رواياتي 📚الوسام 2️⃣
13.9K subscribers
1.66K photos
14 videos
2 files
2.71K links
قناه مختصة بالروايات الجديده حلقات فقط سودانيه وعالميه وعربيه

لاقتراحاتكم وارائكم التواصل @wessam1412
Download Telegram
عزو " سحب يدها من راسو ، شبك اصابع يده مع اصابعا و نزل بيها على خشمو و باس يدها و هو بيتمتم ليها " : بحبك شديد يا ندى ! والله ما يحرمني منك و يكتب ليكي معاكي السعاده والخير ! قومي تعالي ارقدي ارتاحي ..

#تاني_يوم !

" مالك واقف جمب الجزامة بيلبس جزمتو "
خالتو : تلفونك صامت انت ولا شنو! اختك دي اتصلت ليك كتير ما كنت بترد !
مالك : رجعت ليها لكن !
خالتو : حمدلله ربنا يهنيهم ! شفتهاهتك عملت شنو ؟ اسي كان اجلت موضوع السفر دا يا ولدي الوقت م مناسب خليهم يستمتعو بي اجازتهم لمن نمشي نضايقهم ساي !
مالك : ندى كانت مجهزة ليكم المفاجاة دي قبل م يجي موضوع زواجهم دا ! فا امشو عليهم انبسطو يا خالتي !
خالتو : و انت طيب ؟
مالك " جرا الدرج طلع بخاخ كدا رش في شعرو و فركو بي يده " : انا ادعي لي بس !
خالتو : ربنا يفتحا عليك !
مالك : بس دا الدايرو منك ! دعوة سمحه زي دي كدا ! " مشى باس راسها "
يلا انا طالع ..

#المستشفى :
#غرفة_سلوان ..

الدكتورة " بتفك في الشاش " :
الحمدلله ..
سلوان : الحمدلله ! مفروض اطلع متين ؟
الدكتورة : طيب ممكن اعرف انتي زعلانه ليه ؟ بعيد عن الوضع الحاصل دا ! انتي في حد زاتك زعلانه في شي مزعلك !
سلوان : لا ما زعلانه !
الدكتورة : طيب ، ما حا اضغط عليكي !!
سلوان : تمام ! حسالك سوال ردي لي بكل صراحه ! عايزة اعرف اذا الشلل دا حاجة مؤقته ولا دايمة ! و قبل تردي انا عافياكي من عبارات الطبطبه و المواساة ! مقابل اني مقتنعه تماماً بي اراده رب العالمين و قبلانه بيها كيف م تكون ! تمام ؟ فا قولي لي الرد طوالي حا اكون ممتنه !

الدكتورة " بتعاين لي شديد " :
نسبه بسيطة !
سلوان : كم في المية ؟
الدكتورة : انا ضد التحديذ لان مرات قدرة رب العالمين بتفوت التوقعات الطبيع دي لكن حا اقول ليكي بنسبه 40% ممكن تتعافي !
سلوان : 40٪% ما بطالة والله ! حمدلله !
الدكتورة : كيف يعني انتي شايفاها نسبه كويسه ؟
سلوان : براكي قلتي ارادت رب العالمين يا دكتوورة منو فينا ما عايش عل الامل ! بالامل نحيا ، لو مات الامل جوانا ، وقتها حنكون فقدنا ثقتنا بي رب العالمين ! ربنا سبحانه بيحب ثقتنا فيهو لانه بيدينا على قدر ثقتنا دي فيهو ، فا لو كانت النسبه دي 5% كنت حا اقول نفس كلامي دا ، لان الفكرة بالنسبه لي ان الامل موجود بغض النظر عن نسبتو كم !!
فا الحمدلله و شكراً ليكي و لي وضوحك معاي ..

صوت الباب

سلوان : ممكن لو زيارة ما ترفضي ! انا كويسه و حا ابقى كويسه اكتر لو شفته ...." اتنهدته و سكته "

الدكتورة " و هي بتعاين لي قالت اتفضل " !
" الباب فتح "
سلوان قالت : كنت مترقبه متين الباب حيفتح ! كنت منتظرة صوت معين اني اسمعو !
كنت منتظرة اشم ريحتو ماليه المكان الكنت دايماً بحس بي وجودو حوليني منها !
ما ضيق و لا زعل بس خابت آمالي و انا عيني في مدثر ماسك الباب وهو بيقول :

مدثر : ممكن ادخل ليها من فضلك ؟ اشتقت ليها !!
الدكتورة : تعال !
"مدثر دخل متلهف "
الدكتورة : عن ازنكم .. بالشفاء ان شاءالله !
سلوان : امي كويسه !؟ و عمتي التايه كويسه و رقية ! ما نفسك تجيبا لي عشان اشوفها ؟

مدثر " جا وقف جمبها " :
حتشوفيهم ! م فضل كتير عشان تطلعي !
سلوان : بالجد ! يعني قربته اطلع ؟؟
مدثر : ايواا الحمدلله !
سلوان " بي تردد " : ااا .. كنت عايزة اسالك من .. ااا م مالك ! اذا هو كويس يعني ولا لا لانه ! اااه " كنت منتظرة مدثر يكمل باقي الكلام عني بس لمن ما عمل مدا اتضطريت اغير مسار الموضوع "
صراحة شايله همو لان خلاص بعد دا م حقدراساعد زنوبيا ولا اساعدو ! فا كنت بفكر يعني في الموضوع !

مدثر :
فهمته ... " م كان عارف يقول ليها شنو، فا سكت "

#زنوبيا !
" برا المحل "

محمد : دا جاي هنا عايز شنو ؟
عمر : ما عارف لكن نفسي اشيل جردل المويه دا اللبسو ليهو !
محمد : داير الحق ! م متطمن والله خصوصا ان حسن جوا و عم محجوب لسه ما جا ! فا حتحصل كارثه !
عمر : بدل واقفين هنا و قاعدين ننظر خلينا نمشي عليهم احسن !
محمد : تعال !!

#جانب_مالك
#المستشفىً - الرسبشن !

مالك : هي كويسه يعني ؟؟
الحمدلله و حتطلع في اليومين دي ان شاءالله !
مالك " خت تلفونو في التكايه الخشب اللي ف الاستقبال ، و دخل يدو جوا جيبو " : طيب ديل فلاشتين ! خليهم معاكي
طيب يا استاذ !

" جاهم صوت من وراهم "
مدثر : مالك كيفك ؟؟
مالك " بي خلعه متلفت " : مدثر ! حمدلله انت كيفك ؟
مدثر : حمدلله !
مالك : حمدلله ! انا جيت بس اتطمن كدا على سلوان و اا مفروض امشي عشان ظهر لي شغل !
مدثر : طيب تمام ! ما بتقصر !
مالك : الله ما جاب تقصير! #نزل_في السلم بسرعه !!

مدثر " كان واقف مستغرب بيعاين ليهو لمن اختفى ، و هو راجع على غرفة سلوان ، سمع البت اللي في الاستقبال بتقول " : يا الله دا نسى لي تلفونو هنا اسي احصلو كيف !

مدثر " رجع عليها " : جيبيهو !
__ " مدتو ليهو " حتحصلو !
مدثرر : اي !!
👍2
#ملحوظة :
{ الاحداث الجاية فيها نسب زمنية مُتفاوته }

#شارع_ال60
بقلم سحر سمير و فاطمة قسم الله
-١٤٤-

#مدثر_قال :

رفعت الشاشه حقتو عشان اشوف الزمن بس و باقي كم دقيقه ؟
لقيت رسالة في الشاشه من برا صدمتني شديد في مالك !!!
لقيت نفسي بضغط بي صباعي على الشاشه الخارجيه على الرساله ، و لكن تلفونو كان بيضلم و واضح ان في بصمة او باسورد مخليني ما قادر اقرا تكملة الرساله !
لكني اكتفيت بي اول سطرين منها لحد اخر تلاته نقاط ...

وقفته اقرب ركشه !
و بعد ركبته انا لسه بتلفت على الشارع الرئيسي ، لان الفرق الزمني اللي بينا ما كتير عشان ما القاهو ! و ختيت في بالي ، طيب لو رجع المستشفى بعد يفقد تلفونو !!
" بنفي لي نفسي " ! انه اكيد السستر حتقول ليهو تلفونو معاي ! عشان كدا لازم امشي على بيتومافي حل غير كدا !!
" مسكت راسي" و انا بنفي التفكير الفي راسي و كل شويه بعاين في اول سطرين من الرساله !

#جانب_سهام !

سهام : يمة اتي مالك ما بتسمعي كلامي ! فيك حيل اتي ؟؟ ما تعبانه ؟ الله يرضى عليك قنبي ساي !!
التايه : دارة اساعدك انا يا بتي اتي دابك عروس تقومي تمسكي المُقشاشة !

سهام : يمة ها ! عروس شنو عليك الله !
النخيل " مُتداخله " : سهام !
سهام : ها يا عمتي ! اتي كويسه ؟؟ اسوي ليك مديذة عجين ؟؟
التايه : و اني لقيتي العجين المُر وين ؟
سهام :باقي خُمار الكسرة يداك ليو في الفريزة خاتاهو !
النخيل : سهام انا اكان في جوعه ياهو ! جوعه لي شوفة بنيتي دي ! اتي مش شفتيها يا سهام ؟ هاه حالا كيفنو ؟

سهام " مشت على النخيل قعدت جمبها و مسكت يداتا " : عمتي ! بقوليك كلام خاتاهو في جوفي دا من زمن الزمن ، انا يا عمتي بريدك وحاة الله بريدك شديد كدي " عصرت على يداتا " !
قبل تجوطي و تقولي لي اسي دا علاقتو شنو بي كلامي و بي سؤالي ! انوريك يا عمتي !
بريد فيك صبرك ! بريد فيك قوتك ! بريد فيك ثقتك البتختيها في الله ، بحب ثقتك و وقفتك مع وليداتك و دعمك ليهن ، بحب انك صابررررة رغم المرارو حراق الحشا ، الا انك ياكي عمتي النخيل زاتك واقفه زي الالف في نص الحاجات ديل كلهن ما هزنك !
حسسي صبرك على بنيتك دا يا عمتي و نارك الفي حشاك جوااا هنا دااا !
عند الله عظيمة ! اااي نضميهي دا كلوووو مافيو اجابه سوالك لكن البدور اقولو يا عمتي ان الله بديك قدر صبرك داااا ! و بتك جابداك جابدة قوتك و صبرك دي يا عمتي !
بتك صاااااابرة صابرة شديد وحاة الله صابرة و حامده ربها على قدرهاا لا باكية لا منهارة !!
كلامي دا اكان بطمنك ياني قُتو ليك والله على ما اقول شهيد ....

" قامت شالت المُقشاشه و عاينت للنخيل ، لقتا تكلت على صفحتا في السرير و يدها بتطبطب على ضهر رُقية و بتتحمد و عاصرة توبا في عيونا.. "

#دبي
فندق أتانا 4:00pm

ندى " بتلملم في ملابسا و حاجاتا الجات بيها من برا .. و هي شايله العبايه على الشماعه بتدخل فيها و بتقول لي عزو " :
ندى : انت مالك قبيل ما دخلتا معاي ؟
عزو " بينزل الاكل من الصينية على تربيزة القزاز المدورة " : ما بكذب عليكي يا ندى ! انا مزنوق في مشروع و ما بديت فيهو ولا حتى في فكرتو !
و قلت انتهز فرصة انك في اجتماعك و شغلك و انا اشرب لي قهوة و امسك لابتوبي دا لعل و عسى اقدر اجمع افكاري في خلال الاسبوع دا !

ندى " بترفع في شعرا ضنب حصان "!
عزالدين ! قول لي انك ما جادي عليك الله ! دا كلام شنو ؟ شنو الاستهتار دا ؟
الغريبه ان التهاون والاستهتار دا ما بيشبه شخصيتك يعني انا لاحظت للحاجة دي من وقت شغلي معاك ، ما عارفه افسر والله ، يمكن بتستسهل الامور دي الله اعلم !

عزالدين : انا فعلاً ما كدا ! من فترة طويله زي م قلت ليكي انا كنت شبه مجهجه كدا و ما عارف ابدا رغم ان كل الفرص العندي اسي كنت زمان سافي ليها التراب ! حتى مشروعي م كان عاجبني و كان فاقد لي حاجات كتيرة ناوي اعوضا المرة دي و ارفع قيمة الشركة لان ابو عمر ما قصر معاي !!
فا حا اقدر ان شاءالله ...
ندى :
تحب اساعدك ؟
عزالدين:
ايوا !
ندى :
قول لي اسوي شنو ؟
عزالدين :
ما تدسي مني ضحكتك دي ، خلي جضومك الحلوة دي تظهر. النونه البجمبه دي بحبها شديد !!
ندى " بي خجل ملحوظ " :
هي ! خلينا ناكل " عينا وقعت في كيس في السرير " ! انت دا شنو ؟؟
عزو :
ما عارف طلع لي مع الحاجات في الشنطة !
ندى " مدت يدها مسكتو " :
اهااااا دي هدية نوريان ! ههههه " بقت تفتح فيها بي لهفه "

عزو " مسك المعلقه " :
اكلي بعدين شوفي نوريان دي ! و لعدين نوريان دي منو ؟
ندى :
بقولو ليها نور زميلة مالك بتلقاها طوالي مع الطيب ! يا حليلها والله قضينا معاها ايام حلوة هنا !
عزو :
استغفرالله ! المخلوقه دي كريهه و دمها بقري و بالجد هففففف !
👍2
علي " عاين فيهم و طلع من المحل داير يطرشف !! "
"بعد علي فات بي 7 دقايق كان عربية عم محجوب وقفت برا زنوبيا ، وقتها كلهم كانو قاعدين جوا المحل في طاوله وحدة "
محجوب " داخل " : سلاام عليكم !
" اتلفتو عليه و ردو ليهو " : و عليكم السلام !!
محجوب " اتلفت على برا المحل " : تعالي !!
حسن " من جوا المحل شافا ضحك " : ووولويه !! يا بت شنو الليله يعني جيتينا زنوبيا !
ولويه : ارجع يعني ولا شنو يا عمو حسن هههه !
محمد " بي صوت واطي " : ترجعي وين بس صلي على النبي !
عمر : عليه الصلاة والسلام ههه !!
محمد : كح كح !
محجوب : الليله لقيتا صاحية منتظراني !
الويه : اي والله قلته اجي يا عمو حسن اساعدكم شويه و اشوف الحاصل شنو انا كدا كدا قاعده في البيت ساكت و ماعندي حاجة اسويها !
محمد : يا مرحب والله !
حسن : لالا احسن حاجة سويتيها !
الويه : وينا البت الجبتوها جديده ؟؟
حسن " عاين لي محمد " : صحي وينا ؟
محمد : ما جان تاني !
ولويه : خلاص م مشكله ممكن مرفع اعلان تاني و شوفو الحاجة المناسبه لي شنو اقدر اساعدكم فيها !! بس قبل اي حاجة انا المفارش اللي على الطاولات دا ما عاجبني !
عمر : ديل نسقتهم سلوان مع الشمسيات البرا !
ولويه : اهاا !
حسن : طيب يا محجوب خليني اتكلم معاك في المهم !!
محجوب : ان شاءالله خير !
حسن : ما خير ابداً ! الموضوع بخصوص علي ! جا قبلك بي شويه و كان دايرك و لمن ما لقاك ، قال انه مستعد يرجع شراكتو في زنوبيا ! و يدفع القسط التاني !
محجوب : معقول ! طيب و انت قلت ليهو شنو ؟؟
حسن : دي عايزة ليها قول يا محجوب يعني !؟ رفضته طبعاً !!
محجوب " قام على حيلو " : شنو ؟؟
كيف يعني رفضته ؟؟ كيف ترفض حاجة زي دي يا حسن ؟؟

#جانب_الطيب !
#العربيه ! " ماسك تلفونو "

" باب العربيه فتح " :
وااااااو ! شنو الحاجات الرهيبه دي !!؟
الطيب :
سنة يا نور عشان تطلعي !! واقف لي قرابة ال18 دقيقه هنا " دور العربيه "
نور : معصب مالك !؟
الطيب : م معصب والله بهظر معاكي يا بت ، م عندي مشكلة مع الانتظار !
نور : بتتصل بمنو طيب و صاري وشك كدا ؟
الطيب : بي مالك ! شكلو نساني الليله !
نور : ما بينساك دا كلام شنو ! بيكون انشغل بي حاجة و هو عارف مكان الافتتاح يعني حيجي حيجي ما تستعجل على الزعل ساي ! و بعدين العربية دي ظريفه والله !
الطيب : ايجار ، قلت احرك بيها نفسي لان الفترة دي حركتي كتيرة حتكون فا لازم عربيه !
نور : حلو شديد ! اكلته شنو قبل تطلع ؟
الطيب : فطرته بي قراصه و مفروكة مع اسامة قبيل !
نور : يا الطيب ، القراريص و الحاجات دي ما بتنفع معاك لكن كم مرة اوضح ليك الحاجة دي !؟
الطيب : نور ! انا ما قاعد في بيتنا ! انا قاعد مع ناس يعني البياكلو هما انا باكلو ، م بقدر اقيد الناس !
نور : بس ديل ما ناس غرباء عنك !
الطيب " هدئ العربيه و مد يدو للكنبة الورا اتناول كيس و مداهو لي نور " : اتفضلي !
نور : دا شنو ؟
الطيب : امسكي مني طيب شوفي دا شنوو !
نور " شالت الكيس " : افتحو عادي يعني ؟
الطيب : اي يا نور افتحي ساي !
نور : طيب .... " طلعت بوكس صغير من الصغير ، فكت منو الربطة السُلفان ، و فتحت البوكس .. و بقت تعاين بي استغراب "
نور : دي شنو ؟ اشاربات و لا انا عيوني كعبه ؟
الطيب : هههههه في فرق طيب بين الاشاربات و الطرح !؟
نور : ما عارفه انا بلبس البعجبني و خلاص هههه !!! " بقت تطلع واحد واحد " يا الله .. حلو شديد شديد ... لا ولا دااا يا لطيييف .. ولا دا كمان لونو رهيب ! ديل كم يا الطيب ؟؟ ما بيخلصو هههه ؟؟

الطيب : ديل عشرة ! كلهم عجبوني ليكي !
نور " بقت تعاين ليهو وهو سايق و مركز في الطريق " ! طيب والمنكيرات شنو ههه !
الطيب : عديهم كم واحد !
نور : اممممم عشرة برضو هههه !
الطيب : لاني ملاحظ انك بتحبي تختي منكير نفس لون الطرحه فا حبيت اطقم غايتو ان شاءالله يعجبوك !
نور : لا يعني الحاصل دا بجد ؟
الطيب : حصل شنو يعني مستحيل ! اتخيلتهم عليكي فا حبيتهم فا جبتهم فا بس يعني !
نور : كدا كتير علي !

الطيب " وقف العربيه اصلا كانو وصلو للمكان ، عاين ليها بي عقدة حواجب قاليها " :
شوفي ! انا ما حبيت جملتك دي حتى لو كانت مجرد جملة تعبيريه عن ان الحاجة دي بسطتك !
على فكرة انتي في حد زاتك كتيرة يا نور ! فا جملتك دي استقلال من قيمتك فا م حابي اسمعا منك تاني ! و دي حاجة بسيطه شديد بس بالجد حبيتهم و احترت و انا بنقي فيهم و حبيت احببك اكتر في الخطوة الاخدتيها دي و اعبر ليك عن انها مخلياني مبسوط منك !و فخور بيك يا .... صـ.. ح" اتنهد و نزل وشو متفاديها " يا صحبتي !!

نور " و البوكس و الطرح في رجليها ابتسمت خفيف " : شكراً يا صحبي و " اتنهدت بي دورها " يا اخوي !
الطيب " عاين لي بسرعه كا ردة فعل " :
اخوك !! انتي دي شنو الكلمة المسكتي لي فيها دي !؟
نور : و انت زعلان ليه طيب !؟
الطيب : لو بقيت اخوك ما حينفع ااا .
2👍2
." عاين ليها شديد وسكت .. مد يدو شال تلفونو و نزل و قفل الباب وراهو ..و تكل ضهرو في العربيه و عمل اتصال و خت التلفون في اضانو "
نور " ختت الحاجات من رجلها على الكرسي الكانت قاعده فيهو و نزلت ليهو "

الطيب " في التلفون " :
و اخيراً رديت علي !!
" نور جاتو قالت ليهو " : يا الطيب ممكن اف#قاطعا !
الطيب : دقيقه يا نور ! قلته شنو ما سامعك !!!؟
مدثر !! مدثر منو ؟؟؟

#جانب_مالك !

قال :
من دخلة شارع بيتنا و انا لامح مدثر واقف من بعيد في الضلة التحت شجرة النيم الموازيه لي بابنا ، ما عارف لكن غالطت نفسي بي اني جايز اكون مُشبه عليهو و اني لمن اقرب حا اطلع غلطان اكيد و ان دا م حيكون هوّ !
بس لقيت العكس اني كل ما اقرب بتأكد اكتر ان دا هو مدثر زاتو !!
لمن وقفته العربيه قدام بابنا و انا شايفو بيتكلم تلفون ، و انا مقرب عليهو ! قلت ليهو بي استغراب !!

مالك : مُدثر ؟!!!!!

مدثر " اتلفت علي عاين لي مسافه و بعدها مد لي تلفوني و قال لي كلم ، الخط فاتح " !

مالك " مسكت منو التلفون و انا مستغرب ان دا تلفوني انا و مع مدثر ! و المشكله اني م قادر اقتنع حتى بعد مسكت تلفوني منو و قاعد اهبش في جيوبي و اتلفت على العربيه ! "

مدثر : اتكلم عشان الخط فاتح !!

مالك " عاينت في الشاشه و ختيت التلفون في اضاني" : الووو !!
الطيب " في التلفون " : ايوا يا مالك !
مالك : برجع ليك ! سلام !!
الطيب : طيب تمام ..#قفل !!!

مالك قال :
م عارف ليه م كنت متطمن ولا مرتاح !!
عاينت ليهو وقلت ليه :

....

يتبع ...

#سحر_سمير
#فاطمة_قسم_الله ...
سلوان : يعني كويسه ولا كيف ؟
مدثر : كويسه الحمدلله مالك كمان !
سلوان : يبقى في الحالة دي تقوم ترجع مصر تشوف شغلك وين ! و قبل ترد ! انا محتاجة ليك و البيت محتاج ليك .. و ما فيها حاجة كون اني اكون محتاجه لي اخوي ! بالعكس مبسوطة وفخورة ان حوجتي دي حا القاها بأذن الله في سندي و ضهري !! سوق مرتك و كملو عسلكم يا مدثر !
مدثر :
الله ما يحوجك لي زول ! وشغلي حا ارجع ليهو مجرد ما تطلعي من هنا !!
طيب سلوان ، انا عندي كمية اسئله في راسي داير ليها رد !!

سلوان : طيب !
مدثر : سبب رفضك شنو لي مالك ؟
سلوان : بغض النظر عم اسبابي يا مدثر ، بس الحاصل حالياً دا اثبت لي ان قراري كان صح !
مدثر : على ياتو اساس بتقولي كلامك دا !؟
سلوان : على اساس ان من يومها تاني ما سأل عني حتى !
مدثر : ههه للاسف انتي فاهمه غلط !
على العموم ما حنتكلم كتير في الموضوع داا ! بس عايزك تتكلمي مع مالك بهدوء انا البطلب منك الحاجة دي المرة دي و ياريت من غير ليه !

سلوان : هه هو وينو عشان اتكلم معاهو ؟؟
ما دا الخلاني اتأكد ان قرازي صح انه من وقتهت تاني م جا حتى الليله لو زول متمسك بي حقيقي كان حاول مرة و اتنين و تلاته !!

مدثر " جر ليها الملايه كويس و اتاكد ان شعرها متغطي بالحافظه و فتح باب الغرفه و وقف اشر بي يدو شمال الممر بي حركة تعال ، و وقف منتظر "

مالك : انا ؟
مدثر " هز راسو بي ايوا "
مالك " مشى عليهو " !! في شنو سلوان كويسه ؟
مدثر : ايوا كويسه ! حابب تدخل ؟
مالك " متردد " : والله ما #قاطعو !
مدثر : اتفضل انا واقف هنا !

مالك قال :

م كنت عارف احدد احساسي وقتها ! بين اني مشتاق ليها شديد و بين المخطط ليهو ممكن يفشل بي جيتي دي !! بس دخلته لاني ربطت تصرفو دا بالرساله القبيل ...

مالك " داخل مقرب على سريرا ". : السلام عليكم .. سلوان يا سلوان ، كيفك ؟؟؟
سلوان : يا هلا ، مالك حمدلله كيفك ؟
مالك " قعد في كرسي جمبها " : الحمدلله بخير ! اها لسه ؟
سلوان " مقبلة وشها منو " : دعواتك
عاين ! انت ممكن تقوم تمشي لان شايفه مدثر جابك مجرور ! فا خلاص يعني تقدر تقوم و كدا !
مالك " ابتسم و حاول يدسها " :
احم ! كنت مشغول شويه معليش قصرت معاك !
سلوان " بي ضيق ملحوظ " : لالا م تتعب نفسك انا كويسه بأذن الله ! شوف شغلك انت !
مالك : كنت جاي بكرة اودعك كمان ، لاني على الاغلب حا اسافر زي ما عارفه ، شغل و كدا !!

سلوان " بي ضيق " :
اها لا م تتعب نفسك اعتبر نفسك جيتني و وممكن تودعني من اسي !
مالك : مالك زعلانه طيب ؟
سلوان : و انا حزعل ليه ؟؟؟
مالك : ما بعرفك لكن حسيتك زعلانه و شاماني و ما طايقاني يعني لو السبب طلبي داك منك ! دي م حاجة مقنعه لاني حالياً قاعد انفذ رغبتك فا خلينا نكون عادين !
سلوان : و اصلاً عادين ! اسمع ! ممكن تقوم تمشي لاني نعسانه ؟
مالك : لا انتي ما نعسانه يا سلوان انتي بتتهربي مني !؟
سلوان : و حا اتهرب منك ليه يعني ؟؟
مالك : عشان بتناقضي مشاعرك !
سلوان : عاين مالك ! انت قاعد تحاول تستفزني شديد والله ! اصلاً من البدايه انت الدخلت نفسك في حياتي ! عملت كل شي من تلقاء نفسك كأن حياتي دي كورة شراب تحت رجلك !
فا ما تحاول تحسسني بي حاجة مُناقضة للحقيقه !
انا و مافي حاجة ممكن تجمعنا في يوم من الايام عشان اتهرب منك !!
اذا سالت منك فا دا لاني مديونه ليك !

مالك " قام من كرسيهو بيمسح على راسوو " :
عايني انا م هنا عشان اعصبك ! انا اسف تمام ! و قبل امشي حابب اقوليك انك فعلاً مديونة لي ، و م تنسي ان في عقد انتي موقعاهو فا حاولي تتعافي عشان تقدري تسددي الدين دا و انا حا امدد المهله كمان تلاته شهور و حا ارسل اخطار لي زنوبيا بي كدا بدايتاً من الليله !!! يعني بعد التلاته شهور دي اتمنى القاك بي عافيتك في مطار ديي عشان تباشري شغلك الوقعتي عشانه العقد !!
يلا يا ستي .. دعواتك لي اوصل بالسلامة و اسمع عنك كل خير يارب .. سلااام !!

مالك قال :
كل الكنت حاسي بيهو اني عايز اطلع من الغرفه دي حسيتا ضاقت بي شديد لمن ما قادر اتنفس .. لقيت نفسي بي اول خطواتي هرولته لحد باب الغرفة و بعد دااك لقيت نفسي بجري متخطي مدثر و زوجتو و امهااا !
حرفياً انا كنت بجري على السلم !!!

مدثر " بي خلعه من منظر مالك بعد م كان واقف مع سهام بيتكلم معاها ، جرااا على غرفة سلوان .. "

سلوان قالت :
م كنت حاسه بي نفسي و انا بصرخ و بكورك بي من الغضب و الضيق !!! هو قايلني شنووو ؟؟ قايلني شنو هااااه !!! عشان اتكسحته اني خلاص بقيت عاجزة !؟
و اني ما حا اقدر اعمل حاجة !!!
انا بكرهك يا مالك .... بكرهك بكرهك بكرهااااااااااك !

#جانب_مالك
#العربيه !

#مكالمة ..

" مالك خاتي التلفون في اضانو ، بعد سكوت دام لي مدة دقيقه و 30 ثانيه ، مالك رد بي " :
مالك : كل شي قلتو لي نفذتو في سلوان بالحرف الواحد !! .. " نفسو قايم " تمام ! #قفل

" بعد قفل "
" جاري الاتصال .... "
👍21
السلام عليكم و رحمة الله

بسم الله الرحمن الرحيم ..

#شارع_ال60
بقلم سحر سمير و فاطمة قسم الله
-١٤٦-

{ الاحداث الجاية فيها نسب زمنية مُتفاوته }

مدثر قال :
لمن شفت مالك طالع من عند سلوان بالطريقه دي ! و صوت سلوان و عصبيتا و اخر كلمة سمعتها " بكرهك " على لسان سلوان ! خلاني ما قادر افهم حاجة او استوعب او افكر في حاجة ! كل الكان بيدور في راسي ! هي ليه بتقول ليهو بكرهك بي كمية الغضب دا كلوو !!!
اي انا كنت قاصد انهم يقعدو ويتكلمو عشان م كنت عايزو يضيع نفسه و مستقبله !
حالياً هو الحب عامي عينه و م حيعرف قيمة الشي الحيفقدو دا هسي لانه مقيد بالحب ، و ما قادر حتى يتحرك من حتتو !
كل ما اتذكر الرساله و اللي فيها :
" مؤسسة ماسة تحيطكم علماً بأن هذا الاخطار الثالث والاخير بالرفد النهائي و انهاء العقودات اذا لم تأتي لمباشرة العمل في الـ ... "

صعب لي اي زول تعب على حياته و على مستقبله انه يقرا رساله زي دي لاني وقتها ختيت نفسي في مكانه ، خصوصاً انه زول ما ملزم على الحاجة دي كنت محتاج انه ياخد قرار نهائي بعد ما يتكلم مع سلوان !

بقيت واقف في الباب بعاين لي سلوان اللي كانت بتتنفس شديذ زي الزول الكان جاري بسبب الحس العالي و الكوراك و الانفعال ، بقيت م عارف امشي احصلو و افهم منو الحاصل و لا اخش ليها و اسالها و هي في الحاله دي ! بس سلوان ما خلتني اخد وقت في التفكير ، و قالت لي بي هدوء شديد !

سلوان : معاك قروش ؟
قلت ليها بي استغراب : محتاجة شنو اجيبو ليكي ؟
سلوان : العايزاه اكبر من مجرد حاجة ممكن تجيبا لي ! انا عارفه ان الفترة دي ضغط عليك ، و لكن غصب عني سألتك السؤال دا ! على العموم انا وريتك اني محتاجة ليك ! فا انا بطلب منك تسافرلي شغلك يا مدثر !
مدثر " دخل وقف جمبها " :
حا ارجع اكيد يا سلوان بس ليه بتقولي لي كلامك دا فجاة كدا ؟
سلوان : قايلني عاجزة يا مدثر !
عشان انا رفضتو ، اتحول في كسر من الثانيه لي انسان وقح شديد ! انا ما قادرة اتخيل انا كيف حـ...." سكت لمن استوعبت القاعده اقول فيهو "
مدثر : كيف شنو ؟ تمي كلامك !؟
سلوان " بقيت بحرك في عيوني يمين و شمال " :
مالك قال اني مدينه ليهو و اني لازم اسدد ديني ليهو في خلال تلاته شهور ! و ان القسط التاني حق زنوبيا لازم اسددو و زكرني بي التوقيع الوقعتو على الاوراق !! فضل ليهو تكة وحدة و يهددني بالسجن !!

مدثر " بي غضب ملحوظ و انفعال بارد احتراماً للمكان و لي سلوان " : مالك قاليك كدا ؟؟؟
سلوان : ايوا مالك قالي كدا ! قال حيمدد مدة تسديد القسط التاني تلاته شهور !
مدثر " بي انفعال " : بس انتي ما مسؤله !
سلوان : الظروف ختتني في الحته دي و غصب عني بقيت مسؤله يا مدثر !!' " عاينت لي رجولا "
اي انا بقيت كسيحه ! لكن ما عاجزة ! العجز في العقل مافي الجسد ، و انا سلوان مافي زول بيلوي لي يدي و يختني بين خيارين و عمري ما اعيش و انا مديونه لي زول !!

" مدثر طلع من غير ما ينطق حرف "
سلوان " بي مناداة " : مدثرررر .. مدثر ، يا مدثررر !!!

#سهام " في باب الغرفة واقفه مخلوعه "
سهام : في شنو يا سلوان ؟؟
سلوان : حصليهو عليكي الله يا سهام !
سهام : ليه هو مالو و لا في شنو طيب فهميني حاجة !
سلوان : سهام وحاة الله انا م قادرة لا اتكلم ولا افكر ، لو سمحتي حصليهو و حاولي ترجعيهو بي اي طريقه !
سهام " م ردت و هرولت بي حركة سريعه على سلم الدور حق المستشفى " !!

#جانب_الطيب !!

الطيب " ماسك تلفونو بيعاين للزمن " و بيتكلم مع ناس جمبو و هو بيقول :
الطيب : خلاص كدا التوصيلات كلها تمام !
نور : معليش يا اخينا والله ، لكن انا شايفه ان محتاجين لمبه هنا في الحته دي !
الطيب : اي ممكن " بالو واضح مشغول " !!

نور " قاعده في بمبر من بنابر الطيب اللي تبع المشروع حقو " : الطيب ! تعال دقيقة!
الطيب " مشى عليها و قعد في بنبر جمبها " : هاه!
نور : يعني ما قادرة افهم ، زول في مكانك لقى اقبال عليهو بالكمية دي ماشاءالله تبارك الله و نجاح في اول يوم يا الطيب ما عارفه الخانق بيك كدا شنو !! ؟

" جاهم صوت من زاوية بيقول " :

ماشاءالله ماشاءالله ... بالزيادة يارب !
الطيب " بي ضيق ملحوظ " : تسلم يا مالك لكن جيت بعد الناس جربتو فاتت !
مالك " جا عليهم قعد جمبهم في بمبر برضو " : معليش بس حصلت لي شوية حاجات اخرتني يا الطيب والله !
نور : الغائب عذرو معاه يا الطيب ، الاخبار شنو بالله !
مالك : في نعمة يا نور والله حمدلله !
الطيب : داير تجرب شنو اطلب ليك ؟
مالك : احلى حاجة عندكم بس م دايرو كريب ، خليهو لي واڤل بي اي نكهه !
الطيب " قام على حيلو مشى على العربيه حقت الطلبات "
👍31
نور : انت عملت حاجة تزعل ؟ دا انت حتى جايب لي هدية ظريفه !
الطيب : خلي الهديه ! يا نور عايني لي هنا !
نور : الطيب انا عايزة امشي والله ! قوم وصلني يا اما حمشي على الشارع دا و اخد لي امجاد توصلني !
الطيب : طيب قومي سويها كدا و شوفي الحيحصل ليك شنو !
نور " اتلفتت عليهو و قالت ليهو " : ما تهدد !
الطيب : حلاتو التهديد البخليك تتلفتي علي و توريني عيونك السمحه دي !
نور " قبلت منو " : لمن نتكلم بجد خليك جادي للنهايه ! لان ردة فعلك علي خلتني احس اني عملت مصيبه ولت كارثه !!

الطيب : يعني هفففف ! نور ، عايزة تتمشي هنا قدام الشباب !!! و يشاغلوك ولا كل واحد فيهم يرمي ليهو كلمة كلمتين دا كمان لو ما واحد فيهم جا محصلك و لا مشى وراكي !!!؟
نور : انا ما شافعه لكن و بعرف اتصرف كويس يا الطيب ! انت دي مشكلتك كلها يعني ؟؟
الطيب : لا !
نور : مشكلتك شنو طيب !؟؟
الطيب : قومي خليني اوصلك !
نور : لا ! انا عايزة اعرف مشكلتك بالجد ! لان م طبيعي تتنرفز فيني كدا !
الطيب : كنتي بتعايني وين قبيل !؟
نور " رفعت يدها مؤشرة على القايمة حقت الطلبات " : ليه ؟
الطيب : في تفس الاتجاه كان في ولدين واقفين و واحد فيهم كان بعاين ليكي !
نور : يعاين ساي ! وين المشكله ؟؟
الطيب : لا ما يعاين ! يعاين فيك لشنو ؟؟؟
نور : ياخ خلي يعاين ساي المعاينه بي قروش يعاين لمن يفتر انت زعلان مالك ؟؟
الطيب : لا ما يعاين ! يعني انتي عاجبك انه يعاين فيك ؟؟؟
نور : عادي في بنات بحبو يحسو بجمالهم في عيون غيرهم !
الطيب " بي عصبيه " : نوووور !!!!!
نور : ما نور ! مشكلتك شنو !؟
الطيب . عايزة تعرفي مشكلتي يعني ؟؟؟؟؟
نور : بالضبط كدا !!
الطيب " عاين ليها مسافه في عيونا و قاليها " :
بغير !
نور : شنو ؟
الطيب : مشكلتي اني بغير !
نور : و تغير ليه !؟
الطيب : احساسي كدااا شنو هو اللي ليه !!؟؟؟
نور : ما سمعنا بي اخ بيغير على اختو " شالت شنطتا و اتحركت " ، قوم خلينا نمشي و بعدين تعال شوف حساباتك دي !!

#جانب_مالك !

مالك قال :
من وقت مدثر اتصل علي و انا داير اطير و اوصل ليهو ، ما عارف ليه بس كنت محتاج في نفس الكفه اتكلم معاهو واخفف على نفسي ، و انا عارف ان الممكن يحصل م حاجة حتبشر بالخير ! لان نبرتو ما كانت طبيعيه ولا عاديه !
و سبحان الله كأن المشهد بيكرر نفسو ، بس كان فرق توقيت ! نفس شوفتي ليهو لمن جيت و لقيتو واقف لي عشان كان جاب تلفوني بس هنا كان بليل و في وقت متأخر و شايفه بسبب عمود النور الجمب بيتنا !!
وقفت عربيتي و نزلت ليهو !!
بس هو ما انتظرني لمن اوصلو ، و لقيتو هو جاي علي بسرعه ، و من وصلني استلمني بي بُنية في وشي ، رجعتني لي ورا خطوة و نص !!
ما عارف ليه ما اتخلعته و لا ابديت اي ردة فعل ! و فضلت واقف محلي و بعاين ليهو ، لان حسيت ان الكلام هنا عليهو ، كأني منتظر توضيح للبُنية دي و بغش على نفسي اني م عارف سببا ! لمن بي ضيق نفس و نفس قايم قال لي :

مدثر :
ما اتخيلت انك ممكن تكون زول بي وشين او بصراحه انا ما عارف اسميها شنو ! و انا ما من حقي اصلا امد يدي عليك ، لانك طالبت اختي بي حقك ما اذنبته ولا اجرمته ! بس انت اتماديت كتير و انا رخيت ليك الحبل من الاول و خليتك بي راحتك و ما كان مفروض اثق فيك و اعمل كدا !!
بس من اخلاق الرجال يا مالك ، لمن وحدة ترفض ليها واحد بغض النظر عن الاسباب ! ما بيتحول من حبيب لي عدو و يبدا مرحلة الانتقام في كسر من الثانيه !! الحاجة دي ما اتوقعتها فيها !

مالك :
في البدايه انتظرت تبرير لي مدة يدك ! بس بعد كم ثانيه استوعبته !
انا راجل يا مدثر و عندي اصحاب رجال عديتك منهم و ما بحب اخسر لي راجل عشان كدا انا معتبر مدة يدك دي من اخ و صديق و حا اوضح و اقول كلامي الجاي دا من نفس الباب دا حق الخوة و الصداقه !!
طيب انا كا مالك بعرف سلوان و عارف نقاط ضعفها و نقاط قوتا شنو و شنو الحاجة الممكن تستفزها !! و و رغم ذكاءها ما فهمت انا عايز شنو بالضبط بس هي ليها عذر ! لا اعذار ما عذر واحد لي انها ما تستوعبني و اصلا م كنت عايزه تستوعبني و الا انا ما حا استفيد اي حاجة !!!

مدثر : تستفيد ! مالك
شوووف هنا و اسمع كلامي دا كويس #قاطعو !

مالك : لا تسمعني انت يا مدثر ! انا لسه ما كملته كلامي ، عايزك توريني شنو الفايده الممكن ترجع لي من كلامي الحار مع سلوان ؟؟؟
ما عو انت ما ليك مبرر لي انك ما تفهم موقفي و لا ليك اي عذر ، اللهم اخدتك عاطفتك و علشميتك و جيت عشان تديني بُنيه و تجوط معاي و تديني كلمتين و تمشي و متأكد ، لو انتظرتك كان عشان تكمل باقي كلامك دا كنت حتقول لي :
قبل التلاته شهور تتم انا حا اسدد ليك قروشك على داير مليم في حين ان سلوان اصلا م مطالبه بي حاجة بالنسبه لي غير بي عافيتها !!!
👍2
سلوان : غريبه !! " عاينت للكرسي شديد ، و مديت يدي بقيت بهبش فيهو و قلت " :
مرحب بيك في حياتي !! و شكراً ليك مبدئياً لانك حتكون رجولي ! بس كمان اسفه ليك ! لانك حتكون في حياتي ، لفترة مؤقته !!

سهام " قبلت وشها على الباب و بقت تمسح في دموعا " !!

#جانب_مالك !

#المطار ..
الساعه 2:00AM !

نداء :
النداء الاخير ، لطيران طيران الامارات ، رحلة رقم 814 و المتوجهة بمشيئة الله الى دبي ! فا على الحصرات الركاب التوجه الى الطائرة من خلال البوابة رقم 4 ، طيران الامارات ، يتمنى لكم رحلة ممتعه ..

يتبع ...

#استككانة🌙 ..

#سحر_سمير
#فاطمة_قسم_الله ..
اروى : منو ؟
سلوااااان هههه قاعده جوا و انا طلعت برا عشان اتصل عليكي !
اروى : العبرة بتخنقني كل ما تجي سيرتا ! يا الله بس نفسي اشوفا والله ، نفسي اجيب ليها اريج الدنيا م معروفه يا حسن !
الخطوة دي مفروض تجي من اريج ! م من زول غير اريج !
اروى : انت عارف حالة اريج ! لكن !
معليش بكرة توعىً ...
اروىً: حسن ممكن اسألك سؤال !؟
هاه !
اروى : انت بتحب سلوان ؟
لا والله يا اروى سلوان اختي الصغيرة و بستلطفا شديد و بتمنى ليها الخير و م برضى فيها ! لكن كان جينا للحب ، انا بلقى نفسي معاكي انتي !!!!

#زنوبيا !

محجوب " بيطلعني السلم للطابق الفوق و هو بيقول لي " : تشمي ليك هوا يا سلوان يا بتي ؟!!

سلوان : طيب يا عم محجوب ! عملت شنو مع الزول ان شاءالله وافق بالشراكة !؟
محجوب : م تشيلي هم الشراكة يا سلوان يا بتي ! حالياً يعني !!
تلفونو بيرن

سلوان : كيف لكن و انحنا كل القدامنا كانت تلاته شهور و هسي بقت ايام بس !!
محجوب : م تشيلي هم ! انا حا انزل المحل تحت و جاي !! انتظريني هنااا !!
سلوان : طيب !!

#جانب_مالك

#مكالمة !
يا زول ، داير امشي السكن انا وينك انت اتأخرته علي !!!
مالك : الطيب ! قول بسم الله
بسم الله مالك ؟؟
مالك : عاين للرقم الضارب ليك بيهو !؟
مالو ؟ ما ياهو رقمك !
مالك : شكلك مسجل ارقامي كلها في جهة اتصال وحدة ، طيب عشان انا مستعجل عاين لي تفاصيل الرقم !
دقيقه طيب !!! " قعد يهبش في المكالمة "
كيف كدا !!! لالالا مالك كيف الكلام دا ؟؟؟؟ لالالالا ! مالك الوداك السودان شنو انت ؟؟؟
مالك : ما تكورك طيب انا كان ثلت ليك ماشي مان طلعت لي مليون حجة !
مالك ! انت مجنون م طبيعي والله ! و بعدين انا قاعد هنا منتظرك عشان اوريك نتيجة المشاريع خقتنا و التفاصيل تقوم تفكني عكس الهوا !

مالك : شوف حبيبي ! انت م حتاخد الخطوة دي الا تتخت قدام الامر الواقع ! ناقش و اتصرف و اتعامل نيابه عني ! و ما حا اتاخر عشان اقدر انزل معاك تاني لي اجازة عرسك ! روق انا عامل حساب لكل شي ! المهم انا منتظر لي زول و جاي علي انا حا اقفل يلا !!

__ طيب وين انت اسي يعني ؟؟
مالك : في #شارع_ال60 !! يلا سلااام !! #قفل
" نزل من العربيه "

مالك " دخل فيهو حضن " : استاذ محجوب !!
محجوب : اهلاً اهلاً يا ولدي الحمدلله على السلامة ياخي !
مالك : الله يسلمك يارب ! مشتاق ليكم بس والله !
محجوب : كتير والله يا مالك يا ولدي !
مالك : تعال طيب نقعد نتكلم في العربيه عشان اتعبك بالوقفه !
محجوب : مالك يا ولدي ! انا والله ما داير ازعل سلوان ما صدقنا الليله جاتنا المحل و نورتنا ما داير نصدما بي حاجة هي ما عايزاها !! عشان كدا اعفيني انا من الموضوع دا !!

#جانب_احمد :
#شقه !

احمد : شيماء ! مالك ما جهزتي لحدت اسع !؟
شيماء : تعال اقعد جمبي !
احمد " قعد جمبها " : ها يا ستي قولي لي !!
شيما : هسي انحنا من عرسنا لينا كم !؟
احمد : شهر و كم يوم ليه ؟؟
شيماء : يعني لسه عروس ، و العرسان ما بمرقو قبل الشهرين !؟
احمد : قبل الشهرين !!؟ شيماء ، انتي قولي كلامك عديل !
شيماء : طيب بصراحه انا ما بحب امش بيت عمتك النخيل دي !
احمد : و انتي متين مشيتي ليهم معاي انحنا من تممناهو بالعقد من خشم بابنا دا مرقه ما مرقناها ، يعني لا مشيتي ليهم لا شي شان تقولي ما بتحبي تمشي ليهم !
شيماء : قبول ساكت يا احمد مافي قبول لكن ! انت لشنو ما فاهمني ؟؟
احمد : وانا والله داير امش اطمن على امي و على اختي و مدثر جا السودان يعني عيبه ما نمشي نحمد ليهو السلامة ! انتي خليك انا بمش !
شيماء : يعني تمشي و تخليني براي !؟
احمد : يعني اجرك بالقوة معاي !!؟؟ انا والله ما قادر افهمك ، كل ساعة بي فهم ! و لا اكان شفتي حاجة ما ياها من اهلي ، و انا ما عارفا يا زولة نوريني !!؟؟
شيما : عدم قبول ساكت قلته ليك !
احمد : سمح خليك قبلك ، بمشي براااي !!!

#السعوديه :

#مكالمة_فيديو_إيمو !

تسنيم : انتي بس يا ندى تسمعي الكلام !
تقوى : قلت ليكي شغلك دا بالنت دا بتقدري تنجزيهو عليك الله اهتمي بي نفسك ، و اخدي الفايتمينات دي مهمه شديد !
تسنيم : اهم من الفايتمينات دي يا تقوى الاكل ، عزو قال اكلك ضعيف شديد و كلو جاهز !

ندى : هووي قاعده اكل انا اخوكم دا ما تسمعو كلامو والله ، عايني لي سمنت كيف و الله لمن حاسه جضيماتي مغطيات الشاشه !!
تسنيم : هي يا يمة ياريت كل البتحمل تبقى سمحة زي كدا ماشاءالله !
الهام " من بعيد " : اناو عاينو بيها هي قاعده في الكنبه و الدكتور قالت قاليها ما تقوم من السرير !
3👍1
سلوان " نططت عيوني " حتديني انت لكن ،؟؟
حسن : ايوا اتفضلي ولا تحبي اقدم ليكي المنيو حقنا المتواضع ؟؟
سلوان : ياخي هههههههه انا فترتي الزمان ديك كلها م حصل شفتك واقف الوقفه دي !
حسن : العزاز علينا يتعدو على الاصابع !
سلوان " قبلت وشي لان عيوني رقرقو من المعاملة ، وقتها لاحظت ان البت الجديده دي كانت واقفه ورا البترينه بتعاين لينا و مبتسمة خفيف كدا " !!
حسن : هاه يا استاذه !
سلوان : احم ، يلا شوف ، خت لي من كل حاجة ما عدا الشكولاته ما حاباها !
حسن : حاضر يا فندم !!
سلوان : شكراً يا فندم ههه ..

" اتحركت بالكرسي على الجهاز ، لقيتو فاتح "
سلوان : الكرسي حقي واطي على الجهاز !!
البت : اساعدك ؟؟
سلوان : لالا يسلمو !
البت " مُقربة مني " : الغريبه ما اتلاقينا كتير ، دي المرة التانيه يعني ما شفتي مني موقف ما كويس ، لاني حاساك كارهاني عديل !
و انا هنا من اول ما جيت سامعه عنك كل خير بس ما عارفه و من حبهم ليكي و سيرتك الكتيرة لقيت نفسي حابه اعرفك لكن انتي ما طايقاني اصلاً !!

سلوان :
انا ما بكره زول ! حتى اللي كان مفروض اكرهم انا ما كرهتهم ! ، ممكن تسميهو عدم قبول ما اكتر ما عشان انتي فيكي شي لا سمح الله ما حابة انك تفهمي كدا ! انا بس ما حابه فكرة اني اعرف انسانه بي اسم الصداقه ، حتقولي لي على ياتو اساس حا اقوليكي طول ما جمعما شغل حتجمعما معرفه لان انحنا هنا اسرة اكتر من مجرد موظفين جمعنا زنوبيا !! و انتي براكي شايفه الحاجة دي لدرجة لمن تشوفينا مع بعض م حتفرزي المسؤل منو من الموظف من و ..الخ !!

البت :
و انا عمري م حفرض نفسي على زول حكم علي من غير م بعرفني او اصلا م دايرني !!
سلوان :
بس انا وضحت اني الحاجة دي م ليها علاقه بي شخصك انتي كـ .. " م عرفت اسمها " !
البت :
ايلاف ..
سلوان :
تمام يا ايلاف انا ما بقصدك لشخصك كل الحكايه اني بقت عندي عُقدة من الصداقات !!
ايلاف :
فهمتك !! حالياً خليني ارفع ليك الكرسي حقك بي مسند !
سلوان :
لا حبيبي يسلمو ، انا النسيت ان الكرسي بقدر ارفع ، و انزل حسب حاجتي !
ايلاف :
تمام !! " رجعت البترينه "

حسن " جا بالايسكريم " : اتفضلي !
سلوان " بعاين في شاشة الجهاز " : شكرا شكرا عم محجوب وين من جينا اختفى ؟؟
حسن : كان في ضيف مستنيهو فوق بخصوص الشراكة !
سلوان : يا رب نتوفق و نتخارج من الهم دا يا حسن ياخي !
حسن : " عاين ليها بطرف عينو "
يارب .. يارب ..
سلوان " باكل و بعاين لسه " : وين الالة الحاسبه !
حسن : كل حاجة محل ما كنتي بتختيها ما اتغيرت حاجة !
سلوان : يا سلااام ياخ !
و الله الارباح رهيبه عديل في الشهر دا !!
حسن : صدمة والله يا سلوان ، اسي من الساعه 4 تجي الزحمة تبدأ كمان مع دخلة رمضان دي ، اييييك انسي بس !
سلوان : رمضان دا حقو برتهو عندي حلاة جدول يا حسن ، بس نقول يارب و ربنا يبلغنا ليهو !
ايلاف :
اللهم امين يارب لا فاقدين و لا مفقودين يا رب العالمين !
سلوان " عاينت ليها لاني حست بيها قالتا من قلبها " : اللهم امين يا ايلاف !!
الجدولة دي جايطه شويه يا حسن انا ناسخه الاعمده جاهزة مع بداية كل شهر ! عشان بس م تجوط علينا في الجرد !
حسن : والله حاولنا ي سلوان دا نظامي القديم غايتو !
سلوان : اي ما مشكله !

#دبي !
#مكالمة !

الطيب : الوووو ..
نور : حبيبي ! كيفك ؟
الطيب : حمدلله مشتاق ليكي بس !
نور : وانا كمان و الله يا قلبي ! ها طمني الاخبار شنو ؟ كلو تحت السيطرة ؟؟
الطيب : كلو تحت السيطرة بس حا انشغل الفترة دي لمن انزل الاجازة حقت العرس !
نور : اهاا عشان مالك يعني ؟
الطيب : اااي ! انتي عارفه ان المشروع حقو نجح يا نور ماشاءالله تبارك الله !
نور : ماشاءالله تبارك الله عقبالك !
الطيب : انتي ما قادرة تفهميني انا ما بحب اكون مقيد بي مشاريع يا نور من النوع دا !
نور : لمن نتلما في بيت واحد حعرف اخليك تحبها كيف ! المهم كل شي كدا جاهز لو انذكرت حاجة سجلا طوالي عشان م ننسى ! و من هسي قدم لي اجازة العرس !
الطيب : قدمتها م عليكي كلو تمام !
نور : يلا طيب انا ما فاضيه ي روحي بكلمك بليل !
الطيب : حاضر !!

#جانب_اروىً :
#الحوش !
#مكالمة

اروى : ما عارفه حنفضل في الحال دا لحد متين ، كل ما اقول انها مسألة وقت و ان شاءالله حياتنا حتتصلح! لكن بلقى العكس كل ما ليها حياتنا ماشه من سيئ لي اسوأ !!
معليش ما تقولي كدا استغفري ربك !
انتي اجتهدي و ربنا بيساعد يا اروى !
اروى : و الله يا استاذ حسن ما عارفه اشكرك كيف ، ما قصرت معاي من يوم جيتكم في المحل لا انت ولا#قاطعا !!
عايني ما كل مرة تقولي لي كلامك دا ! انا ما عملت حاجة ! و بالمناسبه ! الليله زنوبيا منور منور منور شديذ اتخيلي بس جانا منو ؟؟
👍1
النخيل :
انا ما عندي بنية للعرس يا ولدي !

مالك " قام مشى عليها و قعد على رجولو جمبها " :
خالتي ! انا استاهل ثقتك فيني ! ما حينفع ترفضي من غير تدينا فرصه ! اسبابك للرفض دي انا ما شايفا ! كان رفضتيني الليله بجيك بكرة ! كان رفضتي بكرة بجيك تاني و تالت و عشرة لمن تفتري مني لاني ما حا افتر !

النخيل :
قوم و اقعد جاي ، اكان بتدور الكلام من قريب !
اولاً كدي ! انا بتي دي نور عيوني الشايفاك بيهن ديل هي و اخوها دا ، و كان بقو في المشيب خوفي عليهم ما بنتهي ببداو من اول وجديد !
و اتا ود ناس عندك اهل و بكون عندهم راي ، و انا ما بقبل بي اي تقليل لي بتي ، م كل الناس دي رايها زي رايك !
و انا بتي محتاجة رعاية ، و انا ما بضمن زول تاني غيري ، ما دايرة احوجا لي زول في الدنيا دي !!

مالك :
فهمته .. " عاين ليهم بي خجل كدا "
انا حابي اتكلم مع خالتي برانا ! اسف والله ما قصدي حاجة بس لو ..

التايه : بالحيل ، ورحكم يااولاد !!
مالك : شكراا !!

" بعد طلعو .. مالك قعد جمبها "
مالك :
كلامك دا كلو ما فايت علي يا خالتي و عارفو ! في كلام انا ما صح اقولو بس حا اقولو ليك علىامل يعير جواك حاجة !
انا الفترة الفاتت انجبرت اسافر على امل القسمة تلمني بي سلوان كان لازم اجتهد عشان اقدر اوفر تكاليف العلاج بمستوى كويس لي سلوان ! دي م حاجة بقولوها بس الليله سلوان لو عرفت الحاجة دي ما حتقبل ولا انتو حتقبلو !
بس انا بحبها مع احترامي ليكم ، و من حقي افكر فيها و في صحتا و في مستقبلا زي زيكم !! كونك ترفضي بعد هي وافقت انتي كدا حتحرميني منها ، حقيقه كلامي ملخبط ،
البتفكري فيهو دا م حيحصل سلوان انا حراعيها حا اسوقا معاي حا اهتم بيها ، و حنبدا في العلاج طوالي يعني حتى الحاجة المقلقه بيك دي حتكون فترة مؤقته !! خالتي ، م تحرميني منها والله ما صدقت انها وافقت !!
الاعاقه الانتو بتتكلمو عنها دي انا ما شايفا !!!

النخيل :
يعني انت بتقول لي انك داير تعالجا عشان انا اوافق ؟
مالك :
لالالا العفو ! انا قلت ليك اعتبريني ولدك و خلينا نتكلم بي وضوح ! طيب ما انا ما عارف ارضيك كيف يا خالتي عشان توافقي !
النخيل :
لا حول ولاقوة الا بالله .. كويس يا ولدي ! الله يجعل الفيهو الخير !!
مالك :
يعني موافقه ؟؟؟
النخيل :
ان شاءالله ...

مالك : الله ما يحرمني منك يا رب .. شكرا شكراا !
حا اناديهم اسمحي لي !
النخيل " ضحكت خفيف "

مالك " وقف جمب الباب و ناداهم "
مدثر :عافيه ؟
مالك : وشي بيضحك عافيه الف لله الحمد !!
التايه : وافقت ام رويس ؟
النخيل : او رويس انا برضو !
التايه : بري اصووو امك دي ما بتتهيش !
نزغردت ؟؟
احمد : يمه ها سمي الرحمن !

مالك : انا بس مضغوط بي ظروف شغل عشان لو حسيتو بي مستعجل انا اسف والله !
ان شاءالله بجيب خالتي و بنجيكم بكرة ان شاءالله !
النخيل : ان شاءالله حبابكن !
مالك : استأذن انا !

اتوادعو " مدثر طلع معاه قدمو " !!

#جانب_ندى !
الايمو !

ندى : لالا والله يا تسنيم بكن بقولو دكتورة شاطرة ماشاءالله عليها !
تقوى : انتي بس اعملي زي م قلت ليك و خلي الكركدي دا طوالي عندك في التلاجة !

عزو " مقاطعهم " : دا مالك بيتصل
شكلو بيحاول يضرب ليك و م مجمع !

ندى : وااي رد ليهو ! حي يا الله قلبي كلو بضرب !
ولا اقوليك افتح المايك !
عزو : الوووو العريس العريس هااا بشر !!!
مالك : ندى وين خليها تزغرت لي !

" الهام و تسنيم " : ايووووووي يووي !
مالك : قاعدين وين انتو هههههه
عزو : مبروك ياخي ربنا يتم ليك على خير ، ديل تسنيم و تقوى مع ندى في الخط !
ندى: ايوووي يوووي مبروووووك حبيبي ! لكن عرس من غيري ماف تنتظروني لمن اولد ؟

مالك : عرس شنو يا ندى البت ابوها متوفي !
ندى : اي انا بس اتفق معاهم على خطوبه !
مالك : ندى ! الموضوع ما زي م انتي فاهمه يا غاليه ! المهم انتي ادعي لي بس !
ندى : طيب حتعمل شنو اسي !
مالك : كلمت خالتي بكرة بنمش عليهم !
عزو : كلمت اسامة انا يا مالك
ندى : تسنيم و تقوى والهام كمان بمشو معاك !

تسنيم : اي طوالي
مالك : يا سلام ياخي م بتقصرو والله !خلاص بكرة بعد المغرب طوالي نتلاقى كلنا ان شاءالله و نمشي !
ندى : بختكم والله انا دايرة معاكم !
عزو : ووووين يا انتي معاي هنا دا هههههه
ندى : سامعه اخوكي الحقار دا ههههه

مالك . الله م يحرمني منكم يا رب ... يلا انا حا اقفل عايز انوم بكرة يومي طويل بأذن الله !

ندى : يلا حبيبي سلام في امان الله ...
الهام : انا ماشة اجهز توبي يختي !
تسنيم : و انا زاتي ههههه
ندى : دي مكاوة ولا شنو ؟؟
تقوى : امورهم دي اصلهم ما بخلوهم ، المهم انسيكي منهم اسمعي كلامي ! خلي سورة البقرة دي طوالي شغاله في غرفتكم فاهمه علي !؟؟
ندى : اي والله طوالي بخليها !
اسمعي ، بعدين صورو لي العروس عليك الله حا اموت واشوفاا !
لهوم : دي شغلتي انا دي م يصور ليك الا انا يا زوله ههه !
ندى : عفيت منك !
👍1
#تاني_يوم !
جانب_سلوان :

سلوان :
يمه ! انتي كدا بقيتي تقلقي بي ، كان م دايراهو قولي عديل طيب !
النخيل :
دايراهو بس بتاكد ما دايراك تسوي حاجة بعدم رضا !
سلوان :
اتطمني !! ما تقلقي من مالك ! اتمسك بي في احلا و اسوء الظروف ، عشان كدا حابه اتمسك بيهو انا المرة دي !!
النخيل :
الله يهدي سركم ! ح اقوم اساعد سهام دي قبال الناس ديل يجو ، و كلمي لي محمد خلي يجيب لينا مشكل للضيوف ديل من زنوبيا !
سلوان : كلمو مدثر و عم محجوب كمان جاي !
قال ابوي ولازم يجي كمان !
النخيل :
الله يديهو العافيه يا رب حبابو الف !!
اتجهزي انتي ، ديل ملابسك ختيتن ليكي كان درتي حاجة ناديني !
سلوان :
سمح ، الله م يحرمني منك يارب ..

#جانب_مالك !

#العربيه !
" يضرب في البوري "

خالتو : صبر مافي يا ولدي ؟
مالك : ماااافي صبر ههههه تعالي اركبي قدام جمبي !
خالتو : و اخوات عزالدين ؟
مالك : بي عربيتم واقفين لينا في الشارع قدام !
سجى : هاك التلفون دا فيهو اغاني هجج لينا !
مالك : طيب ! " شغل الاغاني و دور العربيه "

#مالك_قال :

كنت بقول يا الله ترزق كل مشتاق زي فرحتي دي و تتمم لينا على خير يارب ..
وصلنا الشارع سلمنا على اخوان عزالدين ،، و جات تسنيم عربيتنا ركبت مع سجى ورا و عربية اسامة معاهو تقوى و الهام !
اليوم داك كنت حاسس المشوار طويل شديد !! و لمن قربنا عملت رنة لي مدثر كا تنبيه انه انحنا جينا !!

نزلنا و كان في استقبالنا مدثر و احمد !!
بس اللي لاحظت ليهو ان مدثر كان بيسلم على تسنيم بي نظرة م قدرت افسرا بس هي كانت عادي او اصلاً ما عاينت !!
دخلنا انحنا الرجال الديوان حقهم و النخيل استقبلت تسنيم و انتظرت الهام و تقوى لمن جو ! و ساقتهم على حتة الحريم هي و زوجة مدثر !
كان ترحيب يرفع الراس شديد ، كل مرة كنت بتأكد من اني صح !
فرحة كانت ناقصة ملامح سلوان ...
بعد ونسة شاملة ، و جوانب كمية من الضحك و الكلام المتبادل ! اسامة قال :

اسامة : والله يا جماعه انا دايماً ربنا بيختني في المناسبات و بكون سبحان الله دايماً في المكان دا ، انا شايف والله يا جماعه اللمة الحلوة دي عايزة ليها مأذون !
لانه انتو والدكم متوفي يعني تلاته شهور م كمل و مالك معصور ، يعني والله جد
و بكرة يجيب خروفو و بارك الله في ما رزق لكن مرضوع خطوبة و جرجرة و كل واحد فيهم في بلد دي انا غايتو ما عارف ما حاسيها لكن !

مالك " مشي عليهو "
قوم ! جيب حضن ياخ ااااي عليكم الله انا زاتي قلته كداااا !
احمد : منطق والله يا جماعه !
مدثر : انا من امبارح لليله قاعدين تختوني في حتات ضيقه خلاص ! يخوانا سمو الرحمن الاستعجال ما حبابو !

مالك :
والله ما استعجال و مافي نيتي بس اقسم بالله يا مدثر دعيت بيها ربي في صلاتي دي !!
مدثر :
يعني شنو ؟
مالك :
يعني شاورهم و خلونا نتوكل !!

مدثر ... " بعد تردد قام مشى بي ورا عشان م يجي بي جهة الحريم. و اتصل على امه و خلاها تجي غرفة سلوان " !

#سلوان_بتحكي :

ما عارفه لكن زي كأن الحاصل دا حلم !!
بجد مالك هسي في الصالون !! كان توتر على فرح على حاجات كتيرة شديد !
لمن جاني مدثر الغرفه ، لقاني قاعده و خاته طرحتي جمبي !
قال لي :
مدثر : م طلعتي عليهم ؟
سلوان : لسه !
مدثر : عايني ! الناس ديل قالو يعقدو ! رايك شنو ؟
سلوان " شهقته " : شنووووووو !!! عقد ! اسي ! ليه ؟
مدثر : هو شنو اللي ليه ! يعني انتي عايزة عرس وحفله ؟
سلوان : لا طبعاً ما دايرة ، ابوي لسه تربتو ما نشفت و عرس شنو بي وضعي دا يا مدثر !
مدثر : دا كلامهم زاتو يعني هما زاتو عاملين اعتبار للنقطه دي ! قالو ضبيحه وخلاص !
سلوان : ما عارفه اقول ليك شنو والله يا مدثر ! طيب امي رايها شنو ؟؟؟

النخيل : امك واقفه سامعه كلامكم !
مدثر : والراي ؟
النخيل : شايفه اهلو ناس ظراف وكويسين شديد والله و ما بينخاف منهم !
مدثر : مافي غير خالتو قال الباقين ديل اهل صحبو !! صحي يا سلوان ! معاهم وحدة والله متأكد شايفه في حته قبل كدا !
النخيل : مدثر طالما اختك م عندها مانع اتوكلو !
سلوان : شنو ؟
مدثر : نتوكل ؟؟
سلوان " هزيت راسي بالموافقه " !!

مدثر " طلع " !
النخيل : حتطلعي عليهم ؟
سلوان : اي شويه كدا بس نادي لي سهام !
النخيل : طيب !!

سلوان قالت :
انتظرت سهام كتير عشان تجيني و ما كان جات ، يمكن اكتر من ساعه و انا قاعده براااي في الاوضه لمن فجأة كدا اتصايقته شديد !!
لفيت طرحتي !! و حركته نفسي براااي بالكرسي !!
طلعت من الاوضه ماشه على البنردة القاعدين فيها !!
عاينت لقيت سهام دي قاعده خشم المطبخ في بمبر و ماسكة راسا !!
و انا متحركة على سهام ! لقتني عمتي التايه ! كان جاية من جهة الديوان ، غيرت اتجاهي و حركتني بالكرسي ودتني عليهم !!
👍1
" الاحداث فيها نسب زمنية متفاوته "
اقرو دي مسافة اخلص الحلقة الاخيرة بس اخلص من كتابتا و انزلا ليكم !

#شارع_ال60
بقلم سحر سمير و فاطمة قسم الله
-١٤٩-

" جارري الاتصال ....."
الطيب ... " خاتي التلفون في اضانو و كل شويه ينزل التلفون من اضانو يعاين للشاشه و يرجعو تاني على اضانو و هو بيردد ..." :
رد .. رد .. رد .. رد يا مالك !!!
لالالا مستحي !! .. القاعد يحصل دا شنو لا مستحيل !!
" الجرس انتهى و مزل التلفون من اضانو ، اثناء ما هو ماسكو التلفون رنّ ، ردا .. "

الطيب : ايوا يا نور !
نور " بي استغراب " : ايوا يا نور !!! في شنو ؟
الطيب : نور !
نور : ايوا يا الطيب في شنو مالك ! و بتصل دي المرة التالته حتى دخل معاي !
الطيب : نور ! تتزكري يوم عرس ندى و عزالدين ؟
وقت اتصلت ليكي عشان تجي و كان اتنبهتي على نبرة صوتي و الموضوع دا متزكره ؟؟
نور " بي اهتمام " : ايوا ايوا !
الطيب : م عارف ابدا من وين ! ياخ يا نور ، اسمعي !
مالك كلمني قبل شويه و حالياً حيعقد على الانسانه اللي كان عايزا و بيحبها و مغلغلنا بيها !
نور " بي فرح وحماس " : يا سلاااام واخيرا ياخي ارهب حاجة بجد ! عاين انت لازم تقنعو ان نعمل عرسنا سوا يا الطيب !

الطيب : نور ! البت البحبها مالك هي نفسها البت الكان بيحبها عزالدين صحبي !
نور : يعني شكك طلع في محلو ؟ طيب اتأكدت كيف انت ؟
الطيب : البت دي زاتا بتشتغل في محل حلويات في شارع الستين اسمو زنوبيا ! و هسي لمن الشك اكل قلبي سالت مالك و اكد لي !
نور : طيب عشان انا عارفه تفكيرك يا الطيب ، حالياً ندى و عزالدين احلا اتنين حرفياً من ساعة عرسهم و انا شايفه الحب فيهم رغم اني م بطيق عزو دا وانت عارف لكن انا بقول الحق !!
يعني البت دي م ليها اي دور حالياً يا الطيب الناس سعيدة و مبسوطة و عادي يعني علاقة عزو بالبت دي عابرة و كل العلاقات معرضه للفشل و النجاح ، انا شايفه ان مافي سبب لي خلعتك دي و ياريت حبيبي لو تبقى برا الموضوع دا و م تحاول تظهر اي حاجة ! دا راي انا صراحه !

الطيب : رايك دا انا عارفو اصلاً يا نور !
كويس زكرتيني اني ما اتدخل ! بالجد ما ناقص اني اخسر زول فيهم تاني ! المهم انتي امورك ماشه كيف ! ناقصك شي ؟؟
نور : لالا كلو تمام بس اشتقت للشارع و الطلوع و امي و عمتي شابكني عيب و الحبس و كلامهم دا !
الطيب: معليش م فضل كتير !

#جانب_سلوان !

نبرة الجملة لمن اتقالت !!
حِدتا او الطريقه اللي اتقالت بيها ، كنت متوقعاها ، او يمكن انا حساسه زيادة عم اللزوم من وضعي و اني خايفه من حاجة تفرقني من مالك لاني لو حسيت بي اي فرد من افراد اسرتو عندو راي م ياهو انا في اتم الاستعداد اني اتراجع !!

" بي نبرة مهزوزة و عاليه " : ددي عروسنااا!!؟؟؟ "

سلوان " إتلفت مع السوال "
و مع لفتتي دي فقدت أبتسامتي ! وسط تكبيرات عاليه بي شمالي جايه من الصالون ! و صوت امي الوقفت فزة وحدة بتعاين جهة الصالون ! على مدثر و احمد و مالك وراهم رافعين يدهم !
" الله اكبر .. الله اكبر .. الله اكبر ، "
و صوت عم محجوب الجاي من بعيد من نص الرجال ! وهو بيقول " سلوان بتي يا ناس "!!

امي : يعني عقدتو خلاص !!

و انا بعاين في تسنيم و لهوم اللي وقفو على حيلهم و ما رمشو لحظه و هم بيعاينو لي !
و تقوى اللي كانت ماسكة كباية العصير في يدها و بتضحك و بتعاين في الجوطة الحاصله !!
و سهام التاكله بي زاويه البرندة جمب السرير الفيهو امي !!
بس عمتي التايه ما نست سؤال المرة اللي قالت :
" دي عروستنا ؟ "
التايه " بي ثقه و رفعة حاجب و رفع مقام و تعزيز نفس " : ايوااا ، دي بنيتنا و نوارة بيتنا و دنيتنا و حتة من رويحتنا دي و ست البنات ديل جت عليهن ! القليب و دقاتو !! بتنا غاليه و ما اديناها لي اي زول ! لكن عاد نسو شنو ! ولدكم اجتهد و النصيحه يستاهلااا !!

" خالتو دي الله اعلم لو كانت قاصدة تقليل او استخفاف بي صيغه سؤلها و الطريقه المهزوزة زي الزول الحسو م داير يطلع ، بس كانت بتعاين لي عمتي بي نظرة م قدرت افسراا ، بس ديل كانو في اللحظه دي زي الماليهم اي وجود !
حتى رهبة العقد سلبوها مني !! هم في بيتنا ليه ؟؟
بيعملو شنو ؟؟
قالو لي اطلع اسلم على اهل مالك ! يعني تسنيم و الهام و تقوى اهل مالك ؟؟
بقيت بحاول استنكر القاعد يحصل دت حتى دموعي ما كان دا وقتها المناسب لقيت يدي ماشه و جايه على عيوني .. لمن ، لقيت خالة مالك دي جات دنقرت لي مسكتني بي يدها الاتنين و هي بتبوسني في خدي الشمال قالت لي "

خالتو :
مبروكة علينا يا بتي ! ربنا يجعلو عقد سعاده ، انا طبعاً اسمي رِفقه ، خالة مالك ما عارفة اذا حكى ليكي عني ولالا ، بس حبيت اقوليكي اني في مكانة امه ما عشان بيقولو الخالة والدة ، لا انا فعلا امه هو و اختوو ، من قبل حتى ما امهم تتوفى ! " عصرت علي يدي و مسكتني من دقني كدا بي ابتسامة "
كدا بقيت ام لي اربعه ، تلاته بنات و ولد ! طبعاً ديك سجى هه !!
" مجرد ما اسامة مشى اتلمو في كنبه وحدة "
تقوى : شوووووفو قبل ما تقولو لي شي انا عارفه تفكيركم دا كويس ! مافي اي سبب للهجمة الحاصله دي انا شايفه غير الصدفه و انها مُقعده !!

الهام : يااااخي !!! شوفو هي انا ما كعبه لكن انا شايفه ان عزو يعرف بالموضوع دا !
تسنيم : الهام ! عزو يعرف لشنو ؟ الليله لو كان لسه مطلق ندى كان ممكن اقول ليك يمكن لسه بيحبها رغم انه قال لي كرهتها و لتجاوزتها !
لكن الراجل بي مرتو و جايهو ولد كمان ، يعرف لشنو ؟؟ لعب هووو ؟ بالله ما تنكدو استقرارو كل زول بياخد قسمتو !!
تقوى : اقسم بالله انتي كدا " عمت ليها لايك بي يدها " !

الهام : م غريبه لكن ! اشمعنى مالك تحديداً اللي هو صاحب عزو ؟ والله الا كان واحد من الاتنين ، يا اما لسه شايلاها مع عزو و دايرة تنتقم ، يا اما دايرة القروش !! ااي البت طيبه و اي شي لكن الحاصل دا ما ممنطقني صراحه !

تقوى : الهام ! انتي كدا اخدتي ليك ذنب انتي كان في غنى عنو ، احسني الظن ! ياخي عن الحسن قالو ليكي لو شفتي راجل ماشي بيترنح و تفوح منه رائحة الخمر ، قولي قد تكون الخمر اندلقت عليه !
شفتي كيف ؟ و ما لازم اسباب انحنا بي اعتبارنا العالم البرا لي علاقتهم طيب ! و مالك راجل طيب و الله بديهو زيو و الفيدقسمتو و خلاص هي بقت مرتو. !

تسنيم :
البت دي انا حبيتا لسبب ! ان هي م كانت عارفه اخونا متزوج ! و مجرد م عرفت خلتو ! تقتكري يا الهام دي وحدة عايزة قروش ؟؟ و لا عايزة تنتقم !! عاينو يا جماعه انا قفلت معاها الموضوع دا عشان ما نكون نكدنا عليها في تكتر لحظه مهمة في حياتا و قلت ليها اعتبرينا اتلاقينا الليله لي اول مرة !!
وياريت نتعامل على الاساس دا !'
تقوى : بس يا تسنيم بارك الله فيك!

الهام : تمام ربنا يهنيهم !!

#جانب_مالك :
#البيت .

مالك : خالتي انتي مفتاحك وين شايله مفتاحي ؟
خالتو : ما بعرفو والله عشان طولت من البيت ما فاهمه حاجة !
سجى : ماما ، قبيل والله انا استغربته فيكي اتحرجته شديد خلاص ! يعني عملتيها واضحة من شفتي البت جايبنها بالكرسي ، شهقتي و اتخلعتي كدا و طوالي دي عروسنا ؟؟ ليه عملتي كداا !؟؟

مالك : كيف كيف !! في شنووو ؟ سلوان مالها ؟
خالتو : مافي حاجة يا مالك !
مالك : لا في شنوبالجد ؟؟
خالتو : انا اتخلعته بس لانك ما وريتني بي ظروفا الصحية !
مالك : حتفرق معاك في شنو انتي يا خالتي ! اصلا عارفه انها كانت عامله حادث ، م فاهم ، حتفرق مثلاً من وجهة نظرك ؟؟
خالتو : لا بس انا قصدت انك محتاج لي وحدة #قاطعا !
مالك : انا محتاج لي سلوان و بس ! ما اكتر من كدا ، و ياريت تقسمي ليها من حبك لي ! لانك حتحبيها و بتتحبا !
خالتو : يا ولدي انا م قلت حاجة اسي !
و بعدين مش ماشين تعارف ، العقد دا ليه استعجلتو فيهو كدا لسه الناس م عرفتنا ولا عرفناهم يا مالك يا ولدي !
مالك : بالنسبه لي العقد دا امنيه و اتحققت ! انا م عارفك مالك بس ياريت تتقبلي الحاصل ياخالتي حا اكون سعيد شديد ! يلااصبحي على خير !!

خالتى : دقيقه يا ولدي ، انا ما متضايقه بالعكس باركت ليها و بعدين البت حلوة ماشاءالله م معترضه انا ، بس كنت بسأل عشان افهم ما اكتر من كدا !و بعدين وريني الناس ديل نشيل ليهم شنو بكرة؟ و حنعمل شنو ؟
مالك : حنعمل كرامه و دهب سلوان و جزء من حاجاتا انا كنت جايبهم معاي و حا اكمل ليها لمن نسافر ! انتو حترجعو معاي ؟؟
خالتو : لا اخدو راحتكم انتو ، انا حابه اقعد في السودان شويه !
مال : طيب يا خالتي ،داخل انو انا شويه !

خالتو : تصبح على خير !

#سلوان_بتقول :

رقدت في السرير و كل رغبتي اني بس عايزة اتكلم مع مالك ، و ما عارفه اوصل ليهو بالتلفون لان ياداب عملت تلفون . انا من بعد الحادث م شله تلفون ، و تلفوني راح في الحادث كان و الجابو لي مدثر قبيل دا جديد بي شريحتو و م عندي رقم مالك و م قادرة اشيلو من مدثر كمان ، الوقت اتأخر و مع سهام و ناس امي نامو !
و انا التفكيري و مخي شغال ، في الحصل و الحيحصل ، ما عارفه لكن كنت حاسه بي قوة غريبه و ما طبيعيه ، و كلام تسنيم دا ما فرق معاي غير في اني احترمتها زيادة و اتقبلتها اكتر !
لاني ما ارتكبته لي جريمة و داساها ، لا عزالدين غلطه ، غلطه زيو زي اي غلطه !
الفارق الوحيد بالنسبه لي كان صِلة القرابه اللي بينهم هي شنو !؟ لمن قعدت افكر استبعدت موضوع الخوة لان مالك واحد و عزو اخوهوواحد و مرتو لهوم دي !!
ماف حل غير اولاد خالات او عمات ... و م فارق معاي !!

قريت ازكاري و نمته ..
#تاني_يوم :

صحيت بي جوطة الهام ! و داخله مارقه فيني !
لمن المرة الاخيرة قجات داخله لي بي صينية الشاي ، قالت لي :
1
سهام : قومي عشان نلحق نخلص يا سلوان ! المرة دي قاعده مع عمتي برا!
سلوان : مرة منو !
سهام : حنانة تعمل ليك يديك بس انا عارفاك م بتدوري الحنه لكن قومي !
سلوان : لا بسويها " قمته قعدته "
سهام : غريبه كنت خايفه منك !" بتساعدني عشان اقعد في الكرسي " !
سلوان : دي المرة النقشت ليك في عرسك ؟
سهام : اي ياهاا ! شيما جات برا ، اظن احمد اداها هرشه ، اتكلفت على نفسا جات قاعده بالطرف زي الضيفه !
سلوان : انتو زولتكم دي مالا !؟
سهام : بري ! خليني اوصلك الحمام !

" خلصت من الحمام و رجعت بي الغرفه قعدت للحنه ، و سهام كبت لي الشاي "

سلوان : نادي شيماء م صح انحنا قاعدين بي جاي و هي برااا !
سهام : والله هي كان جاعله الحاله واحدة بتجي براها انحنا ناس بقينا اهل مفروض !
سلوان : اتقاضي عن تصرفاتا و انتي سوي الصح ! المغطى في الكورة دا شنو ؟
سهام : ماسك لي وشك و دي صنفرة بالرز لي يديك !
سلوان : مافيهو لبن مش عشان وشي جاف !؟
سهام : لالالا بدلتو بي زبادي عارفاك ! اشربي يا سلوان زمن مافي !
سلوان : طيب طيب ! الله يرحمك يا رُقيه ..
سهام : يارب ...

#جانب_اريج !

اروى : لحد متين حتفضلي عامله في روحك كدا ! خاصمة من نفسك ومن ايامك ومن شبابك ، قومي فوقي على نفسك كفاكي ضياع وقت !
في ناس جسمها كلو محرق انتي احمدي ربك ان مع نفضة يدك بس وشك الاتحرق !!
اشتغلي عشان تعالجي نفسك لكن العلاج م حيجيك لحد عندك !!
اريج " بي صوت مكسور " :
ما عندي قروش !
اروى :
العندهم احسن منك بي شنو ؟
اشتغلي ، كان غالبك غطي وشك خلاص لكن م تقعدي حابسه نفسك كدا حتىبعد رحلنا !" و قاعده و منتظرة الفرح ! ربنا قال اسعى ياعبد و انا اسعى معاك !!!
اريج :
طيب !
اروى :
ما تمشيني !
اريج :
ما بمشيك حاضر حشتغل !
اروى :
وليد داير يتكلم معاك !
اريج " بي نفور " :
لالالا م دايرة اشوف زول !
اروى :
يبقى حتفضلي في مكانك دا طول عمرك ، حتقعدي تعايني للحصل و اللي فات و اللي خسرتيهو ما حتتقدمي في حياتك ، قومي طيب شوفي غلطك العملتيهو دا شنو و استفيدي منو ، اتسامحي مع الناس ديل طالما عارفه غلطك !! م تقيفي في حته وحدة ، الناس دي كلها بتغلط يا اريج يا اختي !!
و بعدين انتي م كنتي كعبه الا في فترة معينه و دا بيدل على ان جواك نضيف !
قومي و شيلي همنا زي م كنتي دايماً بتعملي ! و زي م كنا دايماً هدفك انك توقري لينا حياة هاديه و نضيفه ، كنتي لينا الراجل الاب و الاخ !
اكلي الاكل برد ...

#اريج_بتقول :

كسرة النفس حارة ! حارة شديد ، طول عمري كنت ضايعه و لمن بقيت مسؤله عن حياتي و عن قراراتي ضيعت نفسي اكتر !
انا عارفه ان الناس الخسرتهم عمري ما حا اللقى زيهم تاني ! ولا زي عشرتم !!
في الحقيقه انا ما حبيت مدثر ! انا كنت بس عايزة احس بي اني مرغوبه فعلاً ! اتعززته و كنت قايله ان العايزاهو بس هو الحيحصل ، فكرة انو يتخلا عني دي رغم انها كانت بي رغبتي لكن وجعتني و بقت لي حارة ، و بقت لي حارة اكتر لمن بقى مع غيري و انا عارفه ان اللي حتكون مع مدثر ما حتكون ندمانه !!
انا الندمانه لان الاحترام الكنت بفتش ليه طول السمين اللي فاتو مع الريح ، كنت حا القاهو او بالاحرى لقيتو مع مدثر و ضيعتو براي !
غضبي و غِلي اتمادى و انتشر ، و اذيت سلوان من غير م يكون ليها اي سبب ، انا اذيت زنوبيا كلها في نفسيتم ، و في حبهم لي !
اتخنقت اكتر لمن عرفت انهم اتحملو جزء كبير من تكاليف علاجي الحاجة دي كسرت نفسي شديد ، لاني لمن كنت بسأل اروى قبل تشتغل انتي بتجيبي القروش حقت علاجاتي من وين و بتقول لي وليد وليد وليد !
لحد م سمعت كلامها مع امي !!
طيب يعني انا كعبه شديد كدا ؟ انا مستحيل يتقال علي انسانه صح ؟؟ طيب اصلح كل العملتو دا كيف ؟ انا حتى وشي بوظتو ! اصلح شنو ولا شنو. !!! حتى بتي اتخليت عنها بكل دم بارد ! ليه انا عنلت في نفسي كدا ؟ كنت مالي للدرجة دي الحقد كان عامي على قلبي !؟ يارب دلني ... يارب تسامحني !!

#جانب_سهام !

سهام : يمة هاه وحاة الله انا حاسه انا اعمامي ديل حيجوطوها و يطربقوها في ريسانا ديل !! اتي عارفه جبارة الله عمي قال شنو يوم عرس احمد ؟؟
التايه : وطي صوتك دا تلعلعي كدي ! " قربت اصنيها على سهام "
سهام : قال احمد يجيب سلوان التانيه !
التايه : عمك دا ماهو نصيح ، ما تشوفيو يتفوصح و يتلودح كدي لكن وحاة الله خواف من سواتو التحت التحت تراهو بتاع امور العوقه الدلوقه !
سهام : كدي خلي جبارة الله اتي قومي اللبسي توبك الناس ديل في سكتن علينا مدثر ضرب لي اسي ! " بتنادي " ااعمتي .. عمتي !!

سلوان قالت :

رغم الحاصل الا اني كنت حاسه بي اني عروسه ، من الحنه رغم بساطتها ، و من التوب المزركش ، من الريحه ، من تفاصيل كتيرة شديد ... امي ما فارقتني لو دايرة كبايه المويه ساي بتناولني ليها !
👍4
" رفعت راسي عليهو لقيت نظراتو لي المليانه حب و اخدت قلبي شديد و خجلت لمن م قدرت اتم كلامي "
مالك : كملي كلامك !
سلوان " صراحه اتوترته "
مالك : ليه ؟
سلوان : بتعاين لي شديد !
مالك : اعمل شنو طيب لو انتي حلوة شديد ؟؟
سلوان : مالك ياخ !
مالك : مالك بيحبك يا سلوان و فرحان بيك شديد !
سلوان " عاينت ليهو " : ما انا كمان بحبك يا مالك ، رغم كل حاجة لقيتك معاي ! يعني كنت واثقه من عوض ربنا لكن والله ما قايلاهو حلو كدا يا مالك !!

مالك : لا كدي قوليها تاني !
سلوان : مالك !
مالك : في نفس المكان ! انا بحبك يا سلوان !
سلوان : انا بحبك يا مالك ! في نفس المكان برضو !!
مالك : جاهزة ، نبدأ مشوارنا ؟
سلوان " عيوني رقرقت " : اي جاهزة !
مالك " مد يدو .. مسح لي تحت عيوني " : الليله قدرت امد يدي و امسح تحت عيونك ! عويرة دي هههه !
سلوان : شكراااً !
مالك : عفواً ! مشينا ؟؟
سلوان : مشينا ... " رفعت يدي لي زنوبيا ولي شارع الستين "
مالك " رفع يدو هو كمان ، و بيضحك " : مع السلامة يا احلا و اجمل مكان ... لالا دقيقه " بطل العربيه بعد دورا " خلينا ناخد سلفي توثيق ههه

سلوان : ارح ، تلفوني ولا تلفونك ! تلفوني كمرتو زابطه !
مالك : ارح جيبي تلفونك بس رسليها لي عشان ارسلها لي ندى اختي !
سلوان : حاضر ! ههههههههه
مالك : بتضحكي مالك هههه؟
سلوان : ههه طيب انا بضحك انت بتشحك معاي مالك ؟
مالك : ضحكتك حلوة غصب بضحك والله يا بت الناس انا ما واثق اذا حيجي يوم و ازعل منك و الله م اتوقع ، نظرة منك ساي بتحهجهني ههه !
سلوان " كنت بعاين ليهو بي حب شديذ " : هههه ربنا م يحرمني منك !
مالك : ولا منك يارب ! كنتي بتضحكي في شنو برضو ؟ ههه
سلوان : لمن قلت لي ارسل الصورة يعني اتخيل معاي كدا ، مرة م عندها رقم راجلا ههههه لمن لقيت نفسي عليزة اقول ليك رسل لي رقمك الضحكة شرقتني هه !
مالك : يا بت عيب اتقلب انا راجل متزوج جابت ليها جيب رقمك كمان ، اها خليتي لي شنو اثبتك بيهو هههه عايني عايني جيبي التلفون خليكي زي م انتي بتفس الضحكة !

سلوان : دا شنو حتصورني براي ؟ مش قلتا سوا ؟؟

مالك " ماسك تلفون سلوان " : دقيقه ياخ م تتكلمي ايوا ايووااا .. ياخ اقسم بالله ضحكتك عافيه عافية !
سلوان : طلعت حلوة ؟؟
مالك : حلوة ساي ! تعالي قريب دي حنتصورا سواا !
سلوان " قربته " !
مالك : دا شنو انتي كدا قربتي ؟ قربي اكتر !
سلوان : اهووو ، ظاهره معاك في الكاميرا !
مالك " مسكتها علي و اخدت اللقطه و هي بتعاين لي " : و بكدا احلاااا سلفي ! امسكي اتفرجي عليهم و ددا تلفوني رني على نفسك عشان الرقم مع انه باقي اليوم دا حنغير ارقامنا ههههه! " مداهو لي "

سلوان : صحي دا شنو الذكاء دا يا مالك ههههههه !
مالك : والله انتي عايزة ليك قرصه في اضانك القبل شويه كان بضحك لمن اتشرق منو هههه " دور العربيه "
بعد تخلصي اديني التلفون عشان اتصل على صحبي ينتظرنا في المطار !

سلوان " بضحك " : طيب ، صورتنا دي حلوة !


#جانب_اريج :

امها : لابسة ماشه وين يا بتي ؟
اريج : طالعه يا امي ماشه مشوار و جايه !
امها : معاك قروش ؟
اريج : اي معاي ! يمة ، اديني رقم الريح الضرب ليك منو !
امها : في تلفون اختك !
اريج : طيب !

اريج قالت :
شلت تلفون اروى ، نقلت الرقم ، و لفيت طرحتي في وشي و طلعته !!
المشوار كان اقرب شويه على المحل الماشة ليهو ، بحكم اننا رحلنا في نفس الحلة بي ورا و في نفس الوقت اقرب ! يعني 11 دقيقه بي رجولي انا كان وصلته !!

#زنوبيا :

محجوب : زنوبيا فقد الركيزة !
حسن : بنتمنى ليها الخير يا محجوب ربنا يهنيا و يسعدا ، جا دورا تفرح !!
محمد : الله يسعدهم !
عمر : حا اشتاق ليها والله !!
محمد : عرست راجل ، سلوان م كان بتستحق واحد اقل من مالك !
" جاهم صوت "

: السلام عليكم !
محمد " قام " : و عليكم السلام اتفضلي !
" فتحت وشها " : انا اريج !
" اتخلعو لانهم ما اتوقعوها "
محجوب : مرحب !
حسن : اهلين اريج !
محمد وعمر : كيفك اريج ؟؟
زي م شايفين ، لكن نقول الحمدلله !
محجوب : يستاهل الحمد !
سلوان مافي ؟
حسن : لا والله !
محجوب : سلوان اتزوجت و سافرت !
ما سألت مني ؟
حسن : الله اعلم !
ربنا يوفقا ! و اتزوجت منو ؟
محمد : بتسألي ليه انتي ؟
م قصدي حاجة والله انا بتمنى ليها الخير ! على العموم !
محمد : اتزوجت مالك !
— ماشاءالله يتهنوً ، انا جيت بس حبيت اشكركم على وقفتكم معاي و العفو و العافيه ! م دايراكم تكونو شايلين مني و تدعو لي انتو كمان !
محجوب : ربنا يوفقك يا بتي !
حسن : لله و الرسول !
سلام ... " غطت وشها و طلعت " !
ملحوظة :
" في نسب زمنية متفاوتة في الاحداث "

#شارع_ال60
#الاخيرة !
بقلم سحر سمير و فاطمة قسم الله
-١٥٠-

#المطار ..

سلوان : تعبتك معاي ! تشيل و تخت !
مالك : عايزة تزعليني و تنكدي علي ؟؟ كلامك شين و شين شديد انحنا لسه في اول الطريق يا سلوان و حاولي تتعاملي معاي على اساس اني حته منك و ان انا و انتي واحد و بطلي بالله عليكي !!
سلوان : عارف ! راسي لافي من ضغط الطيارة !
مالك : لسه اضانك صانه ؟ اللبانه م عملت حاجة ؟
سلوان : لالا فكت حمدلله !
مالك : وحدة نامت و شخرت و تقول ليك راسي لافي ههههه
سلوان : ههههه اتاريك ثقيل و بايخ !
مالك " جاري الشنطتين بي عجله و انا متحركة براي و مرة هو بيخت يدو خايف علي اخبط في حاجة " : الزول دا وين ؟؟ ما شايفو ؟؟ تعالي خلينا نطلع بي جاي !

سلوان : ماشاءالله تبارك الله ، بلد حلوة شديد !!
مالك : لسه حا افسحك فسح ! اصبري بس !! هدا ليهو الاستاذ .. تعالي تعالي من هنا !!" يده في الكرسي " !!

#الطيب قال :
من لمن مالك اتصل لي عشان حانتلاقى في المطار وانا ما عارف اتصرف كيف ! و م كان عندي حل غير اتغبى فيها المعرفة ، بدعي انها م تكون متذكرني رغم ان المواقف اللي كان حصلت بينا ما لطيفه ، فا صعب تتنسي لكن على امل كدا !!
وصلتهم المطار و لسه من جواي عندي امل تطلع ما هي و م اتخت في الموقف دا من اساسو !

بس للاسف .. من اول ما شفت مالك و انا بعاين ليها ، و بعد م كانت بتضحك على سلامنا انا و مالك ، مجرد م ركزت في ملامحي ، سبحان الله ضحكتا كأنها شمس و غابت .. م كان عندي حل غير اني اتصرف ، و لقيت نفسي فكيت من مالك و مشيت عليها بضحك و بقول ليها :
الطيب : يا عروووس يا عروووس نورتينا ، و خلاااص بعد كدا حا اتلم من اكل الشوارع دا ، و اجي اكل عندكم ! اسمع الزولة دي طباخه ؟؟ و لا عملت اختيار الطبخ !؟؟؟ هههههههه
مبروك والله الف مبروك ربنا يهنيك و بيت مال و عيال !
مالك : همك في بطنك و ضارب السكري بالشلوت ههههه طباخه يازول ! يلا مشيناا !!!

سلوان قالت :
اتصدمت .. اتصدمته .. انا حالياً رجعت بي زاكرتي لي ورا ورا شديد ، مالك و الطيب ..!!!
انا م قادرة افهم حاجة !! في شنو ؟ حاصل شنو ؟ ليه فجاة كدا الناس دي ظهرت لي ؟؟ علاقتهم شنو بي بعض انا حاسه نفسي حا اجن !! انا م عندي حل غير اتكلم مع مالك !!

لمن مالك ركبني العربيه !
و شفالين ونسة و ضحك و كلام عن الشغل ! حرفياً لمن شكيت في نفسي ! يمكن انا مشبهه عليهو ! الطيب صاحب عزو كان عندو صحة شويه بس ياها نفس الجلحات و الملامح و دا عندو دقن خفيف !
م عارفه بس كمان الناس بتتغير مع الوقت برضو و يمكن م عرفني انا كمان يمكن الزمن غير فيني !!
بقيت م عارفه انا بقنع في نفسي بالضبط و لا بعمل في شنو ! بين كلام و تفكير في سري شرقي و غربي ، م انتبهت الا لي مالك وهو بيقول لي :
مالك : يا السرحانة ، وصلنا جيبي يدك ! هههه
سلوان : اي كنت بعاين في الشوارع !

" وقتها الطيب كان شال الشنط ، سلمم لي امن المبنى و شكلو فندق ، فا مالك نزلني و كان فرحان شديد ظاهر عليهو ! ، قلت ليهو " :
دا فندق شكلو اي والله فندق ما انتبهت للاسم !
ليه انحنا هنا ؟ يعني انت مش ليك شقة !!
___ لمن نطلع يا قلبي ! هاه يا طيبه ! كلو تمام ؟؟
الطيب " جا راجع علينا " : اي كله تمام يلا انا عندي شغل مع سامر حخلصو و لو في اي حاجة على تلفون !
مالك : شكرا حبيبي ! " ساقني و دخلنا "

#جانب_ندى :

عزو : ندى حبيبي ، ختي التلفون دا من يدك يا ماما و اكلي ، م ممكن لكن اللبن برد !

ندى : ياخ ! افف معقوله مافي زول متزكرني عشان يكلمني ! حتى اخواتك م قاعدين يردو علي !
تلفونا رنّ **
عزو : بيكون مشغولين انتي عارفه ! ردي ردي !

ندى : الووووو ...
تقوى : اي يا ندويه كنت في المطبخ معليش ، الاخبار شنو ؟
ندىً: مالكم ما اتصلتو فيديو ؟
تقوى : كنت ف المطبخ عشان كدا ! اقيفي افتح الكاميرا ! يا تسنيم عليك الله شوفي لي معاك الحله دي وطي ليها النار !

تسنيم : وطيتا اي دي ندى ؟؟
تقوى : ااي !
تسنيم " شالت التلفون " : ندويه كيفك حبيبي اها الليله كيف !؟ الدوخه خفت ؟؟
ندى : لالا دقيقه انتو مالكم ما مشيتو مع مالك و خالتي ؟؟
تسنيم " تمتمت و سكتت ، جات تقوى داخله في نصهم " :
تقوى : والله يا تقوى حمودي جسمو سخن عارفه نزله و اظن عادا عبدالله معاهو كمان ! و قلنا كدا كدا الليله مافي حاجة مافي داعي نتخمخم كلنا ! لكن اسامة فات معاهو ! والناس ديل بكونو وصلو دبي بدري !
ندى : تتخمخمو كيف يعني انتو اهل يعني يمشي براهو هو وخالتي رفقه بس يا تقوى !!؟
م مشكله ، رسلي لي الصور !
👍2
تقوى و تسنيم عاينو لي بعض !
تسنيم : انا نسيت تلفوني في البيت و غير كدا م لقينا طريقه ، لكن عروستككم عسل عديل ماشاءالله !
ندى " بي فرحة " : بالجددد ؟؟ يا الله ! سلوى مش ولا سلمى والله نسيت ؟
تسنيم " بتعاين لي عزو الماسك تلفونو بعيد من ندى و اتعمدت تقول ليها " : لالا اسما سلوان ! " بس م لاحظت اي ردة فعل لي عزو كان زي م هو "
ندى : بس اي سلوان، طيب ننتظر مالك يتزكرني و يرسل لي الصور !

#جانب_تسنيم
قالت :

من بليل بعد كلامنا داك انحنا قررنا انه ما حنمشي مع مالك الليله ، كفايه امبارح وترنا الجو و عملنا ليها قلق و اتوقع سلبنا فرحتا ! فا م حبينا نجوط الوضع اكتر من كدا من حقها تنبسط و تكون متطمنه ، م كفايه الظروف الصحية المارة بيها دا غير وفاة ابوها ! فا اتفقنا على كدا انحنا التلاته و اكيد م كان ينفع انه نقول لي ندى حاجة زي دي.. على العموم اتمنى ان الحصل زمان م يأثر عليهم بي اي شكل من الاشكال و لو الظروف كان ليها دور في كشف الحصل ، لي ان مالك يعرف اتمنى انه يكون حكيم و م يخيب توقعاتي لاني حا اتدخل وقتها !!

#الفندق :

مالك : سلوان انتي وين صورنا الاتصورناها قبيل عشان ارسلهم لي ندى !
سلوان " من جوا بترد " : في الاستديو حق تلفوني
مالك : مافي
سلوان : وااي م اكون م عملت ليهم حفظ ؟
مالك : شكلك كداههههه
سلوان : التلفون جديد لسه ما اتعودت عليهو عشان كدا !

مالك : طيب خلي الصور و خليني اجي اساعدك يا قلبي !
سلوان " جات من جوا " : خلصته خلاص !
مالك : و خاته الطاقيه في راسك نظام مغطيه شعرك مني ههه ؟؟؟
سلوان : هوي " اتحركته بالكرسي " ! تعال عايزة اتكلم معاك !
مالك : حاضر " قعد في طرف السرير و جيت بالكرسي بقيت قدامو "
سلوان " م اترددت من اني اخش في الموضوع طوالي قلت ليهو " : انا كلمتك اني كنت على علاقه بي زول قبلك ، صح ؟؟
مالك : دا شنو ؟؟ دا موضوعك اسي ! سلوان انا حا استفيد شنو من الفات ؟
سلوان : خليني اتم كلامي و حتعرف حتستفيد شنو ؟
مالك: لا ما داير اعرف حاجة ! بغص النظر عن الحصل فيها شنو ، انا دايرك من اسي ، من وقت ما عرفتك و حبيتك الفات ما بيهمني والله ، حاولي تستوعبي النقطه دي ! و انا م داير اسمع حاجة عنه لاني ما حابب !!
سلوان : مالك انا بس #قاطعني !
مالك : سلوان ! اقسم بالله ماضيكي ما فارق معاي يا بت الحلال !! م تربطي لي بالحاضر !
سلوان : بس الحاضر هو اللي #قاطعني بي " حضن "

مالك : اششش .. م داير اعرف حاجك انا مكتفي جدا و متمطن لمجرد انك موجوده معاي ! حالياً انا العايز اتكلم ممكن تسمعيني !! " فكيتا و فضلت ماسك يديها " :
انا عارف اني حا اضغط عليكي ، بس انا جمبك و عايزك توعديني انك تطولي بالك ! و تسمعي كلامي و م تضايقي ! انحنا ياداب في اول حياتنا ، انا و انتي بس ، ما حتقابلي زول بتعرفيهو او انا بعرفو في الفترة دي ! عشان م عايز اي طاقه سلبيه تدخل جواك !!
انا عارف ان دي مفروض تكون ايامنا انحنا بي اعتبارها شهر عسل و فسح و برامج ، بس طول م انحنا مع بعض حنقدر نعمل الحاجة دي ، يعني م مضطرين انه انه نربط نفسنا بي وقت معين !!
" ختيت يدي في جانب وشها "!
فا من بكرة حنبدا في العلاج !! ما عايز قعدتك دي تطول ، عايزك تقومي و تكسرط الدنيا لاني محتاج ليكي معاي !
و الاهم من دا كلو ! حابب اقول ليك ان كل شي في الدنيا دي قابل للنجاح و للفشل ! فا لو لا قدر الله العلاج م جاب نتيجة ما هي نهاية الدنيا ! قعدتك دي م حتمنعك تنجحي و تحققي الدايراهو !!

سلوان :
كنت عارفه انك حتقول لي كدا !! انا دخلت قريت عن العلاج ! و عارفه انه بي كل مراحلو غالي جداً يا مالك ! و #قاطعني !
مالك :
حا اعضيك في نص راسك لكن ما بقدر ياخي !!!
" ضغطت على يدها " : ااااه يعني اسي انتي حقيفي بقيتي مرتي و قدام عيوني !؟ يا الله ، والله ما مصدق حاسس نفسي بحلم كدا ! الله م يحرمني منك !
سلوان :
ولا يحرمني منك يارب !
مالك :
بحبك !
سلوان :
احم ! " بي خجل " : وانا كمان
مالك :
لا قو#قاطعتو
سلوان :
بحبك !
مالك :
" لماها عليه " : حا اسعدك بأذن الله ! حا احبك شديد ..

مالك قال :

يمكن انا مهما حكيت ليكم انا قدر شنو حاسس بالرضا و السعاده ما حتتخيلو ! ، منو فيكم حلم و حقق حلمو و عشان لذة التحقيق و فرحة الوصول !؟ الحاجةة دي عظيمة شديد !
بالجد ، مرات كتيرة بحس ان ربنا رزقني بي سلوان عشان هو راضي علي و بيحبني ! الحمدلله رب العالمين !
على رغم التعب اللي كنت حاسي بيهو في اليوم دا على قدر اني م كنت قادر انوم ! اول ليله و هي جمبي ! بالجد م قادر ! اغمض حتى عيوني عنها ، بس عايز افضل اعاين ليها و اعاين فيها بالطريقه دي !! وهي نايمة و قدام عيوني !
ياخ بالجد ما في شي ممكن يفرحني من بعدها تاني !
و عشان بحبها كان كل همي اني اشوفها بي خير !!
👍1
تاني يوم
من الصباح طلبت الفطور قبل هي تصحى !! و جهزت ليها عبايه و كل احتياجاتها ، و صحيتا من النوم ! دخلتها الحمام ، و خليتا تاخد راحتا ، م حابب اضغط عليها لانه م اتعودت علي لسه ! بس كنت بقيف جمب الباب تفادياً لي اي ظرف ممكن يحصل ، طلعت ! و كملت لبس في الغرفه ، و فطرنا و طوالي نزلنا ...
اليوم دا ، كان بي اعتبارو اول يوم في العلاج ، اللي هو كان دور دكاترة المخ و الاعصاب ، عشان لو في اي اضرار داخليه العلاج بيبدا بيها اول ، بعداك العلاج الطبيعي حسب ما انا كنت متابع مع كذا دكتور بحكم مشروعي بتاع مستشفى السرطان لماني بي معارف و اصدقاء دكاترة كميه ، دا اللي وسع معرفتي بي تفاصيل مراحل سلوان العلاجية خطوة بي حطوة من اول ما حصل ليها الحادث و انا كنت ببجث و بسأل !!

بدينا علاج المخ و الاعصاب !
م اخدنا فيهو زمن و الحاجة دي ريحتني شديد ، حداشر يوم ما اخدنا يوم زياده !!
و كل يوم انا و سلوان كنا ماشين متفائلين ! لحد م جا دور العلاج الطبيعي ، اللي اخدنا فيهو تلاته شهور ! كنت كل يوم واقف معاها كل لحظه بعد كل جلسه ! كنت غصب بثبت رجولها في رجولي و بمشي بيهاا يومياً ! رغم الزهج و الضيق اللي كانت بتمر بيهو و لكن م استسلمت ليها و لي مزاجا الحاد اثناء الجلسات !!

#المستشفى !!
مالك " ماسك الاوراق و الصور ، جمب الدكتور "
الدكتور : الحمدلله يعني والله العظيم مجهود كبير ! شهادة لله من اكثر المرضى اللي اشتغلو على نفسهم رغم ان النسبه كانت بسيطه الا انها الحمدلله الحمدلله !!
مالك : و انت كمان ما قصرت معاي والله يا دكتور كل التعليمات و الارشادات ! شكراً !
الدكتور : لله الفضل حمدلله ! الان الجلسات اختياريه !
مالك : لا خلاص الحمدلله الباقي بسيط مع الحركة اليومية بأذن الله كل شي حيبقى تمام ! شكرا ليك دكتور ماجد !
الدكتور : العفو !!

طلعت من غرفة الدكتور جريت على الغرفة اللي فيها سلوان حقت الجلسات ! هي ليها براها ، كان بعد الجلسه الكلام دا ، لقيتا قاعده في السرير الطبي و بتلبس في الاسبورت ، قلت ليها :
مالك : قومي !
سلوان : في شنو. ؟؟؟
مالك : اقيفي من غير ما تثبتي في حاجة !
سلوان : طيب ! " قمته و بقيف على رجلي في هزة خفيفه بتأثر على توازني ، مجرد ما وقفته ! لقيتو ضماني عليهو و نو بيقول لي " :
مالك : فخور بيك يا بطلتي ! شديددددد ! اتخيلي بس تجي داخله لي خالتي النخيل على رجولك ! يا ربي م قادر اتخيل ردة فعلها !
سلوان " مسكت في رقبتو و ضحكته لمن اتخيلت كلامو " : بالجد ! م قادرة اتخيل هههههههه ، كان علي والله اسافر ليها اسي دا !
مالك : انتي عارفه انه لازم ! عشان الطيب ؟
سلوان : عارفه بس م تنسى انك وعدت ندى كمان !
مالك : م ناسي اكيد ، حتزعل لو ما مشينا لينا حتموت و تشوفك !
سلوان : بعد الشر عليها !!

#جانب_محمود :

" مكتب "
" محمود طالع من المكتب "
محمود ! ما ممكن تديني فرصة تسمعني ؟
محمود : كلامك العايزة تقوليهو انا عارفو و الله !
طيب انت م عرفتني اصلا !
محمود : يا بت الناس انا كلمتك اني ما زول علاقات و حب ! الدايراهو انتي دي انا والله ما عندي و كل العندي ماضي اسود ! ارجوكي ! م تحاول تقتحمي حياتي !
__ حاضر ! ما حا افرض عليك حاجة !
محمود : شكراً !

محمود بيقول :
انا ما اتجاوزت الحصل لحد يوم الليله ! رغم الوعي الوصلت ليهو الا اني بقيت قريب من ربنا شديد و اداني فرصة و حياة جديده ! ما حابب اخسرا و م قادر اتقبل اي وحدة في حياتي لحد اسي !! م متقبل الفكرة و م عارف اذا حيجي يوم و اتقبلا و لا لا !!

اريج بتقول :
لمن كلمت الريح من الوقت داك بعدها بي شهر حتى كلف نفسو و يجيب لي ننويه و الظاهر ان وضعو المادي اتصلح شديد ، و لسه بيعشمني بالعلاج و بعدين بيعمل رايح !
م كان داير يخلي لي ننويه الا اذا وافقت ابقى مرتو التانيه ، و فعلاً وافقت لانه وعدني بعملية تجميل ! رغم المشاكل اللي كانت بيني و بين مرتو الا اني كنت ساعيه ورا مصلحتي ، اني اتعالج و بس و تكون بتي قدام عيوني !
مجرد م عملت العمليه الاولى و وشي رجع شويه م قدرت استحمل ! سقتا بتي و جيت واجعه السودان لي امي ، و لقيت أروى كان حسن اتقدم ليها ! رغم اني م كنت موافقه بسبب فارق السن اللي بينهم ، لكن لقيتا متمسكة بيهو شديد فا رضيت ، م من حقي ارفض كان !!
بعد التلاته شهور دي ، و بعد رجعتي الخرطوم ، حاول وليد يدخل حياتي و لكن كل البيبان كانت مقفله و ابتديت امسك حياتي !
اشتغلت سكرتيرة في عيادة دكتورة خارجيه ! و هسي عندي نية تجارة !! و ياداب اقدر اقول اني بديت امسك دربي !!

احمد بيقول :

تجربتي خلتني اقتنع ان الحب ما كل حاجة ! و ان التفاهم و القبول اهم حاجة !
للاسف علاقتي مع الشيماء ما استمرت ، و اتطلقنا بعد مدة من زواجنا والحمدلله على كل حال !
حالياً مخطط اكبر المطعم حقي انا و شريكي ، و ان شاءالله القى بت الحلال !!

سهام بتقول :
👍1
و من يومها الحب زاد ! و م نقص ابداً !
حتى لمن مالك كان لاقى عزو قبل يوم من روحتنا للسودان !
كان مرتاح و بتعامل معاهو يمكن احسن من اول !! و حتى لمن الطيب بيضرب ليهو كانو بتًونسو بالساعات و مافي حاجة اتغيرت ! و خت العذر قالي للطيب بسبب مواقف و حاجات كانت حاصله بيناتهم !!! ..

و جا اليوم الموعود !
اني اقابل امي و انا ماشه على رجولي!!

اليوم دا كان مصادف رجعة نور و الطيب من شهر العسل ! و م كان حضرنا العرس لااسف بسبب اني كنت في جلسات العلاج حقي و م كان ينفع نقطع !
فا كنا حنمشي بيتنا لي امي و بعدين حنمشي للعرسان !!

#جانب_النخيل :

في الحوش الباب بيخبط
سهام : عمتي افتحي الباب !

النخيل : سمح يا الفي الباب سمح سمح الدنيا ما طايرة يا لطيف !
" فتحت الباب و ختت يدها في خشما وشهقت "
سلوان " اتزميت في حضنها " : يمةة يا قلبي يا دنيتي كلها ، مشتاقه ليكي والله مشتاقه ليكي " ببوس فيها و في راسا "
النخيل : الله يحفظك الله يسعدك الله لايوريني فيك شين " تمسكني من وشي تعاين لي و ترجع تحضني و تبكي " ! حمدالله الشفتك على رجولك !حمدلله !

مالك " سلم عليهت في راسا و سلم عليها حار " :
اشتقنا والله يا خالتي كيفك !؟
النخيل : احسن حال الحمدلله !
سلوان : سهام وينا ؟؟
" سهام جات خشت فيها حسن و بكى هي و التايه و رقية زاتا معاهم "
التايه : بركة الشفناك طيبه يا بنيتي !
سهام : وااي سلوان ! باقيه حلوة يا بت تبارك الله نمشي دبي ولا كيف ؟
سلوان : لا عرسي مالك هاهاهاها
النخيل : يا بت ها اختشي ههههه
سلوان : مدثر وين ؟ و احمد كيفو ؟
التايه : في الديوان معاهو اصحابو ! و احمد يا حليلو طلق والله ، الله ما راد !
سلوان : يا الله ... ربنا يعوضو والله !
دايرة اسلم على مدثر دا عشان انحنا طالعين طوالي والله ، ماشين لي عرسان صاحب مالك دا عاملين ليهم قعده بسيطه كدا !
حيه انا و زنوبيا والله اشتقت ياخي !
النخيل : طالعين شنو يا بتي ارتاحوو قولي بسم الله !!
سلوان " مشيت على المزيرة " : م تعبانه والله الحمدلله !
النخيل : و العرجة دي قالو بتمش !
سلوان : ااي ان شاءالله واي يا امي مالك طلع عيني بالتمارين كنت ببكي بالدموع ! يا الله على الايام ديك لكن الحمدلله لولا مالك بعد رب العالمين انا كان اكون لي هسي حايمة بالكرسي !
التايه : الولد دا اصو عجبني ليك من ساعتو الحارسة في المشتشفى ردتو ! و يوم جا اتقدم ليك دا خلعه مسكتني ! ههه

" جانا صوت مدثر جاري علي من الصالون "
مدثر : حضني ولف بي ! حمدالله على السلامة !
سلوان : الله يسلمك يارب ، اشتقنا والله !
مالك : كملو ونستكم و سلامةم بعدين الجماعه ديل منتظرنننا !
مدثر : خليها لينا ياخ !
مالك : ما بقدر اتنفس من غيرا انت بتهظر ولا شنو هههههه
مدثر : بكا لكن هههههه
مالك : شديد .. ارح ارح ..
سلوان : يلاا !

مالك ... اقول شنو واخلي شنو !!
حرفياً السعادة تالتتنا !!
طلعنا من البيت و كالعاده لازم نمر على شارع الستين و نوثق اللحظه !
نزلنا زنوبيا .. كمية الترحيب ! كمية الحب ، كمية اللطافه !! اكلما ايسكريم و قعدنا معاهم شويه !

مالك : طبعا الفرع التاني القسط التاني اتسدد ! انا سددتو بي اسم زوجتي العزيزه !!
سلوان : انا م كنت حابه اكمل م عارفه لكن فترتي في المستشفى فترة العلاج ! ميولي للتمريض زاد و حابه اكمل ! م حابه اكمل في الحلويات !!
يمكن الانا فيهو دا فترة محددة و حتروح الله اعلم ! لحد الوقت داك خلو لي مكاني محفوظ في زنوبيا يا عم محجوب !!
محجوب :
الفي محلي حيزعل لانني قلت ليك وجودك ساي بجيب لينا الخير !والرزق ، لكن انا ابوكي !! و بتهمني رغبتك. مستقبلك !!
سلوان : شكرا يا عم محجوب !
مالك: انحنا نقوم نمشي ! و بنجيكم نقضي يوم معاكم ان شاءالله !!
سلوان : يلا و تحياتي للباقي الشباب لمن يجو و صح حسن مبروك الخطوبه تستاهل والله واروى طيبه !
حسن : تسلمي ي سلوان شكراا !!

طلعنا منهم و وصلنا للمحطه الاخيرة !!
" حديقه بيت ناس عزالدين اللي كانو عاملين فيها زي بارتي صغير بيرحبو فيهو بالعرسان "

من دخلتنا انا و مالك ! لقيت استقبال حلو و مقبول من اخوات عزالدين ! و مباركات لي اني رجعت امشي على رجولي !!
و مالك خلاني مع الحريم و مشى هو ..
لهوم : حلاتك صغيرونه ! عمرك كم ؟
سلوان : مالك زي الاول مرة نتلاقى يا لهوم هههه انا 25. سنه !
تسنيم : بنعرفك من وين انحنا يا زوله ههههه
تقوى : بري دي دايرة تلبسنا مصيبه ههههن
سلوان : ياخي ههه زنوبيا تشهد ههه " عاينت لي تسنيم شايله صينيتين للجبنه ، قمت شلت منها وحدةً " : ما بحب الجبنه صدقي !
لهوم : انتي بتشربي لبن بس ولا شنو ؟؟؟ هههه
سلوان : اي ههه و باكل سيرلاك والله انتي عسل يا لهوم !

نوريان : بالجد حلوة يا سلوان !
سلوان : من بعدك يا قلبي والله عيونك الحلوين !
نوريان : مالك ذوقو حلو لكن !
سلوان : الحب .. انه الحب يا عروسه ! الله يرزق الناس كلها يارب !!
👍5😁1