ضباااب..

نوف قالت ليهو انت قلته ليها شنو،،قال ليها الكان لازم تعرفو من زمان.. قالت ليهو بس م تقول لي انك انت متذكر اصلاً وكنته داسي ؟؟ قال ليها ايوا سمعته ام نوف بتقول لاحولا ولاقوة الا بالله.. فجأه م قدرت اتمالك أعصابي فقمته وقلته ليهو باسل اطلع برااا.. ااطللععع برا ام نوف ونوف بيحاولو يهدوني ووانا اقول ليهم طلعوهو برا خلوه يطلع م عايزه اشوفو.. نوف ساقتو طلعتو وقالت ليهو معاها حق لو في محلها ما بتمالك نفسي والله دا كتير عليها يا باسلل كتتير.. باسل قال ليها انا كنته مجبور..نوف قالت ليهو م عملته حساب للحظه دي ؟ كنته عايز تخبئ عليها عمرك كلوو؟؟ قال ليها لمن تهدأ حفهما كل شي ومتأكد ح تفهمني.. نوف قالت ليهوو ان شاء الله بس تتفهمك...
الصدمه الاأنا عشتها اليوم كانت اكبر م يكون اقدر اتحملا.. أمين ممكن اتقبل فكرة العملو بس باسلل؟؟ لييه.. حسيت نفسي بس عايزه اموت والموت هو الخلاص الوحيد بالنسبه لي من كل دا.

"يحدث أن تضيع وتخسر كل شي في لحظهٍ ما.. حريتك حبك وثقتك فالجميع "
إبتدأ من الحلقه الجايه الروايه ح تكون #بلسان_يحيى عشان م تسألو الحصلل شنووو.... دمتم 💕🌸
#نتلااااااقى
ميساء محمد

#إنتكاسة_حب
ميساء محمد..
-١٣-
زي ما وريتكم من الحلقه دي الروايه #بلسان_يحيى
في ناس بسألو يحيى دا منو.. وغالباً ماسكين الروايه من النص.. اقروها من أول حلقه الاحداث دقيقه و م ح تفهمو الا لمن تتابعو من البدايه.

--------------------
زي كل يوم بكون فيه مستلم الدوام بالليل ،،، حوالي الساعه 3 صباحاً جانا تلفون فالمستشفى طلب إسعافات لحريق.. ولازم وجود أطباء الحريق كبير وفي ناس لازم تتعالج في موقع الحادث إتربكنا شديد وطلعنا بسرعه والشوارع فااضيه كانت والجو شتاء بارد شديد..

أربعه إسعافات.. وصلنا في خلال عشره دقايق الحريق كان في داخلييه بنات،، من أربعه طوابق والحريق شبَ فيها للاأن مجهول السبب... ،، في بنات محروقات وبنات جاهم ضيق تنفس وبنات مفقودات..وبرضو وجود وفيات فالحال...الحريق كان كبير بصوره فظيعه حتى االشرطهه جات ،،وبسمع بنات بيصرخو صحباتنا جوا بس من الجوطه الشديد وخلعة الناس مافي زول مركز معاهم.. كل واحد بيحاول يساعد

..المشهد كان لا يوصف كل الناس الساكنه قريب ليهم جونا.. اغلبية البنات جايين من ولايات وأهل م عندهم فالناس بتحاول تساعدهم.. شخصياً م كنته قادر اشوف قدامي من الضغط الأنا فيهوو.. ودخان والبرد الشديد داك اختفى بقيت حاسي بنفسي اني فالنار وبغلي ومعرّق شديد.. شويه شويه كل المصابين اتنقلو المستشفى اللي كانت أقرب وحده لموقع الحادث وشغال فيها انا.. نزلت نظارتي من وشي وبحاول اأمسح العرق من وشي...وطلعته القفازات واحد شغال معاي قال لي الله يكون فالعون الحمد لله عملنا العلينا وبقولو في جثث جوا لسه.. قلته ليهو الله يرحمهم يااخ والله.. ياريت لو قدرنا ننقذهم كلهم لكن نحمد الله بس.. اهلهم ح يتخلعو شديد.. قال لي الله يكون في عونهم بس.

وانا بتكلم اتلفته شفته عربية أمين وقفت نزل منها هو وأمو وأبوه وسبأ ومخلوعين عرفته ح يكون عندهم زول فالحريق دا قلبي قبضنني شديد قلته للمعاي انا بعرف الناس ديل الله يستر ومشيت عليهم امين شافني طوالي جا علي ألكس ألكس.. قلته ليهو أمين خير الحاصل سلم علي وكان مخلوع شديد.. قال لي ميساء قلته ليهو ميساء مالا.. قال لي فالداخليه دي.. قلته ليهو كيف يعني ..؟؟ انت متأكد قال لي ايوا والله متأكد انت م شفتها ؟؟ جو علي ابوهو وامو وسبأ.. وابوه قال لي اي متأكدين هي ساكنه فيها واسي تلفونها مقفول واتصلو علينا من هنا انو في حريق ..اللحظه ديك بقيت بسأل نفسسي من المفقودين ولا ميتين ولا جرحى ياتو اتشتتَ قلبي بدأ يدق بسرعه بسرعه كبيره.. وشايفهم مخلوعين وأمين متوتر ويمشي ويجي وما عارف يعملل شنو،،

فاللحظه دي الجثث بدو يطلعوها من جواا.. وكل الحريق تقريباً انطفأ.. مسكته أمين من كتافينو.. قلته ليهو أمين الحصل قضاء وقدر وان شاء الله تكون من العايشين في بنات م حصل ليهم شي ونقلوهم المستشفى يطمنو عليهم نحن ح نشوف الجثث الهنا عشان لو لا قدر الله م لقيناها هناك نضمن ما اتوفت... جيت عالجثث انا وأمين واقف بعيد بيبكي وسبأ كمان وأبوهو يردد يالله سلم يالله سلّم ..وامو حاله تانيه مافي واحد فيهم قادر يقررب عالجثث.. مشبن عليهم اي جثه يفتحوها منتهيه شديد لدرجة ملامحها كلللها اختفت لفيت ع كل الجثث ما كان في جثه ملامحها واضحه حسيت بتوتر وخوف شدديد..مشيت عليهم قلته ليهم ارح المستشفى ما مع ديل.. واإتحركنا في إتجاه المستشفى فس خوف وترقب وتوتر عالي مافي زول قادر يتكلم وانا بقول ل نفسي تلله يستر م تكون بين الجثث الم معروفه ديك..

وصلنا المستشفى نزلنا خشيناا. . جريت الطوارئ وبسأل وبفتش.. قالو لي 300بت وصلو 50منهم فالعنايه والبقيه كويسين بتلقى لسته بأسمائهم.. جريت الرسبشن قلته ليها اديني لسته حريق الداخليه وكانت معاي سبأ كنا بنقرأ فاللسته بتوتر وخوف وقلق عمري م حسيت بيهو عاينته لسبأ بترجف بصوره م طبيعيه وللاسف اللسته انتهت وم لقيت اسمها بينهم.. سبأ قالت لي يعني مع الماتو؟ قلته ليها اكيد لا أطمني.. سألت بتاعت الرسبشن متأكده مافي لسته تانيه ؟ دا كل العدد. ‘قالت لي ايوا المستشفى أستقبل فقط ال 300بت ديل البقيه وفيات ولسه م اتعملت إخصائيه احتمال في بنات جثثهم م اتلقت.. قلت لا إله الا الله محمد رسول الله يارب يارب.. أمين واهلو بعاينو منتظرين اديهم خبر... انا خليتهم وحريت قلته خليني ألف كلل الغرف وأتاكد بنفسي إحتمال في وما اتسجلت....

كنته زي المجنون بالضبط جاري. ..اخش عنبر واطلع من عنبر واعاين بت بت.. اغلبية الممرضات بسمعهم يقولو د ألكس مالو حاصل شنو. ..وناس بقولو جنا.. م خليت ممرضه م سألتها.. ولااسف كلهم بقولو م عندهم فكره.. اخر ممرضه قالت بس الجثث وصلت 30حثه امشي شوفهم والله يصبركم. ..طبعاً الجثث سلفاً شفتهم بس رجعت مشيت المشرحه تاني والدكتور قال لي الجثث دي م بتعرفو أصحابهم الا بتحليل مع أهاليهم عشان نسلم كل أسره جثتها وهنا توتري زاد..

---------------------
قلته ليهو ما عملو إحصائيه ؟ قال لي اتعملت.. قلته ليهو اها العدد مكتمل الجثث والمصابين

#إنتكاسة_حب
ميساء محمد.
-١٤-
#بلسان_يحيّى..
--------------------------------------------------
بعد يومين وأنا راقد فالبيت بعد دوام إستمر يومين متتاليين ،بفكر لانه النوم غلبني من الحادثه بتاعة ميسااء ما قادر أنوم... وطوالي عقلي بفكر معقول تكون لسه عايشه؟ ولا أتحرقت.. قمته عملته قهوه وقعدته فالبلكون الجو كان بارد بطريقه غريبه وجميله في نفس الوقت.. رجعت بي الذاكره لي اول لقاء بيني ويين ميساء كان زي الوقت دا بالضبط. ..في محل الحلويات داك. ..كمية الحياة والحب الكانت فيها.. اندهشتني.. جداً.. البشوفها اليوم داك م يصدق في يوم تتكسر... يعني الفتره ديك كانت مع باسل مما يعني هو بيعرفها اكتر من أمين.. لكن أمين بعرف جانبها الاتكسر.. طيب واهلها واصحابها ؟ حسيت نفسي عايز أعرفها اكتر حسيت شخصية ميساء دي لغز كبير.. ولازم احله.. ،...واتزكرت نفسي والمريت بيهو...

-----------------------------------------
أبوي إتزوج اأمي المكسيكيه.. ودي كانت جرأه من واحد سوداني ،،، عاشو أيام حلوه مع بعض..انفصالهم.. رجوع أبوي السودان..حرمانه لي من أمي..عدم تقبل اهلي ليا. وفاة ابوي وانا عمري 16سنه ..كل الظروف اللاقتني.. ومرحله افتش على امي.. الخلتني اعرف انه مافي مستحيل ولو عايز لحاجة بتصلا. ..طلبها اني أشتغل فالسودان.. كل دا لمن لاقيت ميساء.. وتكررت القاءات واليوم الكان عايزه تنتحر فيه.. حرفيا كل مره كانت بتظهر قدامي كنت بحس بي فرح غريب.. معقوله اي حاجه في حياتي اتبسط بيها تختفي وتمشي ؟ ..وين انتي يا ميساء.. ،، رغم عدم اتفاقنا بس نحن الاتنين عشنا نفس الوجع الحرمان من الأهل وانه زول يحتويك... فقررته قرار ما ما كنته بعرفها بس عايز اتعرف عليها..
---------------
بعد اسبوع كدا .. الصباح كدا حاسي بإرهاق ‘‘‘فقررته اخلي كل البيعرفوها يتكلمو لي عن ميساء.. فاتصلته على والدها قلته ليهو عايز اقابلك وافراد اسرتك لو أمكن.. فقال م عندو مشكله.. امها كانت نزلت من النرويج وكانو في بيتهم...طوالي قمته مشيت.. وصلته بعد نص ساعه كدا بيتهم كان خزين بصوره م طبيعيه وهادي.. سلمته على ابوها..وساألته من أحواله.. وكدا.. رحيق اختها جابت لينا قهوه.. قلته ليهو يا عم محمد انا عارف الوجع لسه حار بس عايزك تحكي لي عن ميساء.. سرح بعيد وقال لي دا ح يرجعها؟ صراحة م عرفته ارد ليهو بشنو.. فقلته ليهو يمكن.. قال لي طيب وابتسم إبتسامة خيبه.. والتعب مغطئ ملامحو،، من غير م اعرف دا شنو طلعته جوالي وفتحت التسجيل قلته اسجل اي كلام بقولوه لي عنها...وما كنته عارف بعمل كدا ليه....فتحته وابوها بدا يتكلم.. ميساء كانت نوارة البيت.. من اليوم الولدت فيهو.. ربنا فتحها علي من كل النواحي.. الفرح كان في كل ركن فاالبيت.. كبرت وكل يوم شخصيتها كانت بتكون أقوى من اليوم القبله كانت جريئه.. وقلبها طيب جدا.. ،، انا كنت دايما بعاملها بقسوه بعترف.. بس م عارف وصلنا كيف ل مرحلة تكرهني.. م كنت بدخل ف لبسها ولا سلوكها .ولا بتمشي مع منو ولا بتجي مع منو،، بس كنت قاسي عليا.. م كنت حنين ابدا.... انا ك أب المفروض أكون السند بس.. ياريت لو الزمن يرجع لوراء واوريها قدر شنو بحبها.. وانها عزيزه علي..واني ك اب غلطته وكل دا غصب عني بس الندم م ح يعمل شي ، ودموعو نزلت بكى.. وانا بكيت معاهو جبتخ ليهو مويه واعتذرته ليهو عن الضغط الاتسببت فيهو ،،
-------------------
قاال لي لا اابدا نحن محتاحين نتزكرها وشديد كمان.. وجات أمها قعدت معانا.. قالت لي ميساء كانت نعمة علي.. اكتر وحده في بناتي مقربه لي وبحسها بتشبهني وكدااا... كانت ما بتحب تزعلني ابداا... كنته متفقه معاها شديد..كانت بتحكي لي اي حاجة بتخصها ..م بتخبي علي ابدا انا غلطته في حقها ويمكن لو ما غصبتها ع أمين كان تكون بينا اسي.. كانت بتحب بااسللل شدديد هو اكتر واحد عارفها وفاهمها وحافظها كانن.. انا خربت حياتها بيدي... وم قدرت تكممل وبقت بتبكي بسس،،حسيت نفسي تقلت عليهم اعتذرته ومشيت. الريكورد السجلتو منهم سمعتو كذااا مره..مع كل كلمه منهم بحس بشعورر الندم.. بس بعد فوات الاواان فكرته فالموضوع شدديد.. حسيت عايز اتكلم مع باسل كمان اشوف هو كيف بعد الحصلل داا،، وفعلا اتصلته علي سبأ طلبته رقموو وبعدين اتصلته عليهوو... واتفقته معاهو نتلااااقى... ،
--------------
اليوم التاني اتصلته عليهوو قال لي تعال البيتت وصفف لي العنوانن.. ف مشيتت.. سلمته عليهوو اموو جابت لينا قهوه وخلتنا برااانا.. كان وضعو مأسأوي وااضح انو تعبان شديدد،،، قلته ليهوو عايزك تحكي لي عن ميساء... بمجرد ما سمع الإسم دموعو نزلتت وحسيت ببهوو مخنوق. قلته ليهوو أسف.. قال لي ع شنو.. ماف اسف ..بس انت عايزني احكي ليك ليه.. طبعاً ما عرفته ارد عليهوو بشنوو.. لانو زات نفسي م عارف.. فقلتهه ليهوو انا م عارف بس عايز اعممل حاجه عشانها وهشان اعممل شي عشانها

لااازم اعرفها اكتر.. قال لي هو انت بتعرفها من وينن،،قلته ليهو انا صديقها.. قاال لي ميسااء ما كان

#إنتكاسة_حب
ميساء محمد
-١٥-
#بلسان_يحيّى
--------------------------------------------------
اليوم التاني،،إتصلته على امين واتفقته معاهو اني ه ازورو قبل المغرب كدا،،ومشيت المستشفى خلصت الدوام.. واتتجهته عليهو،،، أول حاجه كانو عندهم ضيوف وبعتقد أصحاب ابوه، وهم طالعيين انا خشيتت ،،سلمته عليهم وعلى أمينن وخشينا الصالون بتاعهم ،،كان واضح إنو بدا يتجاوز الموضوع ،،ويرجع ل حياتو الطبيعيه ،،بديت أسالو عن أحوالو وكدا قاال لي انو ماشي الحال ،،ايام بتشبه بعض ،،سكتنا فتره كدا ، قال لي ألاء اطلقت يا ألكس،،قلته ليهو ألاء منو قال لي ألاء عمر ،،اخدته نفس عمييق.. وقلته ليهو أمين انت لسه البت دي بتفكر فيهاا؟؟ ،،قال لي م قصة أفكر لكن هي بيتها اتخرب بسببي ،،قلته ليهوو م عارف اقول ليك شنو ،، لكن الحصل كلو بسبب طيشك،،
بلاك فلاش*/
أمين والاء كانو بيحبو بعض ،،هي خلتو او بالاصح اتتزوجت من غير م توريهو حتى ،،أمين اتصدم وعاش ايام سوداويهه بسبب أبوه أتزوج ميساء وححاول ينسى ،، قبل سفريتو الاخير ه جا وقال لي أنا ح أسافر مع الاء فالبدايه إفتكرته انو رجع ليها فانفصمته فيهو وقلت ليهو م تنسى انك متزوج وانو عندك بيت وهي الخانتك وخلتك ومشت ،،قال لي انا عايز انتقم منها ما اكتر ولا اقلل ع اي شي عملتو فيني هي الرجعت براها وم ح اضيع الفرصه دي اني ازلها ،،قلته ليهو وح تستفيد شنو؟؟ قال لي عايز اطوي صفحة المااضي واكمل مع ميساء انا بحببهاا ،، قلته ليهو لو بتحبها م بتعمل كداا ، انسى فكرة تنتقم والعولاق دا انت كدا بتخرب في بيتها،، حاولت بس م قدرته اقنعو أبداً،،،كان مُصر يزلها ويكسرها ويخرب حياتها زي م خربت ليهو حياتو.. م عرف يستغل الفرصه الربنا اداها ليهو،،واتقلبت عليهو وبيوتهم الاتنين اتخربت وهو خسر للابد ،،هي تستاهل لانها حقيره ،،بس الضحيه كانت ميساء. ،وراجلها طلع ذكي وجاء وكلم ميساء وحصلل الحصلل،، .
احيانا كنته بحس نفسي بكره أمين وم قادر اتعامل معاهو،،لانو هو السبب الرئيس ل موت ميساء،، كل م اعاين ف
وشو كنته بشوفها

قال لي م ح قدر أصلح حاجه م خلاص،، قلته ليهو اصلا راجلا م ح يقعد معاها بعد السمعو والشافو ولا للحظه ،،قال لي أنا مشيت قابلتو ووريتو اني م كنته عايز ارجع ليها ولاشي وسفرتها معاي عايز انتقم م اكتر ،،بس هو قال لي هي فالنهايه وافقت وجات معاك ودا وحده كآفي اني اطلقهاا ،،م قدرته اقنعو ف خليتوو. ، قلته ليهو طيب وميساء،،،قال لي انا نفسي يرجع بي الزمن للحظه القالت لي فيها قبل اسافر صحيني يا أمين اودعك ،،، يا ريتني م سافرت وياريت م سبتها ،،ميساء دي كان حلم حلم حلو شديد وانا صحيت منو بدري ،،انا قتلتها ،،بسببي انا يا ألكس،،قلته ليهو قدر أستهدى بالله ،،قال لي ونعم بالله بس اأنا ما قادر ما قادر انساها واتخطاها لانها بقت جزء مني م مجرد زوجه ،،حتى مااا لحقته اعيش معاها زي اي اتنين ،،بس انا ما بستاهلها ،،،انا م بستاهلها ااآبداً،بسببي قعدت فالداخليه الشوؤم ديك ااخ بس ربنا يرحمه،،قلته ليهو انت يا أمين هي قعدت مع بت جيرانكم فالداخليه،قال لي لا صحبات ومضه ،،قلته ليهو اهاا،،ؤاستئذنته منو بعد شوييه ومشيت المستشفى وكالعاده سجلته كلاااموو ،وسمعتو كذا مره ،،كنت بحب أسمع الناس بتتكلم عنها. ،كنت بحب سيرتها

وانا فالشغل إتصلل علي رقم رديت عليهوو،،صوت بت قالت لي السلام عليكم قلته ليها وعليكم السلام قالت لي انا نوف صحبة ميساء نحن عاملين ل ميساء تأبين. ،ف عنوان ح أرسلو ليك بتمنى تجي وقفلت ،، قعدت ف كرسي كدا ،حسيت قلبي قبضنني قبضنني شديد ،،جات ممرضه ايناس قالت لي دكتور يحيى د كتور يحيى؟؟ د كتور انت سامعني ،،حتى انتبهت ليها قلت ليها معليش،،قالت لي يبدو إنك تعبان أمشي البيت أرتاح،،وفعلاً انا كنت تعبان بس
كانت تعبانه روحي م جسمي ابدااا ،،رجعته البيت ،، التأبين كان الساعه 6مساء جهزته ومشيت،، إبتدأ بكل واحد فيهم بدأ يتكلم عنها ،، والحزن كان مخيم المكان دموع وألم ،،جات نوف قالت لي اتكلم شويه عنها ،،احترته قلته ليها انااا،،،قالت لي كلنا قلنا انت كمان قول حاجه ،،وقفته وكلهم بعاينو لي بنظرات دامعه ،،قلت ليهم : انا م بعرفهاا زيكم ،،ودا بيعني إنكم محظوظين اكتتر مني ،،لانو عشتوو معاها وقت اااكتر ،،الله يرحمه ،،انا قعدته مع معظمكم ،، وكنتو ف سيرتها الاستنتجتو طيبتها قلبها الابيض،،حاجات كلها م بنلقاها في اي زول ،، بس كانت بتميزها ،وجودنا هنا دليل على حب الناس ليها ،عمرها كان قصير ،،بس تركت أثر عظيم،،أسال الله يرحمها رحمه واسعه ونلتقي بيها في الفردوس الأعلى،،.....
------------------------------------
التأبين بقدر م كان محزن بقدر ما ريحهم كلهم حسو إنهم عملو حاجه ،،
بعد أسبوعين من التأبين ،، الايام كانت ماشيه عادي ،، يعني متشابهه ،، يوم كداا صحيت مخلوع ،،بعد م شفته منام خلعني شديد ،،المنام جاتني فيهو ميساء كانت قاعده في حته شبه ظلام.،، قربته عليها كانت خايفه شديد ،قالت لي يحيى ركز شويه ركز فالتف

#إنتكاسة_حب
ميساء محمد
-١٦-
#بلسان_يحيّى
---------------------------------
قعدته فالعربيه وأنا ساامع صوت دقات قلبي،،،أنفاسي،،،متوتر فتحته الرساله وبديت أقرا:-
بِسّم الله الرحمن الرحيم..
يحيى أو ألكس ألأقرب ل قلبك.. ،أنا يا صديقي أشعر وانني على حافة هاويةٍ ما.، أشعر وأن النهايه قد أقتربت ،،لم أسلم من الأذى منذ ولادتي،،الجميع يغزُ خنرجه السام بقلبي،، لم أسلم ،،تخلى عني أهلي والاصدقاء ،،ومن أحببت،،ومن تزوجت ثم أحببت ،،أترى حتى انت لم أسلم منك ،،ولكن تراني أكتب لك ،، أهذا لانك اخفهم قدراً ،،أم غير ذلك ؟؟ ،صدقني لا يهم ،، أنا الأن متعبة جداً يا صديقي لدرجة اللا شعور ،، حتى قلبي أشعر وكأنه لا وجود له ،،انا لا أستيطع أنا أكمل هكذا ،،وكل شعرة بجلدي تحترق وتلسعني جمراتها، أشعر وكأننما أريد الذهاب في رحلةٍ بعيده ولو موت ،،كم أتمنى ان يتغير الزمان وأولد من جديد،،أعاشر أُناس جدد،،أعيش ف عالم لا يعرف يخدع ولا يقتل القلوب ،،كم أحلم بحياة تستحق أن أحارب لأجلها ،،محاولاتي فالهروب من الأشخاص لم تنجح ف نسيان الاحداث،، لا أدري ف ربما لو وجدت سبباً للبقاء لبقيت،، شمعة أمل واحده كانت كافيه لاعيش عمراً كامل كالبقية،، ولكن أحياناً لا سبيل الا الرحيل،.
ميساء..
قريت الرساله لي مية مره مية مره وانا في حتتي ،،حسيت بكل حرف خزلان ،، بكييت بكيييت شديد ،،هي كانت فاقده الامل وانا كمان واحد من أسباب موتها ،، حتى انا ،،بس الرساله دي كتبت قبل الحادث ،،ميساء معقوله قررت تنتحر،،قبل الحادث ،،طيب عشان اعرف الفتره الاخيره الحصل ،،اقل معلومه ممكن تساعدني ،،فجأه اتزكرته انو أمين قال لي هي كانت مع بنات صحبات بت جيرانهم،،اسي المفروض تصل ليهم بس ح اصلل كيف وانا ما بعرف إسم اي وحده فيهم وماتو فالحادث و ولا عايشين ،،طيب امشي لجارة امين ،،يدلوني عليهم،،..العصر مشيت ،،طلعته العماره الفيها بيتهم م عرفته ح اسأل ياتو شقه ،،بتذكر اقرب شقه واحتماال القصادهم رنيت الجرس،،فتحت لي بت قلته ليها دي شقة بهجة،، قالت لي بهجة منو؟ قلته ليها صراحة ما بعرف بس عندها بت اسمها ومضه وانا صاحب امين الكان جاركم،،قالت لي وصلته اتفضل خشيت نادت لي امها سلمته عليهم،، جابو لي مويه وكانو مستغربين سبب زيارتي ، قلت ليهم انا صراحة سبب الزياره ،،عايز أسال صحبات ميساء الكانت معاهم ف الاجاازه ،،عايز الاقيهم ضروري، هم من الناس الطلعو كويسين،،؟ ومضه قالت لي ايوه بس انت عايز تلاقيهم ليه،،قلته ليهم هم الكانو معاها اخر فتره ،،عايز أساألهم شوية أسئله عنها اذا ممكن ،،ومضه قالت لي تمام ح اديك رقم تسابيح تقريباً لسه هنا م رجعت ،،اتصل عليها وقابلها ،،ادتني الرقم ،،وشكرتها ،،وطلعت منهم طوالي اتصلته فالرقم ردت علي بعد مكالمتين ،،سلمته عليها وقلته ليها معاك يحيى وعايز اقابلك بخصوص موضوع مهم،،قالت لي يحيى منو،،قلته ليهاا انا صديق ميساء الله يرحمها ،،عايزك ف موضوع ،،قالت لي اوك ،،قلته ليها نتلااقى بكره ،،بناسبك متين قالت لي الصباح بتصل عليك ونتفق،،قلته لي اوك تمام شكرا‘. ..رجعته البيت ،،حاسي بشوية راحه ،،كنته مرهق جداا،،إتصلل علي ياسر ودقه جرس قال لي انت ليه م جيت وكدا ،،اعتذرته قلت ليه ،،كنته عندي موضوع كداا. ،ح اجي بكره ،،قال لي المهم انت كويس قلته ليهو ايوا احسن ب كتير الحمد لله،،
اليوم التاني الصباح اتصلت علي تسابيح فعلا عشان نتلاقى ومشيت لاقيتها قعدته معاها في كافيه ،،قلته ليها صراحة ما عارف افتح معاك الموضوع كيف ،،بس انا عايز اعرف الحصل مع ميساء الفتره الاخيره وانت الوحيده يمكن تعرفي لانها كانت معاكم ،،قالت لي ايوا هي الفتره الاخيره كانت مرهقه وطواالي زهجانه وحاسه انها مضايقه ومخنوقه ،،انتو لقيتو جثتها؟ قلته ليها للاسف لا راجعته كل اللستات بس كانت من ضمن المفقودين ،قالت لي لسته الداخليه؟ قلته ليها ايواا ،قالت لي بس هو م مسجله فالداخليه اصلا ،هي قعدت معاي انا ورغد وكنا عايزين نتم الشهر ونتخارج ،،قلته ليها جاده انتي ف كلامك دا؟؟ وهي طيب كانت معاكم لحظه الحادث ،،قالت لي الصراحه م بعرف نحن نمنا قبل م هي تجي اصلا. لا اتزكرته قالت لي طالعه وح تجي قبل الداخليه تقفل،،والحريق كان متاخر ولمن قمنا مخلوعين م شفناها وم ركزت اصلا مع زول حتى رغد شفتها بعد كذا يوم،،قلته ليها بس احتمال م رجعت ،احتمال عايشه،،قالت لي طيب وين ح تكون مشت اذا م اتوفت،،م عايزه اخد امل. ،بس لو عايشه كان ظهرت، قلته ليها فعلا بس م عارف اعمل شنو اسي الكلام القلتي دا امل في حد زاتو ،،اتحركته من تسابيح وانا حسيت روحي رجعت لي حسيت بسعاده عظيمه ،،ف امل ف امل تكون عايشه في مكان ما ، في امل اشوف ميساء والاقيها وارد عليها ع كل سؤال في رأسها،،بس طيب لو العكس ،،شلته التلفون واتصلته على صحببي ياسر قلته ليهو انا في شارع النيل تعال الجو ظابط عايزك في موضوع مهم،،
قال لي من صوتك حاسي في خبر حلوو. ،قلته ليهو تعال وافهمك وفي ظرف ساعه وصلني ،،سلم علي وقال لي اها بشر شغل

#إنتكاسة_حب
ميساء محمد
-١٧-
#بلسان_يحيّى

اسبوع بي ليله ونهارو كنت بكتب الكتاب طلع صغير نوعاً ما بس فيهو حاجات حلوه كان لازم اكتب ليها حاجة ملفته ،،م معروف لو عايشه يوما ما يمكن تظهر وكتبت مقدمه كانت :

كتبتِ لي وبدأت الحديث بأيهما أقرب لقلبي انت الأقرب لقلبي ،فالأسماء مجرد علامات لا أكثر ،حتى نحن لا نختارها،قلت يا صديقي ،،واريد ان اخبرك انا لست صديقك فقط عالأقل من جهتي ، انت حبيبتي ورفيقتي و الكل ، يا حبيبتي ،،عذراً هل تسمحين لي أن أنعتك بهذا الإسم يا حبيبتي اعتذر جداً ،،اعتذر عن قدومي المتأخر ،،ولكن يقولون انت تصل متأخراً خيراً من الا تصل..لا اعلم ان كنتِ س تسمعيني واراك مجددا..لكن اريد إخبارك على كلٍ..انا احبك جداً انت شيئاً إستثنائياً حدث ،،انت معجزة إلاهيه في زمن اللامعجزات..انت حياة لقلبي حتى بعد رحيلك فانتِ تعيشين بداخلي حتى الأبديه حيث اللانهايات.. اريد انا اخبرك الكثير في هذا الكتاب ..كنت اريد انا اصفك اكثر انا اعبر لك بالحريق الذي اشتعل بداخلي حين رحيلك لكنها مجرد أسطر أيتها الحبيبه .. وانت بقلبي عوالم ومدن وكرة أرضية أخرى.. اعتذر بالنيابة عن سوء هذا العالم الذي لم تستطعين تحمله اعتذر جدا.. إن كنتِ تقرأئين فأنا أنتظر..

الكاتب اطلقت عليهو إسم(إن كنت تقرائين فاأنا أنتظر...)

كنت خاتي فالكتاب دا امال كتتيره شديد،،لو نجح وانتشر وهي عايشه بنسبة 1, ح يصل ليها وتظهر.. اتوكلته على الله ومشيت قدمته الكتاب اخدته الموافقه على النشر وبدا نشر الروايه كل دا تم في ظرف شهر وم حكيت لاي زول بالموضوع ، الشهر دا م لاقيت اي زول فيهم حياتي كانت المستشفى البيت ..الكتاب. اتشهر شديد ولقى قبول عمري ما اتخيلتو يصل ليه.. الصحافه بدت تكتب عن الكتاب وكل القنوات عايزه لقاءات معاي بس انا رفضته كل دا تماماً..هدفي من الكتاب كان ميساء وليس الشهره،، بس الناس حبت الكتتاب شديد..مافي زول فهم الكتاب دا نهائياً ،،الا نوف اتصلت علي باركت لي وقالت لي ولو انو عارفه عملتو عشانها ،يحيى انت الوحيد اللسه بتفكر فيها أمين قبل يومين اتزوج تصدق؟ قلت ليها كيف يعني؟ قالت لي والله العظيم اتزوج البت الكانت معاهو واسمها الاء،،وباسسل امورو وضحت مع حلا ماشين جاايين مع بعض واعتقد في شي بينهم حصل كيف ومتين ما بعرف ،،الكل اتقبل موتها الا انت بالرغم من انك انت اقل زول بعرفها فيناا. ..عموماً شكرا بالنيابه عنها انك عملته كداا...

عشانها،،قلته ليها واجبي،،انا ما اتخيلته انهم ينسوها او بتجاوزوها بالطريقه دي،،امين متوقع بس حتى بااسلل؟ لييه يعني.. قعدته بفكر ،،ح يحصل فيني شنو لو فعلا طلعت انها ماتت واني بتوهم ح اعمل شنو وح اكمل كيف ،،ح استوعب غيابها المر كيف،،اااخ يا رب انا عرفته قيمتها وكل شي بعد مشت ،،الحمد لله على كل حال. ..

أمين م عرفته ابارك ليهو ولا اخليهو هو حتى العرس م عزمني بس من واجبي امشي ليهو ،،سقت نفسي ومشيت ليهو ف بيتهم كان قاعد مع اهلوو.. مشيت سلمته على ناس البيت وعليهو وقعدنا نتونس قال لي انا اسف اسف اني م عزمتك وولا حتى باركت ليك الكتاب وو.. قلته ليهو انا بتفهمك كويس نحن اكتر من اصحاب.. ما عارف اني حسيت تجاها كدا لسه وبعد مشت ،،لكن الحصل فهو حصلل ،،ام بالنسبه ل زواجك فألف حمد لله انك اتجاوزت وغفرت ل ألاء وصلحت كل شي واتزوجتو وانك قررتته تكمل حياتك ميساء م معروف هي حيه ميته المهم ربنا يسهل كل شي ويوفقك في حياتك يا صحبي..

استأذنت منو ،ورجعت البيت الوقت كان بالليل وباااارد شديد عملت شاي وقعدته اشرب حوالي الساعه 11تلفوني رن استغربته لمن لقيتو رقم ورديت عليهو ..

#نتلاااقى..

#إنتكاسة_حب
ميساء محمد
-١٨-
#بلسان_ميساء

الصدمه العشتها من باسلل واميين ويحيى كانت بالنسبه لي أكبر من عقلي يستوعبها ،، الحصل دا حلم ولا حقيقه؟،، وليه حصلل ،،حسيت نفسي اني عايزه ابعد ابعد شديد ،،إتصللته على رغد واللهي وحده من البنات اللي كانو معاي لمن امين مسافر ،،طلببته منها امشي اقعد معاهم كم يوم لمن نشوف شقه،،قالو تمام اصلا عندهم باقي شهر ،كلمتهه نوف اعترضت وانو كيف امشي وهم بيتهم في وضحته ليها اني عايزه اقعد مع نفسي شويه ،،وفعلا رحلته الداخليه معاهم.. يوم عن يوم كنت بحس بضيق اكتر،،لدرجة كبيره ،،فكرت واستخرت كتتير وبعدين قررته اسافر ،،عندي صحبي عايش ف سنغافوره ،،اتواصلت معاهو وطلبت منو يجهز لي بيت واوراقي واي شي ، اتواصل مع معارفه هنا وجهزو كل شي. ،قررته اني م ح احكي لي اي زول بالموضوع دا أبداً،كلل العملتو كتبته رساله ل نوف وسلمتها ليها وريتها انها ل يحيى ،ويوم كدا بعد المغرب اتصلو علي وطيارتي قالو 9 مساء ح امشي دبي اول وبعدين اقلع من هناك ل سنغافوره،،حتى البنات المعاي ما ودعتهم ولانوف حتى،،سافرت وقلته هم ح يقلببو البلد علي. ،بس ح يقنعو فالنهايه،،مسحت كل حساباتي من التلفون بس،،وسافرت طوالي ،بعد يومين وصلته سنغافوره،،استقبلني آسر ودا صحبي كان لمن كنته عايشه ف كندا بس سوداني ،،،الحاجة العملتها دي م بعرف هل صح ولالا ،،نتيجتها شنو؟..كل المنت عايزاهو ابعد لانو كل شي وجعني شديد،،لمن الوجع يتغلب عليك فم شرط تنتحر بالموت الانتحار بيكون فحاجات كتتيره كالوحده مثلاً.. اول م وصلت وسلمته على آسر قال لي للان م فاهم الانتي عملتيهو كلو دا شنوو؟؟ وما فهمتيني اي حاجة،،قلت ليهو القصه طويله يا آسر جداً انا ح افضل ممنونه ليك طول العمر على العملتو عشاني،،قال لي ليه بتقولي كدا نحن اخوان قبل اي حاجة.. وزي م انت طلبتي انا اجرت ليك شقه وم عارف ح تقدري تقعدي برااك فيهاا! قلته ليهو اي ح اقدر وبعدين لو انا احتجته اي حاجة فانت موجوود. ،وصلني الشقه بعد نص ساعه واتفقنا نتلااقى الصباااح.. حرفياً م كنته عارفه نفسي ح اعمل شنو ؟ البعرفو بس اني بعيده عن اي وجع ولو انه في قلببي ،، كنت حاسه اني تعباااانه شدديد ،،كل البتمناهو نومه ،،استحميت وجيت نمت من غير اي مقدمات.. صحيت الصباح لقيت نفسي جعانه شديد،،مشيت المطبخ لقيت التلااجة فييها اكلل كتتير ما شاء الله آسر م نقص حاجة سخنت اكل وشلت عصير ومشيت اكلت وانا باكل كنت بفكره ح اعمل شنو ومخططاتي ح تكون شنو اصلا اهلي كدا كدا هم الخلوني وسافرو وباسلل كذب علي وخلااني وحتى امين خاني ،،كلهم اذوني ،، انا محتاجه اعيش من تاني وانسى السنين الفاتت دي كلها ،،م كانت اول مره ازور سنغافوره. ،فكنت بعرف حتات كتيره فيها قررت اطلع اشتري ملابس وامشي الكوافير اللي منو زمن طويل ،،وانا بفكر كدا الباب خبطت مشيت فتحتو لقيتو آسر قال لي صبااح الخير قلته ليهو يسعد صباحك قال لي جييتك عشان نطلع ودا رقم جديد عسان يشتغل معاك هنا قلت ليهو اسي كنت طالعه اشتري شكرا كتتير ،،قال لي م يستاهل شكر والله،،قلت ليهو تشرب شي ولا نشرب برا قال لي انت البسي بس وخلينا نطلع وبنشرب برا ياخ مشتاق لصحبتي شديد وم مصدق انو لاقيتك بعد السنين دي كلهااا يلا منتظرك برا فالعربيه ...آسر طلع وانا حهزت نفسي ولبسته وحصلتو طلعنا طوالي ل مطعم كدا وقعدنا وطلبنا قهوه. .آسر بدا الكلام معاي قال لي اها أحكي لي كل التفاصيلل.. فبديت احكي ليهو وكان ساكت وبس بيسمعني لمن خلصت..قال لي ميساء انت معاك حق على كل شي لكن هل ح تقدري تعيشي هنا البلد صعبه وكمان غربه وكمان اهلك اذا لقوك! انتي مقدره حجم كل دا ؟ قلت لبهو انا اتصرفت من غير تفكير بعترف بس لو قعدت فالسودان يوم زياده كنت ح اموت من الانا فيهوو. ، فدا قراري اي كانت النتيجة قال لي طيب كنتي تطلقي اول؟قلت ليهو م عارفه انا م فكرت فيها وم بيهمني اذا في يوم رجعت ح اطلق وفي كل الاحوال والله م فارق معاي ،،قلته ليهو خليك من النكد دا احكي لي الحااصل معاك شنو السنين دي. وبدا يحكي لي انو طول من السودان وشغلو ماخد كل وقتو.. قعدنا اكتر من شاعتين وبعدين اعتذر مني انو عندو شغل ونتلااقى المساء.. قلت ليهو انا كمان عندي شويه حاجات عايزه اعملا.. وطلعت من المطعم طلبت تكسي مشيت مول بعرفو من زمان واشتريت كل شي لازمني لبس واي شي ومشيت الكوافير وغيرت لون شعري للرمادي.. ورجعت المساء الشقه وانا نفسيتي متعدله شويه طوالي جاني اتصال من آسر وقال لي يلا ح نتعشا برا ،،اداني العنوان وجهزت نفسي وطلعت عشان الاقيهو اول م وصلت عاين لي مساافه من فوق لتحت وقااال بانبههار وااااو واااو تببارك الله غيرنا اللوك ولون شعرنا كمان ،،ضحكتة قلت ليهوو،،اهو تغيير ،قال لي البت الجات من السودان ما كانت ميساء ابداا بس القاعده قدامي دي هي ميساء صحبتي بالضبط،،فضلي المنيو اطلببي لينا يا مدام.. هههه.
قلتته ليهو انا ح أطلب قال لي ايواا انتي ياا جميله.. وبعد طلبتهه.. وكداا ونحن بنااكلل قال لي ي

#إنتكاسة_حب
قلم: ميساء محمد
-١٩-
#بلسان_ميساء
الكتاب كان صدمه يعني بمثابة انك فوق شديد وفجأه تقع،، ما عرفته اعمل شنو،، الكلام القريتو ما قدرت استوعبه اصلاً.. كنته قاعده في محللي لمن الصباح ولا اتحركت ،، يعني اعمل شنو هلل مطلوب مني ارجع السودان؟ ارجع لأهلي وعالمي القديم.. ارجع لباسل!! ولا أميين ،،ولا يحيى الما عارفه موقفو شنو!!! كل دا بين يوم وليله ،،وبعد تفكير كتير في كل الحصل لقيت انو انا ما المفروض ارجع عشان هم قالو كدا ولا عشان كلام اتقال لحظات عاطفيه هم قالو كدا لأنو معتقدين اني ميته ،،رجوعي حالياً غير صحيح ابدا،،بس يحيى ليه عمل كده عشاني لي معتقد اني لسه عايشه ليه خاتي الأمل دا رغم كل شي ،، بس انا لو ما اتأكدته من نفسي وعايزه شنو مستحيل ارجع السودان ،،اتصلته على آسر قلته ليهو عايزه اشوفك برا المكتب قال لي خلاااص نشرب قهوه سواء تعالي في المكان الكذا،،جهزت نفسي وطلعت اقرب ممتبه لقيت الكتاب متوفر اشتريتو طوالي ومشيت لقيتو قاعد مستنيني،،اول ما وصلت ختيت الكتاب قدامو قال لي دا شنو ؟ قلت ليهو روايه كتاب سميهو زي ما عاايزز قال لي م فاهم عاين للكتاب كدا قال "إن كنتِ تقرأئين فانا انتظر.. " الكتاب دا عمل ضجة كبييره بس انا ما لقيت وقت أقراهو شكراً ،،قلت ليهو للاسف الكتاب دا بخصني قال لي كيف؟ قلت ليهو كتبو يحيى قال لي يحيى ما غيرو؟ اصلا م بصدق ،ميساء دا شنو دا،، ف حكيت ليهو كل شي قال لي معقوله! قلته ليهو آسر انا استحاله ارجع عشان الكتاب دا والكلام الفيهو لاني لو رجعت معناهو رجعت ميساء القديمه ولنفس الحفره والدوامه ،،قال لي طيب ويحيى؟ ما شايفه انو ما بستاهل كل البحصل عليهو دا؟ ما شايفه انو المفروض الزول التعب عشانك دا تقدريهو شويه ،قلت ليهو كلاممك صح لكن انا ما متأكده من مشاعري وما عايزه اغلط يا آسر تاني انا غلطته قبل كدا مرتين وثقته في باسل ووثقته في أمين. ،ما عايزه تاني اكرر الغلط. ،قال لي لكن الاتنين سوء الفهم بينكن هو الكسر العلاقه.. قلت ليهو قصدك عدم الصرااحه....،، الاتنين حبهم كان جبان وبسببو انا هنا ،،انا ما لم اتخلص من الحاجات دي كلها م ح ابدأ حياة جديده وحاالياً غير مستعده،،قال لي دي حياتك ودا قرارك وانت هنا عشان نفسك فاأعملي البريحك لمن يجي الوقت التكوني عايزه ترجعي فيهو،،قلت ليهو بالضبط كدا احيانا لازم نبعد عن القرارات البتنبني على العاطفه ونتصرف بعقلاانيه... رغم كنت بشتاق كتتير واتوجع بس كنت بطنش واحاول اصغط على نفسي مرت سبعه شهور تاني وكنته خلصت الكورس واتوظفته في دار ازياء واخدته خبره ،، في يوم كدا وانا راجعه من الشغل شفته حادث قدامي نزلت سريع كان موتر ضرب طفله وللاسف ماتت طوالي امها كانت حالتها صعبه جداً وزي المجانين تصرخ وتجري يمين وشمال لحظتها اتخيلت مشهدد امي في محلها وهل كان من حقي اعيشها الشعور قلبي وجعني شديد ودموعي م قدرته اوقفها اتصلت على آسر قلت ليهو اسر عايزاك تحجز لي اول طياره ل دبي قال لي عندكم عرض هناك ولا شنو قلته ليهو لا عايزه انزل السودان,, قتل لي انتِ جاااااده يا ميساء قلت ليهو جااده شديد ،،قال لي ح اجيك بعدين اشرحي لي قلت ليهو طيب ،،رجعت البيت وجهزت شنطتي وكان نفسي لو فعلا فاللحظه دي بس القى نفسي فالسودان كنت بلم في حاجاتي وبتزمر كل زكرياتي ويحيى والكلام الكتبو لي وكل الحاجات المنتظراني،، الباب خبط مشيت لقيتو آسر سلمته عليهو ودخل قال لي تعالي احكي يا بت الحصلل ،،قلته ليهو جا وقت الرجوع ،،قال لي متأكده من قرارك المره دي؟ قلته ليهو جداً اها حجزت لي ولا لا قال بكره المساء،قلت ليهو كويس عشان اقدم استقالتي فالدار وأخد اوراقي ،،عاين لي مساافه طويله قلت ليهو هاا مالك..قال لي صحبتي ح ترجع تضيع تاني ضربتو في كتفو وقلت ليهو قول بسم الله ح نتلاقى تاني وعاشر ،،قال لي فعلت ح نتلااااقى ،،وصراحه عايز اصارحك بموضوع،،قلت ليهو احكي ،،قال لي ما عارف ح اتكلم كيف وخايف من رردة فعلك ،،قلت ليهو آسر تعرف م بحب اسلوب التشويق دا قول يااخ. ههه،قال لي رحيق قلت ليهوو رحيق اختي؟ قال لي ايوا قلت ليهو مالا ،،قال لي لي فتره على تواصل بيها وو قاطعتو وقلت ليهو م تقول لي حكيتت ليها بي؟
قال لي روقي روقي والله ماسك نفسي بالعافيه رغم كلامها الكتير عنك.. قلت ليهو طيب؟ قال لي صراحة كدا عايزها على سنة الله ورسوله.. انا سكت مساافه وبقيت اضحك قلت ليهو آسر!! متأكد اختي رحيق الشافعه؟؟ قال لي اي،،قلت ليهو اصلو م بصدق ،،الف مبرووك ،،قال لي يعني؟ قلت ليهو انا م عندي مانع وبعرفك كويس الكلام في موافقه اهلي قال لي ودا الخايف منو،،قلت ليهو م اعتقد يعارضو هم بعرفوك كويس ،، والله سبحان الله ،،،، ومن متين احكي لي التفااصيل وبدا يحكي لي كلل شئ كنت مبسوطه شديد اخيرا شي حلو فالعيله.. قال لي انا ح انزل بعد شهر عشان اطلبها رسمي قلته ليهو عالاقل بكونو أستوعبوني ،قال لي يييس.. يلا انا استأذن بكره نتلاااقى عشان اوصلك المطار قلت ليهو ظاابط بدق عليك بعد

#يتبعني_خيالك
بقلم هبة عبد الرحمن
-٦-
*أمّآ أنا فضيّعـتُ نفسي في حلم أبحثُ فـيه عن شئ لآ وجـود له..😴😴*


#بلسان مازن
#طبعا كل البحصل لي مبارك دا  كان محيرنا كلنا لانو انا بعد م مبارك بقى كويس وهم استقرو فالخرطوم وابوه باع كل حاجاتو وقرر يقعدو هنا ويبعدو مبارك من هناك والحصل كان بتصرق بي  طريقة غريبه واول حاجة انو اول م صحا كان بسالنا من ثويبة ونحن اتفادينا الموضوع قلنا نديهو وقتو وح يستوعب الحاصل وبعدها بقى كويس وطلع من المستشفى وانا سافرت  ولحدي م طلع تاني م حصل سالنا لحدي م يوم ابوه سمعو بيتكلم فالتلفون وبقول ثويبه واتحير وبقى يراغب تصرفاتو ويوم النتيجة لقيتو بيتصل لي وقال بي مبروك لي ثويبه  وقبل شوية اتكلمت معاها انا اتخلعت😳معقولة يكون بقى مجنون وكلنا اتحيرنا لكن قلنا نعاملو. ع قدر عقلو ونمشيهو وبقينا نمشيهو لحدي م نفهم وابوه طوالي عرض حالتو على دكتور نفسي وحكا ليهو كل الحصل وطبعا ابوه كان بيراغب تصرفاتو ولمن جا قال لي ابوهو انو يقنع ابو ثويبه انو تجي تعيش معاهم للجامعه وكدا وابوه قال ليهو خلاص بقنعو ولمن جاب نهى البيت ووقتها نهى كانت متحيرة في انو بتكلم معاها ع اساس ثويبه  وكدا وهي م فاهمة شي لحدي م وصلت البيت معاهو واستفسرت مننا وعرفت انو صحبة عمرها اتوفت وحزنت شديد وعرفت انو مبارك عيان  الدكتور قال ليهو انو ولد مبارك مصاب بي انفصام (شزوفرينيا) بيخليهو يتخيل حاجات بتحصل وهي اصلا م حصلت وبيخليه يتكلم مع زول ميت وما موجود ويتفاعل معاها ف ببقى عايش فحاله من الخيال مع نفسو وبالطريقة الهو عايز تمشي بيها الحياة  ف على حسب شخصية ثويبه ف هي بتاثر عليهو تاثير ايجابي عشان كدا زي م قلت انو بقى مجتهد معاك فالشغل وانو بيحاول يبقى زول ناجح 
ف هو بكون م قادر يميز بين الحقيقة والخيال  وكل م اكتشفو بدري انو مصاب بالمرض. دا بيكون العلاج ساهل  قبل م يتطور وبيبقى علاجو صعب  ف لازم وبي اي طريقة ولدك يدخل المستشفى وياخد علاجات  سووا علاجات طبيه او نفسية ف اتوكل وجيبو المستشفى وان شاء الله حيببقى كويس  وبجد بعد فترة مبارك دخلوهو المستشفى غصب عنو وهو بقول انا كوبس وما كان مقتنع بي مررضو.لحدي م شوية شوية بقو يدهو علاجات ومهدئات  واخد فترة قريب الست شهور فالمستشفى من معالجه لي اقناع بي انو ثويبه ماتت وبدا يتذكر اليوم  لمن مشى المستشفى ومازن قال ليهو.ثويبه ماتت ثويبه ماتت ي مبارك. وادرك تماما انو بقى ماف وجود لي ثويبه فحياتو تاني 💘وطلع من المستشفى ورجع بيتو وبعد مرور زمن رجع لقرايتو وجامعتو وبقى يلاقي نهى كل يوم وبقت صحبة مقربه ليهو  كان محتاج الصحبه دي عشان م يرجع ينتكس وحالتو تسوء او يفكر ينتحر ويحس بالوحدة
وبعد اتخرج وبقى انسان ناجح وعمل اعمال خيرية كتير بي اسم ثويبه وبقى انسان جدا ناجح وهو ونهى كانو اصحاب  شديد وحتى اهل نهى واهلو بقى بينهم صحبه واغلب الوثت مع بعض عزومات ووكدا بينهم  وبقو مقربين من بعض جدا 💗نهى مع الوقت بدت تحب مبارك والحاجة جي م بيدها الحب م بيدها غصب عنها ولانو طول الفترة الفاتت اقرب زول ليها وتعاملو معاها فوق الراقي 💗واعجبت بي شخصتو شديد
وهو كان بحترم نهى جدا جدا لانو طول الفترة دي.كانت واقفه جمبو وما خلتو ولا لحظة في فترة هو كان محتاج فيها لزول يقيف جمبو  خلونا نشوف حيحصل شنو لقدام معاهم ....

...سلمت البحث وقالت احسن ترجع الداخلية ترتاح من تعب الامتحانات ...
وهي مارقة لاقاها مؤتمن ومحمد ....
محمد : كيف

_ تمام الحمد لله والله

محمد : ههه بقيتو خريجين والله امبارح كنتو برالمة

_ هههه ايي والله السنين بتجري الحمد لله

مؤتمن كانت ملامحو غريبة وحاسي بحاجات ملخبطة ، قال بغيظ مكتوم :
* ما ناوية تحضري ولا حاجة ! ما صدقتو اتخارجتو

محمد اداهو نظرة استغراب بعدو قال :
_ههه لكن حنفقد دفعتكم المجنونة دي شلة ناس مجتبى اللعبنجي وناس نكوش  وناس حمادة وبنات أمبدة ههههه والجماعة الطيبين  ربنا يوفقكم ان شاء الله كلكم

_ اللهم آمين

كانت ماشة لحدي ما مؤتمن وقفها وقال :
* دقيقة

محمد : دقيقة يا مؤتمن امشي اجيب الورق دا من فوق واجي

مؤتمن : اممم

بقو فاطمة ومؤتمن واقفين سكت مسافة بعدو قال :
*  تخريجكم متين ؟

_ يعني شهر او أقل حسب النتيجة

* ايوا بالتوفيق
سكت بعدو قال بتردد :
* انتي يا فاطمة البكون عاوز حاجة  يعني بيلقاها كيف

_ دا سؤال شنو ؟! حاجة زي شنو ؟

* يعني  ماعارف

_ حسب لو حقت زول تاني بتطلبها منو ولو حاجة عاوزها بالقروش بتجيبها

* لالا  ما كدا

_ اها شنو طيب ما فاهمة

* أنا أنا طيب لو عاوزك !  أطلبك من منو ؟

للحظة فاطمة مخها شطب واستغربت من طريقة مؤتمن الغريبة في الطلب ...
وقبل ما تستوعب الكلام كان سرادة جات وطوالي استعجلتها ومشو من قدام مؤتمن ....
محمد جا جاري من هناك عشان يشوف حصل شنو ...وانجلط لمن عرف مؤتمن قال ليها شنو ..
يا ساتر دا كلام شنو حاجة شنو وزول شنو هههه والله جطتها يا عمك

* ياخ ما عارف ماعرفت امهد ليها كيف وبعدين خطتك زي وشك كنا واقفين والموضوع من اولو خربان

هههه على قولك القصة دايرة قعدة ههه خلاص يازول بكرة بس قول ليها عديل يا بت الناس انا دايرك بالحلال  وطيلة التلاتة سنين الفاتو بجهز في نفسي فوريني امشي لمنو  واطلبك منه وبس

* وبس ! أنت شايفو ساهل هههه اصبر لمن تجرب براك

** ههههه الله يسهل ليك ياخ

* ان شاء الله
_________
#العديل_والزين
#فركة_قرمصيص
#بعد_شهرين
(  دخل مهللاً ومبشراً متماشياً مع قرع الطبول وحماسها  يحمل سيفه يلوح به  عالياً  ، زغاريد ارتفعت فشقت الأفق لتبعث رسائل البشريات بإكتمال عقد القرآن . سكوت لحظي ؛  والتقاء موعود ،  وثيقة لم يجف حبرها بعد ...
في الأمس كنتِ حبيبتي والآن فأنتِ زوجتي .تلاقت النظرات ، ابتسم بمجرد رؤيتها بتلك الزينة فلم يعتد عليها هكذا .  فكيف سمحت " الجدلة " أن تعانق رأسها ؟! تذكر تمرده وعناده للوصول اليها مثلما تمردت  خصلات شعرها  للتحرر من  أسر "الجدلة"  .  نشبت الغيرة في صدره وهو يرى  عقد يعانق رقبتها ، عقد ازلي ورثته عن والدتها و  ارتصت جنيهات الذهب متسابقة فيه كسباقه مع الخطاب ليحظى بها  ...  مسارات الخضاب الرقيقة وهي تزين يديها  ،  ابتسامتها التي لطالما أسرت قلبه .
تسارعت خطواته ليقف بجانبها ، صخب الموقف لم يدعه يشبع أنظاره منها ، تبادلا النظرات خلسة وحياءاً ، ثم   بدأت مراسم "الجرتق"  وهما جالسان في "عنقريب " قد خصص ليكون كعرشٍ يجلسان فيه سوياً ،  تلاقت الأيدي وبدأت الفتيات بالغناء ، ارتفعت الأصوات مجدداً لتزيد من توتر الموقف و اختلاط الاحاسيس ، انزلت جفنيها في حياء ولكنه سارع بمكامعة يديها  ويده  الأخرى كانت حلقة وصل بينه وبين الناس ، فتارة "يبشر" لهذا وتارة يسلم على ذاك ...
تزين جبينهما بأجمل الحلي فارتسمت هلالاً على جبينيهما   ، فاحت رائحة الصندل والبخور  لتضفي على الجو رونقا خاصاً...
تتالت المراسم ولكنه لم يكف عن النظر اليها وكأنما يقول لها  (     كم أنت جميلة !!!  ) اسرع مباغتاً اياها بقطع خيط الوصل ظنه الحضور رحطاً ولكنه خاله قيد  ، ابتسم منتصراً ، واستسلمت خاسرة ، وقبل أن ترفع جفنيها اسرع برش اللبن، لتتجدد الأفراح مرة أخرى وعادت أصوات الزغاريد من جديد...
رزاز من عطر تطاير ليملأ الجو بنكهة خاصة ليسابق نكهة الحب التي طغت  ...
أصوات التبريكات والتهنئات ملأت المكان ... سارا في موكب حفته ملائكة الرحمن ودق طبول  مواكباً  لأصوات  الغناء الشجية " يا بارد الحشا الليلة العريس مرق باالسيرة  "
   حملا معهما التبريكات والدعوات  ، دعوات صادقة تسبق خطواتهما ، نشرا السعادة في المكان ثم غادرا الى عش زوجيتهما  )
.....

#بلسان_فاطمة
بعد كلام مؤتمن معاي صراحة احترت في طريقة طرحو للموضوع بس في نفس الوقت انبسطت لانو كنت منتظرة اليوم دا ، وفعلا ما خاب ظني وصارحني بشكل أوضح في اليوم التاني ، ووريتو الدرب ... انتظرنا لحدي ما تم تخريجي من الجامعة وبعدو بشهر اتزوجنا ...
مؤتمن كان نعم السند لي بعد الله سبحانه وتعالي ، كان دايما مشجع لي في ايي خطوة بعملها ، بدينا حياتنا بالاساسيات والتوسط ما اتكلفنا وفي نفس الوقت ما بخلنا على نفسنا ...

اليوم بكلمكم في  ذكرى زواجنا العاشرة
ما بقول ليكم زواجنا مثالي بس كان مبني على الحب والاحترام