بورادان چوخلو لاتینجا آتالار سؤزو اوخویون.


https://az.m.wikiquote.org/wiki/Az%C9%99rbaycan_atalar_sözl%C9%99ri

نفیس:

آتامدان ائشیتدیگیم؛
پیس‌پیسا خانیم دۆشر دوه آیاغی چوققورو درین گؤله. هرنه ائلر چیخانماز
گؤرر بیر آتلی گئچیر، چاغیرار:
آی گلن آتلی! آی گئدن آتلی!
خان ائوینه گئدرسن، پنیر چؤرک یئیرسن، سیچان بگه دئیرسن:
پیس خانیم پیستا خانیم دۆشۆب دوه آیاغی درین گؤله! تئز گلسین منی چیخارتسین.

بئله ده یازیبلار:

تاپبیر توپبور آتلی‌لار
تیکمه قارا بؤرکلولر
خان ائوینه گئتدیلر
سیچان بیه دئدیلر

ساچی‌سارایی خانیم
دونو دارایی خانیم
دوشوب ده‌وه ایزی درین قویویا

فاطمه عبدی:

منیم آنام دا دئییردی بو ناغیلی
ساچی اوزون سارای خانیم
بویو اوزون بورای خانیم
دوشوب دَوَه رَددی درین گؤله
چیخا بیلمیر، قیزیل نردیوان گتیرین

محمود رازلیقلی:

رازلیق نسخه‌سی:
پؽسپؽسلا پالتار یویاندا
تۆشدۆ ائششک باتلاغینا
گلن آتلیلاری گؤروب دئدی:
«آی آتلیلار وای آتلیلار
ال آیاغی بول آتلیلار
خان ائوینه گئدرسیز
تویوق پیلوو یئیرسیز
خان سیچانا دئیرسیز
ساچی اوزون بورای خانیم
آیاقلاری دارای خانیم
توشوب ائششک باتلاغینا
چالخام چالخام چالخانیر»

ائل‌غمی:

سیچان بیر پوسپوسایا عاشیق اولموشوموش ،اونو دعوت ائیلیر ائوینه،گلنده دوشور بیر آتین نالینین یئرینه،اوردا سسله نیر کی: آی گلن آتلی،آی گئدن آتلی،گئدیرسیزخان ائوینه،چوره ک یاپانلار ائوینه، دیین او سیچان دولوک بئی لره،بورکو دولوک بئی لره،دورماسین گلسین،پیس خاتون، پیسما خاتون، زاری پولک زنجیره خاتون، دوشوب درین درین دریالارا.

آتلی لار آی آتلی لار
آتلارین اویناتدیلار
گئدرسوز خان ائوونه
چیلو پیلوو ییرسوز
سیچان بیه دییرسوز
پیسپیسا توشوب درین درین دریالارا گلنمیر 😁

آتلی لار آی آتلی لار تیرمه قره بورک لو لر
گئدر سیز خان اوئینه
پنیر چورک ییرسیز
سیچان به یه دییرسیر
ساچی سارایی خانیم
دونو دارایی خانیم
دوشوب سوقویوسونا چیخانمیر

#Qara_ilan

#Azərbaycan_xalq_nağılı

#nağıl

#مار_سیاه

#داستان_عامیانه_آذربایجانی

#ادبیات_کودکان

گویندگی: به زبان تورکی
( تورکی آذربایجانی )

زمان:  00:03:26

حجم: 1.20MB

فرمت: MP3

@Turkkitablar

کتابفروشی آنلاین کتابتاپ از طریق تلگرام و اینستاگرام سفارش کتاب می‌گیرد و به هر جایی که دست پست ایران می‌رسد ارسال می‌کند.
https://tttttt.me/kitaptap2024

دئییرلر: بیر اوْدونچو هر گون مئشه‌یه گئدیب، اوْدون قیریب سونرادا گتیریب بازاردا ساتاردی. بیر گون کیشی اوْدون قیراندا بیر آیی قاباغینا چیخیر. آیی اونا دئییر کی:
من اوْدون قیریب داشیماقدا سنه کؤمک ائده‌جه‌یم.  سن ده عوضینده منه یئمک وئر. اوْدونچو آیی ایله ایشه ال قوشان گوندن چوخلو اوْدون گتیریب ساتیب، گذرانی چوخ یاخشی اولموشدو. بیر گون اوْدونچو آیی‌یه‌ یئمک وئرنده قاییدیر کی:
آدام کیمی یئیه بیلمیرسن؟ نییه ایت کیمی گَوه‌لَـییرسن؟
آیی دورور آیاغا یولا دوزه‌لیر. اوْدونچو نه قدر چاغیریرسا جواب وئرمیر.
آرادان بیر – ایکی گون گئچیر. بیردن نئجه اولورسا اوْدونچو گینه آیی ایله راستلاشیر. سوروشور:
آی آیی سنه نه اولوب؟ نییه منه کؤمک ائیله‌میرسن؟
آیی اوْدونچویا دئییر: تئز اول الینده کی بالتا ایله منیم باشیمی یار. یوخسا سنی پارچالارام.
اوْدونچو جانی‌نین قورخوسوندان آیی‌نین باشینی یاریر. آیی باشی‌نین قانی آخا – آخا دینمزجه چیخیر گئدیر… اوْدونچو بیر – ایکی آی سونرا آیی ایله راستلاشیر. آیی باشینی  اوْدونچویا گؤستریب سوروشور:
باخ گؤر یارانین یئری ساغلیب یا گینه قان گلیر؟
اوْدونچو باخیر کی، آیی‌نین باشی لاپ ساغالیب. آرخایینجا قاییدیر کی:
بوتون  ساغالیب. ائله بیل هیچ یاراسی اولماییب. آما من هله ایندی ده بیلیرم کی، سن نییه باشینی یاردیردین!!
آیی اوْدونچویا دئییر:
یادینا گلیرمـی سن چؤرک یئینده سینه‌مه سؤز یاراسی ووردون؟  سونرادا من سنین الین‌له اؤزومه بالتا یاراسی ووردوتدوم؟ ایندی  بالتا یاراسی ساغالیب آما او دیل یاراسی ساغالمیر کی، ساغالمیر.
آیی بونو دئییب اوْدونچودان اوزاقلاشیر. بیرده اونون گؤزونه  گؤروشمور….
عزیزیم دیل یاراسی
آغیردیر دیل یاراسی
قیلینج دَگسه ساغالار
ساغالماز دیل یاراسی

منبع: آذربایجان فولکلوروندان

قارتال نیوز

@dasbulaq
https://qartalnews.ir/

هر کیم اؤز کؤچونو سورور.

Hər kim öz köçünü sürür.

هره اودو اؤز قاباغینا دئشیر.

Hərə odu öz qabağına deşir.

‎#دئییملر
‎#تورکجه

اوشودوم ها اوشودوم
داغدان آلما داشدیم
آلماجیمى آلدیلار
منه ظولوم سالدیلار
من ظولومدن بئزارام
درین قویو قازارام
درین قویو بئش کئچی
هانی بونون ارکئگی
ارکئگ قازاندا قاینار
قنبر یانیندا اوینار
قنبر گئتدی اودونا
اودون باتدی بودونا
اودون دئییل قمیشدی
بئش بارماقیم گوموشدی
گوموشی وئردیم تاتا
تات منه داری وئردی
دارینی وئردیم قوشا
قوش منه قانات وئردی
قاناد آلدیم اوچماقا
حاق قاپیسین آچماقا
حاق قاپیسی کیلید لی
کیلید دوه بوینوندا
دوه شیروان یولوندا
شیروان یولی سولودور
سودا بالیق دولودور
شیروان یولی سر به سر
ایچینده میمون گئزر
میمونون بالالاری
منی گورجک آغلادی
اورگیمی داغلادی
تومانینا قیغلادی
تومانی دلیک – دلیک
قورباغا بولوک – بولوک
قورباغانی حقلادیم
حسن بیگه ساخلادیم
حسن بیگین نه یی وار
چاکورـ چوخور اتی وار

خالق اینانجلاری

دیرناقلاری توتاندان سونرا، اونلارین هامیسین بیر یئرلی گؤتوروب زیبیل قابینا یوخسا کوللوگه آتاردیلار، دئیردیلر کیم دیرناقلاری داغیدسا، قیامت گونو قاچاندا تیکان اولوب آیاغینین آلتینا باتاجاق.

@dasbulaq


دوز داغیدماق

کیم دوزو گؤتوروب یئره سپسه، قیامت گونو اونلاری کیپریکلریله ییغدیراجاقلار. 🙄

#اینانج

حکایت

ایکی قونشو کند واریمیش، بیر چای‌ین اوتای بوتاییندا!
بونلارین هره‌سی آیری بیر حاکمین و اؤلکه‌نین الی آلتیندا اولسلاردا گل-گئدلری واریمیش، چایی آتداییب بیر-بیرینن خیرشر ائلرمیشلر.
بیر گون کندلرین بیرینین چوبانی، او بیری کنده گئدیب اوردا آریچی‌دان بال آلماق اوچون اونون دامینا گیریر. چوبانین ایتی‌ ده اونون دالیجا گئدیر.
آریچی بال چکرکن بال‌دان یئره دامیر، بونلار چکی حسابا دورارکن ییرتیق‌دن بیر سیچان او دامان بالا گلیر، آریچی‌نین پیشیگی سیچانی گؤررکن اوستونه یومولور، سیچان ائشیگه قاچیر، پیشیک ده دالییجا، چوبانین ایتی پیشیگی گؤروب توتور بوغور، اونلارین سسینه قاپیا چیخان آریچی چکی‌داشی ایله چوبانین ایتین وورور، ایت چاتداییر. (اؤلور)
چوبان بئله گؤرجک ال آغاجین قالخیزیب آریچی‌نین باشیندان وورور، آریچی اؤلور.
های دوشور کنده گلین، اوتای‌ین چوبانی ووروب بیزیم کندین آریچی‌سی اؤلوب، یئردن دوران الینه آغاج داش گؤتوروب چوبانین اوستونه یومولوب ووروب اؤلدورورلر.
خبر اوتای کنده چاتیر، نه اوتوروبسوز او کندلی‌لر ووروب چوبانیمیزی اؤلدوردولر.
اولار دا بئل شنه، ال آغاجی، کرکی داش دمیر گؤتوروب بوتای کندین اوستونه جار گتیریرلر، اوتای بوتای ووروشوب آرالاریندا اؤلوب یارالان اولور، خبر بئیگ‌لرینه چاتیر اوردان دا خبر حاکم‌لره ... حاکم‌لر بوتایلی جاماعاتین اوتای علئیهینه و اوتایلی بوتایین علئیهینه قورشالاییب بؤیوک بیر ساواش اوچون یولا سالیرلار ... بیر آی‌دان سونرا بؤیوک بیر دوزنلیکده ایکی قوشون ساواشیب بیربیرین اؤلدوروب داغیدیب یارالی پارالی قاییدیب گئدیرلر ...
آنجاق او بئله قوشوندان کیمسه بیلمه‌دی او ساواش نه‌دن اولدو ...

#فولکلوروموز

@dasbulaq