لأنو خلاص حاسي انو ماف امل هي ماعاوزاهو خلاص ولقت اللي بتحبو ماحا يستفيد شي اذا اعترف بي حبو
أو حتى بي انو سندس فسخ الخطوبه أو نهااها حتى قبل ما تتم .... أما هي كانت قاعده ورا بتعاين من شباك العربيه لي الطرق والارصفه اللي جمعتا بيهو دايماً كانت بتشوف رياض مصدر أمان بالنسبه ليها حاسه بضيق وعارفه مصدرو شنو
بس شايفه انو دا الصح تضغط على قلبا ومشاعرا عشان م تخرب لي رياض حياتو لأنو هو بحب سندس وهم حالياً خطبو
ماح يكون في أي معنى إذا هي اعترفت بي حقيقة مشاعرا
لأنو اصلاً ماحا يشكل فارق بالنسبه لي رياض لأنو حالياً هو ارتبط خلاص....
بقو الاتنين لي واحد تايه في عالمو بقولو انها كلها ايام وح تنتهي كل الصدف دي بنهاية القضيه واي واحد ح يمش يكمل حياتو..

رجعت مع رياض البيت من وصلو نهال كانت مبسوطه شديد بي رجعتا وسوسن كمان ابو رياض كان سافر فتره كم شهر وح يرجع... نهال ساقت سوفتينا لي غرفتا وقالت ليها انا مبسوطه انو انتي رجعتي وفرشت ليها الغرفه وقعدت...
جى المسا وكل واحد بفكر في التاني.. وأي واحد رسم خطتو خلاص ح يفترقو وهم أساساً ماف واحد فيهم اعترف للتاني
قرروا كدا يستسلمو للقدر.... ياترى القدر بكون مكتوب ليهم فيهو شنو...؟!.....
#عدنان
م عندك مشكله انت قلت لي داير كم
يا ابوي انا داير لي بس ٦٠ الف عندي حاجات ح اشتريها وانا جايبا معاي...
ام احمد:انتو بتقولو في شنو مشيت وافقت ليهو ي عدنان؟
انتو جنيتو ولا شنو بس دي م بتعتب البيت دا كان انا مت
وكلامي منتهي
عدنان:بي نهره يامره اسكتي دا كلام منتهى يمش يجيبا
ونحن زاتو كم يوم ولاحقنو عشان اوريك...
ووالله كلمة زياده تشوفي المابعجبك
....... #سوفتينا
قمت من النوم مشيت صليت الصبح ومنها طلعت بنضف ما كان في زول صحى بقيت أكنس وامسح
خلصت كدا صحت نهال من النوم قالت لي نصفتي براك ليه كنتي تنتظريني قلت ليها لالا لقيت روحي نشيطه قلت احسن اخلص قالت لي م قصرتي...
مشت المطبخ تعمل الشاي قالت لي تعالي اوريك بتعملي كيف
وقفت معاها وبقت تعمل فيهو...
وبقت توريني كيف تاني بعد خلصت قالت لي يلا وريني اتعلمتي شنو بقيت اقول ليها قالت لي ماشاء الله اتعلمتي سرعه...
بقيت اضحك قالت لي ماشاء الله ي ريمان انتي حلوه شديد والله ممكن توريني بتستخدمي
للترطيب شنو وكدا بقيت اوريها في المجموعات تبع الترطيب
وقلت ليها دي اظبط والضاربه ياته قالت لي العصر كدا امشي معاي السوق نجيبا قلت ليها طيب م عندي مشكله...
قلت ليها أمس الخطوبه كانت كيف طلعت حلوه قالت لي بعد طلعتي داك بليل رياض وسندس اختلفو وفركشت قلت ليها كيف يعني قالت لي والله جى رياض وقال ما بقدرو يكملو مع بعض هو في سبب لاكين نحن ماعارفنو شنو...
النصيب بس ي ريمان...
ماعارفه كنت حاسه بي السعاده وبي الغرابه وحاجات كتيييره متلخبطه ماعارفه حسيت روحي اتسرعت لما اتصلت لي أحمد 💔سوفتينا انتي بتقولي في شنو حتى لو فرضنا انهم اختلفو دا ما يعني انو هو عاوزك أو ح يفكر فيك بطلي البتقولي فيهو دا
بقيت تايهه من تاني وم فاهمه روحي.... رجعت تاني للتفكير في اللاشي انا بفكر وماعارفه روحي أساساً عاوزه شنو...

#رياض
بقيت خلاص يائس من أي شي انا ماعاوز بت تاني في حياتي...
حا اكمل كدا حاليا حا اجتهد في القضيه دي واحلها عشان الخطر البيحيط بيها يزول....
لبست ملابسي ونزلت تحت لقيتهم قاعدين بشربو في الشاي
انتظرت مسافه لما ناس امي ونهال دخلو قلت لي سوفتينا
كيف اصبحتي قالت لي كويسه تابعت كلاما وهي بتقول لي انت كيف قلت ليها انا بخير الحمدلله قالت لي عرفت بي انو فركشت الخطوبه قلت ليها اي ي سوفتينا انا وسندس عندنا أسبابنا ومازعلان ولا اي شي انسي اها انا عاوز أسألك كم سؤال بخصوص القضيه...
بالمناسبه انتي في اليوم داك قلتي لي ابوك كان اتكلم معاك مكالمه وقلتي لي سمعتي صوت بقول ليهو اقت*لا وبعدا الطلقه صح قلت ليهو اي دا الحصل قال لي كملي الحصل بقيت اقول ليهو وبعدا ابوي بقى يتكلم معاي وكان معاهو ناس متأكده ناس آدم بعديها بقى صوتو وكأنو بيجري وكان يقول لي💔بقيت ماقادره اكمل قال لي كملي بقيت اقطع في الكلام اتزكرت ابوي💔قلت ليهو م قاده جاب لي مويه قال لي م داير اعصر عليك بس كملي لي عشان انا عاوز اعمل كم حاجه عليك الله م تخلي ولا تفصيله...
بقيت اتكلم وبقيت احكي وكل ما أوقف يساعدني اكمل وريتو عن كل شي انا بعرفو...
قال لي طيب ي ريمان اخدي راحتك انا حا امش لي خالد وحا اراجع تفاصيل القضيه من اول...
قلت ليهو طيب...
طلع من البيت وانا كنت براقب في خطواتو وهو بطلع
وانا تايهه في كتير من الأفكار فيهو

وهو بقول لي معقوله ي سوفتينا تعملي فيني كدا وبقي يلوم فيني...
نهال قالت لينا مبسوطه انكم اجتمعتو بي بعض طيب انا استأذنكم قلت ليها طيب سلمي على ناس بيتكم وشكرا ليكم كتير...
ودعتها واتكلم مع احمد مسافه وتحركت معاهو بيتو.....
#ام_أحمد
دا شنو ي عدنان دا كلام شنو السمعتو دا
#عدنان
سمعتي شنو؟!
ام احمد: انا كلام زي دا معاي م بنفع انتو بتقولو في شنو انت ناسي الحصل لي.......
عدنان:يامرة هس ولا صوت والا تشوفي تصرف م بعجبك
#خليل
ياخ البت دي خوافه وم حا تقدر تقول عننا شي
كلها ايام رياض ح يكشف المخد*رات وين وح نلقاها جاهزه
ح نشيلا ونسافر....
ايام بس نرتاح من الكوابيس دي....
#رياض
اتصل لي كم مره 💔انا الود دا كرهتو حتى بدون ما اشوفو
كل ما كان بتصل لي كنت بفصل منو..
لما سألتني هي حسيت بي ضيق شديد...
وقلت ليها عندي مكالمه مهمه وطلعت وانا زهج الدنيا فيني
بعد مسافه وقت رجعت.
لقيتا بتتكلم مع ناس امي حسيت بي ضيق وانا بسالا وبتمنى الحاجه الجواي دي م تكون صح
قالت لي انا ح امش خلاص أحمد جاييني💔حسيت بي ضيق شديد قلت ليها يعني ماشه خلاص
صح انا راجل واي شي💔بس نفسي صعبت لي حسيت بي روحي حا ابكي اتحركت من هناك وانا ماقادر اعمل اي شي
دخلت الغرفه نزلت من عيوني دموع لا إرادياً
بقيت اقول رياض دا شنو 💔
ليه ضعفت كدا 💔
رياض اركز
بقيت في صراع انا عارف انو م حا اكون كويس انا دايرا وخلاص
حبيتا بدون اي اراده ربنا هو الزرع حبها جواي
يارب كون معاي يارب💔
بقيت اقول حا امش ليها وأمنعا
أو حتى اودعا بس م كدا 💔
بعد مسافه طلعت بره لقيت امي قاعده
جيت كدا وانا بعاين هي وين...
الباب دقا في الأثناء دي مشيت فتحتو لقيتا نهال
قالت لي مشيت أقدم ريمان💔
قلت ليها بي هجمه مشت 💔
قالت لي اي ولاقاها أحمد هسي خليتهم
سوا....
حسيت بي روحي متألم شديد حسيت روحي في مكان ضيق ومخنوق بقيت ساكت بس شلت المفتاح
ومشيت عاوز اشم هوا شويه انا م كويس....
#سوفتينا
من وصلنا البيت كدا
استقبلني ابو احمد عدنان
سلم عليي ودخل كان انسان بارد جداً
وشكلو حازم كدا سلم ودخل
بعد مشى احمد قال لي استريحي في الغرفه دي انا حا اجيك
طلع كدا سمعت صوت صرخه مره ما قدرت اعرف دي من وين جايه بالضبط حسيت بي خوف كدا...
تاوقت بره الغرفه م كان في شي أثناء ما انا واقفه أحمد جى عليي قال لي مالك جيعانه أو حاجه قلت ليهو لالا بس سمعت صوت صرخه قال لي لالا ماف شي بكون اتهيأ ليك ساي
ممكن تحكي لي الحصل ليك في الفتره دي كلها انا كنت فاقدك شديد والله...
بقى قاعد معاي وبزكرني بي حياتنا القديمه
وبقي يحكي لي عن الجامعه 💔اللي انا شبه نسينا خلاص
بقيت احكي ليهو عن ايامي السابقه كلها كان في حاجه غريبه في أحمد م قدرت اعرف هي شنو...
حاجه يمكن انا كنت من زمان بشوفا فيهو بس هسي بقت ماف شنو ياربي حاسه في شي بس هي شنو ماعارفه...
قال لي سرحانه وين قلت ليهو لالا ماف شي
قال لي انا حا احسن ليك حياتك دي ي سوفتينا
قلت ليهو وانا مبسوطه امك وين يا احمد قال لي وهو متردد امي امي ح تقابليها
بس الليله اخدي راحتك
قلت ليهو هي م رضيانه انك تتزوج واحده بت تاجر مخد*رات صح قال لي زواج... انتي بتقولي في شنو
قلت ليهو أحمد بسم الله علينا ركز 😅😅
مش انت جبتني هنا عشان نتزوج قال لي انتي بتقولي في شنو
ايوا انا كنت بقول كدا ولو م كنت بقول ليك كدا ما كنتي ح تجي معاي اصلاَ
حسيت بي ضيق في صدري قلت ليهو أحمد انت بتقول في شنو انت مش بتحبني
قال لي بموت فيك ي بت بس الزواج دا حاجه قديمه وتقاليد غبيه ساي بعدين اهوو انتي ح تعيشي معاي ملكه
نعيش ك حبيبين في بيت واحد
نطلع ننزل بدون قيود قلت ليهو أحمد انت بتقول في شنو مش كدا حرام قال لي انتي متين بقيتي تقولي حرام وحلال
قلت ليهو اتعلمت انا... انا مازي سوفتينا الزمان على فكره قال لي اهااا والعلمك منو دا قلت ليهو الكنت معاهم يا احمد
قال لي اهااا رياض قصدك
قلت ليهو اي قال لي قريباً ح يلحق بالباقين
حسيت قلبي ح يوقف نبض
قلت ليهو احمد💔انت
بقى يضحك بطريقه هستيريه قال لي ي بت انتي صدقتي هو😂😭😂😭
انا بمزح معاك اكيد حا نعرس وح نعيش حياة حلوه
ياداب رجع أحمد البعرفو قلت ليهو خوفتني يخسي عليك ليه تعمل كدا
قال لي قلبك بقى خفيف شديد خففي على نفسك وماتصدقي اي زول يا سوفتينا أنتي بت طيبه شديد وانا بخاف عليك من أي شي بعدين رياض دا شرطي على فكره واكيد ما داير يساعدك قلت ليهو لالا انت بتقول في شنو رياض هو كان كل ما أقع في مشكله بحي يساعدني قال لي ابوك مش كتب ليك في الدفتر انو في جاسوس وزول مسؤل كبير
فكري فيها وضربيها في عقلك اكيد دا رياض كيف زول بعرف انك في خطر ويجي زي أبطال المسلسلات ينقذك...