#የጊዜሽ እውነታ! !

(ሚካኤል አስጨናቂ)

።።።።።።።።።።።።።።።

የፎቶ ዓለም ነው!

የብልጭታ ዘመን...
ታይታ የሞላው ፥ መታበይ የሰራው

አዋቂው ብዙ ነው !

በራሱ ዛቢያ ላይ ፥ መንገድ 'ሚያቀናው።

ጎዳናው አንድ ነው!

የለም የተለየ...

ጠርጣሪው እልፍ ነው!

ገለባ ሸንትሮ ፥ ሽንብራ ያለየ።

መቅረዝ ተሸካሚው.. .

አትሮኖሱን ዘርጊው...

ባለ ጧፉ ብዙ

ባለ መጣፍ ብዙ

መድረኩ ላይ ቆሞ ፥ እኔን ስሙ 'ሚለው

እሪያው አሸን ነው!

ያሉትን አድምጦ ፥ በመንጋ 'ሚጎርፈው

#ይኸው ተመልከቺ!

ስንደዶው መች ጠፋ?

አክርማው መች ጠፋ?

ባለሙያው ብዙ

ባለ ወስፌው ብዙ

እንዴት ቢሰፋ ነው?

መሶቡ ሳያምር ፥ የሚታይ ሰበዙ?

#አየሽ!

በዚህች በጉድ ሀገር...

ቱባውን አፍታቶ ፥ ክሮቹን ወድሮ

ጋቢ ልስፋ 'ሚለው ፥ ሸማኔው ቢበዛም

ሁሉም እርቃኑን ነው!

የሞቀው ሰው የለም ፥ ውርጩም አልተረታም።


@getem
@getem
@gebriel_19

የጊዜሽ እውነታ! !
(ሚካኤል አስጨናቂ)
።።።።።።።።።።።።።።።
የፎቶ ዓለም ነው!
የብልጭታ ዘመን...
ታይታ የሞላው ፥ መታበይ የሰራው
አዋቂው ብዙ ነው !
በራሱ ዛቢያ ላይ ፥ መንገድ 'ሚያቀናው።
ጎዳናው አንድ ነው!
የለም የተለየ...
ጠርጣሪው እልፍ ነው!
ገለባ ሸንትሮ ፥ ሽንብራ ያለየ።
መቅረዝ ተሸካሚው.. .
አትሮኖሱን ዘርጊው...
ባለ ጧፉ ብዙ
ባለ መጣፍ ብዙ
መድረኩ ላይ ቆሞ ፥ እኔን ስሙ 'ሚለው
እሪያው አሸን ነው!
ያሉትን አድምጦ ፥ በመንጋ 'ሚጎርፈው
#ይኸው ተመልከቺ!
ስንደዶው መች ጠፋ?
አክርማው መች ጠፋ?
ባለሙያው ብዙ
ባለ ወስፌው ብዙ
እንዴት ቢሰፋ ነው?
መሶቡ ሳያምር ፥ የሚታይ ሰበዙ?
#አየሽ!
በዚህች በጉድ ሀገር...
ቱባውን አፍታቶ ፥ ክሮቹን ወድሮ
ጋቢ ልስፋ 'ሚለው ፥ ሸማኔው ቢበዛም
ሁሉም እርቃኑን ነው!
የሞቀው ሰው የለም ፥ ውርጩም አልተረታም።

@getem
@getem
@paappii

#፪ ነፍስ ገዳዮች!
(ሚካኤል አስጨናቂ)
።።።።።።።።።
#ይኸው ዛሬም ድረስ!
የሰንበር ሀምሳያው ፥ ገመድ ተደራርቶ
አክሊለ እሾሁ ፦
ተምሳሌት እንዲሆን ፥ ለምስክር ወጥቶ
እየደበደቡ.. .. እየቀጠቀጡ
ግጥም አሰናኝተው ዜማ የሚያወጡ
እስክስታ 'ሚወርዱ ...
ከበሮ አንጋቾች አሉ በመንገዱ።
#ደግሞም ወዲህ ማዶ !
የሙት አካል ቆዳን
እየረመረሙ እየረጋገጡ
ስልቻ አበጅተው ገበያ ሚወጡ
በካቻምና ዝናብ ...
ዛሬ አርሰናል ብለው ፥ መግለጫ ሚሰጡ
አሉ ጎዳናው ላይ ፥
ሀቅታ ነው ብለው ፥ እብለት እየሸጡ ።
#ይኸው ተመልከቺ.. .
ከነ መግላችን ፣ ከነ ሰንበራችን
እሳት ባነፈረው ፥ ተበዳይ ገላችን
ሽቱ ሆነን ለሳሎን
ለእልፍኝ ለአዳራሽ...
እጣን ናቸው ብለው ቤታቸው ሲጫጫስ
#እይ ተመልከቺ
ጌጥ ሆነን ለአያያዝ ፥ ቅንጦት ሆነን ለአማኝ
ክሩ ደምስራችን.. .ለመዝሙራት ሲቃኝ
#እይ ተመልከቺ !
ከሙት አካላችን ...
ከፍራሽ ገላችን ፥ በሸለቱት ቆዳ
ከበሮዋቸው ሆነን ፥ ዜማቸው ሲቀዳ
#እይ ተመልከቺ !
እኛ በጨመቅነው ፥ በዘራነው እንባ
ውሀ ነው ተብሎ ...
ገዳያችን ሊፀድቅ ፥ ከጥምቀት ሲገባ
#እይ ተመልከቺ!
ከስጋችን ማዶ ፥ መንፈሳችን ሲቀል
ባልዋልንበት ሜዳ ...
ኩበት ተሰብስቦ ፥ ዳቦዋቸው ሲበሰል።

@getem
@getem
@getem