** " بي استغراب عاينت ليهم و قلت ليهو "  الحمدلله بخير ، كيفك انت ؟
قصي ( قام على حيلو ) : احمد ههههههه تعال تعال اتفضلوا ..
احمد : دي المدام طبعاً هه
قصي : يا مرحب والله اقعدو اقعدو ( و عاين لي )
** يا اهلاً و سهلاً ازيك ( مديت ليها يدي )
احمد : دقيت ليها مخصوص جبتها والله من قلت لي خطيبتي معاي قلت بس دي فرصة حلوة الناس تتعرف بي بعض ! ( عاين لي مرتو قاليها ساكته مالك )

__ ما ساكته هه
** اتشرفت بيك والله
__ الشرف لي والله ، انا سهاد ياهو زوجة احمد !
** عاشت الاسامي والله يا سهاد .. و انا #وصال
قصي : قصدك #المندرين !!

يتبع ..

#استككانة🛼🎀
#فاطمة_قسم_الله♡︎
#سحر_سمير♡︎

#مندرين3

__ ما ساكته هه 
** اتشرفت بيك والله 
__ الشرف لي والله ، انا سهاد ياهو زوجة احمد ! 
** عاشت الاسامي والله يا سهاد .. و انا #وصال 
قصي : قصدك #المندرين !! 

سهاد : المندرين؟!! يعـ
"مقاطعة لكلام سهاد بسرعة بدون إنتباه"
وصال : "بإبتسامة" انت حا تبطل تقولو لي متين ااا ها ؟!!
قصي: "بضحك" ولا في أحلامي هو ثابت زيو زي اوتار الحنين يومك البتوقفي تسمعيه ممكن ابطل اناديك بيه ...
وصال : امممم "نظراتهم بتتلاقى "
"وهو قايم بعاين لي وصال بإبتسامة "
عن إذنكم يا جماعة دقايق اخدو راحتكم بس معليش يا احمد داير اسوي لي تلفون ماسك تلفونو " اتحرك طوالي "

"وصال بتعاين ليه وجاتها رسالة منو في لحظتها

[حبيبي ماشي اذيد الطلبات وجاي]
" بتكتب في تلفونها مسج"
[دا شنو مثلا على اساس ح نتكلم في موضوع برانا يعني هم قاعدين؟!! ]

[ بعد نرجع نتكلم يا روحي ]

"صوت كح كح أحمد بتكلم "
البرنامج دا حلو جدا بحسسك بالإنتماء كدا وان السودان دا لسه بخيرو زمن حبوباتنا واجدادنا ياخ برجع بي وقت كنا بنجي الاجازة للحلة ونلقى جدي في "زريبة البقر المليانة بخيرو" ومعاه "الراعي " وعينك "للتُمَنة 5 6 تُمَن" حقت اللبن و عِترِيس "اسم الكلب" من يشوف عربيتنا ينبح ويجي جاري علينا ...
"سهم كدا للحظة"
وصال : "منتبهة مع كلامو" اها وتاني مالك وقفته انا بريد الحكاوي دي شديد والله اها تم تم...
أحمد : عتريس دا كلب حراسة سماه جدي و رباه من صغير شديد بقى ما بفارقو نهائي ما كلب عادي جد والله عارفة انك اذا ختيتي ليه الاكل في الارض ساي بدون تختيه في حاجة ما بياكلو .. غير كدا هو بعرف يميز الناس جدا الكعب من الكويس.. لما ما تعجبو بيبدا ينبح فيك لما تمشي ..
وصال : هههه الاسم حلو شديد بس كأنو في فلم ولا مسلسل مصري زمان ب الاسم دا
أحمد : ايوة فلم مصري لكن الفرق ان عتريس داك كان ظالم وعتريس دا لطيف شديد الا مع الحرامية شرير "بإبتسامة"
#سهاد بتودي ملامح وشها على أحمد مرة وتاني على سهاد بدون تنطق حرف"
"قصي وهو جايي عليهم"
"بضحك" كان فتحتي الباب دا ل احمد بنبيت هنا دا
وصال: عارفني انا بحب الونسة الكدا ف بلقى روحي مركزة معاها شديد عشان كدا
سهاد : معليش بس انا بقيت مركزة مع اسم #المندرين وقصي قاطع كلامي كان وقلتي زمان الطيبيين علاقتو شنو؟!!
أحمد : "بنحنحة وتلطيف كلام" ههههه طبعا سهاد بتركز في اي كلام ما بتريد تتخطاه الا تفهم الموضوع
** عادي بس على العموم دا اسم بناديني بيه قصي بستلطفو فيني.
سهاد : ومعناه؟!!
وصال :هه انتي مُصرة تعرفي عنو لي؟! على العموم انا بعتبرها حاجة خاصة بي ما بحب حد غيرنا يعرفو يعني تقدري تقولي كلمة سر للتواصل بينا نحن الإتنين.
سهاد: اهااا عادي يا ستي ما موضوع بس لفتني الإسم وتاني انك رديتي ب غير !!!
وصال: "ضحكة " انتي مصرة تقيفي في النقطة دي!! الموضوع جا تلقائي بس!!
حسستيني انك المحقق كرمبو داك.
سهاد : "ضحكة بعدم استلطاف"
"بين الكلام والونسة والسكات والضحك مرة هنا ومرة هنا "
قصي : واخيرا ياخ جوعتونا لي التأخير دا
احمد : اها يعني انت ما كان عندك تلفون ومشيت تطلب طلبات الاكل طيب ياخ كان شاورنا بناكل شنو احتمال ما يعجبنا ذوقك "بضحك بمزاح " مردودة مرة تانية يا صاحبي كويس"
قصي : ما حا ارد عليك شايفة راجلك يا سهاد وبعدين انا عازمها هي زولة اول مرة نتلاقى من الاحترام برضو ولا شنو.
#سهاد
كلك ذوق شكرا.
"في اثناء ما بنزلو في الطلبات وصال كان الحال ما عاجبها بس قصي ما ركز معاها."

من جانب تاني:
"بيت حاج الطاهر بالتحديد في غرفة سلمى "

_ بتتبسمي براك مالك يابت؟!!
* "ما بترد وشغالة مركزة في التلفون"
_رزة هيي بتكلم معاك رزان رزان "بصوت اعلى"
*مالك ياخ سامعاك سامعاك
_يعني ما للدرجة دي مركزة في شنو كدا؟! عاوزة اقول ليك
"قاطعتها "
*في البرنامج ياخ*** في شمار وفضيحة مبالغة استني دقيقة افهم الموضوع ...
فجأة بتضحك بصوت عالي
وااااااي واي واي اصلو ما ممكن وبعلي وبعلي لكن
والليلة
الليلةةة
ووب وووب
"طق طق بتكتب بسرعة في لوحة المفاتيح وابتسامتها زايدة"
_طيب ممكن تسمعيني
*بعدين بعدين يا سلمى
_تمام اخليك في برنامجك بس انا وريتك بطريقتك دي يوم ح تقعي في مشكلة كبيرة اعملي حسابك احسن..
وبعدين مش انتي امتحاناتك بكرا وعلى الاساس دا مفهمة عمتو ما شفتك بتقري يعني من يوم جيتي...
*ما موضوع بس وفري كلامك لروحك ما شافعة انا يا بيب.
_اها تمام
*شيلي الباب في يدك معاك..
"وقفت عاينت ليها بس رزان ما رفعت راسها عليها كأنها ما موجودة"
"كرررب الباب قفل وطلعت"

"ختت السماعة وواصلت في الدردشة "

#في_الكافيه☕🍕
#أحمد
عامرين والله ولمة يعني كدا في الحرم
"واقف "
معليش يا مدام ح آخد منك قصي دا شوية نخليكم تتونسو بي راحتكم وتتعرفو على بعض كمان ...
#وصال
إتفضلو...
"قامو منهم وطلعو بره طلعو العربية وفتحو القزاز"
_جيب سجارة
*معاك ولاعة؟!!
_هاك
عارف يا قصي انا ما صدقته وقت قلت لي معاي وصال امكن دي احسن فرصة عشان اخلي سهاد تتعرف بي وصال وتقدر تتعلم وتطلع من قوقعته وتتفتح على الناس جبتها طوالي
*انا كمان اتبسطه لما جبتها معاك خليهم بالمرة يبقو صاحبات انا زاتي كدا بكون مطمن لاني بثق فيك وما اظن وصال حا تلقى صحبة افضل من زوجة صديق العمر . .
بس انت مالك حاسيك ما تمام ليك كذا يوم وتاني موضوع شنو الكنت عاوزني فيه...
_ موضوع امي يا قصي ما مريحاني كل يوم بتجيب لي سيرة عايزة اشوف اولادك قبل اموت والا تعرس واحدة تانية والبت دي ما قسمتك معناها ..انا ما عارفهم مالهم ما متقبلين سهاد بس دا كلو عشان ما قبلت بإختيارهم .. واختي بدل تهدي الموضوع مشجعاها وانا في النص بقيت رايح بحاول اتفاداهم ..
جد انا غير مرتي ما عايز يا قصي ولا عندي القدره افتح بيت تاني ، انا بحمد ربنا على سهاد بت ناس خشمها عندها لا زولة مشاكل لا شفت منها كعب انا مرتاح معاها في حياتي اكتر من كدا داير شنو؟!!
لكن كتير بحسها ما مرتاحة لما اسوقها ونمشي ليهم.. بس انت عارف امي واخواتي ما عندهم زول غيري وكان نفسي اسكن معاهم في البيت لكن اعمل شنو في الاخر اشتريت راحة بالي "بضحك" بس برضو جاري هنا وجاري هنا بقدر الامكان اصلح الامور . ..
*يا أحمد كل الامهاات كدا سايرهم وبعدين ياخ انتو يادوب ليكم تلاتة سنة عرسان قول ليها يا حاجة اصبري "بضحك"
يعني دا كل المقلق بيك ياخ خاف الله المفروض انا النوم يكون غالبني لاني لسه لافي عذابي كدا
_اووووف ياريت دا السبب بس انا خايف على سهاد شديد عايزا تطلع وتعرف الناس وتختلط بيهم وتعمل ليها صاحبات انت عارفها ما عندها زول غيري ، بحاول اخليها تمسك ليها درب رزق وأساس اتطمن عليها بيه.
*احمد في شنو انت هسي مالك يازول قلبتها نكد مالا هسي بت الناس كويسة ما تركز عليك الله ياخ وبطل التشائم حقك دا زي كل مرة يازول مالك والله تاني تقول كلامك العوير دا لا بيني لا بينك.
وكان على سهاد انا بوصي وصال عليها ح تخليها تتمنى ترجع ليك زي زمان وتمسكها لينا ب زلة وتقول نحن السبب "بضحك"
_بضحك "بهظار عاين ليه" على قلبي حلو طالما ح تخلو بالكم منها معاكم.
*جيب سجارة طيب وبطل هبد كلام ماف داعي ليه
_شايفك
*من عاشر قوم
_عارف الليلة لاقيت منو؟!!
*منو؟!
_فلانة جات تلف وتدور من تاني
*احمد انا شايف تحسم البت دي
"تلفونو بضرب تاني"
طيب خلينا نخش هسي اتأخرنا عليهم ظاهر ونشوف الموضوع دا يوم نتلاقى برانا"
_
#جوه_الكافيه☕🍕
__إتأخرو كدا بره مالهم؟!!
*ما عارفة ، انتي شغالة؟!
__ايوة
*شغالة شنو؟!
__عندي محل فساتين👗
*اهاااا يعني بتبيعيهم وكدا ولا بتصممي براك ؟!
__لسه المحل شغالة عليه
*ربنا يوفقك
_اميين جمعا
*اتعرفتي على قصي وين؟!زي علاقة حب شايفة من تفاهمكم
__ ممم تقدري تقولي صدفة بس اتلاقينا
" من جواها ما عاجباها الاسئلة ماسكة التلفون بتكتب مسج "

[انت وين يا قصي انا منتظراك لاني بديت ازهج خلاص عاوزة امشي]
تم الارسال✔
امممم
وانتي شغالة ؟!
*لا انا بحب قعاد البيت ما متخيلة روحي اشتغل وكدا
__غريبة الزمن دا يعني ماف بت بتقعد في البيت ما معروف الظروف شنو.
*الغريب في الموضوع شنو بالعكس انا بعتبر البيت مساحتي الخاصة ومرتاحة كدا ما زهجانة منو. ويارب بعيد الشر من اي ظرف كعب.
__اللهم آميين ابدا ما قصد اكون سلبية او حاجة لكن بس انتي ربنا ما خلقك عشان تكوني خاملة اكيد اتخلقتي لسبب وانا بشوف اي واحدة قاعدة ساي في البيت ما عندها شي يشغلها مفترض تخت نقطة وتفكر في حياتا من اول وجديد.
الفراغ برضو ما حبابو ...
قعاد البيت زي كأنك بتلفي وتدوري في مكانك بدون نتيجة .
مافي اي تطور ملموس.
*انا ما قاعدة ساي عندي مملكتي بيتي في حالة شغل ومطبخ وترتيب يعني ما ماكلة شاربة نايمة دا برضو يعتبر شغل وشغل ما هين ولا ساهل انك تكوني مسؤولة من بيت وزوج .
كل حد وعندو وجهة نظر مختلفة والا ماف داعي نعيش الحياة اذا كنا كلنا متشابهين وانا شايفة اني مقتنعة بقعاد البيت طالما متفاهمة مع احمد ومع روحي والبسوي فيه .
__اها تمام يا ستي

"بصوت قاطع كلامهم"
قصي: شايفنكم بتتونسو من هناك بس ما تكونو عملتو علينا حلف "مبتسم"
سهاد : بتضحك حقو تخافو مننا ايوة
احمد : احم احم الله يستر "بضحك" يالله نحن نمشي يا سهاد بعد دا ...
قصي: بدري مالكم ياخ الونسة معاكم سمحة

"سكت مسافة وضماها عليه شديد "
*وحياتنا هسي كدا مالا ما هدا مبسوطين وفي امان الله الحمدلله رب العالمين.
_بس يا احمد دي تلاتة سنين اتخيل يكون عندنا طفل صوتو مالي علينا البيت ..
*كلها اقسام وطالما نحن موكلين امرنا لي الله مش انتي مؤمنة وانا مؤمن عاجلا ام آجلا ربنا برزقنا بالذرية الصالحة مستعجلين لشنو ، وبكرا تتجرسي وتكوركي ياولد روق ساي ويابت تعالي هنا وياود ما تجر اختك "ههههه" ما تدخلي افكار سلبية في راسك يا سهاد.
_ههههه يارب يارب رضياااانة بالشلهتة دي اسمح منها ماف برضو ..الحمدلله ما دخلته سلبيات وانت شايفني بس يا احمد بس اول ما اطلع مكان واتعرف بناس ويعرفوني متزوجة اول سؤال بقولو لي عندك اولاد؟!! دا السبب الخلاني ما بحب الطلعات "من جواها وما اتحنن ولا البس دبلة" كترت اسئلة الناس وتركيزهم حاجة ما حلوة. مع اني يكون عندي طفل ما عشان زول بس عشان يملا علينا البيت
ويارب ما تحرم بيت من الاطفال .
*"بهظار" انتي اصلا ما بتطلعي "عاينت ليه وكشرت وشها"
هههه طيب طيب انتي عايزة مني شنو اسويه ؟!
_انا ما عايزة منك تسوي شي ، بس كل العاوزاه اني حا امشي لدكتورة تفحص لي امكن عندي التهابات او محتاجة حبوب او حقن دا كل الموضوع انا فتشته في كم قروب وبشوف كاتبين كدا ...
*طيب خليني بكرا اشوف دكتورة واحجز ليك عندها نمشي سوا
_لالا شفته جارتنا الاسمها سلافة الحكيت ليك عنها دي دكتورة نساء وتوليد حا امشي ليها بكرا البيت واعرف مكانها .
*اها "بضحك"
_شنو مالك بتضحك؟!
*مبسوط منك
_في شنو؟!
*بقيتي تعرفي تتصرفي من دوني
_ايوا ايوا يعني ارتحته داير تقول
*بالعكس اني اوديك واجيبك واساعدك واعمل ليك العايزاه على قلبي زي العسل "بعاين ليها"
_بتحبني؟!
*بموت في سهاد تعالي كدا اكتر
_"اتسحبت منو وهي بتضحك طيب اقيف النطفي اللمبة واجيب موية اول وطلعت جري بره".

#عند_قصي📱
#مسج
*نمتي
"ملصق"
#وصال
"بتعاين على الرسالة وما فتحتها"
*اذا صاحية ردي لي
"شايلة التلفون وبتقراها بدون تفتحها"
#اتصال
"بتعاين ليه وبتقلبو ما بترد"
#مسج
*تمام تصبحي على خير.

بتتكلم براها...!!!
معاك الخير
بتجدع التلفون في طرف السرير وبتجر التوب تتغطى كلها وفي راسها الف كلمة وكلمة اولهم
جد كلام عمتو صاح انا لي عملته من الحبة قبة ولا لي حق!!!
قامت تاني مسكت تلفونا
#مسج
_صاحي؟!!
#قصي
"بعاين لتلفونو بدون يفتح الرسالة وبتكلم مع روحو"
يادوب فكرتي تردي غلطانة وانا كل مرة اتنازل واصالحك عمرك ما فكرتي تعتذري مرة.
#رسالة
_ارجع لي بإتصال
#قصي "بتكلم براه"
اتصلته وما رديتي
#اتصال من وصال
"بعاين للتلفون وما برد"

"ماسكة تلفونا وبتهز فيه "
طيب ما داير ترد ولا تتصل استاهل انا ودا تلفوني حا اقفلو .
#ربع_ساعة⏰
ماسك التلفون بتصل📱
ان الهاتف المطلوب لايمكن الاتصال به الان نرجو محاولة الاتصال في وقت لاحق.

👋
"لقد كنت أتجنب المحبة طوال حياتي، كنت أعلم أن قلبي أكبر مني، وإنها لكارثة أن تكون شخصا عاطفيا ومنطقيا في آن واحد، كلما قطعت نصف الطريق في عاطفة ما صفعتني يد المنطق، إنني أخشى قلبي المندفع بمشاعره، وأني أرى أن لا منطقية في الحب.


وعلى الخير والمحبة نلتقي✎﹏﹏﹏﹏﹏﹏﹏﹏

#سحر_سميرঞ
#فاطمة_قسم اللهএ
#المندرين☻

انا ما ناسية السويتو معاه بس ما اتوقعته رد الفعل دا منو
اتوقعت يطانشني ، اتوقعته ما يقيف ويسلم علي ، اتوقعته يعمل لي بلوك وقتي من حياتو ، بس ابدا ما اتوقعته الزلة الزلاني ليها عشانها...
ودا كلو ما هاميني الوجعني شديد انو متمسك بسهاد وبعتز بيها انا والله شفت حبو ليها في عيونو بس كمان عمر العشرة الكانت بينا تمر بالبساطة دي من ناحيتو وانا عارفة كويس بس هو برد لي الصاع صاعين زي ما عملت فيه ...
ههه من متين احمد بقى ملتزم كدا؟!
اول مرة اهابو ههه اهابو؟!
عجبك يا ....
هههه
اول مرة اقيف قدامو كدا من فترة طويلة لقيتك اتغيرته كتير للدرجة دي ملتك مني تكون قالت ليك عني شنو؟!! ما هي السبب ايوة هي السبب ولازم تدفع تمنو بالغالي!!!
"بتاخد نفس حار"
اول ما عاينت في وشو كأني اول مرة اشوفو!!
كنت عايزة اتكلم معاه كتير واقول ليه
طيب وحبي؟!
كلامك لي انك مستحيل تنساني؟!
كنت بتنوم بي في أحلامك وبتصحى بي في واقعك!!
انت بقيت واحد تاني كأنها أثرت فيك شديد وبقيت اقرب نسخة ليها مني.
واحد بدل انا اكرهو لقيت روحي بكرها هي اكتر ومستخسراها تكون ليه.
هي شوية شديد ليك وانت كتير شديد ليها.
انا حياتي اتدمرت وفي بالي حاجة واحدة احمد وسهاد ما اتخلقو لي بعض...
احمد لي وانا ليه.
عارف يا أحمد لو كان حسيت فعلا ولمجرد إحساس انك قنعان مني بس كنت خليتك في حالة واحدة .. بس مجرد سوء فهم حصل ودي رد فعل عكسية منك للعملتو انا لكن اوعى تقنعني ان سهاد خيار اول ليك.
لانك كدا كذاب كبير.
"صلحت بليمت توبها كويس وماشة بخطوات براحة مارة وهي عينها على مدخل البيت "
وبشبه تمتمه براحة..
وكان ما بقى لي يبقى اخير ليه يموت من يكون معاك يا سهاد.

#بيت_حاج_ الطاهر
الله الله شااااامة ليك حاجات حاجاات ظابطة
#سلمى
في شنو كدي عندك حمى ولا حاجة
لالا والله راسك بارد طيب في شنو عيد ميلادي ولا رزة ولا افتتحتي المحل ولا عيد ميلاد قصي اكيد عيد ميلادو..
يابت ردي...
#امي جات خاشة المطبخ
بسم الله في شنو الليلة؟!
#وصال
يا جماعة مالكم مستغربين مع انكم ناسيين حاجة لكن ما مشكلة بحاول اتجاوزها ..
ف بس صحيت بدري صليت الصبح وما رجعته نمته قلت اخش المطبخ اعمل الشاي واجهزو واعمل ليكم فطاير بالطوة وكيكة دا كل الموضوع يعني ما تندهشو للدرجة دي
#امي
بري يا بتي ما مندهشين لكن ما من عوايدك تخشي المطبخ بدري وتسوي دا كلو ...
#رزان
في شنو الليلة؟!!
#وصال
لا حول ولا قوة الا بالله مافي شي والله العظيم مافي شي وبعدين انا اصلا بحب المطبخ والطبيخ مش بس بخش بمزاجي مستغربين مالكم اجي؟!!
اقعدو طيب قبل الشاي والفطاير تبرد انا حشيتها بكذا حاجة واحدة بجبنة وواحدة بلحمة مفرومة وواحدة بشكولاته وواحدة بجوز هند وقرفة .
وال في العلبة دي ماف زول يهبشها.
"صوت الباب بفتح في اثناء كلامنا وجوطتنا"
ياسلاااام الليلة دا منو الرايق العمل كيك من الصباح شاماه من خشيت الريحة تلالي وتعشرق في الحلق..
"بصوت واحد وصاااال"
#عمتي
اصبحتو كيف ،، وصال كدي كدي مالا الليلة
#رزان
والله يا ماما كلنا صحينا ومستغربين بس انا بقول ليكم وصال وقت تخش المطبخ وتعمل حاجة معناها مزاجا ما رايق انا بعرفا كويس .
قولو لي عرفتي كيف؟!!
ملاحظين انكم ما سامعين صوت حاجة مميزة اوتار الحنين مافي؟!!
#سلمى
اي والله وانا اقول البيت دا صاني الليلة مالو كدا لاني فاقدة صوت متعودة اسمعو من الصباح.. تاني شي قالت نحن ناسيين حاجة مهمة امممم ياربي شنو ؟!!
#وصال
خلاص خلصتو كلامكم وتخميناتكم وونستكم بي يالله انا داخلة جوه "شالت كباية الشاي حقتها ومشت"
#عمتي
مالا وصال يا بنات زعلتوها انتي بالذات يارزة عارفاك لئيمة معاها الكلمة بالكلمة وبتتشاكلو زي الضرات.
#رزان
والله يا ماما ما سألتها حتى امس لما جات بالليل ادتنا طله وطلعت عادية كانت ما عارفة هسي مالا.
#امي
كدي يا زينب خشي عليها شوفيها هي بتحكي ليك اي حاجة بس ما تكون اختلفت مع قصي انا بتي وبعرفها سمح عندها قوة الراس مرات ما بعرف الجبدها بيها منو.
#عمتوزينب
"بتقوم من جمبهم وبتجي غرفة وصال بتفتح الباب طوالي بتلقاه مقفول طق طق وصال انا عمتك افتحي الباب"
__عمتو انا بجي هسي دقايق بس
*قلت ليك افتحي الباب انا واقفة
"كررب"
مالك في شنو اتكلمتي مع قصي في موضوع مصر؟ ! !
__طيب خشي خليني اقفل الباب
*انتي بتبكي؟!
__من متين بت الطاهر بتبكي يا عمتو
*وكان بكيتي مالو دا بقصر منك نظر ولا ببوظ ليك عين...
__ما كدا يا عمتو بس لما اجي اتكلم مع قصي بكون عارفة ردو مسبقا ان اي حاجة بقابلها بالرفض منو ما عارفة مشكلتو شنو؟!
*سمح انتي كلمتي يعني؟! وقال ليك شنو؟!

__الموضوع طويل اولها طلعنا على كافيه بس جو صاحبو وزوجتو وبدون مقدمات لقيتهم قعدو وووو بعدها خلاني وطلع وبعدها عمل مني رايح بدون اي توضيح او او وانا وقتها صراحة مزاجي قلب فجأة وقريب البيت رميت ليه الكلام كدا جا رب رب اني مسافرة مصر وبعدها شد وجذب مني ومنو وحصل الحصل في الاخر قفلت التلفون ولي هسي ما فتحتو.
**اجي اجي يابت الطاهر اجي يختي دا جن كلكي..
"بضحك عليك الله يا عمتي انا بقول في شنو"
*بري منك قادرة انتي جنس دا ما عرفنا
__اها الحصل حصل بس اسوي شنو انا هسي؟!
*امس انا قلت ليك في العربية مش باللين يا #وصال والراجل كان طاوعك تخافي منو ؟! وقت ما رضى من اول مرة افرحي قصي ودناس ومتربي كويس وانتي عرضو طبيعي ما يوافق طوالي على سفرتك براك . بس انتي اعرفي كيف تسايسيه ما بس طوالي لا رايي ولازم امشي وقراري وانت ما من حقك تعترض انا عارفاك كويس وانننن..
__والله الكلام بجي كدا ياعمتو بدون احس بحصل عكس الجواي والدنيا تجوط.
*سمح هسي قومي على المحل وافتحي تلفونك دا واتكلمي مع ودالناس وبالهداوة والرواقة المشكلة بتتحلى وليك ولي زمنك اتعودي حلي مشكلتك معاه وقتي ما تتهربي منها وتخليها لليوم البعدو الكلام دا بقتل المشاعر وبخليها باردة بين الطرفين سامعاني.
__سمح ياعمتي الله يخليك لي حاسة اني ارتحته لما حكيت ليك خلاص قايمة قايمة البس.
#سلمى
رزة ياخ ما اخرتينا اتكلمي لي بعدين في العواليق دا انا والله فترته منك لا بالليل اقدر انوم معاك كويس لا بالنهار اقرا معاك ولا ارتاح اليوم كلو دوووودوووو تتوسوسي ياخ احترميني حبة انا معاك في الغرفة دي ما براك.
#رزان
ما عاجبك داك الباب والبيت واسع امشي نومي مع وصال ف ما تديني محاضرة صباح ومساء ما ناقصة جد يا سلمى براي الليلة عندي امتحان ومزاجي في راسي من الزهج.
#سلمى
لانك ما قارية كان قريتي ما كان دا حالك وانا كلمتك بعد كدا ح اكلم ليك وصال واصلا هي محذراك منو وحزفتو قبل كدا من تلفونك ..
#رزان
ابقي بت وكلميها
#سلمى
حا تسوي شنو مثلا ؟! ولا حاجة انا طالعة جاية جاية ما جاية حا امشي اخليك لاني زهجت من تصرفاتك حقت شفع الثانوي دي.
"كررب فتحت الباب وقفلتو وراها"
"جاها الصوت البتتكلم معاه وهو طول كلامهم كان سامعهم"
*بت خالك دي صوتها كسار ياخ
** كسار في عينك انت التاني
*هي ما بتخش هنا
**لا انت ما سامعها هسي بتقول في شنو ؟! عاملة روحها الشريف الرضي انسانا منها
*سمح احكي لي عنك ما تمينا كلامنا انا عايز اتعرف عليك اكتر اصحابك طلعاتك بتسوي شنو في يومك وتاني عندك حبيب بتحبي؟! في زول في حياتك؟ !
**طيب دقيقة دقيقة "شغلت اغنية رايقة كدا" خليني اعدل المود اول هههه
*طيب ارفعي صوتك حبة
هههههههه "ضحكة رقيقة "تمام كدا سامع كويس
**ايوة اها احكي لي ، انتي عارفة حاليا وانا بتكلم معاك برواق كدا حاسي ان دي احلا صدفة لمتني معاك من مدة طويله شديد وحاسي ان نهايتها احلى ، قولي لي رغاي ياخ انت خلاص خلاص يلا ردي لي على سؤالي ...
** سؤالك هههه قصدك اسألتك ههه مع انه نفسي اسألك جذبك لي شنو طوالي كدا لكن خليني ارد على سؤالك اول مع ان ما عارفة لييي اول ماشفت كلامك قلت الود دا مالو مهبوش " ضحكة تاني" بس في نفس الوقت ما انكر انك ظريف.
*مهبوش؟!! عندك الفاظ بتعرفيها براك
** هممم
*ههه عاوز اقول ليك شي بس ما تزعلي بمناسبة اسمك "بضحك" بزكرني ب شكولاته كت كات ما عارف لي "بضحك"
صحي انتي عندك اخوان؟!
**هاهاها ظريف شديد ، انت مالك جنك اسئلة كدا خلي كل شي بوقتو بجي حلو ولا شنو؟!!
*تمام يا ستي بس ما ممكن اني مستعجل اعرف عنك عشان بفتش لي الحب!!
**الحب "اخدت ليها ضحكة طويلة * حب دي هنا ماف بأي حال من الاحوال
*لي بحب دي ما هنا ماف ما تقفلي الباب انتي ياخ خليه مفتوح انا قلبي من هسي دق دق دق تلاتة دقات ما سامعاه؟!!
**"بتغير الموضوع كأنها ما سمعت القالوا وبتواصل في كلامها"
المهم يا ( بتسكت حبة ) يا ... !
طيب بالنسبه لي إسمك ؟؟ حا أناديك بيو كتير كدا ولا ….
"طق طق صوت الباب دقة"
"برجفة قفلت التلفون سريع وختتو جوه الشنطة وقامت كررب فتحت الباب"
#وصال
رزان؟!! قافلة الباب لشنو؟!
سلمى قالت لي منتظراك وانتي مؤخراها مالك في شنو؟!
والباب؟!!
#رزان
ما ماشة عندي مغص ومتوترة وسلمى زادت علي زيادة زي البقيت ثقيلة على قلبها بقعادي معاها في الغرفة في الطالعة والنازلة هي تتنرفز وتتزهج فيني انا الليلة راجعة مع امي .
#وصال
يابت انتي هبلة دا كلام شنو ، يعني يجي من اي زول الا انتي يارزة انتي اختنا الاتربت معانا تعالي تعالي جيبي شنطتك دي وبطلي عوارة انتي وهي وكان عارفة هي منتظراك بره اصلا الاتنين هُبل ..

ورح عندك امتحان انتي ناسية؟!
اعمل ليك قرفة دافية بتريحك!!
#رزان
لالا ما للدرجة دي بس زهجانة ما اكتر
#وصال
اخدي نفس واتصالحو بس بتبقي كويسة يلا تعالي
#رزان
جاية ...
«────── « ⋅ʚ♡ɞ⋅ » ──────»
بتلف في المفتاح كرب كرب قفلت باب البيت
"لابسة توبها وطلعت"
"في الشارع بتتلفت وماشة تعاين لحدي ما وقفت قدام الباب ودق دق دقتو بالمفتاح الشايلاه"
منتظرة وفي نفس اللحظة متوترة
الباب بفتح
__السلام عليكم سلافة موجودة؟!!
* صدفة ولا مقصودة؟!!
__اااا هو لالا ما فهمتك؟!
*"بضحك" ما تركزي مافيشة لكن امي قاعدة جوه خشي
__لالا يبقى بجيها مرة تانية
*لالا والله تخشي يا امي يا امي دي جارة سلافة في الباب ابت تخش..
"بقت مخلوعة من ردت فعلو دي وقلبها قال ليها ارجعي وما تشتغلي بالمجنون دا"
"صوت خطوات جاية وبتتكلم"
**وعليكم السلام خشي يابتي واقفة مالك بره خشي جوه
اتفضلي اتفضلي
__بودي يا خالتو لكن ما عندي طريقة اصلا انا كنت دايراها من طرف الباب استفسر عن حاجة لكن...
"بتدافر بتحت في حبوبتها يا حبوبة زحي حبة"
ازيك يا براءة انتي كويسة؟!
خالتو كويسة انا انتي جيتي لي ماما ماما مافيشة بتجي بعدين..
"بقاطع في الكلام"
**اذا عايزاها ضروري اديك رقمها
__لالا ما ضروري هسي لما الاقيها تاني شكرا
ما بستغنى يا خالتو مع السلامة
*الله يسلمك
"بتتلفت وبتسرع خطواتا كأنها بتهرب من شي... "
"كررب بتسمع صوت قفلت الباب وراها"
*دي منو يا مصطفى اول مرة اشوفا؟!
**قالت ساكنة بي جاي جات لي سلافة المرة الفاتت اول مرة وقعدت شوية ومشت، بس عليك الله يا امي البت دي كيف ما اتخيلتيها مرة ولدك مرة ولدك كدا؟!!
*"بتضحك" قادر الله لو قسمتك يجعلا من نصيبك
**امييين يا امي اميييين
*سمح الجن
"بضحك مبسوط"
__________
#وصال
ياعمتو انتي امشي المحل قدامي انا بغشى قصي وبجيك بهناك عشان ح اوريك كتلوجات وكذا لوقو وموقع وكمان عملت دراسة كاملة شاملة عاوزة قعدة بمزاج افهمك ليها.
#عمتي
سمح النوصلك
#وصال
لالا متأخرة في البيت شوية وح اطلب ترحال امشي انتي.
بتجي داخلة المطبخ
خليهم يا امي انا بغسل العدة معاي دايراه لسه
#امي
خلاص انا طالعة عند ناس خالك ما بتأخر
#وصال
الليلة اتزكرتيهم من وين ولا ماشة ترفعي ضغطك وتجي زعلانة يا امي مالك بيهم...
وبعدين انا طالعة زاتي شوية كدا
#امي
صلة الرحم يابتي صلة الرحم
#وصال
سمح شيلي المفتاح معاك وما تخشي في نقاشات ياامي انا عارفاك.
"ماردت عليها"
"واصلت في البتعمل فيه"
طييب يا وصال وينو البيض والباكنج باودر ودا الدقيق والسكر والزيت والسمنة وجوز الهند وتاني شنوو اممممم
الخلاط هدا
اسوي الشيرة اول احسن
•كباية موية
•2 كباية سكر
"بشر البرتقال"
على نار هاااادية ولا اظبط شيف يا وصال
"مسكت تلفونها وهي شغالة بتكسر في ال3 بيضات في الخلاطة واحدة واحدة
وشغلت اغنية وبقت تدندن معاها
نص كباية سكر ايوة ايوة اضرب كمان انا عاوز اتوب " بتضحك"
ومعلقة صغيرة خل ونضرب كمان وحببة قشر برتقال وهبهان ..
يالله الزيت الزيت ..
ايوه بدت تفور خلاص واحلى معلقة سمن على الشيرة يا سلاااام على النكهة والريحة تحففة.
كباية دقيق وكباية سامولينا وكباية جوز هند ومعلقة باكنج باودر لخبط لخبط لخبطي يا انا...
ايووووة ونسوط نسوط
الفرن سخن اي خشي حبيبتي انا ...
"صوت امها بجيها انا طلعته يا وصال قفلي البيت معاك كويس وأمني الكوبسات والغاز دا ما تنسي"
حاضر يا ماما ما بنسى تمشي وتجي بالسلامة وسلامي ليهم.
"صوت مفتاح الباب وكرب قفلت الباب تاني"
المسافة دي انا اغير لي بفستان احسن اي اي
"جوه الغرفة واقفة قدام الدولاب امممم الاوف وايت دا احلى والطرحة الطرحة الكبدي مع الشبط ياتو ياتو تمام كدا"
30 دقيقة عدت
"كانت جاهزة غلفتها بالفويل كويس"
الريحة تجنن ...
مع الفطاير احلى عزومة معمولة من يدي بحب.
اخر طلة على المرايا و سمعت صوت
دا ترحال جا...
طلعت وركبت مسكت تلفونها و
#مكالمة
"ماف رد"
#مكالمة
"ماف رد"
"بقت مسهمة وفي بالها افكار كتيرة اتوقعتك ترد على الاقل ياقصي معقول ما طايقني انا جد خايفة من رد فعلو بقيت ..
لي قفلت التلفون لحظتها لالا ما تفكري يا وصال حا تقدري تحلي المشكلة ما اول واحدة تمر بينا عادي بنرجع "
كنت طول الطريق بفكر كيف اصيغ كلامي معاه لما جاني صوت وصلنا!!!
في بالي جا حاجة واحدة اني ما حا انمق اي كلام بس بخلي قلبي بدون اي رسميات...
نزلته واول خطوة والتانية والتالتة بطلع بالدرجات بلز الباب عيني على اسم الصيدلية فوق و #مفتوح
وتاني نظرة وانا بلز الباب خاشة عيني بتجي على عينو

معاه بتين مشيت على جمبة لما طلعو من قدامهم ادوني نظرة خاطفة وانا من جانبي ما قصرته عاينت ليهم من فوق لي تحت بعين عدم رضا زي وشوية حا اقول ليهم طبعا انا خطيبتو ...
"ادوني ابتسامة ورديتها عليهم"
عاين لي
قلت ليه وانا متقدمة قصادو
__ممكن نطلع العربية
*شغال
__خليها دقايق بس ممكن
طلع قدامي جيت وراه قفل الباب
"كررب طلع العربية فتحت الباب دخلته"
ختيت السلة تحت قدامي ومسكت التلفون"
دقيقة
اسمع اسمع بس بدون كلام...
⊱ ────── {.⋅ ♫ ⋅.} ───── ⊰
قلبي دق لما شفتك من بعيد تنظر الي
لما بان حسنك عرفته داب في دقاته شوية
بنظرة حييتك وانت ببسمة رديت التحية
قلبي دق..
⊱ ────── {.⋅ ♫ ⋅.} ───── ⊰
#قصي
انا آسفة...
*اها انتي اسفة؟!!
__انا عارفة اني غلطه والتصرف العملتو دا كان غلط وعالجتو بغلط تاني ف بس
شوف عملت ليك #البسيمة البتحبها!! والفطاير خليني اطلعهم
"مدنقرة فتحت الشنطة وبتطلع في السيرمس والمك والعلبة"
#قصي
عارفة مشكلتك شنو انتي يا وصال؟!
عارفة؟!!
"عاينت ليه بضحكة "
__ايوة اني عندية
*لا انتي ما بتحترميني !!!
"سكات للحظة"
__انا ما بحترمك؟!!
ياتو يوم ما احترمتك يا قصي؟!!
*كتير يا وصال وامس اقرب شي اكتر من مرة كبرت عقلي وقلت مع الوقت بتتفهم بس كل ما ليها الامور زايدة اسوأ أسوأ هسي اذا سألتك قفلتي التلفون قاصدة شنو ؟!!
__ما قاصدة شي بس سواء انا او انت الاتنين غلطانين!!
*في فرق بين انك تحترميني وبين الغلط!!!
__تمام يبقى انت كمان احترمني لاني اتغاضيت تجاهلك لما صاحبك ومرتو جو وقعدو عزمتهم بدون تاخد اعتبار اني معاك ، وتاني ختيتني قدام الامر الواقع وقمته طلعته معاه ببساطة هل انا دايرة اقعد معاها؟!!
انا ما بحب التخطي والتجاهل يا قصي طالما طرف تاني معاك يبقى تعمل حساب لخاطري.
"بعاين ليها بإستغراب وعلامة استفهام"
وبضحك ضحكة نص"
*تفكيرك وفهمك غريب يا وصال راجعي روحك...
__اراجع روحي؟! في شنو مثلا؟!!
عشان ما متقبلة رفيقك ومرتو ؟!!
*لا دا ما القصد بس انتي بتصعبي الامور شديد.
هسي وين المشكلة البتخليك بعد يمشو فجأة مزاجك يقلب في ثانية وتقلبي باقي اليوم نكد في نكد
وتانيا موضوع مصر الجا فجأة
دا براه عدم احترام لي انا!!!
"بتضحك "
__بتقول انا البصعب الامور في حين انت دا النقاش معاك مستحيل وبس داير طوالي تفرض رايك وانك صاح وانا يا قصي انا شنو ما من حقي اقول عاوزة شنو وحابة شنو ما انا كمان عندي مساحتي الخاصة الانت مفترض تحترمها وتدعمني فيها.
*انتي هسي اتفعلتي كدا مالك؟!
__ما اتفعلته بس انا زهجته وما عايزة اتكلم في الموضوع دا حاليا ممكن .
*شايفة دي مشكلتك يا #وصال انك بتقفلي الباب طوالي كرررب كدا ...
__بخصوص مصر انا وعمتي حا نسافر سوا لانو المحل ومستقبلو مرتبط بالسفرة دي
*وانا قلت انك ما حا تسافري طالما انا ما موافق على سفرك براك
__عمتي معاي ما بتخاف علي اكتر منها.
*اهااا قلتي لي ما بخاف عليك انا تمام تمام سفر ماف والموضوع دا اتقفل لحدي هنا.
"بتنزل من العربية زعلانة شديد وكررب بتقفل الباب وهو بنزل وراها وماشة لقدام بدون تتلفت...
" عاوزة تقطع شارع الظلط"
ماسكة التلفون بتعمل
#مكالمة
بنادي عليها..
وصال اقيفي
وصال
.
.
لحدي ما يد بتمسك يدها...
لا إرادياً بتتلفت بضيق
أوعى
أوعى
و
جرت فرامل عربية ريحة بلاستيك محروق وصوت قوي سيييك سييييك بووووم صرخة !!!!
.....
👋
على الخير والمحبة نلتقي✎﹏﹏﹏﹏﹏﹏﹏

#سحر_سمير
#فاطمة_قسم الله
#مندرين☻

__ م تجوطي نفسك انتي سلفاً مرتبه امورك فستانك واقف على التنفيذ بس و تفاصيلك الرهيبه ديك كلها مرتبه و واضحه
 بالنسبه ليك ! عايز عرس حدث م حصل ليهو مثيل .. فاهمه !!؟

** " بي فرح " حاضر حبيبي هههه ان شاءالله ! 

__ كدي يلا بعد دا وريني العلبة دي فيها شنوو ريحتا ما بتغباني غايتو ههههه " مد يدو شالها براه " .. 


#جانب_تاني 

رزة : تشوفني !

__ ايوا ليه لا ! انتي كمان حتشوفيني ! و عشان اريحك 
انا بجي السودان الاقيك عديل !

رزة : تجي السودان عشان بس تشوفني!

__ ايوا انتي بس ما قادرة تتخيلي انا منجذب ليك قدر شنو  
و رايدك شديد والله ! و مستعد ارسل ليك اهلي عديل 

رزة : طيب ليه كل شويه في حساب جاي ناطي فوق ؟ 
الحسابات الكتيرة دي شنو ؟ 

__ ما تركزي معاهم ! انا اديتك اشراف اي زول يجي اطردي بس ، و بعدين انا بقوليك منجذب و بريدك و انتي و لا كأنه قلت 
ليك شي ، تمام شكراً !

رزة : ما قصدي بس قاعدين يوتروني و كلها حسابات مهمله 
كأنه الناس ديل متابعننا و عارفننا قاعدين نتكلم هنا !

__ طيب اطلع انا و اخليك تركزي مع الحسابات دي ولا كيف ؟ 
ما هو دا الطبيعي و حال البرنامج دا ! كل شويه زول بجي ناطي !

رزة : تعال اديني كفين مرة وحدة بالله ! في شنو انفصلته فيني زي دا !

__ما قصدي يا ستي بس انتي بتتكلمي معاي كأن انا المناديهم ! على العموم انا بعد دا مفروض ارجع للدوام البريك انتهى ! و
 ياريت تخلي لي حاجة اقدر اتواصل بيها معاك بعيد عن البرنامج دا لانه م حقدر اقعد حارسك كل
 دقيقه و التانيه بين حتدخل متين ، حتدخل متين ! 

رزة : همممم م عارفه صراحه 

__ طيب اعرفي و كلميني 

رزة : لا جد انت في شنو اسلوبك قلب معاي كدا !! 

__ مافي حاجة ، بس خليك عارفه اي علاقه مهما كانت بسيطه و م قويه من غير ثقه متبادله ما بتتجازف .. يلا سي يو ! ( طلع )؟

رزة : دقيقه يا …(#قطعت كلامها لانه طلع ) يعني طلعته ! لالا تمام !! 
بتقول : ليه قلبي بقول لي ان الزول دا مختلف عن الناس 
الموجودين على التطبيق دا ! واعي و حتى كلامو مرتب و ما 
همجي و تقيل مع البنات و عامل حساب لكل حرف بطلع منه ! 

امممم ياربي اتصرف كيف ؟ ياخ كمان انا راتي اتبايخت معاهو و شكلو اتضايق مني ! طيب انا مفروض اصلح الموقف دا و
 اخلي ليهو رقمي الزين في رسالة عشان لمن يجي يلقاها ! 


#في_جانب 

( جرس الباب ) 

** غريبه ! ياربي احمد نسى مفتاحه !! هو متين طلع عشان
 يرجع بسم الله !! ( جرس الباب تاني رن .. بي خوف و تردد من 
ورا الباب قالت ) : منو ؟؟ 

__ اجي يا دي ! دا كلو خوف افتحي يا بت انا سلاف افتحي 
افتحي !! 

( فتحت الباب بي ضحكة كدا )

** سلاف هههههه ازيك ( سلام حب ) اقسم بالله الليله بيتي نور عديل ! كيف بالله تمام ؟ 

__ تمام والله حمدلله يا سهاد ! اقعد هنا ؟ 

** اي اقعدي محل بريحك ، اتفضلي اتفضلي ! وينا امك ما 
جبتيها معاك لي و براءة ؟ 

__ و انتي قايله الجابني ليك شنو ؟ رجعت من العيادة لقيت 
البيت فاضي ! دقيت ليهم لقيت امي ساقت براءة عند اختي 
و ياهو ساقو مصطفى معاهم ، البيت بقى لي صانني ههههه 

** يا حليلك والله يا سلافة لكن والله ما تتخيلي فرحتيني بي جيتك دي قدر شنو ! 

__ معقوله والله لو ما المسؤليه بتلقيني كل يوم ناطه ليك !

** يا سلااام ههههه انتظريني دقيقه ، بجيك اسي ، و اخدي  راحتك فكفكي طرحتك دي مافي زول ..

__ انتي يا سهاد امك برا الخرطوم ولا شنو ؟ 

** ( واقفه في باب التلاجة ) : يديك طولة العمر يارب ، ربنا 
يرحمها 

__ (الصوت بقى بعيد ) : الله .. ربنا يرحمها والله ! 

امي طبعاً قالت لي كنتي عايزاني قلتي ليها ، قولي لي بعد 
ترجعي و تبطلي كركبتك دي ! تسوطي في شنو انتي تعالي
 اقعدي يا بت .. 

** جاياك جاياك …


#وصال_بتقول : 

اتصالحنا كأن ما كان في زعل بينا ، و دي الحاجة البتخليني 
اتمسك بي قصي كل مرة ، ان الزعل بينا كأنه هظار ، برغم 
حماقتنا و كلامنا الحار لكن بنرجع من قلبنا ليبعض ، بالجد مالينا غير بعض مهما زعلنا مصيرنا لي بعض .. 

و انحنا في طريق رجعتنا للبيت ( هو مرجعني ) سرحت و
 حسيت اني متوترة و م عارفه ابدأ من وين و كيف ، و قررت
 اغير الموضوع عشان لمن ارجع افكر فيه اقدر افكر فيه من غير م احس بضغط .. قلت ليهو :

** قصي !

__ قلبه و روحو انتي ، قولي لي !

** ( أبتسمت و قربت انسى ناديته ليه ) يسلم نبضو  !

__ تسلمي لي انتي ! قولي لي يا روحي

** اتصلت بي اختك زي ما طلبت منك ؟

__ اختي !! اختي منو ؟؟ حنين قصدك ؟؟ 

** عندك اخوات غيرها يا قصي يعني ؟؟ كيف يعني اختي منو ؟ و بعدين مفروض تكون مستوعب لأنه من اسبوع كنا ماسكين سيرتا ؟

__ طيب يا وصال ما تجوطي 

** لا بجوط لان البتعمل فيهو دا غلطط ! م صح منك ياخي .. 
ياخي دي اختك سؤال بس حيكلفك شنو ؟ 

__ طيب يا وصال قلت ليكي حا اتصل، بس انا منتظر الوقت 
المناسب لمن احس نفسي مهيأ كدا !

** لالالا انت م نصيح والله

#مندرين7

#التقاطع
الساعة 4:18 دقيقة عصر
أحمد بقول :

قريب من التقاطع لما شفتو ماخد حريتو بقى وذايد من السرعة كنت عارفو مبسوط لحظتها ذدت سرعتي وقربت منو وبكورك لي يهدي السرعة ف سمعت صوت تلفونو
قلت ليه تاني
(ما ترد هدي شوية )
عاين لي بإبتسامة وضغط بنزين وطار من قدامي كأنو بقول لي شوف وإتعلم يا صاحبي...
ما تم لحظات من كلامو الا و
"صوت رجة "
وانا شايف الموتر طار "ولستكو طار فوق وبقع وبطير تاني لقدام " وهناك قصي إتنفض منو واتصدم بالارض واتدردق لمسافة ما قريبة. .
اصوات البوري "تيييت تيييت والجوطة همهمات على كلام"
انا نزلته كيف وجريت كيف ووين ما حاسي بروحي غير بكورك بقول لا اله الا الله في شنو ما عارف
مخلوع
مهجوم
ايوة مخلوع شديد
وخاتي يدي الإتنين في راسي بكورك قصي يا قصي
شايف الناس دي بدت توقف عرباتها والكان ماشي ببره الشارع وجارية على الزول المجدوع هناك بدون حركة..
برجف قعدته ختيت يدي في راسي وقمته تاني
ما قادر اجري حاسي بتقلة ما عادية في رجولي وراسي لافي لافي وزنننن في أضاني وانا شفت تفاصيل كل الحصل قدامي في كسر من الثانية ..
كنت كلي برجف وما مستوعب الحصل من لحظة بس
لحظة بس وانا كنت قصادو وهو كان معاي مبسوط وبضحك ..
"يارب يارب"
سامع جوطة الناس بتذيد ومتلمية شايف الوشوش دي دافرة قدامي وكل زول بقول كلام
‌لا حول ولا قوة الا بالله "تصفيق باليد"
‌ياجماعة ماف زول يهبشو احتمال في كسور
‌زحو زحو يا جماعة ادوه النفس بالطريقة دي بتخنقوه
‌اتصلو بالاسعاف
‌لالا نشيلو اقرب مستشفى احسن
‌المعاه منو
‌وين حاجاتو يا جماعة لملموها ليه
‌الزول دا شكلو مات ما قاعد يتنفس

مع الكلمة دي انا حيلي اتهدا بقيت بكورك بطول حسي
زحو زحو وبدافر من طرف بزح فيهم
دا اخوي دا اخوي
واحد بكورك
‌يا جماعة ماف زول يهبشو انا اتصلت بالاسعاف اتصلت بالإسعاف
ما عدا زمن الا ونين صوت الإسعاف بدوي وبقرب بصوت عالي شديد بطريقة اقل ما اوصفها مخيفة وكل ما ليه يقرب بحس بالغصة والاه وكتمت النفس في موقف ما قادر اوصفو الا وانو مهول ومخيف شديد...
وانا بارك جمبو شايف صاحبي واخوي بموت قدامي وما قادر اسوي ليه حاجة..
كلها تمتمات حوالي سامعها و صوت واحدة وهي بتقول:
‌سترك يارب يا خفي الألطاف نجينا مما نخاف اللهم استرنا
لطفك يارب اللهم الطف عليه.

" دا كلو وانا لسه كنت تايه وما مستوعب اي شي كل الشايفو ان قصي بينزف والدم نازل منو مغطيه بلا حركة ..
والمسعفين نازلين فيه
واحد منهم بينادي معاه منو الزول دا في زول بعرفو؟!
__انا انا انا اخوه
"بعاين لي وهم شغالين اسعاف فيه"
واحد بفحص يشوفو حي او ميت من خلال كلامهم وبرفعوه على النقالة بطريقة معينة وعلى سيارة الاسعاف وانا دخلت معاه
ولساني ما وقف من لا حول ولا قوة الا بالله العلي العظيم "وعيني فيهو اطمنته حبة وقت عرفتو بتنفس وعايش"
بدو الاسعافات بتاعتهم يوقفو النزيف و يوصلو ليو اوكسجين و يوصلو ليه محاليل وريدية. .
واحد فيهم اتصل على اقرب مستشفى وبعدها الاسعاف اتحرك بأقصى سرعة ليه وصوت
"ويو ويو ويو بذيد وبذيد... "
✎﹏﹏﹏﹏﹏﹏﹏﹏﹏﹏﹏﹏﹏﹏
#وصال
لا اله الا الله لا اله الا الله محمد رسول الله
اللهم سلم لا اله الا الله
وااااي وااااي امي امي "بتكورك بصوت"
"بتطلع في الجونتات ورمتهم في الارض"
قصي قصي يا امي يا عمتو قصي ما كويس
الووو الووو قصي قصي الووو
"جدعت التلفون عمل ربب"
"زينب وامال لما سمعو صوتها بتكورك بالخلعة جو جاريين عليها مهجومين"
عمتو زينب: وصال بسم الله في شنو؟! "منططه عيونا وخاته يدها في صدرها"
امي: يابتي في شنو الحصل شنو في شنو يا وصال في شنو ابوك حصل لي حاجة ولا اخوك اتكلمي "منططه عيونا ومخلوعة بتعاين لي وصال"
"بتبكي وتقعد ف الممر محل واقفة خاته يدها في راسا بترفعو وتاني التلفون بقع مع رجفة وخلعة"
قامت تاني
"سلمى ورزان جو جاريات مخلوعات لما سمعو الجوطة والكواريك"
بصوت واحد : في شنو مالكم في شنو " سلمى بتعاين بخلعة وبدت تبكي"
"وصال جرت لقدام باب الغرفة وبترجع دايرة ترجع الصالة تاني"
بتكورك
مخلوعة
اللهم سلم يارب اللهم سلم...
"طق جاها كف ومع الكف دا قعدت في الارض وبقت تعزي تبكي"
بقينا كلنا مخلوعين مع عمتو زينب الضربت وصال كف وفي نفس الوقت ما مستوعبين حاجة ولا في شنو؟!
#وصال
بدت تبكي وتتهزه قصي قصي يا عمتو قصي عمل حادث انا سمعته صوت رجة وضربة قوية
دا حادث يا امي قصي ما كويس قصي عمل حادث
"بصوت واحد لا حول ولا قوة الا بالله لا حول ولا قوة الا بالله العلي العظيم"
امي : لا اله الا الله محمد رسول الله "خاته يدها في راسا "
سلمى : بقت تبكي بزيادة

ورزان مخلوعة وخاته يد في صدرها والتانية غازاها في جمبتها بتعاين لي وصال بوجع..
عمتو زينب : بسم الله الرحمن الرحيم "بتقوم في وصال" قومي العني الشيطان كدي وقولو كلكم لا حول ولا قوة الا بالله " العرفك شنو انو دا قصي العمل الحادث انا متأكدة ما هو " وامكن ما حادث زاتو عرفتي كيف حادث
قومي يا وصال قومي ..
"مسكتا بتقوم فيها"
"خاته يديها الاتنين في راسها ومدنقرة بتبكي "
دا هو يا عمتو دا هو ما ردا علي والخط فتح ما سمعت صوتو ولا شي الا الخبطة وصوت العربات والجوطة
ولا كان ردا علي"
قامت مهجومة جارية جوه وفتحت الدولاب جرت العباية والطرحة وجات جارية طالعة
امي : يا وصال انتي في الحبس طالعه وين بدخانك كدا؟!
__ امي حبس شنو؟! ودخان شنو قصي العمل حادث وانا في الدخان
امي : سمح هاك البسي "جونتاتك دي" و كدي استهدي بالله النتأكد اول اتصلي تاني امكن العمل حادث زول تاني مع اتصالك سمعتي الجوطة او ما معروف وينو تلفونك النتصل تاني اقيفي...
رزان : هدا يا خالتو" رفعتو من الارض" واصلا كنت دايرة اتصل
امي: اتصلي اتصلي كدي
**جاري الاتصال...
"بتعاين للمكالمة ما بخش معاها اي جرس بتختو في اضانها تاني وبفصل ماف جرس"
عينا وقعت في عين وصال الواقفة هناك بتعاين ليها بقلق وخوف ودموعها في عيونا "وبتلبس في الجونتات"
#وصال
قلت ليكم انا قلت ليكم قصي عمل حادث اصلا انا من قبيل قلبي قابضني اصلا ما مطمنة ومن قبيل تقولو لي دا توتر العرس وما عارفة شنو بحصل كدا عادي
عرس شنو ؟
دا احساس قلبي كان حاسي ان في شي حا يحصل وهسي حصل قصي ما كويس "بنفس حار منهارة"
ياريتني كنت معاه واصريت يجينا من الضهر
ياريت اتصلت من قبيل وما انشغلت بحاجة عنو
عمتو : استهدي بالله كدي اول حاجة وامسكي التلفون دا وتعالي اقعدي اضربي لي الهادي اخوه او امو اتصال عادي شوفيهم
__ما قادرة يا عمتو ما قادرة انا بضرب لي عمو اسألو عديل
امي : يابتي بتخلعي الناس ساي اضربي اتصال عادي كدي اول
"وصال ماسكة التلفون بتضغط على رقم مروة وبتفتح الاسبيكر
" ضاغطة على طرحة العباية وحاسة قلبها حا يطلع مع كل جرس والتاني وماف رد توترها زاد زيادة ودموعها جات جارية اكتر"
رزان : اتصلي ب امو طيب امكن مروة نزلت ليها تحت...
"ما بترد يا رزان برضو ما بترد ويدها ضغطت على التلفون تاني على إسم
#خالتو #فوزية
جرس والتاني والتالت....
" رب رمت التلفون من يدها وقعت في الكرسي وبدت تبكي"
دا قصي العمل الحادث والله العظيم هو العملو ما دايرين تصدقوني لي
انا قلبي حاسي بكدا انو ما كويس
"رزان بترفع التلفون "
**مسجلة اسم اخوه ب شنو؟
__الهادي
**الهـ جاها الاسم وعملت اتصال
تاني رجعت اتصلت في تلفون مروة وخالتو فوزية بس برضو ماف رد...
#وصال
"بتلبس في طرحتها "
رزان جيبي التلفون "بتمدو ليها" انا ما بقدر اقعد كدا واكتف يدي ارح يا عمتو النمشي على بيتهم خلاص ما قادرة ما قادرة اتحمل من القلق والتوتر "بتاخد نفس حار " حاسة قلبي داير يطلع من الوجع..
عمتي : سمح امرقي ارح دقيقة اجري يارزان جيبي شرابات التلبسهم في رجولها الدخان.
رزان : سمح "بتجري بسرعة "
امي : ربنا يجعل العواقب سليمة ، اتصلو علينا طمنونا يا زينب
عمتي : ان شاءالله " بتعاين لي وصال المشت قداما فتحت الباب وطلعت وكانت شبه جارية ما ماشة"
✎﹏﹏﹏﹏﹏﹏﹏﹏﹏﹏﹏﹏﹏﹏
#المستشفى
#الطواريء
الساعة 7:00 مساء
في كراسي الإنتظار كانت
"ام قصي بتبكي ما صابرة جمبها مروة بتخفف عنها وهي نفسها خايفة مرة ومرة تقش في دموعها والهادي ماشي وجاي طول الممر مترقب ابوه يجي وبعاين لي بقلق"
أحمد بقول بتزكر :
وقت وصلنا المستشفى من خلعتي اتصلت طوالي ب الهادي ورميت ليه الكلام رررب بدون مقدمات
يا الهادي قصي دا عمل حادث ونحن حاليا في قسم الطوارئ..
حاولت اتصل ب عم محمد "والد قصي" بس ما كان في رد منو.. "
وتاني الحصل حصل انهم جو مخلوعين والحمدلله انهم وصلو بخير بس انا ما كنت واعي وقتها بعمل في شنو"
أحمد قاعد في المقعد ثابت ونظرو تحت بفكر ..
كلو بسببي الجدا شنو الليلة لما وافقت اديه الموتر وانا عارف قصي ما بعرف بسوقو كويس وليه فترة طويلة منو..
الخلاني بالبساطة دي اطاوعو شنو وامد ليه المفتاح بدون ما امنعو وارفض ليه..
زول عريس ياخي زول عريس
"هبيت من مقعدي بخوف وترقب وقلبي وعقلي بدعي ان قصي اخوي ورفيق عمري يكون بخير "
"وقفت جمب الهادي"
__انت اتصلت بخطيبة قصي؟!
*"عاين لي" لا ما عارفة ما اتصلته بيهم
__مفترض تكلمها ولا شنو؟!
"بعاين في تلفونو"
*متصلة اكتر من خمسة مكالمات هي زاتا
"بقرب من امو "
امي هاك وصال دي كلميها بس هوني عليها الموضوع ما يتخلعو

#مندرين8

**بـ
"لكلكة الباب كلك كلك"
"بفتح"
"عينها عليه "
وقفلت الخط..

"مجاهد أخوها عينو عليها"
رزان قاعدة هنا وقافلة الباب لشنو؟! "بعاين ليها بحزم"
رزان: بسم الله انت جيت متين
مجاهد : بسألك ؟!!
رزان : ابدا بس دخلت بتكلم مع مريم اتصال عاوزاها تجيب لي شيتات ...
مجاهد : طيب تعالي اعملي حاجة اكلها وسوي لي شاي
رزان : حاضر جاية

─────────ೋღ 🌺 ღೋ─────────

هناك خيرٌ في كل شر، لا أحد يعرف إلا الله.

#وصال بتقول:

انزويت في ركن براي وكنت شايلة المصحف ما فارق يدي وفتحتو من البداية وبديت اقرا
بِسْمِ اللَّهِ الرَّحْمَنِ الرَّحِيمِ (1)الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7).
واصلت بعدها في قراية سورة البقرة بيقين من جواي ان قصي يطلع منها بخير ونزرت نزر بيني وبين نفسي.
"جاني صوت بتكلم"
**ممكن أقعد أقرا معاك
"رفعت راسها ليها"
__اقعدي يا حنين
**عارفة لما انتي جيتي ماشة بجمبي عيني جات فيك وسبحان الله لما شفتك مخلوعة وجارية دعيت ليك في سري وشاءالله انك تكوني خطيبة قصي. واننا نشوف بعض في ظروف زي دي.
__الحمدلله على كل حال ربنا يكتب ليه السلامة ونتعرف في ظروف احسن واحلى بإذن الله..
**ان شاءالله
"مع كلمتها وقفت"
#الدكتور الدكتور
"لقيت روحي بمسك يد وصال قوي وبنتقدم بإستعجال وبعاين ليها في وشها وهي بتمتم بالحوقلة ومترقبة كلامو"
كنا واقفين كلنا وبابا بتكلم مع الدكتور ال قال
الحمدلله العملية نجحت وحا يحتاج ليومين او تلاتة ايام عشان يرجع ليه الوعي ويفتح ان شاءالله
حاج محمد : حالتو كيف هسي؟!
بوضوح شديد الحالة خطيرة لكن مستقرة ونحنا ح نخليو على الاجهزة في وحدة العناية المكثفة لحدي م يتحسن بس للاسف الاصابات في العمود الفقري سببت اصابات في الحبل الشوكي و ده ح ياثر على حركتو . لكن بالعلاج الطبيعي ومواصلة العلاجات بإذن الله حا يتخطى المرحلة الصعبة دي
الهادي : حركتو يأثر على حركتو كيف يعني قصدك ممكن ما يمشي ولا شنو يا دكتور ممكن توضح لينا؟!
الدكتور : ايوة الحركة حا تبقى صعبة عندو بس مفترض بعد يطلع من العناية ان شاءالله يبدا ب جلسات علاج طبيعي ل تقوية الاعصاب ولازم يستخدم اشياء مساعدة للحركة زي مثلا كرسي متحرك او عكازات ..
فوزية : الجاتك تختاك يا قصي ياولدي الجاتك تختاك
لااا حول ولا قوة الا بالله العلي العظيم
حاج محمد : استهدي بالله يا فوزية قدر الله وماشاء فعل
واصل كلامك يا دكتور
الدكتور : الكلام دا طبعا ما بين يوم وليلة اقلاها بقعد شهرين او شهر في المستشفى اولا للمتابعة الشديدة لان الفترة دي حرجة زي ما قلت ليكم بالإضافة للعلاجات و ادوية لتقليل الالم بتاع العضلات .
وصال : خاته يدها في خشمها ودموعها في عينيها متابعة الموضوع بإنتباه "عمتها قربت عليها ومسكتها من يدها"
نحن ممكن نشوف قصي حاليا ونطمن عليه؟
الدكتور : للأسف ممنوع في العناية لكن ممكن نسمح لي زول واحد بس يزورو لمدة عشرة دقايق ما اكتر.
فوزية : قصي خلوني اخش اشوفو عامل كيف واطمن عليه "بتبكي ومتكلة على مروة"
مروة : "ماسكاها" حا تخشي يا خالتي انتي اي بس روقي انتي عيانة براك وقصي محتاجة ليك اكتر مننا
"بتعاين للدكتور وبتتكلم معاه"
كويس يا دكتور هو حا يقعد كم في العناية وتطلعوه؟!
الدكتور : ان شاءالله عشرة ايام ويتحول لي غرفة عادية
اي استفسار انا حاضر و حمدالله على سلامتو مرة تانية وما تقيفو من دعواتكم ليه.
عن إذنكم.
حاج محمد : شكرا ليك يا دكتور
الحمدلله الحمدلله على ما اراد الله الحمدلله رب العالمين
قدر اخف من قدر ما تبكو ولا حاجة بكرا ان شاءالله يتحسن ويرجع زي ما كان وافضل احمدو الله على ان قصي حاليا كويس وعناية ربنا شملتو واتكتب ليه حياة من تاني وسطنا..
الحصل ليه والحادث دا كلو ما هين كان ممكن نفقدو لا قدر الله
الحمدلله يارب
فوزية : الحمد والشكر لله رب العالمين
وصال : "بتحضن خالتو فوزية " الف سلامة لي قصي يا خالتو الحمد والشكر لله
زينب: ربنا يتم شفاءه يارب يا فوزية حمدالله على السلامة دي براها سلامة وكرامة
الهادي : يا امي ويا عمتي ومروة انتو حا تمشو البيت و حنين تعالي ووصال كمان امشي البيت وانت يا ابوي ارجع معاهم برضو وجودكم هنا ما ليه داعي الا تعب ليكم ساي ما بخلو زول يخش ليه.
انا بقعد وبطمنكم عليه
فوزية : انا ما بمش من هنا الا اشوف قصي وقلبي دا يرتاح يا الهادي ما ماشة الا اشوفو

غير كنا مبسوطين بعرسنا ما كان في خاطرنا ابدا ان ممكن تحصل حاجة زي دي..
اخر حاجة كان اتكلمنا لما قال لي ماشي البيت انا واحمد لموضوع الكهرباء وانا منتظرة منه يتصل بي اطمن عمل شنو اذا انتهى او لا ولما طول مسكت التلفون ومع ردو...
غمضت عيوني وكأني سامعة الخبطة واصوات الجوطة من تاني...
" هوووف هووووف بتنفس بضيق واني كان لازم اطلع غصتي ف" البسكويته الغمستها وقعت في الارض قمته اجيب منديل انضفها الا وفي ممرضة جاية علي وبتقول:
انتي اخت المريض قصي؟!
"ما بكذب قلبي اتقبض وقلت خلاص في حاجة معناها لدرجة غلبني ارد الا وهي بتتكلم تاني"
انتي اختو؟
__انا خطيبتو قصي كويس في حاجة ولا شنو مالو؟!
**لالا ما تخافي اتوترتي مالك كويس هو الحمدلله بس في ادوية مفترض تجيبوها هسي دي الروشته..
__حاضر "بتشيلها منها" طيب اذا سمحتي خليني اخش بس دقايق اشوفو
"بتعاين لي وحسيتها ما قادرة تقول لي لا"
قلت ليها :
__معليش انا اسفة بختك في موقف كدا وانا زاتي دكتورة و عارفة انو في العناية وممنوع الزيارة لكن الله لا يختك في موقفي دا بس انا من جواي مخنوقة وعايشة على نار وما قادرة استحمل اني لحدي اللان ما اشوفو واطمن عليه.
** ربنا يطمن قلبك عليه يارب ، طيب عايني بعد ساعة كدا بخليك تخشي تطمني عليه وتطلعي سرعة لكن.
"بفرح"
__سمح سمح شكرا كتير ليك
"مسكته الروشته وبعاين وبقرا فيها ومتقدمة
مورفين 5 ملجم
ترامادول 50 ملجم
oxycodone
و
جاني صوت الهادي يا وصال في شي حصل وين كنتي؟!
__ايوة جات الممرضة وطلبت الادوية دي
"بشيل مني الورقة"
**قالت اي شي بخصوص قصي ؟!
__بس ياهو نفس كلام الدكتور على حسب حالة المريض بعد العملية غالبا يومين او تلاتة ايام بفيق ان شاءالله ، عاين انا حا اجي معاك الصيدلية
**لالا انتي انتظري هنا امكن يحتاجو شي افضل ما نمش الاتنين
__ايوة كلامك صاح طيب خلاص
"الهادي بطلع مني وانا بمشي على غرفة الممرضات"
بعد ساعة بالضبط من لما جاب الادوية المطلوبة الممرضة دخلتني بهدوء
#وصال بتقول
وانا داخلة الغرفة وشايفاه هناك راقد في السرير مغطى وكل الاجهزة دي موصلة فيه من فوق ومافي صوت الا صوتها "تيييت تييييت تييت" كان في بالي اجري عليه واحضنو قوي واقول ليه قصي قوم حبيبتك جات قصي قوم وصال جات
قربته منو وختيت يدي على يدو وضغطته عليها شديد
وبصوت هامس
يا حبيب قلبي انت سامعني ابقى كويس عشانا وعشان حلمنا القربنا نحققو وعشان بيتنا "بتقش في دموعها وعيونها بتعاين ليه"
انت عارف انا مشتاقة ليك شديد والله العظيم مشتاقة اسمع صوتك واشوف عيونك وانت بتتكلم معاي ضاحك ومشتاقة لي مكاواتك لي ب يا مندريني
انا مشتاقة لي كلامك السمح الكلو حنية وطاقة وحب لي..
حاسة ان ليك كتير هنا
قوم عشاني يا روحي.
"بتخت يدها على راسو براحة وبتهمس"
بسم الله أرقيك من كل شيء يؤذيك من شر كل نفس أو عين حاسد الله يشفيك بسم الله أرقيك
"بتقرب منو بتسلم عليه في راسو وبتطلع"
✎﹏﹏﹏﹏﹏﹏﹏﹏﹏﹏﹏﹏﹏﹏
#في جانب قريب من بيت ناس حاج الطاهر " والد وصال"
"كان في مشكلة كبيرة في بيت الجيران"
"بيت ناس حاج عثمان ووداد وعندهم البراء الولد الكبير حدو اولى ثانوي عاطل في البيت ما شغال عندو تاكسي بس موقفو في البيت وبيان الاصغر منو شغالة في منظمة اجنبية بتاعت بحوث ، و تقى الصغيرة بتقرا في الجامعة اقتصاد وعلوم سياسية ، و ميمونة حبوبتهم جهة ابوهم مرا كبيرة ومخرفة" اما حاج عثمان عندو دكاكين اسبيرات ومتزوج اتنين تاني غير وداد "
_أسمعني يا عثمان انا عداني العيب بعد كدا أمك #ميمونة إتحملتها بما فيه الكفاية اكتر منك انت ولدا
طالعة كل يوم حايمة في دربا افتش فيها من بيوت الناس
متحملة هرجيها وشلهتتها لي قلت معليش يا وداد مرا كبيرة وبسايرا حسب خرفها دا
نضافة بنضفا وحمام بحممها واكل ما مقصرة منها
لكن امك الليلة جابتا كبيرة يا عثمان كيف تقول شافت بتي واقفة مع ولد في الشارع والدنيا ليل تخلي اخوها يضربها كدا وانت عارف البراء دا مع اخواتو شديد وعصبي ما بتفاهم لما في البت دق وقلع تلفونا وكان صوت كوراكو طالع بداية الشارع منو هو الما اتفرج فينا.
ماشاءالله عندك اتنين غيري قاعدات مرتاحات نايمات ماكلات شاربات سوقها ليهم.
* وانتي هسي فرقك شنو منو يا وداد ما هدا رافعة صوتك تهرجي من قبيل خلاص الموضوع دا اقفليه واسكتي منو خلي اليوم يعدي على خير
_ما بسكت اسكت لي ياها حالتك اي شي تدمدم وتغتي فيه لا بتحل مشكلة لا بتسوي شي اقلاها خش اتكلم مع ولدك دا اقنعو يمش معاك المنطقة مسكو دكان ما ياهو ولد واحد عندك تاني ولد.
*اها دايراني اسوي شنو اودي امي وين ؟! دار العجزة كدا بترتاحي وتنومي وانتي ضميرك رايق. انا بجي البيت دا ارتاح لي شوية . ولدك كان داير يشتغل كان اشتغل جبت ليه عربية يشغلها تكسي هديك مركونة ما بطلع بيها صغير هو اسوي لي شنو؟!

روايات سحر سمير:
#مندرين
بقلم سحر سمير و فاطمة قسم الله
-١٠-


#مندرين10

ما تخلو التجارب تفقدكم أيمانكم بالحب.. الحب قاعد و الزواج قرار و العايزك ما في شئ بوقفو من طريقك، عمرها العلاقات و الونسة وما كانت المعيار الصاح للعلاقة دي حاجات متوفرة من غير مشاعر، وما تندم على ذرة مشاعر بادلت بيها شخص أي أن كان و أتذكر الربنا ما برضى بيه ما بتبارك فيه.

___

و لقيت نفسي بعد صرخته
ختيت يدي في خشمي و دخلت و قفلت باب الغرفة سرعه !!!

#رزان بتقول :
الحصل لي كأنه سِحر ! فجأة لقيت مجتبى مستحوذ علي و سيطر علي بطريقه انا ما قادرة استوعبا ! كيف ومتين ؟؟؟
اخر حاجة بتذكرها كان قبل يومين بيحنسني عشان ارسل ليه صورة و بعدين انا البتصل عليه فيديو و هسي … هسسسسسي !!!! بتكلم معاه بالمنظر دا ! و لو ما وصال جات داخله علي الغرفه م كنت حا اجيب خبر لحاجة ! يا ترى كنت حا اوصل معاه لحد وين ؟ فضل شنوو ؟ خليت شنو  انا ؟

بين همسو لي و كلامو المعسول لي و حنيتو لي و كلامو الكلو لين و حب ! دي كلها حاجات اتمكنت مني ! كلمة ورا التانيه لقيت نفسي بعمل في حاجات اسي انا ما قادرة استوعبها !!
فجأة باب الغرفه فتح ! و لقيت وصال بت خالي في وشي !!! ما كان عندي مجال لي اي تصرف ممكن أستر بيه نفسسي !
رفعت التلفون لي فوق عملت فيها بتصور و الخط كان فاتح للاسف و بقيت بهبش عشان اقفل المكالمة و لا اجر الملايه و استر نفسي !!
حرفياً اتختيت في موقف ما بتمنى لي زول …

#وصال بتقول :

صرخته بي خلعه ، و لحظة إدراكي للموقف كانت سريعه ، سكتت و دخلت سرعه و قفلت الباب وراي بالقفل و إتأكدت انه مقفول ..
وقفت مسافة بعاين ليها مصدومة و خاته يدي في خشمي بين حلم و خيال من همس الشيطان لي بقيت بعاين لي اركان الغرفة لي ريحة و لا نفس غير نفس رزان في الغرفه ! الشيطان م خلا لي مجال لي حُسن النيه و بتلفت و من جواي بقول يا الله لاا ، يا رب لاا ، م تختبرني في رزان يا الله هي لسه صغيرة ، غمضت عيوني في وقفتي ديك و ... كل القلتو ليها بي تماسك مبالغ فيه  " إنستري " و قبلت منها و جريت على ادراج التسريحه حقتي  طلعت مجموعة احزمة ، لافاهم في بعض اسطوانات " جامعه كل الموديلات القديمة و الحديثه " ملفوفه في بعض و شلت واحد منهم لفيتو على يدي لفتين و قبلت عليها !!
كانت ياداب بتلبس في بلوزة البجامة و ماسكة البنطلون باليد التانيه !! انتظرتها لحد م خلصت و قلت ليها قومي !!
مع وقفتا كدا نزلت فيها ضربة بالحزام في نص ضهرها !!  شهقت و لحقتها التانية !! قلت ليها بي مغسه دايرة تشقني شق !

وصال : الضرب للبهايم ! لكن انتي الضرب فيك حلال عارفة كدا ؟!
رزة " بتبكي " : انا كنت بتص**" قاطعتني "
وصال : انا بكره الزول البعالج غلطو بالكذب ، يا رزان انا ما شافعه قدامك احترمي عقلي و ما تخليني اكورك عشان حسي ما يصل برا انا يا الله متمالكة نفسي !! قلة ادبك وصلت لحد هنا يا رزان ! يا خسارة يا خسارة يارزان ليه عمتو قصرت معاك في شنو ؟ هاه
( اتناولت التلفون المكفي على وشو في السرير ، لسوء حظي مكالمة كانت داخله ، لقيتا وجهت علي التلفون و قالت لي دي صورك البتتصوريها صح ؟؟ - مسكت قفلت التلفون و طلعت منو الشريحه و شالتو ، و قالت لي ) من الليله تلفون مافي ليك فاهمه !!!
و العامل فيها راجل دا خلي يتم راجلتو دي و يصل البيت لو صحي عايزاهو !!!

رزان : وصال الله يخليكي ! والله انا ما كعبه والله انا ما قصدي كدا والله والله .. والله خجلانه منك ! عايني اضربيني بس انسي لي الشفتيهو دا بالله عليكي !! و بعدين انا م عارفه انا عملت كدا كيف لقيتو بقول لي كلام و انا بنفذ فيهو من غير م احس بنفسي والله ، و هو دايرني و كلم اهلو و امه كلمتني ! بس عشان ظروف قصي م كان الوضع مناسب و كل شي جا ورا بعض !

وصال : تمام " رجعت الشريحه و فتحت التلفون  " اتصلي عليهو ، و افتحي اسبيكر ! اديني ليه
رزان : حاضر " رجعت ليهو بمكالمة طوالي رد "
مجتبى : دي حركة تعمليها ؟ قايله نفسك زوغتي مني ؟؟
رزان : مجتبى ! انا جمبي وصال بت خالي عايزة تتكلم معاك
مجتبى : قومي من جمبها دا ما وقتها !
رزان : مجتبى انا بتكلم بالاسبيكر و "قاطعتو "
وصال : اها وقتو متين ؟؟
مجتبى " احم - صلح نبرة صوتو " : اهلاً و سهلاً وصال كيفك ؟
وصال : اهلك جاهزين يجو متين ؟
مجتبى : مجرد م انا اخد اجاز و اجي
وصال " عاينت لي رزة و قالت ليها " : مش قلتي كلمتيهم و قالو جاين !!!
رزان : ايوا هو قالي كدا
مجتبى : صراحة انا م بحب زول يتدخل في خصوصياتي !
وصال : خصوصياتك !! عاين انا فيني المكفيني و اكيد م جاية قاطعه موضوع عشان اتكلم معاك كلامي دا ! لو انت زول واعي و عاقل ما بتعمل العملتو دا ، عشان كدا يا ود الناس لو داير البت دي عندها وليان تعال دق بابهم !

#مندرين15

‏اختارو صح عشان بعد م يروح الانبهار وشغف البدايات ما حيبقي معاك الا السند البتكون عارف انو حايكون معاك في المره قبل الحلوه اللي براعي ليك في الصغيره والكبيره البحترمك قدامك ووراك.
‏إختارو الهين،اللين،رقيق القلب❤️

‏
#مندرين15

#جانب_تاني

البيت حا يبقى لي خفيييف
مصطفى : عادي ههه بكرة تتعودي تفتشي للتجوطي فيهو ما تلقي ، الخلا لمبة المطبخ و لمبة الغرف مولعه منو ، الما قفل الماسورة كويس منو ، ال اكل وًخلا الصحن حقو في المغسلة منو ! و الشرب و ما رجع القزازة التلاجة منو هههه المجدع شراريبو منو !
غلبة زي دي بتك ما بتسويها هه
سلاف : وحاة الله انت غياظ و امشي اتخارج يا مصطفى يلا شيل شنطتك دي و طير من قدامي اسي دي!
امهم : مافي زول راسو حينقطع قدري ، البعصر لي رجولي و بمسحني ، البناولني القريب و البعيد .. اشوفك في خير و على خير و افرح بي جديدك يا ولدي ، يرزقك بالهدية الرضيه يا مصطفى يا ود بطني !
سلاف : الهدية الرضيه ما داير يعرفنا بيها داسيها مننا ، سفرو دا خلا عشانا و بعد دا م شفنا آخر لي موضوعو دا !
جد كدا يا مصطفى لو خليتنا مشينا ليهم و مرة وحدة تسافر و انت متطمن ما كان أخير ليك يا اخوي ، تجي تاني زول عرس بس ، و كان لقيناهم ناس كويسين نعقد ليك اسي طوالي ! رايك شنو ؟

مصطفى : وريتك رأي ي سلاف ، انا ماعارف عنها حاجة لحد اسي و ما بستحمل رفض من غير توضيح لا قدر الله ، عشان كدا خايف اخت نفسي في حتة ضيقة زي دي !
سلاف : حتعرف دا كلو كيف و انت صامي خشمك عليك لا بتتلحلح زي الشباب و لا داير تلذنا احنا ! اها مش اخير من تجي جيتك المرة الجايه تلقى عرسوها !؟ و تندم على سكوتك دا ؟
مصطفى :يا زولة كلها اقسام ، مع اني ناوي اقلعا من الظروف و م اخلي مجال لي حاجة بس داير املأ يدي منها ، و هسي لو ما انضغطت م حرجع الكويت ، لكن كلها كم شهر و راجع السودان - ماشي اخلص التزامات م ناوي اطول .. المهم في كم حاجة كدا في بالي نقول الله يسهل بس .. انتو ادعو لي و الباقي ربنا بجيبو خير ان شاءالله ..

سلاف : غريبه امي دي اصلو ما جرجرتك زي عوايدها و ضغطت عليك عشان تعرف بتك دي ! لكن خير بس نصبر مع الصابرين مستعجلة لشنو انا زاتي !

امهم : انا عارفه يا سلاف يا بتي لكن مافي داعي للضغط ، نخلي يسوي حاجة و بعدين نندم عليها ، احنا بس نقول ربنا يكتب ليه الفيهو خير و اهم حاجة اسي يصل بالسلامة و نتطمن عليه و الباقي هين يا سلاف !
سلاف : خير يا امي يا مشكلة !
"مصطفى و سلاف بي حس واحد " : اللهم امين يارب العالمين
مصطفى : هوي يلا بعد انا ابقى مارق ، ان شاءالله ما آخر وداع ، و نتلاقى في ساعة خير ..

#وصال_بتقول :

بقدر ضيقي من تحول قصي الغريب ، بقدر استيعابي للاسباب
يمكن مصدومة لان م اتوقعت القى نفور و تصرف زي دا من قصي ! لكن كان لازم اعمل حاجة -
رجعت الغرفه لقيت الباب متاكى .. خبطت الباب و قلت ليهو :
وصال : قصي ممكن ادخل ؟
قصي : تعالي
وصال " لقيتو مقرب الكرسي حقو من السرير كان بيحاول يتحول من الكرسي على السرير ، جريت عليهو مسكتو ، قلت لهو "
الله يهديك يا قصي اسي لو لا قدر الله الكرسي دا رجع لي ورا يعني حيحصل شنو ؟ ياخ ناديني انا هنا لشنو ؟؟

قصي : انتي هنا مفروض مرتي ! ما خدامتي
وصال : انت الطِلق الفكوها لينا ساعة العقد دي كان طارت من السماء و نطت و دخلت ليك قي مخك دا و هبشت ليك اسلاكك دي ، بالله كلمني عشان اكون فاهمه الحاصل !
" جريت نفس ، و قعدت على رجولي جمب الكرسي حقو " بالله عليك بطل يا قصي .. بطل و بس … الفينا مكفينا انا هنا مرتك لان دي المرحلة الوحيدة البوصل ليها الانسان بتجرد فيها من كل الاقنعه و الزيف و التحسس و التُقل النفسي و الارهاق و كل حمول الانسان البلقاها برا حدود الزوجية !
انا هنا ليك و معاك و بيك ، انا هنا عشان اكون نصك التاني ، انا هنا عشان نكمل بعض لانه لو لا قدر الله الحادث دا لو كان حصل لي انا
" بسرعه خت يدو في خشمها "

قصي : تفي من خشمك حمدلله البقت فيني و لا فيك انتي مجنونه !
وصال : وجعتك مش !!؟ اها يلا دا احساسي اسي !
ضيق و البتعمل فيهو دا ما حيغير حاجة بالعكس بيصعب الامور ، الضحك بيجدد طاقاتنا و بخلينا غير محدودين في عطائنا لي حياتنا و لي ظروفنا - انحنا احلامنا حقت بكرة !

للحظة لقيتو شداني عليهو و حضني شديييييد ، حضن اتمنيتو لي سنين في كل لحظة حلوة و مرة كنت بكون متمنيه اقدر اخد الاحساس دا من الحضن و الاحساس بالطبطبه و الامان ، المشاعر الما بقدر اعبر عنها لمن يفرحني و لمن احسو جمبي و في كل احساس انا حسيتو قبل كدا بكون نفسي اعبر عنه بالحضن دا ، دفئ و امان و راحة ما بقدر احكي عنها - ضماني كأني ضماد لي كل أوجاعه ، خلا الكلام و اختار يعبر لي مجاز عن مشاعره المقيدة ، عبر لي عن كلام كتير م قالو بي لسانه ، لكن انا حسيتو .. حسيتو كلوو

لا حول ولا قوة الا بالله العلي العظيم الود الجا لي سيد البيت دا

الكهرباء ضربتو والاسعاف هسي دي اتحرك من هنا...

وقتها انا راسي دا حسيتو بقى كبير شديد ولا اراديا لقيت نفسي بطلع في الناس وبزح فيهم وبقفل باب الشارع وبطلع تلفوني بعمل

#مكالمة لي قصي

وحاليا انا في المستشفى معاهم ولسه ما مستوعب كل الحصل لي احمد...

#وصال

"مسهمة وشادة يد قصي شديد وعيونها ما مركزة مرة معاه ومرة تراقب في الداخل والطالع بقلق ومرة تمشي لي بداية المدخل وترجع تاني لي قصي الكان ساكت فيحالة صدمة لسه "

بتقول :

لما اتصل قصي ورديت جاني صوتو ببكي انا خلاص اعصابي انتهت قلته مليون في المية زول من ناس بيتهم ما كويس " اول مرة في حياتي من ما عرفته قصي انويبكي حتى في شدتو الحصلت ليه ما حصل شفت دمعة بالغلط ساي نازلة منو" ما اكذب انا بعد قلته الووو حبيبي صنيت تاني وما قدرت انطق حرف وبقيت منتظرهيقول شي الا وصوتو بقول لي:

وصال اطلعي تعالي المستشفى احمد دا ضربتو الكهرباء

"شهقته بقوتي بالخلعة وتاني ما فهمت حاجة غير جريت لي سراج وجينا جاريين المستشفى واني حاليا منتظرة معاهم"

"الهادي بجي جمب ابوه بصوت خافض"

__ابوي اظن مرتو واهلو ما عارفين لاني ما شايف زول فيهم جا نسوي شنو؟!

**مرتو دي امشو ليها البيت الزولة دي صدمة التلفون حارة عليها احتمال براها تكون ما معروف تقوم تحصل ليها حاجة ، اهلو الا نشوف ليهم تلفون

__البيت ؟! ما عارفو زاتي؟!

"في اللحظة ديك"

قصي : مرتو مرتو ما عارفة ما كلمناها يا وصال وصال "بصوت هامس فتران ومافيه حيل"

وصال : قصي بسم الله مالك جسمك دا متلج بقى "دنقرت عليه" قلت لي حاجة ما سمعتك "بتجي قدامو وبتبرك على ركبتيها بتمسك يديه وبتعاين ليه بخوف من منظروشو المخطوف وتايه "

**ما كلمنا مرتو يا وصال لزي الكرسي دا انا ما قادر ياالهادي "بصوت مخنوق ومختفي"

وصال : يا الهادي قصي بتكلم معاك "بتعاين لي قصي تاني بقلق"

**ارح يا الهادي وديني بيت احمد مرتو ما كلمناها ما عارفة الحصل ليه ولا اهلو عارفين...

"الهادي بعاين لابوه وبمسك الكرسي عشان يلزو قدامو بجيه صوت وصال

__الهادي انا بمشي معاك قصي حالتو ما كويسة انا قلقانة شديد وخايفة تحصل عليه حاجة مشيتو حا تتعبو زيادة ،

خلينا نغشى خالتي نسوقها لانو موقف مهول زي دا محتاجين لخالتي معانا تصبرها وتتكلم معاها

قصي وصف لينا بيت مرتو وناس امو وين؟! انا بمشي مع الهادي

__لا انا بمشي " بإصرار" بحاول يمسك العصاية ويقوم من الكنبة و

وصال بتشهق بخلعة ....

الهادي بمسكو قبل يقع وسراج تكلو بجهة وصال جرت نادت الممرضات جابو الكرسي المتحرك وساقوه جوه الغرفة "

عم محمد بتكلم مع الدكتور

وصال : ياالهادي ياالهادي "بإحباط وصوت مهزوز ودموعها في طرف عيونها"

ما تخلي يمشي عاين حالتو دي كيف "بتعاين ليه وهو راقد في السرير وصوت الدكتور بقول ليهم الحمدلله كويس بس يرتاح

وخليكم جمبو...

وصال : بتجي تقعد جهة يدو اليمين قصي انت كويس حاسي بشي؟!

قصي : امشو هسي لي مرتو كلموها وخليك معاها لما الجثمان نجيبو بيتهم ما تفوتيها يا وصال..

وياالهادي شيل تلفوني اكتب عم بشير دا عم أحمد بظهر ليك رقمو

" بسكت تاني"

"الهادي بشيل تلفونو بكتب في الرقم وبستفسر من قصي على عنوان بيت أحمد "

وصال : " بتعاين ليه" استغفر يا قصي ادعي ليه انا حا اكلم الممرضة تجيب ليك مصحف وسبحة ، خلي بالك من نفسك واتقوى ..

"بتشد على يدو وبتطلع بره"

سراج انتبه لي قصي معاك نحن حا نمشي نكلم مرتو ربنا يسهل يارب.

#الشارع

"ركبنا العربية على بيت ناس خالتو فوزية كلمناها بالحصل لي احمد لكن ما جبنا ليها سيرة اتوفى وين او قصي الحصل ليه شنو سقناها معانا واتحركنا على محلسكن ناس سهاد"

✎﹏﹏﹏﹏﹏﹏﹏﹏﹏﹏﹏﹏﹏﹏

7:00 مساء

"بتحاول تاني بجيها جرس و مافي رد قاطعت انتباها

سلاف : خلي التلفون دا عليك الله يا سهاد مدي يدك اكلي ان شاءالله ساندوتش واحد بس احنس فيك زي براءة واحد الاكل زاتو نشف من قبيل..

( جا مصطفى طالع من جوا ، فجاة وقف مسهم لمن شاف سهاد )

مصطفى : اهلا و سهلا سهاد كيفك

سهاد : حمدلله بخير

مصطفى : الاتكسر شنو سامع الصوت !!

امه : اتكسر الشر ، حاجة بسيطه

مصطفى : طيب انا حطلع شويه و برجع !!

امه : متين جيت انت ي ولدي ارتاح ليك شويه و انتظر اكل ليك لقمة

مصطفى : لمن ارجع م بتأخر ( طلع )

سلاف : يا سهاد ياخ اكلي

"بسهاد بتقوم تقيف"

__عايني انا كان جيعانة باكل والله ما غريبة انا ، هي يلا بعد كدا انا بمشي "بتعاين لتلفونها تاني"

** عليك الله اقعدي اقعدي اتونسي شوية ماشة لاحقة البيت فيه شنو عندك ما ياهو براك

" سلافة بتعاين لي امها"

__مرة تانية يا خالتي ان شاءالله تعالي لي مع سلافة افطرو معاي بكرا

سلاف : الا تجيك امي انا بكرا شغالة من الصباح يختي

__خلاص يا خالتي بجي اسوقك نفطر سوا

**ان شاءالله

__يلا مع السلامة

** اول حاجة معلومة ختيها في راسك ، ان الزواج عمره م كان مجرد صفقه ، حاولي تختاري كلامك قبل تقوليه ، و تانياً ليه انتي عايزاني انجبر اوصل الموضوع لي عمتي !! طالما الكلام ما مفهوم بالنسبه ليك او ما واصلك ليه عايزة تجبريني اسوي حاجة انا ما عايزها !
__ بس يا سراج انا هنا قبلها ! انا البناسبك م هي انا اقرب ليك و انسب ليك من كل النواحي ! هل الصور و الحاجات الشفتها هي الخلتك م تعاين لي هاه ؟ رد لي ؟؟؟
** رديت ليكي قبل كدا و قلت ليكي من يومك انا م شايفك غير زي سلمى و وصال ! و القلتي عليه موضوع الصور و الكلام دا م ليه علاقه كدا استوعبتي ؟
__ ايوا استوعبت … و انا اوعدك ان بابك اقفلو مرة وحدة … وعد مني يا سراج !!! و اتطمن انا حنين تاني ما حا اقرب ليها ! " عايزة تمشي "
** رزان ! ما كنت متمني يحصل بينا كدا لكن قدر الله و ماشاءالله فعل ! خليكي طبيعيه لى عايزة تسديني معروف للمرة التانيه بقولها ليكي ! انحنا اخوات احلا حتلقيني زي مجاهد واحد !! ممكن ؟؟

__ اممم اديني وقت … حا تلقاني اختك ان شاءالله ..
** طيب اقعدي ماشه ليه ؟
__ بجي راجعه
** تمام -

رزان بتقول :

كلامو فعلا من اول مرة كان واضح شديد بس انا القررت اني ما افهم غير رغبتي و الفي نفسي ، كفايه اهانة اكتر من كدا ، انا كمان استحق لنفسي التقدير و الحب و الاحترام و دي حاجات انا ما بقدر اجبر زول انه يقدما لي ، اكيد حا القاها بس في الوقت المناسب .. مجرد م اتمنى الخير لي غيري اكيد ربنا حيديني انا كمان خيري …
فعلاً كنت صادقه لمن قلت لي سراج اديني وقت لانها فعلاً مسألة وقت - الاستمراريه في النزاع دا م حيعمل حاجة غير حيهدم علاقة متينة شديد بين خالو و خالتو امال و امي و علاقة اسرية جميلة شديد و انا الحا اخسر في النهايه - اخير اخسر مشاعري و لا اخسر مشاعر الحوليني كلهم … سأتعافى اكيد ….

سلمى بتقول :
مجرد ما شفت وش حنين البريئ الطيب و ملامح الفرح في وشها لمن شافتنا خلتني اكره نفسي انا كيف فكرت في كدا و كيف قدرت اشجع رزان على حاجة زي دي حتى لو كنت في صفها دا تصرف غلط مفروض انا م تكون لي اي ردة فعل في الموضوع دا !
بحبهم كلهم و كلهم بتمنى ليهم الخير … حتى مجاهد !!!

#الشارع
سلاف بتقول :

بعد وصلت سهاد عند بيت وصال و مشيت مشواري و جايه راجعة ،

انا دخلة بيتي بتبدا من بيت سهاد هما اول ناصية شمال ، و بيتها اول بعداك لي جوا بيتي ، و انا داخله بالشارع داا ..
لمحت راجل و مرة كبار في السن كانو بخبطو في باب سهاد !!
وقفت عاينت ليهم مسافه ، و نزلت الشباك و من العربية اتكلمت معاهم !! و بديت كلامي معاهم بالسلام عليكم !
ردت لي المرة :
__ و عليكم السلام
سلاف : عايزين منو انتو ؟؟؟
الراجل : سهاد
سلاف : في خير يعني يا عمي ؟؟
الراجل " بي مُكر " : ايوا ايوا انا خالها يعتبر و كان ظهر ليها ورث من جهة امها و لينا زمن بنفتش ليها عشان نديها نصيبا ! و ما لامين فوقا ! اها في جماعة وصفو لينا البيت دا ! الظاهر ضيعنا الوصف !

سلاف " استغربت لان شكلهم يدل على انهم قدر حالهم و في نفس الوقت انبسطت لانه حا تفرج عليها و تقدر تأسس نفسها و من ناحية تانية لمصلحة مصطفى انها تنشغل في حياتها عشان م يجيه فضول في يوم بحجة انة يتطمن عليها او يعرف الحاصل عليها شنو ، قلت ليهم " :
سلاف : سهاد ما قاعده هنا من بعد وفاة زوجها.
المرة " بي ملامح غريبة " : عندك علم بي مكانا مشت وين ؟؟؟؟
سلاف " اتوقفت شويه و تاني قلت ليهم " : طيب ممكن اوصف ليكم العنوان !!
الراجل " بي نفس المُكر قرب عليها جهة الشباك و قاليها " اكتبي لي في ورقة …
" المرة🐍 جات وقفت وراهو "

سلاف" بي حماس و هي بتكتب في العنوان " : طيب طيب و الله يا عمي لو ما مشغولة كان وصلتكم لحد عندهااا ..
الراجل " بي تهرب " : لالا مشكورة
سلاف " بي انبساطة " : اتفضل " مدت ليه الورقه "
و دورت فاتت

" بعد مشت طلع تلفونو و اتصل و قال "
__ منيرة اللبسي سريع تعالي طايرة طيران كلمي عماد ( جارهم ) بالبوكس يجيبك و حصلينا جمب ال …. #قفل " عاين لي مرتو بي انتصار و قاليها " ارح ارح يا مرة …

#وصال_بتقول
بعد طلعت بمسافة ، رجعت البيت اتذكرت ان عندي مبلغ مالي كان سحبتو لي عمتي و ما اتوفقته وقتها ان اودي ليها ، فا نسيتو و انجبرت ارجع البيت عشان اشيلو ، و انا متابعه مع ترحال قلت ليهو نزلني في ناصية البيت الابيض دا بي زاوية كان من الباب ، نزلت سريع و ماشة على باب البيت و انا بطلع المفتاح من الشنطة ! لمحت سهاد واقفه برا جمب الباب و تاكله على الحيطه !! اتخلعته قلت ليها :

** سهاد !!
__( اتلفتت عاينت لي )