#غلطتي
بقلم سحر سمير و فاطمة قسم الله
-٥١-

*لكن حصل يوم فكرتي فيني اذا مرتاح ولالا في حياتي دي ؟؟ طبعاً لا يا امي ..!!
_بقيت تعلىّ صوتك علي ! ههه الوسخة بتاعت السجون ديك علمتك كدا ! تعلىّ صوتك على امك ؟
*شش شش شن شنو شنوو !! قصدك منو انتي يا امي ؟
_قصدي واضح يا ممدوح ، انت قايلني انا ما عارفه ؟
*ما عارفه شنو !! امي بتتكلمي عن شنو انتي ؟!!!
_عن الوسخه !! كلامي دا ما واضح ليك ؟
*امي لو سمحتى ، قصدك شنو ؟
_يعني بي ياتو منطق يا ممدوح يا ولد بطني دي ، تبدي الوسخه دي عن فاتن ! انت قايلاني ما عارفه ؟
اذا كنت ساكته و بمشي ليك م معناهو هنا في قمبور (و اشرت على راسها).. كل مرة بقول نزوة و حتعدى بس شايفاك اتماديت و الظاهر الوسخه دي ما ناوية تجيبها البر و ما اتأدبت مني لسه بعد القلتو ليها ، لكن كان دايرة الوش التاني بوري ليها ..
*(قعد ومسك راسو) امي انتي بتتكلمي عن هتون ؟
_في غيرها ؟
*هتون دنبها شنو في علاقتي مع فاتن ممكن افهم ؟ و و ...بعدين انت لقيتيها وين عشان سمعتيها كلام و لا تأدبيها ممكن افهم !!!
_لقيتا وين دي ما شغلتك ، بس ما انا البدي ناس فرصه انهم يعملوني ونسه و مطاعنات و سمعه زفت لي سببك و اخسر عيلة محترمة زي عيلة فاتن دي ، و خليك عارف لو طلقت فاتن حينزل غضبي على هتون !! كلامي واضح ؟ (و مشت)
*امي ... دقيقة لو سمحتي ...اميييييي ...
شال تلفونو و طلع برا البيت ...

اما عند نهى الجميلة ..

قاعدين هي و ميادة تحت الشجرة ، بي نفس قعدتهم الزمان حقت الجبنه ، بس الفرق ان كانو في تومات بيلعبو قدامهم رنا و ريناد بنات ميادة .. سبحان الله .
*عارفه يا ميادة انا خايفه .. بس ما قعد اقول كدا ل موهوب عشان ما يقلق ..
_خلاص يا نهى ما بقى شي و تلدي بالسلامة ان شاءالله ..
*حاسه اني ح الد في اليومين ديل بجيني مغس شديد بصحيني من النوم عرقانه ..
_تفي من خشمك يا نهى التامن دا صعب و ان شاءالله يعدي على خير يا رب .. انتي اسي مالك عرقتي كدا !
*يعني التامن دا معناتو ولدي ما حيعيش صح ؟ ولا انا الما حأعيش وريني ما تدسي مني ؟
_نهى اسي الكلام الشين دا لزومو شنو قومي قومي خليني ادخلك اوضتك ترتاحي شويه ما بعرفك مالك عرقتي كدا ..
*نادي لي موهوب ..ناديهو لي ..
_انادي كيف يا بت .. انا بديت اخاف يا نهي ، دقيقه اخير اتصرف انا ...
طلعت برا الشارع ، نادت اقرب ولد و رسلتو يشوف موهوب ...
و رجعت بي #صرخة_نهى ....

ما كنت زعلانه من نفسب لاني اتكلمت مع خالتي نعمة بالطريقه دي ! بس كنت بلوم نفسي لان في النهايه هي ما الزمتني اشتغل معاها ، كان عندي هوي ان ممكن تشيل مني يزن او ما عارفه ، رغم انها ما كعبه معاي وانتو عارفين ...
قاطع تفكيري اتصال من ..... رديت!
_هتون (نفسو قايم)
*ايوة
_عايني حسألك سؤال ما داير غير الصراحه منك .
*عارفه سؤالك يا ممدوح و حأجاوبك .. #يزن_ماولدي مش دا سؤالك !! ولا انا اتزوجته ..
_شنووووووووو(بخلعه) ! و يزن دا منو و المرة القالت ليكي يزت ببكي و ...الخ!
*موضوع طويل ..
_دا ما كان سؤالي ي هتون بس ربنا خلاني ارجع واتصل بيكي عشان قلبي يرتاح و اعرف انك م اتزوجتي وان دا م ولدك .. سؤالي يا هتون عن امي .. امي اتكلمت معاكي ؟
*............ م رديت
_سمعتيني !
*ايوة
_ردي طيب ..
*لا ما كلمتني ..
_بس هي قالت لي كلمتك انتي بتنكري ليه ؟
*انا كفاني مشاكل يا ممدوح ، ما دايرة مشاكل و انت زاتك ياربت تقفل و م تتصل بي تاني و تمسك مرتك و بيتك عليك .. سلام
_لحظظة ما تقفلي ، انا المتصل !!!
*معاك ...
_امي قالت ليكي شنو ولا قدرت توصل ليكي كيف ، في حين انا ما قدرت اوصل ليكي قبلها الا عن طريق الصدفه !!
*وصلت لي كيف دي ما بعرف ، اتصلت علي تلفون و طلبت تقابلني لانها عايزاني في موضوع ، اي كنت مستغربة شنو المواضيع الممكن تجمعنا بس رغم كدا مشيت و قابلتها .. و ما قالت لي حاجة بس حبت تعرف انا منو في حياتك ، بس اتخلعت لمن شافتني و اني بت سجن الاداب بس م اكتر ..
_يازووولة دي امي مستحيل ما تكون قالت ليكي حاجة ، ما تدسي لو سمحتي ، وريني قالت ليكي شنو و متين اصلا و انا م عندي خبر ؟
*اول امبارح ياداب ، كل القالتو لي ابعد منك وانك راجل متزوج ،هي كانت فاكرة ان في علاقه بينا ..
_بس دا كل القالتو ؟
*ايوة
_متاكدة؟
*ايوة يا ممدوح
_طيب اسمعي ..
*شنو ؟
_انا #بــحــبك ....!!!

"وفي الحينِ الذي كانَتْ فيه الأوطان لا تمنحُني أيَّ إنتماءٍ حقيقي ، قلبُك فعل ''

#استككانةة🥀...

سحر سمير _فاطمة قسم الله

يتبع ...

#غلطتي
(الجزء الثاني)
بقلم سحر سمير و فاطمة قسم الله
-٨٨-
فجأة سمعت صوت رسالة المسنجر بتاعها !
مسكت التلفون ، فتحت ، الرسالة ظاهرة ليها من ايقونة بيضاء (لمن يكون ما خاتي صورة اللي هي الصورة الافتراضيه للحسابات) حتى الاسم م ظاهر ، عاينت لشبكة البيانات لقيتها فاصله !!
م اشتغلت بالموضوع كتير ! و مشيت طلعت عشان اجيب يزن ، لقيت الجو هادي ! فتحت الباب لقيتو نايم في السرير الجمب نهى و نهى نايمة هي و بتها !!

عند شهاب -
#نسمة ! شهاب !! في شنووو .. ادخل ، ادخل !
فجاة من غير مقدمات حضنها ، و مسك فيها شديد و بيبكي .. م قدرت تجبرو انها تعرف حاصل معاهو شنو فا اكتفت بالطبطبة عليه ..
فجأة رفع راسو و عاين ليها ، لقا عيونها في عيونو بي نفس اللمعه اللي دايماً كانت بتقابلو بيها !
قاليها : ينفع ابيت هنا ؟ محتاج ليكي !!
نسمة : عارف يا شهاب ! يمكن كلامي الحأقولو دا ماوقتو ، لكن انت ما بتفرق عني كتير ، نفس الوحدة انا عشتها و ما زلت عايشاها يا شهاب !
اخترت ادرس الطب لانو بيشغلني عن الحياة ! قمت في دار المايقوما لا ام لا اب ، انا كنت عكس الشفع م كنت بتمنى تجي اسرة تسوقني لان الاسرة م كانت بتعني لي حاجة ! اجتهدت شديد و طلعت من الدار في عمر مبكر و اشتغلت و قريت نفسي و اخترت الطريق دا ... من اول مرة جيتيني فيها العيادة كنت شايفه انك نصي التاني ! انا عارفه اني ادخلك كراجل في نص بيتي وماف اي صلة تربطني بيك غير مهنتي هي غلط و غلط كبير ، اي م لقيت اليوعيني و يوريني الصح من الغلط .. لمن ربيت نفسي براي و ....*قاطعا بي بوسة سكتتا و خلتا مستغربه فيهو !
بس الموضوع ما انتهى على البوسة. .. و لكم ان #تتخيلو !!

في جانب ....

#مي قالت : انا ما بنكر كنت منتظرة اللحظة دي من مازن او مش منتظراها لا اصلا البينا ما اخد زمن ، بس كنت خايفه ان الجواي دا ما يكون جواهو خصوصاً ان دي او تجربه لي ! فا قلت ليهو ما حاسي انك اتسرعته ؟
مازن : لا انا ما بحسبها زي ما انتي بتحسبيها يا مي ، المشاعر عشان تتكون م محتاجة وقت ، اللهم بتلقى نفسك مقيد بي شعور اكبر منك و فوق طاقتك .. بس انا عايز اتطمن يا مي !
عندك احساس تجاهي حتى ولو بسيط ؟
مي : أيوة يا مازن بس للاسف ما بسيط .. و تصبح على خير !!
مازن : مي دقيقه ما تطلعي .... مي ، رسل ، رساله ورا التاني و كان بيظهر ليهو (صح واحد)
فا خلى ليها رساله بقول فيها : ‏وانك سبباً لأن أبتسم وأشرق بوجه الحياه كل يوم، سبباً لأن أضع الجميع على الرّف وألتفت إليك .#تصبحي_من_اهلي ..

صحيت بي حيوية و نشاط ما عادي -
فكرت كتير بيني وبين نفسي ، ان شهاب انسان كويس و انا لازم اهتم بيه و ابدا معاه مرحله بالجد جديدة نأسس فيها حياتنا ، كفايه تعب ، كفايه اللي مر بيهو شهاب و مريت بيهو انا .. من حقنا نرتاح ..
فجأة باب غرفتي فتح .. و كان #يزن
فتحت ليهو يديني حضنتو شديد و شميت ريحتو ، قلت ليهو ، رايك شنو الليله نمشي مع بابا شهاب نتغدا برا و نتفسح حبيبي ! لقيتو ضحك كدا و ابتهج .. #امي جات داخله لانو يزن م قفل الباب وراه .. قالت لي : صباح الخييييير ، جيت اشوفك اتاخرتي في النوم كدا !!
قلت ليها : بفكر بس في المشروع وكدا ، اسمعيني ي امي كنت عايزة مرة الغفير تنضف لي بيتي تكلميها لي ؟
_خلاص من دربي دا بكلمها ليك (و بتعاين في يزن)
بقت تهبشو كدا ، قالت لي ملامحو حنينه شديد الولد دا ، بس ليه ما بيتكلم لحد اسي ؟
*ما عارفه والله يا امي مع اني بلاغيهو طوالي من صغير !
_ما صغير كمان يعني مفروض كمان يكون دخل المدرسه !!
*ايوة مفروض يكون في تانيه بس بسبب رحولنا الكتير و عذم الاستقرار والمشاكل ما قدرتا لكن بعد دا خلاص بدخلو رغم انه حيدخل كبير ، طيب يا امي نوديهو دكتور للنطق المتاخر دا ولا كيف !
_ما بعرف والله يا هتون رغم انه نبيه ملاحظة ليهو ، لكن كدي خلي كم يوم كدا ، المهم قومي عشان تنجزي امورك و موهوب في الطريق نشوف كمان مشكلة نهى دي ان شاءالله تنتهي على خير مع ركوب راسها دا ...(و مشت) !
مسكت تلفوني ، اتصلت على شهاب مرة و اتنين ، مافي رد ...

(في جانب شهاب)
#نسمة !! (ماسكة راسها و قاعده بتعاين لي شهاب اللي نايم جمبها) و بتكلم نفسها ، انا كيف غلطت غلطة زي دي !! حافظت على نفسي من الدنيا طول عمري ، اسي في لحظة استسلام زي دي ضيعت كل حاجة !! عاينت لي تلفون شهاب اللي كان فيهو اتصال مني .. لمن زهجت ! مسكت التلفون عشان تعملو صامت ، فجأة شهاب صحى ، بصوت التلفون ، عينو وقعت عليها وهي ماسكة التلفون ،، قام خطفو منها ، شاف مكتوب #هتون
قاليها بي نهرة : عايزة ترد عليها مش و تخربي كل حاجة !!
نسمة : !!!!! شهاب انا كنت حأعملو صامت عشان ما ازعجك !! رووق ! انا البخليني شنو ارد عليها ؟
شهاب : اسف .. عاينو لبعض ب خجل و اتزكرو كيف كانت ليلتهم !!
مشى اتجاها و ضماها و باسها فوق راسها قاليها : كنت خسران طول المدة اللي فاتت دي ، رغم انك قدام عيوني ما كان في زول بتحملني غيرك ولا في زول سمعني غيرك و