رواياتي📖📚

روايات سحر سمير:
بسم الله الرحمن الرحيم
#مندرين
بقلم فاطمة قسم الله و سحر سمير
-١-

" تك .. تك … صوت كعب عالي ، كل ما ليهو الصوت بيقرب على باب غرفتي ، مع كل خطوة كنت بسمع خفقان قلبي ماشي يزيد اول مرة احس بحقد تجاه انسان بالكترة المخيفه دي زي الموج مندفع جوا قلبي و مالي صدري لمن حاسة بيه تقيل ، من جواي قاعده اقول يارب ما تجيني يارب ما تجي ما هسي يارب ما هسي يارب لأنه ما واثقه من تصرفي حيكون كيف .. لحد م سمعت ( سيييييييك صوت الباب فتح ) رغم ان عيني قبلها كانت على الباب و انا مترقبه خطواتا ، الا أني لمن حسيت بيها قربت من الباب و خلاص حتفتحو ، قبلت وشي بسرعه من الباب احساس اني غير مُباليه ، و لكن في الحقيقه انا جواي حريق من ال…. #قاطعتني ! "

** (داخله و في يدها كباية عصير ، ختتها في الكومدينه ) معليش دخلت من غير ما ادق الباب ! لكن صاحية و لا مشغولة ولا نايمة حتى ، في كل الاحوال حنتكلم !
__ ( بي توتر م بعرفو ظاهر علي ولا لا ) : لااا عادي …. اا البيت بيتك !
** ما تقولي كدا ، دا بيتك برضو !
__ هممم !!
** اخدتي أدويتك !
__ ( سكته و دا كان ردي ) !
** انتي عارفه انا بحبك قدر شنو صح ؟ و عارفه انك في معزة اختي واحد صح ؟ و حاجة اخيرة كمان ! انا ما حصل سألتك عن حاجة شخصيه ! او ليه و كيف و بعرف حدودي كويس شديد و بحترم خصوصيه القدامي ، لكن ما … #قاطعتها
__ ( بي انفعال هجومي و صوت عالي ) : انا عارفه انتي جايه هنا ليه و المقدمات دي مافي ليها اي ستين لازمة لان انا عارفه و انتي عارفه ! و لو بتحترمي خصوصيه القدامك زي ما بتقولي ما حتجي داخله علي كدا تووووش و لا حا تجي تقعدي قدامي القعده دي !

** ( وقفت على حيلها ) : فعلاً كلامك صح !!
لكن طالما ما جات منك أقلاها من باب الذوق انا الليل كله سهرانه فوق راسك مُقلقة و اكذب ل دا و ابرر ل دا ، قلت اخليها تجي مني ! و جيت على نية اني اساعدك يمكن منتظراني اجي اسألك او حتجيني و تتكلمي معاي ، لكن الاكتشفتو اسي انك م كنتي ناويه ، ( ربعت يدينا ) لكن اسمحي لي المرة دي انا جايه و مصممة اعرف الحصل ! يا اما اعرف يا اما اعرف م عندك معاي خيار تالت !! ( بي نبرة حادة ) لان المنطق بيقول ان مرة رااجلها مـ… #قاطعتا !
__ ممكن تطلعي برا ؟
** اطلع برا !! هههه
__ ايوا !
** ما حاسه انها قويه منك تطرديني من بيتي ؟
__ للمرة التانيه ممكن تطلعي برا ؟؟
** ما قبل ما اعرف ، ابوه منو ؟؟
__ قلت ليكي اطلعي براااا
** ( بي كوراك ) : و انا ما طالعه قبل ما اعرف الفي بطنك دا جا من وين ؟؟ محترماك و جايه اتكلم معاك زي اي اتنين عاقلين و انتي لا مُصرة تتمادي لا و ماخدة لي وضعية ( هاجموهم بالصوت ) ! ختيت ليك قيمة و نفسي م سمحت لي اقوليك حملتي بالحرام و لا كنتي بتخوني راجلك زي ما الناس قاعده تقول !!
الناس اللي كانو بهاجمو فيك من غير مبررات كذبناهم و صدقناك لكن .. اسلوبك دا !! حيخليني اتبع معاك سياسة #القطيع !!

" رسالة الى أحدهم " : أنا من حقي أعيش حياة كريمة .
#جزئيه_معلقه

الساعه 8:18AM
" صوت راديو - هنا امدرمان - برنامج أوتار الحنين "

غرفه كانت مميزة بي حيطانها الكريمي المليانه رسومات و ورد ، و زاوية محددة فيها خمسة لوحات لعارضات أزياء في التسعينات مدموجة بالتراث السوداني و البصمة حقتنا في الوقت الحالي ، مع رسومات جيتار و سلم موسيقي و كم ورقة ملحوظات لونهم بمبي و أخضر بخط اليد ملصقات قصاد مكتب ابيض انيق شديد ، كان في تضارب فني ملحوظ احساس ان من كل شجرة ثمرة ، بيدل على ان هنا في صِلة قوية بكل انواع الفن ..

نسايم الصباح اللي كانت بتتراقص مع ستاير الغرفة البمبيه على انغام اوتار الحنين اللي جاية من الراديو .. و صوت أنثوي بيردد مع الاغنيه بكل حماس و فرح و هي بترتب سريرها اللي ما بترضى فيهو الهبشه .. مع الباب اللي بيفتح و تتلفت عليهو !!

** الناس بتقول صباح الورد صباح الجمال ، صباح كدا نتفائل بيهو يعني لعل و عسى اليوم يطلع زابططط ! مش ددِب جاية دافرة الباب تقول جاية بأمر قبض !
__ ( دخلت و تاكت الباب ) : يا بت انتي حبوبة ! دا شنو الجو دا ؟ راديو و اغاني من زمن حرب الشلاليت و صاحيه من الصباح لا و كمان لابسه و جاهزة ! ما بعرف لكن كان بتمنى حاجة اقول الله يديني حماسك دا !
** دي اسمها اغاني الزمن الجميل ! زمن الفن و زمن الطيبه و زمن ااااح بس ، زمن الناس كانت بخير ! زمن البساطه انتي عارفه يا رزة انا بتمني شديد لو كنت مولودة في الزمن داك يعني !

__ ( بي مُكر ملحوظ قربت منها بهمس فاضح ) : ما كان حيكون في قصي في حياتك !!
** واااي لاا كلو ولا قصي ! مش يمكن كان حيكون موجود معاي ، لانه النصيب دا واااحد كان اسي و لا كان زمان ، حياتنا اقدار منفذه و كله خير و رحمة من رب العالمين !

صوت رسالة : " تررن تن تن "

👍43❤12🔥2😁1

5.6K views19:44