Իրանի նախագահ Էբրահիմ Ռայիսի՝ Թավրիզ այցելության ժամանակ նրա բացօթյա հանրային ելույթի համար նախատեսված բեմահարթակի վրա ատրպատականյան թյուրքերենով գրված է՝ «Ատրպատականն արթուն է, հեղափոխությանը նեցուկ է»։

Հետաքրքիր է, արդյոք, հնարավո՞ր է, որ Բաքվի բարբարոսսկան վարչախմբի պարագլխի՝ դիցուք, Լենքորան այցի ժամանակ որևէ հանրային՝ առավել ևս, սրա ելույթի համար նախատեսված, վայրում լինի թալիշերենով գրված ինչ-որ կարգախոս։

Հարցը, բնականաբար, հռետորական է, քանի որ արհեստածին Ադրբեջանում, պատկերավոր ասած, նույնիսկ մանրավաճառի կրպակի ցուցափեղկին թալիշերեն ցուցանակի տեղադրումը դաժանորեն պատժվում է։

Եվ սա այն ամենն է, ինչ պետք է իմանալ պարբերաբար, իբր, «հարավային ադրբեջանցիների»՝ Իրանում լեզվական և այլ իրավունքների մասին երեսպաշտորեն ճամարտակող Բաքվի բռնապետության իրականության մասին՝ արհեստածին մի կազմավորում, որի շրջանակներում բոլոր տեղաբնիկ ժողովուրդների նկատմամբ իրենց իսկ հայրենիքում գործադրվում է «սպիտակ ցեղասպանության» քաղաքականություն։

#թշնամու_իրական_վիճակը

🆔 @vardan_voskanyan

1. Հայաստանի յուրաքանչյուր թիզ հող սրբազան է, ուստի չի կարող զիջվել թշնամուն։
2. Քաղաքակրթական գաղափարական հիմքի վրա պետք է ստեղծել Հայաստան-Իրան ռազմավարական դաշինք՝ ուղղված բարբարոսների դեմ։
3. Իրական հպարտության աղբյուր կարող է լինել միայն հզոր և զարգացող Հայաստանը, այլ ոչ թե գոյատևելը կամ գոյություն քարշ տալը։

Այս և այլ հարցերի մասին խոսել եմ Ֆրիդա Ղազարյանի հետ հարցազրույցում։

🆔 @vardan_voskanyan

https://youtu.be/iI60WjRm4g4

Այն դեպքում, երբ Բաքվի բարբարոսական վարչախմբի պարագլուխը բարբաջում է պատմությանն ու արդի իրականությանն անհայտ ինչ-որ «Արևմտյան Ադրբեջանի» մասին՝ նկատի ունենալով Հայաստանի Հանրապետության տարածքը, իսկ սրա քարոզչամեքենան՝ թմբկահարում հայերիս իբրե թե «եկվոր» լինելու վերաբերյալ, այն լեզուն, որով հնչեցվում են այդ զառանցանքներն, ապացուցում է բոլորովին հակառակը։

Ադրբեջաներենի բարբառների մի զգալի բույլում հատկապես տան կառուցման համար խիստ անհրաժեշտ «հիմք» հասկացության համար բառը փոխառություն է հայերենից՝ him «հիմք», հմմտ.՝ հայերենի տարբեր բարբառներում, այդ թվում՝ Երևանում «հիմ» ձևը։

Ընդ որում, այն տարածված է ոչ միայն բռնազավթված հայկական տարածքներում խոսվող ադրբեջանական բարբառներում ու խոսվածքներում՝ Հին Ջուղա, Որտվատ (Օրդուբադ), Շարուր, Նախիջևան, Քարվաճառ, Գետաբակ, այլ նաև Դմանիսում և Քվեմո Քարթլիում, ինչպես նաև Լեռնային Շիրվանի կենտրոն Շամախիում։

Ուստի թշնամու նկրտումները մեր սրբազան հայրենիքի հանդեպ հիմքից սկսած կեղծ են, և այդ մասին փաստում է հենց ինքը՝ «հիմք» բառը։

#հավերժականՀայաստանը

🆔 @vardan_voskanyan

Անցյալ տարի իտալացի իրանագետ ուսսնողներիցս մեկը Երևանում ձեռք էր բերել ու կարդացել Ավոյին նվիրված «Պայքարելու իրավունքը» գիրքը և նրան համարում էր հերոս՝ հայկական Չե Գևարա։

Բաքվի բարբարոսսկան վարչախումբը չունի և ոչ մի նման իրական հերոս. այնտեղ հերոսներ չկան և վերջ։

Ուստի հազարամյակներով հայկական Արցախի զիջումն անհերոս թշնամուն, մնացյալ ամեն ինչից զատ, անարգանք կլինի ոչ միայն Ավոյի սուրբ հիշատակի, այլ նաև մեր ողջ ազգի համար, որն այսպիսի հերոսներ է ծնել։

#հավերժականՀայաստանը

🆔 @vardan_voskanyan

Բաքվի բռնապետի քարոզչամեքենային այնքան է անհանգստացրել ադրբեջաներենում վկայված հայերենից փոխառյալ him «հիմք» բառի մասին նվաստիս վերջին գրառումը, որ միանգամից մի քանի քարոզչամիջոց, այդ թվում՝ նաև տեսանյութով, «անդրադարձել» են դրան։

Բազմիցս նշել եմ, որ սրանց մտավոր ու հայերենի իմացության մակարդակն այնքան ցածր է, որ այս անգամ էլ չեն հասկացել, թե խոսքը բարբառային ադրբեջաներենի him «հիմք» բառի մասին է, այլ ոչ թե լատիներեն արմատից սերող «ֆունդամենտի»։

Սրանց պարագայում են ռուսերենում ասել՝ «Деньги есть, ума не надо»:

#թշնամու_իրական_վիճակը

🆔 @vardan_voskanyan

Այս կիրակի կմեկնարկի Պատմության իրանական ասոցիացիայի Խուժաստանի մասնաճյուղի և ԵՊՀ արևելագիտության ֆակուլտետի իրանագիտության ամբիոնի համատեղ առցանց քննարկումների շարքը՝ նվիրված Իրանի պատմության համար մեծ կարևորություն ու արժեք ներկայացնող հայկական պատմագրությանը։

Առաջին նիստը նվիրված է լինելու Ղազար Փարպեցու երկերին, և նվաստիս պատիվ է արվել հայկական կողմից լինելու հիմնական բանախոսը։

Այս համագործակցության նպատակներից մեկը ակադեմիականության հստակ շրջանակներում մեր տարածաշրջանի երկու հինավուրց ազգերի՝ հայերի և իրանցիների, հազարամյակների հարաբերությունների և քաղաքակրթական դերակատարության պատմական տարբեր շերտերի վերհանումն ու ներկայացումն է պարսկախոս լսարանին։

#հայ_իրանական_քաղաքակրթական_դաշինքը

🆔 @vardan_voskanyan

Մեզ պարբերաբար փորձում են «վստահեցնել», թե Հայաստանն այս տարածաշրջանում դաշնակից չունի։

Մինչդեռ հենց էրդողանական թշնամական վարչախմբի պարագլխի հայտարարությունն առ այն, որ Իրանն է պատրանքային «Թուրանական միջանցքի» հիմնական խոչընդոտն, ապացուցում է, որ ի դեմս, պատկերավոր ասած, մերձավորարևելյան առյուծի մենք ունենք բնական դաշնակից՝ դիմագրավելու էրդողանական և Բաքվի բռնապետական վարչախմբերին։

Իրանի կարմիր գծերը հայ-իրանական հազարամյակների սահմանի անվտանգության և անձեռնմխելիության առումով ուրվագծել է այդ պետության քաղաքական և հոգևոր առաջնորդն՝ ընդ որում, դա անելով զգուշացման ձևով Էրդողանի հետ երես առ երես հանդիպման ընթացքում, ուստի իրանական դիրքորոշումներն այս հարցում անխախտ են։

Այլ խնդիր է, որ նույնիսկ թշնամին է փաստում, թե որքան կարևոր բնական դաշնակից է Իրանը Հայաստանի համար, ուստի հայ-իրանական բարեկամությունը հնարավորին արագ և որակյալ կերպով պետք է ձևակերպվի Հայաստան-Իրան բազմակողմ ռազմավարական և քաղաքակրթական դաշինքի տեսքով՝ ի փառս հազարամյակների պատմություն ունեցող երկու պետությունների ու ազգերի և ի հեճուկս բարբարոսների։

#հայ_իրանական_քաղաքակրթական_դաշինքը

🆔 @vardan_voskanyan

«Հայաստանի Հանրապետության անվտանգությունն անսակարկելի հանգամանք է և մեզ համար ունի կենսական կարևորություն, հետևաբար, մենք չենք կարող հրաժարվել մեզ համար կենսական նշանակության խնդրից։ Իսկ այդ խնդրի ապահովումը շատ դեպքերում կապված է հայ-իրանական ռազմավարական դաշինքի ձևավորմսն հետ»։

#հայ_իրանական_քաղաքակրթական_դաշինքը

🆔 @vardan_voskanyan

https://tinyurl.com/ycxutpy5

Բաքվի բարբարոսսկան վարչախմբի զինված բաշիբոզուկները Երասխի հատվածում կրակում են Հայաստանի ինքնիշխան տարածքի քաղաքացիական ենթակառուցվածքի՝ նոր կառուցվող գործարանի վրա։

Զարմացե՞լ եք։ Հապա, ի՞նչ էիք կարծում՝ կոնկրետ նվաստիս, պատկերավոր ասած, լեզուն չորացավ, պնդելով, որ Ադրբեջան կոչվող արհեստածին կազմավորումը և սրա անվերապահ հովանավոր էրդողանական վարչախումբը ծրագրում են իրենց համար ամենավատ սցենարում տեսնել «Էրմենիսթան» ցուցանակով զարգացման ու հզորացման որևէ հեռանկարից զուրկ ազգագրական ռեզերվացիա, իսկ Հայատանում դեռ կան մարդիկ, որ հավատում են, թե սրանց հետ իբր հնարսվոր է «փոխշահավետ գործակցություն»։

Նույնիսկ մանկամտությունը պետք է չափ ու սահման ունենա, իսկ Հայաստանի զարգացման ու հզորացման միակ ուղին ներքին ռեսուրսների և դաշնակիցների օժանդակության համադրմամբ պետություն-ամրոց կառուցելու տեսլականը հստակորեն ձևակերպելը և քայլ առ քայլ կյանքի կոչելն է։

#հավերժականՀայաստսնը

🆔 @vardan_voskanyan

Սաուդյան Արաբիայի՝ այսօր Թեհրան ժամանած արտգործնախարարը հայտարարել է, որ իր երկիրը ջանալու է Իրանի հետ երկկողմ հարաբերությունները հասցնել ռազմավարական մակարդակի։

Սա այն դեպքում, երբ ընդամենը մոտ տաս տարի առաջ Ռիադը սպառնում էր Իրանի ներսում պատերազմով, մինչդեռ այդ պատերազմն իրանցիները, փաստացիորեն, տարան հենց Արաբական թերակղզի՝ Եմեն։

Այսպես են գործում օրինակելի պետությունները՝ եթե պատերազմն անխուսափելի է, ապա այն պետք է լինի թշնամու տարածքում կամ քթի տակ։

#հարափոփոխ_տարածաշրջանը

🆔 @vardan_voskanyan

Հայաստանի ամեն մի անկյունից բառացիորեն հորդում են մեր նախնյաց թողած մշակութային հիշատակները։

Մեր հայրենիքը հայկական քաղաքակրթական տարածք է իր ոգով, էությամբ, բնույթով, ուղնուծուծով, ուստի թշնամու դեմ պայքարը պայքար է քաղաքակրթության ու բարբարոսների միջև, և այդ պայքարում անպայմանորեն պետք է հաղթել, քանզի արեգակի և Փրկչի խորհրդանիշ մեր խաչը չի կարող խոնարհվել ինչ-որ ոռնացող «գորշ գայլի» առջև։

#հավերժականՀայաստանը

🆔 @vardan_voskanyan

Հավանաբար թշնամական բողոքների հետևանքով «Ֆեյսբուքը» հերթական անգամ արգելափակել է նվաստիս օգտահաշիվը, այնպես որ մինչև խնդրի լուծումը տելեգրամյան այս հարթակը կմնա միակը, որտեղ ընթերցողի հետ կկիսվեմ նյութերով։

#հավերժականՀայաստանը

🆔 @vardan_voskanyan

Թշնամին կրկին գնդակոծել է Հայաստանի ինքնիշխան տարածքի Երասխ ավանի մոտակայքում ամերիկյան ներդրմամբ կառուցվող մետաղագործական գործարանը։

Բազմիցս նշել եմ, որ Բաքվի բարբարոսական վարչախումբը և դրա աներկբա հովանավոր էրդողանական Թուրքիան ոչ թե ցանկանում են Հայաստանի հետ խաղաղություն, այլ Հայաստանի խաղաղեցում կամ, այլ խոսքերով, մեր հայրենիքի զարգացման և հզորացման բացառում ու դրա գաղութացում հնարավոր բոլոր միջոցներով։

Ըստ այդմ, պետք է կրկին արձանագրել, որ սին են և մանկամիտ այն բոլոր «հավաստիացումները», թե նշված երկու վարչախմբերի հետ հնարավոր է հաստատել «փոխշահավետ գործակցություն»՝ ի նպաստ Հայաստանի զարգացման ու հզորացման։

Նույնքան պատրանքային է այն մտայնությունը, թե օտարերկրյա կապիտսլով ընկերությունների գործունեությունը Բաքվի բարբարոսսկան վարչախմբի զինված բաշիբոզուկների դիտարկման և հասանելիության գոտում գտնվող սահմանամերձ տարածքներում կարող է ապահովության և անվտանգության երաշխիք լինել։

Մինչդեռ կոնկրետ օրինակներով պարզ է, որ թշնամին հաշվի չի նստում ո՛չ Սոթքում ռուսական կապիտալով գործող և ո՛չ էլ Երասխում ամերիկյան կապիտալով կառուցվող գործարանների գոյության փաստի հետ։

Հայաստանի սահմանամերձ ցանկացած տարածքում անվտանգության ամենակուռ երաշխիք կարող է լինել մեզ թիրախավորող թշնամական յուրաքանչյուր կրակակետի ոչնչացումը և, ընդհանրապես, թշնամու հնարավորին հեռու ետ շպրտումը, ուստի անվտանգային օրսկարգերը պետք է ճիշտ ձևակերպվեն՝ վտանգավոր պատրանքներին չտրվելու նկատառումներով։

#հավերժականՀայաստանը
#մահ_թշնամուն

🆔 @vardan_voskanyan

Բաքվի բարբարոսսկան վարչախմբի՝ ոստիկանական համազգեստով բաշիբոզուկները բռնի ուժով ցրում են Գետաբակի շրջանում ոսկու հանքի շահագործման հետևանքով ձևավորված թունավոր նյութերով լճի գոյացման դեմ բնապահպանական բողոքի ցույցը, որին մասնակցում էր նաև տեղի բնակչությունը։

Սա է Արցախի և Հայաստանի հանրապետությունների ինքնիշխան տարածքում Կաշենի հանքի և Երասխում կառուցվող մետաղագործական գործարանի, իբր, բնապահպանական խնդիրների մասին պարբերաբար բարբաջող այս բռնապետական վարչախմբի իրական դեմքը, որը որևէ կերպ չի զբաղվում ոչ միայն Գետաբակի, այլ նաև նույնիսկ Ապշերոնյան թերակղզու հիմնականում թաթերով բնակեցված ավանների ահագնացող բնապահպանական հիմնահարցերով։

#թշնամու_իրական_վիճակը

🆔 @vardan_voskanyan

Որպես ազգ և պետություն մեր հիմնական պատրանքներից մեկը եղել և հիմա էլ մասամբ մնում է այն, որ կարելի է խուսափել Բաքվի բռնապետի ստեղծած բարբարոս և առավելապաշտ վարչախմբի հետ անխուսափելի պատերազմից։

Իհարկե, խուսափել հնարավոր է, բայց միայն մի դեպքում՝ հանձնվելով նույն այդ թշնամու «ողորմածությանը»՝ նույն այն իբրև թե ողորմածությանը, որն իրականում գոյություն չունի, այսինքն ազգովի փաստացիորեն բռնելով կառափնարանի ուղին։

Հետևաբար ելքը մեկն է՝ մշտապես պատրաստ լինել հաղթելու անխուսափելի պատերազմում, և այս համատեքստում իրական համազգային օրակարգի հարցադրումներն ու վերլուծությունները տեղավորել ոչ թե այն շրջանակում, թե ինչո՞ւ չի հաջողվել խուսափել պատերազմից կամ դադարեցնել այն, այլ թե ինչո՞ւ չի գիտակցվել, որ պատերազմն անխուսափելի է և դրանում չի գրանցվել հաղթանակ։

#հավերժականՀայաստանը

🆔 @vardan_voskanyan

«Վագների» խռովությամբ Ռուսաստանին և այդ երկրի առաջնորդին անձամբ հասցվեց հսկայական իմիջային հարված։

Այն վերականգնելու միակ ուղին այս պահին Ուկրաինային անվերապահորեն հաղթելն է, ուստի կարելի է ակնկալել, որ ջանքերն այդ ուղղությամբ բազմապատկվելու են։

Խռովությունը նաև լավագույն հնարավորություն էր Ռուսաստանում անարդյունավետ գեներալներից ազատվելու և ընդհանրապես ռազմաքաղաքական ապարատը թարմացնելու առումով, որը կառավարման նոր մակարդակի կարող է բարձրացնել այս երկիրը՝ այնպիսի մակարդակի, ինչպիսին պետք է լինի միջուկային գերտերության պարագայում։

#հարափոփոխ_տարածաշրջանը

🆔 @vardan_voskanyan

Բաքվի բարբարոսական վարչախմբի քարոզչամեքենան գրեթե մի ամբողջ ռեպորտաժ «նվիրել է» նվաստիս։ Թշնամին անհանգստացած է մեզ հայտարարված հատկապես «տեղանվանական պատերազմին» հակազդեցությամբ։

#հավերժականՀայաստանը

🆔 @vardan_voskanyan

Ցանկացած խոսույթ, որի առանցքում այն պատրանքն է, թե, իբր, երբևիցե հնարավոր է եղել կամ այժմ հնարավոր է Բաքվի բարբարոսական վարչախմբի հետ հասնել համաձայնության, որևէ աղերս չունի իրականության հետ։

Այդ վարչախումբը՝ հատկապես վերջին բռնապետի կառավարման տարիներին, մշտապես եղել է առավելապաշտ և աշխատել է մեկ «մեթոդաբանությամբ»՝ պատերազմով ծնկի բերել Հայաստանի և Արցախի հանրապետությունները։

Ընդ որում, այդ մասին անթաքույց կերպով քանիցս հայտարարել է հենց անձամբ Բաքվի բռնապետը, մինչդեռ մեր հանրային և քաղաքական մտքի հիմնական ուղեգիծը, ցավալիորեն, փոխանակ մշտապես շեշտադրելու պատերազմի անխուսափելիության և դրանում միայն հաղթանակի պատրաստվելու իրական օրակարգը, մեզ սնուցել է, իբր, հնարավոր «փոխզիջումների» պատրանքով, որից հնարավորին արագ պետք է ձերբազատվել և ի վերջո սկսել կերտել պետություն-ամրոց Հայաստանը, ինչն էլ թշնամուն ջախջախելու և հազարամյակների մեր պետականությունը ապահովագրելու ու զարգացնելու միակ ճանապարհն է։

#հավերժականՀայաստանը

🆔 @vardan_voskanyan

Եթե ոմանց թվում է, թե Բաքվի բարբարոսական վարչախումբը հանգստանալու է Արցախի և Հայաստանի հանրապետությունների նկատմամբ իր այժմյան արդեն իսկ առավելապաշտական նկրտումներին, Աստված մի արասցե, հագուրդ տալուց հետո, և սկսվելու է երանելի «խաղաղության» դարաշրջանը, ապա նրանք չարաչար սխալվում են։

Դատելով Բաքվի բռնապետի հայտարարություններից և սրա քարոզչամեքենայի առաջ մղած քաղաքականությունից, հենց հիմա էլ պարզ է, որ Հայաստանը թիրախավորելու հաջորդ քայլերից մեկը լինելու է, այսպես կոչված, «արևմտյան ադրբեջանցիների՝ իրենց հայրենիք վերադարձի» խնդիրը։

Այսու, պետք է մեկընդմիշտ արձանագրել, որ Բաքվի բարբարոսական վարչախմբի հակահայկական նկրտումներն ուղղակի վերջ չեն ունենալու, որովհետև դրանց վերջնանպատակը ոչ միայն Արցախի կլանումն ու հայաթափումն է, այլ նաև Հայաստանն անդամալույծ դարձնելը։

Ըստ այդմ, խաղաղության իրական ժամանակաշրջանի հաստատման համար առաջին քայլը, որքան էլ պարադոքսալ թվա, առանց թշնամուն ջախջախելու, դրա հետ խաղաղության հասնելու անհնարինության հանրային գիտակցումն է՝ «խաղաղության դարաշրջանի» ներկայիս պատրանքից ազատվելը, որին զուգահեռ արագ և որակյալ կերպով պետք է մեկնարկի Հայաստան պետություն-ամրոցի կառուցման գործընթացը։

#հավերժականՀայաստանը
#մահ_թշնամուն

🆔 @vardan_voskanyan

Բաքվի բռնապետի քարոզչամեքենան հերթական տխմար նյութն է տարածել հայերիս շրջանում, իբր, թյուրքական ծագման ազգանունների մասին, որի հիման վրա հեռուն գնացող «եզրակացություններ» են արվում։

Այն, որ նման ազգանուններ կան և, որ դրանք հիմնականում Օսմանյան կայսրությունում թուրքախոսների համար դժվար ընկալելի և արտաբերելի հայկական անուններն անձնագրավորման ընթացքում տվյալ անձի կամ ընտանիքի մասնագիտության թուրքերեն անվանումներով փոխարինելու հետևանք են, անժխտելի է։

Դրանցից են, դիցուք, Դեմիրճյան (demirci «դարբին, երկաթագործ»), հայերեն տարբերակը՝ Դարբինյան, Բոյաջյան (boyacı «ներկարար»), հայերեն տարբերակը՝ Ներկարարյան, Բարդակչյան (bardakcı «բրուտ»), հայերեն տարբերակը՝ Բրուտյան և այլն։

Սակայն Բաքվի տգետ քարոզիչները, ոչ ավել, ոչ պակաս, ադրբեջանական ծագման են համարում, օրինակ՝ Սարգսյան կամ Շահնազարյան ազգանունները, որոնցից առաջինն ունի լատինական (Sergius), իսկ երկրորդը՝ պարսկա-արաբական (պրսկ. شاه [šāh] «թագավոր, արքա, շահ», արաբ. نظر [nazar] «հայացք») արմատներ։

Բազմիցս եմ նշել, որ մեզ պարտադրված հիբրիդային պատերազմում այս տգետներին պարտվելն ամոթալի է, և ամոթի այդ խարանը կարող է մաքրվել միայն հաղթանակով։

#հավերժականՀայաստանը
#թշնամու_իրական_վիճակը

🆔 @vardan_voskanyan