የክረምት አፍቃሪ
.

አንዳንዴ በብላሽ፥
አንዳንዴ በቅናሽ፥
የምጠጣው ቡናሽ…

ይነሽጠኝና - ደጃፍሽ ላይ ቆሜ
ያቦል ቡና ድፍረት - ላዬ አገልድሜ

“ለምን ባንድ ጎጆ - ቤቱን አጫጭሰን
በረከቦት ዙሪያ - አንድ ጋቢ ለብሰን
ክፍቱን ላለ ቤቴ - እንደድስት ግጣም
ባዶዬን ሞልተሽው - ክረምቱን አንወጣም?”

ልልሽ እየዳዳኝ
በጋን ሳስብ ጎዳኝ!

በጋ ላይ ምን አለ?
ፀሐይ እየዋለ፥
አየር እየጋለ፥
ሲያልበው ያመሻል
ማን መታቀፍ ይሻል?
አንቺን ለማሳመን - ምን ሰበብ ይመጣል?
እንደክረምት ቡና - በጋስ ቤት ይጠጣል?
በምን አሞግሼ፥
ምን ብዬ ደግሼ፥
የዘውትር ደንበኛሽ - የቡና ቀበኛሽ
እንዴት ቤት ላስገባሽ - አንቺን ከነቡናሽ?

እኔ የለመድኩት - የዝናብ ቀን ቡና
አንቺን ደሞ ሳውቅሽ - ከጎንሽ ጀበና
ማታ ስትነሺ - አብሮሽ ስኒ ይነሳል
አንቺን ያለስኒ - ይከብደኛል መሣል::

ቡናም የለመድኩት - አንቺን ላይ ስመጣ
ካንቺም የተጠለልኩ - ደመናው ሲቆጣ
ዝናብ ነው ዕጣዬ
ደጃፍሽ ላይ ጣዬ።
ያጣምረን ወይ ያስጋን
አላውቀውም በጋን።
ይኾናል ወይ ላንቺ - ይሆናል ወይ ለኛ?
ኾኜ ልቀር ነው ወይ - የቡናሽ ደንበኛ?

ለስኒ፥ ጀበናሽ፥
ነፃ ሳልል ቅናሽ፥
ብቻ ከነቡናሽ፥
ከሙሉ ገመናሽ፥
ይህንን ኦና ቤት - አሟሙቂውና
እየበላን ቆሎ - እየጠጣን ቡና
ዝናብን እያየን - ተቃቅፈን ነው መክረም
ቡናሽ ካልተመቸው - ቢቀርስ መስከረም!
የዝናብን ፍቅር - ካደረቀው በጋ
አንቺ ቤቴ ገብተሽ - ክረምትስ ባይነጋ?

By abere

@getem
@getem
@paappii

ያንድ አፍቃሪ እድል


በእንባ የተረከው
በምኞት ያከከው
በፀበል ያልዳነ
ሰውን ያባከነ
ህልምን ያመከነ
ትርጉም የታጣለት  የቃል አቻ ፍቺ
የዚ ሁሉ መዘዝ   ፍቅርሽ ነበር ያንቺ


ባንቺ እጅ የተፃፈ   የፈሪ ሰው ገድል
ወዶ ገብ ለሆነው  ያንድ አፍቃሪ እድል
የመዳን የመሞት  ከሌለበት ምርጫ
አንዳንዴም መጥፋት ነው  የፍቅር መቋጫ


By kerim

@getem
@getem
@paappii

ስሚኝማ...

@ወዬ...

"እወድሻለሁ"❤️

@እኔም ውድድ ነው ማደርግህ😍

እንጃ ብቻ.....ፍቅር ነው መሰለኝ
ካንቺ ጋር ሳወራ የሚያንተባትበኝ😔

@አፈቀርከኝ እንዴ😜??

አላውቅም!...
           ትንሽ ጭንቅ ይላል
አንደበት መልስ ካጣ ፍቅር ነው ይባላል😒?

@እእእእእ....😳

አዋ...
አላውቀውም ይሄን ስሜት ምን ይሁን ምን አዲስ ነገር
ብዙ ቆንጆ ቢኖር ላንዷም እንኳን አልበገር
ያንቺን ግን እኔንጃ....ጠለቅ ይላል ጭንቀት ፍጥሩ
የነገው ሚካኤል ይኸው አንድ ወሩ

@የምርህን ነው...😳😳
ባል እንዳለኝ አያወከው

ለዛ ነው የከበደኝ 😑
ለዛ ነው ያሳበደኝ😑

ዮኒ
     ኣታን  @yonatoz

@getem
@getem
@getem

ባፈቀርኩት ሰው ስለተጎዳሁ
ባፈቀረኝ ሰው ስለተከዳሁ
ፍቅር ሚባል ቃል በሰማሁ ቁጥር
ሳጥናኤል ነው በአእምሮዬ ቋት ቀድሞ ሚሰፍር

አትፍረጅ ብስቅም
አይግረምሽ ባፌዝም
አፈቅርኃለው መባል
የልቤን ቅንጣት ስጋ ቆንጥጦ አይዝም

ትወጂኛለሽ!
እና ምን አገባኝ?
መልስ ሲፈልግ ነው
ፍቅር መስቀል አጥቶ መቀመቅ ያስገባኝ

ትጠብቂኛለሽ!
አቦ ተንቀሳቀሽ!
መከተል አይሻም
የተፈቃሪ ልብ አፍቃሪ ሳይሸሽ

ትጸልይኛለሽ!
አትሞኝ አንች ሴት
የተመኙት ዕለት
እንደዋዛ አይገኝ ሞት እና ሀሴት

ይደቁስሻል
ያበራይሻል
በፍቅር ተገን ሰይጣን ለምድ ለብሶ
ጠልተሽኝ ኑሪ
ልብሽ ይቸንከር ደም እንባ አልቅሶ

ባልጠበቀው ነው ጋኔል ሚረታ
ወደድኩህ ሳትይ
ፍቅርሽን ግለጭ ልክ እንደ ጌታ

#ኤልዳን
@eldan29

@getem
@getem
@getem

አፍሽ ውሸት ሲሸት
ንግግርሽ መቼ ገባኝ ፣
ጆሮሽ መጥፎ፥የቻይና ቃል
ምታደምጭው አይሰማኝ ፣

ከንፈርሽ የድርቅ ምች
ተቀብቶም ሚያስደነግጥ
ሰው እኮ ሞኝ ነው
ላንቺ ፀጉር እንጨት ሲልጥ

ስኬት አለሽ እንደሚሉት
ሱፍ ለብሳ ምታገሳ
ከራባትሽ ከአባትሽ ሞት
ትታያለች ተከልሳ
እንዳንቺ ተልከስክሳ...

አይንሽ ጥቁር፥ ፀጉር የለው
ብሌን የለው፥ ነጭም የለው
ለተመልካች
አይቶ አይመርጥም
ግራ አጋቢ ሸንጋራ ነው፣

ዳሌሽ ወጥ ሲርገበገብ
ህፃን ነበርሽ ገና ገና፣
ለንቋጣ ነው ላጣጥ ግርፊያ
ውበትሽን ለሚያጠና፣

ባንባ ፍሬ እዬወደቀ
ምግብ ሆኖ ቡፌ ሲቀርብ
እንጨት ፈላጭ ይሳሳታል
ምግብሽን ቀምሶ ሲጠርብ

ሆኖም ሆኖም ይወዱሻል
ቆንጆ ወንዶች በየተራ
ጡትሽን ለመታሸት
ማሳጅ ነው ያንቺ ጣራ

ይወዱሻል እነ እግዜሩ
ይወዱሻል እነ አምላኩ
የፈጠረ ሲኮራብሽ
ያልፈጠሩሽ ተሳቀቁ

@geez_mulat
ግዕዝ ሙላት

@getem
@getem
@paappii

ይህቺ ወፍ : ምስኪን መሳይ፣
ለማጅ መሣይ : አይናይኗን ሳይ፣
ያመነችኝ : አስመስላ፣
ባቅራቢያዬ : ቁጢጥ ብላ፣

ትንሽ ስቀርብ : ፀጥ ስትል፣
አሁንም ስቀርብ : ፀጥ ስትል፣
ታመንኩ ብዬ ፡ ተስፋ  ስጥል፣
ስጥል ... ስጥል፣
ብርር! - ቅጥል!

የማላልፈው መስመሬን
የማልጥሰው ልክ ድንበሬን ፡ አስብና አስብና፣
ይነካኛል መቆየቷ ፡ እኔን ሳይሆን ክንፏን ታምና።
-

By ብንያም እጅጉ

@getem
@getem
@paappii

ነበር

ነበር ምትል ቃል ዉስጥ ስንት ህመም አለ?
በልብ ቁስል ቋጥሮ ስቃይን ያዘለ
እፍኝ ተድላን አስጨብጦ ክምር ሀዘን ያስታቀፈ
ኩራዝ ትዝታን አሳይቶ ፀሐይ ተስፋን የዘረፈ
በፍቅራችን ጓዳ ከደስታችን ገዝፎ ተራራ ያከለ
ነበር ምትል ቃል ዉስጥ ስንት ህመም አለ ?


                   ዘረ-ሠናይ
           @Prince_Zeresenay


@getem
@getem
@getem

ከዘመን እስራት
ከህይወት ማደሪያ ከቀን ተቃቅሬ
ወደ ጥልቅ ሩቁ ወደታች ማትሬ

ጊዜ ከማይደፍረው
ሰው ከማይደርስበት
ሁሉም ራሱን ጥሎ
ወድቆ ከቀረበት

ርቄ ተከልዬ
በሀሳብ አንቀልባ
እርቃኔን እንዳለሁ
ልብሽ ውስጥ ልገባ

ከጅስሜ ርጋፊ
ከህልቆ ቢስ ነብሴ
ነኝ ካልኩት ወዲያ
ዳር ይዤ ከራሴ
የልጅነቴን ብሩህ ሙዚቃ
በሳቅሽ ዜማ በገላሽ ኖታ

ፍም እሳት ሆኜ
እንድጫወተው
ሌቱን በዜማ ስወተውተው
ትኩስ እንባዬ ወርዶ አቃጠለኝ
ነጋ መሰለኝ

By አዲብ

@getem
@getem
@paappii

ተስፋ አጥቻለኹ🖤

✍️Hab_Hd
🎙ሱራ 🦋

@getem
@getem
@getem

አንዲት ሴት ነበረች

ቤትና ትዳሩን
            ህይወቱን የረሳ
ዘወትር በስካር
            ዱላ የሚያነሳ
ቀን የጣለው ባሏን
            ተቋቁማ የኖረች
ወዟ የነጠፈ
             አንዲት ሴት ነበረች።
የእናትነቷን
             ቤቷን ላለመፍታት
መበደሏን ችላ
             መኖር ያታከታት
ግፍ ስለበዛባት
              ጉንተላ ግርፋት
የደም እንባን
               ማፍሰስ ሁሌም ያለጥፋት
የአብራኳን ክፋዮች
               እንቁ ልጆች ጥላ
አንድ ጨቅላ ህጻን
                በጀርባዋ አዝላ
ልብስ ሳትል ለአካል
                ጫማ ሳትል ለእግሯ
ሀገር ጥላ ጠፋች
                እናት ገራገሯ
ገደሉን ወረደች
                ተራራውን ወጣች
እንባ እያወረደች
                 ክብሯንም ስላጣች
የአንገቷ ማስገቢያ
                 አንድ ወዳጅ ስታጣ
ከጎዳና አደረች
                  ለስቃይ ተጋልጣ
እድለ ቢስ እናት
                 በድካም ስሜቷ
ረሀብ ደቁሷት
                 ባልቀመሰ አንጀቷ
ልጇን ለመመገብ
                ፍፁም ስላልቻለች
የእሷን ጥም ረስታ
                ስለ ልጇ አዝናለች
እንባ ጉንጯን ሞልቷል
ጎስቋላ አይኗ ቀልቷል

ምንም እንደማትችል
               የአቅሟን ማለቅ አምና
እጇን ዘረጋችው
              ቆመች ለልመና 
ይቺ ምስኪን እናት
ደስታ የማይቀናት

By ይቴ(@gtmwustie)

@getem
@getem
@getem

ለአባቴ

✍️©እስራኤል


በድቅድቅ ጨለማ መሐል ፣
የምትፈነጥቅ መብራቴ
በጥም በረሃብ ስቀጣ፣
የምታጠግበኝ ራቴ።
አባቴ።
ምእት ቦታ ተከፋፍለህ፣
በእኔ ሐሣብ ጭንቀት ግዞት
ነገዬን ልቦናህ አስልቶ ፣
መንፈስህ ኒሻኔን ይዞት
መቀመቅ ወርደህ በእሳት ፥
ሩህን ጠባሳ ወርሶት
አሁንም እንባህ ለእኔ ነው ፥
ችግሬ ሆድህን አብሶት
ጋሬጣ አሜኬላዬ ፥
በእግሮችህ ተሰንቅረዋል
ጫንቃና ብርቱ ክንዶችህ ፥
በሸክሜ ተዘልሰዋል
ዋጋህን በስሌት ተመን ፥
ደርሼ አልደርስበትም
አንድ ነብስ በቂው አይደለም፥
ሦስት አራት አያንስበትም።

አባቴ

ለካስ አባት በእናት አንጀት ፥
ኮስታራ ገፅ አሣይቶ
የጋተውን መራራ ሐሞት ፥
በሳቅ ግርዶሹ አቆይቶ
የብቻውን የዕንባ ጠበል ፥
በብቻ መቅደሱ ረጭቶ
መከራን በክንዱ ትግል ፥
ስቃይን ያለ ግልግል
ብቻውን የገጠመ ሰብ ፥
ምን ካሣ ይመጥነዋል
ምን ይበቃዋል ቢታሰብ።

አውላላ በረሃ መሐል፥
ለምለም መስክ የምታሳየኝ
ጭንጫ ካልኩት ህይወቴ ላይ፥
ወዛም ምንጭ የምታቆየኝ።

የእዳ መዝገቤ ሽረት፥
ድካምን ማዘናጋብህ
የህይወት ዘመኔ ተረት፤
አይኖችህ ሳይከደኑ፥
ትንፋሽህ በርዶ ሳይጠፋ፥
ጉልበትህ ሳይካዳህ በፊት
በአስታጠቀከኝ ወኔ ዝናር
ሽንፈትን ላድርገው ወንፊት
መልካም ያልሁትን መባ
ላቅርበው አባቴ አንተ ፊት።


@AdamuReta


@getem
@getem
@getem

"ባጭር ቀረን" ስንል - እድሜ ላበደሩን
ቀርፀው ላሳመሩን
ለኩሰው ላበሩን
ቺርስ!!
።።።።
ፊታችንን ዐይተው
እንደተቸገርን - ካይናችን ላወቁ
ስለማርያም ብለን
እስክንለምናቸው - ቆመው ላልጠበቁ
ቺርስ!!!
።።።።
ወድቀው ለማይጥሉ -ነግሰው ለሚያነግሱ
ነውራችንን ዐይተው
ልክ እንደ ድመት ኩስ ፣ ለሚያለባብሱ
ብድር አበድረው ፣ ፈጥነው ለሚረሱ😉
ቺርስ!!!!
።።።።።።
ላባ ላረጉልን ፣ የመከራ ሸክሙን
ቀልደው ላሳቁን ፣ ተጫውተው ላከሙን
በቸከ ዘመን ላይ...
ስጋ ለበስ ትንግርት -ሆነው ላስደመሙን
ቺርስ!!!!!
።።።።።።።።።።።
(✍️ Bewketu Seyoum )

መልካም ልደት በውቄ!!!

@getem
@getem
@paappii

ይናገራል ፎቶ-፪
...
ከኮሞዲኖው ላይ
ከግድግዳውም ላይ
አንቺኑ አንቺኑ ሳይ
ከኔ ዘንድ የቀረ ፥ ፎቶሽን ታቅፌ
ምላሽ ጠብቃለው
ይናገራል ፎቶ ፥ የሚል ግጥም ፅፌ
...
[
ይናገራል ፎቶ

ብጠብቃት ቀ.....ና.....ት
ብጠብቃት ሳ...ም...ን...ታ...ት
ብጠብቃት ወ..........ራ............ት
ብጠብቃት አ........መ.......ታ.........ት
እኔን ከማናገር ፥ ዝምታ በልጦባት
ከፎቶው ላይ ቀረች፤
ሳሎን እየዋለች ፥ ሳሎን እያደረች።

]

ወረቀቱን ቀደድኩ ፥ ግጥሙን ሰርዤው
ፎቶውን መለስኩ ፥ ከአልበሙ ሸጉጬው
...
እንግዲህ ምን ትሆኚ!
አልፎ አልፎ እየመጣ
እንግዳ ያይሻል ፥ እስረኛ ስትሆኚ።
ሲናፍቅሽ ኮሞዲኖው
ሲናፍቅሽ መደርደሪያው
ሲናፍቅሽ የትላንቱ
ታወሪኝ ይሆናል ፥ ልክ እንደ በፊቱ

ሳሙኤል አለሙ
@samuelalemuu

@getem
@getem

(በዕውቀቱ ሥዩም)

በቃኝ!!

"እሳት ሆኜ ስንድ
አንቺ ቆፈን ወርሶሽ
ሎሚ ብወረውር
እንቧይ ሆኖ ደርሶሽ
ዝምድና ሳያንሰን
እየቆየሽ ባዳ
መላመድ ሳይጎድለን
እያደርሽ እንግዳ
እንግዲህ ደህና ሁኝ!
ቁጣዬም በረደ
ምኞቴም አለፈ
ከእድሉ ጋር ታግሎ
ማነው ያሸነፈ።"

@getem
@getem
@paappii

ሲጋራ


በአንድ የሲጋራ ቁራጭ ብዙ የታፀፈ
ብዙ ታሪክ አለ በጣም የገዘፈ

አንባቢ የሌለው
ጭሱ የከለለው
ብዙ ታሪክ አለው

ብዙ ህመም አለው
ብዙ ቁስል አለው
ረግጠን ያለፍነው
ፍፁም ልብ ያላንነው


እሳት ወዳጅ አርጎ ከሰው ዘር እርቆ
ህመም የታቀፈ በጭስ ተደብቆ
መንገድ በተጣለች የሲጋራ ቁሮ
ትልቅ ሰው አያለው ከዳር ተሰንቅሮ

ህይወቱን የሰጠ ደሰታውን የሰጠ
እችን ሻማ ህይወት በሳት ያቀለጠ

በሲጋራ ፍቅር

ለምን

ሲጋራ ስለማትጎዳው
እንደ ሰው ስለማትከዳው


by kerim

@getem
@getem
@getem

እኖራለሁ ብለው
ኑረው ላኗኗሩን
ዝም አልን እያሉ
ጩኸው ለሚያስጠሩን

እገላለው ብለው
ከጫካ ደን ላሳደገን
እገላለሁ ብለው
ከሞት በሩ ላሳጠረን
አኖራለሁ ብለው
ሞቱን ደሙን አስተማረን

የራሳቸው ጉዳይ
አቦ ፍታ ላሉን
ከእርግብ ላባ አይደለም
መብራት የከለሉን

ሲባልግ ተስፋችን
ሲባልግ ኑሯችን

በዘመነ ሻንቡቅ
ምንኛ ቢሳቀቅ
የሰው ተስፋ ይሻላል
ጌታን ከመጠበቅ

የሰው ተስፋ ሞትን ይዟል
የሰው ተስፋ ይናደፋል

የጌታም ዝምታ ነው
መምጫ ቀኑ የሚረብሽ
ከእኛ እልፈት እስኪጠለሽ
ጠጋ ብሎ እየራቀ
ሳይታሰብ ባለም ሚያመሽ
'
'
@geez_mulat
ግዕዝ ሙላት

@getem
@getem
@getem

ባንድ ሀገር እየኖርን
ባንድ መንደር ሳለን ፣
ወዲያ ሲስቁ
ወዲህ እናለቅሳለን ፣

ባንድ ግቢ ሀገር
ባንድ አጥር እያለን፣
ወዲያ ድግስ ሲሆን
ተስካር እንውላለን ፣

ወዲህ ማዶ ሰባራ እንባ፣
ወዲያ ሰፈር ደስታ መባ፣
ዓለም ገፋን እንደ ዕንባ፣
ተንቀናል ተከፍተናል
እንዳብሽ አበባ ፣

ወዲያ ማዶ ሰባራ ሳቅ
ወዲህ ማዶ ሙሉ ማቅ

ንጉስ መላ ጠፍቶት
ኳስ ይጫወታል፣
ሞት ሬሳ ወገን
በስታዲየም ተኝቷል፣

ወዲህ ሲሆን፥የእግዜር ሰንበት
ሞት ይገኛል ባለንበት

ዜጎች ሁሉ ዝም አሉ
አለም ሁሉ ሸሼን፣
በውስጥ ተባይ አለ
ሁሉም አጠለሼን፣
ምንድነው ጥፋታችን
በሞትስ የታሼን

ባንድ ቤት እያለን
ማዘን ካሳቀቀን
እንግዲህ ዝም ነው
ጊዜ ያፈራርደን

@geez_mulat

ግዕዝ ሙላት

መታሰቢያነቱ

ለኢትዮጵያውያን

@getem
@getem
@getem

ከከፍታ አውርደው - ምን ቢጥሉህ ገደል
አንገት ቢያስደፋህም - ክፋት እና በደል
.
.
ለራስህ ዋስ ሁነው - ከራስህ ጋር ታገል
ቀብረነዋል ሲሉህ - አቆጥቁጠህ ብቀል

By zemelek endrias

@getem
@getem
@paappii

⨳
ብታረፍጅ...
ሀሳቤን ሰብስቤ ቃላት ሳውጠነጥን፣
ላንደበቴ ውበት ለክብርሽ ሚመጥን፣
ያው ሳቅሽ ሽልማት
ትልቅ ስጦታ አይደል?
ምን ባደርግ ይበጃል በገፍ ለመታደል?
(እያሰላሰልኩኝ..!)

...

ብታረፍጅ...
ለማንሰርከክ ፡ ስርክክ ልቤን፣
ልትንጅው ፡ ቀልብ ካቤን፣
ተውበሽ ፡ ልታፈዥኝ፣
አፌን በእጅ ፡ ልታስይዥኝ፣
ፀጉርሽን ስትነካኪ
የልብስ አይነት ስትለኪ..

(እያወቅሽ)
ሙሉ እንደሆንሽ..
በዝተሽ በዝተሽ የምትተርፊ፣
ላለመጉደል ስትለፊ፣
ያንን አርገሽ ይንን ስትረሽ፣
መስታወት ፊት ተገትረሽ፣
(እያሰብኩኝ..!)

...

ብታረፍጅ
አይነስውር እየመራሽ
ዝናብ ጥሎ እያበራሽ
ጫማሽ ድንገት ተበጥሶ
ሊስትሮ ገይ ገና አድሶ
እያሰብኩኝ..)
(እየተቁነጠነጥኩ...)

..

...ብታረፍጅ
የመምጣትሽ እምነት
የተቆጣጠረኝ ፣
ተሸራረፈና ፡ ፍርሃት ዘየረኝ።

ብትቀሪ..
የሚጨልም ፊቴ ድምቀት ፣
የጉጉቴን ከባድ ውድቀት ፣
የቀኔን መበላሸት ፣
ሳይነጋልኝ ወዲያው መምሸት፣
የደስታዬን አደራረቅ፣
ስቅል ልቤን አፈራረጥ፣
(እያሰብኩኝ)
ብትቀሪ..
ምን እንደሚውጠኝ
ስታረፍጂ ተረዳሁኝ።

እና ይልመድብሽ..
ግዴለም ሁሌ አርፍጂ
አደራሽን ( አትቅሪ እንጂ )
⨳

*ብንያም እጅጉ

@getem
@getem
@getem