124ኛው የዓድዋ ድል በዓል በአዲስ አበባ ከተማ ምንሊክ አደባባይ እየተከበረ ነው፡፡

124ኛው የዓድዋ ድል በዓል በአዲስ አበባ ከተማ ምንሊክ አደባባይ የአዲስ አበባ ከተማ አስተዳደር የስራ ሓላፊዎች ፣ አባት እና እናት አርበኞች እንዲሁም በርካታ የከተማዋ ነዋሪዎች በተገኙበት በድምቀት በመከበር ላይ ይገኛል።
በድል በዓሉ የጥንታዊት ኢትዮጵያ ጀግኖች አርበኞች ማህበር ሊቀመንበር ልጅ ዳንኤል ጆቴ ባስተላለፉት መልዕክት እንዳሉት ኢትዮጵያ በዓድዋ ድል የከፈለችው መስዋዕትነት ከራሷ አልፎ ለአፍሪካ እና ለጥቁር ህዝቦች በሙሉ መሆኑን ተናግረዋል።

በአሁኑ ሰዓት አገራችን ኢትዮጵያ እጅግ ፈታኝ ወቅት ላይ ትገኛለች ያሉት ልጅ ዳንኤል ጆቴ ከልዩነት ይልቅ አንድነትን ከጥላቻ ይልቅ መፈቃቀርን በመስበክ ሁሉም ለአገሩ ዘብ ሆኖ ሊቆም እንደሚገባው አሳስበዋል፡፡

የአዲስ አበባ ከተማ አስተዳደር ዋና ስራ አስኪያጅ ኢንጅነር አወቀ ኃ/ማሪያም ፣የከንቲባ ጽህፈት ቤት ኃላፊ ወ/ሮ አለምጸሀይ ጳውሎስ እና የጥንታዊት ኢትዮጵያ ጀግኖች አርበኞች ማህበር ሊቀመንበር ልጅ ዳንኤል ጆቴ በጋራ የአበባ ጉንጉን አስቀምጠዋል፡፡

ለ124ኛ ጊዜ በመከበር ላይ በሚገኘው የዓድዋ ድል በዓል ላይ አርበኞች ፉከራ እና ሽለላ ያቀረቡ ሲሆን በርካታ የከተማዋ ነዋሪዎች በአንድነት በዓሉን በማክበር ላይ ይገኛሉ፡፡

Via:- Addis Ababa City Administration
@YeneTube @Fikerassefa

የአድዋ ድል በዕል በተለያዩ ከተሞች እየተከበረ ይገኛል።