#غلطتي
(الجزء التاني)
بقلم سحر سمير و فاطمة قسم الله
-٧٥-
#المهم .. قمت و قلبي دا مليان فرح !
ابوي : انا طالع مشوار و برجع ، و على الاغلب ناس الحميراب يجو يباركو !
امي : منو الحيجينا يا محمد و الناس انت عارف موقفهم مننا !!
ابوي : لا ح يجو بأذن الله .. عاين لي وانا واقفه .. قالي #عافي_منك_ياهتون !
ختيت يدي في وشي و قعدت احمد ربنا كتيرر بكيت كتير و اخيراً نزلت مني دموع فرح .. قلت لي امي عندنا شغل كتير شديد لو حيجو ضيوف ، يلاا يلاااا
.. جريت على غرفتي .. لبست من ملابسي الزمان كان شلت جزء ايام جيت مع نهي و خليت جزء .. و سامعة صوت ضحك نهى و موهوب ، شلت مفتاح غرفتا من برا و قفلتهم عشان احد راحتي في النضافه و م القى موهوب ناطي لي و قعدت اضحك .. سمعت صوت نهى بتقوليهو قفلونا من برااا جنو! قلت ليها دي انا عايزة انضف ...
المهم مشيت اوضتي تاني طلعت سامعة البلوتوث حقتي و بفتش في وصلة الشاحن ، جاتني امي :
*هااا حبيبتي انا امي و روحي (بوستها في خدها )
_(شالت السماعه من يدي وختتا) انتي ناسية انك عروس ! كيف تشتغلي و تعملي كدا ويوم م تميتي زي الناس ..
*امي .. بيتنا مقفول ليهو زمن ومحتاج نضافه و بعدين انا م عندي حاجة اسويها ، بدل اقعد ساي اخير اكسب الزمن وانضف ،م تشيلي هم اسي بخلص ..
_طيب انا بشتغل في المطبخ ..(جا مازن داخل)
*طيب يا امي .. و مشت .. عاينت ل مازن و ابتسمت سبحان الله مازن بقى بي شنبو ودقنو و نهى بقت بي بتها ههههه... قاطعني قالي :
_بتضحكي مالك ؟
*اتزكرت طفولتك ، من صغرك هادي و واعي و الحاجة دي ما اتغيرت فيك ، بيقولو الطفل لمن يكون هادي في صغرو لمن بيكبر بيبقى شقي ..
_اتشاقى ليها شنو يا هتون .. اااااخ حمدلله بس صليت قدر شنو عشان نكون ملمومين كلنا في البيت و ما معروف قرار ابوي شنو ، لكن انا عن نفسي ما برجع ابو حليمة ، عايز اشتغل و اتم قرايتي هنا ..
*تشتغل!! مازن شغل شنو اسي كدي تم قرايتك اول !
_دخل قرايتي بي شغلي شنو ! هتون انا ما بقيت صغير و بقدر اوفق بين قرايتي و بين شغلي ..
*(ما قدرت اخد دور الكبيرة بالنسبه لي مازن و اكتفيت بي اني اعاين ليهو بس )
_داير اسألك يا هتون (دنقر راسو ) احم ..
*طوالي ..
_البت القبيل لاقتنا في الاستقبال و جات سلمت عليكي بي طريقه كأنها بتحبك وبتعرفك شديد ، دي منو !!!!؟؟؟؟؟

#قبل_ساعتين

حسيت بي #يد على كتفي ... اتلفت بسرعه لقيتا #مي !!! انا من خلعتي بقيت واقفه متنحه بعاين فيها ، وهي بي دورها حضنتني و سلمت علي !! قالت لي : هتووون ! والله العظيم صدفه حلوة شديد كيفك (و عاينت للحنة الماليه يديني)..
قلت ليها : انا كويسه حمدلله ، وجودك هنا عافيه ؟؟
قالت لي : عافيه جيت احجز مراجعه لأمي !! و عاينت لي مازن اللي كان واقف مندهش ،، قلت ليها وانا عاين ليهو : دا مازن اخوي !!
عاينو لي بعض ، و مدت ليه يدها .. و سلم عليها و قاليها اهلاً سهلاً ..
لاحظت ان مازن ما شال عينو من عليها ، لحد ما ودعتنا و مشت ، وكنت حاسه بالحاجة دي من شرود مازن اللي كان في العربيه وهو سايق بينا للبيت !

قلت ليهو : قصدك مي !
_ايوة..
*دي زول عسل كدا و طيبه و فرايحيه شديد ، تصدق يا مزون من غير تفاصيل كتيرة ، لكن دي الوحيدة الابتسمت لي و ما عايرتني ولا قللت مني ابداً ، الوحيدة الاتعاملت معاي ع اساس اني هتون ،. المهم بعرفا و دي المرة التانية اتلاقى بيها رايك شنو ؟
_يا زوله من سلامها ليكي انا قلت علاقتكم دي ليها سنين مع بعض ..
*فعلا هي حبوبه و بتدخل القلب بسرعه ... عاينت ليهو وحسيت في شي ما ياهو في ملامح مازن و لحقتو بي باقي كلامي .. قلت ليهو بتحب الونسة و جنها قراية دي هه زكرتني بي نفسي زمان ، بقت تحكي لي من قعدت معاها اول مرة بقت تحكي لي عن الجامعه و ما الجامعه (الهدف هنا اني اوصل ليهو انها في الجامعه و انت في الثانوي ، لان حجمها و قصر قامتا مقارنة بي مازن ظاهر انه اكبر منها ، فا علامات الاعجاب كانت ظاهرة شديد و م قدر يتحكم فيها ، ف النهايه مازن ما يعتبر مراهق )
_اممممممم المهم اعزميها يوم سماية #نهى ....
وقام فات ... قلت انا ساي فاهمة غلط ..

(في جانب ممدوح)
بيخبط في الباب ... مرة و را مرة !
جاتو نعمة مارقه ..فتحت ليهو و #شهقت !! اااانت !
قاليها : ااااي انا متزكراني كويس ما شاءالله !!
بقت تتمتم ، قاليها عايز اتكلم معاي لو سمحتي !!

الملايات الدانتيل الورديه الموردة ، و الستاير الفيها دانتيل بالكافيه .. و الجاد البارز ، و في الصالة كنب الجلوس الدمياطي بالدهبي حوافو ، و قماشو بالبيج الهادي المورد الماخد وضعيته ، و البراويز في الحيطه و السجاد اللي كانت امي مشترياهو جديد و ما فرشتو .. لمعان السيراميك اللي كان عاكس كل تفاصيل بيتنا .. حسيت بي راحه ،".. ايوة هووو دا بيتنااا .. !!
شلت تلفوني اتصلت على ...
*شهاب .. كيفك !
_حمدلله(صوتو المليان ضيق ولا شنو م عرفتا)
*اشتقت ل يزن !! تجي توديني ؟
_جداً ، بس انا ما بعرف عنوان بيتكم ؟
*حأوصفو ليك ، عمو

*#على~الرصيف《02》*
*#بقلم~هند~الهيباني🥀*
*★★★ــــــــــــــــ★★★ــــــــــــــــــــ★★★* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
بعد يوم كان متعب من الطلعات والحفلة...
صحيت من النوم وقمت بتثاقل اخدت شاور
وصليت ولبست ملابسي وطلعت بره
لقيت ابوي طلع...
قلت لي امي مالو م ودعنا قالت لي جاهو شغل مستعجل عشان كدا زعلت كدا بس اتعودت على طلعات ابوي المفاجئه دي.....
ليزا جابت لينا القهوه شربناها وطلعنا كلنا سوا انا واخواتي الاتنين وصلنا ريتاج المدرسه وريم بعديها حتى عادل وصلني جامعتي...
وكالعاده متأخره...
موده حبيبتي اصبحتي كيف...
.... تمام الحمد لله يا سوفتينا
مالك اتأخرتي تاني
قلت ليها هو من المفترض تاني سؤال زي دا ما يتسأل 😑
قالت لي اهاا الليله جدولك شنو
رايك شنو تعزميني على حسابك بيتزا😍
جى أحمد قاطعا وقال ليها لا ي موده الليله سوفتينا يوما معاي انا ابتسمت ليهو قلت ليهو اكييد...
قعد معانا وبقينا نتونس كدا نهاية اليوم طلعت مع احمد...
كل مره يوديني مكان مره الملاهي بقينا نلعب السفينه وكم لعبه كدا شويه وقلبي كان يطلع من محلو وهو يضحك فوقي ساي ويعمل لي حركات عشان يغيظني...
تاني من هناك مشينا مطعم واخر المشوار مشينا البحر حسيت بي روحي مبسوطه شديد...
لما وصلني قريب للبيت قال لي انتي عارفه انا كم شهر وحا اجي اطلبك واخدك من ناس بيتكم وخلاص تاني نمش الجامعه سوا ونجي سوا وبعدين نسافر نشتغل بره سوا😍❤️
دنقرت في الأرض من الخجل قال لي كم شهر بس واجي اسوقك يلا خلي بالك من نفسك قلت ليهو وانت كمان خلي بالك من نفسك ودعتو ودخلت البيت لقيت عربية عادل ماجات قلت اكييد مشى لي في الجامعه كلمت ليزا تتصل ليهو وتكلمو اني رجعت...
دخلت جوا وكالعاده ريم بتدردش بالتلفون...
وريتاج بتلعب في لعبة تلبيس بنات .
أما امي عندها الصندوق وفي اليوم دا ح تطلع واكييد بتعزل في التوب والدهب الحا تلبسو...
دخلت الغرفه طلعت الاكسسوارات ودخلت الحمام اخد لي شاور ولبست لي بجامه وطلعت بره بقيت قاعده معاهم امي كانت جهزت وقالت لينا يلا انا طلعت...
بقيت شايله تلفوني وبدردش مع احمد....

______
#مشاعر
كدي ال نتصل لي سوفتينا دي...
الووو....
بت اختي السمحه 😍
.. خالتو العسل كيفك
تمام والله الحمدلله
انتي اخبارك شنو
كويسه والله...
ماتجي علينا يا سوفتي
الليله ياخالتو م بقدر.. بجيك في اليومين الجايات ديل
خلاص كويس بنتظرك
اها يلا مع السلامه....
#ندى
مابعرف العاجبك في البت دي شنو وليه مدياها الاهتمام دا يا أمي انتي ناسيه العملتو هي ...
ماناسيه بس كمان دي بت اختي وانا بسلم عليها بس...
ما عندكم قضيه بالبعملو..
بعدين اي حاجه او اي دهب لابستنو انتن جابتو ليكم هي...
خليكن عارفات...
#نهى
دهب شنو يا أمي بعد العملتو دا لو آدتنا كلاويها ما بتغطى على العملتو دايره تبييض موية وشها بس....
.......

#سهام...
السلام عليكم
كيفكن
الأخبار شنو.
.... (كم واحده) تمام والله الحمدلله
مالك اتأخرتي كدا..
والله السواق حقي أتأخر بس...
ونظرات الغيره كانت متابعاها من كل النسوان القاعدات

#مها
اها يا سهام انا عاد دايره بتك الكبيره لي ولدي..
ولدك منو!؟
النعلو عثمان بري ي يمه بتي سوفتينا بتحب الرجال العصريين
ولدك دا لسه من زمن التمانينات...
#نوره
بي همس بري انتي كمان ي مها ماتجيبيها كبيره كدا .
مها :مالو ولدي هدي ورضي وولد طيبان وبعدين بحبها
#سهام.. الحب ما بأكل عيش بعدين بالمنطق كدا بتي عايشه في العز دا كلو واجي اديها ليكم بري دي عقوبه ليها عديل كدا.هههه
#اقبال
وووبعلي ياسهام دا شنو السلسل دا جبتي متين ماشفتو قبال كدا
هههه اي. دا اشتريتو اول امس
والقديم داك وين
لالا داك ماعاجبني كان دايراهو تعالى شيلي...
كان الصندوق كلو محورو كلام عن سهام وبناتا والجاه العايشين فيهو دا..... وكالعاده وكل مره بكونو هم محور كل المواضيع...
بالدارجي كدا كان كلو مغارز من سهام لي صاحباتا ونسوان الحله
...
سهام :(يعد ماختت قروش الصرفه) اهاا يلا ما بستغنى السواق ماعاوزاهو ينتظر اكتر يلا اشوفكن بي خير...