ዴቪም ቀልጠፍ ብሎ ‹‹እመቤት ሌላ መጠጥ ላምጣልሽ?›› አላት፡
‹‹እንግዲያው ሻምፓኝ ይሁንልኝ›› አለች ለምቦጯን ጥላ፡፡
‹‹እሺ እመቤቴ››
‹‹ከዚህ ቀደም ማርቲኒ ጠጥቼ ስለማላውቅ ልሞክረው ብዬ ነው
ያዘዝኩት፡፡ ታዲያ መሞከሩ ክፋት አለው?›› ስትል ማርክ ላይ አፈጠጠች፡፡
‹‹ኧረ የለበትም የኔ ማር›› አለና ጭኗን ዳበስ ዳበስ አደረጋት፡፡
‹‹አሁን ይሄ ብራንዲ ነው ንሳማ አንተ ልጅ በዚህ ፋንታ ሻይ አምጣልኝ›› አሉ ልዕልት ላቪኒያ እየተቆናጠሩ፡

‹‹እሺ እመቤቴ›› ብሎ ተፍ ተፍ እያለ ሄደ ዴቭ፡፡
ዳያና ይቅርታ ጠየቀችና አይሮፕላኑ የኋላ ክፍል ጋ የሚገኘው መጸዳጃ ቤት ሄደች፡፡ ከመጸዳጃ ቤት መልስ ቀጥሎ የሚገኘው የሴቶች መዋቢያ ክፍል ገባች፡

የመዋቢያ ክፍሉ ዘና አደረጋት፡፡ በዚህ ክፍል ውስጥ ሁለት በሚያምር
ጨርቅ የተለበጡ ተሽከርካሪ ወንበሮችና ኮሞዲኖ ያሉ ሲሆን አስፈላጊ የሆኑ
የመዋቢያ ቁሳቁሶች ተደርድረዋል፡፡ ዳያና መስታወቱ ፊት ለፊት ተሰየመች፡፡

መስታወት ስታይ የተከፋ ፊት አፈጠጠባት፡ ሉሉ ቤል ልክ ጸሃይ እንደሚጋርድ ደመና ሆናባታለች፡ የማርክን ልብ መውሰዷ ሳያንስ እሷን
እንደ ዕቃ ቆጥረው ፊት ነስተዋታል የሉሉ ዕድሜ ከማርክ ጋር
የሚቀራረብ ሲሆን ሉሉ አርባ ዓመት ያለፋት ትመስላለች ማርክ ሰላሳ
ዘጠኝ ዓመቱ ሲሆን ዳያና ገና ሰላሳ አራት ዓመቷ ነው፡ ማርክ የሉሉፀዘፀአት
ሁለቱም በፊልሙ ዓለም ይሰራሉ፣ አሜሪካውያን ናቸው፣ ሁለቱም በዲ
ጥረት አያደርጉም፡፡ ችግሩ ማርክና ሉሉ ብዙ የሚጋሩት ነር አላቸው:
ዕድሜ ያውቅ ይሆን? ወንዶች እንደዚህ አይነቱን ነገር ለማወቅ ብዙም
ድርጅት በአቅራቢነት ሰርተዋል፡፡ ዳያና ደግሞ እንደዚህ ያለውን ስራ ሰርታ
አታውቅም፡፡ እሷ የምታውቀው የአንድ የገጠር ከተማ ህብረተስብ አኗS
ሁልጊዜ እንደዚህ ነው ማለት ነው የሚኖረው
የምትሄደው እሱ አገር ነው፡፡ እሱ ሁሉንም ነገር ያውቃል ለእሷ ደግሞ
ሁሉ ነገር አዲስ ነው፡፡ ጓደኞቹን መቀላቀሏ አይቀርም፡፡ እሷ ደግሞ ከማርክ
በስተቀር የምታውቀው ሰው የለም፡ ሌሎች የሚያውቁትን ባለማወቋ ስንት
ጊዜ ይሳቅባት ይሆን? ትታው የመጣችው ህይወት ይናፍቃት ይሆን?
ከአዕምሮዋ ማውጣት አለባት::
ነው፡፡ ከማርክ ጋር
ነገር አሁን
የነበርኩበት ዓለም አንገፍግፎኛል፤ ነፃነትና አዲስ ህይወትማ ስመኝ
እንደዚህ ያለውን
ኖርያለሁ: አሁን አግኝቸዋለሁ› ስትል አሰበች፡:
የማርክን ልብ ለማሸነፍ ጥረት ለማድረግ ወሰነች፡፡ ምን ልታደርግ ነው
ታዲያ? የምታሳየውን ባህሪ አልወደድኩትም ብላ ፊት ለፊት ልትጋፈጠው
አትደፍርም፡፡ ይህማ ደካማ ነች› ያስብላታል፡

እሱ እንዳደረገው ማድረግ ይኖርባታል፡፡ እሱ እሷን ዘግቶ ከሉሉ ጋ እንዳወራ ሁሉ እሷም ከሌላ ሰው ጋር ማውራት ይኖርባታል ቅናት ቢጤ ጠቅ ቢያደርገው፡፡ ታዲያ ያ ሰው ማን ይሁን?› ከመተላለፊያው ትይዩ
የተቀመጠው መልከ መልካም ወጣት ተስማሚ ይመስላል፡ በዕድሜ ከማርክ የሚያንስ ሲሆን ፈርጠም ያለ ነው፡፡ ይህን ሲያይ ማርክ ይንጨረጨራል።

በጆሮዎቿና በጡቶቿ ስር ሽቶ አርከፈከፈችና ከመዋቢያው ክፍል
ወጣች፡ ከንፈሮቿን ወሲብ ቀስቃሽ በሆነ ሁኔታ ከፈት አድርጋ የወንዶቹ የቀነዘረ፣ የሴቶቹ ደግሞ በቅናት ያበደ ዓይን እየገረፋት ዳሌዋን አለቅጥ እያውረገረገች አለፈች፡ አይሮፕላኑ ላይ እንደኔ ዓይነት ቆንጆ ሴት
የለችም፤ ሉሉ ቤል ደግሞ ይህን ታውቃለች› ስትል አሰበች።

መቀመጫዋን ትታ ወጣቱ ሰው ወደ ተቀመጠበት አምርታ በመስኮት አሻግራ ስትመለከት ወጣቱ አይቷት ፈገግ አለ፡፡

እሷም ፈገግ አለችና ‹‹ደስ አይልም?›› ስትል ወጣቱን ጠየቀችው፡

‹‹ደስ ይላል እንጂ›› አለና ልክ ፊት ለፊቱ ካለው ሰው ተግሳጽ የሚጠብቅ ይመስል ሰውየውን በፍርሃት አየት አደረገው፡፡

ዳያና ለጠቅ አርጋ ‹‹ሁለታችሁ አንድ ላይ ናችሁ?›› ብላ ጠየቀችው፡

ከወጣቱ ፊት ለፊት የተቀመጠው ራሰ በራ ሰው ‹‹አብረን ነው የምንሰራው›› በማለት አጠር ያለ መልስ ሰጠና እጁን ለሰላምታ ዘርግቶ
‹‹ኦሊስ ፊልድ እባላለሁ›› በማለት ራሱን አስተዋወቀ፡፡
‹‹ዳያና ላቭሴይ›› አለች ለሰላምታ የዘረጋውን እጁን ስትጨብጥ እየቀፈፋት ጥፍሮቹ ቆሽሸዋል፡ ፊቷን ወደ ወጣቱ አዞረች ‹‹ፍራንክ
ጎርደን እባላለሁ›› አላት፡

ሁለቱም አሜሪካውያን ናቸው፡ ፍራንክ ጎርደን ያማረ ሱፍ የለበሰ ሲሆን የኮቱ የላይኛው ኪስ ላይ የሃር ጨርቅ ሻጥ አድርጓል፡፡ አፉ ኮሎኝ ኮሎኝ ይሸታል፤ ሉጫ ጸጉሩ ደግሞ በቅባት ርሷል፡ ‹‹ታች የሚታየው አገር
ምን ይባላል?››

ዳያናም ሆነ ብላ ወጣቱ ሰው ላይ ደገፍ ብላ ሽቶዋን እያሸተተችው በመስኮት አየት አደረገችና ‹‹ዲቮን የሚባል ቦታ ሳይሆን አይቀርም›› አለችው:፡ እንደ እውነቱ ከሆነ ግን እሷም አገሩን አታውቀውም፡፡

‹‹አንቺስ ከየት ነው የመጣሽው ቆንጂት?›› ሲል ጠየቃት፡

ዳያና አጠገቡ ተቀመጠችና ‹‹ማንቼስተር›› አለችው፡፡

ወደ ማርክ አየት ስታደርግ ማርክ አይኑ ላይ የቅናት አስተያየት አየች፡ ፊቷን ቶሎ ወደ ጎርደን መልሳም ‹‹ማንቼስተር በሰሜን ምዕራብ ኢንግላንድ የምትገኝ ከተማ ናት›› አለችው:

ፊት ለፊት የተቀመጠው ኦሊስ ፊልድ ፊቱ ላይ መከፋቱ እየታወቀበት
ሲጋራ ሲለኩስ ዳያና ይባስ ብላ አንድ እግሯን ሌላው እግሯ ላይ ደረበችና
ተመቻችታ ቁጭ አለች፡

‹‹ወላጆቼ ከጣሊያን አገር የፈለሱ ናቸው›› አለ ጎርደን፡፡

‹‹አሁን ስልጣን ላይ ያለው የኢጣሊያ መንግስት ፋሺስት ነው›› አለች
ዳያና በፍጹም ገርነት ‹‹ኢጣልያ በሁለተኛው የዓለም ጦርነት ውስጥ
የምትገባ ይመስልሃል?›› ስትል ጠየቀችው:፡

ፍራንክ ጎርደን ራሱን በአሉታ ነቀነቀና ‹‹የኢጣሊያ ህዝብ ጦርነት አይፈልግም›› አላት፡

‹‹ማን ጦርነት ይፈልጋል›› አለች ዳያና፡፡

‹‹እዚህም እዚያም ጦርነት የሆነው ለምንድነው ታዲያ?››

ዳያና ከዚህ ሰው ጋር መግባባት የምትችል አልመሰላትም፡ ሲያዩት
ሃብታም ቢመስልም ትምህርት የቀሰመ አይመስልም፡፡ ብዙ ወንዶች
ፈለገችም አልፈለገችም ዕውቀታቸውን ለእሷ ለማሳየት ሲጥሩ ይታያሉ፡
ይህ ሰው ግን እንደዚህ አይነት ሰው አይመስልም፡፡ ወደ ጓደኛው ዞረችና
‹‹ምን ይመስልሃል ሚስተር ፊልድ?›› ብላ ጠየቀች፡፡

‹‹ምንም የምሰጠው አስተያየት የለኝም›› ሲል የኩርፊያ መልስ ሰጠ፡፡

እንደገና ወደ ወጣቱ ሰው ፊቷን አዞረችና ፋሺስት መሪዎች ህዝባቸውን ጠፍሮ ለማቆየት ጦርነትን እንደመፍትሄ ሳይጠቀሙበት
አይቀርም›› አለች ወሬ ለማራዘም፡፡

እንደገና ወደ ማርክ ስትመለከት ከሉሉ ጋር ሞቅ ያለ ወሬ ይዘው እንደ
ልጃገረድ ተማሪዎች ያሽካካሉ፡፡ ብቸኝነት ተሰማት፡፡ ምን ነካው ማርክ?መርቪን ቢሆን ይህን ጊዜ ‹‹ተደፈርኩ›› ብሎ የፍራንክ ጎርደንን አፍንጫ
በቡጢ ያወልቀው ነበር› አለች በሆዷ።

አሁንም ወደ ጎርደን ፊቷን አዙራ ‹‹እስቲ ስለ ራስህ አውራኝ?›› ስትል ጠየቀችው፡፡ ወዲያው ደግሞ የሱን ደባሪ መልስ መስማት አልፈለገችም:
ዴቭ ሻምፓኝና የተጠበሰ ዶሮ ይዞላት መጥቶ ገላገላት።

ለጥቂት ጊዜ የማርክንና የሉሉን ወሬ በምሬት ስታዳምጥ ቆይታ በሀሳብ
ጭልጥ ብላ ሄደች፡፡ ማርክ እንደሚወዳት እያወቀች በሉሉ መናደዷ ጅልነት
ነው፡፡ አሁን እነሱ የድሮውን ትዝታቸውን እያነሱ በመዝናናት ላይ ናቸው::

በአሁኑ ሰዓት መርቪን የጻፈችለትን ማስታወሻ መቼም ሳያነብ አይቀርም፡፡ ይቺ አርባ አምስት ዓመት ሴት ማርክን ትነጥቀኛለች ብሎ ማሰብ ተላላነት ነው፡፡ በቅርቡ የአሜሪካውያንን አኗኗር ዘይቤ፣ የሚጠጡትን መጠጥ፣ የሬዲዮ ፕሮግራሞቻቸውንና ባህሪያቸውን ትላበሳለች፡፡ አፍታም ሳትቆይ ከማርክ የበለጡ ብዙ ጓደኞች ታፈራለች፤ ወንዶችን የሚስብ አንዳች
መስህብ አላት፡፡

አትላንቲክ ውቅያኖስ ላይ የሚደረገውን ረጅም የአየር በረራ በጉጉት ጠብቃለች፡፡ ባየር በራሪው ጀልባ የሚደረገው ጉዞ በጣም አስደሳች መሆኑን
የሚገልጸውን የማንቼስተር ጋርዲያን ጋዜጣ ዘገባ አንብባለች፡፡ ከአየርላንድ
ኒውፋውንድ ላንድ ካናዳ በአየር ለመጓዝ አስራ ሰባት ሰዓት ይፈጃል፡ በአየር
ላይ ራት እንደሚበላና ሌሊቱን በሙሉ እንደሚተኛ ሰምታለች፡፡ በአይሮፕላኑ
ላይ ብዙ የተወራለት የሙሽሮች ክፍል ውስጥ እንኳን ጥንድ አልጋ የለም::
የተሳፋሪዎች አልጋ ተደራራቢ መሆኑን አይታለች፡ ብዙ መቶ ሜትር
ከፍታ ላይ ከውቅያኖስ በላይ በሰማይ ላይ ተኝቶ መሄድ አስደሳች የሆነውን
ያህል አስፈሪም ነው፡፡ ከነአካቴው እንቅልፍ ይወስዳት እንደሆን እርግጠኛ አይደለችም: የአይሮፕላኑ ሞተሮች እሷ ተኛች አልተኛች መስራታቸው አይቀርም ወይም ደግሞ ተኝታ ሳለ ሊበላሹም ይችላሉ፡

በአይሮፕላኑ መስኮት ስታይ ከባህር በላይ እንደሚበሩ አወቀች አየርላንድ አካባቢ ሳይሆን አይቀርም፡፡

አይሮፕላኑ ደመና ውስጥ ሲገባ ምንም ነገር አይታይም። አይሮፕላኑ
መንቀጥቀጥ ሲጀምር ተሳፋሪው በሙሉ በፍርሃት ተያየ፡፡ አስተናጋጆች
በየወንበሩ እየሄዱ የመቀመጫ ቀበቶአቸውን እንዲያስሩ ነገሩ፡፡ ዳያና
በደመናው ምክንያት መሬት አልታይ ሲላት ጭንቀት ውስጥ ገባች፡ ልዕልት
ላቪኒያ የወንበራቸውን ጫፍ የሙጢኝ አሉ፡ ማርክና ሉሉ ምንም ነገር እንዳልተፈጠረ ሁሉ ወሬያቸውን ይሰልቃሉ፡ ፍራንክ ጎርደንና ኦሊስ ፊልድ ሲጋራቸውን ይምጋሉ፡፡

ማርክ ‹‹ሙሬል ፌርፊልድ የት ደረሰች?›› ብሎ ሉሉን ሲጠይቅ አይሮፕላኑ እንደሚወድቅ ሁሉ ወደ ታች ዘጭ አለ፡፡ ዳያና ልክ ሆዷ
ጉሮሮዋጋ የተወተፈ መሰላት፡፡ በሌላኛው የአይሮፕላኑ ክፍለ አንድ ሰው ሲጮሀ ይሰማል፡፡ ትንሽ ቆየና መሬት ያረፈ እስኪመስል ድረስ አይሮፕላኑ ተስተካከለ፡

ሉሉም ‹‹ሙሬል ፌርፊልድማ ሚሊየነር አገባች፡፡››

‹‹አትቀልጂ›› አለ ማርክ ‹‹እሷ እኮ አስቀያሚ ናት እንዴት ቀናት ባክሽ ዳያና በዚህ ጊዜ ‹‹ፈራሁ ማርክ›› አለችው፡

ማርክ ወደ ዳያና ዞረና ‹‹አይዞሽ አንዳንድ ጊዜ እንደዚህ ይሆናል፡
የተለመደ ነው›› አላት፡

‹‹ ይሮፕላኑ የሚወድቅ ይመስላል›› አለች ዳያና
‹‹አይወድቅም››
ማርክ ወደ ሉሉ ዞረ፡ ሉሉ ዳያና አንድ ነገር ትላለች ብላ ብትጠብቅም ዳያና በንዴት ፊቷን አዞረች፡፡

ማርክም ቀጠለና ‹‹ሙሬል እንዴት ሚሊየነር ባል አገኘች ባክሽ?›› ሲል
ጠየቀ

‹‹እኔ እንጃ፧ ሰውየው ፊልም ላይ ኢንቨስት ያደርጋል፡፡››
ዳያና የማርክ ግድ የለሽነት አስፈራት፡፡ ምሽት ላይ አየርላንድን አልፈው አትላንቲክ ውቅያኖስ ላይ ይበራሉ፡ መቼም አትላንቲክ ውቅያኖስ ቢሄዱት ቢሄዱት የማያልቅና ቀዝቀዛ ሳይሆን አይቀርም፡፡ በማንቼስተር
ጋርዲያን ጋዜጣ ላይ ባህሩ ላይ የሚታየው የበረዶ ቋጥኝ ብቻ እንደሆነ
አንብባለች፡ ደሴት ወይም ትንሽ መሬት ብታይ ምንኛ በወደደች የሚታየው አይሮፕላኑ፣ ጨረቃና ባህር ብቻ ነው።

ሁኔታው በሙሉ ጭንቀት ውስጥ ከቷታል፡፡ በአዕምሮዋ ሌላም ነገር
አሰበች አሜሪካ ደርሳ ግሩም ምግብ መብላት ተመኘች፡፡ ተደራራቢ አልጋ
ላይ መተኛት የልጅ ጨዋታ ሆኖባታል በሌላኛው የዓለም ጫፍ
ሲያይዋቸው የሚያፈዙት
የኒውዮርክ ህንፃዎች ይጠብቋታል፡፡ ወደ
ማታውቀው ዓለም የምታደርገው ጉዞ ግን አስፈሪ ሆኖባታል፡፡ ሻምፓኙን በአንድ ትንፋሽ ጨልጣ ሌላ ብትደግምም አልተረጋጋችም፡፡ ማርክና ሉሉ ስታያቸው አሁንም የእሷን በጭንቀት መወጠር ከምንም ሳይቆጥሩ
ቀደዳቸውን ቀጥለዋል፡ አልቅሽ አልቅሽ ቢላትም ከእምባዋ ጋር እየታገለች
ንዴቷን ቻል አደረገች፡፡ ትንሽ ቆይቶ አይሮፕላኑ ፎየንስ ያርፍና መሬት ላይ በእግሯ ትሄዳለች፡፡ ከዚያም እንደገና አይሮፕላኑ ላይ ይሳፈሩና አትላንቲክን አቋራጭ ጉዞ ያደርጋሉ፡

ብዚህ ሁኔታ አንድ ሰዓት እንኳን መታገስ አልችልም ሌሊቱን በሙሉ እንዴት ልሆን ነው ታዲያ? ጭንቀት ይገለኛል፤ ታዲያ ከዚህ ሌላ
ምን ማድረግ ይቻላል› ስትል አሰበች፡፡ፎየንስ ላይ ማንም ሰው አይሮፕላኑ ላይ እንድትወጣ ሊያስገድዳት
እንደማይችል ታውቃለች፡ ግን ላለመውጣት መፈለጓን
እርግጠኛ አይደለችም::

ማርክ በዚህች በጸጉር ቀለምና በሜክ አፕ እርጅናዋን ለመደበቅ
በምትሞክር ያጠረች ሴት አይኗ ስር በቁሙ ሲበላ ማየት አትሻም።

የማደርገውን አውቃለሁ፤ ለመርቪን እደውልለትና ይቅርታ አድርግልኝ
መርቪን ይቅር እንደሚላት እርግጠኛ በመሆኗ እፍረት ተሰማት ብታቆስለውም መመለሷን ሲያይ እቅፉ ውስጥ እንደሚጥላት ተማምናለች::
ሌላው ሀሳቧ ደግሞ ይህ እንዲሆን እንደማትፈልግ፣ አሜሪካ ካሊፎርኒያ ውስጥ የምትወደውን ማርክን አግብታ መኖር እንዳለባት ይሞግታታል።

ደግሞ ሌላው ሃሳቧ ይህን ማሰቧ ጅልነት እንደሆነ፣ እሷ የመርቪን ላቭሴይ የህግ ሚስት፣ የቲያ እህትና የሁለቱ ልጆቿ አክስት እንደሆነችና አገሯም ማንቼስተር ኢንግላንድ እንደሆነ፣ ከእሷ ይልቅ ለስራው ቅድሚያ የሚሰጥ አናዳጅ ግን ታማኝ ባል እንዳላት፣ብዙ ሴቶችም ትዳራቸው እንደዚሁ ዓይነት እንደሆነና ይህም የተለመደ መሆኑን፣ ሁሉም ሚስቶች
በኑሯቸው ብስጩ ቢሆኑም ከአንዳንድ ሰካራምና የማይረቡ ባሎች ካገቡ
ሴቶች እንደምትሻል፣ እርስ በእርሳቸው እንደሚተዛዘኑና በየሱፐርማርኬቱ
እየዞሩ እቃ መግዛትና ጸጉር ቤት መሄድ ብቻ እጣ ፈንታቸው እንደሆነ
የተቀበሉ ስለሆነ አሜሪካ መሄድ የግድ እንዳልሆነ ራሷን ለማሳመን
ሞከረች፡፡.....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ ሰባት (17)

የውስጥ ስልክ ተደውሎ ጆርጅ ኮሎዌ የውጭ ስልክ እንደሚፈልገው ነገረው ። የቴሌፎኑ ጭርርታ እስኪቀሰቅሰው ድረስ በስራው ላይ ስለተመሰጠ ምንም ነገር አይሰማውም ነበር ፣፤ ማይክል ሂልያርድ ። ለአምስት ወይም ለስድስት ሰዓት ያህል ያለማቋረጥ የወረደው በረዶ በቀለጠ በረዶ ድጥ የተጥለቀለቁትን መንገዶች ይበልጥ እያጥለቀለቀ ሲወርድ እንኳ ማይክል ሂልያርድ ወላ ሀንቲ ነገር አልሰማም ። ስራ የገባው ከንጋቱ አስራ ሁለት ስዓት ላይ ቢሆንም ፡ ስልኩ የተደወለለት ከሰዓት በኋላ አስራ አንድ ሰዓት ላይ ቢሆንም ፡ ማይክል ግን ከቢሮውም አልወጣ ፤ ከስራውም ላይ ንቅንቅ አላለም ነበር ። የውጭ ጥሪ መቀበያውን ስልክ በግራ እጁ ሲያነሳ እንኳ ቀኝ እጁ ስራ አልፈታም ። በፖስታ የሚላኩ ደብዳቤዎች ተቆልለው ነበረና እየፈረመ ነበር ስልኩን ያነሳው። የስራ ብዛት። የስራ ብዛት ። የስራ ብዛት… ማይክል ሂልያርድ ትንፋሹን አስተካክሎ የሚተነፍስበት ጊዜ አልነበረውም። ያአንድ ሰሞን ቁም ስቅሉን አሳጥቶት የነበረው የካንሳስ ሲቲ ፕሮጀክት አሁን አያስቸግረውም ። ከሱ ትከሻ ላይ ወርዷል። አሁን ደግሞ የሀውስተኑ ፕሮጀክት ነው የሚያባዝነው ። ይኸ ሲያልቅ ደግሞ ያ የሳንፍራንሲስኮ የሕክምና ማእከል ይተካና ራስ ምታት ይሆንበታል ። ግን ስራ ጥሩ ነው፡፡ አለመቦዘኑ ነው እስከ ዛሬ ቆሞ እንዲሄድ የረዳው ። አምላክ ምስጋና ይግባው ።

«ጆርጅ ነህ ? ማይክል ነኝ ። ምን ነገር ተፈጠረ ?››
« እናትህ ይደውልልኝ ስላለችኝ ነው » አለ የጆርጅ ኮሎዌ
«ስብሰባው ተፈፀመ?»
«አላለቀም። እሷ አሁንም እስብሰባው ላይ ነች »
«እሺ»
«በረዶው ጋብ ካለ ዛሬውኑ ከቦስተን እንመለሳለን፤ጋብ ካላለ ግን ነገ እንመጣለን ብለህ ንገረው ስላለችኝ ነው የደወልኩልህ»
«በረዶ እየጣለ ነው እንዴ ቦስተን?»
«ቦስተን ምንም በረዶ የለም። ግን ኒውዮርክ ዶፉን እያወረደው ነው ብለው ነገሩን… ውሽት ነው እንዴ?» ማይክል ገርገብ ብሎ ወደውጭ ተመለከተ፤ በመስኮት በኩል። ያወርደዋል ፤ ዶፉን ። የመገረም ፈገግታ ለመናገሪያው እያሳዬ… «እውነትም ዶፋን እያወረደው ነው። አልተሰማኝም ነበር። ቀና አላልኩም… ይቅርታ» ጆርጅ ኮሎዌ ይህን ሲሰማ ይህ ልጅ በዚህ ሁኔታ እየሰራ ምኑን ሰው ሆነው? ያው እንደ እናቱ በስራ ብዛት ሰውነቱንም ጤናውንም ሊጨርስ ነው እንጂ ሲል አሰበ ። ከዚያም በመገረም ባጭሩ ስቆ «እንግዲህ እንዲያ ከሆነ ነገ ያው ገና አይደለም ? ራት አብረን ስለምንበላ እንድትገኝ ብላሃለች ። ሌሎች እንግዶችም እንዳሉ ነግራኛለች፡፡ እንዳትቀር አደራ በለው ብላ አጥብቃ ነው የነገረችኝ። ሌሎች ጥቂት ሰዎች አሉ ማይክል ትንፋሹን ውጦ በረጅሙ እያስወጣ ፤ ይኸኔ ሰላሳ ወይም አርባ ሰዎች ይሆናሉ።
«ጀርጅ ይቅርታ ትጠይቅልኛለህ።ቀደም ያለ ቀጠሮ አለኝ» አለ ማይክል፤ለስልኩ መናገሪያ ። «አለህ?» አለ ጀርጅ በአድናቆት በተዋጠ ድምፅ። «ይገርምሀል ከሣምንት በፊት የተያዝ ቀጠሮ ነው። ባለፈው ሳምንት ልነግራት አስቤ ረሳሁት ። ይኸ የሀውስተን ማዕከል ጉዳይ አያፈናፍንም እንደምታየው ። አሁንም ግዴለም ኣንተ ንገራት… ይገባታል»

የሀውስተንን ማዕከል ጉዳይ እንዴት ቀጥ አድርጎ እንደያዘላት ታውቃለች። ቢያንስ በስራው ላይ ከገመተችው በላይ የሆኑ ነገሮችን በመፈፀምና በማድረግ ደስ እንዳሰኛት ርግጠኛ ነው «ሌላው እንግዲህ ሌላ ነው። ሌላውም ሊገባት ይገባል፣ አለ በሀሳቡ። «መቼም ቅር እንደሚላት የታወቀ ነው» አለ ጆርጅ «ሆኖም ቀጠሮ እንዳለህ ማወቁ ራሱ የሚያስደስታትም ይመስለኛል ። ቀጠሮውስ እንዴት ነው? መቼም ደስ የሚል መሆን አለበት… ይመስለኛል»
«በጣም በጣም ሀሪፍ ነው»
«እንዴት ነው… ከልብ የሆነ ነገር ነው?»

በጆርጅ ድምፅ ውስጥ መጨነቁን ሰማበት ። በቃ እኮ ምንም ነገር ቢመጣ ማፍተልተላቸው አይቀርም አለ በሀሳቡ። «አይ! አይ! ይህን ያህል የሚያሳስበን ነገር አይደለም ። አለ አይደል ጊዜያዊ ሆይ ሆይ የዚያ አይነት ነገር ነው» አለ ማይክል። «እንዲያ ከሆነ ማለፊያ በል እንግዲህ በአሉን የደስታና የፈንጠዝያ ያድርግልህ ማይክ»
«ላንተም እንደዚያው ። እማዬን ሳምልኝ ። ነገ እደውልልሻለሁ በላት »
«ይሁን ። እነግራታለሁ » ስልኩን እንደዘጋ የጆርጅ ኮልዌ ገፅታ በፈገግታ አበባ አጌጠ። በቃ አሁን ሊመለስ ነው ማለት ነው፤የሚል ሀሳብ መጣበት ።

ከናንሲ ጋር ባለፈው የመፀው ወራት የደረሰበት አደጋ፤ የሚወዳትን ልጅ ማጣቱን ሲሰማ ያደረበት የመንፈስ መናወፅና መዳከም፤ እንዲህ በቀላሉ የሚሽር አይመስልም ነበረና ሁኔታውን ባዬ ቁጥር ጆርጅ ይከፋው ነበር። እንዲሀ ወጣ ወጣ ካለ የመንፈስ ስብራቱ ቀስ በቀስ ሊሽርለት ይችላል ። ስለገና እለት የራት ግብዣ ምንም አትልም ። ለጊዜው ቡራ ከረዩ ማለቷ አይቀርም ይሆናል ። ግን ደግሞ ይህ እሱ ያየው ነገር ለሷም ተስፋ ይሰጣታል። ምንስ ቢሆን ወጣት አደል ፤ አፍለኛ ወጣት ጊዜው ነው ። እንደተመቸው መጨፈርን ሊነፈግ አይገባውም ። ይህን ማሪዮንም አታጣው ። ትዝ አለው ያ እድሜ ። ሐሳቡም ምን ጊዜም ያን እድሜ ሲያስብ ወደ ሚፈስበት አቅጣጫ ሄደ ። ወደ ኋላ ፤ ወደ ማሪዮን ሂልያርድ ።

እማይክል ቢሮ ውስጥ ስልኩ ተንጫረረ ። ቤን አቭሪ ነበር የደወለው ። ያንለት ጉዳይ ይኑረው ወይም አይኑረው ለማወቅ ነበረ የደወለው። ማይክል እናቱ ዘንድ መድረስ እንዳለበት ነገረው። አሰልቺ ቢሆንም ያው ስለሚጠበቅበት ማድረግ ያለበት ጉዳይ እንደሆነ አስረዳው። ከዚያ ቀጥሎ ባለጉዳዮች ይደውሉለት ጀመር ። እያከታተሉ ። አንዱ እንኳን አደረሰህ ይላል ፤ ሌላው ቅሬታውን ያወርደዋል ። ሌላው ምስጋናውን ያዥጐደጉደዋል ። ስልኩን አስቀምጦ… ሁልህም እንጦሮጦስ ውረድ !? አለና ስራውን ሊቀጥል ሲል አንድ እንግዳ ድምፅ ሰማና ቀና አለ። የህንፃዎች የውስጥ አሰራር ንድፍ ባለሙያ የሆነችው የድርጅቱ ሰራተኛ ነበረች እቢሮው በር ላይ ቆማ የምትስቀው ።ይህች ልጅ የምትሰራው በቤን አቭሪ ስር ሲሆን የቀጠራትም ራሱ ቤን ነበር፡፡ የዳማ ጭራ የመሰለው ጸጉሯ ንፋስ እንደሚያስሮጠው የዘረዘረ ጤፍ አባጣ ጎባጣ ሰርቶ ይወርድና እትከሻዋ ላይ ይረፈረፋል ። ልስልስ ያለ ቆዳዋና ሰማያዊ ቀለም ያለው አይና የሚደነቁ ናቸው።ይህ ሁሉ ቢባልም ለማይክል ሂልያርድ ሰራተኛ መሆኗ እንጃ ውበቷ ታይቶት አያውቅም ። ውሳኔ የሚሰጥበት ወይም ሊፈርምበት የሚገባው ነገር ካልሆነና እጠረጴዛው ላይ ካልተቀመጠ በስተቀር ምንም ነገር አይታየውም ፡ ውበትም ።

«ሰዎችን ሁሉ እንኳን ለብርሃነ ልደቱ አደረሳችሁ የምትላቸው በዚህ እይነት ሁኔታ ነው?» አለች በፊቱ ላይ ያለውን አድናቆት በመጠቆም።
« አዎ አንዳንድ ሰዎችን» አለ ። ምንድነው እምትፈልገው? ይህን ያህል እውቂያ የላቸውም ። በስራም ቢሆን በቀጥታ እሚያገናኛቸው ነገር የለም ። «ምን ልታዘዝ ሚስ» አለና አቋረጠ ። ይኸ የተረገመ አንጎል እሚሉት ነገር !ስሟ ጠፋበት ። ይህ የገባት ቆንጆ ፤ «ዌንዲ… ዌንዲ ታውንሴንድ» ብላ ስሟን ነገረችው ። «ለማዘዝ መታዘዝ ሳይሆን ፤ ለብርሃነ ልደቱ እንኳን አደረሰህ ልልህ ነው የመጣሁት »
«ነው ? አሃ ተጠምቆ እማይነጻ የተዋጣለት ገብጋባ ነው አላሉሽም? ደቡር ነው ብለው አልነገሩሽም ?»
«ባይነግሩኝም ሳይገባኝ አልቀረም ። ለምሳሌ ባለፈው ጊዜ ሠራተኞች ባዘጋጁት ፓርቲ ላይ አልተገኘህም። የገናን በአል ምክንያት በማድረግ በተዘጋጀው የራት ምሽት ላይም አልነበርክም ። ከሰው የምስማው ሌላ ነው ፤ ይሰራል፡ ይሰራል፤ ይሰራል ነው »
«ሥራ ሁሉንም ነገር ያስተካክላል ቢሉኝ ነዋ»
«ይሆናል ፤ግን ሌሎች ነገሮችም ያው ናቸው»

በዚህ ጊዜ እቢሮው ገብታ እፊት ለፊቱ ባለው ወንበር ላይ ተቀምጣ ነበር፡፡ ቀና ሲል አንደኛውን እግሯን አንስታ እሌላኛው ላይ አነባበረችው ። እግሮቿ በጣም ያምራሉ ።

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_አራት
፡
፡
#ድርሰት_ሚሲስ_ሔንሪ_ው

በፉጨት የሚጋልብ ከባድ ንፋስ መለል ያሉትን ረጃጅም ዛፎች እየለመጠ ሰፋፊ ቅርንፎቻቸውን አያወዛወዘ ቅርንጫፍን ከቅርንጫፍ እያላተመ
አዋከበው » ቅጠል ከቅጠል እያማታ ኢስት ሊንና አካባቢውን አዋከበ

ድምፁ የሚያሳዝን አመጣጡ የሚያስፈራ ቅጽበታዊ ነፋስ ተለዋወጠ " ዝናብ አዘል ዳመናዎች ተጠረቃቀሙ » በዚያ ቅዳሜ ምሽት ብቻውን
ይጓዝ የነበረ አንድ የሩቅ መንገደኛ ዝናቡ ከመንገድ እንዳይዘው እያሰበ › በእግሩ
ይኳትናል ሰውየው የመርከበኛ ልብስ ለብሷል " ከሰማያዊው አንገትያው በላይ ያለውን አንገቱንና ፊቱን ቸምቸም ያለው ጢሙ ሸፍኖታል " ከግንባሩ ዝቅ አድርጎ የደፋው ባርኔጣው ለጢሙ ተጨማሪ ሆኖ ጋርዶታል ሰፊና ሸካራው ሱሪውን በቀበቶ አጥብቆ ታጥቆ አጭር ሰፊና ወፍራም የመርከበኛ ሱፍ ካፖርት ደርቦ እየተወዛወዘ ቢን ሌን ደረሰ » ቀደም ሲልም በዚህ ታሪክ የተወሳው ቢን ሌን ስላች
መንገድ ነው ። ከዚያ ቀጥሎ እግር በማይበዛበት በአንድ ትንሽ በር ዐልፎ ከኢስት ሊን ምድረ ግቢ
ገባ ።

የገባበትን በር መልሶ ዘጋው መወርወርያውን ቀረቀረው ከዚያ በየት በኩል
መሔድ እንደሚገባው ቆም ብሎ አሰላሰለ "ቆይ እስቲ” አለ ለራሱ » “ በዛፎቹ
የተሸፈነ መንገድ ያለችኝ በግራሮቹ አጠገብ ሳይሆን አይቀርም ስለዚህ ወደ ቀኝ
መታጠፍ አለብኝ " ለመሆኑ ከሁለቱ አንዱ እየጠበቁኝ ይሆን ?”"

አውነትም ባርባራን የምሽት አየር ለመቀበል የወጣች መስላ ስትንጐራደድ
አገኛት " የናፍቆታቸውን ተናንቀው ተሳሳሙ " ሁለቱንም ሲቃ ተናነቃቸው "
ባርባራ እንደ ትንሽ ልጅ ስቅስቅ ብላ አለቀሰች " እንቅ አድርጎ ይዟት የነበረውን ለቀቃትና ትክ ብሉ አያት "

“ ታዲያስ ባርባራ ! በቃ አሁን አግብተሽ ትዳር ይዘሽ ተቀምጠሻል !”

“ አዎን በትዳሬም ደስተኛ ነኝ " ያንተ ነገር እየተደቀነብኝ ከማዘኔ በቀር
ምንም የጐደለብኝ የለም " ብታየው በጣም የሚያሳሳ ልጅ ወልጃለሁ እሱም
አሁን አንድ ዓመት ሊሞላው ነው " በቅርቡ ደግሞ ሁለተኛ ልጄን እወልዳለሁ ”

ሰዎቻችንሳ እንደ ምን ናቸው ?”

“ ደኅና ናቸው » እማማም ከቅርብ ጊዜ ወዲሀ በጎ ናት

" ዛሬ ግን ያንተን መምጣት አላወቀችም "

“ዛሬስ እሷን ማየት አለብኝ ከዚህ ቀደም ሳላያት መሔዴን ታስታውሻለሽ የለ?”

“ ሁሉም በጊዜው ይሆናል " የሊቨርፑል ኑሮስ እንዴት ይዞሃል ? እዚያ ምን
ትሠራለህ ?”

“ አጥብቀሽ አትጠይቂኝ ባርባራ " የተወሰነ ሥራ የለኝም " ያገኘሁትን
እሠራለሁ " ከዚህ በምትሰጡኝ እየተደገፍኩ እኖራለሁ " ግን ለምንድነ© ወደዚህ የጠራሽኝ ? ምን አዲስ ነገር ተገኘ ?”

“ እውን ቶርን እዚህ ብታየው ግን ታውቀዋለህ ?

“ ታውቀዋለህ ወይ ! ምኑ ይጠየቃል ? ”

“ ዌስት ሊን ላይ የሕዝብ እንደራሴነት ምርጫ በመካሔድ ላይ መሆኑን ታውቃለህ?

“ አዎን ሚስተር ካርላይልና ሰር ፍራንሲዝ ሌቪሰን እንደሚወዳደሩ ከጋዜጣ አንብቢያለሁ።

“ ሰር ፍራንሲዝ ሌቪሰንን እንዴት ልታውቀው እንደ ቻልክ ልትነግረኝ ትችላለህ
· ሪቻርድ ? ”

“ እሱንማ ዐውዋዋለሁ ከቶርን ጋር ሁለት ጊዜ አይቸዋለሁ „ “

“ እኔ የምልህ እንዴት ልታውቀው ቻልክ ? ”🍾

“ ቶርንን ከአንድ ሰው ጋር እጅ ለእጅ ተያይዞ አየሁትና አጠገቤ የነበረውን
አንድ ታንኳ ቀዛፊ በእጄ እያሳየሁ ያውቀው እንደሆነ ጠየቅሁት " እኔ ያመለከትኩትን ሰውዬ እንደሚያውቀውና ካጠገቡ የነበረውን ግን ሰር ፍራንሲዝ ሌቪሰን መሆኑን ነገረኝ

“ እንግዲያውስ ሪቻርድ አንተና ታንኳኛው አንድ የሆነ ስሕተት አድርጋችኋል " ወይ አንተ ስታሳየው ወይ ደግሞ እሱ ያልጠየቅኸውን ሰው ሲያሳይህ አስተውለህ አላየኽውም እንጂ ' ቶርን ፍራንሲዝ ሌቪሰን ራሱ ነው

“ ምን ማለትሽ ነው ... ባርባራ ” አላት ዐይኖቹን አፍጥጦ እያያት

"ነው አለችና ራሱ ሪቻርድ ቢን ሌን ላይ አየሁት ካለበት ጊዜ ጀምሮ ስትጠረጥረው እንደ ኖረችና፡ ከዚያም በመጨረሻ ይፈለግ የነበረው ቶርን ራሱ ፍራንሲዝ ሌቪስን ለመሆኑ ኦትዌይ ቤቴልና ኧበንዘር ጄምስ ለይተው እንዳወቁት አብራርታ ነገረችው

ሁለቱም ሊያወቁት ይችላሉ ” አለ ሪቻርድ " ጄምስ ራሱ ሆልጆን ዘን ይሹለከለክ ስለ ነበር ቶርንን ብዙ ጊዜ አይቶታል" ኦትዌይ ቤቴልም በፊት ቢክድም አይቶት ሊሆን ይችላል - ”

ሪቻርድ ከሩቅ አንድ ሰው ሲመጣ ሲያይ ጊዜ ጥሏት ሮጠና ከአንዱ ቁጥቋጦ
ውስጥ ድርግም አለ » ባርባራ ሣቅ አለች " ለካስ ሚስተር ካርይል ኖሯል "

“ ዛሬም ትፈራለህ ሪቻርድ ? ” አለው ሲጨብጠው „ “ ዛሬስ የመንገድ ልብስህን ለውጠሃል።

በፊት ስለብሰው የነበረው ስለ ታወቀብኝ ለብሸው ለመምጣት ፈራሁ "
ስለዚህ ይህን በሁለት ፓውንድ ገዛሁ ”

ጸጉሩንም ጢሙንም ጭምር ነው ?

ጸጉሩማ እንዳዲስ ተበጥሮና ዘይት ተቀብቶ ነው እንጂ የድሮው ነው
ጸጉር አስተካካዩም የውሸት ጢሙን አበጃጅቶ የራሱንም ጸጉር ከርክሞ አንድ ሽልንግ አስከፈለኝ ሚስተር ካርላይል ... ባርባራ አረመኔው ቶርን ሌቪሰን ሆኖተገኘ ትለኛለች "

" አዝማሚያ ይመስላል ቢሆንም አንዳች ነገር ከመደረጉ በፊት አንተም
ሊቪስንን በዐይንህ አይተህ ማረጋግጥ አለብህ " ወደ ቨን ሆቴል ብቅ ብትል ሲገባ
ሲወጣ በቀላሉ ታየዋለህ ደሞ ዛሬ ሰው ሁሉ ልቡን ወደ ምርጫው ስለ አደረገ
የሚያውቅህም የሚያስብህም አይኖርም " ስለዚህ በጥንቃቄ አስተውለህ አረጋግጠህ ና አለው ሚስተር ካርላይል "
“ ቶርን መሆኑን ካረጋጥኩ በኋላ ምን እርምጃዎች ይወሰዳሉ ?

"ችግሩ እዚህ ላይ ነው ” አለ ሚስተር ካርላይል "

“ ክሱን የሚመሠርተው ከዚያም ጉዳዬን የሚከታተለው ማን ነው ?

“ እሱንማ አንተ ራስህ ነህ... ሪቻርድ " እኔ በዚህ ነገር በጣም አስቤበታለሁ
የምትከታተለው አንተው ነህ
“ አንተ ልትይዘው አትችልም
ሚስተር ካርላይል ? ''

“አልችልም !ሌቪሰን ከሆነ እንዴት አድርጌ ?” አለው "
ዐፈር ይብላ ይህ ርኩስ ” አለ ሬቻርድ በንዴት " ግን እሱ ቢሆን ምን ቸገረህ
ሚስተር ካርላይል ? ብዙ የተበደሉ ሰዎች ጠላታቸው በአጃቸው ሲገባ ለመበቀል ሲጣደፉ አይተሃል "

“ በሆሊጆን በተፈጸመው ወንጀል ፍርዱ እስከሚፈጸምበት ሰገነት ድረስ ልክታተለው እችላለሁ ስለ ራሴ በደል ግን አልሞክረውም" ወደ ዌስት ሊን ከመጣበት ጀምሮ ራሴን ለመቁጣጠርና ለመታገሥ ኃይለኛና አስቸጋሪ ትግል ባላደርግ ኖሮ ነፍሱ እስኪ ወጣ አስገርፈው ነበር "

“ ታዲያ ነፍሱ እስኪወጣ ብታስገፈው ዋጋውን አገኘ ኮ ነው የሚባለው ” አለው ሪቻርድ "

ለግድያው ተጠያቂ መሆኑን አምናለሁ ነገር ግን እኔ እጄን አንሥቸበት ወደ አሳፋሪ ሞት ከምሰደው ያነሣሁትን እጄን ቆርጦ ብጥለው እመርጣለሁ።ምክንያቱም የሰውዬውን የነፍስ ማጥፋት ወንጀል በኔ ላይ ከፈጸመው በደል ልለየው
አልችልምና " በሆሊጆን ሕይወት ብከታተለውም የሌላም ሕይወት ያጠፋ ለመሆኑ ሊሰወር አይችልም ሁልጊዜ አዛኝ የሆነው ዓለምም ለሚስተር ካርላይል ደስታውን
የሚገልጽበት በሚስተር ሆሊጆን ገጻይ ሳላስፈረደበት ሳይሆን ለተዋለበት ግፍ ብድሩን ስለ መለስ ይሆናል" ስለዚህ ነው በዚህ ነገር አልገባም
ሪቻርድ....

“ እሺ አንተስ ተወው ባርባራ ልትከታተልልኝ አትችልም ? " አላው "
ባርባራ ክንዶቿን ከባሏ ክንዶች ጋር አቆላልፋ ቁማ ትሰማለች "
“ ባርባራማ የኔ ሚስት ናት "
“ እንግዲህ ነገሩ ለመገለጽ ተስፋ የለውም " እኔም ተስፋ ቆርጬ ልሒድ ”

“ የለም” አለው ሚስተር ካርላይል : “ ጉዳይህን ሊከታተሉልህ የሚገባቸው
አባትህ ነበሩ " ግን እንደማያደርጉት እናውቃለን " እናትህም ጤናም ጉልበትም የላቸውም » ከባላቸው ፈቃድ ወጥተው ሊያደርጉልህ አይችሉም " እኔም እጆቼ ታስረዋል " ባርባራም የኔ አካል ስለ ሆነች ቁጥሯ ከኔ ነው ስለዚህ አንተ ብቻ ነህ የቀረህ " ይህን አጉል ፍራትህን ወዲያ ጥለህ ለጥቂት ቀኖች በዚህ አካባቢ መሰንበት አለብህ " ከዚህ አንድ ሁለት ማይል ወጣ ብሎ የምትገባበት ቤት እንዳለህ ነግረህኝ ነበር "

“ እሱስ አለ እኔ ግን ሙሉ ደኅንነት የሚሰማኝ ከዚህ አገር ጨርሸ ስርቅ ነው "
“ ስለዚህ ሁለት ሦስት ቀን ከዚያው ሰንብተህ ነገሩን እንዲከታተሉት ለቦልና ትፊድማን ታመለክታለህ ”
የምትለው ነገር አልገባኝም
ሚስተር ካርላይል ሰተት ብለህ ሔደህ እጅህን ለፍርድ ቤት ስጥ ብትለኝ አይሻልም ቦልና ትሬድማን ገና ሲያዩኝ ነው አንጠልጥለው ለፍርድ የሚያቀርቡኝ "

“እንደሱ አይደለም አንተ እንደ ማንም በግልጽ ወደ ቢሮአቸው አትሔድም" መጀመሪያ ከሚስተር ቦል ጋር ተወዳጅ እሱ ቀና ሰው ለመሆን ከፈለገ ቀና መሆን
ይችላል " ታሪክህን በሙሉ ንገረውና ሊከታተልልህ ይችል እንደሆነ ጠይቀው "
የአንተን ንጹሕነት የዚያኛውን ሰው ጥፋተኝነት ከምታስጨብጠው መረጃ በመረዳት ካመነበት ጥያቄህን ይቀበልሃል ለመጀመሪያ ጊዜ ትሬድማን ነገሩን ማወቅ አያስፈልገውም " ቦል ነግሮቹን ሲያንቀሳቅስም ያለህበትን ማወቅ አያስፈልውም"

“ቦልን እንኳን አልጠላውም አንድ ጊዜ ቃሉን ከሰጠ ይፈጽመዋል " ችግሩ ግን” አለ ሪቻርድ “
ማነው ቃል የሚያስገባው ?”

«እኔ አስገባዋለሁ ” አለ ሚስተር ካርላይል “ እስከሱ ድረስ ያለውን መንገድ እጠርግልሃለሁ " ከዚያ በኋላ የኔ ጣልቃ መግባት ያቆማል

“አሁን እንግዲህ በጀመሪያ የማደርገው ምንድነው?”
አለ ሪቻርድ "

« አሁን ወደምትደበቅበት ቦታሀ ሒድና እስከ ሰኞ ቆይ "ሰኞ ለዐይን ያዝ ሲያደርግ ወደዚህ ትመጣለህ " እኔ ደግሞ አስከዚያ ድረስ ሚስተር ቦልን አነጋግረዋለ " ግን አየህ ከቦል ጋር ከመነጋገሬ በፊት ቶርንና ሌቪሰን አንድ ሰው
መሆናቸውን ካንተ ለመስማት እፈልጋለሁ "

“ እሺ አሁን ወደ ሬቨን ሔጄ እንዳየሁት ወዲያውኑ እመለሳለሁ ” አለና ሊሔድ ሲጀምር ባርባራ አቆመችው "

“ አይደክምህም ... ሪቻርድ ?” አለችው "

“ቶርን ለመታወቅ ቁሞ ይጠብቃል ካሉኝ አንድ መቶ ማይል በእግሬ ብሔድም አልደክምም "

“ መቸም ከቤት ልናስገባህም አልደፈርንም ባይሆን የምትበላውና የምትጠጣው እዚህ ድረስ ላምጣልህ …”

“ከዌስት ሊን ቀጥሎ ካለው ባቡር ጣቢያ ወረድኩና ካንድ ምግብ ቤት ገብቼ ደኅና ራት አግኝቼ በላሁ ስለዚህ ተይኝ ልሒድ ”

ሪቻርድ ሬቨን ደርሶ ገና ቆም ከማለቱ ሁለት ሰዎች እጅ ለእጅ ተያይዘው ወጡ • • • የሌሺሰን ማረፊያና አካባቢው በዘዋሪዎችና በወሬ አናፋሾች ተሞልተው ነበር " ሪቻርድ ሔርም ባርጣውን ዝቅ አድርጎ ከነሱ ተቀላቀለ እነዚያ እጅ ለእጅ ተያይዘው የወጡት ሁለት ሰዎች ሰዉ ወደ በረከተበት ሲጠጉ ደጋፊዎቹ ምን ጊዜም ሌቪሰን የሚል ድምፅ ያስሟቸው ጀመር "
ሪቻርድ አብሮ አልጮኸም " ጭንቅ ጭንቅ አለው " ልቡ በጣም መታ የትኛው መሆኑ ቢምታታበትም ከነዚያ ሁለት ሰዎች አንዱ ቶርን እንደ ነበር ዐውቋል "
ሁለተኛው ደግሞ ለንደን ''ሰር ፍራንሲሰ ሊቪሰን ነው ተብሎ የተጠቆመለት ሰውዬ ነው

“ ከነዚህ ሁለቱ ሌቪስን የትኛው ነው ? አለው ባጠግቡ ቆሞ የነበረውን አንዱን ሰውዬ

አታውቀውም ?ባርኔጣውን አንሥቶ እጅ በመንሣት ያመሰገነን ነው እኮ ”
ከዚህ በላይ መጠየቅ አላስፈለገውም እሱ የሚያውቀው ቶርን መሆኑን አረጋገጠ "

ሁለተኛውስ ማነው ? ” አለ ሪቻርድ "
ከለንደን አብሮት የመጣ መኮንን ነው " ድሬክ ይባላል" ግን አንተ መርከበኛ ... ብጫ ነህ ወይስ ቀይና ወይን ጠጅ ? '' አለው "

“ ከሁሉም የለሁም። በከተማው ዐልፌ የምሔድ መንግደኛ ነኝ” አለ ሪቻርድ
“ ዱርዬ ነህ ? "
" ዱርዬ ! አይደለሁም ” አለና ያየውን ለሚስተር ካርላይል ለመንገር ወደ ኢስት ሊን አመራ "

ሳቤላ ከሐሳብ ብዛት ከጸጸት ጥናት የተነሣ የመንፈስ ዕረፍት አጣች " ከቤት ተቀምጣ ጭንቅንቅ አላት " ልጆቹ ወደ መኝታቸው ከሔዱ በኋላ ከቤት ቁጭ ማለቴ
አልቻላት አለና ሆድ ሆዷን ሲፊጃት የነበረውን እሳት ያበርድላት ይመስል ሹልክ ብላ ወጥታ በዚያ አቅል በሚያጠፋ ኃይለኛ ነፋስ መኻል በምድረ ግቢው ትንሸራሸር ጀመር አንዱን መንገድ ተከትላ ልትጠመዘዝ ስትል አንድ መርከበኛ ልብስ የለበሰ ሰው ኘየች " እሷም ለራሷ ልትታይ ስለ አልፈለገች ሰውየው እንዳለፈ ተመልሳ መንገዷን እስክትይዝ ድረስ ዛፎቹ መኻል ገብታ ተገን ያዘች » ማን እንደሆነ ምን ጉዳይ እንዳመጣው እያሰበች በመገረም ትመለከተዋለች "

እሱ ግን ሳቤላ እንዳሰበችው አላለፈም " ከዚያው ትንሽ እንደቆየ ሚስዝ ካርላይል መጣችና ተቃቅፈው ሲሳሳሙ አየቻቸው

ሌላ ሰው መሳም ! ሚስዝ ካርላይል ! አለችና ሳቤላ ደሟ ፈልቶ እስከ ጭንቅላቷ ወረራት " " ሁለተኛ ሚስቱም በሱ ላይ ልትወሰልትበት ነው ? እሷም እንደገና ተዋርዳ ከኢስት ሊን ልትወጣ ነው ? እያለች ተገረመች “ ዳሩ ምን ቸገረኝ ለኔ ምኔ ነው? ከእንግዲህ የኔን ዕድል አንዲት ቅንጣት ያህል እንኳን ፈቀቅ አያደርገውም " እያለች ' በገዛ ጥፋቷ ' ከእጅዋ አውጥታ ካንገቷ ፈትታ የጣለችውን የባሏን ፍቅር ፍቅር እንደማይመስላት አስባ ተወችው።

መርከበኛዉ ወገቧን ይዞ በመንገዱ መንጐራደድ ጀመሩ " ትንሽ ቆይቶ ሚስተር ካርላይል መጣና ተቀላቀለ መርከበኛዉና ባርባራ እንደ ተያያዙ ወግ ጀመሩ ሳቤላ የነበረውንና ያየችውን ነገር እያገናዘበች ስታስበው በራሷ ነገር ገረማት ጥቂት ከተጨዋወቱ በኋላ መርከበኛዉ ተሰናብቷቸ ሔደ " የሚስተር ካርላይል እጅ የሰውየው እጅ በነበረበት ሽንጥ ተተክቶና ወደ ራሱ አስጠግቶ ተያይዘው ሔዱ " ሳቤላ የባርባራ ወንድም ትዝ አላትና ነገሩ ገባት "

“ድሮስ አብጀ ኖሯል ? እሷ በሱ ላይ ልትወሰልት ማለት ዘበት ነው ! የለም ! የለም ! ያ መጥፎ ዕድል ለኔ ብቻ የተሰጠ ነው '

ቦልና ትሬድማን ከቢሮአቸው በር የተለጠፈው ነሐስ እንደሚያመለክተ
የሕግ ጠበቆችና የንብረት ማስተላለፍ የሕግ በለሙያዎች ነበሩ " አብዛኛውን ጊዜ
የማስተላለፉን ጉዳይ ይከታተል የነበረው ሚስተር ትሬድማን ከቤተሰቡ ጋር የኖረው ከቢሮው ሲሆን ዐርባ አምስትና በሃምሳ ዓመት መካከል የሚገመተው
ወንደላጤዉ ቦል ግን የሚኖረው ከውጭ ነበር " ፊቱ ንቁ ዐይኖቹ አረንጓዴ
የሆኑ አጭርና ብርቱ ሰው ነበር" ሚስተር ካርላይል ሰኞ ጧት ቀደም ብሎ ከቤቱ ሔደ " ሚስተር ቦል ለሚስተር ካርላይል ከፍተኛ አክብሮት ነበረው ከሱ በፊትም ቢሆን ለአባቱ ለትልቁ ካርላይል ተመሳሳይ አክብሮት ነበረው ሁለቱ ካርላይሎች ለነዚህ ሰዎች ብዙ የሙያ ውለታ ውለውላቸዋል

ሚስተር ካርላይል ሲገባ' ሚስተር ቦል ቁርስ ላይ ነበር "

“ደህና ነህ ሚስተር ካርላይል ? ምነው በጧት መጣህ?”

ተው ተው ቁጭ በል አትቸገር እኔ እንደሆንክ ቁርስ አድርጌ ነው የመጣሁት።

“ይኸ የተለየ ነው እንዲህ አይምሰልህ ! ከስትራበርግ በቀጥታ የማስመጣው ነው።

ሚስተር ካርላይል አመስግኖ ምግቡን እምቢ አለና "የመጣሁት ለጉዳይ ነው ሆኖም ወደ ጉዳዩ ከመግባቴ በፊት ምናልባት
ልትከታተለው ያልቻልክ
እንደ ሆነ የምነግርህን ነገር ምስጢር አድርገህ እንድትይዘው እፈልጋለው”

ግድ የለም እጠብቃለሁ አታስብ...ምን ዐይነት ጕዳይ ነው እሱ ?

“እኔ ልቆምለት የማልችል ባለ ጉዳይ ገጠመኝ ነገሩ የሆሊጆን ግድያ የሚመለከት ነው” አለው ሚስተር ካርላይል ራሱን ወደሱ ጠጋ ድምፁን ዝቅ አድርጎ

“ እንዴ እሱማ ዱሮ አይደለም ተወስኖ አልቆለት የተዘጋው ?

“ አላለቀለትም ሪቻርድ ሔር በነገሩ አንደሌለበትና ግድያውን የፈጸመው
ሌላ ሰው መሆኑን የሚያመለክቱ አንዳንድ ነገሮች ተገኝተዋል

“ ከሱ ጋር በመተባበር ነው ? አለው ቦል "

“ የለም ብቻውን እንጂ ! ሪቻርድ ሔር ከግድያው ጋር ምንም ግንኙነት አልነበረውም ሰውዬው ሲገደል እንኳን ከዚያ ቦታ አልነበረም "

“ አንተ ታምንበታለህ ? ”

“ እኔ ካመንኩበት ብዙ ዘመን ዐልፏል።

ታዲያ ግድያውን ማን ፈጸመው ? ”

“ ገዳዩ ቶርን የተባለ ሰው ነው ይላል ሪቻርድ " ከብዙ ዓመት በፊት ሪቻርድ ሔርን አግኝቸው ነበር " ትክክለኛ ሆነው ከተገኙ የሪቻርድ ሔርን ከወንጀሉ ንጹሕ መሆን ሊያረጋግጡ የሚችሉ አንዳንድ ጭብጦች ገለጸልኝ ከዚያ ጊዜ ወዲህ ይህ ስሜት ቀስ በቀስ ትንሽ ነገር በትንሹ ላይ እየታከለ ከአጣራጣሪነት ወደ ተጨባጭነት እያመዘነ መጣ " በመጨረሻ ለማረጋገጥ ከሚቻልበት ደረጃ ስለ ደረስኩ ዛሬ ስለ ንጹሕነቱ አልጠራጠርም " ቶርን የተባለው ማን እንደሆነ የት እንደሚገኝ ለማረጋገጥ ብችል ኖሮ ቢሳካም ባይሳካም ገና ዱሮ ነበር ለሕግ የማቀርበው " ነገር ግን የሰውየውን ደብዛ ማግኘት አልተቻለም " አሁን ግን ቶርን የተባለው ስም እውነተኛ ሳይሆን የውሸት ስም መሆኑን ደርስንበታል "

"እና አሁንስ ሰዉየው ይገኛል ?

ተገኝቷል። እዚሁ ዌስት ሊን አለ “ ልብ በል እኔ አልከሰውም ስለ ጥፋተኛነቱም ምንም ሐሳብ አላቀርብም" እኔ አሪጋግጬ የምገልጸው ስለ ሪቻርድ ንጹሕነት ብቻ ነው ነገሩ ግልጽ እንደሆነልኝ የሪቻርድን ጉዳይ እኔ ራሴ ልከታተለው ነበር » አሁን ግን ልከታተልለት የማልችልበት ሁኔታ ተፈጠረና ተውኩት ”

ምን አስተወህ ? ” አለው ቦል "

ስለዚህ ወደ አንተ መጣሁ ” አለ ሚስተር ካርላይል የተጠየቀውን ወደ ጎን በመተሙ „ “ የመጣሁት በሪቻርድ ሔር ስም ነሙ " ለምን እኔ ልቆምለት እንዳልቻልኩ አስረድቸ • ላንተ ቀርቦ እንዲያመለክት መክሬ እኔም ቀደም ብዬ ጕዳዩን ላንተ እንደምገልጽልህ ቃል ገብቸ ሸኝቸዋለሁ » አሁን ሪቻርድ አንተ ዘንድ እንዲመጣና ታሪኩን ራሱ ገልጾ እንዲነግርህ ትፈቅዳለህ

“ግድ የለም ደስ እያለኝ አስተናግደዋለሁ ምስኪኑን ሪቻርድ ሔርን ለመጉዳት እልፈልግም " ስለ ንጹሕነቱ ሊያሳምንኝ ከቻለም ክሱን ለመመሥረት የሚቻለኝን አደርጋለሁ ስለዚህ ያለ ምንም ስጋት መጥቶ እንዲያስረዳኝ ንገረው አንተ ልትቆምለት ያልፈለኽው ለምድነው ?

" ሪቻርድ ጥፋተኛ ነው የሚለውን ስው መክሰስ ስለ አልፈለግሁ ነው
ሁሉንም ነገር ከሪቻርድ ታገኘዋለህ

“ እንተ ልትከራከረው የማትፈልገው ሰው ደሞ ዌስት ሊን ውስጥ ማን ይገኛል ሪቻርድ ሔር አባቱን ነው እንዴ የhሰሰ ?”

“ በል እንግዲU ” አለው ሚስተር ካርላይል ሲነሣ ' “ የትና እንዴት ነው
የምትገናኙት ?

“ እሱ አሁን ዌስት ሊን ነው ያለው ?
“ የለም " ግን ስልክበት ሊመጣ ይችላል " ዛሬ ማታ ቢመጣ ይመችሃል ?

“ እንግዲያው እዚህ ቤት ድረስ ይምጣ " ምንም የሚያስፈራው ነገር አይኖርም።

ደግ ይሁን ከአንግዲህ የኔ ድርሻ ያበቃል " አለወና ጥቂት ቃላት ከተለዋወጡ በኋላ ተለያዩ "

ሚስተር ቦል ቁሞ ሚስተር ካርላይልን እስኪርቅ ድረስ ሲመለከተው ቆየ "
“በጣም እንግዳ የሆነ ነገር ነው ሪቻርድ አንዷን የሚስተር ካርላይልን ፍቅረኛ የከስስ ይመስላል » ደፍሮ ሊሞግታት የጨነቀው አንዲት ወይዘሮ ትሆናለች....

💫ይቀጥላል💫

#ጠላፊዎቹ
፡
፡
#ክፍል_ሀያ_አንድ
፡
፡
#በኬንፎሌት
፡
፡
#ትርጉም_ወንዳየሁ_ንጉሴ

የበረራ መሃንዲሱ ኤዲ ዲከን የስማይ በራሪ ጀልባውን የሚያየው
ጥንቃቄ የሚፈልግ ነገር አድርጎ ነው፡፡ የአይሮፕላኑ መሳሪያዎች ገና በቅጡ
ያልዳበሩ መሆናቸውንና በአትላንቲክ ውቅያኖስ በምሽት በሚደረገው በረራ
ወቅት ያልተጠበቀ አደጋ ሊደርስ እንደሚችል ተሳፋሪዎቹ የሚያውቁት ነገር እንደሌለ ያውቃል፡፡ ሆኖም ኤዲ የካፒቴኑ የመሾፈር ብቃት፣ የአይሮፕላኑ ሰራተኞች ከልብ መስራትና የአሜሪካ ኢንጂነሪንግ የደረሰበት ደረጃ ተዳምረው አይሮፕላኑን በሰላም አሜሪካ እንደሚያደርሱት ይተማመናል።

ይህ ጉዞም እስካሁን ካደረጋቸው ጉዞዎች ሁሉ አስፈሪ ሆኖበታል፡በተሳፋሪዎች ስም ዝርዝር ውስጥ ቶም ሉተር የሚባል ሰው መኖሩን አይቷል፡፡ ተሳፋሪዎቹ አንድ በአንድ አይሮፕላኑ ላይ ሲሳፈሩ ከእነዚህ ውስጥ ካሮል አንን ያገታት ቶም ሉተር የቱ ይሆን? አለ በሆዱ¨
አዕምሮውን ወጥሮ የያዘውን የካሮል አንን ጉዳይ ለጥቂት ጊዜም ቢሆን ትቶ አይሮፕላኑን ለበረራ ለማዘጋጀት ተነሳ፡፡ የአይሮፕላኑ የተለያዩ መሳሪያዎች የሚሰሩና የማይሰሩ መሆናቸውን መፈተሽ፣ አራቱን ግዙፍ ሞተሮች መቆጣጠር ከሚሰራቸው ስራዎች ውስጥ አንዳንዶቹ ናቸው፡ አይሮፕላኑ ተነስቶ በጥሩ ሁኔታ መብረር ከጀመረ በኋላ ብዙም የሚሰራው ነገር አይኖርም፡፡ በዚህ ጊዜ የአይሮፕላኑ ፍጥነትና
የሞተሮቹ ሙቀት መጠን
በትክክል መስራቱንና ነዳጁን መቆጣጠር
ይሆናል። ሆኖም አዕምሮው እንደገና ወደ ካሮል አን እየሄደበት ተቸገረ፡፡
ካሮል አን በሚቀጥሉት ሃያ አራት ሰዓት ውስጥ በእነዚህ አረመኔዎች እጅ በተለይም ከጠጡ ምን ሊደርስባት እንደሚችል አይታወቅም:

እነዚህ ሰዎች ምንድነው
ከእሱ የሚፈልጉት? የስራ ጓደኞቹ የተቸገረበትን ነገር እንዳያውቁበት መጠንቀቅ አለበት፡፡ ሁሉም ግዴታውን
ለመወጣት ተፍ ተፍ ስለሚል ላያውቁበት ይችላሉ፡ ካፒቴን ቤከርና ረዳት ካፒቴን ጆኒ ዶት የአይሮፕላኑ ጋቢና ውስጥ ተመቻችተው ተቀምጠዋል
ከተሳፋሪዎች ክፍል የሚመጣው ብርሃን ፓይለቶቹን እንዳያስቸግራቸው
ማታ ማታ ወፍራም መጋረጃ ይጋረዳል፡ ማፖችንና መሳሪያዎች በመጠቀም
አይሮፕላኑን ትክክለኛውን አቅጣጫ እንዲይዝ የሚያደርገው ናቪጌተሩ ጃክ
አሽፎርድ ማፑ ላይ አፍጥጧል፡

ይህን አይሮፕላን ከሌሎች አይሮፕላኖች የሚለየው አይሮፕላኑ መሬት
ሳይወርድ ዘይት የሚያፈስን የሞተር ክፍል ጥገናን የመሳሰሉ ቀላል የጥገና
ስራዎችን መስራት ማስቻሉ ነው፡፡ ቀጥሎ የሚገኘው ቦታ የሬዲዮ ኦፕሬተሩ
የቤን ቶምሰን ሲሆን ከእሱ ኋላ ደግሞ የኤዲ የስራ ቦታ ይገኛል።

ኤዲ ጀርባቸውን ለእሱ ሰጥተው በተመስጦ የሚሰሩ ጓደኖቹ የእሱን
ጭንቀትና ፍርሃት ባለማስተዋላቸው ተረጋጋ:: ለጊዜው ማንነቱ ያልታወቀው ሚስተር ሉተር እኔ ነኝ እንዲል ለማድረግ ፍላጎት አደረበት፡፡
በተሳፋሪዎች ክፍል መተላለፊያ መንጎራደድ ፈለገና ከመቀመጫው ተነስቶ ‹‹እስቲ አንድ ቼክ የማደርገው ነገር አለ›› ብሎ ለናቪጌተሩ ነገረና ደረጃውን
ወርዶ ሄደ፡፡ የሆነ ሰው ለምን ቼክ ማድረግ እንደፈለገ ቢጠይቀው ዝም ብሎ እንደሚያልፍ ወስኗል፡፡

ኤዲ በመተላለፊያው ላይ ቀስ ብሎ ተራመደ፡ ኒክና ዴቪ ለተሳፋሪዎች ምግብና መጠጥ እያደሉ ነው፡፡ ተሳፋሪዎቹ በተለያዩ ቋንቋዎች ያወራሉ፡፡
የተወሰኑ ሰዎች ካርታ ጨዋታ አጧጡፈዋል፡ ከተሳፋሪዎቹ መካከል ታዋቂ ሰዎች ቢያይም ሃሳቡ ስለተበታተነበት እነማን እንደሆኑ መለየት አልቻለም፡፡እያንዳንዱ ሰው ላይ ተራ በተራ ቢያፈጥም ማንም ሰው ‹ቶም ሉተር እኔ
ነኝ›› አላለውም፡፡ ማየት የፈለገውን ነገር እንደነገሩ አይቶ በሩን ሲዘጋ አንድ
አስራ አራት አመት የሚሆነው ልጅ የሚሰራውን በተመስጦ ሲመለከት አየና
ፈገግ አለ፡፡

የፓይለቶቹን ጋቢና ማየት ይቻላል?›› ሲል ጠየቀው ልጁ፡
‹‹ይቻላል›› አለ ኤዲ፡ በዚህ ሰዓት ማንም እንዲያስቸግረው ባይፈልግም ተሳፋሪውን በትህትና ማናገር አለበት፡
‹በጣም አመሰግናለሁ›› አለ ልጁ፡
‹‹ወደ መቀመጫህ ተመለስና ጥቂት ጊዜ ቆይቼ እጠራሃለሁ›› አለው
ልጁ በኤዲ መልስ ግራ ቢጋባም ራሱን በእሺታ ነቀነቀና ፈጠን ብሎ
ሄደ፡፡

ኤዲ በመተላለፊያው ላይ እየተንጎራደደ አንድ ሰው እንዲያናግረው ጠበቀ፡፡ የሚያናግረው ሰው አለመኖሩን ሲረዳ ሰውየው ሰው የማይኖርበትን
አጋጣሚ እየጠበቀ መሆኑን ገመተ፡ አስተናጋጁን ሉተር የተባለው ሰው የቱጋ እንደተቀመጠ መጠየቅ ይችላል፡፡ ነገር ግን ለምንህ ነው የምትጠይቀው?› ብሎ ቢለው ምን መልስ እንደሚሰጥ አያውቅም በዚህ ጊዜ የስራ ባልደረቦቹ በእሱ ላይ ምንም አይነት ጥርጣሬ እንዲያድርባቸ
የሚያደርግ ነገር ማድረግ የለበትም፡፡

ልጁ ከአባትና ከእናቱ ጋር ነው የተቀመጠው፡፡ ኤዲም ‹‹ማሙሽ አሁን ና›› ሲል ተጣራ፡ አባትና እናቱም በመቀበል ራሳቸውን ነቀነቁ። አንዲት ጸጉረ ረጅም ልጅ የልጁ እህት ሳትሆን አትቀርም ሞቅ ያለ ፈገግታ
ስትመግበው ልቡ ደንገጥ አለ፡፡ ልጅቷ ስትስቅ ታምራለች፡

‹‹ማነው ስምህ ማሙሽ?›› አለው፡

‹‹ፔርሲ ኦክሰንፎርድ›› አለ፡
‹‹እኔ ኤዲ ዲኪን እባላለሁ፡፡ የበረራ መሀንዲስ ነኝ፡፡ ሞተሮቹን በትክክል መስራታቸውን መከታተል ነው ስራዬ››

የመጨረሻው ደረጃ ላይ ደረሱ፡ ‹‹ይሄ ሁሉ ደውልና መሳሪያ ምን ያደርጋል?››

‹‹የሽክርክሪቱን ፍጥነት፣ የሞተሩን የሙቀት መጠን እና የነዳጁን ቅልቅል ይቆጣጠራል፡፡›› ለልጁ በይበልጥ እንዲገባው ‹‹እዚህ ወንበር ላይ
ቁጭ በል›› አለው፡ ፔርሲም ቁጭ አለ፡፡ ‹‹ይሄ ደውል የቁጥር ሁለት ሞተርን የሙቀት መጠን ያሳያል፡ አሁን ሙቀቱ ከፍ ብሏል፡ ትንሽ ማቀዝቀዝ ያስፈልጋል፡››

‹‹እንዴት ነው ይሄን የምታደርገው?››

‹‹እጀታውን ያዝና ትንሽ ወደታች ግፋው ይህን ያህል ይበቃል፡ አሁን ተጨማሪ አየር እየገባ ነው ከትንሽ ደቂቃ በኋላ የሙቀት መጠኑ ሲወርድ
ታያለህ፡፡ ፊዚክስ ተምረሃል?›› ሲል ጠየቀው ኤዲ፡፡

‹‹እኔ የምማረው ዘመናዊ ትምህርት ቤት ውስጥ አይደለም›› አለ ፔርሲ፣ ‹‹ትምህርት ቤቱ ላቲንና ግሪክ ቋንቋዎች ላይ ነው በይበልጥ ትኩረት የሚያደርገው፡፡ ሳይንስ ላይ እስከዚህም ነው፡፡››
‹‹ሌሎቹ የስራ ባልደረቦችህስ ምንድነው ስራቸው?››
‹ዋናው ትልቅ ስራ ያለበት ናቪጌተሩ ነው፤ ቻርቱ ላይ ያፈጠጠው ጃክ አሽፎርድ ይባላል አይሮፕላኑ የት እንዳለ የሚቆጣጠረው እሱ ነው! በተለይ መሃል አትላንቲክ ላይ ስንበር፡፡››

ጃክ ካቀረቀረበት ቀና ብሎ ፈገግ አለ፡፡ ‹‹አይሮፕላኑ እየበረረ የሚገኝበትን ቦታ የሚጠቁመንን መሳሪያ የሚቆጣጠረው ጃክ ሲሆን አንዳንድ ጊዜ ከባህር በላይ ሲበር ቦታውን ማወቅ አስቸጋሪ የሚሆንበት ጊዜ አለ፡፡››

ጃክም ስለስራው ሲናገር ‹‹ብመጀመሪያ መሳሪያውን በመጠቀም በመስታወት እያየህ አንድ ኮከብ ፈልገህ ኮከቡ በአድማስ ላይ ትክክል እስኪመጣ ጠብቀህ የመስታወቱን አንግል ታስተካክላለህ›› አለ፡

‹‹ይሄማ ቀላል ነው›› አለ ፔርሲ፡፡

‹‹ይሄ በቲዮሪ ደረጃ ነው›› አለ ጃክ እየሳቀ ‹‹የዚህ የጉዞ መስመር ችግር ጠቅላላ በረራውን ድፍን ባለ ደመና ልንጓዝ የምንችልበት አጋጣሚ
የሚፈጠርበት ጊዜ መኖሩ ነው፡፡ የተነሳህበትን ነጥብ ካወቅህና በተመሳሳይ
አቅጣጫ የምትጓዝ ከሆንክ ልትሳሳትበት የምትችልበት አጋጣሚ ባይኖርም
ይሄ የሚሆነው ግን ነፋስ በሌለበት ጊዜ ነው፡፡ሀይለኛ ንፋስ በሚኖርበት ጊዜ
አይሮፕላኑን ወዲህና ወዲያ የሚያላጋው ስለሆነ መስመር ጠብቆ መጓዝ
አስቸጋሪ ነው:፡

ኤዲ የፔርሲን ሁሉን ለማወቅ መጓጓት አየና ‹እኔም አንድ ቀን ለልጄ
እንደዚህ ማስረዳት የምችልበት ጊዜ ይመጣ ይሆናል ሲል አሰበ፡፡ ይህም
ካሮል አንን አስታወሰውና ንዴት ውስጡን ጠቅ አደረገው፡፡ ሚስተር ሉተር
የተባለው ሰው እኔ ነኝ ብሎ ራሱን ቢያስተዋውቀውና ከእሱ የሚፈልገውን
ነገር ቢያሳውቀው ቀለል ይለው ነበር፡፡

የፔርሲ ጥያቄም አላበቃም ‹‹የአይሮፕላኑን ክንፍ ማየት እችላለሁ?›› ሲል ጠየቀ
‹‹በሚገባ›› አለና ኤዲ ወደ ክንፉ የሚያስገባውን ፉካ ከፈተለት፡፡ ፉካው ሲከፈት የአይሮፕላኑ ሞተር አስገምጋሚ ድምጽና የነዳጅ ሽታ ተቀበለው፡፡
በክንፉ ውስጥ በእንፉቅቅ መተላለፍ የሚያስችል መንገድ አለ፡፡ ከሞተሮቹ
በስተጀርባ የጥገና ስራ ቆሞ መስራት የሚያስችል ቦታ ያለ ሲሆን ቦታው
በሙሉ በኤሌክትሪክ ገመዶች፣ በትንንሽ ቧንቧዎችና በብሎኖች የተሞላ ነው: ‹‹ሁሉም አይሮፕላኖች እንደዚሁ ናቸው›› ሲል ጮኾ ተናገረ ኤዲ፡፡

‹‹ልግባና ልየው?›› ሲል ጠየቀ ፔርሲ

‹‹አይሆንም፡፡ ተሳፋሪዎች እዚህ ውስጥ እንዲገቡ አይፈቀድላቸውም››
አለና በሩን ዘጋው፡፡ ኤዲም የስራ ቦታው ጋ በመሄድ መሳሪያዎቹ የሚሰሩ
መሆናቸውን አረጋገጠ፡፡
የመገናኛ ባለሙያው ቤን ቶምሰን ፎየንስ ላይ ያለው የአየር ሁኔታ ንፋሳማ ባህሩም ሞገዳማ መሆኑን ተናገረ፡፡ከጥቂት ጊዜ በኋላ ኤዲ በሚቆጣጠረው ሰሌዳ ላይ ‹‹ማረፍ ይቻላል
የሚል መልእክት ሲመጣ አየና ‹ሞተሩ አይሮፕላኑን ለማሳረፍ ዝግጁ ነው አለ ጃክም ‹አይሮፕላኑ ሊያርፍ ስለሆነ ወደ ቦታህ ሄደህ ተቀመጥ አለው ፔርሲን፡፡ ፔርሲም የተሰጠውን ትዕዛዝ ተቀብሎ ወደ ቦታው ሄደ፡

አውሮፕላኑ ለማረፍ በሚያደርገው እንቅስቃሴ
የሞተሩ ድምፅ ተለወጠ፡፡ ቀስ በቀስም ወደ ታች ዝቅ ዝቅ ማለት ጀመረ፡ በዚህ ወቀተ ኤዲ ብቸኝነት ተሰማው፡፡ በሆዱ የሚያብሰለስለውን ነገር አውጥቶ ቢናገር በወደደ፡ የአይሮፕላኑ ሰራተኞች ጓደኞቹ ናቸው፡ በአትላንቲክ ውቅያኖስ ላይ አብረው በረዋል፡፡ ችግሩን ነግሯቸው ምክራቸውን ማግኘት ቢፈልግም ይህን መንገር ግን ከጥቅሙ ይልቅ አደጋው የከፋ ሆነበት፡፡

ከመቀመጫው ብድግ አለና በመስኮት ተመለከተ፡ አንድ ትንሽ ከተማ ትታየዋለች፡፡ ባሻገር የአይሮፕላን ማረፊያ ግንባታ እየተካሄደ ነው፡፡ ዋናው አብራሪ ካፒቴን ቤከር የአይሮፕላኑን አፍንጫ ወደ ማረፊያው አዞረ፡ እታች ባህሩ ላይ ነዳጅ ጫኝ ጀልባ ይጠብቃቸዋል፡ ወደቡ በሰማይ የሚበረውን
ጀልባ ለማየት በተሰበሰቡ ሰዎች ተጨናንቋል፡

ቤን ቶምሰን በሬዲዮ ማይክሮፎኑ እየተነጋገረ ነው፡፡ ቤን የሚለው
ባይሰማውም እንዳነጋገሩ ከሆነ ሁሉም ነገር ጥሩ ነው፡፡

አሁን አይሮፕላኑ እየወረደ ነው፡፡ ባህሩ ጸጥ ያለ ከሆነ አይሮፕላኑ ባህሩ ላይ ማረፉ የሚታወቀው ቆይቶ ነው፡፡ ዛሬ ግን ባህሩ ሞገደኛ ነው።

አይሮፕላኑ ዝቅ እያለ ሄዶ ባህሩ ላይ አረፈና እንደ ጀልባ መሄድ ጀመረ፡ ከውጭ ነጭ ቤትና ሳር የሚግጡ በጎች ይታያሉ፡፡ ፎየንስ ከተማ ደርሰዋል፡

አንድ ጀልባ ወደ አይሮፕላኑ ስትከንፍ መጣች፡ ጀልባው ላይ ያለው ሰው እጁን ለኤዲ አውለበለበለትና ማሰሪያ ገመድ ወረወረለት፡፡
ተሳፋሪዎቹን የሚወስድ ሌላ ጀልባ መጣ፡፡ ኤዲ የአይሮፕላኑን ሞተር
አጠፋ፡፡ ሁሉ ነገር እንደተጠናቀቀ ዩኒፎርሙን ለበሰና ኮፍያውን አድርጎ
ወጣ።

ኤዲ ጀልባው ላይ የተሳፈሩትን ተሳፋሪዎች ቃኛቸው፡፡ የትኛው ይሆን
ቶም ሉተር? ሲል ራሱን ጠየቀ፡፡ ከዚህ ቀደም ባየው ፊልም ላይ የተወነችውን ሉሉ ቤልን አወቃት፡ካንድ ሰው ጋር ታወራለች፡፡ ‹ቶም ሉተር ይሆን?› ሲል ራሱን ጠየቀ፡ ከነሱ ጋር አንዲት ነጠብጣብ ያለበት ልብስ የለበሰች ቆንጆ ሴት አየ፡፡ ከዚህ በፊት የሚያውቃቸው ሰዎች ጀልባ ውስጥ ያሉ
ሲሆን ብዙዎቹን ግን አያውቃቸውም።

ሉተር ራሱ መጥቶ እኔ ነኝ ሉተር› ካላለ ኤዲ ራሱ ለመጠየቅ ወሰነ፡ እጁን አጣጥፎ መጠበቁ እልህ አስጨራሽ ሆኖበታል፡ ሚስቱ ትዝ አለችው
ሰዎቹ በሩን በርግደው ሲገቡ በዓይነ ህሊናው ታየው፡ ካሮል አን እየበላች
ወይም ቡና እየጠጣች ወይም ወደ ስራ ለመሄድ እየተዘጋጀች ወይም የገላ
መታጠቢያ ገንዳ ውስጥ ሆናም ይሆናል ሰዎቹ በርግደው የገቡት፡ ኤዲ
ገላዋን ስትታጠብ እርቃኗን ማየት ደስ ይለዋል፡ ጸጉሯን በጸጉር ማስያዣ ታስይዝና ገንዳው ውስጥ ጋደም ብላ መቃ አንገቷን ብቅ አድርጋ ገላዋን በሳሙና ትቀባለች፤ እሱ ዳር ቁጭ ብሎ ያጫውታታል፡ እሷን ከመተዋወቁ በፊት እንዲህ ዓይነት ነገር የሚኖረው በልብ ወለድ መጽሐፍ ውስጥ ብቻ ይመስለው ነበር አሁን የሆኑ ሰዎች በሩን በርግደው ገብተው ሰላሟን ነስተዋት ታየችው:፡

ሰዎቹ ሲመጡባት
ያጋጠማት ፍርሃትና
ድንጋጤ ሲታሰበው
ሊያሳብደው ይደርሳል፡፡ ራሱን ያመዋል፡ ደግሞ ምንም ማድረግ አለመቻሉ
ያንገበግበዋል።

ሰዎቹን የሚወስደው ጀልባ የሰማይ በራሪው ጀልባ ጋ ደረሰና ተሳፋሪዎቹንና የአይሮፕላኑን ሰራተኞች ወደ ህንጻው ወሰዳቸው፡ ወደ
ህንጻው ሲገቡ ይህ ነው የሚባል ቁጥጥር አልነበረም፡፡ ተሳፋሪዎቹ ወደ መንደሯ ዘለቁና ብቸኛዋ ቡና ቤት ውስጥ ገቡ፡፡

ኤዲ ነው መጨረሻ ከጀልባው የወጣው፡ ገና ህንጻው ጋ ከመድረሱ
አንድ ሰው ወደ እሱ መጥቶ ‹‹አንተ ነህ የበረራ መሀንዲሱ?›› ሲል
ጠየቀው: ኤዲ በዚህ ጊዜ ደም ስሩ ተገታተረ፡፡ የሚያናግረው ሰው
ሰላሳ አምስት ዓመት የሚሆነው ሲሆን ከእሱ አጠር፣ ወፈር ያለና ጡንቻው ፈርጣማ ነው፡ አመድማ ሱፍ ልብስ ለብሷል፤ ክራቫት አስሯል፡፡ ኮፍያም አናቱ ላይ ደፍቷል፡

‹‹ስሜ ቶም ሉተር ይባላል›› አለው ሰውየው፡

ኤዲ ከመቅጽበት በንዴት መንቀጥቀጥ ጀመረ፡ ሉተርን አንገቱን አንቆ
ከግድግዳው ጋር አላጋው፡፡ ‹ሮሌን ምንድነው ካሮሌን ምንድን ነው ያደረጋችኋት?›› አለና
ምራቁን ተፋበት፡ ሉተር ድንገት በሆነው ነገር ተደናገጠ፡ የጠበቀው
በፍርሃት የሚርድ እጅ የሰጠ ሰው ነበር፡፡ ኤዲ የሉተር ጥርስ እስከሚንገጫገጭ ድረስ የሸሚዙን ክሳድ ይዞ ወዘወዘው፡፡ ‹‹አንተ
እግዚአብሔርን የካድክ ሸርሙጣ! ሚስቴን የት ነው ያደረስካት?›› አለው፡፡

ሉተር ድንጋጤው ሲለቀው ራሱን ከኤዲ ባለ በሌለ ኃይሉ አላቀቀና
ቡጢ ሰነዘረ፡፡ ኤዲ ቡጢ ስንዘራውን በአንድ እጁ መከተና ሉተርን ሁለቴ
በቡጢ ነረተው፡ ሉተር እንደ ተነፈሰ ፊኛ አየር አስወጣ፡፡ ሉተር ጠንካራ ቢሆንም ድንገት የመጣበትን ውርጅብኝ መቋቋም አልቻለም፡፡ ኤዲ በዚህ
ብቻ ሳያበቃ ጉሮሮውን ፈጥርቆ ያዘው፡፡ አያያዙን እያጠበቀ ሲመጣ የሉተር
ዓይን ተጎልጉሎ ሊወጣ ምንም አልቀረም፡፡ ነገር ግን ኤዲ ሰውየው በእጁ
ሊጠፋ መሆኑን ሲገነዘብ እጁን እያላላ መጣና ለቀቀው፡፡ ሉተርም
ግድግዳውን ተደግፎ አንገቱን እያሻሽ አየር መሳብ ጀመረ፡፡
አየርላንዳዊው የጉምሩክ ሰራተኛ ኤዲ ሉተርን ከግድግዳው ሲያላጋው
አየና ‹‹ምን ሆናችሁ?›› ሲል ጠየቀ፡፡

ሉተር እንደምንም ቀና አለና ‹‹ራሴን ስቼ ነው፤ አሁን ተሽሎኛል››

የጉምሩኩ ሰራተኛ ጎንበስ አለና የሉተርን ኮፍያ አንስቶ ሰጠው::ሁለቱንም አንዴ አየት አድርጎ ምንም ሳይናገር ጥሏቸው ሄደ፡

ኤዲ አካባቢውን ቃኘና ግብግባቸውን ከጉምሩክ ሰራተኛው በስተቀር ያየ
እንደሌለ አረጋገጠ፡፡ የአይሮፕላኑ ሰራተኞችና ተሳፋሪዎች በየፊናቸው
ተበታትነዋል፡፡

ሉተር ኮፍያውን አናቱ ላይ ደፋና በታፈነ ድምጽ ‹‹ይህን ጉዳይ በሰላም ካልያዝከው እኔና አንተ እንዲሁም ያቺ ጦሰኛ ሚስትህ ሟች ነን›› አለው ሉተር የካሮል አንን ስም ሲያነሳ ኤዲ እንደገና ንዴቱ አገረሸበትና በቡጢ
ሊለው ሲሰነዝር ሉተር መከተና ‹‹አደብ ግዛ ሰውዬ፤ በዚህ ዓይነት የሚስትህን ዓይን ዳግም አታይም፧ እኔ እንደማስፈልግህ አይገባህም?›› አለው፡
ኤዲ ሉተር ምን እንዳለ በሚገባ ገብቶታል። ስለተናደደ የሚሰራውን
አያውቅም፡፡ ወደኋላ ፈቀቅ አለና ሰውየውን አየው ሉተር ሲያዩት ንግግሩ የደህና ሰው ይመስላል፤ የለበሰውም ልብስ ደህና ገንዘብ የወጣበት ነው፡ ሪዙ
የጎፈረ ሲሆን ዓይኖቹ ጥላቻ ይፈነጥቃሉ፡ ኤዲ ሉተርን በቦክስ በማጣደፉ
ምንም ቅሬታ አልተሰማውም፡፡ ለንዴቱ መወጫ አንድ ነገር መምታት ፈልጎ ነበር፧ ሉተር ደግሞ ጥሩ ዒላማ ሆኖለታል፡

‹‹ከኔ ምንድነው የምትፈልጉት?›› ሲል ጠየቀው ሉተርን

ሉተር እጁን ደረት ኪሱ ውስጥ ከተተ፡ ኤዲ ሽጉጥ ሊያወጣ ነው ብሎ
ሲያስብ የሉተር እጅ አንድ ፖስት ካርድ ይዞ ወጣና ለኤዲ ሰጠው፡፡ በፖስት
ካርዱ ላይ በአሜሪካ በሜይን ስቴት ውስጥ የሚገኘው ባንጎር ከተማ
ይታያል።

ሉተር ‹‹የፎቶግራፉን ጀርባ ተመልከት›› አለው፡

ፎቶግራፉ ጀርባ ላይ 44.70N 67.00W የሚል ተፅፏል፡፡

‹‹እነዚህ በካርታ ላይ ቦታ ማመልከቻ ቁጥሮች ምን ላድርጋቸው?››

ሲል ጠየቀው ኤዲ፡፡

‹‹አይሮፕላኑን በ44.70 ዲግሪ ሰሜንና በ67 ዲግሪ ምዕራብ› ቦታ ላይ
ታሳርፈዋለህ፡››

‹‹አይሮፕላኑን አሳርፍ ነው ያልከኝ?›› ሲል ጠየቀ ኤዲ ግራ ተጋብቶ

‹‹አዎ›› አለው ሉተር፡፡
‹‹ይህን ነው ከኔ የምትፈልጉት ሚስቴን ያፈናችኋት ለዚህ ነው?››
‹‹አይሮፕላኑን እዚያ ቦታ ላይ ማሳረፍ አለብህ››

‹ግን ለምን?››
‹ምክንያቱም ውቧን ሚስትህን መልሰህ እጅህ
ማስገባት ስለምትፈልግ››

ይህ ቦታ የት ነው?››

‹‹ሜይን ስቴት ባህር ዳርቻ ላይ›› ሲል መለሰ ሉተር፡

ሰዎች ባህር ላይ የሚያርፍ አይሮፕላን ባህር ላይ የትም ቦታ የሚያርፍ ይመስላቸዋል፡ አይሮፕላኑ
ለማረፍ በጣም የረጋ ባህር
ይፈልጋል፡ ለደህንነት ሲባል ፓን አሜሪካን አየር መንገድ ከአንድ ሜትር የባህሩ ሞገድ በጠነከረበት ባህር ላይ አይሮፕላን ለማረፍ ቢሞክር ስብርብሩ
ነው የሚወጣው፡:

ኤዲም ‹‹አይሮፕላኑን ገላጣ ባህር ላይ ማሳረፍ አይቻልም›› አለው
ሉተርን፡፡

እሱን እናውቃለን፡፡ ቦታው በጉብታ የተከለለ ነው›› አለ ሉተር፡፡

ቢሆንም ማሳረፍ አስቸጋሪ ነው››

ቼክ አድርገው፤ እዚያ ላይ ማሳረፍ አያቅትህም፤ እኔም ይህን አረጋግጫለሁ፡››

ሰውየው እዚያ ቦታ ላይ ማሳረፍ እንደሚቻል እርግጠኛ ሆኖ ነው
የሚናገረው፡

‹‹ነገር ግን ሌላ ችግር አለ፡፡ እኔ እንዴት ነው አይሮፕላኑን እዚያ ቦታ ላይ ማሳረፍ የምችለው፧ ፓይለቱ እኔ አይደለሁ›› አለ ኤዲ፡
‹‹ይህን ነገር በደንብ አጥንቼዋለሁ፡ ካፒቴኑ በጽንሰ ሃሳብ ደረጃ
የሰማይ በራሪ ጀልባውን ማሳረፍ ይችላል፡ ነገር ግን እዚያ ቦታ ለማሳረፍ
በቂ ምክንያት ይፈልጋል፡ አንተ ግን የበረራ መሀንዲስ ነህ፡፡ አንድ የሆነ
የአይሮፕላኑ ክፍል እንዲበላሽ ማድረግ የምትችለው አንተ ነህ›› አለው ሉተር፡

‹‹አይሮፕላኑን ባህሩ ላይ እንድጥለው ትፈልጋለህ?››
‹‹እንደዚያማ ማድረግ አትችልምº እኔ አይሮፕላኑ ውስጥ አለሁ
ፓይለቱ እዚያ ቦታ ላይ በድንገት እንዲያርፍ የሚያስገድደው አንድ ችግር ፍጠር›› አለው በሚገባ በተከረከመ ጥፍሩ ፖስት ካርዱ ላይ ያለውን ቦታ እያመለከተው፡፡
የበረራ መሃንዲሱ ፓይለቱ በድንገት አይሮፕላኑን ለማሳረፍ የሚያስገድደው ችግር መፍጠር አያቅተውም፡፡ ነገር ግን አይሮፕላኑን የሚያሳርፍ ችግር መፍጠር ለጊዜው ኤዲ አልከሰትልህ አለው፡፡

‹‹ቀላል እንዳልሆነ ይገባኛል፤ ነገር ግን የማይሆን ነገር ግን አይደለም
እኔም ይህን ማድረግ እንደሚቻል አረጋግጫለሁ››
‹‹ማነው ይህን የነገረህ? እናንተስ እነማን ናችሁ? አለ ኤዲ ንዴቱ ተቀስቅሶ፡

‹‹ትዕዛዝ መፈጸም እንጂ መጠየቅ አትችልም›› አለው ሉተር::....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ ስምንት (18)

በዚህ ጊዜ እቢሮው ገብታ እፊት ለፊቱ ባለው ወንበር ላይ ተቀምጣ ነበር፡፡ ቀና ሲል አንደኛውን እግሯን አንስታ እሌላኛው ላይ አነባበረችው ። እግሮቿ በጣም ያምራሉ ።
ማይክል ሂልያርድ ግን ይህን አሳጤነም ።
«በዚያም ላይ» አለች ። «ባለፈው ጊዜ ለተደረገልኝ እድገት ምስጋናዬን ለማቅረብም ነው»
« በእሱ እንኳ እኔ አልመሰገንም ።እድገቱን እንድታገኚ ያደረገው ቤን አቭሪ ነው ።እሱኑ ነው ማመስገን ያለብሽ»
« ገባኝ »
በደንብ ነበር የገባት ።የትም እማያደርስ ወሬ ነበር የጀመሩት። ባደረገችው ነገር እየተፀፀተች ከመቀመጫዋ ተነሳችና በመስኮት ወደ ውጭ እያዬች «የዘንድሮው ገና በበረዶ ያሸበረቀ ነጭ ገና ሊሆን ነው ማለት ነው። እሚገርመው ነገር ዛሬ እንዴት ተሁኖ ነው ወደ ቤት የሚደረሰው?» አለች። «እሱን ያዥልኝ ። በበኩሌ አልሞክረውም ። ሲጀመርም ያን መኝታ እዚህ ቢሮ ውስጥ ያስቀመጡት ለዚሁ ሳይሆን አይቀርም። የቢሮዬ ቁራኛ ሆኜ እንድኖር » ዌንዲ ይህን ስትሰማ በልቧ ተቃውሞ አሰማች። የለም ።አያ እንቶኔ ፤እራስህን መቅጣት ትችላለህ። ሌላ ሰው ግን ... በኦፏ ግን ፈገግ ብላ «በል መልካም የገና በአል» አለችውና ወጣች ። ያንለት እንዳለውም እቢሮው ውስጥ አደረ ።

የገና በአል ዋዜማ ለትም ፤ የገና የለቱ እለትም ፤ ማይክል ከቢሮው አልወጣም ። ለበአሉ ሲባል እና እንዳጋጣሚ በአሉ የዋለው እሑድ ቅዳሜን ተንተርሶ ስለነበረ ፅዳት ሰራተኞችና ዘበኞች እንኳ አላዩትም። ከሌሊቱ ዘበኛ በስተቀር ያየው አልነበረም። እዚያች ቤት ውስጥ፤ እዚያች የናንሲ ማክአሊስተርን መኖሪያ ትመስላለች ብሎ እመረጣት አፓርታማ ውስጥ ሆኖ ብቻውን የገናን በአል ሊያሳልፍ ከቶም ከቶ ድፍረት አልነበረውም። እሱ ግን ይህን ፍርሃቱን እንዳህ ጥርት አርጎ አላሰበውም ። ማይክል የዜያን ዓመት የገና በአል ከነትዝታው ከነአኬራው፤ ከነድቅስቃሱ ነበረና የፈራው ወደ ቤቱ አልገባም ። ገና ድቅስቃሱን፤ አኬራውን ፤ ትዝታውን ይዞ ሲያልፍ እቤቱ ሄደ ። እባዶዋ፤ወናዋ ቤቱ። የተላከ አበባ እበሩ ላይ በስተውጭ ተቀምጦ ጠበቀው ። ይህ የሆነው ኒውዮርክ ነበር

በሳንፍራንሲስኮ ከተማ ናንሲ አመትባሉን ያሳለፈችው ከዚህ በተሻለ ምቾት ነበረ ፤ብቸኝነቱ ግን ያው ። ዶሮ ሰርታ ለብቻዋ የገና መዝሙሮችን በመዘመር የበአሉን ዋዜማ አከበረች በማግስቱ ፤ ማለትም የገና የለቱ ለት አስከረፋድ ድረስ ካልጋዋ ላይ አልተነሳችም። እረፋዱ ላይ ካልጋዋ ተነስታ ውጭውን ስትመለከት ነገሩ ሁሉ የገና በአል አልመስልሽ አላት። ምንም እንኳ የገና ዛፉ ፤ ተርኪናውና ሌላው ሌላው ሁሉ ሲሸጥ ፡ ሲጓጓዝ ያየች ቢሆንም ምስራቅ ዩናይትድ ስቴትስ ውስጥ ስትኖር የምታከብረውን አይነት ገና አልመስል አላት ። የሳንፍራንሲስኮ የአየር ጠባይ ካደገችበት ምስራቃዊ ግዛት የተለየ ነው። የገናን በአል ያለ በረዶ ፤ ይህን በአል ያለዚያ አየር ጠባይ ላስብህ ብትለው የማይሆን ሆነ ። በዚያ አካባቢ ያሉ ሰዎች ገናን አከበርን ለማለት የሚሞክሩ ፤ የሚያስመስሉ መሰላት እንጂ ገናን ኢያከበሩ መሆኑ ከቶም እውን ሊሆንላት አልቻለም ። ይህ ግን ሀዘኗንና ጭንቀቷን ቀላል አደረገላት ።

የሰራችውን ዶሮና ሌላም ሌላም ነገር ቀማምሳ ስታበቃ ፌ ለገና በአል የሰጠቻትን የቀልዶች መጽሐፍ ማንበብ ጀመረች። በዘንድሮው በአል ያገኘችው ሁለት ስጦታ ብቻ ነበረ ። አንደኛው ፒተር ግሬግሰን (የቀዶ ሕክምና ሊቁ እና ሀኪሟ ) የሰጣት ውድም ውብም የሆነ የእጅ ቦርሳና ይህ ከላይ የተባለው ፌ የሰጠቻት የቀልዶች መጽሐፍ። እስከ አስራ ሁለት ሰዓት ድረስ ስታነብ ዋለች ። ከዚያ በኋላ ተነስታ ካሜራዋን አዘጋጀች ። ጉምም ሆነ ጭጋግ የማይታይበት ብሩህ ምሽት ፎቶግራፎች ለማንሳት አመቺ ነው።

ከቤቷ ስትወጣ መንገዱን ሁሉ ጭር ብሎ አገኘችው። ሰዉ ለአመት ባሉ የበላው ምግብ ከብዶት በየቤቱና በየጓሮው ያናውዛል ማለት ነው። አንዳንዱ ይኸኔ ቲቪ ከፍቶ ደፋ ቀና እያለ ይመለከት ይሆናል ። ይህን ስታስብ የራሷ አስተሳሰብ ገረማትና ለብቻዋም ቢሆን ፈገግ አለች ። በዚህ ጊዜ አንድ ነገር አደናቀፋት ። ልትወድቅ ስትንደረደር ፒተር ያስጠነቀቃት ትዝ አላት። መውደቅ የለባትም ። በዚህ የሕክምና ወቅት ውስጥ ። በዚህም የተነሳ ነው ከፌ ጋር ወደ በረዶ ሸርተቴ መጫወቻ ቀበሌዎች እንዳትሄድ የተከለከለችው ። እጂዋ ቀድሞ መሬት ይዞ ባይደግፋት አወዳደቋ አደገኛና አሰቃቂ ይሆን ነበር ። ያ ነገር ሲያደናቅፋት በድንጋጤ ጮሃ ነበር። እሷ ብቻ ሳትሆን ሌላም ነገር ጮሆ ነበር አጠገቧ አገኘችው፤ ኩስምን ያለ አቁስጣ መልክ ያለው ውሻ ያኔ ደንግጦ ይጩህ እንጂ አልሸሸም እንዲያውም ጭራውን እያወዛወዘ፣ መለማመጫ ድምፅ እያሰማ እይን አይኗን ያያታል ። «ይቅርታ አጋጣሚ ነው ሳላይዎት ነው ። እርስዎም ነፍሴ ጥላኝ ብን እስክትል እንዳስደነገጡኝ እንዳይረሱ ግን » አለችው ለውሻው ፤ እየሳቀች ። ጎንበስ ብላ ዳበስ ዳበስ ስታደርገው ጭራውን እያወዛወዘ ሀይል በሌለው ሁኔታ «ዉዉ!» አለ። በጣም አስቂኝ የሆነ ትንሽ ውሻ ነበር ።ከመጨረሻው ድንክዬ ውሻ እምብዛም አይበልጥም። ናንሲ ይህን ውሻ ስትመለከት አዘነች እንደራበው በደንብ ያስታውቃል ። የሆነ ሆኖ ምንም ማድረግ አይቻልም አሁን አንስቼ ልውሰድ ብትል አንዱ ውሻየን አስኮበለለች ብሎ ሊከስሳት ይችላል ።

ልትሄድ ስትል በዚያው በሚለማመጥ ሁኔታው ፤ በዚያው ሀይል በሌለው ድምፅ «ውዉዉ ! አለ
«ገባኝ ደህና ይሁኑ ። ባይ ባይ» አለች ፈገግ ብላ እጅዋን ለሰንብት እያወዛወዘች ። ጉዞዋን ቀጠለች ።፡ ውሻውም በጎን በጎኗ ቱስ ቱስ እያለ ይከተላት ጀመር። ስለዚህ መንገደን አቋርጣ ውሻውን ቁልቁል እየተ መለከተች እንዲህ አለችው ። «ስሙ ጌታዬ ! ወስላታ መሆን አይገባም ።፡ ወደ ቤትዎ ይሂዱ በቀጥታ ወደ ቤት፡፡›› ይህ ተደጋገመ። ምክንያቱም ከዚያች ሰዓት ጀምሮ ከሷ መለየት የማይፈልግ ይመስላል ፤ ስትሄድ በጎን በጎኗ ቱስ ቱስ እያለ ይከተላታል ። ስትቆም ይቆምና ሽቅብ ያያታል ጭራውን እያወዛወዘ ፣ በአይኑ እየተለማመጠ ፤ ወይም ቁጢጥ ብሎ። በመጨረሻ ቆማ ቁልቁል ከተመለከተችው በኋላ በነገሩ ከት ብላ ስቃ ጎንበስ አለችና ደባበሰችው የማን ውሻ እንደሆነ የሚገልፅ ዘለበት አንገቱ ላይ ፈለገች ።ግን አልነበረውም። ምንም ምን የሌለው ውሻ ስትል አሰበች። ምን ይሻላል ? ካሜራዋን አስታወሰች ። ፎቶግራፍ ልታነሳው አሰበች ። ገና አንዴ እንዳነሳችው ፎቶ መነሳቱን ያወቀ ይመስል በተለያየ ሁኔታ ይስተካከልላት ጀመር ። መቼም በሷ አስተያየት እነዚያን ሁኔታዎች ስለወደደቻቸው ሊሆን ይችላል እንጂ ውሻው ይህን አውቆ አደረገው ለማለት ያስቸግር ይሆናል ። ለሷ ግን የሚገርም አጋጣሚ ሆኖ ታያት ።

በመጀመሪያ ሲሄዱ ሲቆሙ ቀጥሎ ፎቶ ስታነሳው ቁጢጥ ሲል ፤ ሲፈነጥዝ ፤ የቀልድ ሊናከስ ሲፈልግ ፤ ከዚያም ሄድ ስትል ከኋላዋ ቱስ ቱስ እያለ ሲከተላት በዚህ ሁኔታ ግማሽ ሰዓት አለፈ ። በዚህ ጊዜ «እሺ እንግዲህ አብረን እንሂድ» አለች ። አብረው ሄዱ። መርከቦች እቃ ወደሚጭኑበትና እሚያራግፉበት ወደብ ። እዚያም የትያትር መድረክ በመሰለው ዋቅራ ላይ ወጥታ የተለያዩ ፎቶግራፎችን አነሳች ። የጐርምጥ ማጠራቀሚያዎችን፣ የሸርጣን ማጥመጃዎችን፣ ቱሪስቶችን ፤ የሰከሩ የገና አባቶችን ፤ ጀልባዎችን ፤፣የባህር ላይ ወፎችን አነሳች። በዚህ መሀል ውሻውንም አንስታው ነበር … ሳይበዛ ። ያንለት ያሰበችውን ያህል ፤ የፈራችውን ያህል የገናን በአል ሳይከፋት ዋለች ። በተለይ ከቤቷ ከወጣች በኋላ ሁሉም ነገር ደስ የሚል ነበር ።ውሻውም ይበልጥ እየለመዳት እየተጠጋት ሄደ እንጂ ከቶም ካጠገቧ አልተለያትም ። ትንሽ እንደመድከም አላት ። በዚህ ጊዜም ካሜራዋን ወደ ማህደሩ መልሳ ቡና ለመጠጣት ወደ አንዲት ትንሽ ቁርስ ቤት ጎራ አለች ። ወደ ቡና ቤትና ትናንሽ ቁርስ ቤቶች መግባት ቀደም ብላ የተለማመደችው ነገር ሆኗል ። ይህን ያህልም ፊቷ አያሳፍራትም ። ማለትም ከባርኔጣዋ ተርፎ በዘለቀው ፀጉሯ ፊቷን ሸፈን ታደርግና የምትፈልገውን ነገር ታዛለች። ለምዳዋለች ዛሬማ የታችኛው የፊቷ ክፍል ስለተገለጠ «አመሰግናለሁ»ብላ ፈገግ ማለትም ትችላለች ። ፊቷን በመስታወት ያየችው ትዝ አላት» አዲሱን ፈገግታዋን ወዳዋለች ። ፒተር ሕክምናውን ሲጨርስ ትመስል ይሆን? ሁኔታውን ስታየው የሚያልማትን ሴት ፊት ሊያለብሳት የሚፈልግ ይመስላል ። እንዲያውም አንዴ በሀሳቤ ውስጥ የማልማትን ሴት ልሰራ እፈልጋለሁ ብሏት እንደነበር ታስታውሳለች። ሰው የሰራው ፊት ለራስ ስሜት ይጎረብጣል ። ሆኖም ይሀን ሰው የሰራውን ፈገግታዋን ወዳዋለች ።

ቡና አዘዘች ፤ ጥቁር ቡና ለራሷ ። ለውሻው ደግሞ የአሳማ ስጋ ሳንድዊች ። እመተላለፊያው ላይ በወረቀት ሳህኑ የመጣለትን ሳንዱች አስቀመጠችለት ። ያው በውሻ እበላል ፤ ያውም የራበው ውሻ !ስልጥቅ አደረገና ቀና ብሎ ያችን ገር «ዉዉ»ውን አሰማት። ‹‹አመሰግናለሁ ማለት ብቻ ነው ወይስ ሌላ ተጨማሪ ነገር አለበት» ስትል ጠየቀችው ። «ዉዉ ! » አላት ደግሞ ። ሳቀች ። አንድ ሰው መጣና ጎንበስ ብሎ ደባበስበው ። እና ‹‹ማነው ስሙ» ሲል ጠየቃት ። ‹‹እኔ እንጃ ፤ በመንገድ ላይ ተገናኝተን እሞታለሁ እንጂ ካንች አልለይም ብሎ ጥብቅ አለብኝ» ስትል መለሰችለት፡፡ «ለፖሊስ ወይም በእንስሳት ላይ የሚደረገውን ጭካኔ ማሰወገጃ ማኅበር ለሚባለው ብታስታውቂ አይከፋም» አለ ሰውየው «ጥሩ! እስካሁን ትዝ አላለኝም ነበር »

እቤቷ ከደረሰች በኋላ ለተባሉት ድርጅቶች አመለከተች ። ያን የመሰለ ውሻ ጠፋብኝ ብሎ ያመለከተ ሰው እንደሌለና ከፈለገች ውሻውን ማቆየት እንደምትችል ካልፈለገች ደግሞ ባካባቢው ወደሚገኘው የጠፉ ውሾች መጠለያ እንድትወስደው ነገሯት ።መጠለያ የሚለውን ነገር ስትሰማ ተናደደች ። ትንሹን፤ ውድ ጓደኛዋን ወደ መጠለያ! ሆሆይ! «እውን ይህ ነገር ደግ ነው?» አለች። «ዉውዉ!» ሲል መሰሰላት ።

ስቃ ታሻሻው ጀመር ። ብዙ ቀን ሲንከራተት እንደቆየና ታጥቦ እንደማያውቅ ሲገባት «ገላዎትን ቢታጠቡ ምን ይመስልዎታል?›» ስትል በፌዝ መልክ ጠየቀችው ። ምላሱንና ጭራውን ባንዴ እያወዛወዘ ተቅበጠበጠ ። አቅፋ ወደ መታጠቢያ ቤት ይዛው ሄደች። አጠበችው። በእውነቱ ይህን ማድረግ አልነበረባትም ። ምክንያቱም ውሻው ደርሶ ሰውነቱን ቢያራግፍ ወይም ቢዘል ውሀው ተሞቦራጭቆ ፊቷ ላይ ያለውን ፋሻ ቢያረጥበው የስንት ጊዜ ልፋት ብላሽ ሊሆን ይችል ነበር። በእርግጥ ተጠንቅቃ ነበር ይህን ያደረገችው።ግን… አጥባ በፎጣ አድርቃ ስትመለከተው ሌላ ውሻ ሆኖ ታያት ። አቁስጣ ሳይሆን ነጭና ቡናማ መልክ ያለው ዝንጉርጉር ሆኖ አገኘችው፡፡ ለድርጅቶቹ በትክክል እንዳላስታወቀች ቢገባትም ውሻዋን መስጠት አልፈለገችም ። ከልጅነቷ ጀምሮ ትመኛለች ። ውሻ የማግኘት እድል ግን አልነበራትም ። «ዋናው ነገር አሁን ስም ነው። ስምዎን ማን ብንል ይፈቅዳሉ?» ጭራውን እያወዛወዘ ተመለከታት ። አንድ ስም አስታወሰች ። ያን ስም ማይክል ነበረ የነገራት አንዴ በጣም የሚወደው ውሻ እንደነበረው ሲያጫውታት። «ፍሬድ የሚለው ስም ይሰማማዎታል ፤ትንሹ ወዳጃችን ? » ስትል ጠየቀችው ውሻውን።«ዉዉ!-ዉዉ! አለ። በጣም በጣም ! ማለቱ ነው ስትል ተረጎመችው ።

••••••••••••••••••

ናንሲ የተዘጋውን በር በቀስታ ከፍታ አንገቷን ብቻ ወደ ክፍሉ ውስጥ አሰግጋ ስትመለከት ፌ አሊሰን (የአእምሮ ሐኪም የሆነችው ጓደኛዋ) እሳቱ አጠገብ ተመቻችታ ተቀምጣ አየች። ፌ ናንሲን ስታይ በደስታ ፈገግታ በራች ። «ምነው ያጮልቃሎ? ምን ያሰቡት ተንኮል አለ ፤እመቤቲቱ?» አለች ፌ አሊሰን ፣ ፈገግ ብላ ። ፈገግ ያደረጋት የናንሲ አመጣጥ ብቻ ሳይሆን ናንሲ ብቻዋን ያሳለፈቻቸውን ሁለት ሳምንቶች ስታስብና ሁኔታውን ስትመለከት ብዙ ለውጥ እንዳላየች ስለገባት ነበር። «አንድ ጓደኛዬ አብሮኝ መጥቷል » አለች ናንሲ፡፡ « አትይኝም ! በሁለት ሳምንት ውስጥ ከዳሽኝና ሌላ ጓደኛ አበጀሽ ?ምናለ ብትጠብቂኝ ? ለመሆኑ እንዴት ቀናሽ ፤ በይ?»

ፌ አሊሰን ይህን ስትል ናንሲ በሩን ከፈት አደረገችው ። በዚህ ጊዜ ፍሬድ እየፈነጠዘ ወደ ክፍሉ ውስጥ ገባ ። ፍሬድ አንገቱ ላይ በተደረገለት አዲስ ቀይ ዘለበት ኩራት የተሰማው መሆኑ በግልዕ ይታወቅበታል ። ናንሲ ፍሬድን ስታጥበው ሌላ መልክ እንዳመጣ ባለፈው ምዕራፍ ተናግረን ነበር ። ይህንን መልኩን ጠቅሳ ለሚሜመለከተው አስታወቀች ቆይታ ። አሁንም የዚያ ዓይነት ውሻ ጠፋብኝ የሚል ብቅ ሳይል ቀረ ። ስለዚህም ፍሬድ የናንሲ ንብረት ሆኗል፡፡ በሷ ስም ተመዝግቧል ። ጤንነቱ ተመርምሮ « ነፃ » የሚል ምስክር ወረቀት ተሰጥቶታል። ዛሬ ፍሬድ የግሉ መኝታ የግሉ መመገቢያ ገንዳ በርከት ያሉ መጫወቻ አሻንጉሊቶች አሉት የኮራ ውሻ ነው። ናንሲ ደግሞ ትወደዋለች ። « ፌ ፤ከፍሬድ ጋር ተዋወቁ » አለች ናንሲ ውሻውን በፍቅር ዓይን እየተመለከተች ። « ድንቅ ውሻ ነው። የት አገኘሽው ልጄ ?»
«የገና ለት ማታ እመንገድ ላይ በድንገት ተገናኘን ። የጉዲፈቻ ልጅሽ ነኝ ብሎ ተጣበቀብኝ»
«አንቺም ተቀበልሽው ፤ አደል?»
«ምንም ማድረግ አይቻልም ። ስሙን ኖየል (ልደቱ) ብለው ነበር ልክ እሚመጣው ። ሆኖም ፍሬድን መረጥኩለት፡፡ ለምን ፍሬድ አልሽው ብትለኝ ማይክል ፍሬድ የሚባል ቡችላ ስለነበረው ብላት እያለች ስትጨነቅ ፌ አሊሰን ግን ያን ጥያቄ ሳታነሳው ዘግዬት አለች ስለዚህም ናንሲ «ደሞ ይህ ምን ይመስልሻል? ይህ የፎቶ ግራፎች ቅርቅብ ነው። እንድችመለከቻቸው ነው ያመጣሁልሽ»
« አረ በስላሴ ንብ ሆነሽ ነው የከረምሸው ማለትኮ ነው። እንዲህ ከሆነ አሁንም ወደ ሌላ ቦታ ዘወር ብልልሽ ሳይሻል እይቀርም»
«ፌ፤ አንድ ነገር ልለምንሽ የትም የት አትሒጂ አብረን እንድንሆን እፈልጋለሁ»

ናንሲ ይህን ስትል ፌ አሊሰን በመጠኑ ቢሰማትም ሁኔታዋን ላየው ግን ናንሲ ልትገልጸው የፈለገችውን ያህል ብቸኝነቱ እንዳልተሰማትም ግልፅ ሆኖ ገብቷታል ። «ደሞ ሌላ ነገር…» አለች ናንሲ በኩራት።
«ምን?»
«ደሞ ሌላ ነገር የድምፅ አወጣጥ ልምምድ ለማድረግ ይህ ሙያ ካለው ሰው ወር ተዋውዬ ጨርሻለሁ» ፌ አሊሰን በአድናቆት ተመለከተቻት።

ይቀጥላል...

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_አምስት
፡
፡
#ድርሰት_ሚሲስ_ሔንሪ_ውድ


ስኞ ማታ ሪቻርድ ሔደና ከቦል ጋር ተግናኘ " ታሪኩን ከሥሩ ዝርዝር አድርጐ አጫወተው።

የምትለውን ሁሉ አምናለሁ .. ሚስተር ሪቻርድ ቶርንን በሚመለከት
ግን ሰር ፍራንሲዝ ሌቪሰን ነው ብሎ መቀበል በጣም ያስቸግራል »

“እኔ በተናገርኩት ብቻ ሳይሆን ሌሎችንም በመጠየቅ ማረጋገጥ ትችላለህ ፍቃደኝነታቸውን እጠራጠራለሁ እንጂ ኦትዌይ ቤቴልም ሊመስክር ይችላል ኧበንዘር ጄምስም ሊመሰክር ይችላል።"

አሱም በዚያን ዘመን ቶርንን ያውቀው ነበር ። ዛሬ ደግሞ ሌቪሰን ሲባል አስተውሎ አይቶታል አለው ሪቻርድ "

ደኅና ... እንግዲያው መጀመሪያ ስለ ሰውዬው ማንነት ላረጋግጥና ከዚያ
በኋላ እቀጥላለሁ በርግጥ ልቪዞን የወጣለት ወሮበላ ነው እንደ ሊቪስንነቱ እንኳ። ይህ ሲጨመርማ እስኪ ለማንኛውም ኧበንዘር ጀምስን ጠይቄ የሚለውን ልስማ

እኔ ከዚህ እያለሁ ? ኧረ እንዳያየኝ እባክህ ካየኝ አለቀልኝ ማለት ነው...
ሚስተር ቦል „

“ ሌላ የእንግዳ መቀያ ክፍል ኮ አለን ... ሪቻርድ '

ኧበንዘር ጀሞዝ መጠራቱን እንደ ሰማ ወዲያው ደረሰና “በአስቸኳይ የሚጻፍ
ነገር አለ እንዴ ? ” አለው ሚስተር ቦልን ”

“ኧረ የለም የጠራሁህ አንድ ሁለት ጥያቄዎች እንድትመልስልኝ ብዬ ነው
ሰር ፍራንሲዝ ሌቪዞን በሌላ ስም ሲጠራ ታውቅ ነበር? ሚስተር ኧበንዘር

አዎን ባንድ ወቅት ቶርን ተብሎ ሲጠራ ዐውቅ ነበር

"ወቅቱ መቼ ነበር ? "

ሆሊጆን በተገደለበት ዘመን ነው " ሁላችንም በተመሳሳይ ምክንያት በዚው አካባቢ ስንመላለስ እሱም አፊ ሆሊጆንን በወዳጅነት ይዟት ስለ ነበር ማታ ማታ ከዚያ ቤት ጠፍቶ አያውቅም "

“ እኔ እሱን ዌስት ሊን መኖሩን አላስታውስም " የት ይኖር ነበር ?

የለም ዌስት ሊን ውስጥ አልተቀመጠም ጭልምልም ሲል ማለፊያ ፈረስ እየጋለበ ይመጣና ከአፊ ጋር ሲጫወት አምሽቶ አየጋለበ ይመለስ ነበር ።

ወዴት ነበር የሚመለሰው ? የሚመጣውስ ከየት ነበር ?”

“ ከስዌንስን አካባቢ ነበር ሁልጊዜ በደንብ ለብሶና ደማቅ ላባውን ከባርኔጣው ሰክቶ ይመጣ ነበር " እንግዲህ ይመጣ የነበረው ከሌቪሰን ፓርክ ሳይሆን
አይቀርም ያጎቱ ቤት በስዌንሰን በኩል ስለሆነ " ከዚያ መምጣቱ ምንም ሊያጠራጥር አይችልም።

“ጀምስ... ሰር ፍራንሲዝ ሌቪሰን አንተ የምታውቀው ቶርን ስለ መሆኑ
የምትጠረጥርበት ነገር የለህም ?”

«ጌታዬ ... እርስዎ ሚስተር ቦል መሆንዎ ወይም እኔ ኧበንዘር ጄምስ
መሆኔ ያጠራጥራል ?
ሌቪሰንም የዚያን ጊዜው ቶርን ለመሆኑ የዚህን ያህል ነው እርግጠኝነቴ "

“ ይህን ነገር ከፍርድ ችሎት ቀርበህ በመሐላ ልታረጋግጥ ትችላለሀ ?

“ እኔ ነገም ቢሆን በማንኛውም ፍርድ ቤት ለመመስከር ዝግጁ ነኝ "

“ በል ሒድ I ስለዚህ ጉዳይ መነጋገራችንን ለማንም እንዳትናገር

ሚስተር ቦል የሪቻርድ ሔርን ቃል እየተቀበለ ሁለቱም እስከ ዕኩስ ሌሊት
ተቀመጡ “ ሚስተር ካርላይልም በነገሩ ላለመግባት የፈለገው በሌቪሰን ጉዳይ መነካካቱን ስለ ጠላው ነው። አይመስልህም..."ሚስተር ቦል?” አለው ሪቻርድ "

ጠበቃው ከንፈሩን አጣመመ “ አስቸጋሪ ነገር ነው " ሚስተር ካርልያል
ጥንቃቄውን ያበዛው የለ ? እኔ ብሆን አለቀውም ነበር " ዳሩ ምን ይሆናል " እኔና
ካርላይል የተለያየን ነን ”

በበነጋው ማክሰኞ ቀን የኧበንዘር ጄምስን ቃል መልክ አስይዞ ጽፎ እንዳበቃ ወደ አመሻሽ ላይ ሌቪሰን ፓርክ ሔዶ አንዳንድ ነገሮችን አጠናቅሮ ተመለሰ "

ሬቻርድ ሔር አድራሻውን ለእኅቱና ለአማቹ ሰጥቶ ወደ ሊቨርፑል ተመልሶ ሔደ።

ሮብ ጧት የማውንት እስቨርን ኧርል ተመልሶ መጣ " ልጁ ሎርድ ቬንም አብሮት ነበር » በዚያ ሰዓት ልጁ ወደ ትምህርት ቤቱ ወደ ኢተን መመለስ ነበረበት ነገር ግን ' የምርጫውን መጨረሻ ለማየት እንዲፈቅዱለት አባቱን አጥብቆ ለመነው"
“ከሁሉ ከሁሉ” አለው ቀስ ብሎ አባቱን “ያ ዲያብሎስ መሸነፉን ሲያውቅ እንዴት እንዶሚበሳጭና እንደሚያፍር ለማየት እፈልጋሁ።አባትየው የልጁን
ነገር በጣም ያከብር ስለ ነበር እሺ አለው ሌቱን ተጉዘው በቁርስ ሰዓት አካባቢ ደረሱ " በኋላም ከሚስተር ካርላይል ጋር ሆነው ወደ ዌስት ሊን ሔዱ

ዌስት ሊን ተሟሟቀች ደመቅ ደመቅ አለች " ምርጫው የሚካሔደው በዚያው ሳምንት ውስጥ ነው " ሰዎች በየግላቸውም ሆነ በኅብረት ስለ ምርጫው ሽር ጉድ ማለትን ሙያ ብለው ያዙት " የሚስተር ካርሳይል ኮሚቴ በክስሔድ ላይ ተቀመጠ " ዲያና ወዲህ ያለ የሚጐርፈው ሕዝብ ከብዛቱ የተነሣ የሚረግጠውን
ድንጋይ ማጐድጐድ የሚችል ነበር " ዳኞቹም የፍርድ ሥራቸውን ትተው ሐሳባቸውን ሁሉ ወደ ምርጫው ጉዳይ መለሱ ዘ የፍርድ ሥራቸን ቸለል ብለው ወይን ጠጅና ቀይ ጥብጣቦች በተስቀሉባቸው በበክስ ሔድ መስኮቶች እየዘለቁ ለሕዝቡ
በመታየት ትኩረታቸውን ሁሉ ከምርጫው ላይ አደረጉ "

ሚስተር ካርይል ከቢሮው ገብቶ ደብዳቤዎችን እየከፈተና አስፈላጊውን
ትእዛዝ ያሰፈረባቸው ካጠናቀቀ በኋላ ሚስተር ዲልን ጠራው ደብቤዎችን
በእጅ ሰጥቶትና አንዳንድ አስቸኳይ ትአዛዞችን ነግሮት ተነሣ "

«ትቸኩላለህ እንዴ አርኪባልድ?” አለው ሚስተር ዲል »
“ሰዎች በክስ ሔድ ይጠብቁኛል ምነው ?”

“ እኔስ ትናንት አንድ አስገራሚ ነገር አጋጥሞኝ ስለ ነበር ልነግርህ ብዬ ነው! ኦትዌይ ቤቴልና ሌቪሰን ሲጨቃጨቁ ሰማኋቸው "

“ እውነትህን ነው ?” አለው ከጠረጴዛው መሳቢያ አንድ ነገር እየፈለገ "

“በል እኔ እንግዲህ እንደዚህ ያለውን ነገር ባልሰማው እመርጣለሁ " ምናልባት የሰማኸው ነገር ለሪቻርድ ይጠቅመዋል የምትል ከሆነ ጉዳዩን ሚስተር ቦል
ሊከታተለው እያሰበ ስለሆነ ለሱ..ገባህ ለሚስተር ቦል ንገረው : '

ሚስተር ዲል ለጸሐፊዎቹ አለቃ አንዳንድ ትእዛዝ ከሰጠ በኋላ ወደ ቦልና
ትፊድማን ሔዶ ከሚስተር ቦል ጋር ለአንድ ሙሉ ሰዓት ዘግተው ተነጋገሩ ።

በዚያን ዕለት ዳኞቹ እስከ ዘጠኝ ሰዓት ድረስ አልተሠየሙም ለዚያውም
ቢሆን ሔርበርትና ስፒነር ብቻ ስለ ነበሩ ከመሠየም አይቈጠርም" የሆነ ሆኖም
ሰዓት ባለማከበራቸው የሕሊና ወቀሳ እንደ ተሰማቸው ከፊታቸው እየታወቀባቸው ተከታትለው ገቡ።

ያን ጊዜ ሁለት ዐበይት ጉዳዮችን ብቻ ወሰኑ" ሁለቱም ዌስት ሊን ላይ ይካ
ፈሔድ ከነበረው ምርጫ የተፈጠሩ ነበሩ ። አንደኛው ጉዳይ አንዲት የብጫና ሁለተኛይቱ የቀይ ወይን ጠጅ ደጋፊዎች የሆኑ ሁለት ሴቶች ስለ ተወዳዳሪዎቹ ጥሩነት ሲከራከሩ በብረት ድስት የተደባቡ ነበሩ ሁለተኛው ጉዳይ ደግሞ ጥቂት ልጆች የሰር ፍራንሲዝ ሌቪሰንን ምስል በገለባ ሠርተው ከተማውን ከዞሩ በኋላ ከአንድ ሣር ከነበረበት ቦታ ወስደው ሲያቃጥሉት ፡ የሌሎች ንብረት የሆነ መጠነኛ ሣርና አዝመራ ስለ አጠፉ ተከሰው ቀረቡ » የአንዳንድ ሳምንት እስራት ልጆቹን በየግላቸው እንዲገረፉ ብለው አሰናበቷቸው ።

የመጨረሻውን ጉዳይ ወስነው እንዳበቁ ሚስተር ቦል እየተንደረደረ ገባና
ዳኞቹ አንድ ጉዳይ በዝግ ስብሰባ እንዲያዩለት ለመነ ዳኞቹም የጠበቃው አቀራረብ' “ ጉዳዩ ምን ቢሆን ነው? የሚል ጕጕት ስለ አደረባቸው እርስ በርሳቸው ተያዩና ከተመካከሩ በኋላ ጥያቄውን ተቀብለው ሊያዩለት ገቡ" ጉዳዩን እስከ አሥር ሰዓት ተኩል ሲመለክቱ ቆዩ ሲወጡ" የጠበቃው ቦል ማመልከቻ ያደናገራቸውና ያስደነገጣቸው ይመስል እነዚያ የተከበሩ ዳኞች በፊታቸው ላይ ፍራትና መቀጨም ይታይባቸው ነበር "

ዛሬ ከሰዓት በኋላ ኮ ነው ዶክተር ማርቲንን ካባባ ቢሮ የምንገናኘው አለ ዊልያም ካርላይል የዚያኑ ዕለት በምሳ ሰዓት " ከዚያም ቀጠል አድርጎ ለመሆኑ ማዳም ቬን ... በእግራችን ነው የምንሔደው ?” ብሎ ጠየቃት "

"አላወቅሁም ዊልያም... ሚስዝ ካርላይል ናቸው የሚወስዱህ "

" የለም እሷ አይደለችም ምትወስጂኝ አንቺ ነሽ - እማማ ዛሬ ጧት ነግራኛለች ? አላት "

የነሱ ውይይት በሚዝ ካርላይል ድንገተኛ መምጣት ተቋረጠ “ ማዳም ቬን ለዘጠኝ ሰዓት ተዘጋጁና ከዊልያም ጋር ትሔጃለሽ » እኔ እወስደዋለሁ ብዬ ነበር "
ነገር ግን ከሩቅ አገር የሚመጡ አንግዶች ስለ አሎብኝ ልቀር ነው አለቻት።ፀ

ዊልያም በአጭር ፈረስ
ተቀምጦ ፈረሱን መልሶ ለማምጣት ሲባል የተከተለው ባልደራስ እየጠበቀው ወደ ዌስት ሊን ሔዱ ሲመለስ ግን ፈረስ አያስፈልገውም
አሁንም በእግሯ ከተhተለችው ከማዳም ቬን ጋር አዝግሞ እንዲመለስ ተባለ።

ከቢሮ ሲደርሱ ሚስተር ካርላይል አልገባም " ልጁ ማዳም ቬንን ከኋላ ትቷት
ሰተት ብሎ በድፍረት ወደ ልዩ ጽሕፈት ቤት ጥልቅ አለ ሚስተር ዲልም ተከትሎ ገባ።

“ሚስተር ዊልያም ... ስለ ክስ ጕዳዮች መመሪያ ልትሰጠን መጥተህ ነው?”
አለውና እየሳቀ “ተቀመጭ እመቤቴ ” አለ ወደ ማዳም ቬን ምልስ ብሎ "

“ዶክተር ማርቲንን ለመጠበቅ ነው የመጣሁት እኔን ለማየት እዚህ ድረስ
ይመጣል እኔ የምለው ሚስተር ዲል አባባ የት ነው?

"አረ እንጃ ልጄ!" አለ ሚሰተር ዲል "ግኖ ዶክተር ማርቲን ምን ያደርግልሃል ፊትህ እንደዚህ ጽጌሬዳ መስሎ የለመለመው በጎ ስለሆንክ መሆን አለበት።

ምነው በጎ በሆንኩና ያንን አስቀያሚ ያሣ ዘይት ከመጠጣት ባረፍኩ
አለ ልጁ “ እማማ አብራኝ ልትመጣ ነበር አልመቻት አለና ቀረች »

“እናትህ ደህና ናት ዊልያም ? ”

“በጣም ደኅና ናት " በፖሊስ ጣቢያው በኩል የሚሰማው ጮኸት ምንድነው?
ፌረሴን ኮ አስደነበረብኝ »

አንድ ብጫ ነገር ሲረጋግጡ አየሁዋቸው "
“ አዬ ምርጫው እስኪያበቃ ሰላም አይኖርም ” አለ ሚስተር ዲል “ ወዲያው ቶሎ ባለቀና ሰውየው ከከተማ በወጣልን ”

“ ያንን ሌቪሰንን ማለትህ ነው ? " አለው ዊልያም ሲነገር የሰማውን ይዞ

“ አዎ ከሁሉ የሚገርመው ኮ ምን አሳብዶት እዚህ እንደ መጣ ነው” አለ ለአድማጮች ሳይሆን ለራሱ የሚናገር መስሎ።

“ መቸም ከአባባ ጋር ተወዳድሮ ለማሸነፍ ተስፋ ማድረግማ የለበትም "

“ እሱ ከማንም ጥሩ ሰው ጋር ተወዳድሮ ማሸነፍ አይችልም ” አለ ዲል "

አንድ ጸሐፊ መጥቶ አንድ እንግዳ አስገባ ጸሐፊው ሚስተር ካርላይል ያለ መስሎት ኖሯል እንግዳው ማዳም ቬንን ሲያይ ከቆየ በኋላ ሚስተር ዲል ወደራሱ ቢሮ ወሰደው የግል እንግዳ ሳይሆን ባለጉዳዩ ነበር እሷ እንደ ወትሮዋ ጥቁር ሐር ለብሳ ነበር " ቀሚሷ ከተራ እስከ ከፍተኛ ጌጠኛ ስፌት ቢለያዩም ሁሉም ከጥቁር
ሐር የተስፉ ነበሩ አረንጓዴ መነጽር ተሠርቶ መጥቶ ተደርጓል ያንግት ልብስ ተደርቧል ዐይነ ርግብ ታስሯል እንደዚ ሁና ሰውየው ሲያያት ጊዜ ከዚያ ቦታ መገኘቷን ጠላችው። አዳዲስ ሰዎች አትኩረው ሲያዩአት አትወድም ነበር።

ወዲያው ሚስተር ካርላይል መጣ " ማዳም ቬንና ዊልያምን ወደ ኮርኒሊያ ቤት ሰደዳቸው " ኮርኒሊያ አልነበረችም " እንደ ሠራተኛው አባባል እስከ ራት ስዓት
አትመለስም " ዊልያም ከአንድ ሶፋ ተመቻችቶ ተጋደመና እንቅልፍ ይዞት ሔደ።

"ቤቱ ጸጥ ማለቱ ጊዜው አለመግፋቱ ለሳቤላ ከበዳት ቢሆንም ጸጥታውን እያዳመጠች መንገደኞቹን በመጋረጃው እየተመለከተች : እንዲሁም የልጇን
የገረጣ ፊት አየት አያደረገች ስትጠብቅ ዐሥራ አንድ ሰዓት ሆነ "

ሚስተር ካርላይል መጣ " “ ዶክተር ማርቲን ዘገዩ " አሁንማ አንቺም በሽተኛውም ደከችሁ ማዳም ቬን ” አላትና ወደ ልጁ እየተመለከ' ' እንዴት ገረጣ ልጄ ! ደግሞ ብዙ ይተኛል ጥሩ ነው ?”

“ እኔ ሚስዝ ካርላይል ይዘውት የሚመጡ መስሎኝ ነበር ” አለችው ማዳም ቬን እሱ ለጠየቃት የምትመልሰው ስታጣ ጊዜ "

ሚስዝ ካርላይል እንግዶች ይመጡባታል » ያም ባይሆን በዚህ ሁለት ቀን ጤንነት ስለ አልተሰማት ልሒድ ብትለም በሕመሟ ላይ ድካም እንድትጮምር
አልፈቅድላትም ነበር " " የንግግሩ በትር ተሰማት " ጓሮ ድካም እንዳይነካት ይጨነቅላት የነበረሙ ለሷ ነበር ዛሬ የሱ መሆን አይገኝም " ልክ እንደ ዘመኑ እንደማይመለስ ሆኖ ዐልፋል "

ታዲያስ ” አለ ራስ መላጣው ደቃቃ ሐኪም ደረሰና „ “ ወጣቱ በሽተኞዬ
አሁን እንዴት ነው ? አለና ማዳም ቬንን በፈረንሳይኛ “ዶህና ዋልሽ ? አላት" እሷም አጸፋውን መለሰችለት ሰው ሁሉ በፈረንሣይኛ ሲያነጋግራት ላለመታወቅ
ለመጠርጠር እንደሚረዳት ስለምታምን ደስ ይላታል "

የዓሳ ዘይቱስ እንዴት ነው ? " አለው ዊልያምን ወደ ብርሃኑ በማቅረብI
• ከበፊቱ ዛሬ በጣም የተሻለ ነው
. . . አይደለም ?

" የለም " አለው ዊልያም “ ከምንጊዜም የከፋ ነው . .

ዶክተር ማርቴን ልጁን ተመለከተ የልቡን አመታት አየ » አተነፋፈሱንንም አዳመጠ " ቆዳን አስተመሎ “በል ቀና በልና ተቀመጥ እንቅልፍ ይበቃል” አለው "

“ እኔስ የምጠጣው ነገር ባገኘሁ በጣም ጠምቶኛል ! ልደውልና ውሃ ልጠይቅ አባባ ?

ወተት ይስጡህ ' ውሃ አይሆንም “ አለ ዶክተሩ"

ዊልያም ተነሥቶ ሔደ ሚስተር ካርላይል ከመስኮቱ አጠገብ ተደግፎ ዶክተር ማርቲን ከመስኮቱ ፊት ለፊት ክንዶቹን አጥፎ ሳቤላ ከሐኪሙ አጠገብ ሁና ቁመዋል ደማቁ ብርሃን በሁሎም ላይ ዐርፋል የሳቤላን ፊት ግን ወፍራሙ
ወይነ ርግብ ከብርኑ ከልሎታል "

“ሁኔታው እንዴት ይመስልሃል . . . ዶክተር ? ምንም ማለባበስ አያስፈልግም ገልጸህ ንገረኝ።

እውነት ኮ ሁልጊዜ ደስ አያሰኝም ... ሚስተር ካርላይል

“ እውነት ነው " ስለዚህ ግልጽ አድርጎ መንገሩ አስፈላጊ ነው " የመጨረሻውን መጥፎ ነገር ልወቀው እናቱ ትደነግጣለች እንዳይባል እንደምታውቀው
ልጁ እናት የለውም "

እኔ መቸም የመጨረሻው ጽዋ አይቀርለትም ብዬ እሠጋለሁ "

“ ሞት ?

“ አዎን " አየህ የዚህ በሽታ ዘሮች አብረውት የተፈጠሩ ሳይሆኑ አይቀሩም
በግልጽ ይታያሉ "

ሚስተር ካርላይል ስሜቱን መቆጣጠር በመቻሉ በገጽታው አልታየበትም "
የልጆቹ ነገር ጭንቁ መሆኑ ይታወቃል " ዐይኖቹን ክድን አድርጎ ጸጥ ብሎ ቆየና
ከጥቂት ደቂቃ በኋላ በክፍሉ ሰፍኖ የነበረው ዝምታ አፈረሰው።

“ ይህ የሳንባ በሽታ እንዴት ሊመጣበት ቻለ ? በኔ በኰልም ሆነ በናቱ በዘሩ
የለበትም "

ይቅርታ አድርግልኝ ” አለ ዶክተሩ የናቱ እናት የማውንት እስቨርን ካውንትስ እኮ በሳንባ በሽታ ነበር የሞቱት "
“ እነሱ ታዲያ መቸ የሳንባ በሽታ ነው አሉ ? ” አለ ሚስተር ካርላይል "

“ እነሱ ያሉትን ቢሉት ግድ የለኝም " ግን የሳንባ በሽታ ነበር ቀስ አድርጎ
እያለስለስ እያዘገመ ነው ሳንባቸውን ጨርሶ የገደላቸው " በዚህ እርግጠኛ ነኝ '' አሁን ልጁ ምንም ተስፋ የለውም ?”

ዶክተር ማርቲን ቀና ብሎ ተመለከተው “ሐቁን እንድነግርህ አዝዘኸኛል ''

“ ሐቁን ብቻ " ሌላ ምንም አልፈልግም ” አለ ሚስተር ካርላይል ትእዛዝና ጭንቀት በተቀላቀለበት ድምፅ

“ እንግዲያውስ ሳንባዎቹ በጣም ተበክለዋል እንግዲህ ምንም ቢደረግ
ተስፋ የለውም "

ምን ያህል ይቆይ ይመስልሃል ?

“ ይህን ለመናገር አልችልም " ብዙ ሊቆይ ወይም በቅርቡ ሊሞት ይችላል
እንግዲህ ተማር እያላችሁ አታስቸግሩት ምንም አያደርግለትም” አለና ዶክተር ወደ መምህሪቱ
ተመለከተ ትእዛዙን እሷንም
ይመለከት ስለ ነበር በቁሟ የምትወድቅ መሰለውና ደነገጠ " ፊቷ ጭው ብሎ መንጣቱን በዐይነ ርግቧ ላይ ታየው "

"አመመሽ እንዴ ማዳም በጣም አመመሽ ” አላት በእንግሊዝኛና በፈረንይኛ እየቀላቀለ "

ለመናገር ከንፈሮቿን ለመግለጥ ብትሞክር እየተንቀጠቀጡ ለመታዘዝ አቃታት ዶክተር ማርቲን እንዳይሰበርባት በመፍራት መነጽሯን ከዐይኖቿ አፈፍ
አድርጎ አነሣው " ወዲያው በአንድ እጅዋ መነጽሯን ለቀም አደረገችና አጠገቧ
ከነበሪው ወንበር በመቀመጥ በሌላው እጅዋ ፊቷን ጋረደች "

ሚስተር ካርይል የሷንና የሐኪሙን ግብግብ መግጠም እምብዛም አላስተዋለውም " ወደሷ ቀረብ ብሎ " አመመሽ ማዳም? አላት መነፅሯን በአይነ ርግቧ ውስጥ አደረገች " አሁንም ፊቷ
ንጣቱን እየጨመረ ሔደ እባካችሁ ለኔ ብላችሁ ጨወታችሁን አታቋርጡ - ሁለታችሁንም አመሰግናለሁ " አንዳንድ ጊዜ እንዴዚህ የሚያደርግ ሕመም አለብኝ" ለጊዜው በጣም የታመምኩ ያስመስለኛል"
ግን ለክፉ አይሰጥም ቶሎ ይለቃል » ለምሳሌ አሁን ለቆኛል " ደህና ሁኛለሁ

ይhተር ማርቲንና ሚስተር ካርላይል ውይይታቸውን ቀጠሉ "

“ እና ምን እናድርግለት ? አለ ሚስተር ካርላይል „

የፈለጋችሁትን ወይም ልጁ የፈለገውን ማድረግ ትችላላችሁ " ምንም ልዬነት አያመጣም " ይጫወት ይረፍ ፈረስ ይጋልብ በግሩ ይሒድ ይጠጣ

“ ዶክተር! እንዲያው የመጨረሻ ተስፋም እንዶሌለው ነው የምታየው
እንደማወቀው ነው የምናገር " ትክክለኛ አስተያየቴን እንድሰጥ አጥብቀህ ጠይቀኸኛል I ተናገርኩ "

“ እንዲያው ሞቃት አየር ምን ይመስልሃል ?”

“ ምናልባት ዕድውን በጥቂት ሳምንት ይጨምርለት ይሆናል » ለዚሁስ ቢሆን ማን ይወስደዋል ? አንተ መሔድ አትችል ! እሱ እናት የለው እኔ አልመክርህም ይቅርበት ሚስዝ ካርላይልሳ እንደምናት ?”

“ደህና ናት እንደምታወቀው አሁን አሁን በጣም ጤንነት አይሰማትም ”

ዶክተር ማርቲን እንደ መሣቅ አለና ' “እንደዚህ ያሉ ስሜቶች ዐልፎ ዐልፎ
መሰማታቸው አይቀርም " ሚስዝ ካርላይል ሰውነተ ጠንካራ ናት " በጥንካሬ እሷ
በጣም ትበልጣለች ! ማለቴ ከ...ከ..”

' ከምን ? ” አለ ሚስተር ካርላይል ለምን እንዳመነታ እየገረመው »

“ ይቅርታ አድርግልኝ " ነገሩን አንድ ጊዜ ከጀመርኩት ልጨርሰው እንጂ አስቤው አይደለም የተናርኩት " ከእመቤት ሳቤላ እሷ ትጠነክራለች አሁን እንግዲህ ያሥራ ሁለት ሰዓቱ ባቡር ሳያመልጠኝ መሔድ አለብኝ » ”

ዊልያምን ለመጠየቅ አንዳንድ ጊዜ ወደ ኢስት ሊን ትዘልቃለህ ?”

“ ከፈለግህ እሺ " ምናልባትም እርካታ ሊሰጠው ይችል ይሆናል ደኅና ጐኚ ማዳም
”አላት በፈረንሳዊኛ
ዶክተር ማርቲን ከሚስተር ካርላይል ጋር ሲወጣ እጅ ነሣችው :

“...ይህች ፈረንዊት አስተማሪ ልጁን ምን ያህል ብትወደው ነው ?”አለው
ዶክተሩ በሹክሹክታ “ እኔማ ልብ ብዬ የተገነዘብኳት ወደ ሌንበራ ይዛው የመጣች
ዕለት ነበረ " አሁን ደግሞ እንዴት እንዳደሪጋት አይተሃታል ይህ ሁሉ ጭንቀት እኔ ልጁ እንደማይተርፍ በመናገሬ ነው " በል ደህና ሁን ”

ሚስተር ካርላይል እጁን ግጥም አድርጎ ያዘው “ ዶክተር ብታድንልኝ ምን ያህል ደስ ባለኝ ነበር ! " አለው "

“ አዬ ሚስተር ካርላይል እኛ ሥጋ ለባሾች ምስኪን ሐኪሞች ታላቁ ሐኪም ብቻ ሊፈጽመው የሚችለውን ተአምር መሥራት ብንችል ፈሊያጊያችን ምን ያህል
በበዛ ነበር ? በጥቁሩ ዳመና ውስጥም ስውር ትኩረት መኖሩን አስታውስ አትርሳ በል ደህና ሁን መንድሜ....

💫ይቀጥላል💫

#ጠላፊዎቹ
፡
፡
#ክፍል_ሀያ_ሁለት
፡
፡
#በኬንፎሌት
፡
፡
#ትርጉም_በወንዳየሁ_ንጉሴ

‹‹አይሮፕላኑን ባህሩ ላይ እንድጥለው ትፈልጋለህ?››
‹‹እንደዚያማ ማድረግ አትችልምº እኔ አይሮፕላኑ ውስጥ አለሁ
ፓይለቱ እዚያ ቦታ ላይ በድንገት እንዲያርፍ የሚያስገድደው አንድ ችግር ፍጠር›› አለው በሚገባ በተከረከመ ጥፍሩ ፖስት ካርዱ ላይ ያለውን ቦታ እያመለከተው፡፡
የበረራ መሃንዲሱ ፓይለቱ በድንገት አይሮፕላኑን ለማሳረፍ የሚያስገድደው ችግር መፍጠር አያቅተውም፡፡ ነገር ግን አይሮፕላኑን የሚያሳርፍ ችግር መፍጠር ለጊዜው ኤዲ አልከሰትልህ አለው፡፡

‹‹ቀላል እንዳልሆነ ይገባኛል፤ ነገር ግን የማይሆን ነገር ግን አይደለም
እኔም ይህን ማድረግ እንደሚቻል አረጋግጫለሁ››
‹‹ማነው ይህን የነገረህ? እናንተስ እነማን ናችሁ? አለ ኤዲ ንዴቱ ተቀስቅሶ፡

‹‹ትዕዛዝ መፈጸም እንጂ መጠየቅ አትችልም›› አለው ሉተር::

ኤዲ መጀመሪያ ሉተርን ሊያስፈራራው ሞከረ፣ አሁን ግን አቅመ ቢስ ሆኗል፡ አሁን በፍርሃት መሸበብ የእሱ ተራ ሆኗል፡ ሉተር ይህን ጉዳይ በሚገባ ያቀደ የወሮበላ ቡድን አባል ነው፡፡ ኤዲን ለእኩይ ተግባራቸው
በመሳሪያነት ሊጠቀሙበት ነው የመረጡት፡ ውጥናቸውን ዳር ለማድረስ
ደግሞ ካሮል አንን እመዳፋቸው ስር አውለዋታል፡

ኤዲ ፖስት ካርዱን ኪሱ ከተተና ትተባበራለህ ወይስ አትተባበርም?›› ሲል ሉተር በጉጉት ጠየቀ፡፡

ኤዲ ዞር አለና አፈጠጠበት፡ ከዚያም መልስ ሳይሰጥ መንገዱን ቀጠለ፡

ኤዲ በጠላቶቹ ፊት ፈርጠም ያለ ባህሪ ለማሳየት ቢሞክርም እውነታው ግን እንዳንበረከኩት ነው የሚያሳየው እነዚህ ወሮበሎች ለምንድነው ይህን ማድረግ የፈለጉት? ባንድ ወቅት ጀርመኖች ቦይንግ 314 አይሮፕላንን
ሰርቀው ዲዛይኑን ኮፒ ለማድረግ ፈልገው እንደነበር ያውቃል፡ አሁን ይህን ማድረግ ቢፈልጉ አይሮፕላኑን ሜይን ስቴት ውስጥ ሳይሆን አውሮፓ
ውስጥም ሰርቀው መውሰድ የሚያግዳቸው ነገር የለም፡፡

አይሮፕላኑን በሚፈልጉበት ቦታ ላይ እንዲወርድ ለማድረግ ማሰባቸው
ቦታው ላይ የሚጠብቅ ጀልባ እንዳላቸው ይጠቁማል፡ ‹ግን ለምን?› ሉተር ሻንጣ ሙሉ ሃሺሽ፣ ባዙቃ፣ ኮሚኒስት አብዮተኛ ወይስ የናዚ ሰላይ ነው
ወደ አሜሪካ ማስገባት የፈለገው? እነ ሉተር እዚህ ችግር ውስጥ ለመግባት
የወሰኑት መቼም ሊያስገቡት ያሰቡት ሰው ወይም ነገር በጣም ጠቃሚ
ስለሆነ ነው፡፡

ኤዲ ከሌሎቹ የስራ ባልደረቦቹ ይልቅ እሱን የመረጡበት ምክንያት
አሁን ገብቶታል፡አይሮፕላኑን አንድ ቦታ በድንገት እንዲያርፍ ከተፈለገ
ይህን ማድረግ የሚችለው የበረራ መሀንዲሱ ነው፡፡ ናቪጌተሩ ምንም ማድረግ አይችልም የሬዲዮ ኦፕሬተሩም እንዲሁ፤ ፓይለቱ ደግሞ የረዳት
ፓይለቱ ድጋፍ ያስፈልገዋል፡ የበረራ መሀንዲሱ ግን ብቻውን
የአይሮፕላኑን ሞተር ቀጥ ሊያደርገው ይችላል፡፡

ሉተር የፓን አሜሪካንን አየር መንገድ መሀንዲሶች ስም ዝርዝር ሳያገኝ አልቀረም፡ ስም ዝርዝሩንም ማግኘት ከባድ አይደለም:፡ የአየር መንገዱን መረጃ ለማየት አንድ ምሽት ላይ አንዱ የሉተር ጓደኛ የአየር መንገዱን ቢሮ ሰብሮም ቢሆን ሊያገኘው ይችላል ወይም አንዷን ጸሐፊ በጉቦ መደለል ነው፡፡ ለምን ግን ኤዲን መረጡ? ሉተር በዚህ ቀን የሚበረው የበረራ
መሃንዲስ ስም እጁ ገብቷል ከዚያም ኤዲ ለዚህ ሰይጣናዊ ተግባር
እንዲሆን ለማድረግ ሲያስብ አንድ መላ ያገኛል፤ ሚስቱን ማገት፡፡
እነዚህን ወንበዴዎች መርዳት ለኤዲ ልብ የሚሰብር ጉዳይ ሆኖበታል፡
ወንበዴዎች እጣ ክፍሎቹ አይደሉም፡ ሰርተው ከማግኘት ይልቅ ሌት ተቀን
ከሚለፉ ሰዎች አፍ እየነጠቁና እያጭበረበሩ ተንደላቀው ይኖራሉ፡ ህግ
አክባሪ ሰዎች የዕለት እንጀራ ለማግኘት ጀርባቸው ሲጎብጥ ይውላል፡ እነዚህ
ማፊያዎች ግን ለፍቶ አዳሪዎች ላይ ሽጉጥ እየደገኑ፣ ለፍተው ያገኙትን
ተሽከርካሪዎች ያሽከረክራሉ፡፡ እነዚህን ወንጀለኞች በኤሌክትሪክ ወንበር ላይ ጠፍሮ በኮረንቲ እያንጨረጨሩ መግደል ነው የሚያዋጣው፡፡

ቶም ሉተርን ማሞኘት ቀላል አይደለም፡፡ ሚስቱን ካሮል አንን አግቷታል። ሉተር ያቀደውን ትልም ኤዲ ለማደናቀፍ ሞከረ ማለት በሚስቱ አንገት ላይ የታሰረውን ገመድ ሸምቀቆ አጠበቀ ማለት ነው፡፡ ሊያታልላቸው
ወይም ሊታገላቸው አይችልም፤ ያሉትን ከመፈጸም ውጭ፡

ሆዱን እንደጨነቀው ከወደቡ ወጥቶ በመንደሩ ያለችውን ብቸኛ መንገድ አቋርጦ ወደ አንድ ሆቴል ሄደ፡ ሆቴሉ እንዳለ የተያዘው በፓን አሜሪካን አየር መንገድ ሰራተኞች ነው ማለት ይቻላል፡፡ እዚያም ካፒቴን ቤከርና ረዳቱ ጆኒ ዶት ከፓን አሜሪካ የፎየንስ ጣቢያ ኃላፊ ጋር የራዲዮ
መልእክቶችን እየገመገሙ የአትላንቲክ አቋራጭን በረራ ስለማድረግና አለማድረግ ላይ ውሳኔ ለማሳለፍ ጉባኤ በተቀመጡበት ክፍል ኤዲ ገብቶ ተሰየመ፡

በአይሮፕላን በረራ ሳይንስ ቁልፍ ጉዳይ የነፋሱ ጥንካሬ ነው፡፡ ወደ ምዕራብ ሲጓዙ ከጠንካራው ነፋስ ጋር እየታገሉ ነው በረራው የሚካሄደው፡ ከፊት ለፊት የሚመጣውን የንፋስ ግፊት ለመሸሽ ሲሉ ፓይለቶች
በተደጋጋሚ ከፍታቸውን ለመለዋወጥ ይገደዳሉ፡ ይህም ቴክኒክ በበረራው
ሳይንስ ‹ነፋሱን ማሳደድ›› ይባላል፡ ዝቅተኛ ቦታ ላይ ያለ ነፋስ ግፊቱ ያነሰ
ቢሆንም አይሮፕላኑ ዝቅ እያለ በበረረ ቁጥር ከመርከብ ወይም ባህር ላይ ከሚዋልል የበረዶ ቋጥኝ ጋር ሊላተም ይችላል፡፡ ከፊት ለፊት የሚመጣን ንፋስ ግፊት ለመቋቋም በርካታ ነዳጅ ማቃጠል ይጠይቃል፡ ኃይለኛ የንፋስ ግፊት ካለ ከአይርላንድ እስከ ኒውፋውንድ ላንድ (ካናዳ) ከሁለት ሺህ ማይል
በላይ ለመብረር የሚበቃ ነዳጅ አይሮፕላኑ መያዝ ስለማይችል የነዳጅ
እጥረት ሊያጋጥም ይችላል፡ በዚህም ምክንያት በረራው ለሌላ ቀን ሊተላለፍ
ስለሚችል የአየሩ ጠባይ እስከሚሻሻል ተጓዦች በሆቴል ሊቆዩ የሚችሉበት
አጋጣሚ ይፈጠራል፡

የዚህ ዓይነት የአየር መዛባት ቢከሰት ካሮል አንን ምን ይውጣት ይሆን?

የአየር ጠባይ ሪፖርቱ ነፋሱ ከባድ መሆኑን፣ አትላንቲክ ውቅያኖስ ላይ ደግሞ ከባድ ማዕበል እንዳለ ያመለክታል፡፡ አይሮፕላኑ ሙሉ ሰው ጭኗል፡
ስለዚህ ጉዞ ከመጀመሩ በፊት ሁሉ ነገር በጥንቃቄ መሰላት አለበት፡፡ የአየሩ
ጠባይ መጥፎ መሆን የኤዲን ጭንቀት አባባሰው፡፡ ሚስቱ ካሮል አን በወዲያኛው የውቅያኖስ ጥግ በጨካኝ ወንበዴዎች እጅ ወድቃ እሱ እዚህ አየርላንድ ውስጥ ተጣብቆ መቅረቱን
ሊቋቋመው የሚችለው ነገር
አይደለም፡፡ ለመሆኑ ምግብ ይሰጧት ይሆን? የምትተኛበት ቦታስ አላት
ይሆን? ብርድስ ይመታት ይሆን?› እያለ ያስባል።

የአትላንቲክ ውቅያኖስን አካባቢ የሚያሳየው ማፕ ጋ ሄደና ቶም ሉተር የሰጠውን አይሮፕላኑ እንዲያርፍበት የሚፈለግበትን ቦታ ተመለከተ፡፡ ቦታው
ተጠንቶ የተመረጠ ነው ከካናዳ ጠረፍ ሁለት ኪሎ ሜትር ርቆ ቤይ አፍ
ፈንዲ› የሚባል በጠረፉና በአንድ ትንሽ ደሴት መካከል የሚገኝ ቦታ ነው:
ምንም እንኳን ባህር ላይ ለሚያርፉ አይሮፕላኖች ማረፊያነቱ ብዙም
ተመራጭ ባይሆንም ከገላጣው የባህር ክፍል የተሻለ ነው፡፡ ይህን ሲያውቅ ኤዲ ተስፋው ለመለመ፡ ቢያንስ የማረፉ ነገር ብዙ ችግር የለውም፡፡ ሉተር ሚስቱን በእጁ እንዲያስገባለትና እቅዱ እንዲሳካ አቅሙን በሙሉ አሟጧዐየተጣለበትን ግዴታ መወጣት አለበት፡

አሁንም ግን አይሮፕላኑን እዚያ ቦታ እንዴት ሊያሳርፍ እንደሚችልዐመጨነቁ አልቀረም፡ በዚህ ቦታ እንዲያርፍ ያደረኩት አንዱ የአይሮፕላኑ ሞተር ስለተበላሽ ነው ቢል በሶስት ሞተር ሊሄድ እንደሚችል ረዳት የበረራ መሀንዲሱ ሚኪ ፊን ስለሚያውቅ ይህ ምክንያት ብዙም አያስኬድም የአዕምሮውን ጓዳ ቢያስስም ተጨባጭ መፍትሄ አልመጣለት አለ፡፡

በካፒቴን ቤከርና በሌሎቹ የስራ ባልደረቦቹ ላይ የሚያሴረው ነገር
እምነት አጉዳይ ስለሚያደርገው ሰላም ነስቶታል፡ በእሱ ላይ እምነት ጥለው አገር ሰላም ነው ብለው በተሳፈሩት ሰዎችም ላይ ክህደት ሊፈጽም ነው፡
ምን ምርጫ አለው?

ድንገት አዕምሮው ላይ የመጣው ሃሳብ ደግሞ ሌላ ፍርሃት ጫረበት።
‹ቶም ሉተር ቃሉን ባይፈጽምስ?› ለምንስ ይፈጽማል? እሱ እንደሆነ ወሮበላ ነው፡፡ ኤዲ እንደምንም ብሎ አይሮፕላኑን አሳርፎም እኮ ካሮል አንን ላይለቁለት ይችላሉ፡

የአይሮፕላኑን አቅጣጫ የሚቆጣጠረው ባለሙያ (ናቪጌተሪ) ጃክ ተጨማሪ የአየር ሁኔታ ሪፖርቶች አመጣለትና ኤዲን ‹ምን ነካው› በሚል አስተያየት አየት አድርጎት ሄደ፡ አይሮፕላኑ ውስጥ ከገባ ጀምሮ ምንም እንዳላናገረው ኤዲ ተረዳ፡፡ ሁሉም አልፈውት ይሄዳሉ፤ ‹አዕምሮው በሆነ
ነገር የውጥር መያዙን አውቀውበት ይሆን?› ምንም ነገር እንዳልተፈጠረ
ሁሉ ከሌላው ጊዜ ያልተለየ የስራ ባህሪ ማሳየት ይኖርበታል፡፡

‹‹ይህ ጉዞ የሰመረ እንዲሆን የተቻለህን ጥረት አድርግ ጃክ›› አለ ኤዲ
የዘወትር አባባሉን በመድገም፡፡ እሱ እንደሆን ማስመስል አይሆንለትም፡
በግድ ነው ይህን ካፉ አውጥቶ የተናገረው፡ ሆኖም ባለው ነገር ተሳስቀው ተለያዩ፡፡

ካፒቴን ቤከር አሁን የደረሱትን የአየር ጠባይ ሁኔታ መረጃዎች ተመለከተና ‹‹የነፋሱ ግፊት እየከፋ ነው›› አለ፡፡

ጃክ በመስማማት ራሱን ነቀነቀ፡

ቤከርም ‹‹ንፋሱን ለመሸሽ በውስጡ ሳይሆን በንፋሱ ዳር ዳር ነው የምንሄደው›› አለ፡፡

ካፒቴን ቤከርም ረዳቱ ጆኒ ዶት ቦትውድ ኒውፋውንድ ላንድ የሚያደርሳቸውን የበረራ ዕቅድ አዘጋጁ፡ በዚህም የበረራ ዕቅድ ፊት ለፊት የሚመጣውን ንፋስ ትተው ዳር ዳሩን ይበራሉ፡ ኤዲም የቀረበለትን የአየር
ሁኔታ መረጃ ይዞ የጉዞ ስሌቱን መቀመር ጀመረ፡ በተለያዩ ጫማ ከፍታዎች ላይ ሊኖር የሚችለውን የንፋስ አቅጣጫና የአየር ግፊት ኃይል ይገምታል፤ የአይሮፕላኑንና የአየር ላይ በረራና የነፋሱን የግፊት ኃይል ካወቀ ደግሞ በምድር ላይ ሊኖር የሚችለውን የንፋስ ፍጥነት ማስላት ይችላል፡ በዚህ ስሌት መሰረትም በእያንዳንዱ የበረራ መደብና የከፍታ
መጠን ላይ አይሮፕላኑ የሚወስድበትን የበረራ ጊዜ ያሳውቀዋል፡፡ በስሌቱም
ላይ በመመስረት አይሮፕላኑ የሚያስፈልገውን የነዳጅ መጠን ማወቅ
ይችላል በየደረጃው ላይ የሚያስፈልገውን የነዳጅ መጠንም በግራፍ ላይ
ያስፍርና ጠቅላላ ድምሩን ከሠራ በኋላ የተወሰነ መጠባበቂያ ይይዛል፡

የነዳጅ ፍላጎቱ እጥረት ብዙም ችግር የሚፈጥር አይደለም፤ ነገር ግን
ባለው ነዳጅና በሚፈለገው ነዳጅ መጠን ያለው ልዩነት በጣም ትንሽ ነው፡፡
ታዲያ ካፒቴን ቤከርን መዋሸት ሊኖርበት ነው፡፡

አይሮፕላኑ ምንጊዜም መጠባበቂያ ነዳጅ ይይዛል፡፡ የነዳጅ እጥረት
ከመጣም አይሮፕላኑ በአውሎ ንፋሱ ዳርቻ ሳይሆን አውሎ ንፋሱን ሰንጥቆ መብረር የሚገደድበት ሁኔታም አለ፡፡
በደህና ጊዜ ቢሆን የአይሮፕላኑን አዛዥ ማታለል የሚቀበለው ነገር
አይደለም፡፡ ኤዲ የሚሰጠው ውሳኔ የሚለወጥ አይደለም፡፡ በበረራ ላይ እያሉ
በየሰዓቱ በግራፍ ላይ የተቀመጠው የነዳጅ ፍላጎት ትንበያ በትክክል
አይሮፕላኑ ከተጠቀመው የነዳጅ መጠን ጋር መነጻጸር ይኖርበታል፡ የተደረሰበት ስሌት ጥቅም ላይ የዋለው ነዳጅ ከትንበያው መብለጡን የሚያመለክት ከሆነ አይሮፕላኑ ብዙ ርቀት ሳይጓዝ ወደ ኋላ እንዲመለስ ይደረጋል፡፡

ምናልባትም አሳስቶ ያሰላው ስሌት ከታወቀበት ከስራ መባረሩ አይቀርም፤ ነገር ግን የሚወዳት ነፍሰ ጡር ሚስቱና በሆዷ የተሸከመችው ጽንስ አደጋ ላይ ወድቀው ምን ምርጫ ይኖረዋል?

ከዚያም ስሌቱን እንደገና ሲሰራ ሆን ብሎ ስህተት በመፍጠር የሚያስፈልገውን የነዳጅ መጠን ለወጠው፡፡ ነገር ግን በሰራው ስራ ጥርጣሬ ገባው፡፡ ጥሎበት መዋሸት አይሆንለትም፡፡
በመጨረሻም ካፒቴን ቤከር የስሌቱን ውጤት መጠበቅ ሰለቸውና ‹‹ነዳጁ ይበቃል አይበቃም? መብረር እንችላለን አንችልም?›› አለና ጠየቀው፡፡

ኤዲም አለቃውን በቀጥታ ማየት ፈርቶ እንዳቀረቀረ ውጤቱን ወረቀት ላይ ጽፎ አሳየውና በሙሉ ልብ ‹‹መብረር እንችላለን›› አለው:
።።።።።።።።።።።።።።።።።።።።።

ከፎየንስ አየርላንድ እስከ መሀል አትላንቲክ

ዳያና ላቭሴይ በውሳኔዋ መለወጥ ብታዝንም አሁን ተረጋግታለች፡ ወደ
አሜሪካ አልሄድም ብላ ወስናለች፡፡ ማርክ አልደርንም አታገባም፡፡

ብቻቸውን ሲሆኑ ልትነግረው ወስናለች፡፡ አብራው እንደማትሄድ
ስትነግረው ልቡ እንደሚሰበር ስታስብ ልቧ ተነካ፡፡ ማርክ በጣም ይወዳታል፡ነገር ግን ይህን ማሰብ ከዚህ በኋላ አይረባትም፡፡

ሁሉም ተሳፋሪዎች ከአይሮፕላኑ ሲወርዱ ከዳያና አጠገብ የተቀመጡት መልከ መልካሙ ፍራንክ ጎርደንና ራስ በራው ኦሊስ ፊልድ ብቻ ከወንበራቸው ጋር ተጣብቀው ቀሩ፡፡ ሉሉ ቤልና ማርክ አልደር የባጥ
የቆጡን መቀበጣጠራቸውን አላቆሙም፡፡ ዳያና ሉሉ ቤልን ፊት ነስታታለች፡
በሉሉም መብሸቁን ትታዋለች፡፡ በሰው ፍቅር ጣልቃ ገብታ የምትበጠብጥ
መሆኗን አውቃለች፡፡

ከአይሮፕላኑ ወርደው፣ ወደቡን አቋርጠው አንድ መንገድ ብቻ ወዳለው
መንደር ዘለቁ፡ ዳያና እግሮቿ ሰውነቷን መሸከም ስላቃታቸው ይንቀጠቀጣሉ መንገዳቸው ላይ የከብት መንጋ ገጠማቸውና እነሱን
ለማሳለፍ ቆም አሉ፡፡

ልዕልት ላቪኒያ ‹‹ለምንድነው እዚህ ባላገር ያመጡኝ›› ብለው ሲማረሩ
ዳያና ሰማች፡፡

የአይሮፕላኑ አስተናጋጅ ዴቪ ‹‹ወደ አይሮፕላን መናኸሪያው እኔ
እወስድዎታለሁ፤ የአይሪሽ ውስኪ የሚሸጥበት ቡና ቤት አለ›› አላቸው፡፡

ከብቶቹ ካለፉ በኋላ ዴቭ ተሳፋሪዎቹን ወደ ቡና ቤቱ ወሰዳቸው፡፡ ዳያናም ‹‹መንደሩ ውስጥ ቆይታ እናድርግ›› ስትለው ማርክ እሺ አላት፡፡

በመንደሩ አንድ የባቡር ጣቢያ፣ ፖስታ ቤትና ቤተክርስቲያን አለ፡፡
በመንገዱ ግራና ቀኝ ጣራቸው በሸክላ የተሰራ የድንጋይ ቤቶች የሚታዩ
ሲሆን አንዳንዶቹ ቤቶች ሱቅ አላቸው፡ ሱቆቹ ፊት ለፊት በበቀሎ የሚሳቡ
ጋሪዎችና አንድ የጭነት መኪና ቆመዋል፡ የመንደሩ ነዋሪዎች የለበሱት
ቤት ውስጥ የተዘጋጁ ልብሶች ነው፡ ፎየንስ ከመላው ዓለም የመጡ
ሀብታሞችን አስተናግዳ ስለማታውቅ ነዋሪዎቹ እንግዶቹን እንደ ትንግርት
አፍጥጠው ያይዋቸዋል፡፡

ዳያና ሰዎቹ እንዲበታተኑ ብትፈልግም ሰዎቹ ግን እንዳይጠፉ የሰጉ አገር አሳሾች ይመስል እየተጓተቱ ይሄዳሉ፡፡ ዳያና ወጥመድ ውስጥ የገባች መሰላት፡ ጊዜ እየሄደባት ነው፡፡ ወደ ሌላ ቡና ቤት ሄዱና ‹‹እዚህ እንግባ አለችው ማርክን፡፡ ሉሉ በዚህ ጊዜ ከአፉ ነጥቃ ‹‹ጥሩ ሃሳብ ነው፤ ፎየንስ ውስጥ የሚታይ ነገር የለም›› አለች፡

ዳያና የሉሉ ነገር አንገቷ ደርሷል፡፡ ‹‹ማርክን የማናግረው ነገር ስላለ
ብቻችንን ብትተይን›› አለቻት ሉሉን፡፡

ማርክ በዳያና አባባል አፈረ፡፡ ‹‹ምነው የኔ ማር እንደዚህ መናገርሽ?››

‹‹ግዴለም›› አለች ሉሉ ‹‹ፍቅረኛሞች ብቻችሁን አውሩ፡፡ ሌላ ቡና ቤት
ካለ እዚያ እሄዳለሁ›› አለች ያልተከፋች መስላ ማርክም ‹‹ሉሉ ይቅርታ›› አላት እየፈራ፡፡

ዳያና፣ ሉሉን ይቅርታ መጠየቁን አላስደሰታትም፡፡ ከመቀመጫዋ ምንቅር ብላ ተነስታ ጥላው ሄደች፡፡

ቦታው ጨለምለም ያለና ቀዝቃዛ ነው:: ቡና ቤቱ ውስጥ ጠርሙስና
በርሜል ተገጥግጦበታል፡ ከእንጨት የተሰሩ ጠረጴዛዎችና ወምበሮ
ከጣውላ በተሰራው ወለል ላይ ተደርድረዋል፡፡ ቡና ቤቱ ውስጥ የተቀመጡ
ሁለት ጠና ያሉ ሰዎች ዳያና ላይ ዓይናቸውን ተክለዋል፡፡

አንድ አጠር ያለች ያሸረጠች ሴት ወደ ባንኮኒው መጣችና ‹‹ምን ልታዘዝ?›› ስትል ‹‹አንድ መለኪያ ብራንዲ ስጪኝ›› አለችና ዳያና ወንበር ስባ ተቀመጠች፡፡

ማርክ ተከትሏት መጣ፡፡ አጠገቧ ተቀመጠና ‹‹ዳያና ምን ነካሽ?›› አላት
‹‹ሉሉ በቅታኛለች››
‹‹ይሄ ብልግና ነው፡››
‹‹ብልግና አይደለም በወሬ ጠምዳህ አንተን እንዳላናግር አድርጋኛለች፡
አንተ የኔ ብቻ ነህ››
‹‹ታዲያ ምናለ ይህንን በጨዋ ደምብ ብትናገሪው››
‹‹ሁኔታዬን አይታ ወሬዋን ማቆም ነበረባት›› አለች፡፡
ማርክ ተናደደ፡፡ ‹‹ተሳስተሻል የኔ ማር ሉሉ ሳቂታ ብትሆንም ሆደ
ባሻ ናት፤ ይሰማታል››
‹የሆነ ሆኖ አንዴ ሆኗል፤ የፈሰሰ ውሃ አይታፈስም››
እንዴት እንዲያ ትያለሽ፧ ያስቀየምሽው እኮ የልጅነት ጓደኛዬን ነው›› አላት

አስተናጋጇ ዳያና ያዘዘችውን ብራንዲ አመጣችላት፡ ንዴቷን ለማብረድ ትንሽ ተጎነጨችለት፡፡ ማርክ ቢራ ነው ያዘዘው፡

ዳያናም ቀጠለችና ‹‹ያልኩትን ብልም ከዚህ በኋላ የሚያመጣው ለውጥ
የለም፧ ሃሳቤን ስለለወጥኩ አሜሪካ ካንተ ጋር አልሄድም››

ማርክ ይህን ሲሰማ ፊቱ አመድ መሰለ፡፡ ‹‹እውነትሽን ነው?›› ሲል ጠየቀ።

‹‹ይህን ሳስብበት ነው የቆየሁት አብሬህ አልሄድም፧ ወደ ባሌ
እመለሳለሁ፧ እቤቱ የሚያስገባኝ ከሆነ›› አለች ዳያና ተመልሳ ብትመጣ ባሏ እንደሚቀበላት እርግጠኛ ባትሆንም፡፡

‹‹እንደማትወጂው ነግረሽኛል፧ እኔም ይህን አውቃለሁ››

‹‹አንተ እንዴት ታውቃለህ፤ ትዳር መስርተህ አታውቅ›› አለችው፡፡ይህን ስትለው ማርክ መከፋቱን አየችና እጇን ጭኑ ላይ ጣል አድርጋ ለስለስ ባለ አንደበት ‹‹ልክ ነህ አንተን የምወድህን ያህል መርቪንን አልወደውም›› አለች፡፡ በአድራጎቷም አፈረችና እጇን ከጭኑ ላይ አነሳች፡፡

“ባሌን ትቼ መምጣቴን እግዚአብሔር አይወደውም፡፡››

‹‹ከሉሉ ጋ ስጫወት አንቺን ዘነጋሁሽ›› አለ ማርክ በመጸጸት፡፡ ይቅርታ አድርጊልኝ የኔ ቆንጆ ካገኘኋት ረጅም ጊዜ ስለሆነኝ አንቺን ረስቼ
ከእሷ ጋር ስጫወት ዋልኩ አንቺን ፊት ለመንሳት ብዬ አይደለም ይህ ደግሞ እኔና አንቺ አዲስ ምዕራፍ የምንከፍትበት ጊዜ ነው፡፡ ስላጠፋሁ ይቅርታ እጠይቃለሁ››

ስህተቱን አምኖ አጥብቆ ይቅርታ ስለጠየቃት ሆዷ ተንቦጫቦጨ፡ ከአንድ ሰዓት በፊት ምን ያህል ደስተኛ እንደነበረች አስታወሰች፡፡ ‹‹ሉሉ አይደለችም ችግሬ፤ ግዴለሽነትህ አስገርሞኝ እንጂ›› አለችው፡፡

አስተናጋጇ ማርክ ያዘዘውን ብታመጣለትም አልነካውም፡፡ ዳያና
ቀጠለችና ‹‹ያለኝን በሙሉ ማለትም ቤቴን፣ ባሌን፣ ጓደኞቼን፣ ዘመዶቼንና
አገሬን ትቼ አንተን ተከትዬ ወጣሁ፡ በአትላንቲክ ውቅያኖስ ላይ በአየር
መጓዝ አደገኛ ነው፡፡ የምሄደውም የማላውቀው አገር ከመሆኑም በላይ
ለአገሩ ባዳ ለሰው እንግዳ እሆናለሁ››

ማርክ በእጅጉ አዘነና ‹‹ምን ያህል ስህተት እንደሰራሁ አሁን ነው የገባኝ፡፡ ለካ ብቻሽን ትቼሽ አበሳጭቼሻለሁ የኔ ማር፡፡ ምን አይነት ድንጋይ
ራስ ነኝ፡፡ ከዚህ በኋላ ይህን ስህተት አልደግመውም›› አለ፡፡

ማርክ ቃሉን ይጠብቅ ወይም አይጠብቅ ይሆናል፡፡ ጥሩ አፍቃሪ ቢሆንም ግዴለሽነት ያጠቃዋል ለምንም ነገር አይጨነቅም፡ በአንድ ሀሳብ ላይ መርጋት ብሎ ነገር አያውቅም፡፡
አሁን ሃቀኛ ቢመስልም ሌላ ጓደኛው ቢመጣ ቃሉን አያፈርስም? በመጀመሪያ ደረጃ የሳባት ተጫዋችነቱ
ለህይወት ቁብ አለመስጠቱ አይደለም እንዴ? ነገር ግን ይህ ተለዋዋጭ ባህሪ አለው ከተባለ እምነት የሚጣልበት መሆኑ ነው፡፡ መጥፎም ሆነ ጥሩ
ባህሪው አይለወጠም።

‹‹ባንተ መተማመን የምችል አይመስለኝም›› አለችው ዳያና፡፡

ንግግሯ አበሳጨውና ‹‹መቼ ነው ቃሌን ሳላከብር የቀረሁት እባክሽ?››

‹‹ማድረግህ አይቀርም›› አለች ለምሳሌ ያህል ብላ የምታቀርበው ነገር ባይኖራትም።

‹‹የሆነ ሆኖ ሁሉን ነገር ትተሽ መሄድ ትፈልጊያለሽ፤ መቼም ይህን አትክጂም ትዳርሽ እክል አለበት አገርሽ በጠላት ተወራለች፤ በኑሮሽ
መንገሽገሽሽን ነግረሽኛል፡››
አለ፡፡

‹‹አንገሽግሾኛል አልኩህ እንጂ ወደ አሜሪካ መሄድ አያስፈራኝም አላልኩህም››

‹‹አሜሪካ ምንም የሚያስፈራ ነገር የለም፤ አሜሪካ እንደ እንግሊዝ
ነው፡፡ ህዝቡ እንግሊዝኛ ነው የሚናገረው፡ እዚያ የሚታየው ፊልም እዚ"
ከሚታየው ጋር አንድ ነው: እንግሊዝ አገር የሚደመጠው ጃዝ ሙዚቃ
አሜሪካም አለ፡፡ አሜሪካንን ገና ስታያት ትወጂያታለሽ፡ እኔም እየተንከባከብኩሽ የባልነት ግዴታዬን እወጣለሁ፡፡››

ማርክ የሚለው ሁሉ እውነት እንዲሆን ዳያና ተመኘች፡፡
‹‹ሌላም ነገር አለ፤ ልጅ እንወልዳለን›› አላት፡
ይህን ሲል በሃሳቧ ወደ ቤቷ ነጎደች፡፡ እሷ ልጅ መውለድ ብትፈልግም መርቪን ልጅ እንደማይፈልግ እንቅጩን ነው የነገራት፡ ማርክ ጥሩና
አፍቃሪ አባት ሳይሆን አይቀርም፡፡ አሁን ግራ ገብቷት ለመወሰን ተቸገረች
ቆራጥነቷ እየከዳት መጥቷል፡ ምናልባትም ሁሉን ነገር ጣጥላ ማርክን
ተከትላ መሄድ ሳይኖርባት አይቀርም፡፡ የልጅ እናት ካልሆነች ትዳር ማለት
ምንድነው ትርጉሙ? ካሊፎርኒያ ሲደርሱ ማርክ ጥሏት እብስ ቢልስ? ሌላ
ሴት የማርክን ልብ አሸንፋ ብትነጥቃት በሰው አገር ምን ይውጣታል? አሜሪካ ውስጥ ያለ ባል፣ ያለ ገንዘብ፣ ያለ ቤት ብቻዋን መቅረቷም አይደል?
ቶሎ እጇን መስጠት አልፈለገችም፡፡ ማርክን ተከትላ ከመሄዷ በፊት
ወደፊት ሊገጥሟት የሚችሉትን ችግሮች በጥንቃቄ መመርመርና ከማርክ ጋር በሚገባ መነጋገር እንዳለባት ተገንዝባለች፡ ድንገት አንድ ነገር የሚከስት ከሆነ በሚል የመመለሻ ትኬቷን መግዣ ገንዘብ መጠየቅ ሊኖርባት ይችላል ነገር ግን ይህ ጥያቄ ማርክን ሊያበሳጨው ይችላል፡

በተቃራኒው ጦርነት
ወደ ተዘፈቀች አገር መመለሱ ራሱ አንድ ያልተፈታ እንቆቅልሽ ነው፡.... እዚህ ነገር ውስጥ በመጀመሪያ ደረጃ ለምን ገባሁ? አለች ልቧ
እየተሰበረ ሁን ለመጸጸት ጊዜ የለም፡ አንዴ ስለወሰንኩ ወደ ኋላ
የምልበት ነገር የለም፡፡ የተተፋ ምራቅ ተመልሶ አይዋጥም አለች መልሳ
በሆዷ ሀሳቧ አንድ ቦታ አልረጋ ብሏት፡...

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ ዘጠኝ (19)

«ደሞ ሌላ ነገር የድምፅ አወጣጥ ልምምድ ለማድረግ ይህ ሙያ ካለው ሰው ጋር ተዋውዬ ጨርሻለሁ» ፌ አሊሰን በአድናቆት ተመለከተቻት ።
« ለፒተር ነግፊዋለሁ ። የሙሉ አካል አንድ ብልት ነው የድምፅ ጉዳይ ብሎ አስፈላጊ መሆኑን ነገረኝ ። ነገ ዘጠኝ ሰዓት ላይ ልምምዱን እጀምራለሁ ። ዳንስ ግን ትንሽ አስቸጋሪ ነገር ሆኗል ። ኦፕራሲዮን ስላልጨረስኩ መቆየት ይኖርበታል ። በሚቀጥለው ዓመት በጋ ላይ የዳንስ ልምምዴን ልጀምር እንደምችል ፒተር ነግሮኛል »

« በጣም ሊኮራብሽ የሚገባ ጓደኛ ነሽኮ ናንሲ! » አለች ፌ
« እኔም እንኳ በራሴ ኩራት ይሰማኛል »

ያንለት ፌ አሊሰንና ናንሲ ማክአሊስተር ብዙ ተነጋገሩ። ዶክተር ፌ አሊሰን የናንሲን የመንፈስ ጥንካሬ ለመገንባት የተቻላትን ያህል ስታደርግ ፤ ዶክተር ፒተር ግሬግሰን ዶሞ የናንሲን ፊት ለመጠገን ብቻ ሳይሆን እንደ አዲስ ለመስራት ያለውን ዕውቀት ፤ የተሰጠውን ጥበብ ሁሉ በሥራ ላይ ለማዋል ቆርጦ ተነስቶ ነበር ።

ከላይ በተባለው ቀን የፌ አሊሰንና የናንሲ ውድይት የተቃና ነበር ። የሚገርመው ደግሞ በዕለቱ የማይክል ሂልያርድ ስም አልተነሳም ። ይገርማል የተባለውም ሁለቱ ሴቶች ፌ እና ናንሲ ስምንት ወራት ያህል ሲወያዩ የማይክል ስም ያልተነሳው በዚህ ቀን ብቻ ነበርና ነው።

ከዚያ ቀን በኋላ ግን ሙሉ የዝናሙ ወቅት እስኪያልፍ ናንሲ ስለማይክል ፈዕሞ አላነሳችም ። የምታወራው ለወደፊት ስላቀደችው የዳንስ ትምህርት ፤ የድምዕ አወጣጥና የዘፈን አሰልጣኟ ስለሰጣት አስተያዬት ፤ ስለመሳሰሉትና በተለይም በፎቶግራፍ ማንሳት ጥበብ እየረቀቀች ስትሄድ ፤ ስለ «ፎቶግራፍ አነሳስና ስለኪነጥበብነቱ ፤ ለወደፊት ይህን ሙያ በምን ሁኔታ ልትሞክረው እንደምትሻ ብቻ ነበር ።። ክረምቱ ኣልፎ የጸደይ ወራት ሲገባ፤ ናንሲና ፍሬድ ወደ ተለያዩ መናፈሻዎች ፣ የአበባ ቦታዎችና መዝናኛዎች እየሄዱ ሽርሽር ያደርጉ ጆመር ። አንዳንድ ቀን ደግሞ ፒተር ግሬግሰን (ሐኪሙ) ናንሲን ጭር ወዳሉ የወደብ መናፈሻዎች ይወስዳታል ። ይህም ናንሲ ስለ ፊቷና ፋሻው ብዙ እንዳይሰማት ለማድረግ ነው ። ጊዜ እየገፋ ሲሄድ የናንሲ ፊትም ብቅ እያለ ሄደ ። ከናፍሯን ፤ አፍንጫዋን ፤ ጉንጯን በሕክምና ጥበብ እስትካክሎ ሲሠራ ፤ እነዚህ ነገሮች አዲስ ሆነው ብቅ ሲሉ ፤ ሰብአዊ ባህሪዋም ውስጣዊ ነፍሷም ብቅ ማለት ጀመረች። ያች ባለፈው ዓመት ብዙ ችሎታዎችን የማታውቀው ናንሲ ፤ ያች ያላትን ብርቅ ድንቅ የሆነች ንጹህ ነፍስ ያልተትገነዘበች ናንሲ በመጪው ወር ማለት አደጋው በደረሰ ባመቱ የበሰለች በጣም በርካታ ነገሮችን ተገንዝባ ፤ ራሷን ችላ በርካታ ነገሮችን መፈጸም የምትችል አዲስ ሰው ሆና ብቅ ስትል አየቻት ፌ አሊሰን ። ፌ የጊዜውን መንጎድ ስታስበው ደነቃት ።
« አንድ ዓመት ሆነ ማለት ነው? » ኣለች ፌ።
« እዎ ልክ አንድ ዓመት ። አምና በግንቦት ወር ላይ አይደለም አደጋው የደረሰው ?»
‹‹ይገርማል።ጊዜኮ...»
«ፌ፣ ካንች ጋር ከተገናኘን ደግሞ ልክ ስምንተኛ ወራችን ሞላ ። እንዴት ነው ፤ በዚህ ጊዜ ውስጥ ብዙ ያሻሻልኩት ነገር ያለ ይመስልሻል ?» ናንሲ ይህን ስትል ትንሽ የመሰላቸትና ጥስፋ የመቁረጥ ቃና በድምጺ ውስጥ ይሰማ ነበር ። ምንም አይደለም ። ያለፈው ቀን ኦፕራሲዮን ስላደከማት ነው። ድካሙ ለቀቅ ቢያደርጋትቸ መንፈሷም ይነፃል ስትል አሰበች ፌ ። ፒተር በዚያ ሰሞን ዓይኗንና የዓይኗን አካባቢ በመጠገን በማስተካከል ላይ ነበር ። እፊቷ ላይ ያለው ፋሻ ተነስቶ ሰፊ ጥቁር መነፅር አድርጋለች ። ዓይኗን እጉንጭ አጥንቷ ድረስ ይሸፍናል፤ መነፅሩ። « ትጠራጠሪያለሽ ናንሲ ?» አለች ፌ ያሻሻልኩት ነገር ያለ ይመስልሻል ? ስትል ለጠየቀቻት ጥያቄ ስትመልስ ።
« እንዳንዴ እጠራጠራለሁ ። ምክንያቱም ደርሼ ስለማይክል አስባለሁ ፤ እየሽ የሚመጣ ፤ የማሪዮንንም ውል ገደል ይግባ ብሎ የሚመጣ፤ አብረን የምንሆን ይመስለኛል» ዝም አለች ፌ አሊሰን። « አየሽ» ቀጠለች ናንሲ ማክአሊስተር « ስለማይክል ማሰብ ምንም እንደማይጠቅመኝ ፤እንዲያውም እንደሚጎዳኝ ይገባኛል ። ግን አልችልም ። እኔ እንጃ ብቻ. . .›› ናንሲ ንግግሯን አቋርጣ ፌን ትመለከታት ጀመር ። « አይዞሽ» አለች ፌ አሊሰን « ትንሽ ጊዜ ታገሽማ እና ታያለሽ ። እሁን ሁሉ ነገር ሊነሳ ፤ ከሰው ጋር መዋል ስችጀምሪ ፤ አድርገሽው የማታውቂውን ነገር ስታደርጊ ፤ ሌላ ሰው ልዩ ሰው ስትሆኝ ትረሽዋለሽ ። ሀሳቡ ራሱ አሁን የሚመጣውን ያህል ያኔ ራሱ ይቀራል ። አትስጊ ። ትንሽ ታገሽ ግን »
« መታገስ ፤ መታገስ እሁንስ እንደመታገስ የሰለቸኝ ነገር የለም ! » አለች ናንሲ ። ፌ አሊሰን በጸጥታ ታዳምጣት ነበር ።

« ታውቂያለሽ» አለች ናንሲ « አንዳንዴ ይኸ ፋሻ መቼ ነው የሚነሳ ? እላለሁ ። ይነሳል ትንሽ ታገሽ ይለኛል ፒተር ። ይህን ሲለኝ ፤ይህን ሲደጋግም መታገስ አስጠላኝ ፡ ሰለቸኝ ። እንዳንዴ ፊቲን ሲያፈርስ ሲሠራ ፤ ሲለጥፍ ሲለስን ፤ ሲቆልል ሲያድቦለቡል ዘላለም የሚኖር መስሎ ይሰማኛል ። ፒተርን ምርዝ አድርጌ እጠላለሁ ። ሞኝ አትሁኝ ። ፒትር እንዳልቦዘነ ፤ ወይም እንዳልለገመ እውቃለሁ ። ግን ዝም ብዬ እለ አይደል እጠዋለሁ»

«ግንኮ ብታስቢው የፈጀው ጊዜና ያስገኘው ፍሬ የትናየት ነው። ይህችን የመሰለች ቆንጆ ስትወጣ ? » አለች ፌ የናንሲን ፊች እየተመለከተች ። ሁለቱም በደስታ ፈገግታ በሩ

የናንሲ ፊት ተስተካክሎ እየወጣ ሲሄድ ድምጺም ለስለስተኛና የሙዚቀኛ ቃና ያለው ሆኖ ነበር ። ናንሲ ስትናገር ስትስማ ፌ እጅግ ተገረመች። የሰው ልጅ ምንም ያህል ጎበዝ አሰልጣኝ ቢያጋጥመው ይህን የመሰለ ጥዑም ድምፅ ይኖረዋል ብላ አስባ እንደማታውቅ በልቧ እያሰበች ። «ለምን የተዋናይነት ሙያ አትሞክሪም ? ጥሩ ሙያ ነው። ይህ ሁሉ ነገር ከደረሰብሽ በኋላ » አለች ፌ ። « ተዋናይነትንኳ እንጃ ። ግን ከካሜራዬ ጀርባ ቆሜ ፎቶግራፍ እንሺነትን አልጠላውም » አለች ናንሲ ። « ደስ እንዳለሽ ። ድንገት ብልጭ ስላለብኝ ነው ። የዚህ ሳምንት ዕቅድሽ ምንድነው ?»
« ፒተርን ፎቶ ላነሳው አስቤአለሁ ። ነግሬዋለሁ ። እሱ ደግሞ ወደ ሳንታ ባርባራ ሰዎች ሊጠይቅ እንደሚሄድ ነግሮኝ አብረን ልንሄድ ተስማምተናል »
« እናንተ ዓለማችሁን ቅጩ እኔ ምን ይዋጠኝ?... ደግ እንግዲህ ማክሰኞ ፤ የለም ረቡዕ ለት አንገናኝ »
« እሺ እመቤቴ »

ከፌ አሊሰን ቢሮ ወጥታ ምን ጊዜም የማይለያትን ፍሬድን አስከትላ አንድ ሁለት ሕንፃዎች አልፎ ወደሚገኝ የሕፃናት መጫወቻ ቦታ አመራች ። በቅርብ ልጆችን ፎቶ ኦንስታ አታውቅም ነበረ ። ልጆች ነበሩ ። እንደደረሰች ኣንድ ማረፊያ ወንበር ላይ ቁጭ ብላ ሲጫወቱ ትመለከት ጀመረ፡፡ ከየት መጡ ? የማናቸው ? ለማን ነው የሚለፉት ? አለች በሀሳቧ የማንም ሆኑ የማን ሲጫወቱ ደስ ይላሉ

ልጆች ደስ ይላሉ
ቀኑም ደስ የሚል ቀን ነበር ።
ስለዚሀ እሷም ደስ አላት ።

•••••••••••••••••••••