#እጃችንን_የመታጠብ_ጥቅም_እና_አስፈላጊነት

👉እጃችንን በሚገባ መታጠብ ራሳችንን ከተለያዩ በሽታ አምጪ ተህዋስያን እንደንከላከል እና ለሌሎችም ሰዎች እንዳናስተላለፍ ይረዳል፡፡
እጃችን ንፁህ ቢመስልም እንኳን በዓይናችን ልናያቸው የማንችለውን ዓይነት ጥቃቅን በሽታ አምጪ ተህዋስያንን ሊይዝ ይችላል፡፡

#እጃችንን_የመታጠብ_ጥቅሞች

👉ከተቅማጥ አምጪ ተህዋስያንና ከሌሎች አንጅት ውስጥ በሚከሰቱ ኢንፌክሽኖችን የመያዝ እድላችንን ይቀንሳል፡፡
በዓለማችን ከ5 ዓመት እድሜ በታች ያሉ ሕፃናት ሞት ምክንያት የሆነውን ተቅማጥ ሕመም እጅን በሚገባ በመታጠብ መከላከል ይቻላል፡፡
👉ዓይናችንን በምንነካበት ጊዜ ለተለያዩ ባክቴሪያዎች እና ቫይረሶች ስለምንጋለጥ ዓይናችን #ማሳከክ #መቅላት #ብርሃን #ለማየት መቸገር እና ያልተለመድ ፈሳሽ ሊኖረው ይችላል፡፡ ስለዚህ እጃችንን መታጠብ በኢንፌክሽን ከመያዝ ይከላከልልናል፡፡
👉በመተንፈሻ አካል ኢንፌክሽን የመያዝ ዕድልን ይቀንሳል፡፡ እጅ መታጠብን የሚያዘወትሩ ከሆነ እራስዎን ከጉንፋን እና ከተለያየ የመተንፈሻ አካል ኢንፌክሽን መከላከል ይችላሉ፡፡

#እጅዎን_መቼ_መታጠብ_እንደሚገባዎ ያውቃሉ?

👉 ምግብ ከማብሰልዎ ወይንም ከማዘጋጀትዎ በፊት
👉ምግብ ከመመገብዎ በፊት
👉ሕመምተኛ ከማስታመምዎ በፊት እና በኋላ
👉ማንኛውንም ዓይነት ቁስል ካፀዱ በኋላ
👉መፀዳጃ ቤት ከተጠቀሙ በኋላ
👉የልጅዎን ዳይፐር (የሽንት ጨርቅ) ከቀየሩ ወይንም መፀዳጃ ቤት የተጠቀመ ልጅዎን ካፀዱ በኋላ
👉ካሳነጠስዎ፣ካሳልዎት እና አፍንጫዎን ካፀዱ በኋላ
👉የቤት ውስጥ እንስሳትን ከነኩ፣ከመገቡ ወይን ካፀዱ በኋላ
👉ቆሻሻን ከቤትዎ ወይንም ከማንኛውንም ቦታ ካስወገዱ በኋላ
እጅን መታጠብ በጣም ቀላል የሚመስል ድርጊት ቢሆንም አብዛኞቻችን ግን በትክክለኛው ሁኔታ አንተገብረውም፡፡

#እጅዎን_እንዴት_ይታጠባሉ ?

👉በመጀመሪያ እጅዎ ላይ የሚገኝ ማንኛውንም ጌጣጌጥ ያውልቁ
👉እጅዎን በንፁህ ውሃያርጥቡ
👉ሳሙና እጅዎን በሚገባ ይቀቡ
👉በፊትና ጀርባ እንዲሁም በጣቶችዎ መሃል እና የጥፍርዎን ዉስጥ በደንብ አድርገው ይሹት
👉በንፁህ ውሃ እጅዎን ያለቅልቁ
👉በንፁህ ፎጣ ወይንም ጨርቅ እጅዎን ያድርቁ
👉ውኃውን ለመዝጋት እጅዎን ያደረቁበትን ፎጣ ይጠቀሙ
👉እጅዎ የሚደርቅብዎት ከሆነ ማለስለሻ ቅባት ይጠቀሙ

መረጃዉ ከተመቾት 👍 መጫኖን አይርሱ

#መልካም #ጤና

#ሜኔንጃይትስ (ማጅራት ገትር)

#የማጅራት_ገትር_ህመም ወይንም በህክምናው አጠራር ሜኔንጃይትስ የምንለው አንጎልን እና ህብረሰረሰርን ሸፍኖ የሚገኝ የሰውነታችን ክፍል በኢንፌክሽን ሲጠቃ ነው።
የማጅራት ገትር በሽታ #በቫይረስ #በባክቴሪያ ወይንም #በፈንገስ ምክንያት ሊከሰት ይችላል።
ይህ ህመም በአፋጣኝ ህክምና ካልተደረገለት ለከፍተኛ ጉዳት ከዚያም ባለፈ ለህልፈተ ህይወት ሊዳርግ የሚችል ነው። ስለዚህም አንድ ሰው የማጅራት ገትር እንደያዘው ከጠረጠረ በአፋጣኝ ወደ ሀኪም በመሄድ ለከፋ ኣደጋ ከመዳረግ ይድናል።

ከዚህ በታች ስለ ማጅራት ገትር ምልክቶች፣ተጋላጥጭነትን የሚጨምሩ ሁኔታዎች እና መከላከያ መንገዶችን እናያለን

#የማጅራት_ገትር_ህመም_ምልክቶች_ምንድን ናቸው?

በመጀመሪያ የማጅራት ገትር ህመም የጉንፋን ህመም ዐይነት ሊሆን ይችላል ከቀናት በኃላ ግን የማጅራት ገትር ህመም መገለጫ የሆኑ ምልክቶች ሊከሰቱ ይችላሉ።

👉ከፍተኛ የሆነ ትኩሳት
👉የአንገት መሸምቀቅ
👉ከፍተኛ የሆነ እና ከሌላው ጊዜ የላቀ የራስምታት ስሜት
👉ማቅለሽለሽና ትውከት (ማስመለስ)
👉ግራ መጋባት እና ትኩረት ማጣት
👉ከፍተኛ የሆነ የድካም ስሜት መሰማት
👉ብርሃን ኣለመፈለግ
👉የምግብ እና መጠጥ ፍላጎት ማጣት
👉የቆዳ ላይ ሽፍታ( ኣንዳንዴ ሊከሰት የሚችል) ናቸው።

#ለማጅራት_ገትር_ህመም_ተጋላጭነትን #የሚጨምሩ_ሁኔታዎች_ምንድን ናቸው?

👉ክትባት አለመከትብ
ወላጆች ልጆቻቸውን የማስከተብ ሃላፊነትን የመወጣት ግዴታ ኣለባቸው። ያልተከተቡ ከሆነ በዚህ በሽታ የመያዝ እድልዎ ይጨምራል።
👉እድሜ
በአብዛኛው በቫይረስ ምክንያት የሚከሰት ማጅራት ገትር እድሜአቸው ከ5 ኣመት በታች የሆኑትን ሲያጠቃ በባክቴርያ ምክንያት የሚከሰተው ደግሞ ከ20 አመት እድሜ በታች ባሉት ይስተዋላል።
👉በሽታን የመከላከል አቅም መዳከም
👉በኤች አይ ቪ ቫይረስ የተጠቁ
👉የስኳር ህመም ያለባቸው
👉የአልኮል መጠጥን አብዝተው የሚያዘወትሩ እና በሽታ የመከላከል አቅምን የሚያዳክሙ መድሃኒቶችን የሚውስዱ ሰዎች በማጅራት ገትር የመጠቃት እድላችው ከፍተኛ ነው።
👉እርግዝና
በእርግዝና ወቅት ለተለያዪ ለኢንፌክሽን ዓይነቶች የመጋለጥ ሁኔታ ስለሚጨምር በማጅራት ገትርም ሊከሰት ይችላል።
👉የአኗኗር ሁኔታ
ሰዎች በብዛትና በተጨናነቀ ሁኔታ ሊተላለፍ ይችላል።

#ሀኪምዎን_ማማከር_የሚገባዎ_መቼ_ነው?

የማጅራት ገትር ህመም ካልታከመ ኣደገኛ እና በአጭር ጊዜ ውስጥ ህይወትን ሊይሳጣ ስለሚቸል እንዲሁም ደግሞ ዘግይቶ ህክምና የሚጅመር ከሆነ የአንጎል ችግርን ስለሚያስከትል ከታች የተገለጹት ምልክቶች ያሉበት ሰው ወደ ሀኪም በአፋጣኝ ሄዶ መታየት ይግባዋል።
በማጅራት ገትር ምክንያት ሊከሰቱ የሚችሉ ችግሮች በጣም የከፉ ሊሆኑ ይችላሉ።
አንድ ሰው ሳይታከም ከበሽታው ጋር የሚቆይ ከሆነ የሚጥል በሽታ እና ሌሎች ከአንጎል ጋር የተገናኙ ጉዳቶች ይደርስበታል።
እነዚህም፤
👉የመስማት ችሎታን ማጣት
👉የማስታዎስ ችግር
👉የመማር ብቃትን ማጣት
👉ሚዛን ጠብቆ የመቆም እና የመራመድ ችግር
👉የኩላሊት ህመም ናቸው።
ተገቢውን ህክምና በአፋጣኝ የሚያገኝ ታካሚ ግን ከህመሙ በሚገባ ማገገም ይችላል።

#የማጅራት_ገትር_ህመምን_እንዴት_መከላከል እንችላለን?
በአብዛኛው ማጅራት ገትርን የሚያመጡ ባክቴርያና ቫይረሶች #በማስነጠስ #በሳል እና የተለያዩ የመገልገያ ቁሳቁሶችን በመጋራት የሚተላለፉ ስለሆኑ ከዚህ በታች የተጠቀሱትን በመተግበር መከላከል ተገቢ ነው።
👉እጅዎን በሚገባ መታጠብ
እጅዎን በሚገባ በሳሙና መታጠብ የተለያዩ ጀርሞችን እንዲከላከሉ ስለሚረዳም ሙሉ ቤተሰብዎን በተለይ ደግሞ ከምግብ በፊትና በኋላ መጸዳጃ ከተጠቀሙ በኃላ በሚገባ መታጠብ እንደሚገባ ማስተማር ተገቢ ነው።
👉የግል ጽዳትዎን መጠበቅ
የመመገቢያና የመዋቢያ የመሳሰሉትን እንዲሁም የጥርስ ብሩሽ ከማንም ሰው ጋር በጋራ አለመጠቀም
👉ጤናዎን ይጠብቁ
በቂ እረፍት እና እንቅስቃሴ እንዲሁም ጤናማ አመጋገብ በሽታ የመከላከል አቅምን ያዳብራል።
👉በሚያስልዎ እና በሚይስነጥስዎ ጊዜ አፍንጫዎንና አፍዎን ሸፍነው መሆን ይኖርብዎታል።
👉ክትባት
ልጅዎችዎ ክትባታቸውን በሙሉ ማጠናቀቃቸውን በሀላፊነት መከታተል አስፈላጊ ነው። በዘመቻ የሚካሄድ ክትባት በሚሰጥ ጊዜም መከተብ ተገቢ መሆኑን በመረዳት ተሳታፊ መሆን ይኖርቦታል።

#መልካም_ጤና

#ካታራክት

#ካታራክት የምንለው የህመም ስሜት የሌለውና ሌንስ የምንለውን የአይናችንን ክፍል ጋርዶ የሚቆይ እና ብርሃን ወደ ሬቲና እንዳይገባ የሚከላከል ግርዶሽ የሚፈጠርበት ሁኔታ ነው።

#ካታራክት_እንዴት_ሊከሰት_ይችላል?

👉የእድሜ መጨመር እና
👉ለፀሀይ ብርሃን መጋለጥ
ካታራክት እንዲከሰት ምክንያቶች በመሆን ይጠቀሳሉ።
#ካታራክት በአይን ላይ በሚደርስ ጉዳት በተለያዩ የአይን ህመሞች ምክንያት ሊከሰት ይችላል። እነዚህም እንደ #ስኳር_ህመም እና የተለያዪ የመድሀኒት አይነቶች ናቸው።
አንዳንዴም ህፃናት ከካታራክት ጋር ሊወለዱም ይችላሉ።

#የካታራክት_ምልክቶች_ምንድን_ናቸው?

👉ካታራክት የእይታ ችግርን ያስከትላል። #ብዥታ #መደብዘዝ ወይም #በዳመና #የተጋረድ #የሚመስል #እይታ።
👉የፀሀይ ወይንም የመብራት ብርሀን በሚያዪ ጊዜ በጨረር መብዛት ምክንያት በጨለማ መኪና ለማሽከርከር መቸገር።
👉በተደጋጋሚ የሚታዘዝልዎን መነፅር መቀየር የሚያስፈልግዎ ሲሆን።
👉 በአንደኛው አይናችን ብዥታ የመኖር ሁኔታ
👉 ካታራክት ሙሉ ለሙሉ እይታን እንዳይኖረን የሚያደርገው እጅግ ዝግመታዊ በሆነ ሁኔታ ሲሆን አንዳንዴም ምንም አይነት የእይታን ችግር ላይፈጥርም ይችላል።

#ካታራክት_ህመም_እንዴት_ሊታወቅ_ይችላል?

ሀኪምዎ አይንዎን በመመልከትና የተለያዪ ጥያቄዎችን በመጠየቅ ካስፈለገም ሌሎች እይታን የሚከለክሉ ህመሞች አለመኖራቸውን ለማረጋገጥ ምርመራዎችን በማድረግ ለማወቅ ይቻላል።

#ካታራክትን_እንዴት_ማከም_ይቻላል?

👉የቀዶ ጥገና ካታራክትን የማከሚያ መንገድ ሲሆን ይህም የሚደረገው በካታራክቱ ምክንያት የእለት ተእለት ኑሮአቸውን ለመግፋት የሚከብድ ደረጃ ላይ ሲደርስ ነው።
👉ካታራክት ህመምን በህክምና ባለሞያ የታዘዘ መነፅር በማድረግ የእይታ ችግሩን በመጠኑም መቀነስ የሚቻል ቢሆንም ሊያሻሻል ይችላል።
👉ከካታራክት ጋር የሚወለዱ ህፃናትና በአይን ላይ በሚደርስ ጉዳት ምክንያት የሚከሰቱ የካታራክት ችግሮች የቆዳ ጥገና ህክምና ያስፈልጋቸዋል።

#ካታራክትን_እንዴት_መከላከል_ይቻላል?

👉ካታራክትን መከላከል የሚቻልበት መንገድ ባይኖርም ካታራክት እድገቱን ግን በዝግታ እንዲሆን ማድረግ ይቻላል ይህም
👉ሲጋራን ማጤስ በማቆም
👉የፀሃይ መከላከያ መነፅር ወይንም ኮፍያ በማድረግ
👉ጤናማ አመጋገብ እና
👉የስኳር ህመምን ካለ መቆጣጠር ተገቢ ነው።

#መልካም_ጤና

#ኒውሮብፋይብሮማቶሲስ

(Neurofibromatosis) በዘረመል መዛባት ምክንያት የሚመጣ በሽታ ሲሆን የነርቭ ህዋሳቶች እድገት ላይ ተፅእኖ አለዉ ይሄም የሰዉነታችን ቆዳ እንዲሁም አይናችን አካባቢ እና የተለያዩ የሰዉነታችን አካላት ላይ ባሉ የነርቭ ጫፎች ላይ የሚወጣ እባጭ ነዉ።

#ሁለት_አይነት_ኒውሮብፋይብሮማቶሲስ_አለ

#እነዚህም
👉Neurofibromatosis 1 :- ሲሆን ምልክቱም በተለይ በቆዳ ላይ የሚወጡ አነስ ያሉ ቡናማ እባጮች እንዲሁም ብብት አካባቢና ንፊፊት አካባቢ የሚወጡ በመጠን ቀለል ያሉ ብዛት ያላቸው እባጮች ናቸው
👉Neurofibromatosis 2 :-ሲሆን በቆዳ ላይ ተለቅ ያሉ እንደ ጆሮ የተነጠለጠሉ እባጮች እና የጡንቻዎች መላላት ከዚህም በተጨማሪ የአይን ሞራን ጨምሮ የመስማት ችግርንም ያስከትላል

#ህክምናዉ

እስካሁን ምንም አይነት መከላከያም ሆነ ህክምና አለተገኘለትም ነገር ግን አንዳንድ ጊዚያዊ የሆኑ ህክምና ዘዴ አለ እነዚህም
በቀዶ ህክምና እባጮቹን ማስወገድ በመጀመርያ ግን እባጮቹ በሚወጡበት ግዜ ሌላ ችግር እንደማያመጡ መታወቅ አለበት
በህፃናት ላይ ይህ በሽታ ሲከሰት ቶሎ ማወቅና በየአመቱ ያለውን ለዉጥ መከታተል ህክምናዉን ቀለል ያረገዋል

ለመረጃዉ 👍 አይንፈጉን

#መልካም_ጤና

#ሪህ (Gout Arthritis)

#የሪህ ሕመም የሚከሰተዉ ዩሪክ አሲድ የተባለው ኬሚካል በአጥንት መገጣጠሚያዎች ውስጥ በሚከማችበት ወቅት ነው፡፡ ይህ ዩሪክ አሲድ የተባለው ኬሚካል የሚገኘው ፕሮቲንን በዉስጣቸዉ ከያዙ ምግቦች ነው፡፡ የሪህ ችግር አንድ ጊዜ ከጀመረ በኋላ የመከላከያ ዕርምጃዎችን ካልወሰድን የመመላለስ ባህርይም አለዉ፡፡
የአጥንት መገጣጠሚያዎች በተለይም በእግራችን #የአውራ_ጣት #በቁርጭምጭሚት #በጉልበት #በእጃችን #የክንድ እና #የእጅ መገጣጠሚያዎች ላይ ተከማችቶ ይገኛል፡፡

#የሪህ_ህመም_ስሜት_ቀስቃሽ_ሁኔታዎች

👉 ዉስጣዊ የሆኑ ህመሞች
👉 አልኮል መጠጦችን ማዘዉተር
👉ፕሮቲን የበዛባቸው የምግብ ዓይነቶችን መመገብ (ስጋ፣ሽሮ የመሳሰሉት)
👉 የሰዉነት ቁስለት
👉 ድካም
👉ጭንቀት
👉በሃኪም የታዘዘን የሪህ መድኃኒት ማቆም ናቸዉ፡፡

#የሪህ_ህመም_ምልክቶች_ምንድን_ናቸዉ ?

👉 ከአንድ ወይንም ከዛ በላይ በሆኑ መገጣጠሚያዎች ላይ የሚኖር ኃይለኛ የሕመም ስሜት፡፡
👉 የመገጣጠሚዎች ማበጥ፣ መቅላት እና የሙቀት መጠን መጨመር
👉ትኩሳት መኖር
👉ብርድ ብርድ ማለት ናቸዉ

#ሪህ_ተደጋግሞ_እንዳይመጣ_ምን_ማድረግ #ይገባል ?

👉ፕሮቲን ያላቸውን ምግቦች በተለይም ቀይ የበሬ ሥጋ፣አሳ፣እንቁላል፣የመሳሰሉት ምግቦች መቀነስ ወይንም ለጊዜው ማስወገድ፣
👉ውሃ በብዛት መውሰድ፣
👉የአልኮል መጠጦችን አለመጠጣት፣
ከላይ የተጠቀሱት የሕመም ስሜቶች ሲሰማዎትም ሐኪምዎን ማማከር የኖርቦታል፡፡

#መልካም_ጤና

#መጥፎ_የአፍጠረንን_ለመከላከል_ወይንም #ለመቀነስ_ማድረግ_ያለብዎትን_ያውቃሉ ?

👉የአፍዎን ንጽህና በሚገባ ይጠብቁ፡- ጥርስዎን ቢያንስ በቀን ሁለት ጊዜ ማጽዳት እንዳለብዎ ይወቁ ከተቻለ ከምሳ በኋላም ለማጽዳት የጥርስ ብሩሽና የጥርስ ሳሙና በቦርሳዎ በመያዝ ጥርስዎን ያፅዱ፡፡
👉 ፈሳሽ በብዛት ይውሰዱ፡- ውሃን መጠጣት በአፍ ውስጥ እርጥበትን ሰለሚፈጥር በብዛት እንዲወስዱ ይመከራል፡፡ ከስኳር ነፃ ሆኑ ማስቲካዎችና ከረሜላዎች መውሰድ በአፍ ውስጥ (Saliva) ምራቅ እንዲመነጭ በማድረግ በአፍ ውስጥ የቀሩ ምግብና ባክቴሪያዎችን እንዲያጥብ ያደርጋል፡፡
👉ሲጋራን ማጤስ ማቆም፡- ሲራጋ ማጤስ ለመጥፎ የአፍ ጠረን መኖር ምክንያት ስለሚሆን
ማቆም ይኖርብዎታል፡፡
👉የሚወስዱትን ምግብ ወይንም መድኃኒት መጥፎ የአፍ ጠረን እንደሚያመጣብዎ ካወቁ ወደጥርስ ሐኪምዎ በመሄድ ማሳየት ተገቢ ነው፡፡
👉የጥርስ ሐኪምዎን በዓመት አንዴ እንዲያይዎት ማድረግ እንዲሁም በሕክምና የታገዘ ባለሙያዊ የጥርስ ዕጥበት በዓመት አንድ ጊዜ ማድረግ መጥፎ የአፍ ጠረን እንዳይኖር ያደርጋል

#መልካም_ጤና

#የጀርባ_ሕመምዎን_ለማስታገስ_የሚረዱ #ጠቃሚ_ምክሮች

👉 #አቋምዎን_ያስተካክሉ

የጀርባ ሕመም የሚያሰቃይዎት ከሆነ በመጀመሪያ አቀማመጥዎን እና ከባድ ዕቃን የሚይዙበትን ሁኔታ ያስተካክሉ፡፡ ለብዙ ሰዓት ተቀምጠው የሚሠሩ ከሆነ ለወገብዎ መደገፊያ ማዘጋጀት ይኖርብዎታል፡፡ ከመቀመጫዎ ሲነሱ ቀጥ ብለው መነሳት እና ክብደት ያላቸውን ዕቃዎች በሚያነሱበት ጊዜ ከጉልበትዎ በርከክ ብለው ጀርባዎን ቀጥ በማድረግ መሆን አለበት፡፡
የኤሎክትሮኒክስ ዕቃዎችን የሚጠቀሙበትን ሰዓት ይቀንሱ
በሥራም ሆነ በማኅበራዊ ጉዳይ ምክንያት ለረጅም ሰዓታት ከኮምፒዩተሮችና ሌሎች የኤሎክትሮኒክስ ዕቃዎች ላይ የሚያሳልፉትን ጊዜ መወሰን ተገቢ ነው፡፡ አጎንብሰን እና ለረጅም ሰዓት ተቀምጠን የምንጠቀምባቸው ከሆነ የጀርባ ሕመም እና የራስ ምታትን ያስከትላሉ፡፡

👉 #መደበኛ_የአካል_ብቃት_እንቅስቃሴን #ያድርጉ

የጀርባ ሕመምን ቀላል በሚባል የአካል ማፍታታት እና አንገትን እና ወገብን በማንቀሳቀስ መከላከል ይችላሉ፡፡

👉 #ጭንቀትን_ይቀንሱ

ጭንቀት ለብዙ ዓይነት ሕመሞች እንደ ምክንያት የሚጠቀስ ሲሆን ከጀርባ ሕመም ጋርም ተያያዥነት እንዳለው ጥናቶች ያሳያሉ፡፡ ስለዚህም ለራስዎ ጊዜ በመስጠት እና በመዝናናት ጭንቀትዎን ይቀንሱ፡፡

👉 #የሰውነት_ክብደትዎን_ይቀንሱ

የሰውነትዎ ክብደት መጨመር በተለይም በወገብ አካባቢ ስብ ከተከማቸ የጀርባ ጡንቻዎችን ስለሚጎዳ የጀርባ ሕመም ተጠቂ ይሆናሉ፡፡ አመጋገብዎን ማስተካከል እና ክብደትዎን መቀነስ የጀርባ ሕመምዎን ይቀንሳል፡፡

👉 #በቂ_ዕረፍት_ያድርጉ

በቂ እረፍት ማድረግ ለሙሉ ጤናማነት ጠቃሚ ነው፡፡ እንቅልፍ በሚተኙ ጊዜ በጎንዎ በኩል መተኛት የጀርባ ሕመምዎን ይቀንሳል፡፡

👉 #በቂ_የፀሐይ_ብርሃን_ያግኙ

የፀሐይ ብርሃን ቢያንስ በቀን ለ10 ደቂቃ መውሰድ ለአጥንትዎ ጠንካራነት እጅግ ጠቃሚ እና ለጀርባ ሕመምዎ አንደኛው መፍትሔ ሊሆን ይችላል፡፡

👉 #ሲጋራ_ማጤስን_ያቁሙ

ሲጋራ ማጤስ ወደ ታችኛው የጀርባችን አጥንቶች የሚሄደውን የደም ዝውውር ስለሚቀንስ ለጀርባ ሕመም ይዳርጋል፡፡ ስለዚህም ሲጋራ ማጤስዎን እንዲያቆሙ ይመከራል፡፡

#መልካም_ጤና

#የማይግሬን_ራስ ምታት

#የማይግሬን ምልክቶች የምንላቸው

👉ከፍተኛ ራስ ምታት ከደቂቃዎች እስከ ሰአታት የሚቆይ ብዙን ጊዜ በአንድ በኩል ከፍሎ የሚሠማ ህመም በተጨማሪም
👉የማቅለሽለሽ
👉የድብርት እና
👉ማስመለስ ከከባድ ራስምታት ጋር ተያይዞ ሊኖሩ ይችላሉ ።

#የማይግሬን_ራስ_ምታትን_ቀስቃሽ_የሆኑ #ምክንያቶች_በጥቂቱ

👉ምግብ

የቆዩ ምግቦች፤ ጨው የበዛባቸው ምግቦች እና የታሸጉ ምግቦችን መመገብ ለማይግሬን ራስ ምታት መቀስቀስ ምክንያት ናቸው፡፡ ምግብ ሳይመገቡ መቆየትም ማይግሬንን ሊያስነሳ ይችላል፡፡

👉መጠጥ

የአልኮል መጠጥ መውሰድ ወይንም ካፌን የበዛባቸውን መጠጦችን መውሰድ የራስ ምታትን ሊቀሰቅስ ይችላል፡፡

👉ምግብ ማጣፈጪያዎች

በታሸጉ ምግቦች ውስጥ የሚጨመሩ ምግብ ማጣፈጫዎች እና ምግቦች ሳይበላሹ እንዲቆዩ የሚያደርጉ ኬሚካሎች የማይግሬን ራስ ምታትን ይቀሰቅሳሉ፡፡

👉ጭንቀት

በግል ሕይወት ወይንም በሥራ ምክንያት የሚፈጠር ጭንቀት የራስ ምታትን ይቀሰቅሳል፡፡

👉እንቅልፍ ላይ የሚመጡ ለውጦች

በቂ እንቅልፍ አለማግኘት ወይንም ከበቂ በላይ እንቅልፍ መተኛት የማይግሬን ራስ ምታትን ሊቀሰቅስ ይችላል፡፡

👉የአካባቢ ለውጥ

በአካባቢያችን በሚፈጠር የአየር ንብረት ለውጥ ምክንያት የማይግሬን ራስ ምታት ሊነሳ ይችላል፡፡

👉ከፍተኛ የሆነ ብርሃን፤ የሚጮህ

ድምፅ፤ያልተለመደ ሽታ (የሽቶ፤የቤት ቀለም) ሲጋራ እና የመሳሰሉት የማይግሬን ራስ ምታትን የቅሰቅሳሉ፡፡

#ህክምናው

ህመሙን በቶሎ ማስታገስ እናም ወደፊት እንዳይደጋገም ማድረጉ ላይ ያተኩራል ለዚም የሚወሠዱ የህመም ማስታገሻዎች አሉ ።

በዋናነት መንስዔዎችን እና ቀስቃሽ ነገሮችን በመለየት ጥንቃቄ ማድረግ ተመራጭ ህክምና ነው ።

#መልካም_ጤና

#የጆሮ_ማሳከክ_ምክንያቶች_በጥቂቱ

ጆሮ ለመስማት የሚያገለግለን የሰውነታችን ክፍል ነው ከዚህም ባለፈ ጆሮ ሚዛንን ለመጠበቅም ጠቀሜታ አለው። ጆሮ በተለያየ ምክንያት ሲጎዳ ከሚከሰቱ ምልክቶች አንዱ የማሳአክ ስሜት ነው።
የጆሮ ማሳከክ መንስኤዎችን ማወቅ በቶሎ መፍሄዎቻቸውን እንድንፈልግ ይረዳናል። ከዚህ በታች የተዘረዘሩት ለጆሮ ማሳከክ መንስኤዎችም ናቸው።
👉 የጆሮ ኩክ መከማቸት
የጆሮ ኩክ (Earwax) የምንለው ሰውነታችን የሞቱ ሴሎችንና ቆሻሻዎችን የሚያጸዳበት መንገድ ሲሆን በብዛት በሚገኝበት ወቅት ግን የማሳከክ ስሜትን ይፈጥራል።
ጆሮን ለማጽዳት መሞከር ኩክ ይበልጥ ወደ ውስጥ እንዲገባ ስለሚያደርግ ይህን ከማድረግ ይቆጠቡ። ወደ ሀኪም በመሄድ ከታዪና ትክክለኛ ምክንያቱ የኩክ መጠራቀም ሆኖ ከተገኘ በጠብታ መድሀኒት ወይንም በህክምና ባለሞያ እርዳታ እንዲወጣ ይደረጋል።
👉ኢንፌክሽን
የጆሮ ማሳከክ አንዳንዴ ደግሞ የ ኢንፌክሽን መኖር ምልክት ይሆናል። ጉንፋንን ወይንም ቶንሲልን የሚያስከትሉ ባክቴርያና ቫይረስ በደም ተዘዋውረው ወደ ጆሮ በመሄድ ኢንፌክሽን እንዲፈጠር ያደርጋሉ።
ውሀ ዋና የሚዋኙ ሰዎችም ውሃው በጆሮ ውስጥ ለረጅም ጊዜ ስለሚቆይ እና ተፈጥሮአዊ የሆነውን ጀርሞችን የመከላከል አቅም በእርጥበት ምክንያት እንዲያጣ ስለሚያድርግ ሌላው የ ኢንፌክሽን መንስኤ ተደርጎ ይወሰዳል።
የማሳከክ ስሜቱ እንዲጠፋ ወደ ሀኪም በመሄድ ጸረ ባክቴርያ የሆኑ የጆሮ መድሀኒቶችን መጠቀም ተገቢ ነው።
👉የቆዳ አለርጂ
በጆሮዎ ውጨኛው ክፍል የሚገኘው ቆዳዎ በአለርጂ ምክንያት የማሳከክ ስሜትን ሊያመጣ ይችላል።
የመዋቢያ ቅባቶች ወይንም ቁሳቁሶች አለርጂን ሊይስከትሉ ይችላሉ። የማሳከክ ስሜቱ እንዲጠፋ አለርጂው የተከሰተበትን ምክንያት ተከታትሎ ማወቅ ያስፈልጋል። ከዛም መጠቀም ማቆም ተገቢ ነው።
👉ጆሮን በሹል እና ጎጂ ሊሆኑ በሚችሉ እንደ ጸጉር ሻጤ፣ አግራፍ፣ የክብሪት እንጨት በመሳሰሉት ማጽዳት የጆሮ ቆዳን ለመሰንጠቅ ስለሚችል ለኢንፌክሽን ይዳርጋል ከዚህም ባለፈ የጆሮን ውስጣዊ ክፍል በመጉዳት የመስማት ችሎታችንን ሊያሳጣን ይችላል።

#መልካም_ጤና

💊💊 💊💊
ውድ #የመሀደረ_ጤና ቻናል ተከታታዮች እባካችሁ ቻናሉን #MUTE አድርጋችሁ የምትጠቀሙ #UNMUTE አድርጋችሁ ተጠቀሙልን እባካችሁ🙏 የኛ ክፍያችን ጤናን በተመለከተ የምንለቀዉ መረጃ ሁላችሁም ጋር ደርሶ ትንሽ ስለ ጤናችን ያለንን መረጃ ከፍ ለማድረግ ነው ከናተም ለሚደርሰን ጥያቄ መልስ ለመስጠት ነው እና አባካችሁ #UNMUTE አድርጋችሁ ተጠቀሙ ✋እናመሰግናለን✋

ስለቻናሉ ያሎትን አስተያየት በ @Teenaa_bot
አድርሱን

ሀሳቡን የደገፋችሁ አብሮነታችሁን 👍👍 በዚህ
አሳዩን

#መልካም_ጤና

#ታይፈስ (Typhus)

#ታይፈስ ሪኬትስያ በሚባል የባክቴሪያ ዓይነት አማካኝነት የሚመጣ የሕመም ዓይነት ሲሆን፣ የታይፈስ ዓይነቶች በዋነኛ ደረጃ
#በሁለት #ይከፈላሉ
ነገር ግን ሌሎች የታይፈስ አይነቶችም ይገኛሉ፡፡
👉Epidemic Typhus
በወረርሽኝ መልክ የሚመጣ ታይፈስ ሲሆን ይህ የታይፈስ ዓይነት በሪኬትሲያ ፕሮዋዚክ በሚባል ባክቴሪያ ዓይነት የሚከሰት ሲሆን ባክቴሪያውን አስታላላፊዎች ደግሞ በሰውነት ላይ በሚገኙ ቅማሎች ናቸው፡፡
👉Murine Typhus (ሙሪን ታይፈስ) የምንለው ሁለተኛው የታይፈስ ዓይነት ሲሆን ይህ ደግሞ ሬኬትሲያ ታይፈስ በሚባለው ባክቴሪያ ምክንያት የሚመጣ ነው የባክቴሪያው አስተላላፊዎች በአይጦች ላይ የሚገኝ ቁንጫ ናቸው
#በወረርሽኝ_መልክ_የሚመጣ_የታይፈስ #ሕመም_(Epidemic Typhus)_ምልክቶቹ
👉ከፍተኛ የሆነ ትኩሳት
👉 የመገጣጠሚያ ሕመም
👉የጀርባ ሕመም ስሜት
👉 የደም ግፊት መጠን መቀነስ
👉የሰውነት ላይ ሽፍታ
👉 ከፍተኛ የሆነ የራስ ምታት
👉 ከፍተኛ የሆነ የጡንቻ ሕመም
#ሙሪን_ታይፈስ_(Murine Typhus)
#ምልክቶቹ
👉እጅግ ከፍተኛ የሆነ ትኩሳት
👉 የሆድ ሕመም ስሜት
👉 የጀርባ ሕመም ስሜት
👉 ደረቅ ሳል
👉 ከፍተኛ የሆነ የራስ ምታት ስሜት
👉የሚገጣጠሚያ ሕመም ስሜት
👉የጡንቻ ሕመም
👉ማስመለስ
👉በሰውነት ላይ የሚወጣ ሽፍታ
👉ብርድ ብርድ ማለት ናቸዉ፡፡
#ለታይፈስ_ሕመም_ተጋላጭ_የሚያደርጉ #ሁኔታዎች
👉 በተጨናናቀ እና ሰው በበዛበት አካባቢ መኖር
👉 ከከተማ/ከአገር የወጡ ከሆነ
👉 የታይፈስ ወረርሽኝ በመኖሪያ አካባቢዎ የመጣ ከሆነ
#የታይፈስ_ሕመም_ሊያስከትል_ከሚችላቸዉ #ሌሎች ሕመሞች
👉የጉበት ሕመም (ኢንፌክሽን)
👉 የአንጀት ውስጥ መድማት የመሳሰሉት ናቸው፡፡
#የታይፈስ_ሕመምን_ለመከላከል_መደረግ #ያለባቸው_ጥንቃቄዎች፣
👉የግል ንጽሕናን በሚገባ መጠበቅ
👉 በቤትዎ ውስጥ የሚገኙ የአይጥ ዝርያዎችን ማጥፋት
👉የታይፈስ ሕመም ወረርሽኝ ያላባቸው አካባቢ አለመሄድ ናቸው፡፡
የታይፈስ ሕመምን በምልክቶች ብቻ መለየት ከባድ የሚሆን ሲሆን ይህም ከሌሎች ሕመሞች ጋር ተመሳሳይ ምልክቶች ስለሚያሳይ ነው፡፡
ከላይ የተጠቀሱት ምልክቶች ሲሰማዎ ወደ ሐኪም በመሄድ አስፈላጊውን ምርመራ ማድረግ ተገቢ ነው፡፡

#መልካም_ጤና

#የማስታወስ_ችሎታዎን_እንዴት_ማሻሻል #ይችላሉ ?

👉 ሕይወትዎን በፕሮግራም ይምሩ

👉አዕምሮዎን የሚያነቃቁ ጨዋታዎችን ይጫወቱ

👉 የአካል ብቃት እንቅስቃሴ ያድርጉ

👉 ጭንቀትን ይቀንሱ እና በቂ ዕረፍት ያድርጉ

👉 ለጤና ተስማሚ የሆኑ ምግቦችን ያዘውትሩ

👉በቂ እንቅልፍ ይውሰዱ

👉የሚያገኙትን መረጃ በምድብ ከፍለው
ያስቀምጡ

👉ነገሮችን ከፋፍለው ለማስታወስ ይሞክሩ

👉በቡድን የሚደረጉ ውይይቶች ላይ ተሳታፊ ይሁኑ

👉ለማስታወስ እንዲጠቅምዎ ደጋግመው
በአዕምሮ ያመላልሱ

#መልካም_ጤና

#የኮሮና_ቫይረስ_ምልክቶች

ዋና ምልክቶች (Major Indicators)
👉ትኩሳት (Fever)
👉ሳል (Cough)
የምግብ መፈጨት ችግር
👉ማስመለስ (Vomiting)
👉ተቅማጥ (Diarrhea)
👉የምግብ ፍላጎት መቀነስ (Loss of Apetite)

የነርቭ ምልክት (Nerve Symptoms)
👉የራስ ህመም (Head Ache)
👉የእይታ ችግር (Vision Problems)
👉የአይን ማቃጠል ወይም መለብለብ ናቸው።

#የቫይረሱ_መተላለፊያ_መንገዶች

በቻይና የተከሰተው የኮሮና ቫይረስ (Coronavirus) ወረርሽኝ ከሰው ወደ ሰው የሚተላለፍ መሆኑ የተረጋገጠ ሲሆን በቫይረሱ ከተያዘ ሰው ወደ ጤነኛ ሰው በሚከተሉት መንገዶች በሚከተሉት መንገዶች ይተላለፋል፦
👉በበሽታው የተያዘ ሰው በሚያስልበት ወይም በሚያስነጥስበት ወቅት በአየር ይተላለፋል
👉በበሽታው ከተያዘ ሰው ጋር ከተነካካን ወይም እጅ ለእጅ ከተጨባበጥን (ሰላምታ)
👉ቫይረሱ ያለበትን ዕቃ ወይም ቁስ ከነካን በኋላ አፋችንን፣ አፍንጫችንን ወይም አይናችንን ከነካን በቫይረሱ በቀላሉ እንያዛለን

#ቫይረሱን_ለመከላከል_ምን_ማድረግ #አለብን?

ለኮሮና ቫይተስ የሚሆን ክትባት እስካሁን አልተሰራም፤ ለኮሮና ቫይረስ ኢንፌክሽንን ለመከላከል የሚረዳን ልክ ጉንፋን እንዳይዝዎት የሚያደርጉትን አይነት ጥንቃቄ ያድርጉ
👉እጅዎን ለብ ባለ ውሃ እና ሳሙና ይታጠቡ ወይም ከአልኮል የተሰሩ የእጅ ሳኒታይዘሮች (Hand Sanitizer) ይጠቀሙ
👉ህዝብ በተጨናነቀባቸው ቦታዎች ላለመሄድ ይሞክሩ
※ በሽታው ቢኖርብዎትም ባይኖርብዎትም አፍና አፍንጫዎን የሚከልል ማስክ ያድርጉ
👉አፍዎን፣ አፍንጫዎንና አይንዎን በፍጽም በእጅዎ ወይም በጣትዎ አይንኩ
👉በቫይረሱ ከተያዙ ሰዎች ጋር ያለዎትን ቅርርብ (ንክኪ) ይቀንሱ።

#መልካም_ጤና

👉ለጥንቃቄ? ይነበበ ሼር ይደረግ ላልሰሙት እናሰማ ይህንን ጹፍ ሼር ማድረግ የብዙ ሠዎችን ህይወት ከማዳን አይተናነስም።

አንብባችሁ ለሌሎችም አስተላልፉ
ኮሮና ቫይረስን መጨነቅ እና መፍራት ሳይሆን በእውቀት መራመድ ያቆመዋል!
በውሃን ቻይና በኮሮና ቫይረስ የተፈጠረውን ወረርሽንለመዋጋት በስፍራው ከሚንቀሳቀስ ግብረሃይል ጋር ለመስራት ከተሰማራ ወጣት ተመራማሪ የተገኘና ኮሮና ቫይረስ ማለት ምን ማለት እንደሆነ፣ እንዴት ከሰው ወደ ሰው እንደሚተላለፍ እንዴት በዕለት ተዕለት የህይወት እርምጃ ውስጥ የቫይረሱን ስርጭት ማስቆም እንደሚቻል የተሰጠ መረጃ!< ከሮና ቫይረስ የአፍንጫ እርጥበት እና አክታ የሚያስከትል ሳል ያለው አይደለም፡፡ በተቃራኒው አፍንጫ የማያረጥብ እና ደረቅ ሳል የሚያስከትል በመሆኑ በቀላሉ ልንረዳው የምንችለው ነው፡፡

< ቫይረሱ ከ26-27 ዲግሪ ሴንቲግሬድ ያለውን ሙቀት መቋቋም የማይችል በመሆኑ ይሞታል፡፡ ስለዚህ እንደ ሻይ፣ ሾርባ ፣ ትኩስ ውሃ ...ወዘተ ያለትን ትኩስ ነገሮች በየቀኑ ደጋግሞ መጠጣት ቫይረሱን ይገድበዋል፡፡ ትኩስ ነገሮችን መጠጣት ደግሞ ከባድ አይደለም፡፡
< በጣም የቀዘቀዘ ውሃ አትጠጡ፣ የበረዶ ኩቦችን ወይም አመዳይ/ Snow አትመገቡ! < የምትችሉ ሁሉ የጸሐይ ሙቀት ተቀበሉ፡፡

1. ኮሮና ቫይረስ ከ400-500 ናኖሜትር ዳያሜትር ርዝመት ያለው ትልቅ ቫይረስ በመሆኑ ለመከላከል የሚያስፈልገው ጭምብል ወይም ማስክ በተለየ መንገድ የተሰራ መሆን የለበትም። ማንኛውንም አይነት ጭምብል መጠቀም ይቻላል፡፡
< በቫይረሱ የተጠቁ ሰዎች በሚገኙባቸው ተቋማት የሚያክሙ የጤና ባለሙያዎች ግን የተለዩ የመከላከያ መንገዶችን መጠቀም አለባቸው፡፡

< አንድ በቫይረሱ የተጠቃ ሰው ከፊት ለፊታችሁ ከ3 ሜትር ርቀት ላይ ቢያስነጥስ ቫይረሶቹ ወደ ምድር የሚወድቁ በመሆናቸው በቫይረሱ ተጠቂ አትሆኑም፡፡

2. ቫይረሱ ብረትነት ባላቸው ገጾች/አካሎች ላይ ካረፈ በኋላ ለ12 ሠዓታት በህይወት ሊኖር ይችላል፡፡ ስለዚህ ከብረት የተሰሩ እንደ እጀታዎች፣ በሮች፣ የቤት ዕቃዎችን፣ የአውቶቡስ የባቡር ወይም የትራም መደገፊያ እጀታዎችን ወይም ምሰሶዎችን ከነካችሁ በኋላ እጃችሁን በደምብ በሳሙና መታጠብ ይገባል፡፡

3. ቫይረሱ በልብስ እና በጨርቆች ውስጥ ተሰግስጎ ከ6-12 ሰዓታት ሊኖር ይችላል፡፡ ስለዚህ መታጠብ የሚችሉትን ልብሶች በሙሉ ዘወትር በምንጠቀምባቸው ሳሙናዎች ብናጥባቸው ቫይረሱን ይገድለዋል፡፡ በየእለቱ መታጠብ የማይችሉ ልብሶችን ጸሐይ ላይ ብታሰጡዓቸው ቫይረሱን የጸሐይ ሙቀት ይገድለዋል፡፡ በቫይረሱ የመጠቃት ምልክቶች #ምን ምንድን ናቸው?

1. ቫይረሱ መጀመሪያ መቀመጫውን ጎሮሮ ላይ በማድረግ የጉሮሮ ብግነት እና የጎሮሮ ድርቀት ስሜት ያስከትላል፡፡ ይህ የህመም ስሜት ከ3-4 ቀን በሰው ላይ ሊቆይ ይችላል::

2. ቫይረሱ በመተንፈሻ ቱቦ ውስጥ ያለውን እርጥበት በመጠቀም ወደ ትራኪያ ከወረደ በኋሊ መቀመጫውን ሳምባ ውስጥ ያደርጋል፡፡

ሳምባን በማጥቃት ኒሞንያ/ የሳምባ ብግነት ያስከላል፡፡ ይህ ምልክት የሚታይባችሁ ሁሉ በፍጥነት ወደ ህክምና ሂዱ!! በቫይረሱ ላለመያዝ ምን ማድረግ ይገባል?

1. የቫይረሱ ስርጭት በአብዛኛው ቀጥታ ከንክኪ ጋር የተያያዘ ሲሆን ቫይረሱ ያረፈባቸውን ቁሳቁሶች እና ልብሶች ወዘተ... መጠቀም ዋነኛ መተላለፊያው መንገዱ ነው፡፡ ይህም ማናቸውንም ነገር ከነኩ በኋላበተደጋጋሚ እጅን በደምብ መታጠብ ዋነኛ መከላከያ መሆኑን ያስገነዝበናል፡፡

< ቫይረሱ በሰው እጅ ላይ በሕይወት መቆየት የሚችለው 10 ደቂቃ ያህል ነው፡፡ ይሁን እንጂ በአስር ደቂቃዎች ውስጥ ብዙ ነገር ሊከናወን ይችላል፡- አይንን ማሸት፣ አፍንጫን መንካት፣ ጣቶችን ወደ አፍ መውሰድ ወይም [እንደ ጥፍር የመመጥመጥ ክፉ ልማድ] ቫይረሱን በቀላሉ ወደ ጉሮሮ እንዲሄድ ሊያደርገው ይችላል፡፡

< ስለዚህ ለራሳችሁና ለባልንጀራችሁ (ለሌላው ሰው) ደህንነት ስትሉ በጣም በተደጋጋሚ እጆቻችሁን ታጠቡ፡፡

2. አፍ እና ጉሮሮን ጸረ-ተሕዋስ መድሀኒቶችን በመጠቀም መጉመጥመጥ ቫይረሱን ሊያስወግድ ወይም ወደ ጉሮሮ የሚሄዱትን መጠን ሊቀንስ ይችላል፡፡ አፍን መጉመጥመጥ ወደ ጉሮሮ ወደ ትራኪያ አልፎም ወደ ሳምባ ቫይረሱ የሚያደርገውን ጉዞ ሊያግደው ወይም ሊቀንሰው ይችላል፡፡

3. የኮምፒውተራችሁን ኪ-ቦርድ እና ማውዝ በጸረ- ተህዋስ በሚገባ አጽዱ።
እባካችሁ ይህን ክፉ በሽታ ወደ አገራችን እንዳይገባ ቅድሚያ መከላከል ከገባም ምን ማድረግ እንዳለብን ለሌሎች እንዲደርስ መረውን ሼር በማድረግ የዜግነት ግዴታችንን እንወጣ

#መልካም_ጤና

#በቻይና_ሰዎች_የሰጧቸው_ዋና_ዋና #ጠቃሚ_ምክሮች

👉ሁለት አይነት ጫማ ይኑርዎት። አንዱ ከቤት ውጪ የሚጠቀሙበት ሲሆን ሌላኛው ቤት ውስጥ የሚጠቀሙበት ይሆናል። ከቤት ውጪ የሚጠቀሙበትን በፍጹም ወደ ቤት ውስጥ አያስገቡ። ቤት ውስጥ የሚጠቀሙበትን በፍጹም ወደ ውጪ አያውጡ።
👉አንድ የተለየ ጠረጴዛ ይኑርዎት። ከውጪ የሚገዟቸውን እቃዎች ለማኖር የሚያገለግል አንድ የተለየ ጠረጴዛ ይኑርዎት። ከውጪ የሚገዟቸውን እቃዎች በሙሉ ለምሳሌ እንደ መድሐኒት: መጠጦች: አትክልቶች እና ሌሎችንም ሳይነኩ ለ24 ሰዓት በጠረጴዛው እንዲቆዩ ያድርጉ።
👉በተቻለ መጠን የገንዘብ ኖቶችንም ሆነ ሳንቲሞችን አይስጡ: አይቀበሉ። የገንዘብ ኖቶችንም ሆነ ሳንቲሞችን ወደ ወደ ቤት የሚያመጡ ከሆነ ለዚህ ጉዳይ ለይተው ባስቀመጡት ጠረጴዛ ላይ ለ24 ሰዓት አቆይተው ይጠቀሙ።
👉ሁሉንም አይነት አትክልቶች ማለትም ቀይ ሽንኩርት: ነጭ ሽንኩርት: ድንች እና ሌሎችንም በፈላ ውሃ ሙልጭ አድርገው ይጠቡ። በፈላ ውሃ ሊታጠቡ የማይችሉ አትክልቶችን አይግዙ።
👉ከቤት ከወጡ በተቻለ መጠን የእጅ ስልክዎን ይዘው አይሂዱ። ይዘው ከወጡ ደግሞ ወደ ቤት ሲመልሱ በአልኮል ያጽዱ።
👉ከቤት ከወጡ በተቻለ መጠን የቤት ቁልፎችን ይዘው አይውጡ። ይዘው ከወጡ ደግሞ ወደ ቤት ሲመልሱ በአልኮል ያጽዱ።
👉ከቤት ወጥተው ሲመልሱ እጅዎንና ፊትዎን በሳሙና ይታጠቡ። ቤት እንደተመለሱ የለበሱትን ልብስ አውልቀው እንዲታጠብ ያድርጉ።
👉ሴት እህቶቻችን ከቤት ስትወጡ ጸጉራችሁ በአግባቡ መጠቅለሉን አረጋግጡ:: ጸጉራችሁን በእጃችሁ አትነካኩ:: ፊታችሁን ጸጉር በነካ እጃችሁ አትንኩ።
👉አትክልት ለመግዛት ሲሄዱ የእጅ ጓንት ያድርጉ። ወይም አትክልቶችን ሲያነሱ የፕላስቲክ ከረጢቶችን በሁለቱም እጅዎት ማጥለቅዎትን እርግጠኛ ይሁኑ። ወደ ቤት ሲመልሱ የእጅ ጓንትዎን ማጠብዎን አይዘንጉ። በፕላስቲክ ከረጢቶች ተጠቅመው ከሆነ ወደ ቤት ሲመልሱ ወይም ወዲያውን ከተጠቀሙ በኋላ ያስወግዱ።
👉 ሁልጊዜ ከቤት ከመውጣትዎ በፊት ራስዎን እና የሚያመጧቸውን ነገሮች ደህንነት እንዴት መጠበቅ እንደሚችሉ ያቅዱና በቂ ዝግጅት ያድርጉ።
👉በጣም የግድ ካልሆነ በስተቀር ምግብ ወይም መድሐኒት ለመግዛት ባይሰለፉ ይመረጣል። መሰለፉ ደግሞ የግድ ከሆነ እስከ ሁለት ሜትር ርቀትዎን ይጠብቁ።
👉ከውሾች እና ድመቶች ጋር ያለዎትን ንክኪ ያስወግዱ።
👉. በተቻለ መጠን አረጋውያን ወደ ውጪ ባይወጡ ይመክራል። ቤት ውስጥ ያሉ ወይም በአካባቢው ያሉ ሰዎች ለአረጋውያን የሚፈልጉትን ነገር ገዝተው ቢያመጡላቸው ይመክራል።
👉 ሁልጊዜ ከቤትዎ ከመውጣትዎ በፊት ከላይ የተጠቀሱትን መልዕክቶች በመመልከት አቅደው ተግባራዊ ያድርጉ።

#መልካም_ጤና

#ቢጫ_ወባ (Yellow Fever)

#ቢጫ_ወባ_በሽታ_ምንድነው?

የሎው ፊቨር ወይም ቢጫ ወባ የሚባለው በሽታ በአይን በማይታዩ ተህዋሲያን አማካኝነት የሚመጣና የመድማት ችግር የሚያስከትል በወባ ትንኝ አማካኝነት የሚተላለፍ የትኩሳት በሽታ ነው፡፡

👉ትንኟ በበሽታው ከተያዘ ሰው ደም በምትመጥበት ጊዜ በተህዋሲያኑ ትያዛለች፤የተህዋሲያኑ ተሸካሚ የሆነች የወባ ትንኝ ከጤነኛ ሰው ደም ለመምጠጥ ቆዳውን በምትበሳበት ጊዜ የሚተላለፍ በሽታ ነው፡፡
👉በሞቃታማ ስፍራ በሚገኙ ጥቅጥቅ ባሉ ደኖች፣ በስራ ወይም መኖሪያ ቦታ ረግረጋማና የአቆረ ውሃ፤ በየቦታው የተጣሉ ውሃ የሚያቁሩ ቁሳቁሶች፣ በማይከደኑ የውሃ ማጠራቀሚያ እቃዎች ለትንኞች መራቢያነት ምቹ ስፍራዎች ናቸው፡፡

#የቢጫ_ወባ_በሽታ_ምልክቶች

የመጀመሪያ 3 እና 4 ቀናት የሚከሰቱ

👉በድንገት የሚከሰት ትኩሳት
👉ብርድ ብርድ የሚል ስሜት፣
👉 ራስ ምታትና አጠቃላይ የሰውነት ህመም፣
👉 የጀርባና የጡንቻ ህመም፣
👉 ማቅለሽለሽና ትውከት ዋናዎቹ ናቸው

#በሁለተኛ_ደረጃ_የሚከሰቱት

👉የትኩሳት ማገርሸት፤
👉የሰውነት ወይም የዓይን ቢጫ መሆን (juandice)፤
👉የሰውነት (ከዓይን፣ አፍ፣ አፍንጫ፣ ወ.ዘ.ተ.) መድማትና
👉ደም የተቀላቀለበት ትውከት ናቸው፡፡

የበሽታው ምልክት የታየባቸው ሰዎች በአስቸኳይ ሕክምና እርዳታ በጤና ተቋማት ካላገኙ ራስን መሳትና ብሎም ሞት ያስከትላል፡፡

#የቢጫ_ወባ_በሽታ_መከላከያ #መንገዶች

👉በሽታው እጅግ አስተማማኝ የሆነ ምንም ጉዳት የማያስከትል፣ በአንድ ጊዜ የሚወሰድና ለበሽታው የዕድሜ ልክ የሰውነት መከላከያ የሚፈጥር ክትባት ስላለው ክትባቱ በሚሰጥበት ወቅት በመገኘት በነፃ መከተብ በሽታውን፡ መከላከልም ሆነ በሕክምና ሙሉ በሙሉ ማዳን ይቻላል፡፡

👉ትንኟ እንዳትራባ መቆጣጠር

፦ለወባ መራቢያ ምቹ የሆኑ ቁሳቁሶችን ማስወገድ፣
፦ውሃ ያቆሩ ስፍራዎችን ማጠንፈፍ ማድረቅ
፦ለወባ መራቢያ ምቹ የሆኑ ስፍራዎችን ፀረ-ተባይ ማስርጨት፣
፦በቤት ውስጥ የወባ መግደያ ፊሊት መርጨት፡፡

እንዴት_የትንኟን_ንክሻ_እንከላከል

፦እጀ ሙሉና ረጂም ልብሶችን መልበስ
ትንኝ ማባራሪያ የሰውንተ ቅባት መጠቀም፤
፦በማንኛውም ስዓት የአልጋ አጎበር በመጠቀምና መተኛት፤
፦መኖሪያ ቤትን የትንኝ መግደያ ፍሊት በመርጨት ትንኞችን ማስወገድ፤

#የበሽታው_ምልክቶች_ሲታዩ

በአስቸኳይ በአቅራቢያ ወደ ሚገኝ ጤና ተቋም በመሄድ ሪፖርት ማድረግና ሕክምና ማግኘት ከበሽታው ለመዳን ስኬታማ ለውጥና ፈውስ ለማግኘት ወሳኝ ተግባር ነው፡፡

#መልካም_ጤና

Like and share

ለድንገተኛ የጉበት መቆጣት ምንም የሚሰጠው መድኃኒት የለም፡፡ ህመምተኛውም ከፍተኛ ካሎሪ ያላቸው ምግቦችን እንዲመገብና መልቲ ቫይታሚኖችን በመጠቀም ከበሽታው ለማገግም ይችላል፡፡ ሄፖታይተስ ቢ ኢንፌክሽን ህክምና አለው። የህክምናውም ዓላማ በደም ውስጥ ያለውን ቫይረስ እስከመጨረሻ ለመቀነስ ወይም ለማጥፋት እና የጉበት በሽታ እንዳይከሰት ወይም እንዳይባባስ ለማድረግ ነው። ህክምናው ለሁሉም ቫይረሱ በደማቸው ውስጥ ላለባቸው ሰዎች አይሰጥም። ህክምናውን ለመውሰድ የተቀመጡ መስፈርቶች አሉ። መስፈርቶቹን የሚያሟሉት ብቻ ናቸው መድኃኒቱን የሚጀምሩት። መድኃኒቱ ከመጀመሩ በፊት በደም ውስጥ ያለው የቫይረሱ መጠንና የቫይረሱ ዝርያ (ጂኖታይፕ) በምርመራ መታወቅ አለበት። ይህ የደም ናሙና ወደ ውጭ ተልኮ የሚሠራ ምርመራ ነው። ወደ ህክምናው ስንመጣ ዋናው ለቫይረሱ የሚሰጠው ህክምና «ኢንተርፌሮን አልፋ» በመባል ይታወቃል። ይህ መድሀኒት በሳምንት 3 ጊዜ ለአራት ወራት በመርፌ መልክ የሚሰጥና እጅግ በጣም ውድ የሆነ ሀገራችን ውስጥ የማይገኝ መድኃኒት ነው። ሙሉ የ4 ወር ህክምናው እስከ 300,000 ብር ይፈጃል። ህክምናው በአብዛኛው ጊዜ ቫይረሱን ሙሉ በሙሉ ከሰውነት ውስጥ ባያጠፋውም በማያገረሽ መልኩ እስከመጨረሻ አዳክሞት ምንም ዓይነት የጉበት በሽታ እንዳይከሰት ያደርጋል።
ሌላው መድኃኒት ለፀረ ኤች አይ ቪ ህክምና የም ንጠቀምባቸው መድኃኒቶች አንዱ የሆነው «ላሚቩዲን» የተባለ መድኃኒት ነው። ነገር ግን ከእዚህ መድኃኒት ጋር የተያያዙ አንዳንድ ችግሮች አሉ። ለምሳሌ ይህ መድኃኒት ከአንድ ዓመት በላይ ሲሰጥ በተወሰኑ ሰዎች ላይ ቫይረሱ መድኃኒቱን ይለማመድና መራባቱን ሊቀጥል ይችላል። ይህ ሁኔታ ቢከሰትም አንዳንድ የህክምና ኤክስፐርቶች ህክምናው ሳይቋርጥ መስጠትን ይመከራሉ። ምክንያቱም መድሀኒቱን ተለማምዶ የሚፈጠረው ቫይረስ የመራባት አቅም የሌለው የከፋ ጉዳት የማያስከትል ደካማ ቫይረስ ስለሚሆን ነው።

#በሽታውን_ እንዴት_መከላከል_ይቻላል?

በሽታውን በሁለት ዓይነት መንገድ መከላከል ይቻላል። የመጀመሪያው የተፈጥሮ መከላከያ ሲሆን፤ በሽታው ሲከሰት ሰውነታችን የተፈጥሮ መከላከያ በማመንጨት ራሱን የሚያድንበት ነው፡፡ በእዚህ ዓይነት መንገድ የዳኑ ሰዎች ቫይረሱ ከሰውነታቸው ከጠፋ በድጋሚ ለበሽታው አይጋለጡም፡፡ አርቴፊሻሉ መከላከያ ደግሞ በክትባት መልክ የሚሰጥ ነው፡፡ ይህም «ፓሲቭ» እና «አክቲቭ» ተብለው ይጠራሉ፡፡ የፓሲቭ ህክምና ፀረ ህዋሱ በአንቲ ቦዲ መልክ ተዘጋጅቶ ይሰጣል፡፡ አክቲቩ ደግሞ ክትባቱን ከተከተበ በኋላ በደም ውስጥ አንቲ ቦዲ እንዲፈጠር ያደርጋል፡፡

ሄፖታይተስ ቢ በቀላሉ ከሰው ወደ ሰው የሚተላለፍ በሽታ ነው፡፡ ከኤች አይቪ ጋር ሲወዳደር ሃምሳ ከመቶ በላይ እጥፍ ነው፡፡ በኤች አይቪ በተበከለ መርፌ አንድ ሰው ቢወጋ በቫይረሱ የመያዝ ዕድሉ ዜሮ ነጥብ ሦስት ከመቶ ሲሆን ፤ በሄፖታይተስ ቢ ከሆነ ግን ከስድስት እስከ ሠላሳ ከመቶ ይደርሳል፡፡

የበሽታው ተጋላጮች የትኞቹ የኅብረተሰብ ክፍሎች ናቸው?
ከ15 ዓመት ዕድሜ በታች ያሉ ያልተከተቡ ሕፃናት በሽታውን ለመከላከል የተዘጋጀውን ክትባት መከተብ ይኖርባቸዋል። ክትባቱ በሦስት ዙር ማለትም የመጀመሪያ፣ ከወር በኋላ እና ከስድስት ወር በኋላ የሚሰጥ ሲሆን፤ እስከ አሥር ዓመት ድረስ የመቆየት አቅም አለው፡፡ በከፍተኛ ሁኔታ ለበሽታው ተጋላጭ የሆኑት የኅብረተሰብ ክፍሎች ከበርካታ ሰዎች ጋር ልቅ የፆታ ግንኙነት የሚያደርጉ፣በጣም የታመመ የቤተሰብ አባል ያላቸው ቤተሰቦች፣ ቫይረሱ ያለበት የትዳር አጋር ያለው ሰው፣የጤና ባለሞያዎች፣ በጤና ችግር ምክንያት በተደጋጋሚ ደም የሚለገሳቸው ህሙማን ናቸው።

#ምክር

ቫይረሱ በደሙ ውስጥ ያለበት አንድ ሰው ስለመድኃኒቱ ከመጨነቅ ይልቅ ጉብቱ ላይ ጉዳት ከሚያደርሱ ነገሮች ራሱን እየጠበቀ (እንደ አልኮል ያለ፣ ሐኪም ትዕዛዝ የሚወሰድ መድኃኒት፣ ያበሻ መድሀኒት) በተወሰነ ጊዜ ርቀት ቋሚ የህክምና ክትትል ቢያደርግ በቂ ነው እንላለን።

#መልካም_ጤና

Like and share

#ሪህ

ሪህ በአጥንት መገጣጠሚያዎች ላይ ከፍተኛ የሆነ ህመም የሚያስከትል የህመም ዓይነት ነው፡፡ዩሪክ አሲድ በሰውነት ውስጥ በተፈጥሮ የሚገኝ ንጥረ ቅመም ሲሆን ይህ ንጥረ ቅመም በሰውነት ውስጥ በተወሰነ መጠን መገኘት ያለበትና በሽንት በኩል የሚወገድ ነው፡፡ ሆኖም ይህ ንጥረ ነገር በሰውነት ውስጥ ከሚፈለገው መጠን በላይ ሲሆን ሰውነታችን ለማስወገድ አቅም ያጣል፡፡ በዚህን ጊዜ ካልሼም ፎስፊት ወደሚባል ጠጣር ንጥረ ነገርነት ተቀይረው ወደ መገጣጠሚያ ቦታዎች ይሰበሰባሉ፡፡ ከዚህም ሌላ የተከማቸው ዩሪክ አሲድ በኩላሊት ውስጥ እና በሽንት ማመላለሻ መስመሮች ውስጥ በመዝቀጥ የኩላሊት ጠጠር ሊፈጥር ይችላል ፡፡

#መንስኤው_ምንድንነው

ለሪህ የጤና ችግር በመንስኤነት የሚገለፁ የተለያዩ ጉዳዮች አሉ፡፡ በዋና ዋና የሚባሉት የሚከተሉት ናቸው፡፡

#የዕድሜ_መጨመር

በሰውነት ውስጥ ከሚፈለገው በላይ የንጥረ ነገሮች መፈጠርና መከማቸት
በሽታ አምጪ ተህዋሲያን አማካኝ
ከቤተሰብ መካከል የጤና ችግሩ ካለ በዘር የመተላለፍ ዕድል ይኖረዋል
ምክንያታቸው በውል የማይታወቅ ጉዳዮች ተጋላጭነትዎን የሚጨምሩ ነገሮች ለሪህ ከሚያጋልጡ ምክንያቶች መካከል ከአኗኗር ዘይቤ ጋር የተያያዙ ጉዳዮች ተጠቃሽ ናቸው፡፡ ለምሳሌ በአመጋገብ ስርዓት ውስጥ ቀይ ሥጋ፣ ጉበት ኩላሊትና የጭንቅላት ስጋን አዘውትሮ መመገብ እንዲሁም አልኮል መጠጣት ለሪህ በሽታ ተጋላጭ የመሆን ዕድልን ያሰፋሉ፡፡ ከላይ ከተገለፁት በተጨማሪ
👉የሰውነት ክብደት መጨመር፣
👉በቁጥጥር ስር ያልዋለ ደም ግፊት፣
👉ውሃ በብዛት ያለመጠጣት፣
👉የኩላሊት በሽታና ለተለያዩ በሽታዎች የሚሰጡ መድሃኒቶች ለሪህ በሽታ ተጋላጭ ያደርጋሉ፡፡

#የህመሙ_ምልክቶች

👉ከትንሽ የጣት ጫፍ እስከ ትላልቆቹ የሰውነት ክፍሎች አካባቢያሉ መገጣጠሚያ ቦታዎች ያብጣሉ
👉የሰውነት ትኩሳት መከሰት
👉 ከቁርጥማት ጀምሮ መላ መገጣጠሚያ ቦታዎችን በመንካት እስከሚቸግር ድረስ ህመም
👉 ከፍተኛ ስቃይ ያለው ህመም
👉መገጣጠሚያ አካባቢዎች በተለይ መልኩ መቅላት
👉በመገጣጠሚያ አካባቢዎች የማቃጠል ሁኔታ ይከሰታል
👉የጡንቻ መዛል በተለይ ጠዋት ጠዋት እጅና እግርን ለማንቀሳቀስ መቸገር ይኖራል
👉የጤና ችግሩ ከሁለት ሳምንት በላይ ከቆየ በመገጣጠሚያ ቦታዎች ጠጣርየሆኑ ነገሮች ይፈጠራሉ
👉በዓይን፣ በቆዳ፣ በልብና በሌሎችም አካባቢዎች የህመም ስሜቶች ይከሰታሉ
👉ቁርጥማት
👉በዓይን፣ በቆዳ፣ በልብና በሌሎችም አካባቢዎች የህመም ስሜቶች ይከሰታሉ፡፡

#ህክምናው_ምንድነው

አንድ ሰው ለመጀመሪያ ወይም በተደጋጋሚ ጊዜ የሪህ በሽታ ከተከሰተበት ከፍተኛ ስቃይ ይኖረዋል፡፡ የመጀመሪያው የህክምና ስቃዩን ለማስታገስ የሚያስችል መድሃኒቶች ይታዘዛሉ ፡፡ በዚህ ረገድ Non-Steroid Anti-Inflamaty drugs /Nsaids/ በቀዳሚነት ይጠቀሳሉ፡፡
በእነዚህ መድሃኒቶች ለውጥ ካልመጣ Corticoid Steroids የሚባሉ መድሃኒቶችን በመርፌ ወይም በሚዋጥ መልክ ይሰጣል ፡፡ እነዚህ መድሃኒቶች የህመም ስቃይን ከማቃለል በተጨማሪ መገጣጠሚያ ከጥቅም ውጭ እንዳይሆን ለጊዜው ፋታ ይሰጣሉ፡፡
ሌላኛው የህክምና ዘዴ Uric acid ከሰውነት ውስጥ እንዲቀንስ ማድረግ የሚችሉ መድሃኒቶች ነው፡፡
በእነዚህ መድሃኒቶች ለማከም ጥረት ይደረጋል፡፡ እጅና እግር መንቀሳቀስ ካቆመ በቀዶ ህክምና እንዲስተካከል ይደረጋል፡፡

#መልካም_ጤና

#የጨጓራ_አልሰር (Peptic ulcer disease /PUD)

በተለምዶ የጨጓራ አልሰር የምንለው በህክምና አጠራሩ ፔፕቲክ አልሰር ዲዚዝ ይባላል።በተለምዶ ያልኩበት ምክንያት የጨጓራ አልሰር ጨጓራንም ትንሹንም አንጀት ስለሚያጠቃ የጨጓራ ብቻ እንዳይመስላችሁ ለማለት ነው። ይህ አልሰር(የጨጓራና የትንሹ አንጀት የውስጥ ግድግዳ መላጥ፣መቦርቦ ወይም መቁሰል )የሚከሰተው በጨጓራ በሚመነጭ አሲድ ምክንያት ነው።

#የጨጓራ_አልሰር_በምን_ይመጣል ?

👉ኤች-ፓይሎረ የተባለ ባክቴሪያ ከ50 በመቶው የአለም ህዝብ የዚህ ባክቴሪያ ኢንፌክሽን አለው። ምንም እንኳ በዚህ ባክቴሪያ የተያዘ ሁላ በጨጓራ አልሰር ባይጠቃም የዚህ ባክቴሪያ መኖር ለአልሰር የመጋለጥን እድል ከፍ ያደርገዋል ።ይህ ባክቴሪያ የጨጓራን ግድግዳ ከአሲድ የሚከላከለውን ሙከስ በመቀነስና የአሲዱንም መጠን በመጨመር ጉዳት ያደርሳል። ይህ ባክቴሪያ ከሰው ወደ ሰው በተበከለ ምግብና ውሃ የሚተላለፍ ሲሆን እንደ መሳሳም ባሉ የቅርብ ንኪኪዎችም ሊተላለፍ ይችላል ።

👉አንዳንድ የህመም ማስታገሻዎች፦ እንደ አስፕሪን ፣አይቡፕሮፌንና ዳይክሎፌናክ ያሉ ነንስቴሮይዳል ፀረ-ብግነት መድሀኒቶች የጨጓራ ለረጅም ጊዜ ከተወሰዱ የጨጓራ አልሰር ያስከትላሉ ።

👉ማጨስ
👉አልኮል መጠጣት
👉የሰውነት ጫና/Stress ፦ከባድ የአካል ጉዳት፣ ከፍተኛ ቃጠሎ፣ የጭንቅላት አደጋ፣አደገኛ ኢንፌክሽን (sepsis ) እና ከባድና የተወሳሰበ ቀዶ ህክምና የጨጓራ አልሰር ሊያመጣ ይችላል ።

#የጨጓራ_አልሰር_ምልክቶችስ?

👉የሆድ መነፋት ስሜት
👉ማስገሳት
👉የምግብ ፍላጎት ማጣት
👉ማቅለሽለሽ
👉ማስመለስ
👉እንብርት እና ከፍ ብሎ ያለው አካባቢ አለመመቸት ስሜት
👉የሰገራ ሬንጅ መምሰል

#ምርመራዎች

👉የ ኤች-ፓይሎሪ ምርመራ
👉የኢንዶስኮፒ ምርመራ ፦ቱቦ መሰል መሳሪያ በአፍ ወደ ሆድ ገብቶ የጨጓራ የውስጥ ግድግዳ በቴሌቪዥን የሚታይበትና ካስፈለገም ናሙና የሚወሰድበት ዘዴ
👉ሌሎች ምርመራዎች ሌላ ነገር አለመሆኑን ለማረጋገጥ ሊታዘዙ ይችላሉ።

#ህክምናው

👉በጣም ለታመሙ ሰዎች ህክምናው በመርፌ ሊሰጣቸው ይችላል
👉የአሲድ መቀነሻ የተለያዩ የሚዋጢ መድሀኒቶች
▫️አሲድ ማምከኛ(neutralize ) የሚታኘኩ መድሀኒቶች
▫️አሲድ ማምከኛ ሽሮፖች
▫️ኤች-ፓይሎሪን ማጥፊያ መድሀኒቶች

#መልካም_ጤና

​​✍#ሁሉም_ከማህፀን_የሚወጣ_ፈሳሽ #በሽታ_ነው ?
🔹🔹🔹🔹🔹🔹🔹🔹🔹🔹🔹🔹

⏩ #ከሴት የመራቢያ አካል የሚወጣው ተፈጥሮአዊ ፈሳሽ ከሰውነት ሆርሞን ጋር በተገናኘ ከፍና ዝቅ በማለት በሚሮሩ ለውጦች የሚመጣ ሲሆን በእርግጥ ከሰው ሰው ቢለያይም በአብዛኛው ጊዜ ከ2-5 ml (ከ 2-5 ሚሊ ሊትር) ወይም ከግማሽ እስከ ሙሉ የሻይ ማንኪያ መጠን ሊፈስና ነጭ ወይም ቀለም የሌለው ውሃ መሳይ፤ ወፈር ያለ ንፍጥነት ያለው እና ሽታ የሌለው ነው፡፡
መጠኑ በተለያየ የወር አበባ ኡደት ወቅት ሊለያይ ቢችልም የሚበዛው፦ በእርግዝና ወቅት፤ የወሊድ መቆጣጠሪያ መድሃኒት በሚጠቀሙ ጊዜያት፤ ኦቩሌሽን (Ovulation) እንዲሁም የወር አበባ ለመምጣት ባለው 7 ቀናት ውስጥ ይሆናል፡፡ የተፈጥረ የማህጸን ፈሳሽ የሽንት ቱቦ እና የማህጸን ኢንፌክሽን ለመከላከል እንዲሁም የመራቢያ አካል መድረቅን ለመከላከል ይጠቅማል፡፡

👉 #በበሽታው_በምንጠቃ_ጊዜ #የሚያሳዩት_ምልክቶች_ምንድ_ናቸው?

📌 በመራቢያ አካላት አካባቢ ማሳከክ፣ መቅላት፣ ማቃጠል፣ የህመም ስሜት እንዲሁም እብጠት መኖር።
📌 አረፋ ያለው በቀለሙም ቢጫ፣ አረንጓዴ የሚመስል ፈሳሽ መኖር።
📌 ሽታ ያለው ፈሳሽ።
📌 በወር አበባ እንዲሁም በግንኙነት ጊዜ ሽታ መኖር።
📌 ከማህጸን ፈሳሽ ጋር ደም መቀላቀል።
📌 በግንኙነት ጊዜ ህመም መኖር።
📌 የሆድ፤ የማህጸን አካባቢ እንዲሁም የታችኛው ወገብ። ህመም መኖር እንደ ዋና ዋና ምልክቶች ይካተታሉ።

👉 #ለዚህም_በሽታ_ከሚያጋልጡ #ምክንያቶች_መካከል፦

📌 እድሜ ፡ እድሜ እየጨመረ እና የወር- አበባ መምጣት ሲያቆም የማህጸን ፈሳሽ ሊዛባ፣ ድርቀት እና ማሳከክ ሊኖረ ይችላል፡፡
📌 በወር አባባ ወቅት ለንጽህና መጠበቂያ የሚጠቀሙበትን አቆይቶ መቀየር ማቃጠል፣ ማሳከክ እንዲሁም ማበጥ ከማስከተሉም በተጨማሪ ለኢንፌክሽን መራቢያ ጥሩ መንግድ ይከፍታል።
📌 ሽታ ያለው ሳሙና እና አለርጂ ወይም የማይስማማዎትን ሳሙና መጠቀም ተመሳሳይ ምልክት ያመጣሉ።
📌 ጠባብ እና ላይነን የሆኑ ፓንቶችን መጠቀም ።
📌 ልቅ የሆነ የግብረስጋ ግንኙነት እና ከአንድ በላይ የግብረስጋ ግንኙነት ጓደኛ መኖር ይጠቀሱበታል፡፡

👉 #ይህን_በሽታ_ለመከላከል_ምን
#ማድረግ_አለብን?

📌 ሞቅ ባለ ውሀ በየቀኑ መታጠብ።
📌 ሽታ ያላቸውን ሳሙናዎቸ፤ ዋይፐር ወይም ማድረቂያ ሶፍቶችን አለመጠቀም።
📌 የማያጣብቅ እና ጥጥነት ያላቸውን የውስጥ ልብሶች መጠቀም።
📌 ሽንት ቤት ከተጠቀሙ በሆላ በውሀ መታጠብ እና በደረቅ ፎጣ ማድረቅ።

👉 👉 #ከዚህም በተጨማሪ እኚህን ምልክቶች የሚያመጡት ምክንያቶች ውስጥ አንዱ እና ዋነኛው የሆነው በግብረስጋ ግንኙነት የሚተላለፍ በሽታ መገለጫ ሰለሆነ ይሄም በሽታ እየባሰ ሲሄድ የማህጸን ኢንፌክሽን ብሎም ማህንነትን ስለሚያመጣ ወደ ሀኪምዎ ሄደው ላለብዎት በሽታ ተገቢውን ምክር ያግኙ።


#መልካም_ ጤና