- لكن ليش ما عم تقولي مين بتكوني
- ايلا : اناا بكون .. انااا
- عمر : مرتي
- ايلا : 😳😳😳
- شوووو !! مستحيلل عمر ايمتى تزوجت
- عمر : ما ضروري الدنيا كلا تعرف اني تزوجت
- قصدي نحن الجيران كنا عملنا عرس وفرحنالك
- عمر : فرحتكن واصلة .. يلا ايلا
#حط ايدو ع كتف ايلا وابتسم .. وردت ايلا بابتسامة مصتنعة وهي مو فاهمة شي .. ودخلو ع البيت
- عمر : ليش طالعة ع الحديقة
- ايلا : ليششش قلت اني مرتك
- عمر : انا يلي سألت بالاول
- ايلا : سؤالك ابدا مو مهم فيك تقلي ليش حكيت قدامن اني مرتك
- عمر : لانك طلعتي لبرا
- ايلا : وشو دخل هاد بهاد ..
- عمر : هنن شافوكي ببيتي شو بقول
- ايلا : فيك تقول رفيقتي
- عمر : وليش ما قلتيا انتي
- ايلا : لانو ...
- عمر: لانو ؟؟ ايلا هون كل شي بيختلف عن مجتمعكن هون رح ياكلوكي بلا ملح .. ما عندن انك تتواجدي ببيتي بلا زواج شي عادي لهيك حكيت
- ايلا : انا ما رح اضل هون شو رح تقلن
- عمر : تطلقنا
- ايلا : الزواج والطلاق عندك سهل لهدرجة
- عمر: بلا كتر حكي وفيكي تخبريني ليش طلعتي برا البيت
- ايلا : لانك طولت
- عمر: كنتي ناطرتيني ؟
- ايلا : لا
- عمر : واضح
- ايلا : مليت وانت مانك موجود قلت بطلع ع الحديقة وبتسلا شوي بس ما كنت بعرف انو جيرانك حشرين لهي الدرجة
- عمر : ما كان لازم تطلعي
- ايلا : انت الصح وانا الغلط دائما اوف يا
#طلعت ايلا ع غرفتها بسرعة وسكرت الباب ورمت حالا ع التخت ..
اما عمر .. ف راح ع المطبخ وشاف طاولة الاكل جاهزة ومرتبة بشكل كتير حلو
- عمر : واضح ابدا انك مو ناطرتيني
#طلع عمر ودق الباب عليها
- ايلا : نعممم
- عمر : ما بدك تاكلي
- ايلا : لا شكرا
- عمر : بس انا تعذبت وعملت هالاكل شكلو ما الك نصيب فيه
#ركضت ايلا وفتحت الباب
- ايلا : انا يلي عملت الاكل
#تضحك عمر من تحت لتحت ونزل وهي لحقتو
- ايلا : ليش عم تضحك
- عمر : ولا شي تعي كلي
_______________
- ام يوسف : اخي بدي احكي معك بموضوع بس بتمنى ما تنزعج
- ابو عماد : شوفي اختي احكي
- ام يوسف : ايلاا .. ما لازم ترجع ع البيت عاد
- ابو عماد : اليوم رح احكي معها
- ام يوسف : اخي يعني بلا مؤاخذة والله انت عاطيها وجه كتير
- ابو عماد : انا بعرف بنتي كتير منيح يا اختي بعدين عمر ابني وانا حكيت لما تكون ايلا مع عمر متل كأنها معي انا
- ام يوسف : بسس
- ابو عماد : اختيييي
- ام يوسف : سكتت
- ام عماد : هلأ انت بتعرف وين بيت عمر
- ابو عماد : بعرف ليش
- ام عماد : خدني لعندا والله ما عاد فيني مو متعودة تغيب عني هيك
- ابو عماد : بكرى الصبح بروح انا بتطمن عليها وبشوف شو صاير معها واذا بدها تجي
- ام يوسف: اذااا بدها تجي !!!
- ابو عماد: انا ما بجبر بنتي ع شي
- ام يوسف : اي ع راحتك اخي .. تصبحو ع خير.
- ام عماد : وانت بخير ... بدك رأي اختك معها حق تفكر هيك هلأ صارت ع ذمة ابنها
- ابو عماد: لو مافي خطر ع حياة بنتك ما بخليها بس هنيك اضمن
- ام عماد : خطر شو ؟
- ابو عماد : كالعادة مشاكل بالشغل واكيد ح يحاولو يخطفوها ليجبروني ع شي وانا كنت كتير خايف عليها وكتير ارتحت انو راحت لعند عمر وانو اجت منها مو مني
- ام عماد : بس يلي شاغل بالي هو شو ممكن يكون صاير معها لتفكر تترك البيت وتروح ع بيت عمر
- ابو عماد : بكرى بحكيهااا
_______________
#اليوم_التاني
#كان الوقت الصبح بكير وايلا كانت نايمة وفاقت ع صوت الباب عم يندق بشكل همجي كتير .. خافت ايلا كتير ونزلت ع الدرج وراحت ع غرفة عمر دقت الباب شوي شوي مرتين بس ما فتحلا .. فتحت الباب ودخلت كان عمر نايم
وقفت ايلا لثوواني وقربت منو ومدت ايدا لتحاول تصحيح وفجأة مسك ايدها ولواهااا
- ايلا : ايديييي
- عمر : هي انتي
- ايلا : مين بدو يكون
- عمر : وليش فايتة ع الغرفة متل الحرامية
- ايلا : مو هيك بس ..
#رجع اندق الباب
- ايلا : مشان هيك اجيت .. شو رأيك تقوم تشوف مين
#قام عمر وراح باتجاه الباب ولحقتو ايلاا .. ولما فتح الباب كانت جارتن الصبية تطلعت اول شي بعمر وابتسمت بعدين شافت وراه ايلا واختفت ابتسامتا
- عمر : اهلين نهى
- نهى : يسعد صباحكك كنت جاي خبركن انو امي اليوم حبت تعزمكن بتعرف انت دائما نحن بنعزم العرسان
- عمر : عرسان ! اا اي مزبوط مزبوط
#كانت ايلا منتبهة ل نهى كيف عم تطلع بعمر والحب مبين بعيونا .. انزعجت ايلا من هاد الشي وقربت تلقائيا من عمر وحطت راسا ع كتفو وحاوطت ايدو ب ايديها
- ايلا : اي منجي ليش لا .. مو هيك حبيبي
- عمر : اي اي منجي ان شاء لله منجي
- نهى : طيب .. انا رايحة
#دفشت الباب ايلا وتسكر بقوة
- ايلا : شرنة 😏
#ومشت ايلا باتجاه المطبخ وعمر لساتو واقف مكانو
- عمر : حبيبي !
- ايلا : اي انا يعني انو هيك بقصد حكيتا بس مشان نبين انو متزوجين بس .. بس يعني مو اكتر من هيك
- عمر : مزبوط
- ايلا : ايي
#رجع اندق الباب .. ركضت ايلا وفتحت الباب بسرعة
- ايلا : خلص جاين لشو راجع... بابا
- ابو عماد : مين جاي ومين هي

خفت كتير يلا سلام رح اتركك تكمل لعبتك برواق
#سكر الخط وعمر كتير حاول انو يلاقي شي يدله ع مكان ايلا بس عبث ..
لحد ما اجاه اتصال من ايمن ..
- ايمن : عمر كيفك طمني قدرت توصل لشي
- عمر : لا وانت
- ايمن : صار شي غريب
- عمر : شو هو
- ايمن : الرقم يلي قلتلي راقبو تواصل معو الخاطف
- عمر : وشو قلو !!
- ايمن : هددو
- عمر: هددو ؟! مستحيل .. طيب شو قال
- ايمن : قال انو بدو ٣ مليون خلال اربع ساعات ولا ح توصلو هدية من ريحة ايلا
- عمر : طب موقع الرقم
- ايمن : ببيت ابو عماد
- عمر : يعني ما تحرك اليوم ؟
- ايمن : ابدا
- عمر : غريب .. في حلقة ناقصة
- ايمن : وانا عم قول هيك يعني كتير حاولت لاقي جواب الخاطف ليش يطلب من يوسف ما يطلب من ابو عماد
- عمر : في سبب لحتى استخدم طريقة غير مباشرة
- ايمن : وهلأ شو
- عمر : خليك عم تراقب الرقم وخبرني باصغر تفصيلة بيعملها
- ايمن : ماشي .. اي مساعدة تانية اتصل فيني
- عمر : تمام
#سكر عمر الخط وقعد يفكر شو السبب لحتى يطلب من يوسف .. كيف ويوسف ما طلع من البيت يعني ما فيني اعتبرو من الأشخاص يلي عم يدورو ع ايلا .. في شي ناقص لازم اعرفو
كل يلي حواليي مشتبه ..
ولسه ما كمل عمر كلامو فورا تذكر كيف نهى كانت عم تطلع ب ايلا الليلة الماضية وكيف كانت عم تطلب انو تضل عندن وهو ابدا ما كان مرتاح
قرر عمر يروح ع بيت نهى .. فتحت الباب ام نهى .
- ام نهى : ابني .. اهلا وسهلا تفضل
- عمر : كيفك خالتي
- ام نهى : منيحة انا يا ابني شو وين مرتك ليش ما جبتا معك .. معقول تتركا لحالا بالبيت
- نهى : عمر
- عمر : كيفك
- نهى : منيحة وانت
- عمر : منيح
- ام نهى : ما قلتلي ابني وين ايلا
#تطلع عمر بنهى واستغرب انو ما سألت عن ايلا
- عمر : والله يا خالتي ايلا مخطوفة
#فاتو وقعدو كلن وام نهى كانت عم تحكي مع عمر بخصوص ايلا ونهى كل مالو توترها عم بزيد اكتر واكتر وعمر ملاحظ هاد الشي وضلت هيك لحد ما عمر قال
- عمر : والله يا خالتي خايف خبر اهلا
- ام نهى : ليش لك ابني هنن لازم يعرفو بالنهاية هي بنتن
- عمر : صح يا خالتي بس ايلا بنتن الوحيدة وعمي ايدو واصلة كتير اذا بخبرو عندو استعداد يحرق الدنيا كلا بدون ما يرف جفنو وبيقتل ١٠٠ شخص مقابل يعرف اي شي يدلو ع مكانها .. والصراحة خايف قلو لان اول شي رح يجي ع هي الحارة
- نهى : وليش لحتى يجي لهون 😳
- عمر : لان بنتو انخطفت من هي الحارة
- نهى : اي ونحن شو عرفنا ما منعرف لا يجي ولا يعذب حالو
- عمر : والله ما بيقتنع مني
- ام نهى : حقو لك بنتي هي ضناه .. اكلت ابني
- عمر : لا والله يا خالتي من الصبح بلا اكل
- ام نهى : معناها خليك عنا انا قايمة شوف الاكل اذا جهز او لا .. بتاكل عنا وبعدا بتروح
#قامت ام نهى ع المطبخ ووقفت نهى بدا تروح مسكها عمر وسندها ع الحيط وحط ايدو ع رقبتها
- نهى : عمر شو بتعمل هيك بتخنقني
- عمر : ما غلطت ابدا اني شكيت فيكي انا من الاول ما كنت مرتاح لنظراتك ل ايلا
- نهى : ما بعرفن
- عمر : مينن !
- نهى : قصدي ما بعرف اي شي وانت عم تتوهم مو اكتر
- عمر : ابدا ما عم اتوهم كنت منتبه لتوترك كيف عم بزيد بكل لحظة احكي فيها
- نهى : عمر رح اختنق
- عمر: احكيي والا عندي استعداد اخدك هلأ لعند اهل ايلا وقلن انك بتعرفي شي وما عم تحكي ووقتا يسطفلو يعملو يلي بدن ياه
- نهى : لاا بترجاك .. خلص رح احكي رح احكي
- عمر: احكي
- نهى : بس بعد ايدك رح موت
#رجع خطوتين عمر لورا وبلشت نهى تحكيلو
- نهى : حرفيا ما بعرف مين هدول بس من كم يوم قبل ما روح اعزمكن في واحد غريب دق عليي الباب ولما فتحتلو عرض عليي مبلغ كبير مقابل انو خليك تبعد عن ايلا ولو لمدة عشر دقايق وقلي انو ما حدا رح يعرف اني دخلت بهالقصة وانا وافقت ورحت عزمتكن ولما قلتلك تخلي ايلا عنا انت ما رضيت وخبرتو بهالشي وعصب كتير وهددني انو اذا ما بياخد ايلا الليلة رح يقتلني وانا لبست ووقفت قدام باب البيت وكنت بدي روح لعنكن واتحجج ب اي شي لحتى خلي ايلا تجي معي ع البيت وهو كان ناطر ب راس الحارة .. كنت مترددة كتير اني اروح بس قبل ما روح شفت ايلا طالعة من البيت ومعها شنتتها .. فورا اتصلت فيه وخبرتو وقلي انو هو بيتكفل بالباقي وبعدا فتت ع البيت وما بعرف شو صار
- عمر : ليش هيك عملتي بشو اذتك هي
- نهى : مشان المصاري .. انت بتعرف حالتنا كيف والسبب الاهم من المصاري انت .. صرلي سنين بحاول اهتم فيك لحتى تنتبه لوجودي ومن اول ما سكنت بالحارة انا حبيتك وانت مو معبرني وانزعجت وبكيت كتير لما شفتك متزوج منها وقررت ساعدهن لبعدها عنك وترجع الساحة الي انا بس
- عمر : معك الرقم ؟
- نهى: عم قلك بحبك من زمان
- عمر : نهى لا تخليني افضحك بعملتك هي قدام كل العالم . معك الرقم ؟
- نهى : معي .. سجل عندك ****
- عمر : شفتي شكلو
- نهى: وشو كان في حرق وكأن متعرض لحادث .. الجهة اليسار هي يلي مبين اثار الحرق عليها ونص حاجبو مشطوب من الحرق و.. ايي في وشم عقرب ع ايدو
- عمر : تمام
- نهى