لباب ورزعو قوي وطلع...
...............
-ايوووووي يوووووي يوووووي فرحت ليك يا شهاب يا ولدي وقامت حضنتو عليها قوي وقعدت تبكي..
الحمدلله انها وافقت ماف زول حا يفهمك غير هتون من يوم شفتها في السجن بالي جا عليك وقلت بس هي دي..
(ارتبك للحظة وبعد منها)
*غريبة اول مرة تقولي لي ياولدي الليلة الخلاك تنطقيها شنو.. طول عمرك معتبراني غريب وبتعامليني علي الاساس دا ..في حياتك ما حسستيني اني #ولدك وانتي #امي يا #خالتي..
(قعدت تبكي )
-لزوم الكلام دا هسي شنو يا #شهاب عايز تفتح القديم مالك ما اتفقنا نعيشو كدا وانت رضيت الجدا شنو؟
*الجدا اني في عمري ما ارتحت،، طول عمري ضايع وحاسي اني يتيم لا عارف ام لا عارف ابو.. تقدري تقولي لي ابوي منو ولا منو؟؟
اولها جدعتيني عند اختك علي اساس اني ولدا
وراجلا.. راجلا يا ام.. ولا اقول ليك يا خالتي ..
راجلا العيان الوسخ ..
-انا ما جدعتك
*جدعتيني ،،ماف كلمة حا تمسح الالم الجواي (وطق طق ضرب علي صدرو) طول عمري حا اتزكر #التحرش والعار الحا يلازمني طول حياتي.. طول عمري انا بتوجع وبقاوم البقي فيني.. وجاية هسي تقولي لي لزوم فتح القديم شنو؟
وبعد ما الفاس وقع في الراس رجعتي سقتيني بالدس واختفيتي بي...
#ميمونة الطعنتيها وخنتيها وكشفت لعبتك دي اريتا لو كانت عايشة عشان تعزبك لي اليوم و....
-هس هس اووووعك تذيد ولا كلمة تاني....
غطت وشها ب توبها وقعدت تبكي..
*انا ماشي وطلع من دربو...
-دا جزاتي العايزة احميك يا شهاب.. اريتني لو مته وما سمعت كلامك السم دا.. افتكرت الزمن ينسيك بس كل يوم بذيدك قساوة علي... ان شاءالله دواك تكون #هتون واشوفك مبسوط قبل اموت..
.................
..
..
مع #حبي 😉..

فاطمة قسم الله_ سحر سمير

بة مددت ليه رجولو وصلحتو برقدة مريحة ليه..
قعدت في الكرسي قريبة ليه جاه صوتا هادي مطمن
-غمض عيونك فضفض قدر ما تقدر انا سامعاك..
*وقتها كنت قايل اني اتبولت علي نفسي بس للحظة دا ملمسو ما كدا لما ادخل الحمام شي لزج...
سكت شوية كان غامت يدو بقوة بعاني من احساس التزكر..
(جاه صوتا الهادي تاني خليك مسترخي.. )
هدا ل ثانية وواصل...
*جريت علي الحمام اتغسل كنت ببكي وبرجف في نفس اللحظة الخوف ماليني.. اعمل شنو ما عارف كل ليلة بجيني وبخليني في حالة لا يعلم بيها الا الله..
حاولت اهرب كتيير بس امشي وين؟
ليي الام مرات بتدي ولدها ل غيرا اربيه عادي تستغني عنو بالبساطة دي؟ اسموها شنو حنان ولا قسوة؟
ما لاقي اجابة من نعمة لليوم #امي الولدتني..
خالتي #ميمونة لما تطلع ل جارتا بتخليني قبلي بتقول ماشة قريب وبترجع هو بلقي فرصتو ووقتو بمسكني غصبا عني بحاول اجري اكورك بعمل قدرتي..
كنت بتنفض وبرجف ضخامة جسمو وكلامو المستحيل انساه انت ود حرام ماف زول بسأل عنك..
جسمي الضعيف ما بساعدني كان بكتم صوتي بيد ويدو التانية ب..
سكت خلي دموعو براها تعبر عن الانكسار الجواه برغم من انو بقي راجل....

√√|||√√

*عارفة يا نهي طول عمرك انانية وبتحبي نفسك ما جديدة عليك من زمااااان بترجحي مصلحتك...
ما علينا الكلام لا بودي لا بجيب...
نهي ما ردت عليها وحصل بينهم سكوت ماف زول اتكلم الا بصوت موهوب العالي...
...
...

مع #حبي 😉..

فاطمة قسم الله_ سحر سمير

هاشتاق:-
#بيدوفيليا

الناس انتي عايزة تجننيني انا مش شرحت ليك مليون مرة مالك يا هتون ياخ..
*معليش انا هسي ما فاضية عندي مليون شغلة في راسي وشي تاني الليلة عرسي...
كوركت رقشة....
-هتون قلت ليك اقيفي هتون انا بتكلم معاك...
قامت جارية عديل ابت تسمع منو ولا تتلفت علي ما انتظرت الرقشة تصلا...وصلتا وطلعت فيها قالت لي امشي سريع سريع ب الردمية دي طوالي ونهايتا لف شمال..
*فجأة جاتا رسالة فتحتها
ان شاءالله تتهني ويقدر اسعدك وانا تاني من الليلة ما حا تشوفيني قدامك ولا حا اضايقك.. وشكرا علي الاوقات الحلوة القضيناها سوا...
وصلت ودخلت الكوفير مكرفسة وشها وزعلانة...
*معليش هاك دا الايصال جيبي لينا الفستان،،
يلا يا خالتي قدامنا كتيير نعملو مافي وقت.. ولي هسي شهاب ما لامة فيه ما عارفة غتس وين في يوم مهم زي دا...
-انتي هسي مالك مكربنة كدا
*ماف شي يا خالتي ارح بس
-الله يعدي اليوم دا علي خير ارح ارح....

في الوقت دا #نسمة ختت #شهاب في حتة صعبة
اختار وانت ادري بمصلحتك..!!!

..
..

اقتباس:~
لنتفق علي اننا سنختلف كثيرا لكننا لن نفرط بهذا الحب الجميل بيننا ، ومهما اختلفنا سنجعله نقطة نعود إليها لنتفق..
°•°•°•
مع #حبي 😉..

فاطمة قسم الله_ سحر سمير

ف كلو نهي نهي وشالا طوالي وقمنا كلنا جاريين بيها وهي بتكورك بأعلا صوت ليها...
هتون: بصوت عالي خالتو نعمة خلي بالك من يزن دا قدام عيونك ما امشي محل وانتو ما تجو انا بطمنك بالتلفون
*سمح يا هتون ربنا يكتب سلامتكم يارب
....................

*ديل مالم ان شاءالله خير
ممدوح كان واقف لسه قاعد جوه عربيتو ومراقب كل الحصل وشافهم طلعو وموهوب شايل نهي لما اتحركو ب عرباتهم حتي دور العربية وداير يمشي
قبل اتحرك لمح خالتو #نعمة
ستين سؤال وسؤال جاه في راسو بعد شافها....

..............

(في جانب سكسكة)
*عايني اسمعي هنا انا صبرت ليك يختي والله ودا الشهر التاني قرب انتهي وما سألتك وعشان صاحبتك دي قالت لي قروشا اتأخرت بس وكلا كم يوم وبتدفع ليك خليتك..
يختي انا البحاسبوني في الداخلية دي وما قصرت معاك..
-والله والله بس لحدي نهاية الشهر وبديك القروش عليك الله اصبري شوية انا امشي وين كان طلعتيني من هنا..
*سمح يا سكينة في الاخر انا ما كعبة لكن يابت الناس انا زاتي مشغلني هنا وبجو بسألوني من القروش الناقصة دي.. لحدي اخر الشهر بس هدي كلمتك..
بعد مشت قعدت تبكي والبنات في الحوش كلهم واقفات اتفرجو عليها..
*اها اعمل شنو يا معزة اجيب القروش من وين بس..
وقبل تتكلم معاها جات واحدة قربت عليهم
-معليش يا اخت ممكن اتكلم معاك..
اتلفتو عليها الاتنين و سكينة ردت ليها
*ايوة اتفضلي
-انا عندي شغل ليك لو بتقبلي تشتغليه من هسي بوديك..
اخيرا وفرحت طوالي موافقة ارح من دربنا دا..
*طيب مش تفهمي اول هو شنو احتمال ما ترضي بي؟
-اي كان انا ما عندي حل تاني وفتشت كتير علي شغل ما لقيت يا اخت هسي انتي جيتيني من السماء والله عالم بالفيني..
*اوك يبقي ارح وانا بقول ليك عليه...

..
..

مع #حبي 😉..

فاطمة قسم الله_ سحر سمير

ملحوظةة:
كانت م ح تنزل لظروف اخرتني...
بس الحمدلله هسي تميتها ونزلتها..

وهدوم وسيد الرجال..
-هممم بضحكة واتلفت بي جمبة انتي عارفاني قاصد شنو..
سكتت
*اسمع هنا يا صلاح من اخرها بديك كل شهر قروش ومجبور تقبلهم وانا عارفة طبعك وعارفة الحال لا انت بقيت صغير ولا حمل شغل وبهدلة اها قلت شنو وتسكت كراعك دي ما تعتب هنا هتون لو شافتك ما بحصل خير..
اخد لي صنه كدا
-خير تديني كم؟..
...........

*لا.. ما ذاد ولا نقص عليها
هتون اخدت نفس زي ارتاحت ب الكلمة دي علي الاقل ال الافتكرتو ما صاح قالت لي
-احكي من وقفت
*زي ما قلت ليك العلاقة بينهم بقت اكتر من جيرة بس بقت ميمونة داخلة طالعة عندها طول الوقت ومرات لما فوزية تتأخر بتضرب ل ميمونة تشوفني كان جيت ترفع لي اكل لما ترجع من شغلها.. والعكس حتي ولدا دا بقي زي ولدنا واحد...
-اسمو منو؟
*والله يا هتون نسيتو تب اسمو كان من الاسماء الجديدة دي ما شايع كدا...
-طيب وراجلا
* اسمو عبدالرازق راجل عارض مفلس وعواليق ساي لا شغل لا مشغلة غير الفارغة ..
حصل بينو وبيني كم موقف ومشكلة لا هو بطيقني ولا انا بطيقو..
-اها طيب بصرفو علي روحهم من وين؟
* كانت شغالة بتبيع الكسرة والحاجات دي..
-اها الحصل شنو والكلام السمعتو..
- جاييك ولدا يوم مرض وميمونة اتصلت بي فوزية ان عبد الرازق بعيد مشي مدني ل شغل والود حمتو شديدة ..
اليوم داك ل قدري بس ما شغال فوزية اتصلت بي امشي ليها اودي الولد الدكتور عيان والمرا حامل ما بتقدر تتلتل بيه وانتي عارفة امك ياها من يوما بتنق كتير بالذات لما ما اوافق علي شي جايي من طرفا..
قدر ما شلتها وختيتا يا فوزية راجلا ماف في البيت الود ما بموت التصبر لما يجيها.. ابت كلو كلو قالت الحمي تشيل وتخت فيه كان اتشنج لا قدر الله الود بموت..
كان ما داير توديه انا بطلع من المدرسة وبوديه براي..
لما الما ختينا حسابو حصل....
-نططه عيوني الحصل شنو؟

..
..
مع #حبي 😉..

فاطمة قسم الله_ سحر سمير

#غلطتي
(الجزء الثاني )
بقلم سحر سمير و فاطمة قسم الله
-٧٠-
*اها اظن دا بكفيك..
-يا نعمة عليك الله هسي مليون شنو البتسوي لي حاجة والله دي تكمل علبتين سجار.. هوي يا نعمة حركاتك دي بعرفا من زمااااان من زمن راجل اختك ميمونة..
*صلاااح قالتا لي بي نهرة.. عارفاك تلف وتدور جبت سيرة الموضوع دا لي سبب الزكرك لي شنو هسي بتهددني بي ولا شنو؟
(الله يسامحك يا سوسن ما بتعرفي تلمي كلمة في خشمك.. )
-كتر خيرا النورت بصيرتي،، ما تخلينا نروق الجو هسي البيت فاضي ورايق ولعي لي شيشة بمزاج كدا و...
*صلاح قوم وامشي من هنا انت عارف شهاب كان جا ما بريدك..
-هو اتقبلك انتي امو ما اتقبل راجل خالتو.. شوفي هنا البيت دا عندي فيه زي زيكم.. ولا بقول لي هتون انتي منو وقصة خيانتك لي ميمونة مع راجلا عبدالرازق ولا نسيتي الحصل كلو.. والله هتون تعرف ساي انك ام شهاب براها دي مصيبة..
فجأة اترجفت وجرت واطي وخافت من لسان صلاح..
*انت عايز شنو يا صلاح هسي ونقفل السيرة دي..
-عايز تدفعي لي اكتر وعايزك..
*سمح الندي الولد لي جارتي تمسكو وبجي عليك اترزع جوه انتظرني..
-طق طق صفق بي يديه يا سلاااام...
............
قبل ابوها يتم ليها الحصل
جاهم#موهوب يجري وبتكلم بنادي بصوت عالي
عمي عمي هتون حمدالله علي السلامة #نهي ولدت بالسلامة ..
انا وابوي قمنا بخلعة موهوب.. ابوي سريع مشي قدامي وانا جارة التوب علي خايفة يقع ....
وصلنا ولقيناهم كلهم واقفين منتظرين
امي جات طالعة تاني.. ماشاءالحمدلله بس نهي تعبت تعب الموت يا محمد.. موهوب اضرب البلد خليهم اضبحو كرامة ويوزعوها هسي
*الله يا عمتي دا كلام والله من طلعتي وطمنتيني ضربته وانا جاري انادي عمي وهتون...
(كلهم ضحكو عليه.. )
هتون:هسي نهي كيف يا امي اخدت وقت كتير عديل ولدت قيصري ولا طبيعي؟
فوزية: طبيعي الحمدلله لكن يا موهوب عندك مرا وووب علي جرسة جرسة شديد ههههه
موهوب:الحمدلله هسي بعدين كان قلنا ليها كدا تنكرو حطب ...
(ضحكو كلهم مع بعض)
#شهاب ياولدي اخد مرتك وامشو بعد دا..
*ابوي انت بتقول في شنو امشي وما اشوف نهي والله ما برتاح كدا زاتي..
-العفو يا عمي بس النطمن علي نهي اول وكل شي ملحوق تاني..
#هتون ما داير زيادة كلام كتير امشي مع راجلك واختك هدا نحن كلنا حواليها كويسة.. سوقا يا شهاب وكلها كم يوم وبتجي تطمني عليها وتشبعي منها..
فوزية:كلام ابوك صاح تعالي انا دايراك شوية..
فوزية جرت هتون ل هناك شوية واتكلمت معاها ...
بعدها هتون جات واستأذنو منهم وطلعو..
(من جواها حاساك يا ابوي ما صدقته فرزعتني ما داير تتم لي الباقي وتريحني)
*براحة براحة يا هتون ماسكها من يدها قوي وخايفها تقع..
-شهاب فكني ما بقع عاين الناس دي كلها بتتفرج علينا..
*مالنا ومالهم.. خليني اضرب ل خالتو نعمة تمشي اي مرا ما ناقصين شمارات وبعدين تخلي حاجاتك جاهزات لانو حا نطلع طوالي..
-شنو شنو نطلع طوالي وين مع ربشتا وكلاما دا الشبط عفص طرف التوب وقربت تقع جاتا يدو ومسكتا قووي وبصوت هادي #حبي براحة حا تقعي..
عاينت لي #شهاب جوووه عيونو..
خلينا نمشي...

√√||√√

*قوم قوم يا راجل شهاب اتصل جايين سريع لملم عواليقك ديل واطلع واوعك تجي تاني هنا..
من سكات صلاح لبس هدومو وطلع بإستعجال..
ونعمة لبست ولبست توبا ومشت تجيب يزن..

...........
في العربية ساكتين ...
هتون قعدت تضحك
*مالك جنيتي فجأة بتضحكي براك..
-بتزكر في روحنا والحصل لينا الحمدلله عقدنا اول..
*شهاب عجبتو اخر كلمة وابتسم من سكات.. انتي ما شفتي موهوب ههههههههه... ياخ الزول دا نطه الكرسي عديل وصل كيف ما عارفو..
-وااااي (بقت تضحك بصوت عالي زيادة لما دموعها جرت) وااااي ما تزكرني غايتو طلع خواف خواف موووت..
*هي لكن اختك بعد كوراكا وصريخها دا انا زاتي اتلبشت حالتي ما بعرفها.. انتي بعدين حا تسوي كدا برضو..
-خجلت وسكتت لا اكيد انا ما خوافة زي نهي..
*ضحك نشوف ل بعدين هههههه..
سكتو تاني ما اتكلمو الا بعد وصلو ودخلو...
*جيتو اها اختك كيف ضربت ليك قلبي دا انقطع ما رديتي..
-معليش يا خالتي شكلو صامت هو زاتو وينو ما عارفة بالخلعة اظن خليتو جوه.. خلاص انا هلكانة خلوني اخد لي حمام واغير الشي دا تعبني اصلح بي جاي وبي جاي قطع نفسي وجيعانة وينو يزن يا خالتي..
*من قبيل العب هسي نومتو.. خلاص المسافة دي اجهز ليكم شي تاكلوه تعبتو الليلة...
-اتعشي؟
*عشيتو واي شي ما تشيلي همو ادخلي غيري..

هتون دخلت جوه ونعمة جرت شهاب تعال دايراك..

√√|||√√√

*محمد ساق موهوب بالجمبة
*نحن حا نمشي البيت هسي قدامهم ..انا امس كلمت الغفير ومرتو القاعدين فيه اننا جايين الليلة.. بقعدو الفترة دي في المظلة الورا الزقاق لحدي ما يلقو ليهم بيت..
وزاتي دايرك في موضوع كدا
-خير يا عمي موضوع شنو؟
*موضوع قعادك معانا هنا البدينا فيه المرة الفاتت..
-عمي انا قلت ليك رايي ولسه ما سمعت من نهي..
*كان نهي قالت نفس كلامي؟!!
قبل ارد قاطعهم صوت مازن #نهي طلعو

ها..
........

*اضربي تاني يا مي شوفي اخوك دا هسي وين؟
-امي والله ما برد كل القالو انو عندهم مأمورية تلاتة ايام..
*مأمورية شنو الفجأة دي ما طوالي بجي بورينا اول حتي يمشي الجدا شنو المرة دي يطلع بالطريقة دي ..انتو زاتكم غلطانات ليي ما اتصلتو بي..
-هو ادانا فرصة يا امي طلع طوالي..
فاتن: ب ضيق وزعل البعرفو انو قال هتون ح تعرس شكلو دا المزعلو وخلاه جاييط كدا..
*استغفر الله علي البلوة الوقعت فينا دي انا داخلة جوه كان اتصل كلموني...

..
..
مع #حبي 😉..

فاطمة قسم الله_ سحر سمير

در تنوم زاتا.. اصلها الليلة دي ومن الصباح بطلعوني..
فوزية:ما عجبا الكلام انتظرت الكتير بقت علي الشوية دي بس قايمة افك جسمي دا ساي من كترت القعاد ارح يا محمد النمشي بره شوية..
وطلعو..
*موهوب قرب عليها وقعد جمبها وشال نفس
اوووف اخيرا لقيت فرصة فيك دا شنو دا مرتي واغلبني اتكلم واطمن معاها من قبيل..
اتلفتت منو وقالت لي
-المانعك شنو ولا فكرت تجيني داخل وتطمن علي وعلي بتك..
*عايزاني اسوي شنو كلهم قاعدين وعمي قاعد وعمتي..
-انا مرتك يعني افتكر فيها شنو لو دخلته عادي ما تخليك معقد يا موهوب..
*طيب خلاص سماح انا اسف ممكن نخلي الشكل هسي.. جراها سلم عليها في راسو وضماها شديد عليه.. حمدالله علي السلامة مبروووك مولودتنا تتربي في عزنا يارب..
-رفعت راسها عاينت لي وهي في حضنو ح نسميها منو؟
*بثينة
نطت منو
-شنو بثينة شنو ونحن في عصر حديث جنيت انت
*ههههههه ضحك بصوت عالي عارف ردت فعلك حبيت اشاغلك بس تعالي تعالي جراها تاني ياخ انا اشتقت ليك...
*وينا قام وشالا سلم عليها... وبلولح فيها براحة وجا قعد جمب نهي عارفة بتشبهك شديد..
-هههههه ضحكت وعاينت ليه نفس عيونك وحواجبك..
*ما قلتي لي عايزة تسميها منو؟
-امممم حا اسميها.....

..............

لا انا ما قادر اسكت اكتر من كدا لازم استفسر مش امكن ظالم هتون اكون..
ايوة هتون ما اظن عارفة شي عن نعمة
طلع تلفونو انا المرة الفاتت سجلت رقم هتون العند نهي الاتصلت عليهم فيه عندي..
عمل بحث.. وين وين وين
ايوة هدا ... لازم اتكلم مع موهوب بأي طريقة لازم..
جاري الاتصال....

..
..
مع #حبي 😉..

فاطمة قسم الله_ سحر سمير

ن لازم ترحل من البيت الهي قاعدة فيه دا نعمة دي خطر عليها انا بعرفها كويس ودا ملفها عندي..
*بقولو العترة بتصلح المشية وضحك ..
ان شاءالله ..يعني هسي العدد بنزل بكرة؟!!
-اكيد من الصباح في اول صفحة..
..
ما قصرت مع السلامة..

√√√|||√√√

*يابت مي شوفي مرت اخوك دي مالا لي هسي ما طلعت علينا ما من عوايدا شايفاها الايام دي سكتم بكتم محبوسة في بيتا..
-امكن ساي يا امي عادي
*لالا فاتن دي ما بتقعد فترة طويلة كدا بتجي تتونس معاي طوالي بالساعات غريبة منها.. قومي شوفيها امكن طلعت وما قالت لينا؟
-لالا ما اظن ما سمعت صوت بابنا دا فتح
(وطلعت تشوفا..)
طق طق بتدق في الباب فاتن فاتن انتي قاعدة؟
بعد شوية جات فتحت ليها
*مي مالك؟
-غريبة قايلنك مافي امي بتسأل مالك ما نزلتي الليلة؟
*ماف شي بجي هسي
-طيب وقبل تمشي عاينت ليها تاني فاتن انتي كويسة؟
*كويسة مالي؟!!
(رفعت كتافيها وقلبت خشمها ومشت منها.. )
فاتن قفلت الباب ورجعت للابتوب تاني وواصلت دردشتها....
(بعد كم محادثة تمت بينهم)
*جيييت وينك؟
-منو ال في الباب؟
*ما زول مهم اها واصل لي في قصتك وقفنا لما عرستو واكتشفت انها كانت بتبلع حبوب منع الحمل..
-بس ياستي بعد الحصل دا قلت ليها كل زول في درب يابت الناس لا اظلمك لا تظلميني طالما انتي ما قادرة تحبيني ولا دايرة تجيبي اولاد مني.. طبعا بعد مشاكل كتيرة مننا وحياتنا بقت جحيم لا يطاق اتطلقنا وكل زول مشي لحياتو وانا هسي شايف حياتي احسن من القلق والهم الكنت فيه... اتخيلي نحن كنا عايشين زي الاغراب كتيير بجي لحقي الشرعي ما بترضي ومعظم الايام عند ناس امها... يلا خليك مني وكلامي الكتير
بس انتي قصة كلامك الكتبتيه دا حاسيك جواك في كتييير لكن ما عارف بتزوغي من كلامي ولا ما دايرة تحكي؟!!
*ههههههه لا ما كدا يا #مأمون.. انت عارف بكلامك دا انا احترمتك جدا وفي نفس الوقت حسيت اني قدر شنو ضعيفة شديد لاني ما قادرة اتخذ خطوة صعبة وممكن تكون حل لي .. بس صراحة قصتك شجعتني انو لحدي هنا وكفاية لازم انا كمان اخد قرار مهم واطلع من الدوامة الانا فيها واعيش حياتي الضيعتها ... قاطعها في الكلام..
-افهم من كدا انك متزوجة؟

..
..
مع #حبي 😉..

فاطمة قسم الله_ سحر سمير

انا ما شايلة الا هم شهاب الود من يوم عرس مكربن تقول ما عرسان..
-سألتيها اذا دخلو، ولا لا..
*لسه ما لقيت فرصة لكن الليلة باقي اليوم دا بسألا..
ارمي ارمي الودع دا شوفي لي لا زمان متهني لا هسي متهني كر علي ودمعتا نزلت بقت تقش بطرف توبا علي وشها...
..... ..........
وصلو ونزلت منو كل القالتو لي مع السلامة ودخلت طوالي...
اتحرك بالعربية ومسك تلفونو جاري الاتصال...
*وينك؟
جايي عليك كالعادة محتاج ليك يا #نسمة..
جاه صوتا
-كلمتك من زمان اخر مشاويرك #انا يا #شهاب
..............

دخلت بنسخة المفتاح العندها وقبل تدخل كويس
*امي امي ابووووي نهي مزوني انا جيييت صحو النوم يا ناس..
-واااااي منك يا هتون ما تكوركي كدا بتصحي البت ياالله نامت لي..
*عليك الله هي طبيعي نايمة هههههه عمرها يادوب كم يوم بتين لحقت تعزبك ما تركبي لي مكنة انك ام خلاص وتعبانة و... ووووو...
-نقطينا بسكاتك الجابك شنو..
*عوجت خشما يابت مش بكرا سمايتك جاية انضف وارتب وجات عليها حضنتها وسلمت عليها..
-الله يحلنا يا امييي بتنادي بصوت عالي بتك دي مش هسي قبل كم يوم نضفت تعالي شوفي ليها حلل ما قادرة تتقبل انها عروس ومفروض تكون معسلة هسي مع راجلا...
امي جات وكالعادة وقفت في صف نهي:
امي:يابتي ولا شي ما بتهبشي انا كلمت مرة الغفير واتفقت معاها هي البتنضف وبتمسك بكرا الشاي والقهوة واصلا ابوك كلم طباخ بجي بجهز اي شي.. تقعدي ساي هسي كان بقي فيك جنا ،(كلام الامهات المحرج البقصدو منو ان شاءالله تحملي سريع ).. و راجلك زاتو ما برضاها نشغلك وانتي عروس...
هتون ارتبكت ششوية..
*دا كلام شنو ياامي ولا حامل ولا حاجة اصلو شنو هو يادوب انا اسبوع ساي ما تميتو ههههه ويعني اكتف يدي واعاين بعيوني؟!!
- من الشر وبعيد تفي من خشمك قصدي ان شاءالله تحملي من اسبوعك دا اي وعايني حنتك دي بهتت في عروس مبشتنة كدا هسي من دربك دا تمشي الكوفير يرددوها ليك تبقي نايرة وتسوي ليك حمام مغربي وتظبطي شعرك ووشك دا.. يا هتون انتي عروس وبكرا اهلك جايين يشوفوك مبهدلة خجلة دي..
*حاضر يا امي عرفته.. ابوي وين؟؟
-مشي ابو حليمة يعزم الناس..

√√||√√

(في قرية ابو حليمة )

(جمب خشم باب ابو دومة )

الفاضل : محمد !!! خير !!
محمد : خير يا اخوووي ، خير شديد ، اهااا بتي جابت ليكم بنية مافي مبروك !!(في يدو في جريدة)
عوض : مبرووووك ..
محمد : جا على البوابة حقت البيت داير يدخل !!
الفاضل : مسكو : وووووين يا اخوي
محمد : داخل بيت ابوي و بيت جدي و جد جدي ، في مانع لا سمح الله !!
الفاضل : كلامي الزمااان داااك نسيتو !
محمد : عشان ما نسيتو انا داير اخش هئ !
الفاضل : انا حالف طلاااااق ما تعتب البيت ..
محمد : طلق يا الفاضل ،، طلق
عوض : اقيف مكانك يا محمد يا اخوي ما دايرين مشاكل في القرية الناس كلها واقفه تعاين ، ارجع بيتك يا اخوي ..
محمد : اتلفتو علىّ صوتو ، و قال : انا دايراهم يسمعو من صغيرهم لي كبيررررهم ، انا الدكتور محمد ابو دومة ، ابو هتون محمد !!!
ورفع الجريدة فوق وطق طق دقاها بي يدو..

..
..
مع #حبي 😉..

فاطمة قسم الله_ سحر سمير

بندول ادي لي وقت اللزوم وماشي مستعجل..
هي فجأة قعدت تكورك بطني وماسكاها جدعت التوب و ما لابسة شي ساتر..
هتون:مركزة مع ابوها ومتضايقة
-ما لحقت اقول شي الا وصوت الباب بكركب وراجلا جا داخل ما اداني فرصة بقي يكورك وشكلة ل رب السماء وقال نمشي القسم بس ما بخليني وح يفضحني في الحي كلو..
*حينا دا؟!! وهو بتين لحق جا القصة فيها ان ياابوي..
-لالا كنا ساكنيين في واحد تاني قبل دا.. اي ظاهر انو كان قاعد ومنتظر شي معين...
*اهااا والحصل تاني شنو؟
-اتصلت ب فوزية جات وحكت كلام ميمونة لكن هي خشمها ما فتحتو الله عالم نيتها كانت شنو؟
..وانا زاتي دخلتي بيت مرا مافيه ولي من الاول غلط كبير..
*وعملتو شنو؟
-العملناه غلط اكبر اننا سكتنا علي حقنا وخفنا من الفضيحة ومركزنا في الحي وعبدالرازق دا زول ما بخاف الله.. قلت لو جاريتو اقوم يعمل مصيبة فينا...
فوزية قالت لي اعصر ليه قروش كان سكت نكون بعدنا من شرو.. وفعلا عملت كدا وهو قبل...
بس المشكلة كم يوم عدت واترصدني تاني وبقي يا اديه قروش ولا اعمل لي مشكلة انا في غني عنها...
*استغفر الله معقول في ناس نفوسها وسخانة كدا..
-شايفة عشان اي زول اعمل حسابو والتعمق والثقة الشديدة دي اصلها ما كويسة يوم بتعمل ليك بلوة...
*صاح والله طيب ميمونة ماتت كيف؟
-دي قصتها براها كمان .. صحينا بصوت كوراك وامك دي الله يديها العافية بس قعد اضحك..
*اها امي تاني سوت شنو ههههههه
-قالت لي الا نمش نشوف في شنو المرا بتكورك كدا راجلا دا كعب اكون داير اضبحها...
*بعد الحصل داك..
-المهم حلفت عليها طلاق كان رفعت راسا ساي ما بحصل خير الا وكان شوية سمعنا الاسعاف بالخلعة طلعنا لقينا الفريق كلو ملموم....
فجأة تلفوني ضرب..
#الووو #نعمة حاضر حاضر جاية..
اها تم يا ابوي..
-قومي علي بيتك اتاخرتي الوقت رااااقد والونسة ملحوقة.. انا زاتي تعبان شوية قايم اخد لي نومة..
صحي زكرتيني قبيل لمحت بيت ناصية ما بعيد مننا شايف للاجار خلي شهاب يشوفو..
*حاضر ياابوي الله يديك العافية ...
جيت طالعة قلت ليهم انا ماشة يا جيت بعدين او ل بكرا
طلعت من ناس امها واقرب رقشة طلعت فيها وفي بالا تكلم نعمة تتصل ليها ب المرا الحننتا تجيها ودايرة تنضف وشها وتدلكها لازم تظهر في سماية اختها بشكل عروس عروس ...
بالمرة افاتح شهاب في موضوع الاجار الكلمني بيه ابوي دا جا من السماء .. احسن زاتو وكدا اقدر حبة حبة ابعد من نعمة واعيش حياتي... تاني كل شي ملحوق والعشرة بتجبر القلوب...
هي بالمرة النضرب ل مي قبل انساها ههههه والله مازن يقتلني جاري الاتصال....
*الووو مي ازييك.. عايني من هسي ما دايرة اي اعزار بكرا ان شاءالله سماية بت نهي اختي ولازم تجي..
شنو ما بتعرفي البيت ما عليك انتي دي محلولة..
انا برسل مازن بجيبك بس رسلي لي الموقع..
تمام يلا اشوفك..

~~°°

بعد كان ماشي لي نسمة غير اتجاهو تاني ل بيت نعمة كان هايج شديد وما قادر يمسك روحو..
مسافة الشارع ...
الوقت داك الرضية مشت منها وهي دخلت يزن جوه وختت لي الالعاب وقعدت في الراكوبة تغسل في هدومو...
*شهاب انت جيت
-يزن وينو ودخل جوه
قامت مخلوعة طوالي من شافتو كدا
*شهاب اوعك اوووعي ياولدي دفرت الطشت وقع وجرت وراه بسرعة.. هتون جاية في الشارع ما تعمل لينا فضيحة ياولدي..
دفرا بي يدو وهي بقت ماسكاه دايرة تقفل الباب علي يزن..
بقي لا بسمع لا بشوف نفسو قايم وما قادر يستحمل اكتر... نعمة بتبكي وبتقاوي فيه
*الحصل فيك ما تسوي في ود خالتك يا شهاب دا زي اخوك من لحمك ودمك ..
-بدافر فيها امي قلت ليك زحي انا ما قادر خليني بس..
ب قوتو كلها دفرها ووقعت ...
بقت تبحت دايرة تقوم ياالله..
يزن بصوت كركبة الباب بقي ببكي بصوت عالي بصرخ..

في الوقت دا هتون وصلت...
*هاك مدت لي القروش وبتنكت في شنطتا لمفاتيح الباب الحمدلله دي عربية شهاب قاعد اشيل منو قروش الحنة والوش..
جاها صوت يزن رهاب رهاب اتخلعت
دا زي صوت يزن ببكي كدا مالو ككررب كرررب بتدفر في الباب وبتدخل في المفتاح تفتحو...
دخلت خلتو فاتح و بتنادي خالتي نعمة يزن دا مالو ببكي كدا...
من شافت الطشت واقع والهدوم مكشوحة منو خلاص رجولا بقت ما شايلاها وقامت جارية...
كرررب دفرت باب البرندة بقوتها لما عمل صوت...
ودخلت الاوضة طوالي...
..
...
#شهاب....
.....................

..
..

مع #حبي 😉..

فاطمة قسم الله_ سحر سمير

كراسي وقدامها ترابيز بلاستيك كبيييرة.. وحفاظات الموية الكبيرة مختوته..
الناس ماشاءالله بدت تجي وصواني الفطور بدت تطلع
موهوب ومازن ومعاهم شباب تانيين طالعين داخلين يكفو في الناس...
جوه البيت.. البيت مبخر ونضيف ومفرش ...صوت النسوان بتتونس وفي نفس الوقت بتتوسوس وبتقطع وبتعلق علي اي شي.. والعيون دايرة في كل ركن...
في غرفة ولادة نهي:~
لونها ابيض فيها سريرين كبار بالابيض مفرشات بملايات لبنية مشغولة وفي الوسط تربيزة كبيرة عليها فوطة بالابيض والكبدي.. في شباك نازلة منو ستارة دانتيل داخلة فيها صفقات بالدهبي... وفرشة بيضاوية في الارض لونها كبدي ب ابيض.. وستارة علي الباب نفس حقت الشباك..
في جانب من الغرفة معمول ب ورق حائط كبدي خفيف وعليه فراشات.. في كنبة وسط وعليها كم جداعة...
ومزهرية كبييرة عليها ورود مختوتة في الركن...
دولاب ابيض من تلاتة ضلف...
هتون جاية طالعة بره لاقتها ام موهوب ودايرة ليها سبب معاها..
ام موهوب:البنيه سموها منو؟
هتون: منة يا عمتو
ام موهوب:ياتو ..اسم شنو الما مفهوم لي جهة دا
هتون: اسم عصري يا عمتو حلو وراقي
ومشت منها خلتها تنقنق
طلعت بره تنادي مازن عشان اجيب مي.. بقت تأشر لي من بعيد وعينا وقعت علي شهاب وابوها قاعدين جمب بعض بتونسو..
هتون:مازن برسل ليك الموقع امشي جيب مي ومعاها رقمها في الواتس..
ما صدق خلي الفي يدو وطلع طوالي..
مسافة الشارع وصل واتصل ب رقمها
*الووو السلام عليكم مي انا مازن اخو هتون رسلتني اجيبك واقف بره منتظرك..
اثناء ما منتظرها جات عربية ووقفت وراه علي طول..
مازن انتبه ليها بالمرايا و مع فتحت مي الباب..
هو نزل وعينو جات في عين ممدوح ..
جا عليهم وسلم..
ممدوح:عينو علي مازن ...مي علي وين؟
مي:الليلة سماية نهي اخت هتون عزمتني ورسلت لي اخوها مازن..
ممدوح:اركبي في عربيتي انا بوصلك وزاتي عندي موضوع مع ابوها..
عاين لي مازن تاني انت امشي قدامي وانا وراك..
من سكات ركب العربية وكان من جواه بغلي دا منو الاتكلم معاه كدا وعلاقتو ب مي شنو؟ يكون خطيبا؟!!
نزلها وداير يبركن العربية ويدخل...
مي دخلت ب جانب النسوان وبالا مشغول ب مازن الحستو اتحرج وزعل عشان كدا كانت زعلانة...
تاني هتون جات طالعة تنادي شهاب عشان يوصل خالتو نعمة جوها ضيوف فجاة قالت ماشة
ملت ليها العمود اكل وطلعت تشوفو..
كانت لابسة فستان لون زينب مع جكت اوف وايت وفاكة شعرها عاملاه كيرلي والحنة مالية يديها في اليوم دا كانت حلوة بمعني الكلمة بقت تفتش عليه وبتتصل بتلقي رقمو مشغول ..
طلعت بره الصيوان وبتتاوق بالجمبات فجأة حست بي يد هبشتا من كتفها... اتلفتت
#هتون
#ممدوح
بعاين ليها بقوة ومن جواه كل شي بمنع فيه... مشاعر جايطة.. هي حست بنظراتو وكل حتة في جسمها بترجف...
ما اداها فرصة تتكلم جراها من يدها طوالي علي عربيتو فتح الباب ودخلها ودور مشي...
دا كلووو وشهاب واقف وشاف الحصل...
.................
*انت جنيت هسي كان شهاب ولا زول شافني يقول علي شنو انت كيف تعمل حاجة زي دي؟!!
-ممكن تسكتي شوية وتسمعيني للاخر؟..
*لا ولو سمحته رجعني بيتنا...
-شوفي يا هتون انا ح اطول بالي لانو ما وقتو انتي لازم تعرفي حاجة...
قبل اتم قاطعتو
*ياخي ما دايرة اعرف شي عارف انا بقيت بكرهك بعد كلامك الاخير لي للدرجة دي بقيت وسخة ووسخ في نظرك...
-اهااااااا وضحك... انتي فهمتيها كدا؟!!!
*انت بتضحك لي علي فكرة ماف شي مضحك نهائي وح ترجعني ولا افتح الباب انزل.....واظن وااااضحة ما محتاجة فهم..
- (هتون )قالا ليها بحدة انتي عارفة شهاب دا منو؟
الكلمة دي خلتا تسكت طوالي وعاينت لي...
-بالمناسبة كلامك الحكيتي لي داك عن ميمونة انا ما اتجاهلتو ووصلت قلت اكلمك اول قبل ابوك ...
*ابوي؟؟!!
بقت ساكتة وخايفة في نفس اللحظة تتصدم بكلام ما ياهو.... متوترة بتضغط علي يدها منتظراه ينطق..
-شهاب ولد نعمة يا هتون...
وميمونة خالتو يعني اختها ...
منططه عيوني واتلفته عليه ما مصدقة البقولو من دون احس طلعت التلفون يدي بترجف بتفتش علي رقم ابوي
جاري الاتصال....
..
محمد جاه تلفون هتون اتكلم معاها وطلع طوالي...

√√||√√

نهي طلعت الحمام تغيير هدومها خلت ام موهوب ومعاها المرا الاسمها المسك... وبتها راقدة في السرير..
(قعدت تهرج )
-كفاية سمت البت #منة دا اسم شنو هسي عايزة تتحكم في تاني علي كيفا هو.. اسم حبوبتا البتول مالو..
ارح ارح طهري البت قوامك قبل اكترو فينا كلامهم..
ابوها موافق..
............
..
...

مع #حبي 😉..

فاطمة قسم الله_ سحر سمير

(كيف س تدخلين الجنة وقد أعطيتني وعداً بأنك سوف تعودين 💛💜)

كراسي وقدامها ترابيز بلاستيك كبيييرة.. وحفاظات الموية الكبيرة مختوته..
الناس ماشاءالله بدت تجي وصواني الفطور بدت تطلع
موهوب ومازن ومعاهم شباب تانيين طالعين داخلين يكفو في الناس...
جوه البيت.. البيت مبخر ونضيف ومفرش ...صوت النسوان بتتونس وفي نفس الوقت بتتوسوس وبتقطع وبتعلق علي اي شي.. والعيون دايرة في كل ركن...
في غرفة ولادة نهي:~
لونها ابيض فيها سريرين كبار بالابيض مفرشات بملايات لبنية مشغولة وفي الوسط تربيزة كبيرة عليها فوطة بالابيض والكبدي.. في شباك نازلة منو ستارة دانتيل داخلة فيها صفقات بالدهبي... وفرشة بيضاوية في الارض لونها كبدي ب ابيض.. وستارة علي الباب نفس حقت الشباك..
في جانب من الغرفة معمول ب ورق حائط كبدي خفيف وعليه فراشات.. في كنبة وسط وعليها كم جداعة...
ومزهرية كبييرة عليها ورود مختوتة في الركن...
دولاب ابيض من تلاتة ضلف...
هتون جاية طالعة بره لاقتها ام موهوب ودايرة ليها سبب معاها..
ام موهوب:البنيه سموها منو؟
هتون: منة يا عمتو
ام موهوب:ياتو ..اسم شنو الما مفهوم لي جهة دا
هتون: اسم عصري يا عمتو حلو وراقي
ومشت منها خلتها تنقنق
طلعت بره تنادي مازن عشان اجيب مي.. بقت تأشر لي من بعيد وعينا وقعت علي شهاب وابوها قاعدين جمب بعض بتونسو..
هتون:مازن برسل ليك الموقع امشي جيب مي ومعاها رقمها في الواتس..
ما صدق خلي الفي يدو وطلع طوالي..
مسافة الشارع وصل واتصل ب رقمها
*الووو السلام عليكم مي انا مازن اخو هتون رسلتني اجيبك واقف بره منتظرك..
اثناء ما منتظرها جات عربية ووقفت وراه علي طول..
مازن انتبه ليها بالمرايا و مع فتحت مي الباب..
هو نزل وعينو جات في عين ممدوح ..
جا عليهم وسلم..
ممدوح:عينو علي مازن ...مي علي وين؟
مي:الليلة سماية نهي اخت هتون عزمتني ورسلت لي اخوها مازن..
ممدوح:اركبي في عربيتي انا بوصلك وزاتي عندي موضوع مع ابوها..
عاين لي مازن تاني انت امشي قدامي وانا وراك..
من سكات ركب العربية وكان من جواه بغلي دا منو الاتكلم معاه كدا وعلاقتو ب مي شنو؟ يكون خطيبا؟!!
نزلها وداير يبركن العربية ويدخل...
مي دخلت ب جانب النسوان وبالا مشغول ب مازن الحستو اتحرج وزعل عشان كدا كانت زعلانة...
تاني هتون جات طالعة تنادي شهاب عشان يوصل خالتو نعمة جوها ضيوف فجاة قالت ماشة
ملت ليها العمود اكل وطلعت تشوفو..
كانت لابسة فستان لون زينب مع جكت اوف وايت وفاكة شعرها عاملاه كيرلي والحنة مالية يديها في اليوم دا كانت حلوة بمعني الكلمة بقت تفتش عليه وبتتصل بتلقي رقمو مشغول ..
طلعت بره الصيوان وبتتاوق بالجمبات فجأة حست بي يد هبشتا من كتفها... اتلفتت
#هتون
#ممدوح
بعاين ليها بقوة ومن جواه كل شي بمنع فيه... مشاعر جايطة.. هي حست بنظراتو وكل حتة في جسمها بترجف...
ما اداها فرصة تتكلم جراها من يدها طوالي علي عربيتو فتح الباب ودخلها ودور مشي...
دا كلووو وشهاب واقف وشاف الحصل...
.................
*انت جنيت هسي كان شهاب ولا زول شافني يقول علي شنو انت كيف تعمل حاجة زي دي؟!!
-ممكن تسكتي شوية وتسمعيني للاخر؟..
*لا ولو سمحته رجعني بيتنا...
-شوفي يا هتون انا ح اطول بالي لانو ما وقتو انتي لازم تعرفي حاجة...
قبل اتم قاطعتو
*ياخي ما دايرة اعرف شي عارف انا بقيت بكرهك بعد كلامك الاخير لي للدرجة دي بقيت وسخة ووسخ في نظرك...
-اهااااااا وضحك... انتي فهمتيها كدا؟!!!
*انت بتضحك لي علي فكرة ماف شي مضحك نهائي وح ترجعني ولا افتح الباب انزل.....واظن وااااضحة ما محتاجة فهم..
- (هتون )قالا ليها بحدة انتي عارفة شهاب دا منو؟
الكلمة دي خلتا تسكت طوالي وعاينت لي...
-بالمناسبة كلامك الحكيتي لي داك عن ميمونة انا ما اتجاهلتو ووصلت قلت اكلمك اول قبل ابوك ...
*ابوي؟؟!!
بقت ساكتة وخايفة في نفس اللحظة تتصدم بكلام ما ياهو.... متوترة بتضغط علي يدها منتظراه ينطق..
-شهاب ولد نعمة يا هتون...
وميمونة خالتو يعني اختها ...
منططه عيوني واتلفته عليه ما مصدقة البقولو من دون احس طلعت التلفون يدي بترجف بتفتش علي رقم ابوي
جاري الاتصال....
..
محمد جاه تلفون هتون اتكلم معاها وطلع طوالي...

√√||√√

نهي طلعت الحمام تغيير هدومها خلت ام موهوب ومعاها المرا الاسمها المسك... وبتها راقدة في السرير..
(قعدت تهرج )
-كفاية سمت البت #منة دا اسم شنو هسي عايزة تتحكم في تاني علي كيفا هو.. اسم حبوبتا البتول مالو..
ارح ارح طهري البت قوامك قبل اكترو فينا كلامهم..
ابوها موافق..
............
..
...

مع #حبي 😉..

فاطمة قسم الله_ سحر سمير

(كيف س تدخلين الجنة وقد أعطيتني وعداً بأنك سوف تعودين 💛💜)

يت جهة ما ليك المرا لا دخان لا حنة لا دلكة لا جيهة زي الناس كانت بتعملا ليك.. تعرس بت حلتك المن توبك البتعرف تقيمك وتملا عينك.. انا ماشة عليهم وكلم ابوك بالقلتو...
*اوووف ياخ

(دا كل القدرت علي يا موهوب اوووف وبس)

..
..

مع #حبي 😉..

فاطمة قسم الله_ سحر سمير

منها!!!
-وانتي الخلاك متأكدة من كلامك كدا شنو؟؟!!
*يعني قصدك شنو انت هي عارفة وقبلانة ب كدا؟؟
......................

-يا شهاب انا وضعك بقي ما عاجبني بالمرة وكل يوم ماشي اسوأ لفترة ما كنت كدا بس بصراحة يعني بعد عرست الاسمها هتون دي بقي اكعب...
*عايزاني اسوي شنو يعني بحبها بحبها..
-لا انت ما بتحبها وبقولا ليك مية مرة انت ما بتحب هتون لي ما عايز تفهم الحتة دي.. طاوعني لمرة بس يا شهاب.. لفتت راسو بي يدها وعاينت ليه خلي #نسمة دي مرة واحدة قصاد عينك هي وانسي هتون.. جربني لو لقيت روحك ما كسبان انساني وما بسألك..
بقي بعاين ليها ومتوتر..
في لحظة سكون
تلفونو فجأة ضرب لما نطو هم الاتنين
*الووو نعمة في شنو؟
شنو؟ كيف يعني؟
طيب حاضر حاضر جايي جايي..
-في شنو مالك؟
*بعدين بعدين بقول ليك هسي مستعجل ومشي بسرعة..
ركب عربيتو الله يلعنك يا صلاح اصلو ما داير تجيبا علي بر..
ومسك تلفونو بضرب ليه ماف رد...
من جانب (نعمة)
سجمي سجمي ان شاءالله شهاب يلحقو قبال يصل ل هتون البلاوي مالا بقت نازلة علي..
شالت تلفونا وبتتصل ب هتون مقفول...
احييي بس القاها من وين ولا وين
ترررن تررررن
هتون قايمة تفتح الباب مازن وقفا انا بفتح ماشة وين؟!!
بعد فترة كدا جا داخل ووشو متغير
*مازن دا منو ومالك ؟!!
-هتون تعالي ودخل نادا ابوه ومشو علي الصالون..
من جات داخلة عينا وقعت علي راجل قاعد..
من جواها
الزول دا شكلو ما غريب علي زي انا شفتو في مكان.. وبقت مركزة عيونا معاه... وقلبها مقبوض ما مطمنة ليه
بعد ضيفوه وقعدو..
ابوي: مرحب مرحب ولدي قال عندك عندنا امانة وجايي تشيلا خير يااخوي.!!
-عاين ل هتون اول وكان منزوي علي الكرسي وضامي يديه علي رجولو انا صلاح ابو يزن وجايي اسوق ولدي..
هتون : بخلعة شنو؟ صلاح صلاح انت ايوة ايوة اتزكرتك انت وختت يدها في خشمها ما قادرة تستوعب البحصل قداما..
ابوها ومازن قامو علي حيلهم هتون في شنو بتعرفي الزول دا من وين؟؟!!
ما نطقت ليهم ومشت بعصبية عليه جرتو من طرف جلابيتو..
انت الوصف ليك بيتنا منو؟
قوم اطلع بره ما اشوف وشك هنا...
(بإنفعال وعصبية)
جاها صوت ابوها هتون دا كلام شنو البتعملي فيه دا...
ابوي انت ما عارف حاجة ما تدخل..
صلاح دا العملو فيني ما شوية...
قاطعهم صوتو
انا داير ولدي بس انا ابوه وعايش زنبي شنو اتحرم من ولدي وقعد في الكرسي ببكي..
محمد: بنهرة هتون كفي ما عايز اسمع صوتك خلي عندك احترام للراجل ...
ابوي ما يغشك بدموع التماسيح دي،، دا واحد لا عندو زمة لا عندو اخلاق ولا عندو....
قاطعهم تررن ترررن ترررن جرس الباب بضرب ما وقف مازن بضيق طلع سرعة...
....
....
#شهاب

..
..

مع #حبي 😉..

فاطمة قسم الله_ سحر سمير

اني جواي اسئلة كتييرة محتاجة ل اجابة.. وماف زول غير شهاب بفش لي قلبي...

تلفونا ضرب دا شهاب شكلو في الباب...
*الووو طيب دقيقة...
جات فتحت الباب ودخل معاها..
-ابوي: الله جابك ياولدي انا عايزك في موضوع هتون سوي لينا شاي في المسافة دي ادخل الصالون وبجيك هسي..
عاين لي بعيونو زي البسألني في شنو الدايرني ابوك فيه..
قلبت ليه كتافي ومشيت علي جهة المطبخ...
..................
كررب الباب فتح
فاتن جات داخلة سلمت وطلعت بالسلم فوق علي شقتها طوالي...
ممدوح قام طلع وراها
*مي: هسي في داعي يا امي تملي علي مرتو انتي مش عارفه طريقتو كيف معاها الله يستر بس..
-خلي عشان تفتح عينا من تصرفاتا الجديدة دي
*امي انتي في شنو مالك فجأة قلبتي علي فاتن..
-حا يكون شنو يعني مافي اي حاجة كل الحاصل ما عاجباني طلعاتا البقت كتيرة دي...

(ام ممدوح عرفت حاجة ولا شنو؟! )
................

بعد شهاب نزلو في نهاية الشارع التاني من بيت ناس هتون وهددو لو شافو حايم بجاي ما حا يحصل لي خير..
صلاح ما ضيع وقتو نهائي خاصة بعد طلع خسران من كل الجهات وما استفاد شي من العملو...
ركب اقرب رقشة جابتو ل نعمة...
لقي الباب متاكا ساي دفرو ودخل...
نعمة كانت قاعدة بره في الراكوبة منتظرة شهاب وبتحاول تتصل بي تعرف حاجة...
من شافتو قامت علي حيلا
*انت الجابك هنا شنو ياراجل ما كفاية العملتو وبتهددني انك حا تمش ل هتون وتفضحني ليها كان ما زودت ليك القروش وقعدت هنا...
-هههههه ضحك بصوت عالي اقيفي هسي عشان ما تكوركي ساي انا جاييك في مصلحة عشان تعرفي قلبي عليك علي العموم شهاب بح انسيه اجر لي هتون بيت وبكرا تفتشي لي ما تلقي سمعتو وهو بقول ليها كدا...
ولدك زاتووو قرف منك اخرتا ما بتلقي غيري..
*انت ياراجل جنيت اطلع من هنا قوامك داير تجيب لي مصيبة كفاية البدا يطلع عننا كلام في الفريق..
-حا تلفي وتلفي يا نعمة غيري ما بتلقي وسوقك بدون هتون وشهاب بقيف كلمتك... البت طلعت اشطر منك وعرفت تجيب راسو..
جرتو من جلابيتو ل نهاية باب الحوش
اسمع هنا ما اشوفك تجي بجاي ما ناقصة مشاكل وبلاغ فيني... دفرتو وقفلت الباب...
...................

ايووووووي يووووووي يووووي
ميادة جات طالعة مخلوعة تشوف الزغاريد ال في بيتهم دي شنو
*امي مالك بتزغري في شنو؟
-خلاص الجماعة وافقو ما عندهم اي مانع باقي الرجال بس يتممو العقد..
*الجماعة منو انا ما فاهمة؟
-كنت في فريق ورا وكلمت ميامن وامها وخطبتها ل موهوب وقالت هي رايدا ومن يومها منتظراه...
ميادة ختت يدها في خشمها وبإنفعال
*يمة دا شنو العملتي دا كيف تسوي حاجة زي دي انتي بتتصرفي براك انتي من راسك؟؟!
#ميادة
اتلفتت علي صوت موهوب وقالت ليه
#موهوب تعال احسم الفارغة البتعمل فيها امك دي من ورانا...
*امي ما عملت فارغة انا الطلبت منها تمش تعمل كدا وبالكتير يوم وبعرس...

..
..

مع #حبي 😉..

فاطمة قسم الله_ سحر سمير

قدي انتي هسي بتنوم.. موهوب ما اتصل بيك تاني؟
*لالا يتصل عشان شنو ...ما اتصل ب ابوي؟
-محمد قال لي اتصل بيه قبيل وجاي بكرا دايرو في موضوع قال لكن ما وراه شنو..
*دايرو في موضوع زي شنو مثلا؟!!
-والله علمي علمك يابتي ياخبر بفلوس بكرا يبقي ببلاش..
*هتون دي اتأخرت مالا حا تبيت قبلا ولا شنو كدي اتصلي شوفيها..
نهي مسكت تلفونا و جاري الاتصال....
مرة واتنين عادتو ما بترد احتمال جايين علي البيت او عاملاه صامت..
.................
(جانب اتنين حلوووين)
كانو بتونسو من فترة في الواتس وما حاسين بالزمن..
-مازن بقتلك عارف ماشة علي 12 ونحن بنتكلم لي هسي ههههه
*اعمل شنو الونسة معاك حلوة ما بتخلص وموضوع ورا موضوع ما بحس بملل وانا معاك نهائي..
-وانا كمان بحب اتكلم معاك عارف شي انت شخصية مختلفة شديد ما زي معظم شباب الايام دي...
*احم احم اخجلتم تواضعنا
-وكمان انا شفت ليك كم موقف خلاني احبك...
فجأة نططت عيونا لما لقت روحها رسلت الرسالة دي وفيها كلمة احبك وطوالي ضغطت خيار حزف الجميع وحزفتا بسرعة...
هو كمان اتخلع من الرسالة الجاتو في اخر كلمة...
ماف زول رسل للتاني بعد مسافة رسل ليها
*مي ممكن اسألك سؤال؟
قرتا وما ردت لانها خجلت شديد وافتكرتو يقول عنها بت ما كويسة...
*الوووو ممكن تردي شايفك متصلة وبتقري كلامي!!
-ايوة اتفضل
*اخد نفس واتشجع كتب ليها انا حابي اعترف ليك وياريت اسمع منك الصراحة برضو...
كانت متوترة في نفس الوقت وبتفكر عايز اعترف واسألا من شنو... حست قلبها داير يطلع من محلو كان بدق ويديها بقو تلج تلج ومراقبة الشاشة قدامها منتظرة...

*مي
انا بحبك انتي بتحبيني؟
.........

*انتي لسه ما اتهديتي،، لسه ما خايفة من الموت الممكن يشيلك وانتي في الوضع المقرف دا...
هتون بتحاول تهدي وهو بكورك معصب
-شهاب اهدا بس ما كدا شهاب الله يرضي عليك كفاية خلاص الناس كلها سمعت واتفضحنا... وبتحاول تجر فيه عشان يطلعو يمشو..
جرا يدو من هتون بقوة ومشي علي نعمة ما كان واعي للبعمل فيه
*انتي لازم تموتي عشان ارتاح من وسخك البقي ملازمني حياتي كلها من يوم العملتيه مع عبدالرزاق راجل خالتي ميمونة انتي قايلاني انا ما شفتك لا كنت كل يوم بشوف عمايلك معاه جوه في الاوضة لما خالتي تطلع.. كنت بكون واقف ورا الباب واي شي سامعو وشايفو بس لحظي الكعب انو يوم انتبه لي وههدني حا يقتلني ويقتل خالتي كان كلمتها... لكن القدر كشفكم وهي عرفت براها... قبضتكم قبضت اختها بت امها وابوها بتخونا مع راجلا...
انتي يا نعمة لي كعبة كدا اي شي دايراه لي روحك ما شبعتي عليك الله ما زهجتي...
هتون بقت تبكي من السمعتو ومن الوجع الطلع من شهاب،، من العاشو والداسيه وكاتم في قلبو طول السنين دي وساكت من بره انسان بتكلم وبضحك ومن جوه دمار..
ما اتوقعت اكون عندو مشاعر او بتهز الا لما شافتو هسي قدامها وهو بلوم وببكي قدام نعمة...
ما قدرت تتحمل اكتر جات جرتو منها ونهرتو بصوت عالي..
#شهاب اوعك توسخ يديك علي زول ما يستاهل خلاص الحصل حصل خلينا نمش ونبدا حياة جديدة نحن الاتنين تعبنا واتبهدلنا اكتر من اللازم.. السعادة دي يا شهاب قرار والله قرار وبي يدنا نخلي حياتنا حلوة ونعيش مبسوطين دايرين شنو اكتر من كدا عندنا يزن في وسطنا بملا علينا الدنيا...
كلام هتون اثر علي شهاب شديد وبقي بعاين ليها بإنهيار ملامحو اتحولت ل طفل داير ام تطبطب عليه بس وهو طوالي بيهدا...
من دون تحس جرتو عليها وهو مسكها بقوتو كلها حضنها بدون ولا كلمة....
طلعو بعد ما سرعة سرعة رمت اي هدوم ليها ولي شهاب ويزن في الشنطة...
جراها وطلعو علي البيت...
طول الشارع كانو ساكتيين وصلو قبل تنزل قال ليها..
*انا حا امشي انزل مع واحد صاحبي وبجي بكرا بدري بتلقيني في البيت...
-لا صاحب شنو بيتنا واسع تنزل تبيت معانا..
*هتون الله يرضي عليك ما تضغطي علي
-حاضر طيب انت كويس عاينت ليه في عيونو وختت يدها علي يدو وضغطت عليها قوي..
*ابتسم ليها انا كويس ما تخافي علي طول ما انتي جمبي انا ببقي كويس..
-نزل معاها شال الشنطة مسافة فتحت الباب جرتا منو قالت ليه تصبح علي خير حاولت تقرب عليه بعد الاحساس القبيل الحستو...
بس هو بعد فجأة
*وانتي من اهلو وكان متوتر...
دخلت وقفلت الباب جرت الشنطة ودخلت من سكات...
قعدت علي سريرها وفتحت تلفونا شافت مكالمات نهي..
فتحت الفيس وكتبت علي صفحتها :

قيل في معني الزواج ان تختار من يستحق الإطلاع علي عيوبك فيقبلها ثم يسترها عليك...

قامت طلعت عبايتها عشان تمش تشوف لو ديل صاحيين ولا نامو وتجيب يزن..
فجأة سمعت صوت رسالة المسنجر بتاعها
رسالة...

..
..

مع #حبي 😉..

فاطمة قسم الله_ سحر سمير

واتلفتت بي جمبة..
(موهوب سمع كل الكلام ووقتها دخل وقرر خلاص)
جاتو داخلة لقتو بلبس
-انت طالع وين؟
*( بنهرة ليها) الله كمان انتِ حا تقعدي طالع وما طالع شوفي هنا انا ماف زول بسألني محل ماشي وجاي وشوفي هنا يابت الناس بتم مشواري دا وجاي عندي معاك رايي..
-سمح
جا لقي امو واختو قاعدات ممحنات
ميادة: موهوب علي وين؟
*انا ماشي الخرطوم عندي موضوع كدا..
-خير ياولدي ماش ناس عمك؟
*لالا
وطلع لا زاد لا نقص كلمة...

..
..

مع #حبي 😉..

فاطمة قسم الله_ سحر سمير

نعمة معاك؟
-اجي ياولدي نعمة سافرت البلد ليها كم يوم انت وهتون ما عارفين ولا شنو من يوم رحلتو ما جيتو في ششنو؟
حسه المرا حشرية اكتر من اللازم..
*لالا ماف شي شكرا ما قالت ياتو بلد..؟
-العمارة عبدالرحيم وعاينت لي بإستغراب وشك..
ما اداها فرصة ل سؤل تاني ومشي طوالي ركب عربيتو ومسك تلفونو جاري الاتصال....
الهاتف الذي طلبته مغلق...
مشيتي وين يا نعمة والبلد دي شنو الطلعتي بيها عمري ما بعرف عندك اهل في مكان..
اتصل ب صلاح...
*الووو انت وين دايرك... تمام جاي عليك..

..
..

مع #حبي 😉..

فاطمة قسم الله_ سحر سمير

صاح ولا كانت مجرد وقت ضيع بيه وقتو وفات)

..
..

مع #حبي 😉..

فاطمة قسم الله_ سحر سمير