*#نرمين*

صحيت الصباح بدري ،أو بالأصح أنا.ما نمت من الأساس ،طول الليل كنت بتقلب ،كلام أمي لسا مدور في راسي .

"أمي إنتى صاحيه ?!....
"حبيبي ،تعالي ماما صاحية ،بس محتاجة بوسه صباحية من إيمي العسل .
إبتسمت إيمي وهي بتنط على السرير ،وتنزل على نرمين ب البوسات .
ضحكت نرمين وهي بتضم إيمي ،حضنته شديد لما صرخت إيمي وقالت : أمي وجعتيني .
فكتها نرمين وقالت وهي بتضحك " دا من حبي ليك .
ماقلتي لي عايزة تفطري ب شنو ?!...
ردت إيمي وقالت :مرتدلا و بسطرمه و جبنه بيضاء .

يابت إنتى.مصرية وانا ماعارفه .

ابتسمت إيمي وهي بتقول : لا بس انا بشبه بابا .
سكتت نرمين ل ي ثواني ،بعده ادركت نفسها وهي بتقول : يلا طيب قدامي على المطبخ نجهز ليك فطورك .
قالت إيمي وهي بتجري برا الغرفه " انا حا اعصر ليك عصير البرتقال .

في تكاسل قامت نرمين وهي بتطبق المفارش ،فتحت الدولاب ودخلتهم .كانت طالعه لما حست ب احساس غريب ،التفتت بس ما شافت حاجه .عينه وقعت على صورة العرس ،البتجمعه هي و جمال ،سمحت لي نفسها أن تتامل ملامحو الجذابة ، كان مبتسم ،و يا الله عليه من.ابتسامه ساحره .عيونو العسلية كانت بتبرق بطريقه غريبة ،خصلاتو السوداء المتخللله بعض البياض زادت من سحرو و وقارو .
همست ودمعه يتيمه بتنزل على طول خده " وين إنت يا جمال?....
معقولة.مشيت وخليتني انا وبتك?...

ماما" جاه صوت إيمي المنزعج.
قشت دموعه فتحت الباب ،وقالت " ما عنده صبر ذيك . طلعت وعايزة تقفل الباب لما سمعت صوت بنادي باسمها " نرمين "
قلبها.كان حايطلع من.مكانو .
بتعرف الصوت ده كويس ،ماكان سوا جمال " راجله الغائب .
فتحت الباب وحست ب نسمه بارده بتعبر من خلاله خلت شعر جسمه.يكش .
خافت وزاد خوفه، لما ما شافت حد كانت غرفته فاضية ،قفلت سريع ومشت في خطوات سريعه على المطبخ.
_______

*#ميوك*

" قوم يا زول "
جاه الصوت ده قبل ينزل على جسمو ب العصاية .
ما صرخ وفضل صابر مع إن.كان لسا متألم من ضرب أمبارح .

جلادو كان مستمتع ب تاديتو لي دورو ،بس المتعه كانت حاتزيد عندو اذا شافو بيتألم. اصلو بستمد قوتو من وجع غيرو .

"إنت ماراجل " قاله ميوك.
جاه رد من جلادو وقال ليه :
خطير يا ضكر ،يامكمل الرجاله.
رده ليه ميوك وقال : فكني ،وحاتشوف شوف .

الفكره كانت مغرية ،طول من ضرب حد ، بس ادم جاي يشوف الأولاد ،يعني دا ما وقتو .

رد وقال لي : اوعدك حايكون ....
الكلام فضل معلقه ،وهو بتلقي ضربه قوية على خشمو من قبضة ميوك الغير مكتملة النضج بس مكتملة القوة .

"يا ود الكلب ،قال ورفع العصا فوق كانت حاتنزل على ميوك ،ما وقفو إلا صوت آدم وهو بيقول " إنت بتعمل في شنو يا بدر ?!...
ارتبك وهو بينزل العصا ،رد وقال: يا باشا الولد ده قليل ادب ،ضربني غدر .
مرر آدم نظرة على ميوك الكان الدم سائل من خشمو ،وزراير قميصو مقطعه .لما سمع ميرك برد لي بدر وبقول:
"مش كنت عايز تختبر رجولتي ،هسه جربتها ،خفت مش? ....
رفع بدر العصا ،بس آدم مسك يدو. قال لي : روق يا بدر ،وشوف شغلك مع العيال الباقين ،خلي لي ده .
بدر طالع ميوك بنظرات حاقده قبل ،يمشي ويصحي باقي الأولاد الرقدين على نجيلت الحوش ،ب ايدين وكرعين مربوطه .

_قلت لي إسمك منو?...
_ميوك .
_تعرف عجبتني يا ميوك ،بيعجبني الراجل البياخد حقو بيدو ،عشان كدا قررت اشغلك معاي .
_ إنت منو ،وانا وين ?!... وشنو كل الاولاد دي?!...
_مامجبور اجاوبك على كل اسئلتك ،بس عشان عجبتني حارد على سؤال واحد وبس،بعده جواب على عرضي ،ممكن تعتبر نفسك محظوظ ،ماكل الأولاد ديل بيلقو.فرصتك دي .
واصل آدم.كلام وقال: انا رئيس دولة القاع ،ملك الفساد في مدينة الخرطوم ،كل الشغل الوسخ انا مسؤل منو ،واذا قلت الاي إنت في حمايتي ،ها اجابتك شنو ?!...
سكت ميوك لي ثواني ، و اتذكر اجوش ،فكر اذا هو اشتغل معاه معناه زي ما حيكون هو في حماه ،اجوش حايكون في حمايتو كمان .
آدم قال لما طال سكات ميوك : الإجابة صعبه لي الدرجة دي ?!...
_ موافق ،بس بشرط .
أبتسم آدم وقال لي ميوك : إنت ما في وضع يخولك تتشرط بس قول .

_____

*#تسريع أحداث*

وراء المكتب آدم كان قاعد وبيطالع صور البنات الجدد ،كان يدوب ب شوفهم ،ليلة امبارح كان مشغول كثير ب قصة.البت الهاربه ال لي هسه ما اتلقت ، مقابلتو مع سعدية ،وكمان تاكدو من تخلص رجالو من.جثة البت الجات معاه.
دق الباب ودخلت إلطاف .
كان لسا عيونو مثبته على صورة واحده منهم .وهو بيسمعه بتقول ليهو " حاج عصام جه. واقف بره .
نزل الصورة وملامح وشو بتنفرج وهو بيقول ليها : ماكان تدخلي .
_قالت لي : حاضر .
كانت طالعه.لما وقفه وقال ليها : البنت جاهزه .

كيف تطلعين مع البنات .
كان هايج.شديد ،ومنفعل جدآ.
قال لي : وينك الحين ?!..
قلت ليه : ما عارفه ،اخدنا وأحد من أولاد آدم وهو الجابنه هنا،بس انا.بخير ما في حد قرب علي اساسا شغلنا ونسة وبس...
قال لي : ونس ولا غير،ما أبيك تتعرضين لهل المواقف .انا شوي وبجيك الحين.
قلت لي : بس حاتقول ليهم عرفت مكان كيف?!..
رد وقال ليه: بتصرف ،و الطاف هذي بعرف شغلي معاه .
قلت لي : عايزة اقول ليك حاجه مهمه .
قال لي : أصبري لين اجيك ،وبعده قولي كل ال ل قلبك .
_____

*#ميوك*

عرفت من سعيد أن بدر اخد البنات على شغل خارجي، عدد لي البنات المشو ومن.ضمنهم.،نسمة ،اضايقت وأنا بسمع اسمها ،هي ما شبه الناس دي ،فا ماينفع تعيش في الوسط ده.
إحساسي ب الحماية ناحيته من.شوفته كأن بتخصني ،زيها وزي اجوش ،كأن أختي مع انها أكبر مني
لازم اصل لي اجوش ،و اامن على في حته كويسه ،بعيد من يد آدم وعيونو .
"يا ولد يا ميوك ،مالك قاعد في النجيله وبين الشجر ،ما شايف البعوض ده .
ضرب سعيد على يد ميوك. محل البعوضة.
رد ميوك وقال : ماحاسي بيه والله .
قوم معاي جوه ،تعال أكل ليك اكله نضيفه ،وريح شوية اليله تعبت في نقل البضاعه .
رد ميوك " ما لي نفس والله لي الأكل .
خت سعيد يدو على كتف ميوك وقال لي : والله شايفك وملاحظ ليك ،من جيت ما بتهبش الأكل ونوم ما بتنوم ،بس دارش نفسك في الشغل ، شنو الشاغل افكارك.
.سكت ميوك لي مده
"سرك في بير ،مهم كان انا راجل وعند كلمتي "

كان.ميوك في حيره ،بس أختار الثقه .
وقال ليه : أخوي اجوش.

مالو?!...قال سعيد
واصل ميوك " قلقان.عليه،ما عارف عنو اي حاجه .عن وضعو ،بزات أن بره .
رد سعيد وقال : طالمه آدم وعد ،معنها ما حايقرب منو .
قال ميوك : عارف ،بس الشارع فيه ميت آدم. دا غير ان اكيد قلقان على .
سكت سعيد لي مده من الزمن بعده قال : أنا حا اساعدك ،بس توعدني مافي اي كائن يعرف إن سمحت ليك تمشي .
"أمشي وين?!..قال ميرك.في صدمه.
واصل سعيد وقال : أمشي شوف،اخوك،اطمن عليه ،و ضبط الوضع ،وانا حا اغطي عليك .
اساسآ اليله.كلهم مشغولين وعلى حظك .
عاين.سعيد لي الساعه ،قال لي : حاليا الساعه 9:30 ،على 11 لازم تكون.هنا ،مفهوم..
سلم ميوك على سعيد سلام.رجالي وقال لي وهو بيبتسم ،ما تشيل هم .
ناول سعيد ميوك مفتاح البوكس وقال لي : اطلع ب وراء .
______

*# نسمة*

طلعت من الحمام ،كنت حاسه ب خدر عجيب،ما عارفه من.شنو ،ب خطوات ثقيلة رجعت على الصاله الفئه الحفل ،كان المكان خف شوية ،البنات كان ما ليهم أثر ،عاد شيراز هي الكانت لسا قاعدة مع عوض ،ولست.بتشرب في السجاير ،كانت بتضحك ب صوت.عالي على حاجه بقوله.ليها.

"رجع الحلو "
صوت الولد،نبهني لان لسا قاعد ومنتظرني .
*ياربي صبرني على الشخص ده،لما يجي حاج عصام .

تعالي اقعدي قال لي .
بانفس الخطوات الثقيلة مشيت.على .قعدت فى أبعد مكان عنو .
ابتسم وقال لي : بعد كل الإنتظار ده ،تقعد بعيد عني كدا?!...
كان قايم من.مكانو وجاي على.

قلت لي : لو سمحت خليك فى مكانك .
ميل راسو وابتسم في خسه وقال لي : من جبيل حاولت أتعامل معاك ب إحترام ،بس شكلو الزيك ما بتجي معا إلا العين الحمره و قام.من مكانو وجا على سحبني من يدي عليه وقال لي :قلتي لي أكون في مكاني!.
إنتى جايه هنا لشنو?!
يا الشريفة الرضية .
رماني على الكنبه وفضل واقف قدامي .عيوني مرو على المكان ،بفتش عن.شيراز ،بس اختفت تمام ما كان ليها أي أثر .
"الزيك ده ،يتمنو رضانه نرضا ،يابت ال 🔞 خلي عامله فيها شريفه .
واليله نشوف شوفك ده حدو وين .
قال قبل يقرب على .
ختيت يدي على قلبي وانا بدعي ربنا ينجدني .
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*

*#لو_تحكي_الجثة.💔*
*#الجزء_ الثانى*
*#الخرطوم_بليل 《15》*🔞
*#بقلم_حنين_محمد*
*ــہہہـہہہـ٨ــ٨ـہہہـ٨ــ٨ـــہہہـــــــــــ❥ :00:00*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*#ميوك*
مشيت كل الأماكن الممكن اجوش يكون فيه ،أو حتي قريب منها بس كان ماف ،
معقولة يكون حصل لي حاجه ?!.
ولا آدم ما التزم ب وعدو ?!..
إذا حصل ،أكيد موتو على يدي .
وقفت العربية في اقرب مكان من الخور ، المكان الوحيد الما فتش فيه ،
الوضع زي ماهو ما اتغير شي،لا الكنايس والزباله المالية الشارع،لا موية المجاري الكاسره من مده طويلة ،ولا الهواء الخانق .
"وعد انا واجوش حانرجع لي بلدنا الأم ،و نخلي كل حاجه كعبه عشناه ورانا .
لازم نقلب الصفحه دى ،لازم.

نزلت أول على الدرداق ،لما وصلت تحت ،ماكان في أي أثر ليه ،مشطت كل الخور بالطول والعرض،برضوا ما كان موجود ،ختيت يدي على راسي ،وعقلي بيودي في حتات فظيعه
"وينك يا اجوش،وينك يا أخوي ?!....
رفعت يدي وعاينت في الساعة الزمن كان مشي كثير ،وهو ما ممكن يكون لسا حايم في الطرق والأرصفة.
فضل لي بس نص ساعه .
غمضت عيوني وانا بحاول أتذكر الأماكن الكان بيحب يقضي فيه زمن براه ،
جمبت خديجة ،شارع الجامعه،توتي .
كل واحد في ديل عايز مشوار،والزمن ما كافي .
"ميرك أخوي"
سمعت صوت التفت ناحيتو كان جاري على ،وجرا ضماني عليه ،ماكانت لحظات لما حسيت ب قميصي إتبل ب الدموع ،مررت يدي على طول ظهرو ،حاولت ما أبكي،مع إن صعب انزل دمعه ،بس بدون إرادة مني نزلو .مسحتهم سريع ،ودفيتو عني لما كان حايقع ،الصدمة كانت واضحه في عيونو.
دفيتو تاني وانا بقول لي "كنت وين ياحيوان?!..
ضحك وهو بكرر لي نفس سؤالي " إنت الكنت وين ?!..

قلت ليه : لي أكثر من ساعة يفتش عليك ،رد كنت وين?!..
قال لي : وانا لي أيام بفتش عليك .
قبقبتو من.قميصو وانا بقول لي : أحسن تجاوب يا اجوش ،
ابتسم وهو بيقول لي :عارف ماثورة غضبك دي،إلا قلق وخوف علي ،عشان كدا حا اجاوبك ،كنت مع حسن في الجنبه .
قلت لي : مع حسن ولي الزمن ده?!..
قال لي :ايوه
قلت لي الحاصل شنو:قال لي تعال اقعد طيب عشان احكي ليك .
____

*#نسمة*
اسوأ احساس في الدنيا،لما يتم انتهاكك،لما تكون مباح متاح ،ومافي ضر أو حرج في استعمالك ب إي طريقة
لما تقول لا " وما تتفهم لان المقابلك بسمع لي نزواتو وشهواتو .

كنت بصرخ وانا بحاول ابعدو عني ،بس كنت اضعف من إن اقدر ادافع عني في.
كنت بصرخ بطول حسي وانا بنادي علي حاج عصام ،الوحيد الممكن يخلصني

فجاة حسيت بحد بيسحب الحقير عني ،من الدموع الرؤيا ما كانت واضحه،بس كنت متاكدة دا حاج عصام ،قشيت عيوني ،وكان فعلا هو ،شياطين الارض والسماء كانت بتتنطط في عيونو وهو بيضرب الحقير ده .
صوت صراخو جاب آخر المكان ،في دقايق كل الأولاد والبنات اتلمو ، بس مافيهم حد قدر يفلت الولد من يد حاج عصام ،قمت ومسكت يدو وانا بترجاه يسيبو ،كان في حاله هستيرية وهو بيردد " والله اقتلك اليوم ،ياالحقير يا الزليل ،وتاني ماترجع تتهجم على بنت غصبآ عليها .
ما رد على .
"حاج عصام " قال عوض .

"بعرفو من وين ?!..
قرب منو ،سحبو عنو ،ونادا على الاولاد وقال ليهم دخل الولد الاضرب جوه.

حاج عصام نفسو كان بيطلع وبينزل ،وهو بتنفس بصوت عالي ،عروق وشو بارزه ،وعضلات متصلبه .
عوض قال لي : خلاص هدي يا حاج عصام ،بس الحصل شنو ?!.. لي ضربتو.

مسك حاج عصام يدي وقال لي "يصح تاخدون بنت غصب?!...
هذا صاحبك كان بياخد هل البنيه غصب وفي هذي الصاله .
قبل يرد سحبني عصام.
قلت لي : وين ماشين ?!..
قال لي : بعيد عن.هني.
قلت ليهو: بس مابقدر ،الطاف .
قال لي : هذي الطاف انا عندي معاه حكي تاني ،وين اشوفها.
"حاج عصام ،نسمة لازم ترجع معانا .
قبل عليها وقال ليها : قول لي هذي الإلي اسمها الطاف ،حاج عصام أخد نسمة معاه .
قلت ليه:بس كدا ممنوع.
قال لي : ممنوع شنو ،إنتى مالك شغل ،قول لها إلا أنا خبرتك بي .
قال كلام و دا واخدني و طلعنا .

.صلنا العربية وطلب مني اركب ،ماعرفتو أتأخر لي ،إلا لما سمعتو وهو بصرخ وبيضرب يدو علي الحيط .
نزلت وجريت لحقتو ،بس يدو كانت مليانه دم ،
"يالله.لي كدا يا حاج "

*#لو_تحكي_الجثة.💔*
*#الجزء_ الثانى*
*#الخرطوم_بليل 《19》*🔞
*#بقلم_حنين_محمد*
*ــہہہـہہہـ٨ــ٨ـہہہـ٨ــ٨ـــہہہـــــــــــ❥ :00:00*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*#ربا*
افتحي افتحي افتحي .
ماعارفه اذا كان ده صوت.فضولي ولا نفسي نفسي بس كانت بتلح على إن.افتحو ،قلت بسم الله لما ،ختيت يدي على الغلاف ،بديت اتخيل الممكن يكون جوه .كنت بتحسس الغلاف ب بنصري وأنا بتأمل في النقوش كنت حا افتحو لما فجاة لقيت نرمين في وشي ،أخدت الكتاب من يدي ورمتو على الارض ,مافهمت ماله ،مسكتني وهي بتعاين في عيوني وبتقول لي : إنتى كويسه ،حصل ليك شي،شوفتي حاجه..
في حيره قلت ليها: أنا كويسه ماعلي حاجه ،بس كنت بنظف الصاله لما خلصت قلت انظف غرفتك معاي ،كنت بكنس تحت السرير لما شفت الكتاب ده ،وبس .. نرمين عاينت ليه حتت رمتو وقالت لي بعصبية: اوعك تاني تشيلي أو تفتحي .ّ....
كنت مصدومة في انفعاله الفجائي ده ،وعشان سبب تافهه زي ده يعني شنو إذا فتحت ،ماهو.بس كتاب?!..
،لما مارديت عليه
واصلت كلام وقالت لي بنفس الحس المنفعل ، الهجه الحاره "مفهوم?!..."
قلت ليها وانا بفلت نفسي منها " طيب ،رسالتك وضحت يا استاذة .
ماعارفه صوتي ولا رقرقت عيوني الكشفو شعوري ب الازلال بعد سمعت.كلامه.
لانه قالت لي وهي بترجع تخت يدها على كتفي وصوته بلين .
" انا والله.ما قاصده أتكلم معاك ب الشكل ده .
بس....الكتاب ده ماكويس ،ماعارفه اشرح ليك.كيف...
بس مضر وشديد يا رابا. فا أنا ماعايزك تقربي منو تاني ،وما انفعالي عليك إلا خوف اخت على اخته يعلم الله .
صدقتها ،بس غريب موضوع الكتاب ده الخلاه تنفعل قدر ده . قلت ليها : اوعدك تاني ما اقرب منو نهائي .
مع أني وعدته" بس فضولي لسا ما انطفه"
قالت لي وهي بتبتسم " يعني ما زعلانه .
ردت ليها وقلت : لا ما زعلانه .
قالت لي : طيب ورح نأكل انا جعانه وأكيد إنتى زي.كدا ?!...نطلب غداء ?!..
قلت ليها : مافي داعي أنا طبخت خضراء وسلطة اسود .
قالت لي : ياسلام عليك ،طيب انا حا أغير هدومي والحقك .
بعد طلعت من غرفتها قفلت الباب ّ،وب المفتاح .
فكرت " نرمين دي اصلو ما براها ،بس طنشت ،ماشغلتي،المابخصني ما حا ادخل فيه، انا قاعدة هنا لي فترة مؤقته لما نشوف البيحصل شنو بخصوص نسمة و سميرة .
أم.فضولي ده.حا اطنشو ..
قلبي وغوش وانا بفكر ،ياربي هسه هم كيف ?!...
ربنا يحميهم ويغطيه يارب ..
ويجمعني.بيهم.قريب.

____

*#ميوك*
دخلت نسمه محل الملابس،قلت ليها :ماتتاخري ،قالت لي دقيقتين و حا اكون معاك ،
"
ب 1500 بس ،سوط عنج وسكين يد و مطوي "

كان في ولد بيكورك. بكلام ده .
اتذكرت سكيني ،من يوم اخدوني معاهم ،قلعوها مني وبقيت أعزل ، والراجل لازم يكون عندو سلاح في يدو يدافع بيه. يحمي نفسو

مشيت عليه وقلت لي : عايز بس مطوي ،بتبايعني ?!..
قال لي : والله هم طقم ..
ما ينفع .
قلت لي : أنا عايز انفعك ،ما غالبني حق الثلاثه ،بس محتاج لي المطوي بس .
إنت اديني ليها حتي لو بسعر الثلاثه ،والباقي خليهم ليك.ّابتسم وقال لي " لا كان كده.ماف مشكلة ،.
مسكت لساني منو بجلاله أحد تافه.و.استغلالي ،اخذتها دخلتها وراء ظهري " مامعرف امكن احتاج ليها ،بزات في اليومين دي .
بعد خلصت نسمه.
،اديتها رقمالتلفون الادوني ليه ،وقلت ليها : مامعروف الضروف شنو ?!.. احتمال ما نقدر نتلاقى . عشان كدا ده رقمي ،رسلي لي وختيني في الصورة.بالنسبة.لكل البيحصل .
لما وصلنا .سعيد كان مشغول ب مشاغلات البنات الماشيه.والجايه ،وحرق السجائر . المره الفاتت ،كان مضايق واخلاقو في مناخيرو .

_____

*#نرمين*

قلبي.كان حايروح.من.مكانو ،وانا بشوف ربا ،ماسكه الكتاب بين يدينه ،صدق عبد القادر لما قال ان حايحاول يستدرج حد يفتحو ،قصه.غريبة جدآ واغرب من.الخيال ،ما لحقت اصدق ،بس مجبوره عشان أعرف اتعامل معاه ، بعد طلعت ربا من الغرفة ،بقيت أفكر. وين ممكن احفظو ?!...
عايزة مكان ماف يد تقدر تصل ليهو فيه. ،،
بس وين?!...
بفكر كدا ،اتذكرت خزنه جمال الجوه.دولابو
مشيت على الدولاب ،فتحتو ،بعدت الهدوم ،بس بقت في مشكلة ،كانت مقفولة ب رمز سري .
جربت أول " تاريخ ميلادو، كان خطأ ،بعدو ،تاريخ ميلاد إيمي ،برضوا ما نفع ،ميلادي انا كمان ،برضوا خطأ ،تاريخ زواجنا ،واسامينا ،كلو خطأ ،
سمعت ربا بتناديني على الغداء ،
بس كان لازم اخلص من.قصة ا لكتاب دي قبل اطلع.ليه..كفاية الحصل.

*#لو_تحكي_الجثة.💔*
*#الجزء_ الثانى*
*#الخرطوم_بليل 《22》*🔞
*#بقلم_حنين_محمد*
*ــہہہـہہہـ٨ــ٨ـہہہـ٨ــ٨ـــہہہـــــــــــ❥ :00:00*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*#نسمة*

نسمة_الطاف قالو عيانه شوية.
سميرة_ ياخ تمرض تحرق تغرق ،نحن مالنا ?!..
نسمة_ دا.ما الغرض،الدايره اقولو ليك ،عايني بما أن الطاف مافي،المسؤل الاساسي من البنات هنا،حايكون شيراز.
سميرة_اها ويعني شنو?!..
نسمة_ياه منك يا سميرة صبر ماعندك يعني ?!.. .
سميرة_متوترا انا ياخ ،بس اها سكته ،قولي ..
نسمة_ المفتاح بتاع الباب الخلفي عندها، بتلبسو في رقبته ،معلق في سلسلها .
سميرة _ ودا نطلعو منه.كيف ?!..إلا نقطع ليها رقبته 🤣
نسمة _ياخفت دمك. 😒
اسكتي ساي ،واسمعي وركزي في الكلام ،شيراز ب تطلع السلسال ده بس لما تستحمه ،ف نحن لازم نستغل الحتا دي .
سميرة_كيف يعني ،ندخل معاه الحمام ?...
نسمة_اسكتي ياخ ،ثواني وحا تفهمي .
سميرة _ اها " ختت سميرة يدها علي خشمه ،،في اشارة لي السكوت"
نسمة_من تخش الحمام ،ونتاكدة أنها بدت تستحمه ، تفتعلي ليك شكله من مافي،مع أي وحده ،شكله.كبيرة وكاربه،لما الصوت يجيب شيراز من الحمام وتجي جاريه قبل تلبس هدوم زت الناس ، هنا انا حا اتدخل واخش وراها اخد السلسله ،لان أكيد.ما حاتكون لحقت تلبسو .
سميرة _اخيرآ فهمت ،لا كان كدا افكارك عجيبة .
نسمة_شفتي ،هنا في مخ .
سميرة_ ماهينه يا بت يا نسمة .
ضحكت نسمة وقالت ليها : اها عرفتي هسه الحاتعملي?!...
سميرة_ بالحيل ،بس بتين ننفذ?!..
نسمة_ بمجرد ،ماشيراز تدخل تستحمه .

___

*#ميوك*

سعيد_ متاخر ربع ساعة كامله .
ميوك_ متاسفين يا سعيد ،بس إنت عارف ،زحمه الشارع في الزمن ده كيف ّ
سعيد_ماحنك ،أركب ساي.
ركب ميوك العربية "

سعيد_اها اخوك لقيتو كيف?!..
ميوك_ كويس والحمد لله .
سعيد_لاتمام ،المهم إنك اطمأنت عليه ،لان الفترة الجايه حايكون في شغل كثير ،
ميوك_ ماتقلق تاني حاخف عن زياراتو ..
#فكر ميوك ياريت لو شاف اجوش،علي الاقل يملي عينو منو ويودعو ،ما معروف الممكن يحصل بعدين.

أول ما وصلو ،ميوك دخل الحمام ،عشان يرسل لي نسمة ،ماعايز يخاطر ب لفت الانتباه ليهو مره تانية ،رسل ليها." على 12 نتلاقه وراء المبني الابيض حا انظف ليكم الشارع على الساعه ،بس حاتطلعو.كيف?!..

# ردت ليهو سريع لي حسن الحظ وكتبت ليهو .
" لقيت طريقة تطلعنا من هنا إن شاء الله حا نلقاك علي الزمن .

ارتاح شويه ونزل هم في حتت طلوعهم.من الجملون بدون يلفتو نظر ......

دخل تلفونو جو جيب البلطلون ،غسل وشو ،وطلع .

لقاهم مجتمعين وعايزين يتغدو .
ماكان عادتآ بياكل معاهم
سعيد قال ليهو : يامان تعال اكل ليك حاجه .
قال لي : ماجعان إذا جعت بعدين بحشي لي حاجه .
قال لي ناصر : حلفتك ب أغلى ما عندك كان تجي تاكل معانا ،من يومك ومستوحش وبتاكل براك ،متعاقد معانا ملح و ملاح?!..
قال لي: عشان خاطرك بس ،مع انى ما جعان .
كان.ميوك حايقعد قريب من سعيد ،بس ناصر ،قال ليهو دا كرسي ،
كان.ملاصق ليهو .على مضض مش ميوك وقعد ،مرر نظرو على بدر ،الكان هادي وما حاول يضايقو ب الكلام على غير العادة .

___

*من.داخل الجملون*
نسمة.وسميرة كان قاعدين ومترقبين الحظة الحا اتقوم تدخل فيها شيراز ال حمام
ّنسمة_اها عرفتي حا تشاكلي مع منو .
قلبت سميرة عيون وهي بتعاين في البنات وقالت: ما موضوع خطير ،بس عندي نية من زمان اضرب العولاق الزباله الاسمه داليا دي.
ابتسمت نسمة وقالت ليها : كنت متاكدة .و علا كمان على الله اقلعي ليها هي كمان شعره .
ضحكت سميرة وقالت لي : كنت عارف انك من المره الفاتت ،نفسك انتف ليه شعرها .

في كلامه.ده جات شيراز ماره بيهم وخاته غياره على ظهرها ،وقالت ليهم : مالكم اليله هاديات كدا .
عاين لي بعض ،وقالو مع بعض " مالنا ?!..
قالت ليهم : بسم الله ،مالكم يابنات ،اليوم ده شكلة ما تمام معاكم .
قالت نسمة: بس الحته سخنه .
عاينت شيراز لي مروحتهم البطيئه وقالت ليهم : فعلا والله ،بزات مع المروحه دي ،دا غير المكيف هنا ما واصلكم،حاكلم الطاف تركب مكيف.ب هنا .
سميرة قالت لي: إنت منو الزيك .
ابتسمت شيراز وقالت لي : يابت ولا بيناتنا .
نسمة قالت ليها : طالعه اليله ?!.
ردت شيراز وقالت ليها: ابدآ ،بس عايزة اغير الهدوم دي ،وابل جسمي بموية باردة .
قالت ليها : نسمة لا تمام.شديد .
بعد مشت شيراز ،، نسمة قالت لي سميرة ،خليك جاهزة ،شوية كدا ونبدأ ،تدوريها من هنا ،انا بتخارج ب هنا .

*#لو_تحكي_الجثة.💔*
*#الجزء_ الثانى*
*#الخرطوم_بليل 《23》*🔞
*#بقلم_حنين_محمد*
*ــہہہـہہہـ٨ــ٨ـہہہـ٨ــ٨ـــہہہـــــــــــ❥ :00:00*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*#نرمين*
ضرب.حاج عصام على الدركسون ،وهو بيقول : يعني منو آل.كلمك?!..
ردت نرمين وقالت: ما عارفه يكون منو ،ده ما مهم ،بس المهم إن.نتصرف ،لان شكلو اتكشفو ..
طلع حاج عصام مسدس من الخزنه وقال ليها: معناه لازم.نحن إلا نروح نجيبهم ..
نرمين.اتفاجئت وهي بتشوف المسدس ،قالت لي : دا شنو?!.
قال ليها :هذا مسدس ،شنو تشوفين..
قالت لي:
قصدي بتفكر في شنو?!..

قال ليها :بدخل ،
قالت لي :مجنون إنت مامكن تخش كدا عليهم وأنت واحد بس وهم أكثر بكثير و مسلحين .الكثرة بقولو بتغلب الشجاعة ..
قال ليها.: يعني وش تبيني اتصرف ،أخت ايدي واتفرج عليهم وهم بيقتلوهم .
هذي المره ما رح أسمح لي آدم يلمس شعر من رأس واحده منهم ،هذا وعد مني .
نرمين.قالت.لي : أكيد ما حانتفرج ،انا حا اخش ،،لأن شرطية ومتمرسه ،انت خليك هنا ،لما يصل حسن ،

قال ليه: منو هذا حسن?!..
قالت.لي: مساعدي ،،القضية انا.ما مسكاه رسميآ،وما عندي ورقة بتخولني ادخل هناك ،يعني الدعم الوحيد ،حسن .
قال ليه :بس أنى.ما اقدر انتظر هني .
قالت لي: أنا.مدربه.كويس علي وضع زي ده ،بس إنت صعب،انا حا ادخل بتخفي ،واشوف الحاصل شنو ،انت لما يجي حسن حاتدخلو ب الباب الامامي لأن إذا هم جد جد كشف خطة الهروب ،حايتمركزو في الباب الخلفي.
قال ليها: زين يصير خير .
قالت لي وهي بتطلع مسدسه وتتاكد من مخزون الرصاص : بس قبل تعملوا أي حاجه.اتصلو علي ،اذا ما رديت بعدها خشو ،لأن.حاكون أكيد اتقبض علي ،أو الاسوء..
قال ليها : إن شاء الله بصير كل خير .
____

*#ميوك*

فتش ميوك جيبو ،تحت مخدتو ،وكل مكان ،بس ما لقاه ،فكر يكون وقع منو ولا....
بس كان احتمال أقرب لي التصديق ،إن يكون وقع في يد حد تاني ...
بس هو منو?!.. أتذكر على طول الغداء و إصرار ناصر على أن يشاركهم الأكل ،كان قلبو حاسس خاطب نفسو ،اصلو بدر وصحابو ما بجي منهم.خير ...

طلع ميوك السكين.ودسه في نصو ، فكر شكلو ما حاتمشي إلا بطريقة الشارع ،قلع بس..

مع إن.ما اكيد اذا فعلا اتكشف ،بس حايلتزم ب الخطة ،حا ينسحب سريع ،ويمشي يشوف وضع النجيله ،اذا كان امان حايمشي على طول علي اخر المبني ،الهو مقابل الباب الخلفي لي جملون البنات
،فعلا كان الطريق سالك ،استغرب وهو يفكر "معقولة.يكون التلفون بس رايح منو،وناصرا ما ليهو اي دور في اختفائو ?!...

______

*11:55*

*#ادم*
من.الغضب كان حايطق ليهو عرق ،صرخ بأعلي صوت عندو " بدر ،يا زفت بدر
في ثواني كان عندو ..ورجلو ما لامه على بعض من التخبيط في بعض
"في شنو يا جنابو ?!..
في أن شكلو.بينا خاينة.
رمش بدر مرتين وهو بيقول لي : خاينة ولا خاين ?!...
قال آدم ب انفعال وغضب
"يعني بقيت غبي لدرجة م تفرق بين مؤنث و مذكر ?!..
رد. بدر.بنفس ارتباكو.الاول : لا يا بوس ماقصدي كدا ،بس عشان ....
قال ادم : بس شنو ?!...
رد بدر في كلمات مقطعه
: في....خاين...بينا....كمان..
جحظت عيون آدم وهو بيمشي ليه في خطوات واسعه ،لما حصلو وقبقيو من رقبتو على وقال لي في صراخ : منو ?!...أنطق.
بلع ادم ريقو بصعوبه وهو بيقول في تمتمه : ممم...ميو...ميوك....

كان في شئ.من عدم التوقع ،والصدمة الحقيقة بالنسبة لي آدم .
فلت بدر وقال لي : امش بسرعة.جيب لي الكلاب ديل ... ولم.لي كل رجالنا..
رد بدر وقال : بس إنت.رسلتهم لي تسليم الحاجه و استلام القروش ..
ضرب آدم جبهتو في غضب وقال : خلاص سوق معاك سعيد و ناصر ،وامشي جيب ليك الكليه سميرة ،وميوك ...
خمس دقائق اذا زادو حايكون عقابك نفسهم..
طلع بدر بسرعة ورجلينو بتخبط في بعض ..

___

*#نسمة*

كان الجملون الكان مضلم ،اليوم دا بزات.،مافي شغل ليلي ،لي اسباب فنية ،هم.ما عارفين.حقيقة ابعاده ،ودا من.حسن حظهم.أو احتمال العكس ،همست نسمة لي سميرة وقالت ليها : الزمن جاء ،ارح.قومي.
سميرة قالت ليها : بس إذا صحت وحده فيهم.
قالت.لي نسمة: اطمني ما حايصحو.
قالت سميرة : الضمنك شنو ?!..
قالت نسمة.: تتذكري العصير العملتو جبيل بعد الأكل?!..
هزت سميرة راسهّ
ابتسمت نسمة وهي بتقول : كبيت في باقي الفضل من المخدر،بس ما لي وقت طويل ...لان جوعه على ناقصة ...
قامت سميرة وقالت ليه : يلا نتخارج سريع ،قبل يصحو...
نزلت نسمة كمان وهي بتطلع المفتاح.من.تحت المخده .