#رواية_حب_ثلاثي_الاطراف

#حب_ثلاثي_الاطراف
#ياسمينة
#الحلقة_الثانية
..
تاني يوم الصبح
فتحت ايلا عيونا شوي شوي وحاولت تستوعب يلي صار ووين هي بعدين تذكرت مبارح كيف حكت كل شي قدام عمر .. قامت بسرعة ونزلت لتحت ودورت على عمر بكل البيت ما لقتوو
- ايلا : اكيد خبرن بكل شي اكيد .. وهلأ هو راح وانا لازم اهرب لان اذا خبرن بكونو ع الطريق جاين .. ليش هيك لك عمر ليشش . لا لا مستحيل يكون خبرن يعني هو شاف حالتي كيف كانت ووعدني ما يخبر حدا .. احسن شي اتصل بماما ووقتا بعرف اذا خبرن او لا
#مسكت ايلا الموبايل واتصلت ب امها
- ام عماد : الوو وينك لك بنتي وينك من مبارحة مختفية ومو قادرين نوصلك ولا نعرف عنك شي والله شغلتي بالي والله الليل ما نمتو وانا عم فكر اذا صايرلك شي او لا
- ايلا : ماما انا منيحة ما تخافي
- ام عماد : وينك قوليلي لاجي لعندك
- ايلا : مافي داعي قلتلك انا منيحة
- ام عماد : طيب ليش هيك طلعتي من الحفلة فجأة شو يلي صار
- ايلا : ماما مو حابة اني احكي شي بس انا بحاجة لحتى ارتاح من كل شي صار .. وبوعدك اول ما ارجع ع البيت وكون منيحة رح خبرك بكل شي صار
- ام عماد : طيب بس قوليلي وينك
- ايلا : ماما وين ما كنت كون لا تخافي معي عمر ورح يحميني واكيد ما ح يصرلي شي اتطمني
- ام عماد : بس يا بنتي يوس..
- ايلا : ماما بدك شي انا بدي سكر
#وسكرت الخط ..
- ايلا : وبدا تحكيلي عن يوسف كمان .. الله ياخدك والله ما بكون ايلا اذا ما بفضح خطتك قدام الكل يا واطي
#سمعت صوت حدا حوالي البيت .. خافت كتير وضلت واقفة مكانا بعدين صار في حدا يحاول يفتح الباب ركضت ايلا ع المطبخ ومسكت سكين وانفتح الباب .. ودخل شخص ع البيت وكان معو غراض كتير
- عمر : حطيا من ايدك هاد انا
- ايلا : كيف عرفت اني ماسكة سكين وانت ما طلعت فيي لسه
- عمر : احساس
- ايلا : وين كنت
- عمر : البيت كان شبه مهجور وما فيه غراض ف رحت جبت شوي غراض مشانك
- ايلا : انا مبارحة ما كان لازم احكيلك القصة ف يا ريت ما تدخل وما تحكي شي قدام حدا
#حط الغراض من ايدو وفتل لعندها
- عمر ؛ ماني متل ما مفكرة انا مو حشري متلك لاتدخل بخصوصيات غيري
- ايلا : شو قصدك انا بتدخل بخصوصيات غيري !!!!
- عمر : لا اعوذ بالله
- ايلا : عفكرة اصلا انا
- عمر : ع كلن ما تخافي ما رح احكي شي قدام حدا واعتبريني ما عرفت
- ايلا : بس
- عمر : اذا جوعانة فيكي تحضري شي سريع وتاكليه
- ايلا : وانت !
- عمر : عندي شوية شغل برا
- ايلا : طيب
#طلع عمر لبرا ووقفت ايلا وحطت ايديها ع خصرها وتطلعت شمال ويمين
- ايلا : وانا هلأ شو بعمل ما بعرف غراض المطبخ وين
#خبصت الدنيا ايلا لحتى قدرت تحضر فطور بسيط لحالها
- ايلا : اووف يا اووف .. لازم نضف المكان
#بلشت ترتب الاكل بالبراد وتغسل الصحون بس انبلت كل تيابها مي .. طلعت لبرا لعند عمر
- ايلا : عمرر
- عمر : شو في
- ايلا : فيك توصلني ع البيت
- عمر : بهالسرعة صار بدك ترجعي
- ايلا : لا مو هيك بس بدي غراضي
- عمر : يعني باقية هون كتيرررر
- ايلا: كأنو ما عم يعجبك شو ما حكيت
- عمر : لا ما هيك قصدي هلأ شوي تانية منروح
- ايلا : عمر فيك تروح انت لحالك
- عمر : ليش
- ايلا : مو حابة شوف حدا
- عمر : بس..
- ايلا : هلأ انا بحكي مع ماما وبقلا تضبلي غراضي
- عمر : لحظة ! امك بتعرف انك هون !!!!
- ايلا : اي انا قلتلا لان ما بدي ياها تخاف وبنفس الوقت مو حابة ارجع ولا شوف حدا ولا احكي مع حدا
- عمر : طيب ..
__
#بعد_ساعتين
#طلعت ايلا من الحمام ووقفت ع الشباك وعم تنشف شعرهاا وتطلع ع عمر يلي كان عم يزبط الورود والشجر ويقطع الغصون وهيك .. صفنت ايلا فيه لمدة .. بعدين عمر رفع راسو وشافا وهي سحبت حالا لورا فورا

#المسا
- ايلا : انت من وين متعلم الطبخ
- عمر : شب ساكن لحالو اكيد بدو يتعلم كل شي
- ايلا : امم
- عمر : ايي روحي عالصالون شوي وبيجهز الاكل
- ايلا : عمر
- عمر : نعم
- ايلا : شو لازم اعمل
- عمر: بخصوص
- ايلا : هلأ عم تعمل حالك ما بتعرف
#ترك السكين من ايدو وتنهد وقال
- عمر : مو قلتيلي لا تدخل
- ايلا : بس انا تعبت كتير من التفكير وما عرفت شو بدي اعمل
- عمر : طيب ..
- ايلا : شو طيب
- عمر : اول شي روحي ع الصالون شوي وبيجهز الاكل وبعدا منقعد ومنحكي
- ايلا : طيب

بلشت ايلا تزبط سفرة الاكل وعمر خلص طبخ وقعدو وبلشو ياكلو
- ايلا : ايييي
- عمر : ايي ؟
- ايلا : قلتلي رح نحكي ع الاكل
- عمر : انا ما الي الحق اني اتدخل او اعطي رأي حتى
- ايلا : بس انا عم بطلب منك هاد الشي هاد ما اسمو تدخل
- عمر : يعني .. برأي
- ايلا : عم فكر افسخ الخطبة
- عمر : يلي كنت بدي قلك ياه غير هيك تماما
- ايلا : كيف !! بدك ياني ضل مع هاد الحقير بعد ما كشفت انو عم يضحك عليي
- عمر : انا ما عم قلك ضلي معو بس لازم تتصرفي شوي ع طبيعتك وما تبيني شي لحتى ع القليلة تفهمي الموضوع كلو صح وقتا بتعرفي شو بدك تشتغليي
- ايلا : ما بعتقد اقدر اتحمل شوف وجهو

- لكن ليش ما عم تقولي مين بتكوني
- ايلا : اناا بكون .. انااا
- عمر : مرتي
- ايلا : 😳😳😳
- شوووو !! مستحيلل عمر ايمتى تزوجت
- عمر : ما ضروري الدنيا كلا تعرف اني تزوجت
- قصدي نحن الجيران كنا عملنا عرس وفرحنالك
- عمر : فرحتكن واصلة .. يلا ايلا
#حط ايدو ع كتف ايلا وابتسم .. وردت ايلا بابتسامة مصتنعة وهي مو فاهمة شي .. ودخلو ع البيت
- عمر : ليش طالعة ع الحديقة
- ايلا : ليششش قلت اني مرتك
- عمر : انا يلي سألت بالاول
- ايلا : سؤالك ابدا مو مهم فيك تقلي ليش حكيت قدامن اني مرتك
- عمر : لانك طلعتي لبرا
- ايلا : وشو دخل هاد بهاد ..
- عمر : هنن شافوكي ببيتي شو بقول
- ايلا : فيك تقول رفيقتي
- عمر : وليش ما قلتيا انتي
- ايلا : لانو ...
- عمر: لانو ؟؟ ايلا هون كل شي بيختلف عن مجتمعكن هون رح ياكلوكي بلا ملح .. ما عندن انك تتواجدي ببيتي بلا زواج شي عادي لهيك حكيت
- ايلا : انا ما رح اضل هون شو رح تقلن
- عمر : تطلقنا
- ايلا : الزواج والطلاق عندك سهل لهدرجة
- عمر: بلا كتر حكي وفيكي تخبريني ليش طلعتي برا البيت
- ايلا : لانك طولت
- عمر: كنتي ناطرتيني ؟
- ايلا : لا
- عمر : واضح
- ايلا : مليت وانت مانك موجود قلت بطلع ع الحديقة وبتسلا شوي بس ما كنت بعرف انو جيرانك حشرين لهي الدرجة
- عمر : ما كان لازم تطلعي
- ايلا : انت الصح وانا الغلط دائما اوف يا
#طلعت ايلا ع غرفتها بسرعة وسكرت الباب ورمت حالا ع التخت ..
اما عمر .. ف راح ع المطبخ وشاف طاولة الاكل جاهزة ومرتبة بشكل كتير حلو
- عمر : واضح ابدا انك مو ناطرتيني
#طلع عمر ودق الباب عليها
- ايلا : نعممم
- عمر : ما بدك تاكلي
- ايلا : لا شكرا
- عمر : بس انا تعذبت وعملت هالاكل شكلو ما الك نصيب فيه
#ركضت ايلا وفتحت الباب
- ايلا : انا يلي عملت الاكل
#تضحك عمر من تحت لتحت ونزل وهي لحقتو
- ايلا : ليش عم تضحك
- عمر : ولا شي تعي كلي
_______________
- ام يوسف : اخي بدي احكي معك بموضوع بس بتمنى ما تنزعج
- ابو عماد : شوفي اختي احكي
- ام يوسف : ايلاا .. ما لازم ترجع ع البيت عاد
- ابو عماد : اليوم رح احكي معها
- ام يوسف : اخي يعني بلا مؤاخذة والله انت عاطيها وجه كتير
- ابو عماد : انا بعرف بنتي كتير منيح يا اختي بعدين عمر ابني وانا حكيت لما تكون ايلا مع عمر متل كأنها معي انا
- ام يوسف : بسس
- ابو عماد : اختيييي
- ام يوسف : سكتت
- ام عماد : هلأ انت بتعرف وين بيت عمر
- ابو عماد : بعرف ليش
- ام عماد : خدني لعندا والله ما عاد فيني مو متعودة تغيب عني هيك
- ابو عماد : بكرى الصبح بروح انا بتطمن عليها وبشوف شو صاير معها واذا بدها تجي
- ام يوسف: اذااا بدها تجي !!!
- ابو عماد: انا ما بجبر بنتي ع شي
- ام يوسف : اي ع راحتك اخي .. تصبحو ع خير.
- ام عماد : وانت بخير ... بدك رأي اختك معها حق تفكر هيك هلأ صارت ع ذمة ابنها
- ابو عماد: لو مافي خطر ع حياة بنتك ما بخليها بس هنيك اضمن
- ام عماد : خطر شو ؟
- ابو عماد : كالعادة مشاكل بالشغل واكيد ح يحاولو يخطفوها ليجبروني ع شي وانا كنت كتير خايف عليها وكتير ارتحت انو راحت لعند عمر وانو اجت منها مو مني
- ام عماد : بس يلي شاغل بالي هو شو ممكن يكون صاير معها لتفكر تترك البيت وتروح ع بيت عمر
- ابو عماد : بكرى بحكيهااا
_______________
#اليوم_التاني
#كان الوقت الصبح بكير وايلا كانت نايمة وفاقت ع صوت الباب عم يندق بشكل همجي كتير .. خافت ايلا كتير ونزلت ع الدرج وراحت ع غرفة عمر دقت الباب شوي شوي مرتين بس ما فتحلا .. فتحت الباب ودخلت كان عمر نايم
وقفت ايلا لثوواني وقربت منو ومدت ايدا لتحاول تصحيح وفجأة مسك ايدها ولواهااا
- ايلا : ايديييي
- عمر : هي انتي
- ايلا : مين بدو يكون
- عمر : وليش فايتة ع الغرفة متل الحرامية
- ايلا : مو هيك بس ..
#رجع اندق الباب
- ايلا : مشان هيك اجيت .. شو رأيك تقوم تشوف مين
#قام عمر وراح باتجاه الباب ولحقتو ايلاا .. ولما فتح الباب كانت جارتن الصبية تطلعت اول شي بعمر وابتسمت بعدين شافت وراه ايلا واختفت ابتسامتا
- عمر : اهلين نهى
- نهى : يسعد صباحكك كنت جاي خبركن انو امي اليوم حبت تعزمكن بتعرف انت دائما نحن بنعزم العرسان
- عمر : عرسان ! اا اي مزبوط مزبوط
#كانت ايلا منتبهة ل نهى كيف عم تطلع بعمر والحب مبين بعيونا .. انزعجت ايلا من هاد الشي وقربت تلقائيا من عمر وحطت راسا ع كتفو وحاوطت ايدو ب ايديها
- ايلا : اي منجي ليش لا .. مو هيك حبيبي
- عمر : اي اي منجي ان شاء لله منجي
- نهى : طيب .. انا رايحة
#دفشت الباب ايلا وتسكر بقوة
- ايلا : شرنة 😏
#ومشت ايلا باتجاه المطبخ وعمر لساتو واقف مكانو
- عمر : حبيبي !
- ايلا : اي انا يعني انو هيك بقصد حكيتا بس مشان نبين انو متزوجين بس .. بس يعني مو اكتر من هيك
- عمر : مزبوط
- ايلا : ايي
#رجع اندق الباب .. ركضت ايلا وفتحت الباب بسرعة
- ايلا : خلص جاين لشو راجع... بابا
- ابو عماد : مين جاي ومين هي

: عمر ما حدا ح يعرف انو الي دخل صح
- عمر : رح كون احسن منك بكتير وما حدا ح يعرف
- نهى : شكرا
#ما رد عليها عمر طلع من البيت بسرعة
- ام نهى : يه وين راح قبل ما ياكل
- نهى : وصلو خبر عن ايلا لهيك راح
- ام نهى : ان شاء الله خير .. الله يردا سليمة
- نهى : ماما انا كتير جعت شو صار بالاكل
- ام نهى : يلا خمس دقايق
________
- ايمن : اي عمر
- عمر: رح اعطيك رقم بدي تطالع كل المعلومات عنو بسرعة
- ايمن : قبل هيك انا كنت بدي دقلك لخبرك شي
- عمر : شو في
- ايمن : وصلت رسالة ع رقم يوسف
- عمر: شو هيي احكي بسرعة
- ايمن : الرسالة بتقول انو تم تحويل ٣ مليون من رصيدك ب البنك
- عمر : وما عرفت لمين
- ايمن : لسه عم حاول اعرف بس التحويل صار ل المانيا
- عمر : المانيا ! تمام ايمن شوي وبحكي معك
#وقف عمر السيارة ع جنب وقعد يتذكر الحكي يلي حكتلو ياه ايلا انو يوسف بدو مصاري ل حدا ب المانيا
- عمر : مستحيل تكون ندل لهي الدرجة يوسففف مستحيل
#قعد عمر يفكر شو ح يعمل كيف ح يتأكد مية بالمية انو يوسف هوو يلي ورا خطف ايلا وكيف ح يخليه يحكي وفجأة بقطع تفكيرو اتصال من ايمن ..
- عمر : اي ايمن
- ايمن : الرقم يلي بعتلي ياه من شوي.. قصي خريج حبوس عندو اكتر من تهمة يعني ملفو بالدولة ما شاء الله مليان والو سوابق كتير بالخطف والقتل هاد ملفو عند الدولة اما ملفو الشخصي ف اهلو متوفين هوو متزوج وعندو ولد
- عمر : عنوان بيتو !
- ايمن : ب *** الشارع ٢١
- عمر: تمام
- ايمن : بدك مساعدة
- عمر : يمكن احتاجك
- ايمن : رح اسبقك لهنيك
- عمر : تمام
#راح عمر ع المنطقة وكان ايمن عم يستناه .. وقفو السيارة باول الطريق وقعدو ينطرو اي حدا يمرق .. وبحكم انو كان الوقت متأخر كان المكان شبه ميت لحد ما فاات شخص بالشارع .. دور عمر السيارة ومشي لعندو
- ايمن : شو عم تعمل هلأ بيهرب
- عمر : لازم شوف وجهو عن قريب .. ع الاغلب هو بيعرفني بس ما بيعرفك انا رح حاول خبي وجهي وانت سألو اي شي
- ايمن : تمام
#وقف عمر السيارة جنبو ودار وجهو ع الشباك وايمن نزل بلور الشباك
- ايمن : عفوا يا اخي
- تفضل
- ايمن : نحن هي اول مرة منجي ع المنطقة وانقطعنا من البنزين بتعرف اي مكان قريب نقدر نجيب منو
- انتو محتاجين يعني
- ايمن : كتير
- في واحد بالشارع ١٧ ببيع بس غالي شوي
- ايمن : مو مشكلة مندفع شو ما كان بس معلش تطلع تدلنا ع المكان وبس نعبي بانزين منرجعك لهون
- ماشي
#طلع الشب بالسيارة واول ما قعد بالمقعد الخلفي عمر قفل البواب وسكر الشبابيك ودور السيارة ومشي بسرعة
- مين انتووو ؟؟
#تطلع عمر عليه من المراية
- عمر : اكيد بتعرفني
- انت .. انتتت شو بدك
- عمر : انا يلي عم تهددني
- انا ما هددت حدا
- ايمن : لكن كيف عرفتو ؟؟
- نزلوني عم قلكن نزلوني احسن الكن هاا
- عمر : خليك ساكت احسن ما اخد روحك
#راح عمر واخد قصي ع بيت ايمن وربطوه ع الكرسي وبلش عمر يسألو وهداك ما يجاوب وبكل مرة كان عمر يضربو
___________
#اليوم_التاني
#دخل عمر ع الغرفة لعند قصي ورش عليه مي لحتى يفيق
- عمر : قوم صحصح
- قصي : انا ما بعرف شي عم قلكن تركونيي
- عمر : حاولت اني عذبك بس خريج الحبوس ما بيحكي حتى لو عذبتو .. ايمن بتعرف شو قررت اعمل ؟
- ايمن : قلي وانا معك
- عمر : قلتلي انو قصي خريج حبوس وشو قلتلي شغلة تانية ؟
- ايمن : متزوج وعندو ولد
- عمر : عندو ولد .. يا ترا عم تفكر متل ما عم فكر انا
- قصي : لا لا ما رح تعمل شي
- ايمن : الشباب بعتو خبر انهن وصلو ع البيت
#مسك عمر الجوال واتصل مكالمة فيديو كان ابن قصي مربط ع كرسي كمان وحواليه شباب كتير ملتمة وفي اسلحة ب ايدن
- قصي : لا لا ابنيي كل شي الا ابني رح بحكي رح بحكي كل شي بس خلين يطلعو من البيت
- عمر : شباب وقفو برا البيت وخليكن محاوطين البيت وانطرو خبر مني يا بقلكن رجعو يا بقلكن اقتلو
- قصي: لا لاااا ما حدا يقتل ابني
- عمر : يلي بشوف لهفتك ع ابنك بفكر انك مستحيل تبعد حدا عن عيلتو
- قصي : مجبور كان لازمني مصاري .. لاني خريج حبوس ما حدا كان راضي يشغلني.. كنت شوف ابني كل يوم كيف عم ينام وهو جوعان وكيف كان يشتهي كتير شغلات ما اقدر جبلو ياها
- ايمن : خلصنا احكي بسرعة ما معنا وقت
- قصي : لحد ما بيوم كعادتي كنت عم دور ع شغل اجى شب وطلب مني اخطف هي البنت اول شي ما وافقت بس عرض عليي مبلغ كتير كبير
#فتح عمر جوالو وفتح صورة
- عمر : هاد ؟
- قصي : اي .. وهو عطاني كل التفاصيل والمبلغ وقلي ح تخطفا شغلة اسبوع وترجعا
- عمر : وين ايلا
- قصي : بعد ما كنا بالخرابة اجانا اتصال انو لازم نترك المكان فورا .. ونحن تركناه ورحن...
#قاطع حديثو موبايلو وهو عم برن .. قرب ايمن وطالع الجوال كان رقم
- عمر: مين هاد
- قصي : هاد يلي اتفق معي
#حط عمر المسدس ع راس قصي وقلو رد بشكل طبيعي وقلو انك لسه بالبيت وشوي ح تروح ع مكان ايلا
- قصي : الو
- يوسف : وينك انت يا غبي هلأ حكيت مع الشباب قالولي رحت ع بيتك ولهلأ ما اجيت ..