#እያስጠቡ_ጥማት


በኮርማ....
በርችት
ከምንቀበለው ፥ የዘመን መባቻ
ባርቲ ቡርቲ ወሬ ፥ በወገን ጥላቻ
እንደ ሀገር ኖሮ ፥ መሞት ለየብቻ
ምን አውቅልሽ በዝቶ.....
ውሎ ማደር ፈርተን ፥ በማጀት ጉልቻ
ቀናችንን ሳናምን
ጠጥተን ሳንረካ ፥ ጎርሰን ሳንጠግብ
ዛሬ ሳያከትም ፥ ለነገ ስናስብ
የሰቀቀን ጉርሻ ፥ ደጋግሞ እያነቀን
የኑሮ ውድነት ፥ በጠኔ እየናጠን
ዝም ባለ ሰፈር ፥ በፍርሀት ተጣብቀን
በጠራራ ፀሀይ
ጨለማ አውሮን ፥ ምርኩዝ ተስፋ እያጣን
በልተን እንዳልበላ ፥ ስጋት እያከሳን
ካዲስ አመት በላይ
ካዲስ ዘመን በላይ ፥ #ሰላም_ነው_የጠማን !!!

እንጂ!!......ባይከበር ...
ወጉ ሁሉስ..... ቢቀር
አሻፈረን ብንል ፥ ዘመን መች ይቆማል ?
ሲሻው የሳት እራት ፥ አልያ ዜና ገድል
የምንከትብበት
ባለ ሶስት መቶ ገፅ ፥ ብራና ያበጃል
እድሜ እየደረበ ፥ እድሜውን ይፈጃል።


" ባለ 365 ገፅ የሰላም ዘመን ይኩንልን "
#መልካም_በዓል

#አብርሀም_ተክሉ

@Getem
@getem

#ምኞት
(!)
ሴት እናት ናት
ሴት ሀገር ናት . . . ፤
ሲሉ ሰምቼ : በአበዉ ቃል መደብር
ተፅፎ አይቼ : በሊቅ ፃፊ ብዕር
ልቤ ተመኘ : ሴትን የመሆን የሴትነትን ሚስጥር።
፥
ከዚህ ምኞት ስር
ከዚህ ብዕር ስር
ከዚህ ግጥም ስር ፣
ሴት እህት : ሴት ሚስት ናት
ሴት እናት : ሴት ሀገር ናት
ቢባልም፣
ወንድ አባት ነዉ . . . ይህን አስተዉል ሀቁ አይካድም።
፥
ቢካድም፣
የዚህ ብዕር አባት ፡ ራሱ ወንድ ነዉ : ክህደቱን አናምንም።
፥
ብናምንም፣
የሴትን እህት ሚስትነት
የሴትን እናት ሀገርነት
በፍፁም አንክድም።
፥
ብንክድም፣
የሴት ሀቅ ዘለን ፡ የከሃዲን ክህደት : በፍፁም አናምንም።
፥
እናም ይህን ምታምን አምላክ . . . . .
ሴት ሆኜ እንድቆም ሀገር ሆኜ እንዳብብ ጮክ ብዬ እንድታይ ከሰማይ ግድግዳ
#ሰላም_ልምላሜ #ጀግንነት እንዳሳይ ማህፀኔም ቅን ወልዳ . . .

እባክህን ጌታ
ሴት አ'ርገኝና መቼም የማ'ረሳዉ ዋልልኝ ዉለታ።

@getem
@getem
@getem

#@Tekuzhan

አምና እና አቻምና ተብሎ አመት አልፎ
ዛሬ ያልነው ዕለት ከታሪክ ተፅፎ
ለ አዲስ አመት በቃን !
ለአዲስ ፀደይ በቃን ! እንደ ቸርነቱ
ሰላም አይለየን ሁሌ በእየ አመቱ
.
አደይ ስትፈነድቅ ማልዳ ስትፈካ
ወቅቶች ሲቀየሩ ቀን በቀን ሲተካ
ያማሩ እንስቶች ደጃፍን ሲያደምቁ
አዛውንት እናቶች ሁሉን ሲመርቁ
ዕንቅጫ ቄጤማው !
እንጉርጉሮ ዜማው! ሲዳረስ ለሁሉ
ለአመቱ ያድርሰን ለጋ ልቦች ሲሉ
ማየቱ ሲያኮራ ማየቱ ሲያስደስት
ዘማሪው በተራው ብሎ ሲዞር ቅድስት
ምንኛ መታደል የዚህ አካል መሆን
ድሮም የነበረ አይደለም የሰሞን
.
እንደ እግዚአብሔር ፍቃድ ደርሰናል ይመስገን
በፍቅር አስውቦ ሁልጊዜም አንድ ያርገን
በአልቡታ ወሬ ማንታለልበት
ለፍቅር ለሰላም የምንዘምርበት
ቸር ቸሩን ሚያሰማ እልልታን ሚደግስ
የሁሉን አይምሮ ቀልብን የሚመልስ
ብሩክ አመት ያርገው ፀጋው አይለየን
እንዲሁ እንዳለነው በሰላም ያቆየን

እንኳን ለ 2016 የዘመን መለወጫ በሰላም እና በጤና አደረሳቹ🙏 በዓሉን ከምንም ነገር በላይ የ #ሰላም የ #መተሳሰብ የ #አንድነት ያድርግልን። እንዲሁ እንዳለነው ለዓመቱ በሰላም እና በጤና ያድርሰን🙏

              🌼🌼🌼🌼 መልካም በዓል🌼🌼🌼🌼

በ ኪሩቤል አሰፋ
@Ebuh_bhr

@getem
@getem
@paappii