«እዚህ ቦታ ሁልጊዜ ትመጣለህ?›› ማይክል በድንጋጤ ባንኖ ቀና አለ ። አንዲህ የጸደይ ወር ሲመጣ በፊትም ነጭ ሆኖ የከረመው ፤ በኋላም ወደግራጫነት የተለወጠው ነገር ሁሉ ደርሶ ሲለመልምና አረንጓዴ ሲሆን መንፈስን የሚያድስ ኃይል አለው ። ማይክል ሂልያርድ የቢሮው መታፈን ሲበዛበት ጊዜ ትንሽ መንፈሴ ዘና ቢል ብሎ ባቅራቢያው ወደሚገኘው መናፈሻ ቦታ ሄዶ ቁጭ ብሎ ነበር ። እዚያ ቦታ ማንም እንደማይረብሸው ተስፋ ነበረው ። ተሳስቶ ኖሮ ከላይ የጠቀስናቸውን ቃላት ሰማ ። ቀና ሲል ዌንዲ ታውንሴንድ አጠገቡ ቆማ ተመለከተ። «የ...የለም… ሁልጊዜስ አልመጣም ። እንዲያው የሆነ የጸደይን ፍስሀ የመቅመስ ድንገተኛ አባዜ ያዘኝና መጣሁ እንጂ... »
«እኔንም ልክ ያንተው ዓይነት ነገር ነው ያመጣኝ›› አይስክሬም ይዛ ነበረና እንደማፈር ያለች መሰለች ። ይባስ ብሎ ከላይ ቸኮላቱ ተፈርክሶ ሊወድቅ ሲል እንደምንም ብላ ባፏ ተቀበለችው ።
« ሲያዩት በጣም የሚጥም ይመስላል» አለ ማይክል ከፈላው የጸደይ አየር ጋር ፈካ ያለ ፈገግታ እያሳያት ።
« ላካፍልሀ ?»
« ተይው ይቅርብኝ ። ስለልግስና'ሽ አመሰግናለሁ ። መቀመጥ ትፈልጊያለሽ ? »

እንደሥራ ፈት በሥራ ሰዓት እመናፈሻ ውስጥ ሲያወደለድል በመያዙ እፍረት ተሰምቶታል ። የገና በዓል ዋዜማ ዕለት እቢሮው ድረስ ሄዳ እንኳን አደረሰህ ካለችው በኋላ በየጊዜው ሲተያዩ፤ በአንዳንድ ምክንያትም ሲገናኙ ቆይተዋል ። ደስ የምትል ልጅ ናት የሚል ሃሳብ በልቡ ውስጥ እየፀነሰ ሲሄድ ቆይቷል። አጠገቡ ቁጭ ብላ አይስክሬሟን ጨረሰች ። « ሥራ እንዴት ነው ? ለመሆኑ አሁን ምን እየሠራሽ ነው አላት ። « የህውስተንና የካንሳስ ሲቲ ፕሮጀክቶችን እየሠራሁ ነው። አንድ ፕሮጀክት ላይ የኔ ሥራ ሁልጊዜም አንተ ከጨረስክ ከመንፈቅ በኋላ ነው የሚጀምረው ። የአንተን ዱካ እየተከታተሉ መሥራት በጣም ያስደስተኛል »
« ይኸን ንግግር ምን እንደምለው አላውቅም »
‹‹ምስጋና በለው »
« እግዜር ይስጥልኝ ። በነገራችን ላይ ቤን ምን ዓይነት አለቃ ነው ?ማለቴ ደግ ነው ወይስ መሆን አለብህ ብዬ ባስጠነቀቅሁት መሰረት ጨካኝ ባሪያ ፈንጋይ ነው ? »
« ጭካኔ የሚባል ነገር ቢሞክርም አይሳካለት » |
« ይገባኛል ። አውቃለሁ » አለ ማይክል በትዝታ ፈገግታ ተውጦ ። « ታውቂያለሽ፤እኔና ቤን የረጅም ጊዜ ትውውቅ አለን ። እንዲያውም ወንድማማች ማለት ነን»
« በጣም ግሩም ሊወደድ የሚገባ ሰው ነው » ማይክል ራሱን በአወንታ ነቀነቀ ፤ በጸጥታ ። ወደ ሀሳብ ውስጥ ገባ ። ቤንን ካየው ምን ያህል ሩቅ ነው ይህን ሥራ ከጀመሩበት ጊዜ ጀምሮ እንደዱሮው እይገናኙም ። ጊዜም የለም ። ወይም አመቺ ጊዜ አይፈጠርም ። ቤን እንዴት እንደሚኖር እንኳ አያውቅም ። ሁልጊዜ ተገናኝተን የምንነጋገርበትን መንገድ እፈጥራለሁ ይላል ። ግን አይሳካለትም ። ማይክል የዱሮው ማይክል አይደለም። ተለውጧል ። በህይወቱ ብዙ ነገር ሲለወጥ እሱም ተለውጧል ።

«በሕሳብህ እሩቅ አገር የሄድህ ትመስላለህ ሜስተር ሂልያርድ ። ደስ የሚል አገር ይሆን?» ትከሻውን ነቅንቆ፣« የጸደይ ወራት ሁሌም እንዲህ ያደርገኛል ። እንዲህ ባለሁበት ላይ እንድቆም ያደርገኝና ያለፈውን ኑሮዬን እንድቃኝ ይገፋፋኛል ። ያን እያደረግሁ ነው መሰለኝ ዛሬም »
« ነገሩ አይከፋም ። እኔም እንደሱ ዓይነት ነገር አለብኝ ። ግን እኔ እንዲህ እማደርገው ባመት ባመት በመስከረም ወር ላይ ነው። ምናልባት ከትምህርት ቤት መከፈት ጋር ተያይዞ ፤ በዚያው ልማድ ሆኖብኝ ቀርቶ ይሆናል። አብዛኛው ሰው የዚህ ዓይነት ስሜት ይሰማኛል የሚለው በጥር ወር ላይ ነው። ግን አሁን ስትለኝ እንደገባኝ ይህ መሆን የሚገባው በጸደይ ወራት ነው ። ያኔ ነዋ ሁሉ ነገር ለምልሞ አዲስ ሆኖ የሚወጣው። ያኔ አብሮ ኑሮን እንደ አዲስ መጀመሩ መልካም ሳይሆን አይቀርም። »

ይህን ስትል እያትና ፈገግታ ተለዋወጡ ። ከዚያም ዓይኑን ፊት ለፊቱ እሚገኘው ኩሬ ላይ ተከለ። ሁለት ዳክዬዎች በጸጥታ ይንሳፈፋሉ ። በተረፈ ግን ጸጥ ብሏል ።
« አምና ይኽኔ ምንድን ትሰራ ነበር ?» አለች ዌንዲ ታውንሴንድ። እሷ አፏ እንዳመጣላት ጠየቀች ። ክፉም ፣ ደግም አላሰበች ግን ይህ ጥያቄ ማይክልን እንደስል ካራ ከላይ እስከ ታች ስንጥቅ አደረገው ።


ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_ስድስት
፡
፡
#ድርሰት_ሚሲስ_ሔንሪ_ውድ

...“ አዬ ሚስተር ካርላይል እኛ ሥጋ ለባሾች ምስኪን ሐኪሞች ታላቁ ሐኪም ብቻ ሊፈጽመው የሚችለውን ተአምር መሥራት ብንችል ፈሊያጊያችን ምን ያህል
በበዛ ነበር ? በጥቁሩ ዳመና ውስጥም ስውር ትኩረት መኖሩን አስታውስ አትርሳ በል ደህና ሁን ወንድሜ

ሚስተር ካርላይል ተመልሶ ገባ ወደ ሳቤላ ቀረበና
እንደ ተቀመጠች ቁል
ቁል ተመለከታት » ፊቷን ደህና አድርጋ በመነጽሯ ሸፍናው ስለ ነበር በጣም
ሊታየው አልቻለም የሱም ሐሳብ እሷን ለማነጋገር
እንጂ ፊቷን ለማጥናት አልነበረም “ይኸ በጣም ከባድ መርዶ ነው " አንቺ ግን ከኔ ይበልጥ የተገነዘብሺውና
ያሰብሽበት ይመስለኛል ”

ከተቀመጠችበት ድንገት ብድግ አለችና ወደ መስኮቱ ሔደች " አንድ የምትፈልገው ሰው በመንገዱ ሲያልፍ ያየች ይመስል ወደ ውጭ ትመለከት ጀመር "
ስሜቷ በሙሉ በሠራ አካላቷ ተማሰለ " ቅንጦቿ ይነዝራሉ ጉሮሮዋ ለብቻው
ይመታል ትንፋቯ ቁርጥ ቁርጥ ይላል " ምን ትሁን ? በልጃቸው ጤንነት ከሱ
ካባቱ ጋር በምስጢር መነጋገሩን እንዴት ትቻለው የእጅ ሹራቦቹን እንደ አሳት
ከሚፈጃት እጆቹ አወለቀቻቸው " ላቧን ከግንባሯ ጠረገች ለመረጋጋት ሞክረች
ለሚስተር ካርላይል ምን ምክንያት ትስጠው ?

“ልጁን በጣም ነው የምወደው ...ጌታዬ ” አለችው በከፊል ፊቷን ወደሱ መለስ አድርጋ“ ስለዚህ የሐኪሙ ግልጽና ቁርጥ አነጋገር አንጀቴን አላወሰው !የምሆነውን አሳጣኝ ለሕመም ሰጠኝ "

አሁንም ሚስተር ካርይል ወደ ቆመችበት ተጠጋና “በውነቱ ለኔ ልጅ ይህን
ያህል መጪነቅሽ ሲበዛ ደግ ሰው ነሽ ” አላት "

እሷ ግን ምንም አልመለሰችለትም "

“ በይ እንግዲህ ይህን ነገር ለሚስዝ ካርላይል እንዳትነግሪያት " አላትና
ነገሩን በመቀጠል፡“እኔው ራሴ ብነግራት ይሻላል " በአሁኑ ሰዓት በድንገት ማዘንም መደንገጥም አይኖርባትም።”

“ምን የሚያሳዝናቸው ወይም የሚያስደነግጣቸው ነግር አለ እናቱ አይደሉ?”
አለችው " አነጋገሯ በቁጭት በንዴትና በግለት ስለነበር ባርባራን የምታጥላላ መሰለባት " ልትጨምርበት ስትል የሷንና የባርባራን ያሁኑ ማንነት ትውስ አላት "
በገጽታዋ ሳታሳይ ድንግጥ አለችና መደምደሚያውን በጣም አለዘበች " ሚስተር ካርላይል ዐይኖቹን አፈጠጠ " ድምፁ ተለዋወጠ "

“ ሳታስተውይ በችኮላ ትናገሪያለሽ ... ማዳም " አላት "

በተናገረችው መልስ ደነገጠች " ማን መሆኗን አሰበች " ኃፍረትም ውርደትም ተሰማት ። እሷ ስለ ሚስቱ እንደዚህ ብላ ሳትናገር ሚስተር ካርላይል ከዕብድ የባሰች አድርጎ ሊገምታት እንደሚችል ተሰማት ትቷት ሲሔድ የልመና ከንፈሮቿን
እያንቀጠቀጠች ወደሱ ምልስ አለች "

“በትክክል ገብቶኝ ከሆነ የሚወስደው ስለሌለ ወደ ሙቀት አገር ሊሔድ አይችልም ስትባባሉ የሰማሁ መሰለኝ " ይህ ከሆነ ለምን እኔ ይዤው አልሔድም ?አደራውን ለኔ ይስጡኝ "

“ አይሔድም ዶክተር ማርቲን የረባ ዕድሜ ስለማይጨምርለት ባይሔድ
ይሻላል ማለቱን ሰምተሻል "
“እሱማ ለጥቂት ሳምንት ብቻ ነው ብሏል " ታዲያ እነሱስ ቢሆኑ ዋጋ የላቸውም አለችው።

“ሊኖራቸው ይችላል # ግን ጥቅማቸው ከምኑ ላይ ነው ? ለሱ ኮ ከቤተሰቡ
ተነጥሎ በብቸነት የሚሠቃይባቸው ሳምንቶች ይሆኑበታል" ስለዚህ ልጄ ከኔ መለየቱ የማይቀርለት ከሆነ እስከ መጨረሻው የመለያያ ቅጽበት አብሮኝ መቆየት አለበት።

ዊልያም በሩን ከፈት አደረገና ጭንቅላቱን ብቅ አድርጎ ተመለከተ "ሔደ
አይደለም እኔ ኮ የዓሳ ዘይት እንዳይሰጠኝ ካልወጣ ኤልመጣም ብዬ ነው የቆየሁት” አለ።

ሚስተር ካርላይል ተቀመጠና ዊልያምን ከጉልበቱ ላይ ቁጭ አድርጎ ግንባሩን ከልጁ ሐርማ ጸጉር አሳርፎ ሰማህ ልጄ!ዘይቱ በጎ እንዲያደርግህና እንዲያበረታህ መሆኑን ታውቃለህ?። አለው

"እኔ ግን የሚያጠነክረኝ አይመስለኝም " ዶክተር “ማርቲን እኔን ይሞታል
አለኝ ?

"ስለ መሞት ደግሞ ማን ነገረህ ?”

“ አንዳንዶቹ ያወሩታል "

“ ዝም ብለህ እንድትሞት አናደርግም " አንተን ለማዳን ምን ማድረግ እንዳለብን ለማወቅ እንሞክራለን ይኸን ታውቃለህ ዊልያም ?

“ አዎን ዐውቃለሁ ”

ሚስተር ካርላይል ተነሣና ልጁን ለማዳም ቬን ስጥቶ'“ በይ ደህና አድርገሽ
ተጠንቅቀሽ ያዥው ብሏት ወደ ኮሪደሩ ዐለፈ

“ አባባ ! ... አባባ!እፈልግሃለሁ ” አለና ማዳም ቬንን ትቶ ወደሱ እየሮጠ
በእግርህ ነው ወደ ቤት የምትመለሰው ? አብሬህ በእግሬ ልምጣ ?”

በዚያ ሰዓት በዚያ ስሜት የልጁን ጥያቄ ለመቀበል እምቢ የሚልበት አንጀት አልነበረውም “ እሺ እስክመለስ ድረስ እዚህ ጠብቀኝ ” ብሎት ወጣና
ደርሶ ተመለሰ " እሱ የዊልያምን እጅ ይዞ ማዳም ቬን ከዊልያም ቀጥላ ፈንጠር ብላ ጉዞ ቀጠሉ "

በዚህ ዐይነት እየሔዱ ሳለ ትንሹ ሰውዬ ከፖስታ ቤት እየሮጠ ወጣና ከነሱ
ጋር ፊት ለፊት ግጥም አሉ ሰውየው የተደናገጠ ይመስል ነበር መንገደኞችንም
ድንገት ድቅን በማለት ካደናገራቸው በኋላ ወደ ጐርፍ መሔጃው ዘወር አለ " ሰውየው ፍራንሲዝ ሌቪሰን ነበር !

ዊልያም በልጅነት ቅንነቱ ዞር ብሎ አይቶት እኔ እንደዚህ ሰውዬ አስቀ
ያሚና መጥፎ ሰው አልሆንም " አንተሳ . . . አባባ ?

ሚስተ ካርላይል አልመለሰለትም " ማዳም ቬንም ሳታስበው ድንገት አይታዋለች » ከዚያም መንግዳቸውን ቀጠሎና ሚስተር ጀስቲስ ሔር በር ሲደርሱ ባለቤቱንም ከዚያው ቁሞ አገኙት ዊልያም' ሚስዝ ሔርን ከአትክልቱ ቦታ ወንበር
ላይ ተቀምጣ አያትና ሊስማት ሔደ ሚስዝ ሔርን ልጆቹ ሁሉ ይወዷት ነበር "
“ እኔ የምለው ሚስተር ካርላይል ዛሬ ወደ ፍርድ ቤት አልሔድኩም ነበር "
አንድ ማመልከቻ በምስጢር እንደ ቀረበላቸው ፒነር ነገረኝ ዝም ብለው የማይታመን የማይሆን ነገርኮ ነው " አንተስ ምን የምታውቀው ነገር አለ ?

" እኔ ያወቅሁት ነገር የለም ”

ነገሩ ዲክ ሆሊጆንን ያለመግደሉን ለማሳወቅ የታሰበ ይመስላል” አለ በዛፎቹ ሥር በስውር የሚያዳምጡ እንዳይኖሩ የሠጋ ይመስል ድምፁን ዝቅ አድርጎ "
የገደለው ሌቪሰን እንጂ ... ትሰማኛለህ ? ሌቪሰን እንጂ እሱ አይደለም " የሚል
ነገር አቅርበዋል አሉ " ግን በጭራሽ የማይሆን የማይመስል ወሬ ነው”

“ ስለ ሪቻርድ ከደሙ ንጹሕነት ” አለ ሚስተር ካርላይል !“ እኔም ካመንኩበት ብዙ ዘመኔ ነው

“ስለ ሌቪስን ወንጀለኝነትሳ ? አለ ጀስቲስ ሔር ዐይኖቹን በመገረም አፍጦ።

“ ስለሱ የምሰጠው አስተያየት አይኖረኝም ” አለው ሚስተር ካርላይል ቀዝቀዝ ብሎ።

“ ሊሆን አይችልም ። ዲክ ነጻ ሊሆን አይችልም ዲክ ነጻ ሆነ ማለት ዓለም
ተገለበጠች ማለት ነው !! ”

“ አንዳንዴም አይሆንም ያሉት ይሆናል " ሪቻርድ ንጹሕ የመሆኑ ነገር በፀሐይ ባደባባይ ሊረጋገጥ ነው” አለ ሚስተር ካርላይል

“ በዚያኛው ከተመሰከረበት ደግሞ የመያዣውን ከፖሊስ ወስደህ አንተው ራስህ ትይዘዋለህ ”

“ እኔስ በእንጨትም አልነካው ሰውየው ከተቀጣ ይቀጣል እኔ ግን የቅጣቱን መንገድ ጠራጊ በመሆን አልረዳም ”

“ እና ዲክ ነጻ ሊሆን ይችላል ?” ታዲያ ለምን ጠፋ ? ለምን ቀርቦ እንደዚህ ብሎ አላመለከተም ?”

"እርስዎ አንቀው ለፍርድ እንዲያቀርቡት ነው? ለማቅረብ መማለልዎን ያውቃሉ ? አለው ሚስተር ካርላይል "

ጀስቲስ ሔር በጣም እየበረዶ ሔዶ ።

“ እንዴ ግን ካርላይል
ያቺ ከንቱ በሕይወት ቆይታ ብታይ ኖሮ አንጀትህ
እንዴት በሻረ ! ያ የተሳሳተ አድራጎቷ ምን ያህል ይቆጫት ምን ያህል ያሳርራት ነበር !”

“ ብዙ ሰዎች የየጃቸውን ያገኛሉ " አለና ሚስተር ካርላይል ለሚስዝ ሔር
ባርኔጣውን በሩቅ አንሥቶላት ቶሎ የተመለሰውን ዊልያምን በጁ ይዞ መንገዱን ቀጠለ።

ሳቤላ አካላቷ ሙሉ እየራደ አንጀቷ እያረረ • ከዊልያም ጐን ሆና አብራው ተጓዘች ጀስቲስ ሔር አእምሮው በሐሳብ ተውጦ በሰማው ነገር ተደናግጦ ስለ
ሁኔታው እያሰበ ከዐይኑ እስኪጠፉ ይመለከታቸው ጀመር " 'ሪቻርድ ነጻ ሲሆን
ሪቻርድ ከሚያሳፍረው ውድቀት ሊጥለው ሲያባርረው ከኖረው ወንጀል ነጻ ሊሆን? ያኛው ደግሞ ወንጀለኛ ሊሆን ? ይህ ከሆነ ዓለም ተገለበጠች ማለት ነው "

ሐሙስ ጧት የዌስት ሊን መሪዎች የደስታ ድምፅ ያስተጋቡ ጀመር » መንገዶች በሰዎች ግጥም አሉ " መስኮቶች ከውስጥ ወደ ውጭ በሚመለከቱ ራሶች ተጠሉ" ቀኑ የተወዳዳሪዎች ስም ተጠርቶ ለሕዝብ የሚገለጽበት ነበር የገጠሩ
ሕዝብም ግልብጥ ብሎ ገባ ሀብታም ድሃ ታዋቂ የማይታወቅ መምረጥ የሚችል የማይችል ሳይል ሁሉም ድብልቅልቅ ብሎ የዕለቱን ውጤት ለማወቅ በጕጕት የሚጠባበቅበት ዕለት ነው " ነገሩን ከመቸም ጊዜ ለየት ያደረገው ስመ ጥፉ ሰር ፍራንሲዝ ሌቪሰን ሚስተር ካርላይልን ለመወዳደር በመቅረቡና ሁኔታውና ታሪኩም እስከ አገር ቤት ድረስ በመስማቱ ነበር " ሕዝቡ የዚያን ምርጫ ሁኔታና ሒደት
ለማወቅ ሲል ዳር እስከ ዳር እየተናደ ገብቶ ዌስት ሊንን አጥለቅልቆታል ባርባራ ሁለቱን ልጆችና ያቺን የልጆች አስተማሪ አስከትላ በሠረገላዋ ሁና መጣች "
አስተማሪቱ እንኳን ከቤት ለመቀረት ፈልጋ ነበር " ባርባራ ግን ነገሯን አልተቀበለቻትም » እንዲያውም ነገሩን እንደ ናቀችው አድርጋ ቆጠረችባት " ስለ ሚስተር
ካርሳይል መመረጥ አለመመረጥ ግድ ከሌላትም ባርባራ ልጆቹን ለመጠበቅ ፋታ ስለማታግኝ ባይሆን ሎሲን እንድትጠብቅላት አብራት መሔድ እንዳለባት ስትነግራት በግድ ማዳም ቬን ሳትወድ ከሠረገላው ገባችና ከሚስዝ ካርላይል
ፊት ለፊት ተቀመጠች "

ከሚስ ኮርኒሊያ ካርላይል ቤት ወረዱ » የቤቱ አቀማመጥ የምርጫውን ሁኔታ ለማየት አመቺ በመሆኑ ብዙዎች የቅርብ ወዳጆቻቸው እዚያ ተሰብስበው ነበር
ሚስ ካርላይልም በረቂቅ ጉንጉን ከተሠራ ጨርቅ የተሰፋ ጌጠኝነቱና ማማሩ ልዩ የሆነ ቀሚስ ለብሳ ከቀይና ከወይን ጠጅ ቀለሞች የተሠራ የአበባ ቅጠል ደረቷ ላይ አድርጋለች " ሚስ ካርላይል በደንብ ለብሳ መታየቱ አስፈጊ ሆኖ የታያት በዚህ ቀን ብቻ ነበር በሕይወቷ !

ሚስተር ካርላይልም ወደ ማዘጋጃ ቤት አዳራሽ ሲያልፍ ሁሉንም በኮርኒሊያ
ታላቁ ሳሎን መስኮት አያቸውና ወርዶ ሰላም ብሏቸው መልካም ምኞታቸውን ተቀብሎ ሔዶ

የዕለቱ ሥራ ተጀመረ ሰር ጆን ዶቢዴ ሚስተር ካርላይልን ለእጮነት አቀረበው » ሚስተር ሐርበርት ደገፈው " ስር ፍራንሲዝ ሌቪሰንን አንድ መኮንን ጠቆመው" ሌላ መኮንን ጥቆማውን ደገፈው እጅ በማንሣት ቢታይ ለሚስተር ካርላይል
አድልቶ ስለታየ የሌቪሰን ሰዎች ድምፅ እንዲሰጥ ጠየቁ ስለዚህ የማዘጋጃ ቤቱ አዳራሽ ለድምፅ አሰጣጥ የማይበቃ ስለሆነ ሌላ ተስማሚ ቦታ ተመረጠ " ሕዝቡ ወደዚያው ግልብጥ ብሎ ነጎደ። መንገዱ በሚስ ካርላይል ቤት በኩል ስለ ነበር ሚስተር ካርላይል በደጋፊዎቹ ታጅቦ ሲያልፍ ሚስ ካርላይል ቤት የተሰበሰቡ ሴቶች መሐረቦቻቸውን አውለበለቡላቸው "

“ ካርሳይልና ክብር ለዘለዓለም ይኑሩ ” ብሎ ወጣቱ ሎርድ ቬን ሲጮህ
ህዝቡ እየተቀበለ አስተጋባ

“ ወይ ጉድ ' ይሀ ሁሉ ክዋክብት የመሰለ ሴት ለሚስተር ካርላይል እንዴት
እንደሚሆንለት አየህ ? አለው ሚስተር ድሬክ ለሌቪሰን በጆሮው “ “ አንተን ከዚህ ውድድር እንድትገባ ያደፋፈሩህ ሰዎች ከብቶች ናችሁ " እኔ በፊትም ተናግሬ ነበር የማሸነፍ ዕድልህ ኃይለኛ ነፋስ ጥላ ለማለፍ ከምትሞክር የለባ ቁራጭ
አይሻልም " ቀደም ብለህ መተው ነበረብህ።

“ እንዴት.. ፈሪ ይመስል ! አለ ስር ፍራንሲዝ ቆጣ ብሎ “ እስከ መጨረሻው እገፋበታለሁ ”

“ ሚስቱ እንዴት ታምራለች ! ቀጠለ ድሬክ ዐይኖቹን በአድናቆት ባርባራ
ላይ ጣል አድርጎ “ እኔ የምልህ የፊተኛይቱም እንደዚች ታምር ነበር?” አለው።

ሰር ፍራንሲዝ ፊቱን ከሰከሰ የሷን ነገር እንዲነሣበት አልወደደም ። ነገር ግን ለዚሁ ምላሽም ሆነ ተጨማሪ ቃል ሳይናገር አንድ የፖሊስ ልብስ የለበሰ ሰውዬ በሕዝቡ መኻል እየተጋፋና እየጣሰ ደረሰና እጁን አሳረፈበት "

“ ሰር ፍራንሲዝ ሌቪሰን እስረኛዬ ነዎት ”

በዚህ ጊዜ ከዕዳ የከፋ ነገር ይመጣል ብሎ አላስበውም " ያም ቢሆን አላነሰውም የፊቱ ቀለም በንዴት ተለዋወጠ ።

“ እጅሀን ወዲያ በል .. ተባይ ! እንዴት ደፈርከኝ”

ወዲያው ካቴና አገባበትና ' በዚህ ሁኔታ ስይዝዎ በጣም እያዘንኩ ነው " የመያዣው ትእዛዝ የተሰጠኝ ትናንት በዐሥራ አንድ ስዓት ነው " ላገኝዎ
አልቻልኩም ። ሰር ፍራንሲዝ ሌቪሰን .. አቅደውና ነፍስ ለማጥፋት ብለው ጆርጅ
ሆሊጆንን በመግደል ወንጀል ተይዘዋል ” አለው "
የከበቡት አፈገፈጉ እዚያው ሆነው የሰሙት ደነገጡ " ወሬው እየተራባ ዳር እስከ ዳር ደረሰ ፍራንሲዝ ሌቪስን ፊቱ ተለዋወጠ " አቅሉን እስኪስት ድረስ ደነግጠ በዚህ እንዳለ ኦትዌይ ቤቴልን ካጠገቡ አየው "

“ አንተ ውሻ ! አንተ ነህ
ይህን ሁሉ የምታደርግ !"

“ ኧረ እኔ አይደለሁም ! ብሎ ሊቀጥል ሲል አንድ ፖሊስ መጣና አንድ ሌላ ጥንድ ካቴና በእጆቹ አስገባበት

“ ሚስተር ኦትዌይ ቤቴል ፤ በጆርጅ ሆሊጆን ግድያ ተባባሪ በመሆንዎ በሕግ
ፊት ተይዘዋል "

እዚያ የነበረው ሕዝብ ሁሉ አብሮ የተያዘ ይመስል ዐይኑን አፍጦ ጆሮውን
ሰጥቶ ድርቅ ብሎ ቆመ "

ኮሎኔል ቤቴል ዘመዱ እንደዚያ ሆኖ ሲታሰር አይቶ ወደ ባለ ብጫዎቹ ዘንድ
ሔደና '' ምን ማለት ነው እንዶዚህ ያለ አሠራር ? ” አለ የሥልጣን ተጽዕኖ
ባለው አነጋገር "

“ የእኛ ጥፋትኮ አይደለም . . . . ኮሎኔል " እኛ እንድንይዝ የተሰጠንን ትእዛዝ ነው የፈጸምን ” አለ አንደኛዉ “ ፍርድ ቤቱ እነዚህ ሁለት ሰዎች በሆሊጆን ግድያ ስለ ተጠረጠሩ እንዲያዙ ትናንት ትእዛዝ ሰጥቷል "

“ ከሪቻርድ ሔር ጋር በመተባበር ነው ? አለ ነገሩ በጣም ያስደነገጠው መኮንን ወዶ ፖሊሶቹና ወደ እስረኞቹ እየተመለከተ "

“ሪቻርድ በነገሩ የለበትም ይባላል " አለ አንደኛዉ ፖሊስ እኔ ግን ያረጋገጥኩት ነገር የለም ”

' ኧረ እኔም ምንም የለሁበትም " እለ ኦትዌይ ቤቴል "

“ይህ ከፍርድ ቤት ሲቀርቡ በመረጃ የምያረጋግጡት ይሆኖል” እለው ፖሊሱ
በትሕትና " ሚስ ካርላይልና ወይዘሮ ዶቢዴ በመስኮቱ በኩል በጕጕት ሲመለከ ከነሱ በታች የነበሩትን ሰዎች ነገሩ ምን እንደሆነ ጠየቁ " “ የምርጫው
ተወዳዳሪና ትንሹ ቤቴል በነፍስ ገዳይነት ተያዙ እነሱ ገድለው ጥፋታቸውን በዲክ
ሔር አላከኰበት እሱ ግን በነግሩ አልነበረበትም እየተባለ ይወራል " አላቸው
ነገሩን ቁማ ታዳምጥ የነበረችው ሚስዝ ሔር በድንጋጤ ጮኸች » እዚያው እንዳለች ድክምክም አለች ባርባራ ሮጣ ደገፈቻት » ነገሩን በጣም ተጠራጠረችው
ሚስተር ካርላይል ከውጭ በአካባቢው ስለ ነበሮ ተጠርቶ መጣ ባልና
ሚስቱ ደግፈው አንድ ክፍል ውስጥ አስገብተው አጽናኑዋት "

አርኪባልድ እውነቱን ንገረኝ " አንተን አምንሃለሁ " እውነት ልጄ ነጻ የሚወጣበት ቀን መጣ ? ያ ክፉ አታላይ ስውዬ በገመዱ ሊገባ ነው ?”

“ስለ ሰውዬው ወንጀል እኔ አላውቅም " ልጅዎ ግን ነጻ እንዲሚወጣ አይጠራጠሩ አይዞዎ ፤አይጨነቁ " የደስታ ዘመን እየመጣልዎ ነው” ብሎ አበራታቷትና አስምኗት ወጣ...

💫ይቀጥላል💫

#ጠላፊዎቹ
፡
፡
#ክፍል_ሀያ_ሶስት
፡
፡
#በኬንፎሌት
፡
፡
#ትርጉም_በወንዳየሁ_ንጉሴ


በተቃራኒው ጦርነት
ወደ ተዘፈቀች አገር መመለሱ ራሱ አንድ ያልተፈታ እንቆቅልሽ ነው፡.... እዚህ ነገር ውስጥ በመጀመሪያ ደረጃ ለምን ገባሁ? አለች ልቧ
እየተሰበረ ሁን ለመጸጸት ጊዜ የለም፡ አንዴ ስለወሰንኩ ወደ ኋላ
የምልበት ነገር የለም፡፡ የተተፋ ምራቅ ተመልሶ አይዋጥም አለች መልሳ
በሆዷ ሀሳቧ አንድ ቦታ አልረጋ ብሏት፡

ማርክ እጇን ለቀም አድርጎ ሲይዝ እንዳይለቃት ፈራች፡፡ ‹አንድ ጊዜ ሃሳብሽን ለውጠሻል። አሁንም ደግመሽ መለወጥ ትችያለሽ›› አለ ለማሳመን፡፡
ከኔ ጋር አሜሪካ እንሂድና ላግባሽ፡፡ ልጆቻችንን ይዘን ባህር ዳር እንጫወታለን የምንወልዳቸው ልጆች ቴኒስ እየተጫወቱ፣ እየዋኙ ብስክሌት እየነዱ ያድጋሉ፡ ስንት ልጅ ነው መውለድ የምትፈልጊው?››

አሁን መወላወሉን አቁማለች፡፡ ‹‹ማርክ እያደረኩት ያለሁት ነገር ጥሩ አይደለም፡፡ ተመልሼ ወዳገሬ እሄዳለሁ›› አለች፡፡
ያለችውን የተቀበለ መሆኑን ተረዳች፡፡ ሁለቱም ሀዘን ገብቷቸውና የሚሰሩትን አጥተው ዓይን ላይን ይተያያሉ፡፡ የሚናገሩት ጠፍቷቸው ዝም
ዝም ብለዋል፡

ከዚያም መርቪን ቡና ቤት ውስጥ ዘው ብሎ ገባ፡፡

ዳያና ባሏ ፊቷ መጥቶ ድቅን ሲልባት ዓይኗን ማመን አቃታት፡ ልክ
አንድ የሆነ መንፈስ ፊት የቆመ ይመስል አፈጠጠችበት፡ እንዴት እዚህ ሊመጣ ቻለ? ሊሆን አይችልም

‹‹እዚህ ተገኘሽ አይደል!›› አለ መርቪን በተለመደው አስገምጋሚ ድምጹ
ዳያና ግራ ተጋባች፡፡ መርቪን እዚህ መገኘቱ አስደንቋታል፣ አስፈርቷታል፣ እፎይታ ሆኗታል፣ ቅሌት ውስጥም ከቷታል፡፡ ከሌላ ወንድ ጋር እጅ ለእጅ ተያይዛ ባሏ ሲደርስባት በደመነፍስ እጇን ከማርክ እጅ መንጭቃ አላቀቀች

ማርክም ‹‹ምንድነው እሱ?›› ሲል ጠየቃት ነገሩ ስላልገባው፡

መርቪን ሁለት እጁን ወገቡ ላይ አድርጎ ፊታቸው ተገትሯል፡

‹‹ማነው ይሄ ፊታችን የተገተረው?›› ሲል ጠየቀ ማርክ፡፡

‹‹ባሌ መርቪን ነው›› አለች በደከመ ድምጽ፡

‹‹ወይ አምላኬ!›› አለ ማርክ፡

‹‹እንዴት እዚህ ልትመጣ ቻልክ መርቪን?›› ስትል ጠየቀች ዳያና የምንተ እፍረቷን፡፡

‹‹ብራሴ አይሮፕላን በርሬ መጣሁ›› አለ ቁርጥ ባለ የአነጋገር ባህሪው:
ቆዳ ጃኬት የለበሰ ሲሆን በእጁ የሞተር ሳይክል ነጂ ቆብ አንጠልጥሏል፡፡
‹‹ኧረ ለመሆኑ እዚህ መሆናችንን እንዴት አወቅህ?›› ስትል ጥያቄዋን
ደገመች፡፡

‹በጻፍሽልኝ ደብዳቤ አሜሪካ እንደምትሄጂ ገልጸሻል፡ ወደ አሜሪካ
የሚኬደው ደግሞ በሰማይ በራሪ ጀልባ ብቻ መሆኑ ይታወቃል›› አለ በድል
አድራጊነት፡፡

የሷን ዱካ ተከታትሎ የምትሄድበትን መንገድ ገምቶ እሷ ጋ በመድረሱ ደስ እንዳለው ከገጽታው ይነበባል፡ በራሱ አይሮፕላን በርሮ ሊደርስባቸው
እንደሚችል ፈጽሞ አልጠረጠረችም፡፡ በዚህ መንገድ ተከታትሎ ስለደረሰባት ደካማ ነኝ ስትል አሰበች፡፡

ከእነሱ ትይዩ ባለው
ወንበር ላይ ተቀመጠና
‹‹እስቲ ዊስኪ አምጪልኝ›› ሲል አዘዘ አስተናጋጇን፡፡

ማርክ ብርጭቆውን አንስቶ ባንዴ ሲጨልጥ ዳያና ታየዋለች::በመጀመሪያ መርቪንን ሲያየው ተርበትብቶ ነበር፡፡ በኋላ ግን መርቪን አምባጓሮ እንደማያነሳ ሲገነዘብ ተረጋጋ ሆኖም ወምበሩን ገፋ አደረገና ከዳያና ፈንጠር ብሎ ተቀመጠ፡፡ የሰው ሚስት እጅ እንደያዝ ባሏ ከተፍ ሲልበት ሳያፍር አልቀረም፡

ዳያና ድፍረት እንዲሰጣት ብላ ከአልኮሉ ተጎነጨች፡ መርቪን በጭንቀት ያያታል። ግራ መጋባቱንና መጎዳቱን ከፊቱ ስታይ ደረቱ ውስጥ
ተወሸቂ! ተወሸቂ! አላት፡፡ ከፊቱ ምን እንደሚጠብቀው ሳያውቅ እሷን ፍለጋ
አገር አቋርጦ መጥቷል፡፡ እጇን ሰዳ በማጽናናት ሁኔታ ክንዱን ያዝ አደረገችው፡፡

ሚስቱ በውሽማዋ ፊት ያዝ ስታደርገው መርቪን ማርክን በእፍረት አየት አደረገው፡፡ ዊስኪው ሲመጣለት አንስቶ በአንድ ትንፋሽ ጨለጠው::
ማርክ በበኩሉ ዳያናን የሚያጣ መስሎት ወምበሩን ወደ እሷ አስጠጋ
ዳያና በሁኔታው ግራ ተጋባች፡፡ እንደዚህ አይነት ነገር ከዚህ በፊት
ገጥሟት አያውቅም:: ሁለቱም ሰዎች ይወዱዋታል ከሁለቱም ጋር ተኝታለች፡ ሁለቱም ይህን ያውቃሉ፡፡ በጣም አሳፋሪ፡፡ ሁለቱንም ማጽናናት ፈለገች፧ ሆኖም ፈራች፡፡ አሁን ወደ መከላከሉ አዘምብላለች። ከሁለቱም ራቅ ብላ ተቀመጠችና ‹‹መርቪን አንተን ልጎዳ ብዬ አይደለም እዚህ መዘዝ ውስጥ የገባሁት›› አለች

መርቪን ፊቱን ቅጭም አድርጎ ‹‹አምንሻለሁ›› አለ
‹‹ታምነኛለህ? የሆነውን ሁሉ ትቀበለዋለህ?›› አለች ዳያና፡፡

መርቪን ማርክ ላይ አፍጥጦ ነገር ለመፈለግ በሚመስል ሁኔታ
ተጠጋውና ውሽማሽ አሜሪካዊ ይመስላል፤ከአፍ የወደቀ ጥሬ!
የተመኘሺውን አግኘተሻል›› አለ፡፡

ማርክ አፈገፈገ፤ ምንም ቃል ሳይተነፍስ መርቪንን አፍጥጦ ያየዋል ማርክ ጠብ ፈላጊ አይነት ሰው አይደለም፡፡ ሁኔታው ግራ አጋብቶታል፡ ከዚህ በፊት ተገናኝተው ባያውቁም መርቪን ዋና ባላንጣው ነው፡፡ ማታ ማታ ዳያና አቅፋው የምትተኛው ሰው ማን ይሆን?› ሲል ራሱን ሲጠይቅ ከርሟል፡፡ አሁን ማን እንደሆነ አውቆታል። ከማርክ ጋር ሲተያይ መርቪን ስለማርክ ምንም የተጨነቀ አይመስልም፡፡
ዳያና ሁለቱን ባላንጣዎች ተመለከተቻቸው፡ ምንም የሚያመሳስላቸው ነገር የለም መርቪን ዘንካታ፣ ጠብ ያለሽ በዳቦ የሚል፣ ኮስታራና ነርቨስ ነው ማርክ
ደግሞ አጭር፣ ሽክ ያለ፣ ነቃ ያለና ስው ሲናገር ጆሮ የሚሰጥ ሰው ነው ማርክ
አንድ ቀን ይህን ታሪክ በኮመዲ ስራው ውስጥ አካቶ ሳያቀርበው አይቀርም ስትል ዳያና አሰበች፡

አይኖቿ እምባ አንቆርዝዘዋል፡ መሃረብ አውጥታ ንፍጧን ተናፈጠች
«ልክስክስ መሆኔን አውቄዋለሁ›› አለች፡

‹‹ልክስክስ!›› ሲል አሾፈ መርቪን ቃሉ አንሶበት፡፡ ‹‹በጣም የጅል ስራ
ዳያና ባሏ በተናገረው ተሸማቀቀች፡ ብዙ ጊዜ ስድቡ አፏን እንዳዘጋት
ነው፡፡ ዛሬ ግን ከስድብም በላይ ይገባታል፡፡

አስተናጋጇና ጥግ ተቀምጠው መጠጣቸውን የሚኮመኩሙት ሁለት
ሰዎች ሁሉን ነገር ጣጥለው ትእይንቱን በጉጉት ይመለከታሉ፤ ‹‹ምን ይከተል ይሆን?› እያሉ።

መርቪን አስተናጋጇን ጠራና ‹የኔ ቆንጆ ሳንድዊች ብታመጪልኝ›› ሲል አዘዛት እሷም ‹‹እሺ የኔ ጌታ›› አለችው በፍጹም ትህትና፡፡
አስተናጋጆች መርቪንን ይወዱታል።

ከቅርብ ጊዜ ወዲህ ኑሮ እያስጠላኝ መጥቷል ትንሽ ደስታ አገኝ ብዬ ነው አሜሪካ ለመሄድ የወሰንኩት›› አለች ዳያና፡፡

"ትንሽ ደስታ አገኝ ብዬ ነው ያልሽው! አሜሪካ ጓደኛ የለሽ፣ ዘመድ የለሽ፣ ቤት የለሽ. . .አዕምሮሽ ማሰብ አቆመ እንዴ!›› አለ መርቪን፡፡

ዳያና መርቪን ስለደረሰላት አምላኳን ብታመሰግንም እንዳይጨክንባት
ፈርታለች ማርክ በእጁ ትከሻዋን ነካ አደረገና ‹‹ለምንድነው አሜሪካ ደስታ
የማታገኚው፧ እዚያ ለመሄድ ማሰብሽ ስህተት አይደለም›› አላት ድምጹን
ዝቅ አድርጎ፡፡

መርቪንን ከዚህ በላይ ማናደዱ አስፈርቷታል፡፡ ምናልባትም ትቷት
ተመልሶ ይሄድ ይሆናል፡ በማርክና በሉሉ ቤል ፊት ‹‹አልፈልግሽም›› ብሎ
ቢላት እንዴት እንደሚያበሳጫት መገመት አስቸጋሪ ነው፡፡ አያደርግም
አይባልም፡፡ መርቪን ተከትሏት ባይመጣ ጥሩ ነበር፡፡ ይህ ማለት ደግሞ
እዚሁ አንድ ውሳኔ ላይ መድረስ ይኖርበታል፡፡ ከዚያም ብርጭቆዋን አነሳችና ከንፈሯን አስነክታ ‹‹ይህን መጠጥ አልፈልግም›› ብላ መልሳ አስቀመጠችው

በዚህ ጊዜ ማርክ ‹‹ሻይ ላምጣልሽ?›› አላት፡፡

የፈለገችው ሻይ ስለነበር ‹‹አዎ አምጣልኝ›› አለችው፡
ማርክ ባሬስታውጋ ቀልጠፍ ብሎ በመሄድ ሻይ አዘዘላት፡ መርቪን እንዲህ ያለ ነገር አይነካካውም፡ ማርክን በጥላቻ ዓይን አየው፡፡
‹የኔ ችግር ይሄ ነው?›› ሲል ጠየቃት፡፡ አንድ ነገር ስትፈልጊ ተነስቼ
ስለማላመጣልሽ፡፡ አባወራም የቤት አሽከርሽም እንድሆን ትፈልጊያለሽ?››

መርቪን የመጣለትን ሳንድዊች አልነካውም፡፡

‹አሁን መጨቃጨቅ አያስፈልግም ትይኛለሽ? አሁን ያልተጨቃጨቅን
መቼ ልንጨቃጨቅ ነው? ደህና ሁን ሳትይኝ ይህን ጅላጅል ደብዳቤ ትተሽልኝ ከዚህ የማይረባ ሰው ጋር ኮበለልሽ›› አለና አንድ ቁራጭ ወረቀት
አውጥቶ ዳያና ፊት አስቀመጠው፡፡ ዳያና ጽሑፉ የሷ መሆኑን አወቀች፡
ይህን ስታይ ፊቷ በሃፍረት ቲማቲም መሰለ፡፡ ደብዳቤውን ይዛ አነባች
‹እንዴት ቡና ቤት ውስጥ ሰው ፊት እንዲህ ያሳጣኛል?› አለችና ፈንጠር
ብላ ተቀመጠች፡ አሁን በንዴት ነርቭ ሆናለች፡፡

ሻዩ ሲመጣ ማርክ ጀበናውን አነሳና ‹‹በማይረባ ሰው የተቀዳ ሻይ ልስጥህ?›› ሲል ጠየቀው መርቪንን፡፡
ቡና ቤት ውስጥ ያሉት አይሪሻውያን በሳቅ ፈነዱ መርቪን ግን በንዴት ተወጥሮ ምንም አልተነፈሰም፡፡

ዳያና እየተናደደች ‹‹እኔ ጅል ልሆን እችላለሁ፡ ራሴን ለማስደሰት ግን መብት አለኝ›› አለች፡

መርቪን ጣቱን ወደ ዳያና ቀስሮ ‹‹እኔን ስታገቢ ቃል ገብተሽ ነበር: ስለዚህ ፈርጥጠሸ መሄድ የለብሽም›› አለ፡፡

በንዴት ተብከነከነች በአቋሙ ሙጭጭ እንዳለ ነው፡፡ ለድንጋይ እንደመናገር ይቆጠራል፡፡ ለምን አያመዛዝንም? ሁልጊዜ እሱ ትክክል
ሌላውን ስህተተኛ አድርጎ ለምን ይቆጥራል?› ወዲያው ይህን ባህሪውን ችላ እንደኖረች በህሊናዋ መጥቶ ድቅን አለባት፡ ለአምስት አመት ያህል ቢያንስ በየሳምንቱ እንዲህ ሲያበሳጫት እንደነበር ታሰባት፡፡ እሱ ከመምጣቱ በፊት ከአዲሱ ፍቅረኛዋ ጋር ዓለሟን ስትቀጭ ስለነበር ባሏ ምን ያህል አስቸጋሪ ሰው እንደነበር ረስታዋለች፡፡

ማርክም ጣልቃ ገባና ‹‹ማድረግ የምትፈልገውን ነገር እንዳታደርግ
ልትከለክላት አትችልም፡፡ ካንተ ጋር ወደ ቤቴ ተመልሼ ልሂድ ካለች እኔ አልከለክላትም፡፡ አሜሪካን አገር ሄዳ እኔን ማግባት ከፈለገች ማንም
ሊከለክላት አይችልም›› አለ፡፡

መርቪን ጠረጴዛውን በጡጫ ጠለዘና ‹‹አንተን ልታገባ አትችልም፤ የኔ
ሚስት ናት!›› አለ፡፡

‹‹ልትፈታህ ትችላለች››
‹‹በምን ምክንያት?››
‹‹በአሜሪካን አገር
የትዳር ጓደኛን ለመፍታት ምክንያት አያስፈልግህም›› አለ ማርክ፡፡

መርቪን ወደ ሚስቱ ዞር አለና ወደ አሜሪካ እግርሽ ንቅንቅ አይልም፡፡ ከኔ ጋር ወደ ማንቼስተር ትመለሻለሽ›› አለ ማርክን አየት ስታደርገው በስስት ፈገግ አለላትና ‹የሚልሽን የመቀበል ግዴታ የለብሽም›› አላት ‹‹ልብሽ የሻተውን አድርጊ››

‹ኮትሽን ልበሽና እንሂድ›› ሲል አዘዘ መርቪን፡፡

የመርቪን ቁጡ ባህሪ እንደገና ነገሮችን እንድትመረምር አደረጋት፡
ዋናው ጉዳይ ማለትም ከማን ጋ ልኑር› የሚለው ጥያቄ በሁለቱ ወንዶች
መካከል ሊነሳ ከነበረው አምባጓሮና በአሜሪካ የመኖር ስጋት ጋር ሲነጻጸር
ሚዛን የሚደፋ ነበር፡ ማርክ ይወዳታል እሷም ትወደዋለች፡፡ ሌላው ነገር
ሁሉ ሁለተኛ ደረጃ ነው፡፡ ውሳኔዋ በአዕምሮዋ ሲመሰረት ትልቅ እፎይታ
ተሰማት፡ ትንፋሿን በረጅሙ ለቀቀችና ‹‹ይቅርታ መርቪን›› አለች ‹‹ጥዬህ
ከማርክ ጋር እሄዳለሁ፡››
....................................

ናንሲ ሌኔሃን ከመርቪን ላቭሴይ ሚጢጢ አይሮፕላን ላይ ሆና ቁልቁል
የፓን አሜሪካን የሰማይ በራሪ ጀልባ ለበረራ ዝግጁ ሆኖ በባህር ዳርቻ ላይ
"በኩራት ቆሞ ስታየው ቅጽበታዊ ደስታ ተሰማት፡ ከተወሰኑ ሰዓታት በፊት
ዕድል ጠሞባት የምታደርገውን አጥታ ነበር፡ ነገር ግን የወንድሟን ዕቅድ
በከፊልም ቢሆን ለማጨናገፍ ትንሽ ቀርቷታል፡ ናንሲ ሌኔሃን እንዲህ በቀላል እጇን የምትሰጥ ሴት አይደለችም› ስትል ለራሷ አድናቆት ቸረች፡

ትንሿ አይሮፕላን የመቆሚያ ቦታ ፍለጋ ስትሽከረከር ናንሲ ከወንድሟ
ሊገጥማት የሚችለውን እሰጥ አገባ ስታስበው ሰውነቷ በንዴት ተወጣጠረ፡
ወንድሟ እሷን ለማታለል ይህን ያህል ለምን ፈ እንደጨከነ ማመን አሁንም
አቅቷታል፡ እንዴት ይሄ ሀሳብ በአእምሮው ሊመጣ ቻለ?
በህጻንነታቸው አብረው ገላቸውን ይታጠቡ ነበር፡፡ መሬት ወድቆ እግሩ
ሲቆስል ፋሻ ወይም የቁስል ፕላስተር ታስርለት ነበር፡ ማስቲካ ቆርጣ ታካፍለው ነበር፡ ጥፋቱን ለሰው ነግራበት አታውቅም፡፡ የእሷን ሚስጥር ሳትደብቅ ትነግረው ነበር፡ ካደጉም በኋላ ምንም እንኳን ሴት ብትሆንም በሁሉም ነገር ትበልጠው ዕድሜውን በሙሉ እሱን ትንከባከበው ነበር፡

አባታቸው ሲሞቱ ፒተር የኩባንያው ኃላፊ እንዲሆን ፈቀደችለት፡ ይሄ ደግሞ በኋላ በእጅጉ ዋጋ አስከፍሏታል፡ የአባታቸው ምክትል ከነበረው ናት
ሪጅዌይ ጋር አፍላ ፍቅር ላይ በነበረችበት ወቅት የኩባንያውን ኃላፊነት
ፒተር እንዲይዝ ስትስማማ ናት ሪጅዌይ በድርጊቷ አኩርፎ ኩባንያውን ለቆ
ወጣ፡፡ እሷንም አይንሽ ላፈር አላት፡፡ ከዚያ በኋላ ነው እንግዲህ ፍቅሯን
ሳያስጨርሳት ሌላ ሴት ያገባው፡፡

ጓደኛዋና የኩባንያው ጠበቃ ማክ ማክብራይድ ፒተር የኩባንያው ኃላፊ እንዳይሆን ቢመክራትም ወንድሟ ፒተርን ሰዎች በአባቱ እግር ሊተካ
ማርክን አየት ስታደርገው በስስት ፈገግ አለላትና ‹የሚልሽን የመቀበል
ግዴታ የለብሽም›› አላት ‹‹ልብሽ የሻተውን አድርጊ››
‹ኮትሽን ልበሽና እንሂድ›› ሲል አዘዘ መርቪን፡፡
የመርቪን ቁጡ ባህሪ እንደገና ነገሮችን እንድትመረምር አደረጋት፡
ዋናው ጉዳይ ማለትም ከማን ጋ ልኑር› የሚለው ጥያቄ በሁለቱ ወንዶች
መካከል ሊነሳ ከነበረው አምባጓሮና በአሜሪካ የመኖር ስጋት ጋር ሲነጻጸር
ሚዛን የሚደፋ ነበር፡ ማርክ ይወዳታል እሷም ትወደዋለች፡፡ ሌላው ነገር
ሁሉ ሁለተኛ ደረጃ ነው፡፡ ውሳኔዋ በአዕምሮዋ ሲመሰረት ትልቅ እፎይታ
ተሰማት፡ ትንፋሿን በረጅሙ ለቀቀችና ‹‹ይቅርታ መርቪን›› አለች ‹‹ጥዬህ
ከማርክ ጋር እሄዳለሁ፡››
ምዕራፍ አስራ ሁለት
ናንሲ ሌኔሃን ከመርቪን ላቭሴይ ሚጢጢ አይሮፕላን ላይ ሆና ቁልቁል
የፓን አሜሪካን የሰማይ በራሪ ጀልባ ለበረራ ዝግጁ ሆኖ በባህር ዳርቻ ላይ
"ኩራት ቆሞ ስታየው ቅጽበታዊ ደስታ ተሰማት፡ ከተወሰኑ ሰዓታት በፊት
oድል ጠሞባት የምታደርገውን አጥታ ነበር፡ ነገር ግን የወንድሟን ዕቅድ
በከፊልም ቢሆን ለማጨናገፍ ትንሽ ቀርቷታል፡ ናንሲ ሌኔሃን እንዲህ
በቀላል እጇን የምትሰጥ ሴት አይደለችም› ስትል ለራሷ አድናቆት ቸረች፡
ትንሿ አይሮፕላን የመቆሚያ ቦታ ፍለጋ ስትሽከረከር ናንሲ ከወንድሟ
ሊገጥማት የሚችለውን እሰጥ አገባ ስታስበው ሰውነቷ በንዴት ተወጣጠረ፡
ወንድሟ እሷን ለማታለል ይህን ያህል ለምን እንደጨከነ ማመን አሁንም
አቅቷታል፡ እንዴት ይሄ ሀሳብ በአእምሮው ሊመጣ ቻለ?
በህጻንነታቸው አብረው ገላቸውን ይታጠቡ ነበር፡፡ መሬት ወድቆ እግሩ
ሲቆስል ፋሻ ወይም የቁስል ፕላስተር ታስርለት ነበር፡ ማስቲካ ቆርጣ ታካፍለው ነበር፡

ጥፋቱን ለሰው ነግራበት አታውቅም፡፡ የእሷን ፈ ሚስጥር ሳትደብቅ ትነግረው ነበር፡ ካደጉም በኋላ ምንም እንኳን ሴት ብትሆንም በሁሉም ነገር ትበልጠው ዕድሜውን በሙሉ እሱን ትንከባከበው ነበር፡

አባታቸው ሲሞቱ ፒተር የኩባንያው ኃላፊ እንዲሆን ፈቀደችለት፡ ይሄ ደግሞ በኋላ በእጅጉ ዋጋ አስከፍሏታል፡ የአባታቸው ምክትል ከነበረው ናት
ሪጅዌይ ጋር አፍላ ፍቅር ላይ በነበረችበት ወቅት የኩባንያውን ኃላፊነት
ፒተር እንዲይዝ ስትስማማ ናት ሪጅዌይ በድርጊቷ አኩርፎ ኩባንያውን ለቆ
ወጣ፡፡ እሷንም አይንሽ ላፈር አላት፡፡ ከዚያ በኋላ ነው እንግዲህ ፍቅሯን
ሳያስጨርሳት ሌላ ሴት ያገባው፡፡

ጓደኛዋና የኩባንያው ጠበቃ ማክ ማክብራይድ ፒተር የኩባንያው ኃላፊ
እንዳይሆን ቢመክራትም ወንድሟ ፒተርን ሰዎች በአባቱ እግር ሊተካ የሚችል ብቃት ያለው ሰው አይደለም ብለው እንዳያስቡ የማክብራይድን ምክርና የራሷን ፍላጎት ወደ ጎን ትታ ያደረገችለትን ያን ሁሉ ደግነት ከምንም ሳይቆጥር እሷን ለማታለል የሚያደርገውን መፍጨርጨር ስታስብ
እሱን ፊት ለፊት አግኝታና አናግራ እውነቱን ለማወቅ በእጅጉ ጓጉታለች፡፡ ገጽ ለገጽ ተገናኝተው ምን እንደሚል ለማወቅ ትዕግስት አጥታለች።

ስለዚህ ከፒተር ጋር የሚገጥማትን ጦርነትን በድል ለመወጣት
ፒተር አይሮፕላኑ ላይ ሳይሳፈር መድረስ ብቻ አይደለም ዓላማዋ ይሄ
የመጀመሪያ እርምጃ ነው፡፡
አይሮፕላኑ ላይ መሳፈር አለባት፡፡ ነገር ግን
አይሮፕላኑ ቦታ ከሌለው ከአንዱ ተሳፋሪ ላይ ቲኬት በጭማሪ ዋጋም ቢሆን
መግዛት ይኖርባታል፡፡ ወይም አማላይነቷን ተጠቅማ ፓይለቱ እንዲጭናት ማግባባት ይኖርባታል፡፡ አለበለዚያም ጉቦም ሰጥታም ቢሆን አይሮፕላኑ ላይ መውጣቷ የግድ ነው፡ አገሯ ቦስተን ስትደርስም ትንንሽ የአክሲዮን ድርሻ
ያላቸው አክስቷን ቲሊሊና የአባቷ የቀድሞ ጠበቃ ዳኒ ሪሌይ ድርሻቸውን
ለናት ሪጅዌይ እንዳይሽጡለት ማግባባትም የሚጠበቅባት ተግባር ነው፡ ይህን
ማድረግ ባያቅታትም ፒተር በቀላሉ እጅ አይሰጥም፡፡ ምክንያቱም ናት
ሪጅዌይን የመሰለ ባላንጣ በኋላ ደጀንነት አሰልፏልና፡

መርቪን ትንሿን አይሮፕላን ሜዳ ላይ አሳረፋት፡፡ ከእሱ በማይጠበቅ ጨዋነት ናንሲ ከአይሮፕላኗ ስትወርድ እጇን በመያዝ ረዳት፡፡ የአየርላንድ መሬት ለሁለተኛ ጊዜ ስትረግጥ አባቷ ትዝ አሏት፡፡ አባቷ ሁልጊዜ
እትብታቸው ስለተቀበረበት አገር አውርተው ባይጠግቡም አንድም ቀን ዝር ብለው አያውቁም፡፡
በዚህም ሀዘን ተሰማት፡፡ በአንጻሩ በህይወት ቢኖሩ ኖሮ ልጆቹ ከአባታቸው ቀድመው የአያት ቅድመ
መርገጣቸውን ቢያውቁ ምንኛ ደስ እንደሚላቸው አሰበች፡፡ በሌላ በኩል ግን
አያቶቻቸውን አገር የገዛ ልጃቸው እድሜ ልክ የደከሙበትን ኩባንያቸውን ለማፈራረስ ትግል
እያደረገ መሆኑን ሳያዩ አፈር መልበሳቸው ጥሩ ነው ስትል አሰበች ናንሲ
ሌኔሃን፡፡

መርቪን አይሮፕላኗን ሲያሳርፋት ልቧ አረፍ አለ፡፡ ምንም እንኳን
የሚፈልጉት ቦታ ብታደርሳቸውም ከሞት የተረፉት ለጥቂት ነው፡፡ አይሮፕላኗ ከዚያ ገደል ጋር ልትጋጭ የነበረው በዓይነ ህሊናዋ ሲመጣ አንቀጠቀጣት፡፡ ከዚህ በኋላ እስከ ዕለተሞቷ በትንሽ አይሮፕላን እንደማትበር ማለች፡

ከፊት ለፊታቸው የሚሄደውን ድንች የጫነ በፈረስ የሚጎተት
እየተከተሉ በፍጥነት በመንደሯ ተጓዙ፡ መርቪን ከሁኔታው ድል የማድረግም የፍርሃትም ስሜት እንደሚታይበት ናንሲ ተገንዝባለች፡ እንደ
እሷው ሁሉ እሱም ክህደት ተፈጽሞበታል፡፡ እሷ እንዳልተቀበለችው ሁሉ
እሱም ክህደትን በጸጋ አልተቀበለውም፡፡ እሷ ላይ እንደተፈጸመው ከጀርባው
ሆነው ሲዶልቱ የነበሩ ሰዎች ደስ አይበላቸውና ጥረታቸውን ድባቅ
ለመምታት ትንሽ እንደቀረው ሲያስብ ልቡ ቅቤ ይጠጣል፡

ፎየንስ መንደር ያለው አንድ መንገድ ብቻ ነው፡፡ ግማሽ መንገድ ያህል እንደሄዱ የፓን አሜሪካን አየር መንገድ ተሳፋሪዎች የሚመስሉ ማለፊያ
የለበሱ ዘመናዊ ሰዎች ወደ እነሱ ሲመጡ አዩና መርቪን ወደ ሰዎቹ ጠጋ ብሎ ‹‹ወይዘሮ ዳያና ላቭሴይ የምትባል ሴት ታውቃላችሁ? የፓን አሜሪን
ተሳፋሪ ሳትሆን አትቀርም›› ሲል ጠየቀ፡

‹‹አዎ እናውቃታለን›› አለች ከሴቶቹ መካከል አንዷ፡ ናንሲ መልስ የሰጠችው ሴት ታዋቂዋ የፊልም አክተር ሉሉ ቤል እንደሆነች ወዲያው አወቀች: ዳያና ላቭሴይን እንደማትወዳት ካመላለሷ ተረዳች - ናንሲ፡
የመርቪን ሚስት ምን ትመስል ይሆን? ስትል አሰበች ናንሲ፡
ሉሉ ቤልም ቀጠለችና ‹‹ወይዘሮ ዳያና ላቭሴይ እና አብሯት ያለው ጓደኛዋ ከመንገዱ ባሻገር ያለው ቡና ቤት ውስጥ ናቸው›› አለች፡፡

‹‹እባክሽ የቲኬት መሽጫውን ቦታ ብታሳይኝ?›› ስትል ናንሲ፣ ሉሉ ቤልን ጠየቀቻት
‹‹አንድ የቱሪስት አስተናጋጅነት ገጸባህሪን ወክዬ የምሰራ hሆነ ስራውን ደጋግሜ ማጥናት አይኖርብኝም›› ስትል ሉሉ አብረዋት የነበሩ ሰዎች በሳቅ ፈነዱ፡ ቀጠለችና ‹‹የአየር መንገዱ ህንጻ ከባቡር ጣቢያው አልፎ ከወደቡ ፊት ለፊት መንገዱ መጨረሻ ላይ የሚገኘው ህንጻ ውስጥ ነው›› አለች፡
ናንሲ ሉሉን አመሰገነችና መንገዷን ቀጠለች። መርቪን እየገሰገሰ ስለነበር
እሱጋ ለመድረስ የሩጫ ያህል ተራመደች። ብዙም ሳይሄዱ መርቪን ሁለት
ሰዎች በተመስጦ እየተነጋገሩ ከመንገዱ አቅጣጫ ሲሄዱ አየና አይኑን ማመን አቅቶት ቆመ: ናንሲ መርቪንን በድንገት ከመንገዱ ያስቆሙት
ሰዎች እነማን እንደሆኑ ለማወቅ ጓጓች፡ አንደኛው ሰው ጥቁር ሱፍ ልብስ
የለበሰ ጸጉረ ነጭ ቦርጫም ሲሆን የፓን አሜሪካን አየር መንገድ ተሳፋሪ
ለመሆናቸው ጥርጥር የለውም፡፡ አብሯቸው ያሉት ረጅም ሰው በማሳ ላይ
የተተከለ የወፍ ማባረሪያ አሻንጉሊት የመሰሉ፣ አጥንታቸው የገጠጠ ራሰ
በራ ሲሆኑ አስፈሪ ቅዥት አስደንግጧቸው ከእንቅልፋቸው የባነኑ ሰው
ይመስላሉ፡፡ መርቪን ሊጠጋቸው ሰውየው ደነበሩ፡፡ መርቪን ሊተናኮላቸው
የመጣ ሰው መስሏቸው ለመከላከል እጃቸውን በደመነፍስ አወናጨፉ፡፡
ሁለተኛው ሰው ‹‹ችግር የለም ካርል፤ ተረጋጋ›› አላቸው፡፡

መርቪንም ‹‹ጌታዬ፣ ሰላም ልሎት ነው የመጣሁት፡፡ እርስዎን በአካል ማግኘት መቻሌ ክብር ይሰማኛል›› አላቸው ከሰውነት ጎዳና የወጡትን ሰው፡፡
ሃርትማን ጥንቃቄ ሳይለያቸው እጃቸውን ለሰላምታ ዘረጉ፡፡ናንሲ የመርቪን ባህሪ በአንድ ጊዜ መለወጡ አስደንቋታል፡ ከዚህ ቀደም የነበረው ባህሪውን እንዳየችው ከሆነ በዓለም ላይ ከሱ በላይ ሰው እንደሌለ አድርጎ የሚገምት ሰው ነበር፡፡ አሁን ግን ያየችው ባህሪ እንደየቤዝቦል ጨዋታ ኮከብ ተጫዋችን የአድናቂነት ፊርማ እንዲፈርምሉት
የሚለማመጥ አንድ ተማሪን ነው ያስታወሳት....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ ሀያ (20)

‹‹ምክንያቱም ባለፈው ዓመት ይኸኔ… ባለፈው ዓመት በዚህቀን…››
«ምን ... ያው አሁን ከምሰራው የተለየ ምንም ነገር አልነበረም » አላት እንደምንም ። ፊቱ ልውጥውጥ አለ ። ግንባሩ መስመር ብቻ ሆነ ። ክመቀመጫው ብድግ ብሎ «ትንሽ ብናወራ መልካም ነበር ። ደስ ይለኝ ነበር ። ሆኖም ካስር ደቂቃ በኋላ ስብሰባ መግባት አለብኝ ። ስለዚህ ልሂድ አለና ፈገግ ሳይል ጨብጧት ሄደ ። ሁኔታው ድንገት ልውጥ ማለቱን የተገነዘበችው ዌንዲ ምን ብዬ ይሆን ? ምን የሚያስከፋ ነገር ተናገርኩ ይሆን? ስትል አሰበች ። የለም ስለሰውየው ጠባይ ቤንን መጠየቅ ይኖርባታል። እወቅሁት ስትል ድንገት የትናየት ርቀህ እንደምትገኝ ያሳይሀል»

ከአሥር ደቂቃ በኋላ በተጀመረው ስብሰባ ላይ ዌንዲም ተካፋይ እንደነበረች ሲረዳ ማይክል በጣም ተገረመ ። ዌንዲ እስብሰባው ላይ እንድትገኝ ያደረገው ቤን ኣቭሪ ነበር። ምክንቱም ስብሰባው የሳንፍራንሲስኮ ሕክምና ማዕከልን ሥራ ለመጀመር በሚቻልበት ዕቅድ ላይ ለመነጋገር ሲሆን አስቀድሞ መነጋገርን ከሚሹ ሥራዎች አንዱ የሕንፃው የውስጥ አሠራር ንድፍ ሥራ ነው። የዚህ ባለሙያ ደግሞ ዌንዲ ታውንሴንድ ናት ። በእርግጥ አስቀድሞ በታወቀው መሠረት መሠረታዊውን ፕላንና ንድፍ ተከትሎ ሕንፃው ይሠራል ። ግን ይህ በቂ አይሆንም ። ውበቱን ከፍ ለማድረግና ድንቅ የጥበብ ሥራ ለመፍጠር በሥነ ጥበብ ሥራዎች ማስጌጥ ያስፈልጋል ። እነዚያን የሥነ ጥበብ ሥራዎች ቤን ራሱ ወደ ሳንፍራንሲስኮ በመሄድ ሲፈልግና ሊመርጥ ወስኗል ። ስለዚሀም ዌንዲ ኒውዮርክ ውስጥ የሚከናወነውን ሥራ በጥብቅ መከታተል አለባት ።

ሥራው ዛሬና ነገ ይጀመራል የሚባል ባይሆንም ስብሰባው የተደረገው አስቀድሞ የተቻለውን ያህል ሁኔታዎችን ለማጥናት ፤ ውሳኔዎችን ለመስጠትና ይደርሳሉ የተባሉ ችግሮችን ለመመልከትና ዕቅዱን አበጥሮ ለመተንተን ነው ። ይህ ዝግጅት ተደርጐ ከቆዬ ሥራው ሲጀመር የሚመጣው ችግር አነስተኛ ይሆናል ። ስብሰባው ረጅም ግን ምንም ዓይነት ዘበዘባ የሌለበት ሲሆን በማሪዮን ሒልያርድ መሪነት ፤ በጆርጅ ኮሎዌ ረዳትነት ነበር የተካሄደው ። ይህ ይባል እንጂ የማይክል ተሳትፎ ከነዚህ ከሁለቱ የሚያንስ አልነበረም ። ምክንያቱም የዚያ ፕሮጀክት ኃላፊ ራሱ ማይክል ሒልያርድ ሆኖ ተሾማል ። ማሪዮን ሒልያርድ የዚህን ትልቅ ፕሮጀክት ኃላፊነት ለማይክል መስጠቷ በከንቱ አልነበረም ። በመላ ሀገሪቱ የሚገኙ ታላላቅ የሚባሉ የአርኪቴክቸር ድርጅቶች ሁሉ የዚህን ፕሮጀክት ሥራ ለማግኘት ቋምጠው ነበር። ኮተር ሂልያርድን ማሸነፍ የማይቻል ሆነና ሳያገኙት ቀሩ ። የሥራውን ሁኔታ የማይከታተል ባለሙያ ድርጅት አይኖርም ማለት ነው ። እንደሚያዋጣ ማሪዮን ሙሉ በሙሉ ታምናለች ። ይህ ደግሞ የፕሮጀክት ኃላፊ የሆነውን አርኪቴክት ስምና ዝና የሚተክል እንደሆነ ይገባታል ። ስለዚህም ኃላፊነቱን ለማይክል ሰጠችው ።

ስብሰባው ሲያበቃ ከምሽቱ አሥራ ሁለት ሰዓት ሊሆን ምንም ያህል አልቀረውም ነበር ። በዕለቱ ዌንዲ ታውንሴንድ በሀሳብ አቀራረቧ ሲያስፈልግም ማሪዮንን እስከመጋተር በመድረስ በሙያዋ ምን ያህል የበሰለች እንደሆነች አሳይታለች። ስብሰባው ሲያልቅ ድክምክም ብላ ነበር። ከስብሰባው ሲወጣ ቤን ትከሻዋን መታ መታ እያደረገ « እሰይ የኔ ልጅ ! የዛሬ ሁኔታሽ የሚደነቅ ነበር » አላት። ወዲያው ጸሐፊው ስለጠራችው ቀድሟት ሄደ ። ዌንዲ ስለሁኔታው እያሰበች በኮሪደሩ ውስጥ ብቻዋን በመጓዝ ላይ እንዳለች ማይክል አስቆማት ። ገረማት ።»

« የሥራሽን ሁኔታ ጥልቀት ሳይ በጣም ተገረምኩ ዌንዲ እንዲህ ከሆነ በመተባበር ግሩም የሆነ ነገር እንደምንፈጥር ይታየኛል » አለ ማይክል ። « እኔም እንደዚያ ብዬ እገምታለሁ » አለች ፤ ኩራት እየተሰማት ። ሌላ ሰው ሳይሆን ማይክል ነውኮ ያመሰገናት ። « አትጠራጠሪ » አለ ማይክል ። ድንገት ሁለቱም ዝም አሉ፤ ጎን ለጎን እየሄዱ። «ማይክል…. ማይክል... ቅ... ቅድም ማለት ምን እንዳልኩህ እንጃ። ግን ሆነ ብዬ… በፍጹም አውቄ ሳይሆን… አስቀየምኩህ መሰል ፤ አደል ? ማለት… ሚስጥር ለማስወጣት ወይም በግል ሕይወትህ ለመግባት ሳይሆን… አጠያየቄ.. በጣም በጣም አዝና…» ስትጨነቅ ሲያያት አዘነላት ፤ «የለም ዊንዲ ፤ አንቺ ምንም አላጠፋሽም ። እኔ ነኝ ጋጠወጥ ሥራ የሠራሁት። እና ይቅርታ አድርጊልኝ ። የጸደዩ ወራት ከሕልሙ ጋር ደባልቆ የማይገባ ባህሪ ሳይሰጠኝ አልቀረም ። ለምን ዛሬ እራት አልጋብዝሽም? ካሳ » አለ ። ይህ የራት ግብዣ ጉዳይ ካፉ ሲወጣ ደነገጠ። እሷም ገፅታ ላይ አድናቆትና ጥርጣሬ አብረው ተስለው መታየት ጀመሩ፡፡ «እኔ ማለት አየህ? ልካስ ብለህ... » ኣለች «ማን ግድ አለኝ ? ! ደስ ስለሚለኝ ነው » አላትና ፈገግ ብሎ « ያንችን ንገሬኝ ይመችሻል ?»
«ምንም ችግር የለም… እንዲያውም ደስ ይለኛል ።»
«ደግ እንግዲህ ። ካሁን ጀምሮ ካንድ ሰዓት በኋላ እቤትሽ ድረስ መጥቼ እወስድሻለሁ » አድራሻዋን ለስብለባ በያዘው ማስታወሻ ጀርባ ላይ ጫር ጫር አደረገና ያዘ። ወደ ቢሮው ሲሄድ ምን ዓይነት ዕብደት ነው ሲል አሰበ። ወዲያው ግን ለምን ዕብደት ይሆናል አለ። ልክ ባላት ሰዓት እቤቷ ይረሰ ። ቤቷን ገና ሲያየው ወደደው። ቡናማ ቀለም ካለው ድንጋይ የተሠራ ሕንፃ ሲሆን የበሩ ማዕዘን የተሠራው ከሚያብለጨልጭ ጥቁር ድንጋይ ነው ። እመዝጊያው ላይ ከነሐስ የተሠራ በር መምቻ ተንጠልጥሏል ። ቤቱ በጠቅላላ ለአራት ቤተሰብ መኖሪያ እንዲሆን የተከፋፈለ ሲሆን የዌንዲ መኖረያ ከሁሉም ጠበብ የምትለዋ ናት ። ሆኖም ይህች የሷ መኖሪያ ብቻ ናት ከበስተኋላዋ የአትክልት ቦታ ያላት። እቤት ውስጥ ሲገባ ሁሉም አይነት እቃ የሚሸጥበት ሱቅ መስሎ ታየው ። ታሪካዊ የሆኑ አንቲካ እቃዎች አሉ ፤ ዘመናዊ እቃዎችም አሉ ። ለየት ያሉ እቃዎችም አሉ። በተለያዩ መብራቶች በመጠቀም የክፍሉ ቀለም እምብዛም የማያብረቀርቅ ግን ስሜት ሞቅ የሚያደርግ እንዲሆን አድርጋዋለች ። እዚያ ቤት ያየው ሁሉ ደስ አሰኘው ። የአበባ አተካከሏ ሁሉ ነገር።

ሆድ የሚከፍት ቀላል ምግብና መጠጥም አዘጋጅታ ነበር የጠበቀችው ። ያን እየቀማመሰ እያወራት እያወራችው ያላሰቡትን ያህል ጊዜ ቆዩ ። እንደ እውነቱ ከሆነ ፤ ማይክል አስቀድሞ አንድ ምግብ ቤት ውስጥ ቦታ ባያስይዝ ኖሮ ከዚያ ቤት ባይወጣ ደስ ይለው ነበር። ሆኖም አሁን አይቻልም። ያ የተባለው ምግብ ቤት ደግሞ አንድ ሰው ቦታ ያዙልኝ ቢልና አምስት ደቂቃ ቢዘገይ ቦታው ለሌላ እንግዳ ይሰጣል ፤ የታወቀ ነው ። ስለዚህ «ወይ መሮጥ ይኖርብናል ወይ ቦታችን መያዙ ነው። ወይስ ቢያዝ ባይያዝ ይህን ያህል አያሳስበንም ?» አለች ዌንዲ። እሱ ሲያስበው የነበረውን ነገር ስትናገር በጣም ደነገጠ ። ተገረመ። ቀና ብሎ ሲያያት የሆነ ተንኮል ነገር አይኗ ውስጥ ያየ መሰለው። ሁሉም ነገር እንግዳ ሆነበት ። ከሴት ጋር መውጣት ካቆመ ጊዜው ረጅም ሆኖበት ነበረና ፤የሆነ ስህተት እንዳይፈፅም ፈራ፡፡ «እንሩጥ ወይስ...ያንች ሀሳብ ምንድነው ሚስ ታውንሴንደ!?» አለ እንደመቀለድ እያለ «ሀሳብሽም እንደፊትሽ ያስፈራ ይሆን ?» «ሀሳቤማ ከፊቴ የባሰ ነው » አለች «ምን ሳስብ ነበር መሰለህ ምግባችንን ቋጥረን ፤ ወደ ወደብ ሄደን ፤ ጀልባዎችን እየተመለከትን እዚያ እንድናመሽ»
«እንዴት ያለውን መላቅጥ ያጣ ሀሳብ አሰብሽው ልጄ›› እንዲህ ቢልም አላመለጠም ። ወደ ተባለው ሆቴል አልሄዱም የተባለውን ምግብ አዘጋጅተው ወደ ተባለው ወደብ ሄዱ። ብቻቸውን አልነበሩም ። እንደሷ መላ ቅጥ ያጣ ሀሳብ ያቀረቡ እንደሱ መላቅጥ ያጣውን ሀሳብ የተቀበሉ ብዙ ጥንዶች በወደቡ አካባቢ ነበሩ። በወደቡ አካባቢ ሲንሸራሸሩ ፤ የመጣላቸውን ሲያወሩ አመሹ፡፡ ወደ መጨረሻው ላይ በወሬ ወሬ የጋብቻ ጉዳይ ተነሳ። «መቼ ነው… ማለት ሚስት የማግባት ሀሳብ አለህ ? »አለችው። ፊቱን አቅጭሞ አንገቱን በአሉታ ነቀነቀ ። «እስከ ዘለአለም ?» አለች ። «እስከመቼም »
«ለምን ? መጠየቅ ይፈቀድልኛል ወይስ...»
«ጠይቂ» አላት «እነግርሻለሁ ምክንያቱን »
«እስከመቼ ሸሽቶ ይኖራል»
«በምሣ ሰዓት ያስደነገጥኩሽ በዚያ የተነሳ ነው ። ራት አብረን እንድንበላ ያደረገኝም ይኸው ጉዳይ ነው ። አምና ፤ በዚህ እለት ላገባ ነበር ።እኔ... ቤን አቭረ ሆነን ስንሄድ መኪናችን ተገጭታ ትልቅ የጭነት መኪና ፤ እኔና...ቤን ዳንን ።... የዚያኛው መኪና ሹፌር እና... እሷ ግን ሞቱ» አለ። ይህን ሲል እንባ እሚባል አልወጣውም ፤ አላለቀሰም ። ግን ሰውነቱን አንድ ነገር የሸረካከተው ፤ የበጣጠሰው መሰለው ። ዌንዲ በፍርሀት እና በመሳቀቅ እያየችው እንዲህ አለች።

«ማይክ ! በስማብ ! የምትነግረኝ ነገር እውን ሳይሆን ቅዠት ይመስላል! »
«ቅዝት ነበር ። አየሽ ለሶስት ቀን... አደጋው ከደረሰ በኋላ አልሰማ አልለማ ስነቃ ማለት ነፍሴን ሳውቅ...አልፋለች።ምን ልሁን...እ...እ...ኔ...» መናገር አልቻለም ። ቃላቱ አልወጣልህ አሉት ። ግን ጀምሮታልና መናገር አለበት፡፡

«ሲሻለኝ ከሁለት ሣምንት በኋላ ቦስተን ነበርኩ ... ቦስተን ነበር እምትኖረው ወደመኖሪያ ቤቷ ሄድኩ ። ግን ማንም አልነበረም… ምንም አልነበረም ። እቃዋም ፤ ስእሎቹም ተሰርቀጡ ደረስኩ ። ሰአሊ ነበረች.. ነርሶች ናቸው አሉ የ...የወ...የሰረቋቸው ስእሎቿን...» ዝምታ ሆነ ። ለረጅም ጊዜ ሁለቱም ፀጥ ብለው ተቀመጡ ከዚያ ቀጠለ…

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_ሰባት
፡
፡
#ድርሰት_ሚሲስ_ሔንሪ_ውድ


“ስለ ሰውዬው ወንጀል እኔ አላውቅም " ልጅዎ ግን ነጻ እንዲሚወጣ አይጠራጠሩ አይዞዎ ፤አይጨነቁ " የደስታ ዘመን እየመጣልዎ ነው” ብሎ አበራታቷትና አሳምኗት ወጣ

ሚስ ካርላይል የወንድሟን የምርጫ ቀን ምክንያት በማድረግ በሕይወቷ
አድርጋው የማታውቀውን እስከ መጨረሻው አጊጣ ለብሳ ስትንጎራደድ በነበረችበት ወቅት ዐይን አውጣዋ አፊ ሆሊጆንም በበኩሏ ከሚስ ካርላይል አሽከሮች ጋር ተመሳጥራ ሾልካ በመግባት ሚስ ካርላይል ከነበረችበት በላይ ከነበረው ፎቅ ወጣች " በተጐነጐነው ጸጉሯ ላይ ቆብ ደፍታ እስከ ሽንጧ ድረስ ደረጃ እየመጣለት የተሰፋው የነጭና የአረንጓዴ ዝንጉርጉር ቀሚስ ለብሳለች » ዐይነ ርግብና ለስላሳ ነጫጭ የጅ ጓንቲዎች አጥልቃ በዳንቴል የተከፈፈና ሽቶ የተርከፈከፈ መሐረብ ይዛ ባጠቃላይ ውድና ቀለመ ደማቅ በሆነ ሙሉ ልብስ አጊጣ እንደ ሱፍ አበባ ጐልታና ደምቃ በአደባባይ ለመላው ሕዝብ እየተጐማለለች ስትታይ ቆየች ደግነቱ ግን ሚስ ካርሳይል አላየቻትም ።

“ መልከ መልካም ነውኮ !” አለች ለሚስ ካርላይል ገረዶች ሰር ፍራንሲዝ ሌቪሰን ከፊት ለፊታቸው ሲደርስ አየችውና "

ግን መጥፎ ሰው ነው የሚል ነበር ያገኘችው መልስ ። ሚስተር አርኪባልድ ጋር ተወዳድሬ “አሸንፋለሁ ብሎ ማሰቡና እዚህ መምጣቱም ያስገርማል” አሏት"

“ምን እያደረጉ ነው?” አለችና'“እንዴ ኧረ ፖሊሶችም አሉ !” ብላ ጮኸችና'' እጁን በካቴና እያሰሩት ነው ምን አደረጋቸው ? እያለች ለፈለፈች።

ለጩኸቷ መልስ አላገኘችም ። ፊቷ ዐሥር ጊዜ እየተለዋወጠ በጭንቀት ስትመለከት ቆየችና “ አንዴ ” አለች ሰዎች ሲናገሩ ነገሩን ከአፊ ቀድማ የሰማችው
አንዷ ሠራተኛ ሰር ፍራንሲዝ ሌቪስንና ኦትዌይ ቤቴል አባትሽን ሆን ብለው
ስለ ገደሉ ተይዘዋል ነው የሚባል ”አለቻት "

ምን ! ” ብላ ጮኸች አፊ "

“ ገዳዬ ሴቪሰን ነው " ሪቻርድ ሔር ከደሙ ንጹሕ ነው ይላሉ " አለቻት።

አፊ ነገሩን አዳመጠች " ምን ማለት እንደሆነ አሰበች " ከዚያ እየተንገዳገደችና እየተንቀጠቀጠች ሙሉ ለሙሉ መሬት ላይ ተዘረረች አፊ ሆሊጆን ሕሊና
ዋን ሳተች።

አፊ ሆሊጆን አቅሏን ስታ የነበረችው ለቋት ወደ ሚስ ካርይል ቤት ተሸሽጋ
እንደ ገባች ሁሉ ተሸሽጋ ወጣች " ከሚስ ካርላይል ቤት ትንሽ ራቅ ብሎ ዐይብ ያሣማ ሥጋና ልዩ ልዩ የምግብ ቅባቶች የሚሸጡበት ሱቅ አለ » ሱቁ ጥሩ ታዋቂነት እንዳለው ካጠና በኋላ ገዝቶ
የሚሠራበት አንድ ከለንደን የመጣ መልከኛ ልጅ እግር ነጋዴ ነው ሱቁ ምርጥ
ዕቃ በማቅረቡ የታወቀ ለመሆኑ የሚስ ካርላይል ደንበኛ ለመሆን መብቃቱ ብቻ መረጃ ነበር " የፊተኛው ባለቤቱ በቂ ገንዘብ ስለ አጠራቀመ ለሚስተር ጂፍን
ሲሸጠው ሰዎች እሱም ሠርቶ የሚበቃውን ያህል ገንዘብ ሲይዝ እንደ ፊተኛው
ሰውዬ ይሸጠዋል " እያሉ ተንብየውበታል "

አፊ ከሚስ ካርላይል ቤት ወጥታ ከሱቁ ፊት ለፊት ስትደርስ ሚስተር ጀፊንን ከሱቁ በር ቁሞ ታየዋለች ከውስጥ ረዳቱ ከዕንጨት በርሜል እያወጣ ቅቤ
ይሸጣል " አፊ ቆም አለች " ሚስተር ጂፊን መቸም የሷ ነገር ጭንቁ ነው " ልቡ
እስኪጠፋ ይወዳታል እሷም እሱ ሲያወዳድሳት ደስ ደስ ይላታል "

“ እንደ ምን ዋልሽ ... አፊ” አላት ነጭ ሽርጡ እንዳይታይበት ተጠንቅቆ
አጣጥፎ ከደበቀ በኋላ እጁን ወደሷ ዘረጋ ። ምክንያቱም ስለ ሽርጡ አሳፋሪነት አንድ ጊዜ ጠቆም አድርጋው ነበር "

“ ደኅና ነህ ጄፈን" አለችውና ነጫጭ ጓንቲዎቿን እንዳደረገች ራሷን ዝቅ በማድረግ ለሰላምታ የቀረበላትን እጅ በጣቷ ጫፍ ነካ አደረገችው “እኔ
ደሞ ” አለችው የጅ መሐረቧን ዐይነ ርግቧንና ( ቀለበትኛ የተሠራውን ጸጉሯን በማሳየት እየተውረገረገች “ዛሬ ሱቅህን ዘግተህ ዕረፍት ያደረግህ መስሎኝ ነበር
ሚስተር ጂፊን ” አለችው።

“ ሥራ መከበር አለበት” አላት ጂፍን ሐሳቡ በሷ ፍቅር ተይዞ ነጻ ሆነሽ በሽርሽር ላይ መሆን መቻልሽን ባውቅ ኖሮ ምናልባት ባጋጣሚ እንደማገኝሽ ተስፋ በማድረግ እኔም ዕረፍት እወስድ ነበር"

አባባሉ ከእውነተኛ ፍቅር የመነጨ መሆኑን ተገንዝባ ' “ ምንም እኮ አያውቅም ሥራው ሁሉ እንደ ከብት ነው ' አለች ' በሐሳቧ "

“ እኔ በሕይወቴ ያለኝ ታላቅ ደስታ .. ሚስ አፊ አንቺ ስታልፊ በሱቁ መስኮት አሻግሬ ማየት ነው ”

“ ኧረ ጉዴ !” አለች አፊ ገፍቶ የመጣባትን ሣቅ ለማገድ እየሞከረች : “ለምን እንደሚጠቅምህ አላውቅም "ዐይን ካለህ ከአንድ ሁለት ሰዓት በፊት ወደ ሚስ ካርላይል ዘንድ ስሔድ አይተኸኝ ይሆናል”

“ አዬ ! ዐይኖቼ የት ሔደው ኖሮ ይሆን?” አለ እየተጸጸተ “ አሃ ! ገባኝ እነዚያ የቅቤ በርሜሎችን ስመረምር ነው ይገርምሻል . . . ሚስ ሆሊጆን የተበላሹትን ስለ ላኩልኝ መልሼ ልልክላቸው ነው ”

“ አ ... ይ ! እኔ የቅቤ በርሜሎች ብሎ ነገር አላውቅም " እንዲህ እንዲህ ያለው ነገር ከክብሬ በታች ነው
“ እንዴታ እሱስ እውነትሽን ነው ... ሚስ ሆሊጆን “ ምንም እንኳን የገበያውን ጥቅም ለሚገባው ከፍተኛ ትርፍ ቢኖረሙም ካንቺ ክብር ጋር አይስማማም »

“ የምን ጩኽት ነው የምሰማው ? አለች አፊ "
"መራጮች ለሚስተር ካርላይል ሲያጨበጭቡ ነው መመረጡን ስምተሻል
ይመስለኛል

" የለም አልሰማሁም ”

ያኛውማ የገዛ ወዳጆቹ አስወጡትና ተገላገሉት » እንግዲህ እንደራሴአችን
ሚስተር ካርይል መሆኑ ነ&ዘው " ይባዋል ... መቸም እንደሱ ያለ ሰው የለም ‥

“እነዚህ ሁሉ ደንበኞችህ ናቸው እንዴ ? ሁሉንም ማስተናድ ከባድ ሥራ
ነው ሰውዬህ ብቻውን አይዘልቀውም " ስለዚህ እያወራሁ ጊዜ ልወስድብህ አልፈልግም ሔድኩልህ "
አለችውና እየተንሳፈፈች ሔደች " ጂፊን ፍዝዝ ብሎ
ሲያያት ከቆየ በኋላ ከይኑ ስትጠፋ የግዱን ደንበኞቹን ወደ ማስተናገድ ዞረ »

ጂፊን በፍቅሯ ወጥመድ መግባቱን ዐውቃና እንደሚያገባትም ተማምና አፊ በዚያ በቅባት በተባላሸው ሱቅ በኩል ሳይሆን በጓዳ በር እየገባች ጠቅላላ የቤቱንና የእቃውን አያያዝና አቀማመጥ ' ባሏንም እንዴት እንደምትንከባከበውና እንዴት አድርጋ በፍቅሯ ዐሥሬ የመሽቀርቀርያ መሣሪያ እንደምታደርገው እያሰላሰለች በምኞት አየር ላይ ሰገነት ሠርታ በሐሳቧ እየተሽሞነሞነች ስትራመድ ኧበንዘር ጀምዝ ደርሶ ለቀም አደረጋት ።

“ እንደምነሽ . . አፊ ? ዛሬ ጧት ሚስ ኮርኒ መስኮቶች ላይ አየሁሽ "

“ ያንተ ነገር እንግዲህ በቃኝ . . . ኧበንዘር ጀምዝ በቀደም ለሚስተር ጀፊን የዱሮ ወዳጄ ነበረች ማለትህን እኮ ሰምቸሃለሁ ”

“ አዎን ነበርሽና ” አላት እየሣቀ "

“ አልነበርኩም " እኔ በዚያን ጊዜ ከበላዮችህ ጋር እንጂ ካንተ ጋር ምንም ግኙነት አልነበረኝም አሁንም እኔን ለመጉዳት ብለህ በሐሰት ስሜን ለማጥፋት ብታስብ ተሳስተሃል ... ኧበንዘር ጀምዝ " እኔ በዚህ ቦታ የተከበርኩ ሰው ነኝ " ስለዚሀ ዐርፈህ ተቀመጥ ”

“ ምነው አፊ ? ለምን እንደዚህ ትሆኛለሽ ? እኔ አንቺን ለመጉዳት አልፈልግም አንቺ እንደምትይው ብሞክርም አይሆንልኝም " አላት እየሣቀ "

ይኸው ነው ይበቃሃል አሁን ከኔ ራቅ የአንተ ህዝብ መሀል መታየትህ ለስሜ ደግ አይደለም " አለችው።

ደኅና መልእክቴን ከተቀበልሺኝ እሔድልሻለሁ " በይ አሁን ለዛሬ በዘጠኝ ሰዓት ፍርድ ቤት ከችሎቱ አዳራሽ ስለምትፈለጊ እንዳትቀሪ "

ከችሎት አዳራሽ ? እኔን ? ለምን ?

“ እንዳትቀሪ ነግሬሻለሁ” አላት ሚስተር ኧበንዘር “ “ሌሺሰን ሲያዝ አይተሽዋል " ቶርን ይባል የነበረው ሌቪሰን አባትሺን በመግደል ስለ ተከሰሰ ለምስክርነት ትፈለጊያለሽ።

" እኔ ስለ ግድያው ምንም አላቅም " ስለዚህ አልሔድም ።

መሔድ አለብሽ ... አፊ” አላትና ወረቀቱን በእጅዋ አደረገላት "

ይሄ መጥሪያሽ ነው " "

“እኔ በሌቪሰን ምንም አልመሰክርበትም " ጥፋተኛው ዲክ ሔር እያለ ንጹሁን ሰው ለማሰቀል አልረዳም እኔ እልም ብዬ ጠፍቸ ነገሩ እስኪያልቅ ካንዱ ከተደብቄ እቆያለሁ
እንጂ አልመጣም
"አንተ የሠራኸኝን
ግን ኧበንዘር ምንጊዜም አልረሳውም " ብላ የተቀበለችውን ወረቀት በጣጥሳ ጣለችውና ሚሲዝ
ላቲመርን ለማግኘት ወደ ቤት እየገሠግሠች ሔዶች " ካደረችው ጌጥና አለባበስ
ጥቂቱን ቀናንሳ ታማ ተኝታ ወደ ነበረችው እመቤቷ ዘንድ ገባች „

“ እሜቴ ” አለች “ ኧረ በጣም የሚያሳዝን ወሬ ደረስኝ አንዲት ዘመዴ
ታማ በጣም ስለ ደከመች ልታየኝ ትፈልጋለች አሉ" ስለዚህ በሚለጥቀው ባቡሮ ለመሔድ ፈቃድ ቢሰጡኝ ብዬ ነው " እንኳን እሷ ልካብኝና ባትልክብኝም እየሰማሁ የማልቀርበት ጉዳይ ነው "

«አዬ ! እኔስ አንቺ ከሌለሽ ምን ይበጀኛል ?

" ነገሩ የሞት ጕዳይ ሆኖ ነው እንጂ እኔም እርስዎ እንደዚህ ተይዘው"
እያየሁ ፈቃድ አልጠይቅዎትም ነበር "

“ ዘመድሽ የምትኖረው የት ነው ?ስንት ቀን ትቆለሽ ? አለቻት "

አፊ ካፍ የገባላትን አንዱን ከተማ ጠራችላትና በበነጋው ለመመለስ ተስፋ
ማድረጓን ነገረቻት "

“ የምን ዘመድ ናት
ለመሆኑ ? አለ ጆይስ እኅት ያለ ሚስዝ ኬን አክስት
እንልነበረሽ የነግርሺኝ መስሎኝ ነበር "

“ጥቂት ተቀያይመን ስለ ነበር • ስሟንም አንሥቸው አላውቅም እንጂ እሷም
ሌላይቱ አክስቴ ናት እንዲያውም አሁን በነፍሷ እንድደርስ ያስግደደኝ እንደተቀያየምን ሳንተያይ እንዳትሞት ነው”

ሚስዝ ላቲመርም ሁኔታዋን መዝና ፈቀደችላት " አፊ ልብሷን ቀያይራ በቦርሳዋ ጥቂት ገንዘብ ያዘች » አንዲያውም ትንሽ የቆዳ ሻንጣ አንጠልጥላ ወጣች ከፊት ለፊቷ አንድ የምታውቀው ፖሊስ ከመንገድ ዳር ሲንጐራደድ አገኘች "

“ ስሚ ሆሊጆን
እንዴት ዋልሽ ? ዛሬ ጥሩ ቀን ነው አይመስልሽም ? ”
ጥሩ ነው ” አለችው ስለ አቆማት እየከፋት „ “ አሁን ስለ ቸኮልኩ አላነጋግርሀም” ብላው መንግዷን ቀጠለች - እሱም አረማመዷን ከእሷ ጋር እያስተካከለ ጐን ጐኗ ይሔድ ጀመር። ፍጥነት ስትጨምር አብሮ እየጨመረ እንዶ መሮጥ ሲቃት እሱም እንደ መሮጥ እያለ ፡ “ምንድነው እንደዚህ ያስቸኮለሽ?” አላት "

“ አንተን አይመለከትም እኔ አሁን ያንተ አጀብ አስፈልገኝም" ለሁሉም
ጊዜ አለውና በሌላ ጊዜ ቁጭ ብለን እንጫወታለን

“ በባቡር ለመድረስ የቸኮልሽ ትመስያለሽ”

“ ነውና ይህ መልስ የሚያረካህ ከሆነ ወዳንዱ ተንሸራሽሬ ልመጣ ነው
አቶ አጥብቄ ጠያቂ"

ብዙ ትቆያለሽ ?”

“አ...አ ነ ገ ሳልመለስ አልቀርም ስማ እስቲ ሚስተር ካርላይል መመረጡ እውነት ሆነ?”

“ አምን እውነት ነው" ተይ በዚያ በኩል አትሒጅ እባክሺን

" በዚያ በኩል አትሒሂጂ ” አለች አፊ የሱን አነጋገር በመድግም " ወደ ባቡር ጣቢያ የሚቀርበኝ ይኸ ነው
ዙርያውን መንገድ ይቀንስልኛል

መኮንኑ ቀስ አድርጎ እጁን ጣል አደረገባት "
አፊ ከሱ ለመለየት የጨነቀውና ለመዳራት የፌለገ መሰላት
“ ምን መሆንሀ ነው አንተ ደግሞ እኔ አሁን ለዚህ ጊዜ የለም እጅህን ወዲያ በል አለችው ጠበቅ እያደረጋት ስለ ሔዶ ቆጣ ብላ"

ሴት ልጅን ማስቀየም በተለይም አንቺን ..ሚስ ሆሊጆን ደስ አይለኝም
ነገር ግን እጄን ካንቺ ላይ ማንሣት አልችልም ። እኔም ካንቺ አልለይም ወደ ፍርድ ቤት አዳራሽ በቶሎ እንዳቀርብሽ ትዛዝ ተሰጥቶኛል ዛሬ ከቀትር በኋላ ለምስክርነት
ትፈለጊያለሽ ”

" እኔ የማወቀውም የምመሰክረም የለኝም ”

“የተሰጠኝን ትእዛዝ ተቀብዬ መፈጸም እንጂ ምንና ለምን ብዬ አልጠይቅም
ስለዚህ ከከተማ እንዳትወጭ ጠብቄ ወደ ፍርድ ቤት እንዳቀርብሽ የታዘዝኩትን ለመፈጸም በተቻለኝ መጠን ላስረዳሽ ሞክሬአለሁ ”

“ መቸም እንደዚህ ይዘኸኝ በዌስት ሊን መንገዶች ታልፋለች ብለህ እንደ
ማታስበኝ አርግጠኛ ነኝ ”

“ ላለመሸሽ ቃል ከባሽልኝ እለቅሻለሁ " ለመሮጥ ብትሞክሪ ደግሞ ላልሰሙት ለማሰማት ካልሆነ በቀር ሁለት ሜትር እንኳን ሳትሔጅ ስለምይዝሽ
ሙከራሽ ዋጋ የለውም"

“ በል ልቀቀኝ ዝም ብዬ እሔዳለሁ”

ከዚያ ፖሊሱ ቫንጣዋን ይዞ ለሽርሽር የወጡ መስለው ቀስ ብለሙ እያወሩ ሄዱና ከቃል መቀቢያው ክፍል ገቡ በምስክርነቷ ለዳኞቹ ከቤት ደግሞ ለሚስዝ
ላቲመር ምን እንደምትመልስ እያሰበች ተቀመጠች።....

💫ይቀጥላል💫

#ሳቤላ
፡
፡
#ክፍል_ስልሳ_ስምንት
፡
፡
#ድርሰት_ሚሲስ_ሔንሪ_ውድ


የሕግ ባሥልጣኖቹ ገብተው ቦታቸውን ያዙ " በሌላ ጊዜ ቢሆን ዌስት ሊን
የማይረግጡት የሰላም ኮሚሺን አባሎች የሆኑ ሁሉ መጥተው ስለ ነበር መቀመጫ እንኳን
ሊበቃቸው አልቻለም " ምናልባት በተቃዋሚ ወገኖች የተሸረበ ደባ ይሆናል በማለት የተመሠረተበትን ክስ ስላላመኑበት የሰር ፍራንሲዝ ሌቪሰን ወዳጆቾ
ሁሉ ተሰባስበው ከችሎት ተገኙ " ሎርድ ማውንት
እስቨርንም ከኮሚሽኑ አባሎች ጋር መቀመጫ ተሰጠው" ልጁ ሎርድ ቬንም ከሕዝቡ መኻል ገብቶ ተቀመጠ ሰብሳቢው ሚስተር ጀስቲስ ሔር እየተጀነነ ቦታውን ያዘ" ልጁን ከስቅላት ለማዳን
ቢሆንም በይሉኝታ ይበድለዋል ወይም ባባትነቱ ይጠቅመዋል ተብሎ አይታሰብም ነበር" ሰር ፍራንሲዝ ሌቪሰንንም ቢሆን ከሕሊናው ውጭ ጥፋተኛ ያደርገዋል ተብሎ
አይገመትም " ከጐኑ የተቀመጠው ሌላዉ ዳኛ ኮሎኔል ቤቴል ነበር " ሚስተር ሩቢኒ ለሰር ፍራንሲዝ ሌቪሰን ጥብቅና ቆመለት።

ሚስተር ቦል ከሪቻርድ የሰማውን መሠረት በማድረግና የፍንጩ መሠረት ግን ሪቻርድ መሆኑን ሳያነሣ ጭብጡን ብቻ በማቅረብ አስረዳ። ጭብጡን ከየት እንዳገኘው ተጠይቆ 'ምንጮን ለጊዜው ለመግለጽ ነገሩን የሚያበላሽበት መሆኑን
ግለጾ ሌቪስን ቶርን መሆኑን ማረጋገጥ ስለ ፈለገ በመጀመሪያ ኤበንዘር ጄምስ ተጠራ .

“ ስለ እስረኛው ስለ ሰር ፍራንሲዝ ሌቪሰን ምን ታውቃለሀ ? ” አለው ጀስ
ቲስ ሔር።

.“ ብዙ አላውቅም ” አለ ኧበንዘር ጄምስ ' “ በርግጥ ካፒቴን ቶርን ሲባል
ዐውቀው ነበር ”

“ ካፒቴን ቶርን ?”

“ አፊ '“ ካፒቴን ቶርን ትለው ነበር " ኋላ ግን መቶ አለቃ እንደ ነበር ለማመቅ ችያለሁ

“ ይኸንን ከማን ልታውቀ ቻልክ ?”

“ ከአፊ! ስለሱ ስትናገር የሰማኋት እሷ ብቻ ነበረች ”
“ እና “ ከዚያ አይጫካ ከተባለው ቦታ ሁልጊዜ ታየው ነበር ?”

“ ከዚያና ከሆሊጆን ቤት ብዙ ጊዜ አየው ነበር "

“ ቶርን ብለህ አነጋግረኸው ታውቃለህ ?

“ ሁለት ሦስት ጊዜ ቶርን ብዬ ስጠራው መልሶልኛል " እኔ ስሙ መሰለኝ እንጂ
እኔ የሽፋን ስም ነው ብዬ አልጠረጠርኩም "ኦትዌይ ቤቴልና ሎክስሌይም
በዚሁ ስም ይጠሩት ነበር“ በተለይ ሉክስሌይ ከዱሩ ተለይቶ ስለማያውቅ • ቶርን
ስለ መሆኑ በሚግባ የሚያውቀው ይመስለኝ ነበር

“ ሌላስ ማን ያቀሙ ነበር ?
"ሟቹ ሚስተር ሆሊጆንም ቶርንን ከቤቱ እንዲመጣበት እንደማይፈልግ ለአፊ ሲነግራት ሰምቻለሁ።
“ቶርን ጋር የሚተዋወቁ ሌሎችስ ነበሩ ?”
“ ትልቅ እህቷ ጆይስ የምታወቀው መሰለኝ ከሁሎ የበለጠ የሚያውቀው ግን ሪቻርድ ሔር ነበር „”

ዳኛው ሪቻርድ ሔር የልጁን ስም ሲሰማ ግብሩ ከነመልኩ በዐይነ ሕሊናው
መጣበትና ከመቀመጫው እንዳለ ፊቱን ኮሶ አስመሰለው "

“ ቶርን ወደ ጫካው ይመላለስበት የነበረው ምክንያቱ ምን ነበር ?

“ አፊን በወዳጅነት ይዟት ነበር " "

“ ሊያገባት ሐሳብ ነበረው ?

“የዚህ ሐሳብ እንኳን የነበረው አልመሰለኝም ”
ሆሊጆን የተገደለ ዕለት አይተኸው ነበር ?

ሆሊጆን የተገደለ እለት አይተኸው ነበር?

የዚያን ዕለት እኔ ራሴም በዚያ አካባቢ ስላልነበርኩ አላየሁትም „”

“ግድያውን የፈጸመው እሱ ይሆናል ብለህ ጠርጥረህ ነበር ?”

"ኧረ በጭራሽ ! ሪቻርድ ሔር በወንጀሉ ተከሰሰበት እኔም አልገደለም የሚል ጥርጣሬ አልነበረኝም ”

“ ይኸ ከሆነ ስንት ዓመት ይሆናል ? አለ ሚስተር ሩቢኒ አቋርጦ ምስክር
ነቱ ያበቃ መስሎት

“ አንድ ዐሥራ ሁለት ዓመት ይሆናል ያውም ባይበልጥ ”
ታዲያ ከዚህ ሁሉ ዘመን በኋላ ' ያ ሰው ፍራንሲዝ ቪስን ለመሆኑ ምለህ
ማረጋግጥ ትችላለህ ?

“ የሱን ማንነት የራሴን ማነት ያህል ስለማውቍው
ማረጋገጥ እችላለሁ

“ ከዚያን ጊዜ ጀምሮ እስተ ዛሬ አንድም ጊዜ ሳታየው
እንዴት አሁን ልታውቀው ትችላለህ ? እንዲህ ያለ ምስክርም አላየንም

“ በመኻሉ አይተኸው ታውቃለህ ? አለ ዳኛው "

“ ሚስተር ሆሊጆን ከተገደለ ከአሥራ ስምንት ወር በኋላ በአጋጣሚ ለንደን ላይ አይቸዋለሁ ”

“ ያን ጊዜ ስታየው ቶርን ነበር ወይስ ሌቪሰን የመስለህ ?

ቶርን ነው እንጂ !አሁን ለሕዝብ እንደራሴነት ሲወጻደር እኮ ነው ሌቪስን መሆኑን ያወኩት።

አፍሮዳይቴ ሆሊጆንን ጥራ ” አለ ዳኛው "

ሴትዮዋ ይዟት በመጣው ፖሊስ ተደግፋ ገባች እሷ የምስክርነት ቃሏን ከመስጠቷ በፊት ሚስተር ኤበንዘር ጄምስ ከችሎቱ አዳራሽ እንዲወጣ ሚስተር ቦል ፍርድ ቤቱን ጠየቀ " ለዚሁም የራሱ የሆነ ምክንያት ነበረው "

ስምሽ ማነው ?”
"አፊ ” አለች ጀርባዋን ወደ ፍራንሲዝ ሌቬሰንና ወደ ኦትዌይ ቤቴል አድርጋ።

ሙሉ ስምሽን ” አለ ዳኛዉ"
“ አፍሮዳይቴ ሆሊጆን " ስሜን ሁላችሁም ታውቁታላችሁ የማይረቡ ጥያዎችን መጠየቅ ምን ጥቅም አለው ?

“ መስካሪቱን አስምላት " አለ ጀስቲስ ሔር "

የመጀመሪያ ቃሉን መናገሩ
ነበር "

" እኔ አልምልም ”
“ መማል አለብሽ” አለ ጀስቲስ ሔር ።
“ እኔ ምንም ቢሆን አልምልም ብያለሁ „”
“ እንግዲያሙስ ፍርድ ቤቱን በመድፈር ወሀኒ ቤት ትላኪያለሽ” አላት " ከተናግረ ወደ ኋላ እንደማይል ካነጋግሩ ገባትና ደነገጠች "
ሰር ጆን ዶቢዶም ተጨመረና “ትሰሚያለሽ ' ሴትዮ ' በአባትሽ መጠደል
ያንቺም እጅ አለበት እንዴ ?

“ እኔ !” አለች በቁጣና በድንጋጤ ከገነፈለው ስሜቷ ጋር እየተናነቀች ደ
“ እንዴት እንደዚህ የመሰለ ተግቢ ያልሆነ ጥያቄ እጠየቃለሁ ? እሱ ለራሱ ደግ አባት ነበር ” አለች እንባዋ እየተናነቃት “ ሕይወቱን በሕይወቴ ለውጨም ባዳንኩት ”

“ የሱን ገዳይ ለፍርድ ለማቅረብ የሚረዳውን ምስክርነት ለመስጠት ግን ፈቃደኛ አይደለሽም ”

“ እኔ እምቢ አላልኩም " እንዲያውም ያባቴ አጥፊ ሲሰቀል ለማየት እፈልጋለሁ " እ እናንተ የማይሆን የማይሆን ጥያቄ ካልጠየቃችሁኝ እምላለሁ” አለች ቅር እያላት " ለመማል ያልፈለገችው ዋሽታ ለመመስከር አስባ ስለ ነበር ነው " ኋላ ግን በግድ ማለች። መሓላንም ትፈራ ስለ ነበር እውነቱን ለመናግር ተገደደች

“ በዚያ ዘመን ካፒቴን ቶርን የሚባል ሰው ሁልጊዜ እየመጣ ትገናኙ ነበር »
እንዴት ተዋወቅሺው ?”

“ይኽው የፈራሁትን ነገር ጀመራችሁ " እሱ በነገሩ የለበትም አልገደለም ”
"የተጠየቅሺውን ለመመለስ ነው የማልሺው » ከዚህ ሰውዬ ጋር እንዴት
ተዋወቃችሁ ?”

“ አንድ ቀን ወደ ዌስት ሊን ሔጄ በነበረ ጊዜ አንድ ብስኩት ቤት ተግናኘን”

“ ሲያይሽ በውበትሽ ተማረከና ፍቅር ያዘው ?”

የውበቷ ነገር ሲነሣ ያሰበችውን ጥንቃቄ ሁሉ ረሳችው " “ አዎን” አለች
ክፍሉን በፈገግታ እየቃኘች "

“ ከዚያ በኋላ የት እንደምትኖሪ ነገርሺውና ማታ ማታ ፈረሱን እየጋለበ
መምጣት ጀመረ ”

“ አዎን ታዲያ ይኽ ምን አለበት

"እሱስ ምንም የለበትም ”
አላት ተዝናንታ እንድትመልስለት የፈለገው ጠበቃ" “እንዲያውም መታደል ነው » ምነው እኔም እንደሱ በታደልኩ"

ያን ጊዜ ሌቪሰን ሲባል ነበር የምታቂሙ ???

የለም ካፒቴን ቶርን እንደሚባል ነገረኝና እኔም አመንኩት ”

“ የሚኖርበትን ቦታ ታውቂው ነበር?”

ለጊዜው ስዌንስን ያረፈ መሰለኝ እንጂ እኔም ጠይቄ እሱም ነግሮኝ አያውቅም

“ እንዴ ለመሆኑ እንዴት ያለ ቆንጆ የራስ መሸፈኛ ነው ያጠለቅሺው ?
ሲላት መችም የነበራት የመወደድ ፍላጎት ላሥር ሴቶች ይበቃ ነበርና በደስታሞተች " አንዱ ትልቁ ድክመቷ ይኸው ነበር " የተመሰገነውን መሸፈኛ በዕይኗ
ጠቀስ አድርጋ አይታ ሙሉ በሙሉ ከሚስተር ቦል መዳፍ ገባች "

“ ከእሱ ጋር ከተዋወቅሽ በኋላ ምን ያህል ጊዜ ቆይተሽ ነበር ትክክላኛ
ስሙን ያወኞሺው ?

ከብዙ ወሮች በኋላ ነው „

"ከግድያው በኋላ ነው አይደለም ?

" አዎን የትና የት ቆይቶ ነው „

" በግድያው ጊዜ ከካፒቴን ቶርን ሌላ በዚያ አካባቢ እነማን ነበሩ ?

“ ሪቻርድ ሔር ኦትዌይ ቤቴልና ሎክስሌይ ነበሩ " ሕዝቡ እስኪስባሰብ ድረስ እነዚህን ብቻ ነበር ያየሁ ”

“ሎክስሌይና ኦትዌይ ቤቴልም እንደዚያኞቹ የውበትሽ ሰማዕታት ነበሩ ?”

“ ኧረ የለም ” አለች ራሷን በቁጣ ነቅንቃ “እነዚህኮ እየተሽሎከለኩ አውሬ የሚያድኑ ሌቦች ናቸው ‥

“ ያን ለት ማታ ከቤት አብሮሽ ያመሸው ቶርን ነበር ወይስ ሪቻርድ ሔር ?”

አፊ የዚህ ጥያቄ መልስ ወዴት አንደሚያመራ እያሰበች ጥቂት ስታመነታ እውነት ለመናገር መማልሺን አትርሺ ምስክር " አብሮሽ የነበረው ሰው ሪቻርድ ሔር ከሆነም ተናገሪ " መወላወል ግን የለም” አለ ጀስቲስ ሔር "

አፊ እንደ መደን?ጥ ብላ ! “ቶርን ነበር” አለች "

“ ሪቻርድስ የት ነበር ?

“ እንጃ መምጣቱን መጥቶ ነበር ግን አላስገባሁትም " መልሼ ሰደድኩት ምናልባት ከጫካው ሲንገዋለል ያመሸ ይመስለኛል ”
አንቺ ዘንድ ጠብመንጃ ትቶ ነበር ?”

“ አዎን ለአባቴ ሊያውሰው የነበረ ጠብመንጃ ነበር " ተቀበልኩና በስተውስጥ ከመዝጊያው ሥር አኖርኩት " ጥይት መጉረሱንም ነግሮኝ ነበር ”

ከዚያ ኣባትሽ መጥቶ ጫወታችሁን ያቋረጣችሁት ከምን ያህል ጊዜ በኋላ ነበር ?”

“ አርሱ አላቋረጠንም እንዲያውም አባቴን ያየሁት ከሞተ በኋላ ነበር ።”

“ እስከ መጨረሻው ድረስ ከቤት አልነበራችሁም ?”

“አልነበርንም ! አየር ለመቀበል ከቤቱ በስተኋላ አድርገን ወደ ዱሩ ወጣን"

ከዚያ ትንሽ እንደ ቆየን ካፒቴን ቶርን ተሰናብቶኝ ሲመለስ እኔ ከዚያው ቆየሁ ”

“ እሺ ከዚያ በኋላሳ ጠብመንጃ ሲተኮስ ሰማሽ ?”

“ አንድ ጉቶ ላይ ዐረፍ ብዬ እንዳለ ተኩስ ሰማሁ " እኔ ግን ከቤት ይሆናል ብዬ ባለመጠርጠሬ ከቁም, ነገር አልጻፍኩትም ”

“ ከካፒቴን ቶርን ጋር አብራችሁ ስትወጡ ከቤት የተወው ነገር ነበር ?

ስንወጣ ጊዜው ሞቃት ነበርና ባርኔጣውን ከቤት ትቶት ወጣ እንጂ ሌላ ምንም አልተወም …”

ሪቻርድ አባትሽን እንደ ገደለው ካፒቴን ቶርን በደንብ ነበር የነገረሽ ?”

“ ስለዚህ ነገር ምንም ነጋሪ አላስፈለገኝም " እኔው ዐውቄው ነበር " ሁሉም ዐውቆት ነበር "

“ ካፒቴን ቶርን ሲተኩስ አይቶት ነበር ? ማየቱን ነገረሽ ?”

“ ባርኔጣውን አንሥቶ ሔደና ጥቂት ራቅ እንዳለ ሰዎች ከቤት ውስጥ ሲጪቃጨቁ ሰማ " የአንደኛው ድምፅ የአባቴ መሆኑን ዐወቀው " ወዲያው ጥይት ተተኮሰ " ምን እንደሆነ ባያውቅም አንድ ነገር እንደ ደረሰ በግምት ገባው ‥‥

« መቸም ይህን ሁሉ የነገረሽ ቶርን ነው " ምንጊዜ ነበር የነገረሽ ?
የዚያኑ ዕለት ማታ በጣም ቆየት ብሎ ”
"እንዴት ተገናኛችሁ ?

አመነታች " ነገር ግን የተጠየቀችውን ቀጥታ መመለስ እንዳለባት ስለተነገራት “አንድ ልጅ ከቤት ድረስ መጥቶ ከውጭ ሰው
እንደሚፈልገኝ ነገረኝና
ብወጣ እሱን ከዱር አገኘሁት ልጁን ወደኔ የላከው ግማሽ ሽልንግ ከፍሎ ነበር " ሽብሩ ስለ ምን እንደነበር ጠየቀኝና ሪቻርድ ሔር አባቴን እንደ ገደለው ነገርኩት
እሱም ሲጨቃጨቁ ከነበሩት አንዱ ሪቻርድ መሆኑን በድምፅ ለይቶት እንደ ነበር ነገረኝ …”

“ እስረኛው ሰር ፍራንሲዝ ሌቪሰንን ተመልከችው " ቶርን ትይው የነበረው እሱ ነው ?

“ አዎን ታዲያኮ ይኸ ስለ ግድያው ተጠያቂ አያደርገውም ”

“ የለም እሱስ አያደርገውም ለንደን ላይ ከካፒቴን ቶርን ጋር ለምን ያህል
ጊዜ ቆየሽ ?

አፊ አይኗን አፍጥጣ ዝም አለች።

"ከግድያው በኋላ ከዚህ ቦታ የሔድሽው ከካፒቴን ቶርን ጋር ለንደን ላይ ለመግናኘት ነበር እዚያ ሔደሽ ከሱ ጋር ምን ያህል ጊዜ ቆየሽ ?”

አፊ መልስ ላለመስጠትም ለመካድም ሞከረች ክው
ብላለች!

“ምለሽኮ ነው የምትመሰክሪው ሴትዮ ! ከቶርን ጋር ነበርሽ? ወይስ
ከሪቻርድ ሔር ? መልስ ስጭ ” አለ ሰብላቢው ፥

“ ከቶርን ጋር ነበርኩ ” ከብዙ ማመንታት በኋላ አመነች "

“ ምን ያህል ጊዜ ቆየሽ ? ሁለት ወይስ ሦስት ዓመት ?”

“ሦስትስ አይሞላም ” አለች

“ ከሁለት ዓመት ግን ይበልጣል አይደለም ?”

“ ታዲያ ምናለበት? በለንደን ለመቀመጥ ፈልጌ ብሔድና እሱም የቀድሞ ጓደኛዬ ስለሆነ አንዳንድ ቀን ጧት ብቅ እያለ ቢጠይቀኝ ለሌላው ሰው ምኑ ነው
ጥፋቱስ ምንድነው ?

“ ምንም ጉዳት የለውም
እንዳልሺው አንዳንድ ጊዜ ጧት ጧት ይጠይቐሽ
በነበረ ጊዜ ሌቪሰን መሆኑን ታውቂ ነበር ?”

“አዎ ካፒቴን ሌቪሰን መሆኑን ዐውቅ ነበር "

“ “ቶርን” የሚለውን ስም ለምን አንደ ፈለገው ነግሮሽ ያውቃል '

"እሱ እንደ ነገረኝ ካፉ ስለ ገባለት ብቻ ነበር " ስዊሰን በተገናኘን ጊዜ እውነተኛ ስሙን ሊነግረኝ ደስ ስለ አላለው ይህ ስም መጣለት ነገረኝ እሱም ለሁል ጊዜ እንዲጠራበት ሌሎችም እንዲሰሙበት አይፈልግም ነበር "

ሚስ አፌ ለጊዜው ያለኝ ይኸው ነው " ኤበንዘር ጀምስ እንዲገባ እፈልጋለሁ


💫ይቀጥላል💫

#ጠላፊዎቹ
፡
፡
#ክፍል_ሀያ_አራት
፡
፡
#በኬንፎሌት
፡
፡
#ትርጉም_ወንዳየሁ_ንጉሴ


..መርቪንም ‹‹ጌታዬ፣ ሰላም ልሎት ነው የመጣሁት፡፡ እርስዎን በአካል ማግኘት መቻሌ ክብር ይሰማኛል›› አላቸው ከሰውነት ጎዳና የወጡትን ሰው፡፡
ሃርትማን ጥንቃቄ ሳይለያቸው እጃቸውን ለሰላምታ ዘረጉ፡፡ናንሲ የመርቪን ባህሪ በአንድ ጊዜ መለወጡ አስደንቋታል፡ ከዚህ ቀደም የነበረው ባህሪውን እንዳየችው ከሆነ በዓለም ላይ ከሱ በላይ ሰው እንደሌለ አድርጎ የሚገምት ሰው ነበር፡፡ አሁን ግን ያየችው ባህሪ እንደየቤዝቦል ጨዋታ ኮከብ ተጫዋችን የአድናቂነት ፊርማ እንዲፈርምሉት
የሚለማመጥ አንድ ተማሪን ነው ያስታወሳት.

መርቪንም ‹‹ከእዚያ ማጥ ውስጥ ወጥተው በዓይኔ በብረቱ ማየቴ ደስ
ብሎኛል፡ አዩ ጠፉ ሲባል እኛ ክፉ ነገር ደርሶባቸዋል ብለን ነበር የገመትነው በነገራችን ላይ እኔ መርቪን
ላቭሴይ እባላለሁ›› አላቸው:

‹‹ይሄ ጓደኛዬ ባሮን ጋቦን ይባላል፡ በህይወት እንዳመልጥ የረዳኝ እሱ
ነው አሉ ሃርትማንም።

መርቪንም ሁለቱንም ለስንብት ጨበጠና ‹‹ከዚህ በላይ አልረብሻችሁም
ናንሲ ከጥቂት ደቂቃ በፊት የተከሰተው ነገር ገርሟት የሚስቱን እግር በእግር መከታተል ተግባር ለደቂቃዎችም ቢሆን ያዘናጉት ሃርትማን
የተባሉት ሰው ታዋቂ ሰው ሳይሆኑ አይቀርም ስትል አስበችና ‹‹ማናቸው እኒህ ሰው?›› ስትል ጠየቀችው፡፡

‹‹ፕሮፌሰር ካርል ሃርትማን በዓለም ታዋቂው የፊዚክስ ሳይንቲስት›› አላት፡ ‹‹አቶምን ለሁለት ለመሰንጠቅ በሚደረገው ምርምር ላይ የሚሰሩ
ሰው ነበሩ፡፡ ከናዚዎች ጋር የፖለቲካ እሰጥ አገባ ውስጥ ገብተው ስለነበር
ዓለም በሙሉ ከአፈር ተደባልቀዋል ብሎ ነው የገመተው አላት
‹‹ዩኒቨርሲቲ እያለሁ ፊዚክስ ነበር የማጠናው፡፡ በዚያ ጊዜ ሳይንቲስት ለመሆን ነበር ምኞቴ፡፡ ግን ለዚህ ዓይነት ስራ ትዕግስት አልነበረኝም: ይሁን እንጂ በዚህ መስክ አልተውኩም፡፡ ታዲያ በዚህ የሳይንስ ዘርፍ ላለፉት አስር ዓመታት አስደናቂ የሚደረጉትን ግስጋሴዎች መከታተል
ግኝቶች ተገኝተዋል፡፡››

‹‹ለምሳሌ?›› ስትል ጠየቀች ናንሲ፡

‹‹ሊዝ ሜይትነር የምትባል ኦስትሪያዊት ሳይንቲስት ከናዚዎች አምልጣ
በኮፐንሄገን በስደት የምትኖር ተጠቃሽ ናት፡፡ እሷም በምርምር ስራዋ
የዩራኒየምን አተም ባሪየምና ክሪፕተን ወደተባሉ ትንንሽ አተሞች መከፋፈል
ችላለች፡፡››

‹‹አተሞች የማይከፋፈሉ ነበር የሚመስለኝ›› አለች ናንሲ፡

‹‹እስከቅርብ ጊዜ እኛም እንዲህ ነበር የሚመስለን፡፡ ይህ ከሆነ ደግሞ ራበሳይንስ ትልቅ ግስጋሴ ተደረገ ማለት ነው፡፡
ለዚህም ነው የወታደራዊው መስክ ይህን የሳይንስ ውጤት በእጅጉ የሚፈለገው፡፡ ስለዚህ የዚህን ሂደት መቆጣጠር ከቻሉ በዓለም ከፍተኛ የማጥፋት ኃይል ያለውን ቦምብ መስራት ቻሉ ማለት ነው፡››

ናንሲ እንደ ቆቅ የሚደነብሩትንና ሰውን ሁሉ በፍርሃት የሚመለከቱትን እኒህን ሰው አንገቷን አዙራ አየት አደረገቻቸው፡፡ ‹‹እንዲህ ያሉ ሰው ያለ ጠባቂ ብቻቸውን እንዲሄዱ እንዴት እንደፈቀዱ የሚገርም ነው!›› አለች።

‹‹ብቻቸውን ናቸው ብዬ አልገምትም›› አለ መርቪን እዚያ ፈንጠር ብሎ የቆመውን ሰው ተመልከቺ፡፡,

የመርቪንን የግምባር ጥቅሻ ተከትላ ከመንገዱ ባሻገር አይኗን አማተረች፡ ሌላ ረጅም ቆብ የደፋና
ሙሉ ልብስ ከነሰደርያው የለበሰ የአይሮፕላኑ ተሳፋሪ ተመለከተች፡:

‹‹ይህ ሰው የሳይንቲስቱ ጠባቂ ነው ብለህ ትገምታለህ?››

መርቪን ትከሻውን ነቀነቀና
‹‹ነጭ ለባሽ ይመስላል፡፡ ሃርትማን የሚጠበቁ መሆናቸውን አያውቁም ይሆናል፡፡ ሆኖም ጠባቂ ሳይኖራቸው አይቀርም ብዬ እገምታለሁ›› አላት፡

hዚህ ቀደም መርቪን ያን ያክል ነገሮችን ይከታተላል ብላ አትገምትም ነበር፡፡

‹‹ቡና ቤቱ ይሄ ሳይሆን አይቀርም›› አለ መርቪን የውይይታቸውን ርዕስ ለውጦ፡፡ በኋላም በሩጋ ደርሶ ቆመ።

‹‹መልካም ዕድል›› አለችው ናንሲ ከልቧ፡ አናዳጅ ባህሪ ቢኖረውም ሰውየውን እየወደደችው እንደመጣች አሰበች፡፡

ፈገግ አለና ‹‹አመሰግናለሁ ላንቺም መልካም ዕድል እመኝልሻለሁ›› አላትና እሱ ወደ ቡና ቤቱ ሲገባ እሷ መንገዱን ይዛ ነጎደች።

ህንጻው ውስጥ አንድ ወጣት የፓን አሜሪካን አየር መንገድ ሰራተኛ ወዳለበት እንደነገሩ የተሰራ ቢሮ አየችና ወደ እሱ ሄደች፡
‹‹ወደ ኒውዮርክ ነው የምሄደው ቲኬት ብትሰጠኝ›› አለች፡
‹‹ቲኬት ፈልገው ነው? አልቋል›› አላት

ናንሲ ለወጣቱ ፈገግ አለችለት፡፡ ፈገግ ማለት የቢሮክራሲውን ማነቆ
ሊያለዝብ የሚችልበት ጊዜ አለ፡፡

‹‹አየህ የኔ ወንድም፤ ቲኬት ማለት ብጣሽ ወረቀት ነው›› አለችው
‹የቲኬቱን ዋጋ ልስጥህና አይሮፕላኑ ላይ ጫነኝ አይመስልህም?››

እሱም በፈገግታ ጥርሱን ብልጭ አደረገ፡ የሚችል ከሆነ እንደሚረዳት
ገመተች፡፡

‹‹አይሮፕላኑ ሙሉ ባይሆን እጭንዎት ነበር›› አላት፡፡

“ምን አይነት ነገር ነው! ስትል አጉተመተመች፡ ሰማይ የተደፋባት መሰላት፡፡ እስካሁን የደከመችው እንዲያው ነው እንዴ! ሆኖም ገና እጇን አልሰጠችም፡፡ በፍጹም ተስፋ መቁረጥ የለባትም፡፡

‹‹አንድ የሆነ ነገር መኖር አለበት›› አለች፡፡ ለመኝታ የሚሆን ቦታ ባይኖርም ግዴለም መቀመጫ ላይ እተኛለሁ፡፡ የአይሮፕላኑ ሰራተኞች
ወንበር ቢሆንም ግድ የለኝም››
‹‹የሰራተኛ ወንበር ላይ ተሳፋሪ እንዲቀመጥ አይፈቀድም አንድ ያልተያዘ ቦታ ያለው የሙሽሮች ክፍል ብቻ ነው።
‹‹እሱን ቦታ ትሰጡኛላችሁ?›› ስትል ጠየቀች ተስፋዋ ለምልሞ
‹‹ምን ችግር አለ፤ ዋጋው ስንት እንደሆነ አላውቅም እንጂ››
‹‹እባክህ ጠይቅልኝ›› አለችው አስተዛዝና፡

‹‹ምናልባትም የሁለት መቀመጫ ዋጋ ሳይኖረው አይቀርም፡፡ ማለትም
ሰባት መቶ ሃምሳ ዶላር የመሄጃ ብቻ፡፡ ምናልባትም ይበልጥ ይሆናል› አላት፡፡

ናንሲ ዋጋው ሰባት ሺ አምስት መቶ ዶላር ቢሆን ግድ የላትም፡፡ ‹‹ባዶ ቼክ እሰጥሃለሁ የፈለከውን ዋጋ መሙላት እንድትችል›› አለች በጉጉት ‹‹ነገ ኒውዮርክ መድረስ የምፈልግበት ብርቱ ጉዳይ አለብኝ›› አለች
የምትሄድበትን ጉዳይ ለመግለጽ ከዚህ የተሻለ አባባል አጥታ፡

‹‹እስቲ ካፒቴኑን ልጠይቅ›› አለ ወጣቱ ‹‹ከኔ ጋር ይምጡ፣ የኔ እመቤት››

ናንሲ የመወሰን ስልጣን የሌለው ሰው ጥረቴን ሁሉ መና ያስቀርብኝ
ይሆን ብላ እየሰጋች ሰውየውን ተከተለችው ምን ምርጫ አላት፡

አንድ ፎቅ ላይ የሚገኝ ቢሮ ውስጥ ገቡ፡፡ ቢሮው ውስጥ ሲጋራ እያጨሱና ቡና እየጠጡ የአየር ጠባይ ሁኔታ ቻርት ይዘው የሚወያዩ ስድስት ወይም ሰባት የሚሆኑ የአዘቦት ልብሳቸውን የለበሱ የአይሮፕላኑ ሰራተኞች አሉ፡፡ ወጣቱ ሰራተኛም ናንሲን የአይሮፕላኑ ካፒቴን መርቪን ቤከር ጋ ወስዶ አቀረባት፡

ወጣቱ ሰው ‹‹ካፒቴን ወይዘሮ ሌኔሃን ወደ ኒውዮርክ የሚያስኬደኝ
ብርቱ ጉዳይ ስላለኝ የሙሽሮችን ክፍል ዋጋ ከፍዬም ቢሆን እሄዳለሁ እያሉ ነው፡፡ እንውሰዳቸው?›› ሲል ጠየቀ፡

ናንሲ የካፒቴኑን መልስ በጉጉት ጠበቀች፡፡ ካፒቴኑም ‹‹ወይዘሮ ሌኔሃን
ባለቤትሽ አብሮሽ አለ?›› ሲል ጠየቃት፡

‹‹ባለቤቴ ሞቷል ካፒቴን››

‹‹ይቅርታ የኔ እመቤት፡፡ ሻንጣ ይዘሻል?››
‹‹ይሄ ትራቭሊንግ ባግ ብቻ ነው ያለኝ››
‹‹እንወስድሻለን ወይዘሮ ሌኔሃን››
‹‹እግዜር ይስጥህ ካፒቴን›› አለች ናንሲ በደስታ እየተርበተበተች፡
‹‹ይሄ ጉዞ ለእኔ ምን ያህል ጠቃሚዬ እንደሆነ መግለጽ ይከብደኛል፡››
ናንሲ በደስታ እግሮቿ ሊከዷት ምንም አልቀራቸውም ያገኘችው
ወንበር ላይ ዘፍ አለች። ነፍሷን ስትገዛ በስሜት እንዲህ መሆኗ አሳፈራት፡
መርበትበቷን እንዳያውቁባት ቦርሳዋ
በረበረችና ቼኳን መዛ እጇ እየተንቀጠቀጠ ባዶ ቼክ ፈርማ ለወጣቱ ሰጠችው፡፡
አሁን ፒተርን ፊት ለፊት የምትጋፈጥበት ጊዜ ደረሰ፡፡
መንደሩ ውስጥ ጥቂት ሰዎች ናቸው የሚታዩት የተቀረው ተሳፋሪ
የት ደረሰ?›› ስትል ጠየቀች

‹‹አብዛኛዎቹ ተሳፋሪዎች ቡና ቤት ናቸው›› ሲል መለሰ ወጣቱ። ቡና
ቤቱ እዚሁ ህንፃ ላይ ነው የሚገኘው፡፡ መግቢያው በጎን በኩል ነው፡፡››

ናንሲ ተነስታ ቆመች: አሁን ድንጋጤው ለቋታል፡፡

‹‹የኔ ልጅ እግዚአብሔር ውለታህን ይክፈልህ››

‹‹እኔም እርስዎን መርዳት መቻሌ ደስ ብሎኛል›› አለ ወጣቱ ሰው፡፡

በበሩ ስትወጣ ክፍሉ ውስጥ ያሉት ሰራተኞች ባዶ ቼክ ላይ የምትፈርም የምታምር ሴት እያሉ በነገር ሲሸነቁጧት ሰማች፡፡ ናንሲ ወደ ውጭ ስትወጣ ደከም ያለ ጸሃይና ለስለስ ያለ አየር ተቀበላት፡፡ አየሩ ከባህሩ
በሚወጣ ጨዋማ መዓዛ ታውዷል፡፡ አሁን እምነተ ቢሱን ወንድሟንልትገጥም ነው፡

ከዚያም በህንጻው ጎን ሄዳ ቡና ቤት ውስጥ ዘው አለች፡፡ ቡና ቤቱ እሷ
የምትገባበት ዓይነት አይደለም፡፡ ትንሽ ጨለምለም ያለ፣ ወምበሮቹና ጠረጴዛዎቹ ተራ፣ ወንዶች ብቻ የሚዝናኑበት ዓይነት ነው፡፡ ከዚህ ቀደም ቡና ቤቱ
ለዓሳ አጥማጆችና ለገበሬዎች ቢራ መጠጫነት ነበር የሚሆነው፡፡ አሁን ግን
ኮክቴል በሚጠጡ ሚሊየነሮች ከጥግ እስከ ጥግ ተሞልቷል፡፡ አየሩ በሰዎች ትንፋሽ የታፈነና ሁካታ የበዛበት ነው፡፡ የሚነገረው ቋንቋ የተለያየ ሲሆን ተሳፋሪዎቹ ፌሽታ እያደረጉ ይመስላል፡፡ ምናልባትም ተሳፋሪዎቹ አብረው የሚዝናኑ በውቅያኖስ ላይ ረጅም ጉዞ ስለሚጠብቃቸው ይሆናል፡፡

ቡና ቤቱ ውስጥ ያለውን ሰው ሁሉ በዓይኗ ስታማትር ፒተርን አየችው፡፡ እሱ ግን አላያትም፡፡ በቁጣ ሰውነቷ እየነደደ ለተወሰኑ ሰከንዶች
አፈጠጠችበት፡፡ ጉንጮቿ በንዴት ቲማቲም መስለዋል፡ ፊቱን በጥፊ አጩይው! አጩይው! አላት፡፡ ሆኖም ንዴቷን በሆዷ አምቃ በጥፊ
ከመጠፍጠፍ ተቆጠበች፡፡ የተናደደችበት መሆኗን እንዲያውቅ አልፈለገችም፡፡
ሁልጊዜም አንድን ነገር ረጋ ብሎ ማስኬድ እንዳለባት ታውቃለች፡፡

የተቀመጠው ጥግ ላይ ሲሆን አብሮት ናት ሪጅዌይ አለ፡፡ ይሄ ደግሞ ድንጋጤ ውስጥ ጥሏታል፡፡ ናት የጫማ ናሙናዎች ለመሰብሰብ ፓሪስ
እንዳለ ነው የምታውቀው፡፡ ከፒተር ጋር ወደ አሜሪካ አብሮ ይበራል ብላ
አልጠበቀችም፡፡ ናት እዚህ ቦታ ባይኖር በወደደች፡፡ የቀድሞ ፍቅረኛ እንደዚህ
ያለ ግጭት ላይ ከተገኘ ነገሮች ይዛባሉ ከዚህ በፊት ፍቅረኛዋ መሆኑን ከአዕምሮዋ ፋቀች፡፡

ቡና ቤቱ ውስጥ የተገጠገጠውን ሰው ገፋ ገፋ እያደረገች ፒተርና ናት
ያሉበት ጠረጴዛ ጋ ደረሰች፡፡ ናት ነው መጀመሪያ ያያት፡፡ እንዳያት ፊቱ ላይ
ያየችው ድንጋጤና የጥፋተኛነት ስሜት አንጀቷን ቅቤ አጠጣው፡፡ የናትን
ዕይታ ተከትሎ ፒተር ቀና ሲል እሱም አያት፡፡ የፒተር ፊት በድንጋጤ አመድ መሰለ፡፡ ‹‹የአምላክ ያለህ!›› አለ ከመቀመጫው ተነስቶ፡ ሁነቱ የፈጠረበት ድንጋጤ የሚነገር አይደለም፡፡

‹ምን አስደነገጠህ ፒተር?›› አለች ናንሲ ሆዷ በደስታ እየሞቀ፡፡

ፒተር ምራቁን ዋጠና ተመልሶ ወምበሩ ላይ ዘፍ አለ፡፡

ናንሲም ‹‹እንደማትጓዝበት እያወቅህ በመርከብ ለመጓዝ ቲኬት አዴልፊ ሆቴል ተመዘገብክ፡፡ ይህን ሁሉ የምታደርገው በፓን አሜሪን ገዝተሃል። ከኔ ጋር ሊቨርፑል ድረስ መጥተህ፣ እንደማታርፍበተ እያወቅህ
አይሮፕላን እንደምትበር እንዳላውቅብህ ነው፡፡››

ፒተር ፊቱ በድንጋጤ አመድ እንደመሰለ በጸጥታ እህቱን ዓይን ዓይኗን ያያል

ንግግር ለማድረግ የተዘጋጀች ባትሆንም ቃላቱ ሁሉ እየተከታተሉ
ከአንደበቷ ይወጡ ጀመር፡ ‹‹ትናንት እኔ የማላውቀው መስሎህ ከሆቴሉ ሹክክ ብለህ ወጥተህ ወደ ሳውዝ ሃምፕተን ሄድክ፡፡›› ጠረጴዛውን ደገፍ
ስትል ፒተር በደመነፍስ ሽምቅቅ አለ፡፡
‹‹ምንድነው የሚያስፈራህ?
አልነክስህምl›› ስትለው ከምር እንደምትነክሰው ሁሉ ወደ ኋላው አፈገፈገ፡፡

ጮክ ብላ ስትናገር ድምጿን ቡና ቤቱ ውስጥ ያለው ሰው ሁሉ ይሰማል ብላ አልተጨነቀችም፡ ሰዉ ጸጥ ረጭ ብሎ ያዳምጣል፡ ፒተር በበኩሉ በእፍረት ዙሪያ ገባውን ይገረምማል፡

‹‹ላንተ ካደረኩልህ አንጻር ያንተ ጅልነት አያስደንቀኝም፡፡ ጥፋቶችህን ሰው እንዳያውቅብህ እድሜህን በሙሉ ስጠብቅህ ኖርኩ፡፡ የአንድ ባዛር ስራ እንኳን ለማስተባበር አቅም እንደሌለህ እያወቅሁ ነው የኩባንያውን ኃላፊነት
የለቀቅሁልህ፡ ይህን ሁሉ አድርጌልህም ንግዱን ከእጄ ፈልቅቀህ ለማውጣት
ጉድጓድ ከመማስ አልቦዘንክም፡፡ እንዴት ይህን ግፍ በኔ ላይ ትፈጽማለህ?
እንደ ትል ውስጥ ውስጡን መሹለክለክህ ለምንድነው?›› አለች ናንሲ

ፒተር ፊቱ በድንጋጤ እንደገረጣ ‹‹እኔን ከክፉ ነገር ስትጠብቂኝ
አልነበረም፡፡ ሁልጊዜም የራስሽን ጥቅም ስትጠብቂ ነው የኖርሽው›› አለ
‹‹ሁልጊዜም የበላይ ለመሆን ትፈልጊያለሽ ነገር ግን ኃላፊነቱን አላገኘሽም፡፡
ከዚያ ወዲህ ቦታውን ከኔ ለመውሰድ እንቅልፍ አጥተሽ ትፍጨረጨሪያለሽ፡››

ፒተር የተናገረው ተገቢ ባለመሆኑ መሳቅ ይሁን ማልቀስ ወይም ፊቱ
ላይ መትፋት ይሻል እንደሆን አላወቀችም፡፡

‹‹አንተ ደደብ ከኃላፊነት እንድትነሳ ሳይሆን ኃላፊነቱን እንደያዝክ
እንድትቆይ ሳልም ነበር፤ አንተ አይገባህም እንጂ፡፡››

ፒተር ከኪሱ ወረቀት አወጣና በድል አድራጊነት ‹‹እንደዚህ ያለ?››
አላት፡

ናንሲ እሷ የጻፈችው ሪፖርት መሆኑን አወቀችና ‹‹ታዲያ ይሄ ልክ አይደለም ትላለህ?›› አለች ይህ ዕቅድ እኮ በስራህ ላይ የሚያቆይህ ዕቅድ ነው

‹‹አንቺ የኃላፊነቱን ቦታ ወስደሽ ነዋ! እውነቱን ወዲያው ነበር ያወቅሁት፡፡ ስለዚህ የራሴን መፍትሄ ፈጠርኩ››

Uነገር ግን ‹መፍትሄ ያልከው ነገር አልሰራም አለች ናንሲ በድል አድራጊነት፡፡ ‹‹የአይሮፕላን ቲኬት ስለገዛሁ ለቦርዱ ስብሰባ እደርሳለሁ››
አለች ለመጀመሪያ ጊዜ በጸጥታ የወንድምና እህቱን ክርክር ወደሚያደምጠው ናት ሪጅዌይ ዞር አለችና ‹‹የብላክ ጫማዎች ኩባንያን እጅህ ለማስገባት
ትቋምጣለህ እንጂ አታገኘውም፡፡ ሲያምርህ ይቅር ናት›› አለችው:

‹‹ሁሉም ነገር እጅሽ እንደገባ አታስቢ›› አላት ፒተር፡ ይህን ሲል ባንድ
ነገር እርግጠኛ የሆነ ይመስላል፡ ፒተር እሷ የማታውቀው ነገር ለማድረግ አውጥቶ አውርዶ የማቀድ ችሎታ እንደሌለው ታውቃለች፡፡

‹‹እኔና አንተ እያንዳንዳችን አርባ በመቶ የአክሲዮን ድርሻ ይዘናል፡፡ቲሊና ዳኒ ሪሌይ የቀረውን አስር አስር በመቶ አክሲዮኖች ይዘዋል፡ ሁለቱ የእኔን ፈለግ ተከታዮች ናቸው፡፡ እኔና አንተ ምን አይነት አቅም እንዳለን ልቅም አድርገው ያውቃሉ፡፡ ለአባባ ታማኝነት ለማሳየት ቢፈልጉም አንተ
ኩባንያውን እንዳከሰርክ እኔ ደግሞ አትራፊ እንዳደረኩት ያውቃሉ፡ ለኔ ድምጽ ስጡኝ ብል አያሳፍሩኝም››

‹‹ሪሌይ ለኔ ነው ድምፅ የሚሰጠው›› አለ ፒተር ፈርጠም ብሎ፡

ናንሲ የፒተር ልበ ሙሉ አነጋገር ጥርጣሬ ውስጥ ጣላት ‹‹ኩባንያውን
ድምጽ ገደል እየጨመርከው
ለምንድነው ላንተ
እንደሆነ እያወቀ
የሚሰጠው?›› አለች በንቀት፡፡ ሆኖም የውስጧ ጥርጣሬ እንደ ድምጿ
ጠንካራ እንዳልሆነ ልቦናዋ አውቋል፡

ፒተር ስጋቷን አወቀና ‹‹ፈራሽ አይደል?›› አላት በንቀት በተራው፡ ናንሲ መፍራቷ እውነት ነው፡፡ በምትናገረው ነገር ሙሉ እምነት እንደሌላት እየተሰማት ነው፡፡ እሱም የልብ ልብ እያገኘ መጥቷል፡ ከፒተር ጉራ በስተጀርባ ምን እንዳለ ማወቅ ሊኖርባት ነው፡፡

‹‹ያልተጨበጠ ነገር ነው የምታወራው›› አለች በፌዝ፡፡

‹‹አይደለም›› አለ ኮራ ብሎ፡፡

በዚህ አይነት ልታውጣጣው ብትሞክር የተናገረው ስህተት ለመሆኑ
የመልስ ምት እንደማይኖራት ናንሲ ታውቃለች፡፡

‹‹ሁልጊዜ አንድ የተደበቀ ምስጢር እንዳለ ታስመስላለህ። ነገር ግን
አንድም ቀን ተግባራዊ አድርገኸው አታውቅም››
‹‹ሪሌይ ለኔ ድምጽ እንደሚሰጠኝ ቃል ገብቶልኛል››
‹‹ሪሌይ ለኔ ታማኝ ነው›› አለችው ሃሳቡን ውድቅ በማድረግ
ፒተር አልለቀቃትም ‹‹ማበረታቻ ካገኘስ?››
ይሄ ነው ለካ የፒተርን ልብ እንዲህ ያሳበጠው አለች ናንሲ በሃሳቧ ዳኒ ሪሌይ ጉቦ በልቷል፡፡ አሁን የምር ጭንቅ ጭንቅ አላት፡ ራሊይ እልም ያለ ሙሰኛ ስለሆነ ጉቦ ከመብላት እንደማይመልስ ታውቃለች፡፡ ፒተር ምን ቢሰጠው ነው ሪሌይ እንደዚህ የተንበረከከለት?› ይህን ማወቅ አለባት፡ ይህን
ጉቦ ሳይበላው ከአፉ ትነጥቀዋለች ወይም ፒተር ከሰጠው የበለጠ ጉቦ
ታቀርብለታለች፡:.....

✨ይቀጥላል✨

#ሳቤላ
፡
፡
#ክፍል_ስልሳ_ዘጠኝ
፡
፡
#ድርሰት_ሚሲስ_ሔንሪ_ውድ


“ቶርን” የሚለውን ስም ለምን አንደ ፈለገው ነግሮሽ ያውቃል '

"እሱ እንደ ነገረኝ ካፉ ስለ ገባለት ብቻ ነበር " ስዊሰን በተገናኘን ጊዜ እውነተኛ ስሙን ሊነግረኝ ደስ ስለ አላለው ይህ ስም መጣለት ነገረኝ እሱም ለሁል ጊዜ እንዲጠራበት ሌሎችም እንዲሰሙበት አይፈልግም ነበር "

ሚስ አፌ ለጊዜው ያለኝ ይኸው ነው " ኤበንዘር ጀምስ እንዲገባ እፈልጋለሁ።

ኧቤንዘር ጀምስ ገብቶ የአፊን ቦታ ያዘ "ግድያው ከተፈጸመ ከአሥራ ስምነት ወሮች በኋላ ቶርንን ለንደን ላይ እንዳየኸው ለፍርድ ቤቱ ገልጸሃል” ብሎደ ጀመረ ጠበቃው ቦል “ ይኸም አፊ ሆሊጆን አብራው የነበረችበት ጊዜ መሆን
አለበት እሷንም አይተሃት
ነበር?።

ኤቤንር ጀምስ ዐይኖቹን አፈጠጠ "አፊ ምን ብላ እንደ መስከረች አላወቀም
እሷ ከቶርን ጋር እንደ ነበረች ከዚያ በፊት ለማንም ተናግሮት አያውቅም
እንዴት ሊታወቅ እንደቻለ ገረመው ።

" አፊን ?

“አዎን አፊን አይተሃት ነበር ወይ?” አለ ጠበቃው ኮስተር ብሎ - “ ከዌስት ሊን ስትጠፋ ሪቻርድ ሔርን ተከትላ ሔዳ ነው ተብሎ ተወርቶ ነበር“ እሷ ግን
ሪቻርድን ሳይሆን ቶርንን ፍለጋ እንደሔደች ፍርድ ቤቱ ዐውቋል " ስለዚህ
አንተ ቶርንን ባገኘኸው ጊዜ እሷንም አይተሃት ነበር ወይ ? ነው የምልህ ''

“አዎን አይቻታለሁ እንዲያውም በመጀመሪያ ያየሁት እሷን ነበር ”

“ እስኪ ሁኔታውን ለፍርድ ቤቱ አስረዳው ”

“አንድ ቀን ከሰዓት በኋላ እዛው ለንደን ፖዲንግተን ከሚባለው ቦታ በመንገድ ሳልፍ አንዲት ሴት ወደ ቤት ስትገባ አየሁ " አፊ ሆሊጆን ነበረች እሷም አየችኝና ሻይ ጋበዘችኝ " እንግዳ ስለሚመጣባት በሁለት ሰዓት መውጣት አንዳለብኝ ነግራኝ ነበር ስለ ዌስት ሊን እሷ ስትወጣ የወጣሁ ስለሆነ አዲስ ነገር
ነግራትም - እየተጫወትን የተባለው ስዓት ደርሶ ወጣሁ " ከውጭ በር ስድረስ ቶርን በሠረገላ መጥቶ ሲገባ አየሁት "

“ታድያ አፊ የኮበለችው ከሪቻርድ ሔር ነው መባሉን እያወቅህ ወደ ዌስት ሊን እንደ ተመለስክ ለምን አልተናገርክም ?”

“መጀመሪያ ይህን ነገር መናገር የኔ ተግባር አይደለም አፊ ደግሞ ' አይቻታለሁ ብዬ ለማንም እንዳልናገር ቃል አስገብታኝ ስለ ነበር ለማንም አልተናገርኩም ”

“ ቆይ ” አለ ሚስተር ሩቢኒ ምስክሩ ሊወጣ ሲል “ ስዓቱ ከምሽቱ ሁለት
ሰዓት አንደ ነበር ተናግረሃል "ጨልሞ ነበር ?”

"አዎን ”

"ታድያ ከሠረገላ ወርዳ ወደ ቤት የገባው ቶርን መሆኑን እንዴት ልታረጋግጥ ቻልክ ?”

“በደንብ አረጋግጫለሁ " ከሠረገላ ከወረደበት ላይ የጋዝ መብራት ስለ ነበር
ልክ በፀሐይ ብርሃን የማየውን ያህል አድርጌ አይቸዋለሁ " ከዚህም ሌላ ድምፁን አውቀዋለሁ " የትም ቢሆን በድምፁና በቀለበቱ ብቻ በሚገባ ልለየው እችለሁ "
ደማቁ ቀለበቱ በመብራቱ ሲፍለቀለቅ አይቸዋለሁ …”

ድምፁንስ በምን ስማኸው? አነጋግሮህ ነበር ?

« ከኔ ሳይሆን ከባለ ሠረገላው ጋር ሲነጋገር ሰምቸዋለሁ " በመካከላቸው
አንድ ክርክር ነበር " ሰውዬው ኻያ ደቂቃ ሙሎ ከመንገድ ካስጠበቀው በኋላ የሰጠው ግን እንደማይበቃው ቅሬታውን ገለጸለት ቶርንም ጥቂት ከተጨቃጨቁ በኋላ አንድ ሽልንግ ተጨማሪ ወረወረለት።

ከኧቤንዘር ጄምሰ ቀጥሎ የሟቹ የሰር ፒተር ሌሺሰን ባልደራስ የነበረ አንድ
ሰው ተጠራ“ እሱም ሆሊጆን በተገደለበት ዘመን ወደ በጋው መጨረሻ ሲል ፍራንሲዝ ሌሺስን ስር ፒተርን ለመጠየቅ መጥቶ መስንበቱን መሰከረ እዚያም ሲሰነብት ብዙ ጊዜ በተለይ ወደ ማታ ሲሆን የዌስት ሊንን አቅጣጫ ይዞ በፈረሱ ይሔድና ሦስት ወይም አራት ስዓት ያህል ቆይቶ ፈረሱ ላብ በላብ እስኪሆን ድረስ እየጋለበ ይመለስ እንደ ነበር ጨምሮ አስረዳ ከሚስተር ሌቪሰን ኪስ የወደቀ ሁለት ደብዳቤዎች በተለዩ ጊዜያት አግኝቶ እንደ ስጠው ገለጸ " የሁለቱም ደብዳቤዎች አድራሻ • ለካፒቴን ቶርን ሲል የፖስታ ቤት ምልክት አልነበራቸውም
ከተቀባዩ ስም በቀር በፖስታዎቹ ላይ ምንም ነገር አልተጻፈባቸውም ጽሕፈቱ የሴት ይመስል ነበር " ምስክሩ ተጠይቆ በሰጠው ማብራሪያ የሆሊጆን መገደል ዳር እስከ ዳር ትልቅና አስደንጋጭ ዜና ሆኖ እንደሰነበተ በደንብ ማስታወሱንና ፍራንሲዝ ሌቪሰንም ሰር ፒተር ዘንድ ቆይታውን ጨርሶ ወደ ለንደን መመለሱን ተናገረ ።

እንዴት ያለ የማስታወስ ችሎታ አለህ ! አለና ሩብኒ አፌዘበት "

ምስክሩ ሞግስ ያለው ከባድ ሰው ነበር በርግጥ ጥሩ የማስታወስ ችሎታ እንደነበረው ራሱም አልሸሸገም በተለይ ግን ሚስተር ሌቪስን ሆሊጆን እንደ ተገደለ ከዚያ አካባቢ በመልቀቁና ሌሎችም አብረው የተከሠቱ አንዳንድ ነገሮች ከአእምሮው መቀረጸቸውን ገለጸ "

“ ምን ምን ነገሮች ናቸው? አለ ፍርድ ቤቱ "

“አንድ ቀን ሰር ፒተር የፈረሶችን ጋጣ እየዞሩ ሲያዩ ሚስተር ፍራንሲዝ ሌቪሰንን ትንሽ ቀን እንዲሰነብት አጥብቀው ቢጠይቁት ባልታሰበ ጉዳይ ወደ ለንደን መጠራቱን ነገራቸው እነሱ ሲነጋገሩ ሠረገላ ነጂው እየቃተተ መጣና የዌስት ሊኑ
ሆሊጆን በሪቻርድ ሔር መገደሉን ተናገረ “ ሰር ፒተር በድንተኛ አደጋ ካልሆነ በቀር ሆነ ተብሎ የተደረገ ነው ብለው ሊያምኑ እደማይችሉ መናገራቸውን አስታውሳለሁ

ሚስተር ሌቪሰን መሔድ እንዳለበት ከነገራቸው በኋላ አንድ ዐሥር ፓውንድ እንዲሰጡት ጠየቃቸው - እሳቸውም ትናንቱን ጧት ስለ ስጡት አምሳ ፓውንድ በቁጣ ሲጠይቁት የአንድ ጓደኛው መኮንን ዕዳ ስለ ነበረበት በፖስታ እንደ ላከለት ነገራቸው እሳቸው ግን የትም ሲያብድ ካላባከነው በቀር ለሰጠው ምክንያት ማዋሎን ማመን አልቻሉም » በዚህ ጊዜ ግራ የመጋባት ምልክት ታየበት " የኔጌታ ለጊዜ ቶሎ ቢቆጡም ከለመንዋቸው ልባቸው አይጠናም ነበር እንደ ሴት ምልስ ባይ ነበሩ " በርግጥ በዐይኔ አላየሁም ' ግን የጠየቃቸውን ገንዘብ ሳይሰጡት የቀሩ አልመሰለኝም " ሚስተር ሌቪዞን የዚያን ለት ሌሊት ወደ ለንደን ሔደ።

የመጨረሻው ምስክር ሚስተር ዲል ነበር " ባለፈው ማክስኞ ማታ ሚስተር ቦሻ ቤት ቆይቶ ሲመለስ ከሚስተር ጆስቲስ ቤት ፊት ለፊት አንድ ጭቅጭቅ ሰማ የነገሩ መነሻ ሰር ፍራንሲዝ ሌቪሰንና ኦትዌይ ቤቴል ድንገት መግናኘት
ኖሯል " ቤቴል ለምን እንደሚያርቀው ሰር ፍራንሲዝ ሌቪሰንን ሲወቅሰው ያኛው
ስለሱ ምንም የሚያውቀው ነገር እንደሌለና ለማወቅም እንደማይፈልግ ነገረው "
.
ሆሊጆን የተግደለ ዕለት ማታ ግን ' ስለኔ አንድ ነገር በማወቅህ ደስ ብሎህ
ነበር " ሰመሆኑ ላሰቅልሀ እችል እንደ ነበር ታስታውሳለህ አንዲት ትንሽ ቃል ብናግርብህ በዲክ ሔር ቦታ ልትቆም ትችል እንደ ነበር ዘነጋኸው? አሁን ያ ሁሎ አለፈና አላውቅህም ትለኛለህ ? አለው »

“አንተ ከብት አለው ሰር ፍራንሲዝ ፡ “ የራስህን አንገት ከሸምቀቆ ሴታስገባ ልታሰቅለኝ እንደማትችል ጠፋህ ? ያፍ መዝጊያ ገንዘብ አልተቀበልክም
ይግሞ እንድጨምርልህ ትፌልጋህ ?

“ከዚያን ጊዜ ጀምሮ ምነው ያንን የተረገመ አምሳ ፓውንድ ስቀበልህ እጆቼ
በረገፉ እያልኩ ነው የኖርኩት " ለጊዜው ግራ ግብቶኝ • የማደርገው ጠፍቶኝ ሳለ ባታግኘኝ ኖሮ አልነካልህም ነበር ልጃቸውን ከመሰቀል የሚያድኑበትን ምስጢር
ደብቁ በመያዜ እስከዛሬ ድረስ የሚስዝ ሔርን ፊት ማየት አልቻልኰም ”

“በሱ ገመድ ራስህን ለማስገባት " አለና አሾፈበት ሰር ፍራንሲዝ።

“የለም አንተን ለማስገባት ”

“እሱ ሊሆን ይችላል" ነገር ግን እኔ ወደ ባለወግ (ፍርድ ፈጻሚ) ስሔድ አንተ
ነጥለህ አትቀርም " ይቅርታም ማምለጫም እንደማይኖርህ ታውቀዋለህ

ንትርኩ ረጂም ቢሆንም ፍሬ ነገሩ ይኸው ነበር ዲል ተጀምሮ እስኪጨረስ
አዳምጦታል ለፍርድ ቤቱም አንድ ባንድ መልሶ ተናገረው ሩቢኒ “ሕጋዊ ተቀባይነት ሊኖረው አይገባም ፤ተራ አሎባልታ ነው” ብሎ አመለከተ።

ፍርድ ቤቱ ግን ማንም እየመጣ ምን መሥራት እንዳለበት እንዲነግረው የማይፈልግ መሆኑን ነግሮ ዝም አሰኘው "

ኮሎኔል ቤቴል ' አንገቱን ወደፊት አስግጎ የሚስተር ዲልን ምስክርነት ሲያዳምጥ ከቆየ በኋላ ፊቱ ተለዋወጠ አልተሳሳትክም ? አንደኛው ተናጋሪ ኦትዌይ ቤቴል መሆኑን እርግጠኛ ነህ ? አለው።

ሚስተር ዲል አንቱን ነቀነቀ “ያልሆነውን ሰው እሱ ነው ብዬ'ምዬ የምመስክር ሰው ነው ተብዬ እገመታለሁ ? እኔም ምነው ባልሰማሁት ብዬ አዝኛለሁ ።

ሰር ፍራንሲዝ ሌቪሰን መቃ የመሳሰሉ ጣቶቹንና ያልማዝ ቀለበቱን እያሳየ
ሲንቀባረር ቆየ " ምናልባት አፊን በማስኮብለል ካልሆነ በቀር በነፍስ ግዳይ
የሚጠየቅ አልመሰለውም የሚስተር ዲል ምስክርነት ከተሰማ በኋ ነገሩ ባንድ
ጊዜ ተለወጠ » ሲጀነን የነበረው ኩምሽሽ አለ ኩራቱ ቀረና በአስጨናቂ ፍርሃት ተዋጠ "

ችሎቱ ሊፈጸም ሲቃረብ'“ አሁን ክቡር ፍርድ ቤቱ ለሰር ፍራንሲዝ ሌቪሰን
የዋስ መብታቸውን አንዲያስጠብቅላቸው እለምናለሁ ” አለ ሩቢኒ =
ዳኞቹ እርስ በርሳቸው ተያዩ
“ ክቡራን ዳኞች ... በስር ፍራንሲዝ ሌቪሰን ደረጃ ለሚገኝ ታላቅ መኮንን
እንዲህ ያለውን መብት አይከለክልም ”

ፍርድ ቤቱ እንደዚያ ያለ የድፍረት ጥያቄ ቀርቦለት እንደማያውቅ በማሰብ :
ይህን በመሰለ ወንጀል ለተከስሰ ሰው የሕግ መወሰኛ ምክር ቤት ፕሬዚዳንት ቀርበው ቢጠይቁም በዋስ ሊያስለቅቁት እንደማይችሉ ገልጾ ጥያቄውን ውድቅ
አደረገው

ኦትዌይ ቤቴል ግን ከኮሎኔሉ ጀምሮ ማንም ሊዋሰው እንደማይችል ገምቶ ምንም አልጠየቀም " ስለዚህ ሁለቱም በጆርጅ ሆሊጆን ግድያ ፍርዳቸውን አስኪያገኙ ድረስ በማረፊያ ቤት እንዲቆዬ በየነባቸው "

አፊ ቃሏን ከሰጠች በኋላ ሌላ ክፍል እንድትቆይ ተደረገ " እሷም ችሉቱ
እስኪያበቃ ወደ ለንደን ሔዳ ከፍራንሲዝ ሌቪሰን ጋር መቀመጧን ስለማመኗ
ጉዳይ የዌስት ሊን ሕዝብ ምን እንደሚላት ስታወጣ ስታወርድ ቆየች " በመረጨሻ ግን ማንም ስለዚህ ነገር ሊነቅፋት ቢሞክር ልክ ልኩን እየነገረች እንደምታሳርፈው በማስብ ደመደመች " ችሎቱ እስኪያበቃ ከተወሰነላት ክፍል ቆየች።

ችሎቱ አበቃ " ሚስተር ቦልን ሲወጣ አገኘችው " እንደሚታወሰው ጠበቃው
ወንደላጤ ነበር " አጅሪት ደግሞ ዐይኗን ስለ ጣለችበት ሚስተር ጂፍንን አስተማማኝ መጠባበቂያ አድርጋ የተሻለ ዕድል ቢያጋጥማት ታሻትር ነበር።

ስለዚህ ቀደም ብላ ዐይኖቿን ጥላበት ወደ ነበረው ጠበቃ እየተቅለስለሰች ጠጋ ብላ ' “በመጨረሻ ምን ተባለ ? አለችው "

ሁለቱም በነፍስ መግደል ተመስክሮባቸዋል " ከአንድ ሰዓት በኋላ ወደ ሊንበራ ይሔዳሉ ”

“ ሁለት ንጹሐን ይኸን በመሰለ ክስ መወንጀል አሳፋሪ ነገር ነው አለች "

“ ይኸን አስተሳሰብሺን ከአእምሮሽ ቶሎ ብታወጭ ይሻላል " የሌቪሰን ወንጀለኝነት በሚገባ ተረጋግጧል " ከዚህ በላይ ደግሞ ሁለቱ እርስ በርሳቸው ተወነጃጅለዋል “ወረበሎች እርስ በርሳቸው ሲጣሉ ሐቀኞች የጃቸውን ያገኛሉ' ብሎ ተረተላትና የራሳቸውን ወንጀለኝነት ሲያጋልጡ የሪቻርድንም ንጹሕነት እንዳረጋገጡ ገለጸላት

አንቺም ለቶርን የሰጠሺውን ሚና የተጫወተው ሪቻርድ ሔር ነው "ከዳሩ ሆኖ ተኰስ ሰማ "ከዚያ ቶርንን ደንግጦ እየተርበተበተ ሲሮጥ አየው
ምንም አትጠራጠሪ • አባትሽን የገደለው ቶርን ነው” አላት "

አፊ ዐይኖቿ ስልምልም ፡ ጭልምልም አሉ ፤ ራሷ ዞረ ልቧን አጥወለወላት "
አንድ ጊዜ የጣር ጩኽት ጮኽችና ዝልፍልፍ ብላ ወደቀች አፊ በአንድ
ጀንበር ሁለት ጊዜ ነፍሷን ሳተች "

እስረኞቹ ወደ ሊንበራ ሊወሰዱ ሲንቀሳቀሱ በተለይ ፍራንሲዝ ሌቪሰንን
ከሕዝቡ ቁጣ የሚጠብቅ ከፍተኛ የጥበቃ ኃይል †መደበ " እሱም የሕዝቡን
ጩኽት ፉጨትና እርግማን ሲሰማ አረንዴው ጥምቀት የሚደገም ወይም
ትንሽ በትንሽ እያሉ እየቦጫጨቁ የሚጥሉት መሰለውና ከፍራቱ የተነሣ ዐመድ የመሰለውን ፊቱን ሸፍኖ እየተንቀጠቀጠ መሬት ከፍታ ብትውጠው ተመኘ ''....


💫ይቀጥላል💫

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ ሀያ አንድ (21)


«ሲሻለኝ ከሁለት ሣምንት በኋላ ቦስተን ነበርኩ ... ቦስተን ነበር እምትኖረው ወደመኖሪያ ቤቷ ሄድኩ ። ግን ማንም አልነበረም… ምንም አልነበረም ። እቃዋም ፤ ስእሎቹም ተሰርቀው ደረስኩ ። ሰአሊ ነበረች.. ነርሶች ናቸው አሉ የ...የወ...የሰረቋቸው ስእሎቿን...» ዝምታ ሆነ ። ለረጅም ጊዜ ሁለቱም ፀጥ ብለው ተቀመጡ ከዚያ ቀጠለ

«የቀረ ነገር አልነበረም ። የለም እኔም ውስጥ ማለቴ ነው›› አለ። ይህን ብሎ ቀና ሲል የዌንዲ ፊት በእንባ ርሶ ተመለከተ። «ማይክል በጣም አሳዛኝ ነገር ነው። ይህ ስለደረሰብህ በጣም አዝናለሁ» አለች እግዜር ያጥናህ እንደማለት ነበረና ማጥናኛውን እራሱን በማወዛወዝ ተቀበለ። ቀጥሎ ለአንድ ዓመት ያህል እምቢ ያለው እንባ ፈሰሰ ፤ አለቀሰ ። ዌንዲን እቅፍ ሲያደርጋት የእንባ ዘለላዎች ፊቴን እያቋረጡ ወደ አንገቱ ፈሰሱ።

••••••••••••••••••••••••••••••••••••••••

«ማይክ የካንሳስ ሲቲውን ፕሮጀክት ስለምትመራው ሴትዮ ምን አስተያየት አለህ ... ማለት ..» አለች ዌንዲ ታውንሴንድ። ማይክልና ዌንዲ እዌንዲ ቤት በስተጀርባ ባለችው አትክክልት ቦታ ነበሩ ። በታጣፊ ወንበር ላይ ተቀምጦ የእሁድን ጋዜጣ ይመለከት ነበረና ቀና ብላ አየችው ። ሁለቱም የዋና ልብስ ለብሰው የኒውዮርክን ፀሐይ ይጠጣሉ ። «ስለ ሴትዮዋ» አለች ወሬ የመቀጠል ሙከራዋን ። አልሰማትም ። እጋዜጣው ላይ አፍጥጧል ። ጋዜጣውንም እንደማያነበው ዌንዲ ታውቃለች ። « ማይክ»
«እ ? ምን አልሺኝ››
«ስለ ካንሳሷ ሴትዮ እየጠየቅኩህ ነበረ » መልስ አልሰጣትም ። እንደገና ሀሳብ ውስጥ ገባ ።ሙከራዋ ሁሉ ተስፋ የሌለው ነገር እንደሆነ ገብቷታል ። በመረበሽና በብስጭት አይን አየችው ።
«ዊስኪውን ልጨምርልህ? » አለች።
«እ?አ...አዎን።ወደ ቢሮ መሄድ ይኖርብኛል መሰል» አለና በሷ ላይ አሳልፎ አይኑን እሆነ ባዶ ላይ ተከለ ።
«ግሩም ድንቅ ሀሳብ ነው» አሎች በፌዝ።
«ምን ማለትሽ ነው ?» አሁን ያያት ጀመረ ። እንዲያ ሲያያት እፊቷ ላይ እንግዳ ነገር አየባት ።ምን እንደሆነ ሳያውቀው ሀሳቡ ተከፈለ ። ጥቂት ቢያጤናት ኖሮ እፈቷ ላይ ያየውን ነገር ትርገም ሊያገኘው ይችል ነበር።
«ምንም» አለች›› ምን ለማለት ነው ሲል የጠየቃትን እየመለሰች ። «ዊንዲ ልንግባባ ያስፈልጋል ። ቢሮ መሄድ እንዳለብኝ ልትረጂልኝ ይገባል። የሳንፍራንሲስኮው የሕክምና ማእከል ብዙ ጉልበት ይጠይቃል። ነጭ ላብ እስኪወጣኝ መስራት አለብኝ ማለት ነው በሚቀጥሉት ሁለት አመቶች። ባገሪቱ ውስጥ ካሉት ትልቅ ፕሮጀክቶች አንዱ እንደሆነ ታውቂያለሽ ፤አይደለም ?»
«ምን ምክንያት መደርደር ያስፈልጋል? ማለት ይህ የምትለው ሥራ ባይኖርም ሌላ ነገር መፍጠርህ አይቀርም ነበር ። ዝም ብለህ የመሰለህን ማድረግ ትችል የለም እንዴ »
«እንዲያም ታልሽ ደግ። እኔ የጠላሁት ይህን የመስሪያ ቤት ፊርማ ይመስል በዚህ ሰዓት ወጣህ ፤በዚህ ገባህ የምትይውን 'ነገር ነው» አለና ጋዜጣወን አሸቀንጥሮ ጥሎ አፈጣጠባት። ይህን ስታይ መጨስ ጀመረች። «ፊርማ ?ማነው ፈራሚው ?አንተ? ለመሆኑ ትናንት በስንት ሰዓት እንደመጣህ ታውቃለህ ? ከሌሊቱ ስድስት ሰዓት ተኩል። እኔደሞ ሰው ነህ ብዬ የሰው የራት ግብዣ ተቀብዬ እዚህ ስንቃቃ ማምሸቴ። ለእራት ትደርሳለህ የተባልከው ሰው ለመኝታም አልሆነልህ ። ብቻ ጥፋተኛዋ እራሴ ነኝ። ዝም ብዬ መሄድ ነበረብኝ!»
«እኮ! እዚህ ቁጭ ብለሽ እንድትጠብቂኝ የገባሽው ውል አለ እንዴ ?»
«ውልስ የለም ። ግን አጋጣሚ ሆነና ፍቅር ያዘኝ ካንተ… ግን ይች ልጅ ፍቅር ይዟታል ። ትጎዳለች መውደድ ይቅር ፤ ይህ ያህል ማሰብ እንኳ አትችልም። ምን ሆንክ ማይክል ? ምን ነካህ ከቢሮህ ብቅ ስትል አንገትህ ውስጥ ሸምቀቆ ሊያስገባ ያጠመመደ ሰው አለ አሉህ ?ወይስ ከሷም ጋር ፍቅር ይይዝሀል የሚል ልብህን አስፈራው? ፍቅር ይህን ያህል አስፈሪ ነገር ነውን››

«እንዲህ ደርሰሽ ተራ ነገር አትሁኝ ዌንዲ ። ሥራዬን ታውቂያለሽ ። ከማንም ሰው የበለጠ ታውቂያለሽ ስለዚህ እንዲህ አትበይኝ»
«ስራህን ስለማውቀውና ሥራ ብለህ ቢሮ ከምትቆይበት ጊዜ ቢያንስ ግማሹ ዝም ብሎ፤ ዋጋ ቢስ እንደሆነ ስለሚገባኝማ ነው እምነግርህ ። አንተ ስራህን ለስራነቱ ሳይሆን መደበቂያ አድርገኸዋል ። ከሕይወት የምትደበቀው በስራህ ነው። እኔን ለመሸሽ የምታመካኘው በስራህ ነው ። እራስህን ለመሸወድ ምክንያትህ ስራህ ነው በቃ» አለች ። በሀሳቧ ስለናንሲ ላለማሰብ መሸሺያህ ስራህ ነው ብላ ጨመረች።

«ይኸ እዚህ ግባ የማይሉት አስቂኝ ወሬ ነው፤ ዌንዲ» ይህን ብሎ ከታጣፊው ሸራ ወንበር ላይ ተነስቶ ባትክልቶቹ መካከል በድንጋይ ንጣፍ በተሰራው የእግር መንገድ ላይ በባዶ እግሩ ወዲያ ወዲህ ይል ጀመረ ። የድንጋዩ ግለት ተሰማው።

ወሩ መስከረም የበልግ ወራት መባቻ ቢሆንም የኒውዮርክ ፀሐይ ጋብ አላለም ። ማይክልና ዌንዲ የተገናኙት ባለፈው የፀደይ ወራት መዳፊያ ላይ ሲሆን ለጥቂት ሳምንት ፍቅራቸው ግሎ በደስታ ሲዋኙ ከቆዩ በኋላ ያን ሁኔታ መቀጠል ሳይችሉ ቀሩ። ሙሉውን በጋ እንዲሁ ቅጥ አምባሩ የጠፋው ኑሮ በመኖር አሳልፈው እዚህ ደርሰዋል ። ማይክል ወደ ቢሮ ይላል ። ዌንዲ ወደ መዝናኛ ። ዌንዲ አልቻለችም ። አንዲት ቅዳሜና እሁድ ሎንግ አይላንድ አካባቢ አብረው ሲያሳልፉ ሌላውን ጊዜ ግን ዌንዲ ስታዝን ፤ ስትበሳጭ ፤ ማይክል እቢሮው ውስጥ ስራውን በማከናወን ነው ያሳለፉት ።
«ደሞስ ሲጀመር ነግሬሽ የለምንዴ ? ምን እንዳደርግልሽ ትፈልጊያለሽ ?»
«ነግረኸኛል ። ግን የነገርከኝ ምን እንደሆነ ታውቃለህ ? ሁለተኛ ፍቅር የሚሉት ነገር ይዞህ የሆነ ያልሆነ ክፉ ነገር እንዳይገጥምህ ፤ ዳግም እንዳትጎዳ ስለምትፈራ ፍቅር እንዳይዝህ እንደምትጠነቀቅ ፤ ልታገባ እንደማትፈልግ ፤ ይህን ነገርኸኝ እንጂ መኖር እንደምትፈራ ነገርከኝ በስላሴ ? ስለሰው ማሰብ ፤ ሰው መሆን ይኸ እንደሚያስፈራህ ነገርከኝ ? ማይክል ብዙውን ጊዜህን ከማስመሪያህ ጋር ኮ ነው እምታሳልፈው! ምናልባት ለኔ፤፤ ሰው ለሆንኩት ሳይሆን ለዚያ እቃ የምትስማማ ፍጡር ሳትሆን አትቀርም
« እና?»

ይህን ያለበትን ድምፅ ስትሰማና ቀና ብላ ስታየው እፈቱ ላይ የተሳለውን ነገርም ስትመለከት መላ አካላቷን ዝፋት አንድ ነገር ስለተረዳች ፤ ስለሷ ምንም ግድ እንደሌለው ከስለገባት ። ጅል ብትሆን ነው ከሱ ጋር መኖሯ ። ጅል ብትሆን ነው ከሱ ጋር መኖር ይቻላል ብላ መገመቷ ። ግን ደግሞ ጅልነት ብቻም አይደል ። የምትወድለት ነገር አላት ። የምትወደውን አይለመዴነት ፤ የአራዊትነት ባህርይ ታይበታለች ። ይህ ብቻ ሳይሆን ስር የሰደደ ትካዜም ታይበታለች ። ቆስሏል ። የሚያክመው ፤ የሚጠግነው ይሻል ። ልትደርስለት እንደሚፈለግ እንደሚወደድ ልታሳየውም ትፈልጋለች ። እሷ ይህን ታስብ እንጂ እሱ ለምንም ነገር ደንታ የለውም ። ዌንዲ ናንሲ አይደለችማ! ይህን ደግሞ እሷም እሱም በሚገባ ያውቁታል ። ዌንዲ ይህን ስታስብ እንባዋ ቅርዝዝ አለ ። ቀስ ብላ ተነስታ ወደ ቤት ገባች ። በሸሽፋሎቿ ላይ ያጤዘውን እንባ እንዳያይባት ። ኩሽና ገብታ መጠጥ ቀዳች ። መጠጡን አስቀምጣ ዓይኗን ከድና ብደርስበት ፤ባገኘው እያለችና አካሏን እየገዘፋት ባለችበት ቆማ ቀረች ። ግን እንደሌለ ማንም ሊደርስበት እንደማይችል ማሰብ ጀምራ ነበረና አዎ ለማንም እጁን አይሰጥም ፤ ስትል ደመደመች ።