جات وكلها خجل: ايوه ياابوي
العم مصدق: الف الف مبروك ... الولد ماشاءالله زول فاهم اي نعم كبير عليك في العمر بس العمر مامقياس ... اهم شي الاخلاق .. وكمان حيعيشك بره ياسلام طول عمري بحلم بيك بعريس زي ده ....
ميار عامله كده:😮
بس يابتي عندو حبه كريشه كده
ميار لسه عامله كده 😮
... لو خليتي نقصها احسن ليهو ... قللي لي الدهون 😊 وابقي عشره علي بيتك وراجلك
ميار:😮 ابوي مستحيل اللي بتقولو ده ....
العم مصدق؛ كيف مستحيل ... ده مش الجاي يتقدم ليك الليله
ميار: ايوه انا قلت في زول جاي يتقدم لي الليله زميلي في الجامعه ماسيد اللبن 😓 زح دقيقه ياابوي امشي اشوف المصيبه دي
جاااااااااااريه عشان ترتعت وتقع بين يدو
مازن:ههههههه مادام مابتعرفي تمشي بيهو بتلبسي ليه
ميار: 😒 600 مره قلت ليك مابعرف البس الزفت ده ..... بعدين تعال هنا بتغشني انت وابوي 😒 وقعتو قلبي ...
مازن: ههههههههه انا غشيتك عشان اشوف الجريه الشتره دي 😜
ميار: عارف انك سغيل 😒
عزو: مبروك عليك ياحنفي
ميار: الله يبارك فيك ابو العز 👋👊✋👍👈
مصطفي مد راسو: حنفي ماتسلم كده ماجاي مع الفستان المورد ده
ميار: تصدق مضايقني نفسي اخش في ترينق الكوره الجوه ده
محمد: ههههههههه ترينق وكداره استايل الفساتين والكعوب ده مابخارج معاهو 😝
ميار: تحب اطلعو واجربو في راسك الكبير ده 😒
محمد: بعتذر 😓
مازن: ههههههههههههه داير اسالك
ميار اممممم
مازن: مالك سمحه كده الليله
ميار: ذكرني اجاوبك بعد العشاء
محمد وعزو ومازن ومصطفي: لا يااااميار مااتغيرتي
ميار: جعانه الله 😒
_____________________________

ﺍﻟﺒﺮﻳﺪﻙ ﻣﺎ ﺑﻘﻮﻝ ﻟﻴﻚ
ﺣﻘﻮ ﺇﻧﺖ ﺗﺤﺲ ﺑﺮﺍﻙ
ﻭﺍﻟﺒﺨﺎﻭﻳﻚ ﻋﺸﺎﻥ ﻣﺼﺎﻟﺢ
ﻣﺎ ﺣﻴﺘﻘﺪﻡ ﻣﻌﺎﻙ
ﻭﺍﻟﺒﻌﺰﻙ ﺟﺪ ﺣﻘﻴﻘﺔ
ﺣﺘﻰ ﺭﻭﺣ ﻮ ﺗﻬﻮﻥ ﻓﺪﺍﻙ
ﻭﺍﻟﻮﺷﻴﺶ ﺑﺪﻳﻚ ﺇﺷﺎﺭﺓ
ﻟﻮ ﺍﻟﻘﻠﺐ ﻓﻲ ﻳﻮﻡ ﺃﺑﺎﻙ
ﻭﺍﻟﻤﺴﺎﻓﺎﺕ ﻣﺎ ﺑﺘﺒﻌﺪ
ﺯﻭﻝ ﻣﺨﻴﻢ ﻓﻲ ﺟﻮﺍﻙ
ﺩﻳﻤﺔ ﺡ ﻳﻜﻮﻥ ﻓﻲ ﺣﻴﺎﺗﻚ
ﻓﻲ ﺧﻴﺎﻟﻚ ﻓﻲ ﺇﺑﺘﺴﺎﻣﺘﻚ
ﻭﻓﻲ ﺳﻜﻮﺗﻚ ﻓﻲ ﻛﻼﻣﻚ
ﻭﻓﻲ ﺟﻨﻮﻧﻚ ﻓﻲ ﺻﻔﺎﻙ
ﺍﻟﻤﻘﺎﻣﺎﺕ ﻣﺎﻫﺎ ﻭﺍﺣﺪﺓ
ﻭﺃﻱ ﺯﻭﻝ ﺑﻌﺮﻑ ﻣﻘﺎﺳﻮ
ﻓﻲ ﺍﻟﺒﻬﻤﺶ ﻟﻴﻚ ﺩﻳﻤﺔ
ﻭﻓﻲ ﺍﻟﺒﺤﺴﺒﻚ ﺿﻤﻦ ﻧﺎﺳﻮ
ﻓﻲ ﺍﻟﺤﻴﺎﺗﻮ ﺃﺳﺎﺳﺎ ( ﺇﻧﺖ )
ﻭﻓﻲ ﺍﻟﻤﺠﺎﻓﻴﻚ ﻣﻦ ﺃﺳﺎﺳﻮ
ﻓﻲ ﺍﻟﺒﻌﺪﻙ ﻟﻴﻬﻮ ﺟﺰﻣﺔ
ﻭﻓﻲ ﺍﻟﺒﺨﺘﻚ ﺗﺎﺝ ﻟﺮﺍﺳﻮ
ﻓﻲ ﺍﻟﺒﻴﻨﺰﻑ ﺩﻣﻮ ﻋﺸﺎﻧﻚ
ﻭﻓﻲ ﺍﻟﺒﻜﺴﺮ ﻓﻴﻚ ( ﻓﺎﺳﻮ)
ﻓﻲ ﺍﻟﺒﻌﺪﻙ ﻟﻴﻬﻮ ﻣﻜﺴﺐ
ﻭﻓﻲ ﺍﻟﺒﺸﻮﻓﻚ ﺯﻱ ﻣﺪﺍﺳﻮ
ﻭﺍﻟﺒﺸﺮ ﺃﺻﻼ ﻣﻌﺎﺩﻥ
ﻓﻲ ﺍﻟﺒﻴﻠﻤﻊ ﻭﻓﻲ ﺍﻟﻤﺼﺪﻱ
ﻭﺍﻟﺤﻴﺎﺓ ﺃﺻﻼ ﻣﻮﺍﻗﻒ
ﻓﻲ ﺍﻟﺒﻀﻌﻒ ﻭﻓﻲ ﺍﻟﺒﻘﻮﻱ
ﻭﺍﻟﻈﺮﻭﻑ ﻟﻮ ﻣﺮﺓ ﺟﺎﺭﺕ
ﺟﻮﺭﻫﺎ ﺃﻛﻴﺪ ﻣﺎ ﺑﺒﻘﻰ ﺃﺑﺪﻱ
ﻭﺍﻟﻤﺰﺍﺝ ﻣﺎ ﺣﺎﻟﺔ ﻭﺍﺣﺪﺓ
ﻣﺮﺓ ﺭﺍﻳﻖ ﻭﻣﺮﺓ ﻧﻜﺪﻱ
ﻋﻴﺶ ﺣﻴﺎﺗﻚ ﺑﻲ ﺑﺴﺎﻃﺔ
ﻭﻟﻠﺒﺰﻋﻞ ﺩﻳﻤﺔ ﻋﺪﻱ
ﻭﺃﺯﺭﻉ ﺍﻟﺨﻴﺮ ﻓﻲ ﺣﻴﺎﺗﻚ
ﻭﻗﺪﺭ ﻣﺎ ﺗﻠﻘﻰ ﺇﻧﺖ ﺃﺩﻱ

___________________________

#النهاية ❤

سقت ريم ومشينا ع امي!! كانت حزينة!! بس م قالت شيء!! الصراحة م كنت متوقعة ردة فعلها دي!! سلمت علي ريم عادي!! وشوية كدا وجاها حساام متركز ع عصايتو!! سلم عليها ف راسها!! وقعد وخالد وراهو!! وبرضو م بدر منها شيء يدل ع غضبها!!واعتذر من امي!! وقال ليها بتك دي بتخصني انا وم بخلي زول يمسك يدها غيري!! واعفي عننا وادينا رضاك وكلام كتييير وحتى خالد م قصر اتكلم مع امي بإسلوب جميل خلاص!! وابوي برضو م قصر!! وقال ليها سعادة اولادنا اهم شيء!! ونحنا دايمين ليهم!! لازم نرحل من الدنيا ونحنا مطمنين عليهم!! المهم م اقتنعت بس شكلها بدت تقتنع!! واظنو لم انا قلت ليها موافقة!! ارتاحت مني شديد وعرفت اني م عايزة مصعب بس علشان راحتها هي ورضاها انا وافقت!! وفعلا دا كان هدفي!! ف اتراجعت!! وقالت سعادتكم اهم!! بس بعدين م تزعلها وتجيببها لي ندمانة ع الفرصة الحتديك ليها دي!! قام ملهوف وعصايتو نساها! وقعد جنبها ف السرير وعيونو بيلمعو! من الفرحة!! واتعهد لامي انو يحافظ علي وم يغلط علي ف يوم!! ومبدئيا كدا وافقت!! بس قالت ليه العرس م بتم الا بعد خمسة سنة!! كلنا استغربنا!! قالت لينا مالكم!! مش انتي قلتي م بتعرسي الا بعد خمس سنة!! وبقينا نضحك!!؟ الحمدلله الذي بنعمتة تتم الصالحات الحمدلله حمداً كثيراً طيباً مباركاً فيه...اهلي وافقو ع رجعتنا لبعض وحسام كان مستعجل سرييع للعرس!! واتحدد بعد شهرين يعني ف العيد!! بعد احمد اخوي م يجي!! بس اصر انو نلبس دبل عقد م خطوبة!! وبعد تحانيس امي وافقت!! وف الايام ديك عقدو لينا!! خلاص بقيت مرتو!! انتو قادرين تتخيلو!! حسام وهيام ربنا جمعهم بالحلال!! وكتب ليهم يعيشو مع بعض!! وانا الكنت فاكرة الدنيا جايرة علي!! وبديني بالشلوت!!؟ شوفو ربنا كاتب لي شنو؟ والفرحة الكانت منتظراني!! بالجد قلبي م بيسعها كلها!! منو عايز حبة سعاده اتشاركها معاه!!؟ اما ماسورتي م مصدق!! وكل شوية بيتصل علي بذكرني اني بقيت مرتو!! فيارب تتم لي فرحتي!! ويسعدكم زي م اسعدني بسيد ريدي!! رمضان جا وانا اتحبست للعرس!! ومعزومين مقدماً عرسي خامسة العيد بعد ابوحميد اخوي يجي!! ومع الترتيبات والتجهيزات م حسينا بالزمن!! وفضل لينا القلييييل ونكون تحت سقف واحد!! انتو قادرين تتخيلو السعادة الانا فيها!! واكتملت لم حسام قطع علاقتو مع اباذر الخبيث داك!! وعامل ليه لسسسته وعرضها علي!! وقال لي دي بتحتوي ع كل اعمالي وهواياتي واصداقائي!! اطلعي عليها ونصلي اي حاجة م عجبتك وانا اوعدك انفذها ليك!! المجنون م قادر يقنع انو غيرو م عايزة شنو!! قربو بغنيني عن اي شيء!! والعجب الابتسامة!! كفيله بأنها تأثرني الف عام ف قلبو!! لفترة مؤقتة وقفت شغل الجريدة!! واخدت اجازة مفتوووحة للعرس!! بس متواصلة معاهم!! وع حد علمي انو عبدالله ترك الشغل فيها واختفي!! بسمع انو طلع برا السودان!! وف ناس بقولو مشى ع الاقاليم واستغر هناك!! والصرحة راح واستراح!! طالما انو اتخارج من طريقي م بهمني مكانو كتير ولا الحاصل عليه شنو؟!! خلونا ف المهم!! عرسي ي جماعة بقيت عروس باركو لي!! وان شاءالله عقبالكم!!؟ وزي م ربنا يجمعني مع تؤام روحي رغم الصعوبات الواجهتنا بس صدقوني وكأنو م زعلنا ف يوم!! بل العكس!! حبنا زاد اكتر!! وبتمنى م تصيبنا عين...وربنا يبعد عننا شياطين الانس ويحفظنا ويسعدنا وانتو كمان!! وكل السعادة لقلوبكم وم تشوفو شر يارب!! ويجمعكم مع الناس البتحبوهم ويكلل المحبة بالبيت الحلاااال!! وم تنسوو معزومين العرس خامسة العيد🥀😊
#النهاية
💞انا لم اقع ف حبك!! بل وقعت بداخلك💞 فلا تخجل من اظهار حبك لها امام الجمييع!!؟ فقد يغادر الجميع وتبقي هي💞
💖محبتي لكم آلاء آدم إبراهيم💖

ن_أ_م_آيس

تسنيم عبدون

_12_ والأخيره



أمي حسام صحبي دا أمه اتوفت قال

متين لا حولا ولاقوة الابالله انا لله وانا اليه راجعون

تمشي معاي

ااي ارح


ماتت متين يا زينب

والله يا خالتي كانت مابيه الاكل ومنتظرة حسام ماتت على حسرتها
لا حولا ولاقوة الابالله ربنا يرحمها ويغفر ليها وحسام اخوك كيف

والله ياهو متجرس بس نعمل شنو غير نصبر
خالتي اعمل ليك كم ملعقه سكر
م تعملي لي يا بتي انا عشان السكري

سكري؟ انتي جاك سكري متين

برضو على حسرتك يا ولدي بس الحمد لله جات على السكري

بعد اخدوا قعدتهم طلعوا على بيتهم على بال م يصلو طاهر وامهم البيت●○•°

حسام جاهو تلفون انه ابوهو اتوفى ومفروض يجي يستلم التركه ابوهم كتب ليهم بيت باسم حسام ومفترض يستلمه
●○•°°•○●●○•° بعد مرور زمن

زينب دخلت الجامعه وحسام لقى شغل في مصنع ورحلو بيت ابوهم

فيروز بقت مجنونه وبتدخل جلسات ومافارزه ابوها من اخوها من امها بس تضحك براها وتنكش شعرها وتجرو ومره تبكي وطوالي تهلوس وطبعا خلت الجامعه

طاهر عمل مبادرة شبابيه اسمها(ن_أ_م_آيس)
الآن ماسك المايك في مؤتمر شبابي قايمه بيهو المبادره

انا واحد من ضحايا المخدرات وقدرت احصل نفسي ومعاي صحبي دا المؤتمر دا غير انه توعيه للشباب برضو عشان اقول ليكم انه صح انا ضحيه مخدرات لكن برضو باب التوبه مفتوح ومافي مبرر م يخليني اعيش حياتي من جديد انا واصلت جامعتي واتخرجت بامتياز هندسة إتصالات وصحبي القدامكم دا لظروف جامعة اخته خلى الجامعه لكن الان هو رجل بزنس كبير مشهور وقرا اخته اليتيمه والان قربت تتخرج
الناس بقو يصفقوا ليهم ويصفروا

كلكم نفسكم تعرفوا لي سمينا المبادره بتاعتنا دي (ن_أ_م_آيس) عارفين يعني شنو انا حأدي المايك لحسام يوريكم يعني شنو الاسم دا
حسام مسك المايك والناس صفقت ليهو
احمم السلام عليكم شباب انا حسام واحد من ضحايا المخدرات واتعالجت الحمد لله وقدرت اواصل الحياة دي من بعد امي بفضل اختي العزيزه شديد الدكتوره زينب واتلفت عاين ليها كانت قاعده في الكراسي القدام وهي بتصفق بقوه وتعاين ليهو بفخر وعيونها ملانه دموع

طيب شباب ن_أ_م_آيس

ن: نحن أ: اقوى م: من (نحن أقوى من الآيس)

ليه اخترنا الآيس بذات لانه دا اكتر انواع مخدرات منتشر ونحنا كشباب اوعى واقوى من الآيس واي مخدر حنقدر نقفل الباب ونرجع لحياتنا الطبيعيه ونحن قدرها ونحن اقوى من الآيس شباب

صفقوا ليهو وصفروا وزينب اختو وقفت على حيلها وبقت تصفق بحراره

●○•°°•○●●○•°

دي كانت روايتنا لفينا وشفنا احداث من مثلت واقعنا بالحرف ورتنا قدر شنو الدنيا دي تافهه ورتنا اننا بنضر نفسنا بنفسنا وبنضر غيرنا وبناكل في بعضنا زي الوحوش بنبكي بعضنا وورتنا قدر شنو المخدرات بتفكك أُسر وبتشيل طفل من حضن امه وبتشيل شاب كان امل أهله الوحيد نحن محتاجين شبابنا لأنهم أملنا #محن أقوى من الآيس

#النهاية

_بعد اليوم الأتكلمنا فيهو أنا وبلال داك تاني نهائي ما أتكلمتا معاهو ولا قابلتو طول السنتين المضو ديل .. رغم تواصلي مع خالتو ست الجيل وتغريد .. بس هما ما كانو بجيبو لي سيرتو ولا أنا بسألو منهم ولا عارفة عنو شي .. طبعا ما شاء الله تغريد دخلت الجامعة وحاليا في تانية ومتواصلة معاي زي أمها .. وعلاقتي بيهم ما أتأثرت بي حاجة .. ولا أتغير فيها شي لسه حلويين مع بعض....

_مروان حاول كم مرة يعتذر لي ويصلني بس أنا ما قلبتا ووقفتو عند حدو وقلت ليهو لا دايرة منك أعتذر ولا عايزة معاك تواصل كفاية الكان بينا .. وعلى كدا أنتهى كلامنا مع بعض .. وهو برضو نفسي الشي تاني ما شفتو ولا أتكلمتا معاهو....

_ أما بالنسبة لي علاقة عمي مأمون بي أبو بلال .. فهي رجعت زي زمان دا بعد ما أنا أتكلمت معاهو ووضحت ليهو أسباب بلال الخلتو يعمل فيني كدا ويتعامل معاي بالطريقة ديك .. وقلت ليهو أنو العلاقة البينكم ما ليها دخل بي الحصل معاي أنا وبلال .. وزي ما علاقتي أنا وخالتو ست الجيل وتغريد ما أتأثرت بالحصل .. ف مفروض أنت وعم أبراهيم تحافظو على علاقتكم بي بعض وتختو الحصل بيني أنا وبلال اللي هو بقى ماضي أصلا ، على جنب وترجعو زي زمان .. وبالفعل علاقتهم رجعت أقوى من الأول وزي ما بقولو الموية رجعت لي مجاريها....

_ بلقيس أختي ولدت وجابت بت سمتها شفق وساكنة في بيت براها قريب لي نسابتها ومبسوطة في حياتها ومرتاحة .. وبتجينا كل يومين تقيل معانا وبالمساء بترجع بيتها مع منتصر .. وأنا ياااهو مالية وقتي بي شغل المستشفى .. وقررت إني ما أخش في علاقة حب تاني ولا أفكر أعرس وقلت عايزة أكرس حياتي لي نفسي ولي أهلي بس .. رغم أنهم معترضين على الحاجة دي ودايما لمن يتقدم لي زول وأرفضو بنقوو شدديد وبقولو لي وافقي لكن أنا بصر على قراري وبرفض وبقول ليهم الضقتو ما هين وقرار زي دا ما ح أفكر فيها تاني حياتي كدا أحسن .. وهما داقين جرس في الموضوع دا وبحاولو معاي بكل الطرق عشان أوافق أعرس .. وأنا متمسكة بي قراري شدييد وما حابة أغيرو .. ما بقول إني نهائي ما ح أعرس تاني في حياتي ولا ح أرجع لي بلال في يوم .. لانو أيي صاح أنا ما عايزة الحاجتين ديل يحصلو .. بس بتذكر أنو " أنا أريد وأنت تريد والله يفعل ما يريد " .. وماشة على المبدأ دا .. وموكلة أموري كلها لي ربنا .. والحمد لله أتقربت من ربنا ولبستا الحجاب وغيرتا من طريقة لبسي .. وبقيت بلبس محترم ومحتشم .. والسبب في الحاجة دي هو بلال .. لاني من خلال العشتو معاهو بسبب حكمو على مظهري أكتشفتا أنو الناس بتقيم الزول وبتقيم أخلاقو من مظهرو .. وبفهموك على حسب مظهرك .. ومافي أنسان بشوف أنو الجواك كويس طالما أنتو بتلبس لبس ما كويس .. وغير كدا نظرات الناس ليك وكلامهم عنك بضايقك حتى ولو ما كنت شغال بيهم .. ف عشان أشتري راحة نفسي ورضى ربنا قررت ألبس لبس محترم ومحتشم .. وما كنت بفوت لي صلاة .. والحمد لله حياتي كويسة ومرتاحة فيها .. وبقيت لمن أجي أخد أي قرار بفكر فيهو كتتتير قبل ما أخدو لاني أتعلمتا الحاجة دي من المريت بيهو .. وأتعلمتا إني ما أتسرع في قرارات مصيرية زي قرار العرس وقرارا أنو الواحد يدخل حياة جديدة هو ما فاهم ليها حاجة بس عشان في زول أستفزاهو ... وأتعلمتا أنو التفاهم هو أعلى مرحلة في مراحل نجاح العلاقات .. ويا بختك لو لقيت زول فاهمك .. لانو تلقائيا ح تلقاهو بحبك .. بحبك عشان أنت فاهمو وهو فاهم عليك .. وأنت فاهمو عشان بتحبو وعارف هو بيعمل أي تصرف ليه .. ولمن يكون في تفاهم حيكون في حب وحيكون في تنازل .. والعلاقة ح تنجح وتمشي لي قدام .. غير كدا ماف علاقة بتنجح وتستمر مدى الحياة .. وبالرغم من كل الحصل بينا أنا وبلال دي كانت نهايتنا....

___

_من ناحية بلال ف هو برضو بعد الحصل ليهو ما خشى في علاقة جديدة .. وطول السنتين الفاتت كان منتظر ربنا يجبر بي خاطرو .. ومشى لي دكتور نفسي على حسب نصيحة ميامن ليهو والخطوة دي عملها بعد تفكير وتردد كتتتير .. والحمد لله حالتو أتحسنت .. وبقى بتعامل مع أخواتو بطريقة أحسن شوية من الاولى .. وياهو عايش حياتو وما ناوي يدخل في علاقة جديدة حاليا .. وبيحاول يتجاوز كل الحصل معاهو .. وطور من شغلو اللي في الورشة وفي الوقت الراهن بجهز في معرض العربات حقو وبعملو فيهو هنا في الخرطوم وبجي كل فترة والتانية بتفقدو ومنتظرو متين يخلص عشان ينقل نفسو ويجي هنا ويشتغل .. وعايش حياتو وهو راضي عنها......

___

_ثم تستوعب إنك أستهلكت نفسك أكثر من اللازم في مسارات تمشي إليها...
لكنها لا تمشي اليك....
#النهاية...
انتظر تعليقاتكم علي قروب رواياتي cafe

#أشوفكم_قريب_أن_شاء_الله❤️!.
#ميامن_أحمد..

الا لما تفقدا!!!
ممكن في لحظة بس حياتك دي كلها تتغير ،، جاتني رعشة قوية لما فكرت انو اللحظة التانية دي ممكن يكون الموت ،،، دقات قلبي بقت تدق وفتحت عيوني سريع ،،
وصلنا السودان واول شي عملتو ركبت شريحتي سريع واتصلت بي وسام ،، بس فتح الخط كدا ولا مهلتو زاتو دخلت شمال طوالي فيه 😂😂 وسام اي

لف يو توو متش ،،
ما جاني ليك اي صوت زي الصبت فيه مطرة ،،
الوو وسام انت سامعني ؟
عشتار انتي بتتكلمي واعية؟
اتطانشت كلامو وين انت ،، انا في المطار تعال لي بسرعة ،،
انا ا انا جاي عليك هسي ما تتحركي من مكانك انتي فاهماني وكان بتكلم بسرعة وبقطع في الكلام ،،
اتفقعت بالضحك وقلت ليه بشويش انا قاعدة ما طايرة منك،،
انتظرتو ،، كتير بس ما كتير شديد ،، لما شفتو جيت جارية عليه وحضنتو لكن هو بعدني منو ونهرني وقال لي ما اعمل كدا تاني لانو في الاسلام حرام واني ما حلالو ،،
ام سوري وسام انا ما كنت عارفة دا..
خلاص معليش هسي عرفتي ما تكرريها تاني
اوك
قال لي تعالي وقفني وقال لي غمضي عيونك..
اترعبت اول قلت ليه لشنو لالا ما عايزة اغمض ،،
قعد يضحك قال لي ما بتعمي تاني انا كنت متابع مع ابوك..
بقيت بعاين ليه بابا ما جاب لي سيرة ،، عشان كدا طلب مني اسافر ليك ،، انا بحبك كتير بابا،،
يلا بطلي اسئلة غمضي عيونك بي يديك خلاص،،
اها غمضتهم..
بقي سايقني وفجأة وقفني وقال لي فتحي
فتحته وختيت يدي في خشمي اووو ماي قاد دا شنو وسام؟
رفع لي اكتافو وقال لي شوفي
فتحت الصندوق ،، غمضت عيوني وبقيت اتحسس فيهم واتزكر اول حاجة اداني ليها عايزة اعرفها ياتا ،، لمستها ،، شلتها وفتحتها ما اتوقعته المفاجأة كانت دبلة ومن جوه فيها ورقة ..
تعرسيني؟
والله في اللحظة دي بكيت من الفرحة ما من شي تاني ،، مع كل هدية كنت بفتحها كانت في ورقة وعليها لحظاتنا الحلوة في الجامعة ،، تراهو طلع مراقبني وبحبني مووووت وداسي مني 😂😂..
عاينت ليه وما عرفت اقول اي شي لانو كل الكلام راح مني ،،
ها ما اديتيني رايك،،
بدون اقول ليك انا موافقة موافقة يا وسام موافقة ،،
بقي بنطط زي الشافع الصغير الناس دي بقت تعاين لينا والبصور بصور والوقف اتفرج ،، غايتو بقولو مجانين او ساطلين في المطار ،،
دخل يدو جوه بنطلونو ومدا لي كرت ،، شلتو وعايزة افتحو ..
قال لي انتي عارفة ،،
رفعت راسي بسرعة و قلت ليه شنو..
رفع لي حواجبو جهة الكرت
.
.
انتي قفة فرحي 😉.

#النهاية

من الكاتب:
في احداث جاية تاني ،، لانو عشتار لسه ما اتزوجت وسام وبقت مواجهاهم مشكلة عويصة ،، الزواج بين مسلم ومسيحية ،، واهل وسام الاعترضو عي الزواجة دي ،، واهل ابوها العرفو انها مسيحية وضاغطين عليها وعلي ابوها انها لازم تسلم،، وكمان طلع طرف تاني ،، بت اهلو ل حاتم ...
وعدتني تديني احداث جديدة ،، وهي وقفت لي لحدي هنا وفي انتظراها ....
...
كل الحب
فاطمة قسم الله✏

بعدها نمنا سوا ..
صحينا و قلنا نفاجئهم ..
مشينا ليهم و قلنا السلام عليكم ..
كلهم اتفاجئو و بقو يقولو متين جيت و لي م قلت و لي و لي و لي 😂 ...
عوضت فداء عن البعد دا كله ..
في يوم جات قالت : ي فؤاد لو بقيت اب حتعمل شنو ؟
استغربت و قلت ليها باستهزاء : حرقص !
قالت : ارقص يلا !
قلت : بطلي عبط ي زوله 😂
قالت : م قلت حترقص يلا ارقص !
عاينت ليها و انا بقول معقوله ي ربي و قلت : أنتِ .. معقوله ي بت .. لالا دقيقه انتِ جاااااده ؟؟؟؟!!!!!!
ضحكت بصوت عالى و قالت : اي ي بابا انا حامل و حتبقى اب ‌❤️⁩
م صدقت طوالي حضنتها ..
كان يوم حلو بتزكر .. حتى ورينا العيلة و فرحة ليما شديد ..
كمان شفاء وضعت مبكر .. بس ما شاء الله جابت ولد عسل سموهو عبد الكريم على اسم ابوها هي و فداء ..
و حاليا انا و فداء منتظرين بتنا العسل تجي هي كمان ..

* فداء *

حصلت حاجات كتيرة معاي و بحمد ربي على النعمه اللي انا فيها حاليا ..


#النهاية ‌❤️⁩🥰

صح ! .. #الروايه قصيره و مختصره ي جماعه .. بس انا كان عندي هدف معين و إن شاء الله اكون قدرت أوصله .. بالاخص للأهل ..
#مهما كان اولاد اخوك .. اختك .. اولادك انت .. م ضروري اسلوب العنف .. ياخ م صح والله غلط ..
#وبعدين اخوك او اختك سلموكم الامانه دي .. يلي هي اولادهم .. لي الأسلوب دا ؟ .. م هم من دمكم كمان ف النهايه ! ..
#وكمان نقطه اخيره .. بتك مهما كان م تزوجها بالغصب .. ياخ لو على القروش تتحرق ف ستين داهيه ! .. البت دي ربنا بسألك منها ! .. اتقي ريك فيها ! ..

الروايه دي احتمال ف ناس عاشو زيها .. اولاد و بنات انظلمو من اقرب الأقربين ليهم ..
#بس خلو ثقتكم ف ربنا كبيره بالله .. و أحسنوا الظن في الله .. عشان م تندموا ..


نتلاقى في روايه جديده ..

#في_امان_الله 🥰‌❤️⁩

معتز: اشرف دا كان في فترة كدا اموور جايطة وقال لينا حبقى ليكم مروج؛ شال جزء من البضاعة وكان مفروض بالبكسبو منها يسدد حقها. بس هو ما عمل كدا بعد اتراكمت عليه الديون جا قال أنا تبت دي آخر مرة وحديكم قروشكم بس نحن ما صدقناه وخفنا انه يبلغ عننا وانا كنت حكون اكتر واحد متضرر لأنو ما كان نفسي ادخل السجن إلا وانا قاتل منصور
جنابو ريم: واكيد قتلت رامي عشان كان بهددك
معتز: ايوا
جنابو ريم: وقصة سفر ماليزيا؟
معتز: عشان ما تشكو فيني اكتر. بس ما كان أمي ميتة دي برضو حجة، و انتو عرفتو اسي انه أمي ميتة من زمان
جنابو ريم: بالنسبة للجثة الاتلقت في الحاوية وكانت عضامها متحللة بسبب مادة كيميائية!
معتز: ما عارف عنها حاجة دي كانت تبع الزعيم
جنابو ريم عاينت للقاضي وقالت ليه كدا كل شي.
سكتنا لمن سمعنا القاضي بقول استراحة
_
في الوقت دا اتواصلوا مع المركز لي أسرة الأستاذ عشان التحليل وقبضو عزالدين وشالو بضاعته واتخلصو منها
...
ريم
الكل كان واقف عشان يسمعو حكم معتز
القاضي: حكمت المحكمة على المتهم رشيد عبدالعزيز بالإفراج عنه وإبقاءه في مستشفى الامراض النفسية نسبة لوضعه غير الطبيعي؛ وتم اتخاذ هذا القرار بعد النظر الى تقرير المشفى الذي أكد انه يعاني من اضطرابات نفسية.
اكتر أتنين فرحو بالقرار دا كان رشيد وسفيان. لأنهم ما كانو عايزنو يتعدم بعد السنين دي كلها
القاضي: اما بالنسبة للضابط ريم حسن صديق تم إبعادك عن المهمة لمدة شهرين
رُفعت الجلسة👨🏼‍⚖️.
هزيت راسي بكل صدر رحب سلمت على زملائي وعلى جنابو عادل
كان معتز واقف بعاين لي من بعيد استأذن من القاضي وجا همس لي
معتز: طول حياتي كنت عايش عشان اقتل منصور؛ بس من يوم شفتك كنت متمنى لو اهلي ما ماتو ولو اني ما بعرف منصور ولا مقرر اتقلو. بس للأسف الظروف ما ساعدتني بس اعرفي انك أجمل جنابو شافتها عيني وما حنساك مهما حصل.
_
النهاااااية
طولنا شديد يا جماعة؛ حقيقي كتبت الرواية دي بكل حب أتمنى انها تعجبكم
دي اول تجربة لي اني اكتب عن جريمة وغموض وحبيت صراحة واحتمال تتكرر😂❤️.
ورني لو حبيتو الشخصيات والتفاصيل والتحليل وهل الأسلوب وطريقة السرد كانت حلوة.
وياريت تتجاوزو بعض الأخطاء ولو نسيت حاجة.
أتقبل الآرآء بصدر رحب🫶🏼
شكرا للمتابعة
#ايثار_كمال
#النهاية
١٩ أبريل ٢٠٢٤

-وتحياتي لك ام عظيمة بتحاول انها تربي أولادها بي طريقة سليمة، واقدر تعبهم واحترمهم جدا
وتحياتي
وبعتذر لاني ما اهتميت بشخصية يوسف قدر المستطاع، بس حيست في جوانب كتيرة في القصة مفترض اركز عليها.
-مهما حصل في حياتك ربنا يعوضك خير، وخلو املكم في ربنا كبير
ومررو لي الاخطاء ولو نسيت حاجة
ما تبخلو على بي رأيكم عن الرواية واشكركم للمتابعة
وواكتر شخصية حبيتها منو!
#النهاية
#ايثار_كمال

كنت عارف إنها فاقدة إيناس وتفاصيلهم مع بعض بس حاولت أشتت إنتباهها عن الموضوع بقدر الإمكان عشان تستمتع بتفاصيل يومها.

بعد الإحتفال خلص سُقتها عشان نرجع البيت لفت نظري محل ورد طبيعي في الشارع...وقفت العربية ونزلت وسط تساؤلاتها كالعادة يعني...إشتريت ليها ورد جوري أحمر.

_قبل كده جبت ليك وردة واحدة وقلتي إنتِ طالبة ورد... أنا لو علي أجيب ليك البُستان وصاحبه ♥️

_أبووو الزفت زاتووو

_ريم إنتِ مُتأكدة ده تعبيرك وتعليقك النهائي على الورد ؟؟

ضحكت بصوت_أحم..الورد جميل شديد وأنا ما عاوزة صاحب البُستان ولا شيء..أنا عاوزة أبو بدلة القاعد قدامي ده وأحب فيه العُمر كله

_أنا كده ممكن أقول أبو الزفت وأطيير بالعربية دي طيراااان

_أعقل يا ولدنا ما ناقصين حوادث.

_الله يكفينا شرها..حنشيل عشاء من المطعم الجنبنا داك وبعدين نتفاهم.

_في شنو ؟؟

_بنتفااااهم بنتفاهم.

‏"لن أحمل لك أزهارًا، لكن سآخذك من يدك، وأقودك إلى الأزهار. سأمنحك الربيع♥."
-بام براون

꧁꧂ ꧁꧂ ꧁꧂

"في جهه أُخرى"

كُنا قاعدين بنحضر سهرة خفيفة كده على واحده من القنوات السودانية...فجأة عاينت لماما وهي حاضنة صحن الشيبس جنبها وبابا وهو بياكل في تسألي ومرة مرة بمد لماما منه ويتونسوا شوية لما اندمجوا ونِسوا السهرة

وأيسل اللي قاعدة على رجول ماما وماسكة الآيباد بتاعي بتلعب بيهو...إبتسمت وفي سري قلت "الحمد لله اللهم أدمها نعمه"..طولت شديد من مشهد زي ده..أُسرة دافية وحنونة...بيت فيه ريحة حُب وبساطة بدون تعقيد..

علت نغمة تلفوني..شلته وإنسحبت براحة كانت رسالة من العروُس..صورت ليها ناس ماما وكتبت تحت الصورة

“عايني اللمة الرهيبة دي“

ردت لي ب—الله يديمها ودائماً متلميين ومبسوطين...سلمي عليهم شديد لحدي ما أرجع قريب ونتلاقى

_إنچووووي ما أوصيِك.

رجعتَ قعدتَ جنب بابا لما شافني ضماني عليه وباس راسي...أيسل شكلها غارت جات جارية قعدت في رجوله..أخدنا صورة وختيتها استوري :

"العائلة أولاً♥️"

ـــــــــــــــــــــــــــــــــــــــــــــــــــ

"إندونيسيا_جزيرة بالي"

حلّ الشفق الأحمر على صفحةِ السماء الواسعة مع غيومٍ إدعت عدم الإكتراث للمّغيب..

في إحدى شواطيء جزيرة بالي التي تقبُع في إندونيسيا

بقميصهِ البُني اللون وبنطاله الكريمي لامّست قدماهُ رمل البحر في ذاك المساء الذي يضج بالشاعرية..مُمسكاً بيدِ زوجته التي إرتدت ثوب ربيعي مع نظارة شمسية...داعبت الرّياح خصل شعرها الحريري وتولت لمسات زوجها دقات القلبِ تلك.

ينظر إليها
تُبادله الإبتسام بشيء من الإمتنان

{{كان ينظرُ إليها دائمًا علىٰ حاليْن: إما منبهرًا بها؛ فيشعر بأنها شخصٌ غريبٌ، ولها أسلوبٌ مختلف، وتصرفاتٌ مميزةٌ؛ فتتولد لديّه الرغبة في استكشافها أكثر. وإما أن يزولَ انبهارِه، وتعتاد عيناهُ رؤيتها؛ فيشعرُ بأنها شخصٌ مألوفٌ، وتعتريهِ راحةٌ وطمأنينةٌ مؤقتةٌ بجوارها، إلى أن يعود انبهارهُ بها مرةً أخرىٰ.

كانت تلعب علىٰ وتريْن اثنيْنِ في قلبه: الانبهار، والأُنس؛ ما إن تنتهي من الرقص علىٰ وترٍ منهم، حتىٰ تنتقل بخفةٍ علىٰ الوتر الآخر، لتستأنف رقصها مرةً أُخرى، وهو ما جعله لا يشعرُ بمرور الوقتِ معها، حتىٰ نسي الوقت، ونسي كل شيءٍ، وظل فقط يشاهدُ رقصها على أوتار قلبهِ طوال الوقت.}}••••مُقتبس••••

بدأت حُبيبات المطر تتسابق كما هو الحال في فصل الخريف..يأتي المطر بلا إنذارٍ سابق

إلتفت إليه وهي تترجاهُ بمُقلتيها اللوزيتين:-

_ما تحاولي...كل مرة بتمرضي وبتعب أنا بس..يلا خلينا نرجع

_عليك الله خلينا شوية بس..ما تتخيل أنا بحب المطر كيف

قال بغرور_عشان ده الفصل الحبِتيني فيه صاااح

_لا عشان ده الفصل اللي اتولدت فيه..بس ده ما يمنع إني اتولدت من جديد برضو لما حبيتك يا ياسين

أمسك خِصرها _بحبببببك والله

وضعت يديها على رقبته بغنج واقتربت منه_وأنا بحبك يا موظف البنك المُحترم

حركت أنفها على أنفهِ المستقيم وما إن باغتها بقبلة مُفاجِئة على عُنقها حتى نزل المطر بغزارة...هذهِ المرة ! لم يركُضا مثل كل المرات السابقة...بل وقفا حتى إلتصقت ملابسهما بأجسادهما من شِدة البلل.

"على لسان إيناس"

وأنا بعاين لياسين اللي اطمنت ليهو وما هربت يوم العرس قبل خمسطاشر يوم من الآن حأقول ليهو زيما قالت غادة السمان

لا تسأل لماذا أصمت حينما تسألني!
لا أستطيع أن أقول لك في وقت واحد،
في كلمة واحدة :

وحدك عالمي.
عمياء حتى يبزغ وجهك.
خرساء حتى تناديني.🌍♥️.

#النهاية

شكراً شكراً على حُسن المُتابعة والصبر والبال الطويل وتقبل الأعذار والإنتظار والترقُب واللهفة والحماس.

بشكركم من قلبي ويديكم الف عافية♥

تاني يوم الصباح كنتَ مطمنة إنو هو ما بيعرفني أصلًا .. طلعتا بدري وإنتظرتا عمو صلاح في المظلة .. لأول مرة أنتبه حوالي وأفضل أستناه ... جا كالعادة سلم وقعد في مكانو على المقعد في الناحية التانية إنشغل بتلفونو .. شوية وشفتا تلفوني برن بإشعار أول شي عملتو صايلنت وفتحتا المسج كانت منو كاتب عليها:
_صباح الخير.

إبتسمتا وعاينتا ناحيتو بعد ما رديت:
=صباح النور.

كان منتبه مع تلفونو وما مركز مع أي شي حواليهو .. فضلنا ندردش لحدي ما جا زمن الترحيل بتاعي ومشيت ركبتا مكاني وعاينتا ليهو من الشباك.
مر أكتر من شهر نحن متواصلين .. بصورة يومية بكلمني بالصباح لحدي ما يصل .. وبفضل طول النهار يشاركني تفاصيلو .. وكباية القهوة اللي بيعملا بالليل وهو بحكي عن تفاصيل يومو.
فجأة لقيت نفسي مع الشخص اللي فضلتا أكتب وأحكي ليهو في الدفتر طول السنين الفاتت .. كل اللي كنتا كاتباه بقى حقيقة.

في يوم بنتكلم كالعادة بعد ما عمل قهوتو .. سألني:

_نودي ..

=ها.

_ ما قررتي حنتلاقى متين؟

=إنتَ عايز تلاقيني ليه ضروري تشوفني يعني؟

_إنتِ ما حتبطلي العادة دي ؟

=تؤ.

_طيب إنتِ ليه ما عايزة تلاقيني .. خايفة من شنو؟

=ما يو.... "سكتا".

_قولي!

=مافي شي مهم.

_أنا عايز أعرف الما مهم دا برضو.

=إنتَ عايز تلاقيني فضول منك عشان تعرف الشخصية البتتكلم معاك دي منو .. وأنا عايزة نتلاقى لما نحس إنو نحن محتاجين نشوف بعض ما لشي تاني.

_يعني بطلتي تجي في الحلم وفي الواقع برضو ما عايزة نتلاقى؟

=طيب إنتَ عايز تشوفني ليه؟

_عشان نفسي أشوفك .. أظن كدا كفاية صح؟

=خلاص حنتشاوف قريب.

_اسمها نتلاقى ولا نتشاوف.؟

=ياخ الساهلة بس.

_"ضحك" .. خلاص حكون مستنيك.

تاني يوم الصباح كنتا في مكاني المعتاد لما إتصل لي فجأة .. مع إنو ما من عادتو يتصل لي بالصباح وأنا ما ركزتا رديت فقال:
_صباح الخير.

=أهلين .. صباح النور.

_كويسة إنتِ؟

=كويسة الحمدلله .. وإنتَ؟

_كويس بعد سمعتا صوتك.

=الليلة غريبة متصل لي بدري كدا!

_تغيّر روتين وبالمرة الزول يتصبح على حاجة حلوة.

=متأكد؟

_عندك شك؟

=لأ طبعًا .. بس وين إنتَ؟

_جنبك.

ما ختيت فيها شي لأني معتادة على الكلمة دي منو في الشات والمكالمة طبيعي بقولا .. بس وقتها إستوعبتا إنو دي مواعيدو وهو لسة ما جا .. إتلفتا أشوف لقيتو وراي .. أظن الصدمة كانت واضحة على ملامحي .. نزل التلفون ودخلو في جيبو وفضل متكئ في المظلة وبعاين لي .. ما كنتا قادرة أدي أي رد فعل .. فضلتا متنحة فيهو لحدي ما رفع حاجبو وهو بقول:
_أمدرمان دي غيروها صح؟

=وقفتا وبلعتا ريقي وغمضتا عيوني.

_"ضحك" .. أقعدي يا نود قدامنا أربعة دقايق لما ترحيلك يجي ما عايز أضيعا.

لف وجا قعد جنبي وهو بقول:
_مبسوطة وإنتِ بتجرجريني كدا صح؟

=إنتَ عرفتني كيف؟

مع إنك رديتي بسؤال بس برضو حجاوبك .. سمعتي بالمقولة البتقول:
_التواصل ليس صعباً أبداً على رجل يريدك بالفعل ))

رفعتا عيوني ناحيتو جات عيونا في بعض بسرعة شتت نظري منو وسكتا .. رجع يتكلم:
_يعني طولة اللسان دي طلعت ساي بعد دا كلو؟

=كويس يا أحمد.

_هسي خلي التهديد ووريني ساكنة وين بجد؟

=في الشارع التاني من مسجد "....".

_طيب ترحيلك أهو جاي أمشي هسي بس لو ما إتلاقينا المرة الجاية عرفتا البيت.

=دا تهديد؟

_عايني للناحية الإيجابية.

عمو صلاح وقف لي مشيت ركبتا ولوح لي بيدو بالشباك شوية وجاتني مسج منو:
"صلحي الطرحة كويس .. والمرة الجاية لما نتلاقى جيبي معاكِ الدفتر عشان تكتمل قصة حبنا ))

#النهاية.

#على_الهامش:

"يبدو إن كل الطُرق تؤدي إليه..
وإن لم أجيئه طوعًا جاء هو إليّ))

#نُودين_بِت_مِن_حُب





_خلينا من النبق .. الفول عامل كيف؟

=ياخ ما عارفة وأسكت مني يا أحمد.

_إنتِ زعلتي ولا شنو؟

=لأ.

_خلاص معليش والله تاني ما بضحك فيك.

=إنت لسة بتضحك مخلي بالك؟

_خلاص والله أخر مرة.

"مديت يدي أخدت الترمس والسمسمية ومشيت وديتهم لخالتو ست الشاي وحاسبتها وجيت"

=قوم أرح.

_دا شنو العملتي دا يا مجنونة؟

=ولا شي.

_إن شاءالله إرتحتي كدا.

=أي.

_طيب شيليهم وأرح.

مشينا مسافة وهو لسة بعتذر وأنا رضيت ونسيت الموضوع ذاتو بس هو مُصر.

لما فترنا من المشي رجعنا .. قال لي:
_خليك هنا .. أجيب العربية وأجي.

مشى للشباب إتكلم معاهم شوية وودعهم بعدها جا وقف قدامي وفتح الباب.

_الحزام.

=ضروري ياخ.

_أي عشان أطمن عليك.

"حصل تواصل بصري سريع بينهم .. بعدها دور العربية وهي فتحت الشباك بتعاين للشارع"

شغل أغنية وبقى يدندن معاها بصوت هامس:
"ﺻُﺪﻓﺔ .. ﻭﺃﺟﻤﻞ ﺻُﺪﻓﺔ أﻧﺎ ﻳﻮﻡ ﻻﻗﻴﺘﺎ
ﺃﺳﻌﺪ ﻳﻮﻡ .. ﻳُﻮﻣﻲ ﺍﻟﺤﻴﻴﺘﺎ ..
ﻧُﻮﺭ عينيا ﻳﺎﻣﺎ ﺣﺒﻴﺘﺎ ..))

إلتفتت ناحيتو بإستغراب وقالت:

=سمعني معاك وقت إنت أصلًا فنان.

_"ضحك" .. فنان شنو دا صوت واحد فنان عليك الله.

=برضو عايزة أسمع واصل سكتا ليه؟

_يوسف قال لي ما أغني بصوتي دا قدام ناس.

=ويوسف دا يطلع منو؟

_واحد المفروض إنو صحبي.

="ضحكت" .. دا بدل ما يطبِل ليك؟

_إنتِ قايلاو زي ننو صحبتك.

=حتى ننو بتعرفا؟

_بعرف أي حاجة.

=أنا ما خايفة أنا متوترة.

_"ضحك" .. ليه؟

=غريب التوتر مين فاهمو.

رجع يواصل لما الكوبليه وصل:
ﻣﺎ ﻗﺎﺩِﺭ أﻗﻮﻟﻚ ﻋﻦ ﺣُﺒﻲ ﺍﻟﻜﺒﻴﺮ ..
ﻭﺻﻔﻮ ﻋﻠﻲّ ﻗﺎﺳﻲ ﻭﻋﺎﻳﺶ ﻓﻲ ﺍﻟﻀﻤﻴﺮ ..
ﻗﺪﺭ ﺍﻟﻜُﻮﻥ ﺩﺍ ﻛﻠﻮ ﺣُﺒﻲ ﻭأﻛﺒﺮ بكتير ..
ﻣﺎﻟﻜﻨﻲ ﻣُﺤﻴﺮﻧﻲ .. شُوف قلبِي الأسيّر ..))

كنتا بسمع فيهو بإهتمام .. يمكن ما أول مرة أسمع الأغنية دي بس حسيتا منو غير .. كان سايق براحتو ولا كأنو ورانا شي في الدنيا دي .. لما الأغنية خلصت قال لي أها رايك شنو؟
=يوسف ما ليو حق يقول ليك ما تغني.

_إنتو الكُتاب ما ممكن تتكلموا عادي؟

="ضحكت" .. طب حلوة والله .. حنزلا وأسمعا.

_ "مد ليها تلفونو وهو بقول": ليه تنزليها أنا برسلا ليك سجلي رقم الواتسب وتصلك حالًا.

="ضحكت وهي بتاخد التلفون بعد سجلت الرقم مدتو ليه"

_" سيف الرقم بـ My.Crsh♡ .. إبتسم إبتسامة فضل أثرا مسافة على وشو".


فضلنا نرغي ما عارفة كم مر من الوقت لحدي ما وصلنا .. قبل أنزل شكرتو على اليوم اللطيف دا:
=شكرًا يا أحمد .. ما حأنسى اليوم اللطيف دا.

_هسي المفروض يشكر التاني منو عليك الله؟

=أنا.

_طيب حأشوفك تاني متين؟

=أممم خليها للأيام.

_من مبدأ الحاجات البنخطط ليها ما بتظبط ولا شنو؟

=أيوة من مبدأ:
"سَمحة ﺍﻟﺼُﺪﻑ ﺣِﻠﻮة ﺍﻟﻈُﺮﻭﻑ ))

_"ضحك" .. طيب حستناك.

ودعتوا ومشيت .. لما فتحتا الهدية كانت عبارة عن دفتر بي ورق بُني زي ما بحب بالضبط .. وكاتب عليو جزو من كتاباتي بخطو الحلو دا .. تفوز بإنها ألطف هدية جاتني .. شكل البوكس .. ريحة العطر الفيهو .. الدفتر والخط وكل حاجة أخدت قلبي ♡

رسلت ليو مسج:
"شكرًا يا أحمد على اليوم اللطيف والهدية الألطف دي .. حقيقي إتبسطا شديد باليوم دا ♡"

بعدها فضلنا على تواصل لما جات الذكرى السنوية للبوست الكان علق لي فيهو رجع رد لي:
_حكون أسعد واحد في الكون لو لبيتي الدعوة وحضرتي معاي كورس الخط العربي للدفعة دي ♡

لما جاني النوتفيكشن رديت ليه:
=موافقة ♡

أول ما بدينا الكورس في أول تمرين لكتابة الجُمل كان بمر على كل الناس وبمليهم جُمل معينة يكتبوها .. لما وقف جنبي قال لي وإنتِ يا نِيرة أكتبي :
"بُكرة الريد من غير مواعيد يَزُوركْ يا حياة عُمري..
تقول يا ريتني لو حَبيت زمان من بَدريّ ..))

رفعتا راسي ناحيتو وإبتسمتا تلقائيًا لما جات في بالي ذِكرى المرة الغناها لي فيها.
كتبتها وعلقا وسط الاستيك نوتس المعلقة في البوستر اللي إتختا في الريسيبشن .. كل ما أدخل أول حاجة بعاين ليها"

من بعدها إبتدت أحلى قصة في حياتي وبقت كل أيامي عيد ♡

#النهاية.


#على_الهامش:

"هذه هي السعادة .. أن تجد من يلتفتُ لك بكل حواسه وقلبه))

9.July. 2023

#نُودين_بِت_مِن_حُب





وقتها لأول مرة أقابل أستاذ فؤاد شخصيًا ووافقني الراي وقدم لي عرض إنو حيكون مسؤل من الإنتاج وحيتحمل كل تكاليفو .. بشرط أوقع عقد دائم للشركة وك فرصة ذهبية ما بتتفوت وافقت .. بس ما إتفقنا يعلن عنو حاليًا خاصة إنو الزمن ضايق وكلمتو طالت.

رجع يتكلم:
نوف ما مجرد عضو في التيم ولا شريكة عمل .. أنا عايز أأكد للصحافة الإشاعات السمعوها .. أيوة نوف خطيبتي .. وما حبيت أعمل ضجة وألفت الأنظار لعلاقتنا .. نحن في عيلتنا عمومًا علاقاتنا الإجتماعية وسفراتنا وأفراحنا بنحتفل بيها بعيدًا عن الكاميرا والأضواء .. عشان كدا ما صرحتا بالخبر دا بس طالما طلعت إشاعات عن وجود علاقة غرامية بيني وبين واحدة من التيم بتاعي .. حأحسم الموضوع وأقول ليكم نحن حنتزوج قريب ودي ما مجرد علاقة غرامية عابرة.

حسيت بالهواء بختفي من المكان .. دا شنو الكلام البقولوا أحمد دا .. أي نعم هو إتقدم لي ووضح لي إنو ما عايز ضجة وأقلاها لما نخلص الشغل البنشتغل فيه دا بعدها يعلن لبقية الناس ومن ضمنهم التيم وحنعمل خطوبة رسمية بس ما إتوقعتو يقول كدا قدام كل الناس وقدام الصحافة والأهم قدام أهلو.

بقيت ما عارفة أرد بشنو عيوني مشت ناحية أمو اللي كانت بتعاين ليه بكل فخر كأنو طالب جا الأول.

ما فهمتا شي تاني وبقيت أفكر كتير لحدي ما طلعني من تفكيري صوتو وهو بقول:
والجائزة الأخيرة من نصيب نوف عز الدين.

"صوت تصفيق"

ركبتا المسرح وإنتبهتا لكل التيم اللي إستلموا شهادات التقدير بتاعتهم وجوائزهم .. وقفتا جمبو بعد ما أبوهو سلمني الشهادة.
إتأخدت لينا صورة جماعية ورجعتا مكاني .. نور حضنتني وهي بتقول:

_فخورة بيك يا حُبي.

=حبيبي عقبال أفخر بيك.

قعدتا جنبها شالت الشهادة ومسكت الهدية بعد الحفل خلص .. جا أحمد قال لي:
_تعالوا معاي.

=وين؟

_تعالي بس.

مشينا وراه ودانا صالة كدا كانوا قاعدين فيها أهلو .. سلموا علينا وعرفهم بينا .. بعدها كلم أمو إنو حيوصلنا ويرجع.

أول ما ركبنا العربية طلع بوكيه ورد مداهو لي وهو بقول:
_ودي هديتي أنا.

=الله حلو شديد.

_شوفي كويس جوة فيهو حاجة ليك.

="إنتبهت للعلبة الشفافة الكانت وسط الورد فتحتا ولقتا دبلة ومحبس" .. الله حلوين شديد.

_وبي كدا تاني مافي زول حيسألك ولا حتضطري توضحي أي حاجة لأي زول.

=بس يا أحمد..

_عارف يا نوف .. بس كدا كدا نحن كنا حنعلن خطوبتنا وأنا خططة للموضوع دا حتى لو الصحافة ما كان إتكلمت.

=أحمد أنا بحبك والله.

_أنا البحبك يا نوف.

=يا بختي.

_عيلة فؤاد عتباني كلها يا بختها بيك.

="ضحكت" .. أنا ما بقدر عليك.

_مافي غيرك قِدر علي أصلًا من أول ما عرفتك قلتا بس دي الحقول ليها أنا ما بقدر وحكون واثق إنو حتشيل عني أي حمل ♡


#النهاية.

#على_الهامش:

"كثيرة هي الأحلام وأجملها تلك التي نحتفل بتحقيقها بجوار من نحب))

16.July. 2023
#نُودين_بِت_مِن_حُب




_طيب بالمناسبة دي خليني أقول ليك تعويذة لذيذة.

=يعني ما بتعرف تتكلم إلا بالقافية؟

_شششش أسمعي بس.

=قول أبهرني.

_أنا بحبِّك من اول مرة شُفتك فيها .. إنتِ شكلك مألوف كده الواحد بحسك أمه ولا أبوه.

="ضحكت".

_لا إنتِ أكيد عندك خلل في الريآكشن أنا بقول ليك بحبِّك وإنتِ بتضحكي .. هسي لو قُلت ليك نكتة ما كان ضحكتي.

=أعمل شنو إذا نكاتك بايخة ما بتضحك؟

_خليتي الموضوع كله ومسكتي في النكتة؟

=طيب طيب أنا برضو حأعترف ليك بحاجة.

_إعتراف عديل كده .. أنا الليلة شكلو أمي دعت لي في صلاة الجمعة.

=تفكيرك ما يمشي لبعيد.

_قولي طيب.

=لما اول مرة إتكلمنا أنا ما كنت مُستلطفاك وشفتك واحد غياظ وما عندك ذوق لأنك شاغلتني من اول مرة ونحن ما بنعرف بعض.

_"ضحك" .. لأ يعني المفروض الواحد يشاغل بت خالتو مثلًا .. أكيد حيشاغل وحدة ما بيعرفا عشان يفتح موضوع ويتعرفو.

=إنت عندك بنات خالات؟

_السؤال ده لزومو شنو؟

=ساي فضول بس.

_"رفع حاجبه" .. فضول ولاااا...

=خلاص إسكيب لو ما عايز تجاوب.

_ما عندي ما تخافي ولا بنات عمات ما عندي .. عندي بت خال وحدة بتقرا في الروضة .. عايزة تبقي بت خالتي؟

=والبخوفني شنو؟

_عارفة يا نود الغيرة دي حاجة حلوة وعلى عكس ناس كتار .. أنا بشوف إنو كل ما الزول بغار عليك شديد .. معناها بحبّك شديد.

=هسي الودانا للحوارات دي شنو .. إنت بتحور الموضوع ليه؟

_طيب نرجع لموضوعنا وبقيتي تستلطفيني متين تحديدًا كده؟

=أممممم تحديدًا كده .. بعد ساعة من مشاغلتك السخيفة ديك.

_"ضحك" .. وأنا القربت أصدق إنو في التأني السلامة.

="ضحكت" .. كان زمان.

_أها كملي والخلاك تستلطفيني بالسرعة دي شنو مش كنت غياظ وما عندي ذوق؟

=لأ ما إنت طلعت عندك ذوق ولطيف وبتدفع عربون صداقة كمان.

_"ضحك".

فضلنا نتكلم ونتذكر كيف إتعرفنا وذكرني بـ اول مرة نتكلم مكالمة طويلة وذكريات كتيرة حلوة .. ما إنتبهنا للوقت لحدي ما وصلنا وقف العربية وقال:
_حنتلاقى متين تاني؟

=ما عارفة.

_حأشتاق ليك والله.

=حخلص إمتحانات بعد إسبوعين .. تعال لي في الجامعة.

_طيب موفقة إن شاءالله.

=شكرًا على التوصيلة.

_دي ما توصيلة .. دي قلبي.

="إبتسمت " .. حتتأخر راجيك مشوار طويل.

_بما إني جيت للبيت فيها حاجة لو دخلت سألت أهلك ديل ليه ما ساكنين جنبنا؟

="ضحكت" .. ما ينفع تدخل يا أحمد.

_ليه بتمسحوا في السلم ولا شنو؟

=بطل ياخ وأمشي عشان ما تتأخر.

_ما نفسي أمشي والله.

=حنقيف هنا كتير؟

_ده بعتمد عليك.

=لما تصل طمني عليك.

_وتاني؟

=وخلي بالك من الطريق.

_هي مش كانت خلي بالك من نفسك؟

="ضحكت" .. نفس المعنى.

_طيب ينفع أقول حاجة قبل أمشي.

=قول.

_مرة بنتكلم في موضوع بتذكر بعفوية قُلتي لي الأشياء الجميلة تأتي متأخرة .. أنا وقتها ما كنت فاهم شنو المغزى من تأخر الحاجات الحلوة البنفضل مستنينها كتير بس هسي فهمت.

=المغزى إنه بتجي في وقتها وعشان تنسينا مرارة الإنتظار وتمسح عننا كل التعب والعناء.

_زيك تمامًا.

= كنت حقول يخراااابي بس المرة دي إخترت أعبر وأعترف .. فـ حأقول ليك وشبهك بالضبط.

_أخيرًا.

=مش قلت ليك الأشياء الجميلة تأتي متأخرة.

_دي قربت ما تجي عديل ياخ.

="ضحكت" .. بس في النهاية جات.

_أنا طول عمري كنت مستنيك يا نود ..♡

=وأنا كمان..♡

#النهاية.

#على_الهامش:

"بجانبه يتخلى عني خوفي،
خوفي الذي طالما لازمني،
وبالتأكيد يتمنى المرء منا أن يعيش الباقي من عمره،
خفيفًا غير مثقلًا بالخوف، لذا إخترته. ♡))


16.February. 2024
#نُودين_بِت_مِن_حُب.

_أنا ما حصل قريت روايات بس إذا كلهم بخلوا الواحد مليان أسئلة وحيرة زي دي .. يبقى الحمدلله إني ما قاعد أقراهم.

=فايتاك متعة كتيرة .. جرب تقرا رواية تفاصيلا حصلت في مكان إنت في يوم أكيد قعدت فيه أو شُفته أو حتى مريت بيه .. والبطل يضيع أو يموت حتحس إنك عايز تمشي تفتش عليه أو حتى تزور قبره.

يوسف ضحك وقال:
فاهم مُتلازمة حُب السمندل دي.

بقينا نتكلم عن الروايات وتحديدًا قصة السمندل في بعض هذا القرنفل .. ننو بالرغم من إنها بتقرا كتاباتي كلها بس بتميل لإنها تقرا الدارجي واللغة العامية أكتر .. مكتبتي في البيت مليانة بس كل ما تلقاني بقرا كتاب تقول لي خلصي وأحكيه لي ما بقدر أقرا ده كلو.

كانت قعدة خفيفة ولطيفة وفيها إنسجام وتوافق ما إتخيلته .. كنت حاسة كأني بتكلم مع ناس بعرفهم حق المعرفة زي ننو بالضبط .. إتكلمنا في مواضيع كتيرة .. شايفة ننو ويوسف ماخدين الموضوع عادي حتى يوسف قال ليها:
_على فكرة يا ننو إنتِ بتشبهي الشخصية الفي الإسكريبت شديد.

=ده عشان نود هي كانت قاصداني فعلًا .. هي كل ما تكتب رواية بقول ليها سمي البطلة ننو بتقول لي لأ إخترت ليها اسم تاني .. في يوم فاجئتني إنها حتكتب اسكريبتات وحتثبت اسمي.

_واسم يوسف وأحمد حكايتهم شنو؟

=بقولوا حلو الكلام من خشم سيدو أسألا هي تجاوبك.

وجه لي السؤال فجاوبت ليهو:

=أنا أصلًا بحب اسم أحمد ويوسف عشان كده عملتهم الأبطال.

أحمد ابتسم.
يوسف إتجه ناحيته و قال:
_أخيرًا لقينا زول بحب اسمك .. أما أنا أصلًا اسمي ده من يومو محبوب.

ضحكنا على ملامح أحمد وهو زعلان .. قفل يدو عايز يوجه ليه بوكس بس إتراجع.

لما المغرب قرب يأذن طلعنا وصلونا الموقف وطول الطريق ننو ما خلت سؤال ما سألتني ليهو :
_نود أحلفي إنك ما كنتِ بتعرفيهم؟

=والله يا ننو أنا زيّ زيك كده .. اول مرة أشوفهم.

_طيب هم كيف شبه الأبطال البتكتبي عنهم؟

=ليه قبيل ما سألتيهم مش كنتِ قاعدة قدامم؟

_واااي يا نود أنا كنت فاكراك مجنونة براك .. بس شكلي هسي أنا برضو حجن معاك.

=دقيقة وإنتِ الحيجننك شنو؟

_ما أنا جزو من قصتك دي وهسي طلع في يوسف حقيقي .. والمصيبة إنو شال رقمي وحيدخل حياتي.

=قبل ما نقعد معاهم كنتِ فاكراهم فضائيين .. لحقتي تثقي فيه وتديه رقمك؟

_أعمل ليو شنو هو ما بتقاوم.

=ننو إنتِ بوظتي خالص وحتبوظي لي الاسكريبتات بألفاظك دي.

_ده يداب حيبقى حلو بعد ما لقيت يوسف.

=وعلاقتكم حتنتهي لما الإسكريبت يخلص ولا كيف؟

_لأ أوعك الإسكريبتات دي عمرك ما حتوقفيها .. زي روايتك بتاعت الآرتنيميا دي حاجة كده مفتوحة للأبد.

=يوووه خلاص يا ننو فضي السيرة دي.

_إنتِ زعلانة ليه مش لقيتي أحمد أهو؟

=إنتِ ليه متأكدة إنو ده أحمد ما يُمكن تشابه أسماء .. ويُمكن هو عنده حياته الخاصة حيسيبا عشان خاطري؟

_أسفة ما فكرتا كده .. طلع الموضوع مُعقد ومُؤلم شديد.

=على فكرة بقيتي حساسة شديد .. عادي ما تهتمي أنا بعرف أتعامل مع نفسي .. إنتِ بس حاولي ما تدخلي نفسك في الدوامة دي.

_يعني ما أدي يوسف وش؟

=ما عارفة وما من حقي أقول ليك تتعاملي معاه كيف بس إنتبهي لقلبك .. نحن بنحب مرة واحدة من كل قلبنا والباقي بنقضيه ونحن بنفتش على حاجة شبه المرة الكانت حقيقية.

_يعني إنتِ ما حتحبي زول تاني زيما بتحبي أحمد الفي خيالك ده؟

=أترَّفع عن الإجابة.

_"ضحكت" .. خلاص كشفت ورقك يا زولة.

=أعملي رايحة يا ننو لأنك ما في مكاني ولا عارفة شي.

_بغض النظر عن إنك مُطلعاني ما حاسة بيك .. بس أنا حأدعي إنو أحمد ده يطلع هو المقصود وما تضطري تحبي زول غيره.

=إنتِ طيبتك ودعواتك دي حتخرب ليها حياة زول في يوم من الأيام ..
بس مع ذلك أنا برضو ما نفسي أفتش على حُب بديل.

_نسيبها على ربنا؟

=نسيبها على ربنا ♡

#النهاية.

#على_الهامش:

"لا تتركني يا الله .. ولا تترك الإختيار بيدي ..
أرسم طريقي ودلني عليه خطوة بـ خطوة ..
لأصل دون أن يعتريني قلق المصير، والخوف من المجهول))

21.February. 2024

#نُودين_بِت_مِن_حُب.

قفلت منها ورميت التلفون في السرير وفضلت بفكر حأقول ليو شنو .. لأ دقيقة هو المفروض يتوتر أنا المشيت فتشت رقمو ..؟!
نسيت الموضوع مشيت المطبخ حمرت بطاطس .. وجيت راجعة فتحت اللابتوب .. إشتقت للأفلام والمسلسلات يداب إخترت واحد عايزة أحضره سمعت تلفوني برن .. رقم غريب بس عرفته حيكون أحمد .. بعد مسافة فتحت الخط وفضلت ساكتة:
_مساء الخير.

=أهلين.

_إنتِ كويسة؟

=الحمدلله.

_عرفتيني؟

=منو معاي؟

_طيب أحلفي إنو الصوت ده برضو ما حصل سمعتيه؟

=خلاص عرفتك.

_بتتهربي مني ليه طيب؟

=وأتهرب منك ليه؟

_تعالي نسأل ننو طيب .. يمكن عندها إجابة.

=إنت وصحبك حتصاحبوا صحبتي يعني؟

_أنا ما صاحبت زول هم براهم الإتصاحبوا.

=قول لصحبك ده لو عايز يلعب ننو ما لعبة.

_أنا صحبي ما النوع ده .. نحن أولاد ناس مُحترمين.

=أيوة خليكم كده عشان ما عندي إستعداد أتصدم فيكم.

_"ضحك" .. بتتعاملي معانا وكأنك مُطلعانا من كتاباتك.

=وما يمكن إنتوا اللي عايشين دور الأبطال ومُصدقين روحكم؟

_ما لايق علينا ولا شنو؟

=لا ما قصدي والله .. بس يعني....

_ما تبقي حساسة كده أنا بهظر معاك.

=وأنا أعرف من وين إنك بتهظر؟

_إفتكرتك عارفة عني أي شي.

=يا أحمد والله العظيم أنا ما بعرفك أحلف ليك كم مرة عشان تصدق؟

_أهدي طيب أنا بس مستغرب والموضوع موترني شوية.

="ضحكت" .. إنتَ متوتر دي عمرها ما حصلت.

_في خيالك ما حصلت بس هنا بتحصل .. بحس إنك عارفاني ومتوقعة ردود أفعالي أنا طول عمري غامض وما متعود على كده.

=يا أحمد أنا والله ما بعرفك .. لا عمرك ولا حتى ساكن وين .. ما عندي أي معلومة عنك .. فما تتوتر ولا شي شيل حكايات الإسكريبتات البتشبهك دي من دماغك .. لأنها مُجرد خيالات وعدم موضوع مني ساي.

_تعالي نتعرف طيب.

=ليه شايف عيوني فيها حُزن؟

_"ضحك" .. ما تلخبطي بيني وبين أحمد الإسكريبتات ده .. نتعرف عشان شايف إننا بنحب الشاي واللون الأسود مع بعض وأخدي التوافق ده اول سبب.

=وتاني سبب؟

_اسمي أحمد وإنتِ بتحبي الاسم ده.

=بس دي ما أسباب كافية.

_خدي الكبيرة طيب.

=هات.

_عشان نلقى نهاية لموضوع الأرتومينيا ده.

=لو كده موافقة.

_أنا أحمد هشام .. 29 سنة .. ساكن أمدرمان .. خريج هندسة ديكور وتصميم .. شغال في بوهيات المهندس .. والباقي إنتِ أكيد عارفاه.

=والله ما عارفة شي يا ود الناس.

_وما تقولي لي ود الناس.

=لا بالطريقة دي أنا ما حتكلم معاك.

_طيب رايك شنو أكلم بنات غيرك .. بما إنك ما عايزة تتكلمي معاي؟

=ومن متين أحمد بيكلم بنات؟

_أحمد الفي خيالك ما بكلمم .. بس في الواقع نحن بنكلم بنات عادي.

=أحمااااد.

_خلاص خلاص والله ما حأكلم بنات غيرك.

=أيوة إتعدل أحسن ليك.

_حأتعدل عشان الله يعدلا علينا.

="ضحكت" .. لأ إنت طلعت مجنون رسمي.

_وإنتِ المطلعاني كده طبعًا.

=ياود ما تحسسني إنك تربيتي.

_تربية السواد والرماد .. مرة واحدة أعملي أحمد مسكين ومُسالم ومُحترم .. خاربة سمعتنا ليه؟

=لأ ده ما نوعي المفضل.

_ونوعك المُفضل عامل كيف؟

=زيّ أحمد بالضبط.

_حأعتبر إنك قاصدة زيك بالضبط .. وقفلنا على كده.

=مع إنك بتقولني كلام ما قلته .. بس يلا متوقعاها منك.

_ما نحن حلوين أهو.

=حصل.


#النهاية.

#على_الهامش:

"أحببتك لدرجة إن حبي لك،
تدفق من داخلي وطفا على السطح ..
فتشكل على هيأة رجل .. فكان أنت))

21.February. 2024

_#نُودين_بِت_مِن_حُب

يوسف قال: خليها ترد يا أحمد.

حسيت بتوتر ما بحب الأسئلة الخاصة بس كمان ديل أقرب لي ناس وما ينفع أكذب عليهم حتى لو في لعبة .. قلت الحقيقة الحتصدم ننو اول وحدة.

=أيوة في.

خلوا اللعبة وبقوا يشغلوها لي:
ننا: اووبا ترقبوا عروسة الموسم الغانجة.
يوسف: والله جوابك ده كيفني التقول أنا الزول.
ننو:لو طلعتيني من حياتك ودخلتيهو وريني.
مهند: أنا ليه كنت مفتكرك سنقل.
رُبا: حتى نود باعتني.
مازن: شايفة يا روبي قلت ليك زول سنقل غيرنا إنا وإنتِ في القسم ده كلو ماف.
أحمد: ما تخجلوا البت خلوها خلاص.

وقفوا اللعبة وقلبوا الموضوع ونسة عن العلاقات .. أنا كنت ساكتة بسمع ليهم .. بعد الجو برد شوية قالوا في معدية حتجي نلم باقي الأكل عشان يتوزع في سيرويس ونركب المعدية ونتغدا .. لمينا الفرشات والحاجات لأنو تبع المزرعة دخلناها ووزعنا الغدا ومشينا المعدية .. كانوا بتصوروا وصورنا فيديو إتكلمنا فيه عن ننا ومهند .. حكينا مواقف حلوة جمعتنا بيهم وكل زول طلع هديتو الجابا ليهم .. لما في نهاية الفيديو قلنا ليهم قولوا كلمة أخيرة .. ننا بكت وبكتنا معاها .. والشباب إتأثروا وبقوا يحنسوا فينا .. حتفرق معانا شديد لأنها في شُلتنا ومعانا في الكاونتر وبنفطر سوا .. حاولنا نخلي باقي اليوم يعدي حلو رغم الحزن.
قعدنا لبعد المغرب شربنا شاي لبن ونزلنا الموية وإتصورنا صور كتيرة للذكرى وبعدها ودعنا بعض ورجعنا .. طول الطريق كنا ساكتين وزعلانين .. رغم إنو اليوم كان حلو بس لحظة الوداع الأخيرة طغت على بقية التفاصيل.

لما قربنا نصل أحمد قال:
_خلاص يا جماعة دي شنو الكآبة دي أسافر عشان تحبوني كده ولا كيف؟

شوية شوية بدينا نتونس ونضحك ويداب إتذكرت أسأل ننو إذا عارفة بقرابة أحمد ويوسف ولا لا .. قالت لي عرفت قريب وقبيل يوسف حكى ليها كل القصة بعد مشينا .. بقت تعتذر مني وتحنسني ما أزعل وأنا عاملة فيها زعلانة .. لما وصلنا ننو نزلت اول لأنو بيتهم قبل بيتنا بمحطة .. يوسف نزل معاها قال حيوصلا قريب للبيت وينتظر أحمد جنب الظلط عشان الزمن إتأخر .. حسيته عايز يفضي لينا الجو بس ما سألته .. وإتأكدت لما قال لي تعالي أركبي بقدام وهي كلها المسافة الباقية ما فايتة ليها عشرة دقايق.

بدلت مكاني اول ما إتحركنا أحمد قال لي:
_أحلى من يركب جنبي.

="إبتسمت".

_مالك ساكتة؟

=خلصنا الكلام قبيل.

_فضل حاجة ما قلتيها لي.

=اللي هيا؟

_إنتِ بجد ما عارفة ولا بتعملي فيها ما عارفة؟

=إنت بتتكلم بـ الألغاز ليه؟

_خلاص وريني أجي البيت متين؟

=إنتظر خليني أفكر.

_يا زولة ما مُحتاجة تفكير .. مش قُلتي لو يوسف عندو أخو حتعرسيه والحب يجي بعدين؟

="ضحكت" .. لالا غيرت راي عايزة أحب بـ الاول.

_بترجعي في كلامك يعني؟

=وما أرجع عادي هو أنا راجل لما ما أرجع في كلامي؟

_في كُل الأحوال أنا حنتظرك خدي وقتك.

=خلاص تعال في الوقت البريحك.

_أحلفي.

=قبل أغيِّر راي.

_بحبّك وإنتِ مُترددة كده.

=أحلى من يحبني.

لما وقفتو جنب البيت جيت أنزل قال لي:
_ما عايزة تديني رقمك أرسل ليك رسالة ما بعد الديت؟

="ضحكت" .. يعني عايز تقنعني إنو غالبك تجيب رقمي؟

_ما غالبني بس عايزك تديني ليو برضاك.

=حأستنى المسج منك باقي اليوم ده إتصرف وجيبو بطريقتك.

مشيت خليتو واقف لحدي ما دقيت الباب وجوا ناس البيت فتحوا لي .. سلمت عليهم يداب دخلت غرفتي تلفوني رن بمسج .. فتحتها لقيتا كاتب لي فيها:

"تأتين بكاملكِ، بكل اندفاعكِ، وبالرقة الفائضة منكِ ..
تفعلين بي ما يفعلهُ المطرُ الغزير بالمنازلِ الطينية."


#النهاية.


#على_الهامش:

يقول حسين حمزة:
"لم أطلب أن تحبين ..
فقد أحببتكِ بما يكفينا
نحن الإثنين ..))

25.February.2024.

#نُودين_بِت_مِن_حُب.

=ياخ أرح بس إنت كلامك كتير كده ليه؟

_عشان بحبِّك بس.

="ابتسمت" .. أوعى في يوم تبطل.

_رغي ولا حُب؟

=اللتنين.

_حاضر من عيوني الشافتك ديل.

#النهاية.


#على الهامش:
"أنتِ شيء لا يجب أن يضيع ..
ولا شيء يجب أن يُفتش عنه ..
أنتِ شيء يحتفظ به بكل حرص ..!))

#نُودين_بِت_مِن_حُب

="ضحكت" .. ذكرني هم بوستات كتار وأنا قرايتي ماحافظاها أقعد أحفظهم؟

_نود.

=همم.

_حيكون كلام ما بيتصدق أو ممكن تحسيه غريب بس حأقوله.

=في شنو؟

_أنا عمري ما حسيت بإحساس حقيقي زيما بحس معاك .. أي شعور حسيته معاك كان حاجة مألوفة ومفهومة بالنسبة لي وما محتاجة تفسير .. من لما شُفتك ما حسيتك حتكوني إنسانة عابرة في حياتي .. برغم إنو القصة كلها صدفة وبدت وكأنها حتنتهي في وقتها .. بس مع ذلك في صوت همس لي وقال لي "دي هي" ..!
حسيت إني لقيتك زيما يكون إنسان أخد عمر طويل بفتش على حاجة وفي يوم لقاها .. شعور الوصول وإحساس نهاية التوهة وإنك الوجهة المنشودة والصحيحة عمرو ما فارقني وين ما أكون معاك .. عشان كده أنا ما إترددت أعرف بيتكم وأجي بدون تخطيط وحسابات.
أنا بحبِّك عشان ده المكتوب وكان لازم يحصل ومافي مفر من الأقدار وإنتِ قدري ونصيبي الحلو من الدنيا .. وبدعي ربنا بعدين برضو يجعلك قدري الأبدي ♡

=شعور متبادل والله يا أحمد .. أنا دايمًا بقول لننو إنك كراشي الأخير ومسك الختام ومستحيل يجي زول بعدك ♡

_وقبلي؟

=عايز تنوم زعلان بعد المكالمة الطويلة واليوم الحلو ده؟

_خلاص قولي أحبّك كي لا أنام حزين.

=بحبّك .. عمرك ما تنوم زعلان طول ما أنا بحبّك.

_وما حتبطلي في يوم ؟

=أممممم إلا إذا خطيبتك رجعت في يوم ودخلت بيناتنا.

_ياخ والله أنا ما مخطووووب.

="ضحكت" .. اسمها خاطب خاطب يا أحمد..

_طيب يا عيون أحمد إنتِ ما خاطب ولا عايز أخطب ذاته.

=ولا حتى أنا؟

_لا إنتِ إستثناء ♡

#النهاية.

#على_الهامش:

"أنا التي أشاحت عن كل الوجوه ..
حالما رأيتك .. رقَ شيء ما في صدري ..
وأسلمت وجهي لك، ووهبتك كل النظرات العالقة فيه ))

إلى اللقاء حتى الموسم الآخر 👋🏻

#نُودين_بِت_مِن_حُب.

_كنت متأكد من أنه ابني حيجي يودعني!! جا عليه وحضنه بقوة وقال ماف طريقة تقعد يومين تلاتة زياده!! الحاج قال اها اقلبها دراما... وضحكو... وقال إذا حصلت جريمة متشعبه وشيقة وفيها مزززه سمححححة اتصل علي بجيك طيران!! أحمد ضحك وقال بالمناسبه انت اودعت كم في حسابي لأنه قفلوه لي وما قادر اسحب!! الحاج ضحك وقال نص مليون!!
_أحمد قال بسس! وضحك
الحاج وهو ماشي قال ليه نص مليون دولار! وغمز لأحمد ولوح ليه بيده مودع ليه واتوارى عن الأنظار واحمد لمن مسك ركبه من شده الصدمة وقال ديل اصرفهم وين!! وضحك بقهقهة ومشى منتشي وبتمنى انه يلاقي الحاج قريب.... وصلنا لمحطتنا الاخيرة ولكن قطار الحاج مستمر ويمكن نجتمع بيه في محطه من المحطات المقبلة ولوقتها خليكم مترغبين ومنتظرين... وللمجرمين مدعي الذكاء بقول ليكم الثعلب قاعد ليكم بالمرصاد..!
#النهاية
#آلاء_آدم_إبراهيم

وبناءاً علي تجاربهم الشخصية بعدت عنهم وما اشتغلت بيهم كتير ؟!!! أول كنت ببكي وبنزعج وبتأذى بمفرداتهم الجارحة!! لكن سبحان الله اتعودت واستمديت القوة من محبوبي!! وواجهنا الناس وضغوطات الحياة ونحن ماسكين في يدين بعض! واحتفظنا بأحاديثنا ونقاشتنا وحبنا لبعض من دون ما نشارك حته الحيطان فيه!!! دي رغبتي المجنونة الحلمت بيها وحققتها!!
قد أكون اذيت ناس كتار وأنا أولهم لكن ظني فيه ما خاب!! ورغبتي فيه كانت اكبر من أنها تكون رغبة جسد!! وما حتنتهي لآخر العمر!!!
#النهاية
♥️♥️قالَ لها : إنْ لَمْ تجدي أحداً يتقبّلكِ بكُلِّ حالاتكِ فتذكّري أنّي هنا بانتظاركِ لأحتوي سقوطكِ ،، لأُرمّمَ بسمتكِ ،، ما زلتُ في المحرابِ الذي لَمْ تؤمني بهِ مُحتفظاً بكتفي ليُسندكِ!!!♥️♥️

♥️♥️‏" إنَّ الله يقذف الحب في قلوبنا، فلا تسأل مُحبًا لماذا أحببت!"

-