#غلطتي
(الجزء الثاني )
بقلم سحر سمير و فاطمة قسم الله
-٦٠-
* !! انا حابة اعترف ليك بي حاجة !
قالي : قصدك انك بتحبيني صح ، قوليها !!
قلت ليهو : ما تصعبا علي اكتر من كدا ، انا كل الجمعني بيك السجن وكنت مبسوطة من دعمك لي و جات فترة اعجبت بيك جدا بس ما وصلت مرحلة الحب معاك ! و بتمنى تتراجع عن فكرة الزواج دي لان انا في #شهاب في حياتي ، و بحبو جدا !!

-(ههههه ضحك) دا مقلب عاوزة تعملي فيني مش لكن شوفي غيرها ما علي يا حلوة..
*لا يا ممدوح بالعكس انا جادة في كل كلمة قلتها وطلعت مني ليك..
حسيتو اتصدم فيني ما اتوقع القلتو ليه لانو قعد اعاين لي ما نزل عينو مني.. وقتها كسرت عيني ما عايزة اضعف قدامو..
لا ذاد لا نقص علي الكلام بعدها خصوصا انا ما حاولت اضحك ولا ادي فرصة في كلامي اني ما جادة..
بعصبية كورك لي #مي من بعيد
-تعالي خلي التلفون دا خلينا نمشي..
(جات ولقتهم صاريين الاتنين)
مي:مالكم في شنو؟
- ماف شي بس ظاهر عليها انها مقررة ومنتهية.. وعينو ما نزلا منها.. لو كانت عاملة لي حساب ما بتجيب سيرة ولد تاني قدامي بالطريقة دي...
مي: كيف كيف انا ما فاهمة حاجة نهائي هتون ارفعي راسك دا خليك احسن منو قولي لي حاجة انتو ح تسكتو كدا بس ،،الفهمتو من ممدوح ان بينكم حب عميق ح تنهوه بعنادكم ومطاعناتكم انتو الاتنين...
*لو سمحتي يا مي البينا كان مجرد اعجاب ما اكتر.. ولازم ينتهي انا ما بقدر ابني حياتي علي تعاسة زول..
- تعاسة زول؟؟ وانتي البتعملي فيه هسيي دا شنو؟
مي خلينا نمشي ولما تهدا منتظر اتصالك توضحي لي.. قومي اوصلك..
*لا انا منتظرة حد..
-هتون (صرج اسنانو بغيظ) ما تجيبي اخري قلت ليك قومي ارح
*قلت ليك منتظرة #شهاب
-اوك يلا يا مي..
(مي رفعت كتافيها لتصرفهم الغريب دا ومشت قدام اخوها من سكات).
اوووف شلت نفس طويل وقشيت يدي الكانت عرقانة بس في الاخر اتشجعت اخيرا رغم الوجع الجواي ..احسن لينا اي زول عندو شبيه ... وانا ما بشبهك..
ظاهر انو كلام امي صاح المكتوب علي الجبين لازم تشوفو العين..
شالت تلفونا وقامت
........

طق جدع ليها التلفون..
*افتحي الاستديو ح تلقي كل الصور اطفال اطفال ااااه يا #نسمة انا ح اجن وقام علي حيلو بقي ماشي وجايي..
انا ما عاوز ابدا من نقطة البداية تاني..
-انت وقفت العلاجات مش وانقطعت عني فجأة ليي يا #شهاب ممكن اعرف اجابة؟
*كل شي كان ضدي غصبا عني صدقيني انا هسي محتاج ليك شديد ارجوك ..
-طيب اهدا شوية هسي حاليا انت لازم تبعد بأي طريقة عن اي طفل يكون معاك براك وح اكتب ليك الادوية مرة تانية ولازم تستمر ل مصلحتك..
*بس في حاجة انا خايف منها
-شنو؟
*انا ح اتزوج وهي عندها طفل خته يديه في راسو..
-(ضغطت علي القلم شديد لما غطايتو وقعت)
بتين زواجك يعني ما كنت عارفاك انك بتحب بس علي العموم انا ما بنصح بي دا..
رفع راسو عاين ليها بإستغراب لقي تعابير وشها متغيرة من فرح ل ضيق..
*انا بحبها وحاسي انها ح تكون علاج لي..
-لا انت ما بتحبها انت عاوز تتقرب ليها عشان الطفل بس..
*لا انا بحبها انتي ما عارفة شي عنها عشان تحكمي علي.. انتي كيف تقولي كدا انا بحب #هتون
-اسمها هتون.. طيب انا لازم الاقيها اول.. #شهاب انت خطر علي الطفل دا وشهوتك حاليا هي البتوديك اتجاه هتون دا ما حب ليها.. انت داير تصل لي هو لانو ماف طفل تاني متاح لاشباع رغبتك حواليك غيرو..
طق طق ضرب علي الحيطة شديد...
*ياالله انا جيتك عشان تدعميني وكنت بتعالج عندك من زمان هسي مالك قلبتي علي فجأة ما عايزة تصدقيني لشنو.. مستحيل اقرب منو انتي عارفة دا ود منو؟؟؟
- بغض النظر عن كل شي.. عاين لي هنا المسألة ما بالطريقة دي ..انت ذات نفسك قلت انك ما بتشوفهم مجرد اطفال بس بتتخيلهم قدامك بشهوة.. والحصل ليك زمان من انسان مريض #بيدوفيليا من الدرجة الاولي خلاك تعرف امور جنسية في عمر ما مفروض تعرفا فيه..
*بعصبية ما كان ظاهر عليه ملامحو، اسلوب كلامو، عامل فيها تقي يا نسمة وهو جواه شيطان رجيم بنهش اي طفل اقع في طريقو..
-بالضبط لانو مريض انسااان مريييض بحب الاطفال لدرجة ما طبيعية.. عشان كدا انت لازم تبعد عن الام وطفلها ديل..
*لا انا ما بقدر عرسنا باقي ليه كلها كم يوم..
-ابقي الطفل لازم ما يكون معاها ما اعيش معاكم لو بتقدر تلقي طريقة تبعدو..
*مستحيل هتون تتخلا عنو دا روحها..
-شهاب انت هتون بتعرف بالفيك دا؟
رفع راسو عاين ليها بخوف وعدم ثقة
*لالا لا لو عرفت مستحيل توافق تعرسني..
انا تعبان لازم امشي ..
-شهاب
اتلفت عليها
-خليك اليوم هنا لو حابي لمصلحتك...
استسلم ليها لانو مجبور واعصابو، محتاجة لحد يداويها ويراعيها.. حد ح يعتني بيها كويس جدا اكتر من اي زول..
ال هي #نسمة كما الاسم هي في الشكل
آنسة رقيقة راقية متعلمة جدا طبيبة نفسية شكلها لأول وهلة مريح للنفس..

~||~~

تلفون هتون ضرب كذا مرة في الاخر شالتو عملتو صامت وجدعتو من جمبها.. وواصلت في البتعمل فيه
كانت خاته حاجات الريحة كلها

قدامها بدت تفرز فيهم مسك، صندل، محلب، صندلية ، سواردي باريس، الصاروخ، رفدور ، بت السودان ...
ومشغلة اغاني هجيج شغالة تغني معاهم وقاعدة في بمبرها لابسة قميص بنفسجي علي الجسم ب سير مفتح بالجمبات لحدي الركبة..
- (نعمة متابعاها وساكتة ساااي مستغربة فيها )
اجيي التلفون دا ردي علي ريحي البتصل دا..
ما ردت عليها نهائي
*عليك الله يا خالتي انا ختيت الموية بتكون سخنت جيبيها لي لاني كابة الضفرة في عبي.. وكان ختيتي القهوة في النار معاك تكوني ما قصرتي..
-سمح يا هتون اشوف سبب التغيير المفاجئ دا..
غسلت الضفرة كويس بعد نضفتها..
خالتو نعمة ختت ليها الموية السخنة قدامها..
كبت الضفرة فيها ومواصلة في شغلتها..

~~√√~~
ماسك سبحتو وشغال اسبح واستغفر..
بستحضر في كلام هتون
( انت سكته ليي ولا عشان انا هتون الكعبة دي فتحت المسكوت عنو الداسيه جواك من سنين يا حاج محمد احمد ابودومة... )
#ميمونة
استغفر الله العظيم يارب ياريت يا فوزية كان ما اتعرفتي بيها ما كنت ل هسي شايل الهم التقيل دا..
اييييه يا استاذ محمد اخرتها بتك مفتكراك كعب كل القيم والهيبة وكلمة دكتور في نظرها سقطو منك..
فوزية : محمد يا محمد
محمد: اي مالك
فوزية: سرحان في شنو كدا لي ساعة بنادي فيك ما بترد
اها انت لازم تلاقي هتون يا محمد وتوضح ليها البت فاهمة الموضوع غلط ح تسكت كدا يعني غير الهم والغم ال زايد في وشك ما شايفة شي.. انت يا راجل عنيد كدا مالك اتنازل مرة واحدة في حياتك.. لو قالو الامور بياخدوها بالصعوبة دي معناها عمرنا ما ح نصلح شي.. دكتوراتك الاخدتها دي مشت وين؟ ولا صحي القلم ما بزيل بلم..
انت مربي ومعلم اجيال يا محمد نسيت نسيت؟ انا لحدي اللان ساكتة وسكته ليك بما فيه الكفاية وخليت بيتي ومستقبلنا يتدمر ورضيت.. كلام هتون صاح يا محمد نحن ح نخلي ناس يحددو لينا حياتنا ؟
اسمعني نحن قعاد تاني هنا ما بنفع.. فوزية دي استاذة برضو وبتفهم.. فكر في كلامي دا كويس..
لو داير تريح ضميرك تقعد بناتك قدامك وتحكي ليهم ما تخلي الشك فيك ينهش مخهم وانت قدوة ليهم..
محمد: وميمونة والهم الخلتو لي لحدي الليلة.. انا فتشته وفترته يا فوزية ما وصلت لشي،، ياما قلت ليك بلاش المرا دي ما من طينتك بس انتي اصريتي تدخلي فيها وتخليها تدخل فيك واها اخرتا جنينا شنو غير اتهام باطل وامانة ما معروفة وين..
فوزية:مافات شي انت بس استهدي بالله وقوم استخير وخلاص انسي يا محمد الناس زاتهم نسو،، انت لي هسي بتك دي من لحمك ودمك..
محمد:عشان هي بتي ما قادر انسي العملتو فيني.. انتي ما شفتي كلام الناس من اكبر استاذ في الجامعة ل اصغر طالب طلعوني كلام فاضي خلت الاسوي والما يسوي يقلل من احترام الشيبة الفي راسي.. الدكتور الجامعي معلم الاجيال خلي يربي بتو اول حتي يجي يتفاصح فينا انا وانا وانا.... شفتي اخرتها يا فوزية..
فوزية:خلاص شي وحصل وانتهي وكلام الناس لا بودي ولا بجيب كلهم مليانيين اغلاط وزنوب ماف زول معصوم من الغلط.. الفرق ان في زول ربنا بسترو وفي زول ربنا بفضحو عشان اربيه لحكمة بعلما الله...
واظن هتون اتربت كويس بعد الحصل ليها دا انت ما شفت كلاما بقي كيف.. ياتو يوم زمان هتون بتتكلم بالطريقة والثقة والفهم دا.. كان كل همها لبس ومكياج واغاني وفارغة وطلعات مع صاحباتها...
اسمع كلامي مرة واحدة وخلينا نقفل الدفاتر القديمة دي...
محمد:اييي خير خير

√√~~~√√

مع #حبي 😉..

فاطمة قسم الله_ سحر سمير

هاشتاغ:-
#بيدوفيليا

بة مددت ليه رجولو وصلحتو برقدة مريحة ليه..
قعدت في الكرسي قريبة ليه جاه صوتا هادي مطمن
-غمض عيونك فضفض قدر ما تقدر انا سامعاك..
*وقتها كنت قايل اني اتبولت علي نفسي بس للحظة دا ملمسو ما كدا لما ادخل الحمام شي لزج...
سكت شوية كان غامت يدو بقوة بعاني من احساس التزكر..
(جاه صوتا الهادي تاني خليك مسترخي.. )
هدا ل ثانية وواصل...
*جريت علي الحمام اتغسل كنت ببكي وبرجف في نفس اللحظة الخوف ماليني.. اعمل شنو ما عارف كل ليلة بجيني وبخليني في حالة لا يعلم بيها الا الله..
حاولت اهرب كتيير بس امشي وين؟
ليي الام مرات بتدي ولدها ل غيرا اربيه عادي تستغني عنو بالبساطة دي؟ اسموها شنو حنان ولا قسوة؟
ما لاقي اجابة من نعمة لليوم #امي الولدتني..
خالتي #ميمونة لما تطلع ل جارتا بتخليني قبلي بتقول ماشة قريب وبترجع هو بلقي فرصتو ووقتو بمسكني غصبا عني بحاول اجري اكورك بعمل قدرتي..
كنت بتنفض وبرجف ضخامة جسمو وكلامو المستحيل انساه انت ود حرام ماف زول بسأل عنك..
جسمي الضعيف ما بساعدني كان بكتم صوتي بيد ويدو التانية ب..
سكت خلي دموعو براها تعبر عن الانكسار الجواه برغم من انو بقي راجل....

√√|||√√

*عارفة يا نهي طول عمرك انانية وبتحبي نفسك ما جديدة عليك من زمااااان بترجحي مصلحتك...
ما علينا الكلام لا بودي لا بجيب...
نهي ما ردت عليها وحصل بينهم سكوت ماف زول اتكلم الا بصوت موهوب العالي...
...
...

مع #حبي 😉..

فاطمة قسم الله_ سحر سمير

هاشتاق:-
#بيدوفيليا