد ده جااا دوري انااا😈 (وبقيت ابتسم)
ايثار قالت لي الجابك هنا شنووو قلته ليها جااايه لي اهل راااجلي وجاايه لي بيتي😎عندك مانع؟؟ (بقت تبلع في ريقه)
محمد قال لي اطلعي برا قلته ليهو اسكيوووزمي انت منو عشان تطردني؟؟ هو انت عندك وش تتكلم بيهو عليك الله البس ليك توب واتحشر مع اخواتك في المطبخ😂😂ي استااذه ايثار انا الجابني هنااا انو في رااااجل وعدني انووو يعرررسني والليله عااوز يوفي بي وعدو وجاي يعرفني علي نسااابتي (لووو سمحتي ختي خط كبييير تحت كلمه راااجل دي عشان في اشبااااه رجااال قعد تتشبه بيهم)😎
محمد قال لي لو ما طلعتي انا بكورك وبفضحك
يلا انااا هنا اخددددته لي نفس طوووويل وبي ابتسااامه عررريضه قلته ليهووو جدددددا م عندي مااانع اصلا ده العايزه اصل ليهو انا جايه هنااا عشان افضحكم
اتفضل نااديهم!!! لو م بتقدر ممكن اناديهم ليك اناا واقعدن واحكي ليهم انتو كيف لعبتو بي وغدرتو بي ياااااعمر...
ايثار قالت لي خلاص اسكتي( خااافت)
انا هناااا فكيت الضحكه 😂😂😂وقلته ليهم اصبرو لي دي البدااااايه لسه ما شفتو حاااجه😈ولو وااحد فيكن فكر انو يلعب في راس عمر ولا يلغي العرس انا بصااارحم بي اي حاجه اوريهم حقيقتكم

قمته مشيت المطبخ بقيت اساعد فيهم وجينا ختينا الغداء ( ايثار ومحمد م اتغدو معانا)
بعد اتغدينا واتونسنا وعدهتم وانا وعمر طلعنا وعمر كان مبسوووط عشان اهلو حبوني وقال لي بكره مسافر لي ابوك في البلد اتقدم ليك قلته ليهو خلاص جدا هاك ده رقمو قال لي خلاص
وانا مشيت البيت وانا فرحااانه لقيت خالتي وحكيت ليها انو اخو محمد قال عاوزني وهي فرحت لي شديييد
طوالي اتصلته علي امي وحكيت ليها وقالت لي اي شايفه ابوك قال في عريس اتصل عليهو وقال جاي بكره
قلته ليها اي المهم ظبطو البيت قالت لي م تخااافي
بقين فرحااانه اني شفته نظره الخوف في عيونم وبقيت اتزكر وقرررررر اضحك😂
الباب دقا مشيت فتحتو ولقيت ايثار في وشي😕😕والبيت فاااضي مافيهو زول غيري😭😭

#امنه_مهدي📝

#بي_يدي_جيتووو24

دخلت جوه وقالت لي امي وين وانا ما جاوبته عليها خشيت جوه جات وراي قالت لي يا امنه انا عارفه انو نحنا غلطنا في حقك بس ما تنتقمي مننا بالطريقه دي قلته ليها حاشااا وكلااا انتو تغلطو هو انتو بتغلطو؟ ولا بتعرفو للغلط؟ انتو م غلطو معاي انتو ضبحتوووني ضبح كتلتو قلبي وقطعتو حته حته ليه يا ايثار تعملي معاي كده؟ انا جازيتك بشنو؟ انا اعتبرتك اكتر من اخت لي كنتي مقربه لي شديد وكنت بريدك ليه تعملي فيني كده؟ انتي عارفه لو كنتي جيتيتي وقلتي لي انو انتي ومحمد بتحبو بعض انا كان بنسحب لكن بكون مبسوووطه عشان م خدعتوني لكن انتو كنتو بتضحكو علي وبتلعبو علي مشاعري وبتستهترو بي ولا گ اني بشر وبحس والليله خلااااص بعد طااقه القدر انفتحت لي وانا عااوزه اعرس وانبسط انتي جايه ندمانه
وين كان ندمك ده لمن صارحتيني بكل بجاحه وانتي بتضحكي انك شلتي حبيبي مني؟ ولا عشان حسيتي خلاص نهايتك قربت
انتي عاارفه انو جيتك لي هنااا دي ادتني دااافع قوي لي اني انتقم منك. خليك متززززكره م انااا البخلي حقي والله اسقيك من نفس الكاس واعذبك واخليك تتمني المووووت وخليك عاارفه ما كل الطير البتاكل لحمو واتزززكري يوم قلته ليك انا بعرف اخد حقي كيف منكم وانتي بقيتي تضحكي يلا واصلي ضحك لاني ح اعرف اسكتك كيف قالت لي اعملي اي حاجه ي امنه لكن عليك الله ما تعرسي عمر قلته ليها ههههههههههه شفتي عمر ده انا ما بعررررس غيرررو قالت لي الاولاد كتااار عرسي اي زول انتي بس اشري وانا ومحمد بنتم ليك العرس قلته ليها لي م قلتي الكلام ده لي نفسك لمن حبيبتي حبيب اختك وسرقتي منها ليه ما قلتي الاولاد كتااار
وم انا البنتظر من نااس خااانه العشره تتم لي عرسي

ومشيت خشيت جوه وقفلته علي باب الغرفه بعد شويه اتصلت علي امي وقالت لي ناس عمر وصلو وماشاءالله عليهو ولد طول وقوام غايتو عرفتي توقعي😂😂 قلته ليها كدي خليني في المهم قالوا شنو قالت لي قاعدين في الديوان جوه ونسوان الحله كلها بدورو يموتو وراهو وم مصدقين انك جبتي عريس كده
قلته ليها اصبري ي امي اصبرو لي بس
قفلته الخط بعد ساعتين دقا لي عمر قال لي انا اتحركته وجاي علي الخرطوم قلته ليهو اها ابوي قال شنو قال لي قال عندو شوره لكن مبدئيا مواافق😍
قلته ليهو لكن لازم نتأكد من موافقه ابوي قال لي اي ابوك زاتو قال برد علي بعد يومين كده قلته ليهو خلاص

عمر جا وعدت اليومين ونحنا منتظرين علي احر من الجمر ولحدي م ابوي اتصل علي عمر وقال ليهو اديتك البت😍😍😍
نحنا هنااا فرحنا فررررح ناس البلد اتصلو يباركو واهل عمر اتصلو وكانوا فرحاانين شديييد
عمر قال العرس بعد شهر مااافي زمن طوالي وداني عزلته شيلتي جاااب لي شيله م حصلت الناس كلهااا تتكلك بيها جاب لي طقم دهب والمهر يسد عين الشمس والعرس في صاله وشهر العسل في باريس😍
عزاااااني شديييييد واهلو كانوا مشجعوني علي الحاجه دي (وده كلووو ماااكل مع ايثار جمبه عشان هي عرسوها بالدس زي العندها جنا حرام😂😂)
وانا حبسوني عند بتاعت كوفير وفستان الزفاف جابو لي من دبي والخبيره دي احسن واحده واحسن فتوغرافي وجاب الباصات تجيب ناس البلد كلههههم يحضرو عرسي وترجعم(عكس ايثار نحنل ناس خالته دسو مننا)
واي زول يتكلم بي عرسي يعني عرسي ده كاااان حددددث😍الصغير والكبير يتكلم بيهو وانا شويه شويه بديت اتعلق بي عمر وحبيتو❤
جا يوم العرس وطلعته نجفففففه الناااس كلها شهقا فيني كلمه قمر علي بسيطه وعمر زاتو ماشااءالله عليهو
جينا الصاله وازفينا احلا زفه والناس كلها تعاين لينا وباركو لي وبقينا نرقص 😍
وحتينا حت😂عمر رقص رقيص طلع رقاااص😂انا وهو في نص الداااايره رقصنا لمن فترنا😍
والناس كلها تتكلم عننا ويقولوا ماشاءالله حلوين مع بعض والكلام ده فااايت اضاان ايثار ومحمد 😂
انتهت الحفله وسافرنا مشينا شهر العسل وقضينا اجممممل ايااامنا وهناااك وجينا راجعين
جيت نزلته عند نسااابتي تاني يوم قلته هوووووب ي امووونه بعد ده ياااادوب بدا شغل الانتقااام البجد (انا زمااان كنت بمههههد للانتقام كنت بقول ي ي رحمن ي رحيم) لكن الشغغغغل البجد بعد ده بده😍يا ايثار ومحمد إلا تطيرو الليله ياااااادوب انا فضيت ليكن وقبلته عليكم😂😂😂

#بي_يدي_جبتووو25

جيت نزلته عند نسابتي وتعااملي معاهم كان حلووو شديد زي م بقولوا ختيتم تحت بااطي واما عمر ف انا حبيبتو شديد لكن لسه نار الانتقام مولعه فيني
بقيت اتونس مع عمر ومن خلال الونسه عرفته انو في شركه في دبي والسعوديه حقتم عمر كان شغال في الشركه حقت دبي ومحمد ف حقت السعوديه قامو وحدوها نقلوها هنا وح يشغتل فيها عمر ومحمد مع بعض لكن عمر ح يكون هو المدير لانو هو الكبير والبفهم في الشغل
من خلال الونسه عرفته انو البيت الساااكن فيهو محمد وايثار ده اصلا حق عمر وهو قاعد فاضي عشان كده قال لي محمد اسكن فيهو
يلا انا قلته ليهو ليه قلته ليهم كده؟ قال لي في شنو ي امونه قلته ليهو والله ايثار قعد تشتكي من الوحده بتقول محمد بمرق وبخليها تقعد براها في البيت وزهجااانه من الوضع ده رايك شنو يا عمر نخليهم يجو يقعدو معانا هنا منها انت ومحمد تكونوا قريبن لي بعض في امور الشغل ومنها ايثار م تحس بي الزهج والملل
قال لي والبيت؟؟ قلته ليهو اخوي امتحن تالته وجاب نسبه سمحه ح يجي يقرا الجامعه هنا وحيقعد في داخليه هو واصحابو وانت عارف الداخليه دي كعبه كيف رايك شنو لو نديهم البيت دع يسكنو فيهو منهم يكونوا وفرو القروش ومنها يكونو تحت عيني
قال لي دي فكره حلوه شديد قلته ليهو خلاص انت امشي الشغل وانت بمشي لي ناس ايثار وبوريهم بي الخبر السمح ده
قال لي هم يسكنو وين قلته ليهو ف الطابق التحت قال لي ده حق الخدم لكن قلته ليهو فيهو غرفه فاضيه ممكن يقعدو فيها وبعدين ايثار م بتركز مع الحاجات دي هي بت مثقفه ومتعلمه وم عنصريه قال لي تمام
لبسته وركبته العربيه مع السائق ومشينا وصلته البيت ودقيت الباب فتح لي محمد بقي مخلوع قال لي الجابك شنو
لزيتو وخشيت جوه
قعدته في الكرسي وخلفته كراعي وبراااحه قلعته الفريم وقلته ليهم جااايه لي بيتي😎
مش دا بيت عمر واناااا مرت عمر يلا انا جايه لي بيتي
مالك ي ايثار مخلوووعه كده هو انتي م كنتي عاارفه انو البيت ده حق عمر هههههههععاااي للاسف انتي عاامله فيها مفتحه واقعه ليك لكن للاسف انتي غبيه لانو لو واقعه ليك كان عرفتي انو البيت ده حق عمر وانا بظن لو كاان عرفتي انو ده بيت عمر كان عرستي هو لانو جشعه😂😂
لكن دي فاتت عليك
المووووهم انا جايه هنا عشششان اقول ليكم بسم الله اللهم صل علي سيدنا محمد شكلي نسيت ااااه اتزكرته جااايه عشان اقول ليك انكشششششششحو من بيتي اطلعو لي برررررررررا م عاوزه ناس نجسه تقعد في بيتي ده ولااااا لحظه👏م تخااافو ح تجو تسكنو معااانا لكن في الطااابق حق الخدددددم واحمدووو ربنا اني قعدتكم معااي ولو م عااجبكم ممكن عااادي تأجرو برا😂لكن خليكم عاارفين الشركه م حتفدع ليكم ولاااااا جنيه للايجااار ده😎
وبالنسبه للبيت ده انا ح اديهو لي اهوي واصحااابو يقعدو فيهو لانهم يستاااهلو
الموووهم انشحو واكشحو معاك العفش ده كلووو برا انا لو جيت بكره ولقيت العفش ده قااعد ح اجدعو كلووو في الزباااله وعلي فكره دا قراري انا وعمرررر مع بعض😂😂
وطلعته مشيت منهم

#امنه_مهدي📝

#بي_يدي_جبتووو26

طلعته منهم وانا مبسوووطه عشان رديت حقي مشيت لي عمر في الشركه من خشيت اتخلع قال لي مالك جيتي
ضحكته وقلته ليهو ما تتخلع بس اشتقته ليك قال لي انا زاتي والله اها عملتي شنو قلته ليهو مشيت لي محمد وايثار وكلمتهم انو يجو يقعدو معانا وسبحان الله ايثار دي فرحت فرح شديد رحبو بي الفكره وقالوا ح يجو طوالي
قال لي كويس والله مرتي شااطره قلته ليهو اي انا شاطره بس انت خليك برا المواضيع دي عشان انا اظبطك
اها جاني تلفون طوالي طلعته من جمبو وقلته ليهو انا ماشه البيت يلا
طلعته برا اتكلمته مكالمه مع (مجهول)واتفقتا معاهو وقلته ليهو خلاص بقابلك بكره😕طوالي مسحته المكالمات
رجعت البيت لقيت نسابتي اتونسته معاااهم وطبعا علاقتي معاهم فل الفل كل الاحترااام والتقدير بينا واخواتو كنت معتبراهم اخواتي حتي بحكو لي بي اسرارم
لمن جا موعد عمر مشيت اتظبطه وانتظرتو وقابلتو گ اي مقابله حقت عريس وعروسه
تاني يوم قلته ليهو انا ماشه لي ناس ايثار عشان ح انقل ليهم العفش انا ما عاوزه اتعبم وانا اصلا فاضيه قال لي خلاص كويس
عمر طلع الشغل وانا ماشه علي ناس ايثار اتصلته علي المجهول وقلته ليهو رسل لي الرجال القلتهم ليك سررريع انا في الطريق قال لي تمام وقلته ليهو بعد المهمه دي لازم نتقابل قال لي كويس
اها وصلته بيت ناس ايثار لقيت في اربعه رجال طوووول وعرض سلمته عليهم وقالوا لي نحنا من طرف فلان قلته ليهم اي عارفه يلا اكسرو لي الباب ده
في اقل من الثانيه كسرو الباب انا خشيت لقيت محمد وايثار واقفين في الصاله مخلوعين
قبلته علي الرجال وقلته ليهم ااااي عفش تلقو هنااا اجدعووو في الوسخ واي زول يقيف في وشكم امسحوووو بي وشو الواطه😎
قلته لي محمد مش انا امس قلته ليكم اطلعو من بيتي؟؟ م سمعتو كلامي قايلني بهظر ولا يضحك معاكم؟/
في خلال عشره دقائق البيت بقي فااضي خلا بس حتي ملابسم جدعوها ليهم😂قلته ليهم اطلعو لي سريع خلال اليوم عشان م اجي واجدعكم انتو كمان وانتو عاارفين م بتهظر
طلعته برا وشكرته الرجال واتصلته علي المجهول ومشينا نتقااابل

#امنه_مهدي📝

#بي_يدي_جبتووو27

#قبل_الاخيييييره

مشيت ولقيت المجهول واتكلمته معاهو بعد جيت راجعه البيت قعدته وجات اخت عمر وقالت لي زولي جاي يتقدم لي قلته ليها مالووو طيب خبر حلووو قالت لي لكن خايفه عمر م يوافق عشان هو م جاهز لكن انا بريدو
قلته ليها ما تخافي انا بعرف كيف اخلي يقتنع
الباب دقا مشيت فتحتو لقيتو عمر سلمته عليهو وبقينا نتونس والونسه جرت وقلته ليهو اختك دي في واحد عاوزه وهي عاوزه لكن الزول ده ما جاهز لكن هو جادي وم زول لعب عاوزه بالحلال ويخطبه لحدي م هو يجهز نفسو(اديتو حنك سنييين) وهو وااافق لي😍
طلعنا برا لقينا محمد وايثار جو مشيت سلمته عليهم وقعدنا امهم قالت ليهم وين ملابسكم ايثار عاينت لي وقالت ليهم اكلتو النااار😂انا عاينته ليها وقلته ليها اعملو حسااابكم لانو النار دي خطرررره م تستهونو بيهااا😈
عمر قال لي اختو اها العريس ده من وين وهو بقت تجاوب وعرف انها عرفتو من وين والامور دي
قال ليها خلاص خلي يجي يقابلني😍
اها عمر قبل علينا وقال لينا انا لقيت شريك جديد للشركه حيخش معانا محمد قال ليهو ليه نجيب شريك جديد
عمر قبل عليهو ونهرو وقال ليهو لانو وضع الشركه بقي زي الزفت انت من عرسته م جيت الشركه ولا حتي سالته فيها مخلي الشغل كلو علي وانت بس راقد وتستلم في مرتبك وم عارف القروش دي جات كيف
انا ابتسمته ابتسامه خفيفه كده معناها انا لي يد في الموضوع😎😂😈
محمد سكت
عمر قال لينا الشريك ده جاي بعدين للعشاء جهزو نفسكم
مشينا دخلنا المطبخ وبقينا نجهز في الاكل وايثار كانت مع محمد في الغرفه انا مشيت ودقيت ليها الباب قلته ليها يا خانم نحنا م خدم عندك هنا مش شايفانا كلنا في المطبخ تجي تترزعي معانا في المطبخ😬
محمد قال لي م بتجيك انا عاااوزه قلته ليها حتي لو قلته ليك انو امك الكبيييره قاعده في المطبخ وبتطبخ هي وانت عاوز تريح مرتك؟؟ قام قال لي ايثار خلاص امشي ساعديهم
سقتها ونحنا ماشين علي المطبخ قبضتني قالت لي انا عاارفه انك لعبتي بي عقل عمر وخليتي يتقلب ضد محمد عليك الله ي امنه حركاتك دي حدها وين؟
قلته ليها خلاص حركاتي انتهت بعد ده لانو نهايتك جات وبقيت اضحك ومشيت وخليته
بليل جا الوقت وكلنا منتظرين الشريك التاني وفجاءه الباب دقا مشا عمر فتحو ولقاهو دا الشريك
دخلو جووووه والصدمه جاااات..

#امنه_مهدي📝

#بي_يدي_جبتووو28

#الاخيييره

فتح الباب والشريك طلع ده سالم اسمو كده
دخل جوه وسلم علينا واتعرف بينا ونحنا جهزنا ليهم الضيافه واخد ونستو بعد كده دخلنا جوه وخلينا الرجال براهم يتونسو
بعد شويه عمر جا خاشي وقال اتفقنا علي كل حاااجه وحيخش معانا شريك في الشركه بي النص واي زول علي حسب مجهوده حيكسب يعني لو محمد ارتاح م اشتغل م ح يكسب حاجه محمد قال ليهو بشتغل خلاص
اها اي زول فات علي غرفتو وانا هنا قلته لي عمر انت واثق من سالم ده قال لي اكيد دا زول بزنس ياخ قلته ليهو تمام اتصل عليهو رقم غريب ردا عليهو وطلع برا اتكلم معاهو جا خاشي مع المكالمه انتهت سالتو دا منو قال لي ده الزول الداير اختي قال ح يجيب اهلو ويجو بكره قلته ليهو خبر سمح ده طوالي مشيت لي اختو وكلمتها وفرحنا شديييد
وتاني يوم من الصباح صحينا نجهز في البيت وفي نفسنا وانا سقتها ومشينا السوق اشترينا لينا فستان ليها ونزلنا في الكوفير
بهناك محمد بقي كسووول وم بمشي الشغل ويترقد من هنا لي هنا وعمر وسالم هو المستلمين الشغل وايثار طوالي بتشاكل في محمد وتقول ليهو كده ح يطلعوك من الشركه وح تبقي مفلس وهو ما شغال بيها
جا وقت الليل والضيوف جو واستقبلوهم احسن استقبال وعمر اداهم الموافقه وتمت الخطوبه وطلعت اختو عسسسسل بس
بعد انتهت الخطوبه جات وشكرتني لاني وقفته معاها شديد
اها مرت الايام وايثار بقت تطلع كتيييير بي حجه انها ماشه لي امها واتصالاته كتررررت وانا لمن شكيت فيها
في يوم قالت ماشه لي امها وانا لمن راقبتها لقيته ما مشت لي امها
بقيت بتااابعه من بعيد لبعيد واسمع في مكالماته لحدي م عرفتها انها عندها علاقه مع زول تاني
بس فرررصتي وجاتني ح انتهي منها المره دي
وبقت طوالي في حاله بتاعت مشاكل مع محمد ونهير وبتحصل للضرب ده كلووو وانا متابعاهم من بعيد لبعيد
اهاا العريس خطيب اخت عمر اخوهو قال عاوز اخت عمر التانيه وزول ماشااءالله عليهو خلقه واخلاق
عمر وافق عليهو والبت زاته قالت عاوزه وانا برضو الشجعته علي انو الموضوع ده يتم
اها بقيت مراقبه ايثار لحدي م عرفتها في يوم ح تقابل الزول ده في بيتم القديم(اللهو حق عمر وانا طردتهم منو)
انتظرته ايثار تطلع وانا راقبتها ومشيت وراها لقيت خشت البيت وخشا وراها ساااالم
جيت اتلبته ليهم وسمعته انو هو مواعده انو لو اتطلقت من محمد حيعرسه ويعيشه احسن عيشه وهي موافقه لانو محمد بقي شخص تاني خالص
اثناء ما هم بتكلمو محمد هجم عليهم(محمد زاتو كان متابعه) قال ليها يا خااينه انا كنت شااكي فيك من زمان تخونيني انا؟؟ اداها كف وقال ليها اذا انتي خنتي بت اهلك الزي اختك م غريبه عليك انك تخونيني فعلا انا ما كان لازم اثق في واحده زيك انا كنت عميااان والليله بقتلك
انا طلعته ليهم وبقيت اضحك قلته ليهو يادوب عرفته غلطتك يادوب حسيت بيها؟ شوف عشان انت خنتني ربنا داير يتساها ليك في مرتك عشاك ترفع حق المظلوم م بضيع اما بالنسبه لي سالم فسالم ده كان حبيب ايثار من زماااان وهي كانت متفقه معاهو علي الزواج لكن لمن لقتك انت غني وشبعان عجبتها فقصت لي سالم وجاتك انت
سالم بقي مسكين هناك لانها بااعتو انا من عرفته انكم غدرتو بينا طوالي اتواصلته مع سالم وبقت بينا مكالمات وجبتكم تعيشو معانا قصدا عشان اراقبه
وفعلا قدرته اني ادخل سالم في الشركه عشان نغري ايثار بالقروش لاني عرفها انها كلبه قروش ومستعده عشان القروش تبيع اي زول
وسالم فهمه انو شال الشركه بالنص وانو حيشيل الشركه كلها وهي لو اطلقت منك ورجعت ليهو حيكتب الشركه بي اسمه
وهي من الوقت داك بقت تتشاكل معاك ودي التسجيلات حقت المكالمات حقتم ودي صورم وهم بتقااابلو
بس عشان اوريك هي رخيصه كيف
ايثار قالت لي انتي طلعتي عقرررررب قلتها ليها مش انا قلته ليك نهايتك قربت؟؟ قالت لي انا ح اوري عمر بي الحقيقه ويعرف انك معرسه عشان هدف تنتقمي
عمر جا مارق وقال ليها ورايك شنو لو عمر كان عارف بي اي حاجه
قال ليها من يوم نزلته السودان وشفته امونه هي من شافتني بكت وحكت لي بي اي حاجه وحكت لي كيف انتو كيف غدرتو بيها ولعبتو بي مشاعره وعزبتوها وانا قلبي وجعني عليها وعشان انا زول حقاني قررته اخد ليها حقها منكم عشان كده عرستها وعدته نفسي اني اساعده واخليها مبسوطه لانها ما تستاهل غير الخير
وكونها جات وطردتكم من البيت اناااا الكنت بقول ليها اعملي كده وانااا الاتواصلته مع سالم وانا اللعبته معاهو اللعبه دي وانا الدخلتو الشركه عشان نغري ايثار بالقروش وانا كنت متااابع مع امونه اااي حاجه من قبل م اعرسه لانها صارحتني
لانو ايثار واحده خاينه ما بتعاين لي العشره ولا الصحبه ولا انت راجل وعندم كلمه مع الرجال عشان لقيت ايثار فيها الجسم واغرتك جريت وراها ونسيت الكلمه الاديتها ليها والوعد القطعتو ليها انا قررته اساعده واسانده تاخد حقها حتي من اخوووي لانو اخوي زول م مأدب ولا عندو كلمه وهسي انت لو عندك نخوه رجوله واحده طلق ايثار الكلبه دي
محمد بكا واتأثر وقال فعلا انا كنت غلطان ولعب

!
انا تخلعته م اتوقعت لمن البطاطسايه اتزحلقت من يدي !!
امي قالت ليهو : طواااالي يا محمد كلمو ..
ابوي بي حماس شديد اتصل على ممدوح و كلموووو !!

(في جانب سكينة)

اسمعي ... انا تعبانه دايخة و جسمي دا ما شايلني
عشان م اخرب عليكم السهرة الليلة ،، بمشي ساي لكن ما تشبكي فيني واحد تاني عليكي الله ... وبعدين انا خلاص عرفت لي واحد مغترب بس شكلو لسه ما فتح الواتس بتاعو... حا اخلي دربك دا...
فجأة رمت ليها جهاز .. قالت ليها بخلعه اعمل بيهو شنو ؟؟
قالت ليها بما انك غبية ، اتوقع انك تطلعي حامل من الراجل بتاع المرة الفاتت الدخلتي معاه...
اتخلعت سكينة لانها كانت مستبعده حاجة دي دي ،، و جرت على الحمام ...
دخلت وجات طالعه ماسكة راسهاا....
قالت ليها اهاااا ، حامل صح ؟؟
هزت ليها راسهاااا .... انا اعمل شنو اسي في المصيبه دي !!!
انسي اسي الناس منتظرننا .. خلينا نمشي لمن نرجع نفكر في حل !!
.... اتلبسو و طلعو!!

(في جانب نعمة)

بعد وقعت ..اتلمو عليها ..بقو يفوقو فيها من هنا و من هنااا...
لمن قامت ورفعت يدها قالت ليهم #بي دستوركم . يلااا ي بت سخني الدلوكة دي تعالي يا ودعه جيبي طلبات الاسياد و جهزوو الديك ...
و رجعت وقفت في النص و بقت ترقص و تنزل في الارض و تتحرك بقوة كانها ما مرة في العمر دااا ..
و جات وحدة كدت ليها القروووش وبقت توسوس ليهو و هي رافعه يدها و بتقوليها دستورررر دواااك عندي ....
و فجأة الصواريخ و السكاليب ... بمنظر البوليس وهو داخل !!!

#سكينه بتقول :
كالعادة سهرة كل يوم في نفس المكان ..
حاولت اطلع من القرف دا بس كل ما القي منفذ تاني الامور تجوط ما لقيت حل حاولت وحاولت بس الظاهر انا اصلا مصيري كدا واستسلمت..
قلت ليها خلاص بعد اخلص دوامي بكرا طوالي بجيك مش قلتي الزول دا بديني القروش كاش طوالي .. خلاص موافقة انا مستعدة اعمل اي شي بس اتخارج بأي طريقة من الحمل دا ..

(في جانب نسمة)

نسمة : عارف ! (بتشيل من الدولاب وترص في الشنطة ) انا عارفه من خلال كلامك ان هتون جميلة ، لكن ما اتوقعتها للدرجة دي هه .....!!! شهاب !! ..شهاب!!
اتلفتت ليهو ، لقتو سرحان !! قالت ليهو مالك ما بترد !!
شوف يا شهاب ،انا ملاحظة ليك منطفئ كدا من وقت اللي حصل بس ماقادرة احدد جواك انت حاسس بشنو بالضبط...
بس مبسوطة انك اتقبلتا فكرة العلاج بالطريقه دي ، هي صعبه و ممكن تسبب اكتئاب ، لكن بالارادة كل حاجة بتتم وبرا الطب متطور و يمكن في خلال 6شهوور تتعالج من #البدوفيليا !
انت مالك ما بترد علي !!
قاليها : مصدع شوية يا #هتون !!!

#استككانة🥛....
مع حبي🌼
يتبع ...

سحر سمير _فاطمة قسم الله ....