عني؟
قالي عذارى .... الزول بيقيسوه بالفعل ما بالكلام...وخوفي عليك بيحصل مرحلة القتل ...
بقتل فيك
لكن هسا انا مادايرك تخاافي انا معاك وحوالينك في اي حته
قلت ليه غيث ده حقييقه🙄
قالي الحوار ظاابط صح😂
قالي يلا طيري نوومي عينك سكن سكن😂
طبعا من عدم النوم😂
#لها_بقيه🌸

شنو ...قاليها فعلا بس؟
قالت ليه اتصل على غيث اتطمن وطمني...قاليها ماانت من قبيل بتصل ما بيرد علي ...دقيقه ماشي وجاي ... امسكي ابو حميد دة ...عفت شالت احمد وعاينت لعصام لغاية مااختفى

.....

في قسم الشرطه اتوصلو لكل الادلة البتثبت انو مقتل صهيب ما كانت الاولى للمجرم.... طلع قاتل مهووس
ومن ضحايا الجرائم دي كانت زوجتو ... #ثمر

#لها_بقيه🌸

من لحمك عشان اختك....تاكل اختك قبل ما تاكل....تقري اختك...تسترها ...تحميها تكون عكازها وسندها وضهرها في الدنيا دي....عشان لما يقول وينو اخوك ياحياة اقول بي عين قوية قدام اي زول ...ده اخوي...لكن وين ؟ وين المباري الشماسه وحريش الكللام على اختو ....مباري ونسات البنات ....من دي لي دي....ماخليت جامع ما سرقتو...ما خليت زول مااكلت حقو...قاليك ده ما حايلاقيك...في نفسك بتلاقيه...في روحك قبل عيالك بتشوفو...وحقي ماعافيه ليك والله ....شفت انا الليله قلت الكلام دة ليه...عشان تعرف انو انا ماخايفه منك...بلاغ واحد من القسم بوديك في خبر كان...واثار الضرب والجيران يشهدو
انا ماغالبني اشيل سكينه اطعنك بيها وارتاح منك....ماغالبني اشيل طوبه افنها في نص راسك...ولا اشيل يد فندق اكسر بيها يدك البتدقني بيها...لكن بقول اخووي....ماانا البوجعو
ماانا البشتكيك واجرجك في الاقسام....
يحي عاين ليها بخلعه...قاليها استقويتي كمان...قالت ليه الكللام حرقك عشان حقيقه ومافي زول بيقوليك انت اعور في عيونك...امي خايفه على روحها وعدتها وعفشها ...ابوي العمر كسر ضهرو راجيك تبقى ليه ضهر ...خايف تدي شلوت ولا تتناولو بي شي
امشي ...امشي اسأل عن الرجولة...واتعلم بيطبقوها وين بعداك تعال تمها على اختك
اساسا انت واحد
جات امها قاطعتها...قالت ليها حياة لا م تقولي كدة....وانت اتفضل اطلع برة مااشوف وشك هنا تاني....انا حياة بتي دي باالف واحد ذيك....انت اساسا لو من زمان وقفنا ليك ماكان ده البيحصل...طير برة يلااا
يااقلييل الادب اطلع برة...بلا ياااخدك...الله لا يبارك في عمرك ولا شباابك وينتقم منك
يحي عاين ليها قاليها وحده خرفانه سااي وطلع

)الاولاد العاق ....

بقو راقدين وموجودين كتير في مجتمعنا....الواحد ممكن يضرب امو عشان م غسلت ليه او جابت ليه ااكل....بتلقى الام بتترسل واولادها راقدين في البيوت....الولد بقى يستغل عدم وجود ابوه لو متوفي او مسافر...ويطبق رجولتو على ال بيتو....يتسبب لي اخواتو بالرعب ....يباغتهم في الدخله والطلعه يجيب ليهم النفسيات من كترة الاجهاد...يشغلهم يرسلهم....الولد بقى ينهر الام...يضربها...يسمعها كللام ما بيتقال والفاظ بذيئة ...
ياخوانا الام جنه والام نعمه والله مافي زول بيعرف مكانة الام الا لمن ينتكس ويعرف قدر شنو هي واقفه وراك ومعاك وقدامك في الخطر .... )

°•

عذااراااي
عذااارى
قوومي يااقلبي ......الزمن جااا
قووومي
قمت بعد مدة...لقيت نفسي في كرسي خشبي...شفت غيث مربوط قدامي في كرسي ذي القاعدة فيه ...بيعاين لي ورقبتو
متنيه ونظرو شاااحب.... كنت بهز راسي عشان اقوليه قوم...نظرو كان اتجاه واحد وانا خفته عليه في سري بصرخ بكلام ما مفهوم غيث...قوم
هو فهم اني خايفه عليه...غمض عيونو وفتحها تاني
بعد شويه سمعت صفيق

...ايواااا يااعصافير الحب انتو
عارف يااغيث...انا عذارى ما بقدر اعذبها...ما بقدر اتحمل وجعها .. كان بيتكلم وبيلمس وشي باطراف اصابعو
وقبل على غيث...قاليه بس بعرف اعذبها كيف
عذارى بتتعذب لما انت تتعذب ولا ما كدة

صرخته...وهزيت راسي لالالا وبببكي
ووائل بيقولي هس ما تبكي ...وفري دموعك ...هس
وبيقش في دموعي ....هس
اسكتي قلت ليك...اسكتي م تصرخي اسكتي
اداني كف وشايفه غيث ماقادر يتحرك ولا يحرك شي....بس دموعو نزلت
الساعه في الحيطه كانت ١١ونص....يعني نص ساعه ويبدا
خفته على غيث ...واتمنيييت لو زول يجي يساعدنا من الورطه النحن فيها دي

بدعي وببكي....وانا ماقادرة اتحمل شي يصيب غيث
وغيث غمض عيونو وما فتحهم تاني
جنيت وبقيت اصرخ..واصرخ بس جا وائل وشايل معاه دربكين
ده البيحفرو بيه للمسامير
ووصلو في الكوبس الجنمب الكرسي
قالي بس بالاول حاتشوفي فيديو
وراني فيديو مقتل صهيب وانا كل مرة ازح بصري هو بيثبت راسي
قالي ولسه شوفي المزة الجاية دي
وراني صورة بت شقراا بس سودانية...مربوطه في كرسي ذي النحن قاعدين فيه
وبيضرب فيها وبيصرخ عليها ..وهي بتبكي
غمضته عيني في النهايه وصوت صريخ البت مع صوت صريخي
رن جرس الباب
وائل اتكهرب
وخاف ....جرى وشاف بالعين الفي الباب وماشاف زول
فتح الباب عشان يعاين منو
اول م فتح الباب ضربو الشرطي في رقبتو ووقع
جا عصام وطاقم شرطه كامل...دخلو
عصام جرا علي وفكاني وحضني مسافه قالي انتي كويسه
هزيت راسي والشرطي فك غيث بس هبش نبضو لقاه ضعيف
شالو بسرعه ومشينا المستشفى اما وائل فالشرطه مسكتو ودخلتو الحراسة
غيث ختوه في سرير وجرو بيه
وانا وعصام بره مرعوبين
انا كنت ماسكه في عصام وببكي وخايفه

وائل صصحصح لقا روحو في الحراسة...واتجنن فيهم وكورك وضرب راسو في الحيطه كم مرة...بس دخلو ليه شرطين دقوه وربطوه وطلعو
..
.

هنا الدكتور طلع لينا وقال الضربه في مخو خطيرة ...
ننتظر ونشوف لما يصحى

#لها _بقيه🌸

ديك
شفع الحلة كبرو ...وقاليك شهد ممتحنه تامنه😂 ودايرها ود مجدي الكبير😂
ابكر في مكانو بيغسل ...دكانو ذي ماهو بس جاب ليه مكوة كهربا....وشجر مجدي كتر وعمل ليه مشتل
ونسوان الحلة ذي ماهم
ونفس سلم بيتنا البكسل منو😂💙 وصوت التومات وشغبهم وهم كبار
وصوت اولاد عفت مع نسيم بتي 💕
وريحه ملاح الغدا
دخلت ذي عادتي اقرب حلة وكوز موية
ونوومة عمييق ..صحيت
المرة دي لقيت نسيم واحمد ومحمد نايمين جمبي😂💙
وغيث جا تحت منتظرني
وذي عادتو لما يجي بيتصل علي بيشاغلني قبل ماانزل
...تلفوني رن "ااه ااه🥁🌚"
رديت قلت ليه غيث خلي حركاتك دي ...نازله خلاص😂

رد نفس الصوت المخيف المن سنييين

#عذارى

عذارى الجزء الأول

#تمت💕

#لها_بقية🌸
نتلاقى في الجزء الثاني من #عذارى

(النور)
إسمٌ ع

لى مسمى
لا يجوز علي مدحه ف الكلمات دائما تخزل وتخون ، يكفي أنه قام بتربيتنا على أكمل وجه ..

صفية محمد الحاج (على الرغم من قسوتها المتصنعه ، الا أن لها قلبا حنون ، نعم تكثر من استخدامه " اسلوب المرأة الحديدة" .. لها ذلك الدور الكبير في تقوية شخصية كل منا .. ربة واميرة المنزل)
، فداء ..تكبرني بأربع سنين .. حقيقه ب اربعون سنة ، هذه سنتها الأخيرة "إدارة "

واخيرا (مها) . خمسة عشر عاما من الدلال ، توسطت الثانويه .. على مقربة مني ، وانا على مقربة من الجمال ".


وفي هذه الأوراق أُدَوِّن:

"ما تبقى من الذكرى"


" بعدها ب سنة جاتنا مها .. الحكاية كانت جديدة علي ..الغريبة ما كنت حاسة بغيرة .. مها بالنسبة لي كانت ذي لعبة من العابي وانا بطبعي بهتم بحاجاتي .. فداء كان الموضوع صعب عليها .. كده الدلال كلو اتاخد منها ذي ماهي كانت مفكرة .. والايام عدت ما بينها وبين المدرسه .. كل يوم كنت برسم مها .. اي رسمي بطال جدا ..بس كنت بلون ملابسها البرسمها بلون الملابس اللابساهم ، كنت بساعد امي كتير فيها عكس فداء .. ابوي كان مدي اي زول نصيبو في الدلع .. الا انا بجرعه ذايدة .. ،مها كانت برنامج البيت كلو
عادي ممكن كلنا نكون متلمين عشان نضحكها .. وتبدا الطلاسم "


وحياتنا كانت ماشة حلوة لغاية ما في يوم جيت من المدرسه لقيت امي وابوي بيتكلمو مع محمد وفؤاد وفداء السمعتو كان ك الآتي

" حانرجع السودان لانو العيشه هنا بقت صعبه "

الخبر وقع ذي الصاعقه على فداء وذي العسل على قلبي ... حماس ألف.. كلهم مستغربين في رده فعلي .. كنت مبسوطه بطريقه ماعادية والاسبوع بقى سنة بالنسبة لي .
كنت بمشي مرات مع ابوي السوق ومرات مع امي .. ماخليت شي كل النفسي فيه اشتريتو وهداية لي اولاد عمي وبناتو وكمان اولاد العمات .. وكل يوم بصحى الصباح بمشي لي ابوي وبسألو ..

" نحن باقي لينا كم عشان نسافر؟!"

.. قبل سفرنا بيومين كان آخر يوم في السنه الدراسية..
ابوي شال شهاداتنا ونقليتنا للسودان ..
في اليوم ده ..ناس العمارة اصحاب ابوي وصحبات امي جو عشان يودعونا .. وكمية من الهداية جاتني .

..
وعدو اليومين ...واخيرا

رجعنا السودان .



••



"نحن ننكسر حتى نتعلم ترميم انفسنا من جديد. سنكتشف يوماً اننا تخطينا اشياء كثيرة لم نكن ابدا نتوقع ان نتخطاها ".


••




2006 :

"في الكنبة التانية في القسم الفي النص .. كنت قاعدة انا ومعاي صحبتي ( شجن) وبنت تانية اسمها سهى
.. انا وصحبتي شجن بنتنافس على الدرجه الاولى دايما .. ولمدة سنتين بنجي الاول مشترك .

مستوانا الاكاديمي عكس شخصياتنا تماما .. نحن ما عدت علينا ورقه الفه مااتكتبنا فيها ... بننجلد جلد المدايح للطار ، وعشان شغبنا ده وقفونا نحن الاتنين ألفه .. وسبحان الله "عم الهدوء".

اي طابور صباحي بنقدمو ..او لازم نشارك فيه .. موقفين حركه المدرسه بالشغب .. في صف البوفيه ..في التصحيح .. المديرة مرة استدعت اولياء امورنا وقالت ليهم بالواضح الما فاضح .. لو الاتنين ديل ما كانو شطار .. زمان كان فصلتهم ، اذاً .. شطارتنا كانت المنقذ .

شجن مش رفيقه الصف والكنبه وبس .. لا هي جارتنا الحيطة بالحيطه .. امهم صحبه امي .. وابوهم صاحب ابوي .. وبيتهم كلو صااحب بيتنا كلو... بالمختصر " الحالة وحده "

انا وشجن بنحب الزراعه بصورة ما طبيعيه .. لدرجه انو عندنا موسوعات عن الشجر والزهور وانواعهم .. سورنا وسور بيتهم عبارة عن مشتل ...وعندنا كمية بتاعه طين بحر.. ناكل منو ونزرع .. والنيل قريب .. من هناك بنجيب الطين .


لما استقرينا في السودان ..الشهور الاولى كانت
صعبه علينا في بيت العيلة .. الاطفال ومشاكلهم ...البيت كبير وناسو كتار .. ومافي راحه .. ابوي طوالي فكر واشترا بيتنا الحاليا نحن فيه ده .. كان جاهز ماعايز الا تشطيب قليل وتم في شهر وفعلا رحلنا ..قبل ما المشاكل تكبر والناس تنفر بعض ... حاليا علاقتنا باهلنا حلوة .. بيجونا ونحن بنمشي ليهم .. فقدته اولاد حلتهم اكتر شي.. عندي معاهم ذكريات حلوة ."


••


#remember ♡


"‏خليك على يقين تام بأنهُ ربنا حينور فيك كل شي طفوه الناس جواك ، وحيعوضك عن كل من خيّب ظّنك ، و حيُحيي فيك كُل جميل كانت روحك تملكو ، وبعدين حيرضيك رضا مافي حزن بعدو المسألة بس :
ثقة ب لله "

#لها_بقية

#Hiba_Ahmed

#مابعد_الرماد


الرواية من ٣ أجزاء

الجزء الأول بعنوان " لا تُضرم النار "


#Hiba_Ahmed

يوم على القافلة

حماس حماس ألف
محمد سافر ، وفؤاد ح يسافر بعد اسبوع .
يعني ماحاودعو لمن يسافر .. قال انو لازم يسافر ويشتغل اكتر عشان يقدر يغطي مصروفات العرس على اكمل وجه ، وعشان ما يدي فرقه لي امي وخالاتي يتكلمو ابداً


شجن ح تكمل سنة تالته في بيتها ، طبعاً ده عكس وعودنا الزمان قلناها
شجن صديقتي الطيرة قالت" مااااابتعرس لو م كملت قرايتها" ..Suddenly قررت تعرس !

وعود البنات هشه اوي.


بيتنا لسه ما خلا من ضيوف الخطوبة اللي فجاة اتقلبت عقد .


فداء جات شايلة معاها كم فستان على كم تيشيرت وطرح واكسسري ..

فداء: ديل تسافري بيهم وخليهم عندك

: فجأة !!!
فداء r u ok ؟

فداء: بشيلهم برجعهم محلهم هسا ، وبعدين نمشي الدكان نجيب ليك شوية حاجات .. عشان الشتاء ممكن تجوعي ب لليل وكده

: وااو انا عندي اخت بتهتم بي أوي

فداء ضحكت : انتي ظالماني بس


..


فداء انيقه جداً ، ملابسها بتختارهم بعناية ، احساس انا حاكون قاشرة غريب علي.


انا بعادتي ما بحب أاوفر المواضيع ومن ناحية قشرات وحركات وميك اب فماالي .. قرايتي هادة حيلي وهالكاني .. انا وفؤاد اخوي واحد
ما جميلة .. وما شينة " بنظري"

او ذي م بيقولو انو انا جميلة ودافنه نفسي .. وكلو مافارق معاي اهم شي انو انا مرتاحه جداً بحالتي الانا فيها
بس معليش ... دة جبل مرة .
يعني لازم اكون في قمة اناقتي ..


عندي مراجع مفروض اشيلها معاي ، كتب وروايات
اسبوعين مدة ما كبيرة بس لازم استغل حلاوة اي لحظة فيها هناك.



••


Hiba Ahmed :

Because you are female🤍🌸



" اول حاجه تختيها في بالك انك جميلة ..جوة وبرة
وانك واثقه من نفسك.. وعلى استعداد انك تواجهي اي مشكلة واي ظرف مهما كان ."

"الظروف ضعيفه جدا قدامك ..انتي قوية ..انتي قدرها "

"حبي نفسك قدر ماالله أداك .. دلعي نفسك اتفسحي اشتري النفسك فيه "

" كوني مثقفه وقادرة تتناقشي في مواضيع وجوانب كتيرة .. "

"خلي اختياراتك دايما بالعقل ..حكمي عقلك في كل صغيرة وكبيرة ."

"خلي في بالك دايما هدف ...انك حاتكوني ناجحه ومتفوقه في كل شي ."

"انشري طاقة ايجابية حوالينك .. واتأكدي ..قدر ماانتي حفزتي ..عملتي خير .. حايجيك بالمثل ✨"


"


#لها_بقيه ♡

شنو حركات المراهقين دي ؟!

الحسن: اق

ول .. امشي اقلعي الفستان الابساه دة وتعالي اديك من بناطليني الفي الشنطة دي .. ي هناية انتي بتقولي مصطلحات سوقيه اوي

راما : بالعكس .. فطومة دي بينطبق عليها مثل الشفت الممسح بالزفت

الحسن: ااررح اررح ي شفوت انتو م تضيعو في الزمن .


ركبو قدام .. جنب السواق .. وجو شلة توسل ومقداد يركبو" مربتين ومعروفين بتاعين مشاكل "، شافو فاطمة راكبة قدام ومعاها الحسن وراما

توسل: هي قايز .. مكانا ده قومو ارجعو ورا

فاطمة والبقيه م ردو عليهم وواصلو في ونستهم

المقداد: عاملين رايحين يعني؟!

فاطمة والبقية لسه سافهنهم

توسل: هي هي " طقطقت لي فاطمة قدام عيونها "

فاطمة قامت على حيلها .. ختت شنطتها وراها
والحسن وراما متكيفين من الحيحصل

فاطمة: مالك ؟
قالتها بنبرة كلها برود

توسل: مكانا لو سمحتي!

فاطمة: مكان منو معليش ؟.. انتي حاجزة في الهاي كلاس لا سمح الله !

المقداد: عايني بدون نقاش ارجعو ورا

فاطمة:" مدت يدها " هاك رجعني ورا

المقداد سكت .. توسل حمرت ليها شدييد
توسل: ارجعي بالزوق

فاطمة بي نفس البرود : ولو ابيت !
" تنت راسها "

توسل: بعرف اتصرف معاك

فاطمة: اوكي اتصرفي now
... ورجعت مكانها واتونست مع شلتها ذي كأنو ما حصل شي


توسل كانت مغيوظة جداً من تصرف فاطمة + انو كلامها منطقي .. ح ترجعها ليه ؟ ولو عملت مشكلة ممكن ينزلوها من القافله

المقداد هداها : اوكي ما مشكلة نرجع ورا وبنعرف كيف نقعد هناك تاني ، بعدين ناس أنس ووليد وسيمبا م ح يقعدو قدام وانتي عارفه

توسل: سيمبا يااخ .. الزول دة اشتقنا ليه .. وين هو ما ظاهر

المقداد: انتي عارفاه شغال وم بيجي الجامعه كتير

توسل: بس ماشاء الله في التوب دايما

سرحت بخيالها بعيد .



••


* : ي فيصل .. وين إنت؟
فيصل: في البوابة .. داخل هسا
* : تمام

••


اتحركتي ؟!

فاطمة: اي .. بس لسه ما طلعنا من الخرطوم
فؤاد: Be careful
فاطمة: م بتوصي حريص ي دفعه .. بايااات
فؤاد: هههه يلا باي

..

القافلة طلعت من الجبل ..
الباص كان مليان بالطلبه واي قروب عامل برنامج براه

كان في شلة بتغني .. الحسن وراما رجعو معاهم وبقو يغنو معاهم .


فاطمة طلعت دفترها وبدت تكتب :


" لا يُمكنّك إكتشاف مدى عظمَتك
من مُجرد ظروف إعتيادية ، أنت عظيم
بمدى صعوبة التجارب التي خضتها،
سواء نجحت، أو لازلت تحاول "


عايزة تبدى البارت البتكتبو يوميا

قاطعها صوتو :


: م اتوقعتك ح تكتبي هسا !




••






"الما بدورك اوعك تفتش دربو كترت المويه بتقتل النبات وتخربو"


#لها_بقيه

و الشكل، مع انو عارف انو هو آخر واح

د يفكر في الشكل!

كان في صراع مع نفسو وجلسه تفكير طويلة .. ختمها بإتصال لي ابوه
واخد فيها قرار




••

ذباااااابة ... تيراااراراراا تيراراراراا


كانو بيغنو
فهششتها
الكل بيقول تااراارم
ومتوكل والحسن بيقولو : فطاااارت تررم
راما ماسكه ليها دربكه
وجو مساطييل بس
الفتة عاملة تأثير قوي !

فاطمة كانت قاعدة في كرسيها ومتغطية بالسيوتر بقدام .. وفاتحه تلفونها
بتقرا!
الناس بتغني وهي بتقرا

الحسن جاب الشلة كلها وقعدو جنبها وبدو يغنو
وهي بتضحك بي كلو على أصحابها المجانين


الليله مسافر انا انا .. ما جبر الخاطر
شوف عيونو كحييلة وحواجبو غزيرة
علمني الغيرة
سكن الجزيرة حبيبي انا

فاطمة: اوكي ..الغنية دي لي صح 😌؟

راما : ااي يام راس كبير وعيون حلوة
فاطمة ضحكت: طيب خليتو شنو لمن نصل هناك

الحسن : ي بت نحن ح نصل بكرة الصباح ان شاءلله ، ح نبيت في فنادق سياحيه .. او بالأحرى ح نستريح لمدة ساعتين و ح نصل ، وفي الوقت دة لازم نخلق جو عشان الناس م تمل .

متوكل: طلعت ود شاطر وبتفهم انا كنت ظالمك ساي.

الحسن عاين ليه بالعين البايظه: لكن انت ح تفضل الولد العربشناوي الما بيعرف يغني غير الشعبي في نظري

متوكل: ااا زوول هاا الشعبي دة حقنا عاد

الحسن: نفسي اسمعك بتغني حاجه جديدة يااخي ... هرست اضنينا بالجدي وطفجت قلوبنا بالخُدير

حصلت صنه لثواني

متوكل بيغني It's you
Now!!!

الصفافير اشتغلت


الحسن دخل في علبو ... والبقيين يخلو الطعمية لمنو ؟!

الحسن: لسااك ود الخزين
هوي ياجماعه اللعب في الضبط منو

ضحكنا لمن فترنا
واتونسنا كتيير
الباص اغلبو بقى في الجهه بتاعتنا ..
وانقسمنا على اتنين .. جزء كبير معانا
والبقيه كانو م فايتين ١٠ .


عملنا جو ، العندو اكل طلعو ، والجاب تسالي وفول ، وبقينا نسأل اسئلة ونتذكر في مواقفنا لما كنا برالمه ، والاساتذة ودراماتهم ، ولما يجي وقت الصلاة الباص بيقيف وبننزل نصلي وهكذا
لغاية ما وصلنا الفندق المفروض ننزل فيهو والصباح نتوجه لمنطقة جبل مرة


••


على هذه الأرض، لا قانون سوى القوة.

المجدُ لمن قطع ذرآعه قبل أن يلويها أحد.


#لها_بقيه ♡

قيدو ف ماقدر يد

خل الا ويشوف نهاية المجنونه دي
وفعلاً تابعها لغاية ما جات تدخل الفندق ..

عاين للساعه الكانت ماشه على ٤ صباحا!
ورجع بتركيزو في المجنونه دي

فجأة انتبهت .. وشكلها خافت لانها اتصرفت تصرفات ما طبيعيه وقتها " جرت ووقفت وتاني جرت "

وبعدين جرت بي كلو.

تصرفاتها خلتو يضحك
..وقرر بعدها ياخد غفوة عشان يقدر يواصل باقي شغلو ..

_


لبس بدلة كلاسيك رمادية .. وفتح درج طلع منو ساعه فضي لبسها .. اتوجه ع التسريحه
بخ من عطر عربي .. عاين لنفسو للحظات في المرايا واتذكر يوم أمس
ابتسم وشال ملفاتو واللابتوب وطلع .


••


#قطر

محمد: يا ابو حميد .. الصحه والاحوال ياخ ..كيف الاهل كلهم ان شاء الله بخير .. لالا تمام التمام الحمد لله
والله ياقريبك ما تميت شهر بي جاي لكن بجي العيد ان شاء الله..

والله؟! .. لاحولا ولا قوة الا بالله .. كفارة ياخ .. ومتين عملت الحادث

اسبوع! لالا دي سلامه والله
جروح بسيطه صح ؟ .. حمد الله على سلامتك ياابو حميد وان شاء الله ذكاة جسم ياخ .
والله كنت دايرك في موضوع كده .. لكن طالما تعبان هسا خليهو ليوم تاني ان شاء الله
-
لالا ياخ كل خير .. اسمعني ، يوم عرس مبارك ...................."
_نهاية المكالمة _
: م تتخيل انت فرحتني قدر شنو .. عديله ي زول .. لالا ابشر ابشر
هههه خلاص خير ان شاء الله
الله يعافيك .


أنهى المكالمة .. وفي قلبه استوطن الفرح ودق دفوفه .. الآن هو على مقربة من مُبتغاه .



••

راما: " وهم نازلين في السلالم وشايلين شنطهم"
انتي يافاطمه .. امس طلعتي ؟
فاطمة : ايوة طلعت
راما : براك!!!

فاطمه: so؟
راما: انتي بعقلك ي بت so تخنقك قولي يارب

فاطمه : فيها شنو وريني ؟
راما: ووووب منك يفاطمه .. داك الحسن بركه اللميت فيهو قبل م تجيبي لي سكته قلبيه

فاطمه بتضحك على انفعال صحبتها ..

راما : ي حسن .. يحسن

الحسن: ي راما ي راما ..احكي واشكي

راما: م شفت البت السايكو دي عملت شنو ؟ دي مرقت بالليل براها .. الله ورقبتها .. في الحته الخلا دي

الحسن عاين لفاطمه الكانت كاتمه ضحكه
: صح الكلام دة ؟!
فاطمة هزت براسها ولسه كاتمه ضحكه

الحسن: يفخر العرب بيك .. ينسر الصعيد .. ي بيق شو .. ي شنو اقوليك
انتي ما هناي في راسك دة صح؟!

فاطمه م قدرت تمسك ضحكتها اكتر .. فانطلقت ضحكه راقصات .. وحدث ما حدث .

••

••


"العمر مابقى فيه فرقة لي تحمل اي نوع من انواع الضغوط او التبريرات والواحد لا صحته ولا أخلاقه بقت تتحمل, التصفية تكون أول بأول نضف وراك وارمي قدام
move on"


#لها_بقية ♡

ماعارفه الخلان

ي اسرح فيهو شنو .. ok انا شمشارة ااخر حاجه
بس م لدرجه اسرح .. لا و احفظ ملامح زول من جهه وحده ..
دي قلة أدب جديدة ي فاطمه .

قطع سرحتي اتصال من الحسن .. قالي يلا ي بت اتأخرتي قلت ليهو جايه خلاص م عندي شي
قفلت التلفون .

ورجعت اعاين ليهم لقيت الولد بيعاين لي بعين حادة .. اتذكرت يوم الفندق وانا طلعت بالليل وكنت بصور .. نفس العيون
شعرة جسمي قامت من الخوف
وجريت تاني 🙂

..



الحسن واقف مع راما
شافوني وانا جاية جارية
راما طلعت تلفونها وصورتني .. ودي هي الصحبه الغدارة يلا ..

لمن وصلت نفسي اتقطع..

راما:في شنو ي بت الايام دي م عاجباني؟ وهي بتضحك على منظري

فاطمه: افتكرتكم اتحركتو عشان كده اسرعت
الحسن: جبتي الفول والتسالي ي بت ؟!

طلعتهم من شنطتي : هاك ..وم توسخ ملابسك .

طلعنا لقينا توسل ومجموعتها قاعدين قدام .. وبتعاين لينا احساس " اي دايرة مشاكل "
راما مسكتني من يدي وقالت لي يلا
قلت ليها .." وعليت صوتي عشان تسمع" : اساسا المكان حلو بناسو ي راما .. ورا قدام ما فرقت طالما نحن مبسوطين وفي حالنا .


متوكل دة جا من وين وادانا صفارة تعظيم سلام
رجعنا .. واتحرك الباص .


..
..
..

"نحن عايشين بحس صحابنا ونكد صحابنا وضحك صحابنا
نحن من غير صحابنا رماد والله ..♡"


••


النور: ي صفيه الله يهديك الاولاد كبرو .. م صح البتعملي فيهو دة

كانت قاعدة في كراسي الحوش خالفه رجل على رجل .. غوايشها بتكشكش وهي بتشيل في كباية الشاي وبترشف منها

: عاين ي النور.. بت م بعرفها م بوافق عليها ان شاء الله كان بقت ملكه جمال .. انا عيالي ديل م ربيتهم وتعبت فيهم عشان يغشوهم البنات كمان

النور : هوي ي صفيه .. كان على التربية ف عيبي لي شجن بتنا دي .. بالاول حلفتي لو فؤاد يعرسها .. انتي راسك بقا يابس ولو ما عصلجتي ونكدتي عليهم يومهم م بترتاحي
لكن اقوليك كلام .. يوم بتلقيهم ماف حولينك .. وبتندمي

صفية بزعل : دة انت ي النور البتقولي كده ؟ انا دايرة مصلحتهم بس

النور: مصلحتهم في انك م تقيفي ليهم في وش سعادتهم .. وافقي ي صفيه وباركيها .. البت بت ناس محترمه ومافيها كلمه .. وحتعجبك انا متأكد .

صفية بلوية خشم : مشيتو وسألتو عنها وانا ماعارفه يعني؟! طيب يالنور .. اصلي ما بقول شي .. ديل عيالك وانت أدرى ومش خشمي دة
اها قفلتو .

النور : انتي بس ادي الكلمه الطيبة وهونيها .. بعدين انتي الكل في الكل مافي حاجه بتتم بدون موافقتك .

ظهرت ابتسامه على وش صفيه بس بتحاول تخفيها .. اتجاهلت آخر شي قالو النور ونادت بتها مها : ي بت ي مها ..اقوم اشوف البنات ديل واوريهم يجهزو عشان نمش لبت الناس دي .

النور طلع تلفونو واتصل على محمد
محمد: اها ي حاج بشر
النور: تدفع كم واقوليك ؟!
محمد: بضحكه .. والله يحاج شقا الغربه كلو بديك ليه .. انت أأمر بس
النور: شقى الغربة دة ظبط بيهو شيلتك ي ولدي وحق عرسك

محمد الفرحه ما سايعاهو أبداً


••

"خالفي الورد ، وأزهري في كُل الفصول .."

#لها_بقية

عليها طوالي
وصل الاستقبال .. سأل

عن ورد

موظف الاستقبال: اطلع من الباب دة وامشي المبنى التاني الطابق الرابع .. غرفه ١٢ ..

طلع وهو مهرول لغايه ما وصل
لقى الدكتور طالع ومعاه شاب في آواخر العشرينات

فيصل: لو سمحت.. ورد عبد الملك جوة ؟
الدكتور: ايوة .. تقرب ليها شنو؟
فيصل : اخوها .. هي كويسه ؟؟!
الدكتور: اتطمن .. جرح بسيط وهسا الممرضه عملت ليها فحوصات وكلها تمام .. تقدر تطلع اول م تصحى
الشاب : أنا بعتزر جداً والله.. ماعارف كيف طلعت لي في الشارع .. وكيف ضربتها .. وراضي بي اي عقاب منكم .. الحمد لله انها بخير

فيصل: بسيطه ياابو الشباب .. كلو مكتوب .. بعدين انت ود حلال كونك ما مشيت وخليتها .

خلى الشاب وعلى وشو ملامح الامتنان .. ودخل لأختو الكانت نايمه

فيصل : ورد ..
ورد: فيصل..جيت متين ؟!
فيصل: هسا .. بقيتي كيف؟ في شي بيوجعك ؟
ورد: لا بس صداع بسيط
حأطلع هسا صح؟☹

فيصل: لو حاسه نفسك تعبانه .. افضل انك تقعدي
ورد: لا .. احسن البيت ..يلا

فيصل سند ورد وطلعو بعدما عملت اجراءات الخروج


..


ريل: تلفونها مغلق يابابا .. يعني تكون مشت وين بس؟!

غادة: كلو منك ي عبدو .. كلو منك
لو كنت صارم مع البنات ديل م كانت دي النتيجه .. عاجبك كده؟ دي انطلاقه وقلة أدب
الا ما تجي المامربية دي ..هين .. هين ي ورد

ريل : انتي اكتر وحده عارفه انو ورد مابتاعه لف ودوران .. اكيد حاصله ليها حاجه.. ادعي انها تكون بخير بدل البتقولي فيهو دة

غادة جات بسرعه عايزة تضرب ريل كف .. بس عبد الملك وقف في وشها
: طول ماانا حي ياغادة .. يدك ماتمديها على وحده من بناتي .

غادة: اصلا لو من زمان ضربتهم ماكانو قلو ادبهم علي بالطريقه دي



فيصل: لو من زمان كنتي حنينه عليهم ماكان لقيتي ردود تزعلك بالطريقه دي

كان داخل وساندة عليهو ورد
ريل وعبد الملك جرو عليهم
ريل " بتبكي" : انا كنت عارفه انو حصلت ليك حاجه .. مالك عايزة تخوفيني يا ورد ؟!

عبد الملك: لا حولا ولا قوة الا بالله العلي العظيم.. مالك ي بتي ؟!

فيصل: عملت حادث .. بس بسيطه الحمد لله
مفروض ترتاح هسا وعندها ادوية
ريل في العربية امشي جيبيهم
ريل جاية تطلع بس وقفت بصوت فيصل : البسي طرحه اولاد عمتك ديل برة .

ريل رجعت بكل هدوء لبست طرحتها وجابت الادوية من برة .. بينما فيصل وعبد الملك طلعو ورد لغرفتها


غادة كانت بتغلي من جوة .. بتكره فيصل كره ماطبيعي .. وبنفس كميه الكره كان في خوف .

بتخاف من نظراتو .. ومن ردة فعلو
فيصل شخصيه قوية.. كلمتو مسموعه في الاسرة
ومحبوب رغم انو مااجتماعي ابدا


••


*فاطمة:

فداء: خلاص بكرة حتعملي لينا وجع وش
فاطمة : الخرطوم ح تنور ي بيب .. + قولي لمها جبت ليها قونقليز ونبق وفول كمية

فداء : وانا ): ؟
فاطمة: جبت ليك حاجه حلوة ح تحبيها

فداء: ي ستي .. كلو حلو منك .. تجي بالسلامه
واهم شي الصور + في شمارات كتيرة لما تجي ح احكيها ليك
فاطمه : ok .. bye


..


راما: شت يا .. ورد عملت حادث؟!
فاطمه وهي بتخت تلفونها في الشاحن وبتواصل ترتيب في اغراضها : ward who؟!

راما: بت خالتي الكبيرة .. يالله يااه .. ماتستاهل والله يافاطمه ورد دي ملاك .. مافي زول زيها

فاطمه : ان شاء الله م تكون جاتها حاجه؟
راما: لا .. الحمد لله جروح بسيطه بس .. عرفت من استوري ريل اختها .

فاطمه : اها .. الحمد لله.. اجر وعافيه ان شاء الله
راما : اميين .. معناها بكرة بعد نوصل ان شاء الله حامشي بهناك .. اساسا امي واخواني بيكون مشو من بدري

فاطمه : اي لازم .. دة الواجب
.
.
.

لا تنبش الماضي البعيد ..


#لها_بقية

. شايل شنطه الابتوب

وبدلتو في يد .. وشنطه صغيرة في يد تانية

ريل بتمسح في دموعها : ماشي وين انت التاني
فيصل : بتبكي مالك ؟!
راما : اختلفت مع خالتو
فيصل : طيب امشي البسي طرحه وتعالو لي في العربية برة
ريل جرت غرفتها لبست طرحه ونزلت هي وراما
ركبت مع اخوها قدام .. وراما ورا

لفو بشارع النيل وفي الاخير نزلو جنب ست شاي
ريل : ح تمشي وين ي فيصل ؟!
فيصل" كان موجه نظرو ع البحر " البيت الكبير
ريل : ي فيصل ياخ م تمشي وتخلينا ..والله نحن م بنستحمل اكتر من كدة
" بكت"
راما بتسكت فيها : ريل .. دي انتي البتبكي ما كنت فاكراك بالهشاشه دي
ريل : فترته انتو ماعارفين نحن عايشين كيف ؟! المفروض دي امي يعني لما اخاف لما ازعل لما افرح اجري واحضنها واحكي ليها
احكي ليها تفاصيل يومي .. الحاجه البحبها والبكرهها .. انا ماحاسه انو دي امي ي راما
لو ورد ما كانت في انا ماعارفه الحيحصل لي شنو ؟!
راما عيونها دمعو من كلام ريل .. ماعرفت تقوليها شنو غير انها تحضنها وتطبطب عليها

فيصل : ريل .. لو بنواجه مشاكلنا بالبكى صدقيني .. الدموع ح تنتهي وما حتوصف ولا ذرة من البنحس بيه
مافي حد كامل في الحياة.. نقصنا بنعوضو بحاجات تانية .. شوفي للجانب الحلو في حياتك .. عندك ورد جنبك بتدافع عنك .. ابوي .. متفهم ومابيرضى فيكم
صحباتك .. بنات اهلك
انتي لسه صغيرة عشان تندبي حظك بالطريقه دي
انتي ماشفتي بشاعه الدنيا لسه
ف احمدي ربنا .. واتجاوزي ..قدر مالله اداك فوتي
عشان في الاخير روحك هي الحتتعب .. ولما الروح تتعب صعب نقدر نرجعها ذي ما كانت

سكت مسافه وكأنو بيكمل باقي الكلاب في قلبو

ريل وراما بيستمعو لكلماتو البتطلع منو بهدوء .. بس واضح جدا انو متألم .. واي حرف طلع وراه قصه

فيصل : امسحي دموعك يلا .. تاني مااالقا شخصيتك ضعيفه كدة .. مفهوم
ريل بتمسح في دموعها : حاضر

فيصل عاين للساعه كانت متوجهه ل ١ صباحا

: قومو أوصلكم الوقت اتأخر

ريل : حتبيت معانا ؟! " كانت بتترجاه بسؤالها "

فيصل : لا .. عندي ورق في البيت وبكرة طالع السفارة.. فما ينقع
ريل : طيب ):
فيصل : يلا


••


" أغلب نصايحنا البنوجهها للحوالينا بتعكس واقعنا ..
كأنو بتحاول م تخلي غيرك يعيش نفس العشتو ..
كأنو بالطريقة دي بتطبطب على نفسك والجروح الفيها ..
او بنكمل بيها نقص جوانا عمرو ماحيكمل ..
النصايح البنحكيها وراها قصص كتيرة الحوالينا ما حاسيين بيها "

#لها_بقيه

حصل ليهم شنو لما ي

رتبطو ..سؤال جادي ؟!


..

دقايق وورد وأسرتها يوصلو
وآخر لمسات أمي .. ولعت بخور عربي
وضلمت ليك البيت
احساس " اي اتفاجؤو😹"



جا وقت الغدا
وبعداك الشاي والقهوة والونسات .. قريب المغرب كدة إستأذنو انهم يمشو
ريل اخدت لينا كم سيلفي ورفعتهم ابو السريع استوري


••


في مكانٍ قريب من منزل النور ..
قال غاضباً : تجازفها ولا اتصرف بطريقتي
_ البت واختها
: اهم شي هي .. اختها دي شافعه ساي .. لكن هي
لازم آخد حقي واوريها الرجولة كيف
_ خلاص ي عمك .. بس نشوف لينا زول من جماعه خلوصه ونستفرد بيها
: ناس خلوصه لا .. شوف ناس مكنه
اديهم وصفها .. وانا عندي ليها صور كتيرة .. برسلهم ليهم اول م يوافقو
_ لكن ي سراج .. اخوانها صعبين
: شت شاردين يازول .. برة البلد .. ابوها الهكرة دة بنأدبو .. وحسو م بتسمعو .. خليهو علي
انت ابدا لي .. وانا بتم
_ شركة


••

خلصت من العدة .. في جيبها علت نغمة تلفونها
جففت يدينها وردت
: الو
_ فطومة السمحه
: اهلا .. منو ؟!
_ م سجلتي رقمي قبيل .. حزينه ):
:ريلا ي ريلا .. اسفه م سجلت رقمك .. كيف وصلتو؟!

_ كويسين الحمد لله.. عاينيني .. هسا كنت بتكلم مع راما واختها رسيل .. فقررنا انو نعمل طلعه بنوتية نتعرف فيها على بعض اكتر .. بما انو ح نبقى اسرة وحده.. ف الجمعه الجاية اللي هي بعد بكرة ح نطلع ان شاء الله قلت اشوفك ، ها رايك ؟!
: حلو.. م عندي مشكلة قدام .. اشوف الحاج والحجه واديك خبر
_ يسلاااام .. تمام كلمي فداء ومها يجو معاك
: ظط
_ نعم؟!
: ظابط طيب 😹
_ حاغير اسمك من فاطمة السمحه لي فاطمة الرمتالية

••

الساعه ١٠ مساء
منذ مدة .. ولم تدون شيئ على مذكراتها
أخذت قلما أسود
ودونت
:

" ربما تتغير الأحلام مع مرور الوقت ،
ربما يتلاشى الشغف رويداً مع مرور الوقت،
ومع مروره .. يتغير تأثير الكلمات
لم تعد البهجه كما السابق
ربما يصعُب علينا تجاوز الماضي "

ما ح قول نفسي ما يمشي الزمن لي قدام .. لا انا نفسي يرجع بي الوقت لزمان
احلامي وقتها كانت بسيطه ..
علاقاتي بسيطه ..
انا كنت بسيطه وتفكيري بسيط

احساس اخواني الكانو بيلعبو معاي في يوم من الايام.. خلاص بقا عندهم مسؤولية ومرتبطين وناس كبيرة وعاقله .
احساس مها الصغيرة الكنا بنشيلها كلنا بقت تميز وتعرف في العلاقات .

حقيقي .. بكتب هسا وانا ماعارفه بكرة مخبي لي شنو ؟!


..
ختت القلم جوة الدفتر وقفلتو .


••

#الصين


بعد يوم عمل شاق وطويل .. عاد الى منزله مجرجرا خطواته
ما إن دلف للداخل إلا وتعالت نغمة الهاتف
القى نظرة على المتصل .. كان أحد زملائه في الشركه .. قام بالرد
: ايوة ي عبيد
_ ي فيصل ماعارف اقوليك شنو .. بس في سفرية للسودان واسمك نازل تبع اللسته
فيصل: .... what the hill is

_ comedown.. it's about 3 months
يعني ياانسان ظابطه معاك
فيصل :انا شكلي ح استقيل من شغل الشركة .. الناس دي م بترحم ي عبيد .. انا شغال ١٢ ساعه on go .. ويدوب اريح شوية دة غير الايميلات ..

_ م تقول كده ي فيصل.. اي حد نفسو في مكانك دة .. ايام وبتعدي وترتاح ان شاء الله

: ومتين ؟!

_ الجمعه ..الصباح مفروض تصلو السودان
يعني يوم الخميس بالليل
: استغفر الله العظيم 🤦‍♂️

..

صحى بصوت المنبه .. نام لمدة ٣ ساعات ..وفي ايميلات وشغل مفروض يبدا فيهم
دخل الوتساب
شاف رسالة ورد الكان محتواها " الليله مشينا لأسرة محمد .. عزمونا غدا "

الرساله التانية كانت صوره ليها ولريل
ابتسم ورد : طالعين حلوين

شاف استوري ريل
الاول والتاني وال .. السادس
ورجع تاني فتحهم ..
كاتبه تحت الصورة " A day for remember "
Fatoma alsam7a🤍

بسرو" إسمها فاطمة ..
احسن من لقب المجنونه "

عرف انو فاطمة اخت محمد
يعني ح يصادفها كتير لقدام

هو ماعارف كيف راح تعب اليوم وزعل السفر والكآبه الكانت قبل م يشوف الاستوري دة .



••

#لها_بقيه

تعجـز عنه سـنوآت العُمـر..
فتجـد متمـرّد القلبِ يلين، وڪتوم الشعـور يفصِح، وغآضّـة الطرف تتأمل، وممـسكة اللّسان تبوح..
تجد في الحُب أقوآمًا لم يجـدوا أنفسهم إلاّ عندما وجدوه، وقلوبًا لم تڪن تعرف قبله أنّها رقيقـةٌ إلى هذآ الحدّ، وصُـدورا لم ترَ نفسها قبله شفّآفـةً إلى تلك الدرجة، وعيوناً لم تڪُن تدرك أنّها عمـيقةٌ بذلك القدر، ونفوساً لم تڪن تدري أنّها نفيسـةٌ بهذآ الثمـن..
في الحُب تجدُ -القِطط المُغمضة، غزالآت الرّيم، واسعاتُ العيون!.

#نهاية_الجزء_الأول

ألقاكم يوم الأحد القادم بإذن الله مع الجزء التاني من
#مابعد_الرماد
" ما بين ماضٍ ودخان "
#لها_بقيه

ف الليل
وأخرى في موقع العمل

خطوبة ورد .. وكم كانت متميزة عن الكل .. وأخيرا يوم الجمعه

عزم مع نفسه
" ححاول مرة تانية.. عشان هي بتستاهل يتتعب عشانها "


••


كانت تعلَم كيف تملأهُ بكلّ تفاصيلها،حتّى غادرت ولم يستطع أحد أن يملأ مكانها.
"Ward"


#لها_بقية

مدت يدها :
Ok .. nice to meet you
سلم عليها وابتسم .

اتوجهت على لفه بيتهم..


وهو كان واقف في مكانو ..
افكار كتيرة اتشربكت .. حسى بإحساس غريب وقتها
هي بتبعد
وهو واقف ماسك صحن بيد والتانية بيمسح بيها راسو .. ومانفسو اللحظة تكمل أبدا.

قاطع افكارو عم ساجد

: هاك ي ولدنا .. امسك الكولا دي تهضم ليك




••


*فاطمة:
وصلت البيت... اصوات البنات بتتسمع من بداية الشارع اول ما وصلت غنو لي

: الليله ساير ياود القبايل 😹

ساهرنا في سورنا .. بيبسي وبعدو قهوة وشاي وخطط .. القعدة طولت
م حسينا بالوقت الا لما خالتي سكينه جاتنا

: ااييي الخلا علينا .. ي بنات الساعه ٢!!! دي انطلاقه منكن ..
النور وينو يحسم الفوضى دي ؟!


دخلنا كلنا بعد الهرشه دي
بنات خالاتي ومها مشو غرفه فداء

مشيت غرفتي اللي فيها الشيله
بكرة حنودي شيلة محمد
كنت حريصه على إنو اي شي يكون perfect
الزينة ..الملابس .. المأكولات وباقي الحاجات
انا وشجن لمدة ٣ أيام بنزين فيها
اتأكدته انو كلو تمام
قفلت غرفتي.


مشيت لغرفه فداء
الايام دي عشان البيت بيكون طبيعي فيهو ضيوف .. خصصنا غرفتي لحاجات العرس المهمه .. البنات كلنا بنقعد مع فداء وخالاتي وعماتي في باقي البيت.

الساعه ٣ صباحا


نط من السور وبعدها الحيطة
الحوش كان فيهو رجال نايمين بما فيهم النور

مشا بخطوات م بتتسمع
لغايه م وصل الهول
فتحو براحه .. لقا نسوان نايمين في السراير
اتوجه طوالي على تاني غرفه " عارف وصف البيت من اختو"
كانو البنات نايمات

قفلها واتوجه على الغرفه البعديها
حاول فيها كتير.. بعد مسافه اتفتحت معاه
كانت دي غرفه فاطمة الفيها كل الشيله

فكر .. كيف ح يقدر ينقل الكمية الكبيرة دي ؟!
في الاخير قرر يشيل الدهب والقروش
لما جا يطلع .. يد الباب علقت ببنطلونو .. ووقع

وصوت وقعتو صحت الكل
جدع الدهب والقروش وجرا على الحوش
مع صوت جريهو النور واخوانو صحو
هو نط بسرعه من الخوف م قدر يطلع بالباب ..
خالات فاطمة جرو على مكان الصوت
لقو الدهب والقروش مشتتين في الارض
وصرخو : حرااااامييي



••


بحري
الصافية

بعد أن ادخل سيارته إلا داخل المنزل .. قام بقفل الباب الخارجي
دلف إلا الداخل بخفه .. لم يرد ان تستيقظ والدته في هذا الوقت
ولكن ك عادتها وجدها جالسه على كرسي متحرك .. ممسكة بمسبحتها .. تنتظره

كأنه ذاك الطفل ذو الست سنوات



: ي حجه .. ليه بس ليه؟!
_ تاني ي محمد لما تتأخر اتصل واديني خبر .. م ممكن لغاية الفجر إنت برة البيت .. وريني عالاقل.. افتح تلفونك

: والله يمة الشغل كان كتير ..
والجامعه قربت .. لازم انجز الشحنه دي عشان ماتشغلني بعدين

_ الله يسهل .. اكلت؟!
: اي قبيل .. انتي صلي وبعداك ارتاحي .. تاني ماالقاك منتظراني للزمن دة

_ لما تفتح تلفونك وتكلمني .. م بنتظرك .. بس انت خت في بالك امك القلقانه عليك دي .

: أنا آسف .. حقك علي وادي بوسه على راسك عشان ترضي
_ بكاش .. ذي ابوك
: ههه الله يرحمو .



••


فاطمة : ياربي منو العارف انو في بيتنا في شيلة؟!

النور: دي دايرة ليها تفكير .. امك عزمت الحله كلها لشيله ولدها .. اكيد عارفين

صفية: اها قولو الذنب زنبي .. اساسا انت كان ما دخلتني في مشكلة م بترتاح ي النور

النور: ي وليه هوي 😹 السألك منو هسا

سكينة: لكن الحرامي دة الليله حنكو دة بيكون سلاهو برة .. ساعه قال لببب كدي الواطه اتهزت ..

مها: انا افتكرتو زلزال من شدة ماالصوت عالي

فاطمة: لو لقيتو كان كسرتة ليه راسو كلو .. الكلب

سكينة: هوي خلاص م تقلبنها مناحه .. امشن ي بنات ضايرن الدهيبات والقريشات ديل وهزبنها .. وشوفن لو في شيتاً ناقص جوة



••

صباح الجمعه

دخلت الفيس وكتبت

"لم تنتهِ الحكاية ..
غدًا تطيرُ العصافير .."

الصباح كما ينبغي

لقت friend request من
S I M P A O
" دة منو كمان ؟! "
سكينه : فاطمة .. ي بت فاطمة .. امك دي جننتنا بالنبيح اجري شوفيها ..

مع اللخمه وافقت وقفلت تلفونها وطلعت



••

اصوات ضحكه الشماته اتعالت في وحدة من اكشاك المحطه

: الزلقك شنو ي اب جمرة ؟!
_ سكت

: قبضوك ولا شنو؟!
_ لالا وقعت في الحمام

: الصابونه زلقتك وااااههههههه




••





أصوات الاغاني
والدلوكة
بنات الخالات والعمات
البكاسي 4X4 حكاية بتاعه ٥ بكاسي
وحافله كبيرة فيها ناس الحي

العربات اتوجهت لبيت ورد

البنات كانو بيغنو واصوات البوري ما وقفت

" مرقت امو فرحانه .. مرقن معاها جيرانا
مرقن معاها جيرانا .. الشمعه بتضوي حيشانا
مبروك يا صباح الخير دة عريسنا البعدل الميل "



••

_وصلو وصلو ياامي
غادة: م يصلو .. نحن جاهزين .. ورد وينا
ريل: في بيت الجيران
غادة : كويس.. امشي شيكي على الشيالات




••



- لهم كُل الأغاني واللّحن الحِلو ، وانا لي صوتك ..♥️

#لها_بقية

تسم وهو بيسترجع كيف انفعلت وحكت قصتها كلها وكيف انفعلت فيهو تاني وكيف مشت"

هز براسو وقال : البنات !



••

#قطر

في صالة متوسطه المساحه
كانت مجهزة جلسه على الأرض مفرش كبير ومساند
صحن فشار كبير وبسكويت وشبس




_ نسيت اقوليك جيب بيبسي☹

دخل وقفل باب الشارع .. كان شايل كيس فيهو طلباتها ومن ضمنهم علبتين بيبسي

_ محمد الظابط جدا 😹

: كيف وكيف 😌، اها جهزتي الافلام
_ ايوة كلهم .. ظبط الفلاش ماشة اجيب كبابي وموية



لحظات وبدا الفيلم




••

: ايوة .. جاية طيب
قفلت تلفونا والزهج وصل بيها الحد
طلعت من البوابة الشرقيه .. كانت نفس العربية الوصلهم بيها لما طلعو آخر مرة .
نزل منها .. وكعادتو ..في كامل أناقتو
فيصل: فطومة .. معليش جبتك في الحر دي .. بس لازم كان الاقيك قبل اسافر

فاطمة: ما مشكلة .. الموضوع شنو المهم؟
فيصل: اكيد ماحنتكلم هنا !
فاطمة: وين !!
فيصل : اركبي بس ونتفاهم
فاطمة " بتردد" : لكن ..ما بقدر
فيصل: ماتخافي .. ماحاخد من زمنك كتير

فاطمة بعد محاولات يائسه كتير ركبت .. كانت خايفه .. لاول مرة تتصرف كدة




••


سكينة : مها .. تعالي اتناولي لي نشادر من الدكان دة
مها: ي خالتو ):
سكينة: اها ي بتي نشادركم دي بسيطه بالحيل تسوي ٣ كيلو بسكويت
مها: طيب

طلعت الدكان .. وجوة لقت سراج واقف بيولع في سيجارة

مها خافت بالأول بس قررت م تظهر خوفا .. شالت حاجاتها وطلعت
بس سبقا بخطوات ووقف في طريقها
: على وين !
مها خافت ..
سيد الدكان اتدخل
: سراج .. زح للبت من الطريق

سراج اتجاهل سيد الدكان: طولنا م شفناك .. مالك افتريتي علينا
مها اتفادتو .. بس لحقا تاني ومسكا من يدها

في اللحظة دي صوت فؤاد وصلهم من بداية الشارع
: سراج ي كلب ..

#لها_بقيه

ا التانية بفاطمة .. والتلاته مصدومين بالحصل قدامهم





••

" أحياناً .. تقتلنا الكلمات"

#لها_بقيه

•



العاشرة صباحاً
#قطر

في ذات المشفى وفي ذات الحجرة ، جلس بقربها متأملاً تفاصيل وجهها
وكأنما يحاول جاهداً حفظ كل تفاصيله ، وكأنما بنظراته تلك يستغيثها " أن لا تتركيني وحيداً" ..



كيف ومتين وشو ويدينو ومفرش السرير إتملو بدموعو ..

ما متقبل فكرة إنو ممكن في يوم يخسرها


دخلت فداء عليهم .. اتفاجأت بحالة اخوها

: محمد ؟!!!

" حاول يخبي دموعو "

: قوم تعال معاي ..
" ساقتو ودخلت معاه حمام الغرفه " غسل وشك دة بسرعه

محمد شال كمية موية بكفينو ورشاها في وشو
مرة ومرتين وتلاته..

: انا عارفه انو ماهاين عليك رقدتها كده .. وانو لو عليك المرض دة فيك ولا فيها .. كلنا عارفين قدر شنو هي غالية عليك .. وحقيقه ورد غالية علينا كلنا ..
محمد .. لازم تبقى قوي عشان هي لما تشوفك قوي .. حتطمن اكتر .. معقولة يبقو عليها المرض وانت؟
لازم م نبين ليها انو المرض دة خطير ..
لازم نقيف معاها ونطلعها من جو الكآبة دة



••


شجن: لكن ياخالتي .. ما ممكن نعمل العرس في الظروف دي

صفية: لالا عمك قال العرس لازم يتم .. ومحمد ذاتو قال كده

: لكن ي خالتي .. م ببقى كده والله

_ اسمعي كلامي ي شجن ورتبي روحك من هسا .. العرس قايم في مواعيدو .. اسبوعين من الليله ان شاء الله




••


صحت.. لقتو قاعد قصادها .. ما بين صاحي ونايم

: بسسست

محمد: ورد .. صحي النوم ي كسلانه

_ قومني

:وين وين .. حيلك ، قايمة وين؟

_ محمد.. ممكن طلب

: عيوني ليك .. اطلبي

_ عايزة اسكريم ☹ .. لكن امشي معاك
: ورد .. جنيتي ؟؟

_ محمد عليك الله نفسي فيهو ..
نفسي اكلو ع البحر.. ب لله م تقول لا

: طيب كيف نطلع ...عايني انتي تعبانه كيف!


_ انا كويسه .. فللله عديل ارح ياخي
: طيب طيب .. انا غلطان اعرس مجنونه

" جاب الكرسي المتحرك.. شالا وختاها فيهو .. طلعو بغفله وبسرعه شالا وركبها العربية "


فيصل دخل على الغرفه .. اتخلع
جات فداء بوراهو اتخلعت برضو
فيصل: مشو وين ديل

فداء: لحظة اتصل عليه

...
_ويين انتو
: المجنونه دي قالت عايزة اسكريم
فداء ضحكت .. نزلت التلفون وطمنت فيصل

فيصل: مجانين والله .. كيف تتصرفو كده !

ورد: انا أصريت يا فيصل 😹 نفسي يااخي



..



في الاثناء دي دخل الدكتور

انهو المكالمة مع محمد .. ونزل كلامو عليهم ذي الصاعقه
" للأسف مقاومتها ضعيفه .. الورم إتمكن .. لحظاتها الباقيه قليله"



••


رجعت البيت مبسوطة جداً
لقت مها وخالاتها واقعين في الشغله

: مالكم الليله قال؟!

مها: عرس فؤاد ياهناية .. جهزي نفسك .. إسبوعين بس

_ إسبوعين !!!! كيف ومحمد ؟! ورد عيانه هسا وفداء هناك

سكينة: والله دة كلام ابوك عاد .. قال مافي فرح بيتأجل

فاطمة: ما صح طبعا .. اكيد ما صح
لاحقين شنو نحن .. كدة بنتجاهل في مرض ورد ومحمد المسكين براه حالتو حالة وبنفرح وبنطبل هنا ولا علا بالنا !

النور طلع بصوتها: مالك جايطة ؟!
_ أبوي الكلام البيحصل دة غلط .. كده ..

قاطعها : افتكر انو دة قرار ابوك المفروض ما يكون وراهو اي تعليق

: مع احترامي ليك ياابوي .. لكن غلط
_ بت " علا صوتو" انا قلت كلامي

فاطمة فرحتها كلها الدخلت بيها البيت .. اتلاشت

قرار ابوها كان صادم بالنسبة ليها ..

فتحت تلفونها .. لقت رسالة في الوتساب

" ام عيون سمحه وصلت كيف ؟! "
عاينت لصورة البروفايل .. فكان محمد

ردت: الحمد لله
سجلتو طوالي " الخاشي غلط "

عملت اسكرين للاسم ورسلتو ليهو
ضحك وعمل إسكرين لي إسمها ورسلو ليها
دقات قلبها ذادت لما قرت " السميحة ❤"


لقت رسالة من فداء وفيصل
ما فتحتهم .. طلعت بمناداة صفية


••


على البحر..
مع أخر خيط من شمس العصر
الهوا بيحرك العباية اللابساها يمين وشمال
كانت متوسده كتف محمد وبتاكل في الايسكريم

قالت : عارف ي محمد .. انا بحياتي كلها ما كنت متوقعه إنو شريك حياتي ح يكون بالاستاندرز دي
" ضحك " : كيف يعني
_ محمد إنت شخص جميل جدا .. جوة وبرة يعني 🙈
وحنين ورحيم .. وحاجات كتيرة كتيرة حلوة فيك .. الحمد عليك قليل يعني

" عايز يتكلم قاطعتو " محمد جيب لي واحد تاني .. الايسكريم خلص ☹

: لحظة طيب اجيب ليك واحد تاني

لمن مشى مسافه ندهت عليه

قبل وإبتسم لما قالت ليه : بحبك ي ود



••

رجعت شافت رسايل فيصل وفداء
بسرها بتقول : لا .. لا.


••


بعد دقايق رجع

رجلينو اتشجنو
قلبو وقف للحظة
حسا الدنيا كلها ضلمة
وهي الوحيدة في مكانها

واقعه قدام الكرسي الخشبي .. الهوا بيحرك عبايتها

الناس بدت تتلم حوالينا
كان بيزح فيهم ببطئ
لما وصلهم

كان في واحد جاثي على ركبو .. بيقيس في نبضها

لسه الكلمات القالها بتتردد في مسامعو

" البقاء لله"



نهاية الجزء التاني
غداً بإذن الله
الجزء الثالث والأخير من
#مابعد_الرماد

#لها_بقيه

معدلاتهم تذيد





••



يومين على العرس
بعد صلاة الفجر...

طلعت إسدال الصلاة .. مسكت تلفونها
فتحت محادثتو وبدت تعيد فيها وتقرا ..
الابتسامه بتزيد كلما ترجع لذكرياتها معاهو .

كان في وحدة من الرسايل كاتب فيها
" انا منتظر يوم ١/٩ بفارغ الصبر "

دة كان يوم العقد الاتحدد ..

معقولة الانسان بين يوم وليلة يتغير بالسرعه دي
بدون سابق ترتيب !
كيف كانت قبل م يظهر .. كيف كانت طريقه تفكيرها !؟
طيب واحلامها الغريبة !

برجع واقول " وعود البنات هشه أوي "

كتبت ليهو رسالة محتواها :

" أوَكلما وجَّهتُ قلبي وجهةً
يأتي غرامك أوَّل الوجهاتِ؟
أوَكلما أنوي التجلُّد جئتني
في الصمتِ... في الإلهامِ
في الغفواتِ
أوَكلما أنوي الخصامَ رمقتني
فتراجعت وتخاذلت نيّـاتي
ما أنتَ يا هذا؟
لعبتَ بهيبتي
خالفتُ فيك مجامعَ العادات..♥️ "




••


بكرة العرس

طلعت من الصباح .. معاها راما وفداء


شجن وفؤاد ح يجو الليله المسا
ومحمد ساعتين بالكتير ويصل ..


إحساس منتظرة الحنه تجف 😹!
الحنانه بتضحك علي .. لاني حرفيا م متوقعه في يوم اقعد القعدة دي وعروس كدة يعني !.




••


لحظات والعقد يبدأ

كانت قاعدة في بيت شجن .. صحباتها حوالينا .. صوت الاغاني والزغاريت

في قمة سعادتها ..

توب الجرتق الأحمر .. الاساور الذهبية ونقش الحنا مع لونها الاسمر الصافي
شعرها الاسود المفرود على أكتافها .. سبحه الجرتق السوداء ما بينها وبين سلسل جنيهات الدهب ..

طولها المعتدل وملامحها الجميلة الزادت أكتر مع المكياج البسيط ..

الزمن طال

ولسه ما سمعو صوت عيار ناري ... ولا مباركات !


ساعه ..
ساعتين ..

فاطمة قلقت .. اتصلت بمحمد اكتر من مرة .. بس ما كان بيرد !



لحظات ودخل النور وعيونو شرار
قال للبنات المعاها : خلونا برانا .

كلهم طلعو وفضلت فاطمة وفي عيونها قلق واضح
كأنها بتقوليهو " لا ياابوي ..ح يجي "


النور : فاطمة ي بتي .. الولد دة اتصل هسا وقال يلغو العرس


فاطمة: ها؟!

النور :
" اتحسر وضرب كف على كف "

الاولاد بيشيلو طبع اهاليهم يابتي
دة شايل خساسه امو وجُبن ابوه
دة مالراجل الانا بديك ليهو ي بتي



فاطمة ما بين حقيقه وحلم!


ابوها مسكها من يدها وطلع بيها
اثناء ماهم طالعين ..
كانت بتعاين لصحباتها المتحسرات .. والبيبكو ..
كأنها بنظراتها دي بتترجاهم إنهم ما يسكتو
كأنها بتقوليهم
لسه في أمل
واصلو أغاني وزغاريت

محمد ح يجي ..💔


#لها_بقيه