#غلطتي
[الجزء التاني]
بقلم سحر سمير و فاطمة قسم الله
-٥٦-
ركب عربيتو و المظهر الجامد الـ في ملامحو اتحول لضعف !! دنقر و اتزكر ...
" شهاب تعال انا جبت ليك حلاوة "
فاتت سنييييييين و كل ذكرة راسخة جواي كأنها امبارح ...
مسك راسو شديد و بقى يخبط في الدريكسون حق العربيه خبطة ورا خبطة لمن علمت في جبهتوو ..
و مسك تلفونو و عمل اتصال ...
*الوووو ....موجودة اسي ؟
-شهاب !!!!
*موجودة اسي انا محتاج ليكي ؟
_غريبة !! قدامي ساعة الا ربع ، بتحصل ؟
*ايوة انا قريب ليكي ....يلا مسافة السكة..و *قفل !!

"أتمني أن يملك عقلي ذاكرة مثقوبة"

بقيت مقلقه على يزن شديد ، صدقوني يمكن تستغربو في مشاعري تجاه يزن لكن تعلقي بيهو غريب ، انا بحسو بيشبهني في وحدتو ، خالتو نعمة ما صغيرة كان جينا للحسبة اكبر من امي ، و العمر بـ يد رب العالمين ، بس بخاف لا قدر الله تحصل حاجة و يفضل براه و يتلفت و ما عندو زول في الدنيا دي ، بالجد بحسو يشبهني في الوحدة ، انا وهو الاتنين ضايعين في الدنيا دي !!
رغم ان الدنيا دي كبير بس صدقوني ما شايلانا و ماف زول بيقدر يقعد بلا الناس ، ربنا خلقنا كدا عايشين و متعايشين بي وجود الناس حولينا ، فا احساسي تجاه يزن اكبر من ما بتتخيلوه والله بحسو ولدي كبر قدام عيوني ، و م متخيلة اعيش بلاهو ابداااً صدقوني .....*قطع تفكيري
اتصال من ممدوح ...م عارفه ليه اترددت ارد عليه ، م كانت عندي رغبه اتكلم معاه ابدا .. و لأنه رجع اتصل تاني ، رديت عليه ...
_وينك ؟
*موجودة ...
_صوتك مالو ! لحقتي تنومي ؟
*لالا بس مقلقه على يزن ، لقيتو محموم و الحمة طايرة السماء ما دايرة تنزل ..
_يا الله ..طيب عملتي ليهو شنو ؟
*كمادات .. في شوية تحسن حمدلله بس مقلق بي ..
_سبحان الله !
*في شنو ؟
_في تعلقك بالولد دا ومنتظر اعرف قصتو ..
*خليك من يزن ، انا راجعت نفسي كتير يا مددوح وبصراحه انا غلطته ما كان مفروض احكي ليك الحصل من امك و مرتك ، كدا انا حأعمل ليك مشاكل زيادة ..
_مافي اي مشاكل يا هتون بس امي زي ما وريتك ..و فاتن حسابها حقو براه ..
*بالمناسبه .. مرتك حلوة شديد ، غريبه ما حبيتا !!
_الجمال زائف يا هتون ما كل جميل شكل ، جميل اخلاق و الحب ما شرطو الجمال ، الحب اعمى دي مقولة انا بؤمن بيها جدااً ..
*امممممممم ، طيب حصل شنو اتناقشت معاهم ؟
_لا ..
*احسن .
_انا من بعد وصلتك واقف قدام البيت ، م دخلتا و ما طايق ادخل ، فا حبيت اسمع صوتك شويه .
*معقوله !!! طيب ادخل ، و لبكرة ان شاءالله ..
_طيب ...م نفسك تقولي حاجة ؟
*تصبح على خير مثلاً !؟
_لا .. بحــبك مثلاً
*امممممم طيب ممكن تقفل وتدخل ؟
_حاسي بيكي ما تمام لكن م مشكله حنتكلم يا هتون .. يلا سلام ..*قفل

قفل مني ..
و دخل البيت _ كان في هدوء على غير العادة ، الطبيعي ان امه بتكون قاعده في الصاله و فاتحه التلفزيون و بتشاهد لمن تنوم ، يعني الطبيعي بيجي يلقاها نايمة ..
فا ما كان في صوت ولا حركة ، الا صوت اغاني جاي من غرفه اخته .. و مشى اتجاه الغرفه ، و خبط خبطتين .. فتحت ليهو !
_ممدوح !!
*ممكن ادخل ؟
_اكيد يا غالي ، تعال (جرتو من كم قميصو)
و مشت قفلت السماعه ، و جرت الكرسي و قعدت ، قصاده .. !!!! هاه !!
*انتي كيف ؟
_انا كويسه حمدلله !!! اممممم ااه طيب على العموم انا اختك ، اي الصغيرة و فرقنا كم سنة لكن وقت الدنيا تضيق عليك انا حأبقى الكبيرة و اسندك زي ما انت كنت ساندني ، بقيت لي اب قبل الاخ ..
*اممم غريبه ! ما واقفه مع امك ضدي المرة دي ؟
_هو ما بالفهم دا يا ممدوح لكن هي امنا ! بي كل اللي فيها و مجبورين نكون تحت طوعا ، ولا شنو ؟
*صح كلامك !!
_هتوووون !! هتون (كررت ليهو اسمي كذا مرة )، عارف اسمها حلو شديد ، بس معناهو حزين شوية ! م اكذب عليك نفسي اشوفها ..(و ابتسمت)..
*!!!!!!! جادة ! ولا بتفكري في شنو انتي !
_والله سمعت الاسم دا عند امي و من كلامها عرفت ان البت دي نجااااااضه بس م دايرة تعترف ، وغير كدا التشيل قلب ممدوح دي ما ساهله ..
*هه غريبه ! اليشوفك حاضنة فاتن و واقفه مع امي وفاتن يقول انك كارهاني عديل !

(و جات فاتن وقفت جمب باب غرفة #مي اخت ممدوح ، و مربعه يديها )
ردت ليهو مي :
_فاتن انا وقفت معاها من باب العشرة في النهايه هي معانا امانه بعتبرها اكيد م حقدر ازيد عليها و انا في نفسي ما شفت منها شي شين ، بس كمان سبحان الله من الله ما بحبها ولا بتقبلها ، شخصية لينة زيادة عن اللزوم عايشه على البرستيج و المظاهر ، والحاجات الكيف كيف دي ، ودي حاجة ما بتشبهنا و اصلا ما لايقه ليك ولا بتشبه دمك الحار ، بس ما اكتر ف النهاية دا راي انا الشخصي ما ليهو علاقه بي علاقتك بيها انت الحتعيش معاها ما انا ...
و اكرر ليك .. لازم تعرفني على هتون عشان ما عندي صبر و عادي جدا اسرق رقمها من تلفونك والباقي انت عارفو هههههه ...
*يا بت انتي متين كبرتي كدا ؟
فاتن : ونسه حلوة من غيري !!

#استكانةة🦴...

سحر سمير _فاطمة قسم الله

يتبع ...

#غلطتي
(الجزء الثاني )
بقلم سحر سمير و فاطمة قسم الله
-٦٠-
* !! انا حابة اعترف ليك بي حاجة !
قالي : قصدك انك بتحبيني صح ، قوليها !!
قلت ليهو : ما تصعبا علي اكتر من كدا ، انا كل الجمعني بيك السجن وكنت مبسوطة من دعمك لي و جات فترة اعجبت بيك جدا بس ما وصلت مرحلة الحب معاك ! و بتمنى تتراجع عن فكرة الزواج دي لان انا في #شهاب في حياتي ، و بحبو جدا !!

-(ههههه ضحك) دا مقلب عاوزة تعملي فيني مش لكن شوفي غيرها ما علي يا حلوة..
*لا يا ممدوح بالعكس انا جادة في كل كلمة قلتها وطلعت مني ليك..
حسيتو اتصدم فيني ما اتوقع القلتو ليه لانو قعد اعاين لي ما نزل عينو مني.. وقتها كسرت عيني ما عايزة اضعف قدامو..
لا ذاد لا نقص علي الكلام بعدها خصوصا انا ما حاولت اضحك ولا ادي فرصة في كلامي اني ما جادة..
بعصبية كورك لي #مي من بعيد
-تعالي خلي التلفون دا خلينا نمشي..
(جات ولقتهم صاريين الاتنين)
مي:مالكم في شنو؟
- ماف شي بس ظاهر عليها انها مقررة ومنتهية.. وعينو ما نزلا منها.. لو كانت عاملة لي حساب ما بتجيب سيرة ولد تاني قدامي بالطريقة دي...
مي: كيف كيف انا ما فاهمة حاجة نهائي هتون ارفعي راسك دا خليك احسن منو قولي لي حاجة انتو ح تسكتو كدا بس ،،الفهمتو من ممدوح ان بينكم حب عميق ح تنهوه بعنادكم ومطاعناتكم انتو الاتنين...
*لو سمحتي يا مي البينا كان مجرد اعجاب ما اكتر.. ولازم ينتهي انا ما بقدر ابني حياتي علي تعاسة زول..
- تعاسة زول؟؟ وانتي البتعملي فيه هسيي دا شنو؟
مي خلينا نمشي ولما تهدا منتظر اتصالك توضحي لي.. قومي اوصلك..
*لا انا منتظرة حد..
-هتون (صرج اسنانو بغيظ) ما تجيبي اخري قلت ليك قومي ارح
*قلت ليك منتظرة #شهاب
-اوك يلا يا مي..
(مي رفعت كتافيها لتصرفهم الغريب دا ومشت قدام اخوها من سكات).
اوووف شلت نفس طويل وقشيت يدي الكانت عرقانة بس في الاخر اتشجعت اخيرا رغم الوجع الجواي ..احسن لينا اي زول عندو شبيه ... وانا ما بشبهك..
ظاهر انو كلام امي صاح المكتوب علي الجبين لازم تشوفو العين..
شالت تلفونا وقامت
........

طق جدع ليها التلفون..
*افتحي الاستديو ح تلقي كل الصور اطفال اطفال ااااه يا #نسمة انا ح اجن وقام علي حيلو بقي ماشي وجايي..
انا ما عاوز ابدا من نقطة البداية تاني..
-انت وقفت العلاجات مش وانقطعت عني فجأة ليي يا #شهاب ممكن اعرف اجابة؟
*كل شي كان ضدي غصبا عني صدقيني انا هسي محتاج ليك شديد ارجوك ..
-طيب اهدا شوية هسي حاليا انت لازم تبعد بأي طريقة عن اي طفل يكون معاك براك وح اكتب ليك الادوية مرة تانية ولازم تستمر ل مصلحتك..
*بس في حاجة انا خايف منها
-شنو؟
*انا ح اتزوج وهي عندها طفل خته يديه في راسو..
-(ضغطت علي القلم شديد لما غطايتو وقعت)
بتين زواجك يعني ما كنت عارفاك انك بتحب بس علي العموم انا ما بنصح بي دا..
رفع راسو عاين ليها بإستغراب لقي تعابير وشها متغيرة من فرح ل ضيق..
*انا بحبها وحاسي انها ح تكون علاج لي..
-لا انت ما بتحبها انت عاوز تتقرب ليها عشان الطفل بس..
*لا انا بحبها انتي ما عارفة شي عنها عشان تحكمي علي.. انتي كيف تقولي كدا انا بحب #هتون
-اسمها هتون.. طيب انا لازم الاقيها اول.. #شهاب انت خطر علي الطفل دا وشهوتك حاليا هي البتوديك اتجاه هتون دا ما حب ليها.. انت داير تصل لي هو لانو ماف طفل تاني متاح لاشباع رغبتك حواليك غيرو..
طق طق ضرب علي الحيطة شديد...
*ياالله انا جيتك عشان تدعميني وكنت بتعالج عندك من زمان هسي مالك قلبتي علي فجأة ما عايزة تصدقيني لشنو.. مستحيل اقرب منو انتي عارفة دا ود منو؟؟؟
- بغض النظر عن كل شي.. عاين لي هنا المسألة ما بالطريقة دي ..انت ذات نفسك قلت انك ما بتشوفهم مجرد اطفال بس بتتخيلهم قدامك بشهوة.. والحصل ليك زمان من انسان مريض #بيدوفيليا من الدرجة الاولي خلاك تعرف امور جنسية في عمر ما مفروض تعرفا فيه..
*بعصبية ما كان ظاهر عليه ملامحو، اسلوب كلامو، عامل فيها تقي يا نسمة وهو جواه شيطان رجيم بنهش اي طفل اقع في طريقو..
-بالضبط لانو مريض انسااان مريييض بحب الاطفال لدرجة ما طبيعية.. عشان كدا انت لازم تبعد عن الام وطفلها ديل..
*لا انا ما بقدر عرسنا باقي ليه كلها كم يوم..
-ابقي الطفل لازم ما يكون معاها ما اعيش معاكم لو بتقدر تلقي طريقة تبعدو..
*مستحيل هتون تتخلا عنو دا روحها..
-شهاب انت هتون بتعرف بالفيك دا؟
رفع راسو عاين ليها بخوف وعدم ثقة
*لالا لا لو عرفت مستحيل توافق تعرسني..
انا تعبان لازم امشي ..
-شهاب
اتلفت عليها
-خليك اليوم هنا لو حابي لمصلحتك...
استسلم ليها لانو مجبور واعصابو، محتاجة لحد يداويها ويراعيها.. حد ح يعتني بيها كويس جدا اكتر من اي زول..
ال هي #نسمة كما الاسم هي في الشكل
آنسة رقيقة راقية متعلمة جدا طبيبة نفسية شكلها لأول وهلة مريح للنفس..

~||~~

تلفون هتون ضرب كذا مرة في الاخر شالتو عملتو صامت وجدعتو من جمبها.. وواصلت في البتعمل فيه
كانت خاته حاجات الريحة كلها

#غلطتي
(الجزء التاني)
بقلم سحر سمير و فاطمة قسم الله
-٧٥-
#المهم .. قمت و قلبي دا مليان فرح !
ابوي : انا طالع مشوار و برجع ، و على الاغلب ناس الحميراب يجو يباركو !
امي : منو الحيجينا يا محمد و الناس انت عارف موقفهم مننا !!
ابوي : لا ح يجو بأذن الله .. عاين لي وانا واقفه .. قالي #عافي_منك_ياهتون !
ختيت يدي في وشي و قعدت احمد ربنا كتيرر بكيت كتير و اخيراً نزلت مني دموع فرح .. قلت لي امي عندنا شغل كتير شديد لو حيجو ضيوف ، يلاا يلاااا
.. جريت على غرفتي .. لبست من ملابسي الزمان كان شلت جزء ايام جيت مع نهي و خليت جزء .. و سامعة صوت ضحك نهى و موهوب ، شلت مفتاح غرفتا من برا و قفلتهم عشان احد راحتي في النضافه و م القى موهوب ناطي لي و قعدت اضحك .. سمعت صوت نهى بتقوليهو قفلونا من برااا جنو! قلت ليها دي انا عايزة انضف ...
المهم مشيت اوضتي تاني طلعت سامعة البلوتوث حقتي و بفتش في وصلة الشاحن ، جاتني امي :
*هااا حبيبتي انا امي و روحي (بوستها في خدها )
_(شالت السماعه من يدي وختتا) انتي ناسية انك عروس ! كيف تشتغلي و تعملي كدا ويوم م تميتي زي الناس ..
*امي .. بيتنا مقفول ليهو زمن ومحتاج نضافه و بعدين انا م عندي حاجة اسويها ، بدل اقعد ساي اخير اكسب الزمن وانضف ،م تشيلي هم اسي بخلص ..
_طيب انا بشتغل في المطبخ ..(جا مازن داخل)
*طيب يا امي .. و مشت .. عاينت ل مازن و ابتسمت سبحان الله مازن بقى بي شنبو ودقنو و نهى بقت بي بتها ههههه... قاطعني قالي :
_بتضحكي مالك ؟
*اتزكرت طفولتك ، من صغرك هادي و واعي و الحاجة دي ما اتغيرت فيك ، بيقولو الطفل لمن يكون هادي في صغرو لمن بيكبر بيبقى شقي ..
_اتشاقى ليها شنو يا هتون .. اااااخ حمدلله بس صليت قدر شنو عشان نكون ملمومين كلنا في البيت و ما معروف قرار ابوي شنو ، لكن انا عن نفسي ما برجع ابو حليمة ، عايز اشتغل و اتم قرايتي هنا ..
*تشتغل!! مازن شغل شنو اسي كدي تم قرايتك اول !
_دخل قرايتي بي شغلي شنو ! هتون انا ما بقيت صغير و بقدر اوفق بين قرايتي و بين شغلي ..
*(ما قدرت اخد دور الكبيرة بالنسبه لي مازن و اكتفيت بي اني اعاين ليهو بس )
_داير اسألك يا هتون (دنقر راسو ) احم ..
*طوالي ..
_البت القبيل لاقتنا في الاستقبال و جات سلمت عليكي بي طريقه كأنها بتحبك وبتعرفك شديد ، دي منو !!!!؟؟؟؟؟

#قبل_ساعتين

حسيت بي #يد على كتفي ... اتلفت بسرعه لقيتا #مي !!! انا من خلعتي بقيت واقفه متنحه بعاين فيها ، وهي بي دورها حضنتني و سلمت علي !! قالت لي : هتووون ! والله العظيم صدفه حلوة شديد كيفك (و عاينت للحنة الماليه يديني)..
قلت ليها : انا كويسه حمدلله ، وجودك هنا عافيه ؟؟
قالت لي : عافيه جيت احجز مراجعه لأمي !! و عاينت لي مازن اللي كان واقف مندهش ،، قلت ليها وانا عاين ليهو : دا مازن اخوي !!
عاينو لي بعض ، و مدت ليه يدها .. و سلم عليها و قاليها اهلاً سهلاً ..
لاحظت ان مازن ما شال عينو من عليها ، لحد ما ودعتنا و مشت ، وكنت حاسه بالحاجة دي من شرود مازن اللي كان في العربيه وهو سايق بينا للبيت !

قلت ليهو : قصدك مي !
_ايوة..
*دي زول عسل كدا و طيبه و فرايحيه شديد ، تصدق يا مزون من غير تفاصيل كتيرة ، لكن دي الوحيدة الابتسمت لي و ما عايرتني ولا قللت مني ابداً ، الوحيدة الاتعاملت معاي ع اساس اني هتون ،. المهم بعرفا و دي المرة التانية اتلاقى بيها رايك شنو ؟
_يا زوله من سلامها ليكي انا قلت علاقتكم دي ليها سنين مع بعض ..
*فعلا هي حبوبه و بتدخل القلب بسرعه ... عاينت ليهو وحسيت في شي ما ياهو في ملامح مازن و لحقتو بي باقي كلامي .. قلت ليهو بتحب الونسة و جنها قراية دي هه زكرتني بي نفسي زمان ، بقت تحكي لي من قعدت معاها اول مرة بقت تحكي لي عن الجامعه و ما الجامعه (الهدف هنا اني اوصل ليهو انها في الجامعه و انت في الثانوي ، لان حجمها و قصر قامتا مقارنة بي مازن ظاهر انه اكبر منها ، فا علامات الاعجاب كانت ظاهرة شديد و م قدر يتحكم فيها ، ف النهايه مازن ما يعتبر مراهق )
_اممممممم المهم اعزميها يوم سماية #نهى ....
وقام فات ... قلت انا ساي فاهمة غلط ..

(في جانب ممدوح)
بيخبط في الباب ... مرة و را مرة !
جاتو نعمة مارقه ..فتحت ليهو و #شهقت !! اااانت !
قاليها : ااااي انا متزكراني كويس ما شاءالله !!
بقت تتمتم ، قاليها عايز اتكلم معاي لو سمحتي !!

الملايات الدانتيل الورديه الموردة ، و الستاير الفيها دانتيل بالكافيه .. و الجاد البارز ، و في الصالة كنب الجلوس الدمياطي بالدهبي حوافو ، و قماشو بالبيج الهادي المورد الماخد وضعيته ، و البراويز في الحيطه و السجاد اللي كانت امي مشترياهو جديد و ما فرشتو .. لمعان السيراميك اللي كان عاكس كل تفاصيل بيتنا .. حسيت بي راحه ،".. ايوة هووو دا بيتنااا .. !!
شلت تلفوني اتصلت على ...
*شهاب .. كيفك !
_حمدلله(صوتو المليان ضيق ولا شنو م عرفتا)
*اشتقت ل يزن !! تجي توديني ؟
_جداً ، بس انا ما بعرف عنوان بيتكم ؟
*حأوصفو ليك ، عمو

#غلطتي
(الجزء الثاني )
بقلم سحر سمير و فاطمة قسم الله
-٧٨-

محمد : اتلفتو علىّ صوتو ، و قال : انا دايرهم يسمعو من صغيرهم لي كبيررررهم ، انا الدكتور محمد ابو دومة ، ابو هتون محمد !!!
ورفع الجريدة فوق وطق طق دقاها بي يدو
وفتح اول صفحة واشر علي العنوان بي يدو...
قبل كم سنة ياالفاضل في نفس الجريدة دي اتنشر خبر كلو كذب وافتراء علي بتي والله يلعن الكان السبب....
والليلة في نفس الصفحة وبنفس العنوان الكبير هدا هدا عاين هنا يا الفاضل.. عاين هنا يا عوض.. عاينو هنا يا ناس الحلة...
#هتون محمد احمد تاج السر ابودومة بالبونط العريض براءة ....
من يوم الليلة البتكلم في الحلة دي عننا بكلام كعب حد الله بيني وبينو .. وراسي مرفوع وطول عمرو ما انحني...
وهسي دي جايي اعزمكم بكرا كلكم عندنا سماية بتي نهي امش امش ياود خلي يزيعو بمكرفون الجامع..
الفاضل تممم سكت..
عوض:اتفضل اتفضل يا محمد اخوي لي جوه..
محمد:بسم الله ودخل...
بعد شوية خششش خششش صوت مكرفون الجامع وطلع منو صوت
اهلنا في قرية ابوحليمة
يدعوكم محمد احمد تاج السر ابودومة لوجبة الافطار بمنزله بحي.... لحضور سماية ابنة بنتهم وزوجها موهوب غدا ان شاءالله والدعوة عامة ودامت الافراح وشكرا...
محمد بعد اخد قعدتو جا طالع والفاضل وعوض معاه
يلا يا جماعة في امان الله
ركب التكسي الجا بيه واتحرك..

√√••||√√••||

(في لمة حلوة)

هتون سوت شاي سادة وقعدو يتونسو ويضحكو

مازن: هتون انا عايزك تعالي؟
نهي:خييير شايفة في اسرار بينكم توسوسو طوالي في شنو؟
مازن : خليك في حالك اصلك بتاعت شمارات وقوالات ...
هتون ضحكت بصوت عالي والله في دي صدقته زمان كانت معزباني مع امي اي شي جري توصلو ليها...
ارح ارح مووووتي بغيظك...
دخلت غرفتها مع مازن
*مالك في شنو محتاج حاجة؟
-قالا بتردد لالا بس وبقي بلف وبدور في الكلام..
شهاب عامل كيف معاك.. وح تجو تسكنو معانا هنا ولا بتأجرو.. محتاجة شي..
حست بيه بلاوز في الكلام..
*مازن انت هسي جبتني هنا ودايرك وبتاع عشان تسألني كدا ما كنت عادي قدام نهي وامي فيها شنو (بتلعب بنفس طريقتو )
-خلاص ماف شي انا ماشي قالا بزعلة
*جرتو من قميصو خلاص ياود معليش في شنو هسي قلبت وش طوالي انا بهظر معاك قول عاوز شنو؟
-انا كنت عاوز اقول ليك لو تعزمي صاحبتك مي حبيت انبهك ما تنسيها...
*عاينت لي بنظرة شك واستفهام كبير..
مع انو ماف مناسبة ولا حاجة لازمة لكن حاضر بدعيها...
من قلت لي كدا الود ملامحو اتغيرت وفرح..
-والله انتي احلا اخت وطلع مبسوط..
بيني وبين نفسي لالا ما ممكن؟!!
معقول #مازن معجب ب #مي
...................

من جانب تاني في الشارع قدام بيت تحت شجرة نيم)
الوقت نص النهار والشوارع فاضية الا ...
من عمو كبير بشوش ملامحو مطمنة ماسك سبحة قاعد في كرسي قدامو تربيزة حديد عليها رادي وجمبها مختوته صينية عليها سيرمس شاي سادة وكبايتين وسكرية ومعلقة...
في طفلة جيرانهم جات جارية طالعة وامها لاحقاها بتكورك فيها لما شفاتو وقفت قدام الباب وكوركت ليه..
-يا عم عبدالرازق عليك الله عاين لي بتي دي حلفت تقعد لي جوه جننتني تبكي من قبيل دايرة تمشي الدكان وانا شغالة التلعب جمبك هنا تحت الشجرة دي مسافة انتهي بجي بسوقا..
*سمح خليها وامشي انا بعاين ليها...
بقي بتلفت في الشارع اشوف في زول ولا لا طلع عشرة جنيه من جيبو ورفعها في وشها..
تعالي اجري اجري اشيلك عشان اديك القروش دي..
بضحكة طفلة بريئة من شافتو بضحك ليها وبلولح بالقروش جات جارية عليه....
...................

(في السجن وبالضبط في مكتب ممدوح)
بتكلم في التلفون
*ايوة ايوة حسب كلامي مع دكتور محمد هو زاتو تفاصيلو ما كافية غير ان اسمها #ميمونة والمتزوجاه كان اسمو عبدالرازق...
ما هو حل من اتنين ما حا نصل لشي الا بيه هو.. جيب لي صلاح هسي من مافي..
بكون قاعد حا يختفي وين هو فيه حيل بعد دا..
لازم الزول دا معتمد علي اعرف لي شي ...
تمام مع السلامة...
مسك تلفونو تاني وجاري الاتصال.....
اها وصلتو ل حاجة؟؟
ضحك وكان باين ان الخبر الجاه بفرح...

...................
الخرطوم
مسافة الشارع
محمد وصل جا داخل البيت وكان ظاهر عليه انو مبسوط لقاهم متلميين وقدامهم الشاي
محمد:لمة في الحرم ان شاءالله
اللهم اميين جمعا يارب..
فوزية: حمدالله علي السلامة ترا جيت سريع شايفاك مبسوط ابسطنا معاك..
محمد: واقف علي طولي طلعت طوالي
هههههه لالا مفاجأة مخليها..
هتون تعالي انا دايرك شوية..
جات معاه دخلت غرفتها..
اقعدي وهو قعد في الكرسي..
*في شي ياابوي؟
-عشان ارتاح يابتي خليني اتم ليك كلامنا بتاع المرة الفاتت..
*استغربت انو ناداها براه وفاتحها في الموضوع قالت لي سامعاك ياابوي اتفضل
-بنقة امك طلعت مشيت عليها دقيت الباب
المرا جات قالت لي ادخل اشيل الولد وما انتبهت ليها انها قفلت الباب بعد دخلته...
لقيتو راقد لمستو الحمي ما كانت كتيرة كدا ف قلت ليها شكلها نزلت انا بطلع اجيب ليك

#غلطتي
(الجزء الثاني )
بقلم سحر سمير و فاطمة قسم الله
-٨٠-
بقيت بتني على اصابع يدي و بهز بي رجلي من التوتر
حسيت بطعنه في قلبي و عيوني اتملت دموع .. قالي : انا ما نمته من يوم الكلام القلتو ليكي خشم باب نعمة !! و انا عشان اريح قلبي ، ح اسألك سوال واحد وداير اجابتك بكل صراحه اياً كانت !!
م كنت قادرة اركز معاهو ومسهمة و عيوني دايرة تنفجر بكى .. كرر لي كلامو. !! قلت ليهو اسالك !
_كنتي بتشتغلي شنو في البيت حق نعمة ؟
*(م اترددت) كنت برقص احياناً و بعمل الجبنه احياناً و بقعد في السهرة بساعد خالتي نعمة لمن يمشو ونلملم حاجاتنا ، مؤخراً بعد شلت مسؤلية يزن والمصاريف زادت بديت في تجارة البخور
و مؤخرا لمن المصاريف زادت علي اتفرغت للارياح و ما حأنكر كنت برقص للرجال زباينها و ونسه و جبنه لحد قريب الصبح !!
_بس ؟
*(اتلفت عليهو) قصدك شنو انت !!!!
_قصدي ان نعمة كانت اكبر قوادة في فترة من الفترات بالواضح اي بيت بتسكن فيهو بيتحول ل بيت دعارة ، ما سألتي نفسك بترحل كل شهر والتاني ليه من بيت ل بيت ؟؟؟؟
*(ختيت يدي في خشمي من الصدمة وشهقتا) كيف الكلام دا ؟؟
_انتي ناسية اني ضابط وملفات التحقيق بتقع في يدي ! ويوم كنت بلمح ليكي ان في مرة كداا كدااا في السجن تخلي بالك منها انا كنت بقصدها هي ، ولولا ستر الله يا هتون يوم عرسك .. هه شوفي حكمة ربك !! جيت وقفت بعربيتي من بعيد و شفتها واقفه جمب الباب .. كذبت عيني قلت السنين بتغير بس نعمة كانت ياها نعمة !! و يوم جيت و واجهتها ، وانتي جيتي مع راجلك ! م شكيتي فيها من تصرفاتا !! هتون انتي كنتي عايشة في بيت دعارة !!
#ابوي رجع لي بأتصال !
رديت ليهو : كل القالو لي قلقتيني و انا قاعد مع الرجال ما قادر اتحرك و مازن مافي جمبي عشان اخليهو مع الضيوف واجي ، في شنو ؟؟
#ممدوح شال مني التلفون : قاليهو م تقلق انا جاي عليك .. ابوي قاليهو هتون معاك بتعمل شنو !!!
قاليهو لمن الاقيك يا عمي محمد انا جاي عليك ...
انا اللحظة دي كنت تحت تأثير صدمة قوية شديد للحظة حسيت ان حباتي دي عبارة عن لعبه !!
ما اتكلمنا ولا حرف زيادة !!
نزلت منو قبل الصيوان بي جبدة جبدتين كدااا .. و دخلت من حتة النسوان ...
مع دخلتي كدا مسكتني امي شيلتني صينية فيها كبابي شاي .. ادخلهم ل المسك و مرة عمي ، وديك ليها ميادة ما قصرت ابداً من جات يدها في يد امي ..
#اها و انا داخله، طقشت في #مي
*ميووووووش ، حبيبي ، خشششي حضن ، ههههههه حبيبتي كيف امممموااااح ..الصينيه م تدفق فيكي .
_عيني باردة يا هتون عاد العرس بيحلي كدا ههه تبارك الرحمن عيني باردة هههه ..
*دي عشان انتي حلوة بتشوفي الناس كلها زيك ،، اسمعي جيتي و الله جابك ، امسكي الصينية دي و وصليها ل وحدة قاعده في المطبخ اسمها ام سماح ، انا ماشه اشوف بت نهى دي بتبكي قدر دا في شنووو ، و بجيكي طيب !!
_اتفقنا ....
اول حاجة خلاني استغرب ان باب الغرفه الفيها المسك و مرة عمي مقفولة ! و صوت مينة دا يضرب يقلب ..
مع ختت يدي في الاكرة حقت الباب ، نهى جات جارية و دفرت الباب (قلب الام)
انا لمن اتخلعت ، لمن ما فتح بقت تخبط في الباب بطريقه غريبه زي الحاسه ان في شي غلط ..
لمن الباب اتفتح انا عيني وقعت على مينة!!! قلبها مقطوع من البكى و المسك ماسكاها فاتحه ليها رجولها والموس في يدها ..
بي قدرة الله جربت خطفت البت من تخت يدها و بقيت واقفه !!
و ديك ليها نهى واقفه قصاد عمتي او موهوب ..
بتعاين ليها جوا عيونهااا ما رمشت !!
بس على البعتر ام موهوب ما سكتت و قالت لي رجعيها خلي المرة تتم شغلها !!
نهى مشت عليها !! و قالت ليها تتم شغل شنو يا عمتي !!!
قالت ليها : البت لازم تطهر ، و لو ما اختك جات اسي كان تكون البت مطهرة ! وجات علي عايزة تشيل البت !!
والله يا ناس م حسيت الا ب نهى ذي شالت المزهرية القزاز و رررررب رمتها في رجل ام موهوب و صرحت صرخه وحدة ولا الف وحدة مجنونه !!!!
الما اتلم منو !!!

(في جانب مؤمن ..)

مؤمن : hello ,..... Excuse me brother, is it possible to inquired about something?
(قاليهو : ممكن استفسر عن حاجة لو سمحت)
رد ليهو : .. Of course(اكيد )
مومن : One week ago ,I made a job in this company online, and today I received a letter confirming that I was employed in
‏?? this company! Can you see these papers
(قاليهو اني قدمت في السركة دي من اسبوع و انه الليله جاتني رساله الموافقه على الشغل )
رد ليهو واحد من الموظفين العرب و على ما اعتقد مغربي : قاليهو : فعلا ، لكن حتشتغل لفترة ثلاثه شهور مؤقتاً مكان موظف اردني نزل اجازة ، اذا موافق بتقدر تتفضل معاي عشان نتمم !!
مومن : اكيد موافق يلاا (و كان متحمس شديد)

#المهم
في لحظة الغرفة دي اتملت !! يعني زيادة عن الصدمة العلي !!
انا كنت اتخيل اي حاجة _
بس الما اتخيلتو ردة فعل نهى و انا ماسكة البت !!
امي جات جارية و بتكورك الوقع منو لا حول ولا قوة الا بالله .. و ابوي و مازن جو

#غلطتي
(الجزء الثاني )
بقلم سحر سمير و فاطمة قسم الله
-٨١-
انا بقيت ساكته و مخلوعه في الحصل دا شريط و جروهو قدام عيني للحظة !!
مازن : عليتي صوتك و قلتي فارغ بما فيهو الكفايه لا عملتي احترام لوجود ابوي ولا وجود رجال ولا ان ديل اكبر منك مهما كان الراجل والكبير ليه احترامو ، و ان ديل اعمامك مهما كان رجال و ضيوف في بيتنا ! الكلام دا صح منك ؟ م فكرتي في ابوي ؟
نهى : (بتبكي) مازن انا تعبت منهم و صوت بتي قطع قلبي و لمن شفت الموس في يد المرة ما اتحملتا كفايه الظلم الاتظلمناهو كلنا كمان جايين يكملو الباقي في الشافعه دي يا مازن ، انت عشان م شفت المنظر والله قلبي وجعني شديد و ما عارفه انا عملت كدا كيف ....
مازن جا عليها .. مي قامت وقفت جمبي ..
قعد جمبها ، شال منها البت و حضنهم الاتنين و باس راسها .. قاليها :
احياًنا في حاجات بنكون مظلومين فيها و لينا حق انه يقولو لينا معليش ، بس اقل حماقه مننا و تصرفنا في الموقف دا تحديداً اذا كان بأنفعال او فيه غلط حتى لو صغير لا يُزكر ، بيضيع حقك و حتبقى الغلطة غلطتك ، و بالزبط دا الحصل معاكي يا نهى .. عشان كدا لسه الوقت ما فات و بتقدري تصلحي غلطك دا على الاقل تجاه ابوي و امي و .... (مي كانت بتعاين و بتسمع كلام مازن ، خلق جواها توازن ما عادي ...)
كمل كلامو (و عاين لي قال لي ) : امشي يا .. هتون جيبي توب ولا طرحه ل نهي !!!
بصراحه كنت مبسوطة شديد من ان ديل اخواني واحد يغلط والتاني يصلح وهكذا ، حسيت ب امان ان انا لي #سند ...
مشيت جبت ليها التوب ، و لبستو ، ومازن شايل #منة ..
بعد طلعو ، قلت ل مي :
*معليش اتعرفتي على اسرتي في وضع كدا الحمدلله ..
_لالا بالعكس انا مبسوطة والله وكل بيت ليهو اجواء متوترة ، وبصراحه بعد فهمت الحصل دا لو انا في محلها كان عملت اكتر من كدااا والله !!
*حتى انا بس الحمدلله ان شاءالله كل حاجة تتحل و تتصلح ..
#المهم ...
نهى مشت اعتذرت لابوي اللي كان اعمامي قاعدين جمبو ، و من بعدها امي ، و بصراحه م كان في زول زعلان منها من الحاضرين ، لان كان معاها حق و اي ام في محلها كان اتحمقت لكن كل زول و ليه مرحله .. الكل رضا .. ما عدا موهوب اللي حس بالاهانة و اضافة لذلك امه اللي كانت بتمليه !!! بس استحملو الوضع لحد ما السماية تمت على خير ، و قررو يمشو للقرية في سواد الليل دا !!
و كان في جانب #موهوب !!
موهوب :رجلك كيف يا امي فيها الم. ؟
امه : هئ المي بيهمك في شنو يا ود بطني !؟ ابشرك المي في قلبي الانكسر و كرامتي الاتهانات ! اهاا مبسوط !!
موهوب : ..... م رد
امه : هه طبعاً ما حتقدر ترد زي لمن مرتك هرشتك قدام الرجال و ختت هيبتك في الارض و سكتتك و سكت ليها و قبلت انها تهيني !!
عرفت تربية المدينة بتسوى شنو ؟
ردت ضرتها المسكينه ديك : وانتي بي ياتو حق تقرري تطهري البت من غير علم امها ؟ اذا قدرت حملت بيها و اتحملت الخطورة على حياتها طول مدة ال9 شهور حتكون ما قادرة تطهر بتها اللي عمرها 6يوم ولا سبعة ؟؟؟ اي نعم عاداتنا من قمنا ، لكن كمان ما بالسرقه ولا بالدس ! ويشهد الله (بتعاين للفاضل) ما شفت شينة لا من البت لا من امهااا !
ام موهوب : انتي بالذات ما تدخلي اصلك عايزة تعانديني في اي حاجة و كيته لي !!
و اسمع يا موهوب ، ان ما طلقتها لا انا امك لا تجي تكوس رضاي !!!
الفاضل : دا كلام شنو يا مرة ! بتحرضي لخراب بيت ؟
قالت ليهو دا العندي !!!

في عز الجوطة -
انا كنت كل ما القى فرصه اقعد فيها بيني و بين نفسي كنت بستغلها ، نفسيتي تعبانة شديد من بعد العرفتو وعلى العلي التنشنة الحصلت !!
#مي ..هتون .. انا بمشي بعد دا الزمن فات و القعده معاكم سمحه شديذ والله ..
قلت ليها بدري يا مي عليكي الله اقعدي و بيتي زاتو ياخ ..
ضحكت وقالت لي و امي !! هههه
قلت ليها من جات فيها امك سكته تب يا زوله ههههه ، دقيقه اشوف ليكي مازن !!
قالت لي : لالا ما تتعبيهو ساي ، بشوف ممدوح !!
طوالي سكته ..
اتصلت عليهو .. رد ليها ب انه عنده موضوع و تستناهو ...

(في جانب ممدوح)
ابوي : لا حول ولا قوة الا بالله ... بالله يا ولدي شوف الدنيا دي دوارة كيف !! ياخ الشافع داك ياهو شهاب الوااااحد دا !!
ممدوح : اي والله يا عمي زي ما وريتك !! و دا سبب اتصال هتون كان كل همها تشيل من على عاتقك امانتك !!
ابوي : سبحان الله و شكرااا ليك يا ولدي كدا دي المرة التانيه تقيف معانا وتساعدنا الله يريح قلبك يارب ...
ممدوح : تسلم يا عمي ، يلا ما نستغنى لكن اختي منتظراني اوصلها البيت !!
ابوي : اتفضل اتفضل و ان شاءالله المرة الجاية تجيب اسرتك والوالده و تجو تتغدو معانا ، عظيم الشرف يا ولدي والله ..
ممدوح : (اتزكر امه ونظرتها ل هتون ) ان شاءالله ، ان شاءالله. ...

#شهاب _
واقف في نهاية الشارع بعيد عن الصيوان ...
*يا نسمة ما كل ما اجي احكي ليكي حاجة ترجعي تزكريني بي خيار زواجي من هتون وانك الصح و انا الغلط !!!
_طيب روق عشان ما تدخل في حالة انحنا ما قدرها اسي ...
*(كان مر

اقب شافع ونو بيتكلم ) ! عايز اقتلو و ما بهمني كان ضابط ولا لواء يانسمة في حاجة انا عارف ان هتون م حباني لكن قلت مع الوقت و .....(سكت و نفسو قام ) ااا ...
_كمل كلامك يا شهاب !! ..... في شنو نفسك قايم كدا ؟؟
شهاب : ......*قفل السكة من غير مقدمات !!

كنت سرحانه و بفكر و في المغسة العايزة تشقني ودايرة انفجر بس ما قادرة و ما لاقيه طريقه ، قطع تفكيري تلفون #مي و كلامها مع ممدوح البقول ليها اطلعي منتظرك ...
و فجأة عاينت لي واتوترت ..قالت ليهو : هتون!!
لالا كويسه !! ااااي .. ااااي ، حاضر
يلا جايه ....
و جات باستني و قالت لي جملة ( انتي جميله شديد يا هتون ! ودي حاجة الله اداكي ليها ، لكن جمال الدنيا دا انتي بتصنعي لي نفسك ) و طلعت !!!

بعد البيت خف من الناس والوضع راق ....
طلعت برا الصيوان بفتش لشهاب اللي كنت قرفانه منو و ما طايقاهو !!
م كنت شايفاهو .. لفيت حول الصيوان !! شفتو جاي كدا وماشي بي تثاقل ! وقفت لمن قرب وبقى واقف جمبي !!
قلت ليهو : #امشي انا ما راجعه معاك و اديتو ضهري ! و تاني اتلفت ليهو تاني بسرعه و عاينت !!
قلت ليهو دا شنو (اشرت ليهو بي صباعي محل سستت البنطلون ) !!
اتخلع واتوتر و قبل مني واداني ضهرو .. وبقى يتمتم ... م انتظرتو يتم كلامو و مشيت خليتو !!!!!!!!!!!
في شي غلط !!
و انا داخله على البيت طقشت في #مازن اللى كان زي البفتش على حاجة !! قلت ليهو :
*بسم الله مازن في شنو ؟؟
_مم مافي شي !
*طيب مالك ما بتعاين قدامك !
_كنت بس بفتش لابوي ! و اااا *سكت و فجاة زي ما تقولو كدا استجمع شجاعتو و قالي شوفي يا هتون انا بس كنت بفتش لـ مي !!
*مي ! عاين انحنا واقفين قدام الباب لكن لينا قعده مع بعض ... و دخلت ! بمعنى اصح انا م كان عندي طاقه للكلام في اي شي !!

(في جانب نعمة )
بتكلم نفسها و بتعاين ل يزن النايم -
الوضع كل ماليهو ماشي يبقى اسوأ ، من كل النواحي ..اااخ يا شهاب نفسي اشوفك في احسن حال و سعيد و متهني يا ولدي !! بقيت خطر على ولد خالتك و م معروف تاني ممكن يحصل شنو ، و كمان لو بقت عيني عليك هتون ح تحس ان في حاجة غلط !!
هتون ...هتون ... الظاهر ان اهلك ديل ما حيجيبوهت البر و من اسي كل دقيقه و التانيه معاهم في البيت .. و شغلنا وقف تماماً و انا سوقي بقى نايم ! كل الكانو بجو للسهرة ، كان بجو عشان هتووون الجميله ..... لازم القى حل ، واسلم حل ان اخلي الخرطوم كلهااا و منو اكون اتفكيت من ممدوح !! ضابط فقر ! بعد السنين دي كلها ظهر لي كيف ما عارفه !! و كان كلم هتون ب اني المرة الكان بحزرها مني ايام السجن حتبقى مصيبه !!!

#استكانةة🌸....

يتبع

سحر سمير _فاطمة قسم الله ....

#غلطتي
(الجزء الثاني)
بقلم سحر سمير و فاطمة قسم الله
-٨٢-
دخلتا غرفتي او بمعنى اصح #شردتا
الليله دي رجعتني لي كم سنة ورا !!
حسيت اني غبيه و نفس السكينه طعنتني تاني ! و استرجعت مواقفي معاها لقيت ممدوح صح !!
و تلفوني م سكت اتصالات من نعمة و من شهاب، مسكت التلفون قفلتو..
كفايه حُزن و ضيق و بكا كفايه ، كفاية 8 سنة حياتي راحت على ولاشي !! غيرت و رقدت !

(في جانب ممدوح)

*طوالي مبتسمة انتي ؟
_الدنيا دي فيها شنو !
*على قولتك .. داير منك طلب !
_اهااا
*قربي من هتون اكتر وخليكي قريبه منها الفترة دي ، في تطورات حصلت وحتكون محتاجاكم جمبها ..
_حاضر انا اصلا بحبها و م يحتاجك توصيني !! حتخش معاي البيت ؟
*ايوة الوقت اتاخر و عايز انوم !!
_يسلاااااام اخير حمدلله ههههه

(في جانب نعمة)
الباب بيخبط رزع خبيط بي قوة ...
اتخلعت و جرت توبها وجرت على الباب اللي كانت متربساهو بي قفل مصدي .. قالت منو : قاليها افتحي .. *فتحت ..
*شهاااااب !! مالك بتخبط كدا في شنو ؟؟
دخل بي عدم توازن و قعد في طرف اقرب سرير ليهو !!
*قلقت بي يا ولدي في شنو و هتون وينها ؟؟
_تجي معاي بي صفتها شنو ؟ انتي فاكرة ان العرس دا كان عرس ؟
*(خبتت صدرها) سجمي ! كيفن الكلام دا ؟؟
_انا بديت احس بالذنب تجاه هتون و في نفس الوقت قلبي مولع نار من الاسمو ممدوح داا ! و كان ما اخاف الكضب هتون بدت تشك في مرضي ! والليله شافتني في موقف ماتمام !!
*بقت تخبت في وشها وتلطم ، سجمي سجمي ! كيف الكلام دا يا شهاب !! عملتا شنو انت ؟!!
_عملتا زي ما بعمل طوالي يا نعمة بس البني ادم ما بنستر طول عمرو في الشينه .. جواااي هم انتي ليه ما فكرتي تسقطيني ؟ ليه ولدتيني ليه ؟
عشان امشي في طريق زي دا ! عشان اعيش وانا مرضان مرض ما معروف علاجو !! عشان احس اني ما زي باقي الرجال ، ولدتيني ليه ليه ليه ليييييييييييييييه (خبط يدو في الحيطة من الانفعال)
انتي عارفه ! لمن اصحابي اشوفهم داخلين الجامع ويخلو اي شي في يدهم غشان يحصلو الصلاة ، وانا بقيف قدام العتبه ما بقدر ادخل لاني بحس نفسي نجس وان المكان دا ما ربيتيني اكون موجود فيهو خمسه مرات في اليوم عشان كدا عمري م ح احس بالراحه طول ما انا مرضان وبعمل في القرف دا و ااذي اطفال م ليهم ذنب ، ذنبهم شنو يشيلو مسؤلية حيوان زي !!!!
(قام جرااا طلع من البيت )
_شهاااااب ....شهاااااب !!!!

(في جانب مي بعد رجعو البيت )

قاعده بتفكر و سألت نفسها سؤال ، هتون اتسجنت ليه ؟
و مسكت التلفون لقت رقم مازن ! سجلتو و دخلت تشوف عليهو واتساب ولالا ... و فعلا لقتو اون لاين ..
#تلفون مازن نور ، بي رسالة في الواتساب !!
مكتوب فيها : " 👋🏼"
شاف الرساله عيونو لمعت و قعد في نص السرير و كان مبتسم و مبسوط شديد .. و قال بي حسو #مي !!
*رد ليها : يا هلاا😅
_ما جاني نوم صراحه ومخي شغاال تفكير و ما لقيت غيرك ممكن يفك حيرتي دي !
*خير !
_ممكن اعرف هتون بنت جميله كدا و من اسرة فيها اب دكتور و ام مدرسة ، كيف اتسجنت ؟
*غريبه ! اخوكي الضابط اللي طلعها و ما عارفه سبب القضيه والحصل معانا ؟
_ممدوح فاصل بين البيت و الشغل و عو بيشرف ان الشغل ليه خصوصيتو !
*طيب ح احكي ليكي (..........)
استمر الكلام اخد و عطا بين مازن و مي بي كل تفاصيلو اللي كانت جديدة بالنسبه ل مي و كافيه جداً انها ترسم ملامح الاندهاش على ملامح وشها الصغيرة والجميله !!

كان في جانب ممدوح -
اللي دخل الغرفه و كان تقيله عليهو انه ينوم في الغرفه اللي فيها #فاتن ، رغم انها كانت نايمة و ما حست على وجودو اصلا ...

" صباح الخير "
*امي !!!!! خير !!!
_(امي كانت مبتسمة شديد) و لا بسة توب عين كتكوت الابيض و الحنة في يديها (ما نقش حنة عادية )!! و الشنطة والشبشب كانت في كامل اناقتها و في يد فيها شنطة و اليد التانيه كانت #الجريدة !!
شفت الجريدة و عرفت ان في قصه حصلت و هي سبب تقاعد امي في البيت بعد اتسجنت و ما حبيت ااخرها بي كلامي و اكتفيت مؤقتاً بي وداعها !!
مشيت لقيت نهى نايمة و بتها صاحية ، عرفت ان في سهرة كانت حاصله ..
مشيت ديوان ابوي ما كان موجود رغم اني كنت محتاجة اتكلم معاهو ، بس قلته صبراً يبل الابرى .. فا بالتالي مشيت لبست و انا طالعه ، مسكن #مازن اللي كان عادي ممكن يطير من الفرح !!
قالي : م معقول ما لامي فيك عايزك في موضوع !
*امممممم مي ؟
_احم دا براهو لكن موضوع تاني ليهو فترةشاغل بالي ، و بسبب الحاصل دا الوقت م كان مناسب ! وانتي لابسه ماشه وين ؟
*عندي مشوار صغير و راجعه .. قول !
_مزاجك ما ياهو .. اذا ح ااخرك خلي لبعدين ؟
*لالا ارح اقعد سامعاك ...
_طلع تلفونو و وراني صورة وهو مبتسم شدي !!
*حلو شديد !! لكن ما فهمت ؟
_دايرو لمشروع و عارف انتي الحتدعميني و نتشارك فيهو ؟
*شنووووو !! المحل دا نجيبو من وين ؟
_معروض للبيع بأقساط على مرحلتين ، مساحتو مناسبه شديد وموقعو ممتاز ، و ح نخصصو للهدايا و تصميم كروت المناسبات والبوكسات ..الخ ، المحل م غالي لان صحبو

#غلطتي
(الجزء الثاني)
بقلم سحر سمير و فاطمة قسم الله
-٨٣-
وصلت بيت #نعمة ...
دفرت الباب اللي كان شبه متاكا .. مع دخلتي جاني يزن جارررري و حضني !! خالتي نعمة اتلفتت عاينت لي و قالت لي اخيراً فضيتي لينا !!! م رديت عليها ، و على حظي شهاب جا داخل من براا بعد سهرة الله اعلم كان محتواها شنو ..
قعدت في السرير المقابل ليها و بقيت بعاين ليها و شهاب جا وقف جمب السرير اللي فيهو نعمة !!
شهاب : للدرجة دي انا م لي اي قيمة عندك ؟ قفلتي تلفونك وانا بتصل و حتى ما كلفتي نفسك توريني انك بايته عند اهلك ؟
نعمة : اكيد الوقت اتاخر يا شهاب ، المهم عملت لي شنو في موضوع البيت ، الناس طلعو منو ؟
فكيت ضحكة كدا طلعت من جوااااااا قلبي ، و قلت ليها ، البيت ليه يا خالتي نعمة ؟
نعمة : !!! حنرحل سيد البيت قال عايزو !!
*ههههههههههههههه ما زهجتي يا نعمة ! عليكي الله ما زهجتي ! ما قرفانه من روحك و من نفسك وسخ في وسخ في قرف ، ياخ " ان الله رقيب عتيد " ما فكرتي في كدا ! اذا من قمتي ما عندك ولي ، يسالك و يقيف ليكي ! ما عملتي حساب ل وجود ربنا !! و ما استشعرتي مراقبتو ليكي يا نعمة !!! ما خافيه تقعي تموتي و انتي في معصيه !!
ياخ ما حنيتي علي ! ما خفتي علي و انا كل يوم ببكي و بتعذب من الظلم و الندم والعلط العملتو في روحي !! كنتي عايزة تجري كراعي في الطين و ابقى زيك اترقد في السراير مع الرجال ، عشان غلطت غلطة وحدة و ما بأرادتي اتهيأ ليكي اني ممكن اشتغل في دعارة !!!! حرام عليكي ياخ ، حرام عليكي !! و انا اللي كنت خاتاها ليكي جميله انك لميتيني من نومة الشوارع و فتحتي لي بيتك ، ههه ياخ والله كان احسن لي نومة الشوارع ، بالله طول الزمن دا انا عايشه في نص الدعارة !! و انا بقنع نفسي ان الرجال ديل بتطاقشو عشان الرقيص و الونس والجبنه !!! للدرجة دي انا غبيه !!!!
(عاينت لـ شهاب)
ههه وانت !!! للدرجة دي الدنيا صغيرة يا ولد #ميمونة !! هههههه ولا يا ولد #نعمة (عاينت ليها) ! ولا شنووو ! يا نعمة !!
نعمة : !!!!!!
*مصدومة!! صح !! و يا شهاب ! كنت قايلاك راجل مالك قرار و شخصيه ! طلعت ولد وحدة زي نعمة ! قادر تتقبل ان دي امك و هي بالوسخ دا لا و كمان كنت بتجي عادي تتونس و تسهر و تشرب جبنتك مبسووووط و بتمشي !!
(صربتو على صدرو) دي نخوتك !! دي رجولتك !!
زحمة شنب ما اكتر !!
شهاب : هتون ! انا كنت حأحكي ليكي كل حاجة بس من اتزوجنا ما لاقي طريقه اتلم عليكي واتكلم معاكي !!
*ههههه تكلمني بعد شنو ! بعد الفاس وقعت في الراس !!
شهاب : و انتي بي ياتو عين بتحاسبينا !! نسيتي نفسك !
*نفسي دي ما بنساها و لا بتتنسي ! و انا دفعت تمن غلطتي و اتعاقبت عليها انا واهلي بما فيه الكفايه !!
شهاب : و انا كمان دفعت تمن اغلاط انا ما لي ذنب فيها ولا ارتكبتها ، مافي زول بيقوم في الدنيا دي و يختار امه و لا ابوه !!
*ما بيهمني امرك !! (عاينت لنعمة) حسبي الله ونعم الوكيل فيكي ... جيت طالعه وصلت لحد الباب ..
جاني يزن مسك فيني من ورااا !!
عاينت ليها و قلت ليها : م مستعده اخلي الطفل دا يقوم في بيئه وسخانه زي دي !
مسكتو من يدو و طلعته !!! اتمشينا لحد قدام شويه لمن ركبنا ركشة .. طلعت تلفوني و اتصلت على #ابوي ..
"اختصرت المكالمة و عرفت انه في البيت حالياً "

(في جانب امي)
بتحكي :
على حظي الما عارفه اوصفو ليكم ، ان المديرة الكانت قبل ٨سنة ، طلعت معاش او بمعنى ادق اتقاعدت ..
و مسكت محلها وحدة من زميلاتي الزمان ، وحقيقي الوقت ااغير كانو في مدرسات جداد ما بيعرفو لي حاجة ...
بس حتى المديرة الجديدة م لقيت منها شي سئ تجاهي ، و شلت عنوان استاذة سامية المديرة سايقاً .. اخدت ركشه ، و تلت ساعه انا كنت قدام خشم بابها !!
خبطت الباب دقتين ورا بعض و اخدت خطوتين ل وراا .. والباب اتفتح و كانت الصدمة انه #مي اللي فتحت لي الباب !! صحبه هتون اللي شفتها امبارح في السمايه !!
جات علي سلمت علي و بقتت تتلفت قالت لي يا خالتي هتون وينها ؟ (و اصلا كانت مخلوعه وانا مخلوعه اكتر منها)
امي بتقول : بقيت واقفه ومبحلقه فيها غلبني الاسويهو او اقولو !! بس ربنا م رزقني حكمة التصرف في الوقت دا ، وجات وحدة الظاهر انها ام مي ، جات عاينت لي بي تعجب ! قالت ل مي دي منو ؟
مي بتقت تتمتم لانها عارفه موقف امها من هتون و ما قدرت تتكلم .
امي : معليش شكلي ملخبطه في العنوان !!
ام مي : لالا تعالي اتفضلي انتي عايزة منو ؟ و بعدين يا مي مالك ما فضليتها ؟ تعالي اتفضلي ..
امي : شكرااا شكرااا
ام مي : عليكي الله كان ما دخلتي و بعدين شكلك استاذة يا سلااااام التوب الابيض دا ليعو قيكمتو وبيصحي جواي ذكريات جميله شديد ااااخ بس الحمدلله !!!
امي بتقول حسيت ان في شي و ابتديت احس اني ما جيت على بيت غلط ! بس في نفس الوقت دي ما استاذة نادية !! قلت ليها ممكن ادخل ؟
مي : !!!(بقت واقفه و تاكل في اظافرا خايفه من امها)
ام مي : طبعا طبعا اتفضلي اتفضلي ، مي تعالي (جرت بتها على جمب و قالت ليها في عص

#غلطتي
(الجزء الثاني)
بقلم سحر سمير و فاطمة قسم الله
-٨٨-
فجأة سمعت صوت رسالة المسنجر بتاعها !
مسكت التلفون ، فتحت ، الرسالة ظاهرة ليها من ايقونة بيضاء (لمن يكون ما خاتي صورة اللي هي الصورة الافتراضيه للحسابات) حتى الاسم م ظاهر ، عاينت لشبكة البيانات لقيتها فاصله !!
م اشتغلت بالموضوع كتير ! و مشيت طلعت عشان اجيب يزن ، لقيت الجو هادي ! فتحت الباب لقيتو نايم في السرير الجمب نهى و نهى نايمة هي و بتها !!

عند شهاب -
#نسمة ! شهاب !! في شنووو .. ادخل ، ادخل !
فجاة من غير مقدمات حضنها ، و مسك فيها شديد و بيبكي .. م قدرت تجبرو انها تعرف حاصل معاهو شنو فا اكتفت بالطبطبة عليه ..
فجأة رفع راسو و عاين ليها ، لقا عيونها في عيونو بي نفس اللمعه اللي دايماً كانت بتقابلو بيها !
قاليها : ينفع ابيت هنا ؟ محتاج ليكي !!
نسمة : عارف يا شهاب ! يمكن كلامي الحأقولو دا ماوقتو ، لكن انت ما بتفرق عني كتير ، نفس الوحدة انا عشتها و ما زلت عايشاها يا شهاب !
اخترت ادرس الطب لانو بيشغلني عن الحياة ! قمت في دار المايقوما لا ام لا اب ، انا كنت عكس الشفع م كنت بتمنى تجي اسرة تسوقني لان الاسرة م كانت بتعني لي حاجة ! اجتهدت شديد و طلعت من الدار في عمر مبكر و اشتغلت و قريت نفسي و اخترت الطريق دا ... من اول مرة جيتيني فيها العيادة كنت شايفه انك نصي التاني ! انا عارفه اني ادخلك كراجل في نص بيتي وماف اي صلة تربطني بيك غير مهنتي هي غلط و غلط كبير ، اي م لقيت اليوعيني و يوريني الصح من الغلط .. لمن ربيت نفسي براي و ....*قاطعا بي بوسة سكتتا و خلتا مستغربه فيهو !
بس الموضوع ما انتهى على البوسة. .. و لكم ان #تتخيلو !!

في جانب ....

#مي قالت : انا ما بنكر كنت منتظرة اللحظة دي من مازن او مش منتظراها لا اصلا البينا ما اخد زمن ، بس كنت خايفه ان الجواي دا ما يكون جواهو خصوصاً ان دي او تجربه لي ! فا قلت ليهو ما حاسي انك اتسرعته ؟
مازن : لا انا ما بحسبها زي ما انتي بتحسبيها يا مي ، المشاعر عشان تتكون م محتاجة وقت ، اللهم بتلقى نفسك مقيد بي شعور اكبر منك و فوق طاقتك .. بس انا عايز اتطمن يا مي !
عندك احساس تجاهي حتى ولو بسيط ؟
مي : أيوة يا مازن بس للاسف ما بسيط .. و تصبح على خير !!
مازن : مي دقيقه ما تطلعي .... مي ، رسل ، رساله ورا التاني و كان بيظهر ليهو (صح واحد)
فا خلى ليها رساله بقول فيها : ‏وانك سبباً لأن أبتسم وأشرق بوجه الحياه كل يوم، سبباً لأن أضع الجميع على الرّف وألتفت إليك .#تصبحي_من_اهلي ..

صحيت بي حيوية و نشاط ما عادي -
فكرت كتير بيني وبين نفسي ، ان شهاب انسان كويس و انا لازم اهتم بيه و ابدا معاه مرحله بالجد جديدة نأسس فيها حياتنا ، كفايه تعب ، كفايه اللي مر بيهو شهاب و مريت بيهو انا .. من حقنا نرتاح ..
فجأة باب غرفتي فتح .. و كان #يزن
فتحت ليهو يديني حضنتو شديد و شميت ريحتو ، قلت ليهو ، رايك شنو الليله نمشي مع بابا شهاب نتغدا برا و نتفسح حبيبي ! لقيتو ضحك كدا و ابتهج .. #امي جات داخله لانو يزن م قفل الباب وراه .. قالت لي : صباح الخييييير ، جيت اشوفك اتاخرتي في النوم كدا !!
قلت ليها : بفكر بس في المشروع وكدا ، اسمعيني ي امي كنت عايزة مرة الغفير تنضف لي بيتي تكلميها لي ؟
_خلاص من دربي دا بكلمها ليك (و بتعاين في يزن)
بقت تهبشو كدا ، قالت لي ملامحو حنينه شديد الولد دا ، بس ليه ما بيتكلم لحد اسي ؟
*ما عارفه والله يا امي مع اني بلاغيهو طوالي من صغير !
_ما صغير كمان يعني مفروض كمان يكون دخل المدرسه !!
*ايوة مفروض يكون في تانيه بس بسبب رحولنا الكتير و عذم الاستقرار والمشاكل ما قدرتا لكن بعد دا خلاص بدخلو رغم انه حيدخل كبير ، طيب يا امي نوديهو دكتور للنطق المتاخر دا ولا كيف !
_ما بعرف والله يا هتون رغم انه نبيه ملاحظة ليهو ، لكن كدي خلي كم يوم كدا ، المهم قومي عشان تنجزي امورك و موهوب في الطريق نشوف كمان مشكلة نهى دي ان شاءالله تنتهي على خير مع ركوب راسها دا ...(و مشت) !
مسكت تلفوني ، اتصلت على شهاب مرة و اتنين ، مافي رد ...

(في جانب شهاب)
#نسمة !! (ماسكة راسها و قاعده بتعاين لي شهاب اللي نايم جمبها) و بتكلم نفسها ، انا كيف غلطت غلطة زي دي !! حافظت على نفسي من الدنيا طول عمري ، اسي في لحظة استسلام زي دي ضيعت كل حاجة !! عاينت لي تلفون شهاب اللي كان فيهو اتصال مني .. لمن زهجت ! مسكت التلفون عشان تعملو صامت ، فجأة شهاب صحى ، بصوت التلفون ، عينو وقعت عليها وهي ماسكة التلفون ،، قام خطفو منها ، شاف مكتوب #هتون
قاليها بي نهرة : عايزة ترد عليها مش و تخربي كل حاجة !!
نسمة : !!!!! شهاب انا كنت حأعملو صامت عشان ما ازعجك !! رووق ! انا البخليني شنو ارد عليها ؟
شهاب : اسف .. عاينو لبعض ب خجل و اتزكرو كيف كانت ليلتهم !!
مشى اتجاها و ضماها و باسها فوق راسها قاليها : كنت خسران طول المدة اللي فاتت دي ، رغم انك قدام عيوني ما كان في زول بتحملني غيرك ولا في زول سمعني غيرك و

لازم نبدا موضوعنا دا و تتلعب معانا فيهو يا هتون ، كفاااايه ضيق ، وبعدين موهوب دا حقو براهو .. انا مافي حاجة فايته علي يا هتون مراعي للصغير قبل الكبير ..
*( كل مرة مازن كان بيثبت لي انه كبر و مسؤل ) كل القلت ليهو #نتلاقى في المحل ..
_طيب ، اااه قبل تقفلي كنت عايز اسألك !
*هاه
_عادي اكلم مي تجي المحل ؟
*اكيد يا مازن لو هي ما عندها مانع !
_ياخ انتي بس الله يحفظك لينا ، يلااا*قفل !!
عاينت لـ شهاب .. لقيت بيكتب في رساله في تلفونو و ما منتبه لي .... عاينت ل جهة الاتصال المرسل اليها ! لقيت مكتوب #نسمة !
م بنكر اني اتوترت كدا ما بعرف ليه بس يمكن عشان حتى م انتبه اني خلصت مكالمة و واقفه جمبو ..
فجاة زح وخت التلفون في جيبوو بقى يتمتم و بيقول لي ، في مدرسة خاصه بكرة حأمشي عليهم م تشيلي هم !! و قبل وشو مني !!
ما كترت معاهو ، قلت ليهو عندي مشوار مع مازن .. خلي يزن معاك ممكن ؟
قالي : جداااااً .. اتحركتا طوالي .. ع الشارع و اقرب ركشه !!
انا والله بقيت ما عارفه عقلي دا يشيل شنو ويخلي شنووو ! مم الضيق والجوطة الحاصله .. #نسمة دي منو ؟؟؟؟

بعد انا طلعته من شهاب ..
او حاجة عملها ، قال ل مرة الغفير انتي كفاك بعد دا ممكن تمشي .. وفعلاً مشت .. و تاني حاجة قال للشغالين حا ادخل اريح ف الغرفه ديك شويه و لمن تجو ماشين كلموني .. ردت ليهو وحدة قالت ليهو اصلا فرشناها خلاص ..
قال لي يزن ... تعاااااال .. جاهو جاري .. مسكو من يدو ودخل بيهو الغرفه و قفل الباب !!!
اتخيلو قعدو قصادو و قاليهو انا عارف انك م بتتكلم و ما حتفضح سري ، بس تعرف اني بديت اكرهك !
لانو مفروض انا وانت يكون مصيرنا واحد ، ليه الكل خايف عليك انت وانا لمن كنت في عمرك مافي زول خاف علي ولا شال همي ؟؟
انمممممم و ابتداا يقرب منو ..........الخ

وصلت #المحل
لقيت مازن ... قاعد مع مهندس 3D ، تخصص جدران اعتقد لانو كان بختار ف ورق الحائط ، وجيت لحقتو واخترتا بمبي خفيف بالبيج مورد ورود صغير و باقي الحيطان بيج زي لون جلاد الكراريس الزمان ديك .. اثناء ما انا بشرح و بأشر للمهندس على الحيطة ان هنا المورد بس والباقي سادة ، فا جات #مي داخله !

#استككانةة🧸...

يتبع ...
فاطمة قسم الله _سحر سمير ....

#غلطتي
(الجزء الثاني)
بقلم سحر سمير و فاطمة قسم الله
-٩٠-
جات #مي داخله !
سلم عليها .. بي توتر شديد و جات علي باستني و قالت لي مشتاقين وكدا ..
مي : بتعاين في المحل لافة .. ياخ محلكم رهيب خصوصا انه فاتح على الجنينه ديك يعني مكان مناسب للعشاق هههه شديد ومنو يجو يتهادو هنا ههه ..
هتون : ههههه مش كدا و بقدام في دريم كمان قعدات ايسكريم وحركات و الذ شي كمان تحت الشجرة دي بنقدر نقعد هنا و نخت قائمة الاسعار في سبورة واقفه كـ منيو و بالطباشير نكتب رايكم شنو ؟
مازن : الفكرة دمار والله (بيعاين ف مي)!!
قلت ليهو : هئ دا لو انت مركز معاي اصلاً هههه !

(في جانب بيت جدي ابو دومة)

ام موهوب : ماشاءالله ماشاءالله بت زي النجفه ! ايوووووووي يووووي يووووووي ، هي لكن ما حنة هي ، تعالي تعالي يا بتي انوريك غرفتك !!
(جرتا على غرفة نهى ) #ميامن وقفت جمب الباب و بقت تعاين بي قعر عينها ، قالت لام موهوب اللي كانت بي وراها واقفه ميادة !
دي ملاية تقابلو بيها عروس !! ام موهوب اتجهجت واتوترت و بقت تكورك في ميادة ، يا بت انا مش قت ليك تفرشي ملاية نضيفه لمرة اخوك وتجيهي الغرفه دي !!
ميامن عاينت ليها قالت ليها : هوووي ما تنبحي !
من زمان بسمح بي نبحك وجوطتك و نقتك ومشاكلك دي ، لكن انا ما بتحملك فاهمه ! ما تصدعيني عليك الله من اول يوم !!!
ميادة : صلحي اسلوبك مع امي يا ميامن هي ما شافعه صغيرة عندك عشان تنهري فيها كدا !!
ام موهوب : واقفه مخلوعه و خشمها فاتح !! و بي وراها واقفه ضُرتا !!
ميامن : قربت من ميادة و مسكتا من اضانها ! قالت ليها : اسمعي هنا يا ميادة هاا ، انا عارفه كويس انك خاته راسك مع الما تتسمى نهى ولا زفت و انتي السندتيها لمن عرستي ليهو الفاجرة اخت الفاجرة !! (وبتضغط على اضانها) وانا ما جاية هنا ميتة في نسبكم فاهمه !!! انا هنا عشان لمن اخت حاجة في راسي بوصل ليها ، عشان كدا لمي لسانك عليكي عشان م اخرب بيتك و اخليكي تشحدي بي بناتك ديل ! فاهمه ولا مافاهمة ، و امك القدرت تعرسني ليهو تفتكري مرة زي دي م حتقدر تدافع عن نفسها !!!
ضرة ام موهوب : مششششيم تربية عن تربية تفرق ، هيييييه يا ام موهوب ، " التسوي بي ايدك يغلب اجاويدك " ، صُري وخمي يا ام موهوب صُري وخمي !! #ومشت !!

اما في جانب موهوب _
اللي كان لسه في الخرطوم و ما قادر يجي على قرية الحميراب ، وكان مختوت بين خيارين احلاهما مُر ، و عرف انه خلاص نهى لا يمكن توافق ترجع ليهو تاني ، بس قال : كان متملكني احساس اني ما قادر اطلع برا الخرطوم ، كل ما ادور العربيه بحس اني خليت من روحي هنا ،، نهى ! و بتي !!! انا كيف طاوعت امي وهدمت بيتي بي يدي !!
اااي هي امي و انا عارف امي كويس اصلو ما كان اطاوعا في لحظة شيطان زي دي و اخسر بيتي ، يعني يا نهى كان لازم تنفعلي بالطريقه دي !!
يا الله ... وترررررن #تلفونو رن !!
*ميادة !!! مالك بسم الله ....الووو
_ايوة يا موهوب !
*في شنو انتي بتبكي ؟
_لالا انت وين ؟
*انا في العربيه في شنو ؟
_العقد تم يا موهوب (و فتحت سارينا بكى )
*سكت ..........
_البت دي كعبه ما بتشبه نهى ابدا ولا باخلاق زول فينا ، ما انا البخرب البيوت يا اخوي ، لكن من امي جات دخلت البيت و هي اسلوبها كعب بتتأمر فينا زي الانحنا خدم عندها ! كعبه يا موهوب و هددتني بالطلاق من راجلي اتخيل قالت لي بخليك تشحدي بي بناتك (وبقت تبكي زيادة )
*لاحول ولاقوة الا بالله !!معقولة ! انا عارف اخلاق ميامن كعبه لكن م اتوقعتا للدرجه دي .. انا ح اتحرك اسي لمن اوصل نتفاهم !!
_لا يا اخوي ، ما تجي من غير نهى عليك الله !!
*خلي نهى اسي ما حيخلوها ترجع قبل تتم الاربعين ، كلو بيتحل ان شاءالله ... يلاااا ..

مازن مشى جاب لينا عصير -

و بنتونس و فجأة مازن خبط يدو في الطاوله ، قال لقيت احلا اسم للمحل .. هاااااا
مي : متحمس يا اخينا ..
*مابعرفو لمن خلعني ههههه..
#تلفون مي..اوووه دوحاااا ..
مي : هاااا ممدوح
اهااا ،، لالا انا طلعته قبيل .. طيب ، طيب
انتظرك يعني ؟؟ اهاا ، لالا خلاص طالما ما حتتأخر بنتظرك .. يلااا سلام .. حاضر برسلو ليك واتساب .. يلا سلام ..
م بنكر اتوترت شديد من سمعت سيرة ممدوح خصوصاً انه جاي ..استأذنت عشان اقوم امشي ، مازن قالي لا انتظري الاسم و انا جايب تصاميم للقايمة و بعدين ما قلتي لي شي غير المصاحف الملونة !!
مي : (فتحت الواتساب وكتبت رساله ل مازن ) قالت ليهو : لاحظت ان هتون اتوترت على سيرة ممدوح ، انا شايفه انه لازم نوفق ليهم قعدة مع بعض يحلو فيها امورهم على الاقل عشان يبقى الوضع مريح !
مازن كمل كلامو ، وقال الاسم كالآتي :
ركزو معاي ، حناخد اول حرف من كل واحد فينا اللي هو انا ميم و نهى نون وهتون هاء = منة هههههه
لمن شهقته م خطرت في بالي ، ههههه حروفنا في اسم بنت نهى منه يا سلاااام مي قالت فكرة مبالغه والله ههههه ، و فجأة سكتت و راسها بقى متحرك كأنها بتحاول تعاين من بعيد !!!!
لمن قامت وقفت و طلعت برا المحل !! و بقت تعاين

و تشابي بي رجلها !!
طلعنا ليها برا ! مي ! مالك في شنوووو ؟؟؟
مازن بسال فيها وهي ساكته !!
فجأة جرت دخلت جوا و بقت رايحه جاية بسرعه في المحل و انحنا واقفين نعاين ليها ما فاهمين شي ،، بقت تقول و تكرر يارب ممدوح ما يجي يارب يارب !!
مازن : في شنوويا مي ؟
شالت تلفونها واتصلت بممدوح !!! كنسل عليها ، رجعت ليهو تاني !! رد ليها (ياخ انا جمب المحل ما داير افتح عليكي مالك بتزني ؟ ) قفلت فيهو الخط و وقفت على حيلها و مسكت راسها !!!
انا طلعت برا و بقيت بحاول اعاين تجاه هي بتعاين !!! و ياداب فهمته #مي .. من شفت عربية ممدوح طوالي دخلت المحل !!
مازن : مي قلقتي بي وانا ما فاهم حاجة فجاة حالك اتقلب و...... اخوكي جااا ....
ممدوح نزل من العربية .. مازن سلم عليهوو و وقف معاهو ، و انا بقيت واقفة جمب مي ، قلت ليها : #انا_شفتها !! ختت يدها في خشمها .. قلت ليها سوقي مازن وامشو عليها خليها تتحرك و انا ح الخم ممدوح !! قالت لي لا م ح استغفل اخوي !! بس كمان ما دايرة اظلمااا .. قالت لي لازم امشي ليهو نتحرك بسرعه بس دا اسلم حل ، يلا سلاام ، شالت شنطتا و طلعت !!
وانا وراها .. للاسف مي من النوع البيظهر فيها اي شي !! و كانت واقفه قصاد ممدوح غير العاده ما بتتصحك ولا مبتسمة !! و للاسف كانت بتعاين بطريقه غير مباشرة ، و انا برضو و مندوح لاحظ لينا ما مزبوطين ، و طوالي اتلفت محل بنعاين !!
بسرعه قلت ليهو #ممدوح بصوت عالي عشان الخمووو .. فعلا عاين لي ، م عرفت اقوليهو شنو ! قلت ليهو م سلمت علي يعني هه !!!
للاسف فهم ان في شي غلط حتى الكلام دا ما اسلوبي ،، ورجع اتلفت .. وعاين ، وكان في الجنينة القدام المحل طوالي #فاتن و #مأمون اللي كان ماسك يدها و الظاهر انه بيواسي فيها !!!

والله ممدوح م كذب ، ساق كرعينو ومشي ، انا لحقتو حاولتا بس ما قدرتا ..قلت ل مازن حصلوو ، وطبعا مازن مافاهم شي !!
مي النوع البتخلع ولا حاجة بتقيف م بتقدر تتصرف نهائي !! بس ماف زول قدر يوقف ممدوح .. وصل لحد عندهم ! و صدمة فاتن بي شوفة ممدوح قدامهم خلتا عاجزة تماماً ..و ممدوح عاين ليهو ، قاليهو ارجل وامشي قابل ابوها .. عاين ليها وقاليها انتي طالق بالتلاته ...و ما كتر معاها !!!
هنا مازن ياداب #استوعب !!!

في جانب #شهاب ...

#استكانة 🗝 ...

يتبع ...

سحر سمير _ فاطمة قسم الله ..

جود الناس #وهمة كبير في انهم يقدمو ليكم السعادة لان نفس الشخص البسعدك ممكن يكسرك ما تخلو امالكم و احلامكم و سعاداتكم في يد زول فاهمه !!!
ياااااخ ابوي دااا انا بحبو شديد ياخ انت نسيت اي شي و حسبت الدنيا دي مافيها غيرنا ، عاينت لوجود امي وابوي ومازن ونهى ، تاني في شنو يستاهل ازعل عليهو وهم في حياتي ؟ هئ ولا شي والله !!
طلعت منه واحساس الرضا داير يفجرني .. مشيت غرفتي لقيت يزن لبس و نام .. طلعت جمبو ، حضنتو و نمته !!!

(في جانب #مي الجميله)
بتتكلم مع مازن في التلفون ...
_انا نعسته والله ..
*انتظري شويه ياخ ..
_ياخ انت شغاا طق طق في اضاني بي لابتوبك دا لكن ! بتعمل في شنو ؟
*قدمت لجامعه و جاتني رسالة القبول ايميل و ما لاقيها اسي ..
_شش شنووووو!!! شنو !!! قدمته جامعه !!!
*............. م رد لمن استوعب اللي قالو !
_مازن !! انت ! ياداب حتدخل الجامعه ؟
*لا فاتني تقديم السنه الفاتت بسبب ظروف كدا !
_مازن ! خليك واضح كيف يعني حتى لو فاتتك سنه برضو انت اصغر مني !!!
*معقول انتي بتفكري بالطريقه دي في العمر يا مي ؟
_انت غشيتني ، ليه ما وريتني من البدايه ......*قفلت الخط ....

#استكانةة🥔...

يتبع ...

سحر سمير _فاطمة قسم الله ...

#غلطتي
(الجزء الثاني)
بقلم سحر سمير و فاطمة قسم الله
-٩٩-
هتون عاينت للمرايا اخر مرة يمين وشمال اتلفتت تشوف شكلها كيف وجات طالعة...
في الهول لقت سامية ومي قاعدات..
*السلام عليكم ازيك يا خالتو (معاها توتر )
وما قدرت تملي عينها فيها كويس.. مدت ليها يدها
بس سامية قامت علي حيلها وحضنت هتون
- امها بضحكة اجي يابتي السلام البارد دا شنو..
سامية زاتا كانت متحفظة شوية لكن ملت عينا في هتون كلها من فوق ل تحت..
*مي مشتاقيين (بضحكة )
حضنو بعض قوووي وسلمت عليها في خدها بجاي وبجاي..
بعد شوية نهى جات طالعة سلمت وقعدو يتونسو..
هتون قامت علي المطبخ وفوزية جات وراها..
-قرصتها من يدها اجي يابتي العملتي دا شنو
*احييي ياامي حارة ياخ اها دايراني اسلم عليها كيف مثلا.. بعدين هي زاتا ما قصرت..
-خلاص بطلي طولت اللسان دي وخلينا نخت الاكل طوالي اي شي جاهز..
شلت الصواني ختيتهم على تربيزة الصفرة وختيت العيش في السباته..
امي كانت بتكب في الصحانة وبتناولني انا برص ياسلاااااام عصافير بطني كركبت من الجوع..
اهم شي مفروكة الخدرة والكسرة لاني بحب الاكل البلدي موووت.. الشطة وينا... وتشيل وتضوق ب اصبعها فيها ااااح نار بس...
- يابت خلاص امشي دقي الباب ل مازن يشيل الغدا...
جيت علي جهة الصالون طق طق طق..
*اها خلاص
عيني كانت جوه طبعا عاوزة المح ممدوح بأي طريقة لكن هو ما رفع عينو نهائي كان بتونس مع ابوي..
-اا اي تعال شيلو..
ختا لينا صنيتنا اول و عينو كانت في مي..
*اتفضلو اتفضلو المغسلة بي جاي مسافة غسلو يديهم وجينا قعدنا اتغدينا وجبنا التحلية والعصير، والشاي..
المهم ضيفناهم وعزيناهم ما خلينا ليهم حاجة..
قعدنا للونسة
امي:ما شاءالله وبتعاين ل مي ساي من قبيل...
سامية:اها ياهتون مي حكت لي انك عملتي ليك بزنس بتاع هدايا الشغل ماشي كيف معاك؟ طبعا بعجبوني البنات البشتغلن وبكونن نفسهم ما بقيفو في حتتهم..
*اي والله يا خالتو الحمدلله لسه ما اتعرفنا كدا لكن جونا ناس.. عليك الله الناس البتعرفيهم كلميهم وانا طبعت كروت تواصل للمحل بديك منهم..
-ماشاءالله ربنا يزيد ويبارك.. والجامعة؟
للحظة اتحسسته من السؤال بس امي ردت عليها..
*سجلت في جامعة خاصة كمان الزمن دا في بت ما بتتم قرايتا يا سامية.. شهادتا هي البتنفعا..
-اي والله صدقتي يا فوزية الله يديهم العافية..
اها نحن بعد كدا بنمشي..
*اجيي عاد دا كلام شنو بتين هو ..
-لالا والله والله يافوزية عندي مشوار تاني ضروري كدا وما دايرة اتأخر وخلاص نحن عرفنا البيت وانتو زاتكم تجونا.. تاني ماف شي بقطع كراعنا من بعض ربنا يديم المحبة..
وقامت مشت هي وامي لقدام وبقن بتونسن براحة ما بعرف بقولن في شنو...
نهي مشت دقت ليهم الباب وانا ومي واصلنا طلعنا برة بنتونس جريتا من يدها
*اها يابت ما حكيتي لي الحاصل شنو؟
-واااي يا هتون مازن قال لي حا اخطبك ما مصدقة طبعا..
*يابت اتقلي شنو يعني انتِ هسي ح تبقي مرت اخوي والله ادقك صباح ومساء وجريتا حضنتها علي ربنا يسعدكم ياخ انتو حلوووين مع بعض شديد..
-احم احم الله يديم المحبة دي..
عرفت الصوت قلبي عمل شحح..
جا مازن معاه شايف لمتهم دي تخوف يا ممدوح...
خليهم انا بستخدم سلطاتي مع الاخت دي وجرا مي من اضانها ارح قدامي...
مشيت ل قدام وممدوح خلا مي ومشي وراي طالعين بره الحوش...
#مي بعد ترجعي البيت في حاجة حا تبسطك شديد..
-ال هي
*ابييييت مفاجأة
-عليك الله عليك الله في شنو ما بقدر مسكتني شحتافة.
*ههههههه احسن ومشي سريع قدامها وهي لحقتو..
اها يا عمي ان شاءالله عامرين كانت لمة حلوة والله ولازم تشروفنا في اقرب فرصة..
فوزية قلدت سامية وودعتنا..
وطلعو العربية اتحركوو..
جينا داخلين
*امي:الحمدلله انسترنا مع الناس
-غريبة ام ممدوح دي متغيرة ولا انا بحلم اممم!!!
نهي:هههههههه الله يهني سعيد ب سعيدة خالتو ياخ..
حدرت في نهى
-انتِ احسن تسكتي عشان ما افتح فيك النار..
امي:النصيحة المرا طيبة واهي اعتزرت ليك.. والله طلعو ناس بعرفو الاصول..
انتي يا هتون مي دي بتقرا في سنة كم؟؟
قبل اجاوب نهي لفحت الكلام
-هههههههه امي مي دي في الجامعة
*اجي كيف في الجامعة صحي يا هتون؟؟
عاينت لي نهى بزعلة اي يا امي
امي:احي يا خسارة والله ختيت عيني عليها ل مازن تراها اكبر منو...
جا صوت من ورانا..
مازن:والمشكلة شنو ياامي كان اكبر مني؟!!
امي:كيف ما مشكلة عاد تعرس ليك مرا اكبر منك تسوي بيها شنو!!
هتون:هي كلها سنتين بس يعني ما اكبر بكتير
امي:كان شهر برضو عيبة مرتو اكبر منو كيفن..
ابوي جا داخل علي النقاش وسمعنا..
ابوي:طيب ايه رايك الود داير البت وكلمنا اخوها ونحن في الصالون...
امي دقت يدها في صدرها
سجم خشمي يا محمد داير تعرس ل ولدك واحدة اكبر منو الناس تقول علينا شنو؟؟
ابوي:يافوزية حالتك انتي الاستاذة وفهمك كدا،،
فوزية قاطعتو:دا ما عندو علاقة لكن ...
ابوي:لكن شنو الود داير البت حا تقطعي نصيب ولدك وتبقي زي ام ممدوح

مت منهم وانا فعلا جواي انا عاوزة افرح واكمل الفرح للآخر ف مسكت تلفوني ورجعت ل ممدوح تاني..
*الوو ممدوح عندي طلب وعليك الله عليك الله ما تكسر خاطري وتقول لي لا..
-اها لما اعرفو اول هو شنو قولي
*انا عاوزة ارقص رقيص عروس وسكته..
صنه شوية كدا قلت خلاص معناها ما عاجبو الموضوع وحا يرفض اكيد قلت لي..
*خلاص خلاص عرفت ردك من سكاتك..
-هههههه قولي بسم الله ياهتون عايني انا ما عندي مانع لكن يكون نسوان بس وتصوير ممنوع وشي اخير عشان اوافق..
*بلهفة قول لي شنوو ؟؟
-انا احضرو
*اتخلعته وخجلته من دون احس قلت ليه لا طبعا ما بقدر ارقص قدامك..
-تمام خلاص ماف ليك.. انتي هو ح ترقصي قدام النسوان الحا تعزموهم كلهم وامي وامك بقت علي انا راجلك ما اشوفك..
*بخجلة قلت لي خلاااص موافقة ويلا باي سريع قفلت التلفون عشان ما يكتر معاي...
جيت جارية ل امي ونهي ومبسوطة بتكلم بصوت عالي
*ممدوح موافق يلا يا امي اتصلي بي اهلنا كلميهم وكلمي خالتو ومي ما تنسي..
-كدي تعالي جربي الفساتين عشان كان في وساع اظبطهم ليك..
جيبي لي تلفوني من جوه يانهي وشوفي ابوك دا جاب كروت العرس الوقت ضايق يخواني..
وشوفي موهوب ومازن عملو شنو ف موضوع الطباخ والصيوانات...
امي بتحب كل حاجة تكون منظمة وتامة من يومها..
...........

(في بيت ابودومة)

ميادة:ياامي ما خلاص الراجل الرسلو موهوب دا واقف ساعة منتظرنا بعد كدا بمش بخلينا زهج زاتو ارحكم اطلعو..
*يابت انتي مشحتفة علي المشية مالك.. البت طلعت قادرة زي امها من يومهم شديدات.. قبال تتم السنة من طلاقها بلاي عرست التاني وقالو ضابط قدر الدنيا وصغير زاتو.. شوفيهن محظوظات كيفن..
-امي عليك الله خلينا من سيرة الناس وبعدين هتون تستاهل الناقصها شنو ربنا يسعدها ويهنيها يارب..
*مششم اقعدي انتي اتمسكني نبحت فيك وفترته عديتيها لي لالا ولالا بخجل وما برقص،، هدي بت فوزية عملت رقيص عروس انتي كان ناقصاك يد ولا كراع..
-ارحكم انا بطلع قدامك
*اي اي اجري اجري عمرك ما تتلحلحي زي النسوان..
ارحكم ارحكم يا نسوان
وطلعو
...................
كل شي كان مرتب ولامع ومنظم وريح البيت بخور والخبايز اشكال وانواع.. كل شي مفرش جديد ...
وفي الحوش راصين السراير مفرشات ب ملايات مخمل فيهم لمعة دهبي وكراسي حواليهم..
وفي النص مساحة فاضية مفروشة فرشة كبيرة..
والزينة لمبات مولعة بالاصفر والاحمر والاخضر..
جوه الغرفة صوت المشغل عالي بأغاني دلوكة
هتون معاها نهي ومي.. وفي المطبخ كانت سامية وفوزية اخر ونسة واندماجة مبسوطات ومعاهم كم مرا من صاحبات فوزية ونسوان من الحي شغالات يجهزن في الصحانة فيها قطع فواكه وباسطة وكيكة.. والبارد مختوت وكل شي جاهز..
ايوووووي يوووووي يوووووي
دق الدق الدق (صوت دلوكة)
مي فرحانة اكتر مني عاينو ديل المرا والمعاها جو انا ماشة اشوفهم وبجي..
عايني يا نهي ارفعي ليها الشعر بالجمبة ولفيها وسبتيها بالبينسة كدا احلا فيها..
كان نسمع ليك
حسي حسي يا ام العروس 🙊👏👏
حسي وقسمي البيبسي يا ام العروس👏👏
سلام سلام يا ام العروس👏👏
سلام جاييك عريس تمام يا ام العروس👏👏
شطة شطة يا ام العروس👏👏
شطة جايك عريس لقطة يا ام العروس👏👏
ايوووووي يوووووووي يوووووي اتفتحت زغاريد النسوان ومي غلبها قامت جارية تشوف خلتنا نحن نضحك والشمار غلبنا....

*وقفت علي حيلي وعاينت ل نهي قلت ليها كدا كيف..
اشوف ليك نهي دموعها في عينها وغازة يدها تعاين لي وتبكي..
اعصابي اصلا كانت بايظة ومع بكاها دا اتفتحت انا زاتي حضنا بعض وقعدنا نعزي..
-وااااي انتو جادات نهي هتون الله عليكم الله يوم زي دا ما تبكو فيه.. وووب شايفة خربت المكياج..
الناس بدت تجي وانتي عيونك محمرات كدا قشي قشي..
*لا والله يا مي دموع فرحة بس ما مصدقة الانا فيه دا بين يوم وليلة اعرس الانسان البحبو وكلها ساعات واكون معاه اقرصوني يا جماعة..
واااااي صرخته #مي
-ما قلتي يقرصوك عشان تفوقي ههههههه
بقينا نضحك..
-مي :عيني باردة يا هتون الحنة فيك ما شاءالله تاكل منك حتة
* كتر خير خالتو سامية جابتا لي في البيت حننتي نقش لاني بحبو موت زي ما طلبت منها طلعت حنة رهيبة والمرا زاتا يدها نضيفة..
نهي قاطعتنا قالت لينا عارفين يابنات ربنا دا كريم خلاص مستحيل يظلم زول لو حتي الابتلاء طال هو خاتي ليك الاحسن والافضل.. بس انت عليك تصبر وتدعي اصلو لا تكل لا تمل.. انا الحاجة دي بقيت مقتنعة بيها والله جد.. ان ربنا ما بمنع منك حاجة الا لخير.. وما بوقعك في امتحان الا لخير.. والفرحة الكبيرة بديك ليها بسخاء..
شفتو نحن ما حاسين بنعم ربنا علينا كيف..
نقول الحمدلله. .
بصوت واحمد الحمدلله والشكر لله..
من جواي كلام نهي صاح برغم كل الالم والوجع الحصل لي والامتحان الكنت فيه دا الليلة اليوم دا مسح اي حزن كان جواي من قبل سبحان الله فعلا علي كرم الله...
الباب فتح وجات امي وخالتو داخلات..
ماشاءالله ماشاءالله تبارك الله ربنا يحفظك ويبارك فيك ياهتو