#Ethiopia 🇪🇹 #GreenLegacy

የተተከሉ ችግኞች ቆጠራ የሚከናወነው እንዴት ነው ?

በማለዳ በተጀመረው በአንድ ጀንበር 700 ሚሊየን ችግኞችን የመትከል መርሃ ግብር ከእቅዱ በላይ መሳካቱን ጠ/ሚ ዐቢይ አሕመድ (ዶ/ር) አሳውቀዋል።

የተተከሉ ችግኞች በሲስተሙ ተመዝግበው ይፋ ስለሚደረጉበት አካሄድ የብሔራዊ የአረንጓዴ አሻራ ቴክኒክ ኮሚቴ የቴክኖሎጂ ባለሞያ አቶ ቴዎድሮስ ካሳሁን ማብራሪያ ሰጥተዋል።

አቶ ቴዎድሮስ ካሳሁን ምን አሉ ?

" የችግኝ መትከያ ቦታዎችን ክልሎች በራሳቸው እቅድ ለይተው አምጥተዋል።

ይህ መገኛው የሚታወቅ የመትከያ ቦታ ከቀደመው መረጃዎች ጋር ተገናዝቦ ማለትም አምና እና ካቻምና የተተከለበት ቦታ ስለመሆኑ እና ዘንድሮ ያልተተከለበት ቦታ መሆኑን ሲረጋገጥ ተመዝግቦ 13 ሺ 84 የመትከያ ቦታዎች ተዘጋጅተዋል።

እነዚህ መረጃዎች ከተደራጁ በኋላ ለእያንዳንዱ ሳይት ቢያንስ አንድ ሪፖርተር ካልተቻለ ለሦስት የመትከያ ሳይቶች አንድ ሪፖርተር እንዲመደብ ተደርጓል።

ሪፖርተሮቹ በተመደቡበት ቦታ ለዚህ አላማ ተብሎ በተዘጋጀ በ 699 የመልእክት ቁጥር በቴክስት መልእክት እንለዋወጣለን።

የተመደቡት ሪፖርተሮች የስልክ ቁጥራቸው አስቀድሞ በኢትዮጵያ ቴሌኮም የተመዘገበ በመሆኑ የአጭር የመልእክት መቀበያ ቁጥሩ መልእክት የሚቀበለው ከተመዘገቡት ቁጥሮች ብቻ ነው።

አስቀድሞ ሪፖርተሩ የተመደበበት ሳይት ላይ መተከል የሚገባው የችግኝ መጠን የሚታወቅ በመሆኑ ከተሰጠው የችግኝ ቁጥር በላይ መላክ አይችልም።

ከዛ በታች ግን በቦታው የተመደበው ሪፖርተር የተተከሉ ችግኞች ቁጥር ሲልክ ሲስተሙ ይቀበላል የተሰጠው ቁጥር ሲሞላ ሲስተሙ ከዛ የስልክ ቁጥር የተተከሉ ችግኞችን ቁጥር መቀበል ያቆማል።

እስካሁን ባለው ጉዳይ ሲስተሙ ጤናማ ነው ምንም አይነት የኔትወርክ ችግር አላጋጠመም " ብለዋል።

#Update : በአጠቃላይ ዛሬ ከማለዳው ጀምሮ 714.5 ሚሊዮን ችግኝ መተከሉን ፤ ይህም በአንድ ጀንበር 700 ሚሊዮን ችግኝ ለመትከትል ከታቀደው እቅድ በላይ ሆኗል።

ቲክቫህ ኢትዮጵያ
አዲስ አበባ
#TikvahEthiopiaFamilyAA

@tikvahethiopia