የመረጥኩት
========
----------------
በበለሱ ቅጠል
በፍሬ ያገኘሁት፣
ምርጫ ሆኖ ሳለ
ግዴታ ያደረኩት።
ሞት ይሉት ጨለማ
የአለም ህይወት ገደብ፣
ወደድኩም ጠላሁም
ከሱ ባላመልጥም።
ህይወት ይሉት ስካር
ህመም ያሉትም ጣር፣
ስቃይ ያሉት ስሜት
የብቸኝነት ቃር ፣ አንዳንዴም ከሰው ጋር።

በአለም ባህር ተጠምቄ
ጨዋማነት የመረረኝ፣
ምርጫ ያጣሁ እንደሆነ
ሞትን መምረጥ የሚያሰኘኝ።
እኔ ስሱ የትብያ ልጅ፣
የሞት ፅዋ የምጎነጭ።
ምሬት በዝቶ መግቢያ ባጣ፣
ሞትን ደብል ጠጣኋታ።

ከሞት በፊት ከምርጫዬ የረሳሁት፣
ሞቼ ሄድኩኝ ከሚወደኝ አምላኬ ፊት።
የመረጥኩት፣
   ካልመረጥኩት አምላኬ ጋር አገናኘኝ፣
የመረጥኩት፣
    ከአምላኬ ጋር አለያየኝ።
ምናለ ብዘገይ።



ሞት ምርጫ አይደለም
  ግዴታ ነው።


@abela_black

@getem
@getem
@getem

እየወደድኩ ብለያትም
                 እንዳልነበር ስንት ስሳል
       "ዛሬ አትበልጥም ካንቺ አምሳል"
እያልኩሽ ይነጋል.....
በውበት የናኘ
ውበት ያከነፈው
ምስኪን ልቤን ይዤ
"ብለያትም ምንም እንኳ
ዛሬም እኮ ያምራል መልኳ
ባፈቅራትም እስአ ጥጉ
ማን ይደርሳል ከዛች እንቁ"

እላለሁ ተክዤ።

እየናፈኩ ብርቃትም
እንዳላልኳት ከኔ አትራቂ
"አትደርስም ካንቺ ፀዳል
ትበልጫለሽ ስትስቂ"
እያልኩሽ ይነጋል

ይነጋል
ይነጋል
ይነጋል

ለይስሙላ ኑሬ ከክንዶችሽ እቅፍ
የማልመው እሷን በዕውን በእንቅልፍ

ያገረሻል ቢይልፍም ፍቅሯ
አይረሳም ስር ጥንስሷ
ሌላ ቢያቅፍም ክንድ አካሌ
ትናፍቃለች ደጋግማ እሷ

ዮኒ
     ኣታን @yonatoz

@getem
@getem
@getem

(መልክ ልስራ ይቅር?)
ለጌጥ ልኑር ለውበት?
     ውስጥ አዳክሞ እላይ ኩራት
ልዋብ ለታይታ ለሰዎች እይታ?
      ላይቀርፍልኝ የእንባዬን ጠብታ
ሆዴ ባዶ ከአንጀቴ ተጋምዶ
            የኔ ይሉኝታ ጉድለቴን አይፈታ!
ልተወው ታዲያ የላይኛውን ውበት?
          ልመገባት የማምሻዬን እራት?
ይገምቱኝ በአሁኔ ገፅታ?
        ልተው  ጭንቄን ማሰብ ለይታ?
ይቦጭቁኝ በወሪያቸው?
          ያስለቅሱኝ በሳቃቸው?
      እሺ ምን ይሻላል??
  ሰው ለአይን ውበት
         ፆሙን እንዴት ያድራል??!
ግራ ገባኝ ከራሴው ስማከር
      እስኪ እናተስ መልክ ልስራ፥ ይቅር??
           ,,,,,,,,,,,,,,,,,,   #መሳይ ግርማ
@getem
@gexem
@getem

#አወቅቴ (Déjà_vu)
.
.
ለመጥለቅ ጨረሩን፥
ሲሰበስብና፥ ማልዶ ሲዘረጋ
ወጋገን ያምታታል
ብርሃን ያምታታል...አድማስ ከተጠጋ
የገባው ይንገረኝ...
እየመሸብን ነው? ወይስ እየነጋ?

By Rediet Aseffa

@getem
@getem
@paappii

አንዲት ውብ አበባ የተኮተኮተች:
መዐዛዋ ጥዑም ናርዶስ የሸተተች
አላፊ አግዳሚ መቀንጠስ ሚመኛት
ዛሬ ጠወለገች ምነው ምን አገኛት?
ጠፋ ያማረለት ጥቂት ዘመን በርካች
ከጥውልግ ጥግ አምላጭ
መልኩን አሰማምሮ ካባውን ደርቦ
እርቃን ነብሱን ገላጭ
ባይሆን መጨረሻው የሰው ልጅ ዳር ድንበር
የተኮተኮተች ያቺ ፅጌሬዳ ዛሬም ትኖር ነበር::
ብኩን ያልተረዳ አንብቦ ያልገባው
ማወቅ መረዳቱ እምነቱ ያልረባው
ሰላላ ሰው ሲያይ ደረቱን ይደቃል
የዛፍ ፍሬው መድረቅ መች አሳስቦት ያውቃል
አለም ትንሽ አለም ገፊ አለም ታካች
ምርቁዝ ቁስል ፈዋሽ ደሞ ራሷ ፈንካች
የተፈነከተ ልቡ ያባበጠ ሰንካላ ቁስለኛ
ፍሬዋን ቀጣፊ ደሞ ደሞ አድፋፊ
መሆኑ ቀማኛ
ታድያ ምን ይገርማል ውሉ አይደለ የአለም
የማለዳ ደስታ የማለዳ ውበት ጀምበር ስትጠልቅ የለም
በሳቅ በውዳሴ እሰይ እሰይ ብሎ
ቀይ ምንጣፍ አንጥፎ ውብ ቃላት ደልድሎ
ለሀገር ያሽቃብጣል ላይ ታች ይሯሯጣል
ፍሬውን ገና ሲያይ ከነ ስሩ ይቆርጣል
እናማ.....ትናንትና ያበበ ዛሬ ከደረቀ
ከለጋው ቅርንጫፍ ፍሬው ከለቀቀ
የለመለመው መስክ ድንገት ከከሰመ
ተቃናልኝ ያሉት ደግሞ ከጠመመ
ታድያ ምን ይገርማል ውሉ አይደል የአለም
የማለዳ ተስፋ የማለዳ ትጋት አመሻሽ ላይ የለም::

By kidist

@getem
@getem
@getem

ለየ - ቅል
(በላይ በቀለ ወያ)
.
.
የየግል ብሶት ፣ የየግል ችግር
የየግል ሩጫ ፣ የየግል ውድድር
የየግል ሀይማኖት ፣ የየግል ብሔር
የየግል አላህ ፣ የየግል እግዜር
የየግል ሀገር ፣ የየግል ስልጣን
የየግል መልአክ ፣ የየግል ሰይጣን
ይዘን እየወጣን...
በየ ግል ቆስለን ፣ የጋራ ፈውስ አጣን!!!

@getem
@getem
@paappii

ፍቅር ነው አውቃለሁ
።።።።።።።።።።።።።።
መራር ፅዋ በመንገዴ፣
አንቺ ነሽ ወይ የኔ ገዴ።
እንደእንቅፋት እየመታሽ፣
ህይወቴ ውስጥ ገብተሽ ወጣሽ።
ዝብርቅርቋ አንቺ አለሜ
አለሽ ስልሽ የሌለሽው፣
ቢታየኝም ባይታየኝ
ፍቅርሽ እኮ አለ እላለው።

መች መሰለሽ፣

እንደ እሳት፣
ሲያደምቀኝ ወይ ሲያሞቀኝ ፣
ሌላ ጊዜ ስታስከፊኝ፣
ንዴት ሆኖ በግለት መልክ ሲያተኩሰኝ።

ፍቅሬ ሙሉ
ከልብሽ ውስጥ የጎደለለው፣

እንዳልተውሽ፣
ተዋት የሚል ዝግ ሀሳቤን
አይምሮዬ እየተወው፣
እራኩሽ ስል፣
ሸፋፋ እግሬ
እየዞረ ካንቺ ስር ነው፣
ልቤን ካንቺ
ፍቅርሽ ካልኩት እንዳስጥለው፣
ሳሰላስል
ካንድ ሀሳብ ጋር ተገናኘሁ፣

ሀሳቡ፣

አምላክ ወዶን
ፍቅርን በሞት ከገለፀው፣

ለምን ታዲያ፣
በሞት ማግስት በፍርድ ወንበር
ወደሲኦል የምንወርደ፣
ገባኝ፣ ለካ ፍቅር ትርጓሜው
መያዝም ነው መልቀቅም ነው።

ፍቅር ይዤ ባትመረጪኝም
ምርጫሽ ይሁን ፈቅጃለሁ፣
ፍቅር ነው አውቃለው
ለወደድሽው ትቼሻለሁ፣
ፍቅር ነው አውቃለሁ
እረስቼሻለሁ ይቅር ብዬሻለሁ፣

ፍቅር ነው አውቃለሁ።


@abela_black

@getem
@getem
@getem

አለም እንደ ልቧ
ያሻትን አክብራ
ያሻትን ማሽቀንጠር፤

ህይወት ቅራቅንቦ
ዝም ብሎ ኖሮ
ዝም ብሎ መቀበር።

01|07|2017

By ኢዮብ(ዮ_ሚን)

@getem
@getem
@getem

ኩሬ ብሆንም ፥ ባህር ይሉኛል
ለዐይን ባልሞላም ፥ ውብ አርገውኛል

ከንቱ ሆኜ ሳል ፥ "አንቱ" ነው 'ምባል
ዝምታዬ እንኳ ፥ ለጉድ ተነቧል

ኧረ ይሄ ነገር ፥ ግራ ያጋባል ...
እንዴት ሁሉም ሰው ፥

በሌለኝ አቅም ይተማመናል ?
እንግዲህ እንጃ ፥
ባንቺ ልብ አልፈው ፥ ቢያዩኝ ይሆናል።

By Habtamu Hadera

@getem
@getem
@paappii

አንቺና ጨረቃ
=========
መብረቅ ብልጭ ብሎ
ምስልሽን ሲፈጥር፤
ፀሀይ ስትስቅ ነው
አንቺን የምትመስል፣
ኩልል ያለ ውሃ
ሲያይሽ ይጠራል፣
ከዋክብትን አይተሽ
ስንቴ አሽኮርምመሻል።
ጨረቃ ደግሞ አይታ፣
ካንቺ ካልተዋስኩኝ ብርሃንሽን ብላ፣
እንደዘብ ጠባቂ
አንቺን ተከትላ፣
ከአጼ ቤት ጎጆ
ገባች ሰተት ብላ።
አውቀሽ ነው ቢባልም
አሁን አምኛለሁ፣
አንቺን ለመፈለግ፤
አይደለም ጨረቃ እኔም ደክሜያለሁ።
ሰአሊ እንዳይስልሽ
ቀለምሽ አይገባም፣
ገጣሚ እንዳይገጥምሽ
ያለው ቃል አይበቃም።
ሆኖብኝ ነው እንጂ
እንደ አጼ ቤት ልጆች፣
መች እዋስ ነበረ
ዋንጫና ቁልፊቶች።
አውቃለሁኝ አዎ
በዚ ውስጥ አትቆዪም፣
በፍቅርሽ ተይዤ፤
በልቤ ብልቃጥ ውስጥ
አንቺን ባስቀምጥም፣

ሰበርሽው እሱንም፣

አንቺና ጨረቃ
ጭራሽ አትያዙም፣
ድንገት ብትያዙ፤
የያዛችሁን ነገር ከመስበር አትቀሩም፣
አንቺና ጨረቃ
መስበርን አተዉም፣
አንቺም ጨረቃም
ወደኋላ አትሉም።


@abela_black


@getem
@getem
@getem

     ( ሚስትህ የኔ እኮ ናት )

አገሬው ቢተቸኝ በገዛ ድግሴ ሳለሁ ተባርሬ ፤
ስቀህ ብታየኝም አንተ ተደስተህ ሳልፍ ተማርሬ ፤

አዎን ያንተው መውደድ የራስህ ያረካት ፤
ሳታገባት በፊት ለኔ ሚስቴ እኮ ናት ፤

      የምሬን ስነግርህ......

አብልጬ ምወዳት ከራሴ ከሁሉ ፤
ሚስትህ ሚስቴ ደሆነች ባያውቅልኝ ሁሉ ፤
የሰው ሚስት ተመኘ ይለኛል ሰው ሁሉ ።

ግዴለም ይበሉኝ እነሱ ያሻቸውን ፤
ቆርጠው ይቀጥሉ ያለ የሌለውን ፤

አንተ ግን አደራ እንዳትዘብተኝ ፤
ደርሰህ በነሱ ፊት እንዳትቦጭቀኝ ፤

ወዳጅን መቀማት ፤
በለሆሳስ ማጥቃት ፤
ሳይቆፍሩ መቅበር ፤
ያውም ባንድ ጀንበር ፤
ሙሾም ሳይወረድ ፤
ምነው ሳይረገድ ።

ሰሚ ባይሰማልኝ ባላቆም ጠበቃ፤
ይኸን ሁሉ ነገር አርገህ ስታበቃ ፤

ሚስቴን ቀማኝ ብለህ ብትሄድ አቤቱታ ፤
ለወናፍ አፍ ሁሉ ብታቀርብ ስሞታ ፤

የምሬን ነው ምልህ ዳኛውም አይፈርድም ፤
እኔ አልከሰስም እኔ አልወቀስም ፤

ከቻልክ የሚስቴ ባል ምላስህን ሰብስብ ።

#ኢዮብ_አሰፋ
@yomin1_2

@getem
@getem
@getem

እናፍቅሽ ይሆን

~ ~ ~ ~ ~ ~
ስቀሽ ስትለይኝ ስትሄጅ ካጠገቤ
ስትሰናበቺ ከሚወጅሽ ልቤ
ያመጣሽ ጎዳና ሲመልስሽ ወስዶ
መፋቀርን ክዶ ነግርኝ ሲሄድ መርዶ
እናፍቅሽ ይሆን ?

ታውቂው የለም እንዴ 🤔
ሀዘኔን ልረሳው መፍራቴን ልደብቅ
አጥብቄ መያዜን የቀሚስሽን ጨርቅ
ገና ሳትቀልጂ በመምጣትሽ
ብቻ እንደምፍለቀለቅ ።

ትውስ ይልሽ ይሆን ?
እናፍቅሽ ይሆን ?
እንደምሳሳልሽ ትሳሽልኝ ይሆን ?
እኔማ .....
እወድሽማለሁ አፈቅርሽማለሁ
አስብሽማለሁ ናፍቅሽማለሁ
አንቺስ አንቺ ሆዬ እናፍቅሽ ይሆን ?
እናፍቅሻለሁ ?

By ኢዮብ_አሠፋ(@yomin1_2)


@getem
@getem
@getem

( ነዳይ ... )
============

ውዴ ....

እግዜርን ፍለጋ በዱር በተራራ
ምድሩን አታስሽው
በምናኔ ጉዞ ዋሻ ለመገስገስ
እግርሽን አታንሽው
መውረድ ከጀመረ የማይቆም እምባሽን
ይቅር አታፍስሽው

ጽድቅ ያማረሽ እንደው
ነዳይ ልቤ ፊትሽ
ደጅሽ ወድቋል አንሽው !!!

By @kiyorna

@getem
@getem
@getem

#ጥርጣሬ

እጄ በካቴና፣ ታስሮ ተሸብቦ
በድን ሰውነቴ፣ በፖሊስ ታጅቦ
እስር ቤት ስነዳ ያዩኝ ሰዎች ሁሉ፣
“ያው ሌባ! ሌባ!” አሉ።

የኔን ንፅህና፣ እኔው እያወኩት
'ብዙኃን ይመውኡ!'
ምስክር እራሴን እኔ ውስጥ አጣሁት።

«እንዴት ይህ ሁሉ ሰው ይዋሻል ባንድ ቃል?
ብሰርቅ ነው 'ጂ እንግዲህ ማን ያውቃል?»

By Nureddin Issa

@getem
@getem
@paappii

የማይነቃ ውሸት
(ሳሙኤል አለሙ)

እንደ ተወዛዋዥ ግንባር
በየምሶሶው የለጠፍሽው
"አለ" የምትለው አድባር፤
ሰርክ...
መዳኑን ብቻ አስለምደሽው፤
ሰርክ...
መኖሩን ብቻ አሳይተሽው፤
ሰርክ...
ሲስቅ...ሲጫወት
ይረሳዋል!
እንደሚሞት ካልነገርሽው።

@Samuelalemuu

@getem
@getem
@getem

ቅጽርህ የእናት እቅፍ
ሸክምን የሚያራግፍ
አልተነፍስ ጸሎት አይወጣ ቃል ከአፌ
ይተናል ጭንቀቴ ስመለስ አርፌ

እመጣለሁ ደጅህ ሀሳብ አንጠልጥዬ
እገባለሁ ቅጽርህ አንገቴን ደፍቼ
መች ታዝንብኛለህ
መች ትወቅሰኛለህ በሽቅጬ ከርፍቼ

አይነድህ ድፍረቴ
አይቆጨኝ ስንፈቴ
አይበሽቅህ ስህተቴ
አይገደኝ ዝለቴ
በኦና ተግባሬ
ውድቀት አንከርፍፌ ስቆም ከነእድፌ
ምን አድርጌልህ ነው?
አክመህ ምትልከኝ በምህረት መርፌ

ከመቀመጥ በቀር
ኢምንት ታህል ድርጊት ፈጽሜ የማላውቅ
አንዲት ዘለላ እንባ
በጉንጬ ሳልሰድ እንዴት ደመቅኩ በሳቅ?
እንዴት ቻልኩ መፍገግ?
እንዴት ቻልኩ ማማር?
እሬት ህይወት ይዤ
አጣፍጥልኝ ሳልል ሳልጠይቅ የሀሴት ማር

ትዕቢት አይሉት ጥጋብ
ፍርሃት አይሉት ስጋት
ስም ያላገኘሁለት
አንዳች አሳሪ ኃይል ወርሮኝ እንደ ውጋት
አላልኩኝ እግዚኦታ አልቆምኩኝ ሰዓታት
ፈውስ አሰኝቶኝ አላደረስኩ ኪዳን
ስለረገጥኩ ብቻ
ስላረፍኩ በቤትህ ይገባኝ ነበር መዳን?
እንጃ!

ብቻ እመጣለሁ ሀሳብ አንጠልጥዬ
ደጅህ እገኛለሁ ማረኝ ቃልን ጥዬ
አርፋለሁ ካንዱ ጥግ አንገቴን ደፍቼ
መች ትቆጣኛለህ
ሰማዕቱ ጊዮርጊስ ከነእድፌ ተኝቼ

ቆይቼ
ቆይቼ
.
.
.
ቆይቼ ስነሳ
ተጋድሞ አየዋለሁ ሸክሜ እንደ ሬሳ

አልጸለየም ሳትል
አልለመነም ሳትል
አላነባም ሳትል
ይገርመኛል እኮ
ጊዮርጊስ አባቴ ጭንቀቴን ስትጥል

ይገርመኛል ቅጽርህ...
ልክ እንደ እናት እቅፍ
ደስታን 'ሚያሳቅፍ!
አባብሎ 'ሚያሳርፍ!
ሸክምን 'ሚያራግፍ!
.
.
.
እርፍ!

#ኤልዳን
@marda129

@getem
@getem
@getem

📢 NOTICE: Register Now for Xpert Training Institute’s Master Trading Program!

Are you ready to Master Trading with Experts? Xpert Training Institute, in collaboration with Jmad Capital Consultancy, presents a VIP & Mentorship Trading Program designed to equip you with essential and advanced Forex trading skills.

🔹 Programs Offered:

✅ VIP Class – Comprehensive training covering essential trading concepts.
✅ Mentorship Class (Online) – Advanced flexible learning with expert guidance from anywhere.
✅ Mentorship Class (Offline) – In-depth coaching with hands-on learning experience.

📅 Program Details:

📌 Duration: 6 Weeks
📌 Class Type: Online & Offline (Flexible Schedule)
📌 Batch Limit: Only 20 Students Per Batch

📍 Registration & Contact Information:

📞 Call Us:
📲 +251953888882
📲 +251116504000

📧 Email Us: Infinitygroupet@gmail.com

🌐 Register Now: Click Here to Register

🚀 Secure your spot today and start your journey to financial success!

Join our Telegram channel
https://tttttt.me/xpert_et

የመኖሬን ቅንጣት
በጥርሶችሽ ንጣት
ቀናውን እድሌን
በአይኖችሽ ብሌን
የነገዬን ድምቀት
በውበትሽ ስምረት
አየሁኝ ተስሎ
ነገ አንቺን መስሎ።
                 
By @poetkidus

@getem
@getem
@getem

ላይድን ቁስል፤
ጨዉ መነስነስ፤
ከድንጋይ ላይ፤
ዉሃ ማፍሰስ ፤
ለሟች ዘመድ ፤
ዳግም ማልቀስ፤
መኖር ካሉት፤
እንደዚህ ነው፤
ሳቅን ትቶ፤
መንሰቅሰቅ ነው።

By ዔደን ታደሰ

@topazionnn
@getem
@getem