Այդպես էլ չընկալելով Բաքվի բարբարոսական վարչախմբի բնույթն ու էությունը, մենք շարունակում ենք կարծել, թե կան առանձին վերցրած Արցախյան հիմնախնդիր, սահմանազատման և սահմանագծման ինչ-որ հարց և այլ «տեղային» խնդիրներ։

Այս մոտեցումը մեզանում կտրականապես սխալ է և չի դիմանում որևէ քննադատության, քանի որ, դիցուք, Արցախի ամբողջական բռնազավթումից և այնտեղ իրականացված էթնիկ զտումից հետո էլ Հայաստանի հանդեպ պահանջները չեն դադարել, Սյունիքում, Տավուշում և Գեղարքունիքում զիջումներից ու Հայաստանի տարածքների բռնազավթումից հետո նույնպես մեր նկատմամբ լկտի նկրտումները շարունակվում են և այսպես շարունակ։

Մինչդեռ իրականում խնդիրն ինքը՝ Ադրբեջան կոչվող արհեստածին կազմավորումն է իր բռնապետական և հակամարդկային վարչախմբով, որի այս տեսքով և ձևաչափով գոյությունն իսկ մշտական վտանգ է Հայաստանի և տարածաշրջանային խաղաղության ու կայուն զարգացման համար։

Հետևաբար Հայաստանում մեր պետության զարգացման և հզորացման խորքային օրակարգը պետք է ձևավորվի այն հիմնական ելակետից, ըստ որի՝ նույն այդ զարգացման և հզորացման առանցքային խոչընդոտը հենց արհեստածին Ադրբեջանն է իր բարբարոսական վարչախմբով կամ, այլ խոսքերով, մեզ համար պետք է գոյություն ունենա Ադրբեջանի խնդիր, որի լուծման պարագայում միայն մենք կկարողանանք ապահովել հազարամյակների խորքից եկող մեր պետականության արժանապատիվ զարգացման և հզորացման սուրբ նպատակի իրագործումը։

#հավերժականՀայաստանը

🆔 @vardan_voskanyan

Բաքվի բարբարոսական վարչախմբի պարագլխի աշխատակազմի պաշտոնաթերթ «Խալխ Գազեթի» (նախկին ԱԽՍՀ «Կոմունիստ») կոչեցյալն առաջին և երրորդ էջերում հրապարակված ծավալուն «հոդվածում» անդրադարձել է նվաստիս տեսակետներին։

Եթե մի կողմ թողնենք հոդվածագրի վիրավորական արտահայտությունները, ապա պարզ է, որ Բաքվի բռնապետական վարչախումբը ակնհայտ վախեր ունի Հայաստան-Իրան քաղաքակրթական դաշինքի հնարավորությունից։

Ըստ նրա՝ նվաստիս կողմից օգտագործվող «արհեստածին Ադրբեջան» եզրույթն իսկ դուռ է բացում Իրանի կողմից այս քաղցկեղային գոյացության տարածքի վերանվաճման համար։

#հավերժականՀայաստանը

🆔 @vardan_voskanyan

Երբ արաբները նվաճեցին Սասանյան Իրանը, ապա սկսվեց այս հնագույն քաղաքակրթության պատմության մի շրջան, որն ընդունված է կոչել «նսեմացում» եզրույթով։

Այնուհետև իրանցիներն Արաբական խալիֆայությունում հասան հավասարության, իսկ Իրանի մերձկասպյան շրջաններից ծայր առած դեյլամական նվաճումների արդյունքում սկսվեց իրանական գերակայության պատմական շրջափուլը, երբ Բաղդադի խալիֆները խամաճիկներ էին իրանցիների ձեռքում։

Սրա պատճառը բացառապես իրանական քաղաքակրթական, քաղաքական և բյուրոկրատական վերնախավերն էին, որոնք ոչ միայն չհաշտվեցին Իրանի փառքի և հզորության կորստյան հետ, այլ նաև օգտագործեցին իրանական պետականության ավանդույթները և քաղաքակրթական խորքը վերականգնվելու ու գերիշխանության հասնելու համար։

Վերնախավերի կամքը, տոկունությունն ու հմտությունն են վճռում քաղաքակրթության ապագան, այլ ոչ թե «ապագա» գոռալով գոյություն քարշ տալը, իսկ նսեմացումը չի կարելի կերպափոխել «ոչինչ, կարևորը հաց ուտելն է» գռեհիկ կաղապարով, քանի որ նսեմացումը հաղթահարելու միակ և պատվաբեր վերջնարդյունքը գերակայությունն է։

#հավերժականՀայաստանը

🆔 @vardan_voskanyan

Թեհրանի խոսակցական պարսկերենում մի բառ կա՝ گوگیجه [gou-gije], որը Թեհրանի հյուսիսի բնիկ իրանական բարբառից պարսկերեն մուտք գործած ենթաշերտային ձև է՝ խոշոր եղջերավոր անասունների հիվանդության անուն (ցավոք, հայերեն տարբերակը չգիտեմ, անգլերեն՝ «mad cow»), փոխաբերաբար նշանակելով «շշմած, շփոթված, մոլորված, մտացրիվ, տարակուսած»։

Ստուգաբանորեն բառի առաջին բաղադրիչը նույնական է հայերեն «կով», երկրորդը՝ «գիժ» բառի հետ։

Բայց խնդիրն այստեղ մաքուր լեզվաբանությունը չէ, այլ բառի փոխաբերական իմաստները, որոնցով էլ կարելի է բնորոշել լայնածավալ և ուղղորդված քարոզչական ճնշման տակ գտնվող մեր հասարակության վիճակը, որը նման պայմաններում օբյեկտիվորեն չի կարողանում գնահատել շրջապատող իրականությունը՝ սպարտայական կենսակերպ և ուժերի լիարժեք լարում ու հանրային կազմակերվածություն պահանջող այն իրականությունը, որը քողարկվում է անվերջ ու անդադար պայմանական «ֆեստիվառների» մոլորեցնող և շողշողուն ծխածածկույթով։

#չՀայաստանը

🆔 @vardan_voskanyan

Ոմն Այխան Հաջիզադե, որը Բաքվի բարբարոսական վարչախմբում զբաղեցնում է ԱԳՆ կոչեցյալի ինչ-որ խոսնակի պաշտոն, պարբերաբար աչքի է ընկնում Հայաստանի հասցեին վիրավորական, լկտի և վերջնագրային բնույթի պահանջների հնչեցմամբ և մեր երկրի ներքին գործերին խառնվելով։

Անսահմանորեն ամոթալի է, որ Հայաստանը հասցվել է այն վիճակի, որ նույնիսկ սրա նման «շարքային դռնապանը» համարձակություն ունի նման հռետորաբանություն կիրառելու մեր պետության հասցեին, իսկ սրանից ավելի ամոթալին այն է, որ մեզ փորձում են հաշտեցնել այս նվաստացուցիչ վիճակի հետ։

Հայաստանի վերածնունդը և լիակատար գերակայության հաստատումը թշնամական քաղցկեղային գոյացության նկատմամբ պետք է դառնա յուրաքանչյուր հայաստանցու և հայի կյանքի և պատվի գործ, քանի որ անպատիվ գոյություն քարշ տալը միայն թուլամորթների և ապիկարների բաժինն է։

#հավերժականՀայաստանը

🆔 @vardan_voskanyan

Մեր հասարակության ամենամեծ և արգահատելի ախտերից մեկը գրեթե զանգվածային բնույթ կրող մեծ ու փոքր ծավալների ստախոսությունն է, իսկ էլ ավելի նողկալի է, երբ դա չի համարվում արատ կամ ախտ, այլ «լռելյայն» դիտարկվում է՝ որպես հանրայնորեն հանդուրժելի կամ ոչ դատապարտելի երևույթ։

Կյանքում պատահում է, որ այս կամ այն խոստումը կամ մտադրությունը օբյեկտիվ և սուբյեկտիվ պատճառներով չի իրականանում կամ ուշանում է դրա իրականացումը, սակայն խոսքը սրա մասին չէ, այլ լկտի և մտածված ստի ու խաբեության։

Մեր հասարակությունը հաճախ, փաստացիորեն, ոչ մի արտառոց բան չի տեսնում, երբ իրեն խաբում են կամ ստում, որովհետև, ցավալիորեն, ինքն էլ իր զգալի մասով ստում է և խաբում՝ անում դա ամեն հնարավոր առիթով, անհրաժեշտաբար կամ նույնիսկ առանց անհրաժեշտության։

Նույն այդ հասարակությունից էլ ծնվում են վերնախավերը, սակայն այդ վերնախավերի առաքելությունն է ձգտել լինել օրինակելի և գոնե փորձել բուժել հասարակական ախտերը, այլ ոչ թե դրանք խտացնել հենց իրենցում։

#չՀայաստանը

🆔 @vardan_voskanyan

Հայկական և հայաստանյան հանրային խոսույթում, ցավալիորեն, դեռևս կենսունակ ամենավնասակար, վտանգավոր ու քայքայիչ մտասևեռումներից մեկն այն է, թե Թուրքիայի (այժմ նաև արհեստածին Ադրբեջանի) հետ մեր խնդիրների պատճառը հենց մենք ենք, և եթե մենք փոխվենք, ապա դրանք կլուծվեն։

Ընդ որում, «փոխվելը», փաստացի, մեղմասացություն է, որի տակ իրականում թաքնված է թուրքական ագրեսիվ պահանջների առջև տեղի տալը, ծավալապաշտական նկրտումների հետ համակերպվելը, լայն իմաստով հրաժարվելն այն ամենից, ինչը կարող է «զայրացնել» Թուրքիային և փաստացի ազգագրական ռեզերվացիայի անպատիվ կարգավիճակով թուրքական տեսլականին «ինտեգրվելը»։

Ծագումնաբանորեն թուրքական պատումի (նարատիվի) այս վտանգավոր մտասևեռման ներմուծումը հայկական և հայաստանյան խոսույթ մոտավորապես նույնն է, թե, պատկերավոր ասած, ազատ հագնված պարկեշտ կնոջ և նրան բռնաբարողի միջև առաջացած խնդրում հենց կնոջը, այլ ոչ թե բռնարարին մեղավոր կողմ դիտարկել, իսկ խնդրի լուծմանը կնոջը չադրա հագնել ստիպելու և պարբերաբար կամավոր կերպով բռնարարին տրվելու ու «հաճույք» ստանալու միջոցով հասնել։

Այս կործանարար մտասևեռումը ոչ միայն չունի ապացուցողական որևէ հիմք, այլ նաև հակամարդկային է և ամոթալի, իսկ դրանով շարժվելը հայության և Հայաստանի՝ դեպի ֆիզիկական և բարոյական ոչնչացում տանող ուղիղ ճանապարհ է։

#չՀայաստանը

🆔 @vardan_voskanyan

Իրանական վրիժառության գործողությունը տեղի ունեցավ Իսրայելի ուղղությամբ հուժկու հրթիռային հարվածով։

Համացանցում այժմ քարոզչական պայքար ՝, տեղեկատվության և ապատեղեկատվության հսկայական հոսքերով, ուստի առայժմ շատ վաղ է եզրակացություններ անելու համար։

Պարզ է մի բան՝ Իրանը մերձավորարևելյան միակ պետությունն է, որը ոչ միայն ունի կամք և խիզախություն վրիժառական հարձակում իրականացնելու Իսրայելի վրա, այլ նաև նման գործողության համար անհրաժեշտ ռազմատեխնիկական ներուժ, որի միայն աննշան մասն է օգտագործվում արդեն երկրորդ նման հարձակման ընթացքում։

#հարափոփոխ_տարածաշրջանը

🆔 @vardan_voskanyan

Թեհրանն ապրում է առօրեական կյանքով՝ խցանումներ, մարդաշատ փողոցներ, ակտիվ կյանք, քանի որ հինգշաբթի երեկոն հանգստյան ժամանակ է, ինչպես մեզանում շաբաթօրյա երեկոն։

«Իմամ Խոմեյնի» միջազգային օդանավակայանում ասեղ գցելու տեղ չկար ժամանումներից, քանի որ մոտ մեկ օր ու կես Իրանի օդային տարածքը փակ է եղել։

«Մերձավոր Արևելքի առյուծը» շատ լավ գիտակցում է, որ պատերազմն այս տարածաշրջանում գրեթե հավերժական բնույթ ունի, և ցավալիորեն մշտնջենական այս պատերազմում, եթե ցանկանում ես ապրել խաղաղ, այն պետք է լինի քո սահմաններից դուրս, իսկ դրա համար անհրաժեշտ է լինել հզոր։

#մեր_բարեկամ_Իրանը

🆔 @vardan_voskanyan

Իրանի և Ասիայի երկրների իրանագիտության և պարսից լեզվի ամբիոնների ու կենտրոնների ղեկավարների միջազգային ֆորումում բացման պաշտոնական նիստին պատիվ արվեց Հայաստանին և նվաստիս լինելու միակ արտասահմանցի ելույթ ունեցողն ավելի քան 20 երկրների ներկայացուցիչների շրջանակից։

#հայ_իրանական_բարեկամությունը

🆔 @vardan_voskanyan

Թե բա՝ աշխարհի լոլիկով ամենամեծ ձվաձեղն են սարքելու Հայաստանում։

Մոտ 3-4 հազար տարի անընդմեջ հայաբնակ Արցախը թշնամուն թողնելուց և դրա կողմից պարբերաբար նվաստացվելուց հետո հենց լոլիկով ամենամեծ ձվաձեղի թավայի մոտ «ծիսական շուրջպար» բռնելու ժամանակն է։ Հետո կարելի է անցնել բաստուրմայով ամենամեծ ձվաձեղին...

#չՀայաստանը

🆔 @vardan_voskanyan

Իրանական Ատրպատական երկրամասի արաբականացված անվանումը յուրացրած և գրեթե ամեն ինչով արհեստածին Ադրբեջանի բարբարոսսկան վարչախումբը պաշտոնական մակարդակում փորձում է այդ անվանումը տարածել նաև Հայաստանի Հանրապետության տարածքի վրա՝ բարբաջելով ինչ-որ անհայտ «Արևմտյան Ադրբեջանի» մասին։

Այս հանգամանքը ևս մեկ ցուցիչ է, որ Բաքվի բռնապետական վարչախումբը սեփական պետություն կոչեցյալի մարդատյաց և կեղծ ինքնության առասպելը կառուցում է նաև մեր ազգային և պետական ինքնության գոյության բացառման վրա կամ, այլ խոսքերով, ձգտում է մեր ոչնչացմանը՝ որպես ազգային և պետական միավոր։

Ըստ այդմ, առնվազն աչոք և մտոք կույր է պետք լինել՝ չտեսնելու և չհասկանալու, որ, ցավալիորեն, ոչ մի խաղաղություն ոչ կա, ոչ էլ լինելու է, քանի դեռ գոյություն ունի Բաքվում արմատավորված քաղցկեղային այս կազմավորումը, որն իր էությամբ հակամարդկային է, ծավալապաշտ, ամբարիշտ և բարբարոս։

#հավերժականՀայաստանը

🆔 @vardan_voskanyan

Իրանի և հարակից մի շարք այլ խնդիրների մասին նվաստիս տեսակետներին կարող եք ծանոթանալ այս հարցազրույցում։

Իրանը ստեղծել է արդյունավետ գործող արբանյակ ուժերից բաղկացած օրինակելի տարածաշրջանային «կայսրություն», որի թիրախում են վերջինիս անխտիր բոլոը թշնամիներն ու ախոյանները։

#մեր_բարեկամ_Իրանը

🆔 @vardan_voskanyan

Ռազմավարական հարցերով Իրանի փոխնախագահ և այս երկրի նախկին արտգործնախարար Մոհամմադ-Ջավադ Զարիֆը Կովկասի խնդիրներին նվիրված համաժողովին հայտարարել է, որ իսրայելական ներկայությունն արհեստածին Ադրբեջանում նպատակ է հետապնդում «զոհաբերելու» այս կազմավորումը՝ վերածելով այն Թել-Ավիվի համար անվտանգության վահանի։

Ընդամենը ամիսներ առաջ Բաքվի բարբարոսական վարչախումբը Հայաստանի վրա քարոզչական և հոգեբանական ճնշում գործադրելու պիղծ գործելաոճով անընդմեջ թմբկահարում էր այն լկտի սուտը, թե Իրանի նախագահ Մասուդ Փեզեշքիանն, իբր, ադրբեջանցի է, մինչդեռ հենց նրա կառավարության կարևորագույն հարցերով փոխնախագահը խոսում է արհեստածին Ադրբեջանի «զոհաբերության» մասին։

Դիվանագիտական լեզվից թարգմանաբար՝ նման բարձրաստիճան և փորձառու իրանցի պաշտոնյայի այս հայտարարությունը գրեթե ուղղակիորեն նշանակում է, որ Իրանը Իսրայելին հակադարձելու իր սցենարներում ունի նաև արհեստածին Ադրբեջանի չեզոքացման բաղադրիչ, որն ընդգրկում է ոչ միայն դիվանագիտական գործիքակազմ։

#հարափոփոխ_տարածաշրջանը

🆔 @vardan_voskanyan

Այս գիշեր իսրայելական օդուժի հարվածներն Իրանի ուղղությամբ, ըստ պաշտոնական Թեհրանի, իրականացվել են Թեհրան և ծայր հարավարևմտյան Խուժաստան ու Իլամ նահանգներում գտնվող ռազմական նշանակության օբյեկտների վրա՝ առանց իրանական օդային տարածք ներխուժման։

Իրանական կողմը չի հաստատում պաշտոնական Թել-Ավիվի պնդումը 20 թիրախի խոցման վերաբերյալ՝ նշելով, որ ունեցել է «սահմանափակ վնասներ»։

Իրանի օդային տարածքն արդեն բաց է, իսկ մոտ մեկ միլիոն վեց հարյուր հիսուն հազար քառակուսի կիլոմետր տարածք ունեցող այս երկրի բնակչության զգալի հատվածը չի էլ «նկատել», որ տեղի է ունեցել որևէ հարձակում։

Գործողության վերաբերյալ տեղեկատվության և ապատեղեկատվության հոսքերը միախառնված են, պարզ է սակայն, որ քարոզչական տիրույթում վստահելի «տպավորիչ» կադրեր դեռևս չկան։

#հարափոփոխ_տարածաշրջանը

🆔 @vardan_voskanyan

Բաքվի բարբարոսական վարչախմբի սինլքոր պարագլուխն այսօր լուսանկարվել է Իրանական կայսրության Երևանի խանության դրոշների հետ՝ նշանաբանական «ուղերձ» հղելով, թե Հայաստանի Հանրապետության տարածքը և Երևանն, իբր, «ադրբեջանական» է և ուստի՝ իրենը։

Ադրբեջան անվանումով գոյացության արհեստածին բնույթը կարելի է միանգամից հասկանալ հենց այդ դրոշներից մեկից, որի վրա պատկերված առյուծն Իրանի պատմական խորհրդանիշն է, իսկ առյուծից վերև և ներքև արաբատառ գրություն է՝ «սուլթան սուլթանի որդի Շահ Ֆաթհ-Ալի Ղաջար», որը Իրանի շահն էր 1797-1834թթ. ընթացքում։

Հետևաբար, Բաքվի բռնապետն իր այս «ուղերձով» ևս մեկ անգամ փաստում է, որ ոչ մի «ադրբեջանական պետականություն» էլ մինչև 1918թ., բնականաբար, գոյություն չի ունեցել, իսկ ինքն ուղղակի նկարվել է իրանական պատմական դրոշներից մեկի հետ՝ այդպիսով իրականում հավաստելով իր պատմական հպատակությունը մերձավորարևելյան առյուծ Իրանին։

#հավերժականՀայաստանը

🆔 @vardan_voskanyan

Այսօր ԵՊՀ արևելագիտության ֆակուլտետում հերթական անգամ հյուրընկավել էր ՀՀ-ում ԻԻՀ արտակարգ և լիազոր դեսպան Մեհդի Սոբհանին։

Հայաստան-Իրան հազարամյակների հարաբերությունների ամրապնդման առումով ժողովրդական դիվանագիտության կարևոր բաղադրիչ է նաև համալսարանական մեր հարթակը։

#Հայաստան_Իրան_բարեկամությունը

🆔 @vardan_voskanyan

Թիկունքիս քաղաքակրթական Հայաստանի հազարամյակների մշակութային ջանքի հոյակերտ արգասիքներն են՝ մեսրոպատառ արձանագրություններով խաչքարեր դարձած վիշապաքարեր։

Հայաստանը հավերժական քաղաքակրթության սրբազան տարածք է՝ հազարամյակների իր ողջ հսկայական ժառանգությամբ, ուստի չի կարող և չպետք է տեղի տա ինչ-որ բարբարոս տարերքի առջև, քանզի դա նաև կլինի մեր նախնյաց ստեղծած քաղաքակրթության աններելի ու թուլամորթ ուրացումը, ինչը անարգանքի խարան կդառնա մեր ճակատներին։

#հավերժականՀայաստանը

🆔 @vardan_voskanyan

Երևանի սուպերմարկետներում գրեթե ամենուր աշխատակցուհիներից շատերի խոսքում որսում եմ հայերենի արցախյան բարբառի առոգանությունը։ Հարցնում եմ՝ որտեղի՞ց են։ Լսում պատասխաններ՝ Ստեփանակերտ, Մարտակերտ, Ասկերան, Հադրութ, Շուշի և այլն։

Երևանի սուպերմարկետներում մեր համազգային ամոթի և անարգանքի ամենօրյա հիշեցումն է՝ հոգեմաշ պատիժը մեր հայրենիքի հինավուրց մի անկյան՝ Արցախի մեր ուրացման...

#չՀայաստանը

🆔 @vardan_voskanyan

Ֆրանսիացի նշանավոր արևելագետ Ռենե Գրուսեն Հայաստանի պատմությանը նվիրված կոթողային իր գործում (Histoire de l’Arménie des origines à 1071, Paris: Payot, 1947) գրում է՝ «Աշխարհագրորեն հայկական լեռնաշխարհը հենց բնության կողմից ստեղծված է դիտարկելու Վերին Ասորիքը, Ջեզիրեն, Քրդստանը և Ատրպատականը»։

Սա առաջին հայացքից պարզ թվացող, սակայն հանճարեղ դիտարկում է, որը կարող է անկյունաքարային լինել լայն ռազմավարական իմաստով Հայաստանի դիրքավորման առումով։

Այո՛, ներկայիս Հայաստանի Հանրապետությունն իր մեջ ներառում է Հայկական բարձրավանդակի մի անկյունը միայն, բայց սա չի փոխում մեր պետության սահմաններում մնացած լեռնաշխարհի թեկուզ և մի հատվածի հենց բնության կողմից մեզ ընծայված առավելությունը, քանի որ, դիցուք, Սյունիքը, Տավուշը և Գեղարքունիքը հենց այժմ էլ կարևորագույն վայրեր են «դիտարկելու» հարևան բոլոր հովիտներն ու հարթավայրերը, իսկ կամքի, ռեսուրսների և հմտության համադրման դեպքում դրանց վրա գերակայություն հաստատելու համար։ Նույն էր, ի դեպ, նաև այժմ բռնազավթված Արցախի պարագայում։

#հավերժականՀայաստանը

🆔 @vardan_voskanyan