ማርጋሬት አጭበርባሪ ነው ብላ እንደማታጋልጠው ምን መተማመኛ አለው? ታዲያ ለዚህ መድሀኒቱ እሷን መቅረብ ነው፡፡ ፍቅር ካስያዛት ለእሱ ታማኝ መሆኗ አይቀርም፡፡
ማርጋሬት ኦክሰንፎርድን መግባባት መጥፎ አይደለም፡፡ እየደጋገመ
እየሰረቀ ያያታል፡ የእናቷን ወዘና ነው የያዘችው፤ ቅርጿ ምን እንደሚመስል ማወቅ ባይችልም ሸንቀጥ ያለች ልጅ መሆኗ ያስታውቃል የለበሰችው ልብስ ውድ ቢሆንም እንደ እናቷ ደርበብ አላደረጋትም፡፡ ምናልባት
ከዕድሜዋ ለጋነት ይሆናል፡፡ ያደረገችው ያንገት ጌጥ ውድ የሚባል አይደለም፡፡ ልጅቷ እሱ ከዚህ በፊት የጠበሳቸው ዓይነት አይደለችም፡፡ እሱ
የሚያሳድደው በቀላሉ እጁ ላይ የሚወድቁትን አስቀያሚ ሴቶች ነው:
ማርጋሬት ደግሞ ቆንጆ ሆናበታለች፡፡ ሆኖም ከጅምሩ እንደፈቀደችው
አውቋል፡፡ ስለዚህ ልቧን ሊሰርቅ ወሰነ፡፡

ኒኪ የተባለው አስተናጋጅ እነሱ ወደተቀመጡበት ቦታ መጣ፡፡ ኒኪ አጠር ያለ፣ ድብልብል ሴታ ሴት መልክ ያለው ዕድሜው ሃያ ቤት ውስጥ የሚገመት ሰው ነው፡፡ ኒኪ በእንቅስቃሴውና በአረማመዱ ወንዳወንድ ይመስላል፡ ብዙዎቹ ወንድ አስተናጋጆች እንደዚያ ናቸው:: ኒኪ የተሳፋሪዎቹንና
የአስተናጋጆቹን ስም ዝርዝር የያዘ ወረቀት ለተሳፋሪዎቹ አደለ ሄሪ ዝርዝሩን አየ፡፡ የጽዮናዊነት እንቅስቃሴ አራማጁን ሀብታሙን ባሮን ጋቦንን ያውቃቸዋል፡፡ ቀጥሎ ያሉት ፕሮፌሰር ሃርትማን ታዋቂ ናቸው፡፡ ልዕል ባዛሮቭን ባያውቃቸውም ስማቸው ራሻዊት መሆናቸውን ይጠቁማል። መቼም ኮሚኒስቶችን ሽሽት አገር መልቀቃቸው አገር ያወቀው ሃቅ ነው እኚህ ልዕልት እዚህ አይሮፕላን ላይ ተሳፈሩ ማለት ገሚሱን ሀብታቸውን
አሽሽተዋል ማለት ነው፡፡ የፊልም ተዋናይዋን ሉሉ ቤልን ዓለም ያውቃታል፡ ፊልሟን ካየ ሳምንት አልሞላውም:፡ ሊተዋወቃት ከጅሎታል።

ፔርሲ አሻግሮ አየና ‹‹የአይሮፕላኑን በር ዘጉት›› ሲል አበሰረ፡ ሄሪ ይህን ጊዜ ልቡ መሸበር ጀመረ፡፡

ሄሪ የአየር በራሪ ጀልባ ባህሩ ላይ ተቀምጦ ላይ ታች ሲል ለመጀመሪያ
ጊዜ ተገነዘበ፡፡ የአይሮፕላኑ ሞተሮች ተነሱ፡ የሞተሩን ድምጽ ለመቀነስ የድምጽ ማፈኛ በአይሮፕላኑ የውስጥ ክፍል ተገጥሟል፡፡ የኃይለኞቹ ሞተሮች መሽከርከር ደግሞ አይሮፕላኑን ያንዘፈዝፉታል፡ በዚህም ምክንያት የሄሪ ልብ መሸበር ባሰበት፡፡

መፍራቱ እንዳይታወቅበት ጋዜጣ አንስቶ እግሮቹን አቆላልፎ ተቀመጠ፡፡

ማርጋሬትም ጉልበቱን ነካ አደረገችውና ድምጿን ዝቅ አድርጋ ‹‹እኔም በፍርሃት ልቤ ሊወልቅ ነው›› አለችው:

ሄሪ አፈረ፡ ፍርሃቱን ማንም ያወቀበት አልመሰለውም ነበር ማርጋሬት መፍራቱን አውቃበታለች፡፡ ሄሪ በድንጋጤ ፊቱ አመድ መሰለ፡፡

አይሮፕላኑ ሲንቀሳቀስ ሄሪ የወንበሩን መደገፊያ ጨምድዶ ያዘው ማርጋሬት የሄሪ ፍርሃት ተጋብቶባት ሁለት እጆቿን ጉልበቶቿ መሃል ወሽቃ ተቀምጣለች፡፡ በአንድ በኩል የተጨነቀች ሲሆን በሌላ በኩል የአይሮፕላኑ ጉዞ አስደስቷታል፡፡ ጉንጮቿ መቅላታቸው፣ ዓይኖቿ ጎላ ጎላ ማለታቸውና አፏን በመጠኑ ከፈት ማድረጓ ሄሪን ልቡ እንዲከጅላት
አድርጎታል፡ ከልብሶቿ ስር ያለው አካላቷ ምን ይመስል ይሆን?› ሲል ጠየቀ ራሱን፡፡

ሄሪ ሌሎች ተሳፋሪዎችን ያማትራል፡ ፊት ለፊቱ የተቀመጠው ሰው
በጸጥታ የመቀመጫ ቀበቶውን ያጠባብቃል፡፡ የማርጋሬት እናትና አባት
በመስኮት እያዩ ሲሆን እናትየዋ የተሸበሩ አይመስሉም፡፡ ሎርድ ኦክሰንፎርድ አስሬ ጉሮሮዋቸውን ‹እህህ!› እህህ!› እያሉ ያጸዳሉ፡ የፍርሃት ምልክት መሆኑ ያስታውቅባቸዋል፡ ፔርሲ ከመደሰቱ የተነሳ ይቁነጠነጣል፡ ምንም
ፍርሃት አይታይበትም፡፡ ሄሪ ጋዜጣው ላይ ቢያፈጥም አንድ ቃል እንኳን አላነበበም፡፡ ጋዜጣውን ከደነና በመስኮት ማየት ጀመረ፡ ግዙፉ አይሮፕላን
ወደ ማኮብኮቢያው እያመራ ሲሆን ወደቡ ላይ ትልልቅ መርከቦች ከርቀት
ይታያሉ፡፡ ከዚህ በኋላ ከአይሮፕላኑ መውረድ እንደማይችል ተገነዘበ፡፡

የአየር በራሪው ጀልባ ወደ ባህሩ መሃል እያመራ ነው፡ ሄሪ አይሮፕላኑ በባህሩ ማዕበል ምክንያት መዋለሉ ምቾት ነስቶታል፡፡የአይሮፕላኑ ውስጣዊ ክፍል ቤት ቢመስልም ከፍ ዝቅ ማለቱ በጀልባ
የሚጓዙ እንደሚመስል አድርጎታል።

ከዚያም አራቱ ሞተሮች ሲነሱ ድምጹ ተሰማ፡፡ በዚህ ጊዜ የሄሪ ልብ በፍርሃት ስንጥቅ አለ፡፡ አይሮፕላኑ ጉዞውን ጀመረና ቀስ በቀስ ፍጥነቱን ጨምሮ እንደ ጀልባ በረረ፡ ጀልባ ግን እንደዚህ ዓይነት ፍጥነት የለውም የሰማይ በራሪው ጀልባ ባህሩን ለሁለት እየሰነጠቀና እንደ ጀልባ ላይ ታች እያለ በፍጥነት መጓዙን ተያያዘው፡፡ በዚህ ጊዜ ሄሪ በፍርሃት ዓይኑን ጨፈነ፡፡ ‹መሞቴ ነው አለ በልቡ፡፡

ትንሽ ቆይቶ አይሮፕላኑ ልክ በኮረኮንች ላይ እንደሚሄድ መኪና መርገፍገፍ ያዘ፡፡ ምንድነው እሱ?› ሄሪ አንድ ችግር እንደተፈጠረ ገመተ፡
አይሮፕላኑ ስብርብሩ የሚወጣ መሰለ፡፡ አይሮፕላኑ እንደዚያ የተርገፈገፈው ለመነሳት ከባህሩ ሞገድ ጋር በሚያደርገው ትግል ምክንያት ነው፡ ይህም
ፍርሃት ስለፈጠረበት ሄሪን ሊያስታውከው ምንም አልቀረውም፤ ጉሮሮውን
ተናነቀው።

የአየር በራሪው ጀልባ ፍጥነቱን ጨመረ፡ ሄሪ በባህር ላይ እንደዚህ በሮ
አያውቅም፡፡ እንደዚህ የሚፈጥን ጀልባ የለም፡ ሀምሳ፣ ስልሳ፣ ሰባ ኪሎ
ሜትር በሰዓት እየተምዘገዘገ ነው፡፡ በመስኮት በኩል የሚፈናጠቀው የባህር
ውሃ የውጭ እይታውን እያደናገዘበት ነው፡፡ ወይ እንሰምጣለን›፣ ወይ
የአየር በራሪ ጀልባው ይፈነዳል› ወይም ደግሞ ይገለበጣል› ሲል ሄሪ
አዕምሮውን እያስጨነቀ ነው፡፡

አይሮፕላኑ ቀስ በቀስ ሲነሳ እንደ መርገፍገፍ አለ፡፡ ይህም በራሱ ለሄሪ
የስጋት ምንጭ በመሆኑ ይሄ ነገር የተለመደ ይሆን?› ሲል ራሱን ጠየቀ፡

ቀስ በቀስ የውሃው ጉተታና የመሬት ስበት እየቀነሰ መጥቶ የአይሮፕላኑ አፍንጫ ሽቅብ እየወጣ መሆኑን ተገነዘበ፡፡በዚህ ጊዜ ሄሪ ምራቁን ዋጠ።

የአይሮፕላኖቹ ሞተሮች እንደነጎድጓድ እየጮሁ ይህን የሰማይ በራሪ መሳሪያ ሽቅብ ያጎኑት ገቡ፡፡ ሄሪም በመስኮት ባህሩን ጥሎ ወደ ላይ እየወጣ መሆኑን አየና ይህ የሰማይ ቤተ መንግስት እንደ አሞራ እየበረረ ነው› ሲል ለራሱ ተናገረ።

አሁን አይሮፕላኑ አየር ላይ በሰላም እየበረረ መሆኑን ሲያውቅ ፍርሃቱ ለቆት መፈንደቅ ጀመረ፡፡ ልክ እሱ ራሱ አይሮፕላኑን በአየር እንዲበር እንዳደረገ ሁሉ በኩራት ተጀነነ፡፡ ጮቤ መርገጥ አሰገኘው፡፡ ዙሪያውን ሲመለከት አይሮፕላኑ ውስጥ ያለው ሰው ሁሉ በእፎይታ ይሳሳቃል፡ ታዲያ
ከጥቂት ደቂቃዎች በፊት ተጭኖት የነበረው የፍርሃት ድባብ በላብ ሳያጠምቀው አልቀረም፡፡ መሃረቡን አወጣና ፊቱንና ማጅራቱን አደራረቆ ኪሱ ጨመረው፡፡

አይሮፕላኑ ወደ ላይ የመውጣቱን ጉዞ አጠናቆ ሞተሮቹ ህምምም
የሚል ድምጽ እያሰሙ የፊት ለፊቱን አቅጣጫ ይዞ መብረሩን ሲያያዝ አየር
ላይ የቆመ መሰለ፡ አስተናጋጁ ኒኪ በነጭ ኮትና ጥቁር ክራቫት
ተሽሞንሙኖ መጣና ‹‹ጭማቂ ላቅርብልህ ሚስተር ቫንዴርፖስት?›› ሲል ሄሪን በትህትና ጠየቀው፡፡

‹‹ደብል ዊስኪ›› አለ ፈጠን ብሎ፡፡ ከዚያም አሜሪካዊ ነኝ ማለቱ ትዝ አለውና ‹‹በርካታ በረዶ በአናቱ ላይ ዱልበት›› ሲል አከለበት በአሜሪካውያን የአነጋገር ዘይቤ፡፡

ኒኪ ከኦክሰንፎርድ ቤተሰብ እንደዚሁ ትዕዛዝ ተቀበለና ወደ ኩሽናው ሄደ፡፡

ሄሪ በጭንቀት ጣቶቹን የወምበሩ መደገፊያ ላይ ይጠበጥባል፡፡ እግሩ
ስር ያለው ምንጣፍ፣ የተቀመጠበት ሶፋና የግድግዳው ቀለም ማማር
የድሎት ስሜት ስሜት ቢፈጥሩለትም አንድ ቦታ መቀመጡ ወጥመድ ውስጥ የገባ እንዲመስለው ማድረጉ አልቀረም፡ ጥቂት ጊዜ ቆይቶ የመቀመጫ ቀበቶውን ፈታና ብድግ አለ፡፡ ከዚያም ኒኪ በሄደበት አቅጣጫ አቀናና አስተናጋጁ ምግብ የሚያዘጋጅበት ክፍል ውስጥ ዘው አለ፡፡ በቀኝ በኩል የወንዶች መፀዳጃ ክፍል የሚል የተጻፈበት ክፍል አየ፡፡ ከእሱ ቀጥሎ ወደ ላይ የሚያስወጣ ደረጃ አገኘ፡፡ ወደ አይሮፕላን ነጂዎቹ ክፍል ይወስዳል፡፡ ከፊት ለፊት ደግሞ የአየር መንገዱን ዩኒፎርም የለበሱ የአይሮፕላኑ ሰራተኞች
የተገጠገጡበት ክፍል ይገኛል፡፡ ሄሪ እነሱን ሲያይ ምን ይሰሩ ይሆን?› ሲል
አሰበ፡፡ ጉዞው ሰላሳ ሰዓት የሚወስድ መሆኑ ትዝ ሲለው ሰራተኞቹ እየተለዋወጡ ማረፍ እንዳለባቸው ገባው፡፡ ከዚያም አይሮፕላኑ የኋላ ክፍልጋ ሲሄድ ሶስት ክፍሎች ውስጥ ተሳፋሪዎች ተቀምጠው ስላገኘ ባለጸጋና በራሱ
የሚተማመን አሜሪካዊ እንደሚያደርገው ኮራ ብሎ በግምባር ጥቅሻ ሰላምታ
እየሰጠ አለፈ።

አራተኛው ክፍል ትይዩ የተቀመጡ ሁለት ሶፋዎች የያዘ ሲሆን ከጎኑም
የሴቶች መዋቢያ ክፍል ወይም መጸዳጃ ቤት አለ፡፡ ከዚያም ቀጥሎ በብዙ
ሰዎች አፍ የተወራለት የሙሽሮች ክፍል ይገኛል፡፡ ሄሪ በሩን ለመክፈት
ሞከር አደረገ ነገር ግን ተዘግቷል፡፡ ተመልሶ ሲሄድም ተሳፋሪዎቹን
በፈገግታ መልከት ከማድረግ አልተቆጠበም፧ በአሜሪካውያን ስታይል።

አንድ ዝንጥ ያለ የፈረንሳይ ልብስ የለበሱ ሰው አየና ባሮን ጋቦን ሳይሆኑ አይቀርም› ሲል አሰበ፡ አንድ ያለ ካልሲ ጫማ ያደረጉ ጭንቅ ያላቸው ሰው አጠገቡ ተቀምጠዋል፡ ሁኔታቸው ሁሉ ለየት ያለ ነው ምናልባትም ፕሮፌሰር ሃርትማን ሳይሆኑ አይቀርም፡፡ የለበሱት ሱፍ ልብስ ጭምድድ ያለ ከመሆኑም በላይ ምግብ ካገኙ የሰነበቱ ይመስላል።

ሄሪ ሉሉ ቤልን ገና እንዳያት አወቃት፡፡ ነገር ግን በፊልም
እንደሚያያት ሳትሆን ጎልማሳ መሆኗን ሲያይ ቀልቡ ግፍፍ አለ፡፡
የምትሰራባቸው ፊልሞች ላይ የአስራ ዘጠኝ ዓመት ኮረዳ ነው የምትመስለው፡፡ ከዳይመንድ የተሰሩ ውድ የጆሮ ጌጦች፣ የአንገት ጌጥና የእጅ አምባሮች አጥልቃለች፡

አይሮፕላኑ ውስጥ ከመግባቱ በፊት የቆየበት ሆቴል ውስጥ የነበረችውን ጸጉረ ነጭ ውብ ሴትም ሲያይ አወቃት: አሁን የሰሌን
ባርኔጣዋን አውልቃለች፡፡ ዓይኖቿ ሰማያዊ ሲሆኑ ቆዳዋ ምንም ምልክት
የሌለበት ንፁህ ነው፡፡ አጠገቧ የተቀመጠው ጓደኛዋ የሆነ ነገር እየነገራት
ትስቃለች፡፡ ከሰውየው ጋር ፍቅር የያዛት መሆኑ በግልጽ ይታወቃል፡ ሄሪ ሴቶች ኮሚክ ወንድ ይወዳሉ ሲል ገመተ፡፡

በዳይመንድ የተለበጠ የሉል ጌጥ የያዘችው አሮጊት ልዕልት ላቪኒያ
ሳትሆን አትቀርም፡፡ ያለችበትን ቦታ በጥላቻ ታማትራለች፡፡ ቀጥሎ ባለው
ክፍል ውስጥ አምስት ሰዎች ተቀምጠዋል፡፡ ሰዎቹ ካርታ እየተጫወቱ ሲሆን እንደዚህ ባለ ረጅም ጉዞ ወቅት ጎበዝ ቁማርተኛ ብዙ ገንዘብ ሊበላ እንደሚችል ተገነዘበ፡፡

ወደ መቀመጫው ተመለሰና አስተናጋጁ ውስኪውን ሲያመጣለት
‹‹አይሮፕላኑ አልሞላም›› አለው አስተናጋጁን፡፡

ኒክም ‹‹ሞልቷል›› አለው፡፡

ሄሪ ዙሪያ ገባውን ተመለከተና ‹‹እዚህ ክፍል ውስጥ አራቱ ወንበሮች
ክፍት ናቸው፣ ሌሎቹ ክፍሎች ውስጥም እንዲሁ ነው፡፡››

‹‹አልተሳሳትክም፧ ይህ ክፍል ቀን ቀን አስር ሰው፣ በመኝታ ጊዜ ግን ስድስት ሰው ብቻ ነው የሚይዘው፡፡ ከራት በኋላ መኝታ ስናመቻች ታያለህ፡ እስከዚያው ዘና ብለህ ቁጭ በል›› አለው፡.....

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ ሶስት (13)

"ማይክ ፣ ለመሆኑ በቅርብ ጊዜ ፊትህን በመስታወት አይተኸው ታውቃለህ ? ማስፈራሪያ መስለሃልኮ! ማይክ እባክህ እምቢ አትበል። አንድ ነገር ልለምንህ››
«ምን?»
«እምቢ አትበል››
«እኮ ጠይቀኝ››
«በዚህ በመጭው እሁድ ቅዳሜ አንድ ቦታ ሄደን እናሳልፍ።» ሁሉም ፤ጓደኞቻችን ሁሉ ይምጣ ብለዋል። » ቤን ይሀንን ያለው ከልቡ ነበር። ይህ ደግሞ ለማይክል በደንብ ገብቶታል። ሆኖም አራሱን በአሉታ ነቀነቀ። «ቤን ደስ ይለኝ ነበር ። እውነት! ግን ይኸው እንደምታየው ነው ስራው፤ በተለይ የካንሳስ ሲቲ የገበያ ማእከል ጉዳይ። ሌላም አለ። ምን ዋጋ አለው ብለህ ነው። ምንም መልስ የማይገኝለት አርባ ሰባት ጥያቄ ሆነኮ። ትናንት ስብሰባው ላይ አንተስ ነበርክ አይደለምንዴ «እኔም ብቻ ሳልሆን ሌሎች ሃያ ሶስት ሰዎችም ነበሩ ። ታዲያ ያ ሁሉ ሰው እያለ አንተ ብቻህን ምን በወጣህ ነው ማይክ ? እስኪ አስበው! ትንሽ ማረፍ የለብህም እንዴ። ቢንስ ላንድ ዊክ ኤንድ! ወይስ ስራዬን ማንም እንዲነካብኝ አልፈልግም ባይ ነህ ?»

ይህ የመጨረሻው አረፍተ ነገር እውነት እንዳልሆነ ቤንም ይገባዋል። ያ ሳይሆን ሥራ ለማይክል መሸሻ መሸሸጊያው ስለሆነ ነበር። ሥራ ማደንዘዣው ፤ ከሀሳብ መገላገያ መድሀኒቱ በመሆኑ ነበር። «እባክህን እሺ በለኝ ማይክ። ያሁኑን ብቻ ። ላንድ ጊዜ ብቻ››
«አልችልም ስለማልችልኮ ነው። ወድጄ አይደለም፤ ቤን»
«ሥራ!» አለ ቤን በጩኸት «ሥራ!... እንዲህ ከሆነ አፈር ድሜ ይጋጥ ፤ ፊትህን በመስታወት እየው አልኩህ !ከዚህ የበለጠ ምን እንድልህ ትፈልጋለህ ? ! ሌት ተቀን ሥራ ሥራ እያልክ ከሰውነት ጎዳና ወጣህ አልኩህ ። ከዚህ የበለጠ ምን እንድልህ ትፈልጋለህ ? ማይክ ስነግርህ ለምን አትሰማኝም? ይኽኮ ታንቆ የመሞት ያህል ነው። ለምኑ ነው እንዲህ እምትሆነው ? ሥራ ትላለህ እንጂ ደሞ እውነቱን ሁላችንም እናውቃለን። ይመን አይመን ሴላ ነው። ይሁን እንጂ ሁሉም ሰው ያውቀዋል ።»

ትንፋሹን ውጦ በኃይል ከተነፈሰ በኋላ እንደገና በሀይለ ቃል ቀጠለ ። «ማይክ ትወዳት ነበር ፤ አውቃለሁ ። እኔም ላስባት እንኳ አልፈልግም እንኳን አንተ ። ግን አስበው ። እሷ አንዴ ቀረች፤ አንዴ አለፈች። ምንም ማድረግ አይቻልም ። አንተ ግን አለህ ይኸው ! በሕይወት አለህ ። ጤናማ የሃያ አምስት ዓመት ጎልማሳ ! ታዲያ የተረፈውን ሕይወትህን እንዲሁ ልታስቀረው ትፈልጋለህ ? አመድ ልትነሰንስበት ትሻለህ እንደ እናትህ ሥራ ሥራ እያልክ ፤ ለፈጠርከው የገንዘብ መንግሥት ፤ወይም ለተቀበልከው ስውር መንግሥት አገልጋይ ሆነህ ልትቀር ብቻ ትፈልጋለህ ? አይገባኝም ፤ ማይክ ። አልቀበልህም ። ይህ አካልህ ያው ይምሰል እንጂ እማውቅህ እምወድህ ሰው አይደለሀም ። የማውቀውን ፤ የምወደውን ሰው ሌላ የማላውቀው ሰው ድቡሽት ሲጭንበት እያየሁ ነው።ይህን ደግሞ አልቀበለውም ። ወጣ በል። ለመኖር ሞክር። ከዚህ ከቅርብ እንጀምር ። ከቆንጆ ፀሐፊህ ጋር ውጣ ። ወይም በየፓርቲው በቀን መአት ቆነጃጅት ማግኘት ይቻላል ። ወይም... »

« ውጣ!» አለ ማይክ ከጣራ በላይ ጮሆ አቋርጦት «ውጣልኝ ቤን! . . . ከቢሮዬ ውጣልኝ ። ሳላንቅህ ፤ ሳልገልህ ውጣልኝ !» ከመቀመጫው ተነስቶ ፤ጣቶቹን ለማነቅ አንጨፍርሮ በጠረጴዛው ላይ ሰውነቱን አስግጎ ነበር እንዲህ ያለው ። ጩኸቱ የቆሰለ አንበሳ ጩኸት ነበር ። ለቅጽበት ያህል ሁለቱም ጓደኞች ተፋጠው እያሉ በያሉበት ቆመው ቀሩ ። ሁለ ቱም ስለተናገሩት ነገር ፤ በመካከላቸው ስለተፈጠረው ሁኔታ ሲያሰቡ ደንግጠው ፈርተው ነበር ። «ኦ ይቅርታ አድርግልኝ ቤን » አለና ተቀመጠ ። እና ራሱን በእጆቹ ደግፎ አቀረቀረ ። እዚያው እንዳቀረቀረ ቆይቶ ቀና ሳይል ፣ «ለምን አንተወውም ። ይለፍ ሌላ ቀን» አለ ማይክ ። ቤን አቭሪ ቃል አልተነፈሰም ። ቀስ ብሎ የቢሮውን በር ከፍቶ ወጣ ። ሲወጣ እንኳ ማይክ ቀና ብሎ ሊያየው አልቻለም ። በሩን ዘግቶ ሔደ ቤን። ሌላ የሚባል የሚጨመር ነገር አልነበረምና ምን ምን ሊል አልቻለም ።

ያን ለት ቤን አቭሪ ከቢሮው የወጣው በሥራ ሰዓት ላይ አንድ ሰዓት ተኩል ጨምሮ ነበር ። ከምሽቱ አሥራ ሁለት ተኩል ላይ ከቢሮው ሲወጣ የማይክል ቢሮ መብራት እንደበራ ነበር። ገና እስከምሽቱ አምስት ሰዓት ድረስ ያ መብራት እንደማይጠፋ ቤን ተገነዘበ ። እውነት አለው ። የት ይሂድ ? ወደቤቱ እሚሔድበት ምን ምክንያትስ አለው ? ከሶስት ወር በፊት ማይክል የተከራየው አፓርትማ ባዶ ነው። ሁለት ታጣፊ ወንበሮች ፡ ፡ አንድ አልጋ ሌላ ምንም ዕቃ የለበትም ። ቤን ያ አፓርታማ በሆነ መንገድ የናንሲን የቦስተን አፓርትማ እንደሚመስል ተገንዝቧል ። ማይክም ይህን ሳያይ አይቀርም ። ምናልባትም የተከራየው ያን ስላየ ይሆናል ። ግን ዋጋ የለውም ። ቤቱ ቤት ሊመስለው አልቻለም ። ኑሮው ኑሮ ሊሆንለት አልቻለም ። ስለዚህም እሥራው ላይ ተደፍቶ መዋል ፤ ማምሸት አመጣ ። እንደ እብደት ሥራ ሥራ ሥራ አለ ። ካልደከመው እንቅልፍ ሊወስደው ስለማይችል ይሆናል ።

ይህ ነገር ቤንን ደስ ሊያሰኘው አይችልም ። ሆኖም እሱም ሆነ ሌላ ሰው ምንም ማድረግ አይችልም ። ማንም ሰው ማይክልን ሊያድነው ፤ ከገባበት ማጥ ጎትቶ ሊያወጣው አይችልም ። ያለ አንድ ሰው በስተቀር ። ያለ ናንሲ በስተቀር። ናንሲ ደግሞ የለችም ። ናንሲ ደግሞ ቀርታለች ። ሞታለች ። ቤን ስለናንሲ ሲያስብ መላ አካሉን ስቅቅ አለው ። ሆዱን አመመው ። ቢሆንም የሱ የአካልም ሆነ የመንፈስ ቁስል እየሻረለት ነበር ። ወጣት ነውና እየሻረለት ነበር ። ምነው የማይክልም ቁስል እንደሱ ቁስል ቢሽር? ነገር ግን የማይከል ስብራት ድርብ ነው ፤ የነፍስና የሥጋ ሥብራት

«እሺ ወጣቷ እመቤት ? እንዴት ነው ቃሌን የምጠብቅ ሰው ነኝ ወይስ አይደለሁም ? ቤቱ እንዴት ነው ? ውበትን ለማሳየት ታቅዶ የተሠራ አይመስልሽም ?» አለ ፒተር ግሬግስን ግሬግሰን ይህን የሚለው ለናንሲ በተከራየላት አፓርታማ መናፈሻ ሰገነት ላይ ተቀምጠው የአካባቢውን ትዕይንት በማየት ላይ እንዳሉ ነበር ። ይህን ሲል መለስ ብላ አየችው። እሱም አያት በመተያየት ሐሳባቸውን ተለዋወጡ ። የናንሲ ፊት አሁንም በፋሻ እንደተጠቀለለ ሲሆን ዓይኖቿ እፋሻው መሐል በደስታ ሲጨፋፍሩ ይታያሉ። የእጅዋ ላይ ፋሻ ተፊትቷል ምንም እንኳ የከዚህ በፊቱ እጆቿን ባይመስሉም ውብ ነበሩ ። አፓርትመንቱ ፤ እመናፈሻ ሰገነቱ ላይ ሆኖ ማታ የፀሐይን መጥለቅ ፤ ጥዋት የፀሐይን መውጣት ለማየት እንዲያመች ሆኖ የተሠራ ሲሆን ይህ ደግሞ ለናንሲ ወሰን የሌለው ደስታን ሰጥ ቷት ነበር ። ፒተር እንደፎከረው ከሁሉም የተሻለውን አፖርታማ አገኘላት ። ይህን ስታስብ «ታውቃለህ ፒተር፣ አንዳንዴ እንደኛየን ሙልቅቅ አልኩኮ እያልኩ አስባለሁ» አለች ።

«ሲያንስሽ ነው ። ይልቅስ? አንድ ነገር አስታወስሺኝ ።. አንድ ዕቃ አምጥቼልሻለሁ» አለ ፒተር ገና ዕቃ እንዳመጣላት ሲናገር እንደሕፃን ልጅ መፈንጠዝ ጀመረች ፒተር አየት አድርጓት ፊቱ በደስታ እንደበራ ወደ ቤት ገባ ። ናንሲ ስለፒተር አሰበች ። ደግ ሰው ነው ። ትወደዋለች ምን ጊዜም ቢሆን የሚያስደስታትን ነገር ሲያድን የሚውል ይመስላታል ። የማይሰጣት ስጦታ የለም። እንደልጅ ያጫውታታል የመጽሔት ክምር ፤ የመጸሕፍት ቁልል ፤ አስቂኝ አሠራር ያለው ባርኔጣ ፤ ወደር የሌለው ያንገት ልብስ ያበረክትላታል ። እጆቿን ጠግኖ ፋሻውን ሲፈታ ላዲሱ እጅዋ መመረቂያ የሚያማምሩ አምባሮች ሰጣት ።

አንድ ከበድ ያለና የተጠቀለለ አራት ማዕዘን ነገር ይዞ መጣ ። ገና ስታየው መፈንደቋ ጨመረ ። ምን ይሆን ? ትልቅ ነገር መሆን አለበት ። ጭኗ ላይ አስቀመጠላት ። ልክ ነው የገመትኩት ፡ ልክ ነው ! ስትል አሰበች ። «ምንድነው ፒተር ? የሆነ እንደ ድንጋይ የሚከብድ ነገር» አለች ። «እንደ ድንጋይ አልሺኝ ? አልተሳሳትሽም ። በየሱቁ ዞሬ በገበያ ላይ ያገኘሁትን የመጨረሻውን ትልቅ የከበረ ድንጋይ ነው ገዝቼ ያመጣሁልሽ» አላት ። ይህን ነበር የገመተችው ። ፈታችው ። ከገመተችው ፤ ካሰበችው ውጭ ነበር የዛሬው ስጦታ ።« ሆኖም ልክ ነው።ካሰበችውም የሚበልጥ ታላቅ ስጦታ ሆኖ አገኘችው ። «ፒተር ! አምላኬ ፤ ምን ዓይነት ስጦታ ነው ይሄ ? በፍጹም ልቀበልህ አል...»
« ትችያለሽ እንጂ ! መቀበል አለብሽ ። ሆኖም ይሀን ስጦታ በነፃ ልሰጥሽ አልፈልግም ። ብዙ ስራ ፤ ቆንጆ ሥራ ሠርተሽ እንድታሳይኝ እፈልጋለሁ » ካሜራ ነበር ስጦታው ። ፤ ይህ ደግሞ ቀላል ነገር አልነበረም ። ፒተር ይህን ስጦታ ብዙ አስቦበት ፤አውጥቶ አውርዶ ነበር የገዛው። ምክንያቱ ለፒተርም ለናንሲም ግልጽ ነው ። ። እንግዲህ ናንሲ የስዕል ሥራዋን እንደገና ለመጀመር ሐሳቧ እምቢ እንዳላት ሁለቱም ያውቃሉ ። ሥዕል ሞክሪ ስትባል በመጀመሪያ በእጅዋ ስታመካኝ ቆየች ። አሁን የእጅዋ ሕክምና ሲያልቅና ሲፈታ ምን ምክንያት ልትፈጥር ትችላለች ? ለናንሲ ይህ ጭንቅ ነበር ። ለፒተር ደግሞ መፍትሔ የሚፈለግለት ጉዳይ ነበር ። መፍትሔ ይኸው ካሜራ ። ሥዕል ለመሳል ስላልፈለገች ፤ ነርሶች ያመጡአቸው የዱሮ ሥዕሎቿ እንኳ ለጉዞ እንደተቀረቀቡ ናቸው ። ልታያቸው አልፈለገችም ። አሁን በቃ ። ፎቶግራፍ ታነሳለች ።

«በነገራችን ላይ ካሜራው መመሪያ አለው ። እኔ ላነበው ብሞክር ምኑም አልገባህ አለኝ ። ከዚህ ካሜራ አሠራር ይልቅ የሕክምና ሙያ ትምህርት ቀለል ሳይል አይቀርም ። ላንቺ ግን ይገባሻል ብዬ ነው » አለና ሰጣት ። ተቀበለችውና ገልበጥ ገልበጥ አደረገችው። ላንድ ካሜራ ይህን ያህል መመሪያ ! ካሜራው በጣም የተራቀቀ መሆን አለበት። ገልበጥ ፤ ገልበጥ ። ትንሽ አነበበች ። ተመሰጠች ። በኋላ ማስረዳት ቀጠለትች ካሜራውን ይዛ ። «አየህ… እየው ፤ እዚህ ላይ ጠቅ ስታደርገው. . . ይታይሃል ? » እያለች ፤ «ይህን ስተነካው ደሞ...» እያለች ። «ታዲያ ይህ ስጦታ በሕይወቴ ከተሰጡኝ ስጦታዎች ሁሉ የላቀና ያማረ ነው» አለች ። ሆኖም ማይክል እባዛሩ ላይ አሸንፎ ከሰጠኝ ያንገት ጌጥ ሌላ ብላ በልቧ ጨመረች ። ይህን ሐሳብ ግን ልትገፋበት አልደፈረችም ። ይህ ሀሳብ በፊቷ ላይ ሲዳምን ፒተር አይቷል ። ብዙ ጊዜ ይጠብቀዋል ። እንድ የተጐዳችበት ነገር . . . ያለፈ ሕይወቷ ቁስል...

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ጠላፊዎቹ
፡
፡
#ክፍል_አስራ_ስምንት
፡
፡
#በኬንፎሌት
፡
፡
#ትርጉም_ወንዳየሁ_ንጉሴ


.... ሄሪ ዙሪያ ገባውን ተመለከተና ‹‹እዚህ ክፍል ውስጥ አራቱ ወንበሮች
ክፍት ናቸው፣ ሌሎቹ ክፍሎች ውስጥም እንዲሁ ነው፡፡››

‹‹አልተሳሳትክም፧ ይህ ክፍል ቀን ቀን አስር ሰው፣ በመኝታ ጊዜ ግን ስድስት ሰው ብቻ ነው የሚይዘው፡፡ ከራት በኋላ መኝታ ስናመቻች ታያለህ፡ እስከዚያው ዘና ብለህ ቁጭ በል›› አለው።

ሄሪ ዊስኪውን እየተጎነጨ ነው፡፡ አስተናጋጁ ታዛዥና ፈጣን ቢሆንም ለንደን ሆቴሎች ውስጥ እንደሚሰሩት አስተናጋጆች ግን ጠብ እርግፍ
አይልም፡፡ አሜሪካውያን አስተናጋጆች የተለየ የደምበኛ አቀባበል ስርዓት
ሳይኖራቸው አይቀርም ሲል ገመተ፡ በለንደን ሆቴሎች አስተናጋጆች በአክብሮት አንገታቸውን እያጎነበሱ ‹‹ጌታዬ ምን ልታዘዝ›› የሚሉትም አቀባበል የበዛ ትህትና ሆኖ ነው ያገኘው፡፡

ሻምፓኟን እየተጎነጨች መጽሔቷን የምታገላብጠውን ማርጋሬት ኦክሰን ፎርድን መወዳጃው ሰዓት ሳይደርስ አይቀርም ሲል አሰበ ሄሪ፡፡ ከእሷ ዓይነት ኮረዶች ጋር ብዙ ጊዜ የማገጠ ስለሆነ ሴቶችን የመቅረብ ችግር የለበትም፡

‹‹ለንደን ነው የምትኖሩት?›› ሲል ጨዋታ ጀመረ፡

‹‹ለንደን ውስጥ ቤት አለን ነገር ግን ብዙ ጊዜያችንን የምናጠፋው ገጠር
ነው:፡ አባታችን በርክሻየን የሚባል አገር ርስት፣ ስኮትላንድ ውስጥ ደግሞ
የጠመንጃ ተኩስ መለማመጃ ቦታ አለው›› ስትል በተሰላቸ ሁኔታ መልስ
ሰጠችው ርዕሱ እንዲነሳ እንዳልፈለገች ሁሉ፡

‹‹አውሬ ታድናላችሁ?›› ሲል ጠየቃት፤ሃብታሞች በሙሉ አደን ስለሚወዱና ስለእሱም ማውራት ደስ እንደሚላቸው ስለሚያውቅ፡፡

‹‹ብዙም አናድንም›› አለች ‹‹ከዚያ ይልቅ ተኩስ እናዘወትራለን››

‹‹ተኩስ ታዘወትሪያለሽ?›› ሲል ጠየቃት ተገርሞ ተኩስ የወይዛዝርት
ተግባር እንዳልሆነ ስለሚያውቅ፡፡

‹‹እንደዚህ አይነት የማይረቡ ጥያቄዎችን ለምን ትጠይቀኛለህ?››
አለችው ፊቷን ወደእሱ አዙራ፡

ሄሪ ያልጠበቀው ምላሽ በመሆኑ ደንገጥ አለ፡፡ ቀጥሎ ምን ሊላት
እንደሚችል አላወቀም፡ የዚህ አይነት ጥያቄዎች በርካታ ኮረዶችን ጠይቋል፧
ሁሉም ግን እንደዚህ አይነት ምላሽ አልሰጡትም፡፡ ‹‹እነሱ የማይረቡ ሆነው
ነው?›› ሲል ጠየቃት፡፡

‹‹እኔ የት እንደምኖር ወይ አደን ላድን አላድን አንተን ምን ያገባሃል?››

‹‹ታዲያ እኮ ባለጸጎች ይህን ነው ሲያወሩ የሚውሉት››
‹‹አንተ ታዲያ ባለጸጋ አይደለህ›› አለችው፡፡
ወደ እንግሊዛዊ የአነጋገር ዘይቤ ተመለሰ፡፡
ማርጋሬት ሳቀችና ‹‹ይሻላል›› አለችው፡፡

‹የአነጋገር ዘይቤዬን ቶሎ ቶሎ መቀየር አልችልም እደነጋገራለሁ››
‹‹እንግዲያው የጅል ጥያቄ የማትጠይቀኝ ከሆነ የአሜሪካውያንን
የአነጋገር ዘይቤህን እታገስልሃለሁ››
‹‹አመሰግናለሁ ማርዬ›› አላት ሄሪ ቫንዴርፖስት ነኝ ብሎ ራሱን አሳምኖ፡፡ ብዙም አስቸጋሪ እንዳልሆነች ገምቷል፡፡ ይህንንም ሁኔታዋን ወዶላታል
‹‹ሽወዳውን ተክነኸዋል›› አለችው፡፡

የውይይታቸውን ርዕስ መለወጥ ፈለገ፡፡ ልቧን እንዴት ማሸነፍ እንደሚችል አልከሰትልህ አለው። ከሌሎች ጋር እንደማገጠው ከእሷ ጋር ለመማገጥ ቀላል እንዳልሆነ አውቋል፡፡

‹‹እኔ ብዙም ትምህርት የለኝም›› አላት፡፡ ብዙዎቹ ባለጸጎች ስለተማሩት
ትምህርት ሲያወሩ ውለው ሲያወሩ ቢያድሩ አይሰለቻቸውም፡፡ ማርጋሬት
እንደ እሷ ካሉ ሴቶች ጋር ስትነጻጸር ጨዋ መሆኗ አስደስቶታል፡፡

‹‹ስለ ትምህርት ሲነሳ ምን እንደሚሰማኝ እኔ ነኝ የማውቀው ምክንያቱም እኔም ብሆን በስርዓቱ አልተማርኩም›› አለች፡፡

‹‹ይሄ ሁሉ ገንዘብ እያላችሁ?›› ሲል ጠየቃት፡፡

በአዎንታ ራሷን ነቀነቀች ‹‹ይኸውልህ ትምህርት አልተማርንም››

ሄሪ ጆሮውን ማመን አቃተው፡ ለሰራተኛው መደብ የለንደን ነዋሪ
ልጅን ትምህርት ቤት አለማስገባት እንደ ውርደት ነው የሚቆጠረው፡
ተማሪዎች ጫማዎቻቸውን ለጫማ ሰፊ ሲሰጡ ከትምህርት ቤት አስፈቅደው ይቀራሉ ተለዋጭ ጫማ ስለሌላቸው፡፡ ‹‹ነገር ግን ልጅን ትምህርት ቤት
አለማስገባት ማለት የሚታሰብ አይደለም›› አለ ሄሪ፡፡ ‹‹የማይታመን ነው፡
ሃብታሞች ሁሉን ማድረግ የሚችሉ ነበር የሚመስለኝ፡፡››

‹‹አባታችን ግን ለየት ያለ ሰው ነው››

‹‹ወንድምሽ?›› ሲል ጠየቃት ባገጩ ወደ እሱ እያመለከተ።

‹‹ኦ እሱ ኢንተን ነው የሚማረው›› አለች በምሬት በለንደን ውስጥ አሉ
ከሚባሉት ትምህርት ቤቶች ውስጥ አንዱን እየጠቀሰች ‹‹ለወንዶች ሲሆን
ጉዳዩ የተለየ ነው››

ሄሪ ‹‹ይህ ማለት ከአባትሽ ጋር ለምሳሌ እንደ ፖለቲካ በመሰለ ጉዳይ ልዩነት አለሽ ማለት ነው?››

‹‹አዎ ልዩነት አለን፡፡ እኔ የሶሻሊዝም ደጋፊ ነኝ፡፡››

‹‹እኔ የኮሚኒስት ፓርቲ አባል ነበርኩ›› አለ፡፡ እውነቱን ነው፡፡ አስራ
ስድስት ዓመት ሲሞላው አባል ሆነና ከሶስት ሳምንት በኋላ ወጣ፡፡

ይህን ስትሰማ ለወሬ አቆበቆበች ‹‹ለምን ወጣህ?››

እውነታው የፖለቲካ ስብሰባዎች ስልችት ስለሚሉት ነው፡፡ ‹‹በቃላት
መግለጽ ይከብደኛል›› አላት፡፡

እሷ ግን በቀላሉ አለቀቀችውም ‹‹ለምን እንደተውከው ማወቅ
እፈልጋለሁ››

“ለኔ እነዚያ ስብሰባዎች የሰንበት ትምህርት ቤትን ያስታውሱኛል›› አላት።

ይህን ስትሰማ በሳቅ ተንከተከተች፡፡

‹‹ለማንኛውም የወዛደሩ መደብ በላቡ ሰርቶ የሚያገኘውንና በበዝባዦች
የተነጠቀውን ሀብት ለአምራቹ ለራሱ በመመለስ በኩል ከኮሚኒስቶች በተሻለ
ሁኔታ ሳልሰራ አልቀረሁም››

‹‹እንዴት ማለት? ሀብታሞችን ብቻ ነው የምትመነትፈው ማለት ነው?

‹‹ደሀው የሚዘረፍበት ምንም ምክንያት የለም ምንም ስለሌለው፡››

እንደገና ሳቀችና ‹‹መቼም በስርቆት ያገኘኸውን ሀብት እንደ ሮቢን ሁድ አታከፋፍልም?››

‹‹እኔ የእርዳታ ድርጅት አይደለሁም›› አለ ትከሻውን እየሰበቀ ‹‹ነገር ግን አንዳንድ ጊዜ ደሃ የምረዳበት ጊዜ አለ››

‹‹የሚገርም ነው›› አለች ‹‹እንዳንተ ያሉ ሰዎች መኖራቸውን አውቃለሁ፡ ነገር ግን ከእንደዚህ ያለ ሰው ጋር በአካል መገናኘት ሌላ ነገር ነው:.

‹ብዙም አታካብጂው ነፍሷ አለ በሆዱ፡፡ ስለ እሱ ማወቅ የሚፈልጉ ሴቶች ሰላም ይነሱታል፡፡ ‹‹እኔ ከሌላው ምንም የምለይበት ነገር የለም የመጣሁት አንቺ ከምታውቂው የህብረተሰብ ክፍል ነው፡››

በዚህ ርዕስ ላይ ብዙ ተነጋገርን፤ አሁን ሌላ ርዕስ መቀየር ይኖርብናል› ሲል አሰበና ‹‹ድህነቴን እንዳስታውስ አድርገሽ እፍረት ውስጥ ከተሺኛል›› አለ ፊቱ በሃፍረት ቀልቶ፡፡

‹‹ኦ ይቅርታ›› አለች ተሰምቷት፡፡ ትንሽ አሰብ አደረገችና ‹‹አሜሪካ
ለምን ትሄዳለህ?›› ስትል ጠየቀችው፡፡

‹‹ከሬቤካ ሞግሃም ፍሊንት ለማምለጥ››

ሳቀችና ‹‹አይ የምሬን ነው የምልህ››

ይቺ ሴት አንዴ ከያዘች የምትለቅ አይደለችም አለ በሆዱ ‹‹እስር ቤት
እንዳልገባ ነው አገር ለቅቄ የምሄደው››

‹‹እዚያ ስትደርስስ ምን ልትሰራ ነው ያሰብከው?››

ካናዳ አየር ኃይል ለመግባት ሃሳብ አለኝ፡፡ አይሮፕላን ማብረር መማር እፈልጋለሁ››

‹‹እንዴት ደስ ይላል!››
‹‹እናንተስ ለምንድነው አሜሪካ የምትሄዱት?››

‹‹አገር ጥለን እየጠፋን ነው›› አለች እያንገሸገሻት፡፡

‹‹ምን ማለትሽ ነው?››
‹‹አባታችን የፋሺስት አስተሳሰብ አራማጅ እንደሆነ መቸም ሳታውቅ
አትቀርም››

ሄሪ ራሱን በአዎንታ ነቀነቀ ‹‹ጋዜጣ ላይ አንብቤያለሁ››

‹‹በእሱ አስተሳሰብ ናዚዎች ግሩም ሰዎች ስለሆኑ ከእነሱ ጋር ውጊያ መግጠም ተገቢ አይደለም ብሎ ያምናል፡ አገር ውስጥ ከቆየም ወህኒ መውረዱ አይቀሬ ነው፡››

‹‹ስለዚህ አሜሪካ ልትኖሩ ነዋ››

‹‹የእናቴ አገር ኮኔክቲከት አሜሪካ ነው፡››

‹‹እዚያ ብዙ ትቆያላችሁ?››
‹‹እናትና አባቴ ቢያንስ ጦርነቱ እስኪያልቅ ይቆያሉ፡፡ ምናልባትም
አይመለሱም ይሆናል››

‹‹አንቺ ግን መሄድ አትፈልጊም››

«አዎ አልፈልግም›› አለች ፈርጠም ብላ ‹‹እኔ እዚህ ቆይቼ ለአገሬ መዋጋት እፈልግ ነበር፡፡ ፋሺዝም አስከፊ በመሆኑ እሱን የሚከላከል ጦርነት
ደግሞ ፍትሃዊ ስለሆነ በዚህ ጦርነት ውስጥ የራሴን አስተዋጽኦ ማድረግ
ፈልጋለሁ……...>> ስለ ስፓኒሽ የእርስ በእርስ ጦርነት ማውራቷን ቀጠለች
ሄሪ ግን በግማሽ ልቡ ነው የሚሰማት፡፡ አንድ ልብ የሚሰቅል ነገር በሃሳቡ
ስለመጣ እንዳይታወቅበት ፊቱ ላይ ምንም ዓይነት ለውጥ እንዳይታይ
መጠንቀቅ ይኖርበታል፡ የመጣበት ሀሳብ ሰዎች ጦርነት ተቀስቅሶ ሲሰደዱ
ውድ ጌጣ ጌጦቻቸውን አገራቸው ጥለው አይመጡም› የሚል ነበር፡

ነገሩ እንዲህ ነው: ወራሪው ጦር እየገሰገሰ ሲመጣ ገበሬዎች ከብቶቻቸውን እየነዱ ይሰደዳሉ፡ ይሁዲዎች ከናዚ ጀርመን ተሰድደው የወጡት የወርቅ ሳንቲሞቻቸውን በየልብሶቻቸው ሰፍተው ነው፡ የ1917 የሩሲያ አብዮት ሲፈነዳ እንደ ልዕልት ላቪኒያ ያሉ የሩሲያ ባላባቶችና መኳንንት በመላው የአውሮፓ ከተሞች የእንቁላል ቅርጽ ያለውን ውድ የከበረ ሉሎቻቸውን በእጃቸው እንደያዙ ነበር፡

ጌታ ኦክሰንፎርድም ቢሆኑ ወደ አገራቸው እንደማይመለሱ ሳያስቡበት
አይቀሩም:፡ በተጨማሪም የእንግሊዝ መንግስት ባለጸጎች ከአገር ሲወጡ
ገንዘባቸውን እንዳያሸሹ የውጭ ምንዛሬ ቁጥጥር ህግ አውጥቷል፡
የኦክሰንፎርድ ቤተሰብ ጥለው የመጡትን ንብረት ባለበት ሁኔታ መልሰው
እንደማያገኙት አውቋል፡፡ ታዲያ ከአገር የወጡት በእጅ ሊያዝ የሚችለውን
ውድ ንብረት በሙሉ ይዘው ነው፡፡

በእርግጥ ውድ ጌጣጌጥ በሻንጣ ይዞ መጓዝ አስተማማኝ አይደለም:
በአሁን ጊዜ አስተማማኝ የሆነው የቱ ነው? በፖስታ ቤት መላክ ወይስ
በተበቃይ መንግስት እንዲወረስ ትቶ መምጣት ወይስ በወራሪ ጦር መዘረፍ?

የኦክሰንፎርድ ቤተሰብ ውድ ጌጣጌጦችን ይዘው ነው የመጡት በተለይም ዴልሂ ስዊት› የተባለውን ጌጣ ጌጣቸውን፡፡

ሄሪ ይህን ሲያስብ ትንፋሽ አጠረው፡ ዴልሂ ስዊት ከእመቤት ኦክሰንፎርድ የጌጣጌጥ ስብስቦች ውስጥ ምርጡና ውዱ ጌጣጌጥ ነው፡ ይህ
ጌጣጌጥ ከአልማዝና ከወርቅ የተሰራ ሲሆን የአንገት ሃብል፣ አብሮ የሚሄድ የጆሮ ጌጥና አምባር ያካተተ ኮምፕሌት የሆነ ጌጣጌጥ ነው፡፡ ጌጣጌጦቹ ከበርማ የተገኙ ሲሆን በአስራ ስምንተኛው ክፍለ ዘመን በህንድ አገረ ገዥ የነበረ አንድ የእንግሊዝ ጄነራል ነው ያመጣው፡፡ ዴልሂ ስዊት ሩብ
ሚሊዮን የእንግሊዝ ፓውንድ ያወጣል ተብሎ ይታመናል፡ ይህ ገንዘብ
ደግሞ አንድን ሰው ዕድሜውን በሙሉ ያኖረዋል፡

ይህም ጌጣጌጥ እዚህ አይሮፕላን ላይ ነው ያለው፡፡

ማንም ልምድ ያለው መንታፊ ደግሞ አይሮፕላን ወይም መርከብ ላይ
ለመስረቅ አይሞክርም፡፡ ምክንያቱም የተጠርጣሪዎች ቁጥር ጥቂት ነውና ይባስ ብሎ ደግሞ ሄሪ አሜሪካዊ ነኝ ብሎ በሃሰት ፓስፖርት እየተጓዘ ነው በእንግሊዝ ፍርድ ቤት የሚፈለግበትን የዋስ ገንዘብም አልከፈለም
የተቀመጠውም ፖሊስ አጠገብ ነው፡፡ ስለዚህ የዴልሂ ስዊት ጌጣጌጥ ላይ
እጅን ማሳረፍ እብደት በመሆኑ ማሰቡ እንኳን በፍርሃት አርዶታል፡

ግን ደግሞ ሌላ ጊዜ እንደዚህ አይነት ዕድል ላይገጥመው ይችላል
ወዲያው ውሃ ውስጥ እየሰጠመ ያለ ሰው አየር ለማግኘት እንደሚጎበስተው
ሁሉ እነዚህን እንቁዎች በእጁ ማስገባት ክፉኛ ተመኘ፡፡

ምናልባትም ጌጣጌጦቹን ከግማሽ ሚሊዮን ፓውንድ በላይ ሊሸጣቸው እንደማይችል አውቋል፡፡ ምናልባትም ሃያ አምስት ሺህ ፓውንድ እንኳን
ቢሽጣቸው ከአንድ መቶ ሺህ ዶላር በላይ ያገኛል፡ ይህም ገንዘብ እድሜውን
ሙሉ ሊያኖረው እንደሚችል ገምቷል፡፡

በርካታ ገንዘብ እጁ እንደሚገባ ሲያስብ አፉ ምራቅ ሞላ፡
ጌጣጌጡን ለመስረቅ ወሰነ፡፡
ሲሰርቅ ከተያዘ አለቀለት፡ ሆኖም እሱ ሁሌም በዕድል ከአደጋ እንዳመለጠ ነው፡፡

✨ይቀጥላል✨

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ አራት (14)

ይህን ሐሳብ ግን ልትገፋበት አልደፈረችም ። ይህ ሀሳብ በፊቷ ላይ ሲዳምን ፒተር አይቷል ። ብዙ ጊዜ ይጠብቀዋል ። እንድ የተጐዳችበት ነገር . . . ያለፈ ሕይወቷ ቁስል...
ቢሆንም በጊዜ ብዛት ልትረሳው ትችላለች ተስፋ ያደርጋል።
«ፊልምስ ? ፊልም አላመጣሀልኝም ? »
«አምጥቻለሁ እንጄ !» አለና አነስ ያለች አራት ማዕዘን ጥቅል እየወረወረላት ፤ «ካሜራ አምጥቼ ፊልም ልርሳ ?» ሲል ጠየቃት ። «አንተ !! አንተ ምንም አትረሳ !» አለችና መጣደፍ ጀመረች ፤ ካሜራውን ፊልም ለመሙላት ። ወዲያው በተለያዩ አቅጣጫዎች ፤ በተለያየ መንገድ ጠቅ ጠቅ ፤ጠቅ ፎቶ ታነሳው ጀመር ። ይህን እያደረገች እያለ አነስ ያለ ቁጥር ያላቸው ወፎች ባጠገባቸው ሲበሩ ቶሎ ብላ አነሳቻቸው ። «ምናልባት ደህና ፎቶ ላይወጣ ይችላል ። ግን ለመነሻ ምንም አይልም» አለች ። እሱ ግን በጽሞና ይመለከታት ነበር ። ለረጅም ጊዜ በዚህ ሁኔታ ሲያጤናት ከቆየ በኋላ ብድግ ብሎ አጠገቧ ቆመና እጁን ጣል አደረገው እትከሻዋ ላይ ። ከዚያም «ናንሲ ዛሬ ላበረክትልሽ ያቀድኩት ሌላም ስጦታ አለኝ» አላት ። «ገባኝ አወቅኩት ፤ መርሰድስ ነው አይደል?» «የለም ናንሲ ፤ አሁን እውነቴን ነው» አለና በለስላሳ የጽሞና ፈገግታ ተመለከታት ፤ ካንዲት ጓደኛዬ ጋር ላስተዋውቅሽ እፈልጋለሁ ፤ የሁለታችንም ጓደኛ እንድትሆን ። ለየት ያለች እመቤት ነች»

አንዳንድ ቅጽበት አለች ። የምናስበውን በቅጡ መረዳ? የማንችልባት ። በዚያች ዓይነቲቱ ቅጽበት ናንሲን የሆነ ቅናት መላ አካሏን ሲወርራት ተሰማት ። ቢሆንም ከፒተር ሁኔታ/ ስሜት ሊሰማት እንደማይገባ ተረዳች ። «ፌ ትባላለች» አለ ፒተር ። «ሕክምና ያጠናነው ባንድ ነው ። ባሁኑ ጊዜ ፌ አሊሰን በምእራብ ዩናይትድ ስቴትስ ከሚገኙት ሳይኪያችሪሰቶች አንዷ ናት ።ምናልባትም በሀገሪቱ ሉ ከሚባሉት ታላላቅ የአዕምሮ ሐኪሞች አንዷ ልትሆንም ትችላለች ። በጓደኝነት መልክ ከሆነ ደግሞ ጓደኛ ሳይሆን ሁሉን ነገር የማለት ያህል ናት ።እንደምትወጂያት ተስፋ አለኝ ።»
«እና ?» አለች ናንሊ በመንፈሷ ውጥረትና የማወቅ ጉጉት ይታይባታል ።
«እናማ ብትተዋወቁ... ብታነጋግሪያት ደህና ይመስለኛል ። ማለት ነገሩን ከዚህ በፊት በመጠኑ ይሁን እንጂ ተነጋግረንበታል»
«ትንሽ የተዛባ ፤ ማለቴ መንፈሴ በቅጡ የተረጋጋ መስሎ አልታየህም ማለት ነው? » የመከፋት ድምጽ ነበር ። ይህን ስትጠይቀው ካሜራውን ወደ ጐን ቁጭ አደረገች ።
«አላልኩም ናንሲ ፤ በሁሉም በኩል ምንም እንከን የለብሽም ። ከቀን ወደ ቀን እየተረጋጋሽ ፤ ከቀን ወደ ቀን አዲስ እየሆንሽ እንደምትሄጂ አትጠራጠሪ ። ግን ደግሞ አስቢው ። ሌላው ቢቀር የሚያዋራሽ ፤ ከኔ ሌላ ሰው ያስፈልግሻል ። እኔ ፤ ሊሊና ግሬችን ብቻ በቂ አይደለንም ። ሌላ ሰው ያስፈልግሻል ወይስ አያስፈልግሽም ? » አለ ። መልሱን በልቧ ሰጠች ። አዎ አለች በልቧ ፤ያስፈልገኛል ። ያም ሌላ ሰው ማይክል፤ እሱ ብቻ ነው ።

«እንጃ ርግጠኛ አይደለሁም ። አስቤው አላውቅም» አለችው፡፡ «ከፌ ጋር ከተዋወቃችሁ በኋላ ለካ ታስፈልገኝ ኖሯል እንደምትይ ርግጠኛ ነኝ ። በጣም ደግና ሰው ወዳድ ፍጡር ናት። በዚያም ላይ ስላንቺ ሁልጊዜ ትጠይቀኛለች»
«ታውቃለች ማለት ነው? »
«ገና ነገሩ ሲወጠን ጀምሮ !» አለ ። ይህን ያለውም ናንሲን ለማግባባት አልነበረም ። እውነቱን ነበር ። ዶክተር ዊክፊልድና ማሪዮን ሂልያርድ ደውለው ያነጋገሩት ዕለት ፌ አሊሰን አብራው ነበረች ። ምክንያቱም ምንም እንኳ ናንሲ ይህን ማወቅ ባይኖርባት ፤ ፒተር ግራግሰንና ፌ አሊሰን በአካልም ግንኙነት አላቸው ። እንደ ፍቅረኞችም ናችው ጉዳዩ ግን በጣም የጠነከረ አልነበረም ። ቢሆንም አንዳንድ ጊዜ ያደርጉታል ። ከሱ ይልቅ ጓደኝነታቸው የጠነከረ ነው ። «ዛሬ ከቀትር በኋላ እመጣለሁ ብላኛለች ። ቡና እየጠጣን እንጫወታለን ። እንዴት ነው ! ቅር ይልሻል ?»
«አይ ቅር አይለኝም» አለች ፤ ምክንያቱም ቅር ይለኛል ብትልም ዋጋ አልነበረውም ። ያለቀለት ጉዳይ ነው ። ከዚያ በኋላ የወትሮዋ ናንሲን መሆን አልቻለችም ። ሁሉ ነገሯ ቁጥብ ሆነ ። የለም የሌላ ሰው በሷና በፒተር መካከል መገባት ምንም ደስታ ሊሰጣት አልቻለም ። ሦስተኛ ጓደኛ... ለዚያውም ሴት ፤ አልመስልሽም አላት ። የውድድርና የእምነት ማጣት ስሜት ዋጣት ።

ይህም የሆነው ከፌ ጋር እስኪተዋወቁ ፤ ፌን እስክታያት ነበር ። ፌ አሊሰን በተባለው ሰዓት መጣች ። አየቻት። ረጅም ፤ ቀጭን ፤ ነጣ ያለ ወርቅማ ፀጉር ያላት አጥንተ ሰፊ ሴት ነበረች ። ሆኖም ፊቷ ምንም ዓይነት ጭካኔ ወይም ክፋት አይታይበትም ። ይህም ሁሉ ሆኖ የናንሲ ልብ አላመነም። ጨዋታ ሲጀመር ፌ በቀላሉ ቀጠለች። ዓይኖቿ ሕያው ሲሆኑ ፈጥኖ የመገንዘብ ችሎታም ይታይባታል ። ቀልድ ሲመጣ ሰም ቀለድ ፤ ሲጠይቋት ለመመለስ ፤ የሳቅ ሰዓት ሲሆን ደግሞ ከት ብላ ለመሳቅ ተዘጋጅታ የምትጠብቅ ትመስላለች ። ልብ ብሎ ያያት ሰው ለቁምነገርና ጨዋታም ዝግጁ መሆኗን ሊገነዘብ ይችላል ። በቂ ቃላት ከተለዋወጡ በኋላ ፒተር ሹልክ ብሎ ወጣ ሁለቱ ይበልጥ እንዲጫወቱ ብቻቸውን እንዲሆኑ ። ያኔ ናንሲ ደስ ተሰኘች ። ከልብ ደስ ተሰኘች ።

ፌና ናንሲ ስለብዙ ነገር አወሩ ። ሺህ ጉዳዮችን አነሱ ይህ ሁሉ ሲሆን ግን በናንሲ ላይ ስለደረሰው አደጋ አላነሱም፡፡ ወዲያው ፌ ስላሳለፈቻቸው ነግሮች ቀስ እያለች ታጫውታት ጀመር ። ቁርጥራጭ አጋጣሚዎችን ከሕይወቷ ውጥንቅጥ እየመዘዘች ነገረቻት ። ናንሲም ሳታስበው ከሕይወቷ አካል ትንሽ ገለጥ እያደረገች በጨረፍታ አሳየቻት ። እየቆየች ከዚያ በፊት በተለይም ከማይክል ጋር ከመገናኘቷ በፊት ለማንም ሰው ነግራ የማታውቃቸውን ነገሮች ሁሉ ነገረቻት ። ስለ እጓለማውታን ማሳደጊያው አወጋቻት ። ይህም ለፒተር በነገረችው መንገድ ሳይሆን ፤ ማለት በቀልድ ሳይሆን የምር ይሰማት የነበረውን ትዘከዝክላት ጀመር ። ብቸኝነቱን ፤ ማን ነኝ ? ከየት መጣሁ ? ብላ ትጠይቀው የነበረውን ፤ ማን ለምን እዚያ ወስዶ ከተተኝ ? ትል የነበረውን ሁሉ ።

ከዚህ ሁሉ በኋላ እንዴት እንደተነሳ ሳታውቅ ስለ ማሪዮን ሂልያርድ ታጫውታት ጀመር ። ፌ አሊስን ይህን ሁሉ የምታዳምጣት በጽሞና ነበር ፤ መገረም የለ፤መጨነቅ የለ ። በጽሞና ፤
«እኔንጃ ፤ ብቻ ስናገረው እንኳ ለራሴም እንግዳ መሆኑ ይታወቀኛል ። ግን…» አለችና ንግግሯን መቀጠል ተሳናት። ለምን ? ቂል የሆነች፤ ልጅ የሆነች መስሎ ተሰማት ። እና በጽሞና እምታዳምጠውን አዲስ ጓደኛዋን ቀና ብላ አይታ ለመቀጠል ሞከረች ። «ግን እየሽ እኔ . . . እንዳልኩሽ ያላባትና ያለናት ስላደግኩ» አሁን አፏ ፈታ እያለ ሄደ ። «ምንም ዘመድ አዝማድ የሚባል ነገር ኖሮኝ አያውቅም ነበር ። እናት ወደሚባለው ነገር ቀረብ ልትል የምትችለው ያው የሕፃናት ማሳደጊያው ዋና ነበረች ። አበምኔቷ ። እሷም ያው እንዶ እናት ሳይሆን ምናልባት እንደ ጋለሞታ አክስት ብትቆጠር ነው ። ስለማሪዮን ግን ያው መቼም ማይክልም ፤ ቤን የሚባለው የሱ ጓደኛም ሆነ ብለው ከነገሩኝ ወይም ድንገት ከምሰማው ብዙ ነገር እየሰማሁም ይህ ሁሉ እያለ ፤ ብንገናኝ ትወደኝ ነበር ፤ በተገናኘን ብቻ ! የሚለዉ ጅል ሐሳብ ልበልሽ ቅዝት ወይስ ሕልም ሁልጊዜ ይታየኝ ነበር ። መቼም ቢሆን ፤ ማሪዮንና እኔ ስምም ሆነን እንኖራለን የሚለውን ሐሳብ አምንበት ነበር» ድንገት ዓይኗ ላይ እንባ ግጥም አለ ። ላለማልቀስ እየታገ ለች ፊቷን ወደ ሌላ አዞረች ። «ምናልባትም እናቴ ትሆናለች ፤ ማለት እንደ እናት ትሆነ ኛለች ብለሽ ታስቢ ነበር ?» ናንሲ በአዎንታ ራቧሷን ነቀነቀች ። «እብደት አይደለም ይኸ ታዲያ ? »

«በፍጹም ። በፍጹም እብደት አይደለም ። ያለ ነገር ነው። ያለ እናት አደግሽ ።ማይክልን ወደድሽ ። የማይክልን እናት እንደ እናትሽ ለማየት ፤እናትሽ ለማድረግ ተመኘሽ። ያለ ነው። ምናልባት በዚህ ምክንያት ይሆን ፤ በመጨረሻ በውል መልክ ስትስማሙ በማሪዮን በጣም የተማረርሽባት ፤ አንችንም በጣም የከፋሽ ?»
«አዎ ። አየሽ እንዲያ ባለ ሁኔታ ቃል ስታስገባኝ ለመጀመሪያ ጊዜ ምን ያህል እንደምትጠላኝ አረጋገጠችልኝ»
«እኔ ደሞ እንዲያ አይመስለኝም ። የሆነ ነገር ያላት ይመስለኛል ። ያ ባይሆን ይህን ሁሉ ነገር አታደርግልሽም ነበር ።ያ ሁሉ ገንዘብ ከፍላ አካልሽ እንዲመለስ ማድረጓ በጣም ስለምትጠላሽ አይመስለኝም» ይህን ሁሉ ምቾት ትተን አለች በልቧ ፌ አሊሰን ። «ግን ውሉን አስቢው። ይህን ሁሉ ያደረገችልኝ እኮ ማይክልን እንድተውላት ነው ። ከማይክል ጋር ግንኙነት ብፈጥር… እኔ ፈልጌ ዉሉ ሙሉ በሙሉ ይፈርሳል፡፡ ተቀብለሽ ከሱም ፊት ከኔም ፊት ጥፊ እንደማለት ነዉ ያኔ ስታነጋግረኝ ገባኝ ። ማሪዮን መቼም ቢሆን ልትቀበለኝ አትፈልግም ፤ ብዬ አሰብኩ ። ይህ ሐሳብ እንደተሰማኝ የሆንኩትን ልነግርሽ አልችልም ። በሕይወቴ ውስጥ ካጋጠሙኝ አስከፊ ነገሮች አንዱ ነበር» ይህን ብላ በረጅሙ ተነፈሰች ። እንደገና መናገር ስትጀምር ድምጺ ለስለስ ብሎ ነበር ። «ግን ችግርም ፣ ስቃይም መከፋትም ለኔ ኦዲስ አይደሉም ። ደጋግመው ደርሰውብኝ ደጋግሜ አሳልፌአቸዋለሁ»

«ወላጆችሽ ሲሞቱ ነፍስ ታውቂ ነበር ?»
«ይህን ያህል የጐላ ትዝታ የለኝም» የምታስታውሰውን ያህል ነገረቻት ። ቀጥላም ፤ «ትዝ የሚለኝ የሚመስለኝ ምናልባት ብቻን መቅረት አለ አይደል እንደዚያ ዓይነት ስሜት ተሰምቶኝ ነበር መሰለኝ» አለች ። «ልክ አሁን እንደሚሰማሽ ዓይነት ስሜት?» ግምት ነበር ። ቢሆንም ባዶ ግምትም አልነበረም። «ምናልባት ሳይሆን አይቀርም ። የት እገባ ብሎ ማሰብ ። ልክ ሳይሆን አይቀርም ። ከዚህ በኋላ የት ነው እምገባ ? ማነው አይዞሽ የሚለኝ ? የሚል ስጋት ። አሁንም አልፎ አልፎ የዚህ ዓይነት ስሜት ይሰማኛል» «ምናልባት ማይክል ? ማይክል ይፈልገኛል ፤ አይጥለኝም ብለሽ ትገግምቻልሽ ? »
«አዎ ፡፤ አንዳንዴ እንደሱ አስባለሁ። የለም አንዳንዴ ሳይሆን ብዙ ጊዜ ።»
«በሌላ ጊዜስ ? ማለት ሁሌም አላልሽም»
«እሁን አሁን መጠራጠር ጀምሬአለሁ ። በፈት በፊት አየሽ ሳይመጣ ሲቀር ጊዜ ፊቴን ማየት ፈርቶ ነው ፤ ተሳቆ ነው እል ነበር ። አሁን አሁን ግን ስለሕክምናው ያውቃል ። ስለዚህ ምን ደረሰች ፤ እንዴት ነው ብሎ መጠየቅ ነበረበት ። ታዲያ እንዴት እንዲህ እልም ሊል በቃ ? እላለሁ»
«የግምት መልስ ሰጥተሽዋል ለጥያቄሽ ? »
«አዎ ። ግን በቂ መልስ የምትይው አይደለም ። አንዳንዴ ማሪዮን ያሳመነችው ይመስለኛል ። የሱ ዓይነቱን መልካም ስም ከሌለው ቤተሰብ የወጣች ሴት ጋር ማጋባት ለሙያህ ደግ አይደለም ብላ አሳምናው ይሆን እላለሁ ። ማሪዮን ቀላል ሰው እንዳትመስልሽ !»
«እሱ እንዲህ ዓይነቱን ሐሳብ ይቀበላል ትያለሽ ? »
«በፊት እንኳ ርግጠኛ ነኝ አይቀበልም ። አያምንበትም ፤ ነበር ... አሁን ግን እንጃ፤ምን ይታወቃል?»
«ሌላ ቢያገባ... ቢተውሽ ምን ያህል የምትጐጂ ይመስልሻል?» ናንሲ ኩምትር ስትል ታየች ። መልስ አልሰጠችም ። ግን መላ አካሏ መልሱን ሰጥቷል ። «የሆንሽውን ሲሰማ ደንግጦ ወይም እንዲያ ሆና ላያት አልፈልግም ብሎ እንደሆነስ ያልመጣው ? አየሽ ናንሲ ፤ አንዳንድ ወንዶች እኛ የምንፈልገውን ያህል ጠንካሮች አይደሉም»
« ይሆን ይሆናል »
«ታዲያ. . . በኋላ ከዳንሽ ከተስተካከልሽ በኋላ ቢመጣ ቅር አትሰኝበትም ?››
«ምናልባት ቅር ይለኝ ይሆናል ። ምኑም ግልጽ ሆኖ አይታወቀኝም ። አስባለሁ ፤ አስባለሁ ። ግን መልስ የለም»
«መልሱን መፈለግም አያሻም ። መቆየት ይመልሰዋል ጊዜ ይመልሰዋል ። ዋናው ነገር ግን ስሜትሽን መሸሽ የለብሽም ። ስሜትሽን በትክክል ለመረዳት መሞከር አለብሽ በቂ ነው ።ለመሆኑ ስላንቺ የሚሰማሽ ምንድነው ? ማለት ፊትሽ እንግዳ ነው እንግዳ ነሽ ለራስሽም ። ይህን ስታስቢ ትቅበጠበጫለሽ ? ትፈሪያለሽ ? ትደሰቻለሽ ? ትናደጃለሽ ?»

«ከላይ የተጠቀሱት በሙሉ» አለች ። ሁለቱም ሳቁ «ግን አብዛኛውን ጊዜ በጣም እፈራለሁ ፤ እጨነቃለሁ ። አብሮ የኖረ ነነር ቀላል አይደለም ። ሀያ ሁለት ዓመት ሙሉ እኔ ያልኩት ሌላ ሲሆን አስቢው ፤ አያበሳጭም ብለሽ ነው?»
«እንዲያ ዓይነት ስሜት ተሰምቶሽ ያውቃል?»
«አንዳንዴ. . . ግን አብዛኛውን ጊዜ ደፍሬ አላስብም ስለዚህ ጉዳይ»
«ብዙ ጊዜ እምታስቢው ስለምንድነው ?››
«እውነት ንገሪኝ ነው እምትይኝ ? »
«አዎና»
‹‹ማይክልን ። አንዳንድ ጊዜ ፒተር በሐሳቤ ይገባል ። አብዛኛውን ጊዜ ግን ስለማይክል ነው እማስበው»
«ፒተርን ማፍቀር እየጀመርሽ ይመስልሻል !»

ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_አንድ
፡
፡
#ድርሰት_ሚሲስ_ሔንሪ_ውድ

ሚስተር ካርላይል ከታወቀው ከባክስ ሔድ ሆቴል ሰገነት ወጥቶ ለተሰበሰበዉ ሕዝብ ንግግር ያደርግ ነበር " አረንጓዴ የተቀባው ስገነት ደጋፊቹን ሁሉ አሰባስቦ ለመያዝ በቂ ስፋት ነበረው ሚስተር ካርላይል አስቀድሞ ከነበረው መልካም
ስምና ተወዳጅነት ሌላ በንግግር ተስጥዎ የታደለ ስለ ነበሮ የዌስት ሊን ሕዝብ
ወደሱ እያደላ ፍራንሲዝ ሌቪሰንን አገለለው።

ሰር ፍራንሲዝ ሌቪሰንም በበኩሉ ሬቨን ሆቴል ሆኖ ንግግር እያስማ ነበር "
ሆቴሎ ያማሩ መስኮቶች እንጂ ሰገነት አልነበረውም " ቦታው በደንብ ቁሞ ንግግር
ለማድረግ አይመችም " ስለዚህ ከአንደኛ ፎቅ ወደ ምድር ቤት ወርዶ በሳሎኑ ቅስት መስኮት ውጪኛ ጠርዝ ላይ ቁሞ ለመናገር ተገደደ " ያም ሆኖ ቦታው በጣም በመጥበቡ ክንዱን ማወወዝ እግሩን ማንቀሳቀስ ቢሞክር ሚዛኑን መጠበቅ ተቸገረ »
እሱን ሊያዳምጥ ከቆመው ሕዝብ ላይ በጭንቅላቱ እንዳይደፋ ስለ ፈራው ' ለመጀመሪያ ቀን ብቻ በአንድ በኩል ሚስተር ድሬክ በሌላው በኩል ጠበቃው ደግፈውት
ሊወጣው ቻለ ጠበቃው ግን ቁመቱ ከሁሉ ያጠረ ፡ ጐኑ ከሁሉ የሰፋ ወደል
በመሆኑ በንግግሩ መጨረሻ ተመልሶ ለመግባት ችግር ገጠመው " ሰር ፍራንሲዝ እየጎተተ ሚስተር ድሬክ እንደ መሰላል ተሸክሞት እየገፋ የተሰበሰበው ሕዝብ እየሳቀበት በስንት መከራ በደኅና ወረደ " ላቡን ከፊቱ እየጠረገ ዳግመኛ በመስኮት ላይ
በመንጠልጠል በልቡ ማለ

ሰር ፍራንሲዝ ሊቪሰን ሲናግር ያንቀጠቅጠዋል " አንድ ቀን ከቀትር በኋላ
ንግሩን በርቱዕ አንደበቱ ሲያንቆረቁረው ጓደኞቹ አብረውት ቁመዋል " የተሰበሰበው ሕዝብ መንገዱን ሙልት አድርጎ ዘግቶ ጥቂቱ ድጋፉን በመግለጽ እጅግ
የሚበልጠው ግን በማሾፍ ይሥቃል ያፋጫል ይጮኻል ያጨበጭባል " ሚስተር ካርላይል ንግግሩን ቀድም አድርጎ ስለጨረሰ ከሱ ዘንድ የነበረው ሕዝብ ግልብጥ
ብሎ ሰር ፍራንሲዝን ለማዳመጥ መጥቷል " ስለዚህ የነበረው ሕዝብ ብዛት ይህ ነው አይባልም » መተላለፊያ ጠፍቶ በክርኑ እየተጓሸመ • በትከሻው እየተጋፋ እግር ለእግር እየተራገጠ ይርመሰመሳል " ሕዝቡ እንደዚህ ሲተራመስ አንድ ባለ አራት እግር ግልጽ ሠረገላ እንደዚህ በሚተራመሰው ሕዝብ መኻል እየጣሰ በማለፍ ሊበትነው ሞከረ የሚስቡት ፈረሶች ደማቅ ቀይና ወይን ጠጅ ምልክት አሥረዋል " ከሠረገው አንዲት መልከ መልካም ወይዘሮ ተቀምጣለች ሚስዝ ካር
ላይል ።

ጥቅጥቅ ብሎ የምላው ሕዝብ ግን በቀላሉ የሚበተን አልሆነም " ሠረገላው በጣም እያዘገመ አንድ አንድ ጊዜም ቆም እያለ ለመጓዝ ተገደደ በዚህ ላይ ትርምሱና ጩኽት በረከተ ሰር ፍራንሲዝ ሌቪሰንም ሁኔታው ስክን እስኪልለት ንግግሩን ገታ አያረገ " ባርባራን ባጠገቡ ስታልፍ አይቷታል " ነገር ግን ሚስ ካርላይልን ሰላም በማለቱ የደረሰበትን ጣጣ በማስታወስ እጅ ሳይነሣት ዝም አለ " ወደ ባርባራም ሆነ ወደ ሌላ ትኩረት ሳያደርግ ሰው እስኪረጋጋለት ዝም ብሎ ይጠብቃል

ባርባራ ዳንተል ሥራ የሆነው ጃንጥላዋን ዘርግታ ዐይኖቿን ወደሱ በመለስ በወንፊቱ ተመለከተችው " በዚህ ጊዜ የቀኝ እጁን አነሣ" ራሱን ወደ ኋላው በቀስታ ነቀነቀ ጸጉሩን
ከግንባሩ ወደ ኋላ ምልስ አደረገ " የጣቱ ያልማዘ ቀለበት
በዙርያው አንጸባረቀ " ባርባራ ይኸንን ሁኔታውን እያየች ፊቷ ተለዋወጠ "

ስለ ሪቻርድ የተናገረቻችው ምልክቶችና ድርጊቶች አንዳሉ ናቸው ሪቻርድ ፍራንሲዝ ሌቪስንን ዐውቀዋለሁ ያለው ተሳስቶ ነው " ይህ ሰው ቶርን መሆን አለበት ብላ አሰበች።

በመቶ የሚቆጠሩ ሰዎች ሰላም ሲሏት አጸፋውን የምትመልስው ያለ ልቧ ነበር ሐሳቧ ተበጠበጠ „ “ ካርላይል ይኑር ! ምን ጊዜም ካርላይል! ብለው እየጮኹ
ባጠገቧ ሲያልፉ ባርባራ በግራም በቀኝም አጸፋውን እጅ በመንሣት ትመልስ እንጂ ሀሳቧ ከሌላ ነበር።
በመጨረሻ ሠረገላው መንገዱን ቀጠለ።

ንግግሩ አብቅቶ ሕዝቡ ሲበታተን ሚስተር ዲልና ሚስተር ኧበንዘር ተገናኙ ኧበንዘር ጀምዝ ለአሥራ ሁለትና ዐሥራ አምስት ዓመት በተለያዩ ሙያዎች በመሠማራት
የሚስተር ካርላይል ጸሐፊ ነበር ቀጠለና ሊንበራ ላይ ከነበረው ቲያትር ሮያል ከተባለው ገባ ከዚያ ሐራጅ ሻጭ ሆነ ያን ተወና ቄስ ሆነ።ከዚያ በኋላ የሕዝብ ማመላለሻ
ትልቅ ሠረገሳ ነጅ ሆነ ያ ደግሞ አላዋጣም ሲለው ቦልናትሬድማን ለተባሉ የዌስት ሊን ጠበቆች ጸሐፊ ሆነ ኧበንዘር ጀምዝ በቁም ነገር በኰል በዋልፈሰስ ቢሆንም ወግ
አዋቂ ለዛ ያለው ፈገግታ የማይለየው ጥሩ ሰው ነው " የሱ ክፋቱ ከችጋር አይወጣም " ኪሱ ባዶ ይሆናል አንዳንድ ጊዜም ከነሚላባብሰው ያጣል አባቱ በንግድ የተገኘ ብዙ ሀብት ያፈራ በሰው ዘንድ የተከበረ ነው " ነገር ግን'ሁለተኛ ሚስት አግብቶ የሁለት ቤተሰብ አስተዳዳሪ ሆነ " ስለዚህ ልጁም ገንዘብ ብሎ ወደባቱ
አይሔድም ቢሔድም ቁጣን እንጂ ገንዘብ አያገኝም "

“ ታዲያስ ኧበንዘር” አለው ሚስተር ዲል ሰላምታ ሲስጠው “ ዓለም እንዴት ይዛሃለች ?”
"አለች ታዘግማለች አንድም ቀን ሶምሶማ አትረግጥም ! ”
“ ትናንት ወደ
አባትህ ቤት ስትገባ አላየሁህም ?

ወዲያው ተባርሬ ወጣሁ ። እኔ እኮ እዚያ ቤት ከሔድኩ እንደ ውሻ ነው የምታው ቤሳ ከሚሰጠኝ ቢረግጠኝ ይወዳል ኧረ አሁን ዝም በል ! ሰዉ የውድድሩን ንግግር እንዳይሰማ እያስቸገርን ነው "

የተባለው ንግግር የስር ፍራንሲዝ ሌቪሰን ነው » ሚስተር ዲል ኮስተር ብሎ ሚስተር ኧበንር ደግሞ ሣቅ ሣቅ እያላቸው ሲያዳምጡ ከመኻል አንድ ዐይነት ግፊያና እንቅስቃሴ ወደ ዳር አወጣቸው ተናጋሪውን ማየት ከማይችሉበት ቦታ ደረሱ ንግግሩን ግን ይሰሙታል • እንደዚያ ተገፋፍተው ከቆሙበት ቦታ ሆነው መንገዱ ከሩቅ ድረስ ይታያቸዋል አንድ ሰው በኋላ እግሮቹ ቁሞ የሚሔድ የሩስያ ድብ የመሰለ ነገር ድንገት ከሩቅ ሲመጣ አየ
"
“ እኔስ ያ የሚመጣው ሰውዬ ቤቴል መሰለኝ ” አለ ኧበንዘር ጀምዝ "

· ቤቴል ! ” አለ ሚስተር ዲል ወዶ ሰውዬው እየተመለከተ ” “ ምን ሲያደርግ ከርሞ ብቅ አለ ?

ኦትዌይ ቤቴል ከድብ ቆዳ የተስፋ የመንገድ ልብስ ሳይቆረጥ ከነጅራቱ እንደ ለበሰና ጸጉራም ቆብ እንደ ደፋ ገና መድረሱ ነበር" የቆቡ ልብሱም ሆነ የፊቱ ጠጉር ሁሉ የተቆጣጠረና የተጠላለፈ ነበር እውነትም የዱር አውሬ ይመስል
ነበር ወደሱ ሲጠጋ ሚስተር ዲል የእውነት አውሬ ሆኖ ታየውና እንዳይበላ የፈራ ይመስል ወደ
ኋላው አፈገፈገ "
ስምህ ማን ይባላል ?

“ቤቴል እባል ነበራ ” አለ አስፈሪው ሰውዬ እጁን ወደዲል አየዘረጋ። “ጀምስ... እስካሁን ድረስ እተንፈረጋገጥህ በዚህ ዓለም አለህ ?”

“ ወደፊትም እንደዚሁ እየተፈራገጥሁ እንደምቆይ ተስፋ አለኝ... ኧረ አሁን ከየት ብቅ አልክ ? ከአንድ የሰሜን ዋልታ መንደር ነው ?”

እዚያ ድረስ እንኳን አልሔድኩም ... የምን ግርግር ነው የምሰማው?

“ መቸ መጣሀ ሚስተር ኦትዌይ ?” አለው ሽማግሌው ዲል ።

“ አሁን በዐሥሩ ሰዓት ባቡር መድረሴ ነው ። ምን ነገር ነው የምሰማውኮ ነው የምለው ?

ምርጫ ነው ” አለ ኧበንዘር “ አትሊ ተሸኘ ፤ አራት እግሩን በላ ”

“ ስለ ምርጫው አልጠየቅሁህም ስለሱ ከባቡር ጣቢያ ሰምቻለሁ” አለ ኦትዌይ ቤቴል” “ይህ ምንድነው ?” አለ መልሶ እጁን ወደ ሕዝቡ እየዘረጋ ።ደ

" ከተወዳደሪዎቹ አንዱ የሆነው ሌቪሰን ቃላትና ትንፋሽን እየዘራ ነው ''

“ እኔ የምልህ አሁን የሱ ከሚስተር ካርላይል ጋር መወዳደር በጣም አያስገሮምም ? አለ ቤቴል

“ ኃፍረት የሌለው ወራዳ ” አለ ዲል በንዴት ‥ “ ገና ምሱን ያገኛል አሁንም ጀምረውታል " ትናንትና ከሚስተር ጀስቲስ ሔር አረንጓዴ ኩሬ ውስጥ ደኅና አድርገው አስተናግደውታል

“ መቸም በመንገድ እየተጎተተ ሲሔድ በአካል ዲያብሎስን ይመስል ነበር” አለ ኧበንዘር እሣየቀ “ ወደ ሆቴሉ ወስደው ብርድ ልብስ ደራርበው ካለበሱት በኋላ የጎረና ብራንዲ ግተው ግተው ዛሬ ደግሞ ሰው መስሏል ”

“ እና አሁን ከካርላይል ጋር ተወዳድሮ ሊያሸንፍ ነው ?

“ ኧረ ባክሀ ወንድሜ ከካርላይል ጋር ተወዳድሮ ሊያሽንፍ!ምንም ተስፋ
የለውም " ደጋፊዎቹም የከብት መንጋ ቢሆኑ ነው የካርላይልን ተሰሚነት ያልተገነዘቡት ቤቴል . . .ሔደህበት የነበረው አገር ያለው ሕዝብ አለባበሱ እንደዚህ
ነው ?

“ ኪሳቸው ለመነመነባቸውና ብርድ ለጠናባቸው አሁን በግማሽ ዋጋ እሸዋልሃለሁ ጀምስ እስቲ ግን ይህን ሌቪሰን የሚባለውን እንየው ሰውዬውን አይቸው አላውቅም ”

ሌቪሰን ገና እየተናገረ ሳለ እንደገና ሌላ ትርምስ ተፈጠረ በዚህ አጋጣሚ
ተጠቅመው እነ ኧበንዘር ወደ ሌቪሰን ፊት ለፊት ተጠጉ ።

ይኸን ደሞ ከዚህ ምን አመጣው ? ምን እያደረገ ነው ? እንዴ

ማን?

“ ይኸ በእጁ ነጭ መሐረብ የያዘው” ብሎ በጣቱ አመለከተው "

“ እሱ እኮ ነው ስር ፍራንሲዝ ሌቪሰን"

“ እንዴ ! እሱ ! ስር ፍራንሲዝ ሌቪሰን ! ?”

በዚያች ቅጽበት ፍራንሲዝ ሌቪሰንና ኦትዌይ ቤቴል ዐይን ለዐይን ግጥም አሉ
ቤቴል ጸጉራም ቆቡን ቢያነሣለት ሌቪሰን ድንግጥ አለ " ላንዳፍታ ብቻ የሚያደርገው ቅጡ ጠፍቶት ከቆየ በኋላ መነጽሩን ከዐይኑ ደንቅሮ፡ እንደዚህ የምትደፍረኝ ኧረ አንተ ደሞ ማነህ ? የሚል ይመስል በትዕቢት ዐይን ይመለከተው ጀመር ጕንጮቹና ከንፈሮቹ ግን እንደ ዕብነ በረድ እየነጡ ሄዱ "

“ ሌቪስንን ታውቀዋለህ
ኦትዌይ ቤቴል ? አለው ዲል
“ ዱሮ ትንሽ ትንሽ ዐውቀው ነበር "

“ ሌቪሰን ሳይሆን ሌላ የነበረ ጊዜ ” አለና ኧበንዘር ትንሽ ሳቅ ብሎ'“አይደለም ' ቤቴል ? አለው።

ቤቴል ደግሞ ልክ ሌቪሰን እሱን እንደ ገላመጠው አድርጎ ኤቤንዘርን ገልመጥ አደረገውና ምን ማለትህ ነው እባክህ ? ሥራም የለህ ?” አለው "


ኧበንዘርን ቸለል አለና ለዲል ራሱን ነቅነቅ አድርጎ ዞር እልም አለ ።
ሽማግሌው ኧበንዘርን ጠየቀው

ምንድነው የምትባባሉት ? አለው ዲል

“ ነገሩስ እስከዚህ አይደለም
አለ ኧበንዘር እየሣቀ“ ብቻ ” አለ ራሱን ወደ ሰር ፍራንሲዝ እየነቀነቅ “ዱሮ እንደ ዛሬው ታላቅ ሰው አልነበረም

“ እንዴት ?”

“ አይ .. .እኔ እንኳን ምናገባኝ በማለት ነገሩን ለማንም ተንፍሸው አላውቅም አንተ ግን ከምስጢሩ ባካፍልህም ግድ የለኝም። ዛሬ የዌስት ሊን እጩ እንደ ራሴ ሆኖ የቀረበው ይህ ታላቅ ባሮኒት ዱሮ በአቤይ ጫካ እየተሹለከለኩ ከአፊ ሆሊ
ጆን ጋር በፍቅር ይከንፍ እንደ ነበር ታምናለህ? ያን ጊዜ አለባበሱ ሺክ ያለ ጥሩ
ጥሩ ጌጥ ወዳጅ ነበር ከዌንሰን በኩል በፈረስ እየመጣ ፈረሱን ከጫካ አስሮ ከአፊ ጋር ያመሽ ነበር።ያ ሁሉ ሲሆን ቶርን እንጂ ሌቪሰን መሆኑን የሚያውቅ አልነበረም ።

“ አንተ ይህን ነገር እንዴት ልታውቅ ቻልክ ? አለው ሚስተር ዲል ።

“ ምን አንተ ደሞ
እኔስ ለራሴ እያልኩ ማታ ማታ እሷው ዘንድ እንከራተት አልነበር ? እንዲያውም እሱና ያ ነፍሰ ገዳዩ ሪቻርድ ባይኖሩ ኖሮ እኔ ላገባት ነበር " ሪቻርድን ይኸን ያህል ወዳው ሳይሆን ሁለቱም ያላቸው ሰዎች ልጆች ስለ ነበሩ ነው " እና ያን ጊዜ ዘወትር አየው ነበር

“ ግን ያን ጊዜ ፍራንሲዝ ሌቪሰን መሆኑን ዐውቀህ ነበር?”

ኧረ የለም እሱ ቶርን ነኝ ይል ስለ ነበር ቶርን እያልኩ ነበር የምጠራው ዛሬ ከካርይል ጋር ለመወዳዶር ብቅ ሲል ልክ እንደ ቤቴል እኔም ደነገጥኩና ወይ ጉድ ቶርን ሙቶ በምትኩ ሌቪሰን በቀለ ብዬ ለራሴ ገርሞኝ ዝም አልኩ …”

ኦትዌይ ቤተል ከሱ ጋር ምን ግንኙነት ነበረው ?

እኔ እስከማውቀው ድረስ ምንም ግንኙነት አልነበራቸውም " ብቻ ቤተል
ለአፊ ሳይሆን ለሌላ አደን ጫካውን ያዘወትረው ስለ ነበር ቶርንን ደጋግሞ ሳያየው አልቀረም አሁን ባንድ ጊዜ ሲያስታውሰው ልብ ብለሃል "

“ ቶርን ኮ ... ሌቪሰን ማለቴ ነው መታወሱን የወደደው መስሎ አልታየኝም

"እሱ ባለበት ሁኔታ ያለ ከሆነ ማንስ ቢሆን መቸ ደስ ይለዋል?” አለ ኧበንዘር
ጀምስ እየሣቀ። “ እኔ እንኳ ራሴ ተራ ሰው ሁኜ የፈጸምኳቸውን የዱሮ ዕብደቶች ሁሉ ዛሬ ቢያወሱብኝ አልወድም " ስለዚህ ለቪሰን፡ “ቶርን እያለ አፊ ሆሊጆንን በወዳጅነት ይዞ እሷ ዘንድ ይመላለስ እንደ ነበር ቢወራበት ምኑ ደስ ይለዋል?”

“ ለምንድነው ራሱን ቶርን ብሎ የጠራው ? የገዛ ስሙን ለመደበቅ የፈለገው
ለምንድነሙ ? አለ ሚስተር ዲል "

“ እኔንጃ ግን ስሙ ሌቪሰን ነው ወይስ ቶርን ?”
አዬ አበንዘር .... አንተ ደሞ ዝም ብለህ ነው ”

ሚስተር ዲል በሰማው አዲስ ወሬ ተወጠረ " ለሚስተር ካርላይል ተንፍሶ
ለማረፍ ግጥም ብሎ የሞላው ሕዝብ ትንሽ ዘርዘር ሲልለት እየገፋና እየተሹለከለh ዐልፎ ከሚስተር ካርይል ልዩ ቢሮ ገባ " ሚስተር ካርላይልን ከጠረጴዛው ተቀምጦ ደብጻቤዎቹን ሲፈርም አገኘው "

"ምነው ዲል ? ትንፋሽ አጠረህሳ ?

“ አዎን ሚስተር ካርላይል... በጣም የሚደንቅ ነገር ስሰማ ቆይቸ ነው የመጣሁት የቶርንን ነገር ዐወቅሁት " ቶርን ማን ይመስልሃል ?”

ሚስተር ካርላይል ብዕሩን አኑሮ ሽማግሌውን ትክ ብሎ ተመለከተ " እንደዚያንለት መንፈሱ ግሎ አይቶት አያውቅም

“ ሌቪስን የሚባለው ሰውዬ እኮ ነው !

“ የምትለኝ አልግባኝም " አለው ሚስተር ካርላይል እውነትም አልገባኝም
ነበር " ነገሩ ግራ ሆነበት "

“ አፊ ሆሊጆንን ይከታተል የነበረው ቶርን የዛሬው ሌቪስን ያንተው ተወዳዳሪ
ነው ይኸው ነው ...

ሚስተር አርኪባልድ "
“ሊሆን አይችልም! አለ ሚስተር ካርላይል በሐሳብ ላይ ሐሳብ እየተከታተለበት „ “ ይኽን ወሬ ከየት ሰማኸው ?

ሚስተር ዲል ታሪኩን ነገረው " ኦትዌይ ቤቴል እንዳወቀው!ሰር ፍራንሲዝ
ሌሺስንን ዐመዱ ቡን ማለትና ሜስተር ኧበንዘርን አነጋር ሁሎ አብራርቶ አስረዳው።

“ቤቴል ቶርንን እንደሚያውቀው እንዲያውም እንደዚ ያለ ስም ከነመኖሩም እንደማያውቅ ደጋግሞ ክዶ ነበር ” አለ ሚስተር ካርላይል "

“ የካዶበት ምክንያት ይኖረዋል ” አለ ሚስተር ዲል “ ዛሬ እርስ በርሳቸው ሲተያዩ በደንብ ነበር የተዋወቁት ሌቪሰን ምንም እንኳን የማያውቀው ለመምሰል ቢሞክርም ቤቴልን በደንብ ለይቶታል " መቸም ሚስተር አርኪባልድ
በለቱ መኻል አንድ ምስጢር ባይኖር ምናለ በለኝ ”

የሚስዝ ሔር እምነትም ቤተል በግድያው እንዳለበት ነው " አለ ሚስተር ካርላይል ድምፁን ዝቅ አድርጎ "

“ምስጢራቸው ስለ ግድያው ከሆነ ቤቴል እንዳለበት አያጠራጥርም» አለ ሚስተር አርኪባልድ ...ሪቻርድን ነጻ ለማድረግ ጊዜው አሁን ነው

ግን በምን መነሻ እንጀምረው ? አለ ሚስተር ካርላይል "

ባሮባራ በበኩሏ ከሚስተር ካርላይል በሚበልጥ እንጂ በማያንስ ሁኔታ አምሮዋ ተረብሾ በሠረገላዋ ተሳፍራ ወደ ቤቷ መጣች እንደ ደረስች ወርዳ ወደ ቤት
ስትገባ ዊልያምና ማዳም ቬን ከመተላለፊያው አገኙዋት "

"ዶክተር ማርቲንን አይተነው መጣን እና ማማ እሱ
የሚለው

“ አሁን ያንተን ንግግር ለማዳመጥ መጠበቅ አልችልም •ዊልያም « ኋላ
አነጋግራችኋለሁ ብላቸው ተመለሰች "

ማዳም ቬን በቁጣ ዐይኗ እየተከተለቻት ወደ ፎቅ ወጣች „ “ምን ቸገራት” አለች ማዳም ቬን በሐሳቧ " የሷ ልጅ አይደል!”

ባርባራ ተንደርድራ አንደ ገባች ጃንጥላዋን hአንድ ወንበር የጅ ጓንቲዎቿን
ከሌላ ጣለችና ከጽሕፈት ጠረጴዛዋ ተቀመጠች "

“ እጽፍለታለሁ ለአንድ ሰዓትም ቢሆን እንዲመጣ እጠራዋለሁ " ሰውዬው
እሱ ነው " ከፋም ለማም 'እጠራዋለሁ " ደሞም እግዚአብሔር ከኛ ጋር ከሆነ አይከፋም አለችና አንድ ደብዳቤ በችኮላ ጻፈች።

“ የተወደድክ ሚስተር ስሚዝ እንድትመጣ እፈልግሃለሁ " ያንተን መምጣት የሚያስፈልግ አንድ ጉዳይ ተነሥቷል ቅዳሜ ደርሰህ ድንግዝግዝ ሲል ባትክልት በተጋረደው መንገድ ላይ እንገናኝ ምንጊዜም ያንተው ”

ደብዳቤው ሪቻርድ በስጣት አድራሻ መሠረት ለሚስተር ስሚዝ ሊቨርፑል ብላ አንድ የመንገድ ቁጥር ሞልታ አዘጋጀች » ከዚያም ምናልባት መምጫ እንዳይቸግረው ብላ በእጅዋ ስላልነበራትና ጆይስንም ጠይቃት ስለ አጣች ማዳም ቬንን
የአምስት ፓውንድ ኖት እንድታበድራት ጠየቀቻት "

ማዳም ቬን ገንዘቡን ልታመጣላት ስትሔድ ባርባራ ዊልያምን ሐኪሙ ምን እንዳለው ጠየቀችው "

ደረቴን መረመረኝ " ጎበዝ ልጅ መሆን እንዳለብኝ ዓሣ ዘይቱንም በደንብ
አንድጠጣ ሌላም ጥሩ የሆነውን ሁሉ እንደ ፈለግሁ እንድበላና እንድጠነክር ነገረኝ " ከዚህም ሌላ በሚመጣው ረቡዕ ከአባባ ቢሮ ወይም ከአክስት ኮርኒሊያ ቤት መጥቶ
እንደሚያየኝ ነግሮኛል " ማዳም ቬን ግን ከአባባ ጋርም ለመነጋገር እንዲችል አባባ ቢሮ ድረስ እንዲሆን አለችው ”

ምን ? አለችው ባርባራ "

ይች ማዳም ቬን ግን ከአሱ ጋር ከነተጋገረች ወዲህ ታለቅሳለች " ምን ያስለቅላታል ? ዐይኖቿን ከመነጽሯ ሥር ስታብስ የማላያት ይመስላታል" እኔ በጣም መታመሜን ዐውቀዋለሁ " እሷ በኔ ነገር ለምን ታለቅሳለች ?

"ማነው ደሞ በጣም ታመሃል ብሎ የነገረህ ?”
“ ማንምI እኔ ሳስበው የታመምኩ ይመስለኛል " አላት ቅዝዝ ብሎ “እስቲ
አሁን ጆይስ ወይም ሉሲ ቢያለቅሱ እንኳን ዕድሜ ልኬን ስለሚያውቁኝ ነው "
እሷ ግን የት ታውቀኛለችና ታለቅሳለች ?

ማዳም ቬን አንተ ስለ ታመምክ ማልቀሷ እንኳን የማይመስል ነገር ነው ”
ማዳም ቬን ገንዘቡን ይዛላት መጣች " ባርባራ ተቀብላ በፖስታ አሽጋ በሠረገላዋ
ሆና ራሷ ሔዳ ፖስታ ቤት አስገብታው እንደ ተመለሰች ወንዶቹም ለራት መጡ
እሷም ከመልበሻ ክፍሏ ገብታ ልብስ ስትለውጥ ሚስተር ካርይል ገባ

“ እኔስ አርኪባልድ ... አንድ ነገር የተሳሳትኩ እየመሰለኝ ፈራሁ

“ ሁላችንም አንዳንዴ እንሳሳታለን ... ባርባራ “ ለመሆኑ ምንድነው?
አላት "

“ነገሩ ከብዙ ዘመን ጀምሮ በአእምሮዬ እየተጉላላ የኖረ ነው " ነገር ግን ልነግርህ ደስ አልለኝ እያለ አፍኘ ይዠው ኖርኩ ”

“ ብዙ ዘመን ?”

“ አዎን፣እመቤት ሳቤላ ሌሊቱን ልትጠፋ ቀደም ብሎ ሪቻርድ ከኛ ተስናብቶ
በኋላ እንደግና ተመልሶ መጥቶ ቶርንን አየሁት ያለን ጊዜ ታስታውሳለህ ስለ ቶርን እጅና ቀለበት የነገረን ትዝ ይልሃል ?”

“ አዎን አስታውሳለሁ "

“እሱ የነግረን የእጅ እንቅስቃሴ በዚያን ጊዜ ኢስት ሊን ዐርፎ የነበረው ሰውዬ ሲደጋግም አየሁ " አንተ ግን እንዴት አንዳላስተዋልኩው ገረመኝ እኔ ከዚያች ሌሊት ጀምሮ ቶርንና ካፒቴን ሌቪሰን አንድ ሰው መሆናቸውን ማመን ጀምሬ ነበር ”

ታዲያ ለምን አልነገርሽኝም
“ እኔ በዚያን ጊዜ እንዴት አድርጌ የዚያን ሰውዬ ስም ከፊትህ ላንሣው? ከዚያ
በኋላም ሪቻርድ በዚያ በረዷማ ክረምት አልመጣም ያን ጊዜም ቶርንን ከሌቪስን
ጋር አየሁት ብሎ ሲነግረን መልሶ አጠራጠረኝ " ዛሬ ግን በሠረገላ ሁኜ በሬቨን
ሆቴል ሳልፍ ንግግር ሲያደርግ 0የው ልዩ ምልክቶቹን ልብ ብዬ አየኋቸው » ቶርንና ሌቪሰን አንድ ሰው መሆናቸውን በሚገባ አረጋገጥኩ "

“ አንድ ሰው መሆናቸውን ዐውቃለሁ ” አላት ሚስተር ካርላይል ምንም ሳያቆርጥ ካስጨረሳት በኋላ ከዚያም እንዴት እንዳወቀ ዲል በዐይኑ ያየውንና ከኧበን
ዘር የሰማውን ሁሉ ነገራት "

“ ይግርማል” አለች ባርባራ። “እማማ ስለ ሪቻርድ ስለ ቤቴልና ስለ አንድ ሌላ
ሰው ሕልም አይታ በዚህ ሰሞን ስለ ሆሊጆን አንድ ነገር እንደሚገለጽ ነግራኝ ነበር።

እንግዲህ ሪቻርድ ቅዳሜ እንዲመጣ ስለ ላክሁበት እሱ ራሱ ለይቶ ያውቀዋል "
ግን አርኪባልድ አሁን እሱን ነጻ ለማድረግ ምንድነው የሚደረግ ?”

“ መቸም እኔ የሌቪሰን ተቃዋሚ ሁኜ ብሟገት የቂም ስለሚመስልብኝ ልቆ
ምለት አልችልም "

ይሁን አንተስ አትቁምለት ግን ምን ይሻላል?”

“ ሪቻርድ እስኪደርስ እንጠብቅ ”

“ አንድ ባለ አምስት ፓውንድ ኖት በኪስህ ይኖርሃል ... አርኪባልድ ለሱ የምልክለት በጄ ስልነበረኝ ከማዳም ቬን ተበድሬ ነበር

ከቦርሳው አወጣና ገንዘቡን ሰጣት "


💫ይቀጥላል💫

😘 #ቃል 😘
#ዳንኤላ_ስቴል
ትርጉም፣ ባሴ ሐብቴ

ምዕራፍ አስራ አምስት (15)

«ፒተርን ማፍቀር እየጀመርሽ ይመስልሻል !»
«አይ ! አይመስለኝም ። ፒተርን እንዳባቴ ነው እማየው። አየሽ እንደማላውቀው አባቴ ። ስጦታ ሲሰጠኝ ሲያሞላቅቀኝ አባቴ ነው እሚመስለኝ ። ፍቅር ከማይክል ጋር ነው»
«እሱንም ስንቆይ እናያለን» አለችና ፌ አሊሰን ሰዓቷን አየች ። «ያምላክ ያለህ |! ስንት ሰዓት እንደሆነ ታውቂያለሽ ? » አለች ። ናንሲ ሰዓቷን አየች ። በጊዜው ያን ያህል መክነፍ በጣም ተደነቀች ። « ፒተር እንዳለው እውነትም የምትገርሚ ልዩ ዓይነት ሰው ነሽ ! ምን አድርገሸ ነው እንዲህ ጊዜውን ያስረሳሽኝ ፌ? እውነትም ልዩ ሰው ነሽ!»
«በመስማማታችን ደስ ይለኛል ። እንዲያውም ፒተር በተወሰነ ጊዜ ዘወትር መገናኘት እንዳለብን ነው የሚያስበው ምን ይመሰልሻል ናንሲ?»
«በጣም ደስ ይለኛል»
«ግን በየጊዜው ይህን ያህል አብረን ልንቆይ እንችላለን ማለት አይቻልም ። ጊዜ ላይኖረን ይችላል ። ስለዚህ በሳምንት ሦስት ቀን ብንገናኝ ምን ይመስልሻል ? በተረፈ ግን እንደጓደኛ በትርፍ ጊዜ መገናኘት ይቻላል። ይስማማሻል? »
«በጣም በጣም ይስማማኛል» ተጨባብጠው እንደተለያዩ ናንሲ ከሁለት ቀን በኋላ ሊገናኙ የወሰዱት ቀጠሮ ሩቅ መስሎ ታያት የራሷ ስሜት ራሷን አስገረማት ።

••••••••••••••

ናንሲ በክፍል ማሞቂያው ምድጃ አጠገብ በሚገኝ ምቹ ወንበረር ላይ ተዝናንታ ተቀመጠችና በረጅሙ እየተነፈሰች ራሷን ወንበሩ የራሰ መከዳ ላይ አሳረፈች ። ከፌ ጋር ባደረጉት ቀጠሮ መስረት፣ ነበር የመጣችው ። የቀጠሮው ሰዓት ገና አምስት ደቂቃ ያህል ቢቀረውም እሷ ግን ከዚያች ሴት ጋር ለመጨዋወት ቸኩላለች ። ወዲያው እሌላኛው ክፍል ውስጥ ቀጭ፣፤ ቋ የሚለው የፌ ኮቴ ተሰማት ። ናንሲ የተቀመጠችው ፌ የአዕምሮ ችግር ያለባቸውን ሰዎች በምታነጋግርበት በምትመረምርበትና ህክምና በምታደርግበት ክፍል ነበር ። የፌን ኮቴ እንደሰማች በደስታ ፈገግ ብላ ትስተካክላ ተቀመጠች ። ሁሉም ነገር ፌ እንደለመደችውና እንደምትፈልገው እንዲሆንላት ለማድረግ አስባበታለች ።
« እንደምን አደርሽ ፤ የንጋት ወፍ ። ይኸ ቀይ ልብስ እንዴት አድርጎ ተስማምቶሻል እባክሽ !» ፌ ይህን ብላ እበሩ ላይ እንደቆመች ፈገግ አለች ። ቀጥላም «ቀዩን ውብ ልብስ እንተወውና እስኪ አዲሱን ፊትሽን አሳይኝ » አለች ። ይህን ብላ ናንሲ ወዳለችበት ቀስ እያለች ተጠጋች ። ከፋሻ የተገለጠውን ፤ ከፊት አጥንቷ በታች የሚገኘውን ጉንጫን ካየች በኋላ እንኳን ደስ አለን የሚል ፈገግታ እፊቷ ላይ ነጋ። አይኖቻቸው ግጥምጥም አሉ ።
« እንዴት ነው ? ጥሩ ነው ? » እለች ናንሲ።
«ናንሲ ፤ በጣም ቆንጅዬ ልጅ ሆንሽኮ ። ቆንጅዬ… በቃ አለች ፌ። ናንሲ እመነቻት ። ምክንያቱም የፌ ፊት በናንሲ መዳን ደስ መሰኘቷን ፤ በፒተር ስራ መደነቋን ቁልጭ እድርጉ ይናገር ነበር ።

ፌ ደግሞ እንዲያ ስትል ከልቧ ነበር ። ለግላጋ አንገቷ ከቅርጸ መልካም ትከሻዋ ላይ እንደ ባህር ሸንበቆ ተመዞ ፤ ልስልስ ጉንጯ ፤ ገርና ሳሙኝ የሚል አፏ ተገልጦ ያየ ሰው ቢደነቅ የማያስገርም ነገር ሊሆን እይችልም ። ሁሉም ከናንሲ የተፈጥሮ ጠባይ ጋር የሰመረ አካል ሆኖ ታያት ፤ ለፌ ። የፒትር ሁልቆ መስፈርት የሌለው የንድፍና የጥገና ፤ የሞዴል መቅረፅ ሥራ ፤በከንቱ እንዳልነበረ ግልፅ ሆኖ የታያት ፌ

« አስቀናሽን ፣ ዕውነት ቀናሁ ። እኔም እንዳንች ብሆን እንዴት ደስ ይለኝ ነበር መሰለሽ ! » አለች ። ይህን የሰማችው ናንሲ በሳቅ እየተፍለቀለቀች ወደ ኋላዋ ተለጠጠች ። ከጉንጪ በላይ ያለው ፊቷ ገና በፋሻ እንደታሰረ ሲሆን ፤ ባደረገችው ጥቁር ቡናማ ዘናጭ ባርኔጣ ጥላ ደብዘዝ ብሏል ። ይህን ባርኔጣ የገዛችው ከአሥራ አምስት ቀን በፊት ሲሆን በቀይ ቀሚስ ላይ ከሰበሰችው ቡና ዓይነት ሱፍ ኮትና ካደረገችው ቡናማ ቡት ጫማ ጋር ይሄዳል ። ናንሲ ድሮም ቅርጸ መልካም ልጅ ነች ። አዲሱ ፊቷ ሲጨመር ወንድን ሁሉ በያለበት የምትጥል ሴት ትሆናለች ስትል አሰበች ፤ ፌ ናንሲም ቢሆን ይህ ሊሰማት ጀምሯል ። ፒተር ቃሉን ለመጠበቅ የሚችል ሰው እንደሆነ አምናለችና ።

« ፌ በጣም ደስ ይለኛል ። አንዳንድ ጊዜማ ደስታ የሰራ አካላቴን ውጥር እስኪል ስለሚሞላው ጩሂ ! ጩሂና እፎጥ በይ ይለኛል » አለች ናንሲ።
«እንደሱ ዓይነት ስሜት ይሰማኛል ስላልሺኝ ደስ አለኝ ናንሲ ። ግን ይኽ ሌላ መሆኑስ ? ያልለመድሽው ገፅታ መሆኑስ ፣ ትንሽ አያስጨንቅሽም ?»
« የለም የፈራሁትን ያህል እይደለም ። ግን ሙሉ ፊቴን ስላላየሁት ሙሉውን ሳይ ምን እንደሚሰማኝ እንጃ ብቻ አየሽ ዱሮውንም ያን የአፌን ቅርፅ አልወደውም ነበር ብቻ ሲሆን ይታያል »
«ናንሲ… አንድ ነገር አለ››
« ምን? ምን ነገር»
« አየሽ ናንሲነትሽን ቀስ በቅስ እንድትረሺ ያስፈልጋል ግድ የለበትም ። አንች እንደተቻለሽ ። ስለዚህ ናንሲን ለመርሳት ናንሲን በደንብ ማስታወስ ያሻ ይሆናል ። ለምሳሌ እንበል የዱሮ አካሄድሽን ትወጂው ነበር ? » ይህ ነገር ለናንሲ ፈፅሞ አዲስ ነበር ፤ ተነስቶ ተወሰቶ የማያውቅ ።

« እኔ እንጃ ፣ ስላረማመዴ አስቤ እማውቅ ኢይመስለኝም » አለች ።« ለወያፊቱ በደንብ ታስቢበታለሽ። ድምፅሽን መስማት ትወጂ ነበር ? ለምሳሌ ድምፅሽን ለመገራት የዜማ አለማማጅ ቢቀጠርልሽ ምን ትያለሽ ? አየሽ በጣም ቆንጆ ድምፅ አለሽኮ ። ለምን መሰለሽ እንዲህ እምልሽ ? ከዚህ በፊት ያልሆንሽው ግን ልትሆኝው የምትችይውን ነገር እንድትለማመጅ ብናደርግስ ለማለት ነው ። ያን ስትሆኝ ያው አዲስ ሰው ሆንሽ ማለት ነውኮ ። ፒተር የተቻለውን እያደረገ ነው ። እኛስ ለምን አንሞክርም ? »

ሃሳቡ ቦግ ብሎ የታያትን ያህል በደስታ በራች፤ ናንሲ ።
‹‹ማለት ፒያኖ ብለማመድ ፤ አካሄዴን ብቅይር፣፤ አዲስ ሰዉ ሌላ ሰው ሆንኩ ማለት ነው ፤ አደል ? ከዚያ በኋላ እኮ ብፈልግ ስሜንም መቀየር እችላለሁ ?! » አለች ናንሲ ። «ያን ያህልም መቻኮል የለብንም ስም እስከመለወጥ ማለቴ ነው ። አንደኛሽን ራስሸን ያጣሽ መስሎ እንዲሰማሽ አያስፈልግም ። ራስሽን ማጣትሽ ሳይሆን መጨመርሽ ፤ ማደግሽ መሆኑን ማወቅ አለብሽ ። እስኪ እናስብበትና እንሞክረው ። ድንቅ ነገር ሳይገጥመን አይቅርም » አለች የአዕምሮ ህክምና ሊቋ ፌ «
« በመጀመሪያ ድምፄን… ሌላ ድምፅ እፈልጋለሁ» አለች ናንሲ እየሳቀች ። « እንደዚህ ዓይነት ድምፅ » አለች ድምጸን ቀነስ ወፈር አድርጋ ። ፌ ሳቀችእና « እሱን ድምፅ በደንብ ከተለማመድሽው ፒተር ሥራ ሊበዛበት ነው ማለት ነው » አለች። «እንዴት? » አለች ናንሲ በዚያው ጐርነን ባለው ድምፅ። «ጺም መሥራት ግድ ይሆንበታላ !»
« እንዲህ ነው ። እንኳን ነገርሺኝ !» ሁለቱም አንዴ በሳቅ መንከትከት ጀመሩ ። ተነስታ እንደትንሽ ልጅ መቅበጥበጥ ጀመረች ። ናንሲን እንዲያ ስትሆን ስታያት ፌ ሁልጊዜም ይገርማታል ። ሀያ ሶስት አመቷ ነው ። ናንሲ ግን ሃያ ሶስት ዘመን ቀርቶ ረጅም ዘመን የኖረም ሰው ቢሆን ያላየውን ብዙ ነገር እያየች ነው፡፡ እየሆነች ነው ። ውስጧ ግን ትንሽ ልጅ ናት ። ይኸው ስትቀብጥ ስትቅበጠበጥ !
« ግን አንድ ነገር አለ ፤ ናንሲ››
« ምን ነገር ?»
«ለምን ኦዲስ አንችን መፍጠር እንዳለብን ማወቅ አለብሽ ። ምክንያቱን ካወቅሽው ፤ ችግሩን ከተረዳሽው ነገሩ ቀላል ይሆናል ። እናትና አባትሽን አታውቂያቸውም ፤ እደለም ? ይኽ ደግሞ ምን እንደሚያስከትል ማወቅ አለብሽ ። እናትና አባት እኛ ራሳችንን ለመሆናችን ምስክር ናቸው ። ከየት መጣሁ ? እናትና አባቴ ወለዱኝ ። እውን ይሆናል ነገሩ ። ያ ጥያቄ ላንች ክፍት ቦታ ቢጤ ነው ። እሱን የምትሸሺ መምሰል የለበትም ። ሌላ ሰው ልችሆኝ እንደምትፈልጊ መሆን ነው ያለበት ። ያኔ መንገዱ ቀላል ይሆናል » አለች ፌ ።

ናንሲ ምንም ምን ሳትል ጸጥ ብላ ተቀመጠች ። ይህን ያየችው ፌ በፍቅር ፈገግ ብላ ከተመለከተቻት በኋላ ወደኋላዋ ተለጥጣ ተዝናንታ ተቀመጠች። ክፍሉ ምቾት የሚሰጥና መከፋትን ባንድ ጊዜ ከአዕምሮ ውስጥ እንደሚደመስስ ሆኖ የተዘጋጀ ይመስላል ። የግድግዳው ቀለም ፣ የዕቃዎቹ ዓይነት ፤ የዕቃዎቹ አቀማመጥ፤ ሁሉ ነገር የመንፈስ ሰላም የሚለግስ ነው ።
« እሺ እንግዲህ አሁን ያልኩሽን ቀስ እያልሽ አስቢበት። ለጊዜው ሌላ ነገር አለ ፤ ልንነጋገርበት የሚገባ። የእረፍት ጉዳይ፤ ያመትባል ጉዳይ »
« የመጪው አመትባል ምን እንዲሆን ? »
«ዘመን መለወጫ መምጣቱን ስታስቢ ምን ይሰማሻል ? ይጨንቅሻል ? ፍርሃት ፍርሃት ይልሻል ?››
«አይለኝም»
«ይከፋሻል ? »
‹‹በፍጹም »
«ደግ ናንሲ ። እኔ ከምገምትና ብዙ ከምሳሳት የሚሰማሽን አንች ብትነግሪኝስ ?»
«ምን እንደሚሰማኝ ለማወቅ ነው እምትፈልጊው ?» አለች፡፡
« በእርግጥ ማወቅ ትፈልጊያለሽ ?» ከተቀመጠችበት ተነሥታ እንዴ በክፍሉ ውስጥ በፍጥነት ወዲያ ደርሳ ወዲህ ከተመለሰች በኋላ ፣ «ምን እንደተሰማኝ ልንገርሽ ? » አለች «የተጣልኩ ፤እንደሽንት ተከፍዬ የተደፋሁ ይመስለኛል ፤ ስለዚህ ብሽቅ እላለሁ »
«እንደሽንት ? »
«አዎ ! ሽንቶ የደፋኝ መስሎ ይሰማኛል ፤ አናዶኛል ፤ አበሳጭቶኛል ፤ አብግኖኛል »
«ማን?››
«ማይክል…..


ይቀጥላል......

ሀሳብ አስተያየታችሁን
@Tsiyon_awit
አድርሱኝ

ቻናላችንን ይቀላቀሉ👇👇
@itsmetsiyearsemalj
@itsmetsiyearsemalj
♥️♥️♥️♥️♥️❤️❤️❤️

#ሳቤላ
፡
፡
#ክፍል_ስልሳ_ሁለት
፡
፡
#ድርሰት_ሚሲስ_ሔንሪ_ውድ

...አንድ ቀን በሚያዝያ ወር ውስጥ ሰዓቱ መሽቶ ለዐይን ሲይዝ ዊልምና ሳቤላ ሳሎን ውስጥ ተቀምጠዋል " ቀኑ ሞቃት ሆኖ ይዋል እንጂ እነዚያ የጸደይ ምሽቶች ግን ይባረዳሉ " የምድጃው እሳት ነዲድ ባይኖረውም ፍሙ ግማሹ ጠፍቶ ግማሹ ይጤሳል ማዳም ቬን እሳቱን ልብ አላለችውም ዊልያም ከሰፋው ተጋድም እሷም ዐይን ዐይኑን ታየዋለች " መነጽሯ በእንባ እየተነከረ አስቸገራት ልጆቹ እንዳያውቁት መሥጋቱንም ትታዋለች " ስለዚህ መጽሯን አወለቀች ልጁም ሊንበራ ደርሶ የተመለሰበት የሠረገላ ጉዞ ስላደከመው ዐይኖቹን ገጥሞ ተጋደመ እሷም የተኛ ሲመስላት ወዲያው መልሶ ገለጣቸው።

“ ከመሞቴ በፊት ስንት ቀን ይኖረኛል ?” አላት "

ያልጠበቀችው ጥያቄ ሆነባትና ናላዋ ዞረባት " “ ምን ማለትህ ነው
ዊልያም ስላንተ መሞት ማን አነሣ? አለችው "

“ ዐውቃለሁ እንጂ ስለኔ የሚወራውን እሰማ የለምእንዴ በቀደም ሐና
ያለችውን ሰምተሽ የለ ?

“ ምን? መቸ ?

“ እኔ ከምንጣፉ ላይ ተኝቼ ሻይ ይዛ የገባች ጊዜ " ለናንተ ቢመስላችሁም እንቅልፍ አልወሰደኝም ነበር " አንቺ እንኳ ልነቃ እንደምችል እንድትጠነቀቅ
ነግረሻት ነበር።

“እንጃ ልጄ እምብዛም አላስታውሰውም ሐና ምን የማትለፈልፈው አርቲ
ቡርቲ አላት ብለህ ነው ?”

“ ወደ መቃብሬ እየተጣደፍኩ መሆኔን ነበር የነገረችሽ " "

"አለች ? ሐና ኮ ማንም አይስማትም የምትናገረውን አታውቅም " ሞኝ ናት " አሁን ብርዳሙ ወቅት ዐልፎ የበጋው ሙቀት ሲገባ በጐ ትሆናለ "

“ ማዳም ቬን ”

“ ምነው የኔ ዓለም ”

“ ያንቺ እኔን ለማታለል መሞከርሽ ምን ይጠቅማል ? እያታለልሽኝ መሆኑን የማይገባኝ ይመስልሻል ? እኔ ሕፃን አይደለሁም አርኪባልድ ቢሆን ኖሮ ልታዋሸው ትችይ ነበር " ግን ምን ሁኘ ነው እንደዚህ የሆንኩት ?

ምንም አልሆንክም " ሰውነትህ ደካማ ከመሆኑ በስተቀር ምንም የለብህ እንደ ገና ስትጠነክር ደግሞ በጐ ትሆናለህ "

ዊልያም ራሱን ነቀነቀ " ልጁ ያስተሳሰቡ ፍጥነትና ጥልቀት ከዕድሜው የላቀ ነው ነገሮችን በማለባበስ ሊታለል የሚችል ልጅ አይደለም " ሲነግር በጀሮው
ያልሰማውን እንኳን ይደረግለት ከነበረው ጥንቃቄ በመነሣት የተሠጋለት መሆኑን በግምት የሚያውቅበት ችሎታ አለው “ እሱ ግን የሐናን አነጋገር የመሰለ ብዙ
ነገር በጆሮው ሰምቶ እንዲጠረጥር የሚያደርጉት ምክንያቶች አጠራቅሟል ስለዚህ ልጁ ሞት እየመጣ ለመሆኑ በደንብ አድርጎ ዐወቆታል "

“ታዲያ ምንም ነገር ከሌለብኝ ዶክተር ማርቲን ለምን ከኔፊት አላነጋገረሽም?
እሱ በሳቡ የነበረውን ሲነግርሽ ለምንድነው እኔን ከሌላ ክፍል አንድቆይ ያደረገኝ?
ማዳም ቬን . . . . እኔም እንዳንቺ ዐዋቂ ነኝ ”

“ አዎን የልጅ ዐዋቂ ነህ ብቻ አንዳንድ ጊዜ ትሳሳታለህ ” አለችው ሁኔታው አንጀት አንጀቷን እየበላት "

“ እግዚአብሔር ከወደደን ኮ ሞት ምንም አይደለም ሎርድ ቬን እንደዚህ
ብሎኛል » እሱም አንድ ትንሽ ወንድም ሙቶበታል
እሱ ገና ከሕፃንነቱ ጀምሮ ተስፋ የተቆረጠበት በሽተኛ ነበር ” አለችው "
"እንዴ አንቺም ታውቂው ነበር ?
“ የሰማሁትን ነው የምነግርህ " አለችው ዝንጉነቷን በስልት አስተካክላ
“ አሁን እኔ እንደምሞት አታውቂም ?

“ አላውቅም "

" ታዲያ ከዶክተር ማርቲን ከተለየን ጀምሮ የምታዝኚው ለምንድነው ? እንዲ
ያውስ ከነጭራሹ ስለኔ ምን አሳዘነሽ ? እኔ ልጅሽ አይደለሁ ?

አነጋገሩና ሁኔታው ከምትችለው በላይ ሆነባት ከሶፋው ተንበረከከች እንባዋ ያለገደብ በአራት ማዕዘን ወረደ።

“ አየህ ዊልያም.....እኔ...እኔ አንድ ልጅ ነበረኝ የራሴ ልጅ አንተን ባየሁህ ቁጥር እሱ ይመጣብኛል " ስለዚህ ነው የማለቅለው "

“ ዐውቃለሁ ስለሱ ከዚህ በፊት ነግረሽኝ ነበር የሱም ስም ዊልያም ነበር
አይደለም?

ከላው ላይ ተደግፋ ትንፋሿን ከትንፋሹ እያቀላቀለች እጁን በእጅዋ ይዛ“ዊልያም ” አለችው " “ ፈጣሪ ከሁሉ አብልጦ የሚወዳቸውን አስቀድሞ እንደሚወስድ ታውቃለህ አንተም ብትሞት ኖሮ የዚህን ዓለም ሐሳብና ጣጣ እዚህ ትተህ መንግሥተ ሰማያት ትግባ ነበር። በሕፃንነታችን ብንሞት ኖሮ ለሁላችንም ደስታችን ነበር

“ ለአንቺም ደስ ይልሽ ነበር ?

“ አዎን ለደርሰብኝ ከሚገባኝ የበለጠ ኀዘንና መከራ ተቀብያለሁ " እንዲያው አንዳንድ ጊዜ ሳስበውስ የምችለውም አይመስለኝም"

“ አሁንም ኀዘንሽ አላለፈም ? አሁንም ብኀዘን ላይ ነሽ ?

“ሀዘኔ ሁልጊዜ ከኔ ጋር ነው " አስክሞትም አብሮኝ ይቆያል » በልጅነቴ
ሙቸ ቢሆን ኖሮ ግን ዊልያም አመልጠው ነበር " ዓለም በኀዘን የተሞላ ነው

“ ምን ዐይነት ኀዘን ?”

“ ሕመም በሽታ ሐሳብ ' ኃጢአት በደል ጸጸት ልፋት ” አለችና በሪጅሙ ተነፈሰች
“ ዓለም ከምታመጣብን መከራ ግማሹን እንኳን ልነግርህ አልችልም " በጣም ሲደክምህ ዊልያም .. ከትንሽ አልጋህ ላይ ጋደም ብለህ እንቅልፍ
እስኪወስድህ ስትጠብቅ ደስ አይልህም ?

“ አዎን እኔም እንደዚያ ድክም ይለኛል ”

“ ስለዚህ እኛም በዓለም ጣጣምች የደከምነው ተጋድመን የምናርፍበት መቃብራችንን እንናፍቃለን ቶሎ እንዲደርስ እንጸልያለን ግን አይገባህም ”

ከመቃብር ኮ አንጋደምም . ማዳም ቬን "

“ የለም የለም ሰውነታችን ከዚያ ያርፋል » በመጨረሻ ቀን በክብር በውበት ይነሣል ምነው!እንዲያው ምነው!አለች እየተኮማተረች ምነው አንተና እኔ
ሁለታችን እዚያ ብንገናኝ ! "

“ ዓለም የኀዘን ቦታ ናት ያለው ነው ... ማዳም ቬን ? እኔስ በተለይ በሙቀት ቀን ፀሐይ ስታበራ ቢራቢሮዎች ሲራወጡ ቆንጆ ትመስለኛለች " አሁን
ኢስትሊን በበጋ ብታይው በአግድመቶችና በቨርተቴዎች ሽቅብና ቁልቁል ስንሮጥ ዛፎች ከራሳችን በላይ ሲወዛወዙ • ሰማዩ ጠርቶ አበባ ሁሉ ፈንድቶ ስታይው የኅዘን ዓለም ነው አትይም ነበር "

“ እነዚያ አበቦች ኮ ከመንግሥተ ሰማያት ነው የምናያቸው »

“መቸ ጠፉኝ » ሥዕላቸውን አይቻለሁ ማርቲን ስለ ምጽአት የሳለቻቸውን ስዕሎች ለማየት ወደ ሊንበራ ሔደን ነበር የዶክተር ማርቲን አይደለም
" ነጭ ነጭ የለበሱ ብዙ ሰዎች አሉ አንድ ወንዝም አለ በወንዙ የሚያማምሩ ጀልባዎች ነፍሶችን ሲያመላልሱ ይታያሉ ከወንዙ ዳር ዳር በቅለው ሲታዩ የነበሩት አበባዎች ድምቀታቸ ደስ ይላል ”

"ሥዕሎቹን ለማየት ማን ወሰዳችሁ ?”

“ አባባ ' እኔ ሉሲ ' ሚስዝ ሔርና ባርባራ ሆነን ሔደን ነበር ባርባራ ያኔ እናታችን አልሆነችም ነበር ” አለና ድምፁን ድንገት ዝቅ በማድረግ '“ ሎሲ አባባን ምን ብላ ጠየቀችው መሰለሽ ?”

"ምን ብላ ጠየቀችው ? "

ከነዚያ ነጭ ነጭ ከለበሱት ብዙ ሰዎች ውስጥ እማማም አብራ ትኖር እንደ
ሆነ ወደ መንግሥተ ሰማያት ሒዳ እንደሆነ ጠየቀችው ያኔ በፊት እናታችን የነበረ
ችውንኮ ነው ወይዘሮ ሳቤላን ደሞ ስትጠይቀው ብዙ ሰው ነበር የሰማት

"አባትህ ምን መልስ ሰጣት ? ”

እንጃ " ምንም የመለሰላት አልመሰለኝም !ከባርባራ ጋር ወሬ ይዞ ነበር " እሷ አይገባትም ስለ ወይዘሮ ሳቤላ አባባ ፊት ምንም እንዳትናገር ዊልሰን ስንት
ጊዜ ነግራት ነበር መሰለሽ « ሚስ ማኒንግም እንደሱ ስትነግራት ነበር ከቤት እንደተመለስን ዊልሰን ሰማችና ትከሻና ትከሻዋን ይዛ አንዘፍዝፋ አንዘፍዝፋ ለቀቀቻት "

ለምንድነው የወይዘሮ ሳቤላ ስም ከፊቱ የማይነሣው ? አለችው »

“ እነግርሻለሁ " አባባን ጥላው ሔደች” አላት ዊልያም በክሹክታ “ ሉሲ
ተጠልፋ ሔደች የምትለው ነገር አላት። እሷ ግን ምንም አታውቅም" እነሱ አይመስላቸውም እንደሆነ እንጂ እኔ ነገሩን ዐውቀዋለሁ "

" አንድ ቀን እሷም ከዳኑት ጋር ትገኝ ይሆናል .. ዊልያም ... አንተም አብረሃት።"

ከሶፋው ትራስ ላይ እንደ ተንጋለለና የድካም አተነፋፈስ ተንፍሶ ዝም ብሎ
ቆየ ሳቤላም ፊቷን ጋርዳ ጸጥ ብላ ቆየችና እንደገና ከትካዜዋ ነቃች « ዊልያም
ስቅስቅ ብሎ አለቀሰ "

“ እኔ ለመሞት አልፈልግም ለመሞት አልፈልግም ለምንድነው አባባንና
ሉሲን ትቼ የምሔደው? ”

ተነሳችና በላው ላይ ተደፋች በክንዶቿ ጥምጥም አድርጋ አቀፈችው " እንባው ከእንባዋ ኀዘኑን ሁሉ ከእንባው ጋር አውጥቶ ከደረቷ ዝርግፍ እንዲያደርገው አድርጋ አመቻችታ ያዘችው " ከጥቂት ጊዜ በኋላ እልፍ አለለት "

ከዋናው ምግብ ቤት ባለቤቶቹና ኧርል ማውንት እስቨርን ከነልጁ ራት በልተው ሲያበቁ ንግግርና ሣቅ ይሰማ ነበር ወንዶቹ የኮሚቴ ስብሰባ ስለነበራቸው ወደዚያ ሲሔዱ ባርባራ ወደ ግራጫው ሳሎን መጣች ማዳም ቬን ቶሎ ተነሥታ
መነጽሯን አድርጋ ኮስተር ብላ ከወንበር ላይ ተቀመጠች » ክፍሉ ጨልሞ ነበርና እሳቱን ራሷ ቆስቁሳ አነደደችው ዊልምን ሳይፈልግ ከሶፋው ተነሥቶ ወደ መኝታው እንዲሔድ አደረገችው ከዚያ በኋላ ዶክተር ማርቲን ምን ብሎ እንደ ሰደዳቸው ጠየቀቻት
፣ “በርግጥ ሳንባዎቹ መነካታቸን ነግሮኛል በተረፈ ይህም ነው ብሎ
የነገረኝ ቁርጥ ያለ ነገር የለም መቸም ሐኪሞች ሁሉ ልማዳቸው ሆኖ ነው እንጂ እሱ እንኳን ሁኔታውን እንደ ተረዳሁት አንድ ውሳኔ ላይ የደረሰ ይመስለኛል ”

“ደኅና እኔ ራሴ ወደ ዌስት ሊን እስደዋለሁ " እርግጠኛ ነኝ ሐኪሙ ለኔ ሳይሸሽግ ይነግረኛል » አሁን እንኳን የመጣሁት ያበደርሽኝን አምስት ፓውንድ ልከፍልሽ ነው " አለቻት የልጁን ነገር ትታ "

ሳቤላ ለመቀበል እጅዋን ዘረጋች "

“እንዲያው የገንዘብን ነገር ካነሣን ለልጆች ስጦታ እያልሽ ያን ያህል የምታመጪ ምን ሊተርፍሽ ነው ? አድራጎትሽን አኔም ሚስተር ካርላይልም አልወደድንልሽም " ባክሽ ማዳም ቬን ( ለወደፊቱ ተይ እኔ ገንዘብ የሚያስፈልገው ሰው የለኝም " ልጆች በጣም እወዳለሁ ” አለች
ማዳም ቬን በሷና በልጆች መኻል ጣልቃ ስለ ገባች የቀናች ይመስል

“ የለም እንደሱ አትበይ " ሌላ በይኖርሽ ለራስሽ ራስሽ አለሽ " ለማንኛው ነገር ትንሽ ተቀማጭ ገንዘብ ያስፈልግሻል " አንቺ ለራስሽ ማስብ ካልቻልሽ እኛ
እናስብልሻለን ስለዚህ የምንመክርሽን ካልሰማሽ ለልጆቹ ምንም ነገር እንዳትስጭ እንከክልሻለን "

“ ለፍቅር ምልክት ያህል ትንሽ ትንሽ ነገር እገዛላቸዋለሁ « ባይሆን የተቀረውን እቀንሳሰሁ ” አለች ሳቤላ "

እሱን ደና አንዳለፈሙ ውድ የሆኑ አሻንጕቶችን ሳይሆን ለምልክት ያህል አለቻትና አሁንም ወደ ሌላ ርእስ በመሻገር "ከሰር ፈሰራንሲስ ሊቪሰን ጋር ትውውቅ አላችሁ ? " አለቻት
" የለም ” አለች የውስጥ አካሏ እየተንቀጠቀጠ ጕንጮን እንደ እሳት እየፈጃት።

“ አኔ ኮ በቀደም ስለሱ ሳነሣ ጊዜ ሁኔታሺን ባየው የምታውቂው መሰለኝ
ጭራሽ አታውቂውም ?

“ አላውቀውም አለች ድምጿ, በግድ እየተሰማ ።

" በዚህ ቤት መጥፎ ነገር ያመጣው እሱ መሆኑን ታውቂ ኖሯል ማዳም
ሼን ?

“መጥፎ ነገር አለች ማዳም ቬን "

" አዎን እመቤት ሳቤላን ከቤቷ አስወጥቶ የወሰዳት እሱ ነበር። በርግጥ እሱ
ሊወስዳት እንደ ፈለጋት ሁሉ እሷም ፈልጋ ኖሮ ይሆናል "

የለም የለም! የሚል ተቃውሞ ሳታስበው ካፏ ነጥቆ ወጣ " እንዲያው
ባስበው ሊሆን የሚችል አይመስለኝም ለማለት ፈልጌ ነው " አለችና ለማቃናት ሞከረች "

“ እሱን በግምት እንጂ በትክክል ማወቅ አንችልም አንድ እርግጠኛ ነገር ነው የምንለው ባሏን ጥላ እሱን ተከትላ መሔዷ ነው " ሌላም የዚያኑ ያህል
ነገር አለ ይኸውም ያለፈቃዷ አልሔደችም " ዝርዝር ታሪኩን ሰምተሽዋል

"የለም "

እንዴት አድርጎ ከፈረንሳይ አምጥቶ ከቤቱ ደብቆ እንዳኖረው ከዘረዘረችላት
በኋላ በመጨረሻ ውለታ አድርው ሁለቱም ተመሳጥረው ሚስተር ካርላይልን ቤቱንና ልጆቹን አስታቅፈውት ተያይዘው መጥፋት ነበር " አለቻት "

ግን ሚስተር ካርላይል ስውዬውን ለምን ጠርተው አምጥተው ከቤታቸው
አስገቡት ?

እንዴ ለምን እንዲህ ትያለሽ ? ስውዬው እንደዚህ ርኩስ መሆኑን ሚስተር
ካርላይል ያውቅ ኖሯል ? ቢያውቅ ኖሮ ሚስቱን እመቤት ሳቤላን ትዋረድ መከራ ላይ ትውደቅ ብሎ ዝም ይል ኗሯል ሚስተር ካርላይል ኢስት ሊን ውስጥ አንድ መንጋ መጥፎ ሰዎችን ሊያጠራቅምበት ቢፈልግ አድራጎቱ አኔን ምን ያህል ይነካኛል ? በደኅንነቴ በጤንነቴ ለባሌ ስለ አለኝ ፍቅርና ቃል ኪዳን ምን ያህል እንደሚነካብኝ ማወቁ የኔ ፋንታ ነው”

ብቻ ይገርምሻል " አሁን ከሳሎን ብቻዬን ተቀምጬ ሰዎች ዕድል ስለሚሉት ነገር ሊሆን የሚችል ነው እያልኩ ሳስብ ነበር በሚስተር ካርላይል ቤተሰብ ላይ ችግርና ፈተና ያመጣባቸው ይኸ ሰው ነው ብየሻለሁ" የኔንም ቤተሰብ ከዚህ ያላሰ ፈተና ውስጥ የጣለ ይኸው ሰውዬ ለመሆኑ አሁን በቂ ምክንያት እንዳለኝ አምናለሁ " በወንጀል የተሰደደ ወንድም እንዳለኝ ታውቂያለሽ ?

ማወቋን አምና ለመናገር አልደፈረችም " የሪቻርድ ሔርን ታሪክ ማን ነገረኝ
ልትል ነው ?

አዳሜ ውርደት ነው ይለዋል”ቀጠለች ባርባራ ግን ሰው በሚያስበው
መንገድ ባይሆንም ነገሩ አሳፋሪ ነው ጥፋቱ ያለው ግን ኃፍረቱንና ውርደቱን በሪቻርድ ላይ ባላከከው በፍራንሲዝ ሌቪሰን ላይ ነው • ታሪኰ ሊነገር የሚገባው ስለ ሆነ አጫውትሻለሁ

ሳቤላ ከማዳመጥ ሌላ አማራጭ አልነበራትም ግን ፍራንሲዝ ሌቪሰን ከሪቻርድ ሔር ጋር ምን እንዳገናኘው ገርሟት ነበር ".....

💫ይቀጥላል💫

#ጠላፊዎቹ
፡
፡
#ክፍል_አስራ_ዘጠኝ
፡
፡
#በኬንፎሌት
፡
፡
#ትርጉም_ወንዳየሁ_ንጉሴ

ናንሲ ሌኔሃን በትዕግስት ማጣት ስትቁነጠነጥ የመርቪን ላቭሴይ ትንሽ
አይሮፕላን ለበረራ ተዘጋጀች፡፡ ላቭሴይ ለፋብሪካው ካቦ መመሪያ እየሰጠ ነበር፡፡ መርቪን የፋብሪካው ወዛደሮች እንዳመጹና ሰሞኑንም የስራ ማቆም አድማ ሊያደርጉ እንደሚችሉ ነገራት፡
‹‹አስራ ሰባት የመሳሪያ ቴክኒሻኖች ቀጥሬአለሁ አንዱ እንኳን ስለፋብሪካው ግድ የለውም፡፡››

‹‹ምንድነው የምታመርተው›› ስትል ጠየቀችው፡፡

‹‹ቬንቲሌተር፣ የአይሮፕላን ሞተር ክፍሎች፣ የመርከብ መፍቻዎች፣ የመሳሰሉትን፡፡ ኢንጂነሪንግ ክፍሉ ችግር የለውም፡ እኔን ያስቸገረኝ ሰራተኛ ማስተዳደሩ ነው፡፡ አንቺ ግን የፋብሪካ ውዝግብ ምንሽም አይመስልም›› ሲል
ጨመረ።

‹‹እኔም ችግሬ እሱ ነው፡፡ እኔም የፋብሪካ ባለቤት ነኝ››
ላቭሴይ በአባባሏ ተገረመ

‹‹ምን አይነት ፋብሪካ?››
‹‹በቀን አምስት ሺ ሰባት መቶ ጥንድ ጫማዎች አመርታለሁ››
ተደነቀ፡፡ ሆኖም የተበለጠ ስለመሰለው ‹‹አንቺ ጎበዝ ነሽ›› አላት አድናቆትና ለበጣ በተቀላቀለበት ድምጽ ናንሲ የእሱ ድርጅት ከእሷ በጣም እንደሚያንስ ገምታለች፡

‹‹አሁንስ ፋብሪካ አለኝ ባልል ይሻላል›› አለች ምርር ብሏት ‹‹ወንድሜ እኔ ሳላውቅ ድርጅቱን ሊሸጥ እየተሯሯጠ ነው›› አለችና አይሮፕላኗን በስስት እያየች ‹‹ለዚህ ነው የሰማይ በራሪ ጀልባው ላይ ለመሳፈር
የቸኮልኩት›› አለች፡፡

‹‹አይዞሽ ትሳፈሪያለሽ›› አላት በፍጹም ልበ ሙሉነት ‹‹ይቺ ሚጢጢዬ
አይሮፕላኔ ከሰማይ በራሪው
ጀልባ መነሻ አንድ ሰዓት ቀድማ ታደርሰናለች፡››

‹‹እስቲ እግዜሄር ይሁነና!›› አለች፡፡

አይሮፕላኗን ሲጠጋግን የነበረው መካኒክ ዘሎ ወረደና ‹‹ሁሉም ዝግጁ
ሁሉም ሙሉ ሚስተር ላቭሴይ›› አለው፡

ላቭሴይ ናንሲን ተመለከተና ‹‹ሄልሜት አምጣላት ይህን ባርኔጣ አድርጋ መብረር አትችልም›› ሲል አዘዘው መካኒኩን ናንሲ ወደ ቀድሞው መደዴ ባህሪው ወዲያው ሲመለስ ስታይ
ገረማት፡ ምንም የሚሰራ በሌለበት ጊዜ ከእሷ ጋር ለመጨዋወት ደስተኛ
ነበር፡ ነገር ግን የሆነ ጠቃሚ ነገር ሲከሰት ጣል ጣል ያደርጋታል፡ በስራ
ቦታዋ እንደዚህ አይነት ባህሪ ከወንዶች አልለመደችም:: ምንም እንኳ ስትታይ የወሲብ አማላይ ባትመስልም በቀላሉ የወንዶች ዓይን ውስጥ ትገባለች፡ በስራ ቦታዋም ተገቢውን ክብር የሚነፍጋት የለም፡፡ ወንዶች እንደ ላቭሴይ ናቅ አያደርጓትም:: ሆኖም በዚህ ጊዜ ምንም ተቃውሞ ማሰማት አትችልም:፡ ወንድሟ ላይ እስክትደርስበት የሚደርስባትን ውርደት መቀበል ይኖርባታል፡፡

ስለ ትዳሩ ማወቅ ፈለገችና ጠየቀችው፤ ‹‹ጥላኝ የሄደችውን ሚስቴን
እያሳደድኩ ነው›› ሲል የሆዱን ነገራት፧ ወዲያውኑ ሚስቱ ለምን ጥላው
እንደሄደች ገባት፡፡ ሴትን የሚያማልል መልከ መልካም ቢሆንም ስራው ላይ ብቻ የሚያተኩርና ለሴት ግድ የለሽ ይመስላል፡ ሚስቱን ለመከታተል
መነሳቱ ደግሞ ሌላው ግራ የሚያጋባ ገጽታው ነው፡፡ መቼም በጣም ኩሩ
ሳይሆን አይቀርም፡፡ ናንሲ ስታየው ሚስቱን ገደል ትግባ የሚል አይነት መስሏት ነበር፡፡ ነገር ግን ተሳስታለች፡፡

ሚስቱ ምን እንደምትመስል ለማየት ጓጉታለች፡፡ ‹ቆንጆ ትሆን የአልጋ ላይ ንግስት፣ ራስ ወዳድ፣ ቅምጥል ወይስ እንደ ቆቅ የምትደነብር? በቅርቡ ታያታለች አይሮፕላኑ ሳይነሳ ከደረሱ፡፡

መካኒኩ የብረት ቆብ አመጣላትና ራሷ ላይ ደፋላት፡

ላቭሴይ አይሮፕላኗ ላይ ወጣና ‹‹ናንሲን እንድትወጣ አግዛት›› ሲል መካኒኩ ላይ ጮኸበት፡፡

መካኒኩ ከጌታው በተሻለ ትህትና ‹‹የኔ እመቤት እዚያ ላይ ጸሐይም ቢኖር ብርድ አለ አለና ኮቷን አለበሳት ከዚያ አወጣና ከላቭሴይ ኋላ ካለው ቦታ ላይ
አስቀመጣት፤ሻንጣዋንም እግሯ ስር አኖረላት፡

ሞተሩ ሲነሳ ከማታውቀው ሰው ጋር አየር ላይ ልትወጣ እንደሆ ስታስበው ፍርሃት ጨመደዳት። መርቪን ላቭሴይ ብቃት የሌለው ፓይለት ወይም ደግሞ ነጭ ሴቶችን ለቱርክ ሴተኛ አዳሪ ቤቶች ወስዶ የሚሸጥ
ሊሆን ይችላል፤ ዕድሜዋ ለዚህ ያለፈ ቢሆንም፡፡ አይሮፕላኗ ደግሞ በደምብ
ያልተጠገነች ትሆን ይሆናል፡፡ ህይወቷን የሰጠችውን ላቭሴይን የምታምንበት ምንም ሁኔታ የለም፡፡ እንግሊዛዊና አይሮፕላን ያለው መሆኑን ብቻ ነው የምታውቀው:፡

ናንሲ ከዚህ ቀደም ሶስት ጊዜ በራለች፡ ሆኖም የበረረችባቸው አይሮፕላኖች ትልቅና ሽፍን ናቸው፡፡ ጊዜ ባለፈበት ባለ ድርብርብ የእንጨት ክንፍና በክፍት አይሮፕላን ስትሄድ
የመጀመሪያዋ ነው፡፡ ልክ በፈጣን ሽፍን ያልሆነ መኪና እንደመሄድ ይቆጠራል ሚጢጢዋ አይሮፕላን በአስፋልቱ ላይ ሮጣ እንደ ሰጋር በቅሎ እመር አለችና ወደ ሰማይ ተመነጠቀች ናንሲ በዚህ ጊዜ በፍርሃት ነፍሷ ውልቅ ልትል ምንም አልቀራት፡፡

የአብራሪነት ፈቃድ ይኖረው ይሆን?› አለች ለራሷ ደሞስ ከእንጨትና ከሸራ የተሰሩት የአይሮፕላኗ ክንፎች ቢቀነጠሱስ? ሞተሯ ቀጥ ቢልስ? ተሰብሮ መሬት ቢወድቅስ? ንፋሱ ወደ እነሱ አቅጣጫ ነፍሶ አይሮፕላኗ
ቢወዘውዛትስ? ጭጋግ ቢሆንስ? አቤት አምላኬ! እያለች ታስባለች ናንሲ¨
አይሮፕላኗ ግን አቅጣጫዋን ወደ አየርላንድ አድርጋ ሸመጠጠች¨
ጉዞው አስፈሪ ቢሆንም ደስ ይላል፡፡

ምዕራባዊ እንግሊዝን እንዳለፉ ናንሲ ውስጧ በድል አድራጊነት ሲሞቅ
ተሰማት፡ ፒተር ሆዬ ይሄኔ በሰማይ በራሪው ጀልባ ሊሳፈር እየተዘጋጀ ይሆናል፡፡ እዚያ ሲገባ ብልጧን እህቱን እንደሸወዳት ይረዳል፡፡ ነገር
ግን ደስታው የአጭር ጊዜ መሆኑን ስታውቅ ደግሞ አንጀቷ ቅቤ ጠጣ፡፡ ፎየንስ
መምጣቷን ሲያይ ምን ያህል እንደሚሸማቀቅ ለማየት ጓግታለች፡፡ ፒተር ላይ መድረስ ብቻ አይበቃም፡፡ ገና ከባድ ትልቅ ትግል ይጠብቃታል፡ በቦርድ ስብሰባው ላይ አክስቷ ቲሊንና ዳኒ ሪሌይን አክሲዮናቸውን
ከኩባንያው ጋር እንዲያቆዩና ከእሷ ጎን እንዲሰለፉ ማሳመን አለባት

ፒተር እህቱን እንዴት እንደዋሻትና ከእሷ ጀርባ ሲያሴር እንደነበር ለሁሉም ማሳወቅ ፈልጋለች፡፡ ምን አይነት እባብ እንደሆነ እንዲያውቁ ታደርጋለች፡ ነገር ግን ወዲያው ደግሞ አንድ ነገር ታሰባት፡፡ ንዴቷና በእሱ ላይ ያላት ጥላቻ በግልጽ ከታየ የኩባንያውን ውህደት የፈለገችው
በስሜታዊነት ነው ብለው ያስባሉ፡ ስለዚህ መጠንቀቅ አለባት፡ የፋብሪካው
የወደፊት መጻኢ እድል ምን እንደሆነና ከፒተር ጋር ያላቸው አለመግባባት
የስራ ብቻ እንደሆነ ቀዝቀዝ ብላ ማስረዳት አለባት፡፡ እሷ ከእሱ የተሻለ ድርጅቱን ማስተዳደር እንደምትችል ሁሉም ያውቃሉ፡፡

ክርክሯም በመጠኑ ስሜት ይሰጣል፡፡ለአክሲዮናቸው ሽያጭ የቀረበላቸው ዋጋ በኩባንያው አትራፊነት ላይ የተመሰረተ ነው፡፡ በፒተር
ደካማ አመራር ደግሞ ትርፉ አሽቆልቁሏል። ሌሎቹ የቦርድ አባላት ፋብሪካውን በመዝጋትና ሱቆቹን በመሸጥ ጠቀም ያለ ገንዘብ ማግኘት
እንደሚፈልጉ ናንሲ ገምታለች፡፡ ነገር ግን እሷ የፋብሪካውን አሰራር
በማደራጀት ዳግም አትራፊ ለማድረግ አቅዳለች፡:

ሌላም ምክንያት አለ፡፡ ለጦር ሰራዊቱ ዕቃ የሚያቀርቡ እንደ ናንሲ ላሉ
ኩባንያዎች ጦርነት ጥሩ ነው፡፡ አሜሪካ ጦርነት ውስጥ አትገባም ይሆናል
ነገር ግን ለጥንቃቄ ሲባል የጦሩን ትጥቅ ለማሟላት እንቅስቃሴ መደረጉ
አይቀርም፡፡ ስለዚህ ኩባንያቸው ትርፍ ማግበስበሱን ይጀምራል፡ ለዚህም ሳይሆን አይቀርም
ናት ሪጅዌይ ብላክ ቡትስ ኩባንያን በእጁ ለማድረግ የቋመጠው።

ከራሷ ጋር ስታወራ የነበረው ነገር ሁሉ በሞተሩ ጩኸት ምክንያት መርቪን ላቭሴይ ጆሮ እንዳልደረሰ ገምታለች፡፡ ታዲያ ሞተሩ ችግር እንደገጠመው አላወቀችም፡፡ የሞተሩን መንተፋተፍና ድምጹ አንዴ ከፍ አንዴ ዝቅ ማለቱን ስትሰማ ከሃሳቧ ባነነች፡፡ መርቪን አይሮፕላኑ እየከዳው ሲመጣ
አወቀች::

‹‹ምንድነው?›› ስትል ጮኸች ናንሲ ክው ብላ፡ መርቪን ወይ አልሰማትም ወይ በስራ ተጠምዷል፡፡ መልስ አልሰጣትም፡፡

"ኧረ ምን ተፈጠረ? አለች ለራሷ፡፡ የደረሰው ችግር ብርቱ ይሁን አይሁን መልስ የሚሰጣት ሰው አላገኘችም
ምክንያቱም መርቪን ወደፊት ብቻ ነው የሚያየው፡፡

ናንሲ ከዚህ በላይ መታገስ አልቻለችም፡፡ በጭንቀት እያለቀሰች ነው፡ አላስችላት ሲል ጊዜ የመቀመጫ ቀበቶዋን ፈታችና የላቭሴይን ጀርባ መታ
መታ አደረገችው:: መርቪንም አንገቱን ዞር አድርጎ ጆሮውን ሲሰጣት
‹ምንድነው?›› ስትል ጠየቀችው፡፡

‹‹እኔ ምን አውቄ›› አላት፡፡
‹‹ኧረ ምን ተፈጠረ?›› ስትል ደግማ ጠየቀችው:
‹‹አንዱ ሲሊንደር መሬት ሳይወድቅ አልቀረም›› አላት:
‹‹ስንት ሲሊንደር ነው ያለው?››
‹‹አራት››
አይሮፕላኗ አሁንም ወደ ታች ዘጭ አለች፡ ናንሲ በዚህ ጊዜ ተቁነጠነጠች፡፡ እሷም መኪና ትነዳለች፡፡ የእሷ መኪና አስራ ሁለት ሲሊንደር ነው ያላት፡፡ አንዱ ቢጠፋ በሌላው መሄድ ይችላል፡ ታዲያ አይሮፕላን
በሶስት ሲሊንደር መብረር ይችላል? የምታውቀው ነገር ስለሌለ በጭንቀት
በትር ተሸነቆጠች፡፡

አሁን አይሮፕላኗ በፍጥነት ወደመሬት እያሽቆለቆለች ነው፡፡ ናን አይሮፕላኗ በሶስት ሲሊንደር ትሄዳለች ነገር ግን ብዙ ርቀት መሄድ
አትችልም ይሆናል ስትል ገመተች፡፡ ከስንት ደቂቃ በኋላ ባህሩ ውስ
እንወድቅ ይሆን?
አሻግራ ስታይ መሬት በማየቷ በመጠኑ ቀለል አላት፡ አሁንም ትእግስቷ አልቆ የመቀመጫ ቀበቶዋን ፈታችና ላቭሴይን ‹‹መሬት በደህና እናርፍ ይሆን?›› ስትል ጠየቀችው፡

‹‹አላውቅም›› ሲል ጮኸ፡፡

‹‹ምንም አታውቅም!›› ስትል ጮኸች፡፡ ድንጋጤዋ ሳታውቀው አስጮሃት፡፡ ለመረጋጋት ሞከረች፡ ‹‹ምንድነው ግምትህ?››

‹‹አፍሽን ዝጊና መንዳቱ ላይ ላተኩር››

ወንበሯ ላይ ደገፍ አለችና ‹መሞቴ ነው በቃ፡ ልጆቼ አድገዋል፡ የኔን እርዳታ የማይፈልጉበት ዕድሜ ላይ ደርሰዋል፡ በእርግጥ አባታቸውን በመኪና አደጋ ስላጡ እናታቸውንም በአይሮፕላን አደጋ ቢያጡ ሃዘናቸው ቀላል አይሆንም፡፡›

ቀጠል አድርጋ ደግሞ ‹አንድ ፍቅረኛ ኖሮኝ ቢሆን ኖሮ እንዴት ጥሩ ነበር ስንት ጊዜ ሆነኝ. . . አስር ዓመት! አሁንስ ለመድኩት ብመለኩስ ይሻለኝ ነበር፧ ከናት ሪጅዌይ ጋር ብተኛ ኖሮ ጥሩ ነበር፧ እሱ ጥሩ ሰው ነው› ስትል አሰበች፡፡

አውሮፓ ከመምጣቷ በፊት ከአንድ አካውንታንት ጋር አንድ ሁለት ጊዜ ቀብጣ ነበር፡፡ ነገር ግን ከሱ ጋር ወሲብ መፈጸሟን እንደ ስህተት ነበር የቆጠረችው፡ ሩህሩህ ቢሆንም ደካማ ነው ከዚህ በፊት የገጠሟት ሰዎች ጠንካራ ነች ብለው ስለሚያስቡ ሁሉም እንድትንከባከባቸው ይፈልጋሉ እኔ የምፈልገው እኔን የሚንከባከበኝ ወንድ ነው ስትል አሰበች፡፡

የምተርፍ ከሆነ ከመሞቴ በፊት አንድ ፍቅረኛ እንደሚኖረኝ እርግጠኛ
ነኝ አለች በሆዷ፡

ፒተር እንደረታት አውቃለች አሳዛኝ ነው፤ አባታቸው ትቶላቸው የሄደው ይህንኑ ፋብሪካ ብቻ ሲሆን በጄኔራል ቴክስታይልስ ሊዋጥ ነው አባታቸው እድሜያቸውን በሙሉ ይህን ፋብሪካ አሁን የደረሰበት ደረጃ ለማድረስ ብዙ ቢለፉም አሁን ፒተር ኃላፊነቱን ከተረከበ አምስት አመት እንኳን ሳይሞላው ድምጥማጡን ሊያጠፋው ቆርጦ ተነስቷል፡

አንዳንድ ጊዜ አባቷ በአዕምሮዋ ድቅን ይሉባታል፤ ሲበዛ አዋቂ ነበሩ መላ ይፈልጉለታል፡፡ የእጅ እውቀት ስለነበራቸው የጫማ ማምረቻ ማሽን
ንግድ ስራ ሲቀዘቅዝ ወይም የሆነ የቤተሰብ ችግር ሲከሰት አባታቸው አንድ
አምራቾች ዲዛይናቸውን ከማጠናቀቃቸው በፊት ያማክሯቸው ነበር፡፡ ናንሲ
የጫማ ምርት ሂደቱን ልቅም አድርጋ ታውቀዋለች የእሷ ልዩ ችሎታ ገበያው የሚፈልገውን ነገር አስቀድማ ማወቋ ነው፡፡ እሷ የፋብሪካው ኃላፊ
ከሆነች ወዲህ ብላክ የጫማ ፋብሪካ ከወንድ ጫማ ይልቅ በሴት ጫማ
ሽያጭ ነበር የበለጠ ትርፍ የሚያግበሰብሰው: አባታቸው በፒተር ላይ ጥላ
ያጠሉበትን ያህል በእሷ ላይ አላጠሉባትም ነበር፡፡

አሁን ደግሞ እሞታለሁ ብላ ማሰቧ ጅልነት እንደሆነ ተገነዘበች ለአፍታ ያህልም በራስ መተማመን ተሰማትና ውስጧን ደስ አላት ።

አይሮፕላኗ እንደገና ወደ ታች እየወረደች ሳለ የብላክ ቤተሰብ ከዚህ ምድር የፈለቀ መሆኑ ሲታሰባት ውስጧን ደስታ ወረረው፡፡

መርቪን ላቭሴይ ከአይሮፕላኑ መቆጣጠሪያ ጋር ሲታገል ስታይ ፍርሃት ጨመደዳትና በልቧ መጸለይ ጀመረች፡፡ እድገቷ በካቶሊክ አማኝ ቤተሰብ ውስጥ ቢሆንም ባሏ ሾን ከሞተ ወዲህ ቤተክርስትያን ደጅ ደርሳ አታውቅም፡፡ ለመጨረሻ ጊዜ ቤተክርስቲያን የተገኘችው በባሏ ቀብር ላይ ነበር፡፡ በእግዚአብሄር ማመንና አለማመኗን በቅጡ ባታውቅም መጸለዩ
የሚጎዳት ነገር ስለሌለው ጸሎት አደረሰች፤ ‹‹አባታችን ሆይ!›› ካለች በኋላ
የመጀመሪያ ልጇ ሂው አግብቶ የልጅ ልጅ እስኪያስታቅፋት ድረስ
እንዳይገላት አምላኳን ተማጸነች፡፡

አይሮፕላኗ ዝቅ እያለች ስትመጣ ማዕበሉ፤ ባህሩን የከበበው ተራራ፣ ገደላ ገደሉና ሜዳው ሁሉ እየጎላ መጣ፡፡ አይሮፕላኗ ባህሩ ላይ ብትወድቅ
እየዋኘች ወደ ዳር መውጣት መቻሏን ተጠራጠረች፡ ጥሩ ዋናተኛ ብትሆንም በመዋኛ ገንዳ እየዋኙ መዝናናትና እዚህ እዚያ ከሚያላጋ ማዕበል ውስጥ እየዋኙ መውጣት የተለያዩ ነገሮች ናቸው፡፡ ውሃው ደግሞ አጥንት
የሚሰብር ቀዝቃዛ ነው፤ ቦስተን ግሎብ የተባለው ያገሯ ጋዜጣ ሚስስ
ሌኒሃን የተሳፈረችበት አይሮፕላን ባህር ውስጥ በመግባቱ በቅዝቃዜ ሞተች
ብሎ ሲዘግብ ታያት፡፡

አይሮፕላኗ ባህር ላይ ከወደቀች ስለምትሞት ብርዱ አይሰማትም፡:
አይሮፕላኗ በምን ያህል ፍጥነት እንደምትበር አታውቅም፤ በሰዓት 90 ኪሎ ሜትር እንደምትበር ላቭሴይ ነግሯታል፤ አሁን ግን ፍጥነቷ እንደ ቀድሞው
ሳይሆን በሰዓት 50 ኪሎ ሜትር እየበረረች ነው፤ ሾን የተሳፈረበት አይሮፕላን በሰዓት 50 ኪሎ ሜትር እየበረረ እያለ ወድቆ ነው ህይወቱ ያለፈው::
አሁን ምን ያህል ዋኝታ ህይወቷን እንደምታተርፍ ማሰቡ አይረባትም፡:

ጸሎቷ ሰምሮላት አሁን
የባህሩ ዳርቻ ተቃርበዋል አይሮፕላኗ በቀድሞው ሁኔታ ሞተሯን እንደ ጢንዚዛ ጥዝዝዝ እያደረገች ትበራለች አይሮፕላን አሸዋ ወይም ጠጠር በተሞላበት የባህር ዳርቻ ያርፍ ይሆን?
እያለች ናንሲ ታስባለች፡:

አሁን ለባህሩ ዳርቻ ሩብ ኪሎ ሜትር ያህል ቢቀራቸውም አካባቢው
አለታማና በትልልቅ ቋጥኞች የተከበበ መሆኑን ስታይ ልቧ ስንጥቅ አለ፧
እታች በጎች ሳር ሲግጡ ይታያሉ፡፡

ቢጫ ቀለም የተቀባችው ሚጢጢ አይሮፕላን ቀስ በቀስ ዝቅ እያለች
ብትመጣም ቀጥ ብላ ለመብረር እየታገለች ነው ናንሲ የባህሩ መአዛ
አፍንጫዋጋ እየደረሰ ነው፡ ባህሩ ዳርቻ ላይ ከማረፍ ውሃው ላይ ማረፍ
ሳይሻል አይቀርም ስትል አሰበች አይሮፕላኗ ታች የሚታዩት እንደ ጦር
ሾል ሾል ያሉት አለቶች ላይ ለማረፍ ብትሞክር ብጥቅጥቋ ይወጣል
ናንሲም እንደዚሁ
ናንሲ ስቃይ የሌለው ሞት ተመኘች፡፡

ላቭሴይ ምናልባት ከገደሉ በላይ ባለው መስክ ላይ አይሮፕላኗን ለማሳረፍ ሳያስብ አይቀርም፤ ያውም እዚያ መድረስ ከቻለ
የአይሮፕላኗ ሞተር እንደ ታመመ እንስሳ ቱፍ ቱፍ ማለቱን ተያይዞታል፤ ንፋሱ አይኗ ላይ የባህሩን ፍንጥቅጣቂ እየረጨው ነው‥ በጎቹ ላያቸው ላይ የምታንዣብባቸውን አይሮፕላን ሲያዩ ተበታተኑ፧ ናንሲ በስጋት የአይሮፕላኗን የፊት ክፍል ጨምድዳ የያዘችበት እጇ ደም አግቷል
አይሮፕላኗ ወደ ገደሉ ጫፍ ስትደርስ ጎማዎቿ ከገደሉ ጋር ሲጋጩ ላለማየት ዓይኗን ጨፈነች፡፡

ዓይኗን ስትከፍት ምንም ግጭት ባይኖርም አፍታም ሳይቆይ ግን አይሮፕላኗ ዘጭ ስትል ናንሲ ከመቀመጫዋ ተስፈነጠረች ትንሽ ቆይታ ደግሞ ወደ ላይ ወጣችº በመጨረሻ ተሳክቶላት መሬቱ ላይ አርፋ መስኩ ላይ እየተንገጫገጨች ሄደችና ላቭሴይ እንደምንም አቆማት

ናንሲ አይሮፕላኗ በደህና ማረፏን ስታይ ያ ሁሉ ፍርሃትና ጭንቀት
ከላይዋ ላይ ቢወርድም ሰውነቷ ይንዘፈዘፋል፤ ፍርሃቷ ለቋት ሰውነቷን
ስትገዛ አምላኳን አመሰገነች ላቭሴይ የእሷን በድንጋጤ መንዘፍዘፍ ሳያጤን የጥገና መሳሪያ የያዘውን ቦርሳውን ይዞ ከአይሮፕላኗ ወረደና
የሞተሩን በር ከፍቶ ይፈታትሽ ገባ፡፡ ናንሲም ተረፍሽ ወይ ብሎ
እንዲጠይቃት ብትጠብቅም እሱ ከምንም አልቆጠራትም፡፡

ናንሲ የላቭሴይ አድራጎት ጨዋነት የጎደለው ቢሆንም ተረጋግታለች አካባቢውን ስትቃኝ በጎቹም ሳሩን መጋጥ ጀምረዋል፤ ባህሩም እንደወትሮው እየተነሳ መፍረጡንና ከባህሩ ዳርቻ ጋር እየተላተመ መመለሱን አላቋረጠም ለተወሰነ ጊዜ ከመቀመጫዋ ሳትነቃነቅ ቆየችና እግሮቿ ሰውነቷን እንደ ሚሸከሙ ስታረጋግጥ በሩን ከፍታ ወጣች፡፡
ለመጀመሪያ ጊዜ የአይሪሽ
መሬትን ስትረግጥ አይኖቿ በእምባ ተሞሉ፡ ይህ መሬት ነው አያቶቻችን የበቀሉበት፡፡ አያት ቅድም አያቶቻችን የእንግሊዝ ፕሮቴስታንቶች ባደረሱባቸው ግፍና ጭቆና እንዲሁም የድንች በሽታ ባስከተለባቸው ቸነፈር አገራቸውን ጥለው በመርከብ ታጭቀው ወዳዲሱ ዓለም አሜሪካ ተሰደዱ› ስትል አሰበች፡፡

የሆነ ሆኖ ተርፋለች፡፡ ስዓቷን ስታይ ስምንት ሰዓት ከሩብ ሆኗል፤ ወደ አሜሪካ የሚበረው የሰማይ በራሪ ጀልባ ይህን ጊዜ ከሳውዝ ሀምፕተን ተነስቷል፤ ይቺ አይሮፕላን መብረር ከቻለች ናንሲ ፎየንስ ከተማ በጊዜ
ትደርሳለች፤ ወደ ሞተሩ አካባቢ ሄዳ ስታይ ላቭሴይ ትልቅ መፍቻ ይዞ
ብሎን ሲያላላ አየችና ‹‹ይሆንልሃል?›› ስትል ጠየቀችው:
እሱም እንዳቀረቀረ ‹አላውቅም›› አላት፡፡
‹‹ምንድነው ችግሩ?››
‹‹እኔ እንጃ››
ላቭሴይ ወደ ተለመደው ዝግነቱ መመለሱን አየችና በስጨት ብላ
‹‹ኢንጂነር መስለኸኝ ነበር›› አለችው፡፡
ይህ አባባሏ ጠቅ አደረገውና ቀና ብሎ አይቷት ‹‹ያጠናሁት
ማቲማቲክስና ፊዚክስ ነው እንጂ የሞተር መካኒክነት አይደለም›› ሲል
መለሰላት ፈርጠም ብሎ፡፡
‹‹ካልቻልክ ከአየርላንድ መካኒክ እናስመጣ››
‹‹በድፍን አየርላንድ ውስጥ አንድም መካኒክ አታገኚም ይህ አገር አሁንም በድን
ዘመን ውስጥ ነው ያለው››
ይህ አገር ኋላ ቀር የሆነው በጨካኞቹ እንግሊዞች ለዘመናት ሲረገጥ
ስለኖረ ነው›› ስትል መለሰችለት፡፡

ራሱን ከሞተሩ ላይ ቀና አደረገና ‹‹ምን ሲደረግ ወደ ፖለቲካ ውስጥ ገባን?›› ሲል ጠየቃት፡፡

‹‹ተረፍሽ ወይ ብለህ እንኳን አልጠየቅኸኝም››
‹‹ሳይሽ ደህና ነሽ››
‹‹ልትገለኝ ነበር››
‹‹አዳንኩሽ እንጂ››
‹‹ይህ ሰው ግራ ነው›› ስትል አሰበች ናንሲ ዙሪያ ገባውን ስትቃኝ ሩብ ኪሎ ሜትር ያህል ርቀት ላይ መንገድና ችምችም ያሉ ጎጆዎች አየች፡፡ ምናልባትም ወደ ፎየንስ የምትሄድበት መኪና ታገኝ እንደሆነ አሰበችና ‹‹አሁን የት ነው ያለነው?›› ስትል ጠየቀችው
‹‹አላውቅም እንዳትለኝ››

ፈገግ አለ፡፡አንዳንድ
ጊዜ ደህና ሲሆን ስታይ ይገርማታል፡

‹‹ምናልባትም ደብሊን ከተማ ልንደርስ ትንሽ ነው የቀረን›› አላት::

እጇን አጣጥፋ ቆማ ሞተሩን ሲጎረጉር ማየት እንደሌለባት ተገነዘበችና
‹‹እስቲ ሄጄ እርዳታ የሚሰጠኝ ሰው ልፈልግ››
አለች፡፡

እግሯን አየና ‹‹ይህን ጫማ አድርገሽ የትም አትደርሺም›› አላት:

በንዴት ‹‹አሳይሃለሁ›› አለችና ቀሚሷን ወደ ላይ ሰብስባ ስቶኪንጓን
ጠቅልላ ጫማዋን አወለቀች ወንድነቷን ልታሳየው መሆኑን ስታውቅ ልቧ በደስታ ሞቀ፡፡ ጫማዋን ኮቷ ኪስ ውስጥ ከተተችና ‹‹አልቆይም›› ብላው መንገዱን በእግሯ ተያያዘችው፡፡

ጀርባዋን ሰጥታው ትንሽ እንደተራመደች በድፍረት መንገድ መጀመመሯ
ፈገግ አሰኛት፡፡

በደስታዋ ግን አፍታም አልቆየች፡፡ እግሮቿ ጭቃ ውስጥ ተዘፈቁ፤
ቅዝቃዜውም እየተሰማት ነው፡፡ ጎጆ ቤቶቹ እንደገመተችው ሳይሆን ሩቅ ሆነውባታል፡፡ እዚያ ስትደርስም ምን እንደምትላቸው ግራ ገብቷታል፡ ወደ ደብሊን የሚወስዳት መኪናም ማግኘቷ አጠራጥሯታል፤ ላቭሴይ እዚህ ቦታ
መካኒክ አይገኝም ሲል የተናገረው ትክክል ሳይሆን አይቀርም:

ጎጆዎቹጋ ለመድረስ ሃያ ደቂቃ ፈጀባት፧ ከጎጆው ኋላ አንዲት ሴት የጓሮ አትክልቷን ስትቆፍር አየችና ‹‹እዚህ ቤቶች!›› ስትል ተጣራች፡፡
ከጎጆዋ የወጣችው ሴት ናንሲን ስታይ በድንጋጤ ‹‹ዋይ!›› አለች፡

‹‹የመጣሁበት አይሮፕላን ተበላሽቶብኝ መካኒክ ፈልጌ ነው የመጣሁት›› አለቻት ናንሲ፡፡

ሴትየዋ ናንሲ ልክ ከሌላ ዓለም የመጣች ይመስል አፈጠጠችባት፡፡ ናንሲ ጸጉራም ኮት ለብሳና ባዶ እግሯን ሆና ሰው ሲያያት ለየት እንደምትል ተገነዘበች፡፡ ሴትየዋ እጇን ቀስ ብላ ሰደደችና የናንሲን ጸጉራም ኮት ስትነካ ናንሲ አፈር አለች ሴትየዋ እንደ አምላክ ቆጠረቻት፡ ‹‹እኔ
አየርላንዳዊ ነኝ አለች ሰው መሆንዋን ለማስረገጥ፡ ‹‹ወደ አየርላንድ የሚወስደኝ መኪና አገኝ ይሆን?››

አሁን ሴትየዋ ገባት ‹‹ኦ መኪና ትፈልጊያለሽ?›› አለቻት፡
‹‹ምን ያህል ይርቃል ከዚህ?››
‹‹ጥሩ በቅሎ ካገኘሽ አንድ ሰዓት ተኩል ይፈጅብሻል››
ከፎየንስ ይነሳል፡፡ እዚህ አካባቢ መኪና ያለው የለም? ምን ዓይነት ጣጣ
‹‹ይህማ አይሆንም፧ የአየር በራሪው ጀልባ በሁለት ሰዓት ጊዜ ውስጥ
ነው!›› አለች ናንሲ፡፡

‹‹ስሚዝ ሞተር ሳይክል አለው›› አለቻት ሴትየዋ፡፡
‹‹ሞተር ሳይክልም ይሆናል›› አለች ናንሲ ደብሊን ከደረሰች ወደ
ፎየንስ የሚወስዳት መኪና አታጣም: ፎየንስ ምን ያህል እንደሚርቅና ምን ያህል ጊዜ እንደሚወስድ የምታውቀው ነገር ባይኖርም ልትሞክር ቆርጣለች፡፡

ስሚዝ የት ነው የሚገኘው?››

‹‹እሱጋ እኔ እወስድሻለሁ›› አለችና አካፋዋን መሬቱ ላይ ሰክታ ተያይዘው ሄዱ።

መንገዱ ጭቃ በጭቃ በመሆኑ ሞተር ሳይክል ከበቅሎ በላይ ፈጥኖ
ሊሄድ እንደማይችል ስታውቅ ሆዷ በድንጋጤ ስንጥቅ አለ፡፡ አንድ ሌላ
ችግር ደግሞ ፊቷ ድቅን አለ፡ ሞተር ሳይክል ከነጂው ሌላ ማሳፈር የሚችለው አንድ ሰው ብቻ ነው መኪና ካገኘች ደግሞ ተመልሳ ላቭሴይን ለመውሰድ አስባለች: በሞተር ሳይክል የሚኬድ ከሆነ ግን አንድ ላይ መሄድ አይችሉም፧ ባለቤቱ ሞተሩን ካልሽጣቸው በስተቀር፡፡ ከሸጠላቸው ደግሞ
ላቭሴይ እየነዳ እሷ ተፈናጣ ፎየንስ ገቡ ማለት ነው፡
ትንሽ እንደሄዱ አንድ እንደ ነገሩ የሆነ ጋራዥጋ ደርሰው፣ የሞተር ሳይክሉ ክፍሎች መሬት ላይ ተበታትነው፣ አንድ ባለሙያ ሲበይድ ስታይ ክፉኛ ተስፋ ቆረጠች፡፡ ሴትየዋ ስለ ናንሲ በአገሬው ቋንቋ ስትነግረው ቀና ብሎ ናንሲን በፈገግታ አየት አደረጋትና ‹‹አይሮፕላኑ የት ጋ ነው ያለው?›› ሲል ጠየቃት፡

‹‹ከዚህ ግማሽ ኪሎ ሜትር ርቀት ላይ፡፡››

‹‹ልየው?››

‹‹ስለ አይሮፕላን ጥገና ታውቃለህ?›› ስትል ጠየቀችው ችሎታውን
ተጠራጥራ