يعني لو العمل العمله دي حاول بس انه يعمل حاجة زي دي كان ممكن يعملها منافسه و كل واحد يثبت نفسو زي اشهر البراندات العالميه ! البقاء للاقوى قاعده معروفه !!

ندى : " عاينت لي كلامو بي تركيز "

هه تعرف ! بردتا علي ناري بي كلامك دا ؟ و على فكرة انا المزعلني اكتر ، اني حتى لو كنت نزلت البراند دا ما كان حينجح !!



الطيب : عشان نسبة المبيعات 10% ؟

م مقياس !



مالك : فعلاً م مقياس ، جايز اختلاف جوده ف النهايه دي فكرة مسروقه !



الطيب : ندى ! في منو في السودان ، عارف غير سجى القلتيها دي ؟؟؟



مالك : ظهر موقع المروج ؟ " جا على الطيب و وقف مدنقر و يديهو في ركبو " اممممم البلد المصنعه مصر .. و الناشر و المروج في الخرطوم تحديداً !! دا في ياتو موقع ؟



الطيب : pazz ! انزل تحت نفس الناشر

مسوق لي عبايات !



"ندى بي صوت عالي "

لبنى !!! " قامت على حيلها " دي لبنى يا مالك !!

انا كلمتها و رسلت ليها كل حاجة ، و راحت من بالي اسي وقت سألتني !! بس لبنى صحبتي !! حتعمل كدا ليه ؟؟؟

مالك : اضمني نفسك !! و ما حا اواسيكي لانك مستهتره ! و بتمنى يكون كلامي عنها وقع ليكي ! دي قرصة اضان ليكي و احمدي ربك انك ما اتحملتي تكاليف عاليه !



الطيب : مالك ! دا ما كلام !

وين المشكله ما انت برضو وقت عملت مشروعك جيتني عشان توريني ليهو لاني صحبك و كنت فرحان بي انجازك هي عملت نفس الشي !



مالك : بس دي ما بيتقال عليها صحبه يا الطيب ، و هي عارفه راي فيها كويس !



الطيب " نزل شاشة الابتوب "

ولا انا وقتها كنت ليك صاحي يا مالك !!



مالك : الطيب !!



الطيب : دي الحقيقه ! و انا الليله لو عملت حاجة و مبسوط منها حا اشاركم انت و عز الدين لانكم اصحابي و ما حعمل حساب لي نواياكم وقتها ، لاني معتبركم اصحابي نفس الشي هي عملتو. !!



مالك : انا بوعي فيها و علاقتنا ما زي علاقتا بالزوله دي يل الطيب ! و الكلام البتقولو دا انا م متذكرو لاني شايف خوتنا مغطيه على المواقف التافهه دي !



ندى : واضح اني حا اسمع اسمو دا كتير !!



مالك : اتعلمي انك تواجهي حياتك بالحلو و الكعب اللي فيها !! و اتزكري انك وعدتيني !

الطيب .. الزمن فات ، مفروض ارجع المكتب ، خلينا نكمل قدام لانه مفروض بكرة نستلم الموقع و نختار الخامات !



الطيب : مشينا ..

مالك : دا منيو ي ندى شوفي عايزة شنو !

ندى : احتمال انزل !

مالك : تنزلي كيف ؟ مش قلتي ما بينفع ؟

ندىً : دا سبب اتصالي بي خالتي ! كنت حابه استفسر لاني بحثت على النت عن موضوع العده و لقيت اراء كميه حسب المذاهب ! و قالت لي بتطلعي عادي ..



مالك : طيب حتمشي وين براكي ؟

ندى : مالك بطل تقلق ، النت م خلا حاجة و اللوكيشنات بتوصلني و بترجعني محل عايزة ! محتاجة اطلع انا ، و لو في اي حاجة التلفون موجود !



مالك : طيب ! " عاين للاكياس اللي ف السُفرة ، و لي الطيب " ديل شنو يا الطيب ؟

الطيب " مشى عليهم " هدايا بسيطة بمناسبة الانجازات الرهيبه دي ، دا حقك انت ،، و دا حقك يا ندى بمناسبة #قاطعتوً



ندى : بمناسبه الانجازات ام 10% ههه !



مالك : هههه اضحكي على خيبتك ، لانك محبطة و يائسة ! و رافعه رايتك البيضا فوق راسك !



الطيب : اسمعي دا !



"ندى اتلفتت ليهو و مصغرة عيونا من كلام مالك "



الطيب : قال ليك { حارب عدوك بالسلاح الذي يخشاه، لا بالسلاح الذي تخشاه أنت } " غمز لي مالك " خليكي مفتحه و اسمعي كلام اخوك !! اااي نعم انا زول كسول و م عندي اي انجاز في حياتي لحد اللحظة دي ! بس الجلحات دي " بيأشر عليها بي صباعو " جات من القراية و الحفر الكتير ، بشيل و بخزن دون فعل !

لاني ما قادر احدد ميولي ولا رغبتي شنو بالضبط في حياتي دي ، محل اتختا بقعد ، عشان كدا لمن القى ناسي الحوليني عندهم هدف ، بنبسط ليهم و بنصح بالما قادر اعملو انااا ...

بمناسبة الجلحة دي !! " موشوش "

ما بلقى لي مزة من البلد دي ؟؟ هاه !؟؟



ندى : هههههههههههه

مالك : " جراهو من لياقة القميص " انا كان باريتك بيرجعوني بي جردل خبيزي من البلد دي !



ندى : مثلك دا م زابط معاك لخبطت الكيمان هههههه

...

ندى بتقول :



كلام الطيب ما مر من اضاني مرور الكرام ! ابداً والله

اتحكر شديد ...



#جانب_سلوان :



"من اتحركنا منهم ، مدثر خشمو م فتحو معانا ، وصلنا البيت ، كان احمد قاعد خشم الباب ، من شفنا نقز جاري علينا "



احمد : وين يا ناس ! انا من الغربيه حارس الباب دا !

سهام : ضربنا ليك لامن فترنا !

احمد : خرب ولا فيو شنو ما بعرفو !! الا انتو مالكم مطرمين كدي !! مدثر " بعاين ليهو في وشو " معوقك شنو اتا في خشمك دا ؟؟؟

" بفتح باب البيت دخل و م رد عليهو من باب الشارع للاوضه حقتو "

سهام " لكزتو من جلابيتو " : احمد ها !

النخيل : ادخل يا ولدي ....



" دخلنا البيت و النخيل حكت ليهو مل حاجة "

احمد " قام على حيلو " : دربو على وين الزول دا ؟؟

هاه يا عزو ، معاك .. اها الحاصل عندك !
روقه والله .. انت امورك ماشه كيف ؟
ضغطه الف والله يا عزو " صوت جرس الباب " تسليم بعد كم وعشرين يوم اتخيل بس !
يا زول ؟ نزلتو الاساس يعني ؟
ي زول الهيكله انتهت فضل التلبيسه بس !
انجزته والله ، ما بقى شي ، موفق يا حبيبي والله !
نقول ربك يبعد العوارض ! اسمعني يا عزو ، اليومداك قلت لي الفلاشه و كنت ملخوم والله و لمن رجعت ليك تلفًونك مقفول !
لالا ياخ م مشكله انا انجزته اموري حمدلله بس منتظر اسمع عنك كل خير ! انا لازم اقفل اسي عندي شغل !
عزو ! قبل تقفل ... مالك ما بتسأل عن الطيب ؟
" سكت " داير اتصل عليهو !
امممممم تمام يا حبيبي ما اعطلك ، ابقى ظاهر ..#قفل " و اخد ليهو سرحة و قام "

مالك" وهو طالع على الصاله " : ندددى ! الجا منووو ؟؟ اكيد الطيب !
" جاهو صوت رقيقه بيقول ليهو " : هلوووو ! ملوووك كيييفك " جات عليهو " !

مالك : " بي استغراب وعدم توقع " نوريان ! اا اهلا حمدلله وانتي ؟
" ندى بتفتح الباب "
ندى : هاااا لقيتها ان شاءالله بشر ؟؟؟
الطيب : " مد ليها الكيس " في حلوة و في مالحه ، و انتي ما حددتي لي فا جبتهم الاتنين !!
ندى : دايراها دككككوةة !
الطيب : دكوة ! خلاص شيلي المالحه " داخل مهزوز كدا عودو ما ثابت ، مشى يقعد و هي في باب المطبخ "

مالك : طيوب كيفك ؟ " لاحظ ليهو م ياهو " مالك يا زول ؟ ً
الطيب : مالي ؟ مرهق شويه بس " قعد في الكنبه و مسك عقدة حواجبو بي يده " !!
نور : مالو ما بيسلم ؟
مالك : ما تؤاخذيهو معليش ! اها كنتي بتقولي لي عندك موضوع !
نور : ايوا فعلاً بخصوص الـ" تلفونها بيرن" دقيقه يا مالك .. " ردت و سكتت مسافه و قفلت و ملامح وشها اتغيرت " معليش انا ضروري اطلع اسي ، حا اكلمك تلفون ... " جرت "

ندى " طلعت من المطبخ و ماسكة الطماطم و السكين " شنو يا نور اقعدي !!
نور : مستعجله ، عندي معاكي موضوع انتي زاتك بس على تلفون .. يلااا باااي !
ندى : اوكي ياي ...

" بعدها بي دقايق "
" ندى واقفه حارسه الحلة و خاته الابتوب في الرخامة حقت المطبخ ، و مركزة و التلفون مفتوح قدامهاا و في ورقة وقلم "

مالك " في باب المطبخ جاي عليها " : جوعتينا ..
ندى : " سرحانه و ما ردت " ..
مالك : جا بعاين معاها ! مركزة وين ؟
ندى : خلعتني " نزلت شاشه الابتوب " ما شغلتك ما تعاين ! داير شنوو !!
مالك : ياخي ههه طيب طيب ، كنت بقول ليكي الكوارع دي لسه ؟
ندى : قربت .. الطيب مشى ؟
مالك : لا اتخيلي ، نام في الكنبه كدا بطريقه غريبه !
ندى : " حركت شفايفه لي تحت كا حركة استغراب " غريبه .. " مسكت المعلقه و بتحرك في الحلة "

مالك : ندى ! عايز اقول ليكي حاجة ، مضايقاني ليهاا وقت ..

#جانب_سلوان :
" في البيت بعد جات بي ساعه"

النخيل : مالك يا بتي من ساعة جيتي حالك غريل ؟
سلوان : شوية مشاكل في الشغل ، م تشيلي هم !
رقية نايمة وين انتو و مدثر وين من جيت ما شفتو ؟
النخيل : في غرفتو من ساعتو الجا شال بتو و دخل بيها !
سلوان : طيب " مشيت عليهو خبطت الباب ، و دخلته "
مدثر .. كيفك ؟
تعالي ... حمدلله بخير " بيهز في بتو " شكلها تتعب في التسنين بعد دا ، بقت تأن و هي نايمة !
م تشيل هم ، اصلاً بعد دا ناوية اكرث ليها وقتي
تكلتها على امي كتير و العمر زاتو ليهو دور " تلفوني بيرن في جيبي "
ردي !
ااي ... " ملخص المكالمة "
(ايوا يا اريج ! كويسه انا حمدلله اتطمني ! ننوية مالها بتكبي ؟ يا الله .. يا حليلها والله ..طيب لالا بجي على الساعه اربعه ان شاءالله ..اوكي سلام )

ننوية مالها ؟ " ملامح غريبه "
عيانه، حمة و ترجيع من بليل .. قالت خوفه من الحصل ! مسكينه !
ما تستاهل .. الله يكون في عونهم !
امين .. بالمناسبه انا عرفت الحصل ، فا بتمنى انك تكون بخير و ما شايل حاجة جواك مسببه ليك ازعاج !
ابداً انا احترمت قراراها .. المهم حاصل شنو ليه اريج مقلقه عليكي حسيت كدا من ردودك و وشك زاتو بقول في حاجة !
اممم الظاهر يدي فكت هه بقيت ما بعرف اعمل حلويات البهجه ، دي نتيجة الاطراء هه
بتضحكي ايوة بس م من جواا قلبك ، عادي قلتها ليكي قبل كدا ، اعتبريها استراحة محارب " لماها عليهو " !
** استراحة في وقت غلط شديد لكن يا مدثر ! انت عارف الحصل دا كان حينهض بي زنوبيا ؟ شركة خطوط جوية ، يعني ديل مستواهم حلويات غربية من دول تانيه ! فا بالجد م عارفه الحصل شنو او من شنو ، ما قادرة افهم !!
المهم حسيت بي اهانة شديده و جبت الكلام للمساكين المعاي ديل، حسيت نفسي عشمتهم على فراااغ !!
ردي حق الاهانه بي فعلك ما بي لسانك !

الطيب : السلام عليكم !
" ندى متلفته عليهو " : و عليكم السلام الطيب كيفك ؟
مالك : و عليكم السلام حبيبي كيفك !
الطيب : الحمدلله بخير .. " ماسك يديهو و متردد " معليش اتلاقينا بطريقه ما ظريفه و ... "سكت"
ندى : مالك .. انا عندي ايميلات مفروض ارسلها و ارد عليها اسي ، فا حا اقعد في العربيه ، و ممكن تمشو تكملو كلامكم في الكافيه اللطيف دا ، و بالمرة شوف لينا لو عندهم. عشا ظريف كدا جعانه والله ... يلااا .. عن ازنك يا الطيب !
#جانب_سلوان :
{ مكملة مكالمتها }
سلوان : المهم ، ما حابة ادخل جواك طاقه سلبيه بس بختم ليك كلامي بي انه البمر بيهو دا جايز يكون فترة و حتعدي ههههه رغم ان الفترة طالت بس زي ما بيقول لي مدثر اخوي ، جايز تكون استراحة محارب !
حسن : طيب ما قصدي اتدخل في خصوصيات بس سوالي دا بصورة عامة و ردي لي بي صورة عامة برضو ! عندك ظروف في البيت مؤثرة عليكي ؟؟؟؟
سلوان : لالالا ابداً الحمدلله ، بس يمكن يكون غياب اخوي شوية مؤثر علي لأنه دايماً اليد البتشد علي !
بس هانت كلها ايام و يرجع لينا ان شاءالله !
حسن : ان شاءالله .. قبل اقفل حابي اقول ليكي انك انسانه عظيمة شديد رغم التوافق الكان بينا و مازال بعني بصراحه لاني لسه ما هاضمك " احم " و انه شايف ليكي مستقبل نير ، بس يمكن انتي ناقصاكي الاهداف ، م محددة هدفك رغم انك بتملكي القدرة بس م عندك دافع !
مكانتك دي و موهبتك دي كتار جداً بيتمنوها ، بس انتي لسه ما حاسه بي قيمة موهبتك دي ، حتى لمن كنتي بتتمدحي من الناس م كانت بتظهر عليكي ملامح الفرح ، طبع الانسان لو عمل حاجة بسيطه شديد و اتمدح فيها بيفرح !!
فااا ارجوكي كوني انانية شديد انانيه جداً في هدفك و في موهبتك و طوري نفسك و استغلي الفُرص ، شوفي الليله زنوبيا وصل وين من وراكي بعد رب العالمين ..
سلوان : انا لسه واقفه في حتة انك لسه ما هاضمني دي ! اسي المتناقض منو فينا ؟ طيب بتنصحني ليه ؟
حسن : انا بحب اشوف الناس ناجحه ! و بنصحك بي حق الزمالة و الخوة ! اي نعم بقيتي مسكينه كدا لكن م ليكي امان ! صراحه يعني !
سلوان : " نص ضحكة " طيب حعمل بي كلامك ان شاءالله !
حسن : اها شفتي اسي لو كنتي سلوان الشريرة كان سمعتيني كلام لمن راسي يسخن ههه بس كان جينا للجد انا ما بتقبلك عشان عندي عقدة من اسمك في حد زاتو !
سلوان : اسمي انا ؟
حسن : اااي ، اسمك زي اسم مرتي او طليقتي ! الله يصلح حالها !
سلوان : بالله انت متزوج يا استاذ حسن ؟
حسن : ليه و انا صغير يا انسة ؟ 388 سنة الفي عمري دا متزوجين اربعه عديل !
سلوان : م ظاهر عليك العمر كله يارب .. يلا انت وصلت البيت فا حا استاذنك وشكراً ليك !
حسن : اوكي حافظك الله #قفل !
سلوان : " داخله البيت و قافله الباب وراها .. "
النخيل : جيتي ؟
سلوان : ايوة .. كيفك و كيف قيلتي ؟
النخيل : حمدلله
رقية بقت كيف اسي ؟
__ لا الحمدلله كنا وين وبقينا وين حمدلله .. غايتو مدثر وكت يسألني منها بقوليهو كويسه !
عادي هو عارف مرحلة التسنين و اسي اتجاوزتها خلاص حمدلله ..
__ حمدلله .. اسمعيني ! اضربي لي سهام !
اصلاً كنت دايرة اكلمها بس مالك في شنو ؟
__ بتونسني وحاة الله و تفرق علي ! كان تجي تقعد معاي !
كنت حقوليها كدا والله قطعت راسنا من الوقت داك بس مفكرة اخلي الشغل و اقعد معاك انا !
__ شغلك ؟ ليه ؟
ما عارفه ! بس تعبتي انتي مع رقية يا يمة ارتاحي شويه !
__ لالالا شغلك ما تخليهو الناس ديل بقدروك يا بتي ما تخسريهم ! و بعدين ارجعي كدا زي زمان يا بتي ساعديهم و ادعميهم شان ما يقولو راسها كبر عشان ساعدتنا ! طول ما في يدك خير اوعي تبخلي بيهو سامعه كلامي دا ؟؟
ادعي لي ... ادعي لي كتيرررر " ضمت نفسها عليها "
" بتبوس في راسها " بدعي ليك اتي واخوك ، عندي منو انا غيركم يا بتي !
** " بتبوس في يدها " الله يعجل حياتنا عامرة بيك يارب و م نفقد حسك ولا قولة اسمك يا رب ...
#ندى
" مكالمة "
ندى : ايوة يا زوبا لقيت منك مكالمات ! حاصل شنو ؟
انا اتواصلت مع ادارة المول و قالو دايرين تاريج للتسليم ، هما عندهم تسليم فوري ، لانهم متأخرين على طابقين فا كل شي جاهز بالنشأة الحرارية !
ندى: واو حبيت الفكرة ! طيب طيب اممممم خليهم يبدو على طول حناخد الطابقين العندهم بس لازم يكونو فوق بعض مباشرتاً ! و في خلال الاسبوع دا نستلم لانه بي كلامك دا م حياخدو زمن و جاهزين فل ..
اي اول و تاني !
خلاص تمام .. و قالو ندفع 60% قسط اول !
ندى : حولت ليكي انا ، ادفعي طوالي و 40% عند الاستلام ..
كدا يبقى تمام .. في انتظارك توصلي بالسلامة استاذة ندى !

رغم ان الخامات و كل التفاصيل كانت ممتازة الا ان في عدم اتزان و مقاسات ما مزبوطة بسبب ان المخطط اكبر من المساحة حقتنا !! رميت اللوم على نفسي و اعتبرتو اهمال مني !!
شلت تلفوني و اتصلته بي #مالك !

#مكالمة !

عزوو : ملوووكة !
" بيستعدل " : كنت عايز اتصل عليك !
عزو : واحد يا حبيبي ما في فرق ، اها الاخبار شنو ؟
بسط الحمدلله !
عزو : حتسافر جدة بكرة صح ؟
والله مفروض بس اتصلته اجلته المواعيد يوم تاني ! يعني بعد بكرة بتحرك !
عزو : عافيه ؟؟
لالا عافيه ! اصلاً كنت حا اتصل ليك بسبب الموضوع دا !! اااا حالياً شغال في تعديل للمخطط حق ندى ! لانه لاحظت ان بسبب المساحه ما زبط التنفيذ .. فا داير اقوليك انه !
معليش انا عارف الخساير و التكاليف دي غاليه و خصوصاً الخامات دي شويه اا ... المهم حا ارسل ليك التعديل بي نسبة اولى 60% من غير ما ندى تعرف .. يعني لا انتو تخسرو و لا هي تخسر !

عزو : اهااا فا قلت تقوم تخسر انت مش ؟؟ دا كلام شنو يا مالك انا قبيل قلت ان الشغل مافيهو مجاملات ! و انا كمان متصل لي نفس السبب !

مالك : هي غلطت المخطط ما فيها حاجة لو اتشايلناها سوا !
عزو : فيها كتير كدا كأنك بتحاول تصلح غلطي انا ، و دي غلطي انا ، م تابعت مع العمال رغم ان كل طابق اتنفذ كنت مشرف على ادق التفاصيل ! يمكن لو كنت مركز كان رسلت ليهم اخطار ان المساحة عندي غير متطابقه مع المخطط !
المهم انا حا اعدل و دا سبب اتصالي ، لو بتقبل بي مخطط تاني محتاجة اعرضو عليهم و محتاج وقت اضافي و حعدلو ان شاءالله !!

مالك : طيب ! في الحالة دي اتواصل مع زوبا و هي حتبلغ ندى بي كل حاجة ، يعني الشغل يكون بينكم رسمي زي ما بدا ! اناا ما قدرت اكتف يديني و اتفرج !

عزو : اكيد .. حا اتواصل مع الاستاذة و بكرة حا اجيكم ان شاءالله و ....." كانت داخله ليهو مكالمة في الانتظار "
الطيب !!!!!؟ الطيب " بي خلعه وصوت عالي " الطيب بيتصل يا مالك ...

مالك : اي كنت حكلمك بس مالقيت فرصه المهم هو بخير اتطمن .. رد ليهوو ..بس انت عفت رقمو كيف كان قال مغير شريحتو !!

عزو : دا رقمو الاول زاتو يا عزو ! طيب انا حا ارد عليهو و بعدين ارجع ليك !

مالك : تمام !!

#جانب_علي !
#جرس_مكالمة !

" قاعد في العربيه ينزل و يرفع في القزاز "
علي : رررد ..... ايواااا سنة عشان ترد يا مهيد ؟؟؟

بتعشى ! في شنو ؟
علي : اسمعني ! بتقدر تستعجل زولك دا ؟؟
زولي منو ؟؟ اهااااااا ايوا ايوا ... واالله ما عارفو لكن بشوفو .. حاصل شي ؟

علي : لا بس استعجل لي على الموضوع ! و النسبه في حسابك !
: طيب تمام !

علي : منتظرك !! #قفل !!
{ بيكلم نفسه }
حا تندمي يا سلوان .... اوعدك حتندمي !!

#جانب_سلوان !

وصلته البيت و العبرة خانقاني م عارفاها فرحة و لا ضيقة !! مع ختت يدي كدا في باب بيتنا ! حسيت بي كشافات عربية ضربت فيني !!!
اتلفت عليها و انا رفعت يدي اليمين قصاد عيوني و وشي من قوة النورر !!
" سمعت صوت من جهة بابنا بيقول لي " :
سلوان !!!!!
سلوان : " بي ردة فعل اتلفت " !!! مدثر !!
" حضنتو من غير و لا حرف زيادة "
يا قلب اخوووكي ... مشتاق ليكي و اتاخرتي شديد اسي كنت طالع جاي عليكي !
سلوان : احلت مفاجاة يا مدثر !
التاية !!!! " فكاني و طلع لي برا "
سلوان : التاية !! " اتلفت معاهو " التايه !!

" كانو نازلين من العربيه الجهرت فيني النور "

التايه " بتتلفتت و شانقة توبا تحت اباطا " : حي يا كريعاتي ، وحات الله انا تكتيفه و ربيطه زي دي اصوووو ما اتربطتها واي !!
مدثر : عمتي !! التايه ؟؟
سهام : يمة حلاص وصلنا .. امشاكي يدا ليو بابهم !
التايه : " وقفت من شافت مدثر " اتي يا سهام ! مش قُتي مدثر سافر ؟؟
سهام : اي
التايه : بسم الله و دا منو ؟
سهام : " رفعت راسا و شهقت من شافتو ختت يدها في خشما " !!
مدثر وصلهم : عمتي و سهام ! الليله يوم المفاجات العالمي شكلو كيفكم " مد يدو و ماف وحدة سلمت " مالكم ؟؟؟
سلوان : عمتي !! " مشت باستها هي وسهام "
تعالو ادخلو ادخلو ... سهام هااا !!

سهام : اي اي ... اااا مدثر !
مدثر : ااي .. كيفك ؟؟
التايه : ياهو مدثر يا العميشه ! " سلمت ليهو "
مدثر : خشو تعالو ....

" دخلو و سهام لسه فاتحه خشما "

التاية : ( طق طق طق ) يا ناس البيت ....
النخيل : " بتكلم روحا " هي دا مش ياهو صوت التايه ولا انا بهلوس !
"مدثر من اول الحوش بي صوت عالي " :
يمة جونا ضيوووووووف ....
سلوان : سهام يا بت ! مالك انتي كويسه ؟؟؟
سهام : شديده '

" النخيل جات مارقه من العريشه "

النخيل : ! وحاة الله انا قتيه في نفسي سمعت صوت التايه ! سويتيها كيفن دي الليله يا التايه الخرطوم فد مرة كددي !!

التايه : " جات قلدتا " قته انشوفكم و نتطمن عليكم ! ترانا مطولين منكم !!
سهام : يمه هاااه بتكضبي لشنو !
وحاة الله يا عمتي نطت معاي في البص بالغلط !

" الشيماء كانت ماشه مع اتنين من صحباتا .. من شافت احمد .. بطأت منهم .. و انتظرتهم لمن مشو مسافة منها ، و وقفت بعيد مقاصدة احمد بتعاين ليهو و مسكت راسها و قبلت وشها ... بعد تردد مشت عليهو ، قالت ليهو "
سالتك المرة الفاتت ما تعبته ! و شكلك ما ناوي تقطع رجلك و الحاجة دي لو ما ملاحظ حتسبب لي سُمعه في الجامعه و انا من دخلته الجامعه دي ما وقفت لي مع واحد ولا بالغلط ساي !!

احمد : و لا انا عاجباني وقفتي دي يا بت الناس و لا برضا فيك الكلمة و الدليل اني ما مشيت عليكي !! خلاس اضيني ضو ! و انا ما داير اصل اهلك قبل اضمن موافقتك !!

" اتوترت "
احمد " مترقب ردها " :
انا ما بشبهك موش ؟؟ عايني قولي الجواك عديل و اوعدك انا بقطع كراعي و تاني ما بتشوفي وشي !!

" بي ردة فعل "
لالالالا ... " ختت يدها في خشمها "

احمد : ما حتندمي !
" مدت يدها " !!
احمد : " مد يدو داير يصافحا "

" سحبت يدها سريع " !! انا قصدي جيب تلفونك !!
احمد " بي خجل مسح على شعرو بي يدو " : اهااا
" دخل يدو في جيب بنطلونو " ! اتفضلي !!

" كتبت رقم و رجعتو ليهو "
الفوق رقم ابوي و التحتيهو رقم خالي !! #مشت بسرعه !!

#جانب_سلوان :

" بعد نزلت من العربيه ، خبطت الباب الكان مُتاكا كتير ، في النهايه دخلت و بقت تصفق طق طق طق" و تقول : ياااا ناااااس ....

( كان برا الباب عند ناس مدثر المتاظرين سلوان )

المعاهم " بيعاين بالشباك " : يا خالة ... " نزل ليها "
اتي حجة فاطنة حقت الداندرما البتقعدي في ال
(..) ..
ااي يا ولدي .. اهلا وسهلاا " مارقه بالحفاظات و معاها بت و ولد "

قاليها : معاكي اسي داندرمتك الخطيرة ديك ؟؟
اااي معاي !!
" حسام من العربيه " : جيب لينا معاك .. جيب تلاته !
" بتفتح في الحفاظة " !
حسام : عندك نكهات شنو يا حجة ؟؟
صاحبو : يا زول عندها كراميل بالبسكويت خطير ي زول ، نكهات شنووو .. اصبر بس و ضوق !
الله يجبر بخاطرك و يفتحا عليها يارب ، بت السعد الله يديها لمن يرضيها و يفتحها عليها !!!

مدثر " من جوا العربيه " منو دي يا خالة ؟
__ " و هي بتناولهم " الادتني الطريقه دي !!

وقتها جات عربيه ملاكي وقفت جمبهم نزلت منها اريج و كانت راكبه مع واحد نزلتا و فاتت و مدثر شافها بي مراية العربيه

سلوان : " جات طالعه و بقول لي امها " مرة تانيه يا خالتي شكرااا ..

مع لفتتي كدا شفت اريج واقفه و ديل واقفين كل واحد ماسك ليهو اسكريم ...
اريج : " بي توتر " سلوان !!!
سلوان : " مبتسمة " اي جيت للبطاقه حقتك وقعت منك ف المحل امبارح و جيت جبتها ليكي !! يلا عن ازنك ...

اريج : شكرااا ... اتفضلي !!!
سلوان : مرة تانيه !! ..
اريج : بتعاين ليهم و دخلت البيت !
حجة فاطنه " جات جاريه علي " : هي يا بتي ،، " تبوس فيها " الله يحفظك و بنولك مرادك و يفتحها عليكي يارب ... ياها دي ياها دي .. " بتقول ليهم "

مدثر " عاين بالشباك بي استغراب ".
صاحبهم : اتفضلي دا حقك " مداهو لي سلوان "

سلوان : ربنا يوسع رزقك يا خالتي !
خالة فاطنة : و رزقك يا رب ..
سلوان : بحيكي تاني ان شاءالله ، اسي لازم امشي !
خالة فاطمة : سمح يا بيتي الله يوفقك !!

" ركبته "

مدثر : احم .. الخالة دي بتتكلم جد ؟
سلوان : ااي ..
حسام : ما غريب عليكي والله .. الله يحفظك!
صاحبهم : طيب سوي لينا ياخي حجة فاطمة دي ما بنلم فيها بالساهل !
سلوان : حاضر هههه !

#جانب_عزالدين :

" بعد ونسه طويله عن الشغل و المقارنات "

عزالدين : دي المعالجة حقت الموقع لي ندى ! شوفو " مد ليهو الايباد "
مالك : ي زول انت بعيد عديل ما شاءالله .. مناسبه والله !
عزالدين : طيب محتاج اتكلم معاها ؟
مالك : طيب ..." قام مشى على الغرفه "

" خبط الباب "
ندى : تعال ..
مالك : عزالدين عايز ياكلم معاكي !
ندى : معاي انا ؟ بخصوص شنو ؟؟
مالك : كيف يعني بخصوص شنو ؟ اكيد الشغل !
ندى : بس الكلام في الشغل ما بيكون في البيت و لا بيكون بيني و بينه لانه من البدايه زوبا الكانت متواصله مع ادارتو انا م لي دخل ! ولا شنو ؟؟؟

زوبا : طيب حطلع ليهو انا !
مالك : انتي ليه بتصعبي الامور ؟
ندى : انت الما بيعجبك كلامي يا مالك !! و حا اللبس و اطلع .. انتظري يا زوبا !

مالك : ما عارف اقول ليكي شنو !! حقك علي لو حسستك بكدة .." رد الباب معاهو و طلع "

" بعد 12 دقيقه "

" ندى في الصاله " : السلام عليكم ..
عزو : و عليكم السلام " قام و قعد " ..
زوبا : وصلتي الايميل حقكم !!

عزو : ااي ، " مد الايباد لي ندى " دي المعالجة حقت الموقع حقك لو شايفه انها مناسبه ممكن نعالج بيها !!
ندى : " مسكت الليباد عاينت و رجعتو ليهو " ، ممكن صور لي باقي الطوابق بالتصميمات و التنفيذات !؟

التايه " تعاين لي اريج بي طرف عينا " : يمكن بتدور تشرب جبنه معانا اتي يا بتي كان تسأليها !
اريج : اي خلاص ممكن فنجان واحد يا خالتو !
التايه " مكررة كلامها بي همس وغيظ " !

" كبيت لي نفسي وشلت بسكويت لي و ليها و نظراتها لي كانت مليانه كلامك كتير حسب الفهمتو "

سلوان : انا حا اقوم اجهز !
اريج " قامت على حيلها تلقائياً " : انا جايه معاكي !

سلوان : انتظريني هنا معليش ، عشان اللبس بي راحتي ، حا اللبس و اجي !

" رجعت قعدت "

" سهام جات داخله من برا بي رقيه "
النخيل : حييه اتلقي الشمش برااا حارة يا بتي اعفي لي عليك الله !

سهام : سمي الرحمن يا عمتي ! ما سويت شي .. " بتعاين في اريج" عمتي .. هاكي رقيه انا داخله جواا !

التايه : اجي !!! من متين بتخلي قلوة البن و بتمشي ! بري اتي الليله ماك نصيحه !

سهام : نصيحه مالي كمان ! " بقت داخله مارقه "

#جانب_نوريان :
{ بتتصل مكالمة }

" بتكلم روحا " : دا مالو ما بيرد على تلفونو ! هففف
{ بتتصل تاني ، لمن رد عليها } !

نور : في شنو يا الطيب انت عارف دي المكالمة الكم من امبارح لليله ؟؟؟
الطيب : جايطه مالك الدنيا صباح !
نور : يا الله من البروووود ! دا شنو البرود الانت فيهو دا يا الطيب !؟
الطيب : " اخد نفس متنهد طويل "معليش !
ما قصة معليش انا ما دايرة معليش انا قلقته عليك انت مريض سكري كم مرة اقولها ليك و قاعد في سكن براك لو لا قدر الله حصلت ليك حاجة انا حعرف من وين !؟ #مقاطعها !

الطيب " مُرقق صوتو بيحاكي كلامها الحتقولو " : ولو لاقدر الله حصلت ليك حاجة يا الطيب انا هااحس بالذنب لاني السبب في قعدتك في البلد دي ! مش دا الحتقوليهو يا نور حفظتو اقسم بالله حفظتووووو ! كل دا عشان ما رديت يعني !
" بي غيظ منو " انت واحد بارد على فكرة !
الطيب : معليش طيب ! بس " سكت مسافة " بس كنت مخنوق شويه و ..#قاطعتو !

حصل حاجة في الشغل ؟
الطيب : لالا الشغل تمام ، بس ناس البيت كلموني بي عرس اختي !
عرس اختك دا حاجة بتخنق يعني !! ليه م قبلان بي عريسها ؟
الطيب : لالالالا انا قصدي انه مبسوط بس بوريكي اني مفروض اسافر السودان عشان العرس !

طيب حلو ما كعب بس انا سالت عن الحاجة الخانقاك يا الطيب ! عاين اجيك ؟
الطيب : مجنونة انتي !؟ لالالا دي مسافة سفر و انتي عندك شغلك كمان في يدك !

طيب وريني مالك ؟ اتلاقين مع ندى ؟
الطيب " سكت " !

اذن الموضوع ليهو علاقه بيها !! انا كدا اتأكدته من سكوتك دا !
الطيب : ندى في السعوديه !
— السعودية ! دخلت كيف ؟؟؟
الطيب : لالا م براها معاها مالك !
اي عندي خبر سفرو من الشركة هنا بس ما قايله ندى معاهو ! طيب هو كلمك يعني ؟
الطيب : لا انا عرفته بالصدفه من تالتنا !
اها كدا انا فهمته !! ما عارفه اقوليك شنو و لا قادرة اواسيك بس في اتذكر انك ما سعيت ورا حبك ! فا ما تزعل و اتوقع اي حاجة !

الطيب : طيب يا نور ! انا نازل اتغدا ! مواعيد الحقنه !

طيب !

#مكتب_مدثر :

" متلمين في اوراق "
حسام : حتسافر تاني متين ؟؟
مدثر : ما عارف لسه والله ، بس انا ما فاهم الاتفاقيه دي ؟ كأنه في غلط في النسبه هنا ؟؟

زميلهم : اديني ليها انا حسبتها !
مدثر : اي راجعا .. " رجع بي ضهرو على الكرسي و مسك تلفونو "
#مكالمة :

مدثر : الو ، ايوا يا سلوى مشيتي ؟؟ " بيعاين في ساعة يدو " !
ايوا في الشارع اسي !
مدثر : جمبك زول ولا شنو ؟؟؟
ااي !
مدثر : طيب اسمعي انا من قبيل داير اكلمك بس نسيت ، كنت داير اقول ليكي توقفي تقديم مقترحات لي زنوبيا !
فجأه كدا ليه !!
" حسام ركز في الكلام "
مدثر : اي عندي معاك كلام بس نتلاقى ، متصل عشان اقول ليكي انه من الليله توقفي !!
غريبه !!
مدثر : زي ما قلت ليكي ! حا اجيكي في الرجعه يلااا !
طيب .. سلام !!
مدثر : " قبل يقفل سمع صوت اريج وهي بتقول ليها " : { دا مدثر ؟؟ } و بعدها الخط فصل !

#جانب سلوان :
#في_شارع_ال60 ..

اريج : دا مدثر ؟؟؟

سلوان : " بي ابتسامه باهته " انتي دايرة شنوو يا اريج ؟
" اتوترت و بقت تتلفت من غير اجابه "

سلوان : على العموم ، حاولي ما تختيني في الصورة فا عشان لو تعاملك الاسي دا معاي بي سببو فا احب اقوليكي الترابه في خشمك زي ما بقولو اهلنا !!

" مسكتني من يدي قوي لدرجة وقفتني "

سلوان : " وقفته بعاين في مسكة يدها في معصمي " دا شنو يا اريج ؟؟؟
" فكت يدها و ادتني احساس انها ما قاصده " : قصدك شنو انتي بي كلامك القبيل !

سلوان : طيب حعمل فيها اني صدقت انك ما قاصده مسكة يدك لي دي ! برضو عشان خاطر العشرة البينا .. و كلامي القلتو قبيل داك لو ما كنتي فهمتيهو ما كان حالك اتقلب كدا و جيتي محصلاني لحد البيت !! فا انتي فاهمه و انا فاهمه ... #مشيت !

" جات لاحقاني وقفت لي في وشي "

اريج : بس انا حابه اعرف منك قصدك شنو ؟؟
سلوان : طيب !! انتي شايفه نفسك انك عملتي حاجة غلط مع مدثر اخوي ؟؟

" مع زوبا جمب الموقع "
زوبا : رايك شنو انا شايفاهو حلو شديد بالجد !!
{ عزالدين جا طاير }

عزو : السلام عليكم .. كيفكم ؟
ندى : حمدلله ..
عزو : معاااذ تعال .. يا استاذه ندى شفتي التصميم من جوا ؟
ندى : ايوا شفتو و ما بطال ، ممكن تكملو الدور العلوي !
عزو : اهاا .. تمام طيب .. بالنسبه للدور العلوي حابي اوريكي الشكل قبل التنفيذ على التلفون لو ممكن !
ندى : اتفضل ...
عزو : قبل اوريكي حابي اقوليكي ان تقوى موجودة معاي و كان قالت دايرة تجيكي ، و م معاي رقمك عشان تكلمك !
ندى : تقوى يا حليلها والله .. طيب انا بتصل ليك بعد ارجع اديني ليها !!

عزو : خلاص تمام .. طيب يلا اوريكي الطابق العلوي
: " وجه عليها التلفون بعد فتح المخطط " دا المدخل من بعد السلم هناا .. و الجزئيه دي حنخليها اسود ساي ، و دي متر بس " قبل على المحل بيأشر ليها من برا و موجه عليها التلفون "

ندى : عزالدين.. عزالدين
عزو : اتلفت عليها .. نعم ؟!!!
ندى : " اشرت ليهو بي حاجبي على التلفون " .. هاجر بتتصل عليك ، فا الشاشة اتغطت و عشان كدا م شايفه الحته البتتكلم عنها دي !!

#جانب_سلوان :

{ قدام البيت }

سهام : دي عربية منو ؟
سلوان : بررري ! الباب زاتو مردود !!
سهام : خشي ياخ من قبيل شابكاني جعانه جعانه عشان تجي تقيفي خشم الباب ..
سلوان " لذيت الباب ودخلت و سهام وراي "
سهام : يمة عمتتتتتي !!
فجاة سمعنا " ايووووووووي يووووي يووووي يوووي"
سهام : بسم الله " مسكت في يد سلوان "
سلوان : عمتي !! بتزغردي مالك بسم الله !!
" فجأة طلعو رجال من الصالون الحته الكانت مقسومة ديك ، و معاهم شيخ كدا .. "

سهام " شافت حسام " :
سلوان ، والله غايتو شكلي حا اقوليك مبروووك !!
سلوان :
" دفرت يدها " مالك علي ! مبرووك انتي دي !!
سهام :
وانا البدورني منو يا سلوان ؟؟ افرحي ساي !!
النخيل : ايووووووي يووووي يوووي !!!؟
مدثر بعد سلم للشيخ و وصلوه لحد الباب ، جا راجع ، و انا و سهام راسنا لافي معاهم !"

" احمد طلع مع الشيخ و حسام و صاحبهم رجعو الصالون "

سلوان : يمه !! في شنوو " مشت عليهم " مالكم انتو ؟ احمد عقد ولا شنو ؟

"سهام دايرة تجي تحصلني مدثر مسكا من يدها ، اتلفتت عليهو .. "
سهام : مدثر ! انت كويس ؟؟

النخيل : امشاكم جواا !
سلوان : اجي !! نمشي جواا كيف يعني ؟؟ يا مدثرررر #قطعتها " امي ختت يدها في خشمي و كرتني معاهم جواا "

سهام : " بتعاين في مسكت يدو و فيهم وقت دخلو خلوها براها " : ديل مالهم ؟؟
مدثر "لفتا عليهو عديل بعد زحت يدها ، مسكا راجع ومسك يدها التانيه ، و بعاين ليها جوا عيونا"

سهام : مدثر عيب ! " سحبت يديها ما ثدرت ". انت جنيت ؟؟
مدثر : بتدوريني ؟؟
سهام : لا دا كلام شنوو ؟
مدثر : بتكضبي ؟
سهام "بتوتر " : فك يديني طيب !!
مدثر : ما ناوي افكهم ! داير اكون اليد البتمسك يدك دايماً .. انتي ما دايرة ؟؟
سهام : مدثر !!
مدثر : بتريديني ؟؟ " و عاين جوااا عيونا "
سهام : مدثر انت ماك نصيح ! زح كدي !!
مدثر : نصيح ! مالي ؟؟ عارفه ! في لمعه في عيونك بتخليني ما داير انزل نظري منك ! سمح ردي لي ؟ بتريديني ؟
سهام : " هزت راسها و دنقرت لي تحت " !
مدثر : انا كمان ردتك ، ردتك بالحييييل يا سهام !
سهام " منططه عيونها " :
بتقول في شنو انت " و دموعا نزلو " !!!
مدثر : " فك يد و ختاها فوق راسها و فضل ماسك يدها التانيه ، غمض عيونو وهو بيقول ليها " :

{ اللهم أجعل بيننا من الموده والرحمة أفضلها، وأرزقنا الصبر والحلم أكمله، وأجعلنا على منابر من نور
وأسعدني معه وبقربه في الدنيا وفي جنة السرور، وأهدنا يالله لما فيه الخير والصلاح .. وارحمنا برحمتك يارحيم ياكريم ..وصلى الله على سيدنا محمد وعلى آله وصحبه أجمعين”. .. "اخد ليهو سكته من العبرة ، و فتح عيونو و قال :
اللهم اجعله عقد ، تنعقد به سعادتنا و امنحنا رضى و توفيقاً و رزقاً لا يخبو ..."اتنهد مسافه و نزل يده من راسها " } مبروووكة علي !

سهام :
" جرت يدينها و ختتهم في عيونها و بقت تبكي "
مدثر :
" مسكها و لماها عليه .. "
عويرة ، ان شاءالله بس تكون دموع فرحه ما دموع تدبيسه هههه !!

سهام :
زح .. عيب ها ..
مدثر :
يعرفوك عويرة كيف .. بقيتي مرتي يا الطيرة هههه !
سهام :
زح برضو ..
مدثر :
" رجع لي وراا " زحيت هاه ..

#جرت_دخلت جوا ..

#جانب_محجوب_حسن !
#مكالمة !

محجوب : حسن في صوت جرس تلفونو فتح !!
حسن : افتح الاسبيكر ...
محجوب : " فتح الاسبيكر "
الوووو .. ايوا يا على كيفك ؟؟ وينك ؟؟
__ يا هلا محجوب حمدلله كيفك انت ؟
محجوب : الحمدلله بخير ! تلفونك مقفول عافيه ؟

#شارع_ال60
بقلم سحر سمير و فاطمة قسم الله
-١١٥-

#جانب_سلوان :
اليوم دا كان مفروض اطلع بدري عشان الاوردر حق العرس .. فا صحيت 8 لمن اانجزت اموري كانت 10 ، لقيت مدثر سايب لي كيس حلاوة امي نبهتني عليهو ، شلتو ختيتو جوا شنطتي و طلعت من البيت 10:30 !!
قبل اصل الشارع .. تلفوني رن
اتلفت وراي ، كان مسافة من بيتنا بس شايفه سهام من بعيد واقفه خشم الباب .. رديت على مكالمتها :
سلوان : ما بقدر ارجع يا سهام والله !
سهام : متين مرقتي انتي سريع كدا !
سلوان : و متاخرة والله في شنو ؟
سهام : العرس حتمشي ؟
سلوان : لالا عرس شنو ما ماشه اي عرس ، بعدين انتي زاتك م حاتمرقي بعد دا !
سهام : لسه ياخي عليكي الله خلينا نمشي حلفتك ياخي نفسي اشوف اعراس الخرطوم !
سلوان : طيب بمش معاك بس بي شرط ! كلمي مدثر انتي و كان وافق خلاص ، بسوق و بنمشي !!
سهام : خلاص بكلمووو !
سلوان : سلام يلاا ...
" قفلت منها لقيت في مكالمة فائته من عم محجوب و ما كنت منتبهه ليها ، قلت م مشكله ، بلاقيهو قدام " ... ركبت امجاد سرعه و الساعه 11:08 انا وصلتا زنوبيا المطبخ !!

#مطار_الرياض !
" عزالدين قاعد في صالة المغادرة و ماسة التلفون في يدو وبيهز بي رجولو .. بعد تردد ليلة كامله اخد القرار ، و داس اجراء مكالمة "
عزو : صباح الخير ..
صباح النور .. منو ؟
عزو : انا عزالدين يا ندى ، شكلي صحيتك من النوم !
عزالدين ! حبت رقمي كيف ! على اساس ما وعاك وقت داير تديهو لي تقوى !
عزو : فعلاً ما كان معاي بس في اخر ايميل منكم جاني مرفق في ايميل الشركة على العموم بعتذر و فعلا م كان معاي ، بس حبيت اوضح حاجات و دا سبب اتصالي !
حاجات شنو ؟؟
عزو : ليها علاقه بي كلام امبارح الدر بينا !
و ترهق نفسك ليه دي كانت مجرد دردشه لا حتجيب لا حتودي فا م تدي الامور حجم اكبر من حقهاا !
عزو : يمكن انا اختلف معاكي في النقطه دي ! بس انا داير الاحترام يظل بينا! و التوضيح تقدير ما اكتر ، لانه انتي في حاجات فاهماها غلط !
طيب اتكلم سامعاك ..
عزو : طيب اولاً انا م كذبته عليكي بخصوص رقية انتي المادايرة تصدقي ، بس الحكيتو ليكي عنها و عن الورقه كان حقيقه ، و الزوله الدخلت في نصنا #قاطعتو !
عفواً عزالدين ! توضيح بسيط بس ! هي ما دخلت .. انت الدخلتها لانه مافي وحدة حتدخل حياة زول براها .. كمل !
عزو : طيب كلامك صح انا دخلتها رغم اني منعت نفسي وحاولت بس فشلت لاسباب خلافات كتيرة كانت بينا ،، الانسانه الدخلتها بينا دي ما اسمها رقيه ، هي صحبة رقيه ، و انا علاقتي بيها بدت بعد زواجنا ، ما قبل ما اتزوجك ، و هاجر القلتي لي شكلك جددت و كنتي بتلمحي ليها دي ! ياها الزوله الكنت حتزوجا قبلك و انا م بعرفها ، امي الكانت عايزاها لي و حصلت ظروف العزا وانا ما اتقدمته و هي كان عقدو عليها ، و حاليا هي رجعت اتواصلت معاي شالت رقمي من اخواتي ، و كا البينا سلام م اكتر ،، و الانسانه الدخلتها بينا دي انا لحد وقت اتطلقنا انقطعنا ،، لانها عرفت موضوع اني متزوج و رفضت تكون التانيه ،، و ما بكذب انا حاولتا معاها بس هي رفضت عشانك انتي و عشان هي م دايرة و قالت م عندها ثقه فيني اني زي م عملت فيكي كدا ممكن يجي يوم و اعمل فيها نفس الشي ..
م حكذب واقوليكي كرهتها بس بطني طمت ، لانها ظلمتني و يمكن من الوقاحه حالياً اني بتكلم عنها قدامك بس انا حبيت اقول الحقيقه دي ..
و اقوليكي اني اسف على كل وعد وعدتو و ما وفيت بيهو عن كل دمعه نزلت منك بي سببي ، عن كل ضيق كان بسببي عن اني ما بقيت ليكي الزوج البتتمنيهو .. ختى لو كلامي دا ما حيشكل معاكي فارق انا مرتاح لمجرد اني قلتو ، و مبسوط لي انك حاربتي كبتك و ضيقك مني بالنجاح الوصلتي ليهو دا ..

__ م عارفه اقوليك شنو بس حقيقي انا ماحاسه بي حاجة تجاه القصص دي !! م عارفه المشكله وين بس شكلي فقدت الاحساس ، حتى النجاح البتتكلم عنه دا م قادرة احسو !! بقيت م عارفه افرح ! و ما بي سببك ، ابداً انا بعد امي الله يرحمه ما عندي عزيز ولا غالي غير مالك اخوي !!
كسرة الضهر حقت فراق الام انت جمبها صفر على الشمال ، علشان كدا انا بقدر م كنت دايراك وقتها على قدر ما اني م شايفاك حالياً ، م دايراك تفهم كلامي دا على اساس انه رد كرامة او كف او اهانه او كسر رقبه او انتقام بصورة غير مباشرة لكن اقسم بالله مافي ولا ذرة فهم جواي بالشكل دا انا بقول الحقيقه الحاساها و بس ... على قدر التغير المشرف الحالياً عايشاهو دا و مبهر للحوليني الا اني متمنيه ارجع ندى الزمان ، ندى الوقحه ديك !
م عشان عاجباني وقاحتي و قلة ادبي ! لا والله ابداً ، علشان ندى ديك كانت بتحس ..
حالياً انا فاقده الاحساس ...

نداء على السادة المسافرين على ......الخ

عزو : ندى انا ....#قاطعتو !
ندى : م ترد .. الله يوفقك و يعدلا عليك و للمرة التانيه انا بقولها ليك ! انا عافيه ليك .. مع سلامة الله !!

عزو : ندى ! دقيقه ... اتكرر النداء
اوففف ...

#زنوبيا :

مالك : بتفتش شنو ؟
الطيب : م عارف شلت حاجاتي و ختيتا وين !
مالك : عييييييييك انا بـ#مكالمة_تلفون الطيب !!

الطيب : رد رد ... افتح المايكروفون !!
مالك : عزالدين !! الووووو
الطيب : عزو ! دا رقمو السوداني والله ...
عزو : اقسم بالله انت اندال انا جاي عشانكم !! السودان دا ، تقومو تسافرو في يومي الجيت فيهو ؟؟؟
الطيب : يا زول انت ما اتكلمته زاتك !
عزو : بس عارفني
الطيب : طيب عرس اختي يا زول ! اركب تعال علينا بس !
عزو : اركب شنو يس !! مالك كيف ؟ اسامة قالي كلن بي عافيه شويه !
مالك : الحمدلله بقيت بخير و حمداااه على السلامة ..
عزو : الله يسلمك يارب ..حا اجيكم بكرة ان شاءالله ، خلي بالك من الطريق
" صوت جمبو بقوليهو يا عزووووو هاك "
عزو : طيب انا حا اقفل طمنوني بس توصلو ..

الطيب : طيب حبيبي
مالك : سلام !!

"عزو بعد قفل "
عزو : شنو ؟؟؟ يا تسنيم ؟؟
تسنيم : شوف ؟!! حمودي ! دا شنو اتمليت طين كدا انا اسي مش غيرته ليك يا الله !!!!
عاين عليك الله غير ليهو قميصو دا يا عزو بما انك لبسته و شوف حتخت دا وين ! و سوقو معاك على الصاله طوالي ما تخليهو لي هنا !!

عزو : حلووو عديل .. حبيب خالو .تعال !
تسنيم : هاك الكرت دا خلي معاك حاخدو منك قدام!!

#جانب_سلوان :
#ترحال !

سهام : اتحصني هاه !
سلوان : محن ، اتحصن فوق شنوو !
سهام : تعال اديك عيوني شوفي بيها !
سلوان : بالله !!
سهام : اها انسيك مني انا ، اتي شوفي البعاين ليك بالمرايا داا عويناتو شغالات زي مساحات العربيه ، مفقلن فيك !
بتاع ترحال : من ياتو مدخل ! الرئيسي و لا المن اتجاه السور ؟
سلوان : ما بعرف والله طيب دقيقه !
{ طلعت تلفوني ، اتصلت بي الهام }
#مكالمة !

الهام " صوت بوري و عربات " : الووو
سلوان : الهام كيف انا سلوان ! اسمعيني انا عند الصاله اسي و سالني ينزلني جمب ياتو بوابه ما عرفته !
الهام : الرئيسيه ! حتلقي تسنيم واقفه ليك برك عشان تدخلك معاها الكرت !
" قلت للسواق مش دي الرئيسيه ؟ "

رد لي : ايواا
سلوان " نزلت قزاز الشباك و بعاين " : تسنيم مافي هنا يا الهام ! في شباب و اسر اظن كلهم داخلين !
الهام : معقول !! شوفي كويس يا سلوان عليكي الله انا موصياها !

" نزلت من العربيه و بقيت بتلفت "
سلوان : مافي والله يا الهام ! المشكله عندي في الكيك لازم ادخلها الفريزة حقت الصاله ! فا شوفيها كدا !
الهام : طيب انتظري قبلك !
سلوان : طيب !!

#جانب_تسنيم :

#بتركب_العربيه !
زوجها : تلفونك بيرن ...
تسنيم : وااي اتاخرنا عديل .. منو طيب رد
زوجها : الهام ،، ردي انا فتحته الخط !

تسنيم : ايوا يا لهومة اها الزفه طلعت ؟
لهوم : زفة شنو انتي وين البت دي منتظراكي قدام الصاله و الكيك قالت ما بتحمل برا الفريزة !
تسنيم : واااااي انا نسيتا والله !! يا الله ... ياخي حتى الدعوة ما معاي !
لهوم : طبعاً ما جاده يا تسنيم يعني انا اعتمدت عليكي ! اسي الحل شنو يعني ! والله بتبالغي !!
تسنيم : انا حا اتصرف اقفلي !!
لهوم : وريني طيب ...

#اتصال :
تسنيم : عزو ! انقذني عليك الله الكرت الاديتك ليهو قبيل معاك ؟
ايوا في جيبي !
تسنيم : طيب " متخوفه " ... شوف انت وين طيب ؟
في الصاله و حمودي معاي !
تسنيم : طيب ممكن تشيل الكرت تديهو لي اي واحد من الشباب ان شاءالله الشباب بس ما انت ! حيلقى بت برا يشيل منها البوكس و يدخلو تلاجة الصاله و يدخلوها الصاله بالكرت المعاك !
شوف زول انت خليك ماسك حمودي !!

طيب تمام !!
تسنيم : و ارجع لي طمني بعدين !
طيب طيب ...

#جانب_عزالدين !
" بيتلفت بفتش في زول و ماسك حمودي في يدو "

عزو : يا هاشم .. هاشم " اخو العريس " .. تعال عليك الله !
— ايوا .. وين يا سكرر " لي حمودي " شنو القشرات و الحركات دي !
عزو : اسمعني ! في وحدة برا شايله صندوق مفروض يدخل التلاجة حقت الصاله ! شيلو منها ، و دخلها بالكرت حق الدعوه دا عليك الله !
طيب كلمهم هنا بخصوص الصندوق و انا حطلع ليها .. لابسه لون شنو طيب و لا اسمها منو ؟؟
عزو : ما عارف والله ! بس يمكن من البوكس تعرفا !

طيب طيب !! و جرى على برااا !!

" عزو بعد هاشم مشى اتذكر انه ما شال الكرت فا طلع حصلو "

#برا_الصالة :

" سهام في العربيه من الشباك" : شنو يا سلوان ؟؟
سلوان: انتظري !!
" جاني صوت من وراي ... اتلفته "
قال لي : انتي المفروض تدخلي و معاكي بوكس ؟
" اتلفت عليهو " : ايوا انا دقيقه !
" من ما اتلفت عليهو عيونو م نزلت مني ، لفيت في المقعد الجمب السواق نزلت الايس بوكس ! و انا لافه بيهو .. سمعت صوت بيقول ":

#شارع_ال60
بقلم سحر سمير و فاطمة قسم الله
-١١٧-

#تاني_يوم :
#جانب_سلوان :

" جاية داخله الاوضه بالمكوة و شايله بلوزتي في يدي "
سهام : مدثر جا كان بيسأل منك !
كنت في الحمام م شفتو برا ! انا كمان عايزة اتكلم معاهو في موضوع !
سهام : و انا متين حتتكلمي معاي في موضوع ؟

" بوصل في المكوة و قعدت في طرف السرير عشان اكوي فيهو "
كنت على علاقة بيهو من فترة و ما اتوفقنا مع بعض ، و امبارح اتلاقينا صدفه !
سهام : الرسايل والخاتم !!
** لي فترة اربعه شهور بتجيني رسايل من زول مجهول ، عو مجهول بالنسبه لي بس هو زول بيعرفني ، في مرة رسل لي CD ! فيهو فيديو على جزئين ، الجزء الاول رساله نصية بي خط يدو فا كان لابس خاتم نفس الشفتو على يد عزو ! و الجزء التاني هدية حتعرفيها في وقتها ان شاءالله ! عشان كدا حصل مني التصرف دا كنت فاكرة ان الرسايل دي منو من ما شفت الخاتم في يدو تاني م فهمت حاجة ، لاني اتعلقت شديد بالرسايل دي و حابه شديد اعرف البيرسل لي منو !!
اتخيلي انك تحبي انسان م بتعرفيهو ! ما منطقيه صح ؟؟ .. بس منطقيه بالنسبه لي ! لانو رسل لي في اكتر وقت انا كنت محتاجة فيهو زول جمبي !
و رسايلو كانت بتحسسني بالسند !! عشان كدا البحسو تجاه الرسايل دي او الشخص دا ما حيخش على عقل انسان طبيعي !
سهام انا حافظه الرسايل الجاتني كلها بي تواريخها بي محتواها !! م تتخيلي نفسي اعرفو كيف ! م عارفه هو ليه م داير يظهر لي !

سهام : غريب !
يمكن زول ظهر ليكي قبل كدا و انتي رفضتيهو !
سلوان : م ظنيت ارفضو لو عرفتو ، انا مقتنعه شديد ان الحب افعال يمكن تقولي لي عو عمل شنو عشانك اصلا ! بس فكرة وجودو وانه كان متذكرني طوالي واني على بالو دايما دي م كانت حاجة هينه بالنسبه لي !
سهام : لالا فهمتك والله .. سبحان الله ، من كلامك ساي كدي اتمنيت اعرفو اكتر منك ، الصراحه لسه في املي انك تكوني من قسمة احمد اخوي ! لكني قنعت ياداب ، سبحان الله القلوب دي الحاجة الوحيده الما بقدر ابن ادم يتحكم فيها !! الاداني مدثر اخوك و حقف لي حلمي بيو من ساعتي الصغيرة قادر يسعدك !
الحصل معاي يا سلوان نتيجة مناجاة لله سبحانه و تعالى ! ربي قادر على كل شي ! و حيسعدك انا متأكدة !

سلوان : ادعي لي !!

#لمحة_عن_محمود :

محمود : يا عمي (..اسمه ..) انا والله بحترمك شديد ، بس انت عارف رأي !و ابوي زاتو عارف راي بس ما داير يقتنع ! لكن كلامي بقولو ليك تاني ! انا ما بشتغل شغل واسطه !!
دا كلام ابوك ما كلامي انا و انا بنفذ بس ، اسمع الكلام و خلينا نتخارج من الموضوع دا !
محمود : اسف .. " قام على حيلو " قول ليهو محمود ابا الشغل و طلع نفسك من الموضوع !
يا ولدي الله يرضى عليك ، شغل الدكان دا ما بيطلع ليك مصاريفك !
محمود : معليشش .. الصلاة يا عم ( ..) لو ما عندك حاجة يلا معاي على الجامع !!
الجامع بعيد مني ، انا بصلي هنا !!
محمود : طيب ربنا يتقبل .. مع السلامة ...
" اتحرك من جمبو ، طلع الشارع تلفونو رن "

( ملخص المكالمة )

( ايوا انا محمود ... اهااا ، ايوا ايوا .. اي قدمته عندكم عم طريق اعلان انتو معلقنو ، ايواا .. بالجد ؟؟ شكرا شكراا .. بكرة الصباح ان شاءالله حأجي استلم انا جاهز ما عندي حاجة .. شكراً شكراً )

محمود : الحمدلله و الشكر لله .. حمدلله !! شكرا يارب شكرا شكراً .. " ماشي و يتحمد " حمدلله الحمدلله !!

#زنوبيا:

" الدور التحت "
" حسن جاي داخل " : محجوب ! كيف ؟
"محجوب بيتكلم تلفون "
" حسن قام و مشى على اريج الشغاله من سكات في البترينه "
حسن : اريج كيفك ؟
حمدلله !
حسن : كويسه انتي ؟
ايوا حمدلله !
حسن : الليله جايه بدري عشان كدا !
اي لاني قصرت اليومين الفاتو ، حبيت اعوض !
حسن : م مشكله الناس ظروف برضو ! " عينو جات على بوكس في مكتب سلوان " ! دا شنو ؟؟
__ مابعرف محمد ختاهو هنا قال لي سلوان !
حسن : ايوااا ...

" سلوان جات داخله "

سلوان : سلاام عليكم ..
" ردو وعليكم السلام .. و عم محجوب لسه بيتكلم "
سلوان : دا شنووو !!! " بي فرح "
حسن : هديه زي ما شايفه ههههه متين يرسلو لي انا !
محجوب " خلص تلفونو " : المبلغ كبير ! ما لاقي زول يحلنا ! حيت كنت داير تقول شنو انت ؟؟

حسن مشى عليهو " قعد جمبو " :
مشيت المكتب حقهم ! قالي اصلا عندنا مهله سداد يومين و المالك مسافر عشان كدا م حيفدرو يدونا مهله الا بعد المالك يرجع ! فا م عندنا حل غير نتصرف في المبلغ ! و انا الشريك اللقيتو. م واثق منو فا اتناسيت فكرتو !!
سلوان : م تشيلو هم !
اريج : كيف يعني ؟حتدفعيها انتي ؟؟
سلوان : تريقه دي ؟؟
اريج : لا جاده ديل 6 مليار !!
سلوان : كتيرة علينا احنا بس ما كتيرة على ربنا !
محجوب : و نعم بالله !!
اريج : طيب قبل الزحمة حابه استاذن يل عم محجوب مشوار صغير و راجعه !
محجوب : طيب

#شارع_ال60
بقلم سحر سمير و فاطمة قسم الله
-١٢١-

"ردة فعلهم كانت غريبه من ما شافوني "

ندى : مالكم ؟ بسم الله !! اتفضلو " و رجعت لي ورا من الطريق "
" دخلو .. و انا سبقتهم لي جوا طوالي "
ندى : مالك !! " اشرت ليهو على دخلة الصاله"
الطيب " شاف مالك راقد و مغطى بالدفاية ": مالك !!!
عزالدين " عاين لي ندى و بعدين لي مالك " : مالك !! عافيه ؟
"مالك قام قعد مبتسم ليهم " : عافيه عافيه تعالوو !
" سلمو عليهو وفضلو واقفين قدامو و كمية من الاسئله ، الطيب قعد مالك و عزو قعد في كنبه براهو مقاصد الكرسي القاعده فيهو خالتهم "
ندى : خالتي تعالي دقيقه " سبقتا على المطبخ "

" في المطبخ "
ندى " واقفه في التلاجة " : خالتي ! في شنو نقدمو ليهم ؟
خالتا : في عندك جوافه و فراوله مثلجة في الفريزة ، و في الفمتو الجابو مالك لسه قاعد !
ندى : خلاص تمام امشي اقعدي انتي ، انا بعملو !!
حالتا : ندى ي بتي والله مرام من جيتي انتي ما ارتحتي !
ندى : الراحة ملحوقه مبسوطة انا والله بي شوفتكم حوليني الفترة الفاتت كانت صعبه علي شديد الحمدلله من غيركم !
خالتا : الله يحفظك ..
ندى : طلعي لي الفمتو بس و امشي اقعدي !
" عشر دقايق جهزت العصير و طلعت "

الطيب : الشغل يطير يا مالك !
عزو : العافيه مافي زيها والله ، و الشغل ما بينتهي
ندى " بتخت الصينية في التربيزة " :
بيسمع كلامكم دا من هنا و يطلعو من هنا و في النهايه بيعمل الفي راسو ! لكن الا المرة دي والله لو اقعد حارساهو الليل والنهار " اتفضل يا الطيب ، بتناولو " ما بخليهو يشتغل ، انا ما عندي زول غيرو في الدنيا دي بعد امي ، و ما عندي استعداد اخسروو !

"الطيب عاين ليها بي زعل شديد و سكت و دنقر في الارض "
ندى " واقفه عند خالتها " : اقعدي في الكنبه جمب عزالدين ، خليني اقعد مكانك !

" عزالدين رفع راسو عاين ليها و اخد جغمة من العصير و عمل فيها ماسك تلفونو "

#جانب_سلوان :
#العربيه !

حسام : حسب وصفك دا البيت !
مدثر : نزلنا عشان الزمن دا زاتو م وقت زيارة لو ما الظروف بس الحمدلله !
" نزلنا و خبطنا الباب ، فتحت لينا ولويه ، طرالي مدثر رجع لي ورا و عاين لي يعني دي بت اتكلمي معاها انتي "
ولويه : يا اهلا وسهلا سلوان تعالو اتفضلو كيفك " سلمت علي "
سلوان : الحمدلله بخير كيفك انتي !؟ عمي محجوب موجود عشان اخواني ؟
ولويه : اي اي في الصالون اتفضلو " بابا .. بابا "
سلوان : سلامة الوالدة كمان ان شاءالله بسيطه !
ولويه : والله يا سلوان الحمدلله قدرالله و ماشاء فعل !
" عم محجوب جا من جوا "
محجوب : بتي ، كيفك كيف امسيتي ، اهلا اهلا العريس ، كيفك ياخ " سلم عليهو حضن ، و سلم على حسام و قعدنا في البرندة الجمب الصالون "

مدثر : كفارة ياخ م تشوف شر ان شاءالله !
محجوب : الشر ما يجيكم يارب اها المعنويات كيف ؟
مدثر : تعب بس والله الحمدلله ! م محتاج عزومة انت عارف !
محجوب : عزومة شنو !؟ بنجيك انا و ولويه بتي دي!
سلوان : ولويه ممكن توديني للوالده اكفر ليها ؟
ولويه : اي تعالي انا قلته بعد تاخدي نفسك من المشوار اتفضلي ...
" اخدنا قعدتنا معاهم و طلعنا منهم الساعه 10"

#العربيه :

سلوان : مدثر ! معليش وصلني بيت ناس اريج اعزمهم عشان تاني طلعتي صعبه !
حسام : بكرة انا معاكم ان شاءالله بالعربيه عشان المشاوير لو عايزة بكرة ممكن !
سلوان : ما مشكله كدا كدا انحنا في شارعهم !
مدثر : كمل كمل !

" كملنا لحد بيتهم ! نزلت على السريع من خشم الباب ، اروى اخت اريج فتحت لي ، سلمت عليها و اصرت ادخل ، رفضته ، و خليتا تنادي امها ، سلمت عليها و جات اريج بي وراهم سلمت علي ، عزمتهم و طلعته طوالي .. و شايفه اريج كانت ماسكة الباب و بتعاين لينا او لي مدثر الجوا العربيه بمعنى اصح .. و رجعنا البيت "
#البيت :

" جيت داخله الاوضه ، لقيت سهام قاعده تتمسح و لافه راسها بالبشكير "
سهام : اتأخرتو عديل !
سلوان : الونسة مع عم محجوب سمحه والله !!
سهام : اسمعي خلي عم محجوب ، عزمتي جماعتك الظراف ديك ناس العرس ؟
سلوان " مسكت راسها " : واااي والله نسيت يا سهام الساعه كم جات اسي !! الزمن فات !
سهام : م مشكله الصباح كلميهم ! انا محتارة ما عارفه انقش بكرة ولا بعدو !
سلوان : انتي عامله شنو في شعرك ؟
سهام"طلعت البشكير نفضت شعرها ماشاءالله " : رايك شنو ؟؟
" اتخلعت فيها بقيت منططه عيوني " : سهااااام !!!!
" جيت مسكتا شعرا " مجنونه ! دا عملتي وين ؟؟؟
سهام : اجي ! كيف يعني عملتو وين ! برااااي عملتو يختي والله النت دا ما خلا حاجة اي شي دايراهو بلقاهو !
سلوان : ماشاءالله عليكي ! والله انتي شاطرة ياخي عجبني كيف تبارك الله ! اللون عجيب !

مالك بيقول :
ماشي على المحل وانا عيوني في كل ركن فيهو بفتش ليها ولا ما شايفها .. لمن وصلت المحل ! دخلته .. و برضو كانت مافي ، ما لقيت غير زميلتها و واحد على الكاشير .. بقيت واقف وما عارف اقول شنو او اعمل شنو !!
حسن : اتفضل !!
" اريج رفعت راسها عاينت مع صوت حسن ، من شافتو صلحت طرحتاا و ملابسا وطلعت لي برا "
مالك : سلوان موجودة ؟
حسن : لا اجازة الليله !
اريج : اتفضل !! في الخدمة !
مالك : لالا شكراً .. و استاذ محجوب ؟
حسن " بي استغراب " : لالا عنده ظروف !
مالك : اها لالا تمام .. شكرا !! #طلعته !!

م كنت داير اضيع الحجة الوحيده في اني اشوفا !! و هي التلفون !! فا كان لازم اضحي بي شغلي الفي التلفون لاجل غير مسمى !!
لمن وصلت العربيه ، بعد داير اركب .. جاني صوت من وراي بيقول لي :
ممكن دقيقة ؟
مالك : اهلين اتفضلي !
عايز سلوان في شنو ؟
مالك : حاجة شخصيه شويه !
عشان تلفونك مش ؟
مالك " بي استغراب " : ايوا !!
طيب انا دايرة اكسب فيك ثواب و انورك بس و نصيحه لله .. انا ما نسيتك من وقت جيت وسالت عن سلوان ، و كان شكلك مختلف عن اسي ! يعني زمان كنت زول عادي لكن اسي ماشاءالله !
المهم الزوله دي متزوجة و ما بتنفع ليك و عندها بت زي ما عارف و غير كدا زوله لعبيه و ماديه ! فا حاول ما تورط نفسك معاها ..

مالك " قفل باب العربيه و تكل يدينو فوق العربيه " :
ابداً ما من حقك تتكلمي عن انسان بالسوء في غيابه لي غريب ! منو الاداكي الصلاحية في كدا ؟؟
على فكرة ! عيب كان ما عارفه ان كلامك وتصرفك دا عيب فا انا الحا اكسب فيك ثواب واقوليك انه عيب !!!
عن ازنك .. " ركب عربيه و قفل الباب و دور فات "

مالك : لاحول ولاقوة الا بالله .. بالله في كدا في الدنيا دي ! الله يهديكي ياخي ..
وقفت عربيتي في شارع الستين بعيد من زنوبيا !
و ماسك تلفون خالتي وانا متردد .. و بعد مدة قررته اتصل على رقمي !

#جانب_سلوان !

كدي اتصل بالناس ديل قبل اتلخم !
" دخلت الغرفه وقفلت وراي الباب ، شلت تلفوني و وقعدت في طرف السرير .. و انا بدوس اتصال .. سمعت صوت نغمة ايفون
شلت شنطتي و تلفوني في اضاني .. طلعت التلفون من الشنطه ، لقيت مكالمة داخله بي اسم " امي التانيه "
فصلت المكالمة من الهام .. و رديت على تلفونو .. "
سلوان : الوو
مالك : كيفك ؟
سلوان : يا هلاااا ... " سكته مسافة وقلت ليهو ! " مالك ؟؟
مالك : اي مالك " وقتها اتمنيت صوتها ما ينتهي "
سلوان : ! حمدالله على السلامة بقيت كيف اسي ؟
مالك : بخير الحمدللهر!
سلوان : اكل كويس و جيب موز فيهو نسبة حديد عاليه !
مالك : عرفتي العندي يعني ؟
سلوان : ااي و الحمدلله جات على قدر كدا قدامك العافيه ..
مالك : الله يعافيكي يارب .. جيت المحل !
سلوان : اي اي عشان التلفون ، و اختك قالت لي اخليهو معاي ما اختو امنيات المحل عشان كداا ! و انا الليله و بكرة اجازة مناسبة اخوي !
مالك : م مشكله انا نسيت كمان لانك امبارح قلتي انك حتاخدي اجازة قدامي !
سلوان : طيب اهااا ، كمان اخوي ما لامة فيهو عشان يديك ليهو الحل شنو ؟؟
مالك : م مشكله بنتظر يومين !
سلوان : طيب طيب عاين انت وين اسي زحيت من جمب المحل ؟
مالك : انا في شارع الستين زاتو جمب ال( ...) !
سلوان : ما دايرة اصدمك لكن دا قريب من بيتنا هه !
"مالك بقى يتلفت "
جادة ؟؟
سلوان : ايوة ! عاين خليك واقف قبلك ! طالعه ليك و تلفونك عامل 5%
مالك : 5% دا حيقفل خلاص ؟
سلوان : م عندي شاحن ايفون ! خليك واقف مكانك بس !
مالك : مليني رقمك على السريع !
سلوان : طيب اكتب ... 0990 ..الووو .. الوو

" صلحت التوب اتلثمت بيهو شان لو اعمامي برا و اتسحبته طلعته .. و ماسكة التلفونين تحت التوب "

وصلت لحد الشارع محل هو قال .. م كنت شايفه زول .. فضلت واقفه مسافه !
كان اشوف عمي جبارة الله و معاهو احمد ! مارقين من شارعناا .. في نفس اللحظه تلفوني ضرب !!
#رديت !
سلوان : الوووو
شايفك جاي عليكي !
سلوان : انت في عربيه !؟
اي
سلوان : لالا م انزل م تجي علي لو شايفني !! نهائي م تجي علي !! انا ليه ما شايفاك !
انا شمالك موازي الشارع الرئيسي !
سلوان : " وقتها عيني في عمي واحمد ، هرولته جري .. علىً شمالي !! لمن لمحت العربيه ! هو كان واقف برا و تاكل في باب العربيه و هو مفتوح !! "
الوو سامعني .. خش جوا العربيه !!

طيب !!
سلوان : جبارة الله !
شنو ؟
سلوان : جبارة جبارة ياخي .. افتح الباب !
بتقولي في شنو انتي !!؟
سلوان " غطيت وشي كلو بالتوب ، لمن وصلت العربيه ومسكت الباب في يدي ! وبخبط ليهو " !
__ " فتح لي الباب " !
سلوان : " ركبته ودنقرته تحت " !

" جاتا شايله الكمشه في يدها وقفت "
خالتا : اتصال شنو يا بت ؟؟
ندى : دا شنو ؟؟ داخله لي مكالمة بي رقمك !
خالتا : يا بت انتي عويرة ! دا مالك مش طلع بي تلفوني قبيل !! مششيم " دخلت المطبخ "

ندى " خبطت جبهتي " :نسيت والله !!
#رديت !

ندى : اي يا مالك كيف ؟
مالك : مالك ما بتردي ؟؟ اسمعي !!
ندى : نسيت التلفون معاك عشان كدا ! اها احكي !
مالك : تسنيم دي اتصلت لقت التلفون معاي ! قالو جاين عليكم !
ندى : بالجد ! طوالي اهلا و سهلاً !
مالك : قلته اكلمكم وري خالتي !
ندى : مرحب بيهم والله ، خلاص يلا انا بقفل اسي اشوف الحاصل شنو نجهز !
مالك : اجيب حاجة معاي ؟
ندى : لالالا تعال بس ارتاح يا مالك كفاك بالجد ! ً
مالك : طيب يلااا ...

#جانب_مالك :

عارفين انا لي كم متهرب من فكرة اني احكي او اتكلم عن نفسي !؟
لكن لكل حاجة حد ! و اسمحو لي اني اعبر ليكم عن سعادتي في اليوم دا و اكتفي بي كدا و نخلي الباقي للاحداث ...

#جانب_سلوان :

دخلت ، لبست لي عبايه سرعه سرعه !!
و شايله شنطتي و طالعه تلفوني رن .. طلعتو وانا متحركة رديت :
سلوان : الو ايوا منو ؟؟
معاك عمك اسماعيل. يا بت !
سلوان : عم اسماعيل ! يا الله ، اعفي لي عليك الله ياعم اسماعيل عليك الله والله العظيم في بالي بس اللخبطه و الجوطة العندي نستني والله !
يا بت ! سمي الرحمن !
سلوان : بسم الله الرحمن الرحيم !
انا ما غريب هاه مجهز جلابيتي و عمتي و شالي و مركوبي دااك ليهو بسمع في كلامي ! انا كمان محتاج عزومة ؟ ضرب لي محجوب و بلغني و ضرب لي العريس بي نفسو شال رقمي من محجوب و كان ما اتعزمت انا جاي جاي !
سلوان : انت عارف ! ربنا ما يحرمني منكم يارب يا عم اسماعيل !!
عمك اسماعيل زاتو بيحبك و داير يفرح بيك قريب ، و هسي ضربت ليك عشان اقوليك كيكة العرس حقت بكرة عندي و محجوب نسق معاي في الاسناكات حق بعد الغدا الليله شوفي لو عندك حاجة معينه دايراها !
سلوان : " عيوني رقرقت " : الحمدلله عليكم يا عم اسماعيل ! ربنا م يحرمني منكم ! ما دايرة حاجة غير سلامتك شكراااا !
على شنو يا بتي يلا اقفلي اقفلي !
سلوان : عمي ممكن تبلغ سلمى " بتو ديك " تجي ؟
سلمى في مدني طولت عند عمتها !
سلوان : اهااا طيب تمام !
" وقتها كان داخله لي مكالمة "
يلا سلاام !
سلوان : ف امان الله ...

" بعد قفلته رديت "

سلوان : الو ..
ايوا يا سلوان !
سلوان : منو ؟
حسام يا سلوان ما رجعتي لي ليه ؟؟
سلوان : نسيت والله و ملخومة ! و اسي مدثر داخل لي في الانتظار كمان !
طيب عايز اتفاهم معاكي ما لاقي طريقه ، و ضروري شديد الليله !
سلوان : قلقت بي يا حسام عافيه ؟
لالا انتي كمان قلق شنو ! بس اهم حاجة مدثر م يعرف بي اتصالي دا عشان انا سارق رقمك من تلفونو و عارفو تصرف ما كويس بس كنت مضطر !
سلوان : طيب وريني !
عامل مفاجاة لي مدثر ! داير اجيب فنان او فنانه و ما عارف منو ! و ما عارف اذا اجيب الليله و لا بكرة م عندي اي خلفيه عن الموضوع سألته لقيت فنان و اول مرة اسمع بيهو ! و متردد !
سلوان : يا الله !! شكرااً يا حسام الله يسعدك يارب !
ما داير شكر في مناسبة اخوي ! دايرك تفيديني ؟
سلوان : طيب جيبا فنانه و ياريت لو دلوكة ، لكن ما عارفه بكرة و لا الليله ! و م بعرف فنانات الا اسأل !
م استفدت شي ! طيب شوفي وارجعي لي يلا عشان ما ااخرك !
سلوان : اتفقنا ..

" طلعت لي مدثر ، مشيت معاهو السوق ! انا شلت فستان و هو صمم يشيل لي واحد تاني و اختارو هو على ذوقو و هاي هيلز و بلرينه كعب لاني م طويله و ما قصيرة ، طولي 164 سم .. و طرحتين و رجعتا البيت و طوالي اتصلت بي حسام و قلت ليهو الفنانه بكرة و اديتو اسم وحدة من المت حضرت ليها فيديو في حفله ، و بعدها بقينا في لخمة الناس و الجوطة حقت الغدا و الخدمة انا و عشه اخت رُقية الله يرحما اندعكنا دعك ، لحد المغرب .. "

#جانب_الطيب_وعزو !

" الطيب لابس "

عزو : ماش وين ؟
الطيب : ماشي لي مالك ! بتصل عليهو تلفونو مقفول !
عزو : اهااا .. تمام !!
الطيب : تمام شنو ! ما حتمشي معاي ؟؟
عزو : لا عندي موضوع !
الطيب : طيب تمام ..

الطيب بيقول :
كنت حاسس بي نفسي مغبون شديد ! ما شايل ضغينه تجاه عزالدين او الجواي دا مجرد احساس فيرة و خلاص و انا شايف نظراتو لي ندى ! و كلامو الما عارف ليهو اساس عنها !
مغبون من عزالدين لاني شايفو انسان اناني شديد !
و موقفي دا كان حيكون تجاه اي زول غير ندى !
لسسه مستمر في نفس الغلط ! لسه مصمم يكرر نفس الغلط و مع نفس الانسانه !
طيب انت عايز شنو ؟؟ بالجد ما قادر افهمك ! ولا انت مصمم تربطا بيك و حياتا تتمحور حولك انت و بس !

ما تقيفي في مكانك و البتتمنيهو لي نفسك و لي ننويه اعمليهو بي يدك ! ما تعتمدي على شقى غيرك ! هو ما عندو عقل زيادة عن العندك ! وين المشكلة لو عافرتي و بديتي من الصفر ؟
انتي اخديني مثل حي قدامك ! انا عمري م عرفت قيمة القزوش دي الا لمن قررت اطلعا برااي و بي عرقي !
من قمت ابوي محجوب كان خاتي لي معلقه دهب لبست احسن لبس و اكلت احسن اكل و قعدت في احسن بيت ! غرفتي كان فيها كل صغيرة و كبيرة ممكن يحتاج ليها و يتمناها اي شاب في عمري !!
قريت برا السودان احسن مجال !!
و رغم ذلك حالياً انا عاقبت نفسي بي اني م اشيل و لا جنيه من ابوي محجوب و اهو بديت من الصفر !
عايني للعربيه الراكبا دي !
عايني ليها اسي البشوفا يقول دي حتوصلني اول الشارع دا !! انا كل يوم بطلع بيها بالدفرة ! و زاتا ما حقتي بس راضي بيها و مبسوط بيها لانها وصلتني للمكان الواقفين فيهو اسي دا !!!

معليش لان كلامي حار ! بس ما تعيش جاهله في حين انك متعلمة !! الوقت البتضيهيو في التفكير و الضغاين اولى بيهو حياتك واهلك و بتك !!
الفقر ما عيب لا كان و لا حيكون !
العيب فيكي انتي .. لمن قالو الرضا بالمقسوم عباده ما قالوها ساي ! و قسمتك كان م عاجباك غيريها بس كمان م تعترضي عليها !

اريج " بكت اكتر و عاينت ليهو و نزلت "

وليد : ربنا يصلح حالك ... #دور_فات

#جانب_ندى !

" قاعده في الصالة "

" مالك جا داخل ، خت المفاتيح فوق العلاقه الفوق الجزامة "
مالك : صاحيه !؟

ندى : مستنياك ، شكلو حفلتكم كانت رهيبه !
مالك : " ابتسم " اي والله !

ندى : دا المطلوب ! يلا بعد دا انا ادخل ارقد ! مع اني كنت عايزاك في موضوع بس خليهو بكرة عشان تكون فايق معاي !

مالك : و هسي فايق .." جا قعد جمبها "
ندى " اتصلحت في قعدتا و عاينت ليهو !! و اترددت ، بقت تتلفت و تهبش في شعرها ، غيرت الموضوع "

مالك : مالك ؟؟
ندى : اااا ... رايك شنو في زوبا ؟
مالك : زوبا ! ما فاهم يعني من ياتو ناحيه ؟؟
ندىً : عديل !
مالك : فهمتك !
ندى : و رايك ؟
مالك : هي ما فيها كلمة بس انا م داير !
ندى : ليه ؟
مالك : كل حاجة في وقتها حلو ! بس برضو ما حسيت ان هو دا موضوعك !
ندى " بي تردد " : لا هو دا موضوعي !
مالك : طيب .. حدخل استحمى و انوم !! ..
ندى : طيب !!

تلفون هزاز ندى
"مالك عاين للشاشه حقتا !! و صر وشو و قام من غير ما ينطق بحرف "

" ندى شالت التلفون و دخلت الغرفه "
#ردت !!

ندى : هلا !
عزو : ندى كيفك ؟
ندى : الحمدلله انت كيفك ؟
عزو : حمدلله !! ندى .. من غير مقدمات و كلام كتير
ممكن طلب ؟
ندى : لو بقدر عليهو طوالي ! اتفضل !
عزو : بتقدري !
ندى : طيب قول !
عزو : جوبيني على السؤال دا !!
هل انا كعب ؟؟ زول كعب يعني ؟ و لو كعب ، كعب لي ياتو درجة ؟؟

ندى : فجأة ؟؟
عزو : لا ما فجاة ! انا حاسس بي كدا و اتقالت لي من اقرب الناس لي و انا ما زعلان بس ما حابب اكون انسان كعب ! و ما فيها حاجة لو الناس نورت بعض مافي انسان كامل !
ندى : الكمال لله !
عزو : و نعمة بالله !
ندى : طيب الزول القاليك انت كعب دا !!
قال كدا ليه !؟ اسبابو شنو او شنو الموقف الحصل و خلاهو يقول كدا ؟؟
عزو : حصلت خلافات بيني و بين انسان عزيز عليهو !
ندى : طيب في الحالة دي هو م من حقو يتدخل او يلوم عليك ! خصوصا انه ما عارف اسبابك شنو او حقيقه الموضوع شنو او يمكن زولو دا وصل ليهو فهم مغلوط عنك !!

عزو : ندى !
ندى : قول كلامك !
عزو : طلبي انك تفضي الجواك كلو تجاهي ! ممكن ؟؟ طلعي لي الجواك دا كلو ! انا عايز ارتاح من جهتك ! قولي لي اي حاجة زي م كنتي بتعملي زمان فضي غضبك فيني و سمعيني فارغ ! المهم اتكلمي !

ندى : بس انا ما ندى الزمان عشان اعمل تصرفاتي الزمان ! و بعدين انت زمان تصرفاتي دي ما استحملتها ! جاي تتحملها اسي وقت ولا شي بينا ؟.
دا منطق شنو ؟
و بعدين انا ما عارفه انت بتقول كلامك دا ليه ! بس انت براك لايم نفسك و محسس نفسك بالذنب !
بس حا اريحك ! لو كلامك البتقول فيهو بي دافع التأنيب ! فا هون على نفسك انا اتجاوزته الحصل كلو و ما شايله منك اي ضغينه !
بالعكس انا اتعلمت من تجربتي ! ما وصلت للانا فيهو دا بالساهل !!

عزو : معاملتك لي دي مضايقاني شديد !
ندى : داير شنو انت يا عزالدين ؟
عزو : دايرك معاي و عشان عارف انك ما حتقبلي فا حا اكتفي بي صداقة !
ندى : صداقه ؟
عزوو : في خيار تاني ؟؟ انه نرجع مثلاً ؟؟

#جانب_سلوان !

" كنت راقده في غرفه براي الكنا بايتين فيها انا و سهام ليلة امبارح و ناس امي في الحوش .. رغم التعب الا اني م كنت قادرة انوم ، شغاله اتقلب و اتقلب في السرير ... لحد ما.
تلفوني رن
#رديت !

#شارع_ال60
بقلم سحر سمير و فاطمة قسم الله
-١٢٥-

#الفندق !!

مدثر "من زاوية الغرفه " : سهاااام !! سهام !! في شنو كويسه انتي ادخل ؟؟
سهام !! " قرب من باب الحمام " !! "كو كو كو " سهام !! " خت يدو في الاكرة حقت الباب و نزلها لي تحت "

سهام " سبقتو و فتحت باب الحمام من جوا ، جات طالعه و رافعه يدها الشمال ": مالك ؟
مدثر " بي استغراب ": سمعتك بتتآوي !! و ناديتك ما بتردي ! يدك مالها ؟؟
سهام " ثبتت طاقية البشكير بي يدها اليمين عشان ما يقع من شعرا ، و اتحركت على السرير" :
ااي بسيطه !

مدثر " جا وراها " : البسيط شنو ؟ و يدك دي مالها ؟
سهام : ما انتبهت على الماسورة الحمرا !سهيت و فتحتها على السخان و يدي تحت الماسورة ،و سهيت اظني !
مدثر " مسك يدها و قعد ينفخ بي لهفه "
لاحولولا قوة الا بالله .. " مشى على شنطتو طلع مرهم و جا قعد جمبها .. و بدا يمسح ليها براحه "
واجعاك مش ؟

سهام : بري والله ما حاسه بيها زاتو !
مدثر " يهف و ينفخ ليها " : معليييش ، خلي بالك تاني ، والحمدلله ما بقت ماسورة الدش !!

سهام : عارف ! بالي مع رُقيه ! اشقت ليها ! اريتو شلناها و جبناها معانا !
مدثر " عاين ليها بي حب و خت يدو في خدها "
سهام !! انتي حلوة شديد !
سهام " خجلت و دنقرت "!!

مدثر " خت يدو في حنكا رفع ليها راسها "
عايني لي هنا !! سهام !! عايني لي زي ما بعاين ليكي !
سهام : مدثر !! " و رجعت دنقرت "
مدثر " جراها عليه و حضنا ، و خت يدو على راسها مطبطب عليها " : اتطمني و خليكي مرتاحه يا غاليتي ! " رجع منها لي ورا و فضل ماسك يديها " :
عندي كلام نفسي اقولو ! ممكن ؟؟

سهام " هزت راسها بالموافقه " !

مدثر :
بالنسبه للحصل قبيل في العرس من اريج !
جاتني امبارح بليل في الحنه و قالت لي انها دايراني و انه ماعندها مانع لو تجي زوجة تانيه ، فا انا حبيت اطمنك يا سهام انا #قاطعتو !

سهام : ههههههههه
مدثر " نطط عيونو بي استغراب " : المضحك شنو ؟

سهام : كل شي !
مدثر : انا بس حبيت اطمنك !
سهام : انا لو ما مطمنه ما كان عرستك من البدايه !ناهيك عن سهام الهبله و ناهيك عن مشاعري تجاهك بس الامان و الاطمئنان بيسبق اي شي ! و البيصون اختو و بثق فيها و بقدرها و بحبها ! حيعرف كيف يتعامل مع مرتو !! و دا الانت عملتو و بتعملو !
اما بالنسبه للاطمئنان البتقصدو انت من جهة الانسانه ديك ، انا ما بغلبني اكسر كرعيها ! لكن دايرة الشي دا يجي منك و فعلاً جا منك و ما خاب ظني فيك !! و اتا كان بتريدا و دايرها هي كات قدامك قبلي ! و رغم ذلك ما اتهزيت و ردتني انا !
البقلقني شنو انا ؟؟؟ ترعى بي قيداااا ! اخر همي !!

مدثر " مبتسم باس يدها " :
طيب على سيرة المشاعر !! ما ملاحظة حاجة !!
" و هو مقرب عليها "

سهام ! " منططه عيونا فيهو و بترجع لي ورا و هي قاعده في السرير " مدثر !!

مدثر: ردي ها !!
سهام " بي تمتمة " ! مم ملاحظه شنو طيب ؟!

مدثر : يعني شوفي انتي ! في شنو ما قلتيهو لي ليهو علاقه بالمشاعر وكدااا !!
سهام : مم م ماف ششش شي. !

مدثر : متأكدة !؟
سهام : ااااي " و قامت وقفت لمن وصلت اخر السرير" احم !

مدثر : بتكذبي ليه ؟ و بعدين انتي مغطيه شعرك كدا " جر الطاقيه حقت البشكير و نطط عيونو بي" تبارك الله ماشاءالله .....
سهام " بقت تتلفت من التوتر " !
مدثر : حلو اللون !
سهام : شكراً
مدثر : ههههههه خلاص خليتك خلاص !!؟ بس ردي بي اول !
سهام : ارد على شنو ؟؟
مدثر " قرب منها بعاين ليها في عيونا "
على اني بحبك !!
سهام " بي خلعه رفعت راسا عاينت بيهو و نزلتو تاني "

مدثر " رفع راسها من حنكا "
لالا خلي كدا عايني لي لمن بتتكلمي معاي!!
ردي لي عليها !

سهام : " اااا... اممممم" و... و انا كك ك كمان !
مدثر : و انتي كمان شنو ؟؟

سهام : بحبك يا مدثر !!
مدثر : " مسكاااا عليهو .........

#جانب_سلوان :

ما عارفه انا اتغيرته ولا الحاصل معاي هو الغريب !
ختيت طموحات عاليه شديد للسعاده الحتجيني من عرس مدثر اخوي ! بس ما اتخيلت ان في مواقف زي دي ممكن تحصل ، و كأن كل حاجة كانت حالفه تنكد عليهو فرحتو و رغم ذلك اتحدى كل الحاجات دي و عاش فرحتو و ضحك من قلبو !
اما بالنسبه لي م عارفه والله العظيم ما عارفه اقول ليكم شنو بس حاسه ان دا اغرب يوم مر علي !
بعد التوتر و المواقف الحصلت دي ! جا عليهم مالك !
اللي لا على الباب و لا على الحسبان !! لمن اتصل علي و اتكلمنا بي كلام م قادرة استحضر تفاصيلو كلها ! لمن قلت ليهو :

سلوان : عشان النظرات دي بحسها مليانه كلام اكبر من مجرد انه يتقال كدا وخلاص او كلام عابر او تعبير عن حاجة ! لالا البحسو في نظراتك كلام كتير و كتير شديد كأنها مواضيع كمية و م عارفه لو عبرته ليك عن العايزة اقولو بصورة سليمة و لا لا !

ندى : و الشمارات !
مالك " صغر عيونو بي عدم استيعاب " شمارات !!
ندى : ايوا متشوقه اعرفها!
مالك : حتعرفيها ! بس اديني شوية وقت !
ندى : لا ولا ثانيه !
مالك : طيب خليني امشي عشان مرتبط بي مواعيد برجع و ححكي ليكي كل حاجة عنها انتي حابه تعرفيها !
ندى : طيب مش تفطر معاي !
مالك : معزوم انا !
ندى : ايامك هههه ..

#جانب_سلوان !

بديت يومي على اساس ان السمعتو بليل دا حلم او خيال بي دافع التعب و الارهاق الكنت حاسه بيه !!
صحيت بالبيت هادئ شدي ..
لقيت تلفوني البطاريه نازله .. شلتو ختيتو في بلك في شقف الحوش و دخلت الحمام !!
و لبست توب امي و شلت تلفوني و مشيت على بيتنا ..
دخلت البيت ، نفس الشي هادي و رايق ! قربت اسأل نفسي " كم لبثت في نومي هذا ؟ " ياخ حتى الحوش الكان يضرب يقلب كان رايق !!
جاني صوت من رقيق من وراي !
__ صح النووووم !!
" اتلفت عليها "
سلوان : اسماء !!! " حضنتها " كيفك حمدالله على السلامة ! معقوله جايه بعد عرس اختك !!؟
اسماء : اسمتي ساي والله ممغوسه !
سلوان : يا زوله الحمدالله تحضري عرس اخوك !
اسماء : اي ان شاءالله !
سلوان : اهاا الاخبار شنو ؟؟
اسماء : الاخبار يا سلوان والله بدور القرايه و الجامعه !
سلوان : يا زوله م صعبه طالما احمد و امك هنا و سهام كمان ماف عوجة اقري ، بس انتي جيتي هنا مع منو ؟
اسماء : مع خالتي !
سلوان : سمح ديل فاتو وين؟
اسماء : مشو على العرسان قبل المطار !
سلوان : اجي !! و اعمامك وين ؟
اسماء : سامعه عمتي النخيل قالت عمي جبارة الله و سيد احمد فاتو من الليل اظن !
سلوان : غايتو الحمدلله ! وحاة الله مت شايله عم البيت و الحال الكان في الليل !
اسماء : انا وكت جيت ماشاءالله الحروم ديل يقعن و يقومن في النضافة ! ماشاءالله للملايات ديل غيروهن !
سلوان : حروم منو ؟
اسماء : بري امي قالت بأجروهن و كان لافحه غلط ما بعرفو !

تلفوني رن

سلوان : دقيقه يا اسماء ... #رديت !
الو عمي محجوب كيفك ؟
__ الحمدلله بخير ! اصبحتو كيف ؟
سلوان : الحمدلله بخير انت كيف و خالتي رجلها بقت كيف ؟
الحمدلله احسن !
سلوان : يا رب دايماً !
لو قلت ليكي بتقدري تجي على المحل حا اكون بالغته معاكي و انا عارف ظروفك كويس ارهاق و تعب !
سلوان : و الله يا عم محجوب ما عندي حاجة و فير كدا انا ماخدة اجازة يومين بس و الليله تلاته يوم !
ما دايرك للشغل !في موضوع ضروري عايزك فيهو !
سلوان :خلاص بجي ما عندي مانع !
على مهلك يا بتي ! في انتظارك !!
سلوان : تمام !!
" بعد قفلته "

سلوان : اسماء ! ماشه المحل تجي معاي ؟
اسماء : محل شنو ؟
سلوان : محل شغلي !
اسماء : طوالي ورح ! "فجأة بقت تضحك "
سلوان : بسم الله جنيتي ؟
اسماء : هههههههه وااي يا سلوان اتذكرتت ام شعيرات تتذكريها ؟
سلوان : حقو يسموها ام قلاصه !
اسماء : هههههه
سلوان : مالها ام لسان ؟
اسماء : ياهو بعد الحادث داك اخدت ليها رقده و لمت لسانها عليها و حوايه ست الخلوة كان ياهوعاصرة عليها ! اها يلا اظن ماشه ليها لي فتنه و شمار عند ناس كدي اتاري عندهم عتوت مخلول بس تراهو يسك الغاشي و الماشي !
و اكان يلم في ام شعيرت ،و مساككه في الدخينات دي كلها ! و ساعتو الدفرة ليك في نص الترعه بي قريناتو دي في نص الطين و الجالوص و و فير السنينات ما تفرزي فيها شي هههههههه '
ساعتا البقت تفنجض و تلولي في نص الفريق ! وي وي اليشوف حالا بغلبو اكان يضح ولا يبكي !

سلوان : هههههههههههه يجازيك يا اسما
و اريتو كان تتأذب و تمسك لسانا دا عليها !

اسماء : يا زوله ادب المدايح ههههه بس انا كل ما اتذكرها مجلبطه بالطين و الجالوص دا بتدردق قبلي من الضحك !

سلوان : حننتني والله رغم ذلك مسكينة محتاجة لي توعيه هههه عايني قومي خلينا نلبس منتظرني !

#جانب_الطيب !

" مدخل يدو تحت المخدة بيطلع التلفون القاعد يضرب ... لمن فصل ! فضل ماسكو و مغمض بين نايم و صاحي .. تاني التلفون ضرب ..#ردا !
الطيب : الوووو
نايم يا حلو ؟
الطيب : منو !!؟ نور ؟؟؟
اممم عندك مزة ممكن تتصل عليك غيري يعني ؟
الطيب : طيب اقفلي خليني اتم نومي و ارجع ليك بعدين باي !
باي شنو هي ! دقيقه دقيقه !!! نوم شنو عايزةاشوفك انا !
الطيب : نور انتي مسطوله ؟
قوم ياخي بلا مسطوله معاك قوم !
الطيب : اقوم امشي وين بطلي زن !
عاين للرقم طيبز!
الطيب " نزل التلفون من اضانو عاين للرقم "
نور !!!انتي وين ؟؟؟ لا ما مصدق !! "قام قعد في نص السرير ".
قوم يلا !
الطيب : طيب طيب !ما سايق انا لكن !
معاي عربية اخوي ! اصلك وين بس هنا مافي لوكيشن !
الطيب : عايني ... ( ...) ! عرفتي ؟
طيب اول ما اوصل اقيف في مكاني يعني ؟؟'
الطيب : ااي يلاااا !!
__ تمام ! باي !!

#زنوبيا !

قلت ليكي ! من شفتك ما بقى فيني عقل !
سلوان : مالك !!! لا بجد انت كويس ؟؟
" مبتسم و ماسك الوردة السادسه "؟
سلوان : ليه خمسه ؟ و انت معاك وحدة ؟
خمسه عدد الشهور الكتبت ليك فيهم !! و السادسه كان شلتيها حتكون موافقتك بالشهر السادس .. !
سلوان : دا منطق ؟
خلي منطقك معاي حالياً !! انا طمعان في الاكتر منو !
سلوان " مديت يدي شلتها منو ، و ابتسمت " !
شكراً ..... " طلع ظرف من يدو" اتفضلي !

سلوان :" ابتسمت و شلتو منو " اتاخرت على الشغل ...سلام " جريت " !!!
سلام .. " ابتسم شديد "

" دخلت المحل ...صبحت عليهم ! دقايق مافي لقيتو دخل المحل ورااااي".

#زنوبيا :

محجوب : اتاخرته يا مالك !! " عاين لي " !! في ورد بشيل ورد عههه !
حسن : هههههه مشاغله لكن ! مالك كيفك ؟؟
مالك : الحمدلله !!
طيب عشان انا مرتبط بي مواعيد .. لستاذة سلوان بلغتكم ؟؟

سلوان " بقيت بعاين فيهو وهو بيتكلم كأنه م ياهو الزول الكان واقف معاي براا "
" م قدرت استنى ، فتحت الظرف لقيت جواهو ورقه ، فكيت الطبقه ، و قلبي كلو بيدي ... و قتها كان مترغب ردة فعلي ! .. لقيتو كاتب "
{ : تضحكين ‏فيصبح العالم ‏مدين لكِ ‏بالمزيد من الشعراء .. و في يوم المرأة العالمي .. كل الايام حقتك ، اضحكي تضحك الدنيا و تفيض ..}

اريج " جات علي " : سلوان !!

سلوان " عاينت ليها و انا مبتسمة ، شلت الورقة دخلتها الظرف و ختيتو جوا شنطتي " : اهلين !
اريج : حلوة الورود !
سلوان : " ابتسمت و بالي مع مالك "
اريج : انا محتاجة اتكلم معاكي ! ضروري !
سلوان : طيب اتكلمي !
اريج : م هنا ! انا اخدت اذن من عم محجوب ! انك تطلعي معاي ! حابه كل شي يرجع بينا كويس ! فا لو سمحتي لي م تخربي لي تخطيطي و تجي معاي !؟

"وقتها مالك طلع "
محجوب : سلوان !!! ليه عملتي كدا ؟؟
اريج " بتعاين للتلفون " : عم محجوب ممكن نطلع اسي و بعدين تكمل كلامك معاها ؟
محجوب : طيب !
سلوان :معليش ما حابه اطلع حته عندي شغل ! الدايراهو قولي هنا !
اريج : معليش لو ينفع هنا كان اتكلمته !
سلوان : م حابه والله معليش !!
محجوب : يا بتي ! امشي معاها ! شوفيها عايزة شنو و اجبري بي خاطرها !!

سلوان : طيب تمام .. يلااا ...
اريج : شكراً يا عم محجوب!!
" طلعنا "

اريج " وقفت امجاد ، ركبنا "
سلوان : غريبه بصراحه لكن ! م مشكله نشوف موضوعك شنو !!
اريج : حيعجبك ! لان بالجد نفسي علاقتنا تتصلح يا سلوان ، لاني غلطت كتير و اتماديت !
سلوان : بس لمجرد انك اعترفتي بي غلطك انا رضيت يا اريج و لسه عامله مكانه للعشرةو الخوة م محتاجة انك تعملي لي حاجة !!

اريج : على فكرة ! دي فكرة أرى اختي ! م فكرتي ، و هي حبت تساعدني لمن شافتني محتارة و بأنب في نفسي !! بتمنى تبسطك !!

#جانب_الطيب
#الشارع !

عزالدين : الطيب !! على وين ؟؟؟
الطيب : مواعد مالك ماشي عليهو !؟
عزالدين : ماشي بي شنو ؟
الطيب : مع اسامة حيوصلني !
عزالدين : اسامه مع مرتو وتسنيم جوا لظن حمودي عيان .. بجي معاك انا بوصلك ، لاني داير مالك !
الطيب : دايرو !! طيب تمام ..
عزالدين : ااي دايرو .. تعال اركب ..

" بعد 19 دقيقه "
" كافيه في حديقه "

الطيب : داك ليهو مالك !!
عزو : تعال !
" بعد وصلوهو".
الطيب : حبيبي كيفك ! طولت منك عديل والله ! صحتك كيف اسي ؟
مالك : الحمدالله بخير ! " عاين لي عزو "
عزو كيفك ؟
عزو : الحمدلله بخير ..
مالك : وصلت بدري و سبقتكم ! طلبت عصير و قلت انتظركم للغدا !
الطيب : جعان والله !!
عزو تلفونو رن

عزو : دقايق " قام مشى رد بعيد ".

مالك : قول موضوعك !
الطيب : قبل اقول موضوعي ! اوعدني انه اياً كانت النتيجة ما تأثرعلى علاقتنا ؟!
مالك : انت مجنون !
الطيب : جادي انا !
مالك : قول طيب !!

" وقتها عزو كان جاي عليهم بي وراهم و ماسك تلفونو "
الطيب : مبدئياً ! الموضوع بخصوص ندى!!
عزو " بي صوت عالي " ! : ندى !!!!!!!

#جانب_سلوان :

" خشم الباب "

سلوان : شقة منو يعني ولا بيت منو ؟
اريج: بيت مُنيه صحبتا ! " رنت جرس الباب "
سلوان : طيب ! " بقيت واقفه و بدندن لمن يفتحو الباب "
اريج " مبتسمة و بتعاين لي " !
سلوان : مالك ؟
اريج : ساي بس اشتقت ليكي !
سلوان " طبطبت عليها " : البينا عامرة ! م تشيلي هم حاجة ! كوني بخير انتي بس!

" الباب فتح "
اريج : اروى بطلي هبالتك دي ! جنها تفتح الباب و تجري زي الشافعه ! حركاتك دي ننويه بطلتا !
" و هي بتدخل " : خشي يا سلوان " بتنادي " اروووى ،، يا زفت ....

سلوان " دخلت " : اقفل الباب ي اريج ؟
اريج : ااااي اقفليهو و تعالي !
" قفلت و ماشه عليها "....

حسيت بي يد هبشتني خفيف على كتفي من وراي !!
" اتلفت بي خلعه "
شفتو شهقته و بقيت منططة عيوني !! قلت ليهو بي صوت رايح و مبحوح!!

امججججد ؟!!!!!

يتبع ..

"كالعاده حلقات بكرة مافي ، لانه بنزل يوم بعد يوم "

#استككانه🍴..
#سحر_سمير
#فاطمة_قسم_الله ...

" جانب عزو "
لسه مستمر في الكلام بينه و بين نفسو :
لا لا لا الموضوع دا فيهو أن !
طالما بيضحكو و مبسوطين كدا معناتو ياهو الفي بالي ! و مالك اداهو !!
انا ليه واقف هنا و باكل في روحي و عيني اهلي طالعه !!!
لا كفايه لحد هنا ....

" مشى عليهم بي انفعال "

#جانب_سلوان ..

سلوان " دخلت " : اقفل الباب ي اريج ؟
اريج : ااااي اقفليهو و تعالي !
" قفلت و ماشه عليها "....

حسيت بي يد هبشتني خفيف على كتفي من وراي !!
" اتلفت بي خلعه "
شفتو شهقته و بقيت منططة عيوني !! قلت ليهو بي صوت رايح و مبحوح!!

امججججد ؟!!!!!

امجد " ابتسم لي خفيف و خاتي يدينو ورا ضهرو " !
اهلين سلواااان !! " رفع لي يدو اليمين علامة ترحيب " نورتي !!!
" كنت بعاين ليهو بي خلعه و بعاين لي اريج المبتسمه لي و ليهو و بتطلع في طرحتها الكبديه ، و تغز الدبابيس في الكنبه "

سلوان " بي استغراب " : امجد !!
في شنو بالضبط يا أريج ؟

أريج " قعدت في الكرسي ، و ختت رجل على رجل و و م ردت على سؤالي ، و عملت ليهو اشارة توجيه على اتجاه معين و على حسب نظرتي وقتها انها غرفه "

سلوان : بسأل انا على فكرة !!؟؟
" عاينت لي امجد " : امجد في شنو ؟؟ و لا اقول ليكم ! انا ماشه " و رجعت لي ورا على الباب قريب لي مكان امجد واقف ، دايرة امد يدي على اكرة الباب ! لقيت يدو سبقتني و ضغط على الباب من الاكرة ، و بي يدو التانيه ! عمل تلاته قفلات بالمفتاح ! "

" عاينت لي اريج تاني و ملامحي كلها استفهام ، مشيت عليها هي قاعده و انا واقفه مقارب ليها ، قلت ليها " :
وين أروى اختك ؟؟ وين صحبة أروى ؟؟ وين المفاجأة ؟؟

قالت لي : امجد ما مالي عينك ؟؟
امجد !! " اشرت في يدها محل الساعه " !! انجزنا بالله ، شوف قررت شنو من الخيارين القلتهم ليك !!
بس بما اني عارفه انت اخترت شنو ! فا اتفضل ديك ليها الغرفه !!

سلوان " ضحكة م ليها اي فهم " :
بتقولي في شنو انتي !؟؟

امجد ، جا علي و وقف قريب مني و منها !! مع حركتي و تغير مكاني ، بقى هو قصادي ، و بقت هي قاعده شمالي على كرسي جلوس قديم و وسخان ، و وراي مباشرتاً الكنبه طقمو على نفس الشاكله ! و يميني كذالك اللي هو قصاد اريج ، الكرسي التاني!! و طربيزتو كانت مركونة بعيد بحكم رجلها المكسورة و مختوته الرجل المكسورة فوق الطربيزة اللي كانت قاعده في زاوية حيطة جمب حافله عدة قديمة شديد ، بي قزاز مكسر ، و رفوف قزازها مخبوط بي علامة عنكبوتيه "

امجد " معاين ليها " :
انا نسيت ما سألتك ! في خيار تالت و لا هما ديل بس ؟؟
اريج " بي رفعة حاجب و زعلة " !
امجد ! اظن انحنا متفقين !! بالله انجزنا عشان مافي زمن !!
امجد : انتي تأمري ! بس المقابل ؟؟
اريج : امجد ! حنتكلم اسي يعني مش انكلمنا فيهو ؟؟
امجد : طيب طيب ... " مشى على النملية جاب ! فتيل ابيض شفاف قفلتو زي غطى دواء القحة ، مبتسم بيهو و جاي علي .. "

اريج " مبتسمة " : انا زاتي قلته كدا مع انك خيبت توقعي ! لكن بيني و بينك الشرف ما هين ! بكرة بجي فينا ...

امجد: مع ان الخيار التاني مغري لكن انا طماع ، و خاتي عيني على نصيب الاسد " عاين ليها من فوق لي تحن ، بي نظرك دخلت جواها شعور الرضاا "

" اريج ابتسمعت لمن عدلت قعدتا "

سلوان " ربعت يديني و بقيت بتفرج فيهم "
الفلم البايخ دا حينتهي متين ؟؟

امجد : مستعجله ؟؟
سلوان : فوق ما تتصور !؟
امجد : عارفه الفي يدي شنو ؟
سلوان : مش انت عارف ! كفايه جداً !!
اريج : ما فيكي غير لسان " قامت على حيلها و جات وقفت جمبي "! من فوقك كدا لي تحتك يا سلوان كا فيكي غير لسان ، بيحبوكي لشنو ؟؟ فيكي شنو انتي ؟؟

سلوان : انا الفيني ظاهر ! لكن الفيكي انتي بتشوفيو لمن تغمضي عيونك !
اريج : كيف يعني ؟
سلوان : غمضي عيونك كدا ثواني !
اريج : " بي تكبر غمضت و فتحت سريع " !
سلوان : شفتي شنو ؟
اريج : ما شفت شي غير سواد !
سلوان : و م حتشوفي غيرو ! عشان دا الجواكي !!

اريج " بي عصبيه ! " امجد ! سويهم الاتنين !

امجد : امرك ! تحبي ابدأ بي ياتو ؟ بالسرير و لا بي موية النار دي ؟؟

سلوان " ههههه " : محن !
اريج : امجد استعجل عشان انا عصبته شديد !
سلوان : شوفي ! او شوفو انتو الاتنين !! يمكن الحاجة المكرهه الناس فيني ياها قوة قلبي دي !
انا ما بخاف الا من الخلقني ، رغم ان في مليون سؤال جواي ليكي انتي قبل امجد اللي كان مفروض يتعظ من فقد والده و اخوه الاتنين في لمح البصر ، لكن المشكله فيكي انتي لان هو م جمعتني بيهو عشرة ، انتي يا اريج اللي سميتك اختي و صحبتي و اكلنا في صحن واحد و لبستي من ملابسي و لبست من ملابسك ! سبحان الله عمر قلبي م وافق بي اختك مكان رقيه !
" وقفت عديل فاردة قامتي للنهايه "
م تتوقعي مني اتني ضهري و ادنقر قدامك ! رشها يا امجد .. " قرب علي مبتسم شديد "

اريج : دقيقه خليني ازح من جمبها !! " وقفت جمبو بي خطوة لي ورا " !

احمد : عوافيك و اعفي لي اكان بصلك كان بوسته راسك ! حقك علي ما تزعلي. ختي لي العذر
و دايرك كدي طوالي ، ما توقفي تعاتبيني و نوريني ديمة الله ينورا عليك و على والديك !

و عليك و على غواليك يا احمد .. خلي بالك من نفسك و ربنا يحميك شر الطريق !
"التيه مقاطعه "

التايه : احمد هاااا تعال اتلافى مني الشي دي ! حي يا ايدي وي وي وي، عينك فيني يا خلاقة و اتا شغال قرقزقرقر في النُصيبه دا !
النخيل " طالعه من الباب متلثمة "
لا حول لاقوة الا بالله .. اديني رقية يا احمد !
التايه : شلتها انا ! اركبي اركبي ، وي يا الله من دي سخانه يا لطيف !
احمد : عمتي هاه ! مشي مستشفى ماف تراهو كلام ولدك شان تضجي بي طول الدرب ، من البيت للبيت شان الحبس و اتي واعيه و خابرة زين ها !!!

النخيل :
بتي في ودايع الله ياحمد ! سوق سوق و امسك دربك " عينا في الحروم ملصقات اضنيهم في بعض و تلامذن و يتهامسن " ..

#المستشفى !
#جانب_سلوان. ..

الممرضه : صحيتي ؟ حاسه بي حاجة ؟؟؟
سلوان : ما بعرف لكن ..... اااااه .. كتفي دا فيهو حاجة ؟؟
الممرضه : رضخة بسيطه ! " مسكت يدها "
هنا مش ؟؟
سلوان " صرخت خفيف " : اول مرة احس بيهو ، ااه يا ربي ، في شنو فجأة وجعني كداا !
"الممرضه نزلت يدها و بقت تهبش في المحلول ، و ركبتو ليها في الفراشة الفي كف سلوان " :
انا ختيت ليك المسكن فيهو ، شويه و م حتحسي بي حاجة !

سلوان : طيب ! يارب .. متين اطلع من المكان دا !
الممرضه : معليش .. " اخدت سكته و بعد تردد "
ما متذكرة انك شفتيني قبل كدا ؟؟
سلوان : لا والله !
الممرضه : ما حتتذكريني من سنه ، بس كنن في مستشفى غير دي !
سلوان : انا زاتي م عارفه انا في مستشفى شنو ! طيب قريتي معاي تمريض يعني ؟
الممرضه : لالالالا جيتي انتي و الاستاذ الاسمر الطويل الجا من يومين ، و كانت معاكي وحدة حامل و بعدين اتوفت في الولاده !
سلوان " بتتألم " : قصدك مروة انتي ؟ اااه يا يدي !
بس ما عرفته الاستاذ البتتكلمي عنه دا !
ماف زول اسمر شديد من البرا ديل لا مالك لا مدثر !
الممرضه : لا ما من ديل !
سلوان : طيب معليش ممكن تفتحي لي الابتوب دا و تختيهو لي قدامي عشان انا زهجانه !؟

الممرضة " بقت تفتح ف الجهاز و ختتو لي قدامي "
الزول ما من البرا ديل ! داك كان اسمو عزالدين ! المهم مفروض ما اتكلم معاكي دكتورة ايات مانعه الكلام معاكي !
سلوان " بي نص ضحكة استغراب " :
زاكرتك عجيبه ! كم شخص مر عليكي طول المدة دي متزكرانا لي هسي !!
الممرضة : م بتذكر كل الناس .. على العموم اخدي راحتك انا كنت بتونس معاكي ساي ، كدا ما بعرفو الفلاش اشتغل ولا كيف !
سلوان : لالا شغال تمام خليهو !
الممرضه : طيب لو احتجتي حاجة دوسي الجرس هنا !
سلوان : شكرااً !

#في_نفس_الجانب. .
#الممر !

مدثر " مشى عليها بي نظرة استغراب و م رد على كلامها القالتو و ، مسكا من يدهااا و اتحرك بيها من الممر على السلم لحد الحوش مقارب البوابه حقت المستشفى ، و قبل يفتح خشمو بي كلمة جاهم صوت هستيري بيقول " :

" نفسا قايم " مدثر .. مدثر .. مدثر .... عليك الله اديني فرصه بس اوضح ليك و تسمعني !!!!
" مدثر عينو م نزلت من سهام و قاليها " :
انا ما كنت قاصد اجيبك لحد بوابة المستشفى دي عشان تسمعي و لا تشوفي الخلقه التسد النفس دي ! بس سبحان الله ، ربنا اراد الحاجة دي لي حاجة يعلمها الله انا ما سعيت ليها !
انا جبتك هنا عشان انحنا في مستشفى و اي كلام حيتقال بينا بي صوت عالي ، حيتردد صداه ، و لا المكان و لا الزمان مناسبين للكلامات دي !!
و طالما ربنا اداني الفرصه لحد عندي فا انا حا استغلها ابشع استغلال !! و بي صوت عالي وهو عينو لسه في سهام قال :

وحدة زي دي " مأشر على يمينو "
عمرها ما حتنجح في انها تأثر على علاقتي بيكي يا سهاااام ، لا اريج و لا عشرة زيها ، و للاسف كان نجحت في حاجة فا هي نجحت في ان سلوان ترقد الرقدة دي من وراهاااا ! و دي الله بحاسب عليها ما انا ! لاني للاسف هي ما عندها راجل !
ما عندها ولي ، لو عندها ولي انا كان عرفته اتعاملته معاها و يبعدا من طريقنا ! #مقاطعاهو !

اريج : دقيقه دقيقه ! انا عملت شنو كمان لي سلوان هااااه ؟؟
ذنبي شنو انا كمان في الحادث ولا انتو اي بلوة و مصيبه ترموها فيني انا !!!؟ و كان على امجد ما سوا ليها شي من الاساس !!

" مدثر اتلفت عليها بي عدم استيعاب "
مدثر : عايزة تقنعيني انك ما اتصلتي على سلوان وقاتي ليها امي ماتت زي ما رسلتي لي رساله قلتي فيها ان امي ماتت !؟؟

اريج : بالعقل !
انا البخليني اعمل كدا لي سلوان شنو و هي في السودان و كلهم خطوتين من البيت لي زنوبيا !!! انا رسلت ليك انت عشان عندي غاية اني انكد عليك شنر عسلك و ما تتهنى و بالواضح بقولها ليك !!

" الاحداث فيها نسب زمنية متفاوته "
اقرو دي مسافة اخلص الحلقة الاخيرة بس اخلص من كتابتا و انزلا ليكم !

#شارع_ال60
بقلم سحر سمير و فاطمة قسم الله
-١٤٩-

" جارري الاتصال ....."
الطيب ... " خاتي التلفون في اضانو و كل شويه ينزل التلفون من اضانو يعاين للشاشه و يرجعو تاني على اضانو و هو بيردد ..." :
رد .. رد .. رد .. رد يا مالك !!!
لالالا مستحي !! .. القاعد يحصل دا شنو لا مستحيل !!
" الجرس انتهى و مزل التلفون من اضانو ، اثناء ما هو ماسكو التلفون رنّ ، ردا .. "

الطيب : ايوا يا نور !
نور " بي استغراب " : ايوا يا نور !!! في شنو ؟
الطيب : نور !
نور : ايوا يا الطيب في شنو مالك ! و بتصل دي المرة التالته حتى دخل معاي !
الطيب : نور ! تتزكري يوم عرس ندى و عزالدين ؟
وقت اتصلت ليكي عشان تجي و كان اتنبهتي على نبرة صوتي و الموضوع دا متزكره ؟؟
نور " بي اهتمام " : ايوا ايوا !
الطيب : م عارف ابدا من وين ! ياخ يا نور ، اسمعي !
مالك كلمني قبل شويه و حالياً حيعقد على الانسانه اللي كان عايزا و بيحبها و مغلغلنا بيها !
نور " بي فرح وحماس " : يا سلاااام واخيرا ياخي ارهب حاجة بجد ! عاين انت لازم تقنعو ان نعمل عرسنا سوا يا الطيب !

الطيب : نور ! البت البحبها مالك هي نفسها البت الكان بيحبها عزالدين صحبي !
نور : يعني شكك طلع في محلو ؟ طيب اتأكدت كيف انت ؟
الطيب : البت دي زاتا بتشتغل في محل حلويات في شارع الستين اسمو زنوبيا ! و هسي لمن الشك اكل قلبي سالت مالك و اكد لي !
نور : طيب عشان انا عارفه تفكيرك يا الطيب ، حالياً ندى و عزالدين احلا اتنين حرفياً من ساعة عرسهم و انا شايفه الحب فيهم رغم اني م بطيق عزو دا وانت عارف لكن انا بقول الحق !!
يعني البت دي م ليها اي دور حالياً يا الطيب الناس سعيدة و مبسوطة و عادي يعني علاقة عزو بالبت دي عابرة و كل العلاقات معرضه للفشل و النجاح ، انا شايفه ان مافي سبب لي خلعتك دي و ياريت حبيبي لو تبقى برا الموضوع دا و م تحاول تظهر اي حاجة ! دا راي انا صراحه !

الطيب : رايك دا انا عارفو اصلاً يا نور !
كويس زكرتيني اني ما اتدخل ! بالجد ما ناقص اني اخسر زول فيهم تاني ! المهم انتي امورك ماشه كيف ! ناقصك شي ؟؟
نور : لالا كلو تمام بس اشتقت للشارع و الطلوع و امي و عمتي شابكني عيب و الحبس و كلامهم دا !
الطيب: معليش م فضل كتير !

#جانب_سلوان !

نبرة الجملة لمن اتقالت !!
حِدتا او الطريقه اللي اتقالت بيها ، كنت متوقعاها ، او يمكن انا حساسه زيادة عم اللزوم من وضعي و اني خايفه من حاجة تفرقني من مالك لاني لو حسيت بي اي فرد من افراد اسرتو عندو راي م ياهو انا في اتم الاستعداد اني اتراجع !!

" بي نبرة مهزوزة و عاليه " : ددي عروسنااا!!؟؟؟ "

سلوان " إتلفت مع السوال "
و مع لفتتي دي فقدت أبتسامتي ! وسط تكبيرات عاليه بي شمالي جايه من الصالون ! و صوت امي الوقفت فزة وحدة بتعاين جهة الصالون ! على مدثر و احمد و مالك وراهم رافعين يدهم !
" الله اكبر .. الله اكبر .. الله اكبر ، "
و صوت عم محجوب الجاي من بعيد من نص الرجال ! وهو بيقول " سلوان بتي يا ناس "!!

امي : يعني عقدتو خلاص !!

و انا بعاين في تسنيم و لهوم اللي وقفو على حيلهم و ما رمشو لحظه و هم بيعاينو لي !
و تقوى اللي كانت ماسكة كباية العصير في يدها و بتضحك و بتعاين في الجوطة الحاصله !!
و سهام التاكله بي زاويه البرندة جمب السرير الفيهو امي !!
بس عمتي التايه ما نست سؤال المرة اللي قالت :
" دي عروستنا ؟ "
التايه " بي ثقه و رفعة حاجب و رفع مقام و تعزيز نفس " : ايوااا ، دي بنيتنا و نوارة بيتنا و دنيتنا و حتة من رويحتنا دي و ست البنات ديل جت عليهن ! القليب و دقاتو !! بتنا غاليه و ما اديناها لي اي زول ! لكن عاد نسو شنو ! ولدكم اجتهد و النصيحه يستاهلااا !!

" خالتو دي الله اعلم لو كانت قاصدة تقليل او استخفاف بي صيغه سؤلها و الطريقه المهزوزة زي الزول الحسو م داير يطلع ، بس كانت بتعاين لي عمتي بي نظرة م قدرت افسراا ، بس ديل كانو في اللحظه دي زي الماليهم اي وجود !
حتى رهبة العقد سلبوها مني !! هم في بيتنا ليه ؟؟
بيعملو شنو ؟؟
قالو لي اطلع اسلم على اهل مالك ! يعني تسنيم و الهام و تقوى اهل مالك ؟؟
بقيت بحاول استنكر القاعد يحصل دت حتى دموعي ما كان دا وقتها المناسب لقيت يدي ماشه و جايه على عيوني .. لمن ، لقيت خالة مالك دي جات دنقرت لي مسكتني بي يدها الاتنين و هي بتبوسني في خدي الشمال قالت لي "

خالتو :
مبروكة علينا يا بتي ! ربنا يجعلو عقد سعاده ، انا طبعاً اسمي رِفقه ، خالة مالك ما عارفة اذا حكى ليكي عني ولالا ، بس حبيت اقوليكي اني في مكانة امه ما عشان بيقولو الخالة والدة ، لا انا فعلا امه هو و اختوو ، من قبل حتى ما امهم تتوفى ! " عصرت علي يدي و مسكتني من دقني كدا بي ابتسامة "
كدا بقيت ام لي اربعه ، تلاته بنات و ولد ! طبعاً ديك سجى هه !!