: عمر ما حدا ح يعرف انو الي دخل صح
- عمر : رح كون احسن منك بكتير وما حدا ح يعرف
- نهى : شكرا
#ما رد عليها عمر طلع من البيت بسرعة
- ام نهى : يه وين راح قبل ما ياكل
- نهى : وصلو خبر عن ايلا لهيك راح
- ام نهى : ان شاء الله خير .. الله يردا سليمة
- نهى : ماما انا كتير جعت شو صار بالاكل
- ام نهى : يلا خمس دقايق
________
- ايمن : اي عمر
- عمر: رح اعطيك رقم بدي تطالع كل المعلومات عنو بسرعة
- ايمن : قبل هيك انا كنت بدي دقلك لخبرك شي
- عمر : شو في
- ايمن : وصلت رسالة ع رقم يوسف
- عمر: شو هيي احكي بسرعة
- ايمن : الرسالة بتقول انو تم تحويل ٣ مليون من رصيدك ب البنك
- عمر : وما عرفت لمين
- ايمن : لسه عم حاول اعرف بس التحويل صار ل المانيا
- عمر : المانيا ! تمام ايمن شوي وبحكي معك
#وقف عمر السيارة ع جنب وقعد يتذكر الحكي يلي حكتلو ياه ايلا انو يوسف بدو مصاري ل حدا ب المانيا
- عمر : مستحيل تكون ندل لهي الدرجة يوسففف مستحيل
#قعد عمر يفكر شو ح يعمل كيف ح يتأكد مية بالمية انو يوسف هوو يلي ورا خطف ايلا وكيف ح يخليه يحكي وفجأة بقطع تفكيرو اتصال من ايمن ..
- عمر : اي ايمن
- ايمن : الرقم يلي بعتلي ياه من شوي.. قصي خريج حبوس عندو اكتر من تهمة يعني ملفو بالدولة ما شاء الله مليان والو سوابق كتير بالخطف والقتل هاد ملفو عند الدولة اما ملفو الشخصي ف اهلو متوفين هوو متزوج وعندو ولد
- عمر : عنوان بيتو !
- ايمن : ب *** الشارع ٢١
- عمر: تمام
- ايمن : بدك مساعدة
- عمر : يمكن احتاجك
- ايمن : رح اسبقك لهنيك
- عمر : تمام
#راح عمر ع المنطقة وكان ايمن عم يستناه .. وقفو السيارة باول الطريق وقعدو ينطرو اي حدا يمرق .. وبحكم انو كان الوقت متأخر كان المكان شبه ميت لحد ما فاات شخص بالشارع .. دور عمر السيارة ومشي لعندو
- ايمن : شو عم تعمل هلأ بيهرب
- عمر : لازم شوف وجهو عن قريب .. ع الاغلب هو بيعرفني بس ما بيعرفك انا رح حاول خبي وجهي وانت سألو اي شي
- ايمن : تمام
#وقف عمر السيارة جنبو ودار وجهو ع الشباك وايمن نزل بلور الشباك
- ايمن : عفوا يا اخي
- تفضل
- ايمن : نحن هي اول مرة منجي ع المنطقة وانقطعنا من البنزين بتعرف اي مكان قريب نقدر نجيب منو
- انتو محتاجين يعني
- ايمن : كتير
- في واحد بالشارع ١٧ ببيع بس غالي شوي
- ايمن : مو مشكلة مندفع شو ما كان بس معلش تطلع تدلنا ع المكان وبس نعبي بانزين منرجعك لهون
- ماشي
#طلع الشب بالسيارة واول ما قعد بالمقعد الخلفي عمر قفل البواب وسكر الشبابيك ودور السيارة ومشي بسرعة
- مين انتووو ؟؟
#تطلع عمر عليه من المراية
- عمر : اكيد بتعرفني
- انت .. انتتت شو بدك
- عمر : انا يلي عم تهددني
- انا ما هددت حدا
- ايمن : لكن كيف عرفتو ؟؟
- نزلوني عم قلكن نزلوني احسن الكن هاا
- عمر : خليك ساكت احسن ما اخد روحك
#راح عمر واخد قصي ع بيت ايمن وربطوه ع الكرسي وبلش عمر يسألو وهداك ما يجاوب وبكل مرة كان عمر يضربو
___________
#اليوم_التاني
#دخل عمر ع الغرفة لعند قصي ورش عليه مي لحتى يفيق
- عمر : قوم صحصح
- قصي : انا ما بعرف شي عم قلكن تركونيي
- عمر : حاولت اني عذبك بس خريج الحبوس ما بيحكي حتى لو عذبتو .. ايمن بتعرف شو قررت اعمل ؟
- ايمن : قلي وانا معك
- عمر : قلتلي انو قصي خريج حبوس وشو قلتلي شغلة تانية ؟
- ايمن : متزوج وعندو ولد
- عمر : عندو ولد .. يا ترا عم تفكر متل ما عم فكر انا
- قصي : لا لا ما رح تعمل شي
- ايمن : الشباب بعتو خبر انهن وصلو ع البيت
#مسك عمر الجوال واتصل مكالمة فيديو كان ابن قصي مربط ع كرسي كمان وحواليه شباب كتير ملتمة وفي اسلحة ب ايدن
- قصي : لا لا ابنيي كل شي الا ابني رح بحكي رح بحكي كل شي بس خلين يطلعو من البيت
- عمر : شباب وقفو برا البيت وخليكن محاوطين البيت وانطرو خبر مني يا بقلكن رجعو يا بقلكن اقتلو
- قصي: لا لاااا ما حدا يقتل ابني
- عمر : يلي بشوف لهفتك ع ابنك بفكر انك مستحيل تبعد حدا عن عيلتو
- قصي : مجبور كان لازمني مصاري .. لاني خريج حبوس ما حدا كان راضي يشغلني.. كنت شوف ابني كل يوم كيف عم ينام وهو جوعان وكيف كان يشتهي كتير شغلات ما اقدر جبلو ياها
- ايمن : خلصنا احكي بسرعة ما معنا وقت
- قصي : لحد ما بيوم كعادتي كنت عم دور ع شغل اجى شب وطلب مني اخطف هي البنت اول شي ما وافقت بس عرض عليي مبلغ كتير كبير
#فتح عمر جوالو وفتح صورة
- عمر : هاد ؟
- قصي : اي .. وهو عطاني كل التفاصيل والمبلغ وقلي ح تخطفا شغلة اسبوع وترجعا
- عمر : وين ايلا
- قصي : بعد ما كنا بالخرابة اجانا اتصال انو لازم نترك المكان فورا .. ونحن تركناه ورحن...
#قاطع حديثو موبايلو وهو عم برن .. قرب ايمن وطالع الجوال كان رقم
- عمر: مين هاد
- قصي : هاد يلي اتفق معي
#حط عمر المسدس ع راس قصي وقلو رد بشكل طبيعي وقلو انك لسه بالبيت وشوي ح تروح ع مكان ايلا
- قصي : الو
- يوسف : وينك انت يا غبي هلأ حكيت مع الشباب قالولي رحت ع بيتك ولهلأ ما اجيت ..

شان الله اخي
- ابو عماد : بعديي هيككككك .. عمر خدني لعند بنتي
- عمر : بنتك ب امان
- ام عماد : مشان الله خدني لعندها
- عمر : امشو
#طلعو عمر وابو عماد وام عماد ع بيت ايمن واول ما وصلو ركضت ايلا لعندهن وضمتهن وقعدت تبكي
- ابو عماد : انتي منيحة يا بنتي
- ايلا : منيحة .. وبفضل عمر
#تطلع ابو عماد بعمر
- ابو عماد : ابني .. سامحني لاني شكيت فيك فعلا ما كان الك ذنب وفوق هيك قدرت ترجعلي بنتي
- عمر : وانا وعدتك ونفذت وعدي
#مضي اليوم وايلا رجعت مع اهلا وعمر رجع ع بيتو وابو عماد وام عماد كانو مبسوطين كتير بوجود بنتن معن عكس ام يوسف يلي قلبا كان متل النار ع ابنا ورايحة جاي عم تحاول تفوت لعندو وما كانو يخلوها
#المسا فات عمر تسطح ع تختو وبلش يتذكر وجود ايلا بالبيت وحس فعلا انو بلش يشتقلا وانو البيت فاضي بلاها رغم انو كان عايش لوحدو بس هي اول مرة بحس بشعور الوحدة هيك ونفس الشي ايلا.. اول ما طلعت من جمعة اهلها وتسطحت ع تختها بلش شريط ايامها مع عمر ينعاد قبالها وحاولت تنام بس ما قدرت مسكت الموبايل وبعتت رسالة لعمر ..
- ايلا : فايق ؟
- عمر : صار شي !!
- ايلا : ابدا بس حبيت اتطمن عليك واتشكرك
- عمر : ع شو
- ايلا : ع كتير شغلات واول وحدة ع وجودك بحياتي
- عمر : هاد واجبي يعني بالنهاية مافي داعي تتشكريني
- ايلا : بتعرف وقت يلي كنت مخطوفة كنت الشخص الوحيد يلي عم تخطر ع بالي
- عمر: ايلا لازم تنامي وترتاحي
- ايلا : عطول بتتهرب مني
- عمر : مو هيك
- ايلا : عمر انا بحبك
- عمر : ........
- ايلا : انا حبيتك من اول ما بلشت قرب منك .. انت عن قرب انسان كتير بتنحب .. حبيت العيشة معك.. حبيتك .. حبيت حياتك وكل شي
- عمر : نامي وارتاحي بحكيكي بكرى .. تصبحي ع خير
#انزعجت ايلا كتير من برود عمر هيك وحست انها تسرعت باعترافها وانو ما كان لازم تعمل هيك بس بعدين اقنعت حالها انو عمر انصدم مو اكتر واكيد بكرى ح يعترفلها هو كمان لان كانت حاسة بمشاعرو ونامت ..
___
#باليوم_التاني
#فات واحد من الحراس لحتى يشوف يوسف وكان يوسف مغمى عليه قرب منو لحتى يشوف اذا هو عايش وبحركة سريعة مسك يوسف ايدو ولواها وحط ايدو التانية ع رقبتو
- يوسف : اسف بس لازم اطلع من هون
#تركو يوسف وبعد خطوتين ومسك خشبة كانت بالمستودع وضربو ع راسو وهداك اغمى عليه .. طلع يوسف من المستودع وقرر يهرب وراح باتجاه الغابة يلي ورا بيت ابو عماد وبهالوقت كان عمر فايت ع البيت وانتبه ليوسف وهو عم يهرب ولحقو بسرعة .. ضل عم يركض وراه لحتى بالاخر ضاع منو وما عرف وين اختفى .. ضل يدور شوي بالغابة بس بلا فائدة بعدين تعب ورجع ع بيت ابو عماد وركض فورا لعند الحرس ومسكو من الجاكيت
- عمر : كيف بيهرب منكن قلي كيفف
- والله يا معلم ما بعرف
#كانت ايلا واقفة برا وشافت عمر كيف هجم ع الحرس وركضت لعندو
- ايلا : عمرر .. شو عم بصير هون
- عمر : روحو انتشرو بالغابة دورو عليه لازم تلاقوه لازم
- ايلا : مييين يلي بدن يلاقوه
- عمر : يوسف هرب
- ايلا : شووو !!
- عمر : هاد يلي صار
- ايلا : انت منيح ؟
#فجأة عمر خطر ببالو كيف ايلا مبارحة اعترفت بحبها وتطلع بعيونها شاف كيف كلن حب ولهفة عليه .. واجاه صوت من فوق كان صوت ابو عماد ع البلكون
- ابو عماد : عمر ايمت وصلت
- عمر : من شوي
- ابو عماد : تمام يلا تعال لنحكي بالشغل
- عمر : جاي يا بيك
- ايلا : مشان مبارحة
- عمر : لازم اروح بنحكي بعدين
#طلع عمر لعند ابو عماد بسرعة وهون فهمت ايلا انو عمر عم يتجاهلها وما بدو يحكي معها ممكن لان ما بحبها وممكن لان ما بدو يجرحها
- ايلا : بس انا متأكدة انو بحبني ورح خليك تعترف بهاد الشي واليوم .. يا انا يا انت استاذ عمر وبنشوف
#طلعت ايلا بسيارتا وراحت ع مكان كتير بعيد و ..
____
#المسا ..
#دخل عمر ع بيتو وراح ع المطبخ يحضر اكل وبلش يتذكر وقت كانت ايلا معو
- عمر : ما بتحبا انت .. ما لازم انك تحبا اكيد هي بعد يومين رح تنسى وبتخلص القصة كلا
#كتير كان عمر عم يحاول يلهي حالو ب اي شي لحتى ما يتذكر ايلا بس محاولاتو كلا فشلت لما وصلتو رسالة من ايلا كاتبة فيها : ساعدنيي
حكى عمر مع ايمن وطلب منو يحدد الموقع وهو طلع من البيت بسرعة كبيرة وخلال فترة كان واصل للمكان
كان عبارة عن كوخ ع جبل .. مكان مهجور ومافي سكن وحتى البيوت قديمة كتير .. طالع عمر مسدسو كالعادة وكان اخد حذرو كتير وكان متوقع انو يوسف هو يلي خطف ايلا او عملها شي مرة تانية .. دخل ع البيت عمر واستغرب كتير لما شاف الاضوية مطفية والارض كلها شموع وورد احمر
- عمر : شو هاد !! ايلااا .. ايلا انت هون
#بلش عمر يدور ع ايلا لحد ما حدا حط ايدو ع كتفو من ورا وفورا فتل وحط المسدس براسو بس طلعت ايلا كانت مجهزة حالا لابسة فستان احمر طويل ورافعة شعراتا ومنزلة غرتها
- عمر : ايلا !
- ايلا : ليش كتير مستغرب
- عمر : لحظة !! مافي شي هون
- ايلا : هئ
- عمر : ورسالتك ؟ عفكرة هاد تصرف ولاد
- ايلا : لو ما جبتك ع مكان