طلعنا من المقبره ورجعنا ركبنا في العربية ،وبرضوا ما قال لي حاجه ،ساق العربية مسافه ما طويلة وقف قبل كبري ،مقابل لي البحر ،فك حزام الامان والتفت على وهو بيطلع النظارة وبتبان عيونو الغريبة ديك وقال لي : إلي شفتيه قبرهم اليوم ،هدوما أهلي .
قلت ليه: ربنا يرحمهم ويغفر ليهم.يارب ،بس...
قال لي : بس شنو?!...
قلت لي الفي بالي :
يعني هم ماتو في نفس اليوم ولا كيف?!....
نظراتو ضلمت وعروق وشو بانت ، سحب نفس طويل ،بعد مده.زفر بعده وقال لي : لا هم ماتو وأحد ورأ التاني .
بالأول.ماتت اختي سعاد ،إلى صار وقته أن أمي.ما تحملت الخبر ،شهر ولحقته ،وبعد بيوم واحد بس أبوي حصلهم .
" لاحول ولا قوة إلا بالله ،لله.ما اعطي ولي الله ما اخذ . وربنا يرحمهم يارب ويصبرك.
قال لي : تسلمين ،ماقصرتي .
قلت.لي بس هسه إنت لسا ماقلت لي إنت.جايبني هنا لي شنو ?!..
قال لي: لأن أبيك تساعديني .
في حيره.قلت ليه: نعم ...أنا ?
و حا اساعدك في شنو مثلا?!..
أبي انتقم لي موت هلي .

حيرني اكثير ،،قلت لي : وانا علاقتي شنو ?!..
قال لي : آدم هو السبب في موت أختي سعاد .

في الحظة دي حسيت نفسي في دوامه كبيرة ،بتسحبني لي من مصيبه لي مصيبه أكبر .
______

*#ربا*

صحيت ولقيت نفسي برأي ،في المكان المهجور ده "تحت الخور" رغم الريحه العجيبه ،بس خلاص اتعودت زي.ما متعودة أعود نفسي.علي.حاجات.كثيرة ،
لفتني صوت حد جاري ،وكان اجوش الابتسامة كانت مرسومة على وشو وهو بيقول لي :صباح الخير .
قلت.لي :صباح النور ،مشيت وين إنت?..
قال لي :مشيت اجيب ليك حاجه.تاكليها .
قعد.جمبي وطلع اثنين سندوتش طعمية ،قال لي : يلا دخلي يدك.
قلت.لي: و الله يا اجوش ،ماجعانه،وماعندي نفس في اي أكل
قال لي : وانا كمان والله ، من.أمس.ما دخلت حاجه في خشمي. واذا ما اكلتي معاي ،حافضل كدا لي باقي اليوم ،اها يرضيك أفضل جعان ?...
قلت لي : لا والله ما يرضيني

*أمبارح.حكيت ليه.كل قصتي،وهو كمان.حكي لي عن أخوه ميوك ،ومن لحظت
حسبتو أخوي الصغير .

*"ربا* هوي ،ماتسرحي ،اكلي ،واطمني ما تشيلي هم ،انا لقيت ليك حل .
قلت ليه في يئس : زي شنو?...
قال لي: بعرف متدرب في الشرطة .
قلت لي في حيره :بتعرفو من.وين?..
قال لي : يعني إنتى قايله عشان نحن أولاد شوارع،مابنعرف اولاد الناس.
قلت لي : آسف ما قصدي كدا،بس..
قاطعني وقال لي : فاهمك يا ربا ،بس بهضر معاك والله .
ملست على شعرو وقلت لي :مجرم انت والله يا اجوش .
ضحك وقال لي من بين اكلو "عرفنا في جمبه شاي ،كنا انا وميوك ،شغالين فيها نقولتيه" يعني تخيط شباشب وصنفره وكدا ، بنعرفو من زمن بيقرا في الجامعه ،ومواصلنا لما اتخرج وبقه متدرب .
فا من الناحية دي اطمني .

ضميت يدو الصغير بين.يدي وقلت ليه: شكرآ ليك يا اجوش ،كلامك ده اداني أمل ولو صغير في أن اقدر انقذهم.

______

*#سميرة*

كالعادة ،إلطاف اخدتني علي المبني تاني،وصلتني حد شقة آدم ، وكان قاعد في الغرفة منتظرني ،دخلتني وقفلت الباب .
وقف على حيلو ،ب قامتو المهيبه و حضور المربك و المخيف ،ابتسم ابتسامة صفراء ،كله مكر ،قرب مني شمه ريحتي ،حركتو دي خلت جسمي كلو يكش. قال لي بصوت هامس :لسا بتخافي مني?!...
حاولت احبس انفاسي ،واثبت صوتي وانا.بجاوب بس
"لا" قلته برجفه .
ابتسم وقال : بنسبة لي ما مشكلة. أنا بحب طعم الخوف وريحة الخوف .
شداني عليه ولمس وشي بيدو وقال لي : وبحب المسك .
ماكانت دقايق ولقيتو بياخدني على السرير ،لحظات قاسية وطويلة ومره ،فرض علي أعيشه ،طالمه هو راغب وعايز ،مسحته دمعه يتيمه نزلت ،وانا براقبو وهو بيطلع بره الغرفة .
"لازم أطلع من هنا، لازم أهرب بس حا انتظر نسمة لما تجي .
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*

فتح.الباب ودخلت الطاف
مرت على البنات.سرير سرير ،لما وصلت لي عند سرير سميرة.ونسمة،قالت ليهم :
كيف وش السعد والهني. قيلتو ?!...
ردت سميرة.وقالت ليها : أهلا يا ست الطاف .
قالت نسمة: بخير يا ست الطاف.
علينا الطاف لي نسمة.وقالت ليه: ياهننا ومننا وسعدنا وبختنا. اقول شنو ولا شنو ..عملتي.في الراجل شنو?!..
مبسوط منك على الآخر .
ابتسمت نسمة.في خجل حقيقي ،لما أضافت.الطاف
" اخجلي ساي. قادرة طلعتي ،رغم.وشك الطفولي ده .المهم انا هسه جيت عشان اقول ليك. حاج عصام طلب يشترو ليك ملابس جديدو أحذية جديدة ،يلا قومي جهزي نفسك .
استغربت نسمة وهي بتتبادل النظرات مع سميرة ،
واصلت الطواف وقالت : يلا قومي البسي ،حايخدوك اثنين من.اولاد آدم .
"ممكن أخد معاي سميرة ّ
في ريبه طالعت الطاف سميرة. بس رجعت وقالت ليها: طيب. عشان انا مبسوطة.منك موفقه تاخديه معاك ،بس اوع تعملو حاجه تزعلني منكم مفهوم ..
ردو وراها " مفهوم "
______
*#ربا*

كانت لسا في الخور مخبئ ميوك اجوش ،واقفه على حيله وهي بتمشي و بتجي ،قفلت معاه خلاص ،ولما يرجع اجوش حاتقول ليه :أنها خلاص قررت تمشي.
في وقفته ديك ظهر اجوش وفي ظهر شاب طويل اسمر .
جاه جاري ب برائتو المعتادة وقال ليها : ربا تعالي سلمي على صحبي ،ده حسن الحكيت ليك عنو .

*#تسريع أحداث*

حسن_ ااايق ،قصتك إنتى وصحباتك غريبة جدآ،طول فترة تدريبي دي ،سمعت وشوفت حاجات تشيب ،بس.الحصل معاكم ده "غير متوقع في بلد زي بلدنا دي ،معروف عن ناسه الطيبة والأصول .
ابتسمت ربا ب حسره وقالت لي : للأسف احنا كا سودانييين معدان نظيف ما اختلفنا وعلى قدر النية عايشين،بس كمان فيني شر ما ليه أول ولا اخر ،بس بنعمل فيها ما شافين ،ما مصدقين ان ده بيحصل عندنا .
حسن_ كلام صح والله ،وربنا يصلح الحال أن شاء الله .
ربا_ أن شاء الله .
اجوش_ ياحسن هسه ماقلت لي ربا حاتعمل ليها شنو.
حسن_انا برأي مابعمل ليكم حاجه،بس حا اخد ربا لي عند رئيسي في العمل نقيب نرمين .
ضحكت ربا وهي بتقول ليه" بت ،هو بالله في الشرطة في بنات?!..
قال ليها: ايوه ،وهي ما أي بنت ،دي يخافو منها رجال ب شنيبات. ما بعمره خسرت قضية ،أول فلت منه مجرم ،وانا واثق تمام أنها حا تساعدك .

ربا ما كانت.مقتنعه بس هزت راسه.على مضض وقالت لي حسن" طيب تمام بس بتين حاتجمعني بيها?1..
قال ليها :اليله هي ما جات ،بس بكره.من الصباح حا اكلم اجوش يجيبك لي حد قسم خرطوم 3 .
"سمح.بكره قريب ، ربنا يسهل .

______
*#نرمين*

اليومين ديل قضيته عند ناس أبوي ،زي ما بيقولو ،كنت بشاور في نفسي ،وكمان كنت عايزة أخد استراحة قصيرة ،واقضي يومين ضابطات مع إيمي و أمي وابوي .
أبوي مع إن راقد على السرير وما بيتكلم ،بس سعادتو ب وجودي كانت واضحه ،في نظرات عيونو .
امي كمان.كانت.أقل توتر ،حتا تاني ماجابت لي اي سيرة.عن إن أقدم استقالتي واتفرغ لي بنتي .
إيمي نفسه كانت.سعيدة خالص ،
فعلا السعادة غيرت ملامح الكل .
كنا بستاهله ،كنا في حوجه لي بعض عشان نرجع نستشعره.

إذا وصلت لي قرار خلال اليومين دي
فا أولها إن دي آخر قضية لي ،بعده حا تفرغ لي بنتي. حياتي ،وحارجع أفتش على جمال.
على سيرة.جمال اليوم حا أفتح شقتو ،الكانت فاتحة.عيادة خاصه .
أحتمال في غرفتو الخاصه ،القه حاجه توصلني لي اي خيط ،
احساسي بيقول لي أن حا القي اجابات هناك.

____
*#اجوش*

سعيد قال لي إن حا اطلع في أول مهمه لي اليله ،وهي أن.ارفق بنات ،هو ال حايسوق العربية ،وأنا حا حارقبهم ،دي مهمتي الأساسية. أن أخت عين عليهم.

سعيدة.كان.بسخن العربية وأنا كنت. منتظرهم جمب الباب الحديدي الكبير..
شويه وبأن ثلاث نسوان كان بيقربو ،كل ما يقربو كان ملامحهم بتبان.اكثر ،وشفتها
لما وضح ملامحه ،كانت البنت المن اليله المشؤمه ديك. هي والبنت المعاه ،بس الطاف عايزة تاخدهم وين.?!...
عينه وقعت على عيوني والطاف بتعرفهم على بأن حارسه ليهم ،وان لازم يسمعو كلامي ،وما يعملو اي حركه غلط عشان آخره أكيد ندم .
بعده خلصت محاضرته ليهم قالت لي: وأنت كمان.يا ميوك " شوف شغلك ،وخلي عينك.صاحية..
مارديت عليها واكتفيت بأن اديها نظرة.من نظراتي الكنت بخوف بيها اجوش .
بعدها مررتهم وخليتهم يطلعو قدامي .
لما قربنا على العربية فتحت ليهم الباب ،في الحظة دي اتلاقت عيوني مع البنت ،كان بتستنجد بي ،عيونه كانت فيها خوف وحاجه تانية ما واضحه .
قفلت الباب بعد ركبو ،
"اجوش ماتركب سرحان وين?!..
قال لي سعيد.
ركبت يمينو وانا بفكر ،ياربي تكون محتاجة مساعدتي?1..
أتكلم معاه?!..
بس كيف مع البنت المعاه وسعيد المرافقنا طول الطريق .
حا ألقى حل ،وبعده اسمع العنده حا أقرر حا أعمل شنو.
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*

قالت لي : اليوم داك حا اتشخلعك كثير شكلي .
قلت ليها : معليش ،بس صبرك عليه يومين ثلاثة ب الكثير ،وأن شاء الله حا نتخارج من هنا ،بس لو ختيتي يدك على الفيديوهات والمستندات الوراء المكتب ?!...
حاننتهي منو.جد الجد.
قالت لي : المره دي ،أن شاء الله حا اجيبهم بس انتي قولي يا هادي .

قلت ليها: يا هادي ...
أنا زي ما وعدتك ،حا أرسى ميوك ،وبحاول أن شاء الله اجيب ليك مخدر .

*#تسريع أحداث*

نفس نظام المره الفاتت. سعيد فضل في العربية ،ميوك مشي معاي ،الزمن المحدد لي المره دي كان نص ساعه بس ،لان حاجات خفيفه ،وما مفترض تاخد وقت ، أول مابعدنا عن.النظر " ميوك قال لي : قبل تقولي إي حاجه عايز أقول ليك ،عرفت مكان صحبتك ربا ،ربك رب الخير خلا طريقه يتقاطع مع أخوي اجوش،وهم تحت رعاية شرطية اسمها نرمين .

" ربنا واقف معانا. ده الاحساس الجاني وانا بسمع الكلام ده من فم.ميوك..

قلت ليه : ريحتني الله يريحك ويهدي بالك ...كنت خايفه.موت على ربا ،بس طالمه هي في يد امينة وكمان.شرطية.ما عليه خوف .
قال لي : فعلا والله
قلت لي : بس إنتى عرفت.من وين?!..
قال لي : سعيد ،حن.على أمس،و اداني العربية عشان.امش واطمن على أخوي ،ولما لقيتو قال كل ده.
قلت لي :يا سلام انت.ما حاتتخيل كلامك ده حايساعدنا قدر شنو .
قال لي :كيف?..
قلت لي : إنت مش لسا على وعدك ،و حا تكون.معاي .
قال لي : أنا راجل وعند كلامي وكلمتي سيف على رقبتي .
قلت لي: عارفه.والله ،طيب هسه بختصار حا اقول ليك ،احنا عايزين ندمر العصابة.دي ونبدأ ب الرأس ،ألهو آدم ،
قال لي : بس هو صعب وقاسي على الخونه .
قلت لي : عارفه بس اذا نحن.مع بعض والتزمنا ب الخطة ،أن.شاء الله ما بجينا شر .
قال لي : طيب إنتى عايزة مني شنو ?!...
قلت لي : حا نحتاج ليك في أن تدبر لينا طريقة هرب من هنا. بما انك ،طالعه ونازل معاهم وفي يدك عربية .
قال لي بس انا ما بسمحو لي اسوق.
قلت.لي لازم تلقي طريقة.
قال لي : طيب وانتو?!..
قلت لي : نحن حا نحاول نمسك عليهو زله ،بعده حا نهرب من هنا والباقي تاني حا يبقه على حاج عصام .
قال لي دا زولك ،البره .
قلت لي : ايوه قال لي : أنا بس دائر أعرف هو غرض شنو من كل ده ?
قلت لي : اختو ماتت ب سببهم .خطفوها وشغلوها غصب ،ولما بقت حامل قتلوها بطريقة غريبة ورموها في الكوشة.
بانت ملامح الصدمه عليه .
قال لي : لا حول ولا قوة إلا بالله ،القتل سهل عندهم ،ما مهمه عندهم حياة الإنسان ،الناس دي عندهم زي البهايم .
قلت لي : بالضبط كدا ،وعشان كدا لازم حد يخت ليهم حد .
قال لي : أنا معاكم لي النهاية ،حا أضبط طريقة الطلعه حقتكم ،بس أول حا القي الشرطية نرمين ،و حا اطلب منها تحمي اجوش وكمان.ربا .
مواعيدي معاه بعد بكره
قلت.لي : بس اذا طالبة ب تفسير واجابات .
قال لي : نقول ليها كل شي،واكيد هي قادرة تخدمنا اكثر من.إي حد تاني.
قلت لي : طيب حلو ،عمومآ ،بعد يومين حا اقول ليك حانفذ بتين ?!..
قال لي : طيب .

قبل نخش السوق ،دخلنا صيدلية.،ومن.هناك ،جبت المخدر
___

*#ربا*
*الساعه كانت 2:30*
نرمين.لسا ما جات. كنت عملت الغداء ملاح خضرة وسلطة اسود ، عصرت كمان برتكان ،وقعدت أنتظر فيها ،برضوا ما اجات ،فكرت انظف ،قمت على الصالة ،كنستها ومسحتها ،بعد فكرت انظف ليها غرفتها ،بديت من قدام ومشيت على وراء ولما حصلت السرير ،رفعت الملاية كنت حا ادخل المكنسة تحت لما لاحظت لي كتاب ،كان كبير ولونو بني ،وفيه لمعه غريبة ،بييرق زي الماس. ختيت المكنسة ب الجنبه ،ودخلت يدي عشان اشيلو ،مسكتو وطلعتو ،فيه شي غريب يخليك ،تفتحو ،وجاني الفضول إن اشوف الجوه .
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*

*#لو_تحكي_الجثة.💔*
*#الجزء_ الثانى*
*#الخرطوم_بليل 《19》*🔞
*#بقلم_حنين_محمد*
*ــہہہـہہہـ٨ــ٨ـہہہـ٨ــ٨ـــہہہـــــــــــ❥ :00:00*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*#ربا*
افتحي افتحي افتحي .
ماعارفه اذا كان ده صوت.فضولي ولا نفسي نفسي بس كانت بتلح على إن.افتحو ،قلت بسم الله لما ،ختيت يدي على الغلاف ،بديت اتخيل الممكن يكون جوه .كنت بتحسس الغلاف ب بنصري وأنا بتأمل في النقوش كنت حا افتحو لما فجاة لقيت نرمين في وشي ،أخدت الكتاب من يدي ورمتو على الارض ,مافهمت ماله ،مسكتني وهي بتعاين في عيوني وبتقول لي : إنتى كويسه ،حصل ليك شي،شوفتي حاجه..
في حيره قلت ليها: أنا كويسه ماعلي حاجه ،بس كنت بنظف الصاله لما خلصت قلت انظف غرفتك معاي ،كنت بكنس تحت السرير لما شفت الكتاب ده ،وبس .. نرمين عاينت ليه حتت رمتو وقالت لي بعصبية: اوعك تاني تشيلي أو تفتحي .ّ....
كنت مصدومة في انفعاله الفجائي ده ،وعشان سبب تافهه زي ده يعني شنو إذا فتحت ،ماهو.بس كتاب?!..
،لما مارديت عليه
واصلت كلام وقالت لي بنفس الحس المنفعل ، الهجه الحاره "مفهوم?!..."
قلت ليها وانا بفلت نفسي منها " طيب ،رسالتك وضحت يا استاذة .
ماعارفه صوتي ولا رقرقت عيوني الكشفو شعوري ب الازلال بعد سمعت.كلامه.
لانه قالت لي وهي بترجع تخت يدها على كتفي وصوته بلين .
" انا والله.ما قاصده أتكلم معاك ب الشكل ده .
بس....الكتاب ده ماكويس ،ماعارفه اشرح ليك.كيف...
بس مضر وشديد يا رابا. فا أنا ماعايزك تقربي منو تاني ،وما انفعالي عليك إلا خوف اخت على اخته يعلم الله .
صدقتها ،بس غريب موضوع الكتاب ده الخلاه تنفعل قدر ده . قلت ليها : اوعدك تاني ما اقرب منو نهائي .
مع أني وعدته" بس فضولي لسا ما انطفه"
قالت لي وهي بتبتسم " يعني ما زعلانه .
ردت ليها وقلت : لا ما زعلانه .
قالت لي : طيب ورح نأكل انا جعانه وأكيد إنتى زي.كدا ?!...نطلب غداء ?!..
قلت ليها : مافي داعي أنا طبخت خضراء وسلطة اسود .
قالت لي : ياسلام عليك ،طيب انا حا أغير هدومي والحقك .
بعد طلعت من غرفتها قفلت الباب ّ،وب المفتاح .
فكرت " نرمين دي اصلو ما براها ،بس طنشت ،ماشغلتي،المابخصني ما حا ادخل فيه، انا قاعدة هنا لي فترة مؤقته لما نشوف البيحصل شنو بخصوص نسمة و سميرة .
أم.فضولي ده.حا اطنشو ..
قلبي وغوش وانا بفكر ،ياربي هسه هم كيف ?!...
ربنا يحميهم ويغطيه يارب ..
ويجمعني.بيهم.قريب.

____

*#ميوك*
دخلت نسمه محل الملابس،قلت ليها :ماتتاخري ،قالت لي دقيقتين و حا اكون معاك ،
"
ب 1500 بس ،سوط عنج وسكين يد و مطوي "

كان في ولد بيكورك. بكلام ده .
اتذكرت سكيني ،من يوم اخدوني معاهم ،قلعوها مني وبقيت أعزل ، والراجل لازم يكون عندو سلاح في يدو يدافع بيه. يحمي نفسو

مشيت عليه وقلت لي : عايز بس مطوي ،بتبايعني ?!..
قال لي : والله هم طقم ..
ما ينفع .
قلت لي : أنا عايز انفعك ،ما غالبني حق الثلاثه ،بس محتاج لي المطوي بس .
إنت اديني ليها حتي لو بسعر الثلاثه ،والباقي خليهم ليك.ّابتسم وقال لي " لا كان كده.ماف مشكلة ،.
مسكت لساني منو بجلاله أحد تافه.و.استغلالي ،اخذتها دخلتها وراء ظهري " مامعرف امكن احتاج ليها ،بزات في اليومين دي .
بعد خلصت نسمه.
،اديتها رقمالتلفون الادوني ليه ،وقلت ليها : مامعروف الضروف شنو ?!.. احتمال ما نقدر نتلاقى . عشان كدا ده رقمي ،رسلي لي وختيني في الصورة.بالنسبة.لكل البيحصل .
لما وصلنا .سعيد كان مشغول ب مشاغلات البنات الماشيه.والجايه ،وحرق السجائر . المره الفاتت ،كان مضايق واخلاقو في مناخيرو .

_____

*#نرمين*

قلبي.كان حايروح.من.مكانو ،وانا بشوف ربا ،ماسكه الكتاب بين يدينه ،صدق عبد القادر لما قال ان حايحاول يستدرج حد يفتحو ،قصه.غريبة جدآ واغرب من.الخيال ،ما لحقت اصدق ،بس مجبوره عشان أعرف اتعامل معاه ، بعد طلعت ربا من الغرفة ،بقيت أفكر. وين ممكن احفظو ?!...
عايزة مكان ماف يد تقدر تصل ليهو فيه. ،،
بس وين?!...
بفكر كدا ،اتذكرت خزنه جمال الجوه.دولابو
مشيت على الدولاب ،فتحتو ،بعدت الهدوم ،بس بقت في مشكلة ،كانت مقفولة ب رمز سري .
جربت أول " تاريخ ميلادو، كان خطأ ،بعدو ،تاريخ ميلاد إيمي ،برضوا ما نفع ،ميلادي انا كمان ،برضوا خطأ ،تاريخ زواجنا ،واسامينا ،كلو خطأ ،
سمعت ربا بتناديني على الغداء ،
بس كان لازم اخلص من.قصة ا لكتاب دي قبل اطلع.ليه..كفاية الحصل.