«በየቀኑ ስለመኮብለል፤ ስለመጋባት፤ ልጅ ስለመውለድ እናወራ ነበር ። ፕላን እናወጣ ነበር። እንዘጋጃለን። ግን አንዱም አይፈጸምም። እሷም ከባሏ ጋር ፣ እኔም ብቻዬን እንዳለን ፍቅራችንን እየኮመኮምን መኖር ቀጠልን። አስራ ሁለት ዓመት ሙሉ አንድ ነገር አልተለወጠም። ዛሬ ዛሬ ያን ያህል ዓመት በዚያ ሁኔታ እንዴት አድርገን ልንቆይ እንደቻልን ሳስበው ይገርመኛል፡፡ ሆኖም ኑሮ የራሱ መንገድ ይኖረዋል ። ኑሮ በዘልማድ በራሱ መንገድ ሲቀጥል፤ ሲጓዝ ፤ ሲቀጥል ይኖራል ። አንድ ቀን ከዘልማድ እንቅልፍሽ ብንን ብለሽ ስታስቢው ለካ አስር ዓመት ቡን ብሏል፡። ወይም አስራ አንድ ዓመት ወይም እስራ ሁለት ።

«በመጀመሪያ ጋብቻውን ሰርዘን ምክንያት ፈጠርንለት። ባሏን መፍታት እንደሌለባት ተስማማን ። ምክንያቱም ባሏን ከፈታች ብዙ ችግር አለ ። አንደኛ ነገር ፍቅሯ ለኔ ይሁን እንጂ ባሏ እንዲጎዳ፤ እንዲጎሳቆል አልፈለግንም ። ሁለተኛ ለእኔም ቢሆን የሰው ሚስት አስኮብልሎ አገባ ሲባል ለስሜ ጥሩ አይደለም ። ሶስትኛ የሷን ቤተሰቦችም ክብር ሊነካ ይችላል… ይህ ሁሉ ተብሎ ጋብቻው ተሰረዘ ። ብቻ ከጀመርነው መንገድ ውጪ አንድ እቅድ ከመጣ ምክንያት አይጠፋለትም ። ሲመስለኝ ሁለታችንም ፣ በልባችን ፍቅራችንን ከጀመርንበት መንገድ ውጭ ልናየው አንፈልግም ነበር ይመስለኛል። እርግጠኛውን ነገር በርግጥ አላውቀው፡፡››

ስለዚህ ጉዳይ ነግሯት አያውቅም ነበርና ናንሲ ሁለመናዋ ጀሮ ሆኖ ታዳምጠው ነበር፡፡ እሱም ይህን የሚናገረው አይኑን አድማስ ላይ ተክሎ ፤መንፈሱ በትዝታ ጎዳና ርቆ ሄዶ ቅዝዝ ብሎ ነበር፡፡

«እሁን ለምን ትለያያችሁ?» አለች ናንሲ ። ጥያቄውን እንደጠየቀች አልተለያዩ እንደሆነስ? የሚል ሀሳብ ብልጭ አለባት። ይህ ሐሳብ ብልጭ ሲል አፈረች፡፡ በሰው ነገር እየገባሁ ይሆን እንዴ? አለች፤ በሀሳቧ ምኑ ይታወቃል። ስለፒተር የማታውቃቸው በርከት ያሉ ነገሮች ሊኖሩ ይችላሉ ። ያ ብቻ ሳይሆን መጠየቅ የማይገባት ነገርም ሊኖር ይችል ይሆናል ። ከዚህ በፊት እንዲሀ ያለ ነገር እስባ አታውቅም ነበረና ከላይ ለምን ተለያያችሁ ብላ ጠየቀች።

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ሰባ_ሁለት
፡
፡
#ድርሰት_ሚሲስ_ሔንሪ_ውድ


የሊንበረ የችሎት አዳራሽ በጣም ሰፊ ባይሆን ኖሮ ሰር ፍራንሲዝ ሌቪሰን
በጆርጅ ሆሊጆን ማድያ የተከሰሰበትን ፍርድ ለመስማት ከመጣው ብዙ ሕዝብ አብዛኛው ቦታ ባለ ማግኘት ሳይሰማ ይቀር ነበር "

ጕዳዩ ከተከሳሹ ማዕረግ ጋር በማነጻጸር ተከሳሹ ቀደም ሲል ከነበረው ታሪክና በተለይም እመቤት ሳቤላ ካርላይልን ከሚመለከተው ሥራው ጋር በማገናዘብ
በሪቻርድ ሔር የተላለፈው ፍርድ ወንጀሉ የተፈጸመበት ዘመን መርዘም አፊ የተጫወተችው ሚና የኦትዌይ ቤቴልን ትክክለኛ ድርጊት ለማወቅ ከፍተኛ ጕጕት ነበረ የድርጊቱን ዝርዝር ትክከለኛ ገጽታ የመረዳት ፍላጐት ሁሉ
የሕዝቡን ጉጕት አራገበው » ከጠቅላላው ሕዝብ ውስጥ የሚስተር ካርላይል :
የሔር ቤተሰቦችና ወዳጆች : የሻሎነር የእስረኛው ቤተሰቦችና ወዳጆች ጭምር ነበሩ ኮሎኔል ቤቴልና ጀስቲስ ሔር ግልጽ ከሆነ ቦታ ላይ ተቀምጠው ነበር ።

ዳኞቹ ከሦስት ስዓት ጥቂት ቆይተው ተሠየሙ ኦትዌይ ቤቴል የዐቃቤ ሕግ
ምስክር እንዲሆን ተደረገ የሚል ዳኞቹ ገና ሳይሠየሙ ወሬው ካፍ ወደ አፍ ሲሸጋግር ቆይቶ ነበር " የዚህንም ወሬ ትክክለኛነት ለመስማት የጓጉ ሁሉ አንገታቸውን እያስገጉ ለማዳመጥ ይጠብቁ ጀመር

ቀደም ሲል የሰጡትን ምስክርነት መድገም አላስፈለገም ነበር " የጎደለ
ቢኖር አንዳንዶቹ እየተጠየቁ ካስተካከሉ በኋላ'ያልተሰሙ ምስክሮች እንዲስሙ
ተደረገ።

“ሪቻርድ ሔርን ጥራ ” አለ ዳኛው

ሚስተር ሔርን የሚያውቁ ሁሉ ስሙ እየተጠራ ለምን እንደማይነሣ ራሳቸውን እየጠየቁ ሲደነቁ ሪቻርድ ሔር ትንሹ” ብቅ አለ "
በፍርድ ቤቱ አዳራሽ የነበረው ሕዝብ ሲንሾካሾክ ተሰማ " የተሰደዶው ሞተ የተባለው አሁንም ሕይወቱ በአጠራጣሪ ሁኔታ ያለው ሪቻርድ ሔር ሲዘልቅ አጫጭሮች ደኅና አድርገው ለማየት እየተንጠራሩ በግሮቻቸው ጫፍ ቆሙ።ሰብሳቢው ሁሉም ጸጥ እንዲል ጠየቀ ሁለት መኮንኖች ቀስ ብለው መጥተው ከኋላ ቆሙ እሱ ሊያቀው ባይችልም በጥበቃ ሥር ዋለ በደንቡ መሠረት ምሎ ማንነቱን ሁሉ ተናግሮ ምስክርነቱን ቀጠለ

“እስረኛውን ዞር በልና ደህና አድርገህ ተመልከተው
“ታውቀዋለህ ?

“ አሁን ስር ፍራንሲዝ ሌቪሰን መሆኑን ዐወቅሁት እስካለፈው ሚያዝያ
ድረስ ግን ስሙ ቶርን መሆኑን ነበር የማውቀው

እስኪ የግድያው ዕለት ማታ እስከምታውቀው ድረስ የሆነውን ንገረን ።”
“ ያን ዕለት ማታ ከአፊ ጋር ቀጠሮ ስለ ነበረኝ ወደ ቤታቸው ሔድኩ "
ቀጠሮህ በምስጢር ነበር ?”

"በከፊል ከዎን » ከአፊ ጋር የመቃረቤን ነገር ወላጆቼ ስለማይወዱልኝ
እኔም መሔዴን እንዲያውቁ አልፌልግም ነበር " ስለዚህ ከራት በኋላ ጠበንጃ ይዤ
ስወጣ አባቴ የምሔድበትን
ቢጠይቁኝ ቦሻ ዘንድ ብዬ ዋሽቼ ሔድኰ እኔ ግን ለሆሊጆን ላውሰው ቃል ገብቸለት የነበረውን ጠበንጃ ይዠ ከቤቱ ስደርስ
አፊ ሥራ አለብኝ ብላ እንዳልገባ ከለከለችኝ " እኔም ቶርን ከቤት መኖሩ
ገባኝ " ከዚያ በፊትም እሷ በሰጠችኝ ቀጠሮ እየሔድኩ ከአንድ ጊዜ በላይ ከውጭ
መልሳኝ ነበር እኔም እንቅፋት እየሆነ ከደጅ እንድመለስ ያደረገኝ የቶርን
ከቤት መኖር መሆኑን ደጋግሜ ደርሸበት ነበር " "

“ከቶርን ጋር ትቀናኑ ነበር ማለት ነው ?

“የሱን አውቅም እኔ ግን በርግጥ እቀና ነበር ” አለ ሪቻርድ

“ እሺ ቀጥል የምሽቱን ሁኔታ "

“ከሷ ጋር ብጨቃጨቅም እንዳላስገባችኝ ቁርጡን ሳውቅ ጠበንጃው መጕረሱን ነግሬያት ለአባቷ እንድትሰጥ አስረክቤያት ተመለስኩ "ቶርን ከቤት
መኖሩን ስለ ካዶች እውነቷን መሆኑን በዐይኔ አይቸ ለማረጋገጥ ወደ ዱር ገባ ብዬ ተሸሽጌ እመለከት ጀመር " ሎክስሌይ አየኝና ለምን እንደ ተሸሽግሁ ቢጠይቀኝ ምንም ሳልመልስለት ዝም አልኩ ግማሽ ሰዓት ሳልቆይ ከሆሊጆን ቤት በኩል
ተኩስ ሰማሁ " እንግዲህ ሆሊጆንን የገደለው ያ ተኩስ ነበር "

“ ተኩስ በኦትዌይ ቤቴል ሊተኮስ የሚችል ይመስልሃል ?

አይችልም " እሱ ከነበረበት ራቅ ብሎ ነበር የተተኮሰው ቤቴል ከነበረበት ጠፋ " ወዲያው አንድ ሰውዬ ፊቱ ጭው ብሎ ገርጥቶ • ዐይኖቹን አፍጦ ቁና ቁና እየተነፈሰ ልቡ እስኪወልቅ እየበረረ መጣና ሽው ብሎ ዐልፎኝ ሲሔድ ቶርን መሆኑን አየሁት " ከኔ ዐልፎ እንደ ሔዶ ወዲያው የፈረስ ኮቴ ሰማሁ "ከዱሩ አስሮት ነበር "

“ተከተልከሙ ?

“ የለም " ምን እንደዚያ እንዳደረገው እየገረመኝ አፊ ለሁለታችንም አለው
እያለች ስለ አታለለችኝ ልሰድባት እየሮጥኩ እንደ ገባሁ አነቀፈኝና ከተዘረረው
የሆሊጆን ሬሳ ላይ ወደቅሁ " ነፍሱ ወጥቶ ከመዝጊያው ሥር ወድቆ ነበር" ጠበንጃዬ ጥይቱ ተተኰሶ ቀፎው ብቻ ከወሉሉ ተጥሉ አገኘሁት "

በአዳራሹ ውስጭ ጸጥታ ስፈነ "

“ከቤቱ ውስጥ ማንም አልነበረም አፊንም ብጠራት አልመልስልኝ አለች”
ጠበንጃዬን አነሣሁና ከቤቱ ወጥቼ ስሮጥ ሎክስሌይ ከዱሩ ወጥቶ አየኝ ግራ
ገባኝ ፈራሁ " ጠበንጃውን መልሼ ከነረበት ጣልኩና ሮጥኰ "

“ ስሸሽ ቤቴልን አገኘሁት ተኩሱ እንደ ተሰማ ወዶ ሆሊጆን ቤት ከሔደ በኋላ ተመልሶ ወደ ዱሩ ስለ ገባ ማንንም አለማየቱን " ሲነግረኝ አመንኩትና
ጥየው ሄድኩ።

“ታዲያ ዌስት ሊንን ለቀህ ሔድክ ?”

በዚያው ሌሊት ለአንድ ሁለት ቀን ዘወር ብዬ ቆይቸ ሁኔታውን ለማየት ነበር አሳቤ "

ምርመራው ቀጠለ " በመጨረሻ ጥፋቱ በኔ ላይ ተጣለ " ስለዚህ ካገር ጠፋሁ።

ቀጥላ አፊ ሃሊዮን እንደገና ተጠራች « የሰጠችው ምስክርነት ከሬቻርድ
አነጋግር ጋር አንድ ሆነ "

ከዚያ ኦትዌይ ቤቴል ተጠራና የምስክርነት ቃሉን ሰጠ።

"ሆሊጆን የተገለ ማታ አይ ጫካ ውስጥ ነበርኩ " ሪቻርድ ሔር ከወደ
ቤቱ ጠበንጃ ይዞ ሲወርድ እየሁት "

" ሪቻርድሳ አይቶህ ነበር?”

የለም " ከጫካው ገባ ብዬ ስለ ነበር ሊያየኝ አይችልም ነበር " ከቤቱ በር እንደ ተጠጋ አፊ ቶሎ ወጣችና መዝጊያውን በስተኋላዋ ይዛ ካነጋረችው በኋላ ጠበንጃውን ተቀብላው ገባች ራቅ ብዬ ስለ ነበር የተነጋገሩትን አልሰማሁም እሱም ከዚያ ቤት ተመልሶ እኔ ከነበርኩበት ርቆ ሔደ ሲደበቅ አየሁት ምን እንዳስደበቀው ሳስብ ከሆሊጆን ቤት በኩል ተኩስ ሰማሁ "

“ የተተኮሰው በሪቻርድ ሊሆን ይችላል ?

አይችልም » ተኩሱ የተሳማበት አካባቢ ከሪቻርድ ሔር ይልቅ ለእኔ
ይቀርብ ነበር "

"ቀጥል ”

“የተኮሰው ማን እንደሆነ ለመገመት እንኳን አልቻልኰም » ነገሩን ይበልጥ ለማወቅ ተኩሱን ወደ ሰማሁበት ቦታ ሳመራ ካፒቴን ቶርን እያለከለከ ሲሮጥ መጣ በጣም መደንገጡና መረበሹ ከገጽታው በግልጽ ይታይ ነበር " ዐልፎኝ ሊሔድ ሲል ክንዱን ያዝኩና፡“ምን ሆነሃል ? የተኮስከው አንተ ነበርክ? ” አልኩት

“ቆይ ለምን ጠረጠርከው ?

“ደንግጦ ነበር መጨነቁንና መርበትበቱን በቀላሉ ዐወቅሁበት እንዲያም ስይዘሙ ጊዜ በጣም ተጨነቀ " ነጥቆኝ ሊሔድ ሞከረ አልሆነለትም ።
ስለዚህ ነግሩን ማለስለስ ፈለገ“ ዝም እንድል ነገረኝ “የዝምታሀን ዋጋ እሰጥሃለሁ » ሳይታሰብ በንዴት ያደረግሁት ነው ሰውየው ሁልጊዜ ይሰድበኛል ልጂቱን " ምንም አላደረግኋትም” አለኝና የሃምሳ ፓውንድ ኖት በእጄ ሸጎጠልኝ » የሆነ ነግር ያልሆነ ማድረግ አይቻልም " ስለዚህ እኔን ማየትህን መናገር ለምንም አይጠቅምህም ሲለኝ ፡ እኔም ያንን ገንዘብ ወሰድኩና እንደማልናገር
ነገርኩት " ነገር ግን ሰው መግደሉን አላወቅሁም !አልጠረጠርኩም ነበር »

“ ታዲያ ምን ተደርጓል ብለህ አሰብh ?”

“ ምንም ነገር አልጠረጠርኩም " ጥድፊያና ድንግርግር ስለ ነበር አንድም የተወሰነ ሐሳብና ጥርጣሬ ለማስተንተን ሳልችል ቶርን ዘቅዝቆ ሮጠ ቀጠለና
ሪቻርድ ከዱሩ ወጥቶ ወደ ሆሊጆን ቤት ሲሔድ አየሁት" እሱም ከቶርን ባላነሰ ሁኔታ ደንግጦ ወዲያውኑ ተመለሰና ያንን ሶለግ ውሻ አይቸው እንደሆነ ጠየቀኝ”

“ የምን “ሶለግ ውሻ ? ብዬ ስጠይቀው ' ' ቶርን ነዋ አለኝ » አለማየቴን
ስነግረው መንገዱን ቀጠለ " ኋላ ሆሊጆን መገደሉን ሰማሁ "

ይኸን አሠቃቂ ወንጀል ለመደበቅ ነው ገንዘቡን የተቀበልከው ?

“ ንዘቡን ተቀበልኩ I ይኸንኑ ስናዘዝም ኃፍረት ይስማኛል " ግን ሳላስብ ነው ያደረግሁት የተቀበልኩት ግድያውን ለመደበቅ መሆኑን ባውቅ ኖሮ አልነካውም ነበር" ያን ጊዜ የገንዘብ ችግር ስለ ነበረብኝ ተሳሳትኩ"

ኋላ ምን ነገር እንደ ተሠራ ሪቻርድም እንደ ተከሰሰ ሳቅ በሠራሁት ሥራ ደነገጥኩ " የተቀበልኩትን ገንዘብ እስከ ዛሬ ስረግመው እኖራለሁ " በሪቻርድ የደሪሰው መከራም የሕሊና ሸክም ሆኖብኝ ቀረ ”

“የደበቅኸውን ምስጢር በመናገር ሸክሙን ልታወርዴው አትችልም ነበር?”

“እንዴት አድርጌ ? የምናግርበት ጊዜ ቀድሞ ዐለፈ " ቶርን አሁን በቅርቡ
ከሚስተር ካርላይል ጋር ለመፎካከር ሰር ፍራንሲዝ ሌቪሰን ተብሎ እስከ መጣ
ድረስ ፈለጉ ጠፋኝ ሪቻርድ ሔርም እንደሱ ጠፋ " የደረሰበትን ያየም የሰማም
" እንዲያውም ሞተ እየተባለ ተወራ ስለዚህ ማንም ተጠያቂና መስካሪ በሌለበት ብናገር ራሴን ማስጠርጠር ብቻ መስሎ ስለ ታየኝ ዝም ማለቱን መርጬ ተውኰት ”

" በዚያ ዘመን ስለ ቶርን ምን የምታውቀው ነገር ነበር?”

“ምንም አፊን ፍለጋ የአይን ጫካ ከማዘውተሩ ቶርን እየተባለ ከመጠራቱና እሱም እኔን ቤቴል” ብሎ ስለጠራኝ የኔንም ስም ያውቅ የነበረ ከመምሰሉ በቀር ምንም የማውቀው ነገር አልነበረም " "

የምስክሮቹ ቃል እንዳበቃ ' የሰር ፍራንሲዝ ሌቪሰን ጠበቃ ሰፋ ያለ ጥልቅ' የሆነ የመከላከያ ሐተታ አሰማ „ “የደረሰው አደጋ በድንገተኛ አጋጣሚ
ያልተፈጸመ ለመሆኑና ተከሳሹ ትክክለኛ ጥፋተኛ ሆኖ ለመኘቱ የቀረበ ማረጋገጫ የለም " ከዚህም ሌላ በአንዲት ጠባብ ክፍል የጎረሰ መሳሪያ ማስቀመጥ
ለአደጋ ማመቸቱን አመልክቶ የተከበረው ፍርድ ቤት ይህን ያልተጋገጠ መረጃ ይዞ ቸኩሎ ከመፍረዱ በፊት በነገሩ አጠራጣሪነት ምክንያት እስረኛው በነጻ
ዠ እንዲለቀቅ ለመነ ጥያቄውን ምክንያት በመስጠት ሲያብራራው ተከሳሹ ስለ መልካም ጠባዩ ምስክር እንደማያሻው ጠቅሶ ያን ሁሉ በማገናዘብ እንዲታይለት አመለከተ " የጠባዩ ነገር ሲነሣ ከሰብሳቢው ዳኛ በቀር ሁሉም ሳይወዱ
ፈገግ አሉ ።

ችሎቱ በዐሥር ሰዓት ተነሳና ከሩብ ሰዓት በኋላ ተመልሶ ተሠየመ

“ክቡራን የሕዝባዊ ፍርድ ሸንጎ አባላት .. ምን ትላላችሁ ? ጥፋተኛ ነው
ወይስ አይደለም ?” አለ ዋናው ዳኛ " ሁሉም ጸጥ አለ " ' ጥፋተኛ ነው ማለት
እንደ ነበረ በስሜት ይታወቅ ነበር “ ነገር ግን” አለ አንዱ ከግንባር ከተቀመጡት ' ' ምሕረት ቢደረግለት ነው አስተያየታችን ”

በምን ምክንያት ?” አለ ዳኛው "

ወንጀሉ አስቀድሞ የታሰበ ሳይሆን ከድንገተኛ ንዴት ተነሥቶ የተፈጸመ በመሆኑ

ዳኛው ትንሽ ዝም ብሎ ቆየ ከኪሱ ውስጥ አንድ ጥቁር ነገር አወጣ "

“ተከሳሽ ! የሞት ቅጣት እንዳይፈረድብህ ለፍርድ ቤቱ የምትሰጠው ምክንያት አለህ ?”

እስረኛው የቆመ0ትን ሳጥን ጨምድዶ ያዘ » የተጫነውን አሠቃቂ ፍራት ለማራገፍ የፈለገ ይመስል ራሱን ወዘወዘ " ዕብነ በረድ መስሎ ነጥቶ የነበረ
ፊቱ ተለውጦ እንደገና ደም ለበሰ "

ምሕረት እንዲደረግልኝ ያሳሰቡልኝ የጁሪዉ አባላት መልካም ገልፀውታል
የሰውዬው ሕይወት በእጄ ለመጥፋቱና ዛሬ የተሰጠውን ምስክርነት
መካዱ ዋጋ የለውም " ልጂቱን ከውጭ ትቻት ባርኔጣዬን ልወስድ ከቤት ብገባ ሟቹን አገኘሁት " ስድብ ጀመረኝ " ተጨቃጨቅን " ከዚያ እንደዚያ የመሰለ
አደጋ ሊዴርስ ቻለ እንጂ አስቀድሜ አስቤ የፈጸምኩት ግድያ አልነበረም” አለ"

ዳኛው ጥር ቆብ ከራሱ ደፍቶ እጆቹን አንዱን በሌላው ላይ አመሳቀለ "

“ ተከሳሽ” አለ ዳኛው : “ሆን ብለህ በፈጸምከው የግድያ ወንጀል በማያጠራጥር ግልጽ በሆነ ማስረጃ ተመስክሮብሃል የጁሪዉ አባላት ወንጀለኛ ነህ
ብለውሃል እኔም በነሱ ሐሳብ እስማማለሁ " የዚያን ያልታደለ ሰውዬ ሕይወት ለማጥፋትህ አንዳችም የጥርጥር ጥላ እንኳን የለበትም አንተም ራስህ ተናዘሃል » አድራጎትህ ጭካኔ ግፍና ክፋት የተሞላበት ነው "ለዚህ ያደረሰህ የተለየ ሁኔታ ምንም ይሁን " በአነጋገሩ አበሳጭቶህ ሊሆን ይችላል " ነገር ግን ጠበንጃ አንሥተህ ምላጭ እንድትስብበት የሚያበቃህ አልነበረም የብሪታኒያ
ታላላቅ መኳንንት ወገን ስለ ሆንክ ጠበቃህ አስተያየት እንዲደረግልህ አመልክቶልሃል እንዶዚህ የመስለ አባባል ከአንደበቱ ሲወጣ በመስማቴ ደንቆኛል
በኔ አስተያየት ደግሞ በኅብረተሰቡ ዘንድ ያለህ ደረጃ ጥፋትህን የበለጠ ያጠነክረዋል " በኔ እምነት አንድ ኑሮ የተሟላለት ሰው ሲያጠፋ የሚደረግለት አስተያየት ለድሆች ለተራና ላልተማሩ ሰዎች ከሚደረገው ያነስ መሆን አለበት ዛሬ የተሰማብህ ምስክርነት ጥፋተኛነትህን በጉልህ አሳይቶብሃል " የዚህን ሰውዬ ልጅ ክብር በሌለው ርካሽ ፍላጎትህ ታሳድዳት ነበር " በዚህ ረገድ እንኳን ጠባይህ ከሪቻርድ ሔር ጋር ይነጻረራል " እሱ ለጋብቻ ሲያስባት አንተ ደግሞ ለዕለት ፍላጎትህ ነበር የምትከታተላት " በዚህ ፍላጎትህ አባቷን ገደልክ ይኸው አልበቃህ ብሎ ደግሞ ወንጀልህን ደብቀህና በሌላ ለጥፈህ ልጂቱን እያታለልክ ወደ ጥፋት መራሃት አባቷ ሳያስበው ሳይዘጋጅበት አንተም ሳታዝንለት ቆርጠህ ጣልከው አሁን ከሠራኸው ግፍ ለመንጻት ሕይወትህን መክፈል አለብህ ። የጁሪዉ አባሎች ምሕረት እንዲደረግልህ ሐሳብ አቅርበዋል " ሐሳባቸው በወቅቱ ለሚመለከተው ይቀርባል " ነገር ግን ይህ ሐረግ ምን ጊዜም ከፍርዱ ውሳኔ ጋ ተያይዞ ለመጨረሻው ውሳኔ መቅረቡ የተለመደ ነገር ቢሆንም የሚፈለገው ትክክለኛ ፍትሕ ስለሆነ እምብዛም እንደ ማይተኮርባቸው ልታውቀው ይገባል ያለፈ የሕይት ዘመንህ ምን ይመስል እንደ ነበር ዓለምም በመጠኑ የሚያውቀ ስለሆነ በዚህ ምድር ለመኖር የቀረን አጭር ጊዜ ባጉል ተስፋ ከምታሳልፈው
የበደልካቸውን ይቅርታ ከልብህ ለመለመን ብትጠቀምበት የበለጠ ይሆናል " እንግዲህ በኔ በኰል የቀረኝ መራራውን የፍርድ ውሳኔ ባንተ ላይ ማሳለፍ ብቻ ነው "
እርሱም አንተ ፍራንሲዝ ሌቪሰን መጀመሪያ ወደ መጣህበት ቦታ ከተወሰድክ
በኋላ • ከዚያ ወደ መገደያው ሥፍራ ተወስደህ ትሞታለህ ኃያሉ ጌታ ለማት
ሞተው ነፍስህ ምሕረት ይስጥ "

“ አሜን !

ከዚያም የሪቻርድ ሔር ጉዳይ ቀረበና በሱ ላይ የቀረበ መረጃ ባለመኖሩ
በነጻ እንዲለቀቅ ዳኛው አዘዘ"የተንገላታና የተታለለው ምስኪኑ ሪቻርድ እንደ ገና ነጻ ሰው ሆነ "

ሆሊጆንን ግዪለ ተብሎ በተነገረበትና እርሱም ካገር በተሰደደበት ጊዜ ቢገኝ
ኖሮ ምንም እንኳን ተወልዶ ባደገበት ቦታ ሰሃ የማይወጣለት የዋህና የተባረከ ልጅ እንደ ነበር የማያውቅ ባይኖርም ድንጋይ የማይወረውርበት እርግማን የማያወርድበት ሰው አልነበረም አሁን ደግሞ በሕግ በአደባባይ ከወንጀሉ ነጻ መሆኑ

ተነግሮለት ሲወጣ ደስታውን የሚገልጽለት ሕዝብ ትንፋሽ እስኪያጥረው ድረስ
ከበበው " አንድ መቶ እጆች ቢኖሩት ኖሮ እንኳን ለመጨበጥ አያደርስም
ሪቻርድ እንደ ምንም ብሎ ከከበበው ሕዝብ መሐል ወጣና ወደ አባቱ ተጠጋ "
ሽማማሌው ዳኛ ያንን ሁሉ ኩራቱን ያንን ሁሉ መንቀባረሩን ረሳና እንደ ልጅ ተንሰቅስቆ አለቀሰ "

“ አባባ” አለው ልጁ የእርሱም ዐይኖች እንባ እንዳንቆረዘ''ያለፈው
ነገር ተረስቷል " የቂም ትዝታው ተፍቋል " አሁን አንተ! እኔና እናቴ አብረን
የምናገኘውን ደስታ ብቻ አስብ።

በልጁ ተጠምጥመው የነበሩት የጀስቲስ ሔር እጆች ለቀቁት በሚያሠቅቅ
ሁኔታ ተሸማቀቁ " ፊቱም ተኮማተረና ጡንቻዎቹ ለሁለተኛ ጊዜ ስልል አሎ "
ዝልፍልፍ ብሎ ከኮሎኔል ቤቴል ትከሻ ላይ ድግፍ አለ....

💫ይቀጥላል💫

#ጠላፊዎቹ
፡
፡
#ክፍል_ሀያ_ስድስት
፡
፡
#በኬንፎሌት
፡
፡
#ትርጉም_ወንዳየሁ_ንጉሴ


...አሁን ሰዓቱ አስር ሰዓት ከሃያ ሆኗል፡ የመሳፈሪያው ሰዓት ደርሷል። ከስልክ መደወያው ኪዮስክ ወጣችና መርቪን ስልክ ወደሚነጋገርበት ክፍል ሄደች።ስታልፍ እንድትቆም የእጅ ምልክት ሰጣት በመስታወት አሻግራ
ስታይ ተሳፋሪዎች ወደ አይሮፕላኑ የሚወስዳቸው ጀልባ ላይ ሲወጡ አየች፡፡
ሆኖም መርቪን ቁሚ ስላላት ቆመች፡ መርቪን በስልክ አሁን በዚህ ነገር
አታስቸግረኝ፡፡ ሰራተኞቹ የጠየቁህን ክፈልና ስራው እንዲቀጥል አድርግ›› ሲል አዘዘ፡፡

በመርቪን ፋብሪካ ውስጥ ሰሞኑን የአሰሪና ሰራተኛ ውዝግብ እንደነበር
ነግሯታል፡ ከእሱ ባህሪ በተቃራኒ ሲታይ አሁን ለሰራተኞቹ ጥያቄ እጁን
የሰጠ ይመስላል፡

ስልኩን የደወለው ሰው በመርቪን አነጋገር ሳይደነቅ አይቀርም፡፡
‹‹አዎ እንዳልኩህ አድርግ፤ የምሬን ነው፡፡ ከማንም ቀጥቃጭ ጋር
ለመጨቃጨቅ ጊዜ የለኝም፡ ደህና ሁን›› አለና ስልኩን ዘጋ፡፡ ከዚያም
‹‹ስፈልግሽ ነበር?›› አላት ናንሲን፡፡

‹‹ተሳካልህ? ባለቤትህ አብሬህ እመጣለሁ አለች?›› ስትል ጠየቀችው፡
‹‹ገና በቀጥታ እንሂድ አላልኳትም››
‹‹አሁን የት ነው ያለችው?››
በመስኮት አየና ‹‹ያቻትልሽ ቀይ ኮት የለበሰችው››
ናንሲ በእድሜ በሰላሳዎቹ መጀመሪያ ላይ የምትገኝ ቃጫ የመሰለ ጸጉር
ያላት ሴት አየች፡ ‹‹መርቪን ባለቤትህ በጣም ቆንጆ ናት!›› አለች፡ ናንሲ
በመርቪን ሚስት ቁንጅና ተደንቃለች፡፡ እሷ የገመተቻት እንዲህ አልነበረም፡
‹‹ይህቺ ሴት ከእጅህ እንዳትወጣ ለምን እንደፈለግህ አሁን ገባኝ›› አለች፡ዳያና አንድ ሰማያዊ ሱሪ የለበሰ ሰው ሶቶ ይዛለች፡፡ ማርክ እንደ መርቪን አያምርም፡ ቁመቱ አጠር ያለ ሲሆን ፀጉሩ ከግንባሩ እየሸሸ ነው፡፡ ነገር ግን ፎልፎላ እና ተጫዋች ይመስላል ሲያዩት፡፡ ናንሲ የመርቪን ሚስት የባሏን
ተቃራኒ የሆነ ሰው መያዟን አስተዋለች፡፡ ለመርቪን አዘነችለት።
‹‹እግዚአብሔር ጽናቱን ይስጥህ›› አለችው፡፡

‹‹ገና እጅ አልሰጠሁም›› አለ፡፡ ‹‹ኒውዮርክ ድረስ ተከትያት እሄዳለሁ››
ናንሲ የመርቪን አባባል አሳቃት፡ ‹‹ደግ አደረግክ! ባለቤትህ ማንም ወንድ ልጅ አትላንቲክን አቋርጦ የሚከተላት አይነት ሴት ናት፡››

‹‹የችግሩ መፍትሄ አንቺ እጅ ውስጥ ነው ያለው›› አላት ‹‹አይሮፕላኑ ሞልቷል ቦታ የለም››

‹‹እውነት ነው ታዲያ ኒውዮርክ ድረስ በምን ትሄዳለህ? ደግሞ
ምንድን ነው በእኔ እጅ ውስጥ ያለው መፍትሄ?››
‹‹አንቺ ነሽ ቀሪውን ትርፍ ወንበር የያዝሽው፡፡ የሙሽሮችን ክፍል
መያዝሽን ሰምቻለሁ፡ ትርፏን ወንበር ለኔ ሽጭልኝ››

ናንሲ ከት ብላ ሳቀችና ‹‹የሙሽሮችን ክፍል ከወንድ ጋር መጋራት
አልችልም፡፡ እኔ የተከበርኩ ሴት ነኝ እንጂ የሆነች ዳንሰኛ አይደለሁም››
‹‹እኔ ግን ማንም ያላደረገልሽን ውለታ አድርጌልሻለሁ›› አላት ፍርጥም ብሎ።
‹‹ውለታህ ሊኖርብኝ ይችላል ክብሬን መሸጥ ግን አልችልም ናንሲ ያለችውን እንዳልተቀበለ ይመሰክራል ‹‹በአይሪሽ ባህር ላይ ከኔ ጋ
ስትበሪ ስለክብርሽ አልተጨነቅሽም››

‹‹እዚያ ላይ እኮ አብረን አላደርንም›› አለች፡፡ ብትረዳው በወደደች
ውቧን ሚስቱን ለማስመለስ ቁርጠኛ መሆኑ ልቧን ነክቷታል፡

‹‹ይቅርታ አድርግልኝ በዚህ እድሜዬ ካንተ ጋር አንድ ክፍል አድሬ የሰው መሳቅያ
መሆን አልፈልግም

‹‹ስለሙሽሮች ክፍል ጠይቄያለሁ። ከሌሎች ክፍሎች የሚለየው ነገር
የለም፡ ባለሁለት አልጋ ነው፡፡ ማታ ማታ በሩን ብንከፍተው ሁለት የማይተዋወቁ ሰዎች ፊት ለፊት የያዟቸው ትይዩ ወንበሮች መሆናቸው ይታያል፡››

‹‹ሰው ምን እንደሚል አስብ መርቪን››

‹‹ለማን ነው የምትጨነቂው? ባል የለሽ? ቤተሰቦችሽ ሞተዋል እዚህ
ለምታደርጊው ነገር ማን ግድ አለው?››

መርቪን አንድ ነገር ከፈለገ ፊት ለፊት ነው የሚናገረው፡
ይቀየመኛል ብሎ አያስብም፡፡

‹‹ሁለት ትልልቅ ወንድ ልጆች አሉኝ›› ስትል አነጋገሩን ተቃወመች።
‹‹ልጆችሽ ይህን ሲሰሙ ቀልድ ነው የሚመስላቸው››
ሊመስላቸው ይችላል አለች በሆዷ ሃዘን እየተሰማት፡ ‹‹እኔን የጨነቀኝ የድፍን ቦስተን ከተማ ሰው ምን እንደሚል ነው፡፡ እኔ ታዋቂ ሴት በመሆኔ ወሬው እንደ ቋያ እሳት በአንዴ ነው የሚዳረሰው››

‹‹ተመልከች! እንግሊዝ አገር እዚያ አይሮፕላን ጣቢያ ላይ ሆነሽ ምን ያህል ተቸግረሽ እንደነበር እንድወስድሽ ምን ያህል ፈልገሽ እንደነበር
አስታውሺ፡፡ ያኔ ከጉድ ነው ያወጣሁሽ፡፡ አሁን በተራዬ እኔ የማልወጣው ችግር ላይ ወድቄያለሁ፡ የኔ ጭንቀት አልገባሽም ማለት ነው?›› አላት

‹‹ይገባኛል››

‹‹ስለዚህ ችግር ላይ ስላለሁ ከጉድ አውጪኝ፡፡ ትዳሬን ለማዳን ያለኝ
የመጨረሻ እድል ይሄ ብቻ ነው፡፡ ይህን ማድረግ ደግሞ ትችያለሽ፡፡ እኔ በችግርሽ ጊዜ ደርሼልሻለሁ፡ አሁን ብድር የምትመልሽበት ጊዜ መጥቷል።ሰው እንደሆነ አምቶ አምቶ ሲደክመው ይተዋል፡፡ የአንድ ሰሞን ሀሜት ደግሞ ሰውን አይገድልም፡፡››

የአንድ ሰሞን ሀሜቱን አሰበች፡፡ አንዲት የአርባ አመት እድሜ ላይ የምትገኝ ባሏ የሞተባት ሴት በግድ የለሽነት እንዲህ አይነት ነገር ብታደርግ ምን ችግር አለው፡፡ ይህን በማድረጓ አትሞት! መርቪን እንዳለው ክብሯንም አይቀንሰውም፡፡ አሮጊቶች ምነው ቀበጠች› እንደሚሏት ጥርጥር የለውም:፡
የእድሜ እኩዮቼ ግን ድፍረቴን ያደንቃሉ አለች በሃሳቧ የመርቪን የተጎዳና አቋመ ፅኑ ፊት ስታይ ልቧ ከእሱ ጋርሄደ የቦስተን ህዝብ ገደል ይግባ፡፡ ይህ ሰው ችግር ላይ ወድቋል፡ እኔ ተቸግሬ በነበረበት ሰዓት ለችግሬ ደርሷል፡ እኔ ባላመጣሽ ኖሮ ዛሬ እዚህ አትገኝም ነበር› ያለው እውነት ነው።

‹‹ናንሲ የያዝሽው ክፍል ውስጥ ታስገቢኛለሽ? የመጨረሻ ተስፋዬ አንቺ ነሽ"

‹‹አዎ አስገባሀለሁ›› አለች፡
።።።።።።።።።።።።።።።።።።።
የሄሪ ማርክስ የመጨረሻ አውሮፓ ትውስታ ለመርከበኞች ምልክት የሚሰጠውን የፓውዛ ማማ የአትላንቲክ ውቅያኖስ ሞገድ እየመጣ
ሲለትመው ያየው ብቻ ነው፡፡ ከጥቂት ደቂቃዎች በኋላ የሚታይ መሬት
አልነበረም፧ ዳርቻ ከሌለው ባህር በስተቀር፡፡

አሜሪካ ስገባ ሀብታም እሆናለሁ› ሲል አሰበ፡፡

በሌዲ ኦክሰንፎርድ ሻንጣ ውስጥ የተሸጎጠው ጌጥ የወሲብ ያህል የሚያጓጓ ነው፡፡ ይህ እንቁ በዚህ አይሮፕላን ውስጥ አንድ ቦታ ይገኛል ዕንቁውን በእጁ ለማስገባት ቋምጧል፡

ሚሊዮን ዶላር የሚያወጣ እንቁ ከሌባ እጅ በመቶ ሺህ ብር ይገኛል።በዚህ ገንዘብ ጥሩ መኪና ምናልባትም የቴኒስ መጫወቻ ያለው ቤት እገዛለሁ ወይም ገንዘቡን ኢንቨስት አደርግና በወለዱ ብቻ እኖራለሁ፡ ስራ
ባልሰራ ደልቀቅ ብዬ እኖራለሁ› ሲል ተመኘ፡፡
በመጀመሪያ ግን እንቁውን በእጁ ማድረግ ይኖርበታል፡ ጌጡ በሌዲ ኦክሰንፎርድ አንገት ላይ አይታይም፡ ስለዚህ ሊኖር የሚችለው በእጅ ቦርሳቸው ውስጥ ወይም እዚህ አጠገባቸው ባለው ማስቀመጫ ወይም ደግሞ ሻንጣ የሚቀመጥበት ቦታ እኔ ብሆን ካጠገቤ አለየውም ነበር ከአይኔ ከራቀ እንቅልፍም አይዘኝም› ሲል አሰበ ሄሪ፡

መጀመሪያ የእጅ ቦርሳቸውን ይበረብራል፡ እንዴት እንደሚበረብር ግን
አልመጣለትም፡፡ ምናልባትም የሚሻለው ማታ ሰው ሁሉ ከተኛ በኋላ ነው።

እንቁውን በእጁ ለማድረግ አንድ የሆነ መንገድ መፈለግ አለበት፡፡ ሊያዝ
ይችላል፡ ስርቆት አደገኛ ተግባር ነው፡፡ ሆኖም ሁልጊዜ ሳይያዝ ከክፉ ነገር
እንዳመለጠ ነው፡ ‹እስኪ ተመልከቱኝ አለ ለራሱ ከሰረቅኩት የወርቅ
አምባር ጋር እጅ ከፍንጅ ተይዤ ነበር፡፡ በዚህም ምክንያት ሌሊቱን ወህኒ
አደርኩ፡ አሁን ደግሞ በፓን አሜሪካ አየር መንገድ አይሮፕላን እየበረርኩ
ነው፡፡ እድለኛ አይደለሁም?› አለ በልቡ፡፡

አንድ ከአስረኛ ፎቅ ላይ ወደ መሬት የሚወረወር ሰው ቀልድ ሰምቶ ነበር፡፡ ሰውዬው አምስተኛ ፎቅ ላይ ሲደርስ እስካሁን ችግር የለም› ሲል ተደምጧል።

አስተናጋጁ ኒክ የሚጠጣ አመጣለትና ሜኑ ሰጠው፡ መጠጥ መጠጣት
ባይፈልግም ጥሩ ነው ብሎ ስላሰበ ሻምፓኝ አዘዘ፡፡ ህይወት እንግዲህ
እንዲህ ናት ሄሪ› አለ ለራሱ፡ በአለም ምቹው አይሮፕላን ላይ መሆኑ የሰጠው ደስታ ውቅያኖስን ማቋረጡ ከፈጠረበት ፍርሃት ጋር
ተደባልቆበታል፡ ሻምፓኙን ሲጎነጭ ፍርሃቱ ለሀሴት ቦታውን ለቀቀ።

የቀረበለት ሜኑ በእንግሊዝኛ የተፃፈ በመሆኑ ገርሞታል፡ ውድና
በአለም ተቀባይነት ያላቸው ምግቦች የፈረንሳይ ምግቦች መሆናቸውን
አሜሪካውያን አያውቁም፡፡ ቢሆንም ካሁኑ አሜሪካንን ወዷታል፡

‹‹የመብል ክፍሉ በአንድ ጊዜ አስራ አራት ሰው ብቻ ነው የሚይዘው::ስለዚህ ራት የሚበላው ተሳፋሪዎችን በሶስት ቡድን በመክፈል ነው›› በማለት
ገለፀ አስተናጋጁ፡፡ ‹‹ስለዚህ ከ12 ሰዓት፣ ከአንድ ሰዓት ተኩልና h3 ሰዓት በየትኛው ሰዓት ነው መብላት የምትፈልገው ሚስተር ቫንዴርፖስት?›› ሲል ጠየቀው ሄሪን፡፡

አሁን ጌጡን ለመውሰድ የምችልበት ዕድል ሊፈጠር ነው አለ በሆዱ፡ የኦክሰንፎርድ ቤተሰብ ከእሱ በፊት ወይም በኋላ የሚበሉ ከሆነ እሱ
ብቻውን የሚቀርበትን ዕድል ያገኛል፡፡ ነገር ግን እነሱ በስንት ሰዓት መብላት
እንደሚመርጡ አያውቅም፡፡ አስተናጋጁ ከእሱ በመጀመሩ በሆዱ ረገመው
እንግሊዛዊ አስተናጋጅ ቢሆን በመጀመሪያ የሚጠይቀው ትልልቅ ሰዎችን ነበር‥ ይሄ ዲሞክራቲክ አስተሳሰብ የተላበሰው ሰው ግን ጥያቄውን በወንበር
ቁጥር ነው የጀመረው፡፡ የኦክሰንፎርድ ቤተሰብ በስንት ሰዓት ሊበሉ እንደሚችሉ መገመት ይኖርበታል፡፡ ሀብታም ሰዎች በሀገሩ እንደሚያውቀው ምግባቸውን ቆየት ብለው ነው የሚመገቡት፡፡ ሰርቶ አዳሪ ቁርሱን ጠዋት
በአንድ ሰዓት ምሳውን ቀትር ላይ እራቱን ደግሞ በጊዜ አስራ አንድ ሰዓት
አካባቢ ነው የሚበላው፡፡ ባለሀብት ግን ቁርሱን ጠዋት በሶስት ሰዓት ምሳውን በስምንት ሰዓት እራቱን ደግሞ ማታ በሁለት ሰዓት ተኩል ነው፡፡ እንግዲህ የኦክሰንፎርድ ቤተሰብ ምግባቸውን የሚመገቡት ዘግየት ብለው ነው ማለት ነው፡፡ ስለዚህ ሄሪ የመጀመሪያውን የራት ሰዓት መረጠ፡፡ ‹‹ስለራበኝ ከምሽቱ አስራ ሁለት ሰዓት ላይ እበላለሁ›› አለ፡፡

አስተናጋጁ ወደ ኦክሰንፎርድ ዞር አለና በስንት ሰዓት መብላት
እንደሚፈልጉ ሲጠይቃቸው ሄሪ ትንፋሹን ውጦ አዳመጠ፡፡

ሎርድ ኦክሰንፎርድ ‹‹ሶስት ሰዓት ቢሆን ይሻላል› አሉ፡
ሄሪ ይህን ሲሰማ በእርካታ ፈገግ አለ፡፡
ሌዲ ኦክሰንፎርድ “ፔርሲ እስከ ሶስት ሰዓት መቆየት አይችልም ይርበዋል ቀደም ቢል ይሻላል›› አሉ፡
ሄሪ ተቁነጠነጠ 12 ሰዓት እንዳይባል ሰጋ
‹‹እንግዲያው አንድ ሰዓት ተኩል ይሁን›› አሉ ሎርድ፡
ሄሪ ይህን ሲሰማ ልቡ በደስታ ሞቀ፡፡ ለሌዲ ኦክሰንፎርድ እንቁ ቅርብ
መሆኑ ተሰማው፡

አሁን አስተናጋጁ ከሄሪ ፊት ለፊት ወደተቀመጠው ሰው ዞረ ሰውዬው ወይን ጠጅ ሰደርያ የለበሰ ሲሆን ፖሊስ ይመስላል፡፡ ስሙ ክላይቭ
መምበሪ ነው፡ ሄሪ እራት የምበላው አንድ ሰዓት ተኩል ነው በልና
ቦታውን ልቀቅልኝ አለ በሆዱ፡፡ ሆኖም ክላይቭ ‹ያሰብከው አይሳካ የሚል
ይመስል ስላልራበው ሶስት ሰዓት ተኩል ላይ መብላት እንደሚፈልግ ተናገረ፡፡

‹ምን አይነት ስቃይ ነው› አለ ሄሪ በሆዱ የኦክሰንፎርድ ቤተሰብ እራት በሚበላበት ጊዜ መምበሪ እዚህ ነው ማለት ነው፡

ምናልባት ለጥቂት ደቂቃ መጸዳጃ ቤት ወይም ሌላ ቦታ ይሄድ ይሆናል ሰውዬው እረፍት የለሽ ቢጤ ነው፡፡ ገባ ወጣ ያበዛል፡፡ ነገር ግን
ሰውዬው በራሱ ፍላጎት ተነስቶ ካልሄደ እንዲሄድ ማድረግ ሊኖርበት ነው፡
አይሮፕላን ላይ ባይሆኑ ኖሮ ከቦታው ለማስነሳት ምክንያት አይጠፋም
ነበር፡ ሌላ ክፍል እንደሚፈልግ ወይም ስልክ እንደሚፈልገው ወይም
መንገድ ላይ ራቁቷን የቆመች ሴት አለች ማለት ይቻላል፡፡ እዚህ ግን
ይህን ማለት አይቻልም:
አስተናጋጁ ተመልሶ መጣና ‹‹ሚስተር ቫንዴርፖስት የበረራ ኢንጂነሩና
ናቪጌተሩ ካንተ ጋር እራት ይበላሉ ከፈቀድክ›› ሲል ጠየቀው
‹‹እስማማለሁ›› አለ ሄሪ ከአይሮፕላኑ ሰራተኞች ጋር መጨዋወቱን አይጠላም፡፡ ሎርድ ኦክሰንፎርድ ሌላ መለኪያ ውስኪ አዘዙ፡፡ ሌዲ ኦክሰንፎርድ ፊታቸው ገርጥቷል፡ምንም አይናገሩም፡፡ ጭናቸው ላይ
መጽሐፍ ቢኖርም ሲያነቡ ግን አይታዩም፡፡ ሀዘን ገብቷቸዋል፡፡

ፔርሲ ተረኛ ካልሆነው የአይሮፕላን ሰራተኛ ጋር ለማውራት ስለሄደ
ማርጋሬት ሄሪ አጠገብ መጥታ ተቀመጠች፡፡ የተቀባችው ሽቶ አፍንጫውን አወደው፡፡

ኮቷን ስታወልቅ የእናቷን ቅርፅ መያዟን አየ፡፡ ትከሻዋ ሰፋ ያለ ሲሆን
ቅልጥማም ናት፡፡ የለበሰችው ልብስ አልተስማማትም፡፡ ሄሪ ረጅም የመኝታ ልብስ ለብሳ በአንገትና በጆሮ ጌጥ ተሸልማ ቢሆን ኖሮ እንዴት እንደምታምር ገመተ፡፡ እሷ ግን እንደ ባላባት ልጅ መምሰል አትፈልግም፡፡ ሀብታም ሆኖ መታየት ያሳፍራታል፡፡ ስለዚህ አለባበሷ የቄስ ሚስት አስመስሏታል፡
የባላባት ዘር በመሆኗ ደፈር ብሎ ሊጠጋት ፈራ፡ በሌላ በኩል ደግሞ ከማንም ሰው ለመቀላቀል መፈለጓን ወደደው፡፡ ነገር ግን የሚወደድ ባህሪ
ቢኖራትም አደጋ ልትፈጥርበት ስለምትችል ተጠንቀቅ ሄሪ አለ ለራሱ!
ስለዚህ ልጅቷን ቀስ ብሎ መለማመድ እንዳለበት ተረዳ፡፡

ከዚህ ቀደም በአይሮፕላን ሄዳ ታውቅ እንደሆን ጠየቃት።

‹‹ከእናቴ ጋር አንድ ጊዜ ፓሪስ ሄጃለሁ›› አለችው:

የእሱ እናት ወደ ፓሪስ ሊሄዱ ወይ በአይሮፕላን ሊበሩ ቢመኙ አያገኙትም እንዳማራቸው ይቀራል

‹‹የባላባት ልጅ በመሆንሽ ምን ይሰማሻል ወይም እንዴት አገኘሽው?››

‹‹ወደ ፓሪስ ያደረግነውን ጉዞ አልወደድኩትም›› አለች፣ ‹‹ከአስልቺ
የእንግሊዝ ሰዎች ጋር ነበር የሄድኩት፡ እኔ የምፈልገው የኔግሮ ሙዚቀኞች
የሚጫወቱበት ትርምስ የበዛበት ሆቴል ነበር››

‹‹እናቴ ባህሩ ዳርቻ ትወስደንና ባህሩ ላይ እየቀዘፍን እንጫወታለን
አይስክሬም ዓሳና ድንች ጥብስ እንበላ ነበር›› አላት፡
ይህን እንደተናገረ መዋሸት እንደነበረበት በማወቁ ፍርሃት ፍርሃት አለው፡፡ ከዚህ ቀደም የሀብታም ልጆች ሲያጋጥሙት አዳሪ ትምህርት ቤት እንደሚማርና ቤተሰቦቹ ከተማ ውስጥ ካላቸው ቤት በተጨማሪ የገጠር
መዝነኛ ቤት እንዳላቸው አድርጎ ይናገር ነበር አሁን ግን የሚዋሽበት
ምክንያት የለም፤ ማርጋሬት ሚስጥሩን ሁሉ አውቃለች አሁን እውነቱን የተናገረው ድምጹን የአይርፕላኑ ሞተር ድምጽ ስለሚውጠው የሚሰማበት ስለሌለ ነው፡፡

‹‹እኛ ባህሩ ዳር ለመጫወት ሄደን አናውቅም›› አለች ማርጋሬት የተመኘችውን ማግኘት ባለመቻሏ እያዘነች፡፡ ባህር ዳር ሄደው የሚጫወቱ የተራ ሰው ልጆች ናቸው፡ እኔና እህቴ በደሃ ልጆች ነፃነት እንቀና ነበር፡ እነሱ የፈለጉትን ማድረግ ቢፈልጉ የሚከለክላቸው የለም፡››

ሄሪ ማርጋሬት ያለችውን ሲሰማ ደስ አለው፡፡ እሱ ሲወለድም እድለኛ
ነበር፡ በትልልቅ መኪና የሚሄዱት፣ ያማረ ልብስ የሚለብሱትና በየቀኑ ስጋ
የሚበሉት የባለሃብት ልጆች በእሱ ነፃነት ያለው የድህነት ኑሮ ይቀናሉ

‹‹በምሳ ሰዓት በኬክ ቤት በር ላይ ሳልፍ የኬኩ ሽታ ያውደኛል። በቡና ቤት በር ሳልፍ የቢራውና የትንባሆው ሽታ በአፍንጫዬ ይገባል፡፡ ሰዎች በነዚህ ቦታዎች እንደልባቸው ይዝናናሉ፤ እኔ ቡና ቤት ገብቼ አላውቅም፡››

‹‹ምንም ያመለጠሽ ነገር የለም አለ›› ሄሪ ቡና ቤት ስለማይወድ።
‹‹በትልልቅ ሆቴሎች የምግቡ ጥራት የበለጠ ነው››
‹‹እኛ የእናንተን ህይወት እንመኛለን እናንተ የእኛን›› አለች

‹‹እኔ ግን ሁለቱንም ህይወት አውቀዋለሁ›› አለ የተሻለው የቱ እንደሆነ አውቃለሁ››

የወደፊት እቅድህ ምንድ ነው?››

‹‹መዝናናት›› አለ፡፡

‹‹ህይወትህን እንዴት ልትመራ ነው ያሰብከው?››

«አሁን ልሰራ ያሰብኩት አለ ሄሪ ለማንም ያልነገረውን አንድ ምስጢር ሊነግራት ፈልጎ ‹‹አንድ ሌባ አለ፤ የሚያጨሰው የቱርክ ሲጋራ
የሚለብሰው ጥሩ ጥሩ ልብስ ነው፡፡ ታዲያ ሰዎች እቤታቸው ሲጋብዙት
ጌጣጌጣቸውን ይሰርቃል፡ እኔም እንደዚህ ሰው ነው መሆን የምፈልገው:››

‹‹ጅል አትሁን እንግዲህ›› አለች፡

በዚህ አባባሏ ትንሽ ቅር ብሎታል፡ አንድ የማይረባ ነገር ሰው ሲናገር ከሰማች በቀጥታ አባባሉን ትቃወማለች፡፡ አሁን የተናገረው ግን ቀልድ
አይደለም፡፡ የወደፊት ህልሙን ነው የነገራት፡፡ እሱ ልቡን ከፍቶ የሆዱን
ዘክዝኮ ነግሯታል፡፡ እንድታምነው ‹‹ቀልዴን አይደለም›› አላት፡፡

‹‹እድሜህን በሙሉ በሌብነት ልትተዳደር አትችልም›› አለች ‹‹ከተያዝክ እስር ቤት ታረጃለህ፡ ሮቢን ሁድ እንኳን በስተመጨረሻ አግብቶ ሰላማዊ ኑሮ መኖር ጀምሮ ነበር፡፡ እውነት ምን ልትሰራ ነው ያሰብከው?››

‹‹ጥሩ ቤት እሰራለሁ ፈረሶች አረባለሁ፡፡ የቆዳ ቦት ጫማ አደርግና
በእርሻዬ ላይ እየተንጎራደድኩ ጭሰኞቼን አናግራቸዋለሁ: እነሱም እኔን እንደ ባለቤት ያዩኛል፡፡ ገንዘቤን በጥሩ የንግድ ስራ ላይ ኢንቨስት አደርግና
የተንደላቀቀ ኑሮ እኖራለሁ፡፡ በበጋ ሰዎችን እየጠራሁ በአትክልት ቦታዬ ላይ ፓርቲ በማድረግ ብሉልኝ ጠጡልኝ እላለሁ፡፡

እናታቸውን የመሰሉ አምስት
ሴት ልጆችም እወልዳለሁ፡››
‹‹አምስት!›› አለች እየሳቀች ‹‹ጠንከር ያለች ሴት ነው ማግባት ያለብህ፡፡
ጥሩ ራዕይ ነው የሰነቅኸው፡፡ የተመኘኸው እንዲሳካልህ እመኝልሃለሁ››
አለችው::

የፈለገውን መጠየቅ እስኪችል ቀስ በቀስ እየተግባቡ መጡ ‹‹አንቺስ
ምንድን ነው አላማሽ?
‹‹እኔ እንኳን ጦሩን መቀላቀል ነው የምፈልገው››
ሴቶች መዝመት እንፈልጋለን ሲሉት ያስቀዋል፡፡ አሁን አሁን በእርግጥ ሴቱ ሁሉ ወታደር እየሆነ ነው፡፡ ‹‹ጦሩ ውስጥ ምን ትሰሪያለሽ?››
‹‹በሹፌርነት አገለግላለሁ፡፡ ወታደርና ስንቅ እንዲሁም ቁስለኛ አመላልሳለሁ››
‹‹አደገኛ አይደለም ጦር ሜዳ?››

‹‹አውቃለሁ፡፡ ነገር ግን ግድ የለኝም፡፡ ጦርነት አውድማ ውስጥ ገብቼ ፋሺዝምን ከሀገሬ ለማባረር እዋጋለሁ›› አለች በልበ ሙሉነት፡ ፊቷ ላይ
የሚነበበው ገፅታ ለህይወት ግድ እንደሌላት ያሳያል ሄሪ ይህን ሲያይ ጎበዝ ናት› አለ በሆዱ፡፡....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ ሀያ አራት (24)


«አሁን ለምን ተለያያችሁ?» አለች ናንሲ ። ጥያቄውን እንደጠየቀች አልተለያዩ እንደሆነስ? የሚል ሀሳብ ብልጭ አለባት። ይህ ሐሳብ ብልጭ ሲል አፈረች፡፡ በሰው ነገር እየገባሁ ይሆን እንዴ? አለች፤ በሀሳቧ ምኑ ይታወቃል። ስለፒተር የማታውቃቸው በርከት ያሉ ነገሮች ሊኖሩ ይችላሉ። ያ ብቻ ሳይሆን መጠየቅ የማይገባት ነገርም ሊኖር ይችል ይሆናል። ከዚህ በፊት እንዲሀ ያለ ነገር እስባ አታውቅም ነበረና ከላይ ለምን ተለያያችሁ ብላ ጠየቀች።
ልክ ላይሆን ይችላል። ይህን ለመጠየቅ ለመሆኑ እሷ ማን ናት? ምኑ ናት? «ይቅርታ ፒተር እንደዚያ እይነት ጥያቄ መጠየቅ አልነበረብኝም» አለች። «ጅል አትሁኝ» አለ ፒተር አይኑም እሷን ማየት፤ ሀሳቡም እሷን ማጤን እየጀመረ። «የፈለግሺውን ነገር ልትጠይቂኝ መብት አለሽ ፤ እንዳትጠይቂኝ የምትከለከይ ሰው አይደለሽም። እና አየሽ ጠብ ወይም ሌላ ነገር አይደለም የለያየን። የለያየን ሞት ነው ። ሞትች። ካራት ዓመት በፊት ካንሰር ገደላት ።

«ከተገናኘንበት ቀን ጀምሮ ተለያይተን እናውቅም ነበር። አብዛኛውን ጊዜ አብረን ነበርን፤ ከመጨረሻዋ ቀን በስተቀር። ወደ መጨረሻውማ አንለያይም ነበር ልልሽ እችላለሁ ። ከዚያች ቀን በስተቀር። እንደሚመስለኝ ሪቻርድም ነገሩን አውቆት ነበር ባሏ ማለቴ ነው። አወቀም ቀረም ዋጋ አልነበረውም ። እሷ እንደሁ የሁለታችንም እትሆንም ። አልሆነችም ። ካመማት በኋላ በሚገባ አውቆ ነበር ይመስለኛል ። ይህን አልሽ ይህን ሰራሽ አላለም። ምናልባት የፍቅራችንን ጥልቀት ተገንዝቦ ይህን ያህል ጊዜ ጥላው ባለመኮብለሏ ልፍታህ ባለማለቷ ይህን እንደውለታ ቆጥሮ ሊሆን ይችላል ። ሁለታችንም አዘንላት ። ሁለታችንም እልቀሰን ቀበርናት።

«ሳስባት ግርም ይለኛል ። በጣም ጠንካራ ሰው ነበረች በጣም ። ልክ እንዳንቺ!» ይህን ብሎ ቀና አለ ። አያት አየችው፡፡ እንባው ተንቀርዝዟል። ሲያያት ኮለል ብሎ በጉንጩ ላይ ወረደ ። እሷም እንባ ተናነቃት። ሳታስበው ፤ ምን እንደነካት ሳታውቀው ተጠጋችው ። እና እጅዋን ሰደድ አድርጋ እጉንጩ ላይ የፈሰሰውን እንባ ጠረገችለት ። እጅዋን ከፊቱ ላይ ሳታነሳ ጠጋ ብላ ሳም አደረገችው ፤ በለሆሳስ እከንፈሩ ላይ ። ፀጥ ላለ በጣም ረጂም ለሆነ ቅፅበት ባሉበት እንደቆሙ ቆዩ ። ከዚያም ፒተር እጁን በጀርባው አዙሮ እቅፍ ሲያደርጋት ታወቃት ። ይህም ሲሆን ከአንድ ዓመት ወዲህ ተሰምቷት የማያውቅ ስሜት ተሰማት ። ሙሉ የመሆን ፣ የጤነኝነት ፤የደህንነት ስሜት ተሰማት ። አይን ለአይን ገጥመው እጅግ ቅርብ ለቅርብ ልባቸው ተሳስሮ ፤ እሱም እጆቹን እጀርባዋ ላይ አስሮ እንዲያ እንደያዛት ዘለአለምን ለሚያህል ጊዜ ባሉበት ቆዩ።

«እንደምወድሽ እንደማፈቅርሽ ታውቂያለሽ ?›» አለ ፤ ወደኋላው ለጠጥ ብሎ። ይሀን ሲልም በፊቱ ላይ ከዚህ በፊት አይታው የማታውቀው አይነት ፈገግታ ተግ ብሎ በርቶ ነበር ። ያ ፈገግታ ከነገራት ነገር ይልቅ በልቧ ውስጥ ባንድ ጊዜ ሁለት ስሜት አሳደረባት ፤ ደስታም ሀዘንም ። ምክንያቱም ርግጠኛ አልነበረችም ። ምክንያቱም እሱ በዚያ ፈገግታ አማካይነት የሰጣትን ልትሰጠው ዝግጁ እንዳልሆነች ገብቷታል ። ትወደዋለች! ታፈቅረዋለች ። ግን አይኖቹ የሚነግሯትን ፤ በፈገግታው የነገራትን… ያን አይነት ፍቅር በዚያ አይነት መንገድ አትወደውም ርግጠኛ አይደለችም ።

‹‹እኔም እወደዋለሁ አፈቅረዋለሁ ፤ ፒተር ። በኔው መንገድ የኔ በሆነ ፡ በተለዬ መንገድ»አለች
«ደግ ለጊዜው በቂ ነው» ይህን ብሎ ፊቱ ጥቁር አለ ። የናንሲ መልስ አስከፍቶት አልነበረም ። የሟችቲ ፍቅረኛው የመጀመሪያ ቀን መልስ ትዝ ስላለው እንጂ ። አሷም ልክ እንደናንሲ ነበር ያለችው ። ሰው ሁለት ሆኖ ተፈጥሮ ይህን ያህል ይመሳሰላል ! ሲል አሰበ። ናንሲ ሁኔታውን ስታይ በመጨነቅ «ፒተር ስትጨነቅ ደስ አይለኝም» አለች ።« ልዋሽህ አልፈልግም። ... ምን ብዬ ልንገርህ!? አየህ ፒተር እወድሀለሁ ፤አፈቅርሃለሁ ። ግን ታውቃለህ አደል፣ ያለፈው ሕይወቴን አላመለጥኩትም ። ቀስ በቀስ ... በትንሽ በትንሹ ላስወግደው በመሞከር ላይነኝ። ስለዚህ አየህ ስለሁሉም ነገር ርግጠኛ አይደለሁም»

«እኔም ደግሞ አልቸኮልኩም ትልቅ ትእግሥት የታደለኝ ሰው ነኝ ። እና ተይው አያስጨንቅሽ » አመነችው ። ቃላቱ ብቻ ሳይሆኑ እነዚህን ቃላት የተናገረበት ድምፅ የሚያሳምን ነበረ። ይህም አስደሰታት። ልቧ በፍስሀ ሞቀ። ፒተር ልዩ ሰው ነው ብላ አሰበች ። ምናልባትኮ ከማምነው በላይ ይሆናል የምወደው ፤ የማፈቅረው አለች በሀሳቧ ።

ወደ መኖሪያቸው ወደ ሳንፍራንሲስኮ ለመመለስ መኪናቸውን ወዳቆሙበት ሲሄዱ ድንገት አንድ ነገር አሰበች ። ድንገት ያሰበችው ነገር አስፈራት። በደስታም አቅበጠበጣት። ነገር ግን ትፍራ ትቅጥበጥ እንጂ ልታደርገው እንደምትፈልግም ወድያውኑ ታወቃት ይህን ስታስብ ስሜቷን አይኖቿ አውጥተውት ኖሮ ያይኖቿን መንቅልቀል የተመለከተው ፒተር «አሁን ደግሞ ምን ሚስጥር ተገለጠ›› ሲል ጠየቃት። መልሷ «ምንም» የሚል ሲሆንበት «በእግዚኣብሔር እንዲያ አትበይ ። ምንድነው ነገሩ!?» አለ። አንዲህ ድንገት የሚመጣባት ነገር ያስገርመዋል ። ከወራት በፊት አንድ ቀን ጧት ከእንቅልፉ ቀስቅሳ « እፁብ ድንቅ የሆነ ስሜት ሊሰማህ ከፈለክ አሁኑኑ ተነስተህ የዛሬዋን ፀሐይ አወጣጥ ተመልክት » ያለችውን አስታወስ ። «ናንሲ» አለና «የለም ናንሲ አይደለም ሜሪ… ካሁን ጀምሮ ናንሲን አናውቃትም…. ሜሪ ፤ ይቺ ሜሪም እንደናንሲ ደፋርና አስቸጋሪ ፍጡር ናት እንዴ?»
«እንዲያውም ትብሳለች። ብታውቃት ሜሪ አዳዲስ ሀሳቦችን በየደቂቃው የምታፈልቅ ነገር ናት»አለች ።
«ያንተ ያለህ ! እንግዲያስ በቃ ይቅርብኝ» አለ ። ግን ደግሞ ይቅርብኝ ያለው ነገር እንዲቀርበት የሚፈልግ አይመስልም ነበር ። ፈፅሞ አይመስልም ነበር ። እመኪናው ውስጥ ከገቡ በኋላ «ግን ካሰበችው ትንሽ ጨረፍ ብታረግልን ? ትንሽ?» አለ። አይቻልም በሚል ራሷን እየነቀነቀች ፈገግታ አጎረሰችው ። ይህ ሲሆንም ፍሬድ ውሻው በተከፈተው በር ገብቶ እንጣጥ ብሎ ጭኗ ላይ ተቀመጠ ። ፒተር መኪናውን አስነሳ።


«እንግዲያስ እኔ አንድ ሀሳብ አለኝ ። አዲስ ዓመት እንደባተ ሜሪ አዳምሰን የፎቶግራፍ ትርኢት ብታቀርብ ምን ይመስልሻል ? አትስማሚም ? »
«እስማማ ይሆናል» አለች ነፃ የመሆን አዲስ ስሜት እየተሰማት ነበር ። «ግን መጀመሪያ ላስብበት » ‹‹አንዴ ላስብበት ... ምን የለም ። ቃል ቃል ነው ። ቃል እንድትገቢልኝ እፈልጋለሁ። እንዲያውም…» አለና ሞተር አጥፍቶ ቁልፉን ነቀለ ። ተቀመጠበት ። ከዚያም ምን ትሆኝ ከሚል ፈገግታ ጋር እየተመለከታት « እንዲያውስ ምን አለማመነኝ ! እቤትሽ መድረስ ከፈለግሽ ተስማሚ ። አይ ካልሽ እዚሁ መቅረትሽ ግድ ይሆናል ። ታግሎ ቁልፉን ለመውሰድ ደግሞ ጉልበት ያስፈልጋል›› አላት፡፡ ትንሽ የምታስብ መሰለችና « እሺ ተሸንፈናል» አለች ፍሬድን እየደባበሰች « ለዛሬ ለዚህ ጉዳይ በአሸናፊነት ወጥተዋል ። ትርኢቱን ላቀርብ ተስማምቻለሁ››

« እንዲህ በቀላሉ ?» አለ የዕውነት ተገርሞ ። ብዙ ጊዜ ይህን ጉዳይ ሲያነሳ ጭራሽ የማይሞከር ነገር ነው ትለው ነበርና። « እንዲህ በቀላሉ » አለችና የምር በሆነ ድምፅ «ግን እትርኢቱ ላይ የምገኝ ከሆነ በዚህ ሁኔታ… የሚቻል ይመስልሀል ?» ስትል ጠየቀችው ። ፈቷን እያሳየችው ። « እሱን ለኔ ተይው ። ከዚያ በፊት አንዲት ፋሻ እፊትሽ ላይ አትኖርም » አለ ።

«ሌላው ነገር ትርኢቱን ለማቅረብ ብዙ ነገር ያስፈልጋል። ሰው፤አዳራሽ . . . ያንንሳ ምን እናድርገው ? « እሱንም ለኔ ተይው ። አንቺ ተስማሚ ። ሌላውን ሁሉ በኔ ላይ ጣይው ። ተስማማን ? »
« አዎን ጌታዬ ። በፊርማ›› ይህን ስትል ያለውን ሁሉ በመተማመን ነው። ታምነዋለች። ፒተር ምንም ነገር ያደርጋል ። ትርኢቱን ሊያዘጋጅ እንደሚችል ታምንበታለች ። በስራው ሁሉ ታምንበታለች ። ፊቷን በቀዶ ጥገና ሙያው ሊያስውበው እንደሚችል ታምንበታለች ። ለኑሮዋ ፤ ለጤናዋ ፤ ለህይወቷ ቤዛ እንደሆነ ታምንበታለች ። «የኔ ውድ ፤ የፎቶግራፍ ትርኢቱ ከቀረበ በኋላ ለምን አደረኩት ብለሽ እንደማትፀፀች ርግጠኛ ነኝ» አለና ሳማት ። መኪናውን አስነሳ ። ጉዞ ቀጠሉ ።


እቤቷ እንደገባች ወደ መኪናው እየሄዱ ሳለ ያሰበችው ነገር ትዝ አላት ። ኮመዲኖ ከፍታ የተለያዩ ንድፎችን ፤ ስዕሎችን አወጣች ። በመጨረሻ የፈለገችውን አገኘች ። አየችው ። ቃል ገብታ ነበር ። ይህን ስዕል ለማይክል እንደምትሰጠው… የሰርጋቸው ዕለት እንደምታበረክትለት ቃል ገብታ ነበር ። የገፀ ምድርን ምስል የያዘ ሲሆን አንደኛው ዛፍ ቅርንጫፍ ላይ አንድ ልጅ ተቀምጦ የሚያሳየው ስዕል ነው ። ገና ስታየው እንባዋ ዝርግፍግፍ ብሎ ፊቷን አለበሰው ። ይህን ስዕል አውጥቶ ለማየት፣ ለመጨረስ ስትፈራ ነበር ። ይህን ለማድረግ ይኸወና ዓመት ከሰባት ወር ፈጀባት ። አሁን ግን ደፈረች ። አንዴ ደፍራዋለች። ገና አላለቀምና ትጨርሰዋለች ። ለፒተር ።

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ሰባ_ሦስት
፡
፡
#ድርሰት_ሚሲስ_ሔንሪ_ውድ

ሳቤላ ዊልያም ካርላይል ከሚያጣጥርበት አልጋ ጎን ተንበርክካለች ያች የማትቀረው የመጨረሻ ሰዓት ደርሳለች " ልጁም ቁርጡን ዐውቆ ከመራራዋ
ዕድሉ ጋር ታርቆ መንፈሱን አርግቶ ዟ ብሎ ተዘርግቶ ይጠብቃል "

በጉንጮቹ ይታይ የነበረው ደማቅ የትኩሳት ቅላት ለቋል ፊቱ ነጥቷል
አጥንቱ ወጥቷል " ዐይኖቹ ትልልቅና ደማቅ ሆነዋል ቅላት የቀላቀለው ሐርማው ጸጉሩ ወደ ኋላ ተቀልብሶ ተኝቷል " እንደ እሳት የሚፈጁት ትናንሽ እጆቹ
ከአልጋው ውጭ ተዘርግተዋል "

“ እንግዲህ ብዙ የምትጠብቅ አይመስለኝም አይደለም ማዳም ቬን ”?

"ለምኑ ነው የኔ ልጅ ? ”

“ሁሉም እስኪመጡ" አባባ እማማና ሉሲ ሁሉም „”
ግንባሯን ( ድርቅ ብሎ ከከሳው ክንዱ ላይ አንተርሳ ከላዩ ላይ ተደገፈችና
እንባዋን አፈሰሰች "

ዊልያም ጥቂት ካሰበ በኋላ “ አየሽ . . '' ድምፁ ወደ ውስጡ ሰጠመ ምልስ ሲልለት እያመነታ ስለ ወላጅ እናቱ አየሽ . . ደግ ሰውኮ አልነበረችም ለኛም ላባባም ክፉ ስው ነበረች እንዲያውም ተጸጽታ ይቅርታ የለመነች አይመስለኝም "

“ ዊልያም” አለች እየተንሰቀሰቀች “ከናንተ ከተለየች የነበረው ሕይወቷን በጸጸትና በኅዘን ነው ያሳለፈችው ጸጸቷ ኀዘኗ ከምትችለው በላይ ነበር " ሁል ጊዜ ስለናንተ ስለ አባታችሁ ስታስብ ነበር መንፈሷ የተሰበረ » ”

"እንዴ ማዳም ቬን ! ይህንን ነገር እማማ ካልነገረችሽ ማወቅ እትችይም አይተሻት ታውቂያለሽ ? ባሕር ማዶ ሳለች ታውቂያት ነበር ?

“ አዎን ባሕር ማዶ ዐውቃት ነበር "
“ አዬ ! ታዲያ ለምንድነው ነግረሽኝ የማታውቂ ? ምን አለችሽ ? ምን ትመስል ነበር?”
“ ከልጆቿ መለየቷን ስትነግረኝ ነበር " ነገር ግን አንድ ቀን እንደምታገኛቸውና ለዘለዓለም አብራቸው እንደምትኖር ትነግረኝ ነበር

"ፊቷ ምን ይመስል ነበር ? ”

“ ያንተን ይበልጡን ደግሞ የሉሲን ይመስል ነበር ”
"ቆንጆ ነበረች ? ”
ትንሽ ዝም አለችና ' ' አዎን ” አለችው "

“ አ ... ዬ ! ወይኔ ! አመመኝ ! ያዥኝ እስቲ ! ” አለ » ቀና ብሎ የነበረው ራሱ ዝቅጥቅጥ ከፊቱ ላይ ላቡ ክንብል ሲል ያ አንዳንድ ጊዜ የሚነሣበት
የሰውነት ዝለት የተቀሰቀሰበት መስሏት ነበር " ሳቤላ ደወለችና ዊልሰን መጣች "
ብዙ ጊዜ ከዊልያም የማትለይና አንድ ችግር ሲኖር የምትቀርብ
ጆይስ ነበረች "የዚያን ዕለት ግን የነበረውን አሳሳቢ ሁኔታ አልተገነዘበችውም ቀኑ ሪቻርድ ነጻ በተለቀቀበት ማግሥት ነበር " ሚስዝ ካርላይል ለሁለተኛ ጊዜ የታመመው አባቷን በባሏ መታመም ደንግጣ በልጅዋ ነጻ መውጣት ተደስታ የነበረችው እናቷን
ከብዙ ዘመን ስደት በኋላ ከወላጆቿ ጋር የተጨመረው ወንድሟን ለመጠየቅና አብራ ለመዋል ወደ ወላጆቿ ቤት ሔደች " ጆይስንም አስከትላ ወስዳት ነበር " በዚያ ጊዜ እግረኛው ሳይጨመር አምሳ የሚሆኑ ሠረገሎች በጀስቲስ ሔር ቤት ተሰብስበዋል " 'ይኽ ሁሉ ሰው ኮ አንተን ለማየት ነው . . ሪቻርድ” ብላው ነበር እናቱ ዐይኖቿ የደስታና የፍቅር እንባ እያቀረሩ ሉሲንና ትንሹን አርኪባልድን
ሣራ ይዛቸው ወደ ሚስ ኮርኒሊያ ቤት ሔደዋል ስለዚህ ከቤት የቆየችው ዊልሰን ብቻ ስለ ነበረች ማዳም ቬን ስትደውል ከች አለች።

"ምነው ? አሁንም ድካሙ ተነሣበት ? ” አለች ስትገባ "
“ መሰለኝ እስኪ እርጂኝና ቀና እናድርገወ ” አለቻት ሳቤላ ።
ዊልያም ግን ነፍሱን አልሳተም " ይዞታው ከተለመደው የተለየ ነበር » እንደወትሮው አቅሉን በመሳትና በመዝለፍለፍ ፈንታ ማዳም ቬንና ዊልሰንን ግጥም አድርጎ ይዞ ወባ እንደ ተነሣበት ተንቀጠቀጠ

ያዘኝ ኧረ እንዳልወድቅ ያዙኝ ደግፉኝ ” እያለ ይቃትት ጀመር ትንሽ ቆየና ጭንቀቱና እንቅጥቃጤው እልፍ አለለት ። ላቡን ከግንባሩ ጠረጉለትና ዐይን ዐይኑን ይመለከቱት ጀመር ዊልስን አንድ ማንኪያ ለስሳሳ ምግብ ካፉ ስታደርግለት ዋጠው " ልትደግመው ስትል ራሱን ነቀነቀ » ፊቱን ወደ ትራሱ
መለሰና ከጥቂት ደቂቃዎች በኋላ እንቅልፍ ሽልብ አደረገው "

“ ምን ነገር ነው ልጄ ?” አለች ሳቤላ ቀስ ብላ ወደ ዊልሰን እየተመለከተች
“ ነገሩን ዐውቀዋለሁ ከዚህ በፊትም የዚህ ዐይነት ሕመም አንድ ጊዜ
አይቻለሁ "

“ ምክንያቱ ምንድነው . . . ዊልሰን? አለች ሳቤላ።

"ያየሁት ባዋቂ እንጂ በልጅ አልነበረም ። ግን ልዩነት የለውም " ሁሉም በተመሳሳይ ምክንያት ነው የሚነሣው ሊሞት ይመስለኛል "

"ምን መሆንሽ ነው .. ዊልሰን ? እስከዚህኮ አልታመመም " ደሞ ዛሬ
ጧት ሚስተር ዌይንራይት አይቶት አንድ ወይም ሁለት
ሳምንት ይቆይ ይሆናል
ብሏል"

ዊልሰን ከምቹ ወንበር ላይ ተደላድላ ቁጭ አለች አስተማሪቱን እንኳን
የማክበር ልምድ አልነበራትም » አስተማሪቱም ቢሆን ደረጃዋን ጠብቃ እንድትቀመጥ እንዳትነግራት ትፈራት ነበር ሚስተር ዌይንራይትን እንዳለ አትቁጠሪው እዚህ ግባ የሚባል ሰው አይደለም ” አለች ዊልሰን " የልጁ
ትንፋሽ እየቀነሰ መሔዱን ቢያይና ትንሽ ቆይቶ ደግሞ የመጨረሻው የሚሆን ቢሆን እንኳ ከዐሥራ ሁለት ሰዓት በላይ እንደሚቆይ ለሁላችንም እየማለ ይነግረን ነበር " ዌይንራይትን እኔ የማውቀውን ያህል አታውቂውም ማዳም ። ከናቴ ቤት ሐኪማችን እሱ ነበር ። ከዚያን ጊዜ ጀምሮ ከተቀመጥኩባቸው ቦታዎች ሁሉ ሲያክም ዐውቀዋለሁ " ከስኳየር ስፒነር ቤት ዋና ሞግዚት ሆኜ አምስት ዓመት
የሚስዝ ሔር ደንገጡር ሆኘ አራት ዓመት ሠርቻለሁ " ክዚህ ቤትም ሚስ ሉሲ
አራስ ልጅ ሳለች ነበር የገባሁ " ታድያ ከነዚህ ቦታዎች ሁሉ እንደ ጥላ እየተከተለኝ ሠርቷል እመቤት ሳቤላ በሱ ላይ ከፍተኛ እምነት እንደ ነበራቸው ትዝ ይለኛል እኔ ከማስበው በላይ ይገምቱት ነበር።

ሳቤላ ምንም ሳትመልስ ዊልያምን ዐይን ዐይኑን እያየች ዝም አለች "

የትንፋሹ ድምፅ እየጐረነነና እየከበደ ሔደ »

" ያቺ ሣራ ” አለች ዊልሰን “ መቸም ከብት አይደለች ! ከየትኛው የወንድ አያቱ አጠገብ ይቀብሩት ይሆን ? " አለችኝ " “ እኔ ደግሞ እናቱ
የሚስተር ካርላይል ሚስት እንደሆነች ብትሞት ኖሮ እሷ ካባቷ አጠገብ ስለምትቀበር እሱም ከናቱ ጎን ይቀበር ነበር " አሁንማ ከአባቱ አባት ጎን ነው መቀበር ያለበት አልኳት።

ሳቤላ የልጁን ማንቋረር ብቻ እያዳመጠች ዝም አለቻት ዊልስን ርዕስ ቀየረች

“ አዪጉድ ! አሁን ያ መልከ መልካም ጎበዝ ምን ይመስለው ይሆን ?” አለቻት በማሾፍ » ሳቤላ ሙሉ ሐሳቧ በልጁ ላይ ስለ ነበር ስለሱ የተናገረች መሰላትና እሷም በመገረም ቀና ብላ አየቻት "

“ ያንኮ ሊንበራ ወህኒ ቤት የገባውን ሽቅርቅር ማለቴ ነው " መቸም ከትናንት ጀምሮ ያለው መኖር መኖር' አይሆንም " አቤት!እሱ በሚሰቀልበት ቀን ስንት ባቡር ሙሉ ሕዝብ ለማየት ይሔድ ይሆን ? ”

“ ተፈረደበት እንዴ ? ” አለች ሳቤላ ስልል ባለው ድምጿ "

“ተፈረደበት ሚስተር ኦትዌይ ቤቴል ተለቀቀ » ሪቻርድ ሔርም በነጻ ተለቀቀ መቸም አምሮበታል ይባላል " እሱ በነጻ ሲለቀቅማ ከፍርድ ቤቱ ሙስጥ
ጭብጨባው ውካታው ቀለጠ ዳኛው እንኳን መቆጣጠር አልቻለም ነበር ይላሉ ”

“ ማነው ሪቻርድ ሔር ወደ ቤቱ ተመለሰ ያለው” አለ ዊልያም ድክም ባለና
እንደ ልብ በማይሰማ ድምፁ "

ዊልሰን ወደ ተኛበት አልጋ ተንደርድራ ሔዳ “እንዴ ዊልያምI በል ዝም ብለህ
ተኛ አባትህ ከሊንበራ ሲመለሱ እንደዚህ ደክሞህ ሲያገኙሀ እኔን ነው የሚቆ
ጡኝ " በል አሁን ዐይኖችህን ሸፍንና ተኛ " ጥቂት ፈሳሽ ምግብ ትፈልጋለህ ? አለችው "

ዊልያም ስለ ፈሳሹ ምግብ ምንም ምላሽ ሳይሰጥ ከትራሱ ላይ ሽብልል ብሎ
ተኛ ሚስተር ካርላይል ለሥራ ጉዳይ ብዙ ጊዜ ወደ ሊንበራ ይመላለስ ነበር "
በዚያን ዕለትም እዚያው ሔዶ ውሎ በአንድና በሁለት ሰዓት መካከል ወደ ቤቱ
ተመለሰ ወዲያው እንደ ደረስ ወደ ዊልያም ክፍል ገባ " ልጁ ያባቱን ድምፅ
ሲሰማ ፊቱ በራ "

“ አባባ!” አለ "

ሚስተር ካርላይል አልጋው ላይ ተቀመጠና ሳመው ልትጠልቅ ማሽቆልቆል
የጀመረችው ጀንበር ጨረሯ ከክፍሉ ቦግግ ብሎ ስለነበር ሚስተር ካርላይል
በልጁ ፊት የሞት ጥላ እንዳጀበበት በግልጽ ታየው

“ ባሰበት እንዴ ? " አላት ማዳም ቬንን "

ዛሬ ማታ የባሰበት ይመስላል ” አለችው ከምን ጊዜም የበለጠ ድክም
ባለ ድምፅ

"አባባ አለ ዊልያም እየቃተተ : “ ፍርዱ አበቃ ? ”

የምን ፍርድ የኔ ልጅ ? ”
“ የሰር ፍራንሲዝ ሌቪሰን"

“ ትናንት አበቃ " አሱን ራስህን ልታስጨንቅለት የሚገባው ሰው አይደለም አታሰብ "
“ ለማወቅ እኮ ፈልጌ ነው ' ይሰቅሎታል ? ”
“ ሞት ተፈርዶበታል
ሆሊጆንን ገድሎታል ?”

“አዎን ስለዚህ ጉዳይ ማን ነገረው ? ” አላት ማዳም ቬንን " ነገሩ ቅር እንዳለው ከድምፁ ይታወቅ ነበር "

"ዊልሰን ነገሩን አንሥታው ነበር ... ጌታዬ !
የኔ ልጅ . . . ምነው ዕረፍት አጣህ ? ”

“ አንድ ቦታ ላይ መርጋት አልቻልኩም " አልጋ ትክክል አይደለም ማዳም ቬን እስኪ ወደ ትራሱ ሳቢኝ "

ሚስተር ካርላይል ራሱ ከፍ አደረገው : “ማዳም ቬን ድካምን የማታውቅ
አስተማሚህ ናት” አለው ማዳም ቬን ሔዳ ወደ ተጠጋችበት የመስኮት መጋረጃ በለውለታነት እየተመለከተ።

"ረስቼው ረስቼው ! " ዊልያም አልመለስለትም " አንድ ነጀር ለማስታወስ በመጣር ያለ ይመስል ነበር

" ምን ረሳህ የኔ ልጅ ? ” አለው አባቱ "

“ አንድ ልጠይቅህ ወይም ልነግርህ የፈለግሁት ነገር ነበር " ሎሲ አልመጣችም ?

የመጣች አልመሰለኝም ” አለው "

“ ጆይስን እፈልጋታለሁ " "

“ከራት በኋላ እናትህ ዘንድ እሔዳለሁ » እንደ ደረስኩ ወደ አንተ እልካታለሁ

“ እማማ ዘንድ ? አሃ አሁን አስታወስኩ » አይደለም እንጂ አባባ እማማን
ከሰማይ እንዴት ላውቃት እችላለሁ ? ይህችኛዋን እማማን አይደለም ”

ሚስተር ካርላይል • ምናልባት በጥያቄው ግራ ተጋብቶ ሊሆን ይችላል
ቶሎ አልመለሰለትም "

" ከመንግሥተ ሰማያት እኮ ትግኛለች ” አለ ልጁ ራሱ "
"አዎን አዎን ልጄ! ከዚያ እንደምትገኝ ማዳም ቬንም ታውቃለች " ውጭ አገር ተገናኝተው ነበር " ያውም አንድ ነገር ምን ነበር ማዳም ቬን ? ” አላት "

ማዳም ቬን ከልክ በላይ ደነገጠች » ሚስተር ካርላይል በድንጋጤ በርበሬ
የመሰለ ፊቷን ትክ ብሎ አያት " ቢቻላት ኖሮ ወጥታ እልም ብትል አትጠላም ነበር "

“ እማማ በጣም ' በጣም ታዝን ነበር አሉ” አለ ዊልያም የጠየቀውን
እርዳታ አለማግኘቱን ሲያውቅ " አንተንም ፈልጋ እኛንም ፌልጋ ፈልጋ
ሁላችንንም ስታጣ ልቧ በኀዘን ፈርሶ ሞተች ” ”

ሚስተር ካርላይል ፊቱ ደም መሰለና አሁንም ወደ ማዳም ቬን ተመለከተ »

ጌታዬ ይቅርታ እንዲያደርጉልኝ ” አለችው ድክም ባለ አነጋገሯ
“ ስለዚህ ጉዳይ በማንሣት በቤተሰብዎ ጉዳይም መግባት አልነበረብኝም
ልጁ የናቱን ነገር እያነሣ ተወዝውዞ ሊሞት ሲሆን ጊዜ ትንሽ ያረጋጋሁት መስሎኝ ነው የተናገርኩ

ሚስተር ካርሳይል ግራ ገባው “ ነግሩ ሊገባኝ አልቻለም " ለመሆኑ እናቱን ባሕር ማዶ አይተሻት ነበር ?

አጅዋን አንሥታ ደም መስሎ የቀላውን ፊቷን ጋርዳ “ኧረ የለም ጌታዬ
አለችው " የተጨነቀች ልብ ያረገችው ጸሎት ደረሰ ከተባለ የሷ ነበር ሚስተር ካርላይል ሳይታስብ ርእሱን ለወጠላት "

ሚስተር ካርይል ወደሷ ጠጋ አለና ' “የመልኩን መለዋወጥ ልብ ብለሽ
አየሽው ? ” አላት ቀስ ብሎ
“ አዎን ጌታዬ ዛሬ ከቀትር በኋላ አዲስ ዐይነት እንቅጥቃጤ ካንቀጠቀጠው ወዲህ መልኩ እንደዚህ ሆነ ዊልሰን ከእንግዲህ በሕይወት እንዳለ አይቆጠርም ትላለች " እኔም ከኻያ አራት ሰዓት በላይ የሚቆይ አይመስለኝም "

ሚስተር ካርይል ክንዱን ከመስኮቱ ጠርዝ አሳርፎ ግንባሩን እጁ ላይ አስደግፎ ! “ ኧረ እሱን ማጣትስ አያምጣው ! ከባድ ነገር ነው ! ” አላት "

“ይሻለዋል ጌታዬ” አለችው ይተናነቃት የነበረውን እንባና ጭንቀት አምቃ ለመያዝ እየታገለች " ሞት በዚህ ዓለም ከታዩት የመለያየት ዐይነቶች ሁሉ የከፋ
አይደለም ሞትን እንችለዋለን " እሱም ከዚህ ዓለም ጭካኔ ይላቀቃል "

አንዲት ሠራተኛ መጣችና ራት መቅረቡን ነገረችው " ሚስተር ካርላይል
ተነሥቶ ሔደ ተመልሶ በሽተኛው ወደ ተኛበት ክፍል ሲመጣ ፀሐይ ጠልቃ
ጨረሯ በነበረበት አንድ ሻማ ተተክቶ ደረሰ " የልጁ ፊት እንደ ጨረሩ ጊዜ በደንብ ሊታየው አልቻለም ሻማውን አንሥቶ ፊቱን ጠጋ ብሎ ለማየት ቀረበ "
ብርሃኑ ከፊቱ ሲያርፍ ልጅዋ ዐይኖቹን ገለጥ አደረገ ።

ተወኝ እባክህ ... አባባ ! ጨለማው ይሻለኛል "

“አንድ ጊዜ ብቻ ልይህ የኔ ልጅ” አለው " ፊቱ ጢስ እንደ መሰለ ነበር
ሞት እየቀረበ መሆኑን በግልጽ ተግነዘበው

በዚያ ሰዓት ሉሲና አርኪባልድ አክስታቸው ሚስ ኮርኒሊያ ዘንድ ውለው
ገቡ ከሞት አፋፍ የነበረው ልጅ ዐይኖቹን በናፍቆት ገለጥ አደረጋቸው "

“ ደህና ሁኝ . . ሉሲ አለ ላብ ያረጠበው ቀዝቃዛ እጁን ለመዘርጋት እየሞከረ ።

“ እኔኮ ከውጭ ቆይቸ መምጣቴ ነው " እየወጣሁ አይደለም ” አለችው ሎሲ " “ገና አሁን መግባታችን ነው

“ ደኅና ሁኝ .. ሎሲ ” አለ ዊልያም መልሶ።

የዘረጋላትን እጅ ተቀብላ ሳመችው "በል ደህና ሁን ! እኔ ግን የትም እየሔድኩ እንዳይመስልህ :እዚሁ አለሁ አለችው "

“ እኔ መሔዴ ነው ” አላት " " ወደ ሰማይ እየሔድኩ ነው :አርኪባልድ የት አለ ? ”

ሚስተር ካርላይል አርኪባልድን ወደ አልጋው ከፍ አደረገለት » ሉሲ ደነገጠች » አርኪባልድም ግራ ተጋባ "

“ደኅና ሁን አርኪባልድ ደኅና ሁን የምወድህ " እኔ መሔዴ ነው ወደዚያ ወደ ጠራው ሰማይ " እዚያ ሔጄ እማማን አግኛታለሁ » አንተና ሉሲ በቅርቡ እንደምትጡ እነግራታለሁ "

ሉሲ ወትሮውንም ሆደ ባሻ ነበረች " ስለዚህ ጦሽ ብላ አለቀሰች እሷ ስትጮህ ክፍሉ ተረበሽ " ዊልሰንም ልቅሶ ሰምታ ከሌላ ክፍል ሮጣ ደረሰች » ሚስተር ካርላይል ልጆቹን ! “ ተሽሎት ካደረ ደግሞ ነገ ጧት ታዩታላችሁ " ብሎ አባብሎ እንዲወጡ አደረጋቸው"

ሳቤላ ከአልጋው ጎን ተንበርክካ በጩህት ለመውጣት የሚተናነቃትን
የናትነት ጭንቀት ለማፈን ፊቷን ከአልጋው ልብስ አድርጋ አንዱን ያልጋ ልብስ ጠርዝ ከአፏ ውስጥ ወተፈችው ውጥረቱ ከመታገስ ዐቅሟ በላይ
ሆኖ ሔደ " የገዛ ልጅዋ የሱም ልጅ ' ሁለቱም ' አባትና እናቱ ሚጠራሞትበት አልጋ ዙሪያ ሆነው ተጨነቁ » የልጅዋን ጣርና ስቃይ እያየች አንዲት የአይዞታ አንዲት የማጽናኛ ትንፋሽ ለመናገርም ለመቀበልም አልቻለችም " አንጀቷ እየተንሰፈሰፈ ' ውስጧ እያረረ እየተቀቀለ
በውጭ ለሚያይ የናት ባዕድ ሆና ተከድና ትበስል ጀመር "

ሚስተር ካርላይል ' ድምጿን አፍና ስትንሰቀሰቅ ሰምቶ ዞር ብሎ አንደ ማንም አዛኝና ደግ ቅጥር ሠራተኛ አያት " ለሱም ለደከመ ልጁም ምናቸውም
አይደለችም » ጐንበስ ብሎ ወደ ልጁ ተጠጋ “ ዐይኖቹ እንባ አቀረሩ ።

" አታልቅስ አባባ ! ” አለው ዊልያም በለሆሳስ ደካማ እጁን ብድግ አድርጎ ያባቱን ጐንጭ እየዳበሰ " " እኔ እኮ ለመሔድ አልፈራም "

“ለመሔድ መፍራት ! የኔ ልጅ እሱንስ እንደማታደርገው አምናለሁ አንተ እየሔድክ ነው ወደ ደስታ ከጥቂት ዓመት በኋላ እኛም ሁላችንም ወደ አንተ
እንመጣለን "

“ አዎን እንደምትመጡ በደንብ ዐውቃለሁ ።

ለእማማም ይኸኑ እነግራታለሁ።ምናልባትም ከወንዙ ዳር ቁማ ነፍሶችን የሚያጓጉትን ጀልባዎችን እየተመለከተች ትጠብቀኝ ይሆናል ።”

“ አባባ .. እናቴ ቅስሟ ተሰብሮ መሞቷን ታውቃለህ ? ”

ዊልያም እናትሀ ቅስሟ የተሰበረው ከመሞቷ በፊት ይመስለኛል አሁን
ስለሷ ሳይሆን ስለ አንተ እንጫወት ሕመም ይስማሀል ? ”

“መተንፈስ አቃተኝ " መዋጥ ከለከለኝ « ጆይስ እዚህ ብትኖር እወድ ነበር”
ሚስተር ካርላይል ቀስ አድርጎ ትራሱ ይ አሳረፈውና አስተውሎ ከተመለከተው
በኋላ ሊወጣ ዞር ሲል " እንዴ ! አባባ ! አባባ !” ብሎ ጠራው የናፍቆት ዐይኖቹን ገልጦ “ ደህና ሁን በለኝ እንጂ ” አለው »

ሚስተር ካርይል ምልስ ብሎ ልጁን ከደረቱ እቅፍ ሲያደርገው እንባው ፈሰሰ
አየወረደ የልጁን ፊት አራሰው “ የኔ ልጅ ... አባባ አሁን ይመለሳል " አማማን
እንድታይክ ሊያመጣት ነው....

💫ይቀጥላል💫

#ጠላፊዎቹ
፡
፡
#ክፍል_ሀያ_ሰባት
፡
፡
#በኬንፎሌት
፡
፡
#ትርጉም_በወንዳየሁ_ንጉሴ

‹‹አውቃለሁ፡፡ ነገር ግን ግድ የለኝም፡፡ ጦርነት አውድማ ውስጥ ገብቼ ፋሺዝምን ከሀገሬ ለማባረር እዋጋለሁ›› አለች በልበ ሙሉነት፡ ፊቷ ላይ
የሚነበበው ገፅታ ለህይወት ግድ እንደሌላት ያሳያል፡ ሄሪ ይህን ሲያይ ጎበዝ ናት› አለ በሆዱ፡፡

‹‹የቆረጥሽ ትመስያለሽ››

‹‹በዚህ እምነቱ የተነሳ የስፔን ፋሺስቶችን ሊዋጋ ሄዶ አፈር በልቶ የቀረ ፍቅረኛ ነበረኝ፡፡ የእሱን አርማ አንስቼ አላማውን ዳር ለማድረስ እታገላለሁ››ደ አለች በወኔና በሀዘን፡

‹‹ትወጂው ነበር?»

በአዎንታ ራሷን ነቀነቀች፡፡

አይኗ እንባ እንዳቀረረ ተመለከተና በሀዘኔታ ክንዷን ያዝ አደረጋት
‹‹አሁንም ትወጂዋለሽ?›› ሲል ጠየቃት፡፡

‹‹ምን ጊዜም ከልቤ አይጠፋም›› አለች የሹክሹክታ ያህል ‹‹ስሙ ኢያን ይባላል፡››

ሄሪ አሳዘነችው፡፡ ማርጋሬትን ደረቱ ውስጥ ወሽቆ ሊያፅናናት
ቢፈልግም በየት በኩል። ውስኪያቸውን እየጨለጡ ጋዜጣ የሚያነቡ በርበሬ
ፊት አባቷ ፊት ለፊት ተቀምጠዋል፡ እንደ ምንም እጁን ሰደደና አጇን ጨመቅ አደረገው፡፡ እሷም ለማፅናናት መሆኑ ገብቷት
ፈገግ አለች።

‹‹እራት ደርሷል ሚስተር ቫንዴርፖስት›› አለ አስተናጋጁ፡ ሄሪ አስራ
ሁለት ሰዓት ከምኔው እንደደረሰ ገርሞታል፡ ከማርጋሬት ጋር የጀመረውን
ጭውውት ማቋረጡ አሳዝኖታል፡፡ እሷም የእሱ ጭንቀት ገባትና ‹ብዙ
የምንጫወተው ነገር አለ›› አለች ‹‹ለሚቀጥሉት ሃያ አራት ሰዓታት አብረን
እንሆናለን››

‹‹ልክ ነሽ›› አለና ፈገግ አለ፡፡ እንደገና እጇን ዳበስ አደረገና ‹‹በኋላ
እንገናኝ›› አላት፡፡

ምስጢሩን በሙሉ የነገራት አጋሩ ሊያደርጋት ነው፡፡

ወደሚቀጥለው ክፍል ሲገባ ክፍሉ ከሳሎን ቤት ወደ መብል ቤትነት ተለውጦ ሲያይ ተገረመ እያንዳንዳቸው አራት ሰዎች የሚቀመጡባቸው
ሶስት ጠረጴዛዎች የተዘረጉ ሲሆን ሌሎች ሁለት ትንንሽ ጠረጴዛዎችም ይታያሉ፡፡ የእቃው አደራደር እንደ ምግብ ቤት ሲሆን ጠረጴዛዎቹ ጨርቅ
ለብሰዋል፡፡ በላያቸው ላይ የፓን አሜሪካ አየር መንገድ ስምና ምልክት ያለባቸው ብርጭቆዎች፣ ሰሃኖችና ናፕኪኖች ተቀምጠዋል። የመብል ክፍሉ ግርግዳ የአለም ካርታ ተለጥፎበታል አስተናጋጁ ሄሪን አንድ ሱፍ የለበሰ አጠርና ደልደል ካለ ሰው አጠገብ ወስዶ አስቀመጠው: ሄሪ የሰውዬው አለባበስ አስቀናው፡ ሰውዬው ክራቫት ያደረገ ሲሆን ውድ በሆነ ማያያዣ ጌጥ ከሸሚዙ ጋር አያይዞታል፡ ሄሪ እራሱን አስተዋወቀ፡ ሰውዬውም እጁን ለሰላምታ ዘረጋና ‹ቶም ሉተር እባላለሁ›› አለ፡፡ እጁ ላይ ያለው የወርቅ አምባር ከክራቫት ማያያዣው ጋር ይሄዳል፡፡ ለውድ ጌጣጌጥ ገንዘቡን
መበተን የሚወድ ሰው ማለት ይሄ ነው፡፡

ሄሪ የታጠፈውን ናፕኪን ዘረጋ፡፡ ሉተር አነጋገሩ የአሜሪካዊ ነው።
‹‹ከየት ሀገር ነው የመጣኸው?›› ሲል ሄሪ ጠየቀው ሰውዬውን
‹‹ፕሮቪደንስ ሮድ አይላንድ፧ አንተስ?››
‹‹ፊላደልፊያ›› አለ ሄሪ፡ ፊላደልፊያ የት እንዳለ እንኳን አያውቅም፡፡
አሜሪካ ውስጥ ያልኖርኩበት ቦታ የለም፡፡ አባቴ የኢንሹራንስ ሰራተኛ
ነበር፡››

ሉተር አንገቱን ነቀነቀ፡፡ ነገር ግን ከዚህ በላይ ማውራት አልፈለገም የሰውዬው ዝምተኛነት ለሄሪ ተስማምቶታል፡ ስለአኗኗሩ ሰው እንዲጠይቀው
አይፈልግም: በዝምታ ማለፍ ጥሩ ነው፡
ሁለት የአይሮፕላኑ ሰራተኞች በመጡና ራሳቸውን አስተዋወቁ፡ የበረራዐመሀንዲሱ ኤዲ ዲኪን ትከሻው የሰፋ፣ የደስ ደስ ያለው ፀጉረ ነጭ ሰው
ነው፡ ሁለተኛው ጃክ አሽፎርድ የሚባል ናቪጌተር ነው ፀጉረ ጥቁር ሲሆን
የለበሰው ዩኒፎርም ሄዶበታል።

ሰዎቹ እንደተቀመጡ በሉተርና በመሃንዲሱ መካከል የሆነ ጠብ እንዳለ
ሄሪ አስተዋለ።እራት ቀረበ፤ ሁለቱ የአይሮፕላን ሰራተኞች ኮካ ኮላ ሲመጣላቸው ሄሪ
ነጭ ቪኖ ቀረበለት፡ ቶምሉተር ማርቲኒ አዘዘ
ሄሪ እራት እየበላ ሳ
በአይሮፕላኑ መስኮት እያየ ስለማርጋሬትና ስፔን
ሄዶ ስለቀረው ቦይ ፍሬንዷ ያስባል፡፡ ስለእሱ አሁን ምን ያህል እንደምታስብ ማወቅ ፈለገ፡፡ ከእሷ እድሜ አንጻር አንድ አመት ትንሽ ጊዜ አይደለም፡፡

ጃክ አሽፎርድ ሄሪ በመስኮት እያየ መሆኑን ተገነዘበና ‹‹እስካሁን አየሩ
ጥሩ ስለሆነ እድለኞች ነን›› አለ፡

‹‹ሁልጊዜ እንዴት ነው አየሩ?›› ሲል ጠየቀ ሄሪ

‹‹አንዳንድ ጊዜ ከአየርላንድ እስከ ካናዳ በዝናብ የምንሄድበት ጊዜ አለ፡፡
‹‹አንዳንዴ ደግሞ በረዶና መብረቅ ያጋጥማል፡››

ሄሪ አንድ ጊዜ ያነበበውን አስታወሰና ‹‹በረዶ ከዘነበ ለአይሮፕላኑ አደገኛ አይደለም?›› ሲል ጠየቀ፡

‹‹በተቻለን መጠን ቀዝቃዛው የአየር ንብረት እንዳያገኘን እንጥራለን፡፡ለማንኛውም ተብሎ ግን አይሮፕላኑ ክንፎች ላይ የበረዶ ማቅለጫ ሸራ
ተደርጎለታል፡››

የመጪው የአየር ትንበያ ምን ያመለክታል?››

ጃክ ይህን መልስ ለመስጠት ሲጠራጠር አየና ስለአየሩ ባልጠየቅ ይሻል
ነበር›› ሲል አሰበ፡፡ ‹‹አትላንቲክ ውቅያኖስ ላይ ዶፍ ዝናብ ይጠብቀናል››
አለ፡፡

‹‹ይህን ያህል መጥፎ ነው?›› ጠየቀ ሄሪ፡

‹‹ዶፍ ዝናቡ መሃል ከገባን መጥፎ ነው፡ ሆኖም እኛ ከዶፍ ዝናቡ ራቅ ብለን እንበራለን›› አለ በሰጠው መልስ ብዙም ባለመተማመን፡፡

ቶም ሉተርም ቀጠለና ‹በዶፍ ዝናብ ውስጥ መጓዝ ምን ችግር አለው ሲል ጠየቀ።

ጃክ በዝርዝር አልተናገረም፤ ነገር ግን የበረራ መሀንዲሱ ኤዲ፣ ቶም ሉተርን ለማስፈራራት ሲል ወደ እሱ እያየ ‹‹ልክ ባልተገራ ፈረስ የሚጋልቡ ይመስል ያነጥራል›› አለ፡

ሉተር ኤዲ ያለውን ሲሰማ በድንጋጤ አመድ መሰለ፡፡ ኤዲ በተሳፋሪው
ፊት አፉ እንዳመጣ በመናገሩ ጃክ ገላመጠው:

ተሳፋሪዎቹ ሁለተኛ ዙር የእንቁራሪት መረቅ መጣላቸው:🤮

አሁን የሚያስተናግዱት ሁለቱ አስተናጋጆች ኒኪና ዴቪ ናቸው፡ ኒኪ ድብልብል ሲሆን ዴቪ ደግሞ ከአፍ የወደቀች ጥሬ ነው የሚያክለው፡፡

ሄሪ ሁለቱም ወንዳገረዶች ሳይሆኑ አይቀሩም› ሲል ገመተ፡ ታዲያ ቅልጥፍናው አስደስቶታል፡፡

ሄሪ በድብቅ እንደተከታተለው የበረራ መሀንዲሱ አዕምሮው በአንድ ነገር የተጠመደ ይመስላል፡፡

‹ሄሪ መሀንዲሱ ባህሪው አኩራፊ አይመስልም፡፡ ሲያዩት ተጫዋችና
ግልፅ ይመስላል› ሲል አሰበና እንዲናገር ለማበረታት ‹‹አንተ ምግብ በምትበላበት ጊዜ የበረራ ምህንድስናውን ስራ ማን ይሰራል?›› ሲል ጠየቀው
‹‹ረዳት የበረራ መሀንዲሱ ሚኪ ፊን ነው›› አለ፡ ‹‹በፈረቃ ነው የምንሰራው፡፡ ጃክና እኔ ከሳውዝ ሃምፕተን በረራ ከጀመርንበት ከቀኑ
ስምንት ሰዓት ጀምሮ ስንሰራ ቆይተናል፡፡ ስለዚህ ከምሽቱ አስራ ሁለት ሰዓት
ላይ እረፍት እናደርጋለን፡፡››

‹‹ካፒቴኑስ?›› ሲል ጠየቀ ቶም ሉተር ሀሳብ ገብቶት።
‹‹እንቅልፍ እንዳይዘው መድሃኒት ይውጣል፡ ከቻለ በተቀመጠበት ትንሽ ያንቀላፋል›› አለ ኤዲ፡ ‹‹ወደኋላ የማንመለስበት ሁኔታ ላይ ስንደርስ
ፓይለቱ ምን አልባት ረጅም እረፍት ያደርጋል፡››

‹‹ስለዚህ በሰማይ በምንበርበት ጊዜ ፓይለቱ ይተኛል ማለት ነው?››
ሲል ጠየቀ ሉተር ሳያስበው ጮክ ብሎ፡

‹‹አዎ›› አለ ኤዲ በፈገግታ:፡ ሉተር ፍርሃት ፍርሃት እንዳለው ያስታውቅበታል፡፡ ሄሪ ጨዋታው ሰላማዊ እንደሆነ በማሰብ ‹‹ወደኋላ
የማንመለስበት ሁኔታ ማለት ምንድን ነው?›› ሲል ጠየቀ፡፡

‹‹የመጠባበቂያ ነዳጃችንን መጠን ለማወቅ በየጊዜው እንቆጣጠራለን ወደ ፎየንስ አየርላንድ ለመመለስ የሚበቃ ነዳጅ ከሌለን ወደ
ኋላ የማንመለስበት ሁኔታ ላይ ደረስን ማለት ነው,አለ ኤዲ ድርቅ ባለ አነጋገር፡፡ ኤዲ ይህን ያለው ቶም ሉተርን ለማስፈራራት እንደሆነ ተረዳ
ናቪጌተሩ ተሳፋሪዎችን ለማረጋጋት ብሎ ጣልቃ ገባና ‹ብአሁኑ ጊዜ
አሜሪካ አድርሶ የሚመልሰን በቂ ነዳጅ አለን›› አለ፡

ሉተርም ቀጠለና ‹‹አሜሪካ የሚያደርሰን ወይም ወደ ኋላ የሚመልሰን
ያህል ነዳጅ ባይኖርስ?›› ሲል ጠየቀ፡፡

ኤዲ ወደ ሉተር ጠጋ ብሎ እየሳቀ ‹‹እመነን ሚስተር ሉተር፤ ችግር ላይ ከመውደቃችን በፊት ወደ ፎየንስ አየርላንድ እንመለሳለን፡፡ ለተጨማሪ
ጥንቃቄ በማለት የነዳጅ መጠኑን የምናሰላው በአራት ሞተር ሳይሆን በሶስት ሞተር ነው:: l . . . ምናልባት አንዱ ሞተር ላይ የሆነ ችግር ሊከሰት ይችላል ብለን፡፡››

ጃክ ሉተርን ለማረጋጋት ብሎ ስለ ነዳጅ የተናገረውi ነገር በእንቅርት ላይ ጆሮ ደግፍ እንዲሉ የባሰ ፍርሃት ለቀቀበት፡፡

ሉተር የቀረበለትን ሾርባ ለመጠጣት ቢሞክርም እጁ> እየተንቀጠቀጠ
ስላስቸገረው ሾርባው ክራቫቱ ላይ ተንጠባጠበ፡፡
ኤዲ ሉተርን በማስፈራራቱ የረካ ይመስላል፡ ጃክም ርዕስ ለማስቀየር ሌላ ሌላ ነገር ይቀበጣጥራል፡፡ ሄሪም ጣልቃ እየገባ

ጨዋታ ያግዛል፡ ነገር
ግን አንድ የሆነ እንግዳ ነገር እንዳለ ገምቷል፡ ሄሪ ‹ኤዲና ሉተርን ያጣላቸው ምን ይሆን?› እያለ ራሱን ይጠይቃል፡፡የመመገቢያ ክፍሉ ቀስ በቀስ እየሞላ ነው፡፡ ጠቃጠቆ ያለበት ልብስ የለበሰችው ቆንጆዋ ሴት ከአጃቢዋ ጋር መጥታ ተቀመጠች፡ ቆንጆዋ ሴት
ስሟ ዳያና ላቭሴይ ሲሆን አብሯት ያለው ጓደኛዋ ደግሞ ማርክ አልደር
ይባላል፡ ማርጋሬት እንደ ወይዘሮ ላቭሴይ ለብሳ ቢሆን ኖሮ የበለጠ ታምር
ነበር› ሲል አሰበ ሄሪ፡

አስተናጋጆቹ ተፍ ተፍ እያሉ ምግብና መጠጥ የሚያቀርቡ ሲሆን
ምግቡም ጥሩ ነው፡፡ ሄሪ ግን ምንም አልበላም፡፡ መጠጥም ቢሆን ከያዘው
ውጪ መጨመር አልፈለገም፡፡ ንቁ ሆኖ መቆየት ይፈልጋል፡ የሌዲ
ኦክሰንፎርድን እንቁ ሊሰርቅ ተዘጋጅቷል፡፡ ስርቆቱን መፈጸሙ ደግሞ ፍርሃት ፈጥሮበታል፡ በስርቆት ከተሰማራ ጀምሮ የአሁኑ ስርቆት ህይወቱን
የሚለውጥ እንደሆነ ተማምኗል፡ የተቀማጠለ ኑሮ ያስገኝለታል፡፡

ሁለተኛው ዙር ምግብ መጣ፡ ሰላጣ ነው፡፡ በውድ የእንግሊዝ ምግብ
ቤቶች ውስጥ በሁለተኛ ዙር ምግብነት ሰላጣ አይቀርብም በተለይም
ብቻውን፡

በመጨረሻም ቡና ቀረበ፡፡ ኤዲ ብዙም አለመጫወቱን አወቀና ተሳፋሪዎችን ማናገር ጀመረ፡፡ ‹‹ሚስተር ቫንዴርፖስት ወደ አሜሪካ
የምትጓዝበት ምክንያት ምንድን ነው?›› ሲል ጠየቀ፡፡

‹‹ከሂትለር መራቅ እፈልጋለሁ›› አለ ሄሪ ‹‹አሜሪካ በጦርነቱ ውስጥ
እስክትገባ ድረስ፡፡››

‹‹አሜሪካ ጦርነቱ ውስጥ ትገባለች ብለህ ታስባለህ?›› ሲል ጠየቀ ኤዲ፡

‹‹በአንደኛው የአለም ጦርነት ጊዜ አሜሪካ አውሮፓ ድረስ መጥታ
ተዋግታ የለ›› አለ ሄሪ

ቶም ሉተር ቀጠለና ‹‹እኛ ከናዚዎች ጋር ምንም ጠብ የለንም፡ እነሉ ኮሚኒዝምን ይቃወማሉ፡፡ እኛም እንደዚሁ›› አለ፡፡

ጃክም በመስማማት ራሱን ነቀነቀ፡፡

ሄሪ አሜሪካውያኑ ያሉትን ሲሰማ ደነገጠ፡፡ እንግሊዝ ውስጥ ሁሉም የሚያስበው አሜሪካ አውሮፓን ለመርዳት እንደምትዋጋ ነው፡፡ እነዚህ አሜሪካውያን ግን የሚናገሩት ሌላ ነው።
‹ምናልባትም እንግሊዛውያን ራሳቸውን እያሞኙ ይሆናል› ሲል አሰበ በሀዘኔታ፤ ከአሜሪካ ምንም አይነት ድጋፍ አይገኝም ይሆናል፡ ለንደን ያለችው እናቴ ምን ይውጣት?› ሲል
አሰበ ሄሪ።

ኤዲ ቀጠለና ‹‹ምናልባትም አውሮፓ ሄደን ናዚዎችን እንዋጋ ይሆናል፡፡ እነሱ ከወሮበላ አይለዩም›› አለ ቆጣ ብሎ በቀጥታ ወደ ቶም ሉተር እያየ ‹‹እንደነዚህ ያሉትን ሰዎች ደግሞ እንደ አይጥ ልንፈጃቸው
ይገባል፡፡››

ጃክ ከመቀመጫው ምንጭቅ ብሎ ተነሳና ‹‹ኤዲ እራት ከጨረስን ወደ
ማረፊያችን እንሂድ›› አለ ፈርጠም ብሎ፡፡

ኤዲ በጃክ ድንገተኛ አባባል ቢደናገጥም ከመቀመጫው ተነሳና ከጃክ ጋር ተያይዘው ወጡ።
‹‹የበረራ መሀንዲሱ ስርዓት የጎደለው ሰው ነው›› አለ ሄሪ

‹‹እኔ ግን አላስተዋልኩትም›› አለ ሉተር፡

‹ውሽታም! ወሮበላ እያለህ!› አለ ሄሪ በሆዱ፡ ሉተር ብራንዲ አዘዘ፡ ሄሪ
ሉተር ወሮበላ ይሆን እንዴ?›
አለ በሆዱ፡፡ ለንደን ውስጥ
የሚያውቃቸው የከተማ ወሮበሎች እዩኝ እዩኝ የሚሉ ናቸው፡፡ ጣት ሙሉ ቀለበት ፀጉራም ልብሶች እና ከባድ ጫማዎች ያደርጋሉ ሉተር የቢዝነስ ሰው ነው የሚመስለው፡ ‹‹ቶም መተዳደሪያህ ምንድን ነው?›› ሲል ጠየቀው፡፡

‹‹ሮድ አይላንድ ውስጥ በንግድ ነው የምተዳደረው›› አለ ሉተር፡ ሄሪም በሆዱ ሞኝህን ብላ› አለና ‹‹ደህና ሁኑ›› ብሎ ተነስቶ ሄደ።

ወደ መቀመጫው ሲመለስ ሎርድ ኦክሰንፎርድ ‹‹ደህና የሚበላ ነገር አለ?›› ሲሉ ጠየቁት፡፡ ሄሪ ምግቡ ተስማምቶታል፡፡ ከበርቴዎች ስለ ምግብ ብዙም ግድ
የላቸውም፡፡ ‹‹ምንም አይልም፡፡ መጠጥም አይጠፋም›› አላቸው፡፡

ሎርድ ኦክሰንፎርድ አጉተመተሙና ወደ ጋዜጣ ንባባቸው ተመለሱ።
ሄሪ እንደዚህ አይነት ጋጠወጥ ሎርድ ገጥሞኝ አያውቅም› አለ በሆዱ
ማርጋሬት ስታየው ተደስታ ፈገግ አለችና ‹‹እውነት ምግቡ እንዴት ነው?›› ስትል ጠየቀችው፡

‹‹እጅ ያስቆረጥማል›› አላትና ሁለቱም ሳቁ

ማርጋሬት ስትስቅ ውበቷ ይወጣል፡፡ ዝም ያለች ጊዜ አትስብም፡፡ አፏን ከፈት አድርጋ በስርዓት የተደረደሩ ጥርሶቿን ብልጭ ስታደርጋቸውና ጸጉሯን ወደ ኋላ ስታዘናፍለው ልብ ትሰርቃለች፡ ጎርነን ባለ ድምፅ ስታስካካ
ወሲብ ትጭራለች፡ ሄሪ ሊደባብሳት እጁን ሲሰድ ፊት ለፊት የተቀመጠው
ክላይቭ መንበሪ ሲያየው እጁን ሰበሰበ፡፡

‹‹አትላንቲክ ውቅያኖስ ላይ አውሎ ንፋስ የተቀላቀለ ዝናብ ይኖራል›› አላት ሄሪ፡፡

‹‹ይህ ማለት ጉዟችን አስቸጋሪ ነው ማለት ነው›› አለች ማርጋሬት፡፡

‹‹አዎ፣ አውሎ ንፋሱን ለመሸሽ በአውሎ ንፋሱ መሐል ሳይሆን ራቅ
ብለው ይበራሉ፤ የሆነው ሆኖ ጉዞው ሰላማዊ እንዳልሆነ ታውቋል፡›› በሄሪ
እና በማርጋሬት መሐል አስተናጋጆቹ ምግብና ጥቅም ላይ የዋሉ የመመገቢያ እቃዎችን ለማመላለስ ያለማቋረጥ ይንቀሳቀሳሉ

ማርጋሬት አንብባ ያስቀመጠችውን ‹‹ላይፍ›› መጽሔት ማገላበጥ ጀመረ። ሄሪ የኦክሰንፎርድ ቤተሰብ ቦታውን ለቀው እስኪሄዱለት ተቁነጠነጠ፡ ብዙም አንባቢ ስላልሆነ መጽሔት ወይም መጽሐፍ አልያዘም፡፡ጋዜጣ ማንበብ ባይጠላም ለመዝናናት ፊልም ወይም ሬዲዮ ይመርጣል፡

የመንበሪ ፖሊስነት እንቆቅልሽ ሆኖበታል፡ ካልሆነ ደግሞ በፓን
አሜሪካ አየር መንገድ አውሮፕላን ላይ ምን ሊሰራ መጣ? አንድ ተጠርጣሪ
እየተከተለ ከሆነ አውሮፕላን ላይ እንዲወጣ ያስገደደው የወንጀሉ ከፍተኛነት መሆን አለበት፡ አለበለዚያ 90 ፓውንድ ለማውጣት የሚደፍር ፖሊስ የለም፡

ሄሪ ትዕግስት የሌለው ሰው ነው፡፡ ከእኩል ሰዓት በኋላ መንበሪ ከቦታው አልንቀሳቀስለት ካለ ተነስቶ የሚሄድበትን ብልሃት መፍጠር አለበት፡ ‹የፓይለቶቹን ክፍል ኣይተኸዋል ሚስተር መንበሪ?›› ሲል ጠየቀው፡፡
‹‹አላየሁትም›› አለ መንበሪ፡፡

‹‹መታየት ያለበት ቦታ ነው፡፡ ውስጡ ሰፋ ያለ ነው፡፡ አይሮፕላኑም በእርግጥም ሰፊ ነው፡፡››

‹‹ይገርማል›› አለ መምበሪ ነገሩ ባያስደንቀውም፡፡ እንዲያው ለትህትና
ብሎ ነው እንጂ እሱ የአይሮፕላን አድናቂ አይደለም፡፡

‹‹ሄደን ብናየውስ?›› ሲል ጠየቀው መምበሪን፡፡
‹‹ተሳፋሪዎች የፓይለቶቹን ክፍል ማየት ይፈቀድላቸዋል?›› ሲል ጠየቀው ኒክን፡፡

‹‹አዎ ጌታዬ ማየት ይቻላል፡››

‹‹አሁን ይቻላል?›› ሲል ጠየቀ ሄሪ፡
‹አሁን ጥሩ ጊዜ ነው፣ ሚስተር ቫንዴርፖስት፡፡ የአይሮፕላኑ ማረፊያ ጊዜ ገና ነው፡፡ አየሩም ጥሩ ስለሆነ ጉዞው ሰላማዊ ነው፡፡ ከዚህ የተሻለ ጊዜ
አታገኙም:››

ሄሪም ኒክ ይህን እንዲል ነበር የጠበቀው፡፡ ተነሳና
መምበሪን እንሂድ አለው።

መምበሪን መሄድ አልፈለገም፡፡ ከፍላጎቱ ውጪ ‹እንዲህ አድርግ ሲሉት በቀላሉ የሚቀበል ሰው አይደለም፡፡ ሆኖም መሄድ ባይፈልግም የተደረገለተን ግብዣ አልቀበልም ማለት ብልግና ስለመሰለው በይሉኝታ እሺ ብሎ ተነሳ፡

ሄሪ ፊት ለፊት እየመራ ኩሽናውንና የወንዶችን መጸዳዳ ክፍል አልፈው በደረጃው ወጡና ወደ ፓይለቱ ክፍል ሄዱ፡

ሄሪ ዞር ዞር እያለ ተመለከተ፡፡ የአብራሪዎቹ ክፍል ንፁህ ፀጥታ
የሰፈነበትና ምቹ ነው፤ በዘመናዊ ህንፃ ላይ ያለ ቢሮ ይመስላል።

ሄሪ የእራት ተጓዳኞቹ
የበረራ መሀንዲሱና ናቪጌተሩ በቦታው
አይታዩም፡፡ እነሱ እረፍት ላይ ስለሆኑ ሌሎች ተረኛ ሰራተኞች ናቸው
ያሉት፡፡

ፓይለቱ ቦታው ላይ ተቀምጧል፡ እነ ሄሪን አየና በፈገግታ ‹‹እንደምን
አመሻችሁ መኳንንት እየተዟዟራችሁ ማየት ትፈልጋላችሁ?› ሲል
ጠየቃቸው፡፡

‹‹አዎ እንፈልጋለን›› አለ ሄሪ ‹ካሜራዬን ላምጣ ፎቶ ማንሳት ይቻላል?››

‹‹ይቻላል፡፡››

‹‹ይዤ መጣሁ›› አለና ሄሪ ደረጃውን በሩጫ ወረደ፤ ውስጡ በደስታ ተሞልቶ፡ ፍርሃት ግን አልተለየውም፡፡ መምበሪን ለትንሽ ደቂቃ ቢሆንም መለየት ችሏል፡፡ ሆኖም እነ ኦክሰንፎርድ ሳይመለሱ ፈጥኖ ቦርሳዎቹን መበርበር አለበት፡፡
ወደ ቦታው ተመለሰ፡፡ አስተናጋጆቹ ከርቀት ይታዩታል፡፡ እሱ
የተቀመጠበት ቦታ እየመጡ ብርብራውን እንዳያቋርጡት እራት ለማቅረብ ተፍ ተፍ የሚሉበትን ጊዜ ጠበቀና የሌዲ ኦክሰንፎርድን ቦርሳ አነሳ ቦርሳው በእጅ እንደሚይዙት ቦርሳ ሳይሆን ከባድና ትልቅ ነው፡ ምናልባትም እራሳቸው አይዙት ይሆናል፡ ቦርሳውን ወምበሩ ላይ አስቀመጠና ዚፑን ከፈተው፡፡ ቦርሳው አለመቆለፉ ጥሩ ምልክት አይደለም፡፡ መቼም ባልተቆለፈ ቦርሳ ውስጥ ውድ ጌጥ ይዘው አይሄዱም ወይዘሮዋ፡፡
የሆነ ሆኖ ምናልባት የሆነ ሰው እንዳይደርስበት በመስጋት በዓይኑ ቂጥ
እያየ ብርበራውን ተያያዘው፡ ቦርሳው ውስጥ ሜክ አፕ፣ ሽቶ፣ ከብር የተሰራ ማበጠሪያ፣ የጥርስ ብሩሽና ሳሙና፣ ፒጃማ፣ ስሊፐር፣ የውስጥ ሱሪ፣ ስቶኪንግ፣ የገላ ሳሙናና መጽሐፍ ተጠቅጥቆበታል፡፡
ሄሪ ጌጡን ሳያገኘው ሲቀር እድሉን ረገመ፡ እዚህ ቦርሳ ውስጥ ነው እንቁው ይኖራል ብሎ የገመተው፡፡ አሁን ግን ግምቱ ሁሉ ትክክል እንዳልሆነ አወቀ፡

ፍለጋው ጥቂት ደቂቃ ወስዷል፡፡ ቦርሳውን ዘጋና ካገኘበት ቦታ መለሰው
ሌላ ሃሳብ መጣበት፡፡ ምናልባት ዕንቁውን ባላቸው እንዲይዙት ሰጥተዋቸው ከሆነስ።?

በሎርድ ኦክሰንፎርድ ወምበር ስር ያለውን ቦርሳ በዓይኖቹ ቃኘ፡፡አስተናጋጁ በስራ ስለተጠመደ ይህን እድል ሊጠቀምበት ፈለገ፡፡

የሎርዱን ቦርሳ ከወምበሩ ስር ጎትቶ አወጣው፡ ከቆዳ የተሰራ ነው፡፡ ዚፑ በቁልፍ ተቆልፏል: ሄሪ ለእንደዚህ አይነት ጊዜ የሚጠቀምበት ሰንጢ ከኪሱ መዘዘና ቁልፉን ጎርጉሮ ሰብሮ ዚፑን ከፈተው ቦርሳውን እየፈታተሸ እያለ አጭሩ አስተናጋጅ ዴቭ በትሪ ጠርሙስ ይዞ ሲያልፍ ሄሪ ፈገግ አለ፡፡ ዴቪ ሄሪ ቦርሳውን ሲፈታትሽ አይቷል፡ ሄሪ ቢደነግጥም ፈገግታ አልተለየውም፡፡ ዴቪ መንገዱን ቀጠለ፡ ዴቪ ሄሪ
የያዘው የራሱን ቦርሳ ነው ብሎ ገምቷል፡

ሄሪ ዴቪ ሲሄድ በእፎይታ ትንፋሹን ለቀቀው፡፡ጥርጣሬ የሚያስለውጥ ችሎታ ቢኖረውም ይህን ባደረገ ቁጥር ግን ድንጋጤ ይወረዋል፡

የሎርድ ኦክሰንፎርድ የወንድ ቦርሳ ሊይዝ የሚገባውን ቅራቅንቦ ሁሉ
ይዟል። ምላጭ፣ የፀጉር ዘይት፣ ፒጃማ፣ የውስጥ ሱሪ እና የናፖሊዮን
ታሪክ መጽሐፍ፡ ሄሪ ብርበራውን ካጠናቀቀ በኋላ ዚፑን ዘጋና ቁልፉን
ዘጋው፡ ሎርድ ቁልፉ መሰበሩን ሲያውቁ እንዴት ሊሆን ቻለ?› ማለታቸው
አይቀርም፡ የጠፋ ነገር ካለ ብለው ቦርሳቸውን መፈተሻቸው አይቀርም፡፡
አንድም እቃ እንዳልጠፋ ካረጋገጡ ግን ቁልፉ የተበላሸ ይሆናል ብለው
ይደመድማሉ፡፡

ሄሪ ቦርሳውን ወደነበረበት ቦታ መለሰው፡፡ አሁንም እንቁው ጋር ለመድረስ ብዙ እንደሚቀረው ገመተ፡፡

ልጆቹ የሌዲ ኦክሰንፎርድን እንቁ በቦርሳቸው ይይዛሉ ተብሎ ባይገመትም የእነሱንም ቦርሳ ከመበረበር አልቦዘነም፡፡

ሎርድ ኦክሰንፎርድ እንቁውን በልጆቹ ቦርሳ ወስጥ በሚስጥር መክተት
ካሰቡ በማርጋሬት ቦርሳ ውስጥ ሳይሆን በፔርሲ ቦርሳ ውስጥ ነው ሊከቱት
የሚችሉት፡፡ ምክንያቱም ማርጋሬት የእሳቸውን ሀሳብ የማትደግፍ በመሆኗ።

ሄሪ የፒርሲን የሸራ ቦርሳ አነሳና የኦክሰንፎርድን ቦርሳ ካነሳበት ቦታ ላይ አስቀመጠው፡ የፔርሲን ቦርሳ ከፍቶ ሲያይ ልብሶቹ
ተጣጥፈውና እቃዎቹ በስርዓት ተቀምጠው ሲያይ ሻንጣውን አሽከሮች እንደሸከፉለትገመተ፡፡ የአስራ አራት አመት ልጅ ዕቃዎቹን በዚህ ሁኔታ
ገመተ፡፡ የአስራ አራት አመት ልጅ ዕቃዎቹን በዚህ ሁኔታ አያስቀምጥም፡፡
ሻንጣው ውስጥ የጥርስ ሳሙና፣ የጥርስ ብሩሽ፣ የቼዝ መጫወቻ፣ የህጻናት
መጽሐፍና ፓኬት ብስኩት አለበት፡ ሄሪ የቼዝ መጫወቻውን፣ መጻሕፍቱን
እና የብስኩት ፓኬቱን ከፋፈተና አየ፡፡ ነገር ግን የዕንቁ ዘር አይታይም
ቦርሳውን ቦታው ሲመልስ አንድ ተሳፋሪ ወደ መጸዳጃ ቤት ለመሄድ ባጠገቡ አለፈ፡፡ ሰውየውን ግን ከምንም አልቆጠረውም፡

መቼም ሌዲ ኦክሰንፎርድ በቅርቡ በጠላት እጅ በሚወድቅ አገር ውስጥ
ይህን ከፍተኛ ዋጋ የሚያወጣ ዕንቁ ትተው ይመጣሉ ብሎ ማመን ጅልነት ነው ሲል ገመተ፡ አንገታቸው ላይ እንዳላጠለቁት የታወቀ ሲሆን እዚህ ሻንጣ ውስጥም አለመኖሩን በርብሮ አረጋግጧል፡ ይህ ዕንቁ በማርጋሬት
ሻንጣ ውስጥ ከሌለ የተቀመጠው በአይሮፕላኑ ሻንጣ ማስቀመጫ ቦታ ባለው ሻንጣቸው ውስጥ መሆን አለበት፡ እዚያ ከሆነ ደግሞ ሄዶ መፈለጉ እጅግ
አስቸጋሪ ነው። አይሮፕላኑ አየር ላይ ሆኖ እዚያ ቦታ መግባት ይቻል ይሆን?
ሲል አሰበ፡፡ እንቁውን በእጁ ለማድረግ ሌላው አማራጭ
የኦክሰንፎርድን ቤተሰብ ኒውዮርክ የሚያርፉበት ሆቴል ድረስ እግር በግር
ተከትሎ መግባት ነው፡፡

ሄሪ ካሜራ ይዤ እመጣለሁ ብሎ በዚያው ጭልጥ ብሎመቅረቱ ካፒቴኑና ክላይቭ መምበሪ ሳይገርማቸው አልቀረም
ሄሪ የማርጋሬትን ቦርሳ አነሳና ሲከፍተው የተቀባችው ሽቶ አወደው:
ቦርሳው ውስጥ ከጥጥ የተሰራ ፒጃማና ፓንቶች አገኘ ፓንቶቿ ታዳጊ
ልጃገረዶች የሚለብሱት አይነት በመሆኑ ከዕድሜዋ አንጻር እንዴት ይህን
ታደርጋለች? ልጃገረድ ትሆን እንዴ?› አለ በሆዱ። ቦርሳዋ ውስጥ እድሜው ከሃያ አንድ የማይበልጥ ጸጉሩ የተንዠረገገ መልከ መልካም ወጣት ፎቶ
አገኘ፡፡ ልጁ የኮሌጅ ተመራቂ ጋዋን ለብሶ ይታያል፡ ምናልባትም ስፔን አገር ሄዶ የሞተው ቦይፍሬንዷ ሳይሆን አይቀርም፡፡ ከእሱጋ ተኝታ ይሆን? ምንም እንኳን ፓንቶቿ የታዳጊ ልጃገረዶች ቢሆኑም ከዚህ ልጅ ጋር አንሶላ ተጋፋለች ብሎ ጠርጥሯል፡ አንድ ልብ ወለድ መጽሐፍም ቦርሳ ውስጥ አለ፡፡ ዕንቁው ግን የለም፡፡

ሄሪ ባዶ እጄን ከምመለስ ብሎ በሽቶ ከታጠኑ መሃረቦች መካከል
አንዱን ለማስታወሻ ብሎ ሲያነሳ ዴቪ በሾርባ የተሞሉ ሰሃኖች በትሪ ይዞ ብቅ አለ፡፡ ዴቪ አሁን ቆም አለ፡፡ ፊቱን ከስክሷል፡ የማርጋሬት ቦርሳ
ከሎርድ ኦክሰንፎርድ ቦርሳ የተለየ መሆኑን ዴቪ አይቷል፡ ሄሪ ደግሞ
የሁለቱም ቦርሳዎች ባለቤት እንዳልሆነ ሳይገምት አልቀረም፡፡ ስለዚህ ሄሪ
የሰው ቦርሳ እየበረበረ ነው ማለት ነው ሲል ገምቷል፡

ዴቪ ትክ ብሎ ሄሪን አየው፡፡ የሰው ቦርሳ እንደሚበረብር ቢጠረጥርም አንድን ተሳፋሪ ያለ ማረጋገጫ የሰው ቦርሳ ለምን ትበረብራለህ?› ማለቱን
ፈራና ‹‹ጌታዬ ያንተ ቦርሳ ነው እሱ?›› ሲል ጠየቀው፡

ሄሪ ከማርጋሬት ቦርሳ ያወጣውን መሃረብ አሳየውና ታዲያ በሰው
መሀረብ እሷ ሳትፈቅድ ንፍጤን እጠርጋለሁ ብለህ ነው?›› አለውና
ቦርሳውን ዘግቶ አስቀመጠው፡

ዴቪ ሄሪ የሰጠው መልስ አልተዋጠለትም፡ ሄሪ ቀጠለና ‹መሃረቤን
አምጣልኝ ብላኝ ነው›› አለው፡፡

ዴቪ ከጥርጣሬው መለስ አለ፡ በሁኔታው እንደማፈር አለና ‹‹ይቅርታ ጌታዬ፣ መቼም ለተሳፋሪዎች ቦርሳ ደህንነት መቆርቆሬ ትክክል እንደሆነ ሳትረዳ አትቀርም›› አለው:

‹‹አንተም ይህን ማድረግህ ደስ ብሎኛል›› አለው ሄሪ ‹‹ብዚሁ ቀጥል
ዴቭ›› አለና ጀርባውን በማበረታታት መታ መታ አደረገው፡ ሄሪ ድንገት
የፈጠረው ታሪክ እውነተኛነት ለማረጋገጥ ለማርጋሬት መሃረቡን ወስዶ
መስጠት ይኖርበታል፡

ሄሪ መብል ክፍሉ ውስጥ ሲገባ ማርጋሬት ከቤተሰቦቿ ጋር ተቀምጣ አገኛትና ‹‹መሀረብሽን ጥለሽዋል እንቺ›› አላት

‹‹ጣልኩት?! አመሰግናለሁ›› አለች፡

‹‹አዎ›› አለና ወጥቶ ሄደ፡
መቼም ዴቪ ማርጋሬት መሀረብ እንዲያመጣላት ሄሪን መጠየቋን ሄዶ እንደማያረጋግጥ ገምቷል፡ ሄሪ ኩሽናውን አልፎ በደረጃው ወጣ፡
እንዴት ነው የተሳፋሪዎች ሻንጣ ያለበት ክፍል የሚገባው? የት እንዳለም አይታወቅም፡› ሻንጣዎቹ ሲጫኑ አላየም፡ ነገር ግን እዚያ ሻንጣ ማስቀመጫ ክፍል ውስጥ መግባት ይኖርበታል፡

ሄሪ የአይሮፕላኑ ማብረሪያ ክፍል ውስጥ ሲገባ ካፒቴኑ መምበሪን ጭው ካለው ውቅያኖስ በላይ እንዴት እንደሚበሩ እየነገረው ደረሰ፡፡

መምበሪ ሄሪ መምጣቱን አየና ‹ካሜራ የለም?›› ሲል ጠየቀው።

‹መምበሪ እውነትም ፖሊስ ነው› ሲል አሰበ፡፡ ‹ካሜራ ውስጥ ፊልም ሳልጨምር ረሳሁ፡፡ ምን አይነት ጭንቅላት ነው ያለኝ›› አለና ‹‹እዚህ ሆናችሁ እንዴት ነው ኮኮቦቹን የምታይዋቸው?›› ሲል ጠየቀ ካፒቴኑን፡፡

‹‹ናቪጌተሩ ለትንሽ ደቂቃ ጣራው ላይ ይወጣል›› አለ ካፒቴኑ፡
‹‹ስቀልድ ነው›› አለ መልሶ፡፡ ‹‹ኮኮቦቹን የምናይበት ቦታ አለን፡፡ ኑ
ላሳያችሁ›› አለና አንድ በር ከፍቶ ሲሄድ መምበሪና ሄሪ ተከተሉት፡፡ ‹‹ይሄ ነው የኮከብ መመልከቻ ቦታው>> አለ፡፡ ለሄሪ ይህ ቦታ ምኑም አይደለም፡፡
የእሱ ልብ ያለው የሌዲ ኦክሰንፎርድ ዕንቁ ላይ ነው፡ አይሮፕላኑ ኮርኒስ ላይ የአቅጣጫ መጠቆሚያ የኮከብ መመልከቻ መስታወት አለ፡ ወደዚያ
መውጪያ ታጣፊ መሰላል ኮከብ መመልከቻው አጠገብ ቆሟል። ካፒቴኑም
‹‹ጉም በሌለ ጊዜ ናቪጌተሩ እዚህ ላይ ይወጣና መሳሪያውን ይዞ ኮኮቦቹ ላይ ያነጣጥራል፡፡ የሻንጣ መጫኛውም ቦታ ይሄ ነው›› አለ፡፡

ሄሪ ልቡ አቆበቆበ፡፡ ‹ሻንጣዎቹ በጣራው በኩል ነው የሚገቡት?›› ሲል
ጠየቀ፡

አዎ በዚህ በኩል ነው የሚገቡት›› አለ ካፒቴኑ
‹‹ታዲያ የት ነው የሚቀመጡት?››
‹‹እዚያ ክፍል ውስጥ›› አለና አንድ የተዘጋ በር አመለከታቸው ሄሪ የገጠመውን መልካም እድል ማመን አቃተው፡፡ ‹‹ሁሉም ቦርሳዎች እዚህ
ክፍል ነው የሚቀመጡት?›› ሲል ጠየቀ፡፡

‹‹አዎ›› አለ ካፒቴኑ፡

አሻግሮ ሲያይ ሻንጣዎቹ ላይ በላይ ተደራርበውና በበረራ ጊዜ እንዳይወድቁ
በገመድ ተጠፍረው ተመለከተ

ያ የሄሪን ህይወት የሚለውጥ ዕንቁ አንዱ ሻንጣ ውስጥ ተወሽቋል፡
ክላይቭ መምበሪ ‹‹ያስደንቃል አይደል?›› ሲል ጠየቀው፡
ሄሪም ‹‹ምን አልክ?›› አለው.....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ ሀያ አምስት (25)


ቀኑ ጭጋጋማና እጅግ ቀዝቃዛ ነው ። ሚሪ ማለትም ናንሲ ማክአሊስተር ወደ ፌ አሊሰን ቢሮ ስትቃረብ የባርኔጣዋን ክፈፍ ቁልቁል ሳበች ። የደማቅ ቀይ ሱፍ ካፖርቷን ኮሌታም ሽቅብ ዘረጋች፤ ፊቷንና አንገቷን እንዲሸፍንላት ። ፍሬድ ውሻዋ እንደ ሁልጊዜው ተከትላታል ። ለፍሬድ የተጠለቀለት የአንገት ዘለበትና መሳቢያውም ልክ ሜሪ (ናንሲ) አንደለበሰችው ካፖርት ደማቅ ቀይ ናቸው ። አንገቷን ሰበር አድርጋ ውሻውን ቁልቁል እየተመለከተች ፈገግ አለች ። መንፈሷ በፌሽታ ሰፍፏል ። ደስተኛ መንፈሷ ጭጋጉና ብርዱም ሊሸፍኑትና ሊያቀዘቅዙት አልቻሉም። ወደ ፌ ቢሮ የሚወስደውን ደረጃ በሩጫ ከወጣችው በኋላ በሩን ከፍታ ገባች ። እና «ቤቶች ! የላችሁም እንዴ ? መጥተናል» አለች ። ከላላ ድምጺ በሞቃቱና ምቹው ቤት ውስጥ እስተጋባ ። ወዲያው ከሌላ ክፍል መልስ መጣ ። ሜሪ ካፖርቷን አወለቀች ። ከስር የለበሰችው ቀለል ያለ ወርቅማ ጌጥ ያለው ነጭ የሱፍ ቀሚስ ነበር። ይህን የገዛላት ፒተር ነው ። ከዚያም በከፊል ልብ ራስዋን በመስታወት ውስጥ ተመለከተች ባርኔጣዋን ወደ ጐን ዘንበል አደረገችና እንደገና አየችው ራስዋን። ምስሏን ተመልክታ ፈገግ አለች ። ደስ አላት ። መነፅር ማድረግ አቁማለች ። ምክንያቱም አይኖችዋ ላይ የነበረው ፋሻ ተነስቷል ። ፊቷ በጠቅላላ ፋሻ አይታይበትም ። ጥቂት ፋሻዎች ብቻ እግንባርዋ ላይ ይታያሉ ። እሱም ካሁን በኋላ ብዙ ጊዜ አይቆይም ። አለቀ ። እድሜ ለዘመናዊ የሕክምና ጥበብ ሜሪ (ናንሲ) ጠባሳ አይታይባትም ። አዲስ ፊት ፤ አዲስ ሰው ፤ አዲስ ስም ፤ አዲስ ሕይወት ።

«እመስተዋቱ ውስጥ ባየሽው ነው እንዲህ የተደስትሽው ናንሲ?» ይህን ድምፅ ስትሰማ ደንገጥ ብላ ዞር አለች ። ፌ አሊሰን ነበረች የተናገረችው፡፡ ፌ በፍቅር በተሞላ ፈገግታዋ ጥያቄውን ደገመችላት ። ራሷን በአወንታ ነቀነቀች ሜሪ ። በቃልም «አዎ። በሱ ነው የተደሰትኩት ብዬ አስባለሁ ። የሚገርምሽ በጠቅላላ የሆንኩትን እኔነቴን ሁሉ ለምጀዋለሁ። አንች ግን አለመድሽልኝም » አለች ። ፊቷ ላይ መቀየምና ቁጣ መሰል ነገር ይታይባት ነበር ። «ምን ማለትሽ ነው ፣ እንዲያ ስትይ ?» አለች ፌ አሊሰን ። «አለስሜ ትጠሪኛለሽ ሁሌ ። ሁሌ ናንሲ ነው እኮ እምትይኝ። ናንሲ አይደለሁም። ነበርኩ ቀረ። አሁን ሜሪ ነኝ ። በፍርድ ቤት ፀድቆ በሕግ ሊታወቅ ምንም ያልቀረው ስሜ ሜሪ አዳምሰን ነው»
«ገባኝ። ይቅርታ » ፌ ይህን ብላ ሁልጊዜም ሁለቱ ሲገናኙ አረፍ ብለው ወደሚጨዋወቱበት ምቹ ወደሆነውና ቅልል ወደሚለው ክፍል አመራች። «ይቅርታ ፤ ሁልጊዜም ናንሲ የሚለው ስም አፌ ላይ ደርሶ ጥልቅ ይላል » አለች ፌ አሊሰን ደግማ ። «ሁልጊዜ» አለች ሜሪ እምትወደው ወንበር ላይ እየተቀመጠች። ግን የተበሳጨች አትመስልም። ትንሽ ካሰበች በኋላ «አንዴ የለመደን ነገር ማስወገድ በጣም ክባድ ነገር ሳይሆን አይቀርም ። ይመስለኛል» አለች ሜሪ። ይህን የተናገረችው ፊቷን ቅጭም አድርጋ ነበረና ፌ አሊሰን ዝም አለች ። ከዚህ ጋር አያይዛ የምታመጣውን ነገር ለመስማት ።

«ይህን ነገር ከቅርብ ጊዜ ወዲህ ነው የተረዳሁት ። ሳስብ ሳስብ ገባኝ ። ብዙ ጊዜ ላስወግደው ስሞክር አሻፈረኝ ብሎ እቦታው ላይ ሲገኝ ግን አሁን ሳላራግፈው የቀረሁ አይምስለኝም » አለች ሜሪ ።
«ማይክልን ማለትሽ ነው?» ሜሪ አንገቷን በአወንታ ነቀነቀች እንጂ ምንም አልተና
ገረችም ። «እንዳራገፍሽው እንዴት ልትገምቼ ቻልሽ ?» አለች ፌ። «ወሰንኩ ። ምርጫ ጠፋ። ወሰንኩ ። ለምን ? በይኝ ። ምክንያቱም ያ አደጋ ከደረሰብኝ ይኽው ሁለት ዓመት መሙላቱ ነው፡፡ ዓመት ከዘጠኝን ወር… ሁለት ዓመት በይው ። ይህን ያህል ጊዜ ስቀመጥ ሊፈልገኝ አልሞከረም ። እንዳሰብኩት እናቱን ብትፈልጊ እንጦረጦስ ግቢ ብሏት ወደኔ አልመጣም። ተወኝ ። ረሳኝ ። ስለዚሀ እኔም ልተወው ፤ ልረሳው ይገባኛል ።››

«መርሳት ! መርሳት ቀላል አይደለማ ! በልብሽ ውስጥ ለብዙ ጊዜ ያገነንሽው ሰው እንዲህ በቀላሉ ይረሳል ብለሽ ነው? በልብሽ ያስቀመጥሽው ጊዜ ረጂም ነው እኮ »
«እጅግ በጣም ረጂም ። ያን ያህል ጠብቄውም እንዲህ አድርጐኝ ቀረ ። ጣለኝ… ረሳኝ »
‹‹ጣለኝ… ረሳኝ ስትይ ስለራስሽ ምንነት ምን ይሰማሻል ?»
«ስለኔ ምንም ዓይነት መጥፎ ስሜት የለኝም ። ያጠፋ እሱ ። ያናደደኝ እሱ ። እኔ ምን አጠፋሁ? »
«ማለቴ ባለፈው ትንሽ ራስሽን ጠልተሽ ነበር ። ለምን ከማሪዮን ሂልያርድ ጋር ያን ስምምነት አደረግኩ ? ስትይ ነበር። ያ ስሜት አሁን ፈጽሞ አይሰማሽም? » ፌ አጉል ቁስል እየዘነቆረች እንደሆነ ገብቷታል ። ቢሆንም አለባብሶ ቢያርሱ በአረም ይመለሱ ነውና መሸፋፈኑን አልወደደችውም ።

«ምርጫ… ምንም ምርጫ አልነበረኝም» አለች ሜሪ። «ኖረም አልኖረም ለምን እንዲህ አደረግኩ ብለሽ ራስሽን ወቅሰሽ አታውቂም ?»
«ለማን ብዬ? ለምን ብዬ? ማይክል ለምን አልጠየቅኳትም ብሎ በራሱ የሚናደድ ይመስልሻል ? ሳያስብልኝ በመቅረቱ የህሊና ወቀሳ እንቅልፍ ይነሳዋል ብለሽ ታስቢያለሽ ?»
«ማይክልን እንተወው የሚያሳስበን ያንቺ ነገር ነው አሁንም እሱን በማሰብ ዕንቅልፍ ታጪያለሽ ፤ናንሲ ? »
« ናንሲ አይደለም ሜሪ » አለች ሜሪ እያረመቻት ። «በፍጹም ። አልፏል ያ ቀረ ፤ ይህን የቁም ሕልም ለማስወገድ ወስኜ ተነሳሁ ። ብዙ ስለተሰቃየሁ ዛሬ ቆረጥኩ ። በቃ » አለች ። ድምጺም ቃላቱም ሆዷ የቆረጠ መሆኑን ይናገሩ ነበር ። « በምትኩ ? » አለች ፌ አሊሰን « በማይክል ቦታ ማንን ልትተኪ?» ፒተርን ብላ አሰበች። « በቃ እሠራለሁ ። ሥራ ! በመጀመሪያ ግን ወደ ደቡባዊ ምሥራቅ ግዛቶች ሄጄ ትንሽ መንፈሴን አዝናናለሁ… የገናን በዓል አስመርኩዤ ። እዚያም እየተዝናናሁ አላርፍም ። እሠራለሁ ። ዕቅዴን ነድፌ ጨርሻለሁ ። አሪዞናን ፤፣ ኒው ሜክሲኮን ካየሁ በኋላ ከመሰለኝ ወደ ሜክሲኮም መሻገር አስቤአለሁ ። ሦስት ሳምንት ቆይቼ ስመጣ ፤ ዕረፍት ! በቃ ! »
« ከዚያ በኋላስ ? »
« ከዚያማ መሥራት ፤ ሌት ተቀን መሥራት ። በቃ ! የኔ አእምሮ ካሁን በኋላ እስራ ላይ ብቻ ነው። ልቤ ሥራን ብቻ ነው እሚያስበው ። በነገራችን ላይ የፎቶ ግራፍ ትርኢት እንደማቀርብ ሰምተሻል ። ፒተር ሁሉን ነገር ጨርሶልኛል ። ጥር ወር ላይ ነው የሚሆነው ። እንዳያመልጥሽ ብታስቢበት መልካም ነው።»
« ያመልጣታል ብለሽ ታስቢያለሽ ? »
« እንዳያመልጥሽ እመኝልሻለሁ ። እንዲህ ቀላል አይምሰልሽ። ፎቶ ግራፍ በጣም አድርጐ ፍቅር ያስያዘኝ ሥራ ሆኗል ከምር የማፈቅረው ነው ስልሽ ። እና ደግሞ የሠራኋቸውን ነገሮች አብዛኞቹን አላየሻቸውም ። አንቺ ቀርቶ ፒተር እንኳ ያየው ጥቂት ነው። ኤግዚቢሽኑን ሲመለከት ደስ ቢሰኝልኝ እኔም ደስ ይለኛል ።»
« አትጠራጠሪ ደስ ይለዋል ። አንቺ ከሠራሽው ምንም ይሁን ለሱ ድንቅ ነገር ነው » አለች ፌ ። እና ቀና ብላ አየቻት ሜሪን። ከዚያ ‹‹ነገርን ነገር ያነሳዋል ናንሲ. . . ማነው? ሜሪ.. . ስለ ፒተር አልተነጋገርንም ? ስለ ፒተር የሚሰማሽን እስኪ ንገሪኝ »

« ስለ ፒተር» አለች በረጅሙ ተንፍሳ « ስለ ፒተር የሚሰማኝ ነገር ብዙ ነው»
‹‹ትወጅ…. ማለት ታፈቅሪዋለሽ ?»
« በራሴ መንገድ »
« በልብሽ ውስጥ በኑሮሽም ቢሆን የማይክልን ቦታ የሚወስድ ይመስልሻል ?»
« ምናልባት… ምናልባት ይቻል ይሆናል ። በበኩሌ ማይክል ወጥቶ እሱ እንዲሆን እየሞከርኩ ነው ። እወደዋለሁ ፤በጣም በጣም እሳሳለታለሁ »
« ያ ከሆነ ስሜትሽን አታስገድጄው ። ማይክልን ከልብሽ ለማውጣት ወስነሻል ። ይህም ልብሽን ነፃ ያደርገዋል ያኔ ይታወቃል »

ፌ ይህን ብላ ሜሪን ተመለከተቻት ። የመንጋጋዋ አጥንት ሲነቃነቅና ጅማቷ ሲወጣጠር እየች ። « ሜሪ › አለች ፌ ና« ሜሪ ምናልባት ሰውን በጠቅላላ ወደ መጥላት ፤ ፍቅርን ወደ መሸሽ እየሄድሽ ይሆን?»
« በፍጹም። ለምን ብዬ? ምን አጣሁ ብዬ ፍቅርን እሸሻለሁ ?››
«እሱ ነው ዋናው ነገር ። ማይክልን ወደድሽ ። እንዳሰብሺው ሳይሆን ቀረ ። ግን ማይክል ብቻ አይደለም በዚች ዓለም ላይ ያለው ወንድ ። ወንድ ሞልቷል ። የሚሆንሽን ምን ጊዜም ቢሆን አታጭውም ። ያ ወንድ ምናልባት ፒተር ይሆን ይሆናል ። ወይም ሌላ ። ወይም ሌላ። አየሽ መርሳት የሌለብሽ ቆንጆ ልጅ መሆንሽን ፤ገና ሃያ አምስት ዓመት ያልሞላሽ ወጣት መሆንሽን ነው። ዓለም ያንቺ ናት ። ኑሮ በሰፊው እምትጠብቅሽ ሰው ነሽ ። እሺ ? »
« ፒተርም ደጋግሞ የሚነግረኝ ይህንኑ ነው » እንዲህ ትበል እንጂ ያለችውን ነገር ያለችው ከልቧ እንዳልሆነ ፌ አሊሰን ተረድታለች ። ሌላ ወንድ የመውደድ ነገር ሜሪ ከባድ ሆኖ እንደሚሰማት ገብቷታል ።

« አንድ ሌላ ነገርም ወስኛለሁ » አለች ሜሪ ፍርሐቷንሩ ሐዘኗን ይሸፍን ዘንድ አጉል ፈገግታ ለብሳ።
«ምን ?”»
« ስለኔና ስላንቺ ። እንደኔ ግምት ከሆነ የሚቻለኝን ሁሉ ለማድረግ የሰጠሽኝን ምክር በተግባር ለማሳዬት ሞክሬአለሁ ተሳክቶልኛልም እላለሁ። ካሁን በኋላ ቢያንስ ለተወሰነ ጊዜም ቢሆን ይህን ሁሉ ትቼ ወደ ሰፊው ዓለም ለመግባት ላቤ ጠፍ እስኪል ለመሥራት እና ሥራዬን ለማሸነፍ ወስኛለሁ »
« ዓለምን ከመታገል ፤ ኑሮን ላብ ጠፍ እስኪል በመሥራት ብቻ ከማሳለፍ በኑሮ ደስታን ለማግኘት ለምን አትሞክሪም !» አለች ፌ። «ስሚ ሜሪ በዓለም ላይ ደስ ብሎሽ ትኖሪ ዘንድ ትልቅ ነገር ተሰጥቶሻል ። ውበትን ለብሰሻታል ። እና ይህችን ትልቅ ጸጋ ለምን በካሜራ ጀርባ ትሸሽጊያታለሽ ? »
« ስጦታ ! ስጦታ ኦልሺው ፌ ። ውበትን በስጦታ አላገኘኋትም ። ውበትን ለማግኘት አለኝ የምለውን ፤የኔ የሆነውን ነገር ሁሉ ከፍዬባታለሁ ። ስጦታ አይደለም » መልካም የገና በዓል ይሆንላቸው ዘንድ መልካም ምኞት ተለዋውጠው ተሰነባበቱ ። የመልካም ምኞት ልውውጡ ግን ከልብ አይመስልም ነበር ። ግልብ ነበር ። ቃላቱ ካፋቸው ሲወጣ ከአፍ የወጡ ሳይሆን ምንጫቸው ሳይታወቅ የገደል ማሚቶ አንጥራ የምትመልሳቸው ይመስሉ ነበር ።

ሜሪ አዳምሰን ካፖርቷንና ባርኔጣዋን ለብሳና አድርጋ የሁለት ዓመት ወዳጅዋንና ሐኪሟን ፤ ፌ አሊሰን እጅዋን በማወዛወዝ ስትሰናበት ወዳጅዋን ሳይሆን እኒያን ሁለት ዓመታት ደህና ሁኑ የምትል ትመስል ነበር። ፌ አሊሰንን ተሰናብታ ስትሄድም ከኒያ ዓመታትና ከነበረችበት ዓለም ተላቃ ወደ ሌላ አዲስ ዘመን ፤ ወደሌላ አዲስ ዓለም የምትሄድ ፤ ያለፈውን ነገር ሁሉ ረስታ ባለፈው የወደደችውን ሁሉ ትታ አዲስ ኑሮ ለመጀምር የተዘጋጀች ትመስል ነበር ።

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ ሀያ ስድስት (26)

ሜሪ አዳምስን ከፌ አሊሰን ተሰናብታ እንደወጣች በቀጥጥታ ወደ ዩኒየን ስኩዌር እመራች ፤ በታክሲ ። እዚያም የሄደችበት ምክንያት ቲኬት ለማስቆረጥ ነበር ። በጉዞው አስቀድማ ስላሰበችበት ከሁለት ሳምንት በፊች ቲኬት ለመቁረጥ ተመዝግባ ነበር ስለዚህም ችግር የለባትም ። ገንዘቡን ሰጥታ ቲኬት መቀበል ብቻ ነው ። ሜሪ ስለጉዞው ስታስብ እጅግ ደስ አላት ። ለመዝናናት ካሰበችበት ቆይታለች ። ይህ ጉዞ የመጀመሪያዋ ባይሆንም ብዙ ጊዜ ያደረገችው አይደለም ። አንዴት ነው ይህን ዓይነት ጉዞ ያደረገችው ። ከሜሪ ጋር ። በበዓለ ፋሲካ ።. . . ይህ ሐሳብ ረሰሻት። ማይክልን ማሰብ የለባትም ። ሐሳቡን እንደምንም ታግላ መለሰችው ።

ዩኒየን ስኩዌር እንደደረሰች ወደ ቲኬት መሸጫው ቢሮ ገባች፤ «አስቀድመሽ እንዲያዝልሽ አድርገሽ ነበር?» አለቻት የክፍሉ ሠራተትኛ ።
«አዎ ። ከአሥራ አምስት ቀን በፊት»
«ስምሽን ማን ልበል ?።»
«ሜሪ አዳምስ... ኖ ናንሲ ማክአሊስተር» አለች ሜሪ ። ናንሲ ማክአሊስተር የሚለውን ስም ስትሰማው እንግዳ ነገር ሆነባት። ስሟን ወደ ሜሪ አዳምሰን ቀይራ በዚሁ ስትጠራ ከሁለት ወር አለፍ ይላል ። እዲሱን ስሟን ለመልመድ ስትጣጣር የወትሮውን እየረሳችው እንደሆነ ተገነዘበች፡፡ ቲኬት ለመቁረጥ በናንሲ ማክአሊስተር የተጠቀመችው በከንቱ አልነበረም ። ምንም እንኳን ናንሲ ማክእሊአስተር መባሏ ቆርቶ ሜሪ አዳምሰን እንድትባል በሕግ የተፈቀደላት ቢሆን በወጣላት አዲስ ስም መጠራት የምትጀምረው ከአዲሱ ዓመት መጀመሪያ ማለትም ከጀንዋሪ ( ጥር) ጀምሮ እንደሆነም ውሳኔ ተሰጥቶ ነበር ። ለዚሀም ነው ከገና በፊት ሜሪ አዳምሰን ተብላ ልትመዘገብ ያልቻለችው ።

ናንሲ ስለስሟና ስለጉዞው ስታስብ ገረማት ። ዛሬ ናንሲ ናት ። የዕረፍትና የመዝናናት ጉዞዋን ጨርሳ ስትመለስ ግን በሕግ ፊት ሳይቀር ሜሪ አዳምሰን ትሆናለች ። አገባሁ ማለትኮ ነው ! አለች በሐሳቧ ። አሁን የምሄደው የጋብቻ እረፍት ለማድረግና ለመዝናናት መሆኑ ነው ማለት ነው አለች ።

ከዚያ ስትመለስ አዳምሰን እንጂ ማክአሊስተር ተብላ እትጠራም። (የፈረንጅ ሴቶች ሲያገቡ የባላቸውን የቤተሰብ ስም ይወርሳሉና የስሟን መቆየር ነው እንደማግባት የቆጠረችው) ሜሪ አዳምሰን ናንሲ ማክአሊስትር አይደለችም ። ነበረች ። ግን አይደለችም ። ሜሪ አዳምሰን በስም ብቻ ሳይሆን በመልክም።
በሰውነት ቅርጽም ፤ በአነጋገርም፤ በድምጽም፤ በአካሄድም፤ ናንሲን አትመስልም ። መልኳን ዶክተር ፒቶሮ ግሬግሰን ቀይሮታል ። ከዚህ በፊት ናንሲን የሚያውቃትን ማንም ሰው የዛሬዋን ሜሪ አሳይቶ ናንሲ ናት ቢሉት አያምንም ። የዛሬዋ ሜሪ ውበቷ የሚያፈዝ ማንም ሴት የሷን መልክ በሰጠኝ ብላ የሚቀናባት ቆንጆ ነች ። ለራሷ ከሆነ ይች ቆንጆ እንግዳ አይደለችም ። ለምዳታለች ። ግን አብራት የኖረችው ናንሲ ማክአሊስተርም አይደለችም ። የምትናገረው ነገር ያው ይሁን እንጂ የእነጋገር ስልቷና ድምጽ አወጣጧ ስለተቀየረ ይህችኛዋ ስትናገር አድማጭን ታፈዛለች ። አፍ ታስከፍታለች ። ሰውነቷ ጠንከር ሲልና የሕክምናው ተግባር ሲገባደድ ፣ ዶክተር ፒተር ግሬግሰን የባሌ ዳንስ እንድትማር ፈቅዶላታል ። ትማራለች ። ይህ ደግሞ በእካሏ ላይ ምን ያሀል ለውጥ እንደሚያመጣ የታወቀ ነው ። የዮጋ ልምምድም ታደርጋለች ። ይህች ናት የዛሬዋ ሜሪ አዳምሰን ፤ የወትሮዋ ናንሲ ማክአሊስትር ። ተለወጥኩ ፡አዲስ ሰው ሆንኩ አለች በሐሳቧ ። ገረማት ። ደርሶ ንዴት ተሰማት ። እንጦሮጦስ ! አለች በልቧ ። ማይክል ረሳኝ ። እኔም ራሴ ከጥቂት ጊዜ በኋላ እረሳዋለሁ አለች አሁንም በሐሳቧ ።

«እንድ መቶ ዘጠና ስድስት ዶላር ይሆናል ክፍያው»አለች የቲኬት ቢሮ ሠራትኛዋ ፣፤ ሜሪን ከሐሳቧ እየመለሰችና ኮምፒውተሩን እየተመለከተች ። ሜሪ ቼክ ጽፋ ስትሰጣት ልጅቷ አንዴ ኮምፒውተሩን አንዴ ሜሪን ትመለከት ጀመር ። ከዚያም ሜሪን ትኩር፤ ፈገግ ብላ ተመለከተቻች ። ሜሪ እንድ ነገር አላት ። አንዴ ካየሃት ዓይንህን ከሷ ላይ መንቀል ያስቸግርሃል ። ማናት ? ትላለህ ፤ ይህን የሚሉ ደግሞ ወንዶች ብቻ አልነበሩም ። ሴቶችም ቢሆኑ ያው ነው ።

ፍሬድን አቅፋ (መኪና እንዳይገጨው በመፍራት) ከቲኬት መሸጫው ቢሮ ወጥታ ጉዞዋን ቆጠለች ። አንድ በጣም ትልቅ ሱፐር ማርኬት ስታይ ወደዚያው ገባች ። ምን ለመግዛት እንደምትፈልግ ግን አታውቀውም ነበር ። ለራሴ አንድ ስጦታ እገዛለሁ ። ወይም ለጉዞዬ የሚያስፈልገኝ ነገር ሊያጋጥመኝ ይችላል አለች ። በዚያ ግዙፍ ሱፐር ማርኬት ውስጥ ካንደኛው ፎቅ ወደ ሌላው ከልብስ ክፍል ወደ ጫማ ፤ ክዚያም ወደ ጌጣጌጥ ፤ ከዚያም ወደ ሌላው እየተዘዋወረች አንዱን ዕቃ አንስታ እየጣለች ሌላውን አንስታ እየመረመረች ወይም እየሞከረች ብዙ ጊዜ አሳለፈች ። በመጨረሻ አንድ ነጭ የሱፍ ሹራብ ላይ ዓይኗ አረፈ ። ሹራቡን ለብሳ ሞከረችው። ከውብ ገፅታዋና ከጥቁር ሐር መሳይ ጸጉሯ ጋር ሹራቡ የውበት ዳርቻ የሆነችውን ልዕልት አስመሰላት ።ራሷም ይህን አሰበች ። ሃሳቧ አስደመማት ፤ አስደሰታትም፡፡ ሹራቡን አስጠቅልላ ወደ ዋናው አዳራሽ ተመለሰች ያሉትን ዕቃዎች በመደዳ ተመለከተች ። ከዚያም አንድ ታኒካ ቸኮላት ገዛች ። ይህን ቸኮላት ለፌ አሊሰን ነበር የገዛችው ፤የገና ስጦታ ። በታኒካው ላይ በተንጠለጠለው ካርድ ላይ « አመሰግናለሁ፤ ፌ። ከፍቅር ጋር ። ሜሪ» ብላ ጸፈችበት ። ሌላ ምን ብላ ልትጽፍ ፤ ምንስ ልትጨምር ትችላለች ? « ማይክልን እንድረሳው ስለረዳሽኝ ፤ ሁሉን ትቼና ረስቼ መኖር እንድችል ስለመከርሽኝ አመሰግናለሁ » ብላ ትጻፍበት ?

ይህን ሀሳብ እያውጠነጠነችና ከራሷ ጋር እየተጨዋወተች ሳለች ድንገት የሚያስደነግጥ ትዕይንት አጋጠማት ። ዛር ወይም ሰይጣን ያየች ይመስል ባለችበት ክው ብላ ቀረች ። ገንዘብ ተቀባይዋ ደረሰኝ ቆርጣ እጅዋን ሰንዝራ ነበር ። ይህን ስትቀበል እንኳ ዓይኗ ካየችው ነገር ላይ አልተነቀለም። ያየችው ዛር ቤን አቭሪ ነበር ። ቤን አቭሪ እሷ ካለችበት አለፍ ብሎ በጣም ውድ የሆነ የሴቶች የዕቃ ሻንጣ ይመለከት ነበር ። ሜሪ ካለችበት ንቅንቅ ሳትል ለረጂም ጊዜ ቆየች ። ከዚያም ቀስ ብላ ቤን ወዳለበት አካባቢ ጠጋ አለች ። ቀረብ ብላ ልታየው ፤ ቀረብ ብላ ልትነካው ፤ቀረብ ብላ ድምጹን ልትሰማው ፈለገች ። ላንዲት ቅፅበት የሆነውን ሁሉ በመርሳት አፍታ ያስታውሰኝ ይሆን የሚል ስሜት ተቀረጸባት። ያች አፍታ እስክታልፍም ባወቀኝ ፤ ባስታወሰኝ ስትል ተማፀነች ። ሆኖም ያቺ ቅፅበት አለፈች ። ያኔ በምንም ዓይነት መንገድ ሊያስታውሳት እንደማይችል ተገነዘበች ። ይህን ማሰቧ ቢያስከፋትም ፤ እረ እንኳን ያላወቀኝ ስትል ራሷን ወደ ደስታ ገፋፋችው ። እንዲህም ስትል ተፅናናች ። እንኳን ያላወቀኝ ቢያውቀኝ ኖሮ ያናግረኝ ነበር፡፡ ክፉ ሳይናገረኝ እንዲህ ተጠግቼ ልመለከተው እችል ነበር? እንኳን የቀረብኝ አለች ።

እንዲያ አጠገቡ ቆማ እያጤነችው ከማይክል ጋር አሁንም ይገናኙ ይሆን ? ከማይክል ጋር ይሆን የሚሰሩት ? ወይስ ቤን ሌላ መሥሪያ ቤት ገባ ? የሚሉ ጥያቄዎች ይጎርፉ ጅመር በአእምሮዋ ውስጥ ። ሹልክ ብላ አጠገቡ ደርሳ ከሚያገላብጣቸው ዕቃዎች ጎን ያሉትን ከፈይ የመዛግብት ቦርሳዎች ትመለከት ጀመር ። ቦርሳዎቹን የተመለከተች ትምሰል እንጂ ዓይኗስ ከቶም ከፊቱ ላይ አልተነቀለም ። ይህ ሲሆን ሳለ ድንገት ቤን ዞር ብሎ እያትና ያንን የምታወቀውን ገር ፈገግታውን አሳያት ግን . . .