#ሀገርሽ....#ሀገሬ
፨፨፨፨
፨፨፨
፨፨
#አብርሀም_ተክሉ ( #መርዕድ)

ትርጉም የሰጠሽው ፥ ለብኩን መኖሬ
ሀገሬ ነሽ !! አንቺ ፥ ያድማስ መነፅሬ
ከማይሰማ ግዑዝ ፥ በዘመድ ፍለጋ ፥ እራሴን አጥሬ
ጋራ ሸንተረሩን...
ከምንጅላቴ እኩል ፥ አላውቅም ቆጥሬ ።
#አየሽ !!
በልኬ ተፈጥሮ ፥ በደም የታሰረ
ወግ ፣ ልማድ ፣ አብሮነት
ችግር ፣ ከደስታ ፥ አብሮኝ የቆጠረ
#ሀገር_ለኔ_ሰው_ነው_!!
በውስን ቦታ ላይ ፥ በጋራ ማንነት ፥ ለዝንት የሰፈረ ።
እንጂማ....
ሀገርሽ .....ሀገሬ
ጫካው እና ዱሩ
የሚፈሰው ጅረት ፥ ሳር የሞላ ምድሩ
እያለ ሚዘፍን ፥ ማማለል አስቦ
እንስሳ ነው ውዴ
ሳር እንጋጥ ብሎ ፥ የሚወጣው ደቦ።

✍ @Abr_sh

@getem
@getem
@getem

#አልገጥምም


ጦረኛ ተዋጊ
የጎሳ ነፃ አውጪ ፥ #በቀፈቀፈ አገር
ከብዕር በዘለል
ባፈሙዝ ቃታ ነው ፥ ብዙ የሚነገር
በኔ.....አገር
ሲወድ ፣ ሲጠላ
ለሀዘን ለደስታው ፥ ባሩድ እየማገ
ሲፎክር ፣ ሲሸልል ፥ በጥይት ላደገ
ካደባየው በላይ
ከመግደሉ በላይ ፥ አፈር ከከተተው
የጣለው ሲነሳ
ተኩሶ ሲስት ነው ፥ ፀፀት የሚያኝከው ።
ይህንን ስታውቂ...
አጠገቤ ቆሞ ፥ የቀኑ ጃዊሳ
አረ ጎራው ሲለኝ ......ሊሸልል ሲነሳ
ስለ #ሀገር ግጠም
ለምን ትይኛለሽ ? ሸጉበሽ ከክንዴ
ቃልሽን የሰማ...
እንጋጠም ቢለኝ
ማስታወሻ ደብተር ፥ ጋሻ ይሆናል እንዴ?

✍ #አብርሀም_ተክሉ ( #መርዕድ)

✍ @Abr_sh


@getem
@getem
@getem

#ሀገር_የከፋት_ለት
፡
በቀን ግፍ ተገፍቶ ለመሄድ ሲገደድ
ሀገር ጸንታ ሳለች ሰው ነበር ሚሰደድ።
ግን እንዲህም ደሞ
ብሶት ከሰው ወርሳ
በእንባ ድጥ ርሳ
ከጫፉም ጫፍ ደርሳ
በጨካኞች ግፊ
አገርም እንደሰው ሲላት ጥፊ ጥፊ
ጨለማን አልብሼ…
ፊቷን ለመሸሸግ ቀኔን እያስመሸሁ
እንባዋን አብሼ…
የተሰበረውን ጥንድ እግሯን እያሸሁ
በጀርባዬ አዝያት ሀገሬን ባሸሸሁ።

ገጣሚ፦ ኢዛና መስፍን

@getem
@getem
@paappii