*#على~الرصيف《07》*
*#بقلم~هند~الهيباني🥀*
*★★★ــــــــــــــــ★★★ــــــــــــــــــــ★★★* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
وانا مليانه خوف كنت م صدقت لقيت حته أمنه اخش عليها
عشان اتدس من الوحوش ديل💔
وانا بعاين واحساس انو هما ح يمشو من الشارع دا وانا حا اكون في امان قطع الاحساس دا صوت مرة بتقول ي صلاح الحقني في مجنونه هنا💔
اتلفتا عليها هي واقفه بتصرخ وماسكه بناتا اللي باديه عليهم ملامح الرعب مني جى راجل طالع وهو شايل عصايه في يدو وبقول لي اطلعي من هنا..
كان متملكاني في اللحظات دي اكتر الأحاسيس السيئه على وجه الأرض احساس سئ شديد مرافقني كيف اشرح ليهم اني م مجنونه 💔بس شكلي ولبسي الوسخان والمشرط وحفيانه ح يقولو شنو عني غير انو مجنونه طلعت من هناك وملامح الذله والاهانه على وشي طلعت من هناك وانا مقهوره اول م قفلو بابهم لمحت الشباب جايين عليي بقيت اضرب في الباب شديد وانا بنادي افتحو لي الباب افتحو الباب ساعدوني
وكل مالا خطوات الاولاد ديك بتقرب ماكان في رد منهم
استسلمت للأمر الواقع وبقيت بجري إلى اللاوجهه بالضبط ماعارفه روحي انا وين ولا حا أمش وين 💔
كل البعرفو اني عاوزه أجري بس بقيت جاريه وهما وراي لقيت دكان ملابس اتحشرت فيهو لحد ما لقيتهم بعدو
عاوزه اطلع جى سيد المحل وهو بقول لي دخلتي هنا كيف 😠
اطلعي من هنا يلا يلا...
طلعت من هناك وشايفه نظرات الناس ألفي المكان لي
بعاينو لي باشمئزاز كيف نفس النظره الكنت قبل أيام بعاين بيها للأولاد ديل وقرفانه منهم بقيت انا منهم وفيهم وزيهم...
انسانه منبو*ذه م عندها اي قيمه تزكر...
طلعت من هناك وانا قلبي وجسمي موجعني💔احساس مؤلم ووجع في قلبي شديد متملكني.....
مشيت قعدت على ركن في الشارع عشان الململم باقي انفاسي
كنت قاعده وجسمي كلو برجف وحاسه انفاسي م منتظمه
قاعده في الشارع ماسكه راسي بأيديني
الاتنين وانا حاسه بي راسي ح يطق من الوجع..
م عارفه مر الوقت كيف وقرب العصر 💔......
ريتاج💔...
ريتاج انا اتأخرت عليها ح تكون خايفه طيب ح ارجع ليها كيف
وانا م بعرف اي مكان ولاعارفه انا وين بالضبط
طيب حا اعرف الشارع الكنا فيهو كيف 💔
اختي تاني م حا ألقاها ولا الحايحصل شنو بالضبط ياخ انا تعبانه شديد انا م قادره م قادره...

#رياض
الوووو..
ايوا معاك
اسمعني ي خالد شوف بالله عليك عاوز منك تركز لي على موضوعين الأول اجتمع مع أهالي الحي واسألهم عن تصرفات إيهاب واهلو وهل شافو اي حاجه غريبه في الأيام السبقت الحوادث دي؟!

واجمع كل المعلومات الممكنه
وزيد عليها ابحث لي عن عادل واهلو وعلاقتو تحديداً مع الاسره دي كيف؟!
وفتش لي اذا في زول تاني قريب ليهم اكتر
اما الموضوع التاني عاوزك تعرف لي أملاك إيهاب
تحديدا عندو كم بيت وإذا في حته بيعتادا طوالي
وعاوز أسماء الشرطيين والأشخاص الدخلو مكان الجرائ*م
اليوم داك....
خالد :انت ي رياض وريني في حاجه انت شاكي فيها
رياض:والله ي خالد انا حاسي انو القضيه دي م عاديه
وموضوعا كبييير ومعقد عقد شديده لازم نحاول نفك كل عقده
عشان الأمور كلها تتكشف صدقني انا حاسي ورا كل البحصل دا زول خطير شديد وإذا وصلنا ليهو ح نكون انجزنا كتيير
على كل حال اعمل القلتو ليك دا
خالد:مع اني م حاسس زي احساسك دا بس انا كلي ثقه فيك
وانا معاك مهما كان وح نمش كل الخطوات سوا...
رياض:طيب ان شاء الله ربنا معانا💓

#أدم
يا معلم فتشت كل الأماكن الحوالين بيتهم والحي الفيهو ماكانو متواجدين بس في بصيص امل شويه
لأني لقيت زول قال شافهم كان جمب ست شاي اللي قريبه لي (مطعم بوني للأكل البلدي)
المعلم:خبر حلو شديد ي آدم هاك القروش دي عشان الخبر السمح دا بس عاوز منك تمش تستلم لي شحنه تانيه وممكن بعد تستلما
تمش تشوفا لينا وين وبعد تجيبا صدقني حا اعزك
أدم:شكرا ي معلم
المعلم :امش امش كمل شغلك

#بعد_ساعات
#جاسو*س
الوووو
#خليل: ايوا معاك اهاا كيف وكيف
الجاسو*س : زي م طلبت مني قدرت بي أداة خاصه اتجسس
عليهم مع انو م قدرت اشوف اشكالهم
بس كل القدرت اعرفو انو هم بفتشو على بت اسما سوفتينا
وزي م عرفت انو دي بت إيهاب

*#على~الرصيف《10》*
*#بقلم~هند~الهيباني🥀*
*★★★ــــــــــــــــ★★★ــــــــــــــــــــ★★★* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
#سوفتينا
ياعمو انت بتقول في شنو؟!
انا ماعاوزة لي اي زواج في الوقت الراهن وانت عارف كمية الصدمات المريت بيها كيف تجي تقول لي كلام زي دا هسي
وبعدين ياعمي مع احترامي ليك بس انا أيمن ولدك مادايراهو...
#أيمن
ياسلام لا والله ي حلوة عاوزة منو أن شاء الله أنتي هو قايله دي زي حياتك الفاتت تقعدي تعزلي على كيفك؟!...
#تسابيح
ومالو يختي أيمن؟!
ياهوو بنات اهلو سسسست عليهن دايراتنو واي واحده نفسها تكون مرتو تجي انتي حضرة سيادتك تقولي مادايراهو هو انتي مفروض تحمدي ربك انو لقيتي ليك زول يعرسك بعد عمايل ابوك المجر*م دا....
ليك عين كمان تقعدي تعزلي فينا؟!
قايله روحك منو ان شاء الله يازوله اسمعي هنا فوق قلبك حاتعرسيهو لو شنو وشنو داك....
بقيت مصدومه من الكلام القالو لي دا ومصدومه من طريقة كلامهم ومعاملتهم الاتقلبت عليي دي!
بقيت ادمع تسابيح بقت تتنحنح وولدا رد لي وهو بقول لي
م تبكي وتورمي عيونك ي عروس...
بقيت بس ببكي وببكي. وعيوني رافضه انها توقف دموع... .
وبتزكر في أيامي السابقه...
لو كان ابوي عايش.. مستحيل يخليني زعلانه كدا...
ابوي كان نهائي م بخلي الحزن يشق طريقو لي واي حاجه بتزعلني مستحيل يعملا لي....
كيف افهمهم اني ماعاوزاهو انا ماعاوزه غير أحمد 💔...
أنا فاقداهو شديد ومتاكده هو زاتو ح يكون فاقدني
وبتفكر دايما فيهو ياربي الحاصل ليهو شنو هو ولا عايش كيف ومكفي ايامو كيف..انا واثقه ومتاكده انو لو عارف عني شي
حا يساعدني اصلا ماف غيرو ح يساعدني وبهمو أمري... .
أنا كنت مفتكره انو حياتي ح ترجع لي طبيعتا وحا ارجع لي الجامعه واتبسط يجي يقول لي زواج ومن منو؟ من أيمن 💔
وانا غرقانة في التفكيرات دي....
عمي بقى يقول لي ي سوفتينا انا اسف لاني طلبت منك طلب زي دا...
دي كانت رغبة ابوك وبعدين انا م كان عندي النيه اقول ليك الكلام دا هسي..
بس أمس لما حكيتي لي الحلم حسيت كأنو لي انا
وكأنو غضبان علينا اننا مانفذنا كلامو وحسيتو كدا ح يتبسط لو كان عايش...
بس ي سوفتينا شكلو انتي ماحابانا ولا مفكره اساسا بي ولدي
عشان كدا وما خاته لي قيمه..
أنا ماحا اجبرك انتي ليك الحق ترفضي حتى تخالفي رأي ابوك
انتي حره..
وانا بعتزر ليك عن أي حاجه وانسي الكلام دا كأنو م حصل.
مرتو وولدو أيمن بقو يتمتموا
قال ليهم خلاص اسكتو وارحكم كلكم بره
ارتاح ي سوفتينا وربنا يهنيك...
وقام طلع.....
بعد هما طلعو بقيت افكر وافكر...
في كلام عمي حسيت بي وجع
هل بالجد ابوي قال لي عمي كدا....
والحلم بالجد تفسيرو كدا؟!
ولا هو ابوي قال لي شنو وانا ناسيه!
حا اعمل شنو انا م عارفه...
أوافق عشان أرضي ابوي وأنفذ رغبتو واكسب فرحة الاسره دي
وأضحي بي حبي وحلمي اني اتزوج احمد💔
ولا أرفض واعند وافتش أحمد...
كانت الأفكار حا تنهش راسي
التفتا لي ريتاج لقيتا نايمه بعمق وشعرا مسرح ونضيفه وماكله
قلت لازم اختار الأفضل ليها انا ماعاوزه ارجع الشارع تاني💔
ضغطت على قلبي ومشيت بره لي عمي...
وبعد نزلت من عيني دمعه حاره قلت الكلمه اللي م اتخيلت نفسي اقولا مهما حصل.....
قلت ليهو موافقه ي عمي 💔
ابتسم لي وشكرني وعمتي ومرتو بقو يزغرتو
وانا الحزن كان مالي قلبي....
عمتي جات وقالت لي مبروك طيب
ما حانتعذب فيك شديد انتي ماشاء الله جاهزه ي سوفتينا
من حيث الشكل واي شي
بس حاجات بسيطه تبع العروسات دي وخلال الأيام دي بتظبط..
ابتسمت ليها بي مجامله وطلعت الغرفه تبعي بقيت ابكي 💔
خلاص كدا يعني أحلامي ومناي بي انو انا واحمد نتزوج ضاعت
كلها كانت شهور وحايجي يطلبني💔..
ليه كدا بس ليه،
بقيت الليل كلو ببكي وبتزكر لحظاتي معاهو وماعارفه نمت كيف ومتين...
.....

#الجاسو*س
يا معلم خليل
انا عملت تفتيش لي اي شارع واي مكانه
#خليل
وقدرت تصل لي حاجه؟!
الجاسو*س: ايوا اكتشفت انها جنب مطعم..........
ومشيت هناك اليوم وسألت عنها ووريت الناس هناك صورتا وقالو جى راجل ساقهم
خليل:ايوااا يبقى السؤال الجى ساقهم منو؟؟
الجاسو*س :في رأيك يكون فلان وجماعتو؟!
خليل :م ظنيت انا احس انو دا زول من أسرتا أو زول ليهو علاقه بالقضيه المهم اتقدمت تقدم كويس ماتخلي نظرة يغيب عنهم وركز...
الجاسو*س :انا لسه عند وعدي ما حا ارتاح الا اجيبا ليك...
...........

الزول دا عندو علاقات واسعه لو شكى شكوه واحده ضدي أو أي حاجه انا بخسر شغلي انا ياداب شرطي في بداية مشواري سرعه ياخ اخوهو جى زهجان عاوز يعتزر رياض قال ليهو لالا ماداير اعتزار انا اعتزر لي البت دي شايفا صح يلا
بقى الولد يقول ليهو مستحيل اخوهو الشرطي جى ضربو كف
وقال ليهو وهو بكرو كر وبرميهو
جمب رجلي والولد داك بقى يقول لي انا بعتزر ليك
حسيت بي سعاده وحسيت بي كبر الحاجه العملا عشاني
كل مره كان بثبت لي انو زول مختلف عن أي زول شفتو
بعديها اتحركو الاولاد والشرطي من جنبنا....
وبقينا انا ورياض وريتاج قاعدين جى قال لي كنتو وين انتو
م عارفه كنت اقول ليهو شنو بقيت ساكته بس...
شكلو فهم عليي
#رياض
بعد صراع مع نفسي قررت اجي واشوف حالتهم
سبحان الله اول م وصلت لقيتا في الشارع وجنبها الشباب ديل
نزلت.ودافعت عنها وقابلت اخوهو وانا عارف انو في العالم دا
اولاد واخوان اللي بكونو في الشرطه بكونو قالبين البلد وبعملو الغلط وبغطو عليهو بي نفوذ الشرطيين البقربو ليهم...
للأسف الشرطي م ببقى شريف الا يمشي القانون على نفسو وحتى على البقربو ليهو .....
بعد طلعو كنت بعاين للبت كان دموعا نزلت الكحل الفي عيونا والمكياج بقى مغطى كل ملامح وشها بطريقه ماحلوه كانت فاكه شعرا ورامية الطرحه على كتفا بقيت اتكلم معاها وانا نفسي اعرف هي كانت وين ومن وين كل دا كان في أفكار سيئه كنت خايف تكون هي من النوع داك بس ملامحا وبرائتا م كانت بتوحي انها ممكن تكون نفس ظني فيها
لما سألتها وسكتت ماحبيت ادخل اكتر قلت ليها الاولاد كعبين الا من رحم ربي حاولي اتجنبي المواقف الزيدي بي انو تلبسي لبس ساتر وبقيت انصحى كتير حسيتا كأنها بتسمع النصايح دي لأول مره
قلت ليها انتظري هنا مشيت اشتريت مويه صحه كم باقه وأول باقه قلت ليها غسلي وشك منو بقيت اكب ليها وهي بتغسل بعد م خلصت وقشت وشيها بالطرحه وشفت ملامحا لأول مره ووشها نضيف كانت جميله شديد بقيت مركز معاها بس
بت بي الجمال دا لو قعدت في الشارع ح تكون في خطر اكييد
اكييد البت دي من وراها قصه بقيت بس سرحان فيها انتبهت لنفسي نزلت راسي منها وبقيت استغفر انت بتعمل في شنو يارياض ربنا مش أمرنا بي غض البصر انت بتتجاوز حدودك اكتر كدا قلت ليها وانا بعاين في اتجاه تاني منها انتو م فكرتو تمشو ميتم ردت لي بي انو م عاوزين كدا وحسيتا اتضايقت بقيت مافاهم اي شي نفسي تفتح لي قلبا وتحكي لي قصتا عشان اقدر اساعدا كنت عاوز احاول معاها بس أتراجعت....
وانا بقول ليهم اشربو طيب فتحت الباقه لي اختا الصغيره
وبقت تشرب بعد كم دقيقه عاينت لي الكبيره قلت ليها مالك
قالت لي وهي بتحاول تفتح الباقه م قدرت افتحا ممكن تفتحا لي شلتها منها وانا بفكر بعد كل الزمن دا وهما في الشارع ولسه بخافو حتى من المشاكل والضرب وماعندهم حتى مرونه لي فتح باقه في العاده البكونو في الشارع الشارع بعلمهم قوة القلب بكونو عندهم قوة تحمل غير الطبيعيه
وعندهم قوه ومرونه. لي عمل حاجات صعبه على الناس التانيه
بس اهوو دا المحيرني في البنات ديل
شكلو عندي قضيتينما واحده قضيه إيهاب والجراي*م
وقصة البنتين ديل وحا احاول اعرفا....
قلت ليهم يلا نمش المحل الكنتو بتقعدو فيهو انتظروني هناك وانا حا اجي بعد شويه مشيت جبت. لي اكل للناس القاعدين
وليهم هما وجيت قعدت بلعب مع الأطفال الهناك شايف اهتماماتهم كلها في القروش وبقي حب القروش دا ساري في عروقهم الأطفال ديل في بيئه سيئه شديد
لازم يكون في اهتمام ولو حتى بسيط من الدوله ليهم
يكون عندهم ملاجئ خاصه للبنات والشباب ويكون في اهتمام بجوانب الدراسه ليهم وحتى تعليمهم الصح من الخطأ في حاجات كتيره مفترض يعرفوها قبل م يخشو سن المراهقه هما حاليا جاهلين وممكن يقعو في أي غلط ويأذو حياتهم بدون م يحسو لازم يكون في توعيه بس للأسف انا براي عاجز اني أقدم ليهم اي حاجه 💔...

#حوار
#خليل_والجاسوس
خليل :انت عارف ي..... كل الموضوع حالياً في عقل مدبر ورا إيهاب وأدم في زول نحن للان م وصلنا لي الهويه حقتو
الناس ديل نفوذهم كبيره.شديد ووراهم زول كبير....
هااا البت الحصل في موضوعا شنو؟
الجاسوس:آدم وكمية من المجر*مين جاتهم معلومات بي مكانا
وبعد اتبعت القصه اكتشفت انو كان عمها عاوز يزوجا لي ولدو
وجو مجموعة آدم كلها والبت كانت اختفت....
خليل:البت دي ح تكون كل الجهات عاوزه تصل ليها
ونحن لازم نصل ليها قبل الشرطه وقبل بالأخص العقل المدبر داك نحن ح نكون اتفوقنا عليهم... +قلت لي البت اختفت
البت دي حظها حلو بس كل مره بتنفد من مسكه
الجاسوس:بس حظها ما احلي من حقي
بي طريقتي عرفت انها رجعت نفس المكان وانا الليله ماشي وح تكون معاي....

حا أمش اخلصو اصلي اتأخرت...
قلت ليهو طيب...
ودعنا ومشى واحساس الوحده والخوف والرعب رجعت لينا تاني .....
#رياض
سؤالا لي ماشي وين كان مفاجئ م اتوقعت في يوم تتكلم معاي باللطف دا ابتسمت ليها وقلت ليها عندي شغل حا اخلصو واجيك
ومشيت باتجاه العربيه وانا طول الطريق بفكر فيهم...
اتحركت على خالد كان عندو شويه شغل انتظرتو مسافه لحد م خلص جاني قلت ليهو.....
الحاجات الطلبتها منك عملتها؟
قال لي ايوا عرفت حاجتين بس
اللي هي واحد من الكان متعاونين مع إيهاب وكم نفر معاهو
الراجل اسمو آدم قدرت الكاميرات الكانت في بيت إيهاب
تورينا شكلو كانو مع بعض في الصاله بتكلمو سوا وكان بتحاورو سوا واكييد عندو يد مع إيهاب ويمكن دا المساعد حقو
سألتو قلت ليهو وانا بعاين للصوره وأدم وين
قال لي فتشنا عنو كتيير بس قالو نادر م يظهر إلا في المهام الكبيره ماعارف احتمال قت*ل أو مخد*رات هو اصلا مجر*م هارب من السجن..... لأن الشرطه كانت بتفتش عنو بس م كان بظهر بالساهل
قلت ليهو اعرف لي تهمتو شنو.... +عيلة إيهاب الحصل في موضوعا شنو
لسه ي رياض م فتشت عنهم ولا سألت عنهم زول بس
من بكرا ببحث ليك في الموضوع دا....
قلت ليهو طيب...
شلت الورق واتحركت الساعه كانت قربت لي ٦ المغرب
الأذان أذن نزلت صليت......
#اخت_رياض
اووووف يا أمي ورب العباد ضهري دا اتكسر من النضافه
الام :يابت كيف يعني البنات كلهن. بنضفن انتي مالك
بري والله يا أمي صعبه م ممكن غسيل ملابس ونضافه وغسيل عده كفاي
اوووف ياخ 😭
#سندس
ولا يهمك يا بت انا دي بنضف معاك
م تشيلي في بالك اصلو انا بحب التنضيف
ي بت لالا انتي ضيفتنا
سندس:يخسي عليك بيتكم بيتي عادي عندي
الام :لالا انتي ارتاحي ويا بت نضفي لي اخوك دا غرفتو
سندس:بنضفا ليهو انا ي خالتو ولا يهمك
رديت ليها اي اي ادربي عليها من هسي 😉
بقت تتبسم وتتكشم

.....
#زينب
يا احمد انا طول الوقت دا بعمل ليك اي شي انت بتحبها
وبلبس اللبس البتحبو
والكلام واي شي بس انت لسه بتفكر في البت المتكبره بت
المجر*م دي ياخ انساها ياخ وريحني
احمد:اوعاك تقولي عنها ولا كلمه زياده انا كل يوم بفكر وعايش على زكراها

ياربي هسي سوفتينا وين 💔
انا فاقدا جداً 💔وين هي للان انا م عارف عنها أي شي
كيف دا والحاصل لي ابوها دا شنو م كنت بتخيل الحاجه دي
بس انا واثق انو سوفتينا م كدا....
هي حاليا ح تكون محتاجه لي
اتصلت ليها كتيير بس ماقادر اصل ليها 💔
هي بت حساسه وم بتقدر تتحمل الحاجات دي 💔
لازم ألقاها انا....
عارفه دا اليوم كلو بكون بفكر فيها لا الاكل ماشي فيني ولا اي شي انا ماداير غيرا وحا ألقاها إنما انتي لو مهما عملتي م حا تاخدي مكانتا جواي.....

#المعلم
ياادم رسلت ليك العنوان جنب مطعم.....
حا تلقاها هناك سوق كم راجل واتحرك جيبا لي اوعه القى فيها ولا خدش فاهم يعني شنو؟؟؟
آدم :حاضر ي معلم

#سوفتينا
المغرب أذن ماحسيت بالجوع بعد الأكل الاداهو لينا رياض
ماعارفه بقيت افكر فيهو كتير ليه
ريتاج بقت تقول لي انا عشانه قلت ليها ارح نشرب من جنب المطعم داك
اتحركنا سوا وأثناء ما نحن بنشرب كان في صوت عربيه بتفحط
شديد حسيت بي الصوت مزعج شديد قبلت اشوف المتهور دا منو وكانت الصدمه💔💔💔
دا نفسو الكان مع ابوي اليوم داك وموجه عليهو المسد*س 💔
مسكت ريتاج وبقيت بجري ماعارفه زاتو أجري وين طلعت الظلط وبقيت جاريه اتلفتتا وراي لقيت العربيه لاحقانا بقيت بس بجري وحاسه روحي ح تطلع وهما ورانا بي عربيه حاسه بي رجلي ح يتقطعو من الألم اكيد الجرح فتح أو عفصت حاجه
بقيت بس بحاول اتناساهو
وجاريه دخلت بي شارع ماعارفاهو وين لما وصلت نهايتو لقيتهم جونا بهناك بقيت م فاهمه اي شي حاسه بروحي
حا أموت الخوف كان مسيطر عليي رجعت الظلط تاني وبقيت بجري لما ما شفتهم وراي دسيت ريتاج ورا برميل تبع وسخ وقلت ليها اوعه تطلعي من هنا لما اجيك كانت بتبكي ومرعوبه
قلت ليها حا اجيك انا كنت عارفه انهم م ح يلمسوها
هما عايزني انا💔 قطعت الظلط وبقيت بجري
لي لحظه لقيتهم قدامي💔
دقات قلبي بقت تتسارع...
خلاص💔مسكوني 💔ح يعملو بي شنو عاوزه أجري منهم ضرب طلق*ه جمب رجلي خلتني ما اقدر اتحرك....

#خليل
هههههه ايوا شفتهم الليله
الجاسو*س :وما جبتهم معاك ليه انت م عارف آدم وجماعتو عارفين مكانا وح يصلو ليها ليه م جبتها معاك
خليل:هههه انت عارف لقيت معاهم منو؟
شرطي يا.... وصدقني من شكلو ما زول هيين
م كنت حا اقدر أخدا من بين يديهو للان ما شكلو عارف قصتهم
بس ماعارف بعد مشيت حكت ليهو أو لا بس صدقني مادام هو موجود معاها ولو عارف قصتا ماف واحد ح يقدر باخدا حتى لو آدم وجماعتو..

ولا كمان تكون اتقت*لت في بيت إيهاب واتنقلت هنا
طيب من منظرا والتحليل وطريقة قعدتا في الكرسي ظاهر انو قعدت زول حي يعني لو نقلوها من هناك لي هنا ماكان قدرو يتحكمو في جسما...
يبقى فضل احتمال واحد
اتقت*لت هنا........
الحاجه التانيه القت*لا منو ياترى دا إيهاب ولا زول تاني انا م بعرفو؟؟؟
آدم قصتو شنو وعلاقتو شنو في القضيه دي.....
وزياده على دا عادل وسمير
انا ناقصني ادله.....
وناقصني اصل لي عيلة إيهاب....
اتصلت بي خالد.....
وطلبت منو يتفرق من أي شي بس يحاول يلقى بناتو.....

.................
#المعلم
آدم :ي معلم قدر م فتشت مالقيتا في أي حته
ماعارف تكون مشت وين
المعلم وهو يضربو كف انت واحد اصلا م بتعرف لي شي
وكلو حصلت للبت دي اي شي انا ما برحمك
ولا بخليك عايش دقيقه.....
آدم :ي معلم انا حا ألقاها
المعلم :لالا انت بقيت م قدر المهمه دي انا حا اجيب للمهمه دي الزول المناسب ليها......
يا......؛...
المجهول :نعم
اسمعني هنا
من يوم الليله عندك باعتبارو شهر تلقى لي فيهو البت دي مفهوم......
المجهول:اكيييد ح ألقاها.........

#خليل
كنت عارف دا الحا يحصل
انا م عندي قضيه بي الشرطه وتحقيقا
لاكين المشكله بقت انو البت دي بتعرفنا نحن كمان.....
وكدا دا خطر لي جماعتي كلها......
ف خلي من يدك كل شي....والقاها لي قبل تحصل كارثه......

#سوفتينا
كنت قاعده كدا في يوم وكالعاده لابسه عبايتي وطرحتي واصلا ما حصل في يوم طلعتهم
م عارفه كيف الحال اتغير بت كدا من البت اللي طول عمرا
بتلبس بناطلين وملابس قصيره وعلى الموضه
اللي عمرا م لبست عبايه عان حالي اتقلب كيف....
بنضف كدا جرس الباب دقا نهال قالت لي افتحي
من فتحتو كانت بت في عمر نهال....
بقت تعاين لي من فوق لي تحت بدون تسلم قالت لي انتي منو
اتغظت من كلاما هي ألجات من بره كيف تسألني
قلت ليها عفواً؟. انتي الجيتي من بره انتي المفترض تتكلمي
دخلت البيت بدون تتكلم معاي
ومشت لي جوا جاتا نهال...
سلمت عليها وقالت ليها خالتو وين ي نهال قالت ليها نايمه فوق
قالت ليها انتي البت دي منو....
قالت ليها دي ريمان جابا رياض تساعدني في البيت وكدا
قالت ليها اهااا خدامه وكدا.... ومالا يختي شايفه روحا كدا
نهال قالت ليها لالا بتساعدني بس الاتنين بنضف
قالت ليها ي بت في النهايه خدامه لو شنو وشنو داك
وهي بعاين لي من فوق لي تحت 💔
حسيت بي احساس كعب شديد
كيف تقول عني خدامه
يقولو عنك شنو يعني💔
م هو اصلا رياض دا جايبك هنا بصفتك خدامه......
بس انطق اقول شنو وادافع عن نفسي كيف
انا قاعده في بيتهم. وهم مسكنني وباكل منهم ومصروفي منهم م عندي شي غير انو اسكت بس...
مشيت من جنبها وبقيت قاعده بعيد بفكر في الحاله الوصلت ليها دي....
نهال قالت للبت كانت بتناديها بي سندس....
أنا حا اقوم اعمل الشاي
سندس قالت ليها انتي تتعبي روحك ليه ودي جايبنها ليه صوره؟!
يا انتي قومي اعملي الشاي....
اتغظت شديد من كلاما وقلت ليها اسمعي هنا انا ما بأخد أوامر منك بعدين انتي بي صفتك منو بتتكلمي معاي كدا
انا حتى لو كنت شغاله هنا
انا شغاله بأمر رياض وأهل البيت وما من حقك انك تديني اي أوامر.....
قالت لي لا والله ي حلوه انتي ماعارفه روحك بتتكلمي مع منو يختي انا خطيبة رياض ومرتو في القريب العاجل
يعني عينك فوق راسك تاني تعملي اي حاجه انا بطلبا
بقيت مصدومه وحاسه قلبي بيوجعني ماعارفه ليه
عاينت لي نهال على أمل انها تنفي الكلام دا أو تقول ليها ماتقول ليها تشتغل أو أي شي تدافع عني بيهم...
بس للأسف قالت لي ريمان امشي اعملي لينا الشاي.....
بقيت مصدومه من نهال الاتقلبت عليي من البت دي جات
وليه تحرجني جنبها وليه تعاملني كدا
💔💔بقيت حاسه بي روحي صغيره شديد قدامهم
وكانت البت ديك بتعاين لي باستفزاز....
مشيت بي انكسار للمطبخ وانا اساسا ماعارفه بتعمل كيف
كل البعرفو
انو بكبو موية وشاي
ختيت كبايتين وختيت المويه في النار وكبيت فيها شاي الحب
انتظرت شويه لما لقيتو سخن كبيتو في الترمسه
ووديتو ليهم جنبو سكر
قالت لي كبي
ضغطت على قلبي وانا بنزل وبكب ليهم في الشاي
شالت هي الكبايه ومن اول جغمه بقت تقول لي يععععع
دا شنو القرف دا قرف يقرفك
دا شاي ليك انتي عملتي اصلا الشاي دا قاصده عشان تهينيني
خدامه وقليلة أدب ويختي مش شايك المقرف دا هاك
كشحتو لي في راسي من فوق وهي بتقول لي يلا لمي قرفك دا ومعاها كرامتك و ديهم بعيد وتعالى امسحي الحته دي.....
نهال كانت ساكته مافتحت خشما ولو بي كلمه.
الشاي كان حار وكان بنزل على وشي وجوا راسي
بس ماحرقني اكتر من كرامتي الداست بيها على الأرض 💔
ونهال الاتقلبت علييي من جاتا دي.....
مشيت باتجاه الغرفه تبعي وبقيت قاعده في الأرض وببكي
من الاهانه والذله الاتعرضت ليها ومن انها هي خطيبة رياض
ماعارفه انا اصلا زعلانه مالي ومؤثر معاي بشنو.....

#خليل
تتزكر كلامي ليك انو في الوقت المناسب انا حا اخط*فا جى الوقت دا
الجاسوس :والجديد شنو في القصه خلاك تقول كدا؟!
عرفت بي معلوماتي انو رياض عرف انو البت المعاهو دي هي سوفتينا نفسا واكيد هي في اللحظه دي حكت ليهو كل البتعرفو
وحاليا هي في بيت رياض...
ح اشوف اللحظه الح تطلع فيها وحا اعرف اجيبا كيف...

#رياض
طلعت من البيت عندي هدف واحد بس حا اصل لي خالد
وح نبدأ نحب القضيه دي في كتير من الأفكار المتداخله انا لازم أحلها واحده واحده لحد ما تترابط التفاصيل دي...
اتصلت لي امي وهي بتقول لي طلعت ليه قبل م تفطر قلت ليها ماشي زياره لي زول في المستشفى وعندي شوية شغل
قالت لي دا منو الفي المستشفى
قلت ليها ابو صديق لي
اتكلمت شويه كدا وهي بتقول لي نهال اختك ماشه العصر تشتري من المحل اللي جنب صيدليه الامل كم غرض وح تسوق معاها ريمان قلت ليها طيب ي امي ودعتها
وقفلت وزي م قلت مشيت اول المستشفى ....
بعد ما اطمنت عليهو حالتو استقرت طلعت من هناك..
لي خالد اتصلت عليهو وبقيت ماشي في الطريق
وانا كلي عزيمه اني حا احلها....
#الجاسوس
انت بتقول في شنو لاكين نحن ما اتفقنا على كدا....
#المجهول
اسمع انا وانت الاتنين عارفين نحن موجودين هنا ليه
عارف انو انت مرتبك ماشي زايد بي المعلومات البديها ليك انا دا
كلمه واحده مني انت ح تكون في خبر كان عشان كدا استرخي وامش استكين في بيتكم كم يوم.
كل الأمور ماشه زي ما انا داير وزي ما انا بقول...
سوفتينا وتحركاتا كلها عارفا خليل وخطوتو الجايه وكل خطوات العصا*بات دي في يدي انا صدقني لو عرفت انك في اليومين ديل طلعت من البيت ساي ح تكون في عداد المو*تى
وهسي دي اطلع ارجع بيتك وأمش اقعد مع اولادك ومرتك اممم اسمها لبنى صح...؟!
عليك الله م تعمل ليها شي والله وعد انا م بتكلم
خير خير يلا بي وشك...

#رياض
وصلت الشارع اللي قلت لي خالد يلاقيني فيهو
اتكلمت معاهو مسافه لحد م قررنا نمش البيت تبع إيهاب
أثناء ما نحن ماشين قلت لي خالد انت عارف طلعت البت اللي اسما سوفتينا طول الوقت قدام عيوني وانا ماعارفا بالأساس
صدقني ي خالد القدر الدور دا لعب معاي لعبه كبيره قضيه واحده جاطت كل احاسيسي مع بعض انا متمنى أحلها بسرعه
وارتاح من كل دا....
قال لي لازم تعرف منها كل شي احتمال لسه في حاجات م قالتا
قلت ليهو لالا م تخاف انا عرفت كل شي دا غير انو هي حاليا في بيتنا. ..
بقى يقول لي دي الحكيت لي عنها المره الفاتت بالجد البت دي مرت بي صعوبات كتيره خليك جنبها وأهلك كمان هي طبعا م فضل ليها زول ممكن تعرسا كمان ي رياض وهو بغمز لي وبضحك...
فتح لي الجرح تاني... استمريت في الطريق لسه تايه وبفكر
جاني اتصال من اختي نهال...
بقيت اتكلم معاها قالت لي ماشه انا قلت ليها اي امي ورتني المكان اللي جنب صيدلية الأمل اصلو كل أسبوع بتمشي ليهو بقت تضحك قالت لي حفظتني قلت ليها اها عاوزه شنو قالت لي تجي ترجعنا قلت ليها م اظن اخلص قبل الوقت داك اطلبي ترحال أو خلي انا بطلب ليك...
قالت لي طيب...
بقيت اخلص في سواقتي وماشين قلت لي خالد جبت الحاجة الطلبتها منك قال لي اي م نسيتا....
وصلنا البيت تبع إيهاب فرشتا كل الأوراق والصور وبديت اعيد كل المشاهد في راسي...
انت عارف ي خالد شكلو الزول دا زكي شديد سابقنا بي خطوات بدل خطوه واحده وكأنو هو بقرا حتى افكارنا وعارف كل تحركاتنا دي خالد بقى يقول لي اذكياء شديد ي رياض كيف بعرفو كل التفاصيل دي وكأنو هم معانا في نفس المكان قلت ليهو برضو ما حا نستسلم نحن قدرا...
شلت منو السائل تبع اللومينول وبقيت اكب منو قطرات حوالين المكان اللي كان ميت فيهو سمير كونو الدم كان جاف على ملابسو وتحت ماف اي دم بس يمكن اتمسح بقيت اشوف في المنطقه ديك عشان يظهر بس ماكان في أي شي لا في مكان موتو ولا حتى في أي مكان من الصاله....
خلاني ارجع لي تفكيري الأول قلت لي خالد
الجث*ه الكانت محروقه التحاليل طلعت انها لي منو قال لي طلعت لي واحد من معتادي الاجرا*م برضو
بقيت مشوش اكتر معقوله أحاسيسي ديك كلها صاح
لو كدا دي كارثه...
أنا نفسي احل القضيه دي ولو عرفت انو في زول في الشرطه متورط فيها حا اعمل كل جهدي انو يلقى عقابو بقيت اتكلم مع خالد في الخصوص دا قال لي صدقني في كتار بتلقو الرشاوي
وكان بوقعوهم جماعة آدم عندهم في مكاناتهم اللي في السوق فيها كمية من المحر*مات من خمو*و وغيرا
واكييد بي طريقتهم قدرو يوقعو مسؤول كبير..
بس م تشيل هم انا شاكي في ٢ اللي جو معاك من سمعتو بالقضيه... كانو اتنين احس انهم لعبو بي تفاصيل القضيه خصوصا انو انت لما وصلت هناك طلعت بي عربيتك ماعارف وين؟! وخليت ليهم مسرح الجري*مه واكييد لعبو فيهو

وهو بقول لي معقوله ي سوفتينا تعملي فيني كدا وبقي يلوم فيني...
نهال قالت لينا مبسوطه انكم اجتمعتو بي بعض طيب انا استأذنكم قلت ليها طيب سلمي على ناس بيتكم وشكرا ليكم كتير...
ودعتها واتكلم مع احمد مسافه وتحركت معاهو بيتو.....
#ام_أحمد
دا شنو ي عدنان دا كلام شنو السمعتو دا
#عدنان
سمعتي شنو؟!
ام احمد: انا كلام زي دا معاي م بنفع انتو بتقولو في شنو انت ناسي الحصل لي.......
عدنان:يامرة هس ولا صوت والا تشوفي تصرف م بعجبك
#خليل
ياخ البت دي خوافه وم حا تقدر تقول عننا شي
كلها ايام رياض ح يكشف المخد*رات وين وح نلقاها جاهزه
ح نشيلا ونسافر....
ايام بس نرتاح من الكوابيس دي....
#رياض
اتصل لي كم مره 💔انا الود دا كرهتو حتى بدون ما اشوفو
كل ما كان بتصل لي كنت بفصل منو..
لما سألتني هي حسيت بي ضيق شديد...
وقلت ليها عندي مكالمه مهمه وطلعت وانا زهج الدنيا فيني
بعد مسافه وقت رجعت.
لقيتا بتتكلم مع ناس امي حسيت بي ضيق وانا بسالا وبتمنى الحاجه الجواي دي م تكون صح
قالت لي انا ح امش خلاص أحمد جاييني💔حسيت بي ضيق شديد قلت ليها يعني ماشه خلاص
صح انا راجل واي شي💔بس نفسي صعبت لي حسيت بي روحي حا ابكي اتحركت من هناك وانا ماقادر اعمل اي شي
دخلت الغرفه نزلت من عيوني دموع لا إرادياً
بقيت اقول رياض دا شنو 💔
ليه ضعفت كدا 💔
رياض اركز
بقيت في صراع انا عارف انو م حا اكون كويس انا دايرا وخلاص
حبيتا بدون اي اراده ربنا هو الزرع حبها جواي
يارب كون معاي يارب💔
بقيت اقول حا امش ليها وأمنعا
أو حتى اودعا بس م كدا 💔
بعد مسافه طلعت بره لقيت امي قاعده
جيت كدا وانا بعاين هي وين...
الباب دقا في الأثناء دي مشيت فتحتو لقيتا نهال
قالت لي مشيت أقدم ريمان💔
قلت ليها بي هجمه مشت 💔
قالت لي اي ولاقاها أحمد هسي خليتهم
سوا....
حسيت بي روحي متألم شديد حسيت روحي في مكان ضيق ومخنوق بقيت ساكت بس شلت المفتاح
ومشيت عاوز اشم هوا شويه انا م كويس....
#سوفتينا
من وصلنا البيت كدا
استقبلني ابو احمد عدنان
سلم عليي ودخل كان انسان بارد جداً
وشكلو حازم كدا سلم ودخل
بعد مشى احمد قال لي استريحي في الغرفه دي انا حا اجيك
طلع كدا سمعت صوت صرخه مره ما قدرت اعرف دي من وين جايه بالضبط حسيت بي خوف كدا...
تاوقت بره الغرفه م كان في شي أثناء ما انا واقفه أحمد جى عليي قال لي مالك جيعانه أو حاجه قلت ليهو لالا بس سمعت صوت صرخه قال لي لالا ماف شي بكون اتهيأ ليك ساي
ممكن تحكي لي الحصل ليك في الفتره دي كلها انا كنت فاقدك شديد والله...
بقى قاعد معاي وبزكرني بي حياتنا القديمه
وبقي يحكي لي عن الجامعه 💔اللي انا شبه نسينا خلاص
بقيت احكي ليهو عن ايامي السابقه كلها كان في حاجه غريبه في أحمد م قدرت اعرف هي شنو...
حاجه يمكن انا كنت من زمان بشوفا فيهو بس هسي بقت ماف شنو ياربي حاسه في شي بس هي شنو ماعارفه...
قال لي سرحانه وين قلت ليهو لالا ماف شي
قال لي انا حا احسن ليك حياتك دي ي سوفتينا
قلت ليهو وانا مبسوطه امك وين يا احمد قال لي وهو متردد امي امي ح تقابليها
بس الليله اخدي راحتك
قلت ليهو هي م رضيانه انك تتزوج واحده بت تاجر مخد*رات صح قال لي زواج... انتي بتقولي في شنو
قلت ليهو أحمد بسم الله علينا ركز 😅😅
مش انت جبتني هنا عشان نتزوج قال لي انتي بتقولي في شنو
ايوا انا كنت بقول كدا ولو م كنت بقول ليك كدا ما كنتي ح تجي معاي اصلاَ
حسيت بي ضيق في صدري قلت ليهو أحمد انت بتقول في شنو انت مش بتحبني
قال لي بموت فيك ي بت بس الزواج دا حاجه قديمه وتقاليد غبيه ساي بعدين اهوو انتي ح تعيشي معاي ملكه
نعيش ك حبيبين في بيت واحد
نطلع ننزل بدون قيود قلت ليهو أحمد انت بتقول في شنو مش كدا حرام قال لي انتي متين بقيتي تقولي حرام وحلال
قلت ليهو اتعلمت انا... انا مازي سوفتينا الزمان على فكره قال لي اهااا والعلمك منو دا قلت ليهو الكنت معاهم يا احمد
قال لي اهااا رياض قصدك
قلت ليهو اي قال لي قريباً ح يلحق بالباقين
حسيت قلبي ح يوقف نبض
قلت ليهو احمد💔انت
بقى يضحك بطريقه هستيريه قال لي ي بت انتي صدقتي هو😂😭😂😭
انا بمزح معاك اكيد حا نعرس وح نعيش حياة حلوه
ياداب رجع أحمد البعرفو قلت ليهو خوفتني يخسي عليك ليه تعمل كدا
قال لي قلبك بقى خفيف شديد خففي على نفسك وماتصدقي اي زول يا سوفتينا أنتي بت طيبه شديد وانا بخاف عليك من أي شي بعدين رياض دا شرطي على فكره واكيد ما داير يساعدك قلت ليهو لالا انت بتقول في شنو رياض هو كان كل ما أقع في مشكله بحي يساعدني قال لي ابوك مش كتب ليك في الدفتر انو في جاسوس وزول مسؤل كبير
فكري فيها وضربيها في عقلك اكيد دا رياض كيف زول بعرف انك في خطر ويجي زي أبطال المسلسلات ينقذك...

على الأرض وانا بململ تحتا حاسه روحي ح تطلع
في الأثناء دي ام احمد قلعت التلفون من يدها وبقت تتصل.
وفي غمضة عين سمعت صوت الباب بفتح و صوتو وبعدا صوت الرصا*صه وفي كسره من الثانيه كانت امو ممدا في الأرض
وفكتني في اللحظه دي زينب بقيت حاسه بي روحي حا اجن
💔أحمد بقت*ل منو وامو كمان💔بقيت بصرخ من المنظر الشفتو حاسه روحي فقدت عقلي منظر كان أكبر من قدرتي على التحمل بعد الصرخه دي غبت عن الوعي....
#رياض
بقيت سايق عربيتي وماشي كل الأمور وضحت لي
كلها معقوله انا كنت اهبل للدرجه دي كيف كل الأمور دي غابت عني بس كيف 💔كلام ابو سوفتينا اللي في الدفتر
والمكالمه الاخيره مع ابوها وكيف بقدرو يدخلو الشحنات دي بدون م يتسئلو في زول كبير كان عامل ليهم تغطيه...
الزول اللي كل مره بسبقنا بي خطوه...
وكأنو معانا....
الجث*ث ال٣ والجث*ه المجهوله... التقارير.. والترحال...
أنا كيف كنت غبي للدرجه دي انا اتصلت بي تلفون خالد
كيف بتاع الترحال يرجع ويتصل لي انا.....
التقارير 💔فضل لي حاجتين انا لازم أعملهم...
عشان اكتشف هوية الجث*ه دي
هل هو يا ترى زول من معتادي الاجرا*م ولا شخص تاني...
ليهو علاقه بي إيهاب دا...
مشيت للمستشفى اللي سلمناهم التحاليل دخلت هناك قلت ليهم عندي زميلي خالد جى استلم التقارير تبع نتايج التحليل
وراحت مني عاوز نسخه قال لي نحن اتشالت مننا كل النسخ
حتى انا في اليوم دا كنت غياب واللي استلما بدلي كان دكتور تاني وحاليا منقطع عن المستشفى ليهو فتره...
بقت شكوكي تزيد طلعت من هناك وانا باخد آخر خطوه وانا بتبع عقلي واحساس قلبي اللي بقول لي كدا...
اتصلت بي
المسؤول الأول القضيه دي كبيره ولازم نتحرك
بقيت عاوز اتكلم معاهو قال لي اتواصل مع صالح (ابو خالد)
لأني مشغول قلت ليهو ي سعادتك انتظر حبه م تقفل انا ما حا اقدر أحكي لي غيرك صدقني القضيه دي أكبر مما بتتخيل انت وفي مسؤل كبير وغيرو متعاونين مع العصا*بات دي لو م كدا كيف بتخش الشحنات دي كلها بدون تفتيش..
و قال لي كلامك دا محتاج انو نحن نقعد مع كم مسؤل عشان نحقق في القضيه دي زي الناس ونعرف دا منو
قلت ليه لا انا عرفت دا منو قال لي منو قلت ليهو للأسف يا سعادتك الشغلانيه دي ماف. زول ح يساعدني فيها غيرك
خالد وابوهو صالح تحت دائرة الاتهام قال لي رياض دا اتهام خطير انت عارف روحك بتقول في شنو قلت ليهو ايوا انا عارف روحي بقول في شنو ومحتاج مساعده منك انت عارف صالح م ح يقدر يغلبو غيرك ف عاوز منك تصدقني..
قبل ما اكمل كلامي قال لي رياض انا بثق في تحليلاتك وحا اخلي القضيه دي تتفتح تاني وترجع ليك بس
دا تحليل واتهام خطير م عندك مشكله جيب لي دليل خلال ال ٤٨ ساعه الجايه دي إذا جبتو صدقني اي زول متورط ح ينال جزاءو إنما لو ماجبتو بعد انا ساعدتك وافتح ليك القضيه وترجع ليك.! إذا م جبتو للأسف حا اتضطر انزلك من الشغل...
كان الكلام دا صادم بالنسبه لي بس الحقيقه بتستاهل اكتر من كدا كفاية اني أنال شرف المحاوله....
وانا عارف في دواخلي اني صح...
قفلت الخط وانا باخد نفس عميق وبتوكل على ربنا حا امش.....
ح يكون عندي كم شاهد متأكد انو خليل اللي حكت لي عنو سوفتينا ح يكون شافو وبعد يتقبض حا اعصر عليهو وحا يكون شاهد ضدو.. لأن خالد اكيد هو اللي ساعد خليل عشان يقدر يخط*فا...انا حالياً لازم اعرف حا القاهو وين....
جاني تلفون من واحد في الحي داك وكلتو بي انو يشوف لي اذا في زول دخل البيت أو لا...
اتصل لي قال لي في كمية من الرجال دخلو. هناك..
حسيت بي روحي مبسوط اكيد ح يكون دا خليل
جاني بي رجليهو هو ماعارف انو سجنو قرب وهو الحا يشهد ضد خالد دا....
#عوده
#خليل
ي رجال ح نمش الليله بيت إيهاب وح نفتش الشحنه واي شي بي طريقتنا.. ومن هناك ح نسافر مباشرة نحن بنتعرض للخيان*ه في خاي*ن بيناتنا.....
اتحركنا من هناك لي بيت إيهاب فتشنا كل ركن من أركان البيت
بس م لقيت شي أثناء ما انا بفتش كدا جى عاينت باتجاهو وانا بقول ليهو انت .بتعمل في شنو هنا..
بقى يضحك وعاين باتجاهي بي نظرات غريبه وفجأة....
#سوفتينا
بديت اوعى بي زول برش على وشِ المويه قمت مهجومه واتزكرت الصدمه الشفتها دي💔
أحمد 💔ياخ انا بحلم لا دا كابوس...
أحمد قال لي م كنت عاوز تكتشفي الحاجات دي بالطريقه دي
بس يا قلبي انتي في حاجات كتييره ماعارفاها...
رايك شنو ي حلوة قبل ماتبدي شغلك الجديد انا دا احكي ليك
كل الأنتي نفسك تعرفيهو...
بقى يضحك وهو بقول لي انتي عارفه انا ماعمري ٢٠ سنه زي ما انتي قايله... حا اعرفك على نفسي عديل..
أنا احمد عمري ٢٨ سنه..
شاب من كان عمرو ١٦ دخل في القصص دي حتى قبل م تميزي الصح من الغلط...