*#كـلاسـيـكـي《01》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*_#عند العاشره مساءً_*

في *_الريف_*..في بيت بسيط ومتواضع مبني على طراز سوداني كلاسيكي♡.. بالطين والزنكي كان البيت عباره عن حوش كبير ارضو تراب وفيهو غرفه في الزاويه  فيها مفرش كبير فوقو مرتبه في الأرض كبيره لشخصين وفي الغرفه كان في زير صغير في الزاويه مليان مويه..كانت هي واقفه في نص الأوضه خلونا نتأمل في تفاصيلها شويه كانت سمراء سمار نضيف وملامح سودانيه فاتنه كانت رموشها غزيره وعيونها زي وكأنها قطرات من فنجان قهوه جميله وضفاير شعرها الكانت نازله لحد ضهرها وكانت رابطه توبها الاصلا ماعندها غيرو دا توبها حق الطلعه وتوب الشغل وتوبها البتتغطى بيهو لمن تنوم وتوب الصلاه ..كانت ماسكه المقشاشه بتنضف وبدندن براها بمزاج فجأه.. سمعت صوت الباب بتاع الشارع بفتح وبعمل صوت مزعج لمن يفتح🤦🏻‍♀️..طوالي رمت المقشاشه من يدها وصلحت توبها وقعدت في البنبر وملامحها الهادئه فجأه اتحولو لغضب وزعل ومدت بوزها مترين وكشرت وشها وبعد مسافه سمعت صوتو وهو داخل الأوضه بقول..

..

*=يا دُرتي..وينك؟*

(جا داخل لقاها قاعده ومكشره ابتسم بي حب وختا الطوريه من يدو وكان لابس عراقي أبيض او بالأصح بقى بني بالطين والعرق ومشى قعد تحت جمبها في الارض وهي في البنبر بعد يووم طويل من الشغل ..عاين ليها جوا عيونها مساافه وإبتسم وهو بتأمل فيها قطع سرحتو صوتها وهي بتتكلم بي طرف خشمها وزعلانه..)

..: خير يا *عبدالقادر*
عبدالقادر: كل خير يالسمحه..الا انتي بس الماك ياكي يا *سلوى*
سلوى حولت عيونها بزعل وقالت: واكون عامله كيفن بعد ما سمعت خبر زي دا من خشم الناس وراجلي القاعد حداي ما مكلف نفسو يخبرني
عبدالقادر: انا مو مخبرك يا سلوى لي حركاتك البتسويهن ديل
سلوى اتنفضت بي زعل وقفت فوق وقالت بعصبيه: ومالهن حركاتي يا عبدالقادر يعني اني ما من حقي ازعل ولا كيفن يعني؟
عبدالقادر قام ومسك يديها وقال:لا ما كدي يا سلوى مو قاصد شي كل القاصدو انو مو بدور اشوفك زعلانه عشان كدا ما خبرتك يا سلوى
سلوى:وفي النهايه هدي زعلت دريت  خبرك من خشم الناس ياعبدالقادر
عبدالقادر: يا سلوى افهميني..
سلوى ختت يدها في خشمو وقالت بزعل: خلاص قطم يا عبد القادر ما انا اكيد ما بفرق عندك عشان كدا ما موريني بي سفرتك يا راجلي

(قالت اخر كلمه بسخريه وجات تمشي وقفها ووقف قدامها رفع وشها عاين في عيونها لقاهم مرقرقات شويه وتبكي كشر بعصبيه وقال..)

عبدالقادر: انتي عارفه انو شوفتهن للدموع ديل بضايقني يا سلوى ليه بتدوري تعذبيني؟
سلوى بزعل:وانت لي بتدور تدس مني يا عبد  القادر..يعني موضوع سفرك للبندر انت شايف اني كنت ما برضى ليك بيهو وبقيف في وشك؟
عبد القادر رفع راسو وقال ليها بي استغراب: يعني ماك رافضه ياسلوى؟
سلوى:ومالي ارفض ياعبد القادر؟.ما دي في النهايه فرصه وجاتك منها تمرقك وتمرقني من حياة الفقر العايشنها دي..يعني انت فاكر عاجبني حالك كل يوم من شمس الله تطلع لحد ما تغيب انت واقف تحتها وتشتغل من طوريه لي حفر💔
عبدالقادر: ووقتك انتي فاهمه ماكي زعلانه خلاص؟
سلوى:وكيفن ما ازعل يا عبد القادر انت روحي دي  وانا ما بقدر اقعد في مكان انت ماك فيهو اني من جيت معاك ما قعدت في زاويه الا وأنت فيها..

(سكتت شويه اتوترت وعاينت ليهو جوا عيونو وقالت بخجل.. )

وتتبسم بعد خلصت طلعت من المطبخ وبقت ماشه على الغرفه بس قبل تدخل عاينت للصوره الكبيره المعلقه في نص البيت وكان فيها علامات وأسهم كتير ..شالت سهم صغير من الطاوله قدامها ورمتو في الصوره بغضب وقالت بغل..)

شيماء: *بكرهِك*

(قالتها ودخلت الغرفه اترمت  في السرير وثواني بس ونامت..)
_____________
*#في الصباح*

(كانت واقفه وبتسمع في الاهانه والذل البتطر تسمعو كل يوم كالعاده..)

=ممكن افهم امس الخلاك ماتجي شنو قايله دا بيت ابوك؟؟امس خجلتيني قدام النسوان جو لقو البيت وسخان وماف شي في مكانو متصله عليك ستين مره زي الحاجه السمحه وانتي لا جيتي ولا بتردي دي ما زريبه عشان تطلعي وتخليها على كيفك
هي بهدوء وعيونها في الارض: يا مدام امس امي كانت تعبانه عشان كدا انا ما قدرت اج...
=عايني هنا امك عيانه او عاوزه تموت زاتو دا ما شي بهمني..انتي واحده خدامه عندي وممنوع انك تغيبي ولا لي اي ظرف والمره دي حا امشيها ليك بس تاني مره اتأكد انو ما حا اخليك تفوتي ابداا
هي: شكرا يا مدام
=ويلا سريع امشي شوفي شغلك بي وين الطابق التاني كلو عاوز نضافه وفي كمان غسيل وعندك مكوة امس وكمان ماتنسي شغل المطبخ
هي: بس يا مد...
قاطعتها:اعتقد انك مفروض تبطلي الكلام الكتير وتختصري على نفسك الزمن وتلحقي تشتغلي شغلك ولو ما عاجبك فالباب وراك

(قالت ليها كدا ومشت..هي دموعها نزلو على عجزها وجات تمشي بس تلفونها رن شالتو وردت..)

هي: *الو اشجان*
اشجان: *ساره!!* وينك يابت
ساره بلهفه: في شنو يااشجان ماتخوفيني امي حصل ليها شي؟؟
اشجان:لالا اطمني امك كويسه..بس انتي طلعتي وين بدري كدا
ساره:مشيت الشغل يا اشجان
اشجان:قصدك تشتغلي في بيوت الناس!!..ساره انا مش قلت ليك بطلي شغلك دا
ساره:واشتغل وين يا اشجان؟؟.يعني اقعد من غير شغل واشحد؟
اشجان:طبعا ماقصدي كدا بس يا ساره..
ساره قاطعتها:خلاص يا اشجان بتكلم معاك بعدين اسي المدام بتناديني

(وطق فصلت الخط ومشت..)
___________
*#عند شيماء*

(كانت نايمه ولا حاسه على شي..فجأه سمعت صوت حاجه اتكسرت قامت مخلووعه فتحت عيونها ولقت الكوبايه مكسوره رفعت راسها وشافتو واقف قدامها ومكتف يديهو وبعاين ليها🙂)

شيماء بغضب: انت😡
هو ببرود: صباح الخير
شيماء: *حليم!!* بتعمل شنو في شقتي واصلا دخلت كيف؟؟
حليم:لقيت الباب مفتوح

(قال كدا وشيماء ختت يدها في راسها وحستو حاينفجر من الصداع وبقت تحاول تتزكر امس بليل حصل شنو لحد ما قاطعها وهو بقول..)

حليم: شيماء انتي كويسه؟
شيماء بغيظ: وانت مالك!؟
حليم قلب عيونو وقال: شوفي هنا انا ما جيت صحيتك عشان سواد عيونك انا جيت عشان الوقت بتاع التصوير جا وانا ما جاهز اضيع وقتي عشان حضرت جنابك تنومي
شيماء بغضب: بس انا تعبانه يا حليم😡
حليم:مافهمت!!.. دا معناهو شنو؟
شيماء: دا معناهو اني ماعاوزه امشي اي زفت تصوير الليله
حليم ضحك وقال:واااو..نظام هو على كيفك!؟ لا يا خانو انتي حاتقومي وتمشي قدامي الان
شيماء:يخ انت مالك معاي دا شغلي وانا حره اذا عاوزه امشي او لا
حليم قرب منها وهمس ليها بغيظ وقال: بس طالما شغلك دا مرتبط بي شغلي ما تحلمي اني اخليك براحتك

(قال كدا وزح منها وهي بتعاين ليهو بغضب..ما اهتم ليها عاين لي ساعتو وقال)

حليم:قدامك ربع ساعه بس وتكوني جاهزه حا انتظرك تحت
شيماء:شكرا جزيلا بمش براي
حليم عاين ليها ورفع حاجبو وقال: هل انتي شايفه انو حالتك دي بتسمح ليك تسوقي عربيه؟🤨
شيماء عاينت ليهو بطرف عينها وسكتت..
حليم التفت يمشي وقال: منتظرك يا خانو اسرعي

(قال كدا وطلع حتى ما انتظرها ترد عليهو..هي عاينت للباب الطلع منو بغيظ وشالت المخده رمتها وقالت..)

شيماء بغيظ: بكرهك..بكرهك ياخي😡

(حبيبتي انتي تقريبا كل الناس بتكرهيهم🙂)
__________
*#عند ساره*

(كانت بترتب في الغرفه وسرحانه من غير ما تقصد كان في صوره في الطاوله كان فيها ولدين واحد منهم كان بحمر بعيونو بغيظ والتاني بضحك ليهو..الصوره لفتتها شالتها وبقت تعاين فيها وقالت..)

ساره:الصوره دي حلوه..واكيد الفي الصوره البضحك دا *معاذ* ولد المدام بس المعاهو البحمر بعيونو دا منو ياربي؟

(وضحكت في ملامح وشو لانو كان بحمر بطريقه بضحك😂 واثناء ما هي سرحانه كدا سمعت صوت خلعها وخلاها توقع الصوره من الخلعه والصوت بقول..)

....:*ممكن أفهم بتعملي في شنو!!*


*#إستوووووووب🤚🏻*
🎼🎼🎼🎼🎼🎼🎼🎼🎼🎼🎼🎼🎼
*"أودُ ان اعترف لك هذه المره بطريقه كلاسيكيه عن الحب!.. وأودُ ان أُريك ان لـ لحب أكثر من لغه حتى وإن كانت كلاسيكيه♡!.. أودُ ايضاً أن أُريك أن الحب خُلق لكن زمان ومكان..وأنهُ ليس شيئاً نتج من جديد بل هو #كـلاسـيـكـي..🎬🖤"*

*#كـلاسـيـكـي《02》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#ونمتلك لغه جميله جداً لا بستطيع أي شخص أن يتقنُها تلك اللغه.. الكـلاسـيــ🇸🇩ــكـيه*
______________

سلوى: مو خابر انت يا عبد القادر آني بعززك وروحي معلقه فيك🥺
عبد القادر: وآني يا سلوى بالحيل بريدك🖤

(قال اخر جمله وهو بعاين ليها جوا عيونها..هي خجلت وختت توبها في وشها وضحكت بخجل🖤🙈..وفجأه سمعو صوت بقول..)

*"كااااااات🎬🖤"*

توفيق وهو بقوم من الكرسي: واخيرااا المشهد دا نجح
ريم اتنهدت وقالت:دوبها دي البدايه شكلنا حانتعب شديد🤦🏼‍♀️
حليم وهو بشرب في المويه: بس جد المسلسل *كلاسيكيي* جدااااا
ريم ضحكت: مش😂😭..بس عمك توفيق دا قال كل الناس بتصور في الحديث نحن نرجع للقديم😂😂
حليم: لساني للان ما اتاثر باللغه دي بس حاسي نفسي بعد مشهدين تاني ولساني حايكون اتعوج بيها😂

(كانو بتكلمو كدا وشيماء اصلا ما اهتمت ليهم دخلت الغرفه البتستريح فيها واتجاهلتهم..)

ريم وهي بتعاين للباب الدخلت منو شيماء: دي مالا اليوم؟؟
توفيق بغيظ:اليوم؟؟ قولي دي مالا كلو يوم🙄
ريم وحليم ضحكو😭😂
توفيق:المهم خلونا منها..وين *مريانا!!؟*
ريم:ما بعرفها غريبه حتى تصوير امس ما جات
حليم: أسالو منها *محمد* اكيد بعرفها
ريم لكزت حليم من كتفو وقالت: انت عاين لي محمد حقك زاتو ما رايق🙄
توفيق: يا الله انا منكم نفسي بس يووم واحد تكونو ملتزمين بي مواعيدكم وكل الفريق يكون مكتمل هسي وروني الحايشرف على ديكور المشهد التاني منو؟؟

(فجأه وهم بتناقشو جاهم صوت بقول..)

...: *انا*

(اتلفتو لمصدر الصوت وريم قالت بفرحه)

ريم: *مريانا😍*

(ريم اول ما قالت كدا محمد انتبهه ورفع راسو وشاف مريانا واقفه جمب الباب وبتاخد في انفاسها بصعوبه وكأنها كانت جاريه قام بلهفه مشى عليها وقال..)

محمدوهو بتكلم سريع: مريانا!!..وينك من امس؟ وليه ما بتردي على تلفونك؟ ومالك اتاخرتي اليوم؟  وليه بتتنفسي سريع كدا؟ انتي كنتي جاريه و..

﴿مريانا رفعت راسها وختت يدها في خشمو وقالت..﴾

مريانا بضحك: هشش😹 واحده واحده دا شنو دا..وخليني اشيل نفسي كويس عشان ارد ليك😹🤦🏼‍♀️
محمد حمر ليها وسكت..
ريم مشت عليها وقالت: ميروو😍 اشتقنا
مريانا وهي بتقعد في اقرب كرسي:كتيير يا ريوومه..حصل شنو امس فغيابي
ريم وهي بتقعد جمبها: كالعاده يعني شيماء بتغلط في المشهد واستاذ توفيق بتجنن😂
توفيق حمحم ليهم وقال: اتجنن!!..يعني تصرفاتي بقت جنان طيب وتصرفاتها شنو؟؟😒
محمد ضرب توفيق في كتفو بهظار وقال: روق يا استاذ توفيق كلنا عارفين شيماء واخلاقها الأضيق من عيون ريم الصينيه😂😹
ريم:صينيه فعينك😒..وبعدين شنو فجأه بقيت تضحك وتهظر ولا عشان ميرو جات😉
مريانا: مالي انا هووي
ريم:كنتي عامله للولد تخديير كان شويه وينفجر وقاعد براهو في الزاويه قال خايف عليك😹
مريانا بهظار: صحي يا كبابيشو🙈
محمد:يكبش راسك انتي وهي الواحد ما يعبر واحده فيكم😒..وانا ما خفتا عليك يالسنيوريتا بس قلت يمكن عشان انا رفضتا ليك تصوري مشهد تكوني حرداانه الشغل

*#كـلاسـيـكـي《03》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*حبوبة قالت:-*
*القروش رايحة والسماحة مع العمر بتروح..♡*
*إختار ناسك وماتدي اي زول القلب والروح..♡*
________________

*#في بيت غاده*

﴿كانت قاعده في الصاله ماسكه صحن السلطه وبتقطع وكانت بتها قاعده في الكرسي الجمبها وقدامها ولد مشلول قاعد في الكرسي ما بتكلم عمرو 14 سنه بحضر في التلفيزيون بهدوء.. وهي بتعاين ليهو بغل وقالت.. ﴾

غاده:  انا ماعارفه سويت شنو كعب في الدنيا دي لمن اتبلا بيك يا المشلول قاعد كدا وبتحضر بمزاج وهدوء ونحن هنا زي الخدم تحتك نأكلك ونشربك ونلبسك.. لا وكمان اختك الخايبه تتسرمح وتطلع لي انصاص الليالي وما جايبه خبرك 😒

﴿رزان اتنهدت بي ضيق وقالت ليها..﴾

رزان: يا امي عليك الله ما تبدي..بس انا دايره اعرف الولد المسكين دا زنبو شنو كلو يوم تسمعيهو كلام زي السم وانتي عارفه انو ما حايقدر يرد عليك💔
غاده: انتي تخرسي خالص😡..ما كفايه قاعده لي كدا لا شغله ولا عمله كمان بتجاوبيني
رزان: ما انا قلت ليك دايره اشتغل في بيت ناس...
غاده قاطعتها وختت صحن السلطه بنرفزه وقالت: تشتغلي في بيوت الناس ليه؟؟ دايره تبقي خدامه عشان تشتغلي في بيوت الناس😡 دي شغله اسي
رزان: المهم شغل حلال يكسبنا قروش بدل ما نقعد نشحد ونذل نفسنا للناس
غاده: ولمن تشتغلي تحت كرعين الناس دي ما ذله؟؟😡..شوفي هنا هووي وفتحي لي عويناتك ديل انتي حا تشتغلي في مجال واحد وبس وهو مجال التمثيل انا عاوزاك تبقي لي ممثله قدر الدنيا وتجيبي قروش تغرقنا وتطلعنا من الخرابه دي
رزان: يا امي انتي فاكره الموضوع ساهل كدا؟
غاده: ما بعرفو كان ساهل كان صعب بس البعرفو انو انتي بتملكي كل المؤهلات عشان تكوني ممثله واهم شي عندك الجمال والشعر والجسم تاني دايره شنو؟؟
رزان بزعل: بتتكلمي عني كدا كأني سلعه وعاوزه تبيعيها💔
غاده: لا يا هبله انا امك وعاوزه مصلحتك..وانتي لو عاوزه تنشهري وتجيبي القروش وتنفعيني لازم تفتحي لي مخك دا وتجتهدي معاي..وتبطلي حوامه وسرمحه مع الرمتالي حقك دا😒
رزان: انتي قايلاني زي ...

﴿وقبل تكمل كلامها سمعت صوت الباب قامت فتحتو وكانت دي بت ظاهر عليها من لبسها وطلتها انها زوله مرتاحه بس كمان ظاهر من وقفتها ونظراتها انها مفتريه وشايفه نفسها.. رزان ابتسمت بفرحه وهي بتعاين ليها وقالت..﴾

رزان:  *شيماء😍*

(غاده اول ما سمعت اسم شيماء التقول ضربتها كهرباء قامت فوق وبقت متوتره😳)

شيماء: ازيك يا رزان
رزان:كويسه يا شيماء نورتينا والله..اتفضلي

(شيماء دخلت وشافت غاده في وشها..)

غاده ابتسمت وبقت تتكلم بي طيبه "بسم الله🙂"  وقالت:  حبابك بتي حبابك😍.. خشي خشي وين الغيبه دي مالك مطوله مننا ان شاء الله تكوني كويسه

﴿شيماء اتجاوزتها وما ردت عليها.. حييي انا عجبني ليها😂😂ومشت وقفت جمب الولد المشلول وبقت تعاين ليهو مسافه وبتتفحص فيهو.. وغاده بتعاين ليها وهي متوتره حاولت تلطف الجو وقالت..﴾

*#كـلاسـيـكـي《04》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*-كشختنا توب وعمامه..*
*-وقلوبنا بيضه غمامه..*
*-ولمتنا ضحك ودرامه..*
*..*
*#Şùȡάή🇸🇩*
_________________

﴿كانت قاعده بيناتهم وكلهم كانو بتكلمو معاها في نفس الوقت قامت فوق قالت بي ضيق.. ﴾

= ياخ قلت ليكم ما دايره😡 انتو ما بتفهمو؟؟
صحبتها مسكتها وقالت: طيب خلاص روقي يا *شيماء*
شيماء:*ضحى!!* انا المره الفاتت وريتكم ونبهتكم اني ما حا ادخل معاكم في موضوع المخدرات دا ليه بتعيدو القصه تاني؟؟؟
رفاء عاينت ليها وقالت: طيب خلاص يا شيماء اقعدي ما حانجبرك عليهو.. سامحينا غلطنا

﴿شيماء قعدت مسكت السجاره واتنهدت بي ضيق.. هيام ختت يدها في كتف شيماء وقالت بزعل مصطنع طبعا🙂.. ﴾

هيام: نحن بس كنا دايرين مصلحتك يا صحبتي😔
شيماء: مصلحتي!!! مصلحتي في الزفت دا شنو؟؟
هيام: اي هو يمكن خطير شويتين بس بريحك صدقيني بخليك في عالم تاني.. عالم ينسيك همومك والوجع الجواك و..
شيماء قاطعتها وقالت: هيام!.. كفايه خلاص وللمره الاخيره حا احذركم ما تجيبو المخدرات دي قدامي تاني

﴿قالت كدا وبقت مركز في سجارتها ومغمضه عيونها بتعب.. وصحباتها التلاته بقو يعاينو لي بعض بي توتر وغيظ...﴾

_____________
*#في المستشفى*

﴿كانت واقفه خايفه وبتعاين ليهو بلهفه وانخلعت اول ما قال.. ﴾

معاذ: *امك يا ساره عندها مشاكل في القلب💔.. ولازم نعمل ليها عمليه ولا صدقيني كدا ممكن تخسريها💔*
ساره بصدمه:  اا..امي؟؟ 💔
اشجان ختت يدها في كتف ساره وقالت: ساره اهدي
ساره عاينت لي اشجان بدموع: اشجان دا بقول في شنو؟؟ 💔مشاكل في القلب كيف يعني؟؟ وعمليه!! عملية شنو؟؟؟
اشجان دموعها نزلو وقالت: ساره امك حاتكون كويس اطمني
ساره رجعت خطوتين لي وراء وقالت: اطمن!!.. هو بقول لي حاتخسريها اطمن كيف يعني فهميني
معاذ: بس حانعمل ليها العمليه وحاتبقى كويسه..
ساره بصوت عالي: طيب منتظرين شنو اعملو ليها العمليه انقذو امي خلوها تبقى كويسه ياخي💔
معاذ: في خطر عليها حاليا لو عملنا ليها العمليه.. لازم تبقى كويسه شويه وتفتح عيونها عشان نقدر نفحصها فحص كامل ونعمل العمليه

﴿ساره قعدت في الارض وختت يدها في وشها وبقت تبكي💔💔.. اشجان قعدت جمبها وقالت﴾

اشحان:ساره..
ساره رفعت راسها وضمتها وقالت بدموع: ليه بحصل كدا يا اشجان💔.. امي العمرها ما أذت زول لا بي فعل لا بي عمل ليه يحصل معاها كدا.. اشجان انا بموت لو امي حصلت ليها حاجه هي اخر حاجه فضلت لي يا اشجان انا كل الناس مشت خلتني وبقت لي هي وبس💔.. لو خسرتها اسي تاني ما حيكون عندي سبب عشان اعيش صدقيني بموت💔
اشجان:خالتو فاطمه حاتكون كويسه انا اوعدك بالحاجه دي نسيتي انا دكتوره وانتي كمان ادعي ليها بس

﴿كانت اشجان بتهدي فيها..ومعاذ كان واقف بعاين ليها وهي بتبكي قال بينو وبين نفسو..﴾

معاذ مع نفسو: امك حا ترجع زي ما كانت واحسن..وانا حا ابذل كل جهدي عشان امك تفتح عيونها

﴿قال كدا ومشى منهم...﴾
___________
*#عند شيماء*

*#كـلاسـيـكـي《05》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#إختصار الحكايه..*

_انو في قديم الزمان..🎶_
_وفي احلى مكان..🎶_
_اتواجد بلدنا السودان..🎶_
_العشنا فيهو بحريه وأمان..🎶_
_بس فجأه ثارو فيهو كميه ورموهم بالبمبان..🎶_
_ديك حكايه أثريه والأصل من رمضان..🎶_
_لمن هجرنا ارضاً كانت لينا إدمان.. 🎶_

*_~#بقلمي..نفيسة جلال🔏~_*

(رايكم يهمني في الشعر🖤..شكلي حا ابطل روايات وابقى شاعره😂)

______________

*اضواء من جديد..ولكن هذه المره بطريقه مختلفه.. ♡*

*كانن متلميات كميه..*
*وفناجين القهوه من القطيعه بقن ميه..*
*ضحكن في وشها ومن جوا سيئه النيه..💔*

=ما شفتن الحصل لي امال
-اي ياختي قالو طلقوها
=بري اصلا هي تستاهل ..دقيقه واحده جوا بيتها ما بتقعد
...: عاد قالو راجلها طلقها ودقاها كمان
-نهاي راجلها ما خاتي عليها تستاهل المفجوعه

﴿وبقو يتقالو..قاطعهم صوتها وهي بتقول﴾

**:اسكتو ياخي
=مالك يا *سلوى!؟*
-خليها دي قرة عينها سافر خلاها الليله قايمه عليها نفسيات
سلوى حمرت ليهم وقالت: ما كدي بس صدعتن بي بقطيعتكن الما بتنتهي دي
نفيسه:قطيعتنا؟؟ياختي نحن بنوري في بعض اخبار امال
سلوى عاينت ليها وقالت: نفيسه!!..انتي عارفه دي مو طريقه نننضم فيها على المرا..استحن شويه امبارح دي كانت قاعده حداكن تشرب معاكن وتاكل معاكن في نفس الماعون
-سلوى عليك الله قطمي ياخ "قطمي يعني اسكتي قلت اوريكم عشان حاتتكرر كتير😂" ما وقت مواعظك دي
سلوى:  *رجاء!!* ما بقطم الا انتن تقطمن اول وتعرفن حدودكن والبتقطعي معاهن ديل في امال يا رجاء بكره دي بشرباً الجبنه بي اسمك وقطيعتك
رجاء قامت فوق وقالت بغضب: شين قصدك ؟ يا مرا هوي النساوين البنشرب عليهن جبنه ديل نساوين هاملات ومطلوقات وما بعرفن يمسكن بيوتهن وكل البحصل ليهن دا يستحقنو بسبب اهمالهن ما بسبب كلامنا..وانا شين سويت؟ لمن يقطعو فيني زيهن؟ انا مرا وكلكن ورا وبعرف حدودي وبيوتي وراجلي واولادي وكمان بعرف جبنتي
سلوى: القصه ما قصة انهن نسوان مهملات..القص ..
رجاء قاطعتها وقالت: خلاص يا سلوى فهمتك وعرفتك انتي بس بدوري تعملي ليك نقاش معاي انا من يومي العرفتك وانضميت ليكن في المجموعه دي وانتي ماك طايقااني وقطيعتك وقوالتك فيني البتسويها من وراي كلها واصلاني
سلوى قامت فوق بي انفعال ختت يديها في نصها وقالت: انا؟ انا البقطع فيك!!ولا انتي البتقطعي فيني من وراي يا رجاء؟..بتسوي العمله وبترميها في غيرك؟؟.. اسمعي هنا انا سكت ليك كتير ومالومتك في شي رغم السمعتو عنك بس تجي  تتهميني بعمايلك يبقى هنا دا كلام تاني
حُسنه"ست البيت": ها يا نساوين استهدن بالله وانتي يا سلوى العني الشيطان واقعدي دا شنو اسي ما كنا كويسات بي ونستنا و..
سلوى عاينت ليها وقاطعتها وقالت:ونسه؟؟..دي قطيعه يا حسنه ما ونسه..وانا دقيقه واحدي ما لي قاعداها في المكان دا ومع المرا دي "قصدها رجاء"
رجاء:قصدك شنو؟؟..لعلو بدوري امرق ليك..والله شكلك بتحلمي وانتي واقفه انا خطوه واحدي من الجمعيه دي ما بمرقها وانتي كان ما عاجبك باب البيت يفوت جمل يا الهامله

*#كـلاسـيـكـي《06》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#الليله البيضحك ليك والبيقاسمك مُرك♡..ياهو زاتو في النهايه بضُرك*

_____________

*#عند حليم..*

حليم بعدم فهم وصدمه: حح..حامل!!!!!! اا اانت بب بتقول في شنو؟؟؟؟؟؟؟

(الممرض استغرب من رد فعل حليم وجا يرد بس قاطعو صوت باب الغرفه الوراهو والدكتور بطلع منها وهو بعاين لي حليم وبقول..)

الدكتور: استاذ حليم اطمن الانسه كويسه بس حصلت معاها شوية مضاعفات وغالبا ما يكون السبب من عدم الاكل والاضطراب النفسي و..
(سكت وهو بنتبهه لي نظرات حليم المصدومه ..والممرض الكان بعاين ليهو بي استغراب!!. الدكتور عاين لي الممرض وقال)
الدكتور: انت بتعمل هنا شنو..مش وريتك تمش توري عائلة المريضه الفي السرير الرابع انها حامل
الممرض وهو بعاين لي حليم قال: كنت فاكر  انو دا راجلها
حليم:دقيقه دقيقه..فهموني انتو بتتكلمو عن شنو ما تجننوني!!
الدكتور: اهدى يا استاذ حليم الظاهر انو حصل سوء تفاهم..في مرا جوا حامل وكان الممرض مفروض يكلم اهلها بس لمن شافك في وشو افتكرك راجلها
حليم:يع..يعني ..يعني الحامل دي ما شيماء!!!!
الدكتور هزا راسو وقال: لا..الانسه شيماء عندها مضاعفات بس بسبب عدم الاكل ونفسياتها شويه تعبانه
حليم مسح يدو بوشو واتنهد براحه وقال: الحمدلله الحمدلله الحمدلله يا الله
الممرض: اسف على سوء التفاهم الحصل
حليم عاين ليهو وقال: كنت حاتوقف قلبي يا راجل
الممرض ضحك ومشى
حليم عاين للدكتور وقال: بقدر اشوفها ..وحاتطلعوها متين؟
الدكتور: لا اسي هي تحت تأثير المخدر..ومركبين ليها درب اول ما يخلص بتقدر تسوقها
حليم:تمام تمام ماف مشكله..تسلم يا دكتور تسلم شدييد
الدكتور: ولو دا الواجب

(الدكتور مشى..وحليم قعد في اقرب كرسي دفن وشو بين يديهو وهو بحاول يتخيل رد فعلو والخوف الدخل فيهو لمن الممرض قال "مدامتك حامل..")

_______________

*#عند رزان..*

كانت ماشه على البيت غي الشارع وهي سرحانه وبتتزكر في الحوار الكان بينها وبين وائل قبل شويه..

*#فلاش باك*

رزان بصدمه: وائل انت مجنوون!!
وائل:ايوا..ايوا مجنون يا رزان مجنوون بي حبك
رزان: وائل انت عارف اني بحبك وانت كمان بتحبني بس اقتراحك دا ما حا يحل شي انت كدا حا تعقد الأمور اكتر يا وائل
وائل ضرب الحيطه بيدو وقال بغضب:طيب عاوزاني اعمل شنو!!!..اعمل شنو يا رزان!!؟؟..انتي ما شايفه امي وامك كل يوم مشكله شكل كل يوم دراما وعداوه جديده بسبب ومن غير سبب يا رزان
رزان: ونقوم بسبب المشاكل دي نهرب!!..نهرب يا وائل!؟..انت فاكر انك كدا حا تحل الموضوع لا انت كدا بتزيد المشاكل يا وائل
وائل: بس..
رزان قاطعتو: اي صح انا معاك انو امي وامك بكرهو بعض وشديد كمان ومعاك كمان انو امك بتكرهني وامي كمان ما بطيقك..بس في شي واحد بشفع ليهم انو نص الكراهيه دي كلها امي بتحبني وامك بتموت عليك ..معقوله نختار نفسنا عليهم معقوله نختار نمش ونسيبهم صدقني حا يموتو من الخوف والبكى..نص كل الكذب والعداوه دي في حقيقه واحده انو هم مهما حصل يكونو امهاتنا ودمنا من دمهم وروحنا من روحهم يا وائل..ولو انت بتقدر تسيب امك انا ما بقدر يا وائل..ما بقدر

(قالت كدا وعاينت ليهو بكسره ومشت خلتو واقف من غير تسمع منو رد حتى..)

*#باك..*

*#كـلاسـيـكـي《07》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#الحرب:-*
*من طريق لي طريق..🥀*
*والبلد اتملت حريق.. 🔥*
*بس لسه متمسكين في الرفيق..🇸🇩*
_____________

كانو قاعدين في طاوله في الزاويه بعاينو لي كل الفريق الكان منشغل بالتجهيز للمشهد ..وهم بتونسو..

-عارف انكم لو ما جيتو اليوم انا كنت حا اقتلك
حليم ضحك وقال: وحفاظا على نفسي جيت فورا...بس ليه تقتلني برااي!!
توفيق: ديك ما عندي فيها شغله ديك مسؤليتك انت
حليم: ههه قصدك شيماء..على فكره يعني هي طبعها ما صعب
توفيق: فعلا ما صعب..طبعها صعب شديييد
حليم ضحك وقال: ما هدا انا امس ما جيت وبرضو شيماء جات مع استاذ راغب
توفيق اتنهد بضيق وقال:اريتها كان ما جات حرقت لي اعصابي
حليم ضحك وقال: بتنعرف شيماء كيف كان ما عملتها
توفيق ضحك وقال:فعلا..بس انت عارف انا للان مستغرب كيف رضت تجي مع راغب بالذااات.. وليه راغب متمسك فيها كدااا
حليم سكت مسافه واتزكر الصوره الشافها في شقة شيماء: ماعارف السبب شنو بس المتأكد منو انو في شي بربط بين راغب وشيماء
توفيق: وانت عرفت من وين؟
حليم: شفت صوره في شقة شيماء وكان فيها استاذ راغب بس الصوره كانت قديمه
توفيق: ايواا يعني عشان كدا راغب جايبها لينا شوكة حووت نص حلقنا طلعت البت من اهلو وما بعيد يكون هو ابوها...
حليم عاين ليهو وكان حا يتكلم بس قاطعهم صوت ريم بقول ..

ريم: استاذ توفيق يلا كل شي جاهز حتى شيماء خلونا نبدأ
توفيق قام من مكانو صلح النظاره وقال: تمام يلا

-وأكشــــــــــــن..

_______________

كانت لسه بتعاين ليهو بصدمه وهو واقف قدامها لا وكمان بتبسم..!!

ساره: دكتور معاذ بتعمل في شنو هنا!؟
معاذ: اممم يعني ما اتفضل!؟
ساره أدركت نفسها وقالت:لل..لا ما كدا بس انا براي في البيت.. انت فاهمني!!
معاذ هزا راسو وقال:طيب ما مشكله..انا اصلا جيت عشان اقول حاجه بسيطه
ساره:اتفضل احكي..
معاذ: ممكن ترجعي تشتغلي في بيتنا يا ساره؟
ساره اتخلعت وبقت تعاين ليهو مسافه ضحكت بسخريه وقالت: بس!!..بالبساطه دي؟؟..انت وامك شايفني شنو عشان تلعبو بي..امس امك طردتني والليله رسلتك عشان ترجعني!!!
معاذ: انا بعتذر ليك شدييد على تصرف امي يا ساره.. وهي اصلا ما عارفه اني جيت عشان ارجعك
ساره اخدت نفس طويل وقالت: شوف يا دكتور معاذ انا بجد ما بقدر اشتغل في بيتك تاني بعد الحصل..امك بنفسها طردتني ولو رجعت وهي ما رضيانه غير المشاكل ما حا يحصل معاك شي
معاذ: طيب شنو لو قلت ليك انك المره دي حا تشتغلي عندي ما عند امي
ساره بي استغراب:كك..كيف!!!
معاذ:انتي مش شغلتك تنضفي وتغسلي وتكوي وتطبخي وكل دا..طيب تمام تاني من اليوم حاتحي تعملي نفس شغلك دا بس انا الحا اكون الجايبك وانا مديرك ما امي فهمتي؟
ساره هزت راسها برفض وجات تتكلم..بس فجأه سمعت صوت بوراهم بقول..

*-في شنو هنا!!!!*

(ساره ومعاذ اتلفتو للقال كدا وكان دا جهاد...!!)

*#كـلاسـيـكـي《08》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#حُبنا للوطن فوق كل شي ليس أنانية..بل أهميه🇸🇩❤️*
_______________

*#عند العاشره مساءً..*

-تصـويـــــــــــــــر

دقات خفيفه على الباب ..وثواني من الانتظار لحد ما الباب اتفتح وهي بي ابتسامه عاينت للفتحت الباب وقالت..

سلوى: كيفنك يا امال
امال كانت بتعاين ليها بي استغراب بس ردت وقالت: وعليكم السلام ورحمة الله وبركاتة

"وقبل سلوى ترد..جات نفيسه من ورا الباب وقالت بي مساخه.."

-ومالك ياختي راصاها كدا
امال عاينت لي نفيسه وقالت: ازيك يا نفيسه
نفيسه لوت خشمها وهي بتعاين لي امال من فوق لي تحت قالت: مالك ياختي بقيتي ضعيفه كدي؟
امال سكتت
سلوى حدرت لي نفيسه وقالت: جينا نزورك يا امال والله كان شفتي كلنا فاقدنك
امال ابتسمت وقالت: ما تفقدن عزيز..اتفضلن

(قالت كدا ودخلت قدامهم..سلوى جات تخش نفيسه مسكتها من يدها وقالت..)

نفيسه: هيي اصبري اقري المعوذات وخشي دا بيت مطلقه ما تقوم تخش فيك عين وحتى انتي تطلقي
سلوى نفضت يدها من نفيسه وقالت: الله يهديك يا نفيسه..الله يهديك

(قالت كدا ودخلت..ونفيسه بقت تقرا وتتعوذ ودخلت وهي بتتلفت ههه😂)

امال: اتفضلن اقعدن
سلوى: زاد فضلك يا امال

(سلوى قعدت ونفيسه قعدت في طرف الكرسي..)

سلوى: سمعنا بالحصل ليك ووالله زعلنا ليك وربنا يعوضك يا اختي وتلقي سيد الرجال البستاهلك
امال: اللهم امين..
نفيسه شهقت وقالت: سيد رجال شنو يا مرا هوي..ماف زول بعرس ليهو مطلقه يا ختي الزمن دا كل الرجال بدورن النضيف الما مستعمل

(قالت كدا وضحكت..امال اضايقت بس ما قالت شي واستاذنت منهم..)

امال:عن اذنكم اخدو راحتكم البيت بيتكن

(قالت كدا ومشت على المطبخ..وسلوى كانت بتحدر لي نفيسه ساي)

نفيسه عاينت ليها وقالت: اكليني عليك الله
سلوى: دي شنو الحركات دي يا نفيسه
نفيسه: حركات شنوو!!..الحق يتقال بس ياختي
سلوى: ندمتيني على اللحظه القلت ليك فيها ارح معاي
نفيسه: هي ست الطلاق ما متحسسه انتي مالك اجييي!!!

(سلوى جات تتكلم بس سكتت اول ما شافت امال جايه عليهم وشايله صينية الضيافه..)

سلوى: دا شنو يا امال بتبالغي نحن كمان ضيووف؟
امال: الضيف برزقو ..اتفضلن

(نفيسه شالت العصير شربت منو وقلبت وشها وقالت..)

نفيسه: حنضل بس مالو مسيخ كدي.. ولا بيوت المطلقات اي شي فيها بكون مسيخ ؟؟ هههه
سلوى: نفيسه!!!
نفيسه: في شنو انتي كل شويه نفيسه نفيسه
سلوى: نفيسه والله ندمتيني على اللحظه الجبتك فيها ممكن تقعدي وتحترمي المرا واتتي نص بيتها
نفيسه: ههه..بيتها وين ياختي دا بيت راجلها اقصد بيت طليقها الخلاهو ليها نفقه
سلوى قامت فوق بغضب وقالت: لا انتي كدي بجد اتجاوزتي حدودك يا نفيسه..ولو امال ساكته ليك دا ما بعني انها راضيه بي كلامك دا عشان كدا فورا اطلعي قدامي
نفيسه: وبطلعيني انتي على ياتو اساس ياختي
سلوى: على اساس اني جبتك واني البتحمل مسؤلية زيارتك الثقيله دي واسي اطلعي
نفيسه لوت خشمها وقالت: خلاص يعني شان لقيتي المطلقه دي بعتيني بيها ان شاء الله تنفعك ياختي..وبكره لمن يطلقوك زيها اوعك تتزكريني

(قالت كدي ومشت طوالي..سلوى عاينت لي امال ب احراج وقالت..)

*#كـلاسـيـكـي《09》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#اﻷقدام التي لا تقودك الى الصلاة فإنها لن تقودك الى الجنة..ترجو النجاة ولم تسلك مسالكها إن السفينة لا تجري على اليبسِ..🥀*
_____________

*#في الإستديو..*

كان هايج ومتعصب وهو بتكلم معاها بكل غضب..

بصوت عالي قال:دي المره التالته ياخي انتي ما بتفهمي؟؟؟
هي بكل برود قالت: والله دي ما مشكلتي اذا التوب وقع نص التصوير  يا استاذ توفيق..دي مشكلة الزول الربطو لي

(قالت كدا وهي بتعاين لي ريم..ريم انتبهت ليها وقالت بي اندفاع وبي نبره اقرب للبكى)

ريم: بس انا والله ربطتو كويس يا استاذ توفيق
توفيق مشى عليها وقال بهدوء: عارف عارف ما تشتغلي بيها..انا عارف انها بتعمل كدا قاصده بس معليش خلاص امشي اربطيهو ليها نسوي شنو بس لازم نستحملا

(قال كدا وهو بمش يقعد في كرسيهو ..ريم مشت على شيماء الكانت واقفه بغرور وبقت تصلح ليها في التوب وشرحت ليها المشهد تاني وبعد لحظات بدو يصورو ..)

توفيق: إضــــــــــــاءه

^^^^^^^^^^

واقفه قدام المرايه وهي بتجر في الكحل بي تركيز لحد ما ظبط..عاينت لي نفسها برضى وثقه صلحت توبها وطلعت على طول قفلت بيتها ومشت على بيت امال..الكان على بعد شارع بس منها ..وصلت وضربت الباب مسافه والباب فتح وكانت دي مرا غريبه سلوى عاينت ليها بي استغراب وقالت..

سلوى: منو انتي كمان؟
-جيتي للدرس؟
سلوى: اي انتي لُبنى ولا شنو؟
-لالا انا ما هي ..انا من النسوان البجو احضرو الدرس..اتفضلي
سلوى هزت راسها وهي بتخش قالت: ايوا.. طيب لُبنى وين بدور اشوفها
المرا ضحكت وقالت: شكلك اول مره تجي هنا صح؟
سلوى: اي دي اول مره
-كويس حاتستفيدي شديد..المهم خشي ولُبنى طلعت قريب اسع بتجي
سلوى: بالصح طلعت؟..والطلعه اسع لشنو والنسوان منتظراتنها
-خشي خشي..وما تخافي ما حا تطول اسع بتجي

(قالت كدا ودخلو..سلوى دخلت سلمت على النسوان وما كانو كتار شديد زي 9 ولا 10 نسوان كدا..وسلمت على امال برضو وكانو بتبادلو أطراف الكلام لحد ما سلوى سمعت صوت الباب بفتح رفعت راسها وشافت ليها حاجه لونها اسود خاشه اتخلعت وختت يدها في قلبها وقالت..)

سلوى: وووبعلي دا شنو!
امال عاينت مكان سلوى بتعاين ضحكت وقالت: دي لبنى ياختي
سلوى: ومالها عامله كدي..واي عان ليها بتخوف كيفن
امال ضحكت وقالت: دا حجاب يا سلوى
سلوى: حجاااب!! ومن متين الحجاب كدي اجييي
امال: طيب نقاب دا نقاب يا سلوى..اها حتى النقاب ما بتعرفي
سلوى: لا بعرفو..بس مالو حقها دا بخوف كدا البت دي شي واحد فيها ظاهر ماف ولا رمش زاتو
امال: انتي شكلك حاتنصدمي كتير
سلوى: قلتي شنو؟؟
امال ضحكت وقالت: لا ما قلت شي..خشي خشي ياختي

(قالت كدا ومشت قدامها سلوى لحقتها ثبتت في يدها ودخلت معاها خايفه من الشي الأسود دا ههه😂..دخلو مظله كدا وفيها فرشات في الارض كانت بارده ومرشوشه وريحة التراب مع المويه تفتح النفس ..النسوان اترصن بنظام وهي قعدت ورا جمب امال ..وكانت لسه بتعاين لي لبنى ولي السواد اللابساهو دا..)

*#كـلاسـيـكـي《10》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#وإن كان في هذا العالم أُمنيات فـ أتمنى أن أكون لك وإليك واعوذُ من أحدٍ سواك🖤!.*
______________

*#البدايه المعتاده..*

ماسكه مقشاشتها ورابطه التوب في نصها وتقش بمزاج وهي بدندن..قطع مزاجها دا صوت الباب بضرب بطريقه قويه وهمجيه..

"طااخ طااخ"

سلوى وهي بترمي المقشاشه من يدها قالت: دا منو كمان بسم الله

"طااخ طااخ"

سلوى: جينا ياخي خلاص حاتكسر لي الباب يا البتضرب فيهو الله يكسر عضامك

(قالت كدا وهي بتفتح في الباب وكانت متوقعه انو تكون دي نفيسه بس لا..كان دا شاب كبير شويه بلهث من الجري وبحاول ياخد انفاسو سلوى عاينت ليهو بخلعه وقالت..)

سلوى: شمس الدين؟؟
شمس الدين وهو بتكلم بنفس مقطوع قال:سلوى..سلوى
سلوى: مالك في شنو بسم الله
شمس الدين غمض عيونو مسح العرق الفي وشو وقال: عع..عبدالقادر عبدالقادر عـ...
سلوى قاطعتو بخلعه وقالت: عبد القادر!؟..مالو عبد القادر!؟..شين حاصلو عبد القادر يا شمس الدين اتكلم ما توقف لي قلبي
شمس الدين اخد نفس طويل وهزا راسو وقال: لالا ما تخافي عبد القادر ما حاصلو شي
سلوى ختت يدها في قلبها واتنهدت بي راحه وقالت: كنت جاي توقف قلبي الله يسامحك
شمس الدين ضحك وقال: المهم جيت اكلمك انو عبد القادر اتصل ليك في بيت العمده واسي بكون منتظر ردك بس لو ما بتقدري تمشي ليهو انا ب..

(ما كمل كلامو لقى سلوى جرت قدامو وهي بتتكلم بلهفه وحماس..)

سلوى: كيفن ما امشيلو دا الروح الجواي ما صدقت واخيرا اتصل علي..وانت وبدور تخليني افوت فرصه مِتل دي؟؟

(شمس الدين ضحك ولحقها بخطوات بطيئه من التعب والجري الجراهو..أما سلوى كانت ماشه بخطوات سريعه يعني شويه وتجري من اللهفه والشوق لي عبد القادر وكانت حاسه بيت العمده دا بقى بعيد وخطواتها تقيله بس كمان من التفكير في عبد القادر ما حست على نفسها متين وكيف وصلت بيت العمده والتلفون بقى في يدها...)

سلوى عاينت للتلفون بشوق وهي ما مصدقه ..ختت التلفون في اضانها وقبل تقول اي كلمه جاها صوتو..

-الوو

وكانت الكلمه دي كافيه عشان تقلب أحاسيس سلوى وتخلي دموعها تنزل من الشوق واللهفه هو سمع صوت بكاها ضحك بخفه قبل يقول..

عبدالقادر: انا خليتك بس البكى لسه مو داير يخليك
سلوى قشقشت دموعها بالتوب وقالت: تف من خشمك مو تقول كدي انت مو خليتني ولا شي
عبدالقادر: وحات ربي يا سلوى فاقدك شدييد وفاقد كلامك دا
سلوى: واني كمان يا عبدالقادر..بس كمان زعلانه منك ليه من يوم السافرت ما اتصلت ولا سألت الا اليوم
عبدالقادر اتنهد بتعب وقال: اسكتي ساي يا سلوى والله لاقتني مشاكل كتيره من لحظة ختيت رجلي في البندر دي كلها ازعاج وفوضى ومافيها احترام لزول ولا نظام
سلوى: ليه مالك شين حصل ليك يا عبد القادر!؟
عبدالقادر: والله يا سلوى القصه طويله لمن اجيك بحكي ليك واصلا كلهن شهرين يالسمحه
سلوى: لالا يا عبد القادر انت مو عارفني اني ما بقدر اصبر والله شان كدا احكي لي اسع دا شين حصل معاك هناك ومشاكل شنو دي الكنت بتتكلم عنها!؟

*#كـلاسـيـكـي《11》🎬*
*#الجزء الأول*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*#قد تبدو الوحدة سيئة لكنها هادئة..🤍*
_____________

*#في الاستديو..*

كان ماسك التلفون وكالعاده كان منفعل وغضبان بتكلم مع...

توفيق: *استاذ راغب..*
راغب قاطعو وقال: توفيق اهدا وانا قادر أتفهم غضبك دا و..
توفيق قاطعو: لا انت ما قادر تتفهم شي يا استاذ راغب وانا مية مره قلت ليك البت دي ما حاتنفع ما حاتنفع معاي في التصوير دا..اي انا معاك انها هي شاطره في التمثيل والمسلسل بس شنو عن اسلوبها وكلامها مع الناس في الواقع؟؟؟..البت دي ملاك قدام الكاميرا بس من وراها واحده شيطانه يا استاذ راغب.."توفيق اخد نفس طويل وقال.." انا ماعارف يا استاذ راغب شنو العلاقه البتجمعك بالبت دي بس كل العارفو اني انا ما حا اقدر اشتغل معاها اكتر من كدا لانو صبري معاها وصل الحد..وصل الحد يا استاذ راغب
راغب: توفيق ما تتسرع..وانا عارف انك تعبت منها ومن حركاتها ومعاك حق لاني انا بعرفها ..بس كمان يا توفيق انت عارفها من زمان كدا وطباعها دي صعب تتغير انا كتير نصحتها واتكلمت معاها بس لا حياة لمن تنادي ما بتهتم بكلامي ابدا
توفيق: اصلا هي ما بتهتم بكلام اي زول..انت قادر تتخيل يا استاذ راغب انو نحن جاين من بيوتنا امس بليل للتصوير وجهزنا كل شويه ومنتظرين الست شيماء تجي وتعبنا وفترنا من الانتظار وفي النهايه الانسه شيماء بتقابل كل تعبنا دا بي كلمتين بس وهي انها "ما جايه"..عطلت شغلنا وانتظارنا وما عملت احترام لينا ولي تعبنا يا استاذ راغب..صدقني انا لو قعدت احكي ليك عن العملتو والبتعمل فيهو لي بكره ما حا نخلص..واسيي اسييي انا بتكلم معاك من جوا الاستديو وكل الفريق موجود منتظر جيتها وهي ما جات وانا متأكد متأكد يا استاذ راغب انها ما حا تجي
راغب: حا اتكلم معاها يا توفيق وحا اشوف نهايه لي تصرفاتها دي
توفيق: ودا المفروض يحصل يا استاذ راغب لانو لو هي ما نهت المهزله البتعمل فيها دي ..انا حا انهي المسلسل كلو...

(كان بتكلم بغضب وجديه ونرفزه ونفاذ صبر من شيماء وتصرفاتها الكل يوم ماشه في زياده واستاذ راغب كان بحاول يهدي فيهو...)

..

برا الاستديو كانت واقفه وهي بتصلح في طرحتها وبتتكلم بالتلفون دخلت وشافت ريم ومحمد واقفين من بعيد والتوتر ظاهر في وشهم مشت عليهم بخوف وقفلت التلفون وقالت..

-ريم و محمد!!!
محمد اتلفت عليها وقال: مريانا..!!
ريم: واخيرا جيتي يا بت وين كنتي
مريانا: زحمة المواصلات كالعاده يعني
ريم: طيب ما ممشكله
مريانا سكتت مسافه وعاينت ليهم بي استغراب وقالت: مالكم انتو حاصل شنو؟؟
ريم اتنهدت بي ضيق وقالت: شنو الما حاصل يا مريانا
مريانا: كيف يعني في شنو!؟..امس شيماء عملت درامات ولا حرق اعصاب كالعاده؟؟
محمد بغيظ: لا دا ولا دا امس السنيوريتا شيماء عملت انفجار عدييل
مريانا: كيف؟؟..مالا سوت شنو خير؟؟
ريم: ومن وين يجي الخير مع البت دي
محمد: شيماء ما سوت شي ودي المشكله هنا
مريانا: كيف ما سوت شي؟

*#كـلاسـيـكـي《12》🎬*
*#الجزء الأول*
*#والأخــــــــــــــــــــــــــــــيرهہ‌‏*
*#بقلم: نفيسة جلال (عاشــ♡ــقة الأسود)*
*★★★ـہہہـہہــــــــہہہـہہـــــــ★★★ـــــ❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*♡<لا تدري لعل الله يحدث بعد ذلك امرا>♡*
_____________

جا داخل من برا وهو خاتي يدو في راسو من الصداع شاف الكنبه قدامو اتجدع فيها وقبل ما بشيل نفس زي الناس سمع صوتها وهي بتقول..

-كنت وين يا وائل من صباح الرحمن ان شاء الله؟؟
وائل وهو بتنهد بتعب قال: والله يا امي انا تعبان شديد فتحنا الدكان الليله انا وعمر وحاسي ضهري حا يتقص من التعب
كوثر: يعني عاوز تقنعني انك كنت في الدكان ما كنت مع بت غاده المابتتسمى دي..!!!
وائل: امي والله العظيم دا ما وقت تحقيقك انا تعبان وعاوز ارتاح
كوثر قعدت جمبو في الكنبه وقالت: يا ولدي انا ما دايره انكد عليك..بس صدقني البت دي انا ما بطيقها نهااي ما برتاح ليها عشان كدا بكون شايله هم انكم تتلاقو وتعمل ليك حركات الخفيفه اللفيفه زي امها
وائل: ما حصل شي من دا..ورزان ما زي ما انتي فاكره يا امي هي..
كوثر قاطعتو وقالت بي انفعال: انت عاوز توريني بت غاده كيف؟..انا بعرفها وبعرف امها الشيطانه دي انت ما شايف امها بي عيونك كلو يوم مدوره ليها شكله معاي وفي الطالعه والنازله تسمع فيني في الكلام
وائل مسح وشو بي يدو وقال: لو خالتي غاده سيئه دا ما بعني انو رزان زيها يا امي
كوثر: ورزان دي منو!..مافي النهايه مش ياها بتها؟؟
وائل: عارف بس..
كوثر قاطعتو وقالت: ما تناقشني يا وائل وانا امك وبعرف الناس ديل اكتر منك كمان..ولو عندك للبت دي اي حاجه فا احسن ليك تنهيها قبل انا اعرف وانهيها يا وائل
وائل عاين ليها بكسره وقال: ليه بتعملي كدا وبتأذيني يا امي!!
كوثر قامت من جمبو ومن غير تعاين ليهو قالت: انا امك..وماف ام بضر جناها وانا بعرف مصلحتك وين كويس..وانت ولدي الوحيد وانا نهاي ما مستعده اخليك تناسب لي عيله زي دي غير المصايب ما بجيبو شي

(قالت كدا ومشت طوالي وخلت وائل صداعو زاد ..سند راسو في الكنبه بتعب وقال..)

وائل: شكلو القصه دي ما بالسهوله الانا كنت متوقعها..

________________

*#عند شيماء..*

(كانت واقفه قدام شقه في مبنى كبير وفخم ..وكانت دي شقة عمها راغب جات على طول اول ما اتصل عليها وقال ليها بأمر انها لازم تجيهو سريع وفورا ..وهي على طول قفلت الخط بي جاي ولبست وجاتو..اخدت نفس طويل وضربت الباب بخفه وبعد لحظه سمعت صوتو وهو بقول..)

-اتفضل

(مع الكلمه دي فتحت الباب ودخلت والمرا دي غير كل المرات ما قدرت ترسم اي ابتسامه في وشها من التعب النفسي والجسدي حتى ابتسامه مزيفه غلبتها..دخلت وقعدت في الكرسي قدامو وكل دا وعيونها في الارض..كانو ساكنين الاتنين كسر الصمت دا صوت راغب الهادي والظاهر انو رغم هدوء صوتو في غضب كبير..)

راغب: ممكن افهم دا شنو العملتي دا؟
شيماء اتنهدت بي ضيق وقالت ببرود: شكو ليك تاني صح؟؟
راغب: في رأيك ما مفروض يشكو لي من تصرفاتك البقت ما بتنطاق يا شيماء؟