ቀርቶብን መመለስ
ያምላክን ውለታ
በመስቀል ተሰቅለን
ቢያንስ እንዋልለት
ክፉ ልባችን ላይ
ቅንጣት ፍቅር ዘርተን።

@Birukam
#ፀሀፈ ብሩህ

@getem
@getem

(በላይ በቀለ ወያ)

በኢትዮጵያ ሰማይ ስር
ስቅለት እና ጁመአ ፣ ሲውሉ ባንድ ቀን
በስግደት በፀሎት ፣ በዱአ ማይለቀን
ምን አይነት ጋኔን ነው
በዘር በጎጥ ከፍሎን ፣ አስሮ ሚያፏቅቀን?!
።።።

@getem
@getem
@gebriel_19

     በምን ይሆን የዳንኩት? 
።።።።።።።።።።።።።።።።።።።።።።።።

ትናንት እመም አርጎኝ
የራስ ምታት ይዞኝ
በአንዲት ቅጠል ብጤ ዳብሰሽው ግንባሬን
ሞት፣ ሞት ያሰኘኝን አጣሁት ህመሜን
እኔ ግን ያልገባኝ ነገረ ብሂሉ
በአንቺ ነው የዳንኩት ወይስ በቅጠሉ? ።

@getem
@getem
@paappii

ሰለሞን ሞገስ

መሰቀሉን እንጃ
"""""""""""""""""""
አብርሃም

ህይወት ተከርብቶ
ታሪክ ተገልብጦ
በዚህ ዘመን ትውልድ፤
ለአለም ቤዛ የሆነው
ይህን ቀን ቢመጣ
ይህን ዘመን ቢወለድ..

(ቢያስተምር....)
ስለ ፍቅር ብሎ
እራሱ ዝቅ ብሎ
ተዋደዱ ብሎ...ስለ እውነት ብሎ

(ቢገስፅ...)
አትጣሉ ብሎ
ስርህና ስርሽ ገንዘብ አይሁን ብሎ
ብር አታምልክ ብሎ
አትዋሹ ብሎ

ቁጣውን ቢያሳየን
የእኛው ቤዛ ድ'ነት
ብሩን ቢበትነው
በጎቹንም ቢለቅ ገበያውን ቢያውክ

እያለም ቢናገር...
አትከፋፈሉ በጎሳ በብሄር
አታሲሩ ለሰው ተባባሉ ይቅር
ማመንዘሩም ይቅር
ስሜት አይግዛችሁ መስረቃችሁ ይቅር
ብሎ እኛን ቢያስተምር
ይሄ ዋሾ ትውልድ
ይሄ ሌባ ትውልድ
ስቆና አንጓጦ አይሰቅለውም ነበር?
(እንጃ....ብቻ)



@getem
@getem
@getem

በርባን

((እዮብ ሰብስቤ))

ይሔ ከንቱ አፌ!
‹‹በርባን›› ነው ‘ሚያባባኝ
ክርስቶስ አይደለም እኔን የሚያስነባኝ
ብሎ ይፎክርና!
መከራ አልቆስቁሶ፣ ሲቀጣው ደቁሶ
‹‹ክርስቶስ ሆይ›› ድረስ ይላል ተመልሶ፡፡

@getem
@getem
@getem

.☜አውቃለሁ ~አታውቅም☞ (በሔለን ፋንታሁን)
.
አውቃለሁ...
አልወዛም በቅባት
የምስሌ ገፅ ቀለም ፣
ባልታረዝ እንኳን...
በዘመኑ ቀሚስ
አካሌ አልደመቀም፡፡
...............
አውቃለሁ...
ከ'ነሱ አንሳለሁ
ባንተ ቀመር ስሌት ፣
ልብን ለማሸፈት
አልሆንኩም እንደ ሴት፡፡
................
አውቃለሁ...
ዕርቃን ገላ የለኝ
ቀልብን የሚነሳ ፣
በስሜት አስክሮ
ነፍስን የሚያሳሳ፡፡
...................
አውቃለሁ...
አልመረጥኩም ባይነት
ከአዳም ዘር ተርታ ፣
ስጋዬን ቸርችሬ
ለመክፈል ውለታ ፡፡
..................
አንተ ግን አታውቅም...
ሰ 'ቶ ለመቀበል
ራሴን አላረክስም ፣
አፅናኝ ለማባባት
ዕንባ አላፈስም፡፡
.................
አንተ ግን አታውቅም...
ኩሩ ሴትነቴን
የነፍሴን ልክ ጥጋት ፣
የመኖሬን ትርጉም
የኔነቴን ስሌት ፡፡
.................
አንተ ግን አታውቅም...
ስውር ቅኔነቴን
ልባም ሠውነቴን ፣
አዳኝም ገዳይም
የመሆን ጥበቤን ።
...................
አታውቅም እመነኝ
ገዳይህ እኔ ነኝ ።
~~~~//~~~~
@getem
@getem
@getem

(በላይ በቀለ ወያ)

ፍቅር ያሸንፋል እያላችሁ ፣ የምትጠሉትን አታብዙ
ገንዘብ እንጂ ቂም አትያዙ
በግ ሆናችሁ እንዳትጠፉ ፣ በተኩላ ፊት አትፍዘዙ
እጮኛሞች የሆናችሁ ፣ ባህላችሁን አትበርዙ
መንገድ ላይ ከምትሳሳሙ ፣ ጊዜያዊ አልጋ ያዙ
ባለስልጣን የሆናችሁ ፣ ከሀገር በፊት ልብ ግዙ
ጎዳና ያሉትን አትርሱ ፣ ቤት ስትሰሩ ቤት ስትገዙ
በውስኪ ከምትራጩ ፣ለምስኪኖች ውሃ ጋብዙ ።።።

መልካም ዋዜማ።

@getem
@getem
@getem

...የጌታ ትንሳኤ...
ከተከመረብን የመከራ ህንፃ
እሱ ቤዛ ሆኖ እኛን ሊያነፃ
የኛን ሃጥያት ወስዶ የኛኑ ሞት ሊሞት
ክብሩን ትቶ ወረደ ከሰማየ ሰማያት

ግድ ነውና ሊፈፀም የአምላክ ቃሉ
ይሰቀል ይሰቀል ይሰቀል እያሉ
የሚሰሩት ስራ ሳይገባቸው ቅሉ
እያንገላቱ ወሰዱት አምላክን ሊሰቅሉ

ፀሃይ በሃዘን ብዛት በጠቆረችበት
ሰማይ ባነባበት
ልክ በአርብ ዕለት
እንጨት አመሳቅለው አምላክን ሰቀሉት
እናም በዚያች ዕለት
ለአዳም ልጆች ሁሉ ሆነልን ድነት

ያኔ ሃዋርያቱን ሰብስቦ ሲያስተምር
እስከ ሞት ድረስ እኛን እንደሚያፈቅር
ከሞቱም በኧላ እንድንጠብቀው አውቀን
እነሳለው ብሎ ነበር በ3ተኛዋ ቀን
እናም
ያለ አንዳች የሃጥያት ጠባሳ
ተሰርዞ ሲያበቃ የአዳም ልጅ አበሳ
ያቺ ቅድስት ዕለት 3ተኛዋ ቀን ደርሳ
መቃብር ፈንቅሎ ጌታችን ተነሳ

እዮብ ጌታሁን

@getem
@getem
@getem

መልካም በዓል!
@Mykeyliyew

#መልካም_የፋሲካ_በዓል
@gebriel_19
@lula_al_greeko

@getem
@wegoch
@seiloch

እግዚአብሔርን የሚያምንና የሚወድ ቢኖር፥ እርሱ በዚህ አንፀባራቂና የደስታ በዓል ደስ ይበለው፡፡ ብልህ አገልጋይ ቢኖር፥ እርሱ ወደ ጌታው ሐሴት ገብቶ ዕልል ይበል፡፡

በጾም የደከመ ቢኖር፥ አሁን ደመወዙን ይቀበል፡፡ በመጀመሪያው ሰዓት ወደ አምላኩ የቀረበ ቢኖር፥ ዛሬ ሽልማቱን ይውሰድ፡፡
በሦስተኛው ሰዓት የመጣ ቢኖር፥ እርሱ በዓሉን በምስጋና ያክብር፡፡ በስድስተኛው ሰዓት የደረሰ ቢኖር፥ አይጎድልበትምና አይጠራጠር፡፡ እስከ ዘጠነኛ ሰዓት የዘገየ ቢኖር፥ ሳይጠራጠር ይቅረብ፡፡ እስከ ዐሥራ አንደኛዋ ሰዓት የዘገየ ቢኖር፥ ስለ መዘግየቱ አይደንግጥ፡፡ ጌታ ቸር ነውና፤ በመጨረሻ የመጣውንም እንደ መጀመሪያው አድርጐ ይቀበሏልና፡፡ በዐሥራ አንደኛው ሰዓት ለመጣው ከመጀመሪያው ሰዓት አንሥቶ ሲደክም ከነበረው ጋራ እኩል ይሰጧልና፡፡
መጨረሻ ለመጣው ጌታ ምሕረቱን ይለግሰዋል፤ መጀመሪያ ለመጣውም ያስብለታል፡፡ ለአንደኛው ይሰጠዋል፤ ለሌላኛውም ጸጋውን ያድለዋል፡፡ ለአንደኛው መልካም ምግባሩን ይቀበልለታል፡፡ ለሌላኛውም መልካም ፍቃዱን ይቀበልለታል፡፡ ለአንዱ ምግባሩን ያከብርለታል፤ ለሌላኛውም በቅን ልቡና የሚያደርገውን ጥረት ያደንቅለታል፡፡ ስለዚህ ኹላችሁም ወደ ጌታችሁ ደስታ ግቡ፡፡

ፊተኞች ኋለኞችም ሆይ! እኩል ደመወዛችሁን ተቀበሉ፡፡ ባለጸጐች ድኾችም ሆይ! በአንድነት ዘምሩ፡፡ እናንተ ብርቱዎች ደካሞችም ሆይ! በዓሉን አክብሩት፡፡ እናንተ የጾማችሁ መጾም ያልቻላችሁም ሆይ! ዛሬ ላይ ደስ ይበላችሁ፡፡
መሠዊያው ሙሉ ነውና ኹሉም በማዕዱ ደስ ይበለው፡፡ ፍሪዳው የሰባ ነውና አንድ ሰው ስንኳ እንደ ተራበ እንዳይሔድ፡፡ ኹላችንም የእምነት በዓሉን እንካፈል፤ ከቸርነቱና ከፍቅሩ ሀብትም እንቋደስ፡፡

ማንም ስለ ድኽነቱ አይዘን፥ ኵላዊቷ መንግሥት ተገልጣለችና፡፡ ማንም በኃጢአቱ አያንባ፥ ከመቃብሩ የይቅርታ ብርሃን ተንቦግቧልና፡፡ ማንም ሞትን አይፍራ፥ የመድኃኒታችን ሞት ከዚህ ነጻ አውጥቶናልና፡፡ ለእርስዋ በመታዘዝም ጌታ አጥፍቷታልና፡፡
በሞቱ ሞትን ገደለው፡፡ ወደ ሲዖል በመውረድ ሲዖልን በዘበዘው፡፡

ኢሳይያስም አሰምቶ እንደ ተናገረ ሲዖል ከጌታችን ጋር ፊት ለፊት ተገናኘች፤ መረራትም! ከንቱ አድርጓታልና መረራት! ሸንግሏታልና መረራት! ሽሯታልና መረራት!
ነፍሳትን ይዛ እንዳታስቀር አስሯታልና መረራት!
[መቃብር የዕሩቅ ብእሲ] ሥጋ አገኘሁ ብላ ዋጠችው፤ ስትውጠው ግን እግዚአብሔር ኾኖ አገኘችው - መረራትም!

ሞት ሆይ! መውጊያህ ወዴት አለ? ሲዖል፥ መቃብርም ሆይ! ድል መንሣትህ ይዞም ማስቀረትህ ወዴት አለ?
ክርስቶስ ተነሣ፤ ሞት ሆይ፥ አንተም ጠፋህ!
ክርስቶስ ተነሣ፣ አጋንንትም አዘኑ!
ክርስቶስ ተነሣ፤ መላእክትም ሐሴት አደረጉ!
ክርስቶስ ተነሣ፤ የሰው ሕይወትም ነጻ ወጣች!
ክርስቶስ ተነሣ፤ መቃብርም ባዶ ኾነች!
ክርስቶስ ከሙታን ተለይቶ ተነሥቶ ለአንቀላፉት ኹሉ በኵር ኾኖላቸዋልና፡፡

ቅዱስ ዮሐንስ አፈወርቅ

@getem
@wegoch

Hilew T's:
የትንሣኤ ፀሐይ ነይ ወጪ ነይ ውጪ
በዕለተ ስቅለቱ እርቃን እንደሸፈንሽ
ዛሬ በትንሣኤው ነይ ከብሩን ግለጪ

ህልው ፀጋዬ
እንኳን አደረሣችሁ
@getem
@getem

እናት
-----
በአሐቲ ግብሩ፣እግዜር ተሳሳተ
ለልጆች አድልቶ፣ለ'እናት ሰሰተ
በዝቶ ካልጠቀመ !
መናኛ ከሚያበጅ ፣ እየደጋገመ
ከሚባክን ጭቃ…
ልጆችን ቀንሶ ፣ እናት በደገመ
እንደ ሮሐ ውቅር
እንደ ደብረ ኤረር
እንደ ዙፋንህ አምድ፣አንተን ተሸካሚ
ዘላለም 'እማ' ቶድቅ
ባደረ'ካት እሷን ፣ ..እንደ ኪሩብ ቋሚ
.
« ሚኪ እንዳለ »
@MMIKU

@getem
@getem
@getem

በጭድ ላይ ጭነት
"""""""''''፠""""""""፠""""""""

ተከምሮ ቁልል ጭድ ታይቶ ለእሳት
ተቃጥሎ ከቀረ አለፉት አመታት
*
ያ ሁሉ ተንዶ... ጭድ 'ና ጭነቱ
ሞልቶ አያቅ "ክምር" ቢለኝ ባለቤቱ
*
እኔም አልኩ ታዲያ~
ከስር ከስሩ መዘህ ፣ ከላይ ተመንምኖ
ጭድ እ'የት ያቅና መክበድ ተመዝኖ?
.
@Johny_Debx

@getem
@getem
@getem

///ለሰከንድ አልኖርም///

አንድ ጊዜ በቀኝ አንድ ጊዜ በግራ
የያዝኩትን ሳሊዝ ያልያዝኩትን ልይዝ መከራ ስበላ
ጠዋቴም አለፈ መሸታው ላይ ደረስኩ
የምይዘው ጠፍቶኝ እንዲሁ እንደባዘንኩ
በዘላለም መሀል ቢጠልቅ እድሜዬ
የሚወስደውን እጅ ሳሰላው ቁጭ ብዬ
የሰከንዶች ሽርፍራፊ ደቂቃ ማይሞላ
መሆኑ ቢገባኝ ደርሶ ትርጉም የለሽ ምንም የማይረባ
የአለምን ጋጋታ ላልሰማ ቸል ብዬ
ፍለጋዬን ሁሉ ወደ ዃላ ጥዬ
ጤዛውን እድሜዬን ለእርሱ ሰዋውለት
ሰከንድን ለመኖር
ዘላለም እንዳልሞት

ግጥም-ምህረት ሻውል(Mሬ)

@Getem
@getem
@gebriel_19

# ጠይቅ !!??
¿
እውነት ማለት ውሸት
ፍቅር ማለት ተረት ፡
ፍትህ በወረቀት ፡
አለሁ ሲሉ መሞት ፡
በሆነባት መሬት ።
ቆሞ እንደ መቀመጥ ፡
ኑሮ ሲርመጠመጥ ፡
እየሄድክ የቆምከው ፡
ጠርጥር ያገሬ ሰው ፡

ሰውነት የት ሄደ ፡
ጤና የት ለመደ ።
አለሁኝ ለማለት ፡
ተኝቶ መነሳት ፡
ላይሆንህ መስካሪ ፡
ጠይቅ አንተ ኗሪ !!!
~~~~~ ~~~
መዳፌን አደማሁ በስለት ወግቼ ፡
ፍቅሬን ከተብኩልህ በፍቅር ጣቶቼ ፡
ትለኛለች # ውዴ ፡
ይታመናል እንዴ !!?
ዳቦ ለሚሻ ሆድ ለደረቀ አንጀቱ ፡
ባንቺ የፍቅር ስንኝ ይሞላል ወይ ቤቱ!!
ያንቺ የፍቅር ግጥም ፡
የራብ ቤት አይመታም ፡
ብየ እንዳልደመድም ፡
በደሌን አንፅቶ ስሜን ያስቀየረ ፡
በፍቅሩ ነው'ንጂ ዳቦው መች ነበረ ።
****
ክብሩን የቀደደ ፡
እርቃን የወለደ ፡
ሰውነት የት ሔደ !!!!!
?
ጠይቅ! ያገሬ ሰው !!!! ....
መብትህን መናድ ፡
ወረቀት ከመቅደድ ፡
አንሶ ሲታያቸው ፡
መረገጥም ሞት ነው ፡
ፈርተህ አትለፈው !!!
!!!!!!?????
****
✍
ዮናስ ፈንታው


@getem
@getem
@gebriel_19

።።።።።።ዕድር።።።።።።
(በ ብርሃን_ዘኢትዮጵያ)

ሞቱን የሚኖር ሰው
መቼ ኖሮ ያውቃል
ኑሮዉ እየከፋ
ሞቱ ግን ይደምቃል።
፨፨፨፨፨፨፨፨፨፨፨፨፨
፲፯/፲/፳፻፱

@getem
@getem

*ቋንቋ ነው *

ገና ከጥንስሱ፣
ሳለ በእሳቤ
መሰረት ሻያሻ፣እንጨት ሳያስፈልጥ፣
ጭቃ ሳያስቦካ ;ማደርያ አበጅቶ
ስጋውን ሲሰፋ፣አጥንቱን ሰክቶ
እርዳታ ሳይፈልግ፣ሳይንሳዊ ጥበብ
ማደሪያውን ብቻ፣ከሔዋን ተውሶ
መሬቷን ፈቅዳለት፣በደስታ አስረክባው
ጥበብ ሲዘራበት፣አምና ተቀብላው
የተፈጥሮን ስቃይ፣ፈቅዳ ተሰቃይታ
የጥበብን ውጤት፣ላሳየች ከስታ
ስጋን ከስጋዋ፣መንጭቀው ለይተው፣
ስቃይን አምክነው
ምድር ላስገኘችው፣
ቀድሞ ለተሰጠው፣ዕድሉ አበድረው
ቤቱን አመስግነው፣መሬቱን ንቀውት
መወለድ ቋንቋ ነው፣ብለው አቀለሉት።

ፀሃፈ ብሩህ

@getem
@getem
@Birukam

~ ~ _ _ እንዴት ብዬ ልይሽ ?_ _ ~ ~
(ያለችዉ ባህር ማዶ)
.
# ምንተስኖት_ዋቆ
.
ስሚኝ የኔ እመቤት ፣
የሳሎኔ ዉበት ፣
የህይወቴ ድምቀት ፤
.
ባካል ላላገኝሽ በረሀዉ አይሏል ፣
ከየብሱ ለጥቆ ባህሩ ተኝቷል ፣
ባህሩ ሲታለፍ ፡ አድማስ ተዘርግቷል ፡፡
.
እንዴት ብዬ ልኑር ፡ አይንሽን ሳላየዉ ፣
በሀሳብ ሸራ ላይ ፡ ገላሽን እያየዉ ፡፡
እንዴት ልቋቋመዉ ፡ የናፍቆትሽን በትር ፣
በምን ልሻገረዉ ፡ የለየንን ድንበር ? ::
.
መቼም እጅ አልሰጥም ፣
መቼም ተስፋ አልቆርጥም ፣
አይገድልም ህመም ነዉ
.. .. _ _ _ .. .. የናፍቆት ዉሀ ጥም ::
.
ተስፋ መቀመር ነዉ፡ ተራርቆ ፍቅር ፣
ፈንድቶ የማይለይ፡ በልብ ዉስጥ 'ሚቀር፡፡
ታዲያ እንዴት ልይሽ ?
ድንበሩን አልፌ ፣
ባህሩን ቀዝፌ ፣
ከሀሳብ እንድድን ፡ ገላሽን አቅፌ ፡፡
( ከንፈርሽን ስሜ ::)
.
.
.
# ተፈጠመ

@getem
@getem
@gebriel_19