هر کیم اؤز کؤچونو سورور.

Hər kim öz köçünü sürür.

هره اودو اؤز قاباغینا دئشیر.

Hərə odu öz qabağına deşir.

‎#دئییملر
‎#تورکجه

اوشودوم ها اوشودوم
داغدان آلما داشدیم
آلماجیمى آلدیلار
منه ظولوم سالدیلار
من ظولومدن بئزارام
درین قویو قازارام
درین قویو بئش کئچی
هانی بونون ارکئگی
ارکئگ قازاندا قاینار
قنبر یانیندا اوینار
قنبر گئتدی اودونا
اودون باتدی بودونا
اودون دئییل قمیشدی
بئش بارماقیم گوموشدی
گوموشی وئردیم تاتا
تات منه داری وئردی
دارینی وئردیم قوشا
قوش منه قانات وئردی
قاناد آلدیم اوچماقا
حاق قاپیسین آچماقا
حاق قاپیسی کیلید لی
کیلید دوه بوینوندا
دوه شیروان یولوندا
شیروان یولی سولودور
سودا بالیق دولودور
شیروان یولی سر به سر
ایچینده میمون گئزر
میمونون بالالاری
منی گورجک آغلادی
اورگیمی داغلادی
تومانینا قیغلادی
تومانی دلیک – دلیک
قورباغا بولوک – بولوک
قورباغانی حقلادیم
حسن بیگه ساخلادیم
حسن بیگین نه یی وار
چاکورـ چوخور اتی وار

خالق اینانجلاری

دیرناقلاری توتاندان سونرا، اونلارین هامیسین بیر یئرلی گؤتوروب زیبیل قابینا یوخسا کوللوگه آتاردیلار، دئیردیلر کیم دیرناقلاری داغیدسا، قیامت گونو قاچاندا تیکان اولوب آیاغینین آلتینا باتاجاق.

@dasbulaq


دوز داغیدماق

کیم دوزو گؤتوروب یئره سپسه، قیامت گونو اونلاری کیپریکلریله ییغدیراجاقلار. 🙄

#اینانج

حکایت

ایکی قونشو کند واریمیش، بیر چای‌ین اوتای بوتاییندا!
بونلارین هره‌سی آیری بیر حاکمین و اؤلکه‌نین الی آلتیندا اولسلاردا گل-گئدلری واریمیش، چایی آتداییب بیر-بیرینن خیرشر ائلرمیشلر.
بیر گون کندلرین بیرینین چوبانی، او بیری کنده گئدیب اوردا آریچی‌دان بال آلماق اوچون اونون دامینا گیریر. چوبانین ایتی‌ ده اونون دالیجا گئدیر.
آریچی بال چکرکن بال‌دان یئره دامیر، بونلار چکی حسابا دورارکن ییرتیق‌دن بیر سیچان او دامان بالا گلیر، آریچی‌نین پیشیگی سیچانی گؤررکن اوستونه یومولور، سیچان ائشیگه قاچیر، پیشیک ده دالییجا، چوبانین ایتی پیشیگی گؤروب توتور بوغور، اونلارین سسینه قاپیا چیخان آریچی چکی‌داشی ایله چوبانین ایتین وورور، ایت چاتداییر. (اؤلور)
چوبان بئله گؤرجک ال آغاجین قالخیزیب آریچی‌نین باشیندان وورور، آریچی اؤلور.
های دوشور کنده گلین، اوتای‌ین چوبانی ووروب بیزیم کندین آریچی‌سی اؤلوب، یئردن دوران الینه آغاج داش گؤتوروب چوبانین اوستونه یومولوب ووروب اؤلدورورلر.
خبر اوتای کنده چاتیر، نه اوتوروبسوز او کندلی‌لر ووروب چوبانیمیزی اؤلدوردولر.
اولار دا بئل شنه، ال آغاجی، کرکی داش دمیر گؤتوروب بوتای کندین اوستونه جار گتیریرلر، اوتای بوتای ووروشوب آرالاریندا اؤلوب یارالان اولور، خبر بئیگ‌لرینه چاتیر اوردان دا خبر حاکم‌لره ... حاکم‌لر بوتایلی جاماعاتین اوتای علئیهینه و اوتایلی بوتایین علئیهینه قورشالاییب بؤیوک بیر ساواش اوچون یولا سالیرلار ... بیر آی‌دان سونرا بؤیوک بیر دوزنلیکده ایکی قوشون ساواشیب بیربیرین اؤلدوروب داغیدیب یارالی پارالی قاییدیب گئدیرلر ...
آنجاق او بئله قوشوندان کیمسه بیلمه‌دی او ساواش نه‌دن اولدو ...

#فولکلوروموز

@dasbulaq

چاراویماقلی بیر شاعیر: تورک اوغلو

۱۳۳۰ شمسی
شهریارین حیدربابایا سلام منظومه‌سی تانیتدیریلیر ...

@dasbulaq

😔😔😔
کلیپ اوزودوجودور
😔😔😔


ائل ایچینده بئله بیر سؤز وار: حاجی لئی‌لگین آرتیق بالاسی ...

آتالار سؤزو وار:
بیز دئیردیک قوشلارین فوغاراسی حاجی لئی‌لک دی، او دا ایلانی دیری-دیری اوتار.


ائل ایچینده حاجی‌ لئی‌لک چوخ رحم‌سیز قوش تانینار.


@dasbulaq

فولکلور چیست؟

تحقیق: خانم ثنافرج زاده
@el_bilimi

⭕️اۆشودوم ها اۆشودوم

روایت شعر گونه و فوْلکلوریک

"اۆشودوم ها اۆشودوم" قرنها قبل در آذربایجان ( محتملاً در سمت اردبیل) سروده شده است. در مطلب سروده شده مکانِ سیر واقعه را حدوداً راه سمت ماکو – اردبیل در آذربایجان به سمت گیلان (در برخی روایت‌ها شیروان) نشان داده شده است. آنجا که پس از گذر از پیچ و خم‌های گردنه حیران به آستارا متصل می‌شود که در آن زمان پوشیده از جنگلهای انبوه بوده و در داخل آنها میمون (طعمه مخصوص ببر) وجود داشته است که به ظّن یقین طعمه ببران و گرگان شده و نسلشان بر افتاده است.
می‌دانیم اکنون در هیچ نقطه از جنگل‌های شمال ایران میمون مشاهده نمی‌شود و نسل این جاندار باهوش بر اثر شکار حیوانات درنده و عوامل نامساعد محیطی بطورکلی در این مناطق از بین رفته است. بعضی از ابیات این شعر توسط مردمان نواحی مختلف دخل و تصرف شده و بنا به سلایق آنها تغییر داده شده است....

***

اۆشودوم! ها اۆشودوم!
داغـــدان آلما دۆشوردوم (داشێدیم)

آلمـاجێغیمی آلدێـلار
منه ظـۆلوم سالدێلار

من ظۆلومدان بئزارام
دریــن قـۇیو قـازارام

درین قــۇیو بئـش گئچی
هــــانی بــــونون ائركجی؟

ائركج قــــــازاندا قـاینار
قنبر یـانێنــــــدا اوْینــار

قنبـر گئتـدی اوْدونـا
قارغێ باتدێ بۇدونا

قـــــارغێ دَڲیـل قَمیشدی
بئـش بارمـاغێ گۆموشدی

گـۆموشو وئـردیم تاتا
تـات منـه دارێ وئردی

دارێنی سَپـــــدیم قۇشا
قـۇش منه قانات وئردی

قـاناتلاندێـــم اوچمـــاغا
حق قـاپێسین آچمـــاغا

حق قـاپێسی كلیـددی
كلیــد دَ‌وه بوْینــوندا
دَوه گیـلان یوْلوندا

گیـلان یوْلـــو بۇز باغلار
دؤره‌ســی یارپوز باغلار

اوْ یارپوزدان اۆزه‌یـــــدیم
بوْیـون باغێ دۆزه‌یـــــدیم

قارداشێمیـن توْیــــوندا
بیرجـه دابان سۆزه‌یدیم

گیلان یوْلو سَر به سَر
ایچینـده میمون گَـزَر

میمـونون بـالالارێ
منی گؤردۆ آغلادێ
تومـانینا قێغـــلادی

تۆمانی بؤلۆک بؤلۆک
آفتـابا دلیک دلیــک

آفتابـانێ حــاقلادێق
حسـن بَـڲه سـاخلادێق

حسن بَڲـییـن نه‌یی وار؟
طـویله ده بیـر آتی وار

آتێنــا آرپا ایسـتر
آرپـانێ کیملـر سـاتار؟
خـان قێزی خـانلار سـاتار!

حسن بَڲـیین نه‌یـی وار؟
یــازی یــــازان اوْغلــو وار
ایپـــک تیکــــن قێـزی وار

حسن بَی‌ییـن گـــؤی آتی
اوْ دَره‌ده کیشنــــه‌ییــــر

باجێـــسی کیلیـــم توْخویور
ایچینـــده بۆلبـول اوْخویور

@MuncuqAz
https://tttttt.me/Sancaq_media/7021

«خیرده چیلله ساییلی اولار»

بو سؤزو آنام خیردا چیلله‌نین تئز سووشوب گئدمه‌گینه اولان اینانجینا گؤره دئییر.
بیر آی گئتدی، بؤیوک چیلله اؤتور، خیردا چیلله‌ ده یاغسا دا ائله قالان قار اولماز.

@dasbulaq

گؤزل کهلیک

اوشاقلیقدا اوخوردوق:

گؤزل کهلیک هاوادادی
الیم چاتمیر یووادادی


@dasbulaq

کهلیک اوولاماق

کهلیک چوخ اوزون آرا، اوچه‌بیلمز، بو قوش چوخلو سکر (səkər) و لازم اولان چاغلار پارتلاییب اوچوب بیر آز اوزاقلاشیب گینه دۆشوب سکر!

اونا گؤره قیشدا اولاری قووالاییب یوراندان سونرا توتماق اولاردی ... یورغون قوش سون علاجی باشین قارباسیب گیزلنمک اولاردی!

یای یاز دا بو قوش سو ایچندن سونرا پارتلایانماز و یئرده گزر اوندادا بولاری قووالاییب توتاردیلار ...

سوواتلاردا جله، تپیک قورماق، یووادا توتماق و .... ده واریدی!

قاباقجا کانالدا قویدوغوم آشیق محمدیان هشتری ساری دونو هاواسین بو کهلیک عکس ایله قولاق آساق!

دیرناقلاری باتیب قانا کهلیک‌لر...

@dasbulaq

آشیق حسن محمدیان
هشتری ساری‌دونو هاواسی

آشیق حسن محمدیان جناب‌ین بو هاواسیندا کهلیگین آیاقلارینین قیرمیزی‌سینه گؤزل بیر تمثیل چکیر.

سوزمه -süzmə

بیزیم کندلرده سوزمه دئدیگیمیز آغاران حاصیلی، دیللرده فارسجا «ماست چکیده» دئین ده‌ییل!

👈آیرانی قیزدیریب قاباقدان حاضیرلانان داوار دری‌سینه/قارنینا تؤکوب قویارلار سوزوب قاتیلاشسین بعضا قاتیق یخه‌نتیسین ده اونا آرتیراردیلار، سونرا دوگونو سوت‌ده قاینادیب (سوتداش کیمی)، اونو قازانا تؤکوب اوستونه بیر آز قاتیق آرتیریب، او دری‌/قارین‌دا قاتیلاشان حاصیلی ده او قازانا تؤکوب هامیسین قاریشدیراندان سونرا، یئنی‌دن دری/قارینا قایتاریب ساخلارلار ...
قالیب ده‌یه‌نندن سونرا اونو یئیرلر.

@dasbulaq

اولمادی

بیزیم دردیمیزی بیلن اولمادی
آخدی گؤز یاشیمیز سیلن اولمادی
اوزاخدان دئدیلر قورخما بورداییق
یامان گونده یاخین گلن اولمادی

آنلامادیق سؤزون یالان دوزونو
قوردا وئردیک سوروسوینن قوزونو
فساد توتدو بوتون یئرین اوزونو
سؤزون دوزون بیزه دییَن اولمادی

بیر سیرفا آچدیلار تئز تئز یئدیلر
آللها شوکر ائله یین سیز دئدیلر
باهالیقدا مگر حیات ائدیلر؟!
کاسیبا هئچ فیکیر ائدن اولمادی

تانریدان قورخمادی ظولم ائدن ظالیم
"یانارام" خوش دئییل ظولمدن حالیم
او گئچمیش گونلری من هاردان آلیم
نقدر ظولم اولدو دینن اولمادی

جواد فضلی (یانار)

@fazlijavad6123

@dasbulaq

ال داشی ...


قاجار زامانی-اورمیه

ال داشی ایله نخوددان لپه چیخاردیب، بوغدادان یارما ائلردیلر ، ایری دوزو نارین ائدردیلر و ...

آنجاق دارتمالی نه واریدی ال داشی ایله گؤرردیلر، بوغدانی اون ائله‌مک اوچون اونو دگیرمانا آپاریب اوردا یوگودردیلر.

@dasbulaq