وعد: السلام عليكم و....خليل😳 (قطعت كلامها اول ما شافت منظرو وشو كان فيهو علامات حمراء ظاهر انو في زول ضربو)
وعد: بسم الله مالك ودا شنو دا
خليل: دا واحد حيوان خلاص امس بعد انتي مشيتي جاني وضربني من غير سبب ومشى بجد دا واحد مجنون😡
وعد سكتت مسافه وقالت: قال ليك اسمو منو؟؟
خليل: اي اي كان اسمو *قصي* تقريبا
___________

(في نفس المستشفى بس في الطابق التحت لجين كانت طالعه بس فجأه شافت دكتور خالد داخل من البوابه اتخلعت ودخلت في واحده من الغرف بسرعه والغرفه دي كانت مكتب دكتوره اسراء )

اسراء: لجين بسم الله في شنو خلعتيني😂
لجين عاينت لي اسراء مسافه وقالت: دكتوره اسراء بس ممكن طلب صغير
اسراء: اها قولي
لجين: اطلعي برا حا يلاقيك دكتور خالد لو سال مني قولي ليهو الليله دكتوره لجين ما جات
اسراء: دكتور خالد يسال منك ليه
لجين: قصه طويله بحكيها ليك بعدين بس اسي عليك الله سوي القلتو
اسراء: طيب طيب تمام (وطلعت سريع فعلا لاقت دكتور خالد لجين فتحت طرف الباب وخالد كان مديها ضهرو وشافتو واقف مع اسراء بس ما سامعه بقولو في شنو وقفو دقيقتين كدا بعدها الاتنين طلعو مع بعض لجين استغربت بس تاني قالت..)

لجين: ما مهم هو مع منو بس المهم انو بعيد مني💔
_____________

*#عند وعد*

(كانت قاعده في المكتب وبتعاين للتلفون كأنها منتظره حاجه..)

وعد حوار بين عقلها وقلبها:
عقلها:بتعايني للتلفون منتظره شنو؟
قلبها:منتظره مكالمه من قصي❤
عقلها: ليه مبسوطه انتي اسي مش مفروض تكوني زعلان لانو ضرب خليل
قلبها: ضربو عشان غار علي🖤
عقلها: ياما غار عليك وفي النهايه عمل شنو؟ وجعك💔
قلبها: وجعني بس لسه بحبو
عقلها: الوجع السببو ليك اكبر من الحب دا
قلبها: دايما الانسان في الحب بيميل لي قلبو❤
عقلها: عشان كدا بتعب والنتيجه وجع💔

وعد: بس بس خلاص كفايا ما عاوزه افكر ماعاوزه احب ولا عاوزه ارجع اناا بس بس بتألم بتألم وبس💔

(وقعدت في الكرسي وختت يدها في وشها وبقت تبكي عاينت لي حرف الQ ومن غير ما تحس لقت نفسها بتتصل ليهو..❤)

*"مكالمه"*

..:الو
وعد: *قصي!!*
قصي بلهفه: ايوا يا وعد انتي كويسه؟

(وعد سكتت مسافه ودموعها نزلو هي زاتها ماعارفه بكت ليه او اتصلت ليهو ليه💔 ما قدرت تستحمل على طول فصلت الخط وبقت تبكي زياده قصي رجع اتصل ليها تاني اتنهدت ومسحت الدموع الفي وشها وبقت تتكلم بي ضيق وصوت عالي💔)

قصي:الو وعد انتي كويسه و..
وعد قاطعتو: قصي دا شنو العملتو في خليل دا
قصي: خليل؟ خليل منو
وعد:الولد الشفتني واقفه معاهو امس ضارب ليهو راسو كدا ليه جنيت انت؟؟
قصي: قولي الحمدلله ما كسرتو ليهو بس المره الجايه بتحصل وماف زول بمسكني منو
وعد: انت ما بتقدر تدخل في..
قصي قاطعها: ما بقدر ادخل في حياتك عارف بس لو بقى فيها كدا اولاد وغيرو حا ادخل وغصبا عنك كمان وجاهز اسمعك في اي حاجه الا دي ✋💔
وعد :بتعمل كدا ليه انت
قصي: لاني بغار تمام كدا؟ وانتي اكتر زو بعرف احساس الغيره
وعد: اوعك تقارن غيرتك بي انا واقول ليك شي سوي البريحك انا تعبت من الدراما دي

(وقفلت الخط ودموعها بدت تنزل وهي بتتزكر في الشعور المؤلم دا💔 "الغيره💔".. مسحت دموعها سريع وشالت شنطتها طلعت من المكتب وبعدها طلعت من المستشفى كلها وما انتبهت لي لجين الكانت وراها وبتنادي فيها..)
____________
"عند لجين"

(كانت طالعه من مكتبها شافت وعد طالعه بسرعه وظاهر انها كانت بتبكي خافت عليها وبقت لاحقاها لحد ما وصلت بوابة المستشفى بس وعد كانت اسرع ركبت عربيتها ومشت لجين جات تخش شافت خالد من بعيد كان واقف مع اسراء وبضحك معاها عاينت ليهم بخيبة امل وقالت..)

لجين: *كلكم واحد مستحيل تتغيرو💔*

(ورجعت لشغلها تاني)
__________

_"في مكان بعيد ما حصل مشينا ليهو قبل كدا💜"_
*#في مصر✈❤*

(دخل شقتو بعد يوم طويل  فتح الانوار دخل المطبخ عمل قهوه ودخل غرفتو وبقى يشرب وهو سرحان قطع سرحتو صوت التلفون عاين للتلفون بي ضيق ورد..)

*"مكالمه"*
هو: ايوا يا *علياء*
علياء: *وجدي* وجدي وينك انت وين مشيت وخليت الحفله في بدايتها
وجدي: علياء والله ما قدرت اكملها حسيت اني تعبان وعلى طول طلعت
علياء:طيب كان على الاقل تتصل توريني عشان اكلم باقي الفريق هنا لانو قلقنا عليك
وجدي: علياء انا ما صغير عشان تقلقو علي ويلا سلام لاني جد تعبان
علياء: طيب يا وجدي تصبح على خير (وفصلت الخط بي زعل وجدي عاين للتلفون واتزكر لمن شافها مع  "محمد" جدع التلفون بي غضب ورقد في السرير وبقى يفكر فيها وقال..)

وجدي:' متين حا تفهميني يا علياء💔 متين حتشوفي كل الحب الجواي دا

(غمض عيونو واتزكر كلامها في المكالمه لمن قالت ليهو "تصبح على خير" ابتسم وقال..)

وجدي: *وانتي من اهلي💜*

قصي: *انتظريني واتزكري انك  حاتلقيني واطمني..وما تنسيني ابدا❤*
وعد ابتسمت بألم عاينت ليهو جوا عيونو وقالت:
*انت ما بعيد مني عشان انتظرك..*
*ولا قريب مني عشان القاك..*
*انت مابتهمني عشان اطمن قلبي بيك..*
*ولا انا محرومه منك عشان انساك..*
*_#انت وسط كل شي مؤلم💔_*
قصي بدموع: حا اشتاق ليك❤
وعد: وانا لا💔
قصي: حا ترجعي قريب❤
وعد: اتمنى اني ما ارجع💔
قصي:دا وداع بسيط وايام قليله❤
وعد: حا يجي الوداع الكبير وايام طويله💔

(قالت كدا وشالت شنطتها منو ركبت في اقرب امجاد واتحركو قصي كان بعاين للحافله لحد ما اختفت من قدامو تماما ركب عربيتو واتنهد بتعب ومشى..)
____________
*#عند وعد*

(كانت قاعده في مقعد جمب الشباك وكانت سرحانه وبتفكر في قصي💔 شويه صحت على نفسها قالت..)

وعد: انا ليه بفكر فيهو؟ قصي ما بهمني والايام الانا بعيده فيهم ديل اجازه من قصي ومن وجع وجودي جمبو حا ارجع بيتي عشان ارتاح من الخنقه دي ليه افكر فيهو 💔

(حاولت ما تفكر اكتر في الموضوع طوالي سرحت بالشباك وشافت مطعم زكرها بحاجه سرحت وبقت تزكر وهي بتضحك😂😭)

*"فلاش باك"*
"عند العاشره مساءً"

(كانت قاعده هي ومرام في المطعم وبتهامسو😂💔)

وعد: عارفه يا مرام نحن لمن نرجع البيت اخوك حيسوينا عجينه😭و..
مرام قاطعتها: وامي حاتسوينا فطيره خلاص حفظتها من ساعة ما جينا انتي بتقولي فيها😒 يابت انطمي خلينا نستمتع
وعد: مرام انتي مجنونه نستمتع شنو الساعه بقت 10 بليل مراد بقتلنا😭
مرام:مراد ما جايب خبرك ياختي مراد ناايم وانتي عارفه ما بصحى اسي
وعد: و...
(قبل تتكلم قاطعها الجرسون..)
=اتفضلو دا طلبكم
مرام: واخيرا🤤..يلا يا وعد اكلي واستمتعي ياخي ماتخربي علينا الطلعه شوفي البيتزا دي كبيره وسمحه كيف😍
وعد:وكمان ليك نفس تاكلي😭 مرام خليهم يعملوها لينا سفري ونتخارج😭
مرام: انتي وقت بتخافي كدا جايه معاي مالك؟؟😒
وعد: عشان لو مراد اكتشف انك طلعتي بجن فيني انا ويقول انا الطلعتك وبتعشا بي انا قبل يتغدا بيك😭
مرام: هه😭😂 يعني في الحالتين بتنفرمي عشان كدا حاولي استمتعي ويلا اكلي
وعد: اي اضحكي اضحكي بعدين كان ما بكيتي😭😭
(اكلو وضربو البيتزا الحاره ديك بي مزاج او خلينا نقول مرام براها اكلت ووعد تشيل وتتبكى 😭😂 خوافه الكلبه طلعت وبعد خلاص اكلو وطفحوها للنهايه جو يدفعو 😂)
= دا الحساب
وعد: اي عليك الله ادفعي وخلينا نتخارج الموت دا بقيت شامه ريحتو خلاص 😭
(مرام بقت تضحك😂 وفتحت الشنطه وبقت تفتش للقروش ما لقتهم😳💔 عاينت لي وعد وقالت..)
مرام بهمس: وعد😳
وعد : اها
مرام:' انا نسيت القروش 😳😰
وعد بصوت عالي: شنووو😱
(كل المطعم عاينو ليهم بي استغراب)
=في مشكله يا انسه؟🤨
مرام ابتسمت بالغصب وقالت بتوتر: لل..لالا بس ممكن دقيقتين😅😊 (وسحبت وعد بعيد من الناس)
مرام: يابت انتي مجنونه ما تصرخي كدا بتفضحينا😡
وعد: مرام كيف يعني ما جبتي قروش 😭 ووبعلي الليله كان ما قتلنا صاحب المطعم بقتلنا مراد انا المرقني معاك شنو😭😭
مرام: يخ اسكتي هسس خليني افكر في حاجه وانتي بطلي بكى يا هبله بحسو علينا 😡واسي خلينا نرجع طاولتنا وافك..(بتتكلم وهي بتتلفت على الطاوله لقت الجرسون في وشها )
= لو سمحتي انتي بتعطلي في شغلي ادفعي الحساب واطلعي
مرام: ها بس دقيقه وادفع ليك (وبقت تفتش في الشنطه تاني وهي الشنطه مافيها قروش😭😂)
= ما معاك قروش صح؟🙂
مرام بخلعه : ها لالا معاي بب..بس شكلهم وقعو مني
= انتو حراميه🙂
مرام:هيييي ما بسمح ليك تقول عننا كدا اسي دا منظر حراميه?😡
(الجرسون بقى يعاين ليهم من فوق لي تحت مرام لابسه العبايه وسخانه وطرحتها مكرفسه😂😭 ووعد دي اخير منها الشحاده من العجله والخوف لابسه العبايه بالمقلوب وطرحه كبيره تحلف تقول بمسحو بيها البيت😭😂 يعني منظر يشفق الكافر😂😭 ومرام والجرسون بقو يتناقشو كدا ووعد تتلفت ساي وعينها تاني ما تقع ليك الا وتشوف..)
وعد: مراام😳
مرام: اسكتي مني انتي كمان خليني اتفاهم مع الحيوان دا كيف يقول عننا حراميه😡
وعد: مرام خلي الجرسون وشوفي هناك😭😭
مرام اتلفتت وشافت: مراد😳💔
(وعد بقت تبكي ومرام دي بلعت ريقها خمسطاشر مره😭😳 مراد من بعيد اتلفت عليهم وجايهم هاايج😡)
مرام:  اخوي الغالي م...
مراد بغضب: يا حيوانات😡 دا شنو دا انتو المطلعكم انصاص الليالي شنو😡
مرام: مراد يخ اقتلنا بعدين اسي عندنا مشكله حقيقيه 😰
مراد:لا حوله ولا قوة إلا بالله 🤦‍♂️ في شنو انطقي
مرام: انا نسيت قروشي في البيت ووعد ما جابت معاها قروش وبتاع المطعم عايز حقو😭
مراد: يا دي الوقعه 🤦‍♂️

لجين مع نفسها: اضرب الباب ولا ارجع؟..يخ يمكن يكونو نايمين او برتاحو ديل متزوجين ياخ انا بعمل جمب بيتهم شنو ياربيي ..بس انا ما حا يرتاح لي بال قبل اطمن على وعد♡ (بقت تفكر كتير وتاني قالت بزهج..) اووف يخ انا بضرب الباب والعاوز يحصل خلي يحصل

(فعلا ضربت الجرس مرتين وانتظرت فتح ليها..)

لجين بي استغراب: مين انت؟🤨
...: انتي المنو؟😒
لجين: انا زميلة وعد وجيت اشوفها

(الشاب عاين لي ساعة يدو ورجع عاين لي لجين تاني وقال..)

...: جايه تزوريها في الوقت دا🤨
لجين: لا ما زياره جيت اطمن عليها
الشاب بي استغراب:تطمني؟؟ 🤨
لجين: اي لانها ما جات الشغل الليله وتلفونها مغلق ودا بيتها على حسب علمي عشان كدا جيت اشوفها انت منو؟؟..وعد رحلت من هنا ولا شنو و..
..:ثواني ثواني اسكتي شويه دي شنو دي من قبيل نق نق اصبري اخدي نفس
لجين بي زهج: اوف طيب اختصر زمني وزمنك وريني وعد وين؟
...: وعد ما...
(قاطعو صوت قصي من وراهو بقول..)
قصي: *مهند* بتعمل شنو دا منو الفي البا..(قطع كلامو اول ما شاف لجين وقال) لجين!
لجين : يسعد مساك يا قصي
قصي: ومساك🖤 ...معلش ما بقدر افضلك انا ومهند برانا
لجين:' لا عادي اصلا ما جيت اقعد جيت اسال من وعد لانو الليله ما جات وتلفونها مقفول قلقت عليها
قصي: ايوا شكلها وعد ما كلمتكم انتو برضو
لجين: تكلمنا؟ تكلمنا بشنو
قصي: وعد مشت لي اهلها يا لجين
مهند ولجين بصدمه ي نفس الوقت: شنووو؟؟😨
لجين: متين الكلام دا انا امس دي كنت مع وعد وما جابت لي سيره و..
قصي: معلش بس الموضوع طلع فجأه اطرت تمش اهلها اتصلو ليها
لجين: خير ان شاء الله اهلها كويسين؟
قصي: اي كويسين بس مشت ليهم زياره خفيفه كدا كم يوم وبترجع إن شاء الله 🖤😊
لجين: ايوا..تجي بالسلامه معلش لاني ازعجتكم في الوقت دا
قصي: لا عادي ولا يهمك
لجين: تسلم يلا استاذن
قصي: لجين دقيقه اوصلك
لجين: لالا  ولا يهمك عربيتي برا يلا سلام
قصي: سلام

(لجين مشت وكانت زعلانه شديد ما قدرت تفسر زعلها دا لانو وعد مشت ولا لانو وعد ما كلفت نفسها تكلم لجين بالرغم من انهم كانو مع بعض لي اخر لحظه💔..)

*"عند مهند وقصي"*

(بعد لجين طلعت قعدو في الصاله ودار بينهم نقااش..)

مهند: وعد مشت؟؟ متين ياقصي ليه ما كلمتني نحن امس دي كنا سوى
قصي:مهند حتى انا ما كنت عارف
مهند: كيف؟
قصي: بس امس جيت داخل لقيتها بتجهز في شنطتها قالت ابوها اتصل قال ليها تعالي لينا زياره كم يوم وهي ما صدقت ترتاح مني💔 شالت شنطتها ومشت
مهند: ما تضايق نفسك يا قصي وعد حا ترجع اكيد
قصي: اي هي حا ترجع بس حايجي يوم تمشي مني من غير رجعه يا مهند💔

(قصي سكت وملامحو بقت بائسه مهند حاول يلطف الجو وقال..)

مهند: يعني عشان كدا ضربت لي اجيك يا مصلحجي😒
قصي ضحك😂
مهند: وانا القلت اخوي اشتاق لي😒
قصي: اشتاق ليك؟ وانت الوقت كلو في خلقتي ما بتفارقني الا وقت النوم بس😂
مهند: على زكر النوم انا نعسان شدييد ماشي انوم
قصي: ماش تنوم ولا ماش تخلط مع نسنس😉
مهند عاين ليهو بي غيظ وقال : اول شي اسمها نوسه ما نسنس😒 تاني شي نوسه بعرفها نوامه تكون اسي في الحلم  السبعين اقوم اصحيها تردح لي🤦‍♂️😂
قصي:سمح تصبح على خير يا المهرووش😂

(مهند عاين ليهو بي حميره😒 ومشى نام😴..وقصي بقى قاعد في الصالون وسرحان بتزكر في وعد ووجودها🖤 هم صح ما بكونو مع بعض بس البيت مختلف شديد من غيرها وحلو بوجودها طبعا❤..وزي كل مره سرح واتزكر..)

*"فلاش باك"*
"دردشه♡!.."

وعد: قصيييييي قصيييي قصيي😍
انا جييييت وينك😍
يا ود يا قصي شوقااات😍
(وبقت ترسل وترسل وتلفون قصي زن زن زن😍😂 كان نايم بالرسايل صحى ولقاها خاشه بعد غياب يوم كامل من الواتس ..)
قصي: وعد😨
يابت وين نتي يوم كامل يا وعد يوم كامل؟
بتبالغي اقسم بالله💔
وعد: معلش يا قلبيي كان عندنا مناسبه وضيوف وزحمه🥺
قصي: الضيوف والزحمه نسوك لي💔
وعد: لا والله طوالي في بالي بس ما كنت لاقيه فرصه احك راسي والله🥺
قصي : خلاص ما مشكله..المهم بجد اشتقت ليك❤
وعد: وانا شدييييد شديييد
قصي: منوره بيتك بالجيه😂😉
وعد: بيتي؟؟😂 دي دردشه يا ابني
قصي: حا يجي اليوم وتنوري بيتك فعلا بيتنا انا وانتي الما حايكون ليهو طعم وحلاوه من غير وجودك البيت الحايكون عتمه من غيرك ومنور في وجودك🤍
وعد: انا كل النور دا 😂؟
قصي: واكتر كمان
وعد: وانت مطفي؟؟😂
قصي: انا كمان منور بس بنطفي عشان نورين ما بتلاقو فهمتي😉
وعد: احححح من الشحححح
قصي بجديه: *بنطفي من غيرك يا وعد'🖤*

*"باك"*

(مسح الدمعه النزلت في وشو وقال..)

قصي: قصي ولا حاجه من غيرك يا وعد قصي منطفي انتي النور الوحيد الفي حياتي 💔

'(ومن غير تفكير شال تلفونو اتصل ليها بس جاهو مغلق💔..طوالي رسل ليها وقال..)

*"..اشتقت ليك🔕❤.."*

(وسند راسو في الكنبه وغمض عيونو..)

*#هي نور عتمتي🤍..*
*"..ووصفتني بالمنطفئ حتى انطفأ قلبي🖤.."*

_____________

*#عند وعد❤*

جمال:وعد..
وعد: ابوي خلاص كفايه الله يرضى عليك لي مره بس مره واحده بس حسوو فيني الله يرضى عليكم💔
جمال: طيب يا وعد عاوزه تطلقي من قصي صح؟
وعد: ايوا وياريت في اقرب وقت
جمال عاين لي وعد جوا عيونها وقال: تمام في اقرب فرصه اديني شهر بس انتي وقصي حاتنفصلو وتاني ما حيكون في حاجه اسمها قصي في حياتك للابد شهر بس شهر واحد وتطلقو
وعد : تمام (وقامت جات تمش جمال وقفها..)
جمال: وعد استني
وعد: ايوا يا ابوي
جمال: بكره حا ترجعي لي بيتك يا وعد
وعد بزعل: مضايقاكم؟😔
جمال: طبعا لا انتي بتي يا وعد ودا بيتك الاتولدتي واتربيتي وكبرتي فيهو تجي في اي وقت بس لازم ترجعي بيتك كمان يا وعد
وعد: داك ما بيتي داك بيت قصي ونحن حانطلق خلاص
جمال: لحد ما تطلقو قصي حايكون راجلك والبيت داك بيتك
وعد: طيب يا ابوي حا ارجع وانت خليك عند وعدك لي وطلقني منو في شهر
جمال: ما بتراجع في كلمه قلتها انا ما تشيلي هم

(وعد عيونها رقرقو وعايزه تبكي لفت وشها سريع مشت غرفتها وقفلت الباب وقعدت في الارض بقت تبكي💔💔)

وعد بي بكاء: ليه الدموع دي؟ ليه يا وعد💔 مش دا العاوزاهو انتي انك تطلقي من قصي طيب ليه بتبكي ليه حاسه بي وجع في قلبك ليه خايفه لي نفس تتراجعي يا وعد ليه💔😭 (بقت تبكي وهي لي نفسها مافاهمه الدموع دي سببها شنو!! مسحت دموعها وقامت من الارض وقالت..) كفايه دموع خلاص اوعك يا وعد تنسي العملو فيك قصي وقرار طلاقك منو دا احسن قرار انا اعملو وابدا ما ندمانه عليهو💔
(قالت كدا وعاينت للتلفون فصلتو من الشاحن ورقدت في السرير على ضهرها وشغلتو والمكالمات جاتها تطاقش مكالمات من لجين ومن قصي ومن رقم غريب تاني بس ما عرفت دا رقم منو؟ كانت عاوزه ترجع في الرقم الغريب بس الرسايل بدت تنزل ليها وكان منهم رسالة قصي..)

*"..اشتقت ليك🔕❤.."*

(وعد قرتها ودموعها نزلت تاني ضمت التلفون عليها وقاالت بينها وبين نفسها..)

وعد: وانا اشتقت ليك شديد💔

*"_جزء يقاوم و جزء منهار وجزء مشتاق وجزء لا يبالي ولكنهم انا🔕💔_"*
__________
*#عند لجين*

(كانت قاعده في مكتبها وسرحانه بتفكر ليه وعد مشت فجأه كدا ولا حتى ما كلمتها ولا اتصلت ليها كانت بتعاتب في وعد جواها بس كمان خايفه من مشيتها المفاجئه دي وانها ما ترجع تاني وكانت فاقداها برضو❤.. دا كلووو كوم وخالد المنتظر ردها كوم تاني اتأفأفت بي تعب حتى شغلها ما قدرت تركز فيهو غمضت عيونها وحاسه راسها حا يتشقى من الصداع في اللحظات دي اقتحمت اسراء مكتبها وجاتها بكل حماس..)

اسراء: *الجيييينه😍*
لجين بي تشنج : ال...الشنو؟؟😧
اسراء: خلاص العجينه😍
لجين بي اختناق من لفظ الاسم: هاا؟😨😭
اسراء: لجونتي يا الالجن لجينه ازيك😍
لجين: ما كويسه نهااي ما كويسه دي شنو البشتنه السويتيها في اسمي دي حليل اسمي حليلوو😭
اسراء: اجيي مالك الدلع الطلعتو ليك دا عليك الله ما حلو يشهد الله عسل بسس جاي معاك ومع اسمك دلع ظاابط عديل😍 *الجينه🤤*
لجين: حاسه بي اختناق في السلسله الفقاريه من الدلع الزابط دا يابت انتي دايره تجنيني ولا عاوزه تسوي لي شلل في نطقي🤮
اسراء وهي ميته ضحك: ههه😂😂😂 خلاص طيب يا الجي..
لجين حمرت ليها:😒😡
اسراء: اقصد يا لجين دكتوره لجين😂
لجين: خير إن شاء الله في شنو من الصباح😒
اسراء: دا شنوو انا شايفه وعد تانيه قدامي😂 سجم خشمك بقيتي تكلمي زيها
لجين ضحكت وقالت: صدقي والله مشتااقه ليها ولي برودها وكلامها اللئيم وصراحتها حتى اني اشتقت لي بهدلتها لي وطردتها لي من المكتب اشتقت ليها والله المستشفى ولا حاجه من غيرها ...احساس كلو يوم بجي بي حماس وبمش على طول واخش توووش في مكتبها ولو مالقيتها بمش ليها في بيتها او اتصل ليها🥺❤..بس اسي بقيت اجي وامش على مكتبها طوالي والقاهو مقفول💔 بقت ماقاعده في بيتها تلفونها مغلق فقدتها شديد في اليومين ديل بس تخيلي فراقها البسيط دا عمل فيني كدا تتوقعي انها في يوم ممكن تمش لي الابد؟💔

(اسراء ودموعها نزلو وهي شايفه لجين بتحكي و متاثره وبتحاول تحبس في دموعها عشان ما تبكي💔)

اسراء: بتحبيها للدرجه دي وهي ما معتبراك صديقتها؟
لجين: ماف زول عارف مكانتو في قلب وعد شنو وعد عباره عن كتاب مقفول ما حاتقدري تعرفي جواهو شنو وحتى لو عرفتي ما حا تفهمي ..انا صح يمكن اكون بالنسبه ليها ولا حاجه بس انا بحبها حب كدا في الله وبشوفها قدوه وانسانه عظيمه جدا♥︎!. وحا يجي اليوم الحا تحبني فيهو وعد زي ما بحبها❤

*"_بدون كلل او ملل سا أظل احبكِ ياصديقتي..واضرب بقوانيني عرض الحائط❤🖇_"*
_________
*#عند قصي*

(كان قاعد في شارع النيل وسرحان بس بعاين في البحر وبتزكر في وعد وتفاصيل وعد🖤.. في اللحظات دي تلفونو  اتصل وكان دا..)

"مكالمه"
قصي: *مهند.!*
مهند: قصي وينك الليله مالك ما جيت الشغل
قصي اتنهد بهدوء وقال: تعبان والله يا مهند ما بقدر اجي💔
مهند: مالك يا قصي قبيل خليتك كويس وقلت حاتلحقني كمان وللان ما جيت
قصي: ولا حا اجي
مهند: قصي مالك فهمني وصوتك ليه تعبان كدا ودا شنو صوت المويه دا
قصي: انا في شارع النيل جمب المويه
مهند: قصي اوعاا تقول لي عاوز تنط في المويه وتنتحر😳
قصي: مهند انت غبي😒 اكيد ما عايز اعمل بس قاعد والجو حلو ومناسب للهدوء
مهند:'قصي انت التعب دا كلو والزعل الفيك دا والوجع والحمل التقيل على قلبك دا سببو شنو يا قصي؟
قصي: سببو وعد💔
مهند: وعد عملت شنو؟
قصي: وعد ما عملت شي يا مهند انا العملت كل شي وانت عارف القصه💔
مهند: اي عارف والقصه بقت قديمه بس وعد للان ما قادره تتجاوز ولا قادره تسامحك ياقصي العملتو انت ما هين💔
قصي سرح وبقى يعاني للمويه ويتكلم مع مهند: *ليه البنات كدا!!؟ ليه ما بنسو حاجه مؤلمه حصلت معاهم ليه بزعلو وبشيلو في خاطرهم اي انا بعترف اني غلطته بس غلطي ما بستاهل دا كلو ليه الجفا دا انا حاولت اصلح غلطي وعرستها انا بجد بحبها بس هي بطلت خلاص💔.. بسبب غلطي بطلت تحبني وعد ما بقت تحبني وللاسف هي ما بتكرهني انا ما خايف من  الفي قلبها في شنو اتجاهي  كرهه او حب بس انا خايف انو قلبها يبقى ما بحس بي ولا شي اتجاهي احساس انو اكتر زول كنت بتحبو وبحبك بقى هسي خالي من المشاعر اتجاهك شعور مؤلم اكتر من الكرهه💔*
مهند:قصي..
قصي قاطعو: مهند انا لازم ارجع وعد💔

*_#هي وردي والراء عين🥀💔_*
_________
*#عند خليل*

(كان قاعد وسرحان وبالو مشغول حتى ما انتبهه لي خالد الكان بتكلم معاهو وهو طالع..)
خالد: هييي خليل🗣
خليل: هاا
خالد: شنو ها انا من قبيل بتكلم معاك😂
خليل: معليش يس بفكر في..
خالد قاطعو: في وعد😉
خليل شال المسند الجمبو وجدعو بيهو: لا يا غبي😒
خالد وهو بضحك: اها في منو😂😂
خليل: في امك
خالد وهو بيقعد جمب خليل وخالف رجل على رجل:مالا امي
خليل عاين ليهو وقال: قالت حا تنزل بكره السودان
خالد: وانت مالك ما مبسوط؟
خليل: لا مبسوط بس..دقيقه انت كانك ما استغربت🤨
خالد: لاني عارفها جايه وممكن تقول انا القلت ليها تجي
خليل:نعم نعم!! متين دا وليه؟
خالد: ما حا تجي ساي في سببين لي جيتها
خليل بتفكير: تقريبا واحد من الاسباب انها تشوفني اتعافيت
خالد: بالزبط😌
خليل: طيب والسبب التاني؟🤨
خالد عاين قدامو وسرح وابتسم وقال: عشان تجي تتعرف على مرت اخوك😂😉
خليل: نعم نعم
خالد : اخوك حيبقى عريس قريب😉
خليل: يا ابن..
خالد: حااسب 😂
خليل: ودي منو دي الوقعتك دي😂
خالد: تقريبا انت بتعرفها
خليل: اسمها!؟
خالد وعينو بتلمع: لجين *دكتوره لجين❤*
_________
*#عند قصي*

(بعد اتكلم مع مهند دور عربيتو ومشى على البيت جا فتح الباب بس اتفاجأ لمن لقاهو مفتوح دخل جوا ولقاها..)
قصي بي استغراب: *اسراء!؟*
اسراء: اهلين قصي🖤
قصي: الجابك شنو يا بت
اسراء: جيت اشوف اخوي اجيي😂
قصي: لا قصدي يعني كيف دخلتي
اسراء: شلت نسخه مفتاح من مهند
قصي: بس مهند ما كلمني
اسراء: انا منعتو عشان حبيت افاجأك😂
قصي: وما بتفاجأيني الا الليله؟😒
اسراء: لاني بالصدفه عرفت انو وعد سافرت ما حبيت اجي وهي موجوده لاني عارفه ما بتحب وجودي 💔
قصي ضماها وقال: اعزريها يا اسراء وعد بتمر بي فتره صعبه
اسراء: السبب شنو الحصل بينكم شنو في الماضي احكي لي يا قصي الله يرضى عليك🥺💔
قصي: ما بقدر اقول شي غير انو كل الحصل وبحصل بي سببي انا يا اسراء💔
اسراء: قصي..
قصي قاطعها: اسراء خلاص خلينا نقفل الموضوع مش قلتي جايا تفاجأيني شكلك جايه تقلبي المواجيع
اسراء: لالا خلاص جيت افرفش معاك لاني زهجانه زاتي انت عارف رزان مشت ومهند في الشغل وانت ووعد ما بتجونا ورحيق بتمش روضتها وساره مشغوله بي راجلها وانا هنا برااي 🥺 جيت اقضي معاكم الاجازه بس ماف زول منكم قعد معاي كل زول مشغول بي همو🥺
قصي بقى يطبطب عليهأ وقال: ولا يهمك يا اسراء انا قاعد وبتقدري تجيني في اي وقت وحقك علي لاني ما بجيك
اسراء: ما مشكله انا جيتك
قصي: امم رايك شنو  نطلع انا وانتي ومهند مشوار ظريف كدا بتفرقي
اسراء: جد😍..بس متين
قصي:ايوا جد جهزي نفسك بس ممكن نمش في اي يوم بوريك ولو نسيت زكريني
اسراء: ظابط ظابط
قصي: يلا اسي انا حا امش انوم تعبان شويه وانتي اخدي راحتك اعتبري البيت بيتك
اسراء: طيب تمام

(قصي دخل غرفة وعد بدل هدومو وطفى النور ورقد في سريرها وبقى يشم في ريحتها اللاصقه في السرير وهو ببتسم كأنها جمبو وضمه عليهو المخده الكانت وعد بضمها وتحسها قصي🖤 وقبل يغمض عيونو فتح تلفونو شاف رسالتو لي وعد تمت قراءتها ابتسم وبي كدا هو اطمن انها وصلت وبخير🖤 وغمض عيونو ونام😴🖤)
___________
*'كافتريا اسماعيل'*

(من العنوان عرفتو الكابلز هنا منو😂)

نوسه: مهند انا جد اسفه بس صدقني انا وايمن ماف شي بينا غير الروايات يا مهند🖤
مهند:عارف يا نوسه بس انا بحبك♡ والبحب بغاار عشان كدا عصبتا وفلت في الكلام انا كمان اسف يا قلبي🖤
نوسه: ولا يهمك خلاص خلينا نقفل الموضوع
مهند: طيب..بس خليك عارفه لو شفتو معاك في يوم ما بحصل خير وتعتبري البينا انتهى
نوسه :حاضر يا مهند خلاص ما تقول كدا انا بحبك🥺❤
مهند: وانا بحبك بس دي غيره افهميني♡!
نوسه في محاوله انها تلطف الجو: حييي انا قلت لي بتغار😂
مهند حمر ليها😒
نوسه: يسلم لي البغار والله عشان الكشيره دي الليله حالفه اعزمك على صحن سلطة جزر يشبهه حلاوتك دي😌
مهند: تعزميني وتدفعيني الحساب انا🙂
نوسه: لا والله انا البدفعو😁😅
مهند: نشوف😂
نوسه: عمو اسماااعيل🗣🗣
(جاهم طوالي وهو شايل صحنين سلطة جزر😂😂)
نوسه: بسم الله عرفتنا كيف عاوزين نطلب سلطة جزر😳
مهند: ماهو المطعم دا فيهو شنو غير الجزر ما عارف انا انسان ولا ارنب😒
اسماعيل: واضح اموركم رجعت باسطه 😍
نوسه: دا كلامك يا عمو طبعاا ...اصلا في زول بقدر يزعل من نوسه😌
اسماعيل: والله انتي تزعلي الما بزعل😂
(مشى وهو بضحك نوسه تكورك بي وراهو..)
نوسه : قصدك شنووو قصدك شنو تعال😡
(نوسه اتلفتت لقت مهند برضو بضحك😂😂😂)
نوسه: خير انت التاني ضحكوني معاكم (وبقت مغيوظه وتاكل بي غيظ😂😂)
مهند: نوسه😂😂
نوسه والاكل محشور في خشمها: اممم
مهند: بحبك🖇❤

*"..الطف المناظر لقلبي ضحكتك😴💜 .."*
_________
*"في المساء"*

(كان واقف جمب محل كبير بتاع ورود كان من ضمن الورد في  ورود النرجس💜 عاين ليها ورجع بي زاكرتو..)

*"فلاش باك"*

(هي كانت بتعاين لي امجد وسرحانه فيهو خاته يدها تحت حنكها وبتتامل فيهو ..هو انتبهه ليها وقال..)

امجد: انتي كويسه؟😂في حاجه
مرام: ولا شي (وهي لسه سرحانه فيهو)
امجد: طيب انا..
مرام قاطعتو: بحبك🖤
امجد عمل زيها وختا يدو تحت حنكو وعاين ليها بنفس النظره وقال: وليه بتحبيني😉🖤
مرام شالت يدها مسكت يدو وقالت بي كل حب: بحبك لاني بشوفك شخصيه نادره جدا يا امجد شخصيه مميزه انت انسان مرح وعصبي في نفس الوقت بتبتسم في وش اي زول وتخلي الناس غصب عنها تحبك🖤🥺 امجد انا بقع في حبك كل يوم وانت تستاهل تنحب فوق الحب دا حُباً..♡
امجد: الله يا مرام انتي بتشويني كل دا😔..وانا كمان بحبك والله وحا افضل كدا للابد مرام شكرا لانك في حياتي🖇🖤
(قال كدا وسكتو شويه ومرام خجلت من نظرات امجد😂 لفتت وشها منو وقالت..)
مرام: وانت؟
امجد: انا؟ انا مالي
مرام: بتشوف شخصتي كيف
امجد بي هظار عشان يغيظها: انتي مغرووره انتي انسانه *نرجسيه..♡😂*
مرام صلحت قعدتها وابتسمت بالجمبه وعاينت ليهو جوا عيونو وقالت..: *أوليس النرجس ورداً!؟😉🤍💐*

*"باك"*

(رجع من زكرياتو واتنهد وهو بعاين لي باقة الورد الاشتراها وقال..)

امجد: *_ شخصيتك كالورد وانتي اجمل من الورد🤍💐_*
_________
*"في الصباح"*
*#عند خالد*

(كان في صالة الاستقبال منتظر امو بفارغ الصبر متحمس ومشتاق ليها شديد وعينو من البوابه ما غابت لحظه لحد ما شافها🤍 ست كبيره بس الراحه ظاهره في وشها وكانت بتشبه اولادها شدييد وعيونها لونها اخضر زي خليل💚 خالد اول ما شافها جرا ليها وضماها وهي بقت تبكي وابت تفكو نهااي😂)

خالد: يمه حمدلله على السلامه ❤
امهم اسمها فاطمه: والله مشتاقه ليكم شديد يا ولدي وينو خليل ما جاء معاك🥺
خالد: خليل مشى يعمل ليك الفرحه فرحتين😉
فاطمه: كيف يعني؟
خالد: نحن يا امي ما بنرجع من هنا الا ومعانا عروساتنا😂
فاطمه: قصدك خليل برضو داير يعرس😍
خالد: ايوا والاتنين دكتورات واولادك دكاتره شفتي الحظ دا كيف😂
فاطمه وهي بتبكي: الحمدلله الحمدلله انو خليل قدر يتجاوز الحصل🥺💚
خالد مسح دموعها وقال: خلاص زمن البكى انتهى ماعاوزين غير الفرح تاني😉💚
فاطمه: فعلا يلا نمش شيل الشنط

(خالد شال الشنط وهو مبسوط شديد بي جية امو❤ واخيرا حايمش يتقدم لي لجين ويختها امام الامر الواقع..)

خالد مع نفسو: عارف انو دي حركات منك وعايزه تعملي تقيله ومتاكد انك موافقه علي يا لجين بس خلاص حا اجي اتقدم اشوفك تاني حا تتعزري بشنو بجد انا بحبك💚
فاطمه: خالد يلا امشي سارح وين يا ولدي والله ملهوفه لي شوفة خليل
خالد بضحكه: ههه😂 طيب هو زاتو مشتاق ليك

(ودور العربيه ومشو..)
___________
*#في المستشفى..*

(خليل جا المستشفى وعاوز يلاقي وعد وما عارف انها سافرت مشى الاستقبال يسأل عنها..)

خليل: لو سمحتي
=اتفضل
خليل: وين بلقى دكتوره وعد جمال'؟
=معلش بس دكتوره وعد سافرت واخدت اجازه كم يوم
خليل استغرب بس ابتسم للموظفه وقال: اها طيب مشكوره😊
=العفو ولو

(خليل بقى ماشي طالع من المستشفى وهو محتار وعد سافرت متين وليه وحا ترجع متين🙁💔 و... قطع كلامو وهو بفتح في البوابه وبشوفها من بعيد جايه على المستشفى عاين ليها بصدمه وقال..)

خليل: *وعد..!*

(كان ما مصدق عيونو انها قدامو.. اسي قالو ليهو انو وعد سافرت كان بعاين ليها ومحتار وهي وصلت البوابه شافتو واقف ومبحلق فيها سلمت عليهو وهو ما ردا كان لسه مصدوم طقطقت ليهو بي اصابعها..)

وعد: هييي انت سرحان وين
خليل: وو..وعد جيتي متين انتي😳 مش كان سافرتي و..
وعد قاطعتو: اي سافرت وجيت الليله وصلت قبل شويه وخليت المواصلات توصلني المستشفى طوالي ما عندي نفس امشي البيت
خليل: الحمدلله انك جيتي هنا يمكن ربنا مقدر لينا نتلاقى لاني جيت اشوفك
وعد بي استغراب: تشوفني!!
خليل:اي وعاوز اتكلم معاك في موضوع ضروري وحساس شويه واتصلت ليك بس تلفونك كان مغلق

(وعد اتزكرت الرقم الغريب اللقت منو مكالمات وجات ترد لي خليل بس قاطعهم صوتها او بالأصح صرختها😂😂جات جاريه على وعد وضمتها بي حماس😍😍😍)

...:واااااااااااااااعد😍
وعد وهي بتضحك: *لجين* براحه بتوقعيني😂
لجين: يا كلبه يا مفتريه يا كعبه مشيتي وين من غير ما اعرف وكمان يومين يا وعد الله يجازيك🥺
وعد: خليني اتنفس عشان احكي ليك
لجين بقت تسحب فيها وتتكلم: اي يلا احكي لي والله اشتقت ليك شدييد وما صدقت لمن شفتك حسيت نفسي بتخيل و..'(عاينت لقت خليل واقف ياداب لاحظت ليهو ومنظرها بقى زباله قدامو😂)

خليل: السلام عليكم 😂
لجين: وعليكم السلام..انت واقف من متين😅
خليل: من قبل ما تجي وحاجز اتكلم مع وعد قبلك لو بتسمحي لي😂
لجين: اكيد طبعا اتفضل انا بستاذن نكمل كلامنا بعدين يا وعد سلام😉

(لجين مشت وخليل عاين لي وعد وقال..)

خليل: حا نتكلم في الشارع؟
وعد: لا المستشفى فيها كافتريا خلينا نمشي هناك😊
خليل: تمام يلا

(ومشوو..)
_________
*"في بيت اهل وعد.."*

(كانو قاعدين مراد وجمال وجميله)

جميله: البيت بقى فاضي بعد وعد مشت كان ماليه علينا فراغ مرام اسي الاتنين مشو🥺💔
مراد: ما كان تخليها تمش يا ابوي لسه ما قعدنا معاها كويس
جمال: البت متزوجه ومصيرها ترجع بيت راجلها ما صح تقعد معانا اكتر من كدا وتخلي بيتها وراجلها وانت لمن تعرس بتفهم كلامي..

(مراد لمن ابوهو جاب سيرة العرس خطر في بالو رزان❤..بس قطع تفكير كلام جمال وانصدم💔)

جمال: بس ما تزعلو كلها كم شهر كدا ونحن حانمش ليهم هناك نحضر عرس بت عبد العزيز😊
جميله: ياتو واحده فيهم؟
جمال: *رزان*
جميله: رزان؟ ما شآء الله والله ودا منو دا العاوز يعرسها
جمال: هي اصلا مخطوبه لي ولد عمها وعرسهم بعد تلاته شهور لمن ترجع من المعسكر إن شاء الله
جميله: الف مبروك ليها والله ربنا يهنيهم ويتم ليهم على خير❤
جمال: اللهم امين...يلا انا بستاذن طالع الشغل ما تنتظروني بالغدا يمكن اتاخر
جميله: تمام

(جمال طلع وجميله مشت وراهو تقفل الباب..وهم ما منتبهن لي ولدهم القلبو اتكسر وهو بسمع في كلامهم💔 رزان ضاعت منو قبل ما يكسبها 💔💔)

*#وقصه انتهت بصمت قبل ان تبدأ💔🔕*
_________
*#عند خليل ووعد*

(كانت قاعده في الكافتريا وقدامها خليل الليهو نص ساعه متوتر وبطقطق في اصابعيهو متلبك وكل ما يجي يتكلم يسكت😂)

وعد: خليل..
خليل: هااا
وعد: نحن لينا نص ساعه قاعدين وانت من قبيل بتقول عاوز اقول ليك حاجه مهمه وبتسكت
خليل: اعزريني والله بس متلبك شويه وما عارفه ابدا من وين👈👉
وعد: طيب غمض عيونك واتكلم😊
خليل: ها طيب فكره حلوه يلا حا اغمض واتكلم..
وعد: سامعاك😊
خليل: *"وعد❤"...ما عارف كيف ومتين بس يا وعد انا معاك بقيت احس بالراحه بقيت بحس بالامان والسعاده في حاجات كتيره كانت ضايعه جواي ومبعثره انتي جيتي ورتبتيهم يا وعد ما عارف من وين وكيف بس بجد انتي اكتر انسانه انا بثق فيها حاليا♡.. انا كل ما اجي لي جلسه معاك كنت بتمنى الجلسه ما تخلص عشان تكوني جمبي واسمعك بتتكلمي اكتر انتي جزبتيني بكلامك وتصرفاتك حبيت اسلوبك وطريقتك.. وعد انا بختصار ومن جوه قلبي "بحبك❤"*

(قال اخر كلمه وفتح عيونو لقى وعد بتبتسم❤ وقالت..)

وعد: وانا كمان♥︎!.

*#ما هذا يا قلبي!؟🫀..*



*#صلو على النبي🖤*
•••••••••••••••••••••••••••••••••••••••••••••••••••••••••••••••••••
*يتبـــــــــــــــــــــــــــــــع*

*#ضجيج صامت 《14》🔕💔*
*#بقلم نفيسة جلال (عاشقة الأسود)*
*ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥*​​‏​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*_#من سيفهم ماذا يحدث من ضجيج بداخلك💔..وانت في أتم صمتِك🔕_*
___________
*"عند وعد وخليل"*

وعد: *وانا كمان♥︎!.*
خليل بصدمه: انتي جاده😳!!
وعد: انا ما بمزح في حاجه زي دي انا بكون مبسوطه ومرتاحه معاك زي ما انت كمان وانا بثق فيك زي ثقتك فيني❤..

(خليل ابتسم وارتاح من جواهو لانو وعد بتبادلو نفس الشعور💚 جا يتكلم بس وعد قاطعتو وصدمتو💔..)

وعد: بس دا ما بعني انو انت بتحبني او انا بحبك💔😊
خليل بعدم فهم: كيف ما فهمتك!؟
وعد: عارف يا خليل بنسبة 50% من مريضين النفس ويمكن اكتر لمن يتعالجو على يدين شخص في عمرهم بحسو اتجاهو بي راحه وثقه وسعاده حتى الطبيب بحس بالحاجه دي اتجاه مرضاه لانو دا واحد من واجباتو اتجاه المريض❤ الاهتمام الانت شايفو مني ما اهتمام خاص ليك ولا عشان انا بحس بشعور اتجاهك لا غلط💔 الاهتمام دا واحد من واجباتي يا خليل ولو مشيت لي اي دكتوره غيري كانت حا تهتم فيك نفس الاهتمام وانت كنت حا تثق فيها وترتاح ليها وحا تفسر انو الحاجه دي حب بس هي ما كدا💔 خليل انت حبيت طريقتي في العلاج وحبيت اسلوبي كا دكتوره وانت مريضي انت حبيت ابتسامتي الاتوجب علي ارسمها قدامك كا مريضي❤ انت حبيت الدكتوره النفسيه العالجتك ماحبيتني انا يا خليل جواك بكون في شعور حلو اتجاهي لمن تكون معاي وقريب مني لانو انا الكنت سبب في انك تطلع من العتمه الكنت فيها بس دا ما بعني انك بتحبني اي يمكن انت معجب بي شخصيتي بس دا ما حب يا خليل صدقني اقعد مع نفسك وفكر وحاتلقى فعلا كلامي صح ❤...انا بستاذن 😊

(وعد شالت شنطتها وطلعت من الكافتريا وبعدها طلعت من المستشفى كلها..وخلت خليل سرحان ومحتار ومصدوم وبفكر في كلامها💔)

*(المنفسنه دي كسرت قلبو لي ابو عيون خضر😭😭💔)*
__________
*#عند نوسه*

"نوسه البسبوسه😂😙"
(كالعاده يعني نااايمه😂 قايلنها بتكتب مثلا😂 صحت من النوم على صوت التلفون شالتو وردت من غير ما تعاين لي اسم المتصل..)

..:عشووقه😂
نوسه: اهلا يا ايمن🥱
ايمن: نايمه صح؟🙂
نوسه: اممم همم😴
ايمن: صحصحي ياخ عايز اتكلم معاك في موضوع ضروري
نوسه: مش ياها الروايات دي ياخ زهجتوني ياخي ما قلت ليكم بكتب بعد اشبع نوم🙁
ايمن: هو انتي بتشبعي من النوم يعني😂
نوسه: ههه ظريف😒
ايمن:المهم ما اتصلت ليك عشان الروايات
نوسه: اها خير قاطع لي نومتي السمحه مالك 😴
ايمن: عشان جايب ليك اخبار سمحه😉
نوسه : في شنو؟؟
ايمن: *عاشقه انا وقعت في الحب🖤*

(اصلا انت الكنت ناقصنا الناس كلها حبت صباح الخير🙂😂😂)
____________
*#عند وعد*

(بعد ما طلعت من خليل على طول ركبت تاكسي ومشت شقتها وطلعت المفتاح جات تفتح الباب بس الباب فتح قبل تفتحو وكان دا..)

*بلسان قصي..*
"اخدت اليومين ديل اجازه ما قاعد امش الشغل ما قادر اركز في الشغل وانا بالي مع وعد💔...بكون مرتاح لمن تكون قريبه مني حتى لو ما بنتكلم مع بعض ..كنت نايم في غرفتها صحيت بي مكالمه من اسراء اختي اتكلمت معاها وقالت انها طلعت بدري من الشقه مشت البيت قفلت منها النوم طار بس ما قدرت اقوم كان نفسي لسه اقعد في الغرفه الكلها مليانه بي ريحة وعد🖤 للصباح كنت ضامي المخده علي وبتخيل فيها

بجد بتمنى لو نعيش حياة طبيعيه وزوجيه سعيده زي اي اتنين🥺❤ بجد بحبها وجد ندمان على اي شي حصل بس وعد  بقدر ماهي حنينه ف كمان هي قاسيه💔 وانا مستحيل اخلي قسوتها دي تتغلب على حنيتها وحا ارجع وعد البتحبني انا متاكد...بس عشان اعمل كدا كنت محتاج مساعده من زول وماف زول يساعدني غير مهند.! قمت رتبت الغرفه وغيرت هدومي واثنا ما انا ماشي على الباب حسيت بي شعور غريب وقلبي كان بدق سريع فتحت الباب وانصدمت بي شوفتها قدامي😳 قلت وعد!!! وانا مخلوع متين جات افتكرتها حا تطول بس فرحت شديد بي شوفتها حسيت قلبي دا طاار فوق كنت ملهوف عليها ومشتاق💔 ما حسيت بي نفسي الا وانا بتقدم عليها عشان اضمها بس هي رجعت خطوتين ورا وما خلتني اضمها قالت لي "وعليكم السلام 😊" حتى ما خلتني اصافحها بجد عقابها لي قاسي شديد💔..."

وعد بعدت قبل يضمها وقالت: وعليكم السلام😊
قصي: وعد جيتي متين وكيف
وعد: اتحركت بدري وصلت لي ساعه بس مشيت المستشفى اول تاني جيت هنا..
قصي: طيب وين شنطتك؟؟
وعد: شنطه ليه؟
قصي: كيف ليه انتي شلتي كل هدومك خليتي بس كذا لبسه ما حايكفوك
وعد: لا حايكفومي شديد عشان اقعد بيهم اليومين ديل😊
قصي: يومين؟ انتي عاوزه تمشي بيت اهلك تاني ولا شنو؟
وعد: لا
قصي: طيب كيف يكفوك يومين وعد انتي اقل شي حتكوني معاي سنه و..
وعد ضحكت بي سخريه وقالت: سنه؟؟😂💔
قصي: ايوا سنه

(وعد بقت تضحك دخلت الشقه رمت شنطتها في كنبة الجلوس وهي لسه بتضحك 😂 قصي قفل الباب وبقى يعاين ليها وهو مستغرب؟)

قصي: بتضحكي ليه قلت شي غلط؟
وعد هي لسه بتضحك: غلط؟؟ انت قلت شي بضحك يخ😂
قصي: وعد انا ما فاهم
وعد: وين المشكله انا افهمك😊
قصي: سامعك..
وعد قربت منو خطوتين وقالت بصوت واطي: السنه الانت بتقول عنها دي حا تكملها في احلامك بس😊
قصي: كيف يعني؟، وعد ما تتكلمي بي الغاز
وعد: دي ما الغاز كلامي واضح ماف سنه ولا يحزنون كلهم كم يوم بس وانا وانت يا قصي حا نطلق😊
قصي وهو مصدوم : وعد انتي بتهظري صح؟
وعد: انت خليت فيها هظار يا قصي💔 لا دي الحقيقه قصتنا يا قصي خلاص انتهت انتهت يا قصي ونحن حا نطلق 💔😊
قصي: وعد انتي ما بتقدري تقرري القرار دا برك دي حياتنا😡
وعد: حياة؟؟💔😂 قصدك دي مسرحيه وخلاص حا تنتهي كفايه لحد هنا انا تعبت والله تعت خلاص انا وصلت الحد يا قصي انا ما قادره اعيش معاك ولا لحظه ياخ انا كلو يوم بكرهك وبكرهه نفسي معاك انا اتخنقت يا قصي كفااايه لمتين انت حا تقعد تمثل ولمتين انا حا امثل قصي نحن من زمان قصتنا انتهت والوجع العايشنو دا عباره عن وجع وعذااب انا اكتفيت منو ومنك 💔
قصي: وعد..
وعد قاطعتو: مين وعد؟ها؟؟ وعد ماتت في الظلام داك ماتت يا قصي وعد انتهت زمان القدامك دي واحده تانيه واحده ما بتعرف يعني شنو حنيه ورحمه واحده بتكرهه الحب واحده مشاعرها ماتت بي صمت وا..

(سكتت ما قدرت تكمل العبره خنقتها وبقت تبكي💔💔🥺😭 قصي عاوز يقرب منها وعد رجعت لي ورا وعاينت ليهو بي نظره قتلتو مية مره وقالت..)

وعد: ياريتك ما دخلت حياتي يا قصي انا كنت عايشه وانت جيت قتلتني💔💔

(قالت كدا واتلفتت منو جرت على غرفتها وبقت تبكي وتتنهد وقصي سامع صوتها وهي بتبكي طلع من الشقه قفل الباب بي قوه ركب عربيتو وبقى يبكي شدييد وهو بتزكر كل الحصل وشعورها كان كيف💔💔 ودور العربيه ومشى...)

*_أهَرب مِن قلبي أروح عَلى فين؟_*
*_ليالينّا ألحَلوة بكُلِ مَكان🖤🫂_*
__________
*"في المستشفى"*

*#عند لجين*

(كانت بتفتش على وعد في المستشفى بس ما لقتها مشت ليها في مكتبها لقتو مقفول💔 استغرب ومشت تسأل في الاستقبال..)

لجين: لو سمحتي
=اتفضلي
لجين: دكتوره وعد وين؟
=دكتوره وعد طلعت
لجين: طعت'؟🙁
= ايوا
لجين: تمام شكرا..

(قالت كدا ومشت منها بقت مستغربه وعد ليه طلعت بسرعه كدا وهي وخليل قالو شنو؟ وهل بكره حا تجي او لا صحت من سرحتها على صوت بقاطعها..)

...: هي لجين سرحانه وين😂
لجين: ها *اسراء* كيفك
اسراء: انا كويسه انتي الما طبيعيه مالك؟
لجين: لالا ولا شي بس وعد جات و..
اسراء قاطعتها: وعد جاات😍 متيين
لجين: قبل ساعه كدا بس ما لحقت اتكلم معاها لانها طلعت
اسراء: يا زوله ولا يهمك اهم شي انها رجعت
لجين: فعلا كلامك صح الحمدلله❤
(اسراء جات تمشي بس قبل تمشي تاني رجعت وقالت..')

اسراء:لجين..
لجين: ها
اسراء: امم بصراحه عايزه اسالك
لجين: اتفضلي
اسراء سكتت مسافه وملامح وشها اتغيرت وقالت: في شنو بينك وبين دكتور خالد؟
_____________
*"عند خليل"*

(جا داخل البيت وهو لسه بفكر في كلام وعد..قطع سرحتو خالد وهو بفتح الباب..)

خالد: الشخص المنتظر واخيرااا وينك ياخ😍
خليل: معلش بس انشغلت😅
خالد: انشغلت بالمزه😉
خليل: مزه؟😂 خلاص بقى ماف مزه يا خالد💔
خالد: كيف ي...

(قبل يكمل كلامو امو جات وهي بتبكي وملهوفه على خليل مشت عليهو ضمتو وهو بقى مبسوط وضاميها بلهفه وشوق😍❤)

خليل: اشتقت ليك شديد يا امي💜
فاطمه: خليل ما قادره اصدق عيوني انت واقف قدامي وكويس الحمدلله ياربي الحمدلله💜😭
خليل: انا اتعافيت يا امي وكلو بفضلها بعد ربنا💜
فاطمه: دي منو دي يا ولدي خالد كلمني انك مشيت تتكلم معاها اها بشر حاتسوقني ليها نتقدم ليك متين💜😍

(خليل زحا من امو وابتسم ودخل من غير ما يقول حاجه امو وخالد استغربو ولحقوهو في الصالون كان قاعد وسرحان..)

خالد: خليل مالك ساكت الحصل معاك شنو؟
(فاطمه قعدت جمبو ختت يدها في كتفو وقالت: خليل..
خليل اتلفت عليها ضماها وفي دمعه حاره نزلت من وشو في حضنها وقال.. 💜)
خليل: طلع ما عندها مشاعر اتجاهي يا امي💔 كنت بحبها براي وهي ما بتحبني امي الحب من طرف واحد مؤلم شدييد يا امي💔 حتى انا يا امي اتخيلي مشاعري ليها طلعت ما حقيقيه وطلع الجواي ليها ما حب💔
خالد: كيف يعني؟؟
خليل: يمكن انا ارتحت ليها يمكن انا مبسوطه معاها او معجب بيها بس انا ما بحبها هي قالت كدا يا خالد وصراحه كلامها صح💔
خالد: انت جد ما بتحبها؟
خليل عاين لي خالد بي ضعف وقال: ماعارف ماعارف يا خالد 💔بس لو كنت بحبها ما كان فكرت في كلامها تحليلها صح يا خالد الاحساس الجواي ليها دا شعور عابر وحا يزول مع الوقت💔
خالد ضماهو وقال: ولا يهمك يا خليل الدنيا ملانه بنات ولسه قدامك عمر طويل اكيد حا يجي يوم تحب البت البتستاهلك وتستاهلها
خليل: قلبي وحبي ما بستاهلو زول غير اسيل يا خالد💔 ولمن حبيت بعدها طلع مجرد شعور عابر لانها حسستني بي اهتمام كنت فاكرو حب وطلع اهتمامها واجب كا دكتوره بتاديهو💔💔😔

(خالد سكت ما عرف يقول ليهو شنو وخليل كان هادي وموجوع من جواهو لانو خسر انسانه كان ببني حياة طبيعيه جديده عليها بس الحياة دي انهدمت ببساطه💔..)

*# أتدري ما يؤلم بالامر!؟ أنك أحببت من طرف واحد وكنت صامت🔕..وعندما اخبرتها عن ما بداخلك كُسر قلبك وبعثرت الضجه بداخلك من جديد💔*
__________
*"عند مهند وقصي"*

(كانو قاعدين في كافي وقصي سرحان وساكت ..)
مهند: قصي!.
قصي: ها
قصي: انت كويس؟
(قصي من غير يعاين ليهو هزا ليهو راسو بمعنى اي)
مهند:طيب مالك؟
قصي عاين لي مهند وقال بهدوء: ما عارف ما عارف يا مهند بس بتعرف احساس انك عاوز حاجه بس ما قادر تحصل عليها؟؟💔 دا احساسي يا مهند انا عاوزها وبحبها شديد بس هي عاوزه تبعد وعاوزه تبعد في اقل فرصه💔 تخيل انا وهي كان مفروض ننفصل في خلال سنه اسي السنه بقت شهر يا مهند💔 وعد عاوزه تطلع من حياتي في شهر بس
(دموعو نزلو لانو قلبو واجعو شديد من فكرة انو حا يخسر وعد بعد ايام  للابد💔)
مهند: قصي روق وحا..
قصي قاطعو: مهند انا ما عاوز اخسر وعد تاني انا ما حا اقدر استحمل المره دي انا الحا اتعذب💔
مهند: حا احلها معاك يا اخوي وانا عندي خطه
قصي: خطه
مهند بضحكة شر قال : اي خطه ومتاكد انها حا تنجح وتقربك من وعد😈
قصي: والخطه دي شنو
مهند: لالا ما حا اوريك الخطه كامله بس ح اوريك انت مفروض منك تعمل شنو
قصي: اها شنو؟
مهند: انت حا (....)

(بنعرف خطتهم بعدين😉😂)
___________
*'عند جمال'*

(كان قاعد في الصاله وبتكلم بالتلفون مع..)

جمال: *يا ولدي* 3 سنين غُربه ما كفايه
...: خلاص يا ابوي هانت وحا اجيكم خلال الاسبوع دا😂
جمال:لالا انا عاوزك تنزل السودان بكره دي فوراا
...:  طيب يا ابوي حا انزل بكره اصلا عندي ليك مفاجأه😂
جمال: خير يا ولدي
...: خير وكل خير🖤..ما وريتني سبب اتصالك واصرارك المفاجئ على جيتي شنو؟؟🤨
جمال: لانو في موضوع صعب وحساس شويه عاوزك تستلمو انت انا تعبت خلاص
....: موضوع؟ موضوع شنو🤨
جمال: *"طلاق وعد💔"*
___________
*#عند نوسه*

(كانت قاعده بتفكر ومحتاره قطع سرحتها مسج في التلفون من ايمن..)

*"اها عملتي شنو في موضوعنا؟"*

(نوسه قرتها وردت بتوتر)

*"تمام يا ايمن نتلاقى👍"*

(قفلت التلفون وسندت راسها في الكرسي واتنهدت بي تعب وقالت..)

نوسه: اخخخ يارب مرق الموضوع دا على خير 💔
____________
*بلسان قصي..*

'بعد كلامي مع مهند اتحمست شديد عشان انفذ خطتو انا ماعرفت كل الخطه بس هو طلب مني اخلي وعد تطلع من البيت ..وانا سلفاً عارف انو وعد حا تصحى تلقى نفسها براها اكيد حا تطلع من البيت وتجي تتمشى في شارع النيل فا بقيت قاعد هناك ومنتظرها حتى لو شافتني حا ادعي انو لقاءنا صدفه😂 فعلا قعدت وبقيت منتظر دقيقه والدقيقه بقت ساعه وهي لسه ما جات ومهند مراقب الوضع من بعيد وانا زاتي زهجت وقنعت انها تجي جيت امشي بس سمعت صوت محرك العربيه الما بغباني اتلفت وشوفتها نزلت ومشت على البحر طوالي بقت واقفه وبتعاين بي شرود.. كانت لابسه فستان سماوي هادي فيهو دوائر بالابيض ومعاهو طرحه بيضاء ما كانت عامله شي في وشها بس برضو كانت آيه من الجمال♡..

اتبرا منو حا اتبرا💔💔
وعد وهي لسه بتبكي عاينت لي قصي شديد وتاني رجعت عاينت لي نسيبه بعيون مليانه دموع وقالت: انا ماعاوزاك تتبري منو💔..انا بس عاوزاك تفصليني منو💔 بليز يا امي خليهو يطلقني💔 انا تعباانه اقسم بالله انا ما قادره خليهو يطلقني وبس💔💔💔 (كانت بتقول كدا وهي ماسكه رجول نسيبه قوي وبتبكي ليها عشان تطلقها من قصي كان منظرها مؤلم شدييد💔كانت بتنزف من برا ومن جوا💔..)
نسيبه: وعد.. قصي غلط معاك بس لو اطلقتو حا ننحرم منك يا وعد ما تحرمينا منك💔💔🥺
وعد: امي بليز افهميني انا تعبانه اقسم بالله ما قادره انا تعبت والله💔💔
نسيبه: بس يا وعد...
وعد قاطعتها وقفت على حيلها وقالت بي انفعال: ياخي انتو البس 💔💔 بس انتو ديل كفاايه ياخي كفايه الله يرضى عليكم افهموني💔💔😭 وطلقوني منو انا ماعاوزه شي غير اطلق منو طلقوني الله يخليكم طلقوني منو انا تعبت والله انا ما قادره اعيش معاهو ولا لحظه خلاص انا بتخنق بتخنق اقسم بالله💔💔💔..

(قالت كدا ودموعها نزلت وما قدرت تستحمل تقيف ولا ثانيه معاهم شالت شنطتها وطلعت دورت عربيتها ولجين على طول لحقتها جري وقفت تاكسي وبقت ماشه ورا عربيتها💔💔)

*"#مضت الأيام ولم يمضي الشعور🔕💔..*
__________

(بعد وعد ولجين طلعو اسراء ختت يدها في راسها من الصدمه وما قدرت تقيف مهند جرا عليها ومسكها💔 اسراء مسكت فيهو عاينت ليهو وزحت منو براحه ومشت وقفت في وش قصي وقالت..💔🥺)

اسراء: كنت زعلانه من تصرفات وعد💔 زعلانه من رفضها ليك ورفضها لينا💔 في البدايه كنت بستحقرها بس لمن بديت اقرا في مزكراتها حبيتها❤..حبيتها لانها بتحبك شديد بس كنت مستغربه وين مشى الحب دا كلو وليه بتعاملك كدا💔 ابدا ما حاولت اجيب اللوم عليك ولا فكرت للحظه انو انت ممكن تكون السبب💔.. استحقاري لي وعد انقلب حب لاني عرفت انها بتحبك بس كان في استفهامات بي انها ليه بتعاملك كدا ليه القسوه دي💔 وليه العناد والبرود دا ليه ليه!!؟..بس الليله عرفت وانصدمت واتفاجات انو قصي الكانت بتحبو وعد في مزكراتها ما نفسو قصي الواقف قدامي اسي💔..بس وريني وفهمني انت كيف جا من قلبك تعمل كدا فهمني ياقصي كيف قدرت تعمل في انسانه قدمت ليك كل الحب دا كدا💔..ياخي المخلوقه بقت تكرهني انا وتكرهه كل بت اسمها اسراء بسبب الحصل 💔💔 عقدتا البت ياخي خلقت جواها مرض اسمو فوبيا من الغيره💔💔..من شنو انت مخلووق!!!؟ بس فهمني كيف كنت بتحبها وكيف قدرت تعمل فيها كل دا💔..انت يا قصي ما حبيتها ما حبيتها ابدا انت كنت بتتسلى بيها بس💔 ووعد القدامك دي نتيجة كل العملتو انت يا قصي في الماضي💔..لو وعد ما قدرت تكرهك فخليك متاكد انو انا كرهتك واستحقرتك واستحقرت كل الشباب والحب بعد الانت عملتو دا💔..كنت اخوي البرفع راسي يهو بس الليله كسرت راسي ياقصي💔💔💔
قصي بي انكسار: اسراء💔...
اسراء بغل: *اسراء بتكرهك يا قصي💔*

(قالت كدا ومشت من قدامو ودموعها نازله💔💔)

__________

*#عند وعد🖤..*

(كانت سايقه لحد ما وصلت جمب البحر وقفت العربيه ونزلت وبقت واقفه جمب البحر وساكته كالعاده💔..لجين جات لاحقاها شافتها من بعيد واقفه جمب البحر وقفت التاكسي حاسبت ومشت عليها لحد ما وصلتها وبقت قريبه من وعد وبتعاين ليها والدموع ماليه وشها💔🥺)

وعد من غير ما تعاين لي لجين قالت: *زحيها💔*
لجين استغربت!!..
وعد عاينت ليها بي انكسار وقالت : نظرات الشفقه الفي عيونك دي *زحيها💔*
لجين دموعهاا نزلو قربت من وعد وقالت : كل القسوه والسكوت والبرود والدموع دي كلها كان وراها كل الألم دا!!💔💔🥺
وعد غمضت عيونها بي ألم وعضت على شفايفها عشان ما تبكي وسكتت💔
لجين: طيب ليه!؟
وعد عاينت ليها وقالت: ليه شنو؟💔
لجين: ليه وافقتي تتزوجي من قصي بعد العملو فيك دا كلو كنتي فاكره انك حاتقدري تسامحيهو💔!؟
وعد: عمري ما افتكرت ولا حا افتكر اني حا اقدر اسامح قصي على العملو فيني في يوم💔
لجين: طيب ليه اتزوجتو؟
وعد: لمن اتزوجنا تصدقي ما كنت عارفه انو قصي هو العريس 💔
لجين بصدمه: كك..كيف!؟😨

(وعد رجعت عاينت للبحر وسرحت وسكتت مسافه وبدت تحكي وقالت..)

وعد: بعد الحصل يا لجين انا خشيت في اكتئاب💔..ما كنت قادره اضحك او ابتسم اهظر او أتكلم كان فيني هدوء مخيف شدييد💔💔 ناس البيت كلهم احتارو فيني وبسالوني بس انا كنت بقابلهم بالصمت💔🔕..انا يا لجين بقيت حسااسه وخوافه بعد الحصل💔 غرفتي الكنت بلجأ ليها في كل مره غرفتي وملجأي بقيت اخاف منها لانو في نفس الغرفه دي ماتت مشاعري ومتا انا معاها  غرفتي بقت عباره عن مقبره اندفنت فيها قصتي انا وقصي💔..بعد فتره من حالة الاكتئاب الانا فيها وبالرغم من اني طبيبة نفس الا اني عجزت عن اني اعالج نفسي💔..قبل ما انفصل من قصي كان بتقدمو لي شباب كتير بس كنت برفض عشانو💔 بس في الفتره ديك اتقدم لي واحد..

فيها تصرخ  وتعلي في صوتها على قدر ما بتقدر💔 بتصرخ كانو ماف زول حوليها غيرها هي 💔 كانت بتصرخ من غير م تهتم للحوليها كأنها بتقول..*كفايه كفايه تفكير في الناس اللحظه دي من حق قلبي البنزف من حق وجعي وبس💔* ..دي ما كانت اول مره تبكي وتصرخ فيها بس كل المضى كان على *الصامت🔕* بس اللحظه دي مليانه بي *الضجيج💔* )

*# ولعل صرخه من بعد صمت طويل قد تكفي لنرتاح🔕💔*
____________
*#في المعسكر♥︎!.*

(كانت قاعده ضامه رجولها ودافنه وشها بين يديها وباين انها متوتره وخايفه رفعت راسها اول ما سمعت صوت جمبها بقول..)

رزان: *مرام!..*
مرام رفعت راسها عاينت لي رزان وقالت : ايوا
رزان بقلق: مالك انتي كويسه!؟
مرام ساكته💔..
رزان: ظاهر ما كويسه مالك احكي لي☹💔
مرام اخدت نفس طويل وقالت بتعب: صراحه يا رزان حتى انا ماعارفه مالي💔 كل البعرفو اني ما كويسه متوتره ومضايقه يس ماعارفه السبب💔
رزان: اممم *امجد!؟*
مرام عاينت لي رزان وقالت: لا..المره دي شعور مختلف ما قادره اوصفو ليك
رزان: انتي مشتاقه لزول..!؟
مرام: يمكن مشتاقه فعلا♡.. لاني بتزكرها ما عارفه بس فجاه افتقدتها ونفسي اشوفها واضمها حاسه انها ما كويسه ما بعرف بس حاسه انو دي اكتر لحظه انا لازم اكون فيها معاها💔
رزان: دي منو!؟
مرام: *رزان..انا مشتاقه لي اختي وعد♥︎!.*

*#ماذا اريد!؟..*
*"أريد عودة تلك الايام الجميله معكِ🖤"*
___________
*#عند وعد*

(بعد كتير من الصرخات والدموع النزلو منها واخيرا هدت قعدت في الارض وبقت سرحانه في البحر قدامها وجمبها لجين🖤..)

لجين: مرتاحه!؟
وعد عاينت ليها وقالت: المكسور عمرو ما برتاح بس في لحظات جميله اسمها "السكينه" بنحاول نستمتع بيها🖤
لجين: انتي قويه🖤
وعد ابتسمت بألم وقالت: انا كنت..كنت قويه يا لجين بس اسي انا ماعايشه صدقيني💔
لجين: الحياة لسه اطول من كدا على فكره ويمكن قصي ما حب حياتك قصي عباره عن درس قاسي من الحياه بكره تحبي وتتعلمي كيف تعيشي من جديد وتحلمي كمان🥺❤
وعد: احلم؟؟واحب؟؟واعيش؟؟..دي كلها حاجات ما موجوده في حياتي ما حصلت وما حا يجي يوم تحصل💔😊
لجين: بس..
وعد قاطعتها: ممكن ما نتكلم عن الموضوع دا اكتر من كدا بحاول استمتع بحبة الراحه الفيني حاليا😴
لجين: حاضر
وعد: بس بنقدر نتكلم عن حاجات حلوه🖤😂
لجين: حاجات حلوه! زي شنو🤨
وعد: زي قصة حبك🖤
لجين: حبي انا؟؟ انا لجين الواحده دي!!
وعد عاينت لي لجين وغمزت وقالت : *خالد😉🖤*
لجين ضحكت بوجع وقالت: حتى انتي شفتي حبو لي؟😂
وعد: امم كان واضح شديد صراحه
لجين ابتسمت وقالت: كان واضح للكل الا انا
وعد: وكيف ماشه قصتكم؟🖤
لجين: قصتنا!!؟..قصتنا يا وعد انتهت من قبل تبدا💔
وعد: كيف!!! ليه كدا💔
لجين: انا رفضت العلاقه دي
وعد: طيب ليه💔 خالد بحبك ومتقبلك زي ما انتي
لجين: يمكن خالد واهلو ومكانتو يتقبلو  لجين المرحه والماجاده في حياتها😂🖤..بس اكيد ما حا يتقبلو بي لجين المطلقه💔
وعد بصدمه: مطلقه!!!💔
لجين: اتفاجأتي صح؟💔😂
وعد: شديييد صراحه لجين انتي جاده!!!

(لجين عاينت لي وعد بي وش مليان دموع وهزت راسها بمعنى نعم💔🥺..وعد قربت منها ختت يدها في كتف لجين وقالت..)

وعد: زي ما انا حكيت جا دورك عشان تحكي💔

(لجين سكتت مسافه غمضت عيونها وبدت تزكر كل شي وقالت..)

لجين: *عمر💔* .. الانسان الخلى حياتي جحيم اسمو عمر💔 كنت عايشه حياه بسيطه مع اهلي صح هم ما كانو بحبوني شدييد زي باقي اخواني وطبعا ما حا الومهم لانو انا بتهم بالتبني💔..كانو ما مصدقين متين اعرس ويتخلصو مني💔لحد ما اتقدم لي عمر وابوي من غير ما يسال من فصلو واصلو فورا وافق💔..وانا وافقت لانو ما كان عندي خيار غير اوافق ووافقت لاني شفت الاصرار في عيون اهلي على الزواج دا💔..وافقت وجد كان نفسي وروح منااي انو عمر يكون غير.. كان نفسي يكون لي زوج صالح يعوضني عن كل شي سئ حصل معاي💔💔..بس هو جا وزاد حياتي سوء زياده في الاول كان عادي معاي بس تاني عملني عندو خدامه💔 وعلى اقل شي انا كنت بتذل وبنضرب يا وعد💔 كنت بنحبس براي في الظلام وكان عادي تمر علي ايام وانا ما ماكله💔 جبت من عمر بتي "ملاك" افتكرت قلبو حا يحن لمن يشوف بتو ويحس بالابوه💔 بس لا ولادتي بي ملاك بقت ليهو سبب تاني عشان يضربني وكان بقول لي انا عاوز ولد ما عاوز بت وكأنو الموضوع بي يدي!؟💔💔..حياتي يا وعد من ساعة انا اتخلقت كانت مظلمه وحاتفضل كدا💔 انا هربت من عمر بعد صعوبه وهربت منو بعيد شدييد وجيت هنا ابدا ما فكرت امشي لي اهلي لاني عارفه حايرجعوني لي عمر او لي الاسوأ منو💔💔..ومن ساعة اختفيت هم ما سالو ولا فتشو عني يا وعد💔💔..جيت هنا وبديت من الصفر كنت في اليوم بشتغل وظيفتين لحد ما قدرت استقر بعد تعب سنتين عملت شقه بسيطه لي انا وبتي ووظيفه كمان في المستشفى ولمن لقيت حياتي ماشه بقيت انا كمان اعيش وابتسم ورميت كل شي وراء ضهري❤

*بلسان وعد*
شعور غريب♡..مخيف ومريح في نفس اللحظه💔 اليوم عيد ميلادي وما حاسه بطعم اي فرحه كالعاده احاسيس ضاجه💔وملامح صامته🔕بس د اخر مشوار واخر مكان حا اتواجد فيهو مع قصي وبكره حايكون طلاقنا ونهايتنا💔..قصتنا الحلوه دي معقوله دي نهايتها!؟ معقوله كل الحزن دا نهايه لي قصه جميله شديد اتسطرت بي عشق🖤🔏..

(قالت كدا وبقت تتفرج في الشوارع لحد ما لاحظت شي غريب وقالت بتوتر💔..)

وعد: قصي💔
قصي: ها
وعد: قصي دا ما طريق المكان الفيهو عيد الميلاد و..(قبل ما تكمل كلامها اتلفتت ولقت قصي ببتسم بي خباثه😏💔..)
وعد: قصي نحن ماشين وين؟💔😨

__________
*#في بيت اهل قصي*

(كان قاعد مركب السماعات وسرحان بفكر فيها💔..قطع سرحتو صوت باب الغرفه وهو بفتح كانت دي..)

...: *مهند*
مهند: نعم يمه
نسيبه: تعال في ولد شاب برا جا وقال عاوز يشوفك ضروري
مهند: يشوفني انا🤨
نسيبه: اي امش شوفو وفضلو انا حا امش اسوي ليكم شاي..
(قالت كدا ومشت مهند استغرب في انو دا منو الجاهو دا وعلى طول قام مشى يشوف منو؟..مشى الصالون وكان الشاب قاعد مديهو ضهرو مهند استغرب وجا يسلم بس انصدم اول ما الشاب اتلفت😳..)

مهند: السلا....(سكت وقال بصدمه..) انت!!!!!!🙂💔
هو ابتسم لي مهند وقال: كي..
مهند قاطعو بغضب وقال: الجابك بيتي شنو يا *ايمن!؟..*
____________
*#عند اسراء*

(كانت في العربيه سايقه وسرحانه بتتزكر في اخر حوار ليها مع وعد من قبل تلاته شهور..)

*"فلاش باك"*

(كانو قاعدين في مكان هادي واسراء متوتره ومنزله راسها وعد عشان تخفف التوتر دا مسكت يد اسراء وقالت...)

وعد : *انا اسفة♥︎!.*
اسراء عاينت لي وعد بدموع وقالت: لا انا الاسفه بجد اسفه💔🥺
وعد: انتي ما دخلك في القصه كل الحصل عملو اخوك💔..
اسراء: انتي بتحبي لسه صح؟🥺
وعد فكت يد اسراء وقالت: لا..
اسراء: لا غلط انتي لسه بتحبيه❤..وانتي للان غيرانه عليه عشان كدا كنتي بتكرهيني لانو اسمي نفس اسم البت الدخلت وخربت كل شي بينكم💔🥺
وعد: مهما كان غلط كل الناس في قصتنا كبير بس قصي حايفضل المذنب الاول والاخير في كل الحصل وهو الخرب كل شي💔
اسراء: قصي اتغير يا وعد🥺
وعد: يمكن قصي اتغير بس الشعور المؤلم الجواي لسه ما اتغير💔
اسراء: يعني انتي مصره؟💔
وعد: ايوا مصره وحا ننفصل💔..

*"باك"*

(اسراء غمضت عيونها بألم وقفت العربيه عاينت للمكان الوصلت ليهو وقالت..)

اسراء: *دي فرصتك الاخيره يا قصي♥︎!..*

(ونزلت)
_________
*#عند مهند*

(بعد حوار طويل دار بين مهند وايمن..مهند في النهايه هدا نفسو وقعد عشان يسمع ايمن عاوز يقول شنو..)

ايمن: انت فاهم نوسه غلط💔
مهند: اكيد حاتدافع ليها ما هي حبيبتك💔😊
ايمن: نوسه ما حبيبتي ولا حاجه كل البينا روايات
مهند: وهي كمان كانت بتقول كدا وشفت الروايات وصلتكم وين في اليوم داك💔
ايمن: انا ما جيت عشان اتجادل معاك انا بس جيت اوضح ليك لانك فاهم نوسه غلط
مهند ابتسم بي ألم وقال: نوسه الرسلتك صح!💔🙂
ايمن: لا..هي ماعارف اني معاك هنا اصلا
مهند: امم طيب احكي سامعك
ايمن اخد نفس طويل وبدا يحكي وقال: انا ونوسه فعلا ماف شي بينا غير الروايات يا مهند..ويوم شفتنا داك انا الكان اصريت على نوسه انو نتلاقى انا كنت بحب واحده بتعرفها نوسه كنت عاوز نوسه تساعدني عشان اصل للبت دي واتقدم ليها♥︎..وصدقني لمن انا اتصلت ليها  وطلبت منها نتلاقى عشان نتفاهم انا ما كنت عارف انها مرتبطه وفي شخص في حياتها ولا هي ما ورتني نحن اصلا ما بينا شي عشان توريني حاجه زي دي..نوسه لمن طلبت منها مساعده انا متاكد انها بتكون ختت في راسها انو انا ساعدتها كتيير ودي فرصه تساعدني وتسدد دينها عشان كدا وافقت وانا اصريت نتلاقى وتجمعني بالبت..وفي اليوم داك انا ظبطت كل شي والبت قالت جايه على اساس تقابل نوسه في المطعم بس نوسه في اليوم داك كانت تعبانه ما كذبت عليك بس انا اتصلت ووريتها انو كل شي اتظبط خلاص وكلها كم دقيقه وارجعي وفعلا جات بي تعبها ولاقتني بالبت ونوسه مشت خلتنا انا وصحبتها بعد صحبتها مشت هي جات قعدت معاي وسالتني من الحصل شنو وانت في اللحظه ديك شفتنا وحصل الحصل 💔
مهند ساكت..
ايمن: مهند صدقني نوسه بتحبك وما خانتك وكل الحصل انا الكنت سبب فيهو بس والله ما كنت عارف انو هي مرتبطه لمن طلبت الاقيها💔

مهند سكت مسافه وقال: بغض النظر عن الغلطان منو في القصه دي وبغض النظر عن كل الحصل انو انا ونوسه مستحيل نرجع واذا رجعنا عمرنا ما حا نكون زي اول💔..نوسه كانت عارفه اني مانعها تلاقيك او حتى تتكلم معاك وانا قلت ليها قبل كدا انو اذا اتواصلت معاك تعتبر البينا انتهى💔 بس هي ما سمعت مني وفضلت انها تشوفك على انها تسمع كلامي..

ايمن: اديها فرصه💔
مهند: اي علاقه اساسها الثقه يا ايمن وبعد الحصل علاقتنا انا ونوسه خسرت *الثقه*..
ايمن: بس يا مهند..
مهند وقف على حيلو وقاطعو وقال: انا متشكر جدا لتوضيحك سوء التفاهم دا بس الانكسر مستحيل يتصلح والثقه لو مشت ما بترجع يا ايمن💔
ايمن: اسف لاني اتاخرت في توضيح الحصل
مهند: يمكن حتى لو جيت من بدري حاتلقى نفس النتيجه💔💔
ايمن ساكت..
مهند:  سلام يا ايمن♥︎..ولو حا تتواصل مع نوسه فياريت تخلي بالك منها❤

(ايمن ابتسم بي ألم ومشى💔..مهند بعد ايمن مشى نزلت منو دمعه لانو بسبب كبرياء منو ما قادر يرجع ليها ..)

مهند مع نفسو: لمره واحده بس انسى كبرياءك عشانها لمره بس يا مهند اتصل ليها💔

(رفع تلفون جاب رقمها واتصل وبعد جرس طويل ردت♡..)

"مكالمه"

-الوو
مهند: نوسه..
نوسه سكتت مسافه وقالت: ايوا يا مهند
مهند: انا اسف💔..ما اديتك فرصه تبرري حكمت بالشفتو واتجاوزتك انا اسف💔
نوسه: انت حكمت بالشفتو..وانا عملت الفي بالي من غير ارجع ليك💔...فهمني نحن كيف كنا بنسمي البينا حب ومن اول عتره لينا سيبنا بعض؟💔
مهند: نوسه انتي عارفه اني قلت ليك اذا اتواصلتي معاهو البينا حاينتهي
نوسه: البينا فعلا انتهى يا مهند💔..البينا انتهى من لحظة انعدام *الوفاء* بينا انا ما وفيت بي كلامي واتواصلت معاهو💔..البينا كمان انتهى من لحظة انعدام *الثقه* بينا انت ما وثقت فيني وحكمت بالشفتو💔..كيف لي علاقه انعدم فيها الوفاء والثقه تستمر؟
مهند: يعني خلاص!!
نوسه: ايوا خلاص
مهند: انا اسف❤
نوسه: سامحني يا مهند❤
مهند: اتمنى ليك كل خير❤

(وفصل الخط وطلع💔..)

*#كل اللي ضاع كان لائق على الوداع👩‍🦯💔..*
_________
*#عند وعد وقصي♥︎!.*

(كانت ماشه وهي ما شايفه حاجه عيونها مغمضين بي قماشه سوداء ماشه ووراها كان قصي ماسكها🖤..)

وعد: قصي موديني وين؟
قصي: امشي وانتي ساكته اسي بتعرفي
وعد وقفت بخوف وقالت: انت عاوز تعمل فيني شنو💔😳
قصي بضحكه: معاي في شقتي ليك شهور ما عملت ليك ولا حاجه حا اعمل ليك حاجه برا البيت؟😒
وعد هدت وكملت مشي وقالت: على فكره نحن اتاخرنا على العيد ميلا..
قصي قاطعها: مش قلت ليك اسكتي🙂
وعد: تمام سكتا نشوفك اخرك شنو
قصي: اي اسكتي بس ما توقفي مشي امشي يلا قربنا
وعد: تمام تمام هدي بمشي..

(بقت ماشه وقصي وراها وهي مستغربه قصي موديها وين!؟🤨..لحد ما قطع حبل افكارها صوت قصي هو بقول..)

قصي: *"وصلنا♥︎!.."*

(قصي فكا ليها الربطه من عيونها وهي اول ما فتحت جاها صوت ناس كتااار بقولو..)

*"سبــ♡ــرايز🖤!.."*

__________
*#في بيت اهل وعد*

(كان البيت مزين ناس طالعه وناس نازله جوطه وفرحه مرسومه في ملامح الجميع😍❤..)

مراد: ابوي ياخ اتصل ليهم شوف البنات ديل طلعو ولا لسه🤦‍♂️
جمال: اصبر يا مراد انا اسي اتصلت لي ناس المعسكر وقال كل البنات طلعو😂
مراد: انا صابر والله امجد دا الشفقان😂😅
*...: وانا زاتي الصراحه شفقان لي شوفتها❤*
مراد اتلفت للزول القال كدا وقال: طبيعي يا *وجدي* انك تشتاق لي شوفتها لانك طولت منها بس خليها تجي حا تتمناها ترجع بالدرب الجات بيهو مرام دي بلوه متحركه حرفيا🤦‍♂️🙄
جميله ضريتو في راسو من ورا وقالت: البلوه المتحركه دي تربايتك انت دا😒
*..: انتو بتقطعو في مرتي🙂💔*

(اتلفتو وكان دا امجد😂😭😂😭)

مراد: اها يا روميو🙂
وجدي: انتو وين علياء!؟🤨
-انا هنا🖤
مراد:ما بتقدر تعيش  من غيرها ااا🙂💔

(علياء جات عليهم كانت جميله شديد كلهم كانو حلوين ومتألقين🖤..)

وجدي همس لي علياء وقال: ما تجي نهرب ونتزوج تاني😂😉
علياء بخجل: وجدي هس🙈
مراد جا من نصهم وقال: بتتوسو بتقولو في شنو🙂
وجدي: انت جيتني من وين الزول في بيت اهلو ما لاقي فرقه يشاغل مرتو🙂
مراد: وانت بتشاغل في بيت الناس مالك امش شاغلها في بيتك😒
وجدي: خلي بس مرام تجي وبختفي منكم😂
(وجدي ما عايش معاهم في نفس البيت)
مراد: انا البوقفني مع متزوجين شنو اصلا ما لي غير مجودي بس يفهمني جيب حضن يا مكنه😂😍
(مراد مشى عليهو وجدي ضحك وقال)
وجدي: مجودي اسي مرتو بتجي وبخليك😂😭😂
مراد: كلكم رمم ياخ 🙂💔

(فضلو يتكلمو كدا وجمال مشى مع وجدي بعيد شويه ودار بينهم حوار..)

جمال: من المفترض يكون اليوم دا حلو ومميز🖤..بس ما عارف من ناحيه واحده من بناتي عرسها اليوم❤ والتانيه طلاقها بكره💔
وجدي مسك يد ابوهو وقال: ابوي♡..العرس دا امنية مرام وحلمها انها تتزوج امجد❤ والطلاق كمان امنية وعد وعاوزه تطلق من قصي💔 ونحن بنعمل في الهم عاوزنو الليله فرحة مرام يا ابوي ومرام حاتكون مبسوطه❤
جمال: طيب ووعد؟!
وجدي: وعد حاتكون مرتاحه يا ابوي لانو دا اختيارها انها تطلق♡..
جمال: بس...

(جا يتكلم قاطعتهم حميله وهي جات بتتكلم بفرحه..)

نسيبه: *مرام وصلت❤😍*

(كلهم مشو وقفو جمب الباب ومرام ماعارفه شي😂 امجد هو الفتح الباب ومرام انصدمت وجات تدخل كلهم خلعوها وصرخو...)

*"سبــ♡ــرايز🖤!.."*

___________

*#عند وعد قصي*

*#الساعه..*
*"8:00"مساء*

(وعد فتحت لقت نفسها في مسرح كبير في نص صاله فخمه وجميله جدا🖤..كان فيها ناس كتار منهم البتعرفهم ومنهم المابتعرفهم كان منهم اهل قصي واصحابو وعد كانت مصدومه وبتعاين وهي ما فاهمه حاجه جات تتلفت لي قصي لقتو اختفى من جمبها وبقت واقفه براها🖤😳..جات تتحرك الانور كلها انطفت وعد خافت بس تاني في ضو صغير اشتغل في المسرح كان بعيد منها شويه والضو كان جا في قصي🖤..قصي كان واقف بعيد منها والاضويه عليهم "وعد وقصي" ..قصي بقى يتكلم وهو ما شي في اتجاه وعد♥︎!..)

قصي: *"حبيتك🖤..ولسه بحبك🖤..وحا افضل احبك🖤..انتي اجمل حاجه تحصل في كل حياتي🖤 بس انا بطيشي وغبائي خسرتك💔..بجد ندمت شدييد لمن انتي مشيتي..ما كنت متخيل انو انا اتعلقت فيك للدرجه دي ما كنت متخيل انو بعادك حايفرق للدرجه دي كنت بحاول اني ما اهتم بحاول اتجاوز عدم وجودك بس ما قدرت💔..كنت بفتش عنك في كل بت في حياتي بفتش عن اهتمامك ضحكتك وحنيتك فيهم بس وقتها اكتشفت انو وعد واحده وما حا تتكرر تاني🖤كل ايامي بقت من غير طعم بقت تمضي وانا فاقدك بشتاق ليك بس ما كنت بقدر اتصل ليك زي ما كنت بعمل زمان لاني خربت كل شي💔..كنت بلجأ لشاتنا الفيهو مسجاتك فيهو رسايلك واهتمامك🖤..زعلان او مضايق او مبسوط انا بجي وبفتح شاتك وبرجع لي رسايلك وكانك معاي🖤..مع كل رساله كنت بقراها كنت بتاكد انو انا خسرت حاجه جميله جدا في حياتي وهي "انتي♥︎!." عشان كدا من غير تردد المره دي اخترت اجيك بالباب كفايه لعب بالشباك💔 المره دي حسيت وقتها بحقيقة حبي ليك وجيتك🖤..بس للاسف اتاخرت ووعد الكانت زمان بسبب الكسر السببتو ليها بقت قاسيه والدموع النزلت منها بسببي مسحت كل الحنيه الفي قلبها لي💔..انا جيت متاخر وكنت عاوز وعد القديمه وعد البتحبني وبتعمل اي شي عشاني وعد البتهتم فيني وفي اقل تفاصيلي 💔..(قصي مسك يدها وقال)..انا عارف انو انا العملتو اكبر من الغلط انا اذنبت في حقك💔..وعد انا بجد اسف من كل قلبي اسف انا جاهز اعمل اي حاجه في سبيل ترجعي لي يا وعد انا بجد ندمان بجد يا وعد💔..(قعد على ركبتو قدامها وطلع خاتم ومسك يدها وقال..) قدام كل الناس دي انا بحبك يا وعد🖤..انا عاوزك وعاوز اكمل حياتي البدت معاك والماليها طعم من غيرك🖤 ..وعد كل شي عندو فرصه تانيه حتى حبنا وعلاقتنا وانا كمان بنستاهل فرصه تانيه♥︎!..(قال اخر كلمه ولبسها الخاتم😭🖤)..وافقي وخليني امشي بيك لي مكان بعيد مكان مافيهو غيرنا انا وانتي..*

*_#أنا نفسي بس نكون سوى انا وانتي والهوى♥︎!._*

(وعد عاينت لكل الناس الفي الصاله وكلهم كانو مبسوطين بكمية المشاعر الحلوه دي🖤🥺..وكلهم عاوزين وعد توافق كانو بهزو ليها براسهم عشان توافق هي عاينت ليهم ورجعت عاينت لي قصي ودموعها نزلو وعاينت لي الخاتم وابتسمت🖤..مسكت قصي من يدو وخلتو يقيف قدامها وقالت بكل حب..🖤)

وعد: *"وانا كمان حبيتك🖤..ولسه بحبك🖤..وحا افضل احبك🖤 انا قلبي بحسو بس مخلوق عشان يحبك🖤 انا قلبي لمن اختار يدق لشخص اختارك انت🖤 دق بي اسمك ورفض يدق لشخص غيرك♥︎!..حتى لمن ما كنت لي انا كنت بحبك🖤 لما كل الناس وقفو ضدك انا جيت وبقيت معاك ووعدتك اني عمري ما اسيبك وفعلا ما سبتك🖤..انا لمن اي زول يجيب سيرتك بالعاطل قدامك او وراك كنت بزعل وبقطع علاقتي بالشخص دا ..لمن انا اخترت اتخلى عن حاجه اتخليت عن كل شي عداك انت🖤..بس انت!! انت لمن اخترت تتخلى عن حاجه اخترت انك تتخلى عن وعد💔 اخترت تسيبني يا قصي💔..ياخي انت اكتر حد انا كنت باقيه عليهو وانت الوحيد في الناس اخترت تسيب صفي💔💔🥺..قلتها ليك قبل كدا لو انت خليتني انا بموت يا قصي💔 وفعلا وعد ماتت💔 القدامك دي واحده تانيه مانفسها وعد الكانت معاك زمان وعد ماتت من اللحظه النامت فيها وهي بتبكي بي صمت وضامه مخدتها عليها💔..وعد الحلوه المرحه والطيبه والحنينه ماتت ياقصي💔 وانت البنفسك قتلتها والميت عمرو ما حا يرجع يا قصي💔..انت حاتقدر تعتزر وحاتقتدر تعمل اي حاجه عشان تراضيني وارجع ليك بس مستحيل تمحي الحصل من عقلي وقلبي💔..دا (كانت بتااشر على قلبها❤) دا يا قصي ملياان بي حب كبيير ليك🖤 بس انت جرحتو وكسرتو انت خليتو ينزف ويتوجع💔 والوجع الجوا قلبي اتغلب على حبي ليك يا قصي💔 جواي بقى ماف قلب عشان احبك بيهو جواي بقى بس في قطع مكسوره بتجرح اي زول بقرب منها💔..وزي ما انت اشتقت لي وعد انا كمان اشتقت لي نفسي💔 والله اشتقت ليها💔والرجوع الانت عاوزو دا احساس صعب على قلبي وتفكير صعب على عقلي💔 بتصرفاتك يا قصي انت نهيت كل شي وانت الوحيد الحاتستحمل النتيجه💔"*

قصي بدموع مسك يدها: وعد بس فرصه واحده💔🥺
وعد فكت يدها منو وطلعت الخاتم من يدها وقالت: *حتى لو كان في فرصه الرغبه انتهت يا قصي💔..*

(مسكت يدو ختت ليهوو الخاتم وابتسمت بي ألم عاينت ليهو جوا عيونو وطلعت💔..طلعت والدموع طلعت شلال معاها💔)

*...*

*#لو جئتني لوجدتني♥︎!..يعقوب اعماهُ الفراق*
*وليس غيرك يوسفي❤!..*
__________
*#في بيت اهل وعد،*

*'في التاسعه مساء🖤..'*

*"بلسان مرام"*
جيت من المعسكر بعد غياب دام 3شهور كنت مبسووطه ومرتاحه شديد🖤..قلبي المشيت بيهو من هنا مليان بالهم والحزن الليله حاساهو خفيف شدييد🖤😴 صح يمكن ماف شي اتغير في حياتي للان بس في كتير اتغير جواي راحه كبيره حاسه فيها🖤..حاسه اني خفيفه شدييد لدرجة اني عاوزه اطير🖤 طلعنا من المعسكر انا ورزان بس رزان مشت لي اهلها طوالي لانها اشتاقت ليهم زي ما انا كمان اشتقت لي اهلي🥺💔..كنت مبسوطه بحسب في المسافات عشان اشوفهم واكون معاهم🖤..حنية ماما♥︎!..نصايح بابا♥︎!..مشاكل مراد♥︎!..ووعد ووجدي♥︎!..🖤🥺 اشتقت لكل شيي حتى البيت اشتقت ليهو..وكمان اشتقت لي *"امجد"*.. شديييد🖤🥺 وصلت وانا ماشه على باب بيتنا كنت بفكر فيهو❤ هل لسه بحيني ولا نساني💔..هل لسه بحارب عشاني ولا استسلم💔🥺..ضربت جرس الباب غمضت عيوني عشان دموعي ما تنزل فتحتهم وكان اول حاجه اشوفها قدامي♥︎!..

مرام: *امجد❤*

كانت مشاعري مخلوطه بشوق لهفه وحب وتوتر وحماس❤🥺..كنت شايفاهو قدامي زي الحلم كان في نااس كتار بس ما كنت شايفه غيرو❤..وقف قدامي من غير ما يلمسني قرب وشو وهمس لي❤..

امجد: *كفايه لعب شبابيك جيتك بالباب وبحلال ما يرضي الله ورسوله❤😉*

ابتسمت♡..كانت ابتسامة رضا فرح وحب❤ عاينت ليهو وعيوني نازله منها دموع عن جمال اللحظه ديك يا جماعه والله حاجه لاتوصف❤😞ادعو الله ان يذيقكم جميعا حلاوة هذا الشعور🥺🤲..واثنا ما انا سرحانه بي امجد وفرحتي قاطعنا صوت بقول..😂

...: لو خلصتي من حبيب القلب ممكن تسلمي علينا🙂💙

اتلفتا وكان دا مراد💙ضحكت على كلامو😂💙 وجريتو ضميتو كنت مشتاقه ليهو شدييييد💙 هو اخوي وتؤامي وصحبي والانسان الوحيد الكان جمبي من انا صغيره وللان جمبي💙🥺..بحبو شدييد وحبيتو اكتر لمن وافق على امجد🥺💙

مراد: رايك في السبرايز😉💙
مرام ابتسمت وقالت: ماف سبرايز احلى من رضاك عني💙🥺
مراد:الاخت البضحي بي حبها عشان اخوها..ليه ما كمان اخوها يتنازل عن كبرياؤ عشان ضحكتها😉💙

ضميتو شديد ودموعي نزلو وبجد كنت فرحانه شديد🥺 فكيتو وشفت وجدي قدامي انصدمت صراحه وجدي!!! متين وكيف جا😳..

وجدي: سبرايز رقم 2😉😂

ضميتو وقلت احلى سبرايز اقسم بالله صراحه كنت مشتاقه ليهو شدييد فراق 3 سنين وانا قلبي مقطووع من غيابو عننا🥺❤❤سلمت عليهو وعلى امي الدموعها ما وقفو😂❤❤ وكمان سلمت على علياء وحبيتها شديييد😍 مرت اخوي كيف ما تتحب😌❤بعد خلصت سلام امي مسكتني وقالت..

جميله: خشي واجهزي طواالي الناس ديل دايرين يعقدو❤😍
مراد: اي روميو دا شفقان😒❤

ضحكت 😂😂 هو امجد براهو الشفقان!!!!! مرتو زاتها شفقاانه🙈😂بس طبعا ما قلتها قدامهم بخجل🙊..امي قالت لي علياء تدخل معاي الغرفه وتجهزني وعلى حسب كلامهم اهل امجد شويه ويصلو😍❤..قبل ما امشي ابوي وقفني وهمس لي وقال..

جمال: مشيتي عشان تنسيهو وجيتي لقيتيهو حلالك❤

*..*
*#وماذا عن فتاة ختـمة القرآن لنسيانه..وفي عودتها تفاجأة بـ مجيئه لخطبتها❤🔕*
__________

*#عند وعد وقصي🖤..*

(طلعت ودموعها طلعت معاها🥺👩‍🦯💔بقت ماشه في الشارع براها ماعارفه روحها ماشه وين؟ كل العارفاهو انها عاوزه تبعد ..تبعد من كل شي مؤلم عاوزه تبعد وبس..💔💔واثناء ما هي ماشه في الليل براها على جو هادي جمب موج البحر ودموعها نازله سمعت صوت بعيد بقول..)

...: *واااااعد استنييي🗣💔*

(وعد وقفت وكان دا قصي💔..هي بتحاول تبعد وهو بلحق في كل المسافات عشان يصل ليها😴💜)

قصي وصلها وقف وبقى يحاول ياخد نفس بعدها اتكلم وقال بدموع: وعد💔..
وعد بدموع: قصي بليز💔💔🥺
قصي قرب منها مسك يدها وقال: وعد انا ما بقدر من غيرك والله ما بقدر💔💔
وعد: انت السبتني يا قصي💔..اترجيتك بنفس الطريقه ونفس الدموع عشان ما تخليني بس انت سبتني يا قصي💔💔
قصي:وعد انا اسف والله اسف انا اوعدك انو ما حايتكرر الحصل تاني والله💔
وعد بدموع اكتر: انا هنتا عليك يا قصي💔..والبتهون عليهو مرا حاتهون عليهو الف مره💔
قصي: وعد ابوس ايديك ما تمشي قصي القدامك دا والله ما حايقدر ماحايقدر يكمل من غيرك يا وعد انا ضعيف💔💔
وعد: الانكسار مؤلم شديد صح💔 يمكن في اللحظه دي تقدر تفهم مرارة الشعور العيشتني ليهو والانا للان بعيشو💔
قصي: فهمت والله فهمت قدر شنو انتي اتألمتي انا اتعلمت الدرس خلاص كفايه💔💔 الله يرضى عليك💔💔
(وعد قربت منو شدييد وقالت بدموع..)

قدامو💔..)

*..*

(عند وعد كانت ماشه وضامه نفسها عليها ودموعها نزلو وسرحانه في بداية قصتهم من اولها لحد ما وصلو هنا💔..صحت من شرودها على صوت  تاكسي وقفتو وطلعت فيهو سندت راسها في شباك العربيه  و..🖤 )

*"بلسان وعد"*
*..*

*~#عند العاشره مساءً♥︎~*

"كنتُ *"أبحث عن ذاتي♥︎"* بداخلك.. حتى تكونت قصتنا من *"هو وهي♥︎"* ولكن لكل طريق عترات وكثُرت من اسقاطنا حتى شكوت *"إلى أين؟"* و *"إلى متى؟♥︎"* سنلتقي في الرصيف.. تألمت على قصه لم تبدأ بعد حتى نعتوني بـ *"حبة فاصولياء♥︎"* كنتُ فاشله في كل شئ بـ إستثناء حبي لك..كان لنا لقاء مره اخرى ربط بين قلوبنا كنت تراني في تصرفاتي طفله معك وانا اجل *"طفله ولكن♥︎"* كسرتُ كل  حاجز لأجل قلبك..وانت ماذا فعلت!؟ جعلتني اتألم بطريقه عجزت قصة *الخلايا النائمه والبلابل♥︎"* عن تفسيرها!.. انت اخترت ان تبتعد بطريقه مؤلمه قدمت لي بها *"جرح"* عجز قلب آخر ان يكون له *"ضماده♥︎"*  اتدري!! يا عاشقي لقد احبتُك العاشقه حد  الـ *"هوس♥︎"* واعطتك الف سبباً لتحب بها نفسك وانت ماذا فعلت!؟ قتلتها وهي على قيد الحياة جلعت لها حياة صامته وهي من الداخل بعثره من الضجيج اصبحت فتاة تضحك حيناً وتبكي كثيرا في حين آخر جعلتها تكتب قصه بعنوان *"ضجيج صامت♥︎"* لأن ما فعلته انت أماتها وأحياها أنهاها وأبداها ضجه بها وأصمتها.. وفي نهاية القصه مازالت تحبك فـ هكذا كان *"الـوعـد♥︎!."*

*..*

_____________

*#عند مرام❤*

*"بلسان مرام"*
كنت قاعده في الغرفه بهدوء من بعد ما علياء جهزتني❤..كنت مبسووطه ومرتااحه شدييد كنت ببتسم لا اراديا ما قادره اخبي فرحتي وكنت بضحك براي❤😂 سمعت صوت الجرس وتررن دي جات في قلبي❤ عرفت انو الماذون جا واهلو وصلو وهم اسي بقرو الفاتحه عشان يتوجو زواجنا انا وامجد❤😍..دموعي نزلت من الفرح❤🥺 بجد ما عرفت اشكر ربنا كيف على النعمه دي ما اهتميت لي لبسي ولا مكياجي ومشيت اتوضيت وجيت فرشت مصلايتي❤..واثنا ما هم برا بعقدو لي انا كبرتا "الله أكبر" وبديت اصلي عشان اشكر ربنا على الفرحه دي وعشان مباركة زواجنا تكون مع كلمة شكرا يا الله❤..صليت ركعتين دافئات ركعتان بي اطمئنان وراحه ركعتين اتمنيت ما يخلصو من كمية السكينه والامان الفيهم❤🥺ركعتين ابتسامتهي فيهم ما غابت ولا لحظه❤ وفي الركعه الاخيره جيت اسجد وانا متحمسه للسلام عشان اشكر ربنا❤..سجدتا سجده طويله دموعي نزلو وبكيت من الفرح في السجده دي ❤❤😭ما كنت محتاجه اوصف حاجه لانو ربنا كان فاهم جمال الشعور دا❤ وقتها اتزكرت الايه البتقول *"فضحكت فبشرناها"* .. ودي كانت اطول سجده لي في كل حياتي وعنوكمية الشعور الجميل الكان فيها❤..

*"في الصاله"*

*"بارك الله لكما وبارك عليكما وجمع بينكما بالخير❤"*

(دي كانت العباره التوج بيها الماذون علاقتهم..وامجد كان مبسوط ومتحمس شديييد ما  اهتم لي اهلو ولا اهلها بكل قوه وفخر مشى على غرفتها خلاص بقت حقتو وحلالو منو الحايوقفو؟❤😍😂..دخل ولقاها ساجده ابتسم على يساطتها وابتسم على زوجه صالحه زيها♥︎!.. مشى قعد جمبها على رجولو في الارض وهي ساجده همس ليها وقال..)

امجد: *كفاك فقد اعطاك الله وأوفاك♥︎!.*

*..*

*_بلسان الكاتبه_*
*ولكن💔..لم يكن كفاها فقد اخذها الله برضاها❤ لك الرحمه والمغفره يا مرام❤..اجل لقد ماتت 💔..ماتت وهي ساجده ماتت على حلم اطالت من انتظاره وعندما تحقق هي ذهبت💔..*

*..*
__________

*#في الصباح🖤*

*"امام القاضي💔.."*

قصي بوجع ودموع وقف قدامها امام القاضي وما كان قادر يعاين ليها💔
نطقها وقال..: *انتي طالق💔*

(وعد غمضت عيونها ودموعها نزلو💔 مسكت القلم وهي بترجف💔 وقعت اوراق طلاقها وهو كمان وقع💔 وبكدا حتى قصتهم التي لم يسمع لها غير الصمت ضجت بنهايه قاسيه على قلوبهم💔🔕..)

__________

*#في بيت جمال*

(البعد ليلة امس اتحول من بيت عرس  الى بيت عزاء💔..بتو الكان مفروض تطلع عروس طالعه الليله على اكتاف اخوانها وابوها وزوجها جنازه💔..زوجها الانتظر اللحظه دي بفارغ الصبر عشان يضمها ويقول ليها *حلالي* انحرم منها في نفس الثانيه البقت من نصيبو💔..بي يدو الكان عاوز يحميها بيها من كل شي الليله نفس اليد دي بترمي من فوقها التراب وبتودع فيها💔..دموعو نزلو وهي تحت التراب مكفيه💔)

*_#وقصة حب طال انتظارها فـ عند التلبيه قد صمتت💔🔕_*

_________

*#عند وعد وقصي*

(بعد ما وقعو اوراقهم💔..قصي طلع زي الجسد بلا روح 💔 وكدا هم اتعادلو الاتنين بقت اجسادهم بلا روح💔👩‍🦯..وارواح عاهده على حبها فعند الكسر قد هربت حتى تكتمل قصتهم  في ارض اخرى💔🔕..)

*"عند قصي"*

(غمض عيونو وهو سايق وبتزكر في كلام وعد قبل تمشي💔💔)

*#ضجيج صامت 《20》🔕💔*
*#بقلم نفيسة جلال (عاشقة الأسود)*
*#والأخـــــــ♡ـــــير*
*ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥*​​‏​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*#الأشياء التي كنت اخشى خسارتها انا من تنازلت عنها..*
*-نهايات صـــــــامته🔕💔*
_________
*#كان حقاً أنه..*
*-ستنتهي البدايات..*
*-وسينقطع الوصال..*
*-وسنستمر واقفين..*
*#كان حقاً انه سيصمت الضجيج🔕💔*
*..*

*#بـــــــعد مرور 6سنوات*

*..*
(كان قاعد عند قبرها ماسك الورود بين يديهو ودموعو نازله💔)
امجد: مرتي♡..قدر شنو كنت متمني اقول ليك الكلمه دي وافرح بيك قدام الناس يا حلالي💙قدر شنو انتظرنا اللحظه البنتزوج فيها انا وانتي تتزكري؟؟تتزكري كيف كنتي بتخططي لي حياتنا بعد العرس حا نعمل شنو ونمشي وين💔رسمتي مشوارنا بي يدك بس مشيتي وخليتيني اكملو براي يا *مرام♡!.* كان تنتظريني بس اضمك بس احتويك واقولها ليك اقول ليك قدر شنو انا بحبك يا مرام كان توريني انها كانت لحظاتك الاخيره كان نفسي اكون جمبك وفي حضنك لحد اخر نفس يطلع منك💔ليه مشيتي من غير تسمعيها؟كنتي منتظره نتزوج كان دا حلمك واول ما اتحقق انتي مشيتي حتى قبل ما تسمعي مني كلمة بحبك♡..مرام انا حياتي معاك حلوه بس بي وجودك انتي حتى لمن انحرمنا من بعض ما استسلمت حاولت كتير لحد ما وصلت ليك ولمن بقيتي حقتي مشيتي💔..صحي الاحلام ما بتتحقق وجودنا مع بعض كان حلم خسرناهو يمكن انتي مشيتي ويمكن انتي ميته بس لسه روحك عايشه جواي كل تفاصيلك جواي انتي لسه معاي ولسه جواي يا مرام😔❤..ولو يمروو عليك الف سنه مستحيل احب بت غيرك ولا اتزوج غيرك قلبي مليان بي حبو ليك ماف مكان لي بت غيرك ولا حايكون💔..(قال كلامو وعاين للورود الفي يدو وقال) شوفي جبتهم ليك *ورود النرجس♡* وعدتك اني حا املا بيتنا بيهم بس اسي مليت قبرك بيهم💔 خليهم معاك وخليهم يحكو ليك قدر شنو امجد بحبك يا مرام💙..

(ختاهم ومسح دموعو وعاين في قبرها شدييد ومشى..🚶💔)

*..*
*#هكذا..*
*"أجل هكذا تكون نهاية كل ما لا يرضي الله لقد احبو بعضهم في الاولِ حراماً من وراء الناس فاذاقهم الله مُر هذا الحب حلالاً..لا تكابرو فما انتم به الان سعداء سينتهي غدا بطريقه تتمزق بها قلوبكم انها غفله فا أفيقو💔.."*
__________
*#عند نوسه*

(كانت قاعده وقدامها دفتر مليان شخابيط كل مره تكتب وتشرط الورقه الكتبت فيها💔 في نص الجوطه والبعثره دي سرحت واتزكرت *مهند!..* دموعها نزلو مسحتم ومسكت القلم وبدت تكتب..)

*..*
*#أحببته♥︎!..*
*صديقاً..🫀🖤*
*حبيباُ..🫀🖤*
*أميراً..🫀🖤*
*سعيداً..🫀🖤*
*عشيقاً..🫀🖤*
*وتعيساً..🫀🖤*
*#أحببتهُ♥︎!..*

*..*
*#أحببتهُ♥︎!..*
*بطفولةٍ..🫀🖤*
*بجهالةٍ..🫀🖤*
*بمرارةٍ..🫀🖤*
*بقداسةٍ..🫀🖤*
*#حقاً احببته♥︎!..*

*..*
*-ثم ماذا!؟..*
*#هجرني..فهجرته💔🔕*

*#بــصمت♡..*
*"جفا الحبر بكلماته وجفت دموع الفراق..ولم يجف حبي لك ابدا♡منذ تلك الليله التي انتهى بها كل شئ في الظلام اصبح الظلام جزء اخر مني ومن كتاباتي فا بكل كلمه ستجد ألم كبير وراءها💔..ماذا فعلت انا كي يفوز كبرياءك على الحب💔.."*
_________
*#عند مراد*

*"في المطار"*

(كل العائله كانت مجتمعه بتودع فيهو💔امو وابوهو ووجدي💔..)

جميله وهي ضاماهو شديد: انا لسه ما شفيت من فراق مرام وانت عاوز تمشي يا مراد💔قطعتو قلبي بي مشيتكم يا اولادي وحا تخلوني براي💔

﴿مراد ودموعو نزلو اول ما اتزكر مرام زحا من امو مسك يدها وقال﴾

مراد: امي♡..لا المكان دا ولا البيت يا امي بقى ليهم طعم يا امي من غيرها💔 هي تومتي قبل تكون اختي يا امي💔 انا وهي اتشاركنا كل شي سوى يا امي حتى رحمك دا اتشاركناهو بس هي كانت انانيه انانيه يا امي💔مشت خلتني ماتت وما ساقتني معاها يا امي خلتني برااي وانا ضايع من غيرها💔امي صح مرام الماتت بس انا الاتعذبت يا امي كل ركن وكل مكان بزكرني بيها انا ضعيف انا تائه من غيرا يمكن انا ما بقدر اقتل نفسي والحقها بس بقدر امشي من المكان الكانت فيهو هي💔يمكن تقولو عني جبان لاني بهرب من تفاصيل مرام وزكرياتها بس والله ما قادر وانا هنا او في اي مكان تاني حا أتالم لي فراقها وكل ليله حا اقعد ابكي زي الشافع الداير امو واقول رجعو لي اختي رجعو لي مرام💔💔 حا اناديها يا امي بس هي ما حا تجي هي مشت وما حاتجي صح💔💔 انا...

(سكت ما قدر يكمل العبره خنقتو💔💔 امو انهارت في البكى💔 ابوهو قرب منو وضماهو وفتحو بيت بكى من تاني 💔)

جمال:فراقها صعب علينا كلنا بس هي مشت لي مكان احسن من هنا يا ولدي انت بس ادعي ليها هي محتاجه الدعوات دي اكتر من دموعك كفايه عليها يا مراد اتعذبت كتير انت اخوها وانت سندها ما تكون سبب يعذبها وهي ميته خليها ترتاح واستغفر ربك ليها💔

(كان بتكلم وهو لي نفسو صعبان عليهو الموقف دا💔..مراد كان ساكت وببكي بس زحا من ابوهو جاهو وجدي ضماهو ووجدي بكى..)

وجدي: على الاقل عشت معاها وعندك زكريات معاها انا ما عندي يا مراد💔 انا خسرت ماضي جميل معاها وانحرمت من مستقبل معاها💔هي صح ماتت بس حيه في قلوبنا وفي دعواتنا كمان💔
مراد:اخخ يا وجدي والله انا فاقدها شديد اخخ يا وجدي فرااقها حاار والله انا عاوز مرام يا وجدي عاوزها💔💔 😭😭

(بكو كلهم بكو دي ما اي زول المشت دي "مرام💔" وجودها كان احلى جزو جميل في حياة كل زول فيهم خصوصي مراد💔..بعد ضجه من الدموع بعثرتها زكريات مرام..سمعو اخر نداء للطياره مراد مسك شنطتو وبقى ماشي في صالة المغادره بكل صمت بعد ما نظر ليهم نظره اخيره🔕)

مراد مع نفسو: مرام♡..ما كانت اختي وبس كانت تومتي صحبتي وعدوتي وحبيبتي كانت كل شي مُر وحلو في حياتي من قمت هي كانت جمبي ومعاي في كل لحظه كنت بشوفها قبل اي زول وفجأه في لحظات بس الدنيا سرقتها مني وحرمتني منها للابد💔..ندمان ندمان على كل لحظه ضيعتها وانا ما جمبك يا مرام حتى ريحة عطرك علقانه بين تفاصيلك جواي لو عشتا عمري كلو احاول انساك ما حا اقدر بحبك يا مرام بحبك يا اختي وبحبك يا تومتي💔..

*..*
*#وعلى صالة المغادر..*
*نغادر،،ولا يغادرنا الشعور🔕💔*
_________
*#عند لجين*

(جات داخله البيت وشايله اكياس كتير في يدها دخلت وكانت الشقه ضلام برغم انو الدنيا صباح استغربت وبقت تنادي في بتها..)

لجين: ملاك يا ملاك📢وينك يا بت يا م..
( قبل تكمل كلامها سمعت صوت بقول "انا هنا" لجين اتلفتت لي مصدر الصوت ما قدرت تشوف شي مشت مكان مفتاح الكهربا جات تفتح النور وهي بتتكلم..)

لجين:دا شنو يا ملاك ليه مطفيه الاضو..

(سكتت بصدمه اول ما فتحت النور ولقت الشقه مزينه في قالب كيك في الطاوله كانت الكيكه محروقه💔😂 وفي لافته كبيره معلقه في الحيطه بس مغطيه بي قماش كبير وكانت الشقه مزينه لجين بقت تعاين وقالت بضحك)

لجين: دا شنو يا مجنونه😂❤
ملاك قامت من مكانها شالت من امها الاكياس وقالت: اقعدي♡
لجين: بس لي..
ملاك قاطعتها وهي بتسحب فيها: امي اقعدي يلا
لجين: طيب طيب قعدتا😂

(لجين قعدت ملاك مسكت يدها وقعدت جمب رجولها وابتسمت..)

لجين: يلا اشرحي لي ليه مزينه الشقه كدا😂الليله ما عيد ميلادي ولا عيد ميلادك كمان🤨
ملاك:صح..الليله ما عيد ميلاد ولا واحده فينا الليله عيد ميلاد *"إمرأه قويه❤"*
لجين بي استغراب: ما فهمت!!
ملاك بدموع وهي ماسكه يد امها: ماما♡..تزكري؟ تزكري اليوم دا هو نفسو اليوم الانتي هربتي بيهو معاي من عذاب ابوي دا نفس اليوم يا ماما الخليتي فيهو كل شي وراك وما فكرتي في شي غير انك تحميني❤ شلتيني وهربتي في ليله كلها ظلام بعد ما ضربتي ابوي ضربه قويه عشان ما يقرب مني وبعدها هربتي بي وما اهتميتي شنو ممكن يحصل فيك لو ابوي لقاك تاني في الليله ديك💔..العملتيهو انتي يا امي ما بتعملو اي مرا بتعملو *"إمرأه قويه❤"* فقط..امرأه قويه رمت كل شي وراها عشان بتها ومستقبل بتها جات مكان جديد مختلف ما بتعرف فيهو اي زول وبدت من الصفر لحد ما وصلت هنا كملت قرايتها وبقت دكتوره ومن دكتوره عاديه لي دكتوره معروفه اليوم❤..إمرأه قويه رغم كل شي قاسي حصل معاها الا انها لسه بتبتسم وتخلي كل الحوليها يبتسمو ما شكت ولا بكت الا لربها وبس ورغم كل شي بواجهه ما كانت بتلجأ لي زول هي الكانت سند للجميع لمن تميل بترجع

*#إهتـــــــــزاز*
*#(بنـات الزنزانة)*
*#بقلم:نفيسة جلال*
*#عاشــقة الأســ🖤ــود*
*#البارت الأول*

*دقيقة..دقيقة!!*

*انت كَـ كاتب لو بتحب تصدم الشخصيات الفي الروايه فَـ أنا بحب أصدمك انت شخصياً..*

-ما حا اقول ليك أقرا واستمتع
بس أقرا وإنصدم...° ^ °✓

______________

*#عند العاشرة مســـــــــــــــاء*

الوحــــــده..
التفكيـــــر..
الخــــــوف..
الزكريـــــات..

كل الفوق دا كان قاعد يتصادم جوا عقلي البقى ما قادر يتحمل كمية الافراط البتحصل في التفكير والزكريات الجواهو..

انا عايشه في عالم كامل من مئات الأشخاص ولكن كأنو عايشت براي برفقة الماضي..!!

كنت قاعده على طرف سرير باهت ومن حديد وسانده راسي على الحيطه الفيها شقوق وشخابيط في كل مكان وكنت سرحانه في سقف من كتر ما تعبان وبنقط مويه بحس انو حا يقع في راسي في أي لحظه.. لكن موش كدا احسن!؟ انو يقع وبعدها يقتلني وكدا انا برتاح..!!

بس وين الراحه في الدنيا دي!؟.. حتى ربنا في عظيم كتابهِ قال
*﴿يا أَيُّهَا الإِنسانُ إِنَّكَ كادِحٌ إِلى رَبِّكَ كَدحًا فَمُلاقيهِ﴾*

نحن راحتنا كـ مسلمين في الجنة بس..
لكن في الدنيا دي عرك وكدح بس

عاوزين تعرفو قدر شنو الهموم الانتو عايشنها دي تافهه جدا بالنسبه لي هموم غيركم؟؟
تعالو بس وخشو معاي في الجو الأنا عايشاهو دا..

كل التفكير والحوار الحصل في راسي دا انفصلت منو بصوت واحده جات وقفت جمبي وكانت بتجوط بصوت عالي وانا أصلا ما فاهمه
في شنو؟..
ودي منو؟..

-يابت انتي ما بتسمعي انا لي ساعه بتكلم معاك خلاص طرشتي؟؟

عاينت ليها وقبل أرد عليها اتكلمت واحده جمبها وقالت ليها..

=تؤتؤ عيب يا شاهيناز ما تقولي عنها طرشا يمكن هي خرسا

"قالت كدا وفكت الضحكه بصوت عالي والبتين المعاها ضحكو بسخريه"

شاهيناز رجعت عاينت لي تاني وقالت: انتي هيي مش بتكلم معاك يلا قومي سريع

عاينت ليها بي استغراب واتصلحت في قعدتي ورفعت ليها حاجبي نظام اقوم لشنو؟!!!

شاهيناز مسحت وشها بنفاذ صبر وقالت :يا الله انا من البت دي لا بجد دي شكلها طرشاء وخرساء كمان
عدن البت التانيه قلبت عيونها بملل وقالت:وريتك انا البت دي مسافة تستوعب كلامك الصباح بجي
البت التالته اسمها "سويدا" قالت بزهج: يخ عليكم الله خارجونا البت دي شكلها ما حاتقوم
شاهيناز: لا هي غصب عنها تقوم ماعلى كيفها و..
قاطعتها وقلت: وليه اقوم؟
عدن:واخيراً اتكلمت
شاهيناز ضحكت بي استهزاء وقالت:تقومي عشان انا دايره كدا يا حلوه
رفعت ليها حاجبي وقلبت عيوني بي ملل وقلت ليها: وانتي تطلعي منو ان شاء الله؟
سويدا: هيي انتي انتبهي لكلامك وماتكتري كلام وقومي سرييييع
عاينت ليها وكتفت يديني وقلت ليها: ولو رفضت اقوم؟
عدن ابتسمت بخباثه وقالت: يبقى جبتي نهايتك بي يدك

عاينت ليها وكنت عاوزه ارد قاطعتني شاهيناز وهي بتجرني من يدي

شاهيناز: عايني انا مافاضيه ليك وماعندي وقت اضيع كلام معاك قومي وبطلي كلام كتير نعستا ودايره انوم
نفضتا يدي منها وقلت ليها:  طيب تمام نعستي امشي نومي يعني لشنو جاياني ودايره تقوميني من مكاني كمان!!!

شاهيناز قربت مني ورفعت اصبعها في وشي شويه وتدخلو جوا عيوني وقالت: شوفي هنا يا حلوه كل البنات الهنا ديل بسمعو مني وبحركه واحده بس بقدر اخليهن كلهن يتلمو فيك ويسحبوك من السرير دا غصب عنك عشان كدا قومي بهدوء ومن غير مشاكل
قلت ليها بي انفعال: مشاكل؟؟.. لاحظي منو الجا للتاني ومنو بدا يجوط.. وتاني تعالي اتكلمي عن المشاكل انتي براك جيتيني وبتعملي في المشاكل

شاهيناز اتأفأفت بي ضيق وخلاص حا تطق من الغضب الظهر فيها رفعت يدها وكانت عاوزه تضربني بس حسيت بي يد زول مسك يدها عاينت للبت وكانت دي واحده من البنات الفي الغرفه واسمها...

شاهيناز عاينت ليها بغضب وقالت: *ياسمين!؟؟*
ياسمين عاينت لي ورجعت عاينت ليها فكت يدها مني وقالت: اسفه يا شاهيناز بس الموضوع ما بستاهل انك ترفعي يدك عليها وخلاص انا حا اسوقها من هنا

وقبل ااقول شي ياسمين سحبتني بقوه معاها وهي شويه صحتها كويسه عشان كدا ما قدرت اتفكى منها ومشت بي بعيد من ناس شاهيناز لحد سريرها وبسرعه نفضت يدي منها وقلت ليها بغضب: مجنونه انتي؟؟
ياسمين عاينت لي وختت يدها في راسها وقالت: لا ظاهر انتي المجنونه...عاوزه تتناقشي مع شاهيناز؟
قلت ليها بصوت عالي: اي بتناقش معاها وتبقى منو هي ان شاء الله.. براها جاتني وقومتني من مكاني وبقت تجوط وتسمعني كلام فارغ
ياسمين بهدوء وحنيه: معليش استحمليها يمكن انتي الوحيده الماعارفه طباعها عشان انتي جديده بس شاهيناز دي ماف زول بسمعها كلمه ولا في زول بقول ليها "لا" اصلا
قلت ليها: وليه ان شاء الله!!
ياسمين: اقعدي خليني احكي ليك