#በእውቀቱ_ስዩም
.
እንደ ጊዜው መክፋት
እንደ ግፉ መስፋት
እንዳገሩ ክስመት
እንዳገሬው ጥመት
እንደሰው ጭካኔ፤ እንደ ልቡ ፍሬ
ታምር ነው መትረፍሽ ፤ ታምር ነው መኖሬ::

የበጎ ሰው ሀሳብ ፤ ሲካድ እለት በለት
ጉድጏድ ተምሶለት
ሰብእና ሲቀበር፤
በዚህ ምድር መኖር ፤ አያስመኝም ነበር::

ምድሩ ሳር ቅጠሉ፤ በስጋት ተሞልቶ
የማለዳው ሰማይ፤ እንዳንቀልባ ቀልቶ
ታረደ
ነደደ
ከዘብጥያ ወጥቶ
ዘብጥያ ወረደ
የሚል ዜና ብቻ አየሩን ሲሞላው
ሰው በገዛ ጥላው
በርግጎ ሲሸበር
በዚህ ምድር መኖር ፤አያስመኝም ነበር::

አዎ
ለጊዜውም ቢሆን፤ ግፍ ያደነዝዛል
በደል ያስተክዛል
ጊዜም ጠብን ሽሮ፤ ወደ ፊት ይጏዛል
በልብ ሰሌዳ ላይ ፤ቂም ይደበዝዛል
በነገ ያመነ
ልጁን ቀብሮ መጥቶ፤ ሚስቱን ያስረግዛል::

ይቅርታና ምህረት
ፍቅርና ህብረት
ከግፍ ጋር ፍልሚያቸው ፤ ቢሆን የሞት ሽረት
ዳገት ይወጣሉ ፤ በንጥፍጣፊ አቅም
የመኖር ፍላጎት
ዘመም ይላል እንጂ ፤ ተገርስሶ አይወድቅም::

@getem
@getem
@getem

። #እመ_መከራ።

✍[#በእውቀቱ_ሥዩም]

ኢትዮጵያ እመ መከራ
የግዜር መመራመሪያው
የስቃይ ቤተ-ሙከራ
መውደቅማ ነበር ያባት
እንደ ያሬድ እስከ ሰባት
እንደ በላ ብላቴና
የእንክርዳድ ሙልሙል እንጎቻ
የትውልዴ እጣ ፈንታ
መውደቅ፥ መውደቅ፦ መውደቅ ብቻ!

#Share
@getem
@getem
@getem

የነገው ንፋስ
_________
ያንን ገለባ ልብ፣
ከደጅ የወደቀው።
አድራሻህ ወዴት ነው፣
ብለ አጠይቀው።
የነገው ንፋስ ነው፣
መንገዱን የሚያውቀው።

@getem
@getem
@paappii

#በእውቀቱ ስዩም

🌻🌻🌻🌻🌻🌻🌻
✝️✝️✝️✝️✝️✝️✝️
🌻🌻🌻🌻🌻🌻🌻
እንኳን ለብርሃነ መስቀሉ በሠላም አደረሳችሁ

__ለአባቴ______

ሰው ብቻ አይደለህም፥ካፈር ወጥተህ ላፈር
መልእክ ነህ ሉሲፈር*
ክብርህ ማንነትህ ባመጽ የሚታፈር
የማትንበረከክ
የማትርመጠመጥ
ከባለጌ ዙፋን ፥በርጩማ የምትመርጥ፣

ያለ ባሕር ሰርጓጅ፥ያለ ሙሴ በትር
በመታገስ ብቻ ፥ባሕር የምትመትር
ካዘልከኝ ጀምሮ፥እንኮኮ ጫንቃህ ላይ
ከፍታውን እንጂ፥ዝቅታውን ላላይ
እንደንስር መጠቅሁ፥እንደ ምስራቅ በራሁ
የገዛ ክንፎቼን፥እንደ ዳንቴል ሠራሁ፤

በርግጥ ደሀ ነበርክ
ከሰላምታ በቀር፥የማታበረክት
ነጠላህ መናኛ፥ሰውነትህ የክት፤

በርግጥ ደሀ ነበርክ፥የነጣህ የጠራህ
ከጦር ሜዳ ይልቅ፥ገበያ ሚያስፈራህ
ቤሳ ባታወርሰኝ፥አወረስከኝ ትግል
የትም እንዳይጥለኝ፥ሕይወት እንደ ፈንግል፤

አባዬ ብርሃን
አባ የምስራቅ በር
ገመና ሸሻጊ፥እንደ ካባ ገበር
አባቴ ባትሆን፥ምን ይውጠኝ ነበር።


(*'ሉሲፈር' አጥቢያ ኮከብም እንደማለት ነው)

#በእውቀቱ ሥዩም
የማለዳ ድባብ
ገፅ 72

@getem
@getem
@beckyalexander

አንተው ህግ አርቃቂ
አንተው ፍርድ አፅዳቂ
የወህኒው ጠባቂ፤
ደካማው ሰለባህ በሀይልህ ስር ታስሮ
ያመልጥ ይሆን ሰብሮ? ይበቀለኝ ዞሮ
ምን ያስብ ምን ያቅድ ?
ምን ይክብ ምን ይንድ ?
ብለህ በማውጠንጠን እረፍት ከምታጣ
ምርኮኛህን ፈተህ አንተው ነፃ ውጣ ።

@getem
@getem
@paappii
#በእውቀቱ ስዩም

ድሎት እየዘሩ

#በእውቀቱ ስዩም

ይቅርብኝ ፍሪዳው፥
አልጠግብ- ባይ ይብላው
ወይኑም በፅዋ ላይ ፤ እንደ እንኮይ የቀላው
ግዴለም ይለፈኝ !

ጊዜ ምቾት ነስቶ
ምንጣፉን አንስቶ ፤
ፅናቱን ያውሰኝ
በመጋዝ ጠርዝ ላይ፤
መራመድ ከተማርኩ፤ ማንም አይመልሰኝ::

አውቃለሁ

አሳር አሻራውን፣ ግንባር ላይ ሳያትም
ድሎት እየዘሩ ፥ ድል አይመረትም ::

@getem
@getem
@beckyalexander