Այսօր նաև այն օրն է, երբ պետք է ուխտել, որ անպայման վերադառնալու ենք Շուշի և կրկին կանգնեցնելու ենք սպարապետ Վազգեն Սարգսյանի արձանը։

Սա կլինի ամենամեծ հարգանքի տուրքը նրա հիշատակին։

#հավերժականՀայաստանը

🆔 @vardan_voskanyan

Իրանի, բայց նաև մեր մասին խոսել ենք Կարպիս Փաշոյանի հետ այս հարցազրույցում։

#հարափոփոխ_տարածաշրջանը

🆔 @vardan_voskanyan

https://youtu.be/6inOQ8Ekfro

Միջազգային ԶԼՄ-ները գրում են Ռուսաստանին իրանական բալիստիկ հրթիռների մատակարարման մասին, ինչը ցուցիչ է այն բանի, թե ինչպիսի ակնառու հաջողությունների է հասել մեր հարավային հարևանը նաև Մոսկվայի հետ հարաբերությւոններում։

Հատկապես Սիրիայի օգնությամբ 13 իրանցի զինվորականների պատրաստությամբ մոտ 40 տարի առաջ հրթիռային սպառազինությունների ոլորտում առաջին քայլերն արած Իրանն այժմ Մերձավոր Արևելքի տարածաշրջանում հրթիռային գերտերություն է, որը պատրաստ է սեփական արտադրության ժամանակակից զինատեսակներով պաշտպանել ոչ միայն հազարամյակների իր քաղաքակրթությունն, այլ նաև հանդես գալ մեկ այլ հազարամյակաների քաղաքակրթության՝ Հայաստանի, անվտանգության որոշակի հատվածի երաշխավորի դերում։

Ըստ այդմ, անվտանգային իր ճարտարապետության վերակազմակերպման և հզորացման գործում Հայաստանը ոչ միայն չի կարող իրեն աններելի «շռայլություն» թույլ տալ չօգտվելու այս հնարավորությունից, այլ նաև հենց հարավ-հյուսիս աշխարհաքաղաքական առանցքում կարող է գտնել իր կենսական շահերի իրացման տիրույթը՝ դառնալով այդ առանցքի կայացման կարևորագույն հարթակ։

#հավերժականՀայաստանը

🆔 @vardan_voskanyan

Որպեսզի պարզ և հասկանալի դառնա մի կողմից Հայաստանի, իսկ մյուսից՝ Բաքվի բռնապետական ու էրդողանական վարչախմբերը միավորող փաստացի «Թուրանական դաշինքի» միջև հնարավոր հարաբերությունների ապագան, կա մի պարզ բանաձև. արդյո՞ք այդ դաշինքի շահերի առումով ձեռնտու է կենսունակ, զարգացող և հզոր հայկական պետականության մեր երազած տեսլականը։

Կարծում եմ՝ ոչ մի սթափ մտածող հայաստանցի և հայ չի կարող այս հարցին տալ դրական պատասխան, որովհետև պատրանքներից դուրս՝ բանականության տիրույթում, գոյություն չունի և ոչ մի փաստարկ նման պատասխանը հիմնավորելու համար։

Ըստ այդմ, կենսունակ, զարգացող և հզոր Հայաստանի տեսլականը որպես անխախտ ելակետ դիտարկելիս, չկա որևէ իրական հնարավորություն ապագա տեսնելու Հայաստանի և «Թուրանական դաշինքի» միջև հարաբերություններում, որովհետև մեր կենսունակությունը, զարգացումն ու հզորացումը հակացուցված է այդ դաշինքի շահերին, իսկ Հայաստանի այդպիսին չլինելը՝ մեր շահերին։

Եթե սա ընդունում ենք որպես հիմնակետ, ապա պետք է մտածել մի կողմից Հայաստանի կենսունակության բարձրացման, մեր զարգացման և հզորացման, իսկ մյուսից՝ այդ ամենը վտանգող «Թուրանական դաշինքի» թուլացման մասին՝ առաջին թիրախ ընտրելով Ադրբեջան կոչվող արհեստածին կազմավորման չեզոքման հարցը։

Դա չափազանց բարդ և բազմաբաղադրիչ, բայց անիրականանալի խնդիր չէ՝ առավել ևս, որ դրա այլընտրանքը, տրամաբանական փաստարկների հարթության մեջ, ըստ էության, գոյություն չունի։

#հավերժականՀայաստանը

🆔 @vardan_voskanyan

Իրանի հետ հարաբերությունների հերթական ծայրահեղ լարման խորապատկերին Բաքվի բարբարոսական վարչախմբի քարոզչամեքենան կրկին «վերակենդանացրել» է տխրահռչակ պանթյուրքիստ Մահմուդալի Չեհրեգանիին։

Իրանական ճնշման արդյունքում Բաքվից 2013թ. արտաքսված այս խորշելի անձն Ադրբեջան կոչվող արհեստածին կազմավորման ոչ ավել, ոչ պակաս Հանրային հեռուստատեսության եթերում հանդես է եկել բացահայտ հակաիրանական զառանցանքներով։

Վերջին օրերին Բաքվի բռնապետական վարչախմբի քարոզչամիջոցների «ցանկալի հյուր» դարձած այս պանթյուրքիստն այնքան է լկտիացել, որ նույնիսկ սպառնացել է, թե Հայաստանի Հանրապետության՝ Թավրիզում բացվելիք հյուպատոսարանն իբր «կոչնչացվի» պանթյուրքիստների կողմից:

Դե, ինչ, մնում է սրան հիշեցնել, որ պարսից հազարամյա պոեզիայում կա այսպիսի մի տող' «հե՜յ, ճա՛նճ, Սինամ հավքի տիրույթը քո մրցասպարեզը չէ»:

#մեր_բարեկամ_Իրանը

🆔 @vardan_voskanyan

«Վերլուծելով Իրանի սահմանին շարունակվող ադրբեջանական զորավարժությունները, ԵՊՀ իրանագիտության ամբիոնի վարիչ, պրոֆեսոր Վարդան Ոսկանյանն ասում է՝ Իրանն առյուծ է, որի պոչի հետ խաղալը լուրջ վտանգ է այս հանգամանքը կասկածի տակ դնող Ադրբեջանի բռնապետական վարչախմբի համար»։

🆔 @vardan_voskanyan

shorturl.at/jAFHK

Բաքվի բռնապետսկան վարչախմբի քարոզչամեքենային զայրացրել է նույնիսկ «Ֆեյսբուքում» հրապարակած երեկվա լուսանկարս և դրա գրառումը։

Դե, որ այդպես է, մեկ անգամ էլ կրկնեմ՝ քանի որ Հայաստանը երկրային դրախտ է, ապա դիվական ուժերին զիջելու նույնիսկ մի թիզ հող չկա։

#հավերժականՀայաստանը

🆔 @vardan_voskanyan

Իրանում այլևս որևէ պատրանք չկա առ այն, որ Ադրբեջան կոչվող արհեստածին կազմավորումն, ըստ էության, քաղցկեղածին գոյացություն է, որը վտանգում է տարածաշրջանի անվտանգությունը, ընդ որում, խնդիրներ ունենալով իր բոլոր հարևանների հետ, պարբերաբար նաև սպառնալից հռետորաբանությամբ, ուժի ցուցադրության դրսևորումներով փորձ է կատարում իր թշնամական վերաբերմունքն ի ցույց դնել, հատկապես Իրանի նկատմամբ։

Հետևաբար՝ իրանական կողմն իր ունեցած ողջ գործիքակազմը կիրառելու է՝ որպեսզի իր ազգային անվտանգության համար սպառնալիքները, որոնք բխում են Ադրբեջանի տարածքից՝ չեզոքացնի։

🆔 @vardan_voskanyan

https://168.am/2022/11/12/1795576.html

ԵՊՀ-ում գործող հայկական իրանագիտական դպրոցի միջազգային ճանաչման և բարձր վարկի վկայություններից մեկն էլ բրիտանական առաջատար համալսարանների ուսանողների ցանկությունն է սովորելու այստեղ։

Բազմիցս նշել եմ, որ մեր երկիրը նավթագազային ռեսուրսներ չունի, բայց մենք սահմանափակ ռեսուրսներով կարող ենք և պետք է լինենք աշխարհում լավագույնների շարքում մի շարք ոլորտներում, որոնցից մեկն էլ մեր իրանագիտական դպրոցն է։

#հավերժականՀայաստանը

🆔 @vardan_voskanyan

https://bit.ly/3hJYh3x

Այսօր Թեհրանում Բաքվի բռնապետսկան վարչախմբի դեսպանատան դիմաց անցկացված բողոքի գործողության ժամանակ իրանցի երիտասարդ ցուցարարները բարձարաձայնել են նաև Ադրբեջան կոչվող արհեստածին կազմավորման ներսում բռնաճնշումների, ձուլման և «սպիտակ» ցեղասպանության քաղաքականության զոհ թալիշ ժողովրդի իրավունքների մասին։

Լինելով մերձավորարևելյան գերտերություն Իրանը խորհում, ծրագրում և գործում է շատ ավելի համընդգրկուն տրամաբանությամբ։

Մասնավորապես, այն դեպքում, երբ Բաքվի բռնապետսկան վարչախումբն Անկարայի իր օպերատորների անմիջական մասնակցությամբ փորձում է առաջ մղել նաև Հայաստանի և Իրանի միջև ցամաքային կապը կտրելուն միտված տխրահռչակ «թուրանական միջանցքի» գաղափարը, իրանական կողմից մեթոդաբար նախապատրսատվում է այդ «միջանցք» կոչեցյալը գրողի ծոցը ուղարկելու բազմաքայլ գործողություն, որի բաղադրիչներից են լինելու ոչ միայն Հայաստան-Իրան հազարամյակների սահմանի անվտանգության պահովումն, այլ նաև Ադրբեջան կոչվող արհեստածին կազմավորման հարավային թալիշաբնակ շրջաններում և Նախիջևանում իրանական ազդու ներկայության ապահովումը։

Նման գործելաոճն, ըստ էության, օրինակելի է, քանզի, եթե ցանկանում ես թշնամուն զրկել Արցսխի և Սյունիքի նկատմամբ լկտի հավակնություններից, այդ թշնամին պետք է, պատկերավոր ասած, այյ Արցախներ ստանա տեղաբնիկ ժողովուրդների բանտ իր իսկ արհեստածին կազմավորման մի քանի այլ կետերում, ինչի վերջնանպատակը պիտի լինի այդ արհեստածին գոյացության վերակազմավորումը բնականոն ազգային մի քանի պետության տեսքով։

#մահ_թշնամուն

🆔 @vardan_voskanyan

Ադրբեջան կոչվող արհեստածին կազմավորման բարբարոսական վարչախմբի պարագլուխը հերթական բարբաջանքն է հնչեցրել առ այն, թե իբր «պաշտպանելու է Իրանի ադրբեջանցիներին»։

Մի կողմ թողնելով այն, որ Իրանում բնակվում են ոչ թե ադրբեջանցիներ, այլ ատրպատականցիներ, որոնք գերակշիռ մեծամասնությամբ չեն նույնականացնում իրենց Բաքվի բռնապետական վարչախմբի հպատակ էթնիկ ադրբեջանցիների հետ, պետք է նշել, որ նման բարբաջանքով այդ անձը հետապնդում է հեռուն գնացող նպատակներ։

Ակնհայտ է, որ Իրանի ախոյանները պարբերաբար փորձել են և շարունակելու են փորձել այդ երկրում սադրել և արմատավորել պանթյուրքական նկրտումներ՝ նպատակ հետապնդելով թիրախավորել հատկապես հինավուրց իրանական երկրամաս Ատրպատականը։

Հենց այս խորապատկերին Բաքվի բռնապետը ձգտում է արհեստածին Ադրբեջանը և իր բարբարոսական վարչախումբը դիրքավորել որպես «հարմարավետ գործընկեր» Ատրպատականում հակաիրանական թշնամական գործողությւոններ ծրագրելու և իրականացնելու առումով։

Ըստ այդմ, արդեն իսկ հասունացել է այն պահը, երբ լրջորեն պետք է համատեղ քայլեր ձեռնարկել Ադրբեջան հորջորջվող աշխարհաքաղաքական քաղցկեղային պալարը մեր տարածաշրջանի առողջ մարմնից հեռացնելու ուղղությամբ, ինչն էլ կդառնա հիմնական գրավականը կայուն և երկարաժամկետ խաղաղության։

#մահ_թշնամուն

🆔 @vardan_voskanyan

Հինավուրց իրանական երկրամաս Ատրպատականի անվանումը յուրացրած արհեստածին Ադրբեջանի գոյությունը, առավել ևս հենց Ատրպատականին ասհմանակից տարածքում, լուրջ մարտահրավեր է Իրանի համար, եթե նույնիսկ մի պահ նկատի չառնենք այն, որ Բաքվի բռնապետական վարչախումբն այդ կազմավորումը դարձրել է հակաիրանական գործողությունների ակտիվ որջ։

Մեր տարածաշրջանում չի կարող հաստատվել կայուն և երկարաժամկետ խաղաղություն, քանի դեռ թուրքական ծավալապաշտության ծրագրի շրջանակներում հակահայկականության, հակաիրանականության և հակառուսականության պատվար դարձած այս քաղցկեղային գոյացությունը կա ներկայիս ձևաչափով և անվանումով։

Հետևաբար նաև էրդողանական վարչախմբի հեռագնա համաթուրանական ծրագրերը խանձարուրում խեղդելու համար Ադրբեջան հորջորջվող արհեստածին կազմավորումը պետք է վերաձևվի մի քանի էթնիկական միավորների բնականոն պետականությունների, որով արդարաբար կլուծվի ոչ միայն հայկական հարցի կովկասյան բաղադրիչը, այլ նաև հնարավորություն կընձեռնվի մի քանի հնամյա կովկասյան և իրանական ժողովուրդների ազատվելու «թուրանական» բռնազավթումից, իսկ էթնիկ ադրբեջանցիներին կփրկի ալիևյան մարդատյաց վարչախմբից՝ մեր ողջ տարածաշրջանին տալով խաղաղ կերպով կայուն զարգացման հույս և հեռանկար։

#մահ_թշնամուն

🆔 @vardan_voskanyan

Բաքվի և էրդողանական բարբարոսական վարչախմբերի կողմից Ադրբեջան կոչվող արհեստածին կազմավորման թալիշներով բնակեցված և Արցախից բռնազավթված մերձարաքսյան գոտում համատեղ զորավարժության անցկացումը հերթական հանդուգն և լկտի քայլն է ուղղված Իրանի դեմ։

Մերձավորարևելյան առյուծ Իրանին նման մարտահրավեր նետելն ակնհատորեն հղի է նրանով, որ իբր «Եղբայրական բռունցք» հորջորջվող այս ռազմական գործողությունից հետո, որի ընթացքում փորձարկվելու է նաև դեպի Իրան բարբարոսական զինուժի գետանցման սցենար, չի բացառվում, որ Թեհրանը վերջնականապես կորոշի կտրել թշնամական «բռունցքի» բազուկը հենց ադրբեջանական բռնազավթման տակ գտնվող Թալիշստանի տարածքում։

Ակնհայտ է, որ թե՛ Բաքվի և թե՛ էրդողանական վարչախմբերը լավ հասկանում են, որ Իրանի վրա ուղղակի ռազմական հարձակումն աղետալի հետևանքներ կունենա նրանց համար, ուստի նման զորավարժության անցկացումը միտված է իբր զսպելու Թեհրանին՝ հատկապես Հայաստանի տարածքով իրենց պատրանքների «թուրանական միջանցքին» ի վերջո տիրանալու առումով։

Հետևաբար, հաշվի առնելով Ադրբեջան-Թուրքիա «թուրանական» տանդեմից բխող ընդհանուր գոյութենաբանական մարտահրավերները, Հայաստանը և Իրանը պետք է ձևավորվեն թեկուզ լռելյայն դաշինք՝ միմյանց հետ համակարգելով Ադրբեջան հորջորջվող արհեստածին կազմավորման՝ բնական ազգային պետությունների ձևաչափի բերման ծրագրի ճանապարհային քարտեզը և գործողությունների հստակ հաջորդականությունն ու ռեսուրսները, որոնք մեկընդմիշտ ավարտին կհասցնեն քաղցկեղային այս պալարից մեր տարածաշրջանն ազատելու արդար և աստվածահաճո գործը։

#մահ_թշնամուն

🆔 @vardan_voskanyan

Երևանի լույսերը պատրանք են՝ քաղցր մրափ, այն ժամանակ, երբ թշնամու ինչ-որ լկտիացած լրագրող, նկատի ունենալով հայ ոստիկաններին, Արցախում ռուս խաղաղապահին ասում է՝ «սա մեր հողն է, ի՞նչ են անում այս ոստիկաններն այստեղ, սա անօրինական է»։

Եթե ստալինյան և համաթուրանական մեքենայությունների հետևանքով հայկական հնամյա Արցախը խորհրդային շրջանում նույնիսկ եղել է Ադրբեջան անվանումով կազմավորման մեջ, սա դեռ չի նշանակում, թե այն ադրբեջանական հող է, և ինչ-որ բաշիբոզուկ կարող է նման հանդուգն հայտարարություն անել։

Երևանում և Հայաստանով մեկ տոնական լույսերը պետք է վառվեն, երբ մենք կունենանք իրական և պանծալի տոն՝ թշնամու ջախջախումը և հայկական երկու պետությունների վերամիավորումը։

Իսկ մինչ այդ, հաղթահարելով պարտության համազգային ամոթի քավարանը, ատամները կրճտացնելով, բայց հանդարտ ու սառնասիրտ կերպով պետք է պատրաստվել այդ տոնը մոտեցնելուն, քանզի մենք, մեր իսկ Փրկչի աներեր ուղին օրինակ ունենալով, աներկբայորեն հավատում ենք, որ խաչելությանն անպայմանորեն հաջորդելու է հարությունը, ուստի թշնամու դեմ պայքարը հենց մեր ազգի աստվածային հարության համար է և ամոթաբեր մահվան դեմ։

#հավերժականՀայաստանը
#մահ_թշնամուն

🆔 @vardan_voskanyan

«Իրանում միանշանակ բոլոր մակարդակներում, կարծում եմ՝ որոշում է կայացվել առ այն, որ Ադրբեջան կոչվող արհեստածին կազմավորումը գոյութենական վտանգ է ոչ միայն Հայաստանի ու Արցախի համար, այլև Իրանի, սա ամենևին լավ օրեր չի խոստանում Բաքվի բռնապետին»,- եզրափակեց Վարդան Ոսկանյանը։

🆔 @vardan_voskanyan

https://168.am/2022/12/08/1807807.html

Բաքվի բռնապետական վարչախմբի քարոզչամեքենան իբր քայլերթ է ստեղծել խթանելու կիսամեռ պանթյուրքական խմբակներն Իրանում և սադրելու ատրպատականցիներին, որոնց Բաքվում համարում են իբր «ադրբեջանական սփյուռք», անջատվելու Իրանից։

Միենույն ժամանակ հիմնականում նույն այդ ատրպատականցիներից բաղկացած իրանցի մեր բարեկամները նաև քարոզչական տիրույթում աշխատում են Բաքվի բռնապետսկան վարչախմբի դեմ՝ ի փառս Իրանի և հայ-իրանական հարաբերությունների ամրապնդման ուղղությամբ։

Բաքվի բռնապետի պանթյուրքական ռասիզմ դավանող վարչախումբն այդպես էլ չի հասկացել, որ Իրանը վերէթնիկական քաղաքական և քաղաքակրթական միավոր է, գերտերության հազարամյակների հաջողակ գաղափար և օրինակ, որի թշնամիներին չեզոքացնելու համար նաև հենց նույն ատրպատականցիներն են ամենաջանադիր կերպով աշխատելու։

#մերբարեկամԻրանը
#մահ_թշնամուն

🆔 @vardan_voskanyan

«Ակնհայտ է, որ ոչ Ադրբեջանը, ոչ էլ ադրբեջանա-թուրքական համատեղ թշնամական դաշինքը չեն համարձակվի անցնել Արաքսը։ Դա կնշանակի ներխուժում Իրանի տարածք, դրանից կբխեն հետևանքներ, դիցուք հրթիռային հարվածներ Ապշերոնյան թերակղզուն։ Նման համարձակություն Ադրբեջանն ու Թուրքիան չեն դրսևորի, Թեհրանի վրա քարոզչական ճնշումն ավելացնելու համար կարող են ԶԼՄ-ների տիրույթում նման պնդումներ, «հավաստիացումներ» լինել»։

🆔 @vardan_voskanyan

shorturl.at/gmvX3

Տեղաբնիկ կովկասյան պարսիկների (թաթերի) բնօրրան Ապշերոնյան թերակղզին նավթագազային մեծ հանքավայրի վերածած և հատկապես մինչև այժմ էլ պարսկալեզու Բալախանի և Սուրախանի ավանների տարածքները բնապահպանական աղետի մատնած Բաքվի բռնապետսկան վարչախմբի ձեռնածու «բնապահպաններն» իբր անհանգստացած են Արցախի Հանրապետության հանքավայրերով։

Նման գործելաոճը պանթյուրքական ռասիզմ դավանող այս բարբարոս վարչախմբի և դրա քարոզչական խորհրդատուների համար ամենևին նոր չէ։

Գրեթե նույն «մեթոդաբանությամբ» պարբերաբար շահարկվում է Իրանում Ուրմիա լճի խնդիրը, որը փորձ է կատարվում վերածելու պատրվակի Ատրպատականում պանթյուրքական ախտով վարակված խմբակների համար «բնապահպանական գործունեության» դաշտ ապահովելու համար։

Այս համատեքստում Հայաստանը պետք է աշխատի հենց Ադրբեջան կոչվող արհեստածին կազմավորման ներսից սերող իրական ընդդիմադիր բնապահպանների հետ՝ բարձրաձայնելու տեղաբնիկ ժողովուրդների բնօրրան տարածքները բնապահպանական աղետի գոտիների վերածած Բաքվի բռնապետսկան վարչախմբի նաև այս ոլորտում ցեղասպան քաղաքականության մասին։

#մահ_թշնամուն

🆔 @vardan_voskanyan

Քանի դեռ մենք չենք ընկալում, որ մեր խնդիրը տեղային չէ, այլ հենց Բաքվի բարբարոսական վարչախումբն է, որի հետ իբր հնարավոր է դիտարկվում «պայմանավորվելը», որևէ խնդիր երկարաժամկետ լուծում չի ստանալու։

Չկա առաձին վերցրած տխրահռչակ «թուրանական միջանցքի» խնդիր, արցախյան հիմնահարց, Վարդենիսի, Սյունիքի կամ այլ խնդիր։ Կա ընդամենը մեկը՝ արհեստածին Ադրբեջանի խնդիրը, որը պետք է լուծվի հիմնավորապես, և այս քաղցկեղային պալարի նմանվող կազմավորման գոյության դադարեցմամբ։

Եթե մենք խնդիրը նման կերպ չձևակերպենք և չսկսենք աշխատել հենց այս ուղղությամբ, վաղը Բաքվի բարբարոսական վարչախումբը փակելու է, պատկերավոր ասած, մեր բոլորի բակերի մուտքը։

#մահ_թշնամուն

🆔 @vardan_voskanyan

Ներհայաստանյան «խոսույթում», խիստ պարզունակ ասած, շատ հաճախ քննարկվում է, թե ո՞վ պետք է մեզ պաշտպանի կամ, էլ ավելի պարզեցված՝ ո՞վ պետք է մեր փոխարեն կռվի թշնամու դեմ։

Դա հնարավոր է միայն մի դեպքում, երբ Հայաստանը լիարժեքորեն հանձնի իր ինքնիշխանությունը։

Պարադոքսն այն է, որ հաճախ ինքնիշխանության մասին թմբկահարողների մի մասը զուգահեռաբար խոսում կամ առնվազն ակնարկում է, որ ինչ-որ այլ պետություն պետք է ապահովի մեր իսկ անվտանգությունը։

Չի լինում նման բան. եթե մեր փոխարեն կռվի ռուս զինվորը, ապա մենք արդեն իսկ Ռուսաստանի երկրամաս ենք, եթե իրանցին, ապա՝ Իրանի ոստան։

Մեզ կարող են աջակցել մեր անվտանգության ապահովման գործում, կարող են կռվել նաև մեզ հետ ուս ուսի, բայց միևնույն է մեր անվտանգությունը պետք է ապահովենք մենք և կռվողն էլ մենք պետք է լինենք։

Սա իհարկե, եթե ցանկանում ենք ունենալ ինքնիշխանություն, հակառակ դեպքում երկրամասի կամ ոստանի համար դա անհրաժեշտ չէ, կարելի է պատվիրակել այդ գործառույթն այլոց և «հանգիստ» զբաղվել, դիցուք, չարչիությամբ։

#չՀայաստանը

🆔 @vardan_voskanyan