መኀደረ ጤና:
#ስለጨጓራ #ሕመም


👉መንስኤዎች
የጨጓራ ሕመም የሚከሰተው በጨጓራችን ግድግዳ ላይ ቁስለት በሚያስከትሉ ምክንያቶች ነው፡፡ ከመንስኤዎቹ መካከል የሚከተሉት ይጠቀሳሉ፡-
👉ለጨጓራ ተስማሚ ያልሆኑ መድሃኒቶችን በመውሰድ
👉የባክቴሪያ ኢንፌክሽን
👉ከፍተኛ የአልኮል መጠጥ መውሰድ
👉ቅመም የበዛባቸው ምግቦች መመገብ
👉ጭንቀት
👉ሲጋራ ማጤስ
👉መርዛማ ኬሚካሎች ወደ ሆድ ማስገባት
#የጨጓራ #ሕመም #ምልክቶች #ምንድን #ናቸው?
የጨጓራ ሕመም ምልክቶች ከሰውስው የሚለያዩ ቢሆንም በአብዛኛው ግን እነዚህን ያካትታሉ፡፡
👉የማቅለሽለሽ ስሜት
👉የሆድ መንፋት ስሜት
👉ማስመለስ
👉የምግብ አለመፈጨት
👉የማቃጠል ስሜት በተለይ 👉ከምግብ በኋላ
👉የምግብ ፍላጎት መቀነስ
👉የሠገራ ቀለም መለወጥ ወይም መጥቆር ናቸው
ከባድ የሆነ የጨጓራ ሕመም ያላቸው ሰዎች የጨጓራ ቁስለት እና መድማት ሊከሰትባቸው ስለሚችል በተጨማሪ እነዚህ ምልክቶች ሊታይባቸው ይችላሉ፡፡
👉የማላብ ስሜት
👉የልብ ምት መጨመር
👉የትንፋሽ ማጠር
👉ከፍተኛ የሆነ የማቃጠል ስሜት
👉ደም ማስመለስ
👉ደም የቀላቀለና ከወትሮው 👉የተለየ መጥፎ ሽታ ያለው ሠገራ መኖር ናቸው፡፡
እነዚህ ዓይነት ምልክቶች ያሉበት ሰው ወደ ሕክምና ማዕከል በመሄድ ተገቢ የሆነውን ምርመራና ሕክምና ማግኘት ይኖርበታል፡፡
የሕክምናው ሁኔታ የጨጓራ ሕመሙ እንደተከሰተበት ምክንያት ሊለያይ ቢችልም ያሉትን ምልክቶች በማስወገድ ለሕመምተኛው ፋታ መስጠትና ሕምሙን ያስከተላውን ሁኔታ በምርመራዎች አረጋግጦ መፍትሔ መስጠት ተገቢ ነው፡፡
የጨጓራ ሕመምን ሊያስነሱብን የሚችሉ ማናቸውንም ነገሮች በማስወገድ ሕምሙ እንዳይቀሰቀስብን ማድረግ ይቻላል፡፡

መረጃው ከተመቻችሁ Share በማድረግ ለሌሎችም ያጋሩ

#የደም #ግፊት #በሽታ #መነሻ፣ #ምልክትና #መከላከያዎች

የደም ግፊት በሽታ የተለመደ ችግር ሲሆን የደማችን ጉልበት/ሀይል ከአርተሪ (የደም ቧንቧ) ግድግዳ ጋር ሲነፃፀር በጣም ከፍተኛ ሲሆን የሚከሰት ህመም ነው ይህም እንደ ልብ ህመም አይነት የጤና ችግር ያስከትላል። የደም ግፊት ልባችን በምትረጨው የደም መጠን እና ደም በአርተሪዎቻችን ውስጥ ሲያልፍ የመቋቋም ኃይል ይወሰናል። ብዙ ደም ልባችን በረጨች መጠን አርተሪያችን (ደም መልስ) ይጠባል ከዚያም የደም ግፊታት መጠናችን ይጨምራል ማለት ነው። ምንም አይነት ምላክት ሳይኖረው ለአመታት የደም ግፊት መጠናችን ከፍተኛ ሊሆን ይችላል ይህም የደም ቧንቧዎቻችንን ይጐዳቸዋል።
ያልተቆጣጠርነው ከፍተኛ የደም ግፊት ለከባድ የጤና ችግር የመጋለጥ እድላችንን ይጨምራል ለዚህም የልብ ድካምና የደም መርጋት ተጠቃሾች ናቸው። የደም ግፊት ከብዙ አመታቶች በፊት የነበረ በሽታ ሲሆን በማንኛውም የእድሜ ክልል ያሉ ሰዎችን ያጠቃል። ከፍተኛ የደም ግፊት በቀላሉ የሚታወቅ በሽታ ሲሆን በሽታው እናዳለብን ካወቅን ሀኪምዎን በማማከር በቀላሉ መቆጣጠር ይቻላል።
የደም ግፊት በሽታ መነሻዎች!
ሁለት አይነት የደም ግፊት በሽታዎች አሉ፦
#1. የመጀመሪያ የደም ግፊት
አብዛኞቻችን አዋቂዎች የደም ግፊት መነሻ ምክንያት አይታወቅም። የዚህ አይነቱ የደም ግፊት የመጀመሪያ ደረጃ ይባላል የሚከሰተውም ቀስ በቀስ ከረጂም አመታት ቆይታ በኃላ ነው።
#2. ሁለተኛ የደም ግፊት
አንዳንድ ሰዎች ከፍተኛ የደም ግፊት ከተች በተጠቀሱት ምክንያቶች ያጋጥማቸዋል። ይህ አይነቱ የደም ግፊት ሁለተኛ ደረጃ የደም ግፊት ይባላል በድንገት የሚከሰት ሲሆን ከመጀመሪያ ደረጃ የደም ግፊት ዓይነት የበለጠ ከፍተኛ የደም ግፊት በሽታ ያስከትላል።
የተለያዮ ሁኔታዎች እና መድሃኒቶች ለሁለተኛ ደረጃ የደም ግፊት ያጋልጡናል እነሱም፦
👉የኩላሊት ችግር
👉የአድሬናል ዕጢ እብጠት
👉የታይሮይድ ችግር
👉ጥቃቅን የደም ቧንቧዎች ችግር
👉አንዳንድ መድሃኒቶች
👉በህግ የተከለከሉ መድሃኒቶች (ኮኬይን፣ አምፊታሚን)
👉የአልኮል ሱሰኝነት
👉 የእንቅልፍ ችግር
#የደም #ግፊት #ምልክቶች!
አብዛኛውን ጊዜ የደም ግፊት በሽታ ተጠቂ ሰዎች የደም ግፊት መጠናቸው በአስደንጋጭ ሁኔታ እስከሚጨምር ድረስ ምንም አይነት የበሽታው ምልክት አይታይባቸውም። ጥቂት ሰዎች በመጀመሪያ የበሽታው ደረጃ ላይ ከባድ የራስ ምታት፣ የተምታታ ንግግር እና ከወትሮው የተለየ የአፍንጫ መድማት ያጋጥማቸዋል። እነዚህ ምልክቶች የደም ግፊት መጠናቸው ለህይወታቸው አስጊ እስከሚሆን ድረስ ላይታዮ/ላይከሰቱ ይችላሉ። የደም ግፊት መጠንዎን መለካት እንደማንኛውም የህክምና ቀጠሮ ልንወስደው ይገባል።
ከ18 ዓመታችን ጀምሮ ቢያንስ በ2 ዓመት አንድ ጊዜ እንድንለካ ይመከራል። የደም ግፊትዎን ሲለኩ በሁለቱም ክንድዎ መለካት አለብዎት የደም ግፊት በሽታ ካለብዎት ወይም የልብ ችግር ካለብዎት በተደጋጋሚ መለካት ተገቢ ነው። በተወሰነ የጊዜ ልዮነት የጤና ምርመራ የማያደርጉ ከሆነ በፋርማሲና በተለያዮ ቦታዎች በሚገኙ የደም ግፊት መለኪያ መሳሪያዎች እንዲለኩ ይመከራል።
የደም ግፊት መከላከያ መንገዶች!
#ጤናማ #የሰውነት #ክብደት
ከመጠን ያለፈ ውፍረት ከ2-6 እጥፍ በደም ግፊት የመያዝ እድላችንን ይጨምራል።
※ በየጊዜው እንቅስቃሴ መስራት
የሰውነት እንቅስቃሴ የሚያደርጉ ሰዎች ከ 20―50% ከማያደርጉት ሰዎች የመያዝ ዕደላቸውን ይቀንሳል። እንቅስቃሴ ሲባል ማራቶን መሮጥ አይጠበቅብንም በየቀኑ የሚደረግ ትንሽ እንቅስቃሴ በቂ ነው።
※ የጨው አጠቃቀማችንን መቀነስ
የደም ብዛት ያለባቸው ሰዎች ጨው መጠቀማቸውን ሲያቆሙ የደም ግፊት መጠናቸው ይቀንሳል። ጨው መጠቀም ም ማቆም የደም ግፊት መጠናችን እንደይጨምር ያደርጋል።
※ አልኮል መጠጦችን አለመጠጣት/መቀነስ
ብዛት ያለው አልኮል መጠጣት የደም ግፊታችን እንዲጨምር ያደርጋል። የደም ግፊታችንን ለመቀነስ የሚወስድትን የአልኮል መጠን ገደብ ማስቀመጥ ተገቢ ነው።
※ ጭንቀትን መቀነስ
ጭንቀት የደም ግፊት መጠናችንን እንዲጨምር ያደርገዋል ከጊዜ ቆይታ በኃላ ለደም ግፊት በሽታ መነሻ አንድ ምክንያት ይሆናል።
ሌሎች የምግብ ይዘቶች የደም ግፊት በሽታን ለመከላከል ይረድናል ከነዚህም መካከል፦
※ ፖታሲየም
በፖታሲየም የበለፀጉ ምግቦች በደም ግፊት በሽታ ከመያዝ ይከላከላሉ። ፖታሲየም ከተለያዮ አትክልትና ፍራፍሬዎች፣ ከእንሰሳት ተዋጽኦዎች እና ከአሳ እናገኛለን።
※ ካልሲየም
አነስተኛ የካልሲየም መጠን የሚጠቀሙ የህብረተሰብ ክፍሎች በደም ግፊት የመያዝ ዕድላቸው ይጨምራል። ካልሲየም ከወተት፣ እርጐና አይብ እናገኝዋለን።
※ ማግኒዚየም
የማግኒዚየም መጠናቸው አነስተኛ የሆኑ ምግቦች መመገብ የደም ግፊት መጠናችንን ይጨምራል። የጤና ባለሙያዎች እንደሚመክሩት ተጨማሪ ማግኒዚየም የደም ግፊትን ለመከላከል/ለመቀነስ መውሰድ አይመከርም ከመደበኛ ምግባችን የምናገኝው በቂ ስለሆነ።
※ የአሳ ዘይት
ኦሜጋ 3 ፋቲ አሲድ የምናገኝው ከአሳ ሲሆን የደም ግፊትን በመከላከል ይረዳናል።
※ ነጭ ሽንኩርት
የደም ግፊት መጠንን እና ኮሌስትሮልን በማስተካከል ከፍተኛ ሚና ይጫዎታል። የካንሰር በሽታን ይከላከላል።
መልካም ጤንነት!!
ለበለጠ የጤና መረጃ ይህን ቻናል ይቀላቀሉ እንዲሀም ለወዳጆ ሼር ያድርጉ

#የሆድ #ድርቀት/Constipation

የሆድ ድርቀት የአንጀት ጡንቻዎች የእንቅስቃሴ ድግግሞሽ በቁጥር ሲያንስ ወይም ዓይነ ምድራችንን ለማስወገድ/ ለማስወጣት መቸገር ሲሆን ይህ ሁኔታ ለጥቂት ሳምንት ወይም ከዚያ በላይ ቆይታ ሲኖረው ነው፡፡ በዚህ እንቅስቃሴ መሃል ያለው የጊዜ ልዩነት ከሰዎች ሰዎች ይለያያል፡፡
አንዳንድ ሰዎች በቀን ሶስት ጊዜ እንቅስቃሴ ሲኖራቸው ሌሎች ደግሞ በሳምንት አንድ ወይም ሁለት ጊዜ ይኖራቸዋል፡፡ ያለምንም የአንጀት ጡንቻዎች እንቅስቃሴ ሶስት ቀን ከሆነ በጣም እረጂምና አደገኛ ሲሆን ከሶስት ቀን በኋላ ዓይነ ምድራችን ስለሚደርቅ ወይም ጠንካራ ስለሚሆን ለማስወገድ/ለማስወጣት አስቸጋሪ ይሆናል፡፡
የሆድ ድርቀትን ጠቅለል ባለ ሁኔታ ለመግለጽ ያክል የአንጀት ጡንቻዎች እንቅስቃሴ በአንድ ሳምንት ውስጥ ከሶስት ጊዜ በታች/ያነሰ ሲሆን ነው፡፡ በማንኛውም ሰው ላይ የሆድ ድርቀት በአጋጣሚዎች የሚከሰት ሲሆን አንዳንድ ሰዎች ከባድ የሆድ ድርቀት ያጋጥማቸዋል ይህም የቀን ከቀን ስራቸውን ያስተጓጉላል፡፡
የሆድ ድርቀት መነሻዎች!
የሆድ ድርቀት በአብዛኛው ጊዜ የሚከሰተው ዓይነ ምድራቸን በምግብ መፍጨት ስርዓት ውስጥ ሲያልፍ በጣም በሚዘገይበት ጊዜ ይፈጠራል ይህም ዓይነ ምድራችን ጠንካራ እና ደረቅ እንዲሆን ያደርገዋል፡፡ የሚከተሉት የሆድ ድርቀት መነሻዎች ናቸው፦
👉በቂ ውሃ አለመጠጣት
👉በምግብ ገበታዎ ውስጥ በቂ ያልሆነ ፋይበር አለመኖር
👉መደበኛ የምግብ ሠዓት መስተጓጎል(በጉዞ ወቅት)
👉በቂ የሆነ እንቅስቃሴ አለማድረግ
👉ከፍተኛ መጠን ያለው የወተት ተዋጽዎ መመገብ
👉ጭንቀት
👉ሃይፖታይሮይዲዝም
👉 ከመጠን በላይ የዓይነ ምድር ማለስለሻ(Laxatives) መጠቀም
👉የአንጀት ወይም ፊንጢጣ መደፈን/መዘጋት
👉በአንጀት እና ፊንጢጣ አካባቢ ያሉ ነርቮች ችግር/በሸታ ፓርኪንሰንስ በሽታ የጀርባ አጥንት ጉዳት ስትሮክ
👉ዓይነ ምድር ለማስወጣት መቸገር የዳሌ ጡንቻዎች በተቀናጀ ሁኔታ መጨማደድና መዝናት አለመቻል ደካማ የዳሌ ጡንቻዎች
👉የሰውነታችን ሆርሞኖችን የሚጎዱ ሁኔታዎች የስኳር በሽታ እርግዝና የታይሮይድ ሆርሞን ችግር
👉የአንጀት እና ፊንጢጣ ካንሰር።
#የሆድ #ድርቀት #ምልክቶች!
የሆድ ድርቀት ምልክቶች የሚከተሉትን ያጠቃልላል፦
👉 የአንጀት ጡንቻዎች እንቅስቃሴ ድግግሞሽ ማነስ
👉ደረቅ እና ጠንካራ ዓይነ ምድር
👉 በመጠን ትንሽ የሆነ ዓይነ ምድር
👉የሆድ መነፋት ወይም የሆድ ህመም
👉ህመም
👉ማስታወክ/ማስመለስ
👉በሳምንት ከሶስት ጊዜ በታች መጸዳዳት
👉በምንጸዳዳበት ጊዜ ፊንጢጣችንን ከዓይነ ምድር ባዶ አለማድረግ ወይም ጨርሰን አለመጸዳዳት
👉ስንጸዳዳ ዓይነ ምድራችንን ለማውጣት እርዳታ መፈለግ ለምሳሌ፦ ዓይነ ምድርን ከፊንጢጣ ለማውጣት ጣትን መጠቀም፡፡
#የሆድ #ድርቀት #እንዴት #ሊታከም #ይችላል?
አብዛኛዎቹ ሰዎች ከባድ የሆነ ምርመራ አያስፈልጋቸውም በጣም ጥቂት የሚባሉት ደግሞ ከባድ የህመም ችግር ስለሚያጋጥማቸው ህክምና ያስፈልጋቸዋል፡፡ ከሁለት ሳምንት በላ የቆየ የሆድ ድርቀት ካጋጠምዎት የህክምና ባለሙያ ማማከር ያስፈልግዎታል፡፡ ይህ የሆድ ድርቀት በአንጀት ካንሰር ከተከሰተ ቅድሚያ ማወቅና መታከም በጣም አስፈላጊ ነው፡፡
የሆድ ድርቀትን መነሻ ምክንያት ለማወቅ የሚደረጉ ምርመራዎች የሚከተሉትን ያካትታል፦
👉የደም ምርመራ፦ የሆርሞኖች አለመመጣጠን የሚጠረጠር ከሆነ
👉የባርየም(Barium) ጥናት፦ የአንጀት መዘጋት የሚጠረጠር ከሆነ
👉 ኮሎኖስኮፒ፦ የአንጀት መዘጋት/መታገድን ለማወቅ ይጠቅማሉ፡፡
የሆድ ድርቀት ካጋጠመኝ ምን ማድረግ አለብኝ?
የሆድ ድርቀት ካጋጠምዎት የሚከተሉትን ይሞክሩ፦
👉ከሁለት እስከ አራት ተጨማሪ ብርጭቆ ውሃ ይጠጡ
👉ሞቅ ያለ ፈሳሽ ይጠቀሙ በተለይ ጠዋት ላይ
👉የምግብ ገበታዎ ላይ ፍራፍሬና አትክልቶች ይጨምሩ
👉የጥራጥሬ ውጤቶችን ይመገቡ
👉አስፈላጊ ከሆነ በጣም በጥቂቱ የዓይነ ምድር ማለስለሻዎች ይጠቀሙ ለምሳሌ፦ ሚልክ ኦፍ ማግኒዚያ
👉ሃኪምዎን ሳያማክሩ የዓይነ ምድር ማለስለሻ ወይም ላክሳቲቭ ከሁለት ሳምንት በላይ አይጠቀሙ ምክንያቱም ከመጠን በላይ ላክሳቲቭ መጠቀም ምልክቶቹን ያባብሳቸዋል፡፡
የሆድ ድርቀትን እንዴት መከላከል ይቻላል?
የሆድ ድርቀትን ለመከላከል የተለያዩ መንገዶች አሉ ከነዚህም መካከል፦
👉የተመጣጠኑ ምግቦችን በተለይ ፋይበር በብዛት ያላቸውን ይመገቡ፡፡ ከፍተኛ የፋይበር ይዘት ያላቸው ምግቦች፦ ፍራፍሬዎች፣ አትክልቶች፣ ለጊዩም፣ ዳቦና ጥራጥሬዎች ናቸው፡፡ ፋይበር እና ውሃ አንጀታችን ዓይነ ምድርን በቀላሉ እንዲያሳልፍ ያደርገዋል፡፡
👉ከአንድ ሊትር ተኩል እስከ ሁለት ሊትር ተኩል ውሃ እና ሌሎች ፈሳሾችን በቀን መጠጣት ጠቃሚ ነው(ውሃ መጠጣት በሌሎች የህክምና ችግር እስካልተከለከልን ድረስ)፡፡
👉ካፌን የያዙ/ያላቸው ፈሳሾች ለምሳሌ፦ ቡና እና ለስላሳ መጠጦች የሰውነት ፈሳሽን የማድረቅ ባህሪ ስላላቸው አጠቃቀማችንን መቀነስ አለብን፡፡ አንዳንድ ሰዎች ወተት ሲጠጡ ስለሚያባብስባቸው ቢቀንሱ ይመረጣል፡፡
👉በየጊዜው ስፖርታዊ እንቅስቃሴዎችን ያድርጉ፡፡
ስለ ሆድ ድርቀት ማስጠንቀቂያ!
የሚከተሉት ነገሮች የሚከሰቱ ከሆነ ወደ ህክምና መስጫ ተቋም ይሂድ፦
👉የሆድ ድርቀት ለእርስዎ አዲስ ችግር ከሆነ
👉በዓይነ ምድርዎ ውስጥ ደም ካለ
👉የክብደት መቀነስ ካለ
👉የአንጀት ጡንቻዎች ህመም ካለ
👉የሆድ ድርቀት ችግርዎ ከሁለት ሳምንት በላይ ከሆነ፡፡
መልካም ጤና!!

#ልብ #ድካም

❤️ልብ ድካን ማለት የልብ አካል ላይ በደረሰ ጉዳት ወይም የአሰራር ለዉጥ
ምክንያት ለተለያዩ የሰዉነት ክፍሎች የሚሰራጨዉ ደም በቂ ሳይሆን ሲቀር የሚከሰት የጤና መታወክ ነዉ፡፡
የልብ አካል ጉዳት ሲባል #የልብ #ቫልቮች #መጥበብ ወይም #መስፋት #የልብ #ደም #ስሮች #መጥበብ #የልብ #ጡንቻና #ማቀፊያ #መጎዳት ሊሆን ይችላል፡፡
👉#የልብ #ድካም #መንስኤዎች
ተፈጥሮአዊ የልብ በሽታ ወይንም ከጊዜ በኋላ በሚመጣ የልብ በሽታ ሊሆን ይችላል፡፡
-በዝቅተኛ የኑሮ ደረጃና በተጨናነቀ አካባቢ የሚኖሩ ህፃናት በተደጋጋሚ
በቶንሲል ህመም ይጠቃሉ፡፡ ለዚህ ቶንሲል በሽታ የተመረቱ አንቲቦዲ የተባሉ በሽታ ተከላካዮች የልብ ቫልቮች መጥበብና መስፋት ጋር ተያይዞ ለልብ ድካም ይዳርጋሉ፡፡
👉ከፍተኛ የደም ግፊት ከልብ ጡንቻና ልብ ማቀፊያ በሽታ ጋር ተያይዞ
የሚመጣ ሊሆን ይችላል፡፡
👉ከልብ ደም ቧንቧ መጥበብ ጋር ተያይዞ የሚመጣዉ የልብ ድካም በአብዛኛዉ በዕድሜ በገፉና በወንዶች ላይ ይከሰታል፡፡
👉በተጨማሪ በቤተሰብ ታሪክ ተመሳሳይ በሽታ መኖር፣ ሲጋራ ማጨስ፣ ከፍተኛ ደም ግፊት፣ ዉፍረት፣ ስኳር በሽታ፣ ኮሊስትሮል መብዛትና የአካል ብቃት እንቅስቃሴ አለማድረግ ለዚህ በሽታ የመጋለጥ ዕዱልን ይጨምራል፡፡
👉ሲጋራ ማጨስ ሲጋራ ለደም ቧንቧዎች መጥበብ እንደሚያጋልጥ በጥናት ተረጋግጧል፡፡
👉ከፍተኛ የደም ግፊት ለረዥም ጊዜ ሳይታከም የቆየ ከፍተኛ የደም ግፊት
የልብ ደም ቧንቧዎችን በማጥበብና የልብ ጡንቻዎችን በማወፈር ለልብ ድካም ይዳርጋል፡፡
👉ጤናማ ያልሆነ የአመጋገብ ሥርዓት ከእንሰሳት ተዋጽኦ የሚገኙ ስብና ቅባቶችን አብዝቶ መመገብ ደም ዉስጥ የኮሌስትሮል መጠንን ከፍ በማድረግ ለደም ቧንቧዎች ጥበት ይዳርጋል፡፡
👉#የልብ #ድካም #ምልክቶች
በቀላሉ መድከምና አቅም ማጣት፣ ያለምንም እንቅስቃሴ ወይም መጠነኛ
የአካል እንቅስቃሴ በሚያደርጉበት ሰዓት ትንፋሽ ማጠር በመኝታ ላይ ትንፋሽ ማጠርና ከዚህ ጋር በተያያዘ የመኝታን ራስጌ ከፍ አድርጎ ወይም ትራስ ደራርቦ መጠቀም፤ ከእንቅልፍ የሚቀሰቅስ አስፈሪ እና ከፍተኛ የሆነ ትንፋሽ ማጠር፣ ሌሊት ላይ የሚበረታ ሳል፣ እግር ማበጥ ወይም ከእግር የሚጀምር የሰዉነት ማበጥ የልብ መምታትና የትርታ መጨመር፤ ፌንት ማድረግ፤ ደረት ህመም እንዲሁም የምግብ ፍላጎት መቀነስ ማቅለሽለሽ፣ የሆዱ መንፋትና ሆድ ህመም ዋና ዋናዎቹ የልብ ድካም ምልክቶች ናቸዉ፡፡
#የደረት #ራጅ፣ #ECG #ኢኮካሪዲዮግራፍና ሌሎች የደም ምርመራዎች የልብ በሽታን በደንብ ለመለየትና ለማከም አስፈላጊዎች ናቸዉ፡፡
👉#የልብ #ድካም #ህክምናና #የመከላከያ #መንገዶቹ
የልብ ድካም ቀላል የሆኑ አባባሽ ነገሮችን ከማከም እስከ ከፍተኛ የልብ ቀዶ ጥገና ህክምና ሊያስፈልገዉ ይችላል
#የልብ #ድካምን #ሊያባብሱ #የሚችሉ #ነገሮችን #ማስወገድና ማከም ለምሳሌ
#የሳንባ ምች፣ #የሽንት ቧንቧ ኢንፌክሽን #ደም #ማነስ፤ #ከፍተኛ #የደም #ግፊት፣ #መድሃኒትን #ማቋረጥ፣ #እርግዝና፣ #አልኮል #አብዝቶ #መጠጣት፣ #ጨዉ #አብዝቶ #መመገብ #የልብ #ድካምን #የሚያባብሱ #ነገሮች ናቸዉ፡፡
👉በሀኪም የታዘዙ የልብ ድካም አጋዥ መድሃኒቶችን በሀኪም በታዘዘዉ
መሠረት በተገቢዉ ሁኔታ መጠቀም
👉ከላይ ከተጠቀሱት በተጨማሪ አስፈላጊ ሆኖ ሲገኝ ብቻ የልብ ቀዶ ጥገናዎችን በማድረግ በሽታዉን መከላከል ይቻላል፡፡
👉#የልብ #ድካም #ላለባቸዉ #አመጋገባቸዉ #ምን #መሆን #ይኖርበታል
👉የሚመገቡትን የጨዉ መጠን እንዲቀንሱ ይመከራሉ /በቀን የሚወስዱት
የጨዉ መጠን ከ2-3 ግራም መብለጥ የለበትም
👉ተመጣጣኝና ተጨማሪ ሃይል ሰጪ ምግቦችን በትንሹ መጠን ቶሎ ቶሎ መዉሰድ
👉አልኮል አለመጠጣት
👉በሀኪም ትዕዛዝ ካልተከለከለ በስተቀር በርከት ያለ ፈሳሽ መዉሰድ
#የአካል #ብቃት #እንቅስቃሴን #በተመለከተ
ከባድ የሆነ የአካል ብቃት እንቅስቃሴ ማድረግ የልብ ድካም ላለባቸዉ ሰዎች
አይመከርም፡፡ ነገር ግን መጠነኛ የሆነ እንቅስቃሴ ማዘዉተር እጅግ ጠቃሚ
ነዉ፡፡ መቋቋም የተቻላቸዉን ያህል የአካል እንቅስቃሴና የእግር ጉዞ ማድረግ
ይመከራል፡፡
#የልብ #ድካም #መከላከያ #መንገዶች
👉ከፍተኛ ደም ግፊትን መቆጣጠርና ህክምና ማድረግ
👉 ስኳር በሽታን መቆጣጠር
👉 ሲጋራ አለማጨስ
👉የሰዉነት ክብደትን መቆጣጠር
👉 የአካል ብቃት እንቅስቃሴ ማድረግ (አቅምን ያገናዘበ ቢሆን ይመረጣል)
👉ከፍተኛ የኮሌስትሮል መጠን በመድሃኒት መቀነስ
👉 ህፃናት ቶንሲል ሲታመሙ እንዲታከሙ ማድረግ
👉 የታዘዘን መድሃኒት ሳያቋርጡ በአግባቡ መዉሰድ ያስፈልጋል፡፡

መልካም ጤና ውዶቼ 👋

#የጉሮሮ #ሕመም

የጉሮሮ ሕመም በቫይረስ ወይም በባክቴሪያ ኢንፌክሽን ምክንያት የሚከሰት ሲሆን እነዚህ ቫይረስና ባክቴሪያዎች በአፍና በአፍንጫችን አድርገው በመግባትም ጭምር የጉሮሮ ሕመምን ያስከትላሉ፡፡
#የጉሮሮ #ሕመም #ምልክቶች #ምንድን #ናቸው?
👉የጉሮሮ መከርከር
👉ለመዋጥ መቸገር
👉ትኩሳት
👉ሳል
👉የራስ ምታት
👉የምግብ ፍላጎት መቀነስ
👉የድካም ስሜት መሰማት
👉ብርድ ብርድ ማለት
👉በጆሮና ባንገት አካባቢ ሕመም መሰማት
#በአንዳንድ #ሰዎች 4ላይ #ከላይ #ከተጠቀሱት #ምልክቶች #በተጨማሪ
👉ማቅለሽለሽ
👉ማስመለስ
👉መጥፎ የአፍ ጠረን
👉የድምፅ መለወጥ
👉አፍን ለመክፈት መቸገር ሊኖሩ ይችላል
#የጉሮሮ #ሕመም #ሕክምና #ሕመሙን #እንዳስከተለው #ተህዋስያን #ዓይነት
#ይለያያል፡፡
በቫይረስ ምክንያት የሚመጣን የጉሮሮ ሕመም ሰውነታችን ባለው የበሽታ መከላከል አቅም የሚዋጋ ሲሆን መድኃኒት መውሰድ አስፈላጊ አይሆንም፡፡ በባክቴሪያ ምክንያት የሚከሰትን የጉሮሮ ሕመም ሕክምና ቦታ በመሄድ ባክቴሪያ አጥፊ መድኃኒቶችን (Antibiotics) መውሰድ ተገቢ ነው፡፡
#ከዚህ #በተጨማሪ 4የሕመሙን #ሁኔታ #እንዲያስታግስልን፤
👉በቂ ዕረፍት መውሰድ
👉ትኩስ ፈሳሽ መውሰድ፡- ሻይ፤ወተት፤አጥሚት
👉ለስለስ ያሉ ምግቦችን መመገብ፡- ሾርባ
👉ለብ ባለ ውሃ በጨው እና በዝንጅብል
👉መጉመጥመጥ
👉ሕመም ማስታገሻ መድኃኒቶችን መውሰድ ጠቃሚ ነው፡፡
መልካም ጤና ውዶቼ

#ምች

ምች ትናንሽ ዉሃ የቋጠሩ በከንፈርና በከንፈር ዙሪያ የሚወጡ ቁስለቶች ናቸዉ። #ምች በመሳሳምና በሌሎች ከሰዎች ጋር ባለን የቀረበ ግንኙነት አማካኝንት ከአንድ ሰዉ ወደ ሌላዉ ሰዉ በቀላሉ የሚተላለፉ የህመም አይነቶች ናቸዉ።
👉ምች ሀርፐስ ሲምፕሌክስ
ታይፕ 1/ herpes simplex virus (HSV-1) በሚባል የቫይረስ አይነት የሚከሰት ነዉ፡፡ የምች ቫይረስን ሙሉ በሙሉ በህክምና ማዳን/ማጥፋት አይቻልም፡፡ ስለሆነም ጭንቀት ሲኖር ወይም የበሽታ
መከላከያ ዘዴዎች ሲቀንሱ ህመሙ በተደጋጋሚ ሊከሰት ይችላል፡፡ ለቫይረሱ የሚሰጡት መድሃኒቶች ህመሙ ቶሎ እንዲሻሻልና በተደጋጋሚ እንዳይከሰት ለማድረግ ይረዳል፡፡
👉 #የህመሙ #ምልክቶች
ብዙዎቹ በሀርፐስ ቫይረስ የተያዙ ሰዎች የህመም ምልክቶችን አያሳዩም፡፡ ነገር ግን ምንም ቁስለት ባይኖራቸዉም ቫይረሱን ወደ ሌላ ሰዉ ሊያስተላልፉ ግን
ይችላሉ፡፡ በቫይረሱ ከተያዙ በኃላ የህመሙ ምልክት የሚያሳዩ ሰዎች ላይ ህመሙ የተለያዩ ደረጃዎችን ያሳያል፡፡
👉የመጠቅጠቅና የማሳከክ ስሜት፡- ብዙ ሰዎች ዉሃ የቋጠሩ ቁስለቶች ከመዉጣታቸዉ በፊት ለአንድ ወይም ሁለት ቀናት በከናፍሮቻቸዉ ዙሪያ የማሳከክ፣ የማቃጠል ወይም የመጠቅጠቅ ስሜት ያሳያሉ፡፡
👉ዉሃ የቋጠሩ ቁስለቶች፡- ትናንሽ ዉሃ እየቋጠሩ የሚፈነዱ ቁስለቶች ይከሰታሉ፡፡ የማዠትና የመድረቅ ደረጃ፡- ዉሃ የቋጠሩ ቁስለቶች አንዱ ከሌለኛዉ ጋር እየተወሃዱና እየፈነዱ ተለቅ ያለ ክፍተት ያለዉ ቁስል ይፈጥራሉ፡፡ ቁስሉ ፈሳሽ
ነገር እየያዘና እየደረቀ ይመጣል፡፡
የተለያዩ የህመም ምልክቶች የሚከሰቱ ሲሆን በተለይ ህመሙ ለመጀመሪያ ጊዜ ከሆነ የተከሰተዉ የሚከተሉት ምልክቶች ይታያል፦
💦ትኩሳት
💦የጉሮሮ መከርከር/ህመም
💦የራስ ምታት
💦የጡንቻ ላይ ህመም
💦ትናንሽ ያባበጡ እጢዎች መከሰት ናቸዉ፡፡
የሀርፐስ ቫይረስ የመመገቢያ ዕቃዎችን አብሮ በመጠቀም፣ በምላጭ፣ በፎጣ እንዲሁም በመሳሳም ከአንዱ ወደ ሌላ ሰዉ ይተላለፋል፡፡ ምንም እንኳ ህመሙ ፈሳሽ ባለዉ/ በሚያዥበት ወቅት በጣም ተላላፊ ቢሆንም ዉሃ የቋጠሩ
ቁስለቶችም በሌሉበት ወቅትም ሊተላለፍ ይችላል፡፡
አንድ ሰዉ በምች አንዴ ተይዞ ከዳነ በኃላ ቫይረሱ በቆዳዉ ዉስጥ ባሉ የነርቭ ሴሎች ዉስጥ ተደብቆ ስለሚቆይ ሌላ ጊዜ እንደአዲስ በበፊቱ ቦታ ወይም በአቅራቢያዉ በመዉጣት እንደገና ህመም እንዲመጣ ያደርጋል።
ምች እንደገና/በተደጋጋሚ እንዲመጣ/እንዲባባስ ከሚያደርጉ ነገሮች ዉስጥ፡-
💦ትኩሳት
💦 የወር አበባ ዑደት
💦 ጭንቀት
💦ድካም
💦ለፀሃይ ብርሃን መጋለጥ
👉ለምች ተጋላጭነትዎን የሚጨምሩ ነገሮች
90 በመቶ የሚሆኑ የአለማችን አዋቂ ሰዎች ምንም እንኳ ከዚህ በፊት ከምች ጋር ተያያዥነት ያላቸዉ ህመም ታመዉ ባያዉቁም ምችን የሚያመጣዉ ቫይረስ በሰዉነታቸዉ ዉስጥ እንዳላ ጥናቶች ያረጋግጣሉ፡፡
የበሽታ መከላከያ ዘዴዎቻቸዉ
የተዳከመ ሰዎች ከሌሎቹ ይልቅ በቫይረሱ ምክንያት ጉዳት ሊደርስ ይችላል፡፡
በሃርፐስ ቫይረስ ምክንት የሚመጣዉን ህመም እንዲወሳሰብ የሚያደርጉ ነገሮች
💦ኤች አይቪ ኤድስ
💦ኤክዜማ
💦ቃጠሎ
💦የካንሰር ህክምና
#ለምች #ሊደረግ #የሚችል #ህክምና
👉ምች/ የአፍ ዙሪያ ቁስለት ያለምንም ህክምና በራሱ ጊዜ ከሁለት እስከ አራት ሳምንታት በራሱ ጊዜ የሚጠፋ ሲሆን የመዳኑን ሂደት ለማፋጠን አንደ አሳይክሎቪር፣ ቫልሳይክሎቪርና ፋምክሎቪር ያሉ መድሃኒቶች ሊታዘዝልዎ
ይችላል፡፡
#የህክምና #ባለሙያ #ማማከር #የሚገባዎ #መቼ #ነዉ?
በአጠቃላይ ሲታይ ምች/የአፍ ዙሪያ ቁስለት ያለምንም ህክምና በራሱ ጊዜ ሊጠፋ ይችላል፡፡ ነገር ግን የሚከተሉት ነገሮች ካሉ የህክምና ባለሙያዎን ያማክሩ
💦 የበሽታ መከላከል ብቃትዎ የቀነሰ/የተዳከመ ከሆነ
💦ቁስሉ በሁለት ሳምንት ጊዜ ዉስጥ ካልዳነ
💦 የህመሙ ምልክቶች ከፍተኛ ከሆኑ
💦 ህመሙ በተደጋጋሚ እየተከሰተ ካስቸገረዎ
💦 በአይንዎ ላይ የመቆጥቆጥ ስሜት ከተሰማዎ/ካጋጠመዎ
#ምችን #እንዴት #ልንከላከል #እንችላለን?
የሀርፐስን ቫይረስ ወደ ሌላ ሰዉ/ወደ ሌላ የሰዉነትዎ ክፍል እንዳይዛመት ለመከላከል
💦 ዉሃ የቋጠረ ቁስል ባለበት ወቅት የቆዳ ለቆዳ ንክኪ እንዳይኖር መከላከል
💦ቫይረሱ በከፍተኛ ሁኔታ የሚዛመተዉ በሚያዥበት/ዉሃ በሚቋጥርበት ጊዜ ሌላዉን የሰዉነት ክፍልዎን እንዳይነኩ መጠንቀቅ:- በተለይ አይንዎንና የብልት አካብቢ ለቫይረሱ በጣም ተጋላጭ ስለሆኑ ላለመንካት መጠንቀቅ
የመገልገያ ዕቃዎችን በጋራ ያለመጠቀም፡- እንደ ፎጣ፣ መመገቢያ ዕቃዎችንና የመሳሰሉትን
💦 የእጅዎን ንፅህና መጠበቅ፡- ሌላ ሰዉ ከመንካትዎ በፊት እጅዎን በደንብ መታጠብ

መልካም ጤና

#ብጉር

#ብጉር እጅግ የተለመደ እና አብዛኞቻችንን የሚያጠቃ የቆዳ ችግር ነው የሚከሰተውም በቆዳችን የሚመነጭ ቅባት ወይንም የሞቱ ሴሎች የጸጉር መውጫ ቀዳዳዎች ሲደፍኑ ነው
በአብዛኛው በጉርምስና ጊዜ የሚመጣው ብጉር የሆርሞን መለወጥን ተከትሎ ነው
#የብጉር #ምልክቶች #እንደ #አይነቶቻችው #ይለያያሉ።
👉ቀዳዳዎቻቸው የተደፈኑ ( ነጭ የሚሆኑ ብጉሮች)
👉ቀዳዳዎቻቸው የተከፋቱ (ጥቁር ብጉሮች)
👉ቁስለት ያለው ብጉር ( የተቆጣ ብጉሮች)
👉መግል የያዙ ብጉሮች ( የባክቴርያ ኢንፌክሽን ያለው ብጉሮች)
👉ጠጣር ብጉር ( ትልቅና የህመም ስሜት ያላቸው ብጉሮች) ናቸው።
#ብጉርን #የሚያስከትሉ #ሁኔታዎች #ምንድን #ናቸው?
👉የሆርሞኖች በሰውነታችን መለዋወጥ
👉መድሃኒቶች በተለይም ሆርሞኖችን የያዙ ከሆኑ
👉ቅባትነት ያላቸውን መዋቢያዎችን መጠቀም
👉ጭንቀት
👉የወር አበባ መምጣት ናቸው።
#ለብጉር #ተጋላጭነትን #የሚጨምሩ #ሁኔታዎች #ምንድን #ናቸው?
👉እድሜ
ሁሉም የእድሜ ክልል ላይ የሚገኙ ሰዎች የሚጠቁ ቢሆንም #የጉርምስና እድሜ ላይ ግን በብዛት ይስተዋላል።
👉በዘር የመተላለፍ እድሉ ከፍተኛ ነው።
👉ቅባቶች
ቅባቶችን መጠቀም ይህን ሊያስከትል ይችላል።
👉ጭንቀት
#ጭንቀት ብጉር እንዲባባስ ስለሚያደርግ ማስወገድ ተገቢ ነው።
#ብጉር #እንዳይባባስ #ለመቆጣጠር #ምን #ማድረግ #እንችላለን?
👉ብጉር የወጣበትን ቦታ በሰሱ ማጽዳት በውሃና በሳሙና መታጠብ (በቀን ሁለት ጊዜ)።
👉ቅባታማ የሆኑ የመዋቢያ ውጤቶችን መጠቀምን ያስውግዱ።
👉በብጉር የተጎዳ ቆዳዎን በእጅዎ አይነካኩ።
👉ከባድ የጉልበት ስራ ከሰሩ በሗላ ገላዎን እና ፊትዎን ይታጠቡ።
ብጉር ቆዳዎን እያጠቃ የሚያስቸግርዎ ከሆነ እና ከላይ በተጠቀሱት መከላከያ መንገዶች የማይሻሻል ከሆነ ወደ ሀኪም በመሄድ ብጉርን ለማከም የተዘጋጁ መድሀኒቶችን በትክክሉ መጠቀም ተገቢ ነው።

#መልካም #ጤና

#የሳንባ #ምች (Pneumonia)

የሳንባ ምች የምንለው በሳንባ ላይ ሚከሰትን ኢንፌክሽን ነው፡፡
#የሳንባ #ምች #እንዴት #ይከሰታል?
👉በባክቴሪያ
👉በቫይረስ
በሽታን የመከላከል አቅማቸው የደከመ ሰዎች ላይ ደግሞ #በፈንገስ ምክንያትም ይከሰታል
አንድ ሰው አየር በሚያስገባ ጊዜ እነዚህን በሽታ አምጪ ተህዋሲያን ወደ ውስጥ ያስገባል ይህም ወደ ሳንባ በመሄድ ኢንፌክሽን ይፈጥራል
#ለሣንባ #ምች #ተጋላጭነት #የሚዳርጉ #ሁኔታዎች
👉ዕድሜ፦ዕድሜያቸው ከ1 ዓመት በታች የሆኑ እና ከ65 ዓመት ዕድሜ በላይ የሆኑ ሰዎች
👉በሽታን የመከላከል አቅማቸው የተዳከመ ሰዎች
👉በጉንፋን የተጠቁ ሰዎች
👉የአስም ሕመም ተጠቂ የሆኑ ሰዎች
👉ሲጋራን ማጤስ
👉የአልኮል መጠጥን እጅግ ማዘውተር
#የሳንባ #ምች #ሕመም #ምልክቶች
👉አክታ የተቀላቀለ ሳል
👉ትኩሳት
👉ትንፋሽ ማጠር
👉የራስ ምታት
👉ብርድ ብርድ ማለት
👉የደረት ውጋት በሳል ጊዜ የሚብስ የልብ ትርታ መጨመር
👉ላብ ላብ ማለት
👉የሰውነት ድካም
👉የምግብ ፍላጎት መቀነስ
👉ማቅለሽለሽ እና ማስመለስ

#የሳንባ #ምችን #እንዴት #መከላከል #ይቻላል?
👉ሲጋራ ማጤስን ማቆም
👉እጅን በሚገባ መታጠብ
የሳንባ ምችን ሕመምተኞች በቤት ውስጥ ሊያደርጓቸው የሚችላቸው ሕክምናዎች፤
👉ፈሳሽ በብዛት መውሰድ
👉ዕረፍት ማድርግ
ትኩሳትን ማስታገሻ በመውሰድ መቆጣጠር
በቫይረስ የሚከሰት የሳንባ ምች በአብዛኛውን ጊዜ በጉንፋን ምልክቶች የሚጀምር ሲሆን #ትኩሳት #ደረቅ ሳል #ራስ ምታት#ቁርጥማት እና #የድካም #ስሜትን ያስከትላል ትንፋሽ ማጠር እና አክታ ከአንድ ቀን በኋላ ሊከሰቱ ይችላሉ፡፡
በባክቴሪያ የሚከሰት የሳንባ ምች ከፍተኛ #ትኩሳት #አክታን #የቀላቀለ #ሳል ከፍተኛ #የሰውነት #ማላብ #የልብ ምት መጨመር እና በፍጥነት የሚጨምር የአተነፋፈስ ስርዓት ይኖራቸዋል፡፡
የሣንባ ምች ሕክምና ህመሙን እንዳስከተለው ተህዋስያን ዓይነት፤ እንደ ሕመሙ ክብደት እና ተጨማሪ ሕመም መኖር ሁኔታ ይለያያል፡፡
በሕመሙ የተጠቁ ሰዎች ወደ ሕክምና ቦታ በመሄድ ሐኪምን በማማከር ሕክምናውን በመውሰድና በሚገባ በመከታተል ከበሽታው መዳን ይቻላል

#መልካም #ጤና

#Herpes #zoster (አልማዝ-ባለጭራ)

በግማሽ የሰውነት ክፍል ላይ በድንገት የሚወጣ ሽፍታ ሲሆን ብዙዉን ጊዜ ሽፍታው መስመር ይዞ ውሀ ቋጥሮ በጣም ህመም ያለው ነው፡፡ በየትኛዉም የሰዉነት ክፍል ላይ ሊወጣ ይችላል አብዛኛውን ጊዜ ግን
👉በጀርባበማጅራት
👉በደረት ወይም
👉በፊት ላይ ሊወጣ ይችላል፡፡
በአገራችን በተለምዶ #አልማዝ #ባለጭራ እየተባለ ይጠራል::
👉 #የአልማዝ #ባለጭራ #በሽታ #ዋና #መንስኤ ጉድፍን የሚያስከትለው ቫሪሴላ ዞስተር ቫይረስ (Varicella Zoster Virus) ነው ህመሙ ምንም እንኳን ለህልፈተ ህይወት ባይዳርግም ከፍተኛ ስቃይ/ህመም ሊያመጣ ይችላል፡፡
#የህመሙ #ምልክቶች
ብዙዉን ጊዜ በአንዱ የሰዉነት ክፍል በኩል/በቀኝ ወይም በግራ በኩል/ የሚታይ ነዉ፡፡
👉የማቃጠል
👉ማሳከክ
👉የመደንዘዝ
👉መጠቅጠቅ ህመም
👉የጡንቻ ህመም (ድካም)
👉ህመሙ ከተከሰተ ከጢቂት ቀናት በኃላ በቫይረሱ የተጠቃዉ አካባቢ ቀይ ሽፍታ መከሰት/መጀመር
👉ትኩሳት
👉የራስ ምታት የመሳሰሉት ናቸው
#ተጋላጭነትን #የሚጨምሩ #ነገሮች
👉ከዚህ በፊት ጉድፍ የነበረባቸውን ሰዎች
👉የተወሰኑ የህመም አይነቶች እንደ #ካንሰር #ኤች #አይቪ #ስኳርና ሌሎች የሰዉነትን የበሽታ መከላከል አቅም የሚቀንሱ ህመሞች ካሉ
👉እድሜ ከ50 ዓመትና ከዚያ በላይ ሲሆን
#ህክምናዉ
👉ወደ ቆዳና አባለዘር ሐኪም መሄድ
👉ሕክምናው ከሐኪም ጋር በመነጋገር የሚካሄድ ሲሆን የተለያዩ አማራጮች ያሉት ነው፤የአልማዝ ባለጭራ (ኸርፐስ) በቫይረስ አማካኝነት የሚከሰት እንደመሆኑ ጨርሶ ከሰዉነት ዉስጥ የሚያስወጣ መድሃኒት የለም ቢሆንም አንዳንድ ሁኔታውን ለማቅለል የሚታዘዙ የፀረ ቫይረስ መድኃኒቶች አሉ ፡፡ በአፍም ሆነ በቅባት መልክ የሚወሰዱ መድኃኒቶች ቁስሉ ወዲያው እንደጀመረ ቶሎ መወሰድ አለባቸው፤ በፍጥነት ለማገገም ይረዳሉ፡፡
በተጨማሪም - ህመምና ሽፍታ በአይን ዙሪያ ከወጣ ይህ አይነት እንፌክሽን ካልታከመ የማይመለስ ጉዳት በአይን ላይ ሊያመጣ ይችላል፡፡

#መልካም #ጤና

#የትርፍ #አንጀት #ሕመም (APPENDICITIS)

#የትርፍ #አንጀት ሕመም የምንለው የህመም ዓይነት የሚከሰተው ከትልቁ አንጀት ቀጣይ በሆነው እና 6 ሴ.ሜ ርዝመት ባለው የአንጀት ክፍል ነው፡፡
እስካሁን ድረስ የትርፍ አንጀት ጥቅም በእርግጠኝነት ያልታወቀ ሲሆን ያለ ትርፍ አንጀት ጤናማ ኑሮንም መምራት እንደሚቻል የሚታወቅ ነው፡፡
#የትርፍ #አንጀት ሕመም በአፋጣኝ ሕክምና ማግኘት ያለበት ሲሆን ሕክምና ካልተደረገለት ግን በሰውነት ውስጥ ይፈነዳና ኢንፌክሽን አምጪ ተዋስያንን በሆድ ዕቃ ውስጥ የከፋ
ኢንፌክሽን እንዲፈጥሩ ያደርጋል፡፡

አንዳንድ ጊዜ መግል የያዘ ኢንፌክሽን ከሌላው የሰውንት ክፍል ራሱን ለይቶ ስለሚቆይ በጣም አጣዳፊ ባይሆንም እንኳን
በእርግጠኝነት ለመለየት ግን ቀዶ ጥገና አስፈላጊ ስለሆነ ሁሉም የትርፍ አንጀት ሕመሞች የቀዶ ጥገና ሕክምና ያስፈልጋቸዋል፡፡

#የትርፍ #አንጀት #ሕመም #በምን ይከሰታል ?

የትርፍ አንጀት ሕመም የሚመጣው በትርፍ አንጀትና በትልቁ አንጀት መካከል የሚገኘው አንገት ሲዘጋ ነው
👉ይህ በሠገራ
👉በቁስ አካል ወይንም
👉 በካንሰር አልያም በኢንፌክሽን
ምክንያት ሊዘጋ ይችላል፡፡
#የትርፍ #አንጀት #ሕመም #ምልክቶች
👉ከእምብርት አካባቢ ጀምሮ ወደ ታችኛው የቀኝ የሆድ ክፍል የሚወርድ የህመም ስሜት
👉የምግብ ፍላጎት ማጣት
👉ማቅለሽለሽና ማስመለስ ከሆድ ሕመሙ በመቀጠል ይከሰታል
👉 ትኩሳት
👉አየር ለማስወጣት መቸገር
👍 ለመንቀሳቀስ መቸገር
ከላይ የተጠቀሱትን ዓይነት የህመም ስሜት ከተሰማዎ በአፋጣኝ ወደ ሕክምና ቦታ መሄድ ተገቢ ነው ይህም የሚሆነው በአፋጣኝ ሕመሙ ታውቆ ሕክምና ሊደረግ ስለሚገባው ነው
ምንም ዓይነት ምግብ ወይንም መጠጥ ወይንም ሕመም ለማስታገስ የሚወሰዱ የቤት ውስጥ መድኃኒቶች እንዳይወሰዱ ይመከራል ይህም ያበጠው ትርፍ አንጀት እንዳይፈነዳ
ያደርጋል።
#የትርፍ #አንጀት #ሕመም #ምርመራዎች
#በምልክቶች #ብቻ #የትርፍ #አንጀት #ሕመምን #በእርግጠኝነት
#ለማወቅ #ስለሚያስቸግር #ሌሎች #በመሳሪያ #የታገዙ #ምርመራዎች #ማድረግ #ተገቢ #ነው፡፡
👉የሆድ አልትራሰውንድ
👉የደም እና የሽንት ምርመራዎች የመሳሰሉት ናቸዉ፡፡
#የትርፍ አንጀት #ሕክምና #ምንድን #ነው?
👉በቀዶ ጥገና የትርፍ አንጀቱን ቆርጦ ማውጣት ይህም በህክምናዉ (Appendectomy) የምንለዉ ዋነኛው ሕክምና
ሲሆን መግል የያዘ ትርፍ አንጅት መጀመሪያ መግሉን በማስወገድ አልያም ፀረባክቴሪያ መድኃኒቶችን በመጠቀም
የቀዶ ጥገና ጊዜው የሚራዘምበት ሁኔታ ሊኖር ይችላል ቀዶ ጥገናው ከተደረገ በ12 ሰዓት ውስጥ እቅስቃሴ መጀመር የሚቻል ሲሆን፣
👉የማይቆም ማስመለስ
👉ከፍተኛ የሆድ ሕመም
👉ራስ ማዞር
👉ደም የቀላቀለ ማስመለስና ሽንት ከጋጠምዎ
👉 በስፌቱ ላይ ሕመም እና መቅላት ካመጣ
👉ትኩሳት እና መግል ከቁስሉ የወጣ ከሆነ በአፋጣኝ ወደ ሐኪምዎ በመሄድ እንዲያማክሩ ይመከራል፡፡
የትርፍ አንጀት እንዳይመጣ ለመከላከል የማይቻል ቢሆንም፣
ጥናቶች እንደሚሳዩት ከሆነ ግን በፋይበር የበለፀጉ ምግቦችን
(ፍራፍሬዎችና አትክልት) የሚመገቡ ሰዎች ላይ የመከሰት ዕድሉ እንደሚቀንስ ይነገራል።

#መልካም #ጤና

#ቫሪኮስ #ቬይንስ (Varicose veins)

#ቫሪኮስ #ቬይንስ የምንለው የህመም ዓይነት በማንኛውም የሰውነት ክፍላችን ቬይኖች (የደም መልስ) ቱቦዎች ሊከሰት የሚችል ቢሆንም በአብዛኛው የሚያጠቃውና የተለመደው በእግር ላይ የሚከሰተው ነው ይህም የሚሆነው ብዙ መቆምና በሰውነታችን ቬይንስ (የደም መልስ) ቱቦዎች ላይ ግፊት ስለሚፈጥር ነው

#ለቫሪኮስ #ቬይንስ #የሚያጋልጡ #ሁኔታዎች

👉ዕድሜ ፡-ዕድሜ መጨመር ለህመሙ ያጋልጣል
👉ፆታ፡- በሴቶች ላይ በአብዛኛው ይከሰታል ይህም የሚሆነው በሰውነታቸው ላይ ከሚከሰቱ ሆርሞን ለውጦች እና በእርግዝና ጊዜ ነው፡፡
👉በዘር፡- ጥናቶች እንደሚያሳዩት ከሆነ አንድ የቤተሰብ አባል ተጠቂ ከሆነ ለሌላው የቤተሰብ አባል የመያዝ ዕድሉን ይጨምራል፡፡
👉ከልክ ያለፈ ውፍረት፡- የሰውነት ክብደት መጨመር በቬኖች የደም መመለስ ሥራ ላይ ጫናን ይፈጥራል፡፡
👉ለብዙ ሰዓታት መቆም ወይንም መቀመጥ፡- ደም ከእግራችን ወደ ልብ የሚመላለስበትን ሁኔታ በማዛባት ለብዙ ሰዓታት መቆምም ሆነ መቀመጥ ለቫሪኮስ ቬን ሕመም ተጋላጭ ያደርገል

#የቫሪኮስ #ቬይንስ #ህመም #ምልክቶች

በሽታው ብዙ ጊዜ ከፍተኛ ህመም ያለው ምልክት ባያሳይም ከዚህ በታች የተዘረዘሩት ምልክቶች ሊከሰቱ ይችላሉ
ጥቁር ወይንጠጅ ወይንም ሰማያዊ ቀለም ያለው 👉የደምስር እብጠት በእግራችን ላይ መኖር
ጠመዝማዛ የሆኑና የአበጡ የደም ስሮች በእግሮ ላይ መታየት
👉እግሮን የመክበድና ህመም ስሜት መሰማት
በታችኛው የእግር ክፍሎ የማቃጠል፣ የመጨምደድና የመርገብገብ ስሜት መሰማት
ለረጅም ሰዓታት ሲቆሙም ሆነ ሲቀመጡ የሚብስ የህመም ስሜት የማሳከክ ስሜት

#የቫሪኮስ #ቬይንስ #የመከላከያ #መንገዶች

👉ሙሉ በሙሉ በሽታውን የምንቆጣጠርበት መንገድ ባይኖርም የደም ዝውውሮን ወይም የጡንቻ ጥንካሬን መጨመር ለበሽታው ያለውን ተጋላጭነት መቀነስ ይችላሉ

ከዚህ በታች የተዘረዘሩትን ማድረግ በሽታንውን ለመከላከል ይረዱናል

👉የአካል ብቃት እንቅስቃሴ
👉ክብደቶን መቆጣጠር
👉ጨው የበዛበት ምግብን መቀነስ
👉ከፍታ ያለው ጫማ አለማዘውተር
👉በእረፍት ወቅት ወይም ሲተኙ እግሮን በትራስ ከፍ ማድረግ
👉አቋቋምዎንና አቀማመጥዎን መለዋወጥ
ቫሪኮስ ቬይንስ ከፍተኛ ጉዳትን በአብዛኛው ባያስከትልም ከታች የሚጠቀሱትን ችግሮች ግን አልፎ አልፎም ቢሆን ሊያስከትል ይችላል

#ቁስለት እጅግ በጣም የሕመም ስሜት ያለው የእግር ቁስለት ከአበጠው የደም ስር አጠገብ በሚገኝ ቆዳ ላይ ሊከሰት ይችላል፡፡
በቆዳ ላይ የቀለም ለውጥ ከተከሰተ ወደ ሐኪም በመሄድ መመርመር ያስፈልጋል፡፡
#የደም #መርጋት አንዳንድ ጊዜ ከውስጥ የሚገኙ የደም መልስ ቱቦዎች ሊያብጡ ይችላሉ፡በዚህን ጊዜ የተጎዳው እግር ዕብጠትን ያሳያል፡፡
ድንገተኛ የሆነ እግር ማበጥ ከተከሰተ በአፋጣኝ ወደ ሕክምና መሄድ ተገቢ ነው

#መልካም #ጤና

#የጥርስ #መቦርቦር

#የጥርስ #መቦርቦር የሚከሰተው በአፋችን ውስጥ የሚገኙ ጀርሞች (ባክቴሪያ) ጥርሳችንን የሚያበሰብሱ አሲዶችን በሚያመነጩበት ጊዜ ነው ይህም በጥርሳችን ላይ የተቦረቦሩ ቀዳዳዎችን እንዲፈጠሩ ያደርጋል የተቦረቦሩ ጥርሶች ህመም ከማስከተል ባለፈ ለኢንፌክሽን ያጋልጣሉ።

#የጥርስ #መቦርቦር #እንዴት #ይከሰታል?

👉በጥርስ ላይ ተለጥፈው የሚቀሩ ምግቦች ካልተፀዱ ይከማቹና የባክቴሪያዎች መራቢያ እና ምግብ ይሆናሉ #ባክቴሪያዎች በሚመገቡ ጊዜ ከውስጣቸው አሲድን ይረጫሉ፣ ይህም ጥርሳችን እንዲቦረቦርና እንዲበሰብስ ያደርጋል

#ለጥርስ #መቦርቦር #የሚያጋልጡ #ሁኔታዎች

👉ጥርስን በሚገባና በመደበኛ ሁኔታ አለማፅዳት
👉ጣፋጭነት የበዛባቸው ምግቦች ማዘውተር
👉የፍሎራይድ እጥረት መኖር
👉የስኳር ህመም ተጠቂ መሆን
👉በህመም ወይንም በተለያዩ መድሀኒቶች ምክንያት የአፍ ድርቀት ሲኖር
👉ሲጋራን ማጤስ ናቸው

#የጥርስ #መቦርቦር #የሚያስከትላቸው #ምልክቶች

👉የጥርስ ህመም ስሜት
👉 በተጎዳው ጥርስ አካባቢ የድድ ማበጥ
👉 መጥፎ የሆነ የአፍ ጠረን መኖር
👉በጥርስ ላይ ነጭ ግራጫ ቡኒ ወይንም ጥቁር ቀለማት የያዙ የተቦረቦሩ ቦታዎች መኖር ናቸው

#የጥርስ #መቦርቦርን #እንዴት #መከላከል #ይቻላል ?

👉ጥርስዎን በቀን ውስጥ ቢያንስ ሁለት ጊዜ (ከቁርስ በኃላ እና ከመተኛትዎ በፊት) የፍሎራይድ ኬሚካል ባለው የጥርስ ሳሙና መታጠብ
👉በማንኛው ግዜ ምግብ ከተመገቡ በኃላ አፍዎን በንፁህ ውሀ በሚገባ መጉመጥመጥ
👉ከእንቅልፍ በፊት ጥርስዎን ከታጠቡ በኃላ ምንም አይነት ምግብ አለመመገብ
👉ጣፋጭ የበዛባቸው ምግቦችን ከምግብ ፕሮግራም ውስጥ ማስወገድ
👉 ልጆች ለጥርስ መቦርቦር ተጋላጭነታቸው ከፍተኛ ስለሆነ ሁሌም ስለ ጥርስ ፅዳት አጠባበቅ ማስተማር
👉 የጥርስ ሀኪምዎ ጋር በዓመት አንድ ጊዜ በመሄድ ጥርስዎን በባለሞያ ማሳጠብና ማስመርመር

#ማሳስቢያ❗️❗️

የጥርስ ህመም ሲሰማዎ ጊዜ ሳይሰጡ ወደ ሀኪም መሄድን አይዘንጉ ምክንያቱም የህመም ስሜቱ ከጥቂት ጊዜ በኃላ በራሱ ሊጠፋ ቢችልም የጥርስ መቦርቦር ግን ያለ ህመም ሊቀጥል ይችላል። በአፋጣኝ ህክምና ካልተደረገ ጥርስዎን እስከማጣት ሊያደርስዎ ይችላል

መረጃዉ ከተመቸዎት ይቺን 👍 አይንፈጉን

#መልካም #ጤና

#ቃር (Heartburn)

#ቃር የምንለው ወይንም በህክምና አጠራሩ ሀርትበርን (Heartburn) በመባል የሚታወቀው የህመም አይነት ሲሆን አብዛኞችን የሚያጠቃ እና እጅግ የተለመደም ችግር ነው።
በደረት አካባቢ የማቃጠል ስሜት መሰማት በአብዛኛው ከምግብ በኃላ እና እንቅልፍ ስንተኛ የሚብስ ነው። ይህም የሚከሰተው የጨጓራ ውስጥ አሲድ ወደ ላይኛው የምግብ አስተላላፊ ቱቦ ሲገባ ነው።

#ለቃር #ተጋላጭነትን #የሚጨምሩ #ሁኔታዎች

👉ቅመም የበዛባቸው ምግቦችን መመገብ
👉ሽንኩርት
👉ሲትረስ ያላቸው ምግቦች
👉ቅባት የበዛባቸውን ምግቦች
👉ቸኮሌት
👉የአልኮል መጠጦችን መውሰድ
👉ካፊን ያላቸውን መጠጦች መውሰድ
👉ከጥጋብ በላይ መመገብ
👉ከመጠን ያለፈ ውፍረት
👉ነፍሰጡርነት ናቸው።

#ምልክቶች

👉ደረት አካባቢ የማቃጠል ስሜት በተለይ ምግብ ከተመገብን በኋላ እንዲሁም ምሽት ላይ
👉በጀርባ በምንቸኛበት ወቅት የማቃጠል ስሜቱ መጨመር
👉አፋችን ላይ የመምረር ስሜት።

#ሃኪምዎን #ማማከር #የሚገባው #መቼ #ነው

#ቃር በአብዛኛው አመጋገብን በማስተካከል እና ቀስቃሽ ሁኔታዎችን በማስወገድ የሚድን ሲሆን ከፍተኛ የሆነ የደረት ማቃጠል፣ ውጋት፣መጨምደድ ስሜት እና ወደ ትከሻ የሚሰራጭ የህመም ስሜት ከትንፋሽ ማጠር ጋር ከተከሰተ በአፋጣኝ ሃኪም ማማከር ተገቢ ነው ምክንያቱም የድንገተኛ ልብ ህመም ምልክት ሊሆን ስለሚችል ነው።
#ከዚህ #በተጨማሪ
👉 በሳምንት ውስጥ ከሁለት ጊዜ በላይ የሚያቅርዎ ከሆነ
👉 ለመዋጥ የሚችገሩ ከሆነ
👉 ማቅለሽለሽና ማስመለስ ካልዎት
👉 የምግብ ፍላጎት በማጣት ወይንም ለመመገብ በመቸገር ምክንያት የሰውነት ክብደትዎ ከቀነሰ ሃኪምዎን ማማከር ይኖርብዎታል።

#ቃርን #ለማስታገስ #መደረግ #ያለባቸው #የአኗኗር #ዘይቤ #ለውጦች

👉የሰውነት ክብደትዎን ማስተካከል
👉ቃርን የሚይያስነሱ ምግቦችን አለመመገብ
👉የአልኮል መጠጦችን አለመውሰድ
👉ሲጋራን አለማጤስ
👉በመኝታ ጊዜ ጭንቅላትዎን ከፍ ባለ ትራስ ላይ ማሳረፍ ናቸው።

መረጃዉ ጠቃሚ ሆኖ ካገኙት ይቺን👍 አይንፈጉን

#ጤና #ይስጥልኝ

#ግላውኮማ(Glaucoma)

#ግላውኮማ የምንለው የአይን ህመም በአይናችን ነርቭ ላይ ችግር የሚያስከትል ሲሆን በአይናችን ውስጥ የሚገኘው ግፊት መጨመር ምክንያት የሚከሰት ነው። የዚህ ግፊት መጨመር በአይናችን የምናያቸውን ምስሎች ወደ አንጎል የሚውስደውን የአይናችንን ነርቭ ይጎዳል ይህም በቀጣይነት ቋሚ ለሆነ የአይን ብርሃንን እጦት ይዳርጋል።

#የግላኮማ #ዓይነቶች #ምንድ #ናቸው?

🔘ሁለት ዋነኛ ዓይነቶች አሉ

👉Open-angle glaucoma በጣም የተለመደ ዓይነት ነው በዓይናችን ውስጥ ያለውን የውኃ ማስተላለፊያ አካል trabecular meshwork ተብሎ የሚጠራዉ ጤናማ ይመስላል, ግን ፈሳሹ እንደ ልብ አይንቀሳቀስም
👉Angle-closure glaucoma. በምዕራቡ ዓለም በእስያ እንጂ በስፋት የተለመደ አይደለም በአይንዎ መካከል ያለው ፍሰት በጣም ጠባብ ስለሚሆን ዓይንዎ በትክክል አይሰራም. ይህ በአይኑ ውስጥ ድንገተኛ መጨናነቅ ሊያስከትል ይችላል. በተጨማሪም በአይንዎ ውስጥ ያለውን ሌንስ ጭጋግ መሰል ነገር ያለብሰዋል

👉ግላውኮማ በሚጀምርበት ጊዜ የሚያሳየው ቀዳሚ ምልክት ወይንም የህመም ስሜት ስለሌለ ማንኛውም ሰው መደበኛ የሆነ የአይን ህክምና ማድረግ አስፈላጊ ነው ይህም አይናችን ለከፋ ጉዳት ከመጋለጡ በፊት ህክምና እንድናደርግለት ይረዳናል። ከ40 አመት እድሜ በላይ ያሉ ሰዎች በአመት አንድ ጊዜ ወደ ሃኪም በመሄድ ምርመራን ማድረግ አለባቸው።

#የአይናችን #ውስጥ #ግፊት #ለምን #ይጨምራል?

🔘ግላውኮማ የሚከሰተው በአይናችን ውስጥ የሚገኘው ግፊት ሲጨምር ነው ያልን ሲሆን ይህደግሞ
👉በኢንፌክሽን
👉በአይን በቀዶ ጥገና ምክንያት በፊተኛው የአይናችን ውስጥ የሚገኘው ፈሳሽ በጤናማ ሁኔታ መንሸራሸር ሲያዳግተው ነው።
ግላውኮማ በአብዛኛው ሁለቱንም አይነቶች የሚያጠቃ ሲሁን የህመሙ ክብደት ግን ሊለያይ ይችላል።
#በግላውኮማ #የሚጠቁ #እነማን #ናቸው?

👉ከአርባ አመት እድሜ በላይ የሆኑ
👉በግላውኮማ የተጠቃ ቤተሰብ ያላቸው
👉የስኳር ህመምተኞች
👉የአይን ጉዳት የደረሰባቸው ሰዎች

#የግላውኮማ #ህመም #ምልክቶች #ምንድን #ናቸው?

🔘በአብዛኛው ግላውኮማ በቅድሚያ የህመም ምልክት ላያሳይ ቢችልም ከጊዜ በሗላ ግን የመጀመሪያ ምልክት የሚሆነው
በጥግ በኩል የሚጀምር የአይን ብርሃን ችግር ነው።
#ከምልክቶቹ #ውስጥ
👉ድንገተኛ የሆነ የአይን ህመም
👉ከፍተኛ የራስ ምታት
👉የአይን ብዥታ
👉ጥርት ያለ እይታ አለመኖር
👉የአይን መቅላት
👉የአይን ብርሃን ማጣት
👉የአይን እይታ ጥበት ናቸው
እነዚህ ሁኔታዎች ሲያጋጥምዎ በአፋጣኝ ወደ አይን ሀኪም መሄድ ይጠበቅቦታል።

#ግላውኮማን #መከላከል #ይቻላል?

🔘ግላውኮማ እንዳይከሰት መከላከል የማንችል ሲሆን ነገር ግን በቶሎ የህመሙ መኖር ከታወቀ ለመቆጣጠርና እንዳይባባስ ማድረግ ከፍተኛ ጠቀሜታ አለው።
በግላውኮማ ምክንያት የተከሰተ የአይን ብርሃን ጉዳት ተመልሶ ሊስተካከል የማይችል ሲሆን የነበረው ጉዳት እየተባባሰ እንዳይሄድ ግን የአይን ግፊት መጠኑን መቀነስ ይቻላል። ህክምናቸውን በሚገባ የሚከታተሉ ታካሚዎች የአይን ብርሃናቸውን ማዳን ይችላሉ።

#መልካም #ጤና

#የጥፍር #ፈንገስ #ኢንፌክሽን

#የጥፍር #ፈንገስ #ኢንፌክሽን የምንለው በፈንገስ ምክንያት የሚከሰት ህማምን ሲሆን ከአንድ በላይ ጥፍሮችንም ሊያጠቃ ይችላል።
የጥፍር ፈንገስ ጥፍራችን እንዲወፍርና የህመም ስሜት እንዲሰማን ያደርጋል። የጥፍር ፈንገስ ኢንፌክሽኑ በጣቶችዎ መካከል ሊዛመትም ይችላል።

#የጥፍር #ፈንገስ #ምልክቶች #ምንድን #ናቸው

👉የጥፍር መወፈር
👉የጥፍር ቀለም ወደ ቢጫነት መለወጥ
👉የጥፍር ቅርጽ መለወጥ
👉መጥፎ ጠረን ማምጣት ናቸው።
የጥፍር ፈንገስ በአብዛኛው በእግር ጥፍሮች ላይ የሚከሰት ሲሆን አልፎ አልፎ በእጅ ጣት ጥፍሮች ላይም ይከሰታል።

#ለጥፍር #ፈንገስ #ተጋላጭነትን #የሚጨምሩ #ሁኔታዎች #ምንድን #ናቸው?

👉 እድሜ መጨመር
👉ከፍተኛ ላቦት መኖር
👉በባዶ እግር ውሀ ዋና ቦታ፣ በጂም እና የገላ መታጠቢያ ቦታዎች መራመድ
👉ስኳር ወይም በሽታ የመከላከል አቅምን የሚያዳካሙ ህመሞች መኖር ናችው።

#የጥፍር #ፈንገስ #እንዴት #መከላከል #ይቻላል

👉እጅዎን እና እግርዎን በሚገባ መታጠብ እና ማድረቅ
👉በፈንገስ ያልተበከለ የጥፍር መቁረጫን መጠቀም ወይንም በሚገባ አጽድተን መጠቀም
👉ላቦትን የሚመጡ ካልሲዎችን መጠቀም
👉በየትኛውም ቦታ ጫማ ተጫምተው መንቀሳቀስ
👉የአየር ዝውውርን የሚፈቅዱ ጫማዎችን መጠቀም
👉ጥፍርዎን ለማስዋብ የሚጠቀሟቸው እቃዎች በሚገባ የጸዱ መሆናቸው ማረጋገጥ
👉የጥፍር ማስዋቢያ እቃዎችን ከሌሎች ሰዎች ጋር አለመጋራት ናቸው።

#ህክምናው

👉የጥፍር ፈንገስን ለመከላከል ዋናውና ቀላሉ መንገድ ጥፍሮቻችንን አጭርና ንፁህ አድርጎ መያዝ ነዉ በበሽታዉ ከተጠቃን በኋላ ግን በሀኪም ትዛዝ የሚሰጡ መድሀኒቶች አሉ ከነዚህም ውስጥም
በአፍ የሚወሰዱ የፈንገስ መድሀኒቶች
በቅባት መልክ የተዘጋጁ መድሀኒቶች ናቸው

#ሀኪምዎን #ማማከር #የሚገባው #መቼ #ነው

የጥፍር ፈንግስ ኢንፌክሽን በከፍተኛ ሁኔታ ከአንድ ጥፍር ወደ ሌላው ሊዛመት ስለሚችልና ተገቢው ጥንቃቄ ካልተወሰደ ደግሞ ሌሎች የቤተሰብ አባሎችንም ሊያጠቃ ስለሚችል ወደሀኪም በመሄድ ተገቢውን መድሀኒት በታዘዘው መሰረት በሚገባ በመጠቀም እንዲለቅ ማድረግ ይቻላል።

ጠቃሚ መረጃ ነውና ለወዳጆችዎ ያከፍሉ አብሮነታችሁን በዚ 👍 አሳዩን


#መልካም #ጤና

#ስትሮክ (Stroke)

#ስትሮክ በመባል የሚታወቀው የህመም አይነት በመላው ዓለም እንዲሁም በሀገራችን እጅግ እየተበራከተ የሚገኝ እና ከፍተኛ ትኩረት ሊሰጠው የሚገባ የህመም አይነት ነው፡፡
ስትሮክ ሊከሰትባቸው የሚችሉባቸው መንገዶች ሁለት ናቸው እነዚህም

👉በጭንቅላት ውስ በሚከሰት የደደም መፍሰስ
👉ወደ ጭንቅላት ሊደርስ የሚገባው የደም ፍሰት መቀነስ ወይም መቋረጥ ናቸዉ
ስትሮክ ከተከሰተ በኋላ በአፈጣኝ ወደ ህክምና መውሰድ እና ህክምናውን ወዲያውኑ መውሰድ የታማሚውን ሊደርስበት የሚችለውን የጉዳት ክብደት መቀነስ እና የማገገም ሁኔታውን ሊፋጥን ይችላል፡፡
#ለበሽታው #ሚያጋልጡ #ሁኔታዎች
👉እድሜ፦በእድሜ በገፋን ቁጥር በስትሮክ የመጠቃት እድላችን ይጨምራል
👉ጾታ፦ስትሮክ በአብዛኛው በወንዶች ላይ እንደሚከሰት ጥናቶች ያመለክታሉ
በዘር ሊተላለፍ እንደሚችልም ጥናቶች ያመለክታሉ
👉የደም ግፊት መጨመር
👉የኮሌስትሮል መጠን መጨመር
👉ሲጋራ ማጤስ
👉በስኳር ህመም መያዝ
👉የሰውነት ክብደት መጨመር
👉ከዚህ ቀደም በስትሮክ መጠቃት
#የስትሮክ #ህመም #ምልክቶች
ስትሮክ በተከሰተ በጥቂት ደቂቃዎች ውስጥ የአንጎል ህዋሶች መሞት ይጀምራሉ ይህም የሚከተሉትን አይነት ምልክቶች ያስከትላል
👉ለመራመድ መቸገር ወይም ሚዛን አለመጠበቅ
👉ለመነጋገር መቸገር
👉የሰውነት ክፍል (እጅ ወይንም እግር) ያለመታዘዝ
👉የአይን ብዥታ
👉ድንገተኛ የሆነ ከፍተኛ የራስ ምታት
👉ግራ የመጋባት ስሜት
ከላይ የተጠቀሱትን ምልክቶች በአቅራቢያው በሚገኘው ሰው ከተመለከቱ አፋጣኝ እርዳታ እንዲያገኝ ማድረግ ተገቢ ነው።
#ስትሮክን #የመከላከያ #መንገዶች
የመጀመሪያ እና ቀዳሚው የመከላከያ መንገድ ስለበሽታው ምንነት እና ስለሚያስከትለው ጉዳት ማወቅ ነው፡፡
ስትሮክን የመከላከያ መንገዶች ከእለት ተእለት የአኗኗር ሁኔታችን ጋር የተያያዘ ነው፡፡
👉የደም ግፊት መጠናችንን ማወቅ እና የደም ግፊታችን ከፍተኛ ከሆነም በሚገባ ለመቆጣጠር መሞከር፡፡ የደም ግፊት መድሃኒት የምንወስድም ከሆነ በትክክል እና ያለማቋረጥ መውሰድ፡፡
👉 የስኳር ህመም ተጠቂ ከሆኑ የስኳር መጠኖን መቆጣጠር
👉 ጭንቀትን ማስወገድ
👉ሲጋራ አለማጤስ
👉 የአልኮል መጠናቸው ከፍተኛ የሆኑ መጠጦችን አለመውሰድ
👉የምንጠቀመውን የጨው መጠን መቀነስ
👉ቅባት የበዛባቸውን ምግቦች ያለማዘውተር
👉በቀን ለ 30 ደቂቃ ያህል የአካል ብቃት እንቅስቃሴ ወይም የእግር መንገድ መሄድ
👉 የሰውነት ክብደትን መቀነስ ናቸዉ።
መረጃዉ ከተመቾት ላይክ 👍 ማረጎን አይርሱ

#መልካም #ጤና

#የአፍ #መድረቅ ( Xerostomia)

#የአፍ #መድረቅ #ችግሮች #ምክንያቶችና #መፍትሄዎቻችው

#የአፍ መድረቅ ችግር የሚከሰተው በአፋችን ውስጥ የሚገኙ ምራቅ አመንጪ እጢዎች (salivary glands) ምራቅን በበቂ ሁኔታ ማመንጨት ሳይችሉ ሲቀሩ የሚከሰት ነው።
ምራቃችን በ አፋችን ውስጥ በባክቴሪያ ምክንያት የሚከሰት የጥርስ መቦርቦር እንዳይፋጠር የሚራዳ ሁኔታን ያመቻቻል። ከዚህም በተጨማሪ ምግብን አላምጦ የመዋጥ ሂደትን እንድናደርግና ለምግብ መፈጨት ሂደት የሚያስፋልጉ ኤንዛየምስ የማመንጨት ተግባርን ያከናውናል።
የምራቅ መመንጨት በሚቀንስ ጊዜ የ አፍ መድረቅ ይከሰትና ጤናችንን ሊያቃውስ ይችላል።

#የአፍ #መድረቅ #ምልክቶች #ምንድን ናቸው?

👉አፋችን ውስጥ የማጣበቅ ስሜት ሲሰማን
👉መጥፎ የአፍ ጠረን
👉ለማላመጥ ፣ ለመዋጥ እና ለመናገር መቸገር
👉የጉሮሮ መሻከር ወይንም ቁስለት
👉የምግብ ጣዕም ማጣት ናቸው።

#የአፍ #መድረቅ #የሚያስከትሉ #ሁኔታዎች #ምንድን #ናቸው?

👉የአፍ መድረቅ የሚመጣው ምራቅ አመንጪ እጢዎች በሚፈለገው መጠን ምራቅን ማመንጨት ሲያቆሙ ነው ለዚህም ምክንያት ሊሆኑ የሚችሉ ሁኔታዎችን እናያለን።
👉 መድሃኒቶች
አብዛኛዎቹ መድሀኒቶች የአፍ መድረቅ የጎንየሽ ጉዳታቸው እንደሆነ ጥናቶች ያሳያሉ። ለምሳሌ ለደም ግፊት፣ለመደበት፣ጭንቀት እና አንዳንድ የአለርጂ መድሀኒቶች ይጠቀሳሉ።
👉እድሜ
እድሜአችን በጨመረ ቁጥር የተለያዩ አካላዊ ለውጦችን ተከትሎ የ አፍ መድረቅም የመከሰት እድሉ ከፍተኛ ነው።
👉የነርቭ ጉዳት
በጭንቅላት እና አንገት አካባቢ የሚገኙ ነርቮች በሚጎዱ ጊዜ የአፍ መድረቅ በተያያዥነት ሊመጣ ይችላል።
👉ሲጋራ ማጨስ፣ የአልኮል መጠጥ አብዝቶ መውሰድና ሌሎች አደንዛዥ እፆችን መጠቀም የአፍ መድረቅን ያስከትላል።
👉ኬሞቴራፒ እና ራዲዮቴራፒ
ካንሰርን ለማከም የሚሰጡ ህክምናዎች የ አፍ መድረቅን ለጊዜያዊ ወይንም በቋሚነት ሊያስከትሉ ይችላል።
👉ሌሎች የጤና ችግሮች ለምሳሌ እንደ ኤች አይ ቪ፣የስኳር ህመም፣ስትሮክ፣የፈንገስ ኢንፌክሽን የመሳስሉ ህመሞች ለአፍ መድረቅ ችግር መንስኤ ሊሆኑ ይችላሉ።
👉ማንኮራፋትና አፍን ከፍቶ መተንፈስ ሌሎች መንስኤ ሊሆኑ የሚችሉ ምክንያቶች ናቸው።

#ከአፍ #መድረቅ #ጋር #በተያያዘ #የሚመጡ #ሌሎች #ችግሮች #ምንድን #ናቸው?

👉የጥርስ መቦርቦር እና የድድ ህመም
👉የከንፈር ቁስለት
👉የፈንገስ ኢንፌክሽን
👉የከንፈር መሰነጣጠቅ
👉የክብደት መጠን መቀነስ ናቸው።
አንድ ሰው የአፍ መድረቅ ሲያጋጥመው ወደ ሀኪም በመሄድ ምርመራ ማድረግ ይኖርበታል። ከዛም እንዳስፈላጊነቱ መድሀኒት እንዲውስዱ ይደረጋል።

#የአፍ #መድረቅ #እንዲቀንስልን #በቤት #ውስጥ #ልንጠቀማቸው #የምንችላቸው #ነገሮች #ምንድን #ናቸው?

👉ውሀን ይጎንጩ
ውሀን መጎንጨት የዘወትር ልማር ማድረግ፣ ምግብ በሚመገቡ ጊዜ ለማላመጥ እና ለመዋጥ እንዳይችሉ በውሃ ማወራረድ።
👉በአፍንጫዎ ብቻ ይተንፍሱ
የማንኮራፋት ችግር ካለብዎና ሌሊት አፍዎን ገጥመው መተኛት ካልቻሉ ለማንኮራፋቱ ሀኪምን ያማክሩ።
👉ከስኳር ነጻ የሆኑ ማስቲካ ወይንም ከረሜላ መጠቀም
👉ከንፈርዎን ቫዝሊን ወይንም የከንፈር ቅባት በመቀባት ያለስለሱ።

እንደተለመደዉ መረጃዉ ከተመቾት ላይክ 👍 ማረጎን አይርሱ

#መልካም #ጤና