#غلطتي
بقلم سحر سمير و فاطمة قسم الله
-٥١-

*لكن حصل يوم فكرتي فيني اذا مرتاح ولالا في حياتي دي ؟؟ طبعاً لا يا امي ..!!
_بقيت تعلىّ صوتك علي ! ههه الوسخة بتاعت السجون ديك علمتك كدا ! تعلىّ صوتك على امك ؟
*شش شش شن شنو شنوو !! قصدك منو انتي يا امي ؟
_قصدي واضح يا ممدوح ، انت قايلني انا ما عارفه ؟
*ما عارفه شنو !! امي بتتكلمي عن شنو انتي ؟!!!
_عن الوسخه !! كلامي دا ما واضح ليك ؟
*امي لو سمحتى ، قصدك شنو ؟
_يعني بي ياتو منطق يا ممدوح يا ولد بطني دي ، تبدي الوسخه دي عن فاتن ! انت قايلاني ما عارفه ؟
اذا كنت ساكته و بمشي ليك م معناهو هنا في قمبور (و اشرت على راسها).. كل مرة بقول نزوة و حتعدى بس شايفاك اتماديت و الظاهر الوسخه دي ما ناوية تجيبها البر و ما اتأدبت مني لسه بعد القلتو ليها ، لكن كان دايرة الوش التاني بوري ليها ..
*(قعد ومسك راسو) امي انتي بتتكلمي عن هتون ؟
_في غيرها ؟
*هتون دنبها شنو في علاقتي مع فاتن ممكن افهم ؟ و و ...بعدين انت لقيتيها وين عشان سمعتيها كلام و لا تأدبيها ممكن افهم !!!
_لقيتا وين دي ما شغلتك ، بس ما انا البدي ناس فرصه انهم يعملوني ونسه و مطاعنات و سمعه زفت لي سببك و اخسر عيلة محترمة زي عيلة فاتن دي ، و خليك عارف لو طلقت فاتن حينزل غضبي على هتون !! كلامي واضح ؟ (و مشت)
*امي ... دقيقة لو سمحتي ...اميييييي ...
شال تلفونو و طلع برا البيت ...

اما عند نهى الجميلة ..

قاعدين هي و ميادة تحت الشجرة ، بي نفس قعدتهم الزمان حقت الجبنه ، بس الفرق ان كانو في تومات بيلعبو قدامهم رنا و ريناد بنات ميادة .. سبحان الله .
*عارفه يا ميادة انا خايفه .. بس ما قعد اقول كدا ل موهوب عشان ما يقلق ..
_خلاص يا نهى ما بقى شي و تلدي بالسلامة ان شاءالله ..
*حاسه اني ح الد في اليومين ديل بجيني مغس شديد بصحيني من النوم عرقانه ..
_تفي من خشمك يا نهى التامن دا صعب و ان شاءالله يعدي على خير يا رب .. انتي اسي مالك عرقتي كدا !
*يعني التامن دا معناتو ولدي ما حيعيش صح ؟ ولا انا الما حأعيش وريني ما تدسي مني ؟
_نهى اسي الكلام الشين دا لزومو شنو قومي قومي خليني ادخلك اوضتك ترتاحي شويه ما بعرفك مالك عرقتي كدا ..
*نادي لي موهوب ..ناديهو لي ..
_انادي كيف يا بت .. انا بديت اخاف يا نهي ، دقيقه اخير اتصرف انا ...
طلعت برا الشارع ، نادت اقرب ولد و رسلتو يشوف موهوب ...
و رجعت بي #صرخة_نهى ....

ما كنت زعلانه من نفسب لاني اتكلمت مع خالتي نعمة بالطريقه دي ! بس كنت بلوم نفسي لان في النهايه هي ما الزمتني اشتغل معاها ، كان عندي هوي ان ممكن تشيل مني يزن او ما عارفه ، رغم انها ما كعبه معاي وانتو عارفين ...
قاطع تفكيري اتصال من ..... رديت!
_هتون (نفسو قايم)
*ايوة
_عايني حسألك سؤال ما داير غير الصراحه منك .
*عارفه سؤالك يا ممدوح و حأجاوبك .. #يزن_ماولدي مش دا سؤالك !! ولا انا اتزوجته ..
_شنووووووووو(بخلعه) ! و يزن دا منو و المرة القالت ليكي يزت ببكي و ...الخ!
*موضوع طويل ..
_دا ما كان سؤالي ي هتون بس ربنا خلاني ارجع واتصل بيكي عشان قلبي يرتاح و اعرف انك م اتزوجتي وان دا م ولدك .. سؤالي يا هتون عن امي .. امي اتكلمت معاكي ؟
*............ م رديت
_سمعتيني !
*ايوة
_ردي طيب ..
*لا ما كلمتني ..
_بس هي قالت لي كلمتك انتي بتنكري ليه ؟
*انا كفاني مشاكل يا ممدوح ، ما دايرة مشاكل و انت زاتك ياربت تقفل و م تتصل بي تاني و تمسك مرتك و بيتك عليك .. سلام
_لحظظة ما تقفلي ، انا المتصل !!!
*معاك ...
_امي قالت ليكي شنو ولا قدرت توصل ليكي كيف ، في حين انا ما قدرت اوصل ليكي قبلها الا عن طريق الصدفه !!
*وصلت لي كيف دي ما بعرف ، اتصلت علي تلفون و طلبت تقابلني لانها عايزاني في موضوع ، اي كنت مستغربة شنو المواضيع الممكن تجمعنا بس رغم كدا مشيت و قابلتها .. و ما قالت لي حاجة بس حبت تعرف انا منو في حياتك ، بس اتخلعت لمن شافتني و اني بت سجن الاداب بس م اكتر ..
_يازووولة دي امي مستحيل ما تكون قالت ليكي حاجة ، ما تدسي لو سمحتي ، وريني قالت ليكي شنو و متين اصلا و انا م عندي خبر ؟
*اول امبارح ياداب ، كل القالتو لي ابعد منك وانك راجل متزوج ،هي كانت فاكرة ان في علاقه بينا ..
_بس دا كل القالتو ؟
*ايوة
_متاكدة؟
*ايوة يا ممدوح
_طيب اسمعي ..
*شنو ؟
_انا #بــحــبك ....!!!

"وفي الحينِ الذي كانَتْ فيه الأوطان لا تمنحُني أيَّ إنتماءٍ حقيقي ، قلبُك فعل ''

#استككانةة🥀...

سحر سمير _فاطمة قسم الله

يتبع ...

#غلطتي
(الجزء الثاني)
بقلم سحر سمير و فاطمة قسم الله
-٥٢-
_طيب اسمعي ..
*شنو ؟
_انا #بــحــبك ....!!!

بعدها حصلت جوطة مشاعر جواي في شكل هستريا بكي ومن دون احس.. امكن عشان نفسي كان افرح واحس بالحب الكنت منتظراه من زمان ل انسان انا مشاعري كلها اتجاهو..
-هتون هتون ياالله هتون..!!
كلمة هتون البتطلع منو كلها خوف قلق هلع امان طمأنينة، احساس بالحياة من اول وجديد..
هدف...
اخليني اخد قرار جديد في حياتي..
*(بصوت تقيل ) ايوة يا ممدوح معاك معاك بس انا خايفة!!
-خايفة؟؟!!
*ممدوح انت انسان متزوج وامك دي كمان عقبة كبيرة ..
ومرتك دا كلو ما بساهل كدا..
-ياالله ياالله انا لو عارف بحصل ليك كدا وبتبكي بالطريقة دي كنت سكته في شنو بس هسي بتبكي مالك ياخ؟ وشنو فجأة قلبتيها كئابة وعتاريس...
*لالا هههه بالعكس دي دموع فرح والله العظيم بس...
-ايوة كدا اضحكي ومافي بس،، وبعدين انا ما قلت ليك نعرس هسي خطوة خطوة نمشيها ..
وتانيا من الليلة ما داير اشوفك مكسورة بتبكي،، انا عرفتك قوية ودا العجبني فيك اكتر.. انا صراحة انسان تركيبتي كدا ما عارف هههه بس بتجذبني المرا القوية جني وجن البتقعد تتبكي وتتعاور وتتهابل عشان تخلي الراجل يحن عليها ليي عشان شنو..
*اهااا اسكت اسكت قصدك شنو يعني.. اصلنا نحن طبيعتنا كدا جوانا ضعف.. وبعدين دا بدل علي الانوثة ما اكتر...
-لا لا ما قصدي الضعف الطبيعي المعروف بس في واحدات اوفر الصراحة بتخليك تكره حياتك بضعفها وكسرتا دي.. افتكر اذا كنتي قاصدة الدلع من الانوثة ف هو ما كدا ....
*واحدات امممم...!!!
-ههههههه شنو بس انتي خليتي كل كلامي ونقاشي ومسكتي في كلمة؟ ابقي دي غيرة ولا شنو؟
*يا سلاااام بلاي منو دي البتغييير!!!!
-ما هو باين يا #حبيبتي...
تمممم سكته وقلبي دقه مع الكلمة دي ومع لحظة همس بينا قلت ليه
*#ممدوح
-عيونو ل #ممدوح
*انا انا بس سكته.....
.......................

اااااااااه صرخة ورا التانية كانت من #نهي
الوجع بقطع فيها قطيع كانت بين خوف وقلق علي طفلها...
وميادة بتكورك نهي نهي استحملي شوية رسلت شافع ينادي موهوب هسي بجي ،،لالا انا احسن انادي امي ونسوان اعمامي...
نهي قبضتها من يدها شديد
-ميادة لالا اااااه ما تزحي مني انا حاسة اني ح اموت الليلة اااااه
موهوب دخل مخلوع مع كلمتها دي
*نهي مالك في شنو يا نهي ردي علي (خايف بتهبش كلو عرقان ومنطط عيوني)..
مياااادة (بقي بكورك) نادي امي وخالتي فوزية رسلي ليهم اتحركي يا ميادة سريع (بكورك بعصبيه)
نهي عايني لي هنا #حسيني انا جمبك ( ماسكها شديد من يدها وبمسح علي راسها مرة ومرة تانية علي بطنها *) انتي كويسة اتكلمي معاي يا نهي طمنيني انتي كويسة...
نهي بتصرخ وبتبكي وما قادرة تتكلم وخاتة يدها علي بطنها وخلاص من الوجع بدت تفقد وعيها...
وبتنادي براحة ونفس قايم

موهوب موهوب نادي لي امي وينا هتون هتون كلم هتون...
.. ................... ..

*انتهت المكالمة*
سرحت في كلامو ورقتو يا الله ااااخ انا،، ذوقو ولا كلامو بقت تتخيل في شكلو وهو واقف قدامها وماسك يديها وبقول ليها في الكلام دا.. وبتتبسم براها..
-الشال قلبك يتهني بيه...
*احييي (ختت يدها في قلبها) خلعتيني يا خالتي بسم الله والله شوية وكنت بقع من اللستك القاعدة فيه دا..
-قلت اصحيك يختي من احلامك الوردية دي
(واقفة وبطق في لبانتها وغازة يديها الاتنين في نصها ولابسة كالعادة قميص هزاز كط.. )
-انتي واقفة من بتين هنا وبعدين كنت بتكلم مع نهي...
*ههههااااااي (ضحكت ) ياتو يوم #نهي بقولو ليها بحبك.. ولا بتكلمو معاها ورا الحوش بالدس..
-الله انتي كنتي بتتسمعي في كلامي دي حركات شنو يا خالتي وبعدين انا ما صغيرة اكلم البكلمو انتي ما عندك دخل فيني..
قامت من محلها وزعلانة تلفونها ضرب بسرعة عاينت لي قايلاه ممدوح..
دا موهوب
*الوو موهوب كيفك ون....
شنوووو انت بتقول في شنو بتين دا خلاص ااا ان ااانا جاية جاية يا موهوب..
قامت جارية وسفنجتها اتقطعت قربت تقع طلعتا وجرت لفحت اقرب عباية وحفيانة طالعة..
وخالتو نعمة جارية وراها هتون بسم الله يابتي في شنو مالك بقيتي زي المجنونة كدا ما عارفة تعملي شي جرتا من يدها...
*وااااي يا خالتي وقعدت في الارض نهي نهي موهوب قال لي يا تلحقيها يا ما تلحقيها اسنديني يا خالتي جسمي ما شايلني وقفيني انا لازم اجري المستشفي قالو جايبنها في الشارع نهي تعبانة شديد يا خالتي الاسعاف جايبا معناها نهي ما كويسة يا خالتي..
( نفسا قايم ومنططه عيونا مخلوعة )
- ياتو مستشفي كدي انتي هسي اتاكدتي.. استهدي بالله يا هتون هاك البسي البسي الشبشب دا وعدلت ليها عبايتا وطرحتا.. كدي النضرب ليك لشهاب اجي اوديك بحالتك دي...
* عليك الله شهاب شنو ما بقدر انتظرو لما اجيني انا بمشي ...و يزن خلي بالك منو انا ماشة.. اي بضرب هسي ل موهوب تاني .. غالبو يتكلم يا خالتي موهوب ببكي وقعدت تبكي وقلدت نعمة..
انا بمشي عايني ل يزن معاك بقوم فجأة من