አትሮኖስ

#የፍቅር_ሰመመን
፡
፡
#ክፍል_ሁለት
፡
፡
#ድርሰት_ሲዲኒ_ሼልደን
፡
፡
#ትርጉም_ብርሃኑ_በላቸው

"ልብ አንጠልጥሎ እንደ ጀመረ ፣ ልብ አንጠልጥሎ የሚጨረሰ ድንቅ መፅሐፍ ነው ለሁሉም እንዲደርስ #Share እያደረጋቹ ውድ ቤተሰቦች መልካም ንባብ።

.....ከመኪናዋ ውስጥ ሆና እሱ ከመኪናው ወርዶ ወደ አንድ ሼድ ውስጥ ሲገባ ተመለከተችው ሼዶቹ ውስጥ ያለው መብራት የፋኖስ ስለነበር ከውጭ ሆና ሼድ ውስጥ ምን እንደሚከናወን ለማየት አልቻለችም። ምን ያህል ድፍረት ልቧ ውስጥ እንደገባ ሳይታወቃት ከመኪናዋ ወርዳ ሼዶቹ ወዳሉበት ቦታ አጎንብሳ ሄደች። አንዱ ሼድ አጠገብ ስትደርስ ከፊት ለፊቷ ሁለት ሰዎች
አውቶማቲክ ጠመንጃቸውን ደግነው ጠበቋት፡፡ ቻርሎቴ የመሳሪያዎቹን
አፈሙዞች ስትመለከት “እባካችሁ እንዳትተኩሱ! እባካችሁ እንዳትገድሉኝ!”
ብላ በሀይል ጮኸች። ድምጿን የሰማው ሰውዬም ወደ እሷ ዞሮ የድንጋጤ
እና የንዴት ፊቱን ለአፍታ ካሳያት በኋላ ፈገግ እያለ “ ተዋት!” ብሎ በማስከተል “እኔ እኮ አሳንሼ ገምቼሽ ነበር። ለካ ቀላል ሰው አይደለሽም!” ብሎ ጎትቶ ደረቱ ላይ ለጠፋት።

“እንግዲህ እዚህ ድረስ ከመጣሽ አይቀር የምሰራውን ስራ ላስጎብኝሽ?” አላት። እና የሀብቱ ምንጭ ምን እንደሆነ ያሳያት ጀመር። ኮኬይን! ቻርሎቴ በህይወቷ አንድም ቀን ቀምሳም ሆነ አይታ አታውቅም። ጭራሽ እንዲሁም
ስሙ ሁሉ ያስፈራት ነበር።

በመጀመሪያ ሼድ ውስጥ የደረቁ የኮኬን ቅጠሎች በደንብ ተደርገው ተፈጭተው ከደቃቅ ኖራ ጋር ይደባለቃሉ። በመቀጠልም እየተሽከረከረ ውሀ ከሚረጭ ማሽን (ስፕሪንክለር) በሚወጣው ውሀ የተፈጨ የኮክ ቅጠል እና ኖራ እንዲደርሱ ያደርጋል። በሚቀጥለው ሼድም በመጀመሪያው ትልቅ ማሽን ውስጥ የተቦካውን ኮኬይን የማጣራት፣ የማቃጠል፣ የመደፍጠጥ እና የመንፋትን የመሳሰሉ ውስብስብ ሂደቶችን ያልፍና ከሰልፈሪክ አሲድ ጋር
ይቀላቀላል። ወደሚቀጥለው ክፍል ተወስዶ እንደ ማስቲካ የተጣበቀ ቢጫማ
ፔስት ሆኖ ይወጣል። በመጨረሻም ቢጫው ፔስት ወደሚፀዳበት ክፍል
(ሼድ) ይወሰድና ከሚሟሟ አሞንያ ጋር ተዋህዶ ኮኬይን ሃይድሮ ክሎራይድ
ሆኖ ይወጣል።

ቻርሎቴ እነዚህን ሁሉ ኮኬይን የሚመረትበትን ሂደት ልክ ሳንዲያጎ
የሁለተኛ ደረጃ ት/ቤት ውስጥ ይሰጥ እንደነበረው ትምህርት ሁሉ በቁምነገር
ስትሰማው ቆይታ ጉብኝቱ አበቃ፡፡

“ደነገጥሽ እንዴ?” ብሎ ጠየቃት፡፡ እና በማስከተልም “እሺ እንዳየሽው
እንግዲህ እኔ ኮኬን አምራች ወንጀለኛ ነኝ። ከዚህ በኋላ ከእኔ ጋር መሆን
ትፈልጊያለሽ?” አላት የውሸት ሳቅ እየሳቀ። “እኔ ምንጊዜም እፈልግሀለሁ”
ብላ መለሰችለትና ቀና ብላ በስስት አይን ተመለከተችው፡፡ ይህንን ሁኔታዋን
የተመለከተው ሰውዬዋም ወደ እሱ መኪና ወስዶ በሚገርም ሁኔታ ወሰባት፤
እና መኪናዎቻቸውን ከፊት እና ከኋላ አከታትለው እየነዱ ወደ ከተማ
ተመለሱ።

ለጥቂት ቀናት ያህል ሳያገኛት ቢቀር ባለፈው ምሽት ስለተከተለችው
የተዋት መስሏት ስጋት ውስጥ ገብታ ነበር። ዛሬ ቀን ላይ ግን በስልኳ
“ናፍቄሻለሁ” ብሎ የስልክ መልዕክት ላከላት፡፡ መልዕክቱን እንዳየችም እሱ
በዚህ መንገድ ፍቅሩን ገልፆላት ስለማያውቅ ባለፈው ባደረገችው ነገር
እንዳልተቆጣ ገመተች። በዚህም እሷን እንደ ህፃን ብቻ ሳይሆን እንደ እኩያ
ማየት እንደጀመረ እርግጠኛ ሆነች። የስልክ መልዕክቱ ላይ “የሆነ ደስ የሚል
ነገር አሳይሻለሁ!” ብሎ ማታ ላይ የሚገኙበትን ቦታ ካርታ ሊንክ ልኮላት
ስለነበር ዛሬ ማታ እሱ የሚያሳያትን ነገር ለማየት ብላ ቦታው ድረስ ትሄዳለች። ይህንን ነገሯን ፍሬድሪኩ ለምትባለው የስራ ባልደረበዋ ስታጫውታት ግን ስጋትዋን ነበር የገለጠችላት፡፡

“እንዴ ቻርሎቴ እሱ ማታ ላይ ሊያገኝሽ የቀጠረሽ ቦታ እኮ እንኳን በማታ፣ በቀን የማይኬድበት ቦታ ነው። እዚያ ቦታ ላይ ብዙ ሰዎች ተገድለው የሚጣሉበት ቦታ ስለሆነ እኔ ባትሄጂ ነው የምመርጠው::” ብላ ጓደኛዋ ቻርሎቴን ልታሳምናት ብትጥርም ሳይሳካላት ቀረ።

ቻርሎቴ በመኪናዋ ረጅም ርቀት ተጉዛ ፍቅረኛዋ በቀጠራት ቦታ ላይ በሰአቱ የተገኘች ቢሆንም ከዛን ቀን በኋላ ግን ማንም ሰው በአካል አግኝቷት
አያውቅም።
።።።።።።።።።።።።።።።።።።።።።።።።።።።።
“እሺ ሊዛ ያለፈው ሳምንት ሁኔታሽ እንዴት ነበር?” ዶ/ር ኒኪ ሮበርትሰን ጥቁር ፌድ ሌዘር ወንበሯ ላይ ደገፍ ብላ እና በፈገግታ ተሞልታ ሊዛን ጠየቀቻት፡፡

ሊዛ ፍላንገን የሃያ ስምንት ዓመት ሴት ናት። በፊት ላይ ሞዴል የነበረች ስትሆን፣ የቢልየነሩ ዊሊ ባደን ቅምጥም ሆና ለስምንት አመታት ያህል ቆይታለች፡፡

“አሪፍ ነበር” መዳፎቿን እያፋተገች ፈገግ ብላ እና ወደፊት ቀርባ እጅ እንደመንሳት እያለች ነመስቴ! ዊሊ ጋር መሄድ አቁሜያለሁ፤ ስለዚህም አሁን ሁሉ ነገር ቀለል ብሎኛል።” ብላ መለሰችላት፡፡

“በጣም ደስ ይላል” ኒኪ ራሷን ከፍ እና ዝቅ አድርጋ የሚያበረታታ ፈገግታ አሳየቻት። ከውጭ የሚዘንበው ዝናብ የቢሮዋን መስኮት ሲመታው ይሰማታል፡፡ ሊዛ የዛሬው የመጨረሻ ታካሚ ስለሆነች ደስ ብሏታል። ከእሷ ጋር ያላትን የቴራፒ አገልግሎትን ከጨረሰች በኋላ ወደ ቤቷ በፍጥነት ሄዳ የቤቷን መብራት አጥፍታ ለጥ ማለት ነው የፈለገችው።

“ደግሞስ እንዴት አሪፍ አይሆንልኝ፡፡ በተለይ ደግሞ ባለፈው ጊዜ ተገናኝተን ሳለ የመከርሽኝን ምክር ተግባራዊ ማድረጌ በጣም ነው የጠቀመኝ”

ሊዛ ስታወራ በአንዳንድ ቃላቶቿ ላይ አፅንዖት በመስጠት ስለሆነ ገና
አስራዎቹ ውስጥ ያለች ልጃገረድ ያስመስላታል፡፡ በዚህ ላይ ደግሞ ራሷን
ለመገምገም የሚያስችል መፅሀፍ አንብባ እንደጨረሰችና ራሷን በግምገማ
እንዳበቃች መንፈሳዊ ሰው አድርጋ የምትቆጥር ብትሆንም፣ ኒኪ ግን እንደ
ሳይኮሎጂስት እና ውጤታማ ሰው ሊዛ ለራሷ በምትሰጠው ግምት ላይ አስተያየቷን ከመሰንዘር ይልቅ በሽተኞቿ ከመጥፎ ባህሪዎቻቸው ሊላቀቁ
በሚችሉባቸው ቴክኒኮች ላይ በማተኮር ሃላፊነቷን በትጋት እየተወጣች ነበር።

ኒኪ ሊዛን የምታስባት እንደ አደንዛዥ ዕፅ ተጠቃሚ፣ እንደ በቤቷ ውስጥ የሴተኛ አዳሪነት ተግባርን የምታከናውን ሴት፣ እንደ ሸርሙጣ እና እንደ ህፃን ገዳይ ነው።

ሊዛ ፍላንገን የኒኪ ቢሮ ውስጥ ከሚገኘው ምቹ ሶፋ ላይ ለጠጥ እንዳለች የልቧን መናገር ጀመረች። “እሱ ከገዛልኝ አፓርትመንት እኮ ወጣሁኝ” ብላ
በኩራት ስላደረገችው ነገር አሳውቃ በማስከተልም “በቃ አደረግኩት”
አለቻት፡፡

“በቃ እንዴት ደስ የሚል ስሜት ነው፡፡ በተለይ ደግሞ እዚህ እኔን በደንብ ትረዳኛለች ብዬ በማስባት ሴት ፊት የውስጤን መናገሬ ትልቅ ነፃነት
እንደመጎናፀፍ ነው። ከአፓርትመንቱ የመውጣት ሀሳቤን ለዊሊ ስነግረው
እንደ እብድ ነበር ያረገው:: በጣም ከመናደዱ የተነሳ ሁሉ የሚመታኝ ነበር
የመሰለኝ፡፡ ብታይው እንደ ብራቅ እየጮኸ ቤት ውስጥ የሚገኙ ዕቃዎቹን ሁሉ ሲሰባብር ነበር።” አለች ሊዛ፡፡ “እንዴ ዛቻ (ማስፈራሪያ) አድርሶብሻል?” ብላ ኒኪ ጠየቀቻት “እንዴ ቀላል አስፈራራኝ መሰለሽ? “አንቺ ይህንን ነገር ማድረግ በፍፁም አትችይም:: ህይወትሽን ነው የማበላሸው:: አንቺ እኮ ንብረቴ ነሽ፡፡ እንዲያውም ከእኔ ውጪ አንቺ ምንም ነገር ነሽ አለኝ። እኔ ግን በእርጋታ “ይኸውልህ ውዴ ልትረዳኝ ይገባል። ይህንን ነገር ለራሴ ነው ማድረግ የፈለግኩት:: እንዴ አሁን እኮ ሃያ ስምንት አመቴ ነው። ልጅ አይደለሁም::”

ሊዛ ባለፈው ሳምንት ረቡዕ ላይ ከ ዶ/ር ኒኪ ሮበርትስ ጋር የነበራትን የምክር አገልግሎትን አስታወሰች:: ዶ/ር ኒኪ ለሊዛ ስለምትወስዳቸው የቫይኮዲን ዕፅ ዊሊ የሚያደንቃቸው የአሜሪካ እግር ኳስ

👍3❤2

11.3K viewsአትሮኖስ, 15:00