#قاضي_و_خوروز_حیکایه_سی

قديم زامان‌لاردا، قاضي‌نين حیطينده بير خوروز واریدی. بير گون حیطده ائشه‌لنرکن، خوروز بير (قارا پول) تاپیر. خوروز پولو ديمديیينده گوتوروب حیطين اورتاسینا قویور و بانلاماغا باشلاییر:" قوقولوقو بير دنه پول تاپمیشام! "قاضي آدام‌لارینی گونده‌ردي، پولو خوروزدان آلدیلار.

خوروز یئنه بانلادی: "قوقولوقو، قاضي منه موحتاج ايميش".

قاضي آدام‌لارینا دئدي: "آپارین خوروزون پولونو قایتارین".

خوروز پولو آلیب یئنه بانلاماغا باشلادی: "قوقولوقو، قاضي مندن قورخموش!"

قاضي یئنه اوز آدام‌لارینا دئدي: "بو خوروز مني تنگه گتيردي. گئدين، باشینی کسين، بيشيريب پيلوو اوستونه قویون. اونو یيیه‌جه‌یم".

خوروزون باشینی کسنده او یئنه برکدن بانلاییب دئدي: "قوقولوقو نه ايتي پیچاقمیش!"

خوروزون باشینی کسندن سونرا قازانا سالیب بيشيريب‌لر. خوروز قازاندا دا بانلادی "قوقولوقو، نه ايستي حامامچادیر!"

پيلووو بير بویوک نيمچه‌یه چکيب خوروزو اوستونه قویدولار. خوروز بانلادی: "نه آغجا تپه‌دير!"

قاضي خوروزو پارچالاییب یئمه‌یه باشلادی. اونو چئینه‌یيب اوداندا خوروز بانلادی: "نه دارجا کوچه‌دير!..

خوروز پيلوو قاریشیق قاضي‌نين قارنینا دوشنده بير ده بانلادی: "قوقولوقو نه لئهمه دره‌دير!"

قاضي او قدر یئدي کي، قارنی پارتلادی. خوروز قاضي‌نين قارنیندان چیخیب بانلادی: "قوقولوقو، قاضي‌نين قارنی ییرتیلدی! منيم جانیم قورتاردی!"
#تورکجه_حیکایه_لر

‏یانیلتماج

جۇماآخشامێ قارداش، جۇماآخشاملاشاجاقسان، گل جۇماآخشاملاشاق، جۇماآخشاملاشمایاجاقسان، گل جۇماآخشاملاشمایاق

‎#تورکجه_جومالار


@dasbulaq

‏بیلمیرم نجور اولوب بیز:

خرچنگه «قیرخ آیاق» دئییریک

قیرخ آیاغا «قولاغا گیرن»؟!

تورکجه دیلیمیزده خرچنگ معادلی «چایان» و «یان قیلینجا» دئییلیر و آنجاق چایان سؤزجوگون هله ده اونوتمامیشیق: آیان-چایان دا ایشله‌دیریک

آیان-چایان دانیشماق: پرت و بلا گفتن و ...

‎#تورکجه_جومالار

@dasbulaq

آتالار سؤزو

«قوربان اولوم او ‌پیسه، گئده/اؤله یئرینه یاخچی گله»

#تورکجه_جومالار

@dasbulaq

‏آتالار سؤزو

قازان دئیر دیبیم قیزیلدان‌دیر
چؤمچه دئیر بولانیب ایچیندن چیخمیشام!

‎#تورکجه_جومالار

‏دونن بیر قوجادان اؤیرندیگیم سؤزجوکلر:

دئیه گوله: گۆله-گۆله
(دئیه گوله گئده‌سن)

وئره‌نکلی: حاصل خیز، پربار
(قورددره ویره‌نکلی یئردی)

هوگل ائله‌مک: استراحت دادن، مرخصی دادن
(چوبانی اوْندا بیر هوگل ائلرلر)

‎#تورکجه_جومالار


ماحمود 👉🏾 @turkce_twitter

عاشیق عرب کرم دیلیندن بئله بیر قارغیش اوخویور:

قره مئشه هئچ توتونون توتمه‌سین!
بولبوللرین چهچه ووروب اؤتمه‌سین!

توتمک: توستوله‌مک
Tütmək: tüstüləmək
اؤتمک: اوخوماق، آواز اوخوماق
Ötmək: oxumaq

(قره مئشه کند آدی‌دیر، ‎#آتالار_سؤزو : آباد کند توستوسوندن بللی اولار.)

‎#تورکجه_فعل‌لر

@dasbulaq

هر کیم اؤز کؤچونو سورور.

Hər kim öz köçünü sürür.

هره اودو اؤز قاباغینا دئشیر.

Hərə odu öz qabağına deşir.

‎#دئییملر
‎#تورکجه

آتالار  سؤزو 📝📚
                    


- آج قازانار، توخ یئیر.
- آج الینه دوشنی یئیر،  توخ آغزینا گلنی دئیر.
- آجا اورک وئرمه، چؤرک وئر.
- آج آدام آجیقلی اولار.
- آج قاریندا ایمان اولماز.
- آجلا اجلی گلن سؤیله‌شر.
- آجلیق آداما اویون اؤیره‌در.
- بیری آجیندان شالوارینی ساتیردی، دئدیلر:
نیسیه وئریرسن‌می؟
- بیتلی اَلینی قوینونا آپاردی، آج گومانا دوشدو.

#آتالارسؤزو
#تورکجه
#فولکلور
#سؤز

🌾🌾🌾

t.me/a_z_soz