آتالار  سؤزو 📝📚
                    


- آج قازانار، توخ یئیر.
- آج الینه دوشنی یئیر،  توخ آغزینا گلنی دئیر.
- آجا اورک وئرمه، چؤرک وئر.
- آج آدام آجیقلی اولار.
- آج قاریندا ایمان اولماز.
- آجلا اجلی گلن سؤیله‌شر.
- آجلیق آداما اویون اؤیره‌در.
- بیری آجیندان شالوارینی ساتیردی، دئدیلر:
نیسیه وئریرسن‌می؟
- بیتلی اَلینی قوینونا آپاردی، آج گومانا دوشدو.

#آتالارسؤزو
#تورکجه
#فولکلور
#سؤز

🌾🌾🌾

t.me/a_z_soz

Doydaq

دویداق

📕
#یازیلان_سؤز_یادگاردیر

شماره 95 فصلنامه بایرام آماده انتشار است.

دوستان، جهت تنظیم تیراژ، لطفا سفارشهای خود را اعلام بفرمایید.

👇نحوه تهیه فصلنامه بایرام شماره ۱3 (مسلسل ۹5)

🔹172 صفحه

یک جلد: صد و بیست هزار تومان

علاقمندان و متقاضیان، مبلغ مورد نظر را به شماره کارت:👇

6104337764038517

(بانک ملت - به نام علي محمدبيانی)

واريز کرده و رسيد مبلغ واريزی و آدرس محل دريافت مجله را به شماره موبايل 09127425477 (تلگرام/ اس ام اس ) یا اکانت تلگرامی @Amb1353 اعلام کنند.

اطلاعات ضروري براي مشترکين فصلنامه:

۱- آدرس دقيق پستي ۲- کدپستي ده رقمي ۳- تلفن همراه ۴- تلفن ثابت (در صورت امکان)

https://tttttt.me/Bayramzn

اوشاقلیقدا موزو/مازی اویناردیز؟
Mozu...
سیز نه دئیردیز؟

@dasbulaq


بیز تورپاق‌دان دا موزو دوزلدردیک.

#آتالار سؤزو

1 . اوکوز اوزونه کوروشنَه اکنده باشی آغرییار .
2 . کئچل درمان بیلسه اوز باشینا ائدر
3. سورودن آیریلان قوزونو قورد یئیَر
4 - قابان کیمی اوزون وئرر قاباغا

5 - تویدا اولسا تویوغون یاسیدیر یاسدا اولسا

6- گلین اوینایا بیلمز اوتاق اگری دیر دئیه ر

7 - بیر قوتور کئچی بیر سورونو قوتور ائدر.

8 - عقیل یاشدا دئییل عقیل باشدا اولور.

9 - تولکو تولکویه بویورار تولکوده قویروغونا

10 - ارینلیگیندن آیییا دایی دئییر.

11 - آت تویله میخین یئردن چیخاردیب قاچاندا بیر یئره وورار ایکی اوزونه.

12 - آتانی گورمه سیدیم سالاما گلردیم.

13 - قورخاق ایت چوخ هورر.

14 - واختسیز بانلایان خوروزون باشین کسرلر.

15 - هر کیمین دامی چوخ اولسا قاریدا چوخ اولار.

16- آتیم آت اولونجاق یئیه سی مات اولار.

17 - نه آتیلیر نه ده اوتولور .

18 - قیز ائوی شاه ائوی .

19 - یوخسول گَییرسه دئیرلر اوس...

20 - قورددان قورخان قویون ساخلاماز .

21- ائششه یین آرپاسی چوخ دوشسه آنقیرار .

22- آغانی مالی چیخار نوکرین جانی

23 - شاه باغیشلار شاه قولو باغیشلاماز

24 -  کئچمه نامرد کورپوسوندن قوی آپارسین سئل سنی . یاتما تولکو دالداسین قوی یئسین اسلان سنی.

25 -    الده توخماق داربا وورماق   یئیدیر دمیره . گئدیب باش اگمکدن امیره .

26 - قازان قازانا دئییر آلتین قارادیر .

27 - چیراغ اوز دیبینه ایشیق سالماز

28 - ایلان چالان آلا بولا چاتیدان قورخار

29 - ائششه یین بویو چیخماز ؛   "قودوغام هله "دئیه ر

30- سَفئیین  باشیندا سویود کولو بیتمز کی

32 -  اوجا داغ قارلی اولار .

33- دایاندیغیم داغلارادا قار یاغارمیش.

34- اوغرو پیشیک الی آغاجلی گوره نده قاچار .

35 - سویود آغاجیندان سندل اولماز . هر تورپاغین دادی دوز اولماز سیندی کئچمیش قاری قیز اولماز .

36 - دوزه زاوال یوخدور .

37 -  قازمانی قیزیلداندا ساپلاسان گئدیب گَوَنین دیبین دئشًر .

38 - آتی آتین یانیندا باغلاسان بویاغیدا بیر اولماسا خویو بیر اولار .

39 - آریغ آتا قویروغدا یوکدور .

40 - آجلیق قاپیدان گلسه ایمان باجادان قاچار .

41 - یاغیشدان قورتولدوق دولویا دوشدوک .

42 - قورد یوواسیندان سوموک اسکیک اولماز.

43- آیی نین مین بیر اویونو وار بیر آرمودا گوره .

44- قارغا ایله بیر اولانین دیمدیگی  ایشی پ..  یئمک  اولار .

45 - بیر داغ آشسان بیر آرواد تاپارسان مین داغ آشسان بیر آتا آنا تاپمازسان

46 - سویون وام آخانیندان آدام یئره باخانیندان قورخ .

47 - سئویب آلان قازانار هوسه خاطیر آلان  پئشمان اولار .

48 - موغان موغان اولسا بیر قویون ایکی قوزودور .
موغان موغان اولماسا نه قویون نه ده قوزودور .

49 -  آرخاسیز کوپک قورد قاپانماز .

50 - کوک کووَر قیسیر قالار .

51 - هئچ کیم اوز قاتیغینا تورش دئمز .

52 - چوخ یئمک آز یئمکدن ده قویار .

53 - اوجوز اتین شورباسی اولماز .

54 - اوردک قاز یئریشی گئتسه جَرَلَه قالار .

55- قارین دویوران آشی گوز تانیر .

56- آغلامیانا ممه یوخدور .

57 -  تویوغون گ.. بیر یومورتا اولار سسی دونیانی دوتار .

58 - حامام سویو ایله دوست اولماز .

59 - په ایله پیلوو اولماز یاغیله دویو ایستر .

60- جوجه نی پاییزین آخیری سایارلار .

61 - دویمه آغاج قاپینی دویرلر دمیر قاپینی .

62 - قیلیج یاراسی توخدار امما دیل یاراسی توخداماز

63 - آدینی قویدون دگیرمانچی چاغیر گلسین دن کوراوغلو .

64- قیش چیخار اوزو قارالیق کوموره قالار .

65 - آج قودورغان اولار لوت اویناغان .

66 - توخون آجدان خبری اولماز .

67- قورددان قورتولدوق قولئیبانی یا توش اولدوق .

68 - آزانا یول گوستر  آجا چوره ک .

69 - قیراغینا باخ بئزین آل آناسینا باخ قیزین آل .

70 - بیر ده لی بیر داشی بیر قویویا آتار مین عقیللی اونو چیخاردانماز .

71- هر چتین لیگین سونو آسانلیقدی .

72 - یئینده قهرمانلیه یئییرسن گئدیرسن قنبره دایی دئییرسن .

73 - ایت قایا کولگه سینده یاتار دئیَه ر : اوز کولگه مدی .

74 - کونلو بالیق ایسته یه نین قیچی گره ک سودا اولسون .

75 - آدام واردی آدام لارین نقشیدی . آدام واردی حیوان اوندان یاخشی دی .

76 - قوزغون لئشه قونار .

77- ایت هورر کروان کئچر .

78 - قورددان قورخان قویون ساخلاماز .

79 - قاشین قاییران دئییلدین  گوزونده چیخارتدین .

80- یانشاقین انگین کار ییرتار .

81 - قاریشقانین یوواسینا سو دولدو دئدی : دونیانی سو آلیب .

82 - قویون قوزوسون آیاغلاماز .

83 - سو گتیرن دئییلسن گولوفلریده ایسلاتما .

84 - قوردلا یئییر  چوبانلا آغلاشیر .

85 -  یاغا یاغا سئل اولار . اوبا اوبا ایل اولار .

86 - پیس اولماسا یاخچی ده یه ری بَلله نمز

87' - گزن ایاغا داش دَگَر .

89 - شورو دری ساخلار آروادی اری .

90- صاحبازار تَلَسَر .، آرمود واختیندا یِتیشَر .

00 - ایت قورساغی یاغ ساخلاماز

گؤی اؤسگورمه توتدو یازیق اوشاخلار!

(شبسترلی معجز)

قدیم ایللر چوخ یایغین اولان مریضلیکلردن بیری «گؤی اؤسگورک» ایمیش، من بیلن بعض یئرلرده قارا اؤسگورک ده دئییلیرمیش.

@dasbulaq

اوشاقلار چوخلو گؤی اؤسگورک توتارمیشلار اونو توتان یامان اؤسگوررمیش، ائله اؤسگوررمیش دئیرمیشلر بوغازیم دلینه‌جک!
اونون دردین آزالتماق اوچون ائششک سوتو ایچیردرمیشلر.
ائششک سوتو گؤی اؤسگوره‌گه یاخچی اولار.


گؤی اؤسگورک: سیاه سرفه

ائل ایچینده بعض علاجسیز مریضلیکلرین آدین دیله گتیرمزلر، بعضا اونو بئله «قارا اولموش» کیمی دئییم ایله بیلدیررلر.

مریضلیگی قارقیشلاماق کیمین اونا «قارا اولموش»، «گؤی اولموش» دئیرلر.

@dasbulaq

#دئییملر- دیل

🔸دیلی یاغلی: خوش سٶزلرله اینسانلاری اٶز طرفینه چکیر و اٶزونه جلب ائدیر

🔸دیلی باشینا بلا: نالایق سٶزلری دانیشیب اٶزونو بلایا سالان بیری

🔸دیلی اوزون: ادب‌سیز، حددینی آشیران، حیاسیزلیق‌لا دانیشان شخص

🔸دیل باز: مقصدینه چاتماق اوچون یاغلی و یوموشاق دیل ایله اینسانلاری آلدادان کیمسه

🔸دیل بیلمز : عمومی ایفاده ده کودن، حقیقتی انکار ائدن بیری

🔸دیل تـٶکمک: مقصدینه چاتماق اوچون و یا دیگرلرینی اقناع ائتمک اوچون دالبادال و مهارت‌له دانیشماق

🔸دیل‌سیز- آغیزسیز: ایشلرینده مۆباحیثه ائتمک اوچون دیلیندن یاخشی استفاده ائتمه‌ین، اٶزونو یاخشی ایفاده ائتمک گوجونه مالیک اولمایان شخص

🔸دیل یاراسی وورماق: بیرینی سٶز ایله سانجماق، سٶیوش دئمک، کیمسه‌نین حاققیندا آجی دانیشماق، ساتاشماق، کینایه وورماق

🔸دیل آچماق: دانیشماغا باشلاماق، دانیشماق گۆجونه صاحیب اولماق

🔸دیل‌لره دۆشمک:  بیری‌نین حاققیندا دوغرو و یا یالان سٶزلر خالق دیلینده گزمک

🔸دیلی شیرین: صحبتی یاخچی و خوش اولان، دانیشیغی دینله‌یه‌نی/ قولاق وئره‌نی اووسونلایان

🔸دیلی آجی: آجی بیر دیله صاحیب اولان، ائشیدنلر سٶزلرینی دینله‌ینده راحاتسیز اولان کیمسه

🔸دیله گلمک؛ دانیشماق گوجونه صاحیب اولماق، مجازاً بیر موضودان یورولماق و اعتراض ائتمک اوچون آغزینی آچماق

🔸دیلی توتولماق: قورخو و یا دیگر سبب‌لره گوره دانیشماق قابلیتین موقتی اولاراق ایتیرمک

🔸دیلی‌نین آلتیندا بیر شئی اولماق: دئمکدن چکیندیگی و یا دئمکده زرولاندیغی بیر سٶز اولماق

🔸دیلی‌نین اوجوندا اولماق: بیر موضوع اینسانین بئین‌نین ده دیر، لاکین بیردن اونودولور و اونو یئرینه یئتیره بیلمیر

🔸دیلی‌نین آلتیندا لپه ایسلانماماق: سیرری ساخلامایان بیری، یانیتدا دانیشیلان سیرری آیری یئرده تئز اورتایا چیخاران آدام


🔸دیلی دولاشماق: قورخودان و یا آیری بیر سبب‌لره گٶره، نه دئدیگینی بیلمه‌مک، گیجلمک و دۆزگون دانیشا بیلمه‌مک

🔸دیلی- داماغی قوروماق؛ سوسوزلوقدان و یا هیجاندان آغزی قوروماق

🔸دیله چالماق: قدیمی بیر اینانج وار کی،  بیرکسین گٶزل‌لییی و قابلیّتی تعریف‌لنسه او آدام نظره گلر

🔸دیله گتیرمک: بیر موضونو آچیقلاماق، آچیق- آیدین بیر شکیلده بیلدیرمک، آنلاتماق

🔸دیلی چٶنمک/چٶنمه‌مک: یئنی بیر دیل و یا دئییمی تلفظ ائده بیلمک و یا بیلمه‌مک

🔸دیللی باشلی: دیلی ایتی اولان و سٶزونو یاخشی ایفاده ائدن بیری، جواب وئرمکدن چکینمه‌ین اینسان

🔸دیلی‌نین چۆوو چیخماق: بیر کیمسه‌نی ایناندیرماق و یا اقناع ائتمک اوچون چوخ دانیشیب و یورولماقدان کینایه‌دیر/ چۆو: میخ

🔸دیلدن دوشمک: دانیشیق گۆجونو الدن وئرمک، یورغونلوغا و باییلماغا دا ایشاره ائدر

1403/12/16


داشلی بولاق
@dashlibulaq

📚 #تاپماجا ( #چیستان ) _ 📚
                           ____
🔐 ۱_ آی گیدر آدامونان
         بیر بوقچا بادامونان
        نه دیلی وار نه آغزو
        دانوشار آدامونان.

🔐 ۲_آنا بیزه یاغ گتیر
        اینک لَری ساغ گَتیر
        چالخانماموش تولوقدان
        اَریمه میش یاغ گتیر.

🔐 ۳_آیا باخ، آختالانوب
        قاپولار تخته لَنیب
        میدانا بیر آت گَلیب
        بورنون نان نُخدا لانوب.

🔐۴_ایاقو وار اَلی یوخ
        آغوزو وار دیلی یوخ
        سووُخلاردا گَرَک دیر
        بُغازو لاب دیرَک دیر.

🔐۵_ ایاقو وار قاچا بیلمَز
        قَنَتی وار اوچا بیلمَز

🌸🌾 جواب لار 👇👇👇👇👇

۱_ کتاب
۲_ بال ( عسل )
۳_ گَمی ( قایق )
۴_ بوخارو ( بخاری )
۵_ یانوش، کَرچَنگ کالا ( خرچنگ )

#کانال_رسمی_روستای_سنگک

@channelsangak

کانالین ایلک یازیسی، پین ده اولوب ...

قدیم قیز اۆچون ائلچی گلنده، قاپیدان باجادان قۇلاق دوران قیز بئله اوْخۇرموش:

ياغيش یاغیر نم چیله‌ر
قاپيني دؤین ائلچيلر
آنام دئيير قوْي گؤره‌ک
آتام دئيير قوْي گؤره‌ک
آغزووا قوربان (اولوم) عمي!
سنده بي ديلله‌ن گؤره‌ک


گؤندرن: رضا بی 🙏🙏🙏

@dasbulaq

چرشمبه دبلریمیزدن

بو گۆنون اؤزل دبلریندن بیری قۇلاق دۇرماق و قاپیدان باجادان قۇلاق آسماق دیر، قۇلاق آسان ایسه نیت ائدیب سوْنرا بیر ائوین باجاسینا قاپیسینا (کیمسه گؤرمه‌سین) گئدیب و ائوده اوْلانلارین دانیشیغیندان اؤز نیتی اۆچون فال تۇتوب یوْرار!

اوْنا گؤره بو گۆن و بایرام گۆنلری یاخچی دانیشیب و یاوا-پیس سؤزدن، غیبتدن اۇزاقلاشماق گرک دیر! خیرلی اۆمودلو سؤزلر دئییب دانیشیب گۆلرلر!


@dasbulaq

بایرامیز موبارک اولسون

گئچن گونلریز گئچیب گلن گونلریز خوش گئچسین، ائل-طایفانیزلا، ایسته‌ینلریزله، سئونلریزله بیرلیکده بایرامیز موبارک اولسون